Вясна / Правы чалавека ў Беларусі

16 Jun 2025 17:00

Чарговае папаўненне «Спіса экстрэмісцкіх матэрыялаў»

У яго трапілі:

📍Telegram-каналы і чаты «Филин. Оперативная аналитика и публицистика», «Украiнский Бiлорусофiл»;
📍Instagram старонка «alex_sazanovich_canada»;
📍YouTube-канал «BelarusForum»;
📍Старонка ў Facebook «Белорусский демократический форум – BelarusForum»;
📍TikTok-старонкі «Загляне сонца», «Ваня Оменьков».

🔗Хроніка палітычнага пераследу

Вясна / Правы чалавека ў Беларусі

16 Jun 2025 16:07

🌿У Даўгаўпілсе адкрылі выставу малюнкаў беларускіх палітвязняў і паказалі спектакль, прысвечаны загінуламу палітвязню Валянціну Штэрмеру

15 чэрвеня ў Даўгаўпілсе, у Інстытуце культуры New East (вуліца 18 Навэмбра, 41A), Латвійскі тэатр пратэснай культуры прадставіў свой новы спектакль «Хрышчоны». Ён прысвечаны памяці Валянціна Штэрмера — беларускага палітвязня, пра смерць якога стала вядома напярэдадні Міжнароднага дня салідарнасці з беларускімі палітычнымі вязнямі, які адзначаецца 21 траўня.

У гэты ж дзень адкрылася выстава малюнкаў беларускіх палітвязняў «Беларусь. Мастацтва за кратамі». Выставу ў New East (18. novembra iela 41A) можна будзе наведаць да 14 ліпеня.

Крыніца: Chayka

Вясна / Правы чалавека ў Беларусі

16 Jun 2025 14:30

✊Алею побач з амбасадай Беларусі ў Сафіі прапануюць назваць у гонар Алеся Пушкіна

З такой прапановай да кіраўніка раёна Слаціна звярнуліся беларусы Балгарыі. Паведамляецца, што беларусы і неабыякавыя жыхары Сафіі нават гатовыя аказаць дапамогу ў добраўпарадкаванні гэтага месца.

Подпісы пад зваротам збіраюцца па спасылцы

Нагадаем, што суддзя Алена Шылько прызначыла Алесю 5 гадоў зняволення. У ноч з 10 на 11 ліпеня 2023-га году Пушкін памёр у рэанімацыі, куды ён трапіў з гродзенскай турмы. Як пазней высветлілася, у мастака была прабадная язва, яму своечасова не аказалі дапамогу ў турме. Алеся ўжо ў непрытомным стане прывезлі ў бальніцу, на аперацыйным стале ў яго спынілася сэрца.

Вясна / Правы чалавека ў Беларусі

16 Jun 2025 13:15

Дапамога 19-гадоваму беларусу, якога затрымалі праз актыўнасць брата. Асцерагаючыся крымінальнай справы, ён з'ехаў з краіны

«Мяне завуць Зміцер Стагурскі, мне 19 гадоў. Я брат Мікалая Стагурскага, якога затрымлівалі за каментары і спрабавалі вербаваць. Пасля таго, як ён з'ехаў з краіны, да нас дадому некалькі разоў прыходзілі з ператрусам.

Падчас арышту мяне двойчы выклікалі да следчага, пыталіся пра брата. Апошні раз зноў пачалі пагражаць, што павязуць у лес, зламаюць нагу, падкінуць што-небудзь. Было страшна. Калі я выйшаў з «содняў», плакаў. Па словах родных, быў вельмі бледны, моцна схуднеў, баяўся сказаць чагосьці не вартага.

Пасля гэтага вырашыў з'ехаць – мяне палохалі пагрозы аб тым, што могуць пасадзіць надоўга. А мне толькі 19 год, не хочацца праводзіць гэты час у калоніі. Тым больш, што «содні» сталі вялікім стрэсам: магу прачнуцца пасярод ночы, бо здаецца, што я зноў у ізалятары.

Цяпер планую вяртацца да нармальнага жыцця і тэрмінова шукаць, дзе атрымаць адукацыю».

Вясна / Правы чалавека ў Беларусі

16 Jun 2025 11:15

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Вясна / Правы чалавека ў Беларусі

16 Jun 2025 09:01

Сёння ў Гродне пачынаецца завочны суд за «здраду дзяржаве»

Як стала вядома праваабаронцам «Вясны», 16 чэрвеня ў Гродзенскім абласным судзе пачынаецца завочны суд над 39-гадовым Андрэем Занеўскім. Яго абвінавачваюць у «здрадзе дзяржаве» (ч. 1 арт. 356 КК). Сутнасць абвінавачвання невядомая.

Агулам з 2020 года за «здраду дзяржаве» былі асуджаныя мінімум 107 чалавек.

🌿Калі вам вядомыя падрабязнасці справы ці інфармацыя пра Андрэя, калі ласка, пішыце на @Viasnainfo

Вясна / Правы чалавека ў Беларусі

15 Jun 2025 15:00

«Сказалі, што прастрэляць калені». Як па палітзняволенага Іллю Бохана ціснулі пасля вызвалення

«Адразу да мяне прыехаў ГУБАЗіК. Пасля праверкі тэлефона яны сказалі, што калі яшчэ раз мяне заўважаць на такіх мерапрыемствах [акцыях пратэсту], то прастрэляць калені.

Потым мяне выклікалі ў КДБ, дзе пагражалі, што адправяць назад у турму, калі захочуць. У мяне ўвесь час правяралі тэлефоны, часта прыязджалі дадому і ладзілі ператрусы ў кватэры. Я ўвесь час быў пад іх кантролем. Мяне гэта палохала. Я баяўся, калі мне тэлефанавалі невядомыя нумары або званілі ў дзверы, а я нікога не чакаў. Часта супрацоўнікі прыходзілі раптоўна, без папярэджання. Яны не званілі нават у дамафон, а адразу ў дзверы грукалі. Заходзілі і казалі: "Давай сюды тэлефон на праверку". Потым мяне пачалі саджаць на "суткі" ў ізалятар, нібыта за парушэнні "прэвентыўнага нагляду"».

Вясна / Правы чалавека ў Беларусі

15 Jun 2025 11:01

🌿У Даўгаўпілсе адкрыюць выставу малюнкаў беларускіх палітвязняў і пакажуць спектакль, прысвечаны загінуламу палітвязню Валянціну Штэрмеру

15 чэрвеня ў Даўгаўпілсе, у Інстытуце культуры New East (вуліца 18 Навэмбра, 41A), Латвійскі тэатр пратэснай культуры прадставіць свой новы спектакль «Хрышчоны». Пачатак а 17-ай гадзіне.

Спектакль прысвечаны памяці Валянціна Штэрмера — беларускага палітвязня, пра смерць якога стала вядома напярэдадні Міжнароднага дня салідарнасці з беларускімі палітычнымі вязнямі, які адзначаецца 21 траўня.

Спектакль на рускай мове, працягласць — каля гадзіны. Квіткі (па 7 еўра) можна купіць па гэтай спасылцы.

У гэты ж дзень, за паўгадзіны да спектакля, адкрыецца выстава малюнкаў беларускіх палітвязняў «Беларусь. Мастацтва за кратамі». Выставу ў New East можна будзе да 14 ліпеня.

Крыніца: Chayka

Вясна / Правы чалавека ў Беларусі

14 Jun 2025 17:01

🗣Паведамляйце праваабаронцам навіны пра палітвязняў

Па інфармацыі праваабаронцаў «Вясны», агулам па заканчэнні тэрмінаў з 2020 года з папраўчых установаў выйшлі больш за 1 550 чалавек. У траўні на волю выйшлі мінімум 51 чалавек: дзевяць цалкам адбылі тэрміны, яшчэ 42 палітвязні былі памілаваны.

Адзначым, што лічба палітвязняў, якія выйшлі на волю па адбыцці тэрміну, можа быць большай праз адсутнасць дакладных звестак пра іх вызваленне.

Калі вам вядома, што чалавек, асуджаны па палітычных матывах, знаходзіцца ўжо на волі, калі ласка, паведамляйце праваабаронцам праз тэлеграм: @Viasnainfo

Вясна / Правы чалавека ў Беларусі

14 Jun 2025 13:04

💔3 гады і 11 месяцаў таму затрымалі Алеся Бяляцкага, Валянціна Стэфановіча і Уладзіміра Лабковіча

14 ліпеня 2021 года да іх і іншых «вясноўцаў» прыйшлі з ператрусамі. Праваабаронцаў абвінавачвалі ў «кантрабандзе» і «фінансаванні групавых дзеяннях, якія груба парушаюць грамадскі парадак».

У пазамінулым сакавіку суддзя Марына Запаснік прысудзіла «вясноўцам» вялікія тэрміны: Уладзю — 7 гадоў калоніі, Валянціну — 9 гадоў калоніі, Алесю — 10 гадоў калоніі. Праваабаронцы не прызналі віну ні па адным артыкуле, які ставіўся ім у віну.

Пазней праваабаронцаў унеслі ў «спіс экстрэмістаў».

💌Месца ўтрымання «вясноўцаў»:
- ПК № 9, 213410, Горкі, Дабралюбава, 16, Аляксандру Віктаравічу Бяляцкаму
- ПК № 15, 213105, Магілёў, п/а Вейна, Слаўгарадская шаша 183, Валянціну Канстанцінавічу Стэфановічу
- ПК № 17, 213004, Шклоў, 1-я Заводская, 8, Уладзіміру Мікалаевічу Лабковічу
💻Напісаць анлайн
💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

14 Jun 2025 09:02

🌿Праваабарончая праграма «Вясна»

1:25 Канферэнцыя «Жанчыны ў зняволенні: нябачны боль пенітэнцыярнай сістэмы Беларусі» пройдзе 25 чэрвеня ў Вільні. Размаўляем пра гэта з праваабаронцам Васілём Завадскім

9:30 Папулярызацыя юрыдычнага спосабу мыслення і стварэнне юрыдычных супольнасцяў. Гэтым займаецца Максім Палавінка. Як ён гэта робіць?

28:03 Паглядзім на важныя бліжэйшыя даты, сярод якіх Сусветны дзень барацьбы з дзіцячай працай (12 чэрвеня)

Вясна / Правы чалавека ў Беларусі

13 Jun 2025 17:04

Чарговае папаўненне «Спіса экстрэмісцкіх матэрыялаў»

У яго трапілі:

📍Telegram-каналы і чаты «Беларусы Латвii», «Навiны Суполкi»;
📍Instagram старонка «belhumanrightshouse»;
📍Старонкі ў Facebook «Ołówek Druk», «SUPOLKA Беларусаý у Латвii», «Беларусы Вiльнi»;
📍Відэаролік «Ужасы пресс-отряда в женской колонии Лукашенко. Антонина Коновалова»;
📍TikTok-старонка «vitebskexpert».

Вясна / Правы чалавека ў Беларусі

13 Jun 2025 15:02

«Палохалі "крытай турмой" і "петушатняй"». Якія метады ціску на палітвязняў выкарыстоўваюцца ў бабруйскай калоніі

«Нас пастаянна палохалі "крытай турмой", новай крымінальнай справай паводле арт. 411 Крымінальнага кодэкса і ШІЗА. Некаторых палохалі "петушатняй". Гэта ўсё рабілі аператыўнікі — па сутнасці, толькі яны вырашаюць, што з табой будзе ў калоніі.

Памятаю, у 2023 годзе аператыўнікі выклікалі ўсіх і пыталіся, ці лічым мы сябе палітычнымі зняволенымі і ці ведаем, што такое "Вясна". Пад канец тэрміну ў 2024 годзе мне прапаноўвалі зняцца ў прапагандысцкім інтэрв'ю — казалі, што прыедзе нейкая Гладкая, але я не ведаю, хто гэта такая. Я сказаў, што мне гэта нецікава і адмовіўся. Мне нічога за гэта не было"»

Вясна / Правы чалавека ў Беларусі

13 Jun 2025 13:02

У Осла адбылася цырымонія ўручэння міжнароднай прэміі імя Артура Свенсана

Сёлета прэмія прысуджана Аляксандру Ярашуку, старшыні Беларускага кангрэсу дэмакратычных прафсаюзаў, сябру Адміністрацыйнай рады Міжнароднай арганізацыі працы. Сын Аляксандра, прымаючы ўзнагароду, сказаў, што ягоны бацька працаваў над тым, каб Беларусь стала краінай, дзе правы чалавека, годная праца і сацыяльная справядлівасць сталі не проста лозунгамі, а нормай.

«Калі ў Беларусі пачаліся рэпрэсіі, у тым ліку ў дачыненні да незалежных прафсаюзаў, бацька не шукаў бяспечнае месца. Застацца са сваімі таварышамі, паплечнікамі па прафсаюзнай дзейнасці было ўсвядомленым і прынцыповым рашэннем. Яго пасадзілі ў турму за прафсаюзную працу, за ягоную публічную пазіцыю і за смеласць казаць тое, што ён лічыў важным і справядлівым».

Вясна / Правы чалавека ў Беларусі

13 Jun 2025 11:32

🔗Паведамляйце праваабаронцам пра затрыманні па «справе Гаюна»

Паводле звестак «Вясны», апошнія месяцы ў Беларусі працягваюцца затрыманні ў межах крымінальнай справы за перадачу інфармацыі «Беларускаму Гаюну». Як паведамлялі былыя вязні Акрэсціна, затрыманні адбываюцца ў межах арт. 361-4 Крымінальнага кодэкса (садзейнічанне экстрэмісцкай дзейнасці). Большасць затрыманых — мужчыны.

Паводле інфармацыі «Вясны», у бліжэйшы час ужо распачнуцца першыя судовыя працэсы па гэтай справе.

Праваабаронцам вядома пра як мінімум 20 пацверджаных(!) фігурантаў «справы Гаюна», якіх змясцілі пад варту. Агульная ж лічба затрыманых значна больш.

🔹Затрыманыя пераведзены ў СІЗА за «садзейнічанне экстрэмізму»: што вядома пра «справу Гаюна»

🌿Калі вашых блізкіх затрымалі па гэтай справе, паведаміце, калі ласка, праваабаронцам праз тэлеграм @Viasnainfo

Вясна / Правы чалавека ў Беларусі

16 Jun 2025 16:32

🌿МЗС, Парламент, Сенат і Ватыкан. Беларускі праваабаронца — у Італіі

Прадстаўнікі трох Нобелеўскіх лаўрэатаў прэміі міру 2022 года ў межах кампаніі «People First» наведалі Італію. Сярод іх — праваабаронца ПЦ «Вясна» і былы палітвязень Леанід Судаленка, а таксама праваабаронца з Цэнтра грамадзянскіх свабодаў (Украіна) Аляксандра Раманцова і экс-палітвязень і праваабаронца з «Мемарыялу» (Расія) Алег Арлоў.

Праваабаронцы наведалі Міністэрства замежных спраў Італіі, Парламент ды Інстытут міжнародных спраў, а таксама пабывалі на слуханнях у Сенаце і ў Ватыкане.

«Сістэма ў Італіі працуе такім чынам, што кожнае рашэнне павінна быць адобрана і парламентам, і Сенатам. Наша мэта — пачаць працэс, каб Парламент і Сенат звярнуліся да ўрада Італіі аб больш актыўным лабіяванні мэты вызвалення палітвязняў у Расіі ды Беларусі».

Вясна / Правы чалавека ў Беларусі

16 Jun 2025 15:40

У «спіс тэрарыстаў» дадалі 5 чалавек

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы пяці чалавек.

Сярод іх Аляксандр Сцепановіч, Ганнай Папай, Іван Каваленка, Аляксандр Мазурын, Яўген Кудзін.

Цяпер у «тэрарыстычным спісе» 1303 чалавекі, з іх 609 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

Вясна / Правы чалавека ў Беларусі

16 Jun 2025 13:45

Праваабаронцы «Вясны» бяруць удзел у круглым стале пра Беларусь у пераходны перыяд

У сталіцы Чэхіі адбываецца круглы стол пра рэфармаванне юрыдычнай прафесіі ў пераходны перыяд. У цэнтры ўвагі — досвед посткамуністычных краін, што прайшлі шлях ад аўтарытарызму да прававой дзяржавы.

«Наперадзе нас чакае доўгі працэс аднаўлення справядлівасці і законнасці. Мы сёння дакладна не ведаем, калі і як у Беларусі адбудуцца змены, але мы да іх рыхтуемся і набліжаем гэты момант», — акрэсліў мэты сустрэчы праваабаронца Алег Мацкевіч.

Гомельскі праваабаронца Леанід Судаленка адзначыў, што юрыдычная супольнасць Беларусі, нягледзячы на рэпрэсіі, выгнанне і ціск, працягвае працаваць дзеля будучыні:

«Галоўнае пасланне павінна гучаць выразна: таталітарныя метады не могуць быць прабачаныя або забытыя. Беспакаранасць спараджае паўтарэнне. А значыць, у новай Беларусі ёсць толькі адзін шлях — шлях закона, справядлівасці і павагі да правоў чалавека».

Вясна / Правы чалавека ў Беларусі

16 Jun 2025 12:03

🔗Паведамляйце праваабаронцам пра затрыманні па «справе Гаюна»

Паводле звестак «Вясны», апошнія месяцы ў Беларусі працягваюцца затрыманні ў межах крымінальнай справы за перадачу інфармацыі «Беларускаму Гаюну». Як паведамлялі былыя вязні Акрэсціна, затрыманні адбываюцца ў межах арт. 361-4 Крымінальнага кодэкса (садзейнічанне экстрэмісцкай дзейнасці). Большасць затрыманых — мужчыны.

Паводле інфармацыі «Вясны», у бліжэйшы час ужо распачнуцца першыя судовыя працэсы па гэтай справе.

Праваабаронцам вядома пра як мінімум 22 пацверджаных(!) фігурантаў «справы Гаюна», якіх змясцілі пад варту. Агульная ж лічба затрыманых значна больш.

🔹Затрыманыя пераведзены ў СІЗА за «садзейнічанне экстрэмізму»: што вядома пра «справу Гаюна»

🌿Калі вашых блізкіх затрымалі па гэтай справе, паведаміце, калі ласка, праваабаронцам праз тэлеграм @Viasnainfo

Вясна / Правы чалавека ў Беларусі

16 Jun 2025 10:04

Па палітычным артыкуле асудзілі шматдзетнага бацьку-верніка

Мінскі гарадскі суд вынес прысуд па справе 38-гадовага мінчука Яўгена Кудзіна. Мужчыну абвінавачвалі ў «закліках да нанясення шкоды нацыянальнай бяспецы» (ч. 3 арт. 361 КК), яму пагражала ад 4 да 12 гадоў калоніі.

Як піша «Наша Ніва», верагодна, удалося знайсці нейкую такую юрыдычную фармулёўку, каб прызнаць Кудзіна вінаватым, але пакінуць на свабодзе. Справа ў тым, што ў «спісе экстрэмістаў», дзе з'явілася імя мужчыны, стаіць пазнака «судзімасць не пагашана».

Магчыма, рэч у тым, што Яўген — шматдзетны бацька. У яго тры сыны — старэйшы толькі скончыў першы клас, малодшаму тры гады. Жонка Яўгена Вера памерла два гады таму. Мужчына ажаніўся яшчэ раз, але, магчыма, застаўся адзіным законным прадстаўніком дзяцей.

Вясна / Правы чалавека ў Беларусі

15 Jun 2025 17:04

Крутога айцішніка, які вярнуўся з Польшчы, асудзілі за фінансаванне «экстрэмізму»

Сяргею Салажэнцаву 42 гады. Ён нарадзіўся ў Гродне. Пасля заканчэння школы паступіў на факультэт прыкладной матэматыкі і інфарматыкі БДУ. З 2005 года працуе ў IT, піша «Наша Ніва».

У канцы 2021 года Салажэнцаў пераехаў у Варшаву. Там ён адкрыў ІП і ўладкаваўся ў кампанію RunMyLease, дзе займае пасаду Tech lead (чалавек, які адказвае за тэхнічныя рашэнні на праекце і тэхнічнае кіраўніцтва камандай).

Галоўнае хобі Сяргея — бальныя танцы. Ён пачаў выступаць парна ў Польшчы і ў 2024 годзе ўзяў два золата і адно срэбра на танцавальных конкурсах.

Пасля Сяргей вярнуўся ў Беларусь. Невядома, калі дакладна гэта адбылося, але апошні раз ён ставіў рэакцыю ў Linkedin у верасні 2024 года. Хутчэй за ўсё, прыкладна тады Салажэнцаў быў арыштаваны. Яму выставілі абвінавачванне ў «фінансаванні экстрэмісцкай дзейнасці» (арт. 361-2 КК). Цяпер яго імя з'явілася ў абноўленым «спісе экстрэмістаў».

Вясна / Правы чалавека ў Беларусі

15 Jun 2025 13:00

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹Спецслужбы выходзяць на кантакт з актывістамі праз Facebook: што вядома і як сябе абараніць

🔹У Мінску трох чалавек асудзілі за салідарнасць з палітзняволенымі

🔹Праз некалькі тыдняў пасля сутак у ІЧУ памерла 66-гадовая жанчына з анкалогіяй. Яе затрымалі па вяртанні ў Беларусь

🔹Палітвязня, які 4 гады хаваўся ад прысуду, у СІЗА месяц утрымліваюць у рэжыме інкамунікада

🔹«Сказалі, што прастрэляць калені». Гісторыя палітвязня, асуджанага за кінутую бляшанку з-пад энергетыка, калі яму было ўсяго 17

🔹Палітзняволенай Вікторыі Кульшы чацвёрты раз дадалі тэрмін за «непадпарадкаванне адміністрацыі калоніі»

🔹Беларускія добраахвотнікі, студэнт, дальнабойнік, блогер: хто трапіў у абноўлены «спіс тэрарыстаў»

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

15 Jun 2025 09:04

«Супрацоўнік сказаў, што ўсуне палку ў дупу, каб я сцёк крывёю». Што адбывалася ў Пінску ў ноч на 10 жніўня 2020-га году

«Калі мы спускаліся ў цір, то адзін супрацоўнік пачаў біць па мне каленам. На гэта яму другі сказаў: "Не бі, а то заб'еш!" Той перастаў. Мне надзелі кайданкі — заціснулі па-максімуме.

Затым нас па адным чалавеку адводзілі ў пакой, дзе супрацоўнік у пальчатках біў людзей, а потым, проста як сабак, закідваў назад у цір. Людзі пасля такога не маглі ўзняцца. Калі супрацоўнікі казалі каму-небудзь з іх ўстаць, а чалавек не мог, то яго білі па нагах дубінкай.

Цэлы ўчастак быў забіты людзьмі. Некаторыя проста ляжалі на падлозе. Было столькі людзей, што было складана прайсці. Мяне падвялі да кабінета па справах непаўналетніх. Калі я чакаў, то да мяне падышоў супрацоўнік і сказаў, што ўсуне палку ў дупу, каб я сцёк крывёю».

Вясна / Правы чалавека ў Беларусі

14 Jun 2025 15:03

🔗«З часам усё забаранілі для палітвязняў». У якіх умовах адбываюць тэрміны ў бабруйскай калоніі

Распавядае былы палітвязень Ілля Бохан.

«У 2022 годзе не так моцна прэсавалі, супрацоўнікі былі больш лаяльнымі да нас. Але з часам яны прыдумлялі нешта новае. Да майго вызвалення з палітвязнямі нельга было мець зносіны, нічога ў нас не браць і даваць таксама. Калі я заехаў у калонію, то яшчэ можна было адукацыю нейкую атрымаць, а потым ужо нельга. З часам усё забаранілі для палітвязняў: вучыцца, хадзіць у царкву, гуляць у футбол, хадзіць на курсы ангельскай.

А потым з бібліятэкі пачалі прыбіраць нібыта "экстрэмісцкія" кнігі. Я трохі вучыў ангельскую, але потым і іх забралі. Таксама канфіскавалі з бібліятэкі кнігі на польскай мове. Сказалі, што гэта варожая краіна. У бібліятэцы не засталося нармальных кніг...».

Вясна / Правы чалавека ў Беларусі

14 Jun 2025 11:00

«У мяне былі турэмныя духі — кандыцыянер для бялізны Lenor». Як палітвязень ажаніўся і развёўся за кратамі

«На прамзоне за цыгарэты мне спецыяльна пашылі вясельны касцюм з кішэнямі — звычайную робу, але прыгожую. Яна была як быццам са шкла — блішчала. Таксама ў мяне былі турэмныя духі — кандыцыянер для бялізны Lenor я наліў у слоічак ад кропель для носа. Такі спрэй выкарыстоўвалі як духі. Таксама за цыгарэты я падстрыгся — мне зрабілі мадэльную стрыжку. Распісвалі тады некалькі пар. Сведкам выступаў супрацоўнік калоніі, таксама была супрацоўніца ЗАГСа і яшчэ нейкі мужчына, які фіксаваў шлюб.

<...>Мы развяліся, калі я быў у калоніі. Я падаў заяву на развод у суд, але ў мяне яе не прынялі. Яна падала і мне толькі потым даслалі апавяшчэнне, што мы разведзеныя. Я цяжка гэта перажыў».

Вясна / Правы чалавека ў Беларусі

13 Jun 2025 17:33

❗️Палітвязня, які 4 гады хаваўся ад прысуду, у СІЗА месяц утрымліваюць у рэжыме інкамунікада

З 13 траўня няма звестак пра палітвязня Мікіту Самарына. Ад ананімных крыніцаў "Гарадзенская Праваабарона" даведалася, што ўжо больш за тры тыдні Мікіта знаходзіцца ў штрафным ізалятары. Ліставанне і перадачы яму забароненыя. Таксама няма ніякай інфармацыі пра справу Мікіты і дату суда.

Нагадаем, пра затрыманне палітвязня стала вядома 27 сакавіка. Як паведаміла Міністэрства ўнутраных спраў, мужчыну спынілі ў Гродне — дакументаў пры ім не было, таму яму прапанавалі прайсці ў пастарунак. Беларус нібыта аказаў супраціў міліцыянтам і, як сцвярджаецца, зламаў аднаму з іх руку. Паведамляецца, што мужчына быў у вышуку за тое, што ў жніўні 20-га году нібыта "распыліў у твар праваахоўнікам газавы балончык". За гэта супраць яго распачалі крымінальную справу. Ён з'ехаў з краіны, але потым нелегальна вярнуўся ў Беларусь.

Чытаць падрабязнасці 👉 https://spring96.org/be/news/118124

Вясна / Правы чалавека ў Беларусі

13 Jun 2025 16:01

У «Спіс экстрэмістаў» дадалі яшчэ 20 прозвішчаў — цяпер у ім 5407 чалавек

13 чэрвеня МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі супрацоўніка лабараторыі інфарматыкі і сувязі Мазырскага нафтаперапрацоўчага завода Ігара Шуканава.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

13 Jun 2025 14:03

Што цяпер адбываецца на мяжы Беларусі з краінамі ЕС?

Паводле даных «Вясны», з пачатку 2025 года на мяжы з Беларуссю былі затрыманыя як мінімум некалькі дзясяткаў чалавек. Кожны дзень у беларускіх пунктах пропуску працягваюцца праверкі тэлефонаў, допыты і затрыманні. Апроч гэтага, па-ранейшаму выводзяць з транспарту для размовы ўкраінцаў, якую едуць транзітам праз Беларусь.

Падставай для «зацікаўленасці» чалавекам могуць стаць яго легалізацыя ў іншай краіне, доўгая адсутнасць у Беларусі, «экстрэмісцкія» падпіскі ў тэлефоне, і нават асабістая перапіска, якая сілавікам можа падацца «падазронай».

Усіх затрыманых да суда змяшчаюць у ІЧУ ў бліжэйшым ад мытні горадзе, пасля чаго прызначаюць або штраф і вызваляюць, або даюць «суткі». Вядома, што некаторых затрымліваюць па крымінальных справах.

Чытаць па спасылцы 👉 https://spring96.org/be/news/118122

🗣Паведаміць пра затрыманне
⚖️Атрымаць бясплатную кансультацыю праваабаронцаў
📝Абскардзіць дзеянні дзяржаўных органаў
✍️Звязацца з журналістамі «Вясны»

Вясна / Правы чалавека ў Беларусі

13 Jun 2025 12:05

❗️«Сказалі, што прастрэляць калені». Гісторыя палітвязня, асуджанага за кінутую бляшанку з-пад энергетыка, калі яму было ўсяго 17

З 22-гадовым Іллём Боханам сустракаемся ў адной з варшаўскіх кавярняў. Ён адмаўляецца ад кавы, прызнаючыся, што за гады зняволення перапіў яе з лішкам. Ілля быў асуджаны да 3,5 гадоў паводле гучнай «пінскай справы».

«Масавымі беспарадкамі» на паслявыбарчай акцыі пратэсту, на той момант 17-гадовага пінчука, расцанілі кінутую ў бок міліцэйскага кардону пустую бляшанку з-пад энергетыка і спробу зламаць дрэва. У зняволенні ён паспеў ажаніцца і развесціся, адчуць сапраўдную падтрымку родных, і адначасова — поўнае бяссілле перад сістэмай. Яго прыніжалі, каралі за любую дробязь, кляймілі як «палітычнага» і трымалі ў карцарах ды ШІЗА ў сценах з цвіллю.

«Вясна» паразмаўляла з Іллём пра затрыманне ў ноч выбараў, баранавіцкае СІЗА, працу ў калоніі, ціск на палітвязняў і кантроль пасля вызвалення.

Чытаць па спасылцы 👉 https://spring96.org/be/news/118123

💵Падтрымаць Іллю фінансава

Вясна / Правы чалавека ў Беларусі

13 Jun 2025 10:40

‼️Праз некалькі тыдняў пасля сутак у ІЧУ памерла 66-гадовая жанчына з анкалогіяй. Яе затрымалі па вяртанні ў Беларусь

Па інфармацыі «Вясны», напачатку года ў адным з пунктаў пропуску па вяртанні ў Беларусь за «падабайкі» ў сацсетках была затрыманая жанчына (яе даныя ёсць у праваабаронцаў), якая хварэла на анкалогію. Да суда яе змясцілі ў ІЧУ Брэста. Праз тры дні ёй прызначылі штраф і вызвалілі.

Вядома, што ў ізалятары жанчына захварэла на запаленне лёгкіх. Пасля вызвалення яна паехала дадому, дзе спачатку самастойна змагалася з хваробай. Праз тыдзень яе забралі ў лякарню. Амаль праз месяц жанчына памерла. Прычына — слабы імунітэт і запаленне лёгкіх.

Распавядаем, што вядома пра смерць жанчыны і што ўвогуле цяпер адбываецца на мяжы.

Чытаць па спасылцы 👉 https://spring96.org/be/news/118122

🗣Паведаміць пра затрыманне
⚖️Атрымаць бясплатную кансультацыю праваабаронцаў
📝Абскардзіць дзеянні дзяржаўных органаў
✍️Звязацца з журналістамі «Вясны»