41193
Reklama va hamkorlik uchun: @IkromSharif_reklama_bot
Қалбларимизга Аллоҳнинг розилиги ўрнашса, ҳаммаси янада гўзалроқ бўлиб қолади…
@IkromSharif
Раҳмдиллик сотиб олинмайди, ўзлаштириб олинмайди, ўрганиб ҳам олинмайди. У мусаффо қалблар тубида яширинган бўлади.
@IkromSharif
Шукр қилиш — бор неъматларимизни сақлаб қолади, йўғини эса жалб қилади.
@IkromSharif
Ҳар қанча ўрганмайин, борган сари билмаслигимни англаб боравердим.
@IkromSharif
Ибн Умар розияллоҳу анҳудан ривоят қилган ҳадисда Расулуллоҳ соллаллоҳу алайҳи васаллам: «Ким «Каҳф» сурасини жума куни ўқиса, қиёмат куни унинг қадами остидан нур чиқиб, осмону фалакни ёритади ва унинг икки жума орасидаги хатолари кечирилади», деганлар.
(Ҳофиз Абу Бакр ибн Мaрдавайҳ)
Абу Исҳоқ қуйидагиларни айтади: «Ал Баррознинг қуйидагиларни айтаётганини эшитдим. Бир киши «Каҳф» сурасини ўқий бошлади. Ҳовлида бир ҳайвон бор эди. Шунда, ҳайвон безовта бўла бошлади. Ҳалиги киши қараса, уни булут ўраб турибди. Бўлган ҳодисани Расулуллоҳ соллаллоҳу алайҳи васалламга айтиб берган эдик, У зот алайҳиссалом: «Эй фалончи, ўқийвер, у Қуръон тиловати учун тушган сакийнадир», дедилар».
(Имом Бухорий, Имом Муслим ва Имом Аҳмад)
Абу Дардо розияллоҳу анҳудан ривоят қилган ҳадисда Расулуллоҳ соллаллоҳу алайҳи васаллам: «Ким «Каҳф» сурасининг охирги ўн оятини ўқиса, Дажжол фитнасидан сақланади», деганлар.
(Имом Муслим)
Яна бошқа бир ривоятда: ''Аввалги ўн оятини ёд олса, Дажжол фитнасидан сақланади'' дейилган.
🌐Telegram | 🌐Instagram | 🌐Facebook | ▶️IkromSharif">You tube
Ниятимиз рост ва яхши бўлса, қандай ҳолда бўлмайлик, биз учун яхшиликдир. Аллоҳ бизга амал қилганларнинг савобини бераверади.
Беморга ёрдам беришингиз учун пулингиз йўқ. Аммо сиз «Пулим бўлса, мен ҳам бошқалар қатори ёрдам берар эдим», дея яхши ният қилаверинг, Аллоҳга синиқ қалбингиз ила рўбарў бўлинг. Аллоҳ таоло ниятингизнинг поклигини билса, беморга ёрдам бера олмаган бўлсангиз ҳам, сизга ажр бераверади.
Беморлигингиз туфайли жамоат намозига чиқа олмадингиз. Соғлигингизда доимо жамоатда эдингиз. Роббингизга дардингизни айтинг: «Роббим, ожиз бўлганим, заиф бўлганим учун муаззиннинг: «Намозга шошилинг» деган нидосига жавоб бера олмаяпман. Сен мени яхши биласан. Соғ бўлганимда жамоатга албатта борар эдим». Ниятингиз содиқ бўлса, Аллоҳ сизга жамоатга чиққанларнинг ажрини беради. Шарти шуки, тузалгандан кейин шу айтган гапингизни, синиқлигингизни амалда исбот қилишингиз керак.
Яхшилик сабабларини қўлдан келганича қилавериш керак. Савобга амал билан ета олмасак, ният билан албатта етамиз, иншоаллоҳ!
@IkromSharif
Farzandiga xususiy maktab qidirayotgan ota-onalar uchun yangilik
🏫 Mudarris maktabi Uchtepa tumani Katta Qa'ni mahallasida va Vatan kinoteatri yaqinida ochilayotganligi munosabati bilan ota-onalar uchun "Ochiq eshiklar kuni"ni o‘tkazmoqda.
O‘quvchilarining 450 ga yaqin nafari xalqaro musobaqa va olimpiadalarda qatnashgan.
67 nafari ingliz tili va arab tilidan CEFR sertifikatini qo'lga kiritgan maktabda farzandingizni ta'lim olishini istasangiz, ochiq eshiklar kuniga ro‘yxatdan o‘ting.
✍️ Ro‘yxatdan o‘tish
📅 Sana: 19-iyul
📞 Tel raqam: 55-513-75-75
📍Vatan filiali
📍Qo'yliq filiali
📍Katta Qa'ni filiali
@mudarris_maktabi | mudarrismaktabi.uz
Дўстлар йилдан-йилга тўкилиб бораверади:
Баъзилари қалбдан тўкилади.
Баъзилари хотирадан тўкилади.
Бошқа бировлари эса кўздан ғойиб бўлади.
Ана шундай пайтларда бахт-саодат дўстларнинг кўплигида эмас, балки уларнинг қийматида эканини англаб етамиз.
@IkromSharif
Сахар вақтидаги дуо ва истиғфор туфайли хаётингда мўжизалар содир булади…
@IkromSharif
Жаннат сўрасанг, «Аллоҳим, Сендан жаннат сўрайман», деб айтма, чунки дўзахга тушиб, кейин жаннатга кирадиганлар ҳам бор. «Аллоҳим, ҳисоб-китобсиз, азоб- уқубат кўрсатмай жаннатга дохил қил», дегин.
@IkromSharif
Ота - Сиз ҳоҳлаган барча нарсани бера олмаса ҳам ўзида борини берадиган зотдир..
@IkromSharif
Талҳа ибн Абдурраҳмон ибн Авф Қурайшнинг энг сахий кишиларидан эди. Бир куни хотини унга деди:
– Ака-укаларингиз ёмон одам экан.
– Нега?
– Бойлигингизда сиздан ҳар куни хабар олишади. Камбағал бўлсангиз, умуман келишмайди.
Талҳа шундай деди:
– Аллоҳга қасамки, бу — уларнинг гўзал ахлоқ соҳиби эканидандир. Уларни икром қилишга қодир бўлганимизда келишади. Бунга қодир бўлмаган пайтимизда хижолат бўлмасин деб, келишмайди.
Мовардий айтадилар:
«Талҳа ўзининг гўзал хулқи билан бу ишни гўзал таъвил қилганига боқинг. У биродарларининг ёмон феълини гўзал ишга айлантирди. Ошкора хиёнатини вафога дўндирди. Бу иш қалб саломатлиги дунёда роҳат, охиратда эса ғанимат эканига далолатдир. Бу иш жаннатга киришнинг сабабларидандир».
@IkromSharif
Оила — ҳаётдаги энг муҳим бойлик.
Кун давомида яхши воқеалар ҳам, ёмон ҳолатлар ҳам бўлиши мумкин.
Лекин ҳар сафар уйга қайтганингда сени интизор кутадиган кишининг бўлиши — бу энг катта бахтдир.
@IkromSharif
Дуонинг ижобатига ҳеч нарса гуноҳчалик халақит қилмайди.
@IkromSharif
Илмнинг камоли ундан фойдаланишда, амалнинг камоли эса уни оз деб билишдадир.
@IkromSharif
Нега Каҳф сураси фитналардан қалқон бўлади?
Ҳар бир замоннинг ўз синови, ўз фитнаси бор. Лекин инсоният тарихидаги энг оғир фитна – бу Дажжол фитнасидир. Расулуллоҳ соллаллоҳу алайҳи ва саллам бу ҳақда шундай деганлар:
“Агар у (Дажжол) чиққан пайтда мен ораларингизда бўлсам, уни сиз учун мен даф қиламан. Агар мен бўлмасам, ҳар бир инсон ўзини ўзи ҳимоя қилсин!”
(Имом Муслим)
Бу ҳадис Дажжол фитнасининг қанчалик оғир ва даҳшатли эканини кўрсатади. Шундай бир оғир фитнадан сақланиш учун Пайғамбаримиз соллаллоҳу алайҳи ва саллам Каҳф сурасини ўқишни тавсия қилганлар.
Расулуллоҳ соллаллоҳу алайҳи ва саллам дедилар:
“Ким Каҳф сурасининг аввалидаги (ёки охиридаги) 10 оятни ёд олса, Дажжолдан омонда бўлади.”
(Имом Муслим ва имом Абу Довуд)
Бу оддий ҳимоя эмас, энг катта фитнадан ҳимоядир.
Энди бир савол туғилади:
Агар Каҳф сураси энг катта фитнадан қўрғон бўлса, у ҳолда бошқа фитналардан ҳимоя бўладими?
Каҳф сураси – ҳар бир замон учун қалқон!
Уламолари айтадилар:
Каҳф сурасида 4 та асосий фитна ҳақида сўз боради:
1. Иймон фитнаси – Каҳф аҳли (ғор соҳиблари) қиссаси орқали.
2. Мол дунё фитнаси – икки боғ соҳиби қиссасида.
3. Илм фитнаси – Мусо ва Хизр қиссасида.
4. Қудрат ва зулм фитнаси – Зулқарнайн қиссасида.
Бу қиссалар ҳар бир замондаги одамларга фитналарга қандай муносибатда бўлиш кераклигини ўргатади. Шу сабаб, Каҳф сурасини мунтазам ўқиш – фақат Дажжолга қарши эмас, балки барча замонавий фитналарга қарши руҳий қалқон саналади.
Имом Нававий ва Ибн Ҳажар Асқалоний каби муҳаддислар таъкидлашган:
“Каҳф сурасидаги маънолар одамни нафақат Дажжолдан, балки барча шубҳа, бидъат, ахлоқий бузилиш ва шайтон васвасаларидан ҳам ҳимоя қилади.”
Яна айтишади:
“Бу сура инсонга ақийдада собит туриш, дунё васвасаларига алданмаслик ва ҳақ билан ботилни ажратишни ўргатади.”
Хулоса:
Агар сиз ҳаётингиздаги фитналардан – турли шубҳалар, гуноҳлар, моддий васвасалар, бузуқ ғоялар ва ахлоқий таназзуллардан омонда бўлишни истасангиз, ҳар Жума куни Каҳф сурасини ўқишни одат қилинг.
Бу нафақат Қиёмат фитнаси — Дажжолдан, балки бугунги замоннинг энг оғир фитналаридан ҳам ҳимоядир.
Аллоҳ таоло барчамизни Каҳф сурасининг нуридан бахраманд қилсин! Омин.
@IkromSharif
Инсонга тасалли бериш – кўнгил олишдир. Кўнгил олиш эса ибодатдир.
@IkromSharif
Сени хафа қиладиган нарсани онангга айтма, чунки онанг бунинг учун сендан бир неча баравар ортиқроқ қайғуга ботади.
@IkromSharif
Ҳаё бошни эгиш ёки юзнинг қизариши эмас.
Ҳаё – Аллоҳ сени қайтарган нарсаларида топмаслиги, буюрган нарсаларида йўқотмаслигидир!
@IkromSharif
Қалбинг солиҳ бўлса, ақлинг гўзал, фикринг тўғри, сўзинг ширин бўлади…
@IkromSharif
“Сен Менинг хотиржамлигимсан..”
деб туринг яқинларингизга…
@IkromSharif
Баъзи одамлар борки, бугун уни бахтли қиладиган одамни топса, кеча уни бахтли қилган одамни дарров унутади.
@IkromSharif
Энг қадрли совға — бу эътибор.
Доимий, чин дилдан бўлган эътибор...
@IkromSharif
Умар розияллоҳу анҳунинг бир гапи бор: «Яхшиликнинг барчаси розиликдадир. Қўлингдан келса, рози бўл. Қўлингдан келмаса, сабр қил!»
@IkromSharif
Биз бу дунё ҳаётида худди рангли қаламлар кабимиз. Рангларимиз турлича бўлиб, бир биримизга мос тушмасак-да, лекин ҳаёт манзараси барчамиз бирга жам бўлганимиздагина мукаммал бўлади.
«Ҳикматлар чашмаси»дан
© Устоз Қудратуллоҳ Сидиқметов ҳафизаҳуллоҳ
@IkromSharif
Энг яхши инвестиция — фарзанд таълимига киритилган сармоядир!
@IkromSharif