ادبیات ائوی

01 November 2025 11:44

#فولکلور

کور اوغلو و گیزیر اوغلو مصطفی بَی
یازیچی: #قارا_نامازوف
کؤچورن: #شاهین_مرادی

#ادبیات_ائوی

@AdabiyatEvi

ادبیات ائوی

09 October 2025 20:33

#باش_ساغلیغی

آذربایجانین دَیَرلی دکلمه اوستادی، آکتریسا و خالق آرتیستی #امینه_یوسف‌_قیزی ابدی‌لیک بو حیاتا گؤز یومموشدور.
واردیغی یئر اوچماق اولسون.

#ادبیات_ائوى

@AdabiyatEvi

ادبیات ائوی

07 October 2025 20:44

دلی کور (تورکجه رومان)

یازیچی: اسماعیل شیخلی
کؤچورن: احد فرهمندی
صفحه ساییسی: 696
یاران یایین ائوی

اثرده آذربایجان خالقی‌نین ملّی اویانیش دؤرونون ضدیت‌لی حادثه‌لری تصویر ائدیلیر و بو اثر ملّی- تاریخی رومان ژانرینین نمونه‌لریندن بیری ساییلیر. بونونلا بئله، بو اثرده عائله- معیشت مسئله‌لری ده گئنیش تصویر اولونموشدور‌.
اثرده‌کی حادثه‌لر کیچیک بیر آذربایجان کندی اولان «گؤی‌تپه»ده یاشانیر. رومان، کندین آغاسی و اَلی قولو آچیق اولان بیر ملک‌دار «جهانگیر آغا»نین «آللاهیار» آدلی بیر شخصین حیات یولداشی «مَلَک»ی گؤتوروب قاچماسی ایله باشلاییر.


⬅️ بو کیتابی آلماق اوچون @Bitigme1993 یازا بیلرسینیز.


#کیتاب_ائویم

@BookEvim

ادبیات ائوی

05 October 2025 16:47

#مقاله

داستایئوسکی یارادیجیلیغیندا اوشاقلیق موضوعو

یازیچی: #جئیلان_موم‌اوغلو
ترتیب ائدن: #ادبیات_ائوی

@AdabiyatEvi

ادبیات ائوی

04 October 2025 14:16

#فولکلور

فولکلوروموزدا آل‌دده افسانه‌سی

#ادبیات_ائوی

@AdabiyatEvi

ادبیات ائوی

24 September 2025 15:21

دلی دومرول تاماشاسی 🎭

یازیچی: شاهین مرادی
یؤنتمن: محمد سالار قلی زاده‌

بلیت ساتیشلاری باشلاندی
شهریور آیی‌نین ۱۵، ۱۶، ۱۷، ۱۸، ۱۹، ۲۰، ۲۱، ۲۲ و ۲۳، ۲۴، ۲۵، ۲۶، ۲۷، ۲۹، ۳۰، ۳۱، مهر آیی‌نین ۱، ۲، ۳ و ۴

⬅️ بلیط ساتیشی

#ادبیات_ائوى

@AdabiyatEvi

ادبیات ائوی

24 September 2025 11:41

#حیکایه

تکلیف
یازیچی: #لاریسا_کئرکلند
ترجمه: ا.توران - س.علی‌یف
کؤچورن: ادبیات ائوی

اولدوزلو گئجه. مناسب واخت. شام ایشیغیندا ناهار. راحات ایتالیان رستورانی. کیچیک قارا لباس. گؤزل ساچ‌لار، پارلاق گؤزلر، گوموشو گولوش. بیرگه ایکی ایل.اعلا واخت! صاف سئوگی، یاخشی دوست، باشقا هئچ کیم. شامپان شرابی! او، اوره‌یینی تکلیف ائدیر. بیر دیزی اوسته. جماعت باخیر؟ قوی باخسین‌لار.
گؤزل بیریلیانت اوزوک. قیزارمیش یاناق‌لار، مفتون‌ائدیجی گولومسه‌مه.
بَیَندین، یوخ؟

#ادبیات_ائوی

@AdabiyatEvi

ادبیات ائوی

18 September 2025 09:32

#آنیم_گونو
.
سنین عشقین منیم اوچون
بیر عؤمورلوک درس اولدو.
«حیدربابا» دونیامیزا
سؤنمز بیر گونش اولدو.

زلیمخان یعقوب: «شهریار، پوئزیامیزین گونشی، اورک‌لرده ابدی پارلایان بیر ایشیق‌دیر».
بو گون، اوستاد شهریارین آنیم گونودور. بو گونو «روز شعر و ادب فارسی» آدلاندیرسالار دا، هئچ بیر فارس اوستادی، «محمدحسین شهریار»ی زلیمخان کیمس درک ائده بیلمه‌میشدیر. عزیز اوستادیمیزا تانریدان باغیش دیله‌ییریک. یئری هر زامان اورک‌لریمیزده‌دیر.

#ادبیات_ائوی

@AdabiyatEvi

ادبیات ائوی

19 August 2025 19:41

یاز یارات 3-نجو ادبی یاریشینا خوش گلمیسینیز.

✔️اثرلرین گؤندریلمه یولو یالنیز گوگل فورم لینکی‌دیر.
https://forms.gle/xcEPZLf1QFNQp4a69

ایمکانلاریندا اولمایانلار ایسه بو ایکی یولدان دا اثرلرینی گؤندره بیلرلر:

جیمیل:
yazyarat.festival@gmail.com

واتساپ / تلگرام:
09398666515


هر کسه بو یاریشمادا اوغورلار دیله‌ییریک.


«یاز یارات ادبی یاریشین دبیرخاناسی»

ادبیات ائوی

10 August 2025 17:04

بو گوندن اعتباراً ادبیات ائوی عائله‌سی‌نین کیچیک بیر اویه‌سی اولاراق، یئنی بیر آددیم آتماغی دوشونه‌رک «BookEvim» آدلی صفحه‌سی‌نین آچیلیب، رسمی فعالیتینه باشلاماسی‌نین خبرینی قوللوغونوزا چاتدیرماقدان سئوینج دویدوق.

بیز بو صفحه‌ده چاپ اولونوب، یاییملانان کیتاب‌لاریمیزین ویترینی اولاراق، الده اولان کیتاب‌لاریمیزین ساتیلماسینا جهد ائدیب، چالیشاجاغیق. بوتون یازیچی، شاعیر، محقق، مترجم، هابئله انتشارات صاحیبی اولان فیکیرداش‌لاریمیزین بو یولدا بیزه دستک اولماقلاریندان سئوینیب، الیمیزدن گلن قدر کتابلاری‌نین یاییلیب- ساتیلماسینا یاردیمچی اولاجاغیق.

یئنی صفحه‌میزه دستک اولون

➡️ https://www.instagram.com/bookevim?igsh=MW92ZnRnZ2FvdW1u

#ادبیات_ائوى
#بوک_ائویم

@AdabiyatEvi

ادبیات ائوی

24 July 2025 20:23

#شئعیر #اورمو

نه بیر کسی چاغیرماق ایسته‌ییرم،
نه باغلی باجالاردان باغیرماق.
سئویم‌سیز هاوادا
سولغون یارپاق کیمی
سوسوزام یاغیش طراوتینه سوسوز...
نه توتقون ماوی‌لیک‌لره کؤچمک ایسته‌ییرم،
نه بولودلار آرخاسیندان اوچماق.
یئلکن‌سیز بیر گمی کیمی
سوسوزام دنیز طراوتینه سوسوز..

#حمیده_رییس_زاده ( #سحر )

#ادبیات_ائوی

@AdabiyatEvi

ادبیات ائوی

21 July 2025 11:50

آی آنا!
ائی یارالاریمین اَن دوزلوسو
قارا جییَرینین‌می،
یوخسا آل یاناغی‌نین خالی‌دیر؟!
قارا قوشونون ماوی‌لیینده گزن
بو قیرمیزی هاله‌لی رقاصه.
اولدوز باخیشلیم...
توربه‌نین تنینده گزن کَکلیک‌دیر آزادلیق،
یاخینلاشدیغیم زامان،
بیر آن یوخ اولور قایالارین ائنیش- یوخوشوندا
کول دیبیندن، کول دیبینه،
داش دالیندان، داش دالینا،
و داش چاغیندان چاغین داشلیغینا قدر
آغیردیر «قادینلیق»
آی آنام!
گؤز ببه‌ییم،
سندن سونرا باشلاندی شاعیرلیک عصریم
هرگئجه- گوندوز
قانادلاندی قبرینه تنهالیغین قوشو،
یئریدی قبریستانلیغین کؤهنه داریسقال کوچه‌لرینه،
قیزلیغیمین یورغون آیاق‌لاری.
پاییزدا یئتیردی،
قاناتدی نارلارین اوره‌یینی باغیرتیم
باغیردیم آزادلیغی دامدا- دوواردا
باغیردیم ایچیمه سنی و سندن گلن کدری،
آنام عوضی باجیم اوزولمه‌سین دئیه_
گولدوم اوشاقلیغیمیزین دارتیشمالارین،
سالدیم ایچیمه سنی،
سالدیم بوینونا قولومو،
و اکدیم یاناغینا اؤپوش‌لریمین ان دادلی‌سینی
آی آنا!
شئعیرین اوزون سوردویون سنه مدیونام،
سنه مدیونام حیاتی،
گوجون ان اوجا مرتبه‌سینی بئله،
چاغیریرام سنی...
قاتیرام کلمه‌لره یالان اولان گلین‌لییینی،
و گؤزل‌لییینی چکیرم شئعیرین روخونا.
دالیرام آی‌لارین و ایل‌لرین دالیندا گیزله‌نن_
آی اوزلو سیمانا... .

شئعیر: #نوریه_لوح

#ادبیات_ائوی

@AdabiyatEvi

ادبیات ائوی

11 July 2025 15:41

#گونلریمیز

بو گون آذربایجانین گؤرکملی شاعیری، دراماتورقو و دیلمانجی #عباس_صحت ین آنیم گونودور.
عباس علی‌عباس اوغلو مهدیزاده، ۱۸۷۴-جو ایل‌ده شاماخی‌دا دونیایا گؤز آچمیشدیر. ۱۹۰۰-جو ایل‌ده تهران یونیورسیته‌سی‌نین طب رشته‌سینده تحصیلینی باشا ووروب و ادبیاتیمیزا «سینیق ساز»، «غرب گونشی» و چوخ سایی‌دا اوشاق شعرلری هدیه ائتمیشدیر. عباس صحت ۱۹۱۸-جی ایل‌ده وفات ائتمیشدیر.

خاطیره‌سینی حؤرمت‌له یاد ائدیریک. 🖤

#ادبیات_ائوی

@AdabiyatEvi

ادبیات ائوی

09 July 2025 13:56

#حیکایه

اویانمیش آفریقا
یازیچی: #نادین_قوردیمر
کؤچورن: #آرزو_ربیعی

#ادبیات_ائوى

@AdabiyatEvi

ادبیات ائوی

07 July 2025 15:01

#شئعیر

چاغیر منی

شئعیر: #اورخان_باهادیرسوی
سس: #تورال_احمد

#ادبیات_ائوی

@AdabiyatEvi

ادبیات ائوی

11 October 2025 19:44

#آنیم_گونو

#Attilaİlhan

#ادبیات_ائوی

@AdabiyatEvi

ادبیات ائوی

08 October 2025 20:15

#حیکایه

#قارا_قویون

ایل‌لر اؤنجه اوزاق بیر اؤلکه‌ده یاشایان بیر قارا قویونو گولله‌له‌دیلر. یوز ایل سونرا پئشیمان اولان سورو، اونون آت اوستونده بیر هئکلینی اوجالدیب، پارکین ان گؤزل یئرینه قویدولار. سونراکی ایل‌لرده ده نه زامان بیر قارا قویون گؤرسه‌لر، اونو دا او دقیقه اعدام ائدرمیش‌لر کی، گله‌جک نسیل‌لرین سیرادان قویون‌لاری هئیکل صنعتی‌ ایله مشغول اولا بیلسین.

یازیچی: #آلخاندرو_خودورفسکی
چئویرن: #رامیل_احمد
کؤچورن: #ادبیات_ائوی

@AdabiyatEvi

ادبیات ائوی

07 October 2025 18:14

#اوشاق_ادبیاتی #شئعیر

وطن سئوگی‌سی

وطنی چوخ سئویرم
آنام کیمی عزیزدیر
آناما و وطنه
محبتیم دنیزدیر.

قوجاغیندا آنانین،
شَن قوینوندا وطنین
بسله‌نیریک فرح‌له،
وطن منیم، هم سنین.

قوروماساق وطنی،
قالاریق بیز وطن‌سیز
یوواسیز بیر قوش کیمی
اؤله‌ریک بیز وطن‌سیز!

شاعیر: #سولماز_شیرین

#ادبیات_ائوی

@AdabiyatEvi

ادبیات ائوی

04 October 2025 14:16

#فولکلور

فولکلوروموزدا آل‌دده افسانه‌سی

بغداددا عرب خلیفه‌سینه بئله بیر خبر چاتیر کی، اودلار اؤلکه‌سینده آل‌دده آدلی بیر شخص اورتایا چیخیب. بو شخص معجزه‌لر ایجاد ائدیر، اؤزو ده اوددا یانمیر. خبر خلیفه‌نی بَرک ماراقلاندیریر، دئییلن‌لرین دوغرولوغونو یقین ائتمک اوچون یانینا اوچ عرب چاغیریر.
- ائله بو گون اودلار اؤلکه‌سینه یولا دوشون. اوردا آل‌دده آدلی بیر شخص اورتایا چیخیب. گئدیب یوخلایین. اگر، دوغرودان دا، معجزه‌لر چیخاریرسا، اونا توخونمایین. یوخ، ائله اولماسا، اونو محو ائدین، یوردوندا هئچ بیر نفر ده سلامت قویمایین. عرب‌لر آل‌دده‌نی هاچا قایا دئییلن یئرین یاخین‌لیغیندا ایلخی ایله بیرلیکده تاپیرلار. گؤرورلر کی، گئنیش چؤل‌ده یالمان‌لاری قیز هؤروک‌لری کیمی هؤرولموش آت ایلخیسی اوتلاییر، ایلخی دا ایکی دایچانین یالمانی هؤرولمه‌ییب. اونلار بونون سرّینی هوندور داش اوستونده اوتورموش آل‌دده‌دن سوروشورلار. او دئییر:
- بو دایچالار گؤی سودان چیخیب، ایلخی‌یا اؤزلری قاریشیب‌لار. چوخلو صحبت‌دن سونرا عرب‌لر حسّ ائدیرلر کی، قوجا چوخ حکمت‌لی آداما اوخشاییر. دونیانین اوّلیندن- آخیریندان خبر وئریر. آل‌دده‌نی یوخلاماق  ایسته‌ییرلر:
- بلکه بیر اوجاق چاتاسان، یامان آجمیشیق.
آل‌دده او ساعات قوناق‌لارین نیّتینی باشا دوشور.
- بیلیرم نه‌یه گلمیسینیز، ماراغینیز نه‌دیر، ایسته‌یینیز نه‌دیر، هامی‌سینی بیلیرم. عرب‌لر تعجّب‌لنیرلر.
- بیز کی، سنه هله بیر سؤز دئمه‌میشیک.
- بیر کباب بیشیریم یئیک، سونرا دانیشاریق.
آل‌دده آیاغا قالخیب اوجاق چاتیر. یاخینداکی سورودن بیر قوزو آییریب کسیر. قوزونون قولونو، بودونو، قابیرغالارینی چیلپاق اَلینده کؤزه توتوب قیزاردیر. کباب بیشیر. آل‌دده‌نین اَلی‌نین توکو ده قارسالانمیر.
- بو نه سرّ‌دیر؟- دئیه، عرب‌لر حیرت‌له دیل‌لنیرلر.
- سرّ یوخدور. من اودلار دیاری‌نین ائولادی‌یام- اود اوغلویام. اود اودو یاندیرماز.
- سن اؤز قالادیغین اودا یانمازسان، آنجاق بیز قالادیغیمیزدا عمللی- باشلی بیشیرسن، هئچ کولون ده قالماز، -دئیه عرب‌لر اونون معجزه‌سینه شکّ ائدیرلر. اونلار بیر قاراگؤز قوزونو آل‌دده‌نین قوجاغینا وئریرلر. سونرا دا یورد یئرینده‌کی تندیری قالاییرلار. آل‌دده‌نی آلووو گؤیه دیلیمنن تندیره سالیرلار، تندیرین آغزینی سال داش‌لارلا اؤرتورلر.
عرب‌لر ائله دوشونورلر کی، آل‌دده بو گئجه تندیرده یانیب کول اولاجاق. سحر اونلار تندیرین آغزینی آچاندا گؤزلرینه اینانمیرلار. آل‌دده‌نین باشی‌نین توک‌لری، بیغ‌لاری قارلی- قیروولو ایدی، ساققالیندان بوز سالخیم‌لاری ساللانیردی، قوجاغینداکی قارا گؤز قوزو ایسه قیپ‌قیرمیزی بیشمیشدی. عرب‌لر دئدیلر:
- بو اصل معجزه‌دیر. ای آل‌دده، بیزدن ایسته‌یین نه‌دیر؟
آل‌دده سَهملی خلیفه‌نین ائلچی‌لرینه جسارت‌له جواب وئردی:
- سیزدن هئچ نه ایسته‌مه‌یه‌جه‌یم، امّا مندن ده ایسته‌مه‌یین، قویون هره‌نین کی اؤزونون اولسون.
- باشا دوشمه‌دیک.
آل‌دده یانینداکی دؤرد آغاج چوبوغونو گؤستریب دئدی:
- بو آغاج‌لاری دؤرد جهته آتاجاغام، هارا دوشسه، او تورپاغا توخونمایین.
عرب‌لر سئویندیلر کی، بیر قوجانین آتدیغی او قدر ده اوزاغا دوشمز. اودور کی، دئدیلر اولسون.
آل‌دده بیرینجی آغاجی آتدی، آغاج گؤی‌ده سوزدو، گؤرونمز اولدو.
عرب‌لر سوروشدولار:
- آغاج هارا دوشدو؟
- ساوالان داغینا، -دئیه آل‌دده جواب وئردی.
آل‌دده‌نین ایکینجی آغاجی شاه داغینا، اوچونجو آغاجی آلویز داغینا، دؤردونجوسو آغری داغینا دوشدو.
عرب‌لر دئدیلر:
- بو کی، اودلار اؤلکه‌سی‌نین حدودو اولدو.
آل‌دده گولومسوندو:
- یوخ، اودلار اؤلکه‌سی‌نین هئچ پاراسی دا دئییل.
عرب‌لر اودلار اؤلکه‌سینده ائله بیل اودا دوشدولر. اودور کی، تله‌سیک آل دده‌دن آیریلیب بیر باشا بغدادا اوز توتدولار.

#ادبیات_ائوی

@AdabiyatEvi

ادبیات ائوی

01 October 2025 09:12

دلی دومرول تاماشاسی 🎭

یازیچی: شاهین مرادی
یؤنتمن: محمد سالار قلی زاده‌

بلیت ساتیشلاری باشلاندی
شهریور آیی‌نین ۱۵، ۱۶، ۱۷، ۱۸، ۱۹، ۲۰، ۲۱، ۲۲ و ۲۳، ۲۴، ۲۵، ۲۶، ۲۷، ۲۹، ۳۰، ۳۱، مهر آیی‌نین ۱، ۲، ۳ و ۴، ۵، ۶، ۷، ۸، ۹،

⬅️ بلیط ساتیشی

#ادبیات_ائوى

@AdabiyatEvi

ادبیات ائوی

24 September 2025 13:58

قدیم آدلاریمیزین کؤکو

یازیچی: عزیزخان تانری‌وئردی
تنقید، تحشیه و کؤچورن: شاهین مرادی
صفحه ساییسی: ۴۱۸
ساتیش کیتاب ائویندن

بو کیتاب، تخصصی اولاراق، اتیمولوژی مبحث‌لرینده رحمتلیک «عزیزخان تانری‌وئردی»نین قلمی ایله یازیلان اثردیر. «اورخون- یئنی‌سئی عابده‌لری»، «دده قورقود کتابی»، «ماناس داستانی» «دیوان لغات‌التورک»، «قوتادغو بیلیک»، «آلپامیش» و «دفتر مفصّل ایالت تفلیس» اثرلرینده اولان آدلار، تحلیل سوزگجیندن کئچیریلیر.
مولّف، پروفسور تانری‌وئردی‌نین تألیفینه و اتیمولوژی مبحث‌لرینه تنقیدله یاناشیب و اتک یازی‌لاردا اؤز فیکرین یئریتمیشدیر. کؤکوموز و آدلار حاققیندا، چوخ دَیَرلی و مرجع کیتاب‌لاریمیزدان ساییلیر.


⬅️ بو کیتابی آلماق اوچون @Bitigme1993 یازا بیلرسینیز.


#کیتاب_ائویم

@BookEvim

ادبیات ائوی

23 September 2025 11:34

#گونلریمیز #مدرسه
#مهر_آیی_نین_گلیشی

بو گو‌ن درسه گئدیرسیز
قدمینیز موبارک!
اليفبانیز، چانتانیز
قلمینیز موبارک!

موبارکدیر ایشیغا
قوجاق آچان جرگه‌نیز
موبارکدیر ظلمت‌له
بؤیوک موباریزه‌نیز...

کیتاب‌لارا باش اَیَن
زامان-زامان اوجالار
غالب اولماق ایسته‌ین
بيلگى‌لردن باج آلار

آلین بو سورغولارى
چانتانیزا دولدو‌رو‌ن
هر سورغو‌نو‌ن او‌ستونده
بیر-بیر محکمه قو‌رو‌ن!

نه‌یه اؤز ذُکامیزلا
گؤیه نور ساچمامیشیق؟
نه‌یه گؤره بیرینجی
آیا بیز اوچمامیشیق؟

دوشونون دَرین-درین
بو سرّى ده آچین سیز
نه او‌چو‌ن بیلیک‌لييه
کؤله اولور بیلیک‌سیز؟

نه‌یه یوز ایل‌لر بویو
دانیلیب دیر حاققيمیز؟
نه او‌چون باشقا خالقا
بويو‌ن اَییب خالقیمیز؟

نه‌یه اله باخمیشیق
الیمیز اولماییب می؟
نییه دیللنمه‌میشیک؟
دیلیمیز اولماییب‌می؟!

تزه‌دن اؤیره‌نین سیز
قارا نه‌دیر، آغ نه‌دیر؟
آزادلیق نه، بایراق نه
وطن نه، تورپاق نه‌دیر؟

هره بیر کؤز سؤندورسه
اوجاق قالماز وطنده
خالقا قول اولمایاندان
آغا اولماز وطنده

ای عزیز بیرینجی‌لر
ائلین سئوینجی اولو‌ن
چالیشین حیاتدا دا
ائله بیرینجی اولو‌ن

شاعیر: #شاهمار_اکبرزاده

#ادبیات_ائوی

@AdabiyatEvi

ادبیات ائوی

26 August 2025 16:46

دلی دومرول تاماشاسی 🎭

یازیچی: شاهین مرادی
یؤنتمن: محمد سالار قلی زاده‌

بلیت ساتیشلاری باشلاندی
شهریور آیی‌نین ۱۵، ۱۶، ۱۷، ۱۸، ۱۹، ۲۰، ۲۱، ۲۲ و ۲۳، ۲۴، ۲۵ و ۲۶

⬅️ بلیط ساتیشی

#ادبیات_ائوى

@AdabiyatEvi

ادبیات ائوی

17 August 2025 19:02

اساطیر، افسانه، اینانج‌لار

ترتیب ائدن: ع. آجال‌اوغلو - ج. بَیدیلی
توپلاییب، ادبی‌لشدیرن: ویدا حشمتی
ویراست و ایضاح‌لار: حسن اوموداوغلو - مهدی صالح‌اوغلو
صفحه ساییسی: ۴۰۲

آذربایجان خالقینین زنگین سؤزلو عنعنه‌سی اساطیر، اَفسانه و روايت‌لردن عیبارت‌دیر. اساطیرلر کائناتین، اینسانین و طبیعتین یارانیشی، تانری‌لار و قهرمان‌لارلا باغلی مقدس حئکایه‌لردیر. افسانه‌لر تاریخی اساسلی، آنجاق خالق خیالی ایله بَزَنمیش قهرمانلیق، سئوگی و مبارزه‌ ایله باغلی روايت‌لردیر. روايت‌لر ایسه داها چوخ گونده‌لیک حیات، یاخشی‌لیق و پیس‌لیک، عاغیللی‌لیق و اَخماق‌لیق کیمی قونولاری عکس ائتدیریر. بو حئکایه‌لر تاریخی یادداشی، ملّی کیم‌لییی و مدنیت دَیَرلری نسیلدن-نسیله گؤتورور.

کیتابدا آذربایجان فولکلورونون اساطیرلر، افسانه‌لر و روایت‌لر سلسله‌سی‌نین مختلف بؤلگه‌لریندن سئچیلمیش نمونه‌لری، علمی طرزده تقدیم ائدیلیر. مقصد، آذربایجانین اسطوره و فولکلورونو اورتایا چیخارماق، ائله‌جه ده بو عنعنه‌نین دیل و مضمون زنگین‌لییینی قورویوب ساخلاماقدیر.


⬅️ بو کیتابی آلماق اوچون @Bitigme1993 یازا بیلرسینیز.


#کیتاب_ائویم

@BookEvim

ادبیات ائوی

09 August 2025 20:34

#اورمو

#ادبیات_ائوى

@AdabiyatEvi

ادبیات ائوی

23 July 2025 10:42

#باش_ساغلیغی

گئدن‌لری آندا وئریب یولوندان
ساخلاییرام، یاتمیرام کی گئجه‌لر

#شجاعت_احمداوف

آلدیغیمیز آجی خبره گؤره دَیَرلی شاعیریمیز، #فریبا_ابراهیمی نین آناسی دونیاسین دَییشیب. ادبیات ائوی طرفیندن اونون محترم عائله‌سینه تسلیت دئییریک.

#ادبیات_ائوى

@AdabiyatEvi

ادبیات ائوی

21 July 2025 11:50

#شئعیر

آنا

شاعیر: #نوریه_لوح

#ادبیات_ائوى

@AdabiyatEvi

ادبیات ائوی

10 July 2025 16:26

#موسیقی 13

#نه‌دیر

موسیقی: #شفیقه_آخوندووا
سؤز: #بختیار_واهابزاده
اوخویور: #روبابه_مورادووا

«سن دئییرسن سئومیرم،
پس بو عشق هوس نه‌دیر؟» 2×
اوره‌ییمده یوکسه‌لن،
بو اودلو نفس نه‌دیر؟!

«سنی سئودیم، سنی سئودیم،
سئوه بیلمم اؤزگه‌نی» 2×

«من عشقیمی دانمیرام،
آرزودان اوسانمیرام» 2×
دئییرسن کی یانمیرام،
بو نغمه، بو سس نه‌دیر؟!

«سنی سئودیم، سنی سئودیم
سئوه بیلمم اؤزگه‌نی» 2×

سئوه بیلمم اؤزگه‌نی

#ادبیات_ائوی

@AdabiyatEvi

ادبیات ائوی

08 July 2025 12:26

#اوشاق_ادبیاتی #شئعیر

آللی-گوللو ناغیل‌دیر،
منیم ایپک بالیشیم.
بالیشیم بال دادیر کی،
یوخوما بال قاریشیب.

قو توکودور، یوپ-یومشاق،
یونگولدور سودا باتماز.
آستاری توک کئچیرتمَز،
اوزو سوماغی آطلاس.

آنا-بالا بوتالی،
بالیش اوزونه بیر باخ!
قیرچین-قیرچین کمری،
قاردان تمیز، سوددن آغ.

بالیشیمی کسیب‌دیر،
کندده‌کی بی‌بیم منیم.
سئوینجیمدن اوچورام،
قوش اولوب قلبیم منیم.

گول- بی‌بیمین پایی‌دیر،
منیم ایپک بالیشیم.
ایندی بیلدیم کی، نییه
یوخوما بال قاریشیب.

#فیکرت_صادیق

#ادبیات_ائوى

@AdabiyatEvi

ادبیات ائوی

06 July 2025 11:19

ظالم و مظلوم ایله باخسان اگر عالم دولوب
کل ارض کربلا، هر یوم عاشورا ایله

#طالب_اردبیلی

ظولمون قیلینجی قینیندان چیخاندا، حسین حاققا دایاق اولدو، حاققا سپر کسیلدی. قان ایله یازدی آزالیق آدینی،
شهادت‌له دیریلدی تاریخین یادداشینا...

منی گوزگو (آینا) قاباغینا آپاریب، دئدی:
باخ، عصری‌نین حسینی دئییلسن‌سه، سنین یزیدین بودور...

عاشورا گونو، حسین‌بن‌علی، دوشمن قارشی‌سیندا شجاعت‌له بئله رجز اوخویوردو (تک قالیب، نئچه یوز یا مین نفرین اؤنونده):
یوخ! آند اولسون آللاها! نه ذلّت قبول ائدیب ذلیل‌لر کیمی سیزه تسلیم اولارام، نه‌ ده کؤله‌لر کیمی قارشینیزدان قاچارام.

الارشاد- ص ۲۳۵

#ادبیات_ائوی

@AdabiyatEvi