Вясна / Правы чалавека ў Беларусі

22 May 2025 16:35

🌿У бліжэйшыя дні адбудзецца шэраг мерапрыемстваў з нагоды Дня Палітвязняў

🇵🇱Познань, 23 траўня, 19:00
Дзень палітвязня: лісты, кінаноч, піца і напоі. Rozbrat, Pułaskiego 21A. Падрабязнасці

🇵🇱Варшава, 23 траўня, 19:00
Вечар памяці героя Беларусі Вітольда Ашурка. Беларускі Дом у Варшаве, ul. Kryniczna 6. Падрабязнасці

🇵🇱Уроцлаў, 24 траўня, 17:00 - 18:30
Дыскусія-сустрэча з палітвязнямі. Instytut Historyczny UWr, ul. Szewska, 49. Падрабязнасці

🇳🇱Утрэхт, 24 траўня, 20:00
Вечар «Пяць гадоў барацьбы і рэпрэсій у Беларусі». Savannah Bay, Telingstraat 13. Падрабязнасці

🇬🇧Лондан, 26 траўня, 12:00 - 13:30
Акцыя салідарнасці з беларускімі палітвязнямі ў Лондане, 10 Downing Street. Падрабязнасці

❗️Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

✍️Калі ласка, паведамляйце пра мерапрыемстваў у вашых гарадах праваабаронцам на @Viasnainfo

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

22 May 2025 15:15

💸Больш за 130 прысудаў за салідарнасць: як беларусаў караюць за данаты

Падтрымка перадачамі, грашовы перавод у СІЗА, данат у ініцыятывы — усё гэта можа стаць падставай для ўзбуджэння крымінальнай справы ў Беларусі. Падчас барацьбы з COVID-19 у адказ на бяздзейнасць уладаў беларусы аб'ядналіся і пачалі дапамагаць данатамі лекарам, з 2020 — рэпрэсаваным і пацярпелым падчас пратэстаў ад гвалту сілавікоў, а з 2022 — украінцам і беларускім добраахвотнікам, якія ваююць супраць расійскай агрэсіі.

Цяпер дзясяткі чалавек знаходзяцца за кратамі за «фінансаванне экстрэмісцкай і/ці тэрарыстычнай дзейнасці», а таксама за «фінансаванне ўдзелу на тэрыторыі замежнай дзяржавы ва ўзброеным канфлікце».

Па даных «Вясны», за данаты асудзілі мінімум 135 чалавек, 85 з якіх утрымліваюцца цяпер у няволі. Распавядаем, хто гэтыя людзі і якія тэрміны ім прызначылі.

Чытаць па спасылцы 👉 https://spring96.org/be/news/118002

Вясна / Правы чалавека ў Беларусі

22 May 2025 13:15

Айцішніцу не выпусцілі з Беларусі. Яна рэгулярна прыязджала з Еўропы, але ў 2025 годзе знайшлося фота з пратэстаў

Гэтую гісторыю devby распавёў чытач.

Паводле яго слоў, каляжанка рэгулярна ездзіла да родных у Беларусь і паспяхова вярталася. Аднак сёлета на зваротным шляху яе развярнулі на мяжы з Польшчай: проста сказалі, што ёсць абмежаванне на выезд і прапанавалі па тлумачэнні звяртацца ў АГіМ.

«Яна так і зрабіла, і высветлілася, што абмежаванне накладзена па лініі сілавых органаў праз некалькі дзён пасля яе ўезду — усё таму, што выявілася фота з пратэстаў 2020 года, дзе яна ў натоўпе на праезнай частцы. Пры гэтым нішто, здаецца, не прадвяшчала: ніхто ёю не цікавіўся, не тэлефанаваў і не пісаў. У выніку дзяўчыну абвінавацілі па "народным артыкуле"».

Вясна / Правы чалавека ў Беларусі

22 May 2025 12:10

🌿22 траўня — Дзень Палітвязняў у Кракаве

Запрашаем на вечар салідарнасці з беларускімі палітвязнямі. У праграме — мастацтва, музыка і адкрытая размова.

🖼 17:30 – 17:40 | Адкрыццё выставы «Пачуцці»
Малюнкі, створаныя палітвязнямі ва ўмовах зняволення. Пошук святла ў цемры, сведчанне чалавечай годнасці і трываласці.

🎵 17:40 – 18:10 | Акустычны выступ Алеся Папковіча
Жывая музыка — як голас свабоды.

🎤 18:20 – 19:20 | Дыскусія «Нельга забыць?»
Як перажыты досвед гвалту і выгнання адлюстроўваецца ў літаратуры для дзяцей і падлеткаў.

📍Прастора (ul. Mikołajska 4/6), Кракаў
🎟 Уваход вольны
⁉️Падрабязнасці па спасылцы
✍️Арганізатары: «Вясна», Інстытут беларускай кнігі, Towarzystwo Białoruskie

👀Падрабязную інфармацыю пра ўсе мерапрыемствы да Дня Палітвязняў можна паглядзець на prisonersday.info

Вясна / Правы чалавека ў Беларусі

22 May 2025 10:16

Святая Імша ў інтэнцыі беларускіх палітвязняў прайшла ў Рыме

Пра гэта піша @tsikhanouskaya.

Беларускае святарства прадстаўляў каталіцкі святар айцец Вячаслаў Барок. Падчас службы гучаў беларускі хор, які надаў малітве духоўную глыбіню і нацыянальнае гучанне. Пасля літургіі адбыўся прыём з удзелам дыпламатаў і чальцоў італьянскага парламента. Гэта стала важным жэстам міжнароднай салідарнасці з усімі, хто церпіць пераслед у Беларусі.

Вясна / Правы чалавека ў Беларусі

22 May 2025 09:02

У Клайпедзе прайшла акцыя «Чарга» ў падтрымку палітвязняў

Каб візуалізаваць сённяшнюю колькасць афіцыйна прызнаных вязняў сумлення — 1189 — актывіст/кі Клайпеды «занялі чаргу» на паром для ўсіх палітзняволеных, расклаўшы іх імёны, паставіўшы боты або намяляваўшы крэйдай сляды на пешаходнай дарожцы

«Немагчыма зрабіць фота, на якое змясцілася б чарга, даўжэйшая за 400 метраў.

Мінакі звярталі ўвагу на гэты даўжэзны спіс на асфальце і цікавіліся зместам акцыі. Актывіст/кі расказвалі пра палітвязняў па-літоўску і па-ангельску. І часам па-руску — тут адбылася эмацыйная дыскусія

Мы помнім кожнага. Ганарымся іх мужнасцю. Жыве Беларусь!».

Вясна / Правы чалавека ў Беларусі

21 May 2025 17:34

🌿Міжнародная супольнасць рэагуе на Дзень салідарнасці з палітвязнямі: «Маё сэрца — з палітвязнямі і іх сем'ямі»

Праваабарончы цэнтр «Вясна» вызначыў 21 траўня Днём салідарнасці з палітзняволенымі Беларусі. Сёлета — ужо чацвёртая гадавіна са дня смерці ў шклоўскай калоніі № 17 палітзняволенага актывіста Вітольда Ашурка.

У гэты дзень збіраем рэакцыі міжнароднай супольнасці на гэтую дату.

«Неабходна паважаць права беларускага народа самастойна вызначаць сваю будучыню. Наша агульная адказнасць — падтрымаць яго законнае імкненне жыць ва ўмовах свабоды, годнасці і поўнай павагі правоў чалавека».

Вясна / Правы чалавека ў Беларусі

21 May 2025 16:45

🌿Заўтра адбудзецца шэраг мерапрыемстваў з нагоды Дня Палітвязняў

🇵🇱Уроцлаў, 17:00
Падпісанне лістоў салідарнасці беларускім палітзняволеным, Tadeusza Kościuszki 35A. Падрабязнасці

🇵🇱Кракаў, 17:30 - 20:00
«Творчасць за кратамі», адкрыццё выставы і размова. «Прастора», ul. Mikołajska 4/6. Падрабязнасці

🇵🇱Варшава, 18:30
Малітва за палітвязняў. Евангельская царква «Puławska», Puławska, 114. Падрабязнасці

🇱🇹Вільня, 19:00
Прэм'ера спектакля «Ордэн Белай Мышы». Тэатральная заля «Mroj-hall teatras», Gedimino pr. 28. Падрабязнасці

❗️Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

✍️Калі ласка, паведамляйце пра мерапрыемстваў у вашых гарадах праваабаронцам на @Viasnainfo

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

21 May 2025 15:46

🌿Дасылайце фотаздымкі з акцый салідарнасці да Дня Палітвязняў

Сёння мерапрыемствы з гэтай нагоды адбываюцца ў шэрагу краінах Еўропы. Дасылайце фотаздымкі і відэа з акцый праваабаронцам на @Viasnainfo.

❗️Памятайце пра правілы бяспекі. Далучайцеся да салідарных дзеянняў, толькі калі гэта бяспечна для вас.

Таксама раім вас не дасылаць фотаздымкі і відэа, публікацыя якіх патэнцыйна можа нашкодзіць ўдзельнікам і ўдзельніцам акцый.

👀Падрабязную інфармацыю пра ўсе мерапрыемствы можна паглядзець на prisonersday.info

Вясна / Правы чалавека ў Беларусі

21 May 2025 14:34

🤬Палітзняволенага журналіста Дзяніса Івашына, верагодна, зноў змясцілі ў ШІЗА

Пра гэта паведаміла ягоная жонка Вольга:

"Паколькі і да сёння ніякай новай карэспандэнцыі ад Дзяніса мы не атрымалі, можна з пэўнасьцю канстатаваць, што яго зноўку зьмясцілі ў ШІЗА. Калі лічыць тэрмін дадатковага катавання з моманту папярэдняга ліста Дзяніса, то сёння патэнцыйна йдуць ужо 14 содні ШІЗА. Нагадваю, падчас перабывання там вязню забаронена ліставанне, прагулкі ў дворыку, з асабістых рэчаў у камеру можна ўзяць толькі зубную шчотку, пасту і рушнік".

Нагдаем, у верасні 2022 года Гродзенскі абласны суд прызнаў Івашына вінаватым паводле арт. 365 КК (умяшанне ў дзейнасць супрацоўніка ўнутраных спраў) і ч. 1 арт. 356 КК (здрада дзяржаве) і асудзіў яго да 13 гадоў і 1 месяца калоніі ва ўмовах узмоцненага рэжыму. Пазней Дзянісу ўзмацнілі пакаранне і перавялі на турэмны рэжым у Жодзіна.

💌Адрас утрымання палітвязня: Следчая турма № 8. 222163, г. Жодзіна, вул. Савецкая, 22А

Вясна / Правы чалавека ў Беларусі

21 May 2025 13:30

📝Брытанская праваабарончая арганізацыя: «ARTICLE 19 з гонарам падтрымлівае беларусаў і працягвае абараняць іх справу»

У Міжнародны дзень салідарнасці з палітычнымі зняволенымі ў Беларусі брытанская праваабарончая арганізацыя ARTICLE 19 выпусціла заяву, у якой пацвердзіла свой намер выкарыстоўваць любую магчымасць, каб выказаць сваю непахісную падтрымку і захапленне беларускім народам.

Праваабаронцы запэўнілі, што яны будуць працягваць патрабаваць безумоўнага вызвалення ўсіх палітычных зняволеных і спынення наступу на асноўныя правы.

«Рэжым Лукашэнкі прыклаў усе намаганні, каб знішчыць незалежныя СМІ і арганізацыі грамадзянскай супольнасці, распаўсюдзіць атмасферу страху і здушыць усякую надзею. Але Лукашэнку не ўдалося зламаць мужнасць, стойкасць і рашучасць беларускага народа, які працягвае змагацца за вяртанне сваёй краіны з рук дыктатара».

Вясна / Правы чалавека ў Беларусі

21 May 2025 12:45

❗️У Беларусі новыя «экстрэмісцкія фармаванні»

Гэта праекты «Дорога в ад», «Партызанская хваля», «Белорусская аналитическая мастерская». Усе яны былі прызнаныя «экстрэмісцкімі фармаваннямі» па рашэнні КДБ.

Паводле ведамства, дачыненне да «Дорога в ад» мае Генадзь Глушакоў, да «Белорусская аналитическая мастерская» — Андрэй Вардамацкі, Марына Новікава і Павел Усаў.

Вясна / Правы чалавека ў Беларусі

21 May 2025 12:14

💔Чаму менавіта 21 траўня абраны Днём палітвязняў?

Менавіта ў гэты дзень у шклоўскай калоніі № 17 у 2021 годзе загінуў Вітольд Ашурак — мужны актывіст, асуджаны да пяці гадоў за ўдзел у мірных пратэстах. Вітольд мусіў выйсці на свабоду сёлета — 9 чэрвеня 2025 года, аднак гэтага не адбудзецца.

Афіцыйная прычына смерці — спыненне сэрца. Аднак яго сваякі сцвярджалі: да зняволення праблем са здароўем у Вітольда не было. Пасля яго смерці Следчы камітэт апублікаваў відэа, на якім палітвязень ледзь стаіць на нагах.

Яго цела перадалі з забінтаванай галавой. Справу па факту смерці не завялі дагэтуль.

🔹Cалідарнасць супраць рэпрэсій! 21 траўня — Дзень палітвязняў

Вясна / Правы чалавека ў Беларусі

21 May 2025 11:00

🟨 Дзень палітвязняў у «Карме»

21 траўня а 18:00 культавы варшаўскі бар «Карма» і Праваабарончы цэнтр «Вясна» ладзяць вечар салідарнасці з палітвязнямі.

Будзе мастацкі перформанс. Будуць размовы. Будуць піны ў выглядзе «жоўтых бірак» — і будзе шмат сэнсу.

Жоўтая бірка — гэта спецыяльная метка, якую прымушаюць насіць палітвязняў у беларускіх калоніях. Пра яе ўпершыню распавёў у лісце на волю Вітольд Ашурак. З таго часу бірка стала сімвалам. Сімвалам несправядлівасці. Супраціву. Памяці. І надзеі.

Прыйдзі. Падтрымай. Вазьмі пін. Нават калі ты проста зойдзеш у бар на напой — ты ўжо частка салідарнасці.

📍 Al. 3 Maja 15, Warszawa
👉 Спіс падзей у Варшаве і іншых гарадах — на prisonersday.info

Вясна / Правы чалавека ў Беларусі

21 May 2025 10:17

❗️Час вызвалення — цяпер! Маніфест з нагоды Дня палітвязняў

Беларускія праваабароныя арганізацыі выступілі з сумесным зваротам у Дзень палітвязняў.

«Мы перакананыя, што вызваленне ўсіх палітычных зняволеных не толькі магчымае, але і абсалютна неабходнае. Гэта не толькі гуманітарны абавязак, але і важны крок да пераадолення найглыбейшага крызісу, які працягваецца ў Беларусі.

Цяпер настаў момант разглядзець і паслядоўна задзейнічаць усе даступныя шляхі, якія спрыяюць іх вызваленню, у тым ліку гуманітарныя перамовы і дыпламатычныя ініцыятывы.

Падпішыце маніфест на адмысловым сайце! Падпісваючы гэты маніфест, вы падтрымліваеце рэальныя крокі па вызваленні палітычных зняволеных у Беларусі».

Вясна / Правы чалавека ў Беларусі

22 May 2025 15:45

💔Храналогія крыміналізацыі салідарнасці: як у Беларусі знікае права быць побач

Сёння ў Беларусі салідарнасць стала падставай для крымінальнага пераследу. Перадача ў турму, ліст з падтрымкай, грашовы перавод — за гэта можна атрымаць рэальны тэрмін. Штодзённыя чалавечыя жэсты разглядаюцца дзяржавай як пагроза. Яна ўсё часцей карае не толькі тых, хто адкрыта пратэставаў, але і тых, хто спрабаваў захаваць чалавечнасць.

Гэты матэрыял — храналогія крыміналізацыі ў Беларусі салідарнасці з палітзняволенымі пасля 2020 году, аповед пра тое, як у краіне знікае права быць побач.

«"Чым мы можам дапамагчы?" — гэта пытанне, якое не мае аднаго адказу. Галоўнае задаваць яго і шукаць максімальна бяспечныя формы падтрымкі. Не кінуць знаёмых сам-насам з бядой пасля арышту, дапамагчы іх сям'і, падвезці з перадачай, пасядзець з дзецьмі, нарэшце, проста паведаміць праваабаронцам пра факт рэпрэсій – гэта ўсё дапамога і салідарнасць, яе ў нас не адабраць».

Вясна / Правы чалавека ў Беларусі

22 May 2025 14:35

✊Падорым дзецям палітвязняў летнія вакацыі!

Калі адзін з бацькоў апынаецца за кратамі, а другі вымушаны ратавацца за мяжой, пакутуюць у першую чаргу дзеці. Сёння сотні сем'яў палітвязняў жывуць у эміграцыі, сутыкаючыся з фінансавымі і побытавымі праблемамі. Іх дзеці пазбаўленыя свайго дому, сувязяў і часцяком самага неабходнага.

BYSOL адкрывае традыцыйны збор у падтрымку такіх дзяцей. Гэта не абстрактная дабрачыннасць, а канкрэтная дапамога дзецям, якія проста цяпер маюць патрэбу ў нашай салідарнасці.

На кожнае дзіця да 16 гадоў будзе выплачана па 100 еўра. Заяўкі на атрыманне дапамогі будуць прымацца да 18 траўня ўключна.

Падтрымаць збор па спасылцы

Вясна / Правы чалавека ў Беларусі

22 May 2025 12:35

🌿«Салідарнасць перайшла на бязгучны рэжым, але не перастала існаваць». Праваабаронцы «Вясны» распавялі пра тое, што іх натхняе

Сёлета тэмай Дня палітвязняў праваабаронцы «Вясны» абралі салідарнасць, якую рэжым Лукашэнкі спрабуе знішчыць і адабраць у беларускага грамадства. Пры гэтым, амерыканскі рэжысёр, італьянскі мастак, сакратарка суддзі ў Мінску, сукамерніцы ў ІЧУ — розныя людзі з розных куткоў свету і жыцця аб’ядноўваюцца праз суперажыванне і салідарнасць з палітвязнямі Беларусі.

Праваабаронцы дзеляцца гісторыямі, якія сведчаць: нават калі салідарнасць перайшла на «бязгучны рэжым», яна працягвае існаваць — і натхняе.

«Беларуская салідарнасць настолькі моцная і пераканаўчая, што часам людзі падчас судоў, ведаючы, што там толькі я, усё роўна падчас сваіх паказанняў вельмі акуратна перадавалі інфармацыю пра тое, што дома засталіся жывёлы і прыглядаць за ім няма каму, таму прасілі каб я звязалася неяк з пэўнымі людзьмі, якія ведаюць, што рабіць».

Вясна / Правы чалавека ў Беларусі

22 May 2025 11:33

У Музеі Вольнай Беларусі ў Варшаве адкрылася выстава з рэчамі палітвязняў

Выстава «Нічога асабліва новага» прадстаўляе асабістыя рэчы палітвязняў, перададзеныя ў калекцыю музею: штодзённыя побытавыя прадметы — маўклівыя сведкі жыцця за кратамі. Жыцця людзей, кінутых у турмы за перакананні, годнасць і імкненне да свабоды. Поруч з імі таксама радкі з лістоў, вершы і гукавыя запісы, зробленыя палітвязнямі.

Выстава захоўвае іх словы і рэчы ў якасці дакументаў эпохі, а таксама як эмацыйнае сведчаньне супраціву, піша «Радыё Свабода».

Вясна / Правы чалавека ў Беларусі

22 May 2025 09:32

✊У Беластоку прайшла акцыя да Дня Палітвязняў

«Мы сабраліся, бо памятаем. Памятаем Вітольда Ашурка. Памятаем тых, хто сёння за кратамі. Памятаем, што за праўду і сумленне ў Беларусі па-ранейшаму садзяць, катуюць, забіваюць.

Салідарнасць жыве. Памяць трывае. І воля абавязкова пераможа».

Вясна / Правы чалавека ў Беларусі

22 May 2025 08:45

У Любліне прайшла акцыя да Дня Палітвязня

«Мы, актывісты і актывісткі горада Люблін, будзем казаць пра палітвязняў, каб іх голас гучаў нават за сценамі турмы»

Вясна / Правы чалавека ў Беларусі

21 May 2025 17:00

💔«Успрымаю яго як беларускага героя». Вольга Быкоўская — пра Вітольда Ашурка

21 траўня 2025 года — чацвёртая гадавіна смерці палітвязня Вітольда Ашурка. Ён загінуў у зняволенні. Менавіта з гэтай сумнай нагоды Праваабарончы цэнтр «Вясна» вызначыў дату смерці Вітольда — 21 траўня — Днем палітвязняў Беларусі. Сёлета тэмай Дня стала салідарнасць.

«Вясна» пагаварыла з сябрай Вітольда, журналісткай і грамадскай актывісткай Вольгай Быкоўскай.

«Мне хацелася, каб Вітольда памяталі як чалавека, які любіў Беларусь, які любіў сваіх сяброў, які быў гатовы аддаць сваё жыцце — і нажаль так атрымалася, што ён і аддаў сваё жыццё».

Вясна / Правы чалавека ў Беларусі

21 May 2025 16:15

🎧«Пазначаныя жоўтым». Слухайце музычны альбом пра палітвязняў Беларусі на розных пляцоўках

У мінулым лістападзе праваабарончы цэнтр «Вясна» з творчымі дзеячамі прэзентавалі музычны альбом пра палітзняволеных Беларусі — «Пазначаныя жоўтым». Над яго стварэннем працавалі паэты, акторы, музыкі, праваабаронцы і былыя палітзняволеныя.

Альбом складаецца з шасці трэкаў, якія адлюстроўваюць шлях палітвязня ад затрымання да вызвалення. Ён з'яўляецца своеасаблівай дакументацыяй рэпрэсій Беларусі.

Запрашаем вас паслухаць яго сёння, у Дзень Палітвязняў Беларусі.

Слухаць альбом на розных пляцоўках 👉 linktr.ee/viasna96

Вясна / Правы чалавека ў Беларусі

21 May 2025 15:01

❗️Як беларусы паміраюць за кратамі ці праз наступствы ціску і ўмоваў утрымання ў ізалятарах

Учора стала вядома, што напачатку 2025 года памёр палітвязень Валянцін Штэрмер, які адбываў тэрмін у шклоўскай калоніі № 17. Абставіны трагедыі незразумелыя. Дакладна невядомая і дата смерці — толькі тое, што гэта адбылося ў пачатку 2025 года.

«Вясна» ўзгадвае ахвяраў палітычных рэпрэсій, якія памерлі за кратамі ці праз наступствы ціску і ўмоваў утрымання ў ізалятарах, а таксама праз перавышэнне паўнамоцтваў і ціск з боку сілавікоў.

Сем беларусаў памерлі за кратамі, яшчэ мінімум пра тры смерці людзей на волі праз ціск ці наступствы нечалавечых умоваў у ізалятарах. Акрамя гэтага, у выніку ўжывання ўладамі сілы ў адказ на мірныя сходы ў перыяд пасля прэзідэнцкіх выбараў 2020 года загінулі як мінімум тры чалавекі.

Чытаць па спасылцы 👉 https://spring96.org/be/news/112185

Вясна / Правы чалавека ў Беларусі

21 May 2025 14:04

У Светлагорску з установаў адукацыі звальняюць усіх, хто браў удзел у пратэсных актыўнасцях

Крыніца «Гомельскай Вясны» ў Светлагорску паведаміла, што ў школы, дзіцячыя садкі, цэнтры дзіцячай творчасці ды іншыя адукацыйныя ўстановы паступіла ўказанне звольніць з працы ўсіх тых супрацоўнікаў, якія з 2020 года прыцягваліся да адміністрацыйнай ці крымінальнай адказнасці паводле палітычных матываў.

Як паведамляюць крыніцы, у Светлагорску мясцовыя чыноўнікі ад адукацыі патрабуюць выканання такога распараджэння нават ад кіраўнікоў прыватных установаў, якія надаюць адукацыйныя ці выхаваўчыя паслугі. І тычыцца гэта не толькі педагагічных кадраў, але і абслуговага персаналу.

Вясна / Правы чалавека ў Беларусі

21 May 2025 13:01

📈За пяць гадоў 3940 чалавек атрымалі статус палітвязня: Дзень салідарнасці з палітзняволенымі Беларусі ў лічбах

Ужо пяты год сітуацыя з правамі чалавека ў Беларусі застаецца жахлівай. Тысячы чалавек прайшлі праз зняволенне, дзясяткі тысяч беларусаў былі вымушаны пакінуць краіну праз рэпрэсіі. Па інфармацыі праваабаронцаў, агулам амаль за пяць гады з крымінальным пераследам сутыкнуліся больш за сем тысяч чалавек. Прама цяпер у зняволенні ў жудасных умовах утрымліваюцца не менш за 1 189 палітзняволеных.

Праваабарончы цэнтр «Вясна» вызначыў 21 траўня Днём салідарнасці з палітзняволенымі Беларусі, каб паказаць свету, што палітычны пераслед у Беларусі не спыніўся.

Прыводзім лічбы па сітуацыі з палітычнымі зняволенымі за пяць гадоў бесперапынных рэпрэсій 👉 spring96.org/be/news/117989

🌿Мы заклікаем вас працягваць падтрымліваць кожнага і кожную, хто сутыкнуўся з палітычным пераследам. Не пакідайце людзей сам-насам з рэпрэсіямі, бо сіла беларусаў — у салідарнасці! Далучыцеся да Дня палітвязняў: prisonersday.info

Вясна / Правы чалавека ў Беларусі

21 May 2025 12:40

🌿Удзельнікі кампаніі салідарнасці з Libereco: «Трэба выкарыстоўваць любую магчымасць нагадаць свету пра палітычных зняволеных»

21 траўня ў Беларусі адзначаецца Дзень салідарнасці з палітвязнямі. У гонар гэтай даты мы публікуем інтэрв'ю з удзельнікамі кампаніі салідарнасці #WeStandBYyou. Гэтая кампанія з'яўляецца ініцыятывай міжнароднай праваабарончай арганізацыі Libereco. Яна была створана ў знак падтрымкі тых, хто несправядліва заключаны ў турму.

У гэтай гутарцы гучаць некаторыя з многіх галасоў, што дапамагаюць праліць святло на рэальнасць, з якой сутыкаюцца палітычныя зняволеныя ды іх сем'і. Дзяліцца гэтымі гісторыямі — не толькі акт сведчання. Гэта таксама спосаб захаваць надзею і мабілізаваць падтрымку з-за мяжы.

«У 2025 годзе Беларусь ёсць наглядным прыкладам таго, з чым змагаецца ўвесь свет: з наступствамі аўтарытарнага кіравання, безадказнага выкарыстання ўлады і беспакаранасцю за гвалт і несправядлівасць».

Вясна / Правы чалавека ў Беларусі

21 May 2025 11:30

💔Месцазнаходжанне як мінімум 360 палітвязняў застаецца невядомым

Рэжым мэтанакіравана хавае інфармацыю пра іх — людзей пераводзяць без паведамленняў, пазбаўляюць сувязі з роднымі, абмяжоўваюць у лістах.

📢 Звяртаемся да сем’яў, сяброў, блізкіх: калі вам вядома, дзе цяпер знаходзіцца палітвязень, — паведаміце нам. Кожная інфармацыя важная!

Па вашым жаданні, вашыя звесткі застануцца непублічнымі. Вы таксама можаце перадаць інфармацыю праз вашых знаёмых, што жывуць у бяспечных краінах.

Кожная гісторыя — гэта кавалачак вялікай карціны таго, што адбываецца ў Беларусі.

@ViasnaSOS | @SOSViasna | @Viasnainfo

Вясна / Правы чалавека ў Беларусі

21 May 2025 10:31

❗️У Беларусі +8 новых палітвязняў

Гэта Андрэй Сітнікаў, Аляксандр Александроўскі, Яўген Белендык, Аляксандр Быкаў, Пётр Філіповіч, Сяргей Дзегцярэнка, Павел Бялюцін ды Васіль Грачыха.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/117984

Спіс усіх палітвязняў Беларусі 👉 prisoners.spring96.org

Вясна / Правы чалавека ў Беларусі

21 May 2025 09:45

✊Беларускія дыяспары ў розных гарадах свету правялі флэшмоб салідарнасці з беларускімі палітзняволеннымі

«Самы вялікі наш боль. Самыя лепшыя з нас, беларусаў, застаюцца ў закладніках бязлітаснага бесчалавечнага рэжыму.
Без адэкватнай медычнай дапамогі. У карцарах. Пазбаўленыя часта нават права ліставання з блізкімі. Губляючы час, надзею, здароўе, а часта, нажаль, і жыццё.

Пакуль мы будзем біць у званы і прыцягваць увагу да беларускіх падзей, пакуль будзем актыўнымі і неабыякавымі, пакуль будзем падтрымліваць адзін аднаго — у сістэмы не будзе шанса на перамогу.

Мы ведаем як для палітвязняў важныя нашыя словы падтрымкі. Заклікаем вас памятаць аб палітвязнях, пісаць ім лісты і паштоўкі, дапамагаць іх сем'ям!».