Вясна / Правы чалавека ў Беларусі

21 Jul 2025 10:09

❗️Палітвязня Мікіту Самарына асудзілі да 6 гадоў калоніі

У Гродне да шасці гадоў пазбаўлення волі ва ўмовах узмоцненага рэжыму асудзілі палітвязня Мікіту Самарына, які чатыры гады хаваўся ад прысуду, паведамляе «Гарадзенская праваабарона». Гэтым разам яго прызналі вінаватым паводле арт. 364 КК (гвалт у дачыненні да міліцыянтаў), а таксама арт. 411 КК (злоснае непадпарадкаванне патрабаванням адміністрацыі папраўчай установы).

Вядома, што палітвязня больш за месяц утрымліваюць у ШІЗА.

Нагадаем, пра затрыманне палітвязня стала вядома 27 сакавіка. Як паведаміла МУС, мужчыну спынілі ў Гродне — дакументаў пры ім не было, таму яму прапанавалі прайсці ў пастарунак. Беларус нібыта аказаў супраціў міліцыянтам і, як сцвярджаецца, зламаў аднаму з іх руку.

Чытаць па спасылцы 👉 https://spring96.org/be/news/118321

Вясна / Правы чалавека ў Беларусі

20 Jul 2025 18:45

🌿У Варшаве прайшла акцыя салідарнасці з нагоды гадавіны затрымання «вясноўцаў»

14 ліпеня 2021 года Алеся Бяляцкага, Валянціна Стэфановіча і Уладзіміра Лабковіча затрымалі. З тых часоў яны знаходзяцца за кратамі

Вясна / Правы чалавека ў Беларусі

20 Jul 2025 14:03

У «спіс тэрарыстаў» дадалі 11 чалавек і адну арганізацыю

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы адзінаццаці чалавек.

Гэта Канстанцін Дзмітрыеў, Аркадзь Кайчурэнка, Аляксей Кердаль, Руслан Ліннік, Уладзіслаў Браўэр, Ала Юшкевіч, Андрэй Бераставы, Руслан Тупік, Валеры Жукаў, Алена Рудая, Кірыл Слівец. Таксама ў «спіс тэрарыстаў» дадалі Аб'яднаны Пераходны кабінет — пазначана, што дачыненне да яго маюць Святлана Ціханоўская, Павел Латушка, Валер Сахашчык, Аляксандр Азараў, Валер Кавалеўскі, Вольга Гарбунова, Аліна Коўшык-Петшыкоўска, Валер Мацкевіч, Вадзім Кабанчук, Юрый Губарэвіч.

Цяпер у «тэрарыстычным спісе» 1326 чалавек, з іх 630 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

Вясна / Правы чалавека ў Беларусі

20 Jul 2025 09:04

✊Amnesty International збірае подпісы ў падтрымку Марфы Рабковай

Каардынатарка Валанцёрскай службы «Вясны» была затрымана 17 верасня 2020 года. Пазней праваабаронцу абвінавацілі па шэрагу артыкулаў Крымінальнага кодэкса за падзеі 2016-2020 гадоў і асудзілі да 15 гадоў зняволення і велізарнага штрафу.

Па выніках апеляцыі Марфе скарацілі тэрмін на тры месяцы. Прысуд уступіў у сілу і Рабкову этапавалі ў гомельскую калонію.

Amnesty International Polska збірае подпісы ў падтрымку Марфы — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне.

Падпісаць петыцыю па спасылцы

Вясна / Правы чалавека ў Беларусі

19 Jul 2025 14:02

Былога футбаліста «Крумкачоў» асудзілі за ўдзел у пратэстах

Суд Кастрычніцкага раёна Мінска вынес прысуд па справе 30-гадовага футбаліста Аляксея Драчова. Яму прысудзілі «хатнюю хімію» за ўдзел у пратэстах.

У 2017-м Драчоў правёў 7 матчаў у вышэйшай лізе чэмпіяната Беларусі па футболе за «Крумкачы». Адметна, што адначасова ён працягваў працаваць у «Макдональдсе», піша «Наша Ніва».

Аляксей — выпускнік Беларускага дзяржаўнага ўніверсітэта фізічнай культуры, але пайшоў працаваць спачатку ў лагістыку, а пасля ў рэстараны. Тым не менш ён змог рэалізаваць сваю дзіцячую мару і трапіць у каманду вышэйшай лігі — пры гэтым чаргаваў трэніроўкі і начныя змены.

У 2021 годзе Драчоў гуляў за «Смалявічы», пасля чаго скончыў кар’еру і вярнуўся ў аматарскі футбол.

Вясна / Правы чалавека ў Беларусі

19 Jul 2025 11:34

✊Amnesty International збірае подпісы ў падтрымку Насты Лойка — ужо сабралі больш за 6000 подпісаў

Нагадаем, у чэрвені 2023-га году ў Мінскім гарадскім судзе палітзняволенай прызначылі 7 гадоў калоніі за падрыхтоўку даклада «Пераслед анархістаў, антыфашыстаў, левых і сацыяльных актывістаў у Беларусі» (2017-жнівень 2018 года). У ім нібыта даецца крытычная ацэнка дзейнасці супрацоўнікаў міліцыі.

Суд праходзіў у закрытым рэжыме, таму падрабязнасці і пазіцыя самой Насты невядомыя.

Amnesty International Polska збірае подпісы ў падтрымку Насты — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне.

Падпісаць петыцыю па спасылцы

Вясна / Правы чалавека ў Беларусі

18 Jul 2025 16:31

🔗Паведамляйце праваабаронцам пра затрыманні па «справе Гаюна»

Паводле звестак «Вясны», апошнія месяцы ў Беларусі працягваюцца затрыманні ў межах крымінальнай справы за перадачу інфармацыі «Беларускаму Гаюну». Як паведамлялі былыя вязні Акрэсціна, затрыманні адбываюцца ў межах арт. 361-4 Крымінальнага кодэкса (садзейнічанне экстрэмісцкай дзейнасці). Большасць затрыманых — мужчыны.

Ужо распачаліся суды па гэтай справе — нам вядома пра шэсць судовых працэсаў.

Праваабаронцам вядома пра як мінімум 27 пацверджаных(!) фігурантаў «справы Гаюна», якіх змясцілі пад варту. Агульная ж лічба затрыманых значна больш.

🔹Затрыманыя пераведзены ў СІЗА за «садзейнічанне экстрэмізму»: што вядома пра «справу Гаюна»

🌿Калі вашых блізкіх затрымалі па гэтай справе, паведаміце, калі ласка, праваабаронцам праз тэлеграм @Viasnainfo

Вясна / Правы чалавека ў Беларусі

18 Jul 2025 14:45

✍️Праваабаронцы заявілі аб новай хвалі рэпрэсіяў за пратэсты і расказалі аб асноўных правілах бясьпекі

Найперш парады тычацца тых, хто ўлетку шмат вандруе, у тым ліку прыяжджае ў Беларусь ці выязджае з краіны, піша «Свабода».

▪️Ацэньвайце рызыкі перад паездкай у Беларусь або з яе. На мяжы тэлефоны правяраюць найбольш пільна.

▪️Нават калі ваш тэлефон чысты, вы маглі застацца на фота ці відэа іншых людзей і трапіць у базу сілавікоў.

▪️Калі ўсё ж едзеце, старанна ачысціце тэлефон: выдаліце фота, відэа, лайкі, каментары, спасылкі. Гэта тычыцца як матэрыялаў пасля 2020 году, так і больш ранніх.

▪️Не захоўвайце нічога і ў «воблаку» — сілавікі ўмеюць «выбіваць» паролі.

▪️На выпадак затрымання майце давераную асобу, якая зможа высветліць ваш лёс і праінфармаваць праваабаронцаў або адваката.

🌿Паведаміць пра палітычны пераслед 👉 @viasnainfo | @viasna_bot | @ViasnaSOS

Вясна / Правы чалавека ў Беларусі

18 Jul 2025 13:35

⁉️Правілы Нэльсана Мандэлы: ці прытрымліваюцца іх у Беларусі?

Сёння па ўсім свеце адзначаецца Міжнародны дзень Нэльсана Мандэлы. Дзень быў запачаткаваны ААН, каб прызнаць унёсак змагара з апартэідам, лаўрэата Нобелеўскай прэміі міру, былога прэзідэнта Паўднёвай Афрыкі ў справу міру і свабоды.

Імем Мандэлы, які за адданасць сваім ідэям правёў за кратамі амаль тры дзесяцігоддзі, названыя правілы, якія фіксуюць стандарты абыходжання з людзьмі ў месцах зняволення. З юрысткай «Вясны» Вікай Рудзянковай разбіраемся, што гэта такое і ці прытрымліваюцца іх у Беларусі.

• Што такое Правілы Нэльсана Мандэлы? Чаму яны названыя ў гонар гэтага праваабаронцы?
• У якіх краінах яны дзейнічаюць? Ці абавязковыя Правілы для выканання?
• Як і калі Беларусь іх прыняла?
• Наколькі беларускія месцы зняволення адпавядаюць гэтым Правілам?
• Каму можна скардзіцца, калі нейкія з Правілаў не выконваюцца? Ці прадугледжаныя нейкія санкцыі?

Чытаць па спасылцы 👉 https://spring96.org/be/news/118318

Вясна / Правы чалавека ў Беларусі

18 Jul 2025 12:03

Беларуска Наталля Говарава эвакуяваная з Беларусі разам з трыма дзецьмі

Наталля правяла тры з паловай месяца ў СІЗА і атрымала 4 гады «хіміі» па двух палітычных крыміналках. Але ж, дзякуючы, працы каманды эвакуацыі BYSOL, жанчына з дзецьмі зараз у бяспецы ў Польшчы.

«Мы з дзецьмі маем патрэбу ў Вашай дапамозе: застаўшыся без усяго ў чужой краіне, нам проста няма на што жыць. Я прашу дапамагчы нам на першы час, пакуль я змагу арандаваць жыллё, знайсці працу, уладкаваць дзяцей у школу і апрануць іх».

Вясна / Правы чалавека ў Беларусі

18 Jul 2025 10:15

«Прамень»: прызнанне «Аўтаномнага дзеяння» «экстрэмісцкім фармаваннем» звязана з новай справай у дачыненні да Міколы Дзядка

Адпаведная заява з'явілася ў @pramenby.

«Характэрна, што "Аўтаномнае дзеянне" прыпісваюць да структурнага падраздзялення "Рэвалюцыйнага дзеяння", прызнанага экстрэмісцкім яшчэ некалькі гадоў таму. Некаторым можа падацца, што беларускі ГУБАЗ прапусціў урок гісторыі па беларускім анархізму і пачаў тварыць нейкае трызненне: беларускае аддзяленне «Аўтаномнага дзеяння» перастала існаваць яшчэ ў 2010 годзе да пачатку існавання "Рэвалюцыйнага дзеяння".

У такой сітуацыі нонсэнс аб структурным падраздзяленні выглядае хутчэй як чарговы факт для суда, які адкрывае дзверы для судовага пераследу за акцыі, якія праходзілі ў краіне 20 гадоў таму пад чорнымі сцягамі. Актывіст:кі АЧК-Беларусь адзначаюць, што прызнанне "Аўтаномнага дзеяння" экстрэмісцкім фармаваннем хутчэй за ўсё звязана з новай крымінальнай справай супраць Міколы Дзядка»

Вясна / Правы чалавека ў Беларусі

18 Jul 2025 09:00

Мінскі гарадскі суд разгледзіць скаргу Ніны Багінскай

29 ліпеня Мінскі гарадскі суд разгледзіць скаргу Ніны Багінскай на прысуд па крымінальнай справе за «неаднаразовае парушэнне закону аб правядзенні масавых мерапрыемстваў». Пра гэта паведамляюць крыніцы @belsat.

Нагадаем, 30 красавіка суддзя Максім Трусевіч разгледзеў крымінальную справу супраць актывісткі паводле ч. 2 арт. 342-2 КК. Падставай для крымінальнага пераследу сталі неаднаразовыя адміністрацыйныя пастановы за 2024 год. Пенсіянерку прызналі вінаватай, але замест пакарання прызначылі «прафілактычнае назіранне».

Згодна з рашэннем суддзі, усё, што міліцыянеры забіралі пры затрыманні, павінна быць знішчана. Ніна Багінская выказала нязгоду з такой пастановай. Яна яшчэ раней пісала скаргі на міліцыянтаў за тое, што тыя самавольна без належнага афармлення забіралі значкі і сцягі, якія жанчына зрабіла сваімі рукамі.

🔹«Гэта не азначае спынення крымінальнага пераследу»: Актывістцы Ніне Багінскай прызначылі «прафілактычнае назіранне»

Вясна / Правы чалавека ў Беларусі

17 Jul 2025 16:45

«Экстрэмісцкім» прызналі YouTube-канал палітвязня, які 5 гадоў знаходзіцца за кратамі

Гаворка пра YouTube-старонкі «Серый Кот» і «Серый Кот Стримы» — яны належаць палітзняволенаму блогеру Змітру Казлову, які з 10 чэрвеня 2020-га году знаходзіцца за кратамі.

Таксама ў «спіс экстрэмісцкіх матэрыялаў» трапілі:

📍Telegram-каналы і чаты «Беларусы Франконии», «СУТЪ», «URBANOVICH», «TCU News»;
📍Instagram старонкі «girikalex», «zyviebielarus2020», «yauhen_brzhus»;
📍Сацсеткі рэсурса «Магiлёў Медыя»;
📍Старонка ва «Укантакце» «Александр Гирилович»;
📍Сайт «free-belarus.infо»;
📍TikTok-старонкі «Святы Байструк КОЛА-КОЛЯ», «Чарадзей», «102b11», «Воля Ри», «MisterRad».

Вясна / Правы чалавека ў Беларусі

17 Jul 2025 15:45

👶«Ідэалагічная фільтрацыя тых, хто працуе з дзецьмі». Выйшаў новы Закон аб правах дзяцей

На Pravo.bу апублікаваны Закон Рэспублікі Беларусь ад 12 ліпеня 2025 г. № 86-З «Аб змяненні законаў паводле пытанняў забеспячэння правоў дзяцей».

У ім, сярод іншага, гаворыцца пра забарону на ажыццяўленне педагагічнай дзейнасці тымі, хто быў асуджаны за злачынствы «экстрэмісцкай накіраванасці», а таксама вызначаецца абавязак бацькоў «абараняць дзяцей ад інфармацыі ў інтэрнэце». Разбіраемся, што тут не так.

«Забарона на працу з дзецьмі для асоб, асуджаных за "экстрэмісцкія" злачынствы – гэта наўпроставы элемент сістэмы ідэалагічнага кантролю, убудаванай у Дзяржаўную індактрынацыю сістэмы адукацыі ў Беларусі, што актыўна ўзмацняецца ў апошнія гады».

Вясна / Правы чалавека ў Беларусі

17 Jul 2025 13:58

📸Фотафакт: здымак былога палітвязня Дмітрыйса Міхайлауса ў беларускім СІЗА

У 2022 годзе яго асудзілі ў Беларусі да 4 гадоў калоніі за каментары ў закрытым чаце. 21 чэрвеня, разам з іншымі палітвязнямі, грамадзяніна Латвіі вызвалілі.

На сваёй старонцы ў Instagram мужчына апублікаваў кадр з беларускага СІЗА яшчэ да суда.

«Ліпень 2022-га... усё разумелі што самі мянты і далі гэты тэлефон у камеру — але дык нам што!!! Галоўнае маглі ўбачыць і пачуць родных! Казка доўжылася пару месяцаў!», — такі подпіс пад фота.

Вясна / Правы чалавека ў Беларусі

21 Jul 2025 09:04

У Брэсцкім СІЗА ў траўні было да 50 чалавек, затрыманых па «справе Гаюна»

Пра гэта ў сваім тэлеграм-канале паведаміў заснавальнік фонду BYSOL Андрэй Стрыжак:

«Агульная колькасць арыштантаў СІЗА - да 280 чалавек, з якіх каля 60-70% гэта палітычныя. Па нашых дадзеных, тэрмін утрымання за кратамі фігурантам "справы Гаюна" працягваецца праз складанасць справы.

Акрамя таго, у СІЗА этапам праз ІЧУ, рэгулярна прывозяць людзей з мяжы, што негледзячы на папярэджанні, едуць у Беларусь маючы пратэстны бэкграўнд.

Мянты, пры адсутнасці фармальных прычын для затрымання, шырока карыстаюцца практыкай фэйкавай падпіскі людзей на "Зеркало", ці іншыя "экстрэмісцкія" фармаванні, каб затрымаць чалавека па "адміністратыўцы" 19.11, а потым за 10-15 дзён спакойна накапаць фактуры на крыміналку.

У размовах мянты не хаваюць упэўненасці ў тым, што сканчэнне тэрміна даўнасці па 342 нічога ня зменіць і яны знойдуць варыянты, як саджаць людзей».

Вясна / Правы чалавека ў Беларусі

20 Jul 2025 16:31

⚖️Пачынаюцца масавыя суды па справе «дваровых чатаў»

Паводле інфармацыі праваабаронцаў, у Беларусі пачынаюць судзіць людзей, затрыманых па справах «дваровых чатаў». Некаторыя судовыя працэсы ўжо пачаліся (мы паведамлялі пра суд у Гродне), некаторыя пачнуцца ў бліжэйшы час.

Нагадаем, мінулай восенню па ўсіх рэгіёнах Беларусі пракацілася хваля затрыманняў па справе дваровых чатаў, якія нібыта «спрабавалі аб'яднацца ў арганізацыю». У тыя ж даты КДБ прызнаў «экстрэмісцкім фармаваннем» ініцыятыву «Ордэн», у якую ўваходзяць дваровыя чаты «Злые когтики», «Сухарево», «Сеніца2.0», «Солідарность», «Вольныя ваўкі», «Навагрудскія партызаны», «ВИЛИЯ», «Скромные матрешки», «Соседи».

✍️Калі вам вядомыя падрабязнасці судоў, калі ласка, пішыце на @Viasnainfo

Вясна / Правы чалавека ў Беларусі

20 Jul 2025 11:33

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹«Нашыя зняволеныя калегі — прыклад і натхненне»: у Вільні адбыўся пікет салідарнасці з палітзняволенымі вясноўцамі

🔹Эксперты ААН заклікалі да расследавання смерцяў у месцах пазбаўлення волі ў Беларусі

🔹На фэсце «Тутака» праваабаронцы распавялі пра праблему смяротнага пакарання

🔹«Ідэалагічная фільтрацыя тых, хто працуе з дзецьмі». Выйшаў новы Закон аб правах дзяцей

🔹«Не майце нават слоў песень». Што значыць быць слухачом у Беларусі гурта Dzieciuki і іншай «экстрэмісцкай» музыкі

🔹«Трансляцыя геалакацыі, праверкі тэлефонаў». Звычайных зняволеных на «хіміі» пачалі ставіць на экстрэмісцкі прафулік

🔹Правілы Нэльсана Мандэлы: ці прытрымліваюцца іх у Беларусі?

💳Падтрымаць «Вясну» на Patreon | Аднаразовым данатам

Вясна / Правы чалавека ў Беларусі

19 Jul 2025 16:30

Паведамляйце праваабаронцам інфармацыю пра суды за ўдзел у пратэстах

Праваабаронцы атрымліваюць інфармацыю, што ў апошнія месяцы сталі актыўней прад'яўляць абвінавачванні паводле «народнага» арт. 342 КК (арганізацыя або ўдзел у дзеяннях, што груба парушаюць грамадскі парадак). Толькі ў адным Мінску вядома пра сотні чалавек, што абвінавачваюцца ва ўдзеле ў пратэстах.

Гэта звязана з тым, што хутка міне 5 гадоў з моманту акцый пратэсту, а значыць скончыцца тэрмін даўніны прыцягнення да адказнасці паводле гэтага крымінальнага артыкулу, пасля чаго іх ўдзельнікаў нельга будзе асудзіць. Але, адзначым, што працягнецца пераслед паводле арт. 293 КК (удзел у масавых беспарадках).

Калі ласка, паведамляйце пра суды і іншы пераслед. Паводле вашага жадання, інфармацыя будзе непублічнай. Дзеля бяспекі, вы можаце перадаць звесткі праз вашых сяброў, што жывуць у бяспечных краінах.

@viasnainfo | @viasna_bot | @ViasnaSOS

Вясна / Правы чалавека ў Беларусі

19 Jul 2025 12:32

🌿Праваабарончая праграма «Вясна»

1:30 Юрысткі ПЦ «Вясна» збіраюць выпадкі, калі сваякам палітзняволеных адмовілі ў прадастаўленні інфармацыі аб зняволеным са спасылкай на абарону персанальных дадзеных. Навошта? Адказвае Святлана Галаўнёва

11:08 17 ліпеня 1998 года пачаў сваё жыццё Рымскі статут

15:55 Навошта падтрымліваць праваабаронцаў «Вясны» праз PATREON і ў чым тут каштоўнасны падмурак? Размаўляем з Канстанцінам Старадубцам

20:43 18 ліпеня — Міжнародны дзень Нэльсана Мандэлы

Вясна / Правы чалавека ў Беларусі

19 Jul 2025 09:00

Сяргею Ціхноўскаму сабралі ўсю патрэбную суму за палову дня

На аднаўленне пасля зняволення былы палітвязень збіраў 8000 еўра.

Збор сродкаў працягваецца далей

Вясна / Правы чалавека ў Беларусі

18 Jul 2025 15:35

Як «вясноўцы» ў 2019 годзе адзначылі Міжнародны дзень Мандэлы інфармацыйнай акцыяй у Мінску

Сёння, 18 ліпеня, у свеце адзначаецца Міжнародны дзень Нельсана Мандэлы. Ён быў абвешчаны ў 2009 годзе Генеральнай Асамблеяй ААН у знак прызнання ўнёску выбітнага праваабаронцы ў справу міру і свабоды.

Да гэтага дня ў 2019 годзе праваабаронцы «Вясны» падрыхтавалі спецвыпуск газеты «Народная Воля”, з асобнікамі якога правялі інфармацыйную акцыю на вуліцах Мінску. Спецвыпуск быў прысвечаны беларускім палітвязням і крымінальнаму пераследу з палітычным падтэкстам ў Беларусі.

За гадзіну праваабаронцы раздалі каля дзвюх тысяч асобнікаў газеты. Раздача спецвыпуску «Народнай Волі» сябрамі «Вясны» прайшла таксама ў іншых гарадах Беларусі: Гродне, Брэсце, Гомелі, Бярозе.

Чытаць па спасылцы 👉 https://spring96.org/be/news/93473

Вясна / Правы чалавека ў Беларусі

18 Jul 2025 14:10

BYSOL адкрыў збор Сяргею Ціханоўскаму на аднаўленне пасля зняволення

«Увесь гэты час я трымаўся. Верыў, што выйду, абдыму сваіх дзяцей, зноў пачую голас Святланы. І 21 чэрвеня гэта здарылася — я апынуўся на волі. Сёння я зноў побач з сям'ёй, і гэта шчасце, якое немагчыма пераацаніць.

Аднак я выйшаў з падарваным здароўем. І зараз мая галоўная задача — аднавіцца, каб працягваць паўнавартасна жыць, працаваць і змагацца.

Я хачу паправіць здароўе, вярнуць сваю сілу і працягваць быць карысным. Для сваёй сям'і, для Беларусі, для вас».

Вясна / Правы чалавека ў Беларусі

18 Jul 2025 13:03

✍️Юрыст:кі «Вясны» збіраюць выпадкі, калі сваякам палітзняволеных адмовілі ў прадастаўленні інфармацыі аб зняволенам са спасылкай на абарону персанальных дадзеных

Калі ласка, пішыце на @zvarot96. Гэта ананімна.

Вясна / Правы чалавека ў Беларусі

18 Jul 2025 11:10

❗️«Трансляцыя геалакацыі, праверкі тэлефонаў». Звычайных зняволеных на «хіміі» пачалі ставіць на экстрэмісцкі прафулік

У Беларусі пашыраецца практыка ціску на звычайных зняволеных, якіх у мінулым пераследвалі паводле палітычных матываў. Нядаўна праваабаронцам стала вядома, што ўвосень 2024 года ў ПК-4 знаходзіліся каля 10 жанчын, асуджаных, у тым ліку паводле «эканамічных» і «наркатычных» артыкулаў, якім прысвоілі «экстрэмісцкі статус» за палітычныя адміністрацыйныя артыкулы.

Цяпер «Вясна» даведалася, што ў 2023 годзе ў адным з ПУАТ утрымліваліся «хімікі», асуджаныя за «наркотыкі» і «прычыненне цяжкіх цялесных», якіх паставілі на «экстрэмісцкі» прафулік за ўдзел у акцыях пратэсту.

Былы палітвязень распавёў пра абмежаванні для «экстрэмістаў» на «хіміі» і чаму звычайных зняволеных ставяць на 10-ы прафулік.

«Я акрамя як з працы і на працу сам нікуды не хадзіў. У паліклініку — пад канвоем, у краму — пад канвоем. І ўвесь 10-ы прафулік гэтак жа».

Вясна / Правы чалавека ў Беларусі

18 Jul 2025 09:45

У «Спіс экстрэмістаў» дадалі яшчэ 32 прозвішчы — цяпер у ім 5543 чалавекі

18 ліпеня МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі вызваленага па памілаванні эстонца Алана Роя (у спісе МУС ён «адбывае пакаранне»), баскетбольнага суддзю Аляксандра Сырыцу, а таксама яшчэ 22 чалавекі, у крымінальных справах якіх фігуруе «народны» арт. 342 КК.

Як мы паведамлялі раней, у Беларусі апошнім часам сталі актыўней судзіць за ўдзел у пратэстах. Сотні чалавек толькі ў адным Мінску праходзяць па гэтых справах.

Калі ласка, паведамляйце пра суды і іншы пераслед. Паводле вашага жадання, інфармацыя будзе непублічнай 👉 @viasnainfo| @viasna_bot | @ViasnaSOS

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

Вясна / Правы чалавека ў Беларусі

17 Jul 2025 17:01

❗️Сотні чалавек толькі ў адным Мінску праходзяць па справах аб удзеле ў пратэстах 2020-га году

Праваабаронцы атрымалі інфармацыю пра шакуючы ўзровень рэпрэсій па палітычных справах у Мінску — вядома пра некалькі сотняў чалавек, што ў апошнія тыдні сталі фігурантамі крымінальных справаў аб удзеле ў пратэстах.

Гэта звязана з тым, што хутка міне 5 гадоў з моманту акцый пратэсту, а значыць скончыцца тэрмін даўніны прыцягнення да адказнасці паводле арт. 342 КК, пасля чаго ўдзельнікаў пртэстаў нельга будзе асудзіць па ім. Але, адзначым, што працягнецца пераслед паводле арт. 293 КК (удзел у масавых беспарадках).

Калі ласка, паведамляйце пра суды і іншы пераслед. Паводле вашага жадання, інфармацыя будзе непублічнай. Дзеля бяспекі, вы можаце перадаць звесткі праз вашых сяброў, што жывуць у бяспечных краінах.

@viasnainfo| @viasna_bot | @ViasnaSOS

Вясна / Правы чалавека ў Беларусі

17 Jul 2025 16:31

19 жніўня ў Вярхоўным судзе адбудзецца разгляд апеляцыі на завочны прысуд Антону Матольку

Пра гэта на сваё старонцы ў Facebook паведамляе праваабаронца Леанід Судаленка.

Нагадаем, напачатку чэрвеня стала вядома, што блогера Антона Матольку завочна асудзілі да 20 гадоў калоніі. Таксама яму прызначылі штраф у памеры 2 000 базавых велічыняў (84 тысячы рублёў). У межах спецыяльнай вытворчасці яго абвінавацілі паводле 14 артыкулаў Крымінальнага кодэкса, сярод якіх «здрада дзяржаве».

Вясна / Правы чалавека ў Беларусі

17 Jul 2025 15:01

🎶«Не майце нават слоў песень». Што значыць быць слухачом у Беларусі гурта Dzieciuki і іншай «экстрэмісцкай» музыкі

У Беларусі налічваецца ўжо 300 «экстрэмісцкіх фармаванняў», сярод якіх два музыкальных гурта — Tor band і Dzieciuki. Таксама ў спісе «экстрэмісцкіх матэрыялаў» лічыцца некалькі дзесяткаў песен, кліпаў і сацсетак музычных гуртоў. Рэжым маркіруе беларускую музыку як «экстрэмісцкую», каб знішчыць культурны супраціў і запалохаць слухачоў.

Распавядаем, якая музыка ў Беларусі лічыцца «экстрэмісцкай», а юрыстка «Вясны» Вікторыя Рудзянкова тлумачыць, чаму рэжым баіцца гітары болей, чым дубінак.

«Гэты феномен пра тое, што ў нас няма выразнай і адназначнай палітычнай барацьбы. Таму пра нашую барацьбу — і казкі, і песні, і малюнкі. Заканамерны адказ з боку ўладаў — забараняць і пераследваць не толькі тых, хто займаецца толькі палітыкай, але і ўсіх, хто асмельваецца выказацца: словам, гукам, вобразам».

Вясна / Правы чалавека ў Беларусі

17 Jul 2025 12:31

Родныя музыкі Алеся Дзянісава сутыкаюцца з ціскам з боку сілавікоў

Пра гэта музыка распавёў «Свабодзе».

«Да маёй маці, напрыклад, ламіліся ў дзверы не адзін раз. Зараз знайшла позву ў Следчы камітэт. Дасылаюць, каб давесці бабулю да інфаркту. У выніку следчы сам да яе прыйдзе заўтра [размова адбывалася 14 ліпеня — заў]. Маці сама ўжо дрэнна ходзіць».

«Прыйшлі да маці і сказалі, што ў мяне будуць вялікія праблемы, калі я там выступлю. Зразумела, што праблемы былі б не ў мяне, а ў яе. Спалохаўся за сваю маці, адмовіўся ўдзельнічаць. На наступны дзень паехаў ва Уроцлаў і выступіў там на такім жа канцэрце. Пра яго размовы не было. Толькі пра канцэрт у Варшаве казалі. Але для мяне нічым добрым не скончылася тое: усё адно да маці прыязджалі сілавікі, ламіліся, бегалі па суседзях».