3962
قناه خاصه لنشر قصائد المجالس الحُسينيه _ _ _ التواصل مع ادارة القناة على المعرف @aliiisd .
يُنقل ان أثناء مسير قافلة السبايا بعد أن غابت الشمس
توقفت القافلة قليلاً، وحين أرادوا اكمال المسير
وجدوا الرمح الذي كان عليه رأس الإمام الحسين ( ع ) ثابتا في الأرض لا يتحرك...!! والسبب ( طفلة.! )
#نعي_في_مسير_السبايا_الى_الشام
الليل چلچل والظــعــن ســار
وشـيـّـال راس حسين محتار
الرمح ظل ثــابــت على الگاع
والراس عينه لبـنــتـه يــنــدار
الســجــاد حاچاها الـســبـيــه
اتفگدي اطفال الـظــعــن لـيّـه
نادته عمته وتجري الــدمــوع
يا عــمـــه ضــيّــعــنــه رقــيـه
الطفله الــعــســاچــر دوروهـه
ابفَي نخله مــتــوســده لگوهه
ومن نومهه رقيه بضرب سوط
وابــشــتــم تــالــي گــعدوهــه
تـرتــاح لو رادت اشــحــدهــه
ايشتمون ابوهه وعلي جـدهه
بـوجناتهه دم يجري وادمــوع
ارقيـه بحبلهه امسحت خدهه
تمشي ودمعهه يــجــري بـ آلام
ومن الشوك متجرحات الجدام
زينب تــگــلــهــه منيـن تشكين
والطفله صاحت شكوتي الشام
*---------------*---------------*
✍️خادم الحسين ع
الشاعر سعد هادي الشمري
@saadhadi83
.
. وين هــسـه بيا مــكــان اظــعــونــهــه
بيا خــرابــه زيــنــب ايــگــعــدونــهــه
*---------------*---------------*
الـخـلّـص ٱيـــام ولـيـالـي بــالــنــيــاح
و بيْه مَــر الــتــعــب لازم يــســتــراح
ليش مـن چــف العقيله كــلــشــي راح
انسلب منهه حـتــه نـوم اعــيــونــهــه
*---------------*---------------*
الــقــاربــت من العمر ســتــيــن عــام
كــون هــدوة لـيـلـهـه ٱبــراحـه تـنـام
لــيــش زيــنــب فارشه ارمـاد الخيام
وسهم عين الگمر وسط اجـفــونــهــه
*---------------*---------------*
كل وقـار الدنيه بــس شتموهه طيش
وٱبــخــرابــه ٱبلا سگف گَعدوهه ليش
الــشـمــر بلّه بت عــلــي يطلبهه بيش
ومثل نحر حـسـيـن دمّه امــتــونــهــه
*---------------*---------------*
يــمــيــل چـف الشمر بالسوط وتميل
ابـلا حمه صـارت بنت حامي الدخيل
لحال زيــنــب مــدمــع النـاگــه يسيل
بناگه عجفه زيـنـب يــصــعــدونــهــه
*---------------*---------------*
شــلــون دوره الــوكـت تالي العمر دار
اعله الـهـزيـلــه بلا غطه ممشاهه صار
اشسوت بوجــه الــخِــدر شمس النهار
اليعرفوهه . صـفـوا مـيـعــرفــونــهــه
*---------------*---------------*
شــلــون تالي بــزيــنــب اندار الزمان
لــيــش امان الدنــيــه هسه ٱبلا امان
اسنين مهبط للوحي بيت امهه چــان
على المِلّه خـارجــه يــوصــفــونــهــه
*---------------*---------------*
مـن تطب ديرة غرب تجري ٱلهه عين
زيــنــب اتـغـطـي وجـهّـه بـالــ إديــن
صار فيّ من الشــمـس راس الحسين
اخــوتــهــه وٱم الـمستحه يـدرونـهـه
*---------------*---------------*
✍️خادم الحسين ع
الشاعر سعد هادي الشمري
@Saadhadi83
قصيدة(#عيون_زينب)
. اعيون زينب يبو اليمه اشـحـالـهــه
وشـافـت الـنـبـلـه بـنـظـر كـفّـالـهــه
*---------------*---------------*
اعـيـون زيـنـب بـالـمـدامـع غـارگـه
حگهه غير اعيون اخوهه امفـارگـه
كـثـر مــا بـالـعـبـره زيـنـب شـاهگه
ابــلا زفــيــر الــهــوى يـتـعـنـالـهــه
*---------------*---------------*
ابنـيّـة الزهــره الزچــيـه اجفـونـهـه
امجـرّحـه وتــشـبـه زراگ امتــونهه
ابچفهه مـن تمسح الـحــره اعيونهه
الجِفن يتجرح وخـشـنـه احـبـالـهـه
*---------------*---------------*
مـن البـواچـي اعـيون زينب رايحه
شمس چـنهه وعلى المغرب طايحه
ضـاع صـوت الحـره گـد ما صايحه
على اللي من تمشي چان اخيـالـهـه
*---------------*---------------*
مـن البواچـي اعيـون زينب غـايـره
كثـر مــا صــوب الشريـعـه نـاظــره
اعيـونـهـه جربـة الـكـافـل صـايــره
دمه ومـاي اتـنـگّـط اعـلـه ارمـالـهـه
*---------------*---------------*
اعيـونـهه العبـاس كل موضـوعـهـه
وجرّحـت خـديــن مـن ادمـوعــهـه
ابـغـيـر چـفّـه مـا تـوِج اشـمـوعـهـه
الـ خـيـمـه مـن سيف ورمح سوّالهه
*---------------*---------------*
اعيون زينـب بچي ومـدمـع ذابـلــه
صــوره لـلـعــبــاس بـيـهـن شـايـلـه
حـتــىٰ مــن اتـنـام مـنـهـن نـــازلــه
وشـافـت الـنـبـلـه بـنـظـر كـفّـالـهــه
ادمـوعـهـه ويـنـبـض حــزن دلالـهـه
*---------------*---------------*
اعيون زينب بالبواچي امغـورگـات
اگبالهه ذبحـوا ضـواهن عـالـفــرات
بالخـرابه تگضـي ليـلـتـهـه وتـبــات
وعين اخوهه اعله الرمح تـبـرالـهـه
*---------------*---------------*
✍️خادم الحسين ع
الشاعر سعد هادي الشمري
@saadhadi83
.
. زيـنــب يـخـوهـه
بـعــدك سـبــوهـه
لنار الـخـيـم تنـخاك وانـتـه ابـن ابـوهــه
*---------------*---------------*
من شبوا الخيمات صاحت يـكــافــل
شـبّ الـخــدر بــالـنــار ها يابو فاضل
يــتــصــاعــد الدخان بس دمعي نازل
وجابوهه عجفه النوگ عگب المحامل
ولــو يا ولــيــنــه
عنك مــشــيــنــه
عگب الـدلال الـراح تـــنـــشَـــد اديــنــه
*---------------*---------------*
ها يـاكــفــيــلــي اتصيح الحگ حرمنه
نار وجــمــر عالگاع طـاحـت خـيـمـنـه
اتـطـشـرنـه خـويـه انـريـد تلحگ تلمنه
يارحمة الله الـيـوم مــحــد رحــمــنــه
نار ابــخـيـمــهــه
ولا والي يــمــهـه
واخت الـزلم هاليوم ذبــحــوا زلـــمـــهــه
*---------------*---------------*
گصدت خيمهه بنار خـيـل اعـوجــيــه
الطحنن ضلوع احــســيــن بالغاضريه
هـالـلـيـلـه يـا عــبــاس لــيــلــة رزيــه
خيمه الــعــلــم ســوّيــه لبنت الـزچيه
زينب هــظـيــمـه
اتظَلّلهه غــيــمــه
جيب العلم ســوّيــه لـلــحــره خــيــمـــه
*---------------*---------------*
متعنيه صوب الماي تشرح وضــعـهـه
منهه استحن جرفين من صب دمعهه
مـحــنــيــه چنهه الجود زايد وجعهه
يــم النهر عباس چــفــك فــجــعــهــه
دمـع الـفـجـيـعـه
صب عالشـريـعـه
شـافـت سهم بالعين بـنـت الـــــوديــعــه
*---------------*---------------*
بعدك يظهر حسين احنت ظــهــرهــه
وسهم الخذالك عين ماخذ نــظــرهـه
ام الــحــزن لـو طال بعدك عــمــرهــه
بس للدموع اتعيش يا عظم اجــرهــه
دمـع الـمـصـيـبـه
يثگل نــحــيــبــه
زينب حزينه اعليك مـــــاتـت غــريــبــه
*---------------*---------------*
✍️خادم الحسين ع
الشاعر سعد هادي الشمري
@saadhadi83
.
. نــار خـيـمـاتــچ طــفــت نــدريــهــه
نــارچ اعـلـه حـسـيـن شـيـطـفـيـهـه
*---------------*---------------*
بماي تطفـه النار إي مـعـروفـه هــاي
وانــتــي أول مـحـتـرگ نيرانـه مـاي
شلون ودعتي الذي كــل عمره جــاي
الـ رايــحــه ،، شـلـون اله سولفتيهه
*---------------*---------------*
عالـنــهــر چانت عباتج خـط ســواد
وكــاتـبـه الروجات عالشاطي حــداد
الليل صـلـيـتـي اعـلـه سجادة رمــاد
ومـــو بــديــج ٱبـْـآه كــفّــيــتــيــهــه
*---------------*---------------*
عــن جــلــوس الليل خلصتيه صلاة
و فركة ايـدچ ليش ويـاهــه «فراات
اشبقه بروحچ عــدل والعباس مــات
مــن الــخــيــم للـتـلّـه خـلّـصـتـيـهـه
*---------------*---------------*
زرتي عاشوراء إي بس چـنـتـي وين
زرتي واتـشـگـفـيـن سـوطـچ بالادين
اكـو چــم جملة لـعـن يخت الحسين
مــو ٱقــرايــه.. بالـوجــه گــلــتــيـهـه
*---------------*---------------*
لــعــن اللـهُ أُمــةً خــيــل اســرجــت
گـلــتـي يـم اضلوعه واعيونچ بچت
الـداست ابصدره لحد ظهره اوصلَت
والــســنــابــك بالدمه امـحـجـلـيـهـه
*---------------*---------------*
شلون عـرّجتي على امصاب الحِنين
ادري "نعمَ الأخـو" گـلـتـيـهـه وِنين
لـلــدعـــاء إلْــتِــمــسِــتِــچ أُم الـبنِين
وركــعــتــيــن الهه بـدمـع صـلـيــهــه
*---------------*---------------*
ميت مــره الـشــمــر عالشاطي انلعن
ومِـيـت مـره عـالسبط سـلـمـتـي وَنّ
و الكُم اول ظـالــم اجــدامــه مِـشـن
هــالــجــدام ٱبــلــعِــن خـصّـيـتـيـهـه
*---------------*---------------*
خلصَت ازيـارِتِـچ وصلت لـلـسـجــود
وبــدعــائــچ گلتي يـا رب الــوجــود
ارزقني وجه حسين في يـوم الورود
اشفافـه اثــر ضـرب العـصا مــا بيهه
*---------------*---------------*
✍️خادم الحسين ع
الشاعر سعد هادي الشمري
@saadhadi83
#أبوذيات
#لسان_حال_السيدة_زينب ع وهي #تخاطب_كفيلها
يــردنـي اشــگــد دمــع يَــمّــه.. مشيتي
الـعـگـب مـمــشــاه مـتـيـسـره.. مشيتي
كــون يــشـوف عـالــشــاطــي.. مشيتي
ٱبـحـذر . وامدنگه چف امـضـيـعـه إليـه
*---------------*---------------*
خــوانــي الـدهــر بــس اشـلـون.. خويه
إمـن اهـل بـيـتـي صـفتلي الدار .. خويه
الـبـيـهـه الــوكـت عـال اتـصـيـح.. خويه
شــصــيــح ومــــا بــقــوا خــوان الــيــه
*---------------*---------------*
✍️خادم الحسين ع
سعد هادي الشمري
#السلام_على_قلب_زينب_الصبور
#يا_ام_المصائب
.
.
اخـوي البـچّــه عـرش الله. .. بـنـاتـه
انـذبـح مـن الگـفـه والطف .. بـنـاتـه
حــيـره ويـــن اضـمـنـهــن .. بـنـاتـه
الحــوافــر والـسـيـاط ابـلـشـَت بـيّــه
(١).. بوناته (٢).. بينه تاه (٣) بنات الحسين ع
*---------------*---------------*
✍️خادم الحسين ع
الشاعر سعد هادي الشمري
#ليلة_الوحشه
#بعد_الذبح_وحرق_الخيام
..
البــارحــــه .. على اچـتـاف الخـيـمه تغـفـه الرايــه
شو طايحه .. اچفوف اللي تمسح دمعتي اموصايه
ليش الوجوه المثل البدور
ماليهه دم واتراب عاشور
*---------------*---------------*
يَــم النـهـر دمـــعـي تبـــدّه
واشكي المصايب وحده وحده
آنه اللي ما ينشافلي اخيال
اشجابني اعله التل اصِعده
اتمُر خيلكم بسروج مگلوبه ودمه تگطر
ولخيامكم بدموعي أهِم وامكلّفه اصبـر
الضايع نظرهه وين تنـدار
وامطشريـن ازغـار واكبـار
انخاكم ويا صوت مسموع
واتسولف بخيماتـكـم نـــار
والجارحه .. شلون امشي غربه وانتو مو ويايه
*---------------*---------------*
ها ياسيوف المالهه اگـراب
ما تحله نومتكم عالتــراب
احچي ويه الاجساد وجزه الصوت
تلتفت صعبه الضاله ارگاب
اتعنيتكم اركض ركض وي طرة الغبشه
حاچيتكم عالجمر زينب صلة الوحـشـه
لنحـوركـم حيلي يخـــوّان
ما مستقر، چفين ميـــزان
ردت اشكي حرگ الخيم والروح
صعدت مثل صعدة الدخان
لو شارحه .. اشسوت النار، اتعدّل الوفايه
*---------------*---------------*
يم جربة الغيره وگلت هاي
تطفه بشنو المحترگه بالماي
ولا بيرغ الكم ينخه الچفوف
ايمُــر الهـوى وصّـيته بهـداي
والجان يمسح اثر خطوات المشي من امشي
شيبي اله گـد ما كُـبَـــر حزني وصـل رمشـي
نگّـاط دمكـم كِتب كلـمـات
مـو زينب اللي بالفله اتبات
راس اعله راس ايميل واِنشاف
برماحـكم سويتـوا خيمـات
مارايحه .. ابيبان عيني اصوركم امحنايه
*---------------*---------------*
مــن عـاينـتكـم روس بــــرمــــاح
ويه المدامـع گلبي احس طـــــاح
مكسور ظهري الكم واجه السوط
وشلون احـط ايـدي اعله الصفاح
وسط الحوافر باقي اثــركم صعبه شيلمكم
وانه الرمل مستحيه ادوسه وحاضنه دمكم
دمـكـم دليــل لدربــي يُبـــــره
لصـوب النهــر گايدنـي عطـره
لحد ما وصلت العلگمي وچان
نهــر الفــرات اجـروفه حمــره
الذابحه .. صبر الگمر لن ما شرب من مايه
*---------------*---------------*
ولو حيل ظَل چا سولف الحيل
بظـلمـة الليـل اشسـوت الخيـل
بعـده بعِـبـيـنـه الجـمـر يـنشاف
وشلـون تنـظَـم جـمـره بالليـــل
والمشكله بأعمه الگلب والصح خطه ايحسبه
وانذالهم شافــوا سبيـنـه عـمـل بـي قُـربــــــه
صـوت الفــرح بلسانـهـم دام
ايكبرون چي مذبوح الاسلام
وبـغيـابكــــم ذرّاهن ارمـــــاد
حتى الهوى اتعافه اعله الخيام
والنايحه .. ينشف دمعهه وتفرح من احچايه
*---------------*---------------*
✍️خادم الحسين ع
الشاعر سعد هادي الشمري
@saadhadi83
(فَانْزَعَجَ الرَّسُولُ وَبَكَى قَلْبُهُ الْمَهُولُ، وَعَزَّاهُ بِكَ الْمَلَائِكَةُ وَالْأَنْبِيَاءُ، وَفُجِعَتْ بِكَ أُمُّكَ الزَّهْرَاءُ، وَاخْتَلَفَتْ جُنُودُ الْمَلَائِكَةِ الْمُقَرَّبِينَ، تُعَزِّي أَبَاكَ أَمِيرَ الْمُؤْمِنِينَ)
الناحية المقدسة
أعظّم الله لنا ولكم الأجر وأحسن عزائنا وثبتنا وإياكم على محبة وخدمة وموالاة عزيز الزهراء وسيد الشهداء الحسين روحي وارواح العالمين لهُ الفداء
#ربّاطات
#رباطات_لغيرة_العباس
• رية الگاع اختنگت مـن حَـط ايــده بصدر الماي
*---------------*---------------*
• سيفه براس الباطل فــوگ الصبخه انهَد حالوب
*---------------*---------------*
• الرايه البلطف بيضه بطيحة چفه انترست شيب
*---------------*---------------*
• الشاطي لهسه ايطوفه حَــج الماي بگبره انشاف
*---------------*---------------*
• يجيب الماي ابّاله وجربه لهسه ابصَحنه انشوف
*---------------*---------------*
• انبَـسمِـل وانگول اسمه الكافل غــيــر ابن الـقـرآن
*---------------*---------------*
• امساوي ارگــاب العسكر سـيـف البلچف لـو ميزان
*---------------*---------------*
• ابشاطي الماي امثنّي وجـربه ابچفه وظل عطشان
*---------------*---------------*
• هــز السيف ابغِيره وگــامــت خــيـل اتطگ ابخيل
*---------------*---------------*
✍️خادم الحسين ع
الشاعر سعد هادي الشمري
وداع الحسين ع لأخته الحوراء زينب ع
قصيدة(#الليلة_الأخيرة)
. لـــيـــلـــة ٱوداع و رزيــــــه
وظلمه خــيــمــات الــزچيه
حــســيــن طفّه انـوار خيماته الحزينه
حتى لا زيــنــب تـشــوف ادموع عينه
وظلمه خــيــمــات الــزچيه
*---------------*---------------*
ودع ابنياته كلهن واجـه لــخــيــمــة زينب اخــتـه
اباب خيمتهه تـلاگــوا بس دمــوع وبــچــوا سكته
گلهه ها ياروح اخــوهـه واخته گالت روحــي انته
الصفنته اتبچيني صاحت صعبه اسكت يــم كلمته
هـايــه اخر ليله اشــوفــك
بس نحر بــاچــر أعــوفــك
واگــبــال دمـعــة اخته ظل بگلبه ينعه
حــتــى لا زيــنــب تشوف ابعينه دمعه
لــيــلــتــه لــيــلــة مــنــيــه
*---------------*---------------*
لــو صُبح صبّح يـگـلــهــه مــن النهر توصل رساله
الــمــدلـلـچـن يـــزيـنــب يــنــذبــح بــاچــر دلالــه
واخيامچ البلطف عطرهـه مــن عطر چــف الكفاله
بــس رمــاد اتــصــيــر بـعـده وبيهه دخـان ايتعاله
عينچ اعــلــه اطفالي عينچ
حتى لو مــچـتـوفــه ادينچ
الــخــيــل لو بالنار اجت تگصد خيمنه
لـلــبــراري يــخــتــي خل تطلع حرمنه
تـركـض اسـكــيــنــه ورقيه
*---------------*---------------*
اي يبو الــســجــاد وادري مـوت باچر بس شسوي
غـداً يظلَم ليل طــفّــي وعالـرمح راسك يــضــوّي
جمرة الدمعه اعله جفني اكـثـر مـن السوط تچوي
شلون اقدملك جـوادك وادري سرجه ايردلي ملوي
بــاچــر ايــفــر خيمه خيمه
اينادي بــدمــوعــه الظليمه
كون يبن امـي الظلام يــضــيــع فجره
ولا جــبــيـنـك بالحجر مصيوب انظره
يــا عــذاب الــغــاضــــريــه
*---------------*---------------*
اثنعش طبره ايگلهه باچـر عالرمال اتـدمـي نحري
واعوجيه الخيل عشره تطحن اعله الغبره صـدري
امـوذر مـن اجروحه جسمي وبالسهام انباگ عمري
وراسي فـوگ الرمح لاچن يبقه يم الخيم فــكــري
عــالــرمــح مــذبــوح واني
بــالـكــهــف يقره لــســانـي
وراسي يابت فـاطـمـه ابوسط السبايه
وانه فوگ الـرمــح راســي اعله العبايه
حــارِســچ وانتي ســبــيــه
*---------------*---------------*
يا امان اخــتــه تــگــلــه والامـان شــلــون اودعه
والدرب مو خطوه خطوه دربي بـاچــر دمعه دمعه
وعلى الناگه امدنگه حقي الدرب كله وصوتي ينعه
عالـرمح مــرفــوع راسك؟ گلي راسي شلون ارفعه
ابـلا حـمـه بنت الــوديــعــه
وكــافــلــي بصوب الشريعه
باچر اعله اجــروحــنـه اتنوح الضماير
حـتـى عين الـحــجــر دم تبچينه باچر
بــاچـــر ٱيْــفــرح آل امــيّــه
*---------------*---------------*
✍️خادم الحسين ع
الشاعر سعد هادي الشمري
@saadhadi83
قصيده لــ #عبد_الله #الرضيع ع
•
•
يبني عبد الله الــفــرح بعيوني مــات
مــن نــظــرت اجفون عينك ذابــلات
يـــروح فــــدوه يـــروح فــــدوه
يروح فــدوه لدمعتك مــاي الــفــرات
*---------------*---------------*
من تناغي الفجر بالصوت الشجي
كل عصافير الـصــبــح يمك تجي
يبني نحرك مـوتـي خلاني ارتجي
عـــمـري انــتــه وكل فــرحــتــه
ليش ياظـامي شعجب تبـچــي بأنين
مــا روَّتّـك دمــعــة اعــيـون الحسين
بــتــت ظـامــي وبالنحر نــبـلــه تبات
يروح فــدوه لدمعتك مــاي الــفــرات
*---------------*---------------*
نار دمعك چــوّت اطفوف الضمه
ودمك اول دم نزف فــوگ السمه
هاك ماي اعيوني . أقبل بالعــمــه
يـالــعــفــتــنــي وضـيــعــتــنــي
لو أرِد لــطــيــبــه مـن انــعــاك اريــد
تــنــعــقــل لـو گلت عفت ابني شهيد
إبــن ســت اشهور بـيـد الــنــايــبــات
يروح فــدوه لدمعتك مــاي الــفــرات
*---------------*---------------*
رحت مني ومادريــتــك بيه روح
وگبل لا هِز مهدك اتهزني الجروح
نزل خيط الفجر بگماطك يـنــوح
بــيــهْ عــطــرك وظل يـنــطــرك
ويجي يـدگ بابي بهمس ريـح الصبه
يـريـد شــعــرك يعبد الله ايــلاعــبــه
يمه بــعــدك والله ما تسوه الـحــيــاة
يروح فــدوه لدمعتك مــاي الــفــرات
*---------------*---------------*
بكثر ما تضحك ألي بمهدك چنت
آنه يوليدي على ٱفــراگــك نحت
اتلِم كُبرتي يبني ردتك لـو طحت
خـــاب ظــنــي وكـــثـــر ونـــي
لو شفت شــبـان تلعب يــالــرضــيــع
بروحي تكبر حسرتي وبالدمعه اضيع
واذكر اشفاف بــعــطــشــهــن ذابلات
يروح فــدوه لدمعتك مــاي الــفــرات
*---------------*---------------*
انته ظـامي وماي رايد مو سهم
لــيــش نبلة حرمله ترويك ألــم
نار فگدك أحَر من نار الــخــيــم
نـــارك اكـــثـــر هـظم تــســعــر
انته ازغـر جندي شــهــدتّــه الحروب
لهسه دمك يبني اشوفه بكل غــروب
چـنــهــه مذبوحه الشمس يبن الأُبات
يروح فــدوه لدمعتك مــاي الــفــرات
*---------------*---------------*
بين طفك والسبي اجروح شكثر
مـن نـزولـي بكربله لسوط الشمر
كـلــهــه اهون من مصابك بالعمر
حسين اشـوفك شـلــون اعوفك
شــنــو غــايــتــهــم المني يـاخــذوك
جنت اظن بيك آنه أسِد اغياب ابـوك
مــعــنــى حبك مــعــنـى آذان الصلاة
يروح فــدوه لدمعتك مــاي الــفــرات
*---------------*---------------*
✍️خادم الحسين ع
الشاعر سعد هادي الشمري
أبوذيات
لسان حال ليلى_أم_علي_الاكبر ع
.
.
زِغــيـر اجـروحــي هـــــوَّد.. هـايالاكــبـر
إلــك، والـــوفـــه لــعـــودَك.. هاي الك بِر
عــلـى الـنـاگـه وصـحـتـلـك.. ها يالاكـبـر
يــگــلــب امــك خــذوهـه امك ســبــيــه
*---------------*---------------*
الـجـواد يـــصـــيــر مـوتـــه.. من جواده
يَـمَـن مِـن لاگـــه ســيــفــك.. منجـه وِدّه
شُـــمَــــر لـلـگـــاع روحـــــه.. من جواده
أبـــــوك بــيــوم شــافــك عــالــوطــيــه
*---------------*---------------*
✍️خادم الحسين ع
الشاعر سعد هادي الشمري
#السلام_عليك_يا_علي_الاكبر
شَــسَــمّــيـْـك جــرحــي لــو إبــنــي
عــلـي وبـيـك فـرحِــتــي وحِــزنــي
يـا گـلـب أبـوك وعـيـنـي
وٱبــروحــك ٱمْـخـلّـيـنـي
شَــسَــمّــيـْـك
*---------------*---------------*
يـا علي ايگولون جـاسـم . وصّـه والــدتــه بـعـذاب
گـلـهـه يـمــه اتـذكـريـنـي . مـن تُـمُـر زفـــة شـبـاب
وانـتـه يا يمـه وصـيـتـك . خـطـهـه دمـك عالتراب
اتـذكـرك يـولـيـدي رايـــد . شما يـبـر والـدتـه شاب
يــٱبـــــو روح مــا خـطـه بــنــظــره
عــالــجـــروح گــلــبــي شـيـصـبــره
يـالـشـوفـك امـسـمـيـنـي
وابــروحــك امـخـلـيـنـي
شَــسَــمّــيـْـك
*---------------*---------------*
يا علي وچان اليـتـيـهـك . عــالــمــصــلايــه لـگـاك
مـشـتـهـاك الدين واهـلـه . وهالمشيت ابمـشـتـهـاك
مـا يـعـرفـك سيف امـيـه . وگطع نحرك ما خـطـاك
صـوب ٱبـأُحـد مــحــمــد . وبـكـربـلـه عالدم خـذاك
يــحــز بـيــك يــا عــلــي الاكــبـــر
ويــدمـــيـــك بــغــضـــاً بــحــيــدر
بـيـك الــدهــر عـامـيـنـي
وابــروحــك امـخـلـيـنـي
شَــسَــمّــيـْـك
*---------------*---------------*
يـا علي وحتى اصدقائك . تمـشـي ويـه اليملي عين
صاحبك بس ابو فـاضـل . وسالفتكم بــس حُـسـيـن
ولو گعدتوا يصير مجلس . والحـچـي الينـگـال ديـن
اتگله بالطـف انطي نحري . يگول نحري وفوگه ادين
تـــفـــكـــرون مـنـهـو يـنـطـي اكـثر
تـــشـــيــدون بــالــوفــه الـمــنــبــر
هــذا الـحـزن يـحـنـيـنـي
وابــروحــك امـخـلـيـنـي
شَــسَــمّــيـْـك
*---------------*---------------*
يا علي انته اول حسيني . بحب ابـو اليمه يـذوب
وفـرض عاليقتدي بسمك . كل خـطـأ عـنـه يـتـوب
و يـقـتـرب باخلاقـه منك . وعـنـك اتبعده العيـوب
اجروحـك اتاني اليشدهه . مو اليـلـچـمـهـه بذنوب
يـــشـــوفـــوه عــالـــذنــب نــــــادم
الـــيــســمــوه بـمـجـلـسـك خــــادم
يـل حــزن نـحـرك ديـنـي
وابــروحــك امـخـلـيـنـي
شَــسَــمّــيـْـك
*---------------*---------------*
يا علي وكـون الـيـحـبـك . دمـع حـبـه اعله العيون
والسالفه الما بيهه عـاشـر . مـا تـمـر عالشـفـه كـون
الكاسره الطف كون عنده . كـسـر خـاطـر ما يـهـون
واعيونه مقياس الحقيقه . بدنيته وينسه الظـنـون
السـهـل كـون و الــصــلــب فــكــره
الوفـي ايكون والــرحــب صـــــدره
حُــب مـنـهـجـك يعنيني
وابــروحــك امـخـلـيـنـي
شَــسَــمّــيـْـك
*---------------*--------------*
✍️خادم الحسين ع
الشاعر سعد هادي الشمري
#ليلة_دفن_الاجساد_الطاهره
#القصيدة_لسان_حال_الامام_السجاد_ع_بعد_رجوعه_للطف_لدفن_الاجساد_فوجد_عندها_اهل_القرى_وقد_هموا_بدفن_الاجساد_الطاهره
.
.
بدفنة الولد يا بني اسد
سوو للطفل مو گبر مهد
///
يَم حرگ الخيَّم دوروه ، مسچ دمه
ثگيله الاعوجيه وطشرت جسمه
وين الترفه شيلو مو صعب لمـّـه
وسووله مهد يم صدر ابو اليمه
المهده عالگلب هزِّته صعُب
صعبه هزِّته العلثره انمرد
///
اشوف آثار دُخّان ، الهوى ايصعده
خشب كاروكه بس لا مشتعل بعده
خشنه اشغيراهه وذابله الورده
عبد ترفات ادينه وسيف ما عنده
اشلاگي من تعب المنحره ذهب
وبالگلب إله جمره للأبد
///
فلوا اكماط عبدالله الوصل جيده
السهم ما عاف بي حيل ويفك ايده
انطونيّاه امدمّه اگماطه بوريده
أُمّه بالخرابه يرضع اتريده
منه عالاقل تگطع الامل
وتعرف الطفل ما يجي بعد
///
حملته بجفي وبروحي ثِكَل نوحه
البراءه ومو اوداج الطفل مذبوحه
ابلا راس الطفل وسدته بجروحه
وما ادري بعيونه امغمضه ؟ مفتوحه ؟
الما كِمَل سنه يا ذنب جِنه
ذنبه من علي بهالملا انوجد
///
امثخن اثيابه عبدالله كثُر نزفه
وامبيّن ضامي ، يابس نحر مو شفّه
اعله صدر حسين خلّوه للأبد يغفه
تره المحترگ يم المحترگ يطفه
ابهيده بالدفن والرمل خشن
يجرح النحر فوگه لو صعد
///
المضيّع أخو ليش اختلف كسره
وليش ابلا وعي يلزم بديه ظهره
وهسه اعرفت درب حسين بالعبره
ليش من النهر حَد الخيَّم عثره
الخطوه عالنهر كلّفت گمر
وآنه عالأخو يا جمُر بُرَد
///
سعد هادي الشمري
@saadhadi83
#زينب_ع
.
ظُمـيت وذبل گـلـبـي.. والمي وده
يــجــي بــيــد الاوده.. والــمــوده
شـفـت آيــة الـقـربـىٰ.. والــمــودة
بصدرهن صار دوس الاعــوجـيــه
*---------------*---------------*
المثل حـسـيـن اخـو ما يوم.. يلام
يجِل اخـتـه الـعـقـيـلـه مثل.. يلام
الـ اتطشره الـسـنـابـك بيش.. يلام
و حِـجِـل دمّـه لحوافر خيل امـيـه
*---------------*---------------*
✍️خادم الحسين ع
الشاعر سعد هادي الشمري
#ابوذيات_حواريه بين
مولاي سيد الشهداء الحسين ..ع.. وجبل الصبر زينب ..ع..
(السيده تقول)
تــــدمّــــن بــالــبــــواچــــي حــــيــل.. يجفون
عــن ابــن امـي بــســبــي وبـالـظـعـن.. يجفون
ويــن الله اعــلــه جــسـم احــســيــن.. يجفون
و ٱشَــــوفــه امــچــــان تــــرچــيــة رقــــيــــه
1..(الجفون) 2..(مِن الجفاء) 3..(التوقف)
*---------------*---------------*
(جواب الحسين ع)
تــعـالـي وشـوفـي جـسـمـي ، الـحـيـل.. گلّ بي
و ســهــم صـــدري طــلِــعــتــه منين؟.. گـلبـيـه
يـــزيــنــب مــــن اجــتــنــي الــخــيـل.. گـلـبـي
انــمــرد مــــــن ثــگــل دوس الاعــــوجــــيــــه
1..(قليل) 2..(قلّبّيه) 3..(القلب)
*---------------*---------------*
(السيده تقول)
اجـبــال ادمـــوعــي فـــوگ الـوجــــن .. بـــسّــاً
و مــــــا تــســمــع بـــروحـــي غــيــر .. بس أن
أصـــد لـلــراس و ٱلــــمــــح كــــســــر .. بالسـن
كــســر يــشــبــه كــســر ضــلــع الــــزچــــيــــه
1..(سقطت) 2..(الأنين فقط ) 3..(الاسنان)
*---------------*---------------*
(جواب الحسين ع)
تــــدر اعــــيـــونــي فــــوگ الــــرمــــح.. لــمّــن
گــلــبــچ . و الــــمــــصــــايــــب بــيـــه.. لــمّــن
كــســر ســنــــي يــــزيــــنــــب هــــــان.. لــمّــن
طــفــر دم مــتــنــچ ٱمــن اســــيــــاط امــــيـــه
1..(لمّا أَن _من الأنين) 2..(تجمّعن) 3..(الوقت)
*---------------*---------------*
(السيده تقول)
اعـيـونــي امـشـوبـحـه اعــلــه الـرمـح.. واتراب
اعــلــه نــحــر العُــمــر عِــشــت ويـــاه.. واتراب
بـــ شــيــبــك لــيــش دم يــحــســيــن.. واتراب
جــمــالـك گــضــه بــــرمــــل الــغــــاضــــريــــه
1..(تنظر) 2..(تربيت معه) 3..(التراب)
*---------------*---------------*
✍️خادم الحسين ع
الشاعر سعد هادي الشمري
@saadhadi83
أبوذيات #زينب_تخاطب_العباس_ع
.
.
يـــعــــبــــاس الـشــــريــــعـــه.. ولـمــتــنــه
النـــظـــر مـــن شـــاف چــفـك.. ولّه مـتـنـه
الــخــيــل الــطــــشــــرتــــنـــه.. واللـمـتـنـه
الـروس الـمــجــبــلــه اعــلــه الـســمــهــريـه
*---------------*---------------*
هــــمّـــك طــغـــه و يــا عــبـــاس.. يـر هــم
يـمـن فــگــدك نــــيــــاط الــگـلـب.. يــرهــم
يــخـــويـــــه يــا دوه لـلــــذبــــح.. يـرهــــم
عــجــب يـــدواي صــــرت الــمــوت إلــيّــــه
*---------------*---------------*
✍️خادم الحسين ع
الشاعر سعد هادي الشمري
@saadhadi83
#زينب_ع
.
اخــــوي الـمـا امـزعـلـنـي.. بــچــلـمـا
لجـل چـفّـيـنـه بـالـجـربـه.. بچـه الماء
عـلـى الـعـبـاس مـا ٱريـده.. بچي الـما
يــذَبــل اعـيـونـي ويـجـيـب الـمـنـيـه
*---------------*---------------*
✍️خادم الحسين ع
الشاعر سعد هادي الشمري
#ليلة_دفن_الاجساد_الطاهره
#القصيدة_لسان_حال_الامام_السجاد_ع_بعد_رجوعه_للطف_لدفن_الاجساد_فوجد_عندها_اهل_القرى_وقد_هموا_بدفن_الاجساد_الطاهره
.
.
بـدفـنــة الــولـد يــا بــنــي اســد
سـوّوا لـلـطـفـل مــو گــبــر مـهـد
*---------------*---------------*
يَم حرگ الخيَّم دوروه ، مسچ دمـه
ثگيلـه الاعـوجـيـه وطشرت جسمه
ويـن الترفه شيلو مو صـعـب لـمـّـه
وسوولـه مهد يـم صـدر ابـو الـيـمـه
الـمـهـده عالگلب هـزِّتــه صــعُــب
صــعــبــه هـزِّتـه الـعـالـثـره انمـرد
*---------------*---------------*
اشوف آثـار دُخّان ، الهوى ايصعده
خشب كاروكه بس لا مشتعل بعده
خشنه اشـغـيـراهـه وذابـلـه الورده
عبد ترفـات ادينه وسيف ما عـنـده
اشلاگي من تعب الـمـنـحـره ذهـب
وبـالـگـلـب إلــــه جــمــره لـلأبــــد
*---------------*---------------*
فلوا اكماط عبد الله الوصل جـيـده
السهم ما عاف بي حيل ويفك ايده
انطونيّاه امـدمّـه اگـمـاطـه بـوريـده
أُمّــه بـالـخــرابــه يــرضــع اتــريـده
مـنــه عــالاقــل تـگــطــع الأمـــل
و تـعـرف الطفل مـــا يـجـي بـعـد
*---------------*---------------*
حملته بجفي وبـروحي ثِكَل نـوحـه
البـرائـه ومـو اوداج الطفل مذبوحه
ابلا راس الطـفـل وسدته بـجـروحه
وما ادري بعيونه امغمضه؟ مفتوحه ؟
الـمـا كِـمَـل سنـه يـا ذنــب جِــنــه
ذنـبـه مـن عـلـي بـهـالـمـلا انـوجد
*---------------*---------------*
ٱمـثـخْـن اثيابه عبد الله كثُر نـزفـه
وامبيّن ظامي ، يابس نحر مو شفّه
اعله صـدر حسين خلّوه للأبد يغفه
تـره المحترگ يـم المحترگ يـطـفـه
ابهيده بـالـدفـن والــرمـل خـشـن
يـجـرح الــنـحـر فـوگـه لو صـعـد
*---------------*---------------*
المضيّع أخو لـيـش اخـتـلـف كسره
ولـيـش ابلا وعـي يلزم بديه ظهره
وهسـه اعرفت درب حسين بالعبره
ليش ٱمـن النـهـر حَـد الخـيَّـم عثره
الخطـوه عـالنهر كــلّــفــت گــمـر
وآنــه عــالأخــو يـا جــمُـــر بُــرَد
*---------------*---------------*
✍️خادم الحسين ع
الشاعر سعد هادي الشمري
@saadhadi83
قصيدة(#جرح_السبي) #وداعاً_أبا_عبد_الله
. لـلــســبـــي خـويـه هـاي الـجـارحه
لـلــســبـــي راح اگـــلـك رايـــحــــه
صـاحـت زيـنـب يـا أبـا عـبـد الله
*---------------*---------------*
من بـعـد مـوتـك . يـبـتـدي مـوتي . من خلص ليل اهدعش
جــابـوا الـنـاگـه . ودمعي وي نحرك . عالرمل خويه انفرش
خْيول اجت عشره |مْحجّله بدمك| وعالحوافر شوفي طش
ركـضـت ونـامـت . عالصـدر روحـي . وعالهزل شالوا نـعش
ومن شفت انـطـبـع صـدرك عـالگفه
اي مـــتــت وشـوفي بعيوني انطفه
دم دمعي انصب يـا ابـا عـبـد الله
*---------------*---------------*
گــرّب الـحـادي . و لـنّــه چـتّـالـك . ابـنـظـرة الشامت نظر
مِشه و مو دربه . مشّه نوگ اهلي . جــابــهــن يــم الـنـهـر
ومن على الناگه . گلبي مو جدمي . بـدمـعـة الـخـوّه عـثـر
والخجل هـزهـه . رملـة الـشـاطـي . من صحت بسم الگمر
عـــايــنــت هـيـبـة اهلي شو وصل
و الـــهــوى بصدري احسّن بـي ثگَّل
زودي امخـضـب يـا ابـا عـبـد الله
*---------------*---------------*
جـسـمـك اگبالي . وتيّهت جسمك . رملـة الطف كلهه دم
اعذرني لو گتلك . ما أشِم عـطـرك . طاغي دخـان الخيم
انـظر اجـروحـك . ما شفت بـيـهـه . جـرح بـي قَـل الألـم
ولا سـهـم بـيـهـن . ما طلع مـگـبـل . حيل متعافي السهم
من السحگ رمـل جـرحـك مـمـتـلـي
و اسـكـتـت مـا گـلـت بـس يـا عـلـي
و نحـرك اصعب يـا ابـا عـبـد الله
*---------------*---------------*
أمنيتي يتوسد . راسـك ابحضني . ومن اجيتك بالظـعـن
الگيتك امسوّي . اوسـادتك بيدك . وعالثره اوداجك غفن
شلّي بـعـيـونـي . ومـا يشـوفـنّـك . ريت يالظـامـي انعمن
يا وطن روحـي . وفگدتك روحي . وانسبي بفگد الـوطن
جَــمــرِتـــي مـــا يـطـفـيـهـه الـبُـعُـد
و دمـعـتــي شاهد اجروحي من ارد
بنـاري الـتـلـهـب يـا ابـا عـبـد الله
*---------------*---------------*
الشاهد بدربك . عـالـثـره دمـك . وطحنت اعظام الضلع
و آنه يبن امي . صار بـغـيـابـك . الـشـاهـد بدربي دمــع
اتـوسلت گلبي . وحشّمت عيني . عـبــرتــچ لا تـنـگـطـع
و الـدرب كـلـه . حـافــر الـنـاگـه . وونّـتـي بــس ينسمـع
مـن الـدرب اطـول اشـويـه الـجـرح
أنـــشـــتــم وانـتـه راسك عـالـرمـح
وابـهـزلـه اركـب يـا ابـا عـبـد الله
*---------------*---------------*
✍️خادم الحسين ع
الشاعر سعد هادي الشمري
#نعي_مصيبة_السيده_زينب_ع_
#نعي_يوم_العاشر
.
.
نــاديــت ولــمــن عــبــاس نــاديـت
بحبل من چف لَچف عگبك انشديت
اهــل الــبــيــت لكن بالــفــلــه ٱنّــام
وقد قـامـت صلاتي وگـعـده صليت
وبنت الكوثر وماصـحـلـي كل مــاي
وبتراب الحضَن نـحـرك تــوضــيــت
اجــه الليل وعـلـى الشـاطـي تعنيت
ودورتــك يـخـويـه ومــا انــدلــيــت
اختي مــا أجــت عــبــاس لــتـگـول
الجمر خـويــه بعباتي والمهم جـيـت
و دورت ولــگــيــتــك بــس يعـبـاس
بــس نـحـرك وصــدرك مــا الك راس
ابچف الـمـوت گلبي بموتك انـجــاس
ومثل الجـربـه عالــغــبــره تــبــديــت
اجــيــت وشفت بيدك بــس الــزنــود
و ابــلا نـــظـــر يــالــكــفّــال رديــت
اجـيــت وردت اگلك شـوف ادي هـاك
بضرب اسياطهم خـويه تــحــنــيــت
و مامش حيل بس من شفت الخيام
لٱجل سـكـيـنــه مثل النار شــبــيــت
الـخــيـم لــو گلبي منهو المشتعل نار؟
اشو تــشــتــد شــمـا بـالــنــار طفيت
ومن ظل بس رماد ومــا مـش اخيام
بايتام ابـو اليــمــه انــه احــتــاريــت
احـط عـالـراس اديه وحــار الــسـوط
المهم خـيـمـه بعباتي لظعني ســويـت
اشــگـد دخـان بـالـطـف . طاغيه النار
لاچــن غــيــر عــطـرك مـا اشـتـمـيـت
الخيل السحگت اعله حسين . عـبـاس
بــأثــر حــذوات حــافـرهــن تـدمـيـت
*---------------*---------------*
✍️خادم الحسين ع
الشاعر سعد هادي الشمري
ابوذيات للأمام العباس ع
.
اعله شاطي الماي ظل چفه.. محامل
گلبـهـه .. ايـوب مـن صـبـره.. محامل
عـرجـه وعـجـفـه ما شـالـت.. محامل
نــاگـــة اخـــتـــه بـدروب الــمــنــيــه
*---------------*---------------*
صــدرك لــيــش حــافـر خيل.. عج فه
يــوفّـــاي ونــويــت شــلــون.. عجـفـه
صعدت بنـاگـه عـرجـه وبـعـد.. عجـفـه
وبــلا مــحــمــل رحــت يـا بــو الحميه
*---------------*---------------*
الظــعــن ،، ربــك العــز والطيب.. حوله
اشــجــره ونــيــران اميه صفت.. حوله
ســاعــه وگــمــت احــسّــن دار .. حوله
چــتــلـك والــثــــوانــي ايــام بــيّــــه
*---------------*---------------*
ردت چــفــك يــگــود الــنــوگ.. يسلام
يــشِــد مــحــمــل الناگه وعَلَيْ.. يسلام
عــلــى التل وصــحــت ويــلاه.. يسلام
انــذبــح عــبــاس وآنــه انـگــطــع بـيّـه
*---------------*---------------*
مــصــايــب كــربــلــه للـگـلـب.. يرحين
الــنــواظــر مــن حـزنـهـن راح.. يرحين
عــشــت جـرحـيـن بس شلون.. يرحين
گــطــع نـحـر الــولــي وچـفـيـن اخـيــه
*---------------*---------------*
✍️خادم الحسين ع
الشاعر سعد هادي الشمري
@Saadhadi83
#وا_حسيناه
#يا_ابا_عبدالله
.
.
الـحـزن بـيّـه مـصـاب حسين .. فجره
كِـسَـر عَـبـرِتـي وعالخـد دمـع .. فجره
مُـحـَــــرّم عـاشـــره لا طــلــع .. فجره
بـــي يــنــمـــرد گــلـــب الــفــاطـمــيــه
ـــــــــــــــــــــــــــــــــــــــــــــــــــــــــــــ
(١)فجّره (٢)نزّله (٣)الفجر
الشاعر سعد هادي الشمري
.
الوداع يا حسين الوداع
حـسـيـن يـا شمعة ليالي الــغــاضــريــه
الـلــيــلــه بــحــمــاك وغــداً اطلع سبيه
انــتــه حــصــتــك ذبــح وانـه النار اليه
كـل الـيــمــر بــيــك بــاچــر يــمــر بـيّـه
الوداع يا حسين الوداع
حــسـيــن ليل ٱوداع هـذا وگلبي جمره
بــاچــر ٱيـگــطـعـون نحـرك على الغبره
باچر العــبـاس فــوگ الــرمــح نــحــره
خطوه جمره ٱمشيهه باچر خطوه عثره
الوداع يا حسين الوداع
بـاچــر اعــلــه الغـبــره تتذبح زلــمــنــه
الخيل التدوسك تــجـي تـحـرگ خيمنه
انــتـه يمنه الليله . بـاچـر شمر يــمــنــه
تــركـض ابــنــص الفله باچر حــرمــنــه
الوداع يا حسين الوداع
بــاچــر ٱبــإيــدي اقـدم المُــهــر بــاچــر
ساعه ويرد سرجه خالي وگلبي حــايــر
بــاچــر الـخـيــمــات كلهه ابلا مُـنـاصــر
وعالنــهـر جسم الكفلنه اوصال صــايــر
الوداع يا حسين الوداع
الصبح لـــو يقرب عـلــيــه الموت يقرب
العــلـيــل بخيمتي وخيـمـتـي الـتـلـهـب
بـاچــر مـن ايــدك محبسك لــو تـسـلـب
نار بـاب الــزهــره تـنــعــاد اعـلــه زينب
الوداع يا حسين الوداع
*---------------*---------------*
✍️خادم الحسين ع
الشاعر سعد هادي الشمري
ابوذيه #للطفل_الرضيع
#ابوذيه_الرباب_تخاطب_ولدها
.
.
الـگـلـب يـبـنـي بــهــواك انــدار .. وانـحـاط
و گــَد حــســنــك زمــانــي بـيـه.. ون حاط
بــدل نـحـرك تِــخَــلَّــه الـگــلــب.. وانــحـط
عــســىٰ ، وگــطــعــوا نــزاع الــگــوم بــيــه
___
(1) تطوّق (2) امتلى بالأنين (3) انوضع
*---------------*---------------*
يـالازغـــر نــار ابـــوك الـســـهـــم .. ويــهــا
و شـيـلـة چــفّـه چـانــت لـيـــش .. ويــهــا
رفــع حرمـلـه القــوس وضـحــك .. ويــهــا
وبِـچـه وجــه الـسـمــه اعلـه ابــن الـزچـيـه
___
(1) شعلها ؟ (2) وياها آه (3) وجهه
*---------------*---------------*
✍️خادم الحسين ع
الشاعر سعد هادي الشمري
.
. يــمــگــطِّــع اگماطك ألــم والــدمــعــه بالـعيـن
دم منحرك عبد الله خــضّــب شــيــب الحسين
*---------------*---------------*
گــبــل الــجــدم دمك مــشــه وخطواتك آهات
ولمن نزف صارت أرض لــجــلــه الــســمــاوات
قــرآن الحـسـيــن وســور بــيــه الــجــراحــات
ونــحــرك رغــم كــل جــرح بچّه اعيون الآيات
منحرك لـلحق وضّحه وحسين سهـمك جـارِحه
القرآن يـقـره الفاتـحه والدمعه بالعين
*---------------*---------------*
ازغــر جــنــود الــمــعــركــه ومــا دنّـگـت راس
وگطعة اگماطك صوت حاچه حسين باحساس
اتــگــلــه الــگــمــر مــا شرب ماي ابآخر انفاس
وانـه اشــرب شــلــون وگــضــه عطشان عباس
مجدك بـدمــك ينكتب وحته الضمه بعينك عذب
يمحچّي نسمات التهب والدمعه بالعين
*---------------*---------------*
يا شاغل احساس النهر وامـبــچّــي الــســهــام
تصعد وتـنـزل بـس جـمــر بانــفــاس الٱخـيــام
ظـلـيـت مــرمــي ٱبــلا مــهــد عـالــغــبــره ايام
يسهرلك ايـلـولـي الــنــجــم واعـيــونــك اتـنـام
بالدنيه ما مثلك طفل تـسهـرلـك امك عالهـزل
اتگلك افراگك مو سهل والدمعه بالعين
*---------------*---------------*
ظـامـي ابّــرائــة دمعتك حــيّــرت الٱصــفــوف
ومـن انــكــشـف نحرك عليهه رِجفت اســيـوف
بچفوفـه ابــو الأكبر يرفعك حـرمــلــه يـشــوف
وخــضــب بـدمـك شــيــب ابـو اليمه بالطفوف
ضامي ورويت الغيره دم نحرك گطع نحر السهم
بگلب الفرات لـهـسـه ألـم والدمعه بالعين
*---------------*---------------*
يـا علي الأصغر چبدك مــن الــعــطــش مجمور
ودمــع الــحــجــر بَلل الكـون بــيــوم عــاشـور
بـٱحــضــان ابو السجاد مـدفــون وتــشــع نـور
عبد الله مـنـحـور وتــوسّــد حـضـن مــنــحــور
يا كاسر اعيون الظمه ويمنزِّل ادموع السمه
تنعه لمصابك فـاطمه والدمعه بالعين
*---------------*---------------*
✍️خادم الحسين ع
الشاعر سعد هادي الشمري
#شجاعية_لعلي_الاكبر ع
#نزلة_الليلة_التاسعة
يالاكـبـر يحـيّــاك يالاكـبـر
*---------------*---------------*
كل جمال الدنيه وسـط اعيونك
وفخر يكفيك بـ علي ايسمـونـك
الـوجـه الابيض بالنبي يشبهونك
الموت الاحمر بالوغه ايوصفونك
يالتسحَر مزاياك يالاكبر
*---------------*---------------*
أي شــرح مـا يـلـزم لتـعـريـفـك
وعـمّـك العباس صـاقـل سيفـك
انشاف ملك الموت نازل ضيفك
ايـنـام بگـرابـك وأمـره بـكيـفـك
وكت الكـَر علي وياك يالاكبر
*---------------*---------------*
شـاب عـالـم ورع زاهـد عابـد
وويه جدك علي اشگد متوارد
المعركة اتطبهه بشموخ القائـد
و گـلـبـك مـن النـهـر اكثر بـارد
موت احمر يملگاك يالاكبر
*---------------*---------------*
الحـرب كلمه وسيـفك اللي گـالهه
الغيره مُـهره وانته بــس خـيّـالهـه
الحومه من يشتد عجاج ارمـالـهه
اتصير ظلمه وتجي اتصير اهلالهه
تتبختـر يمحلاك يالاكبر
*---------------*---------------*
السيف بيـدك چم دقيـقه ويعتگ
امثلّم اعله ارگاب أُميه من الطگ
ثـوب ميـت جيـشهم يابـو الحگ
بيـمـنِـتَــك ما يـنّــزع لا يـنـشَــگ
يتـگـنّـطـر ابيمناك يالأكبر
*---------------*---------------*
ابـلا اعـنـان المُـهـره تلكِد بيـهه
الخيل والعسكـر سوه امبچيهه
خـدمة احسينك فـرض تدريهه
و عُـمر ما مـرّه قَضه امصلّـيهـه
من حيدر يمعناك يالاكبر
*---------------*---------------*
✍️خادم الحسين ع
الشاعر سعد هادي الشمري
زيـنــب يـخـوهـه
بـعــدك سـبــوهـه
لنار الخيم تنخاك .. وانته ابن ابوهه
***
من شبوا الخيمات صاحت يكافل
شبّ الخدر بالنار ها يابو فاضل
يتصاعد الدخان بس دمعي نازل
وجابوهه عجفه النوگ عگب المحامل
ولو يا ولينه
عنك مشينه
عگب الدلال الراح .. تنشَد ادينه
***
ها ياكفيلي اتصيح الحگ حرمنه
نار وجمر عالگاع طاحت خيمنه
اتطشرنه خويه انريد تلحگ تلمنه
يارحمة الله اليوم محد رحمنه
نار ابخيمهه
ولا والي يمهه
واخت الزلم هاليوم .. ذبحوا زلمهه
***
گصدت خيمهه بنار خيل اعوجيه
الطحنن ضلوع احسين بالغاضريه
هالليله يا عباس ليلة رزيه
خيمه العلم سويه لبنت الزچيه
زينب هضيمه
اتظَلّلهه غيمه
جيب العلم سويه .. للحره خيمه
***
متعنيه صوب الماي تشرح وضعهه
منهه استحن جرفين من صب دمعهه
محنيه چنهه الجود زايد وجعهه
يم النهر عباس چفك فجعهه
دمع الفجيعه
صب عالشريعه
شافت سهم بالعين .. بنت الوديعه
***
بعدك يظهر حسين احنت ظهرهه
وسهم الخذالك عين ماخذ نظرهه
ام الحزن لو طال بعدك عمرهه
بس للدموع اتعيش يا عظم اجرهه
دمع المصيبه
يثگل نحيبه
زينب حزينه اعليك .. ماتت غريبه
***
سعد هادي الشمري
@saadhadi83
.
بدون اعمامه وخضيب الهامه ... يكفّال
عشر خيّاله تدوس اوصاله ... عالرمال
///
انه يا عباس زينب وانته ادره
شگد “عزيز الزهره” غالي على الحره
من غُفه ارماد المخيم على جمره
بركضة المكسوره اجيت حسين انظره
لگيت المنحر يدمّيه خنجر .. يعباس
اشوف الوالي وهواي العالي .. بلا انفاس
///
بگلبي موقف يا كفيلي لحزني زاده
الرمل يا عباس صايرله وساده
باب حاجه وبيه صوت الموت ناده
واصبع من ايده خذه الخنجر امراده
اسكِتَت ونّاته اثنعش طبراته .. حسيناه
غريبه ارسومه وسليبه اهدومه .. تركناه
//
خويه هنيالك سهم بعيونك انته
وما شفت خيل الشمر من اسحگته
من ثگلهه الخيل ذيچ الكسّرتّه
وهيه فوگ الرمح صاحت آه شفته
التوزّع جسمه الحصيره اتلمّه .. اشيغسلوه
يكافل زينب التوذّر يصعب .. يشيلوه
///
الخلّه راسك بالوداع ابوسط حضنه
نحره ياخويه بوداعه انفصل عنّه
الجابلي منك عذر سابگته ونّه
رمُل متحنّي ابوريده جبت منّه
الحِنالك ظهره البچاك ابعبره .. على الماي
بدموعي ابچيته بهضم ناديته .. يرجواي
///
آه لو شايف رجعته من الشريعه
والدمع شمسوي بعيونه الوسيعه
إي يكسرة ظهره لو تدري برضيعه
شلون دمّه صُبَغ شيب ابن الوديعه
الحَجر صبْ دمعه لمصابه وينعه .. يمذبوح
شِلي بضي عيني واشوف احسيني .. بلا روح
///
گلبه باخر دگّه بس گلبه عليّه
ابلا رَحم يعرفهه سلّابة أُميّه
بلحظة اوداعه بطفلته ايوصّي بيّه
مو بذنهه بگلبه ترچية رقيه
وصية الغالي احرسي اعيالي .. والايتام
تزيد اجروحچ وانصبي بروحچ .. ألخيام
///
✍️سعد هادي الشمري✍️
@saadhadi83