ادبیات ائوی

10 Apr 2025 13:03

#آنیم_گونو

بو گون، ملّی شاعیریمیز #بولود_قاراچورلو ( #سهند )ین آنیم گونودور.
سایغی و سئوگی ایله یاد ائدیریک 🖤

بولود قاراچورلو (سهند)، 1305-جی ایل‌ده آذربایجانین قدیم علم و مدنیّت مرکزی اولان «مراغه/ماراغا» شهرینده و یاغیشلی بیر گون‌ده آنادان اولموشدور. کؤکو «قاراچورلو» طایفاسینا منسوبدور. آز ساوادلی و زحمتکش آتا-آناسی‌نین اوخشامالاری، ناغیل‌لاری، صحبت‌لری و اؤیودلری اونون قانینا، یادداشینا یئریییب، ائلینی-اولوسونو سئون بیر گنج کیمی یئتیشدیریردی.
ایلک تحصیلینی ماراغا و تبریزده آلان بولود، ۱۷ یاشیندا ایکن تحصیل‌دن اوزاقلاشیر و بو چاغلاردا شعر یازماغا باشلایبب، اؤزونه «سهند» تخلصونو سئچیر.

حیاتیندان داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DIQ3tsNs79P/?igsh=em9jbHUzeHF0Z2pq

#ادبیات_ائوی

@AdabiyatEvi

ادبیات ائوی

06 Apr 2025 16:57

#مقاله

آناسی‌نین دفنین‌ده آغلامایان آدام

یازیچی: #ابراهیم_نبی_اوغلو
کؤچورن: #شاهین_مرادی

#ادبیات_ائوی

@AdabiyatEvi

ادبیات ائوی

27 Mar 2025 10:32

#ایل_دؤنومو

داریخما قاداسی چیخاجاق گونش
سره‌جک ساچینی ائل- اوبامیزا
باهار گله‌جکدیر یاشیللیغی‌لا،
قوخوسون سپه‌جک سون یارامیزا...

غافیل آچیلان گولله کیمی آمانسیز اؤلوم، اونو گوله-گوله آرامیزدان واخت‌سیز آپاردی. بو گون #مهسا_عبدالعلی‌زاده‌ نین آلتینجی ایل دؤنومودور.
اؤلن‌لرین خاطیرلاندیغی سو گونونده، عزیز شاعیریمیز، مهسانی دا یاد ائدک‌.
قالانلارا جان ساغلیغی دیله‌یی ایله...

#ادبیات_ائوی

@AdabiyatEvi

ادبیات ائوی

18 Mar 2025 17:49

عزیز و دَیَرلی شاعیریمیز «محمدرضا لوایی»نین «سنه وطن اولارام» شئعیر دفتری، بیرینجی دفعه اولاراق ادبیات ائویندن و پی‌‌دی‌اف شکلینده پایلاشیلیر.
اوخوجوسو بول اولسون.

#محمدرضا_لوایی

#ادبیات_ائوى

@AdabiyatEvi

ادبیات ائوی

11 Mar 2025 08:45

#یئل_چرشنبه‌سی

بو گون یئل چرشنبه‌سی‌دیر. بوزآیین بو چرشنبه‌ده داماری قیریلیر و طبیعتین دیریله‌جه‌یی گونونو بیزه داها دا یاخین‌لاشدیریر. بیر زامان‌لار یالنیز سودان عبارت اولان حیاتا تورپاق سونرادان رنگ قاتدی. آنجاق حیاتین وارلیغی اوچون هاوا-یئل ده گرکلی ایدی. تکجه او حیاتی فورمالاشدیرا بیلردی. قدیم تورک میفولوگیاسیندا یئلین وظیفه‌سی‌ ده ائله بودور؛ حیاتی فورمالاشدیرماق!
طبیعت اوچون بو اویانان هاوا، انسان اوچون ایسه نَفَس‌دیر!

یئل چرشنبه‌میز قوتلو اولسون

داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DHDRR43MYQQ/?igsh=Z3dzYW50b2d2bWY3

#ادبیات_ائوی

‌@AdabiyatEvi

ادبیات ائوی

04 Mar 2025 08:38

#اود_چرشنبه‌سی

اود، تورک‌لرین دوشونجه‌سینده مقدّس‌لیک رمزی کیمی یاشاییب، بو رمزی‌لیک گونوموزه کیمی گلیب چیخیب. اود چرشنبه‌سی قدیم اینسان‌لارین گونشه و اودا اولان مقدس اینام‌لاریندان ایره‌لی‌ گلیر. عادت-عنعنه‌یه گؤره بو گون تونقال قالاییب، آلووون اوزریندن توللانماق‌لا ایچری‌ده اولان بوتون پیس قوّه‌لری و آزار-بئزارلاری یاندیریرلار.
اود چرشنبه‌سینده، قازانلار قاینامالی، اوجاغین اوستو بوش اولمامالی‌دیر.
آتا-آنالار اودلا باغلی چوخ مثل‌لر دئمیش‌لر: «اود ایماندیر»، «اود، دوشدویو یئری یاندیرار»، «اود چرشنبه‌سینده اوجاغی بوش قویمازلار»، «اوجاغی شر واختی سؤندورمزلر»...
ایناما گؤره، اوجاغا یاخینلاشاندا سلام وئررلر، اود هیسلی اولارسا، اوزاقدان قوناق گله‌جه‌یینه اشاره‌دیر. اگر اوجاق یانیندا سسله‌نیرسه، دئمه‌لی کیمسه سندن دانیشیر.
اودا سئوگی و اینام، اسکی چاغلاردان ایندی‌یه قدر قورونوب-قالیر.

اود چرشنبه‌میز قوتلو اولسون.

داها چوخ بیلگی الده ائتمک اوچون اینستادان اوخویا بیلرسینیز

➡️ https://www.instagram.com/p/DGxO3EcMrqA/?igsh=MTBvc3ZydWQ1aDBwYQ==

#ادبیات_ائوی

‌@AdabiyatEvi

ادبیات ائوی

25 Feb 2025 11:41

#سو_چرشنبه‌سی

سو چرشنبه‌سی اسطوره‌لرله گئرچک‌لییین قوووشدوغو، اینسانین طبیعت‌له باغینی درک ائتدیی بیر مرحله‌دیر. افسانه‌لرده سو سئحیرلی گوجه صاحب اولان وارلیق کیمی تصویر اولونسا دا، اونون حیاتی اهمیتی رئال‌لیقدا دانیلمازدیر. بو چرشنبه بیزه یالنیز قدیم اینانج‌لاری خاطیرلاتمیر، عینی زاماندا سویون تمیزله‌ییجی، دیریلدیجی و بیرلشدیریجی گوجونو درک ائتمه‌یه تأثیر گؤستریر. بو گون سو چرشنبه‌سی‌دیر‌. قوتلو اولسون!

داها چوخ بیلگی الده ائتمک اوچون اینستادان اوخویا بیلرسینیز

➡️ https://www.instagram.com/p/DGfiVjxsxjF/?igsh=MTJpbHluNTFkdWhudg==

#ادبیات_ائوی

‌@AdabiyatEvi

ادبیات ائوی

23 Feb 2025 14:34

#مقاله (ویدیو)

فارسجا سؤزلری نئجه تانییاق؟

#حسن_اوموداوغلو

#ادبیات_ائوی

@AdabiyatEvi

ادبیات ائوی

18 Feb 2025 17:57

#اوشاق_ادبیاتی #شئعیر

قیزیل گولَم، قیزیل گول
منی سئور هر کؤنول

یاشیل‌دیر اینجه بئلیم
قیزیلدان‌دیر هر تئلیم

سحر ائرکن آچارام
گؤزل قوخو ساچارام

عطریم توتار هر یانی
منیم کیمی گول، هانی؟

من اَل‌لرده گَزه‌رم
سوفره‌لری بزه‌رم

منم گؤزل قیزیل گول
سن ائی غؤنچم، آچیل، گول

#عبدالله_شاییق

#ادبیات_ائوى

@AdabiyatEvi

ادبیات ائوی

16 Feb 2025 14:17

#مقاله

سومر و تورک دیل‌لرینده یاخینلیق‌لار

یازیچی: #ماهیره_حسین‌اووا
کؤچورن: #احمد_یوسفی
ایضاح: #شاهین_مرادی

#ادبیات_ائوی

@AdabiyatEvi

ادبیات ائوی

10 Feb 2025 14:15

#شئعیر

سون هاراییم

شئعیر و سس: #حمید_عیوضی

#ادبیات_ائوی

@AdabiyatEvi

ادبیات ائوی

31 Jan 2025 13:34

#دوغوم_گونو #آذربایجان

بو گون، تاریخه دامغا ووران، بؤیوک اؤندر، #محمدامین_رسولزاده‌ نین دوغوم گونودور.

۱۸۸۴-جو ایل یانوار آیی‌نین ۳۱-ده باکی‌نین نووخانی کندینده آنادان اولموشدور. محمدامين رسولزاده قافقازدا آذربايجان جمهوريتی‌نين تشکّلونده و ملّی قورتولوش حرکاتيندا تاريخی رولو اولان ملّی آذربايجان  «مساوات» خالق پارتی‌یاسی‌نين ليدئرلییینه ۱۹۱۷ و ۱۹۱۹-جو ايل‌لرده باکی‌دا توپلانان پارتی‌يا قورولتای‌لاريندا اتّحادلا سئچيلميشدير.

۱۹۱۸-جی ايل مايين ۲۶-دا ماورايی-قافقازين پارچالانماسی اوزوندن آذربايجان ملّی شوراسی ۱۹۱۸-جی ايل مايين ۲۸-ده آذربايجان جمهوريتی‌نين استقلالينی اعلان ائتميشدیر...

او بؤیوک اینسانین ادبی فعالیت‌لری حاققیندا مطلب‌لری اینستاگرام آدرسیمیزدن اوخویا بیلرسینیز:

➡️ https://www.instagram.com/p/DFfXL7DM_yO/?igsh=NnNtYnljbGo2ZWJ1

#ادبیات_ائوی

‌@AdabiyatEvi

ادبیات ائوی

29 Jan 2025 08:34

#رضا_حسینی_مرند جنابلارینین #قیرمیزی_پیکان_گلیر آدلی حئکایه توپلوسو، ایشیق اوزو گؤردو.
یازیچی‌نی قوتلاییریق، اوخوجوسو بول اولسون.

کتابی تبریزده #کیرپی نشریندن و مرند شهرینده #کافه_هیچ دن الده ائده بیلرسینیز.

#ادبیات_ائوی

@AdabiyatEvi

ادبیات ائوی

22 Jan 2025 12:28

#حیکایه

قاتاردا ساعات ۵:۲۵ده
یازیچی: #مارک_کوهئن
چئویرن: #ووقار_نعمت

کیشی قادینین اوز به‌ اوزونده اوتوردو.
«بوگون ایشدن قووولدوم. دئییرلر دنگه‌سیزم».
قادین، یئرینده ساکیت اوتورموشدو.
کیشی اوزونو چئویریب یاغیشین شیریلتی‌سینا قولاق آسدی. دوداقلاری تیتره‌ییردی.
اؤز-اؤزونه دئییندی: «ائله‌بیل هئچ کسه اؤنملی دئییل!».
...
شام اوسته قادینین دوستو اوندان سوروشدو:
- خوشا گلمز بیر اولای‌می اوز وئریب؟!
قادین، هاوادا اوینایان بارماق‌لارینی اشاره ائدر کیمی:
«او کیشی قاتاردا ناراحات گؤزه دَییردی».

#ادبیات_ائوى

@AdabiyatEvi

ادبیات ائوی

21 Jan 2025 20:51

#شئعیرلی_گونلر

گل قییما یانار اودلارا هر گون قالانیم
اوغروندا غمین کؤلگه‌سینه دالدالانیم
گلسن، اوره‌یین چوخ دیله‌ییندن کئچه‌رم؛
گل قییما وطن تورپاغی تک پارچالانیم...

#یاور_چوپانی

#ادبیات_ائوی

@AdabiyatEvi

ادبیات ائوی

09 Apr 2025 10:40

#حیکایه

تورکمن
یازیچی: #یوری_کارلوویچ_اولشا
چئویرن: #رعنا_شیخ_امیرووا
کؤچورن: #آرزو_ربیعی

#ادبیات_ائوى

@AdabiyatEvi

ادبیات ائوی

29 Mar 2025 11:25

#ملی_رقصیمیز

آذربایجان رقص‌لری مین‌ ایل‌لردن بری یاشاییشیمیزدا و مدنیّتیمیزده اؤزونه لاییقلی یئر توتان قدیم اینجه‌صنعت نوعودور. عصرلردیر آذربایجانین استعدادلی رقّاص‌لاری ملّی رقص‌لریمیزی یاشادیرلار. بو صنعت‌شناس‌لارین دئدییینه گؤره آذربایجاندا دا ساده و ابتدایی موسیقی آلت‌لری مئیدانا گلمه‌میشدن چوخ-چوخ قاباق رقص، تاماشاچی‌لارین چپیک چالماسی ایله الده ائدیلن ریتمیک ضربه‌لرین ماهیتی ایله یارانمیشدیر. دئمک آذربایجان رقصی‌نین چوخ قدیم تاریخی وار. 6 مین ایل قاباق قوبوستان قایا اوستو رقص‌لرینده عکسینی تاپمیش رقص صحنه‌لری بونون عینی ثبوتودور.
آذربایجان رقص‌لری تاریخیمیزله آیریلماز شکیل‌‌ده باغلیلیغی وار. دئمک اونون ملّی خصوصیتینی، هم ده حیات و معیشتینی اؤزونده عکس ائتدیریر.

حؤرمت‌لی #پاپاقلی_تبریز گروهونون قایتاغی رقصیندن بیر حصّه‌سینی تقدیم ائتمک‌له، دَیَرلی #رضا_همپا جناب‌لاریندان دا بو گؤزل گروهون رهبرلییی اوچون تشکر ائدیریک.

تورکون رقصینده ده غرور وار....

#ادبیات_ائوی

‌@AdabiyatEvi

ادبیات ائوی

20 Mar 2025 09:56

#تورکلرین_ملی_بایرامی

باهارین گلیشی هر ملّت اوچون سئوینجلی‌دیر؛
آنجاق تورک‌لره بیر قورتاریش گونودور، هر ایل باهارین گلیشی ایله ارگنه‌قوندان چیخیشیمیزی قوتلاییریق...
دونیایا یاییلیریق، سویوموزو چوخالدیریق.

یئنی ایلده هرکسه اؤز ارگنه‌قونوندان چیخماق دیله‌یی ایله؛
بایرامینیز قوتلو اولسون...

داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DHajN13szAC/?igsh=bTdtd3ZvZG14b2Zz

#ادبیات_ائوی

‌@AdabiyatEvi

ادبیات ائوی

18 Mar 2025 08:33

#تورپاق_چرشنبه‌سی

خالق عادت-عنعنه‌سینه گؤره، ایل بایرامیندان اؤنجه سورن بوز‌آی عرضینده سو، اود، یئل و تورپاق چرشنبه‌لری قئید ائدیلیر. خالق اینانج‌لارینا گؤره، بیرینجی چرشنبه گونو سو و سو قایناق‌لاری یئنی‌لنیر و حرکته باشلاییر. ایکینجی چرشنبه‌ده چاتیلان اود یئنی حیاتین، یازین و ایستی‌لییین گلیشینی سیموولیزه ائدیر. اوچونجو چرشنبه‌ده ایستی و طراوت‌لی یئل بوتون جانلی‌لارا، هر یئره یول تاپیب و یاتمیش‌لارا تأثیر گؤستریر.
دؤردونجو چرشنبه‌ده تورپاق اویانیر، اوت‌لار جوجَریر، آغاج‌لار تومورجوق‌لاییر، بو دا باهارین گلیشیندن خبر وئریر.
بو گون باغ-بوستان و دیری‌لیک یئرلری اکینه حاضیرلانیر. ائولرده سوفره‌یه یاشیللیق گؤستریجیسی و طبیعتین جانلانماسی‌نین رمزی اولان سمنی قویولور.
بوتون اینسان‌لار یئددی دفعه تونقالین اوستوندن آتلانیب (و یا یئددی تونقالین اوستوندن آتلانیب) و آتلاناراق «ساریلیغیم سنه، قیرمیزی‌لیغین منه» و یا «آغیرلیغیم اوددا یانسین» دئییرلر.

داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DHVRORnsDsh/?igsh=a2J4ejZyemI1aDc5

#ادبیات_ائوی

‌@AdabiyatEvi

ادبیات ائوی

08 Mar 2025 08:53

#دونیا_قادین_گونو

قادین اعتراض‌لاری‌نین تاریخی ۱۸۵۷-جی ایل‌ده نیویورک‌لو قادینلارین ۱۲ ساعاتلیق ایش گونونه اعتراضی ایله باشلامیشدیر. ۱۹۱۰-جو ایل‌ده کپنهاگن قورولتاییندا آلمان‌لی سوسیالیست قادین «کلارا سِتکین» ۸ مارت‌ین دونیا قادینلار گونو کیمی قید ائدیلمه‌سینه باشاریلی اولموشدور‌. ۱۹۷۷-جی ایل‌ده  BMT  (بیرلشمیش ملّت‌لر تشکیلاتی) بو تاریخی اولوس‌لار آراسی قادینلار گونو کیمی رسمی‌لشدیرمیشدیر.

شئعیر و سس: #آردا_خانی

داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DG7i8SxsovU/?igsh=MW9ucG96OGYzdmVydA==

#ادبیات_ائوی

‌@AdabiyatEvi

ادبیات ائوی

03 Mar 2025 12:45

#شئعیرلی_گونلر

«کَل دؤیوشونه کَل دؤزَر» دئمیش‌لـر
دؤیوش آسان گلیر گئندن بـاخانا
ایپین نـه چکدییین دوغاناق بیلر
آشدان سوروش، اوجاق نئیلَر قازانا¹

«ایندی اولان اولوب، کئچنلر کئچیب»
«جالانان سـو، بیر ده کوزه‌یه دولماز»
«دالـدان آتیلان داش توپوغـا دَیَر»
«گؤز یاشی تؤکمک‌له، یارا ساغالماز»²

1- دده‌مین کیتابی- قورتولوش شعری‌نین ۱۲-جی بندی
2- شهریارا مکتوب- ۲۷-جی بند

#بولود_قاراچورلو #سهند

#ادبیات_ائوی

@AdabiyatEvi

ادبیات ائوی

24 Feb 2025 15:20

#شئعیر

نه خبر یوخلوغوندان؟!

شئعیر و سس: #سجاد_گل‌_نژاد

#ادبیات_ائوی

@AdabiyatEvi

ادبیات ائوی

20 Feb 2025 19:52

#آنا_دیلی_گونو

◼️ فئورالین ۲۱ دونیا «آنا دیلی» گونو

۱۹۹۹-جی ایلین نویابر آیین‌دا بنگلادش سفیری‌نین ایسته‌یی ایله یونسکو طرفیندن فئورالین ۲۱-جی گونو اولوس‌لار آراسیندا «آنا دیلی» گونو اعلان ائدیلیب.
اولوس‌لار آراسی آنا دیلی گونو ۱۹۵۲-جی ایل فئورالین ۲۱-ده «بنگلادش»ین بنگال شهرینده اؤز آنا دیلی‌نین رسمی دیل اولماسی اوغروندا مبارزه آپاران ۴ اؤیرنجی‌نین اؤلدورولمه اولایینی بیر داها اینسان‌لارین خاطره‌سینده جانلاندیریر.

◼️ آنا دیلینده دانیشماق و یازماغین گره‌یی

آغزیما بیر قارا دوشموش باغیشلا منی،
تورکجه‌م، منیم سس بایراغیم.
#فاضیل_حوسنو_داغلارجا

آنا دیلی انسانین معنوی وارلیغی‌نین زنگین‌لشمه‌سینده، دونیا گؤروشونون گئنیش‌لنمه‌سینده، تام بیلیک و تحصیل آلماسیندا، اؤز سوْیداش‌لاری ایله یاخینلیق گؤسترمه‌یه بؤیوک نقش اویناییر. آنا دیلی ملّتین اؤزونه‌مخصوصلوغونو قوروماق‌لا یاناشی ترجمه یولو ایله باشقا خالق‌لارین مدنی ارثی ایله تانیش اولماغا، اونلارلا اُنسیّت قورماغا امکان یارادیر. آنا دیلیمیزی قوروماق و گَلیشدیرمک هر بیر آذربایجانلی‌نین مقدس بورجودور‌.

#ادبیات_ائوی

‌@AdabiyatEvi

ادبیات ائوی

17 Feb 2025 14:50

#آنیم_گونو #مدینه_گولگون

مدینه گولگون ۱۹۲۶-جی ایل باکی شهرینده دونیایا گؤز آچمیشدیر. ابتدایی مکتبینی باکی شهرینده بیتیردیک‌دن سونرا، عائله‌سیله بیرلیکده گونئی آذربایجانا مهاجرت ائدیب، اردبیل، تبریز و زنگان شهرلرینده سکونت تاپیرلار.

حیاتیندان داها چوخ بیلگی الده ائتمک اوچون اینستادان اوخویا بیلرسینیز

➡️ https://www.instagram.com/p/DGLRik2MK4S/?igsh=MWNibm12ZHc3eGJycA==

#ادبیات_ائوی

@AdabiyatEvi

ادبیات ائوی

15 Feb 2025 15:39

#فولکلور

فولکلوروموزدا بولبول‌ و قارا تیکان کولو
یازیچی: #جلیل_عبدالله
کؤچورن: #نرگس_ابراهیمی

بیر خان قفس‌ده بیر بولبول ساخلاییرمیش. بولبول اوچون هر جور شراییط یارادیلمیشدیر. هر جور گولدن اونون قفسی‌نین اطرافیندا وارمیش. آنجاق او، باهار فصلی‌نین گلمه‌سینه باخمایاراق، بیر دفعه ده سسی ایله اوخومورموش. ائله مأیوس- مأیوس دوروب باخیرمیش.
خان دئییر: من کی، اونو او جور بس‌لییرم، یئنه اوخومور. بوراخین اونو، چیخیب گئتسین. آنجاق اونو ایزلَیین، گؤرون هارا گئدیر. خانین آدام­لاری گؤرورلر کی، بولبول اوچا- اوچا بیر قاراتیکان کولونون اوستونده قورولموش بیر بولبول یوواسی‌نین یانینا قونور و «وطنه گلدیم، ایمانا گلدیم» دئیرَک جهجه وورماغا باشلاییر.
بوتون بونلاری خانا چاتدیریرلار. خان اؤز- اؤزونه فیکیرلشیر:
- هر کسین اؤز یوردو، اؤز وطنی شیرین‌دیر. اونون قدری بیلینمه‌لی، قورونمالیدیر.

#ادبیات_ائوى

@AdabiyatEvi

ادبیات ائوی

04 Feb 2025 15:27

#باش_ساغلیغی

گئدن‌لری آندا وئریب یولوندان
ساخلاییرام، یاتمیرام کی گئجه‌لر

#شجاعت_احمداوف

آلدیغیمیز آجی خبره گؤره دَیَرلی شاعیریمیز، #نسیم_خانیم_کهنسال ین آتاسی دونیاسین دَییشیب. ادبیات ائوی طرفیندن اونون محترم عائله‌سینه تسلیت دئییریک.

#ادبیات_ائوى

@AdabiyatEvi

ادبیات ائوی

30 Jan 2025 12:42

#دوغوم_گونو #مهسا_عبدالعلیزاده

مهسا عبدالعلیزاده، 1369 ایلینده، خییوو شهرینده (مشکین شهر) دونیایا گؤز آچمیشدیر. 1390 ایلیندن ادبیاتا ماراق گؤستریب و «پایسیز یالقیز» تخلّصو ایله شئعیر و حئکایه ساحه‌سینده، قلم وورماغا باشلامیشدیر.
حئکایه ساحه‌سینده سایین ایلقار موذن‌زاده‌نین چوخلو یاردیمی اولموشدور. شاعیرین تام یازدیقلاری 20یاشدان 24یاشینا قدر اولموشدور.
.
1395 ایلینده، شاهین مرادی ایله ائوله‌نیب و 1397 ایلینین پاییز فصلی، فَله‌یین گوجلو اَلی عؤمرونو خزانا چکیب و مغزی انفارکتوس نه‌دنی ایله، آلتی آی خسته اولدوقدان سونرا نهایت، 1398 ایلینده، فروردین آیی‌نین یئددینجی گونونده دونیایا گؤز یومموشدور. بیر داها بو شاعیردن شئعیر اومماق عبث‌دیر.

مزاری نورلا دولسون... یئری اوچماق اولسون.

#ادبیات_ائوی

‌@AdabiyatEvi

ادبیات ائوی

26 Jan 2025 11:31

#مقاله (فایل)

رمان «ایکینجی ال آدام» (مهدی عظیمی) حاققیندا نوت‌لار
یازیچی: #احمد_یوسفی

#ادبیات_ائوی

@AdabiyatEvi

ادبیات ائوی

21 Jan 2025 22:26

#باش_ساغلیغی

ددم‌قورقود آیتدی:
العاقبت اوزون یاشین سونو اؤلوم-آیریلیق‌.
اَجَل آلدی یئر گیزلتدی، فانی دونیا کیمه قالدی؟!

تأسف‌له آلدیغیمیز آجی خبره گؤره، حؤرمت‌لی و دَیَرلی شاعیر #ووقار_نعمت جناب‌لاری‌نین آتاسی دونیاسینی دَییشیب.

عزیز شاعیریمیزه و عائله‌سینه باش ساغلیغی دئییب، قالانلارا اوزون عؤمور دیله‌ییریک.

#ادبیات_ائوى

@AdabiyatEvi

ادبیات ائوی

20 Jan 2025 09:17

#گونلریمیز #20یانوار

35 ایل کئچدی...

تورپاق سو ایله قاریشاندا پالچیق اولور، قان ایله قاریشاندا وطن!

19 گئجه‌سین، 20 گئجه‌سینه باغلایان، ساوئت اوردوسو ائرمنی‌لری قوروماق ادّعاسی ایله آذربایجانین باکی شهرینه گیرمیش. 143 آذربایجانلی‌نی شهید ائتمیش و 800 نفری ده یارالاندیرمیش. روس حاکمیتی و ایش بیرلیکچی سویسوز ائرمنی‌لر فاجعه و جنایت‌لرینه؛
تاریخیمیزه بو صحیفه‌نی اؤز قان‌لاری‌‌یلا یازان شهیدلریمیزی سایغی، هم ده غرورلا آنیریق. اونلارین قانی یئرده قالمادی. آرتیق روح‌لاری شاددیر.

قیش اویودا بیلمیر بو سویوق غمی
دونوب باش‌داشی تک بیر دردلی آنا
دیدیلمیش گلین‌لیک پالتاری کیمی
قار یاغیر شهیدلر خیاوانینا

یورغون عسگرلرین یوخوسو دَرین
سون سؤزو: «بیر ایچیم سرین سو وئرین»
اؤرتور یاراسینی قار شهیدلرین
قار یاغیر شهیدلر خیاوانینا

بوردا آغلایان کیم  بوردا سوسان کیم؟
بیزلردن محبت اوموب، کوسن کیم؟
دن دوشور تورپاغین ساچینا سانکی
قار یاغیر شهیدلر خیاوانینا

شئعیر: #نصرت_کسمنلی

#ادبیات_ائوی

@AdaviyatEvi