1212
شاعر في خدمة اهل البيت عليهم السلام
الليالي الفاطميه 1448ه-2026م
لام الحسن نطلب ثار والمنتظر ننتظره
★★★★★★★★★★★★★★★★★★؛
نطلب بثار الماتت ومظلومه
العاشت وره سيد الرسل ملچومه
مهضومه بنت المصطفى مهضومه
بعد الرسول ام حسين ماتت وراه بعصره
★★★★★★★★★★★★★★★★★★؛
ثار الزچيه عايش ويه دمانه
هيهات نترك كلمن تحدانه
الگايل وأن لازم نگص السانه
كلمن هجم عالزهراء نصين راسه نشطره
★★★★★★★★★★★★★★★★★★؛
قتلوها ما راعو قدر والدها
ماتت وباقي اثر سطره بخدها
لازم مصيبة فاطمه نجددها
ننصب عزاء بكل يوم عالزهره ننعى ونقره
★★★★★★★★★★★★★★★★★★؛
ما ننسى واللٰه الضلع ضلع الزهره
يوم التجاسر نذل طگ الدره
ملعونه عدنه تظل ذيچ الزمره
عالعهد نبقى للموت نطلب بثار الحره
★★★★★★★★★★★★★★★★★★؛
ننتظر غايبنه بعجل يلفينه
والسطر عين الزهره يقلع عينه
كل الگلوب تنادي يا مهدينه
طال الفرج عالموعود يا ربي عجل امره
★★★★★★★★★★★★★★★★★★؛
يالمنتظر عجّل وشيل الصارم
تنتظر ثار الضلع امك فاطم
بالمحكمه الكبرى نريد تحاكم
كلمن ظلم أهل البيت بالحكم تكسر ظهره
★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
الليالي الفاطميه 1448ه‍ـ2026م
ياذي الضلع كسره
وصعب الكسر جبره
يا يمه يالزهره يا يمه يالزهره
★★★★★★★★★★★★★★★★★★★★؛
لحظة فراگچ ييمه لحظه صعبه على بنيّتچ يالحنينه
ادري يمه تعذبيتي بكسر ضلعچ وعذبيناچ ابچينه
وين نلگه مثل حضنچ مثل طيبچ يالحبيبه شصار بينه
يا يمه يا روحي
يا بلسم جروحي
يا يمه يالزهره يا يمه يالزهره
★★★★★★★★★★★★★★★★★★★★؛
آه من نار الفراگ ومن المها يا وداعچ هد كياني
عيني ما شبعانه من شوفت عيونچ رحتي عني وطفله اني
اشفت من عمري ييمه وفارگيتچ ترى فراگچ عذباني
بعدچ بقت زينب
نار الگلب يلهب
يا يمه يالزهره يا يمه يالزهره
★★★★★★★★★★★★★★★★★★★★؛
من نبت بسمار بضلوعچ يروحي چني احسه ضلعي صابه
دمچ الطاح اعلى باب الدار اشعر چان دمي يا عذابه
حيلچ تهدّم ييمه وحيلي مثله هم تهدم من مصابه
انا انكسر ظهري
ودم الدمع يجري
يا يمه يالزهره يا يمه يالزهره
★★★★★★★★★★★★★★★★★★★★؛
شلون گلبي تحمل وشفتچ رميه وشفت محسن عالوطيه
راح اخوي الغالي والمنتظره جيته وبرحيله شصار بيه
كسرة ضلوعچ تخلي العين تبچي دموع حمره يالزچيه
راح الاخو مني
وامي مشت عني
يا يمه يالزهره يا يمه يالزهره
★★★★★★★★★★★★★★★★★★★★؛
يمه يا شمعة البيت ويا ضوانه من مشيتي ظلمه صارت
ما اطيق الدنيا من بعدچ ييمه وبرحيلچ الدنيا جارت
ما شفت لحظات راحه من غيابچ ونار فگدچ بيه فارت
جرحي فلا يبرد
والطم عليچ الخد
يا يمه يالزهره يا يمه يالزهره
★★★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
قصيده بمناسبة مولد النبي محمد صلى اللّه عليه وآله وسلّم
بميلاده اشرق عالكون والكون بيه اتنور
مولد رسول الرحمٰن بيه الخلائق تفخر
؛★★★★★★★★★★★★★★★★★
ليلة فرح بيها نتفاخر واللٰه
ينولد بيها إنسان محد ساواه
اسمه محمد والنسب أشرف جاه
رب العرش أهلاً وسهلاً حياه
فاح الورد هذا اليوم والورد بيه اتعطر
مولد رسول الرحمٰن بيه الخلائق تفخر
؛★★★★★★★★★★★★★★★★★
بالمصطفى تزيّن ربيع الأول
اعظم رجل بالكون شهره استقبل
هذا النبي من الأنبياء الأفضل
أسبتشرت بيه الملائك من هل
دگات گلبي تناديه يا هلا بهذا الجوهر
مولد رسول الرحمٰن بيه الخلائق تفخر
؛★★★★★★★★★★★★★★★★★
بن آمنه الحره وابوه عبدالله
إنطاهم الباري فضل من فضله
بين الخلائق يا بشر يوصلّه
كل الصفات الطيّبه بيه تتجله
اعظم إنسان بهالكون عالكون هالليله أزهر
مولد رسول الرحمٰن بيه الخلائق تفخر
؛★★★★★★★★★★★★★★★★★
طه وجوده للخلائق نعمه
رحمة الباري البيه نزول الرحمه
روح المحب هالليله راحت يمه
كل احنه فدوه نروح لحروف اسمه
حب النبي بينه يعيش وحب الزچيه وحيدر
مولد رسول الرحمٰن بيه الخلائق تفخر
؛★★★★★★★★★★★★★★★★★
صار النبي البيه الاسلام اتعلّه
البيه أنبياء ألّله اتبّاهى ورسله
فوق الكره الارضيه محد مثله
انسان معنى الدين هوه يمثله
شكراً يبو الزهره نصيح بفضلك نجينه من الشر
مولد رسول الرحمٰن بيه الخلائق تفخر
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصيده للإمام الحسن العسكري عليه السلام (ميمر كربلائي)
بشباچه ذب الحاجات والعسكري يگظيها
؛★★★★★★★★★★★★★★★★
للعسكري من تگصد بروحيه
سلّم عليه وحاجتك مگظيه
ما تطلع إلا وجعبتك ممليه
لا ما يردك والله بس نيّتَك صفّيها
؛★★★★★★★★★★★★★★★★
قبله للعالم اصبحت سامره
بيها الامام البيه تلوذ الفقره
ترتاح نفسي من اشوف الحضره
گبّته راحه للروح لمّن اصد اعليها
؛★★★★★★★★★★★★★★★★
كل الجموع اللي تطوف بصحنه
من زارته زارت بهاي الجنه
يا ربي من زواره ندعي اكتبنه
من ضمن سجل الزوار اسمائنه خليها
؛★★★★★★★★★★★★★★★★
والد المهدي تهتدي بيه الناس
راعي الكرم بالكرم لا ما ينقاس
شبّاچه ينطي الخير لمّن ينباس
فاتح مضيفه للناس وكل الخلق ينطيها
؛★★★★★★★★★★★★★★★★
راعي الشهامه البيه نشيل الهامه
يجاهد النصرة دينه گظه أيامه
يقبلنه بلكي نصير من خدامه
اقبلنه خدام نصير كلمه بشرف نحچيها
؛★★★★★★★★★★★★★★★★
راعي المحنه شگد حنين اعلينه
ينطينه كلشي وكلشي ما منطينه
كلما نمدها تنترس چفينه(چفوفنه)
وبحضرته راعي الجود كل العلل يشفيها
؛★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصيده للامام الحسن العسكري عليه السلام
ليلة دمعه وليلة آه ابن الهادي فارگناه
مسموم مودع دنياه مسموم مودع دنياه
★★★★★★★★★★★★★★★★★★★؛
ليلة حسره وليلة فرگه وليلة هم
گلب الموعود هواي الليله تألم
مفارگ والد بيه كل شيعي يتشيم
مسموم من ارجس خلق الله الما ترحم
نعزي الموعود الليله مهضوم ودمعه يسيله
كاسر ظهر ابنه بفرگاه مسموم مودع دنياه
★★★★★★★★★★★★★★★★★★★؛
شاف المظلوم شگد آهات بعمره
من موطن جده وجابوه السامره
من محنه المحنه يجاهد خلص دهره
ما شاف الراحه وچانت دنياه مره
ظل يعاني من الظلّام الما عدهم ذرة اسلام
عالمسوم اصرخ ويلاه مسموم مودع دنياه
★★★★★★★★★★★★★★★★★★★؛
جبروه يقيم ابيت تحيطه العسكر
وممنوع الشيعه تقرّب صوبه وتحضر
لكن رقم كل العذاب اليقهر
ادّه الرساله وبالعلم ما قصّر
قدّم كلشي لاجل الدين كمّل دور اهله الطيبين
الوجه الباري عمره افناه مسموم مودع دنياه
★★★★★★★★★★★★★★★★★★★؛
غمّض عينه وعاف الشيعه تون وتنوح
بين اليطلم عالراس وبين المجروح
كلها تنادي يبن الهادي وين تروح
شالوه الگبره بدمع العين المسفوح
مو مثل حسين العطشان مگطوع الراس وعريان
مطروح ومحد شالاه مسموم مودع دنياه
★★★★★★★★★★★★★★★★★★★؛
راح المظلوم الخانت بيه الوادم
ومات بسم قاتل من چفوف الحاكم
باچر يُسترجع حقه بچف القائم
موعدنه ويه المهدي ونقتل كل ظالم
موعدنه ويّ الموعود بس يظهر والكون يسود
يا يوم ونحظه بملگاه مسموم مودع دنياه
★★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
صفر 1448ه-2026م
قصائد استشهاد النبي محمد صلى اللّه عليه وآله وسلّم
وداعاً يا رسول اللّه
؛★★★★★★★★★★★★
اليوم دنيانا اعلنت احزانها
واعلنت حالة حداد اكوانها
الليله موت المصطفى عنوانها
والجنان مفتحه بيبانها
تحييه يا هلا بملفاه
وداعاً يا رسول اللّه
؛★★★★★★★★★★★★
نهارها تنوح الزچيه وليلها
على والدها انهدم كل حيلها
تمشي گوه وحيدر يتچيلها
هيه تشكيله وَهو يشكيلها
يقتلوه كافر السمّاه
وداعاً يا رسول الله
؛★★★★★★★★★★★★
خيمة الاسلام طاحت هالمسه
مذهب الاسلام مات الاسسه
راح يا وسفه ابو خير النسه
بكل بقاع الأرض نعقد مجلسه
بالدموع نحزن بذكراه
وداعاً يا رسول اللّه
؛★★★★★★★★★★★★
الليله املاك السمه حزنانه
عالنبي تقيم العزاء ويانه
ابو الرحمه البالنعم غطّانه
غاب نوره والد الريحانه
اويلاه ترك حسره وآه
وداعاً يا رسول اللّه
؛★★★★★★★★★★★★
اعظم انسان العظيمه اخلاقه
الوجهه يضوي على الناس اشراقه
شوفته تمد البشر بالطاقه
ودوم للخير النفِس سبّاقه
ابو الخير رحل عن دنياه
وداعاً يا رسول اللّه
؛★★★★★★★★★★★★
علنت الليله حداد احبابه
تواسي بنته فاطمه بمصابه
دموعها ويه ام الحسن سچابه
وتظل حسره بالگلب لهّابه
مصابه بالگلب شلناه
وداعاً يا رسول اللّه
؛★★★★★★★★★★★★
راحل الفضله چبير اعلينه
البذل كل عمره وحياته الدينه
وصل حدها ويه الحياة سنينه
بحضن ابو الحسنين غمّض عينه
ابو حسين بالگبر خلّاه
وداعاً يا رسول اللّه
؛★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
https://youtu.be/6JUk8t06Hjc?si=ZhB64st5zRLcu3vv
Читать полностью…
صفر 1448ه-2026م
قصائد استشهاد الامام الحسن عليه السلام
عن حياة الحسن نذكر شي قليل
بالشجاعه والكرم ماله مثيل
يكتب الليله القلم عالشجاعه والكرم
؛★★★★★★★★★★★★★★★
الليله دنيا الحسن نحچي نبذه عنها
عن حياته الما وصل خمسين سنها
عبر ودروس ومعاني خذنه منها
قصة استشهاده دمعاتي حچنها
نذكر الليله عظيم من الزمن
نحاول نخفف معاناة الحسن
مبدأ اصحاب الهمم عالشجاعه والكرم
؛★★★★★★★★★★★★★★★
خاض وي حيدر حروب ابن الاشاوس
چان بيها الحسن فارس بالف فارس
چان ثوب الدين ثوب العلم لابس
بالشجاعه وبالكرم ماله منافس
مقصرين شنحچي عنه مو قبول
هذا قبّل فمّه حيدر والرسول
كل علم جده فَهَم عالشجاعه والكرم
؛★★★★★★★★★★★★★★★
الجَمَل تشهدله ترى وتشهدله صفين
ابو محمد چان قائد بالميادين
نكّس بصولاته اتباع الشياطين
ذراع حيدر بالحرب هوه والحسين
راية الحق شالها بوجه الضلال
نصرة الكرار هاي ابسط مثال
بعين اليضده سهم عالشجاعه والكرم
؛★★★★★★★★★★★★★★★
بالكرم محد يوَصّفه ابو محمد
امضيفه ما يحتاج باب وناره تشهد
من جهه للضيف بيته چان مگصد
ومن جهه للعنده حاجات يتفگد
ما ترك محتاج واحد لو فقير
وصل حد الكرم للطير اليطير
مبدأ الرحمه رسم عالشجاعه والكرم
؛★★★★★★★★★★★★★★★
حافظ اعلى الدين في لحظة الخذلان
والصلح وي الضلاله چان برهان
لأن يدري الناس ترتد تعبد اوثان
الخلافه عافها من أجل الايمان
راد حفظ الدين من الحاربوه
لأن يدري الناس باچر يغدروه
نعشه منهم ما سلم عالشجاعه والكرم
؛★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
https://youtu.be/PHnWNdgNgjk?si=1bNNQ9p95MjpReef
Читать полностью…
محرم 1448ه-2026م
قصيده للمشايه
علي وياك يمشاي علي وياك
؛★★★★★★★★★★★★★★★
مشاي طالع كربله الغايه
نحو الحسين ترفرف الرايه
من بعد شهر الدمع والحسرة
انترست بقاع الأرض مشايه
يتلگاك ابو حسين يتلگاك
علي وياك يمشاي علي وياك
؛★★★★★★★★★★★★★★
تلگه المواكب كلها خدامك
بدرب العشگ ما تتعب اجدامك
فرصه الزياره الأربعينية
ويّ الحسين تعيش أيامك
يحياك ينادونك يحياك
علي وياك يمشاي علي وياك
؛★★★★★★★★★★★★★★
عشگ الحُسين من المهد بينه
وعالخدمه والدمعه تربينه
لا ما نعوفه درب ابو سكينه
مشايته وبالروح شارينه
الگلب جاك يبو اليمه الگلب جاك
علي وياك يمشاي علي وياك
؛★★★★★★★★★★★★★★
كلمن يروح ويگصد الگبه
لحسين خل يتوجه بگلبه
درب الحسين الدرب للجنه
هنياله كل واحد مشه بدربه
ترى هناك ملاذ الكل ترى هناك
علي وياك يمشاي علي وياك
؛★★★★★★★★★★★★★★
ياللي تروح بنيّتك زاير
خلي الحسين يسجّلك حاضر
لتخلي يفتح دفتر اعمالك
ويشوف گلبك چان مو طاهر
ترى ادواك طريق الحق ترى ادواك
علي وياك يمشاي علي وياك
؛★★★★★★★★★★★★★★
من تمشي خلك گاصد بنيه
وحافظ على النعمه الحسينيه
گله يبو السجاد گاصدلك
بالمشي بلكي قابل اعليه
تعناك مُحب زاير تعناك
علي وياك يمشاي علي وياك
؛★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
https://youtu.be/wPpdQNgO2F4?si=ojX_LsK-0RoTffVS
Читать полностью…
محرم 1448ه-2026م
قصائد الامام السجاد عليه السلام
ويلي على السجاد ويلاه
ويلي على السجاد ويلاه
؛★★★★★★★★★★★
ليلة مصاب ابن الزچيه
مفجوع گلبي بهالمسيه
راحل أبو النفس الابيه
مسموم ويلي عاف دنياه
؛★★★★★★★★★★★
مكسور گلبي الليله مكسور
عالمات مثل الحسن مغدور
حد موته يلهج باسم عاشور
مصيبة العاشر تجري بدماه
؛★★★★★★★★★★★
عاش بحياه كلها معاناة
ما شاف بيها الراحه هيهات
من الطفوف بگلبه لوعات
ينسى مصاب حسين حاشاه
؛★★★★★★★★★★★
وشلون ينسى الشاف بالبعين
گدام عينه ذبحو حسين
وعباس وخوانه الميامين
وياهم تمنى الأجل وافاه
؛★★★★★★★★★★★
آ يالعليل ويا غربته
ظل عايش سنين بكسرته
ما ينسى يوم السبو عمته
بلوه عظيمه هاي بلواه
؛★★★★★★★★★★★
مرت عليه آلام وآلام
وأكثر الم من دخلو الشام
ابن الرساله شلون ينضام
ابن الرديه تالي سبّاه
؛★★★★★★★★★★★
الله يعينه الگلبه محروگ
من شاف زينب تدخل بسوگ
وي بچيه تبچي ظلت النوگ
مصاب العقيله كاسر اگفاه
؛★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم 1448ه-2026م
قصائد السبي
اويلاه يا غربة المظلومه
؛★★★★★★★★★★★★
بعد الجره والصار بالعاشر
ام الصبر صارت بلا ناصر
طلعت سبيه برفجة الفاجر
ولخوانها ظل يشبح الناظر
اويلاه ام الحزن ملچومه
اويلاه يا غربة المظلومه
؛★★★★★★★★★★★★
بعد الدلال برفجة اخوتها
بعد الشموخ وذيچ رفعتها
الچانت عزيزه وي عشيرتها
صارت اسيره وحيره حيرتها
اويلاه يا زينب المهضومه
اويلاه يا غربة المظلومه
؛★★★★★★★★★★★★
لفراگ الاعزاز الدمع هامل
ما شافت الراحه اخت ابو فاضل
من بقى يم المشرعه الكافل
أصبح گلبها بالألم حافل
اويلاه راحتها ما مقسومه
اويلاه يا غربة المظلومه
؛★★★★★★★★★★★★
هاي العقيله الطاهره الحره
هاي التمثل فاطمه الزهره
المن قبل محد شافها مره
بين الأجانب ظلت بحسره
اويلاه طلعت ركض بالحومه
اويلاه يا زينب المظلومه
؛★★★★★★★★★★★★
بين العساكر تمشي مچتوفه
وصارت الوادم طولها تشوفه
جرح العقيله محد يروفه
الذابحها سبي الشام والكوفه
اويلاه بيها المحن ملمومه
اويلاه يا غربة المظلومه
؛★★★★★★★★★★★★
سارت النوگ بولية اعداها
والدمعه ما فارگت عيناها
الوادم بالحجار اتّلگاها
ما چنه جدها المصطفى طه
اويلاه عالروحها مالومه
اويلاه يا غربة المظلومه
؛★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
محرم1448ه-2026م
قصائد السبي
وا ويلاه وا ويلاه زينب مشت مسبيه
؛★★★★★★★★★★★★★★★
هاي الأميره الدللوها اخوتها
الجاباها عباس وكفل ناگتها
من بعد عاشور ابتدت محنتها
اعظم مصيبه الغرب من شافتها
وا ويلاه وا ويلاه من الطف وطاريه
وا ويلاه وا ويلاه زينب مشت مسبيه
؛★★★★★★★★★★★★★★★
ناگه هزيله جابو البت حيدر
منهو اليصعدها وگمرها موذر
صاحت يعباس اختك بهم احضر
ما چنت من اختك قبل تتعذر
وا ويلاه وا ويلاه دمعي دمه جاريّه
وا ويلاه وا ويلاه زينب مشت مسبيه
؛★★★★★★★★★★★★★★★
طلعت النوگ وبالفواطم سارت
جارت الدنيا هواي بيهن جارت
تباريمن الحره العقيله احتارت
للنسوه والأطفال كافل صارت
وا ويلاه وا ويلاه ام المصايب هيه
وا ويلاه وا ويلاه زينب مشت مسبيه
؛★★★★★★★★★★★★★★★
عالناگه زينب وبحبل متگيده
صاحت يخوتي طايحين بشده
عباس هذا الشمر ياهو يرده
ويانه والله هواي جاوز حده
وا ويلاه وا ويلاه يا خويه لحّگ لَيه
وا ويلاه وا ويلاه زينب مشت مسبيه
؛★★★★★★★★★★★★★★★
كل العشاير خلّصت يسراها
بس العقيله محد تعناها
الچانت بعباس الگمر تتباها
الما يسوه شي تالي العمر شافاها
وا ويلاه وا ويلاه مخنوگه منها الريه
وا ويلاه وا ويلاه زينب مشت مسبيه
؛★★★★★★★★★★★★★★★
تبچي العقيله بسكته لو ضربوها
متريد مكسوره العده يشوفوها
هاي السبيه گامو يصيحوها
بديوان متروس بزلم دخلوها
وا ويلاه وا ويلاه من اليسر مچويه
وا ويلاه وا ويلاه زينب مشت مسبيه
؛★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصائد محرم 1448ه-2026م
ليلة 11 محرم (ليلة الوحشه)
وا غربتنا وا غربتنا يا ابا عبدالله
وا ضيعتنا وا ضيعتنا يا ابا عبدالله
؛★★★★★★★★★★★★★★★
زينب اختك زينب انا يالعفتني
فارگتني وعذبتني وشيّبتني
شگد صحت يحسين شو ما جاوبتني
بموتتك يا خويه چنك موتتني
وا محنتنا وا محنتنا يا ابا عبدالله
وا ضيعتنا وا ضيعتنا يا ابا عبدالله
؛★★★★★★★★★★★★★★★
يا غريب اسمع الم صوت الغريبه
اليا مصيبه انحب وابچي اليا مصيبه
طيحتك خلتي محتاره وكئيبه
يا حبيب اليترك بمحنه حبيبه
وا حسرتنا وا حسرتنا يا ابا عبدالله
وا ضيعتنا وا ضيعتنا يا ابا عبدالله
؛★★★★★★★★★★★★★★★
چلچل الليل اعلى اختكم يا أهلها
شلون بين اجناب يتركها الكفلها
قصّتي بين الخلايق مَن مثلها
اخوان مثل نجوم تلمع راحو الها
وا حَيرتنا وا حَيرتنا يا ابا عبدالله
وا ضيعتنا وا ضيعتنا يا ابا عبدالله
؛★★★★★★★★★★★★★★★
طشروها عيالك حسين الحگ الهم
بيهم انسحگو وبيهم ضاع اثرهم
من لهيب النار متغير شكلهم
راح حاميهم بعد من يفزع الهم
وا هضمتنا وا هضمتنا يا ابا عبدالله
وا ضيعتنا وا ضيعتنا يا ابا عبدالله
؛★★★★★★★★★★★★★★★
ليل مظلم واحنه نسوان شبدينه
وعلي السجاد العليل مگيدينه
اليوم يا خويه ترى احنه تسلبينه
من الأجانب فقط تسترنه عبينه
وا كسرتنا وا كسرتنا يا ابا عبدالله
وا ضيعتنا وا ضيعتنا يا ابا عبدالله
؛★★★★★★★★★★★★★★★
حرگو خيمنه وبقينه بلا خيمنه
خيمه محروگه فقط بيها گعدنه
وين ذيچ احبابنه وجمعت زلمنه
چانت بيوت الشرف والعز تلمنه
وا لهفتنا وا لهفتنا يا ابا عبدالله
وا ضيعتنا وا ضيعتنا يا ابا عبدالله
؛★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
الليالي الفاطميه 1448ه‍ـ2026م
الامام الحسين (ع) يخاطب فاطمة الزهراء (ع)
يالوديعه مصابچ يهيج روحي
من جروحچ ييمه ورثت جروحي
دمع عيني نهر يجري
الكسر ضلعچ يگص نحري
★★★★★★★★★★★★★★★★★★؛
يبعد الروح يالزهره عليچ الروح مچويه
من الباب والبسمار دمعي دموم جاريّه
عن الجسد غابت روح والبيت اختفه ضيه
عفتي حسينچ معذب ظل بس النفس بيّه
يا عذابي بفرگتچ ألم متواصل
شلونه حالي وأشوفن حبيبي راحل
وبرحيلچ شلون صبري
الكسر ضلعچ يگص نحري
★★★★★★★★★★★★★★★★★★؛
الدنيا الواسعه ضاگت بيوم الفارگيتيني
ما غمضت براحه العين يوم الغبتي عن عيني
محله عشرتچ يمه شمحله من تشبگيني
تحطيني على صدرچ وبحضنچ تگعديني
يا حسرتي بغيابچ مرار ايامي
چان وجهچ اشوفه وتطيب الامي
بعد بيمن افك عسري
الكسر ضلعچ يگص نحري
★★★★★★★★★★★★★★★★★★؛
ترست الگبر بدموعي وظلت بالگلب هضمه
بدونچ يا بعد روحي نعيش شلون يا يمه
چنتي عايشه ويّاي ويّ الهوى الاشتمه
فگد الام فگد دنيا لچمه وآه من لچمه
الفاگد أمه بفگدها فگد حنيه
يگظي عمره مناحه وتضيگ الريه
يالحنينه خذتي عمري
الكسر ضلعچ يگص نحري
★★★★★★★★★★★★★★★★★★؛
الزمره الهجمت اعلى الباب بذبحچ يمه ذبحتنه
بدمهم حقد لهل البيت من الوالد الابنه
باچر كربلاء تشهد توگف هالزمر ضدنه
من ظلمتچ يالزهراء بدت كلها مصايبنه
الحرگ بابچ ييمه يشب خيامي
السطر وجهچ يطگني ويكسر عظامي
بعد عينچ يخون دهري
الكسر ضلعچ يگص نحري
★★★★★★★★★★★★★★★★★★؛
يمه الكسرو ضلوعچ ولدهم يكسرون ضلوع
بخيل الاعوجيه انداس والحافر علي مطبوع
تظل ايتام تتلوع وچم مفجوعه چم مفجوع
خيانتهم طبع بيهم بدمهم يسري هالموضوع
والخيانه بداها العليچ تجاسر
وتظل بيهم خيانه لجيلٍ آخر
يمه بعدچ هذا يجري
الكسر ضلعچ يگص نحري
★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
مولد الصادق وجده/ الرادود علي محمد البغدادي/ موكب خدمة خدام الحسين (ع)/ ...
https://youtube.com/watch?v=3XRjBoaGv-Q&si=fvMuTxDxTkgVC0g2
قصيده بمناسبة مولد النبي محمد صلى اللّه عليه وآله وسلّم والإمام جعفر الصادق عليه السلام
مولدين بفرحه وحده مولد الصادق وجده
؛★★★★★★★★★★★★★★★★★
الليله من گد الفرح عاجز كلامي
بمولد المصطفى والصادق امامي
ابد ما تنوصف افراحي وهيامي
الهم بهذا المكان ابعث سلامي
الليله شايل بيدي ورده مولد الصادق وجده
؛★★★★★★★★★★★★★★★★★
استبشرت كل الخلائق هالمسيه
نولد اعظم بشر ما فوق الوطيه
اليوم فرحانه الثرى وي الثريه
وبالسماء السابعه الفرحه البهيه
يشع منه النور خده مولد الصادق وجده
؛★★★★★★★★★★★★★★★★★
مولدين اليوم عدنه وفرح عامر
بمولد المصطفى يتكحل الناظر
ومولد الصادق الوسط الروح حاضر
الليله بالافراح مليانه المشاعر
تنولد روح الموده مولد الصادق وجده
؛★★★★★★★★★★★★★★★★★
مولدين القدر جامعهم سويه
احلى صدفه وبيها فرحانه البريه
الليله مبتسمه أهل الگلوب النقيه
تهني ابو القاسم وامام الجعفريه
بأجمل الابيات انشده مولد الصادق وجده
؛★★★★★★★★★★★★★★★★★
عن فرحنه نعبّر بهاي المحافل
صوتي يم المصطفى بهالليله واصل
بهالحياة ارضي نبي الرحمه أحاول
واحلى فرحه كون عن أعمالي قابل
بوجهي بابه ما يسده مولد الصادق وجده
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
https://youtu.be/QkPsyrvU8C8?si=wZ1R7s1k1Q9byZOB
Читать полностью…
https://youtu.be/UTwvScbjyuc?si=a2R_VtJjoZJSU7eK
Читать полностью…
صفر 1448ه-2026م
قصائد استشهاد النبي محمد صلى الله عليه وآله وسلّم
يالغالي يالغالي عني رحت عني
تدريني من بعدك يفت الصخر وني
؛★★★★★★★★★★★★★★★★
اليوم بنتك فاطمه الهم شيباها
وبوداعك عمري دنيا ودعاها
جرحي ما يشفه بعد موتك يطه
والأخذ روحك ترى روحي خذاها
يا بويه بوداعك السممك سممني
تدريني من بعدك يفت الصخر وني
؛★★★★★★★★★★★★★★★★
چنت من غبشه تجيني بوجه ضاوي
شگد محنه وطيب گلبك بويه حاوي
هسه احس البيت بعدك صار خاوي
رحت والظلت تدگ بابي النعاوي
من غبت عن عيني چني متت چني
تدريني من بعدك يفت الصخر وني
؛★★★★★★★★★★★★★★★★
فارگت طولك يبو النفس الابيه
يا وسف خانتك اصحاب الرديه
وجهك الما عافاني صبح ومسيه
ضمه التراب وصبح مبعد عليه
لو تسمع اونيني يا بويه جاوبني
تدريني من بعدك يفت الصخر وني
؛★★★★★★★★★★★★★★★★
بويه لمّن رحت گومك ما رعوني
وبغيابك عذبوني ومرمروني
اعليك حتى من بواچيي امنعوني
وبقتل حيدر او ولدي هددوني
لا ما رعو بنتك ولا صغر سني
تدريني من بعدك يفت الصخر وني
؛★★★★★★★★★★★★★★★★
حين ساعت موتتك يا بويه حانت
بعدك اعلى المغتسل والگوم خانت
وبالسقيفه الباغيه تجتمع چانت
موتتك وسفه عليهم بويه هانت
ما چن نبي الأمه للموت متعني
تدريني من بعدك يفت الصخر وني
؛★★★★★★★★★★★★★★★★
رحت بويه وظل وراك بحيره حيدر
كلها صارت ضده كلها زمرة الشر
ما رعو صولاته بالخندق وخيبر
الحقد مالي گلوبهم ضد الغضنفر
رادو هدم دينك والمرتضى يبني
تدريني من بعدك يفت الصخر وني
؛★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
صفر 1448ه-2026م
قصائد استشهاد الامام الحسن عليه السلام( ميمر كربلائي)
الليله الكريم اهل البيت نصبت عزيه احبابه
؛★★★★★★★★★★★★★★★★★
السيد شباب الجنه ننصب مأتم
بنوح ولطم ودموع تسچب من دم
نور الزچيه اليوم ميت بالسَم
عالشيعه ابن الكرار والله عظيم مصابه
؛★★★★★★★★★★★★★★★★★
راح ابو محمد والترب ضم خده
وظلت وراه تنحب بناته أو ولده
وظهر الحسين انكسر لحظة فگده
بوسط اللحد حطه حسين وبچفوفه هال ترابه
؛★★★★★★★★★★★★★★★★★
ظل ينعه يمه حسين آ يبن امي
يالچان بيك يزيد حيلي وعزمي
راحل وتدري اعداك تطلب دمي
فرگاك يبن امي اليوم نار وتظل لهّابه
؛★★★★★★★★★★★★★★★★★
عالراس ظلت تلطم اخته الحره
نوح أو ونين وحسره تتبع حسره
صاحت تعالي الزينبچ يالزهره
واسيني بمصاب الحيد صوب دليلي صوابه
؛★★★★★★★★★★★★★★★★★
راح الامام المتقي والعابد
الخلص حياته بالحياة يجاهد
من أجل دينه بدنيته ظل زاهد
ظل يهم بهموم الناس حلّال كل اطلابه
؛★★★★★★★★★★★★★★★★★
راح ابو الجود الجوده محد حده
راحل الچانت سفرته ممتده
الأغنياء والفقره شبعو عنده
صاحب الخير المهيوب للخير فاتح بابه
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
صفر 1448ه-2026م
قصيدة للسيده رقيه عليها السلام
رقيه من بعد ما يسروها
حلم چانت تشوف حسين ابوها
واتحقق حلمها بالخرابه
★★★★★★★★★★★★★★★★★★★★؛
رقيه الدهر عذبها مصاب حسين شيبها وفجعها
بعد ما غاب بالعاشر وراه ظل يكسر الخاطر وضعها
اعليها حرگو الخيمه وطلعت ركض باليهيمه بدمعها
داست جمر رجليها نذل سلّب تراچيها وصفعها
تركض والنذل يركض وراها
رادت ناصر ومحد اجاها
آ يا محنة الطف وعذابه
★★★★★★★★★★★★★★★★★★★★؛
بدرب اليسر واللچمه تنادي عمه يا عمه الوحيده
وين الغالي حاچيني ابوي الساكن بعيني اريده
تگلها زينب بحسره حسينچ رايح بسفره بعيده
اصبري وخففي همچ حالچ حال بت عمچ حميده
ابوچ بعيد يا عمه رقيه
لو موجود ما رحتي سبيه
مشه لبعيد هوه والگرابه
★★★★★★★★★★★★★★★★★★★★؛
تنادي بويه شتموني يبويه ضربو متوني الأجانب
غبت چا وين عن عيني وي غربه تخليني وثعالب
حبيبة گلبك انهضمت عزيزة روحك انسلبت مصايب
وين امشي ونا زغيره ورحم ما بيها هالديره شعاتب
وينك عني ما تفزع يغالي
لظل انتظرك ايام وليالي
عدونه مشدد اعلينه الرقابه
★★★★★★★★★★★★★★★★★★★★؛
مشت بحبال مچتوفه من كربله للكوفه سبيه
وابوها حسين تنتظره بلكي يجي وتنظره رقيه
والله هواي اذوها ولارض الشام ودوها أميه
تصد ولا ولي يمها لا بوها ولا عمها الشفيه
تسيل دموعها وما لحظه تنشف
سياط اعلى الظهر وحبال بالچف
ما بيها رحم هاي الذيابه
★★★★★★★★★★★★★★★★★★★★؛
ارض الشام وصلتها البيها تصير موتتها رهينه
چانت امنيه عدها تشوف حسين والدها الحنينه
بخرابه نامت شويه وبوها شافته برؤية الحزينه
فزت تجذب الونه تصيح حسين اريدنه يجينه
من سمعوعها جابو راس الحسين
تگله وين عايفني يالحنين
عليه شبگت وصاحت آ يبابا
★★★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
https://youtu.be/eoBjVfqDno0?si=Twy_Zq6PsvKL4btW
Читать полностью…
https://youtu.be/qqHJ7r0P6EM?si=UbMgCYN89skDyPSr
Читать полностью…
https://youtu.be/02rSjzqtcCo?si=1_jbWDcdpW1ueo6E
Читать полностью…
محرم 1448ه-2026م
قصائد استشهاد الامام السجاد عليه السلام
عالسجاد عالسجاد ظلت الروح بلوعه
★★★★★★★★★★★★★★★★★★؛
لمصيبة السجاد انحب وانعى
رحلة حياته دمعه تتبع دمعه
من زغره لمصيبة علي صب دمعه
وشاف الحسن سم المصيبه يجرعه
من اصباه من اصباه يبچي وتصب دموعه
عالسجاد عالسجاد ظلت الروح بلوعه
★★★★★★★★★★★★★★★★★★؛
والفاجعه الكبرى الرءاها بعينه
بأرض الطفوف الخذت كل سنينه
ذبحو عمامه وأخوته وحسينه
وحبل المرض گيّد عليه چفينه
وا ويلاه وا ويلاه بتوت الگلب مگطوعه
عالسجاد عالسجاد ظلت الروح بلوعه
★★★★★★★★★★★★★★★★★★؛
اعظم مصيبه اعليه بيوم العاشر
شاف اعلى صدر حسين صاعد كافر
والأذته وظلت بگلبه تعاشر
من شاف ابوه يدوس فوگه الحافر
صاح احاه صاح احاه يالشيعتك مفجوعه
عالسجاد عالسجاد ظلت الروح بلوعه
★★★★★★★★★★★★★★★★★★؛
والأشد من كلشي وأشد لوعاته
بحبال شاف مچتفه عماته
گدام عينه تنضرب خياته
هاي المصيبه الما تفارگ ذاته
تهد اجبال تهد اجبال يا ونته المسموعه
عالسجاد عالسجاد ظلت الروح بلوعه
★★★★★★★★★★★★★★★★★★؛
ظل الألم عايش وياه كل عمره
من حرگ خيماته بقت بيه جمره
يبدي نهاره بحسره يخلص حسره
يا صبر شايل منهو يوصل صبره
عگب حسين عگب حسين محد يرجّع روعه
عالسجاد عالسجاد ظلت الروح بلوعه
★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
محرم 1448ه-2026م
قصائد السبي
اصعب ايامي البالسبي للشام من طبينه
؛★★★★★★★★★★★★★★★★★
زينب ومحنه محنتي
من فارگت طول اخوتي
للشام صارت رحلتي وحبالهم بايدينه
؛★★★★★★★★★★★★★★★★★
للشام دخلونه العده
وچانت الناس معيده
والحبل يجرحني غده وسياطهم تاذينه
؛★★★★★★★★★★★★★★★★★
امشي وتباوعلي البشر
يا ناس مت من القهر
بالحسره دلّالي استعر من النظر ملينه ★★★★★★★★★★★★★★★★★؛
بعد المشي وضرب الحجر
صارت خرابه المستقر
لا تحمي من حر لا مطر والشمس تلهب بينه
؛★★★★★★★★★★★★★★★★★
موقف الهد مني العظم
من دخلونه ويه الزلم
بديوان صرنه ننشتم ويزيد جار اعلينه
؛★★★★★★★★★★★★★★★★★
الشامت يگلي بمنبره
چا وين اخوتچ يا تره
وانا اخوتي فوگ الثره واحنه الدهر سابينه
؛★★★★★★★★★★★★★★★★★
وتعذبت لمّن شفت
راس الحسين بنص طشت
ضربوه بالعَصه وصحت يا نذل ما تلوينه
؛★★★★★★★★★★★★★★★★★
بالرغم من كل الجره
ظليت حره معتبره
انا مره بس يا مره اخت الگمر وحسينه
؛★★★★★★★★★★★★★★★★★
جعفر عطيه البزوني
رابط القناة @Jaffarattea
للتواصل @jaffarsds
قصائد محرم 1448ه-2026م
ليلة 13 محرم (ليلة دفن الاجساد الطاهره)
يا عمه وين تأخرت ما شفتك گبال العين
چنك مشيت الكربله الدفن ابو فاضل وحسين
★★★★★★★★★★★★★★★★★★★؛
عمتك وبالي منشغل يالعفت بالهم بالي
فجأه اختفيت من الأسر وتحيرت احوالي
انت البقيت النه السند ما عدنه غيرك والي
بالأسر صح بس يا علي ارتاح من تبرالي
حسيت للطف گوطرت تدفن اهلنه الميتين
چنك مشيت الكربله الدفن ابو فاضل وحسين
★★★★★★★★★★★★★★★★★★★؛
سولفلي وياك شحصل لمن رجعت الكربله
شلون ادفنت ذيچ الزلم ذاك الالم شتحمّله
گلبك يعمه شصبره وشفت الحيود بهالفله
الله يعينك من شفت مصرع حسين ومقتله
الله يعينك من شفت الفوگ الترب متطشرين
چنك مشيت الكربله الدفن ابو فاضل وحسين
★★★★★★★★★★★★★★★★★★★؛
گلها رحت لهلي البقو فوگ الترايب نومه
شفت الحسين اعلى الثره ومسلبين هدومه
سوده علي صاير وذر وأعضائه ما ملمومه
من الحوافر والسحگ متوزعه بالحومه
كل وذره من عنده بكتر ما چنه ابن النورين
چنك مشيت الكربله الدفن ابو فاضل وحسين
★★★★★★★★★★★★★★★★★★★؛
صوت اسمعت من النحر يا علي يبني يگلي
لمن تحطني بالگبر فوگ الصدر خل طفلي
عبدالله يا خويه صحت يا بعد اخيك ردلي
ردتك تظل لَيه السند ظلك يسير بظلي
والله الاخو حزام الظهر من عنده يتحصل وين
چنك مشيت الكربله الدفن ابو فاضل وحسين
★★★★★★★★★★★★★★★★★★★؛
ثم اتجهت اعلى الگمر ذاك الوگع يم النهر
قبلت چفينه وصحت هدمت حيلي يالگمر
بعدك علينه اتجاسرو يا عمي أشرار البشر
بينه اشمتت عين الغرب ملينه عمي من النظر
عدوانّه بلايه شرف يصدّولنه من صوبين
چنك مشيت الكربله الدفن ابو فاضل وحسين
★★★★★★★★★★★★★★★★★★★؛
جعفر عطيه البزوني
رابط القناة @Jaffarattea
للتواصل @jaffarsds
تم نشر قصائد العشره الاولى من محرم الحرام 1448ه-2026م
ملاحظه: كل قصيده لها عدة الحان ويمكن للرادود ان يعتمد على اللحن المرسل مع القصيده أو تغيير اللحن وأي واحد يحتاج مساعده يراسلني عالخاص
واتمنى التوفيق للجميع