55
له الحمد رب العرش في نعمة الإسلام هي النعمــه اللي نســـأل اللَّه يوثقهـا،،.
السحاب امحمله والجو ضافي
يا الاه الكون تمطرها علينا
انزل الهتّان زيل ام العجافي
اتحيا الارض الجديبه واتحيينا
شاق عيني شوفة الجو الخورافي
والبراد اللي ينسنس كل حينا
لابدا تصوير في وضع احترافي
كيمرته اتقول زين الجو زينا
العباد اعمالها ظُلم واتجافي
لكن الطافك نسال انها تجينا
والله انّا من فعايلنا نخافي
واننا من دون جودك تايهينا
لو تركتانا علينا الشر طافي
والله ان نهلك وحنا مادرينا
ندري ان اذنوبنا ماهي خوافي
من جزيل العفو يالله مستحينا
ماجحدنا نعمتك يارب وافي
مير عن ذكرك ترانا غافلينا
اكفنا يالمكتفي ياخير كافي
انت من غيرك له القاسي يلينا
لاقترفنا بالذنوب اسوا اقترافي
اعُف عنا ياوريث الوراثينا
يالعباد استغفروا والخير لافي
تكسبو بالمغفره دنيا ودينا
وعد ربي لاوعد مابه خلافي
كل ماهو قال ذا حق ويقينا
@Sultan_Al_Arifi