ادبیات ائوی

11 Jun 2025 22:57

#Şiir

Mutsuzluk Gülümseyerek Gelir, Adıyla Süslenmiştir;
Banliyo Treninde Rastladığımız
Sınav Saatini Kaçırmış Liseli Kız,
Hep!
Hep Kazanırsın Ey Çözümsüzlük!
Ey Otobüssever Ey Troya Yolcusu!
Anımsarsın Günlerce Konuşup Durmuştuk
O İpek Böceği Sesli Kadını;
Birinin Grönland’ı Olmaya Hazırlanıyordu.
İki Çay Söylemiştik Orda, Biri Açık,
Keşke,
Yalnız Bunun İçin Sevseydim Seni...

Şiir: #CemalSüreya #جمال_ثریا
Ses: #EserGökay #اسر_گؤکآی

#ادبیات_ائوى

@AdabiyatEvi

ادبیات ائوی

02 Jun 2025 12:46

#شئعیر

آیریلدیق!
بیلمه‌دیک نه‌چون، نه‌دن بیز؟
آیریلدیق!
آیریلماق ایسته‌مه‌دن بیز!

یوخدور اوره‌ییمده سنه غضب، کین،
یادیما دوشمه‌ییر، بدَ عمل‌لرین
نیفرت‌سیز آیریلیق، آیریلیق دئییل؛
نیفرت‌سیز آیریلیق، ووصالدان شیرین

گولوم،
سئوه-سئوه آیریلیریق بیز...

شئعیر: #بختیار_وهابزاده
سس: #خزر_سلیمانلی

#ادبیات_ائوى

@AdabiyatEvi
@MaviDuygular

ادبیات ائوی

18 May 2025 09:01

#دوغوم_گونو #مختومقولو_فراغی

بو گون تورکمن دیاری‌نین داهی شاعیری اولان «مختومقولو فراغی»نین ۲۹۲-جی آد گونودور. مختومقولو، اؤز شعرلری ایله تورکمن دیلی‌نین دیری ساخلاماسینا چوخ کمک ائتمیشدیر. اونون یازدیغی کلاسیک شعرلر، تورکمن‌لرین شفاهی ادبیاتی‌نین مکتوب‌لاشماسی و تورک ادبیاتی‌نین زنگین‌لشمه‌سینه سبب اولموشدور.

حیاتیندان داها چوخ بیلگی الده ائتمک اوچون اینستادان اوخویا بیلرسینیز

➡️ https://www.instagram.com/p/DJyRqWBswqm/?igsh=MW9xcHpjd2dnbzNtYQ==

#ادبیات_ائوی

@AdabiyatEvi

ادبیات ائوی

14 May 2025 12:20

#حیکایه

دوز قوروقچوسو
یازیچی: #حامد_حضوری

#ادبیات_ائوى

@AdabiyatEvi

ادبیات ائوی

07 May 2025 12:54

#حیکایه

قیرمیز لَکه
یازیچی: #مهدی_سهندی

#ادبیات_ائوى

@AdabiyatEvi

ادبیات ائوی

05 May 2025 17:21

#دوغوم_گونو #احمد_جواد

بو گون آذربایجان ملّتی‌نین آزادلیغی و استقلالی اوغروندا مبارزه آپاریب قلم ووران، بو یولدا «خالق دوشمنی» دامغاسی و ساوئت الی ایله وحشیجه‌سینه اؤلدورولن، زامان گلیشدییینده تورک ملتی‌نین قهرمانینا چئوریلمیشدیر. بو گون قهرمان شاعیریمیزین دوغوم گونودور.

احمد جواد، ۱۸۹۲-جی ایل، مای آیی‌نین ۵-جی گونونده گنجه شهری‌نین شمکیر بؤلگه‌سینده یئرآلان سیفعلی کندینده آنادان اولموشدور‌. آتاسی مشهور روحانی اولوب و اصلیّتاً آذربایجانین گونئیینه منسوبدور.

حیاتیندان داها چوخ بیلگی الده ائتمک اوچون اینستادان اوخویا بیلرسینیز

➡️ https://www.instagram.com/p/DJRtNgIsrtX/?igsh=c3JxaXViMDYwZGF4

#ادبیات_ائوی

@AdabiyatEvi

ادبیات ائوی

03 May 2025 09:36

#تورک #3May

دیلک یولوندا اؤلمک اولماز تورک‌لره تاسا
تورکه بویون اَیدیریر یالنیز تؤره‌یله یاسا
یئددی اوردو بیرلَشیب قارشیمیزدا پارلاسا
اونو قانلا سؤندوروب، پارچالاریق، یئنَریک

#حسین_نیهال_آتسیز

دونیا تورکچولوک گونو قوتلو اولسون.

تیراختورون شامپیونلوغونو دا قوتلاییریق.

#ادبیات_ائوى

@AdabiyatEvi

ادبیات ائوی

27 Apr 2025 19:45

بیرینجی بؤلوم ⬆️ ⬆️ ⬆️

ادبیات ائوی

23 Apr 2025 14:18

#حیکایه

قــار
یازیچی: #کمال_عبدالله
کؤچورن: #آرزو_ربیعی

#ادبیات_ائوى

@AdabiyatEvi

ادبیات ائوی

15 Apr 2025 13:58

#شئعیرلی_گونلر

چکدیییم دردی سازا آنلاتدیم
دردلی بارماقلا تئلی آغلاتدیم
بیزه گل... دئدین، بیر آددیم آتدیم
بیر آددیم یولدا، مین جنّت گؤردوم.

#احمد_جواد

#ادبیات_ائوی

@AdabiyatEvi

ادبیات ائوی

10 Apr 2025 13:03

#آنیم_گونو

بو گون، ملّی شاعیریمیز #بولود_قاراچورلو ( #سهند )ین آنیم گونودور.
سایغی و سئوگی ایله یاد ائدیریک 🖤

بولود قاراچورلو (سهند)، 1305-جی ایل‌ده آذربایجانین قدیم علم و مدنیّت مرکزی اولان «مراغه/ماراغا» شهرینده و یاغیشلی بیر گون‌ده آنادان اولموشدور. کؤکو «قاراچورلو» طایفاسینا منسوبدور. آز ساوادلی و زحمتکش آتا-آناسی‌نین اوخشامالاری، ناغیل‌لاری، صحبت‌لری و اؤیودلری اونون قانینا، یادداشینا یئریییب، ائلینی-اولوسونو سئون بیر گنج کیمی یئتیشدیریردی.
ایلک تحصیلینی ماراغا و تبریزده آلان بولود، ۱۷ یاشیندا ایکن تحصیل‌دن اوزاقلاشیر و بو چاغلاردا شعر یازماغا باشلایبب، اؤزونه «سهند» تخلصونو سئچیر.

حیاتیندان داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DIQ3tsNs79P/?igsh=em9jbHUzeHF0Z2pq

#ادبیات_ائوی

@AdabiyatEvi

ادبیات ائوی

06 Apr 2025 16:57

#مقاله

آناسی‌نین دفنین‌ده آغلامایان آدام

یازیچی: #ابراهیم_نبی_اوغلو
کؤچورن: #شاهین_مرادی

#ادبیات_ائوی

@AdabiyatEvi

ادبیات ائوی

27 Mar 2025 10:32

#ایل_دؤنومو

داریخما قاداسی چیخاجاق گونش
سره‌جک ساچینی ائل- اوبامیزا
باهار گله‌جکدیر یاشیللیغی‌لا،
قوخوسون سپه‌جک سون یارامیزا...

غافیل آچیلان گولله کیمی آمانسیز اؤلوم، اونو گوله-گوله آرامیزدان واخت‌سیز آپاردی. بو گون #مهسا_عبدالعلی‌زاده‌ نین آلتینجی ایل دؤنومودور.
اؤلن‌لرین خاطیرلاندیغی سو گونونده، عزیز شاعیریمیز، مهسانی دا یاد ائدک‌.
قالانلارا جان ساغلیغی دیله‌یی ایله...

#ادبیات_ائوی

@AdabiyatEvi

ادبیات ائوی

18 Mar 2025 17:49

عزیز و دَیَرلی شاعیریمیز «محمدرضا لوایی»نین «سنه وطن اولارام» شئعیر دفتری، بیرینجی دفعه اولاراق ادبیات ائویندن و پی‌‌دی‌اف شکلینده پایلاشیلیر.
اوخوجوسو بول اولسون.

#محمدرضا_لوایی

#ادبیات_ائوى

@AdabiyatEvi

ادبیات ائوی

11 Mar 2025 08:45

#یئل_چرشنبه‌سی

بو گون یئل چرشنبه‌سی‌دیر. بوزآیین بو چرشنبه‌ده داماری قیریلیر و طبیعتین دیریله‌جه‌یی گونونو بیزه داها دا یاخین‌لاشدیریر. بیر زامان‌لار یالنیز سودان عبارت اولان حیاتا تورپاق سونرادان رنگ قاتدی. آنجاق حیاتین وارلیغی اوچون هاوا-یئل ده گرکلی ایدی. تکجه او حیاتی فورمالاشدیرا بیلردی. قدیم تورک میفولوگیاسیندا یئلین وظیفه‌سی‌ ده ائله بودور؛ حیاتی فورمالاشدیرماق!
طبیعت اوچون بو اویانان هاوا، انسان اوچون ایسه نَفَس‌دیر!

یئل چرشنبه‌میز قوتلو اولسون

داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DHDRR43MYQQ/?igsh=Z3dzYW50b2d2bWY3

#ادبیات_ائوی

‌@AdabiyatEvi

ادبیات ائوی

05 Jun 2025 14:17

#شئعیرلی_گونلر

خزان آجیسینا ائدیب تحمّل
گولون کؤلگه‌سینده اؤتن‌ده بولبول
حیات، حیات! -دئیه چیرپینیز کؤنول
کؤنولدن، سئودادان نئجه اَل چکیم؟

#میکاییل_مشفق

بو گون آذربایجانین دائم گنج و استعدادلی شاعیری، ترجمه‌چیسی و پداقوقو، رپرسسیانین اونودولماز قوربان‌لاریندان بیری اولان میکاییل مشفقین دوغوم گونودور.
سایغی و سئوگی ایله آنیریق...

#ادبیات_ائوى

@AdabiyatEvi

ادبیات ائوی

26 May 2025 12:50

#شئعیر

بولودلار یاغمور قوسور
بیر اوزدن-اوزوموزه...
اولدوزلار کئفلی-کئفلی
توخونور گؤزوموزه!
خیابان
اسفالت اوستو
قالدیریم چیخیر دیزه
بو حالدا سن آیریلیب گئدیرسن ائوینیزه!
من قالیرام
آی قالیر
بیر ده دیوارلار قالیر
بیر ده دیوارلار اوسته، قیرمیز شعارلار قالیر!

تک قالیریق هامیمیز،
تک قالدیقدا هامیمیز

من قالیرام
آی قالیر
دیوارلار یالقیز قالیر
سن ائویزه گئدیرسن،
منه بیر تبریز قالیر...

شئعیر و سس: #یالچین_تورکای

#ادبیات_ائوى

@AdabiyatEvi

ادبیات ائوی

14 May 2025 12:21

یول اوستونده ایکی یولداش ایدیق. کؤلگه‌میز آیاغیمیزین آلتیندایدی. گون اورتا آذانینا دوشدوک. گؤزلریمیز ایشله‌دیکجه هاباخدیق آما دستاماز آلماغا سو گؤرونمه‌دی.
-بس نه ائدک ایندی؟
دئدیم: سو اولمایان یئرده تیمّم واجیبدیر.
بیر داها گؤز گزدیردیک. باخدیغیمز یئردن اوفوقون خطّی گؤرسه‌نیردی. نه‌ییسه تیمم اوچون تورپاق دا یوخویدو. هر یان آغا بویانمیشدی. بعضی حیوان‌لارین اؤلوسو مومیای کیمی دوزا یاتمیشدی.
-دوز تورپاغین یئرین وئررمی؟
دئدیم: چؤره‌یین یئمیشم وطنین. دوزونا دا قوربان اولوم تورپاغینا دا. ذاتاً من کئشیکچی‌سی‌یم.
-اده تیمم اوچون دئییرم.
دئدیم: اگر گؤزلرینه قیییرسان تیمم ائت.
-سن قضا ائدجکسن‌می؟
دئدیم: من عسگرم. منیم دوروموم چوخ فرق‌لی‌دی. هردن ناماز دوشر. هردن واجیب دئییل یعنی.
-هه. سن حاضیرسن.
«گؤزلرینه قییما حامید» اؤز-اؤزونه دئدی.
-بیر ده قولاق وئر سس گلیر آخی.
دئدیم: نه سسی؟ یئنه قولاغین سسله‌نیب ائله‌بیل.
-یوخ. دوزا باتمیش مومیای‌دی دانیشیر.
دئدیم: باشینا هاوا گله‌نین قولاغینا سس گلر.
تام ال‌لرین دوزا باسیب اوزونه چکنده قولاقلاری سسلنمیشدی. قول‌لارین آشاغی سالمیشدی.
کؤلگه‌سی دیم-دیک ایدی
لاپ آیاق‌لارینین آلتیندا
گون گئتدیکجه فیرلانیردی اؤز باشینا.

یازیچی: #حامد_حضوری

#ادبیات_ائوى

@AdabiyatEvi

ادبیات ائوی

07 May 2025 12:55

سماور، یورغون و آجیقلی سسی‌ ایله، ایتیریلمیش آرزولار اوچون سوسغون بیر سمفونیا چالیردی. کیشی اَییلمیش‌ قامتی‌ و سانکی‌ بوتون تاریخین آغیرلیغینی داشیمیش چییین‌لری‌‌ ایله، کیچک و کاسیب ائوی‌نین‌ پنجره‌سی‌نین اؤنونده دایانمیشدی. ائشیکده‌، ساکتجه‌سینه قار یاغیردی و شهری قورخونج بیر سکوتا غرق ائدیردی، بو سکوت اونون ایچینده‌ کی بوشلوغون عکس صداسی‌ ایدی.
او بیر زامان‌لار انسانین داها عدالتلی و برابر بیر دونیا یاراتماغا قادر اولدوغونا اینانیردی. انسان‌لارین آرالاریندا هم‌رأی‌لیک و یولداشلیق اولان بیر دونیا!
او هوسلی و ایده‌آلیست بیر گنج، بوتون حیاتینی بو اینانجا حصر ائتمیشدی. بو خیالی گئرچک‌لشدیرمه‌یه وعده ائدن بیر پارتیانین  صادق عضوو اولموشدو، او زامان.لار اونون اوچون مقدّس اولان بیر اینانج‌ ایدی بو پارتیا!
اما ایندی.... او گون‌لردن ایل‌لر‌ کئچمیشدی، قیرمیزی امپریا بوتون عظمتی و محتشم‌لییی‌ ایله داغیلمیشدی و او بو داغینتی‌یا شاهد اولاراق، آجی بیر سکوتا غرق اولموشدو. اینامی‌نین ستون‌لاری چؤکموشدو و ایده‌آل‌لاری، پاییز یارپاق‌لاری کیمی کولکده سپه‌لنمیش‌ایدی.
گؤزلری قابار ال‌لرینه‌ تیکیلمیشدی. بیر زامان‌لار آزادلیق بایراغینی گوجله دالغالاندیران ال‌لر، ایندی بیر فینجان چایی بئله‌ توتماقدان عاجز‌ ایدی،
قیرمیزی لکه، بو دفعه تکجه‌ اوجالدیلمیش بیر بایراغی خاطیرلاتمیردی، هم ده ایتیریلمیش هر شئیین سیموولو ایدی، بو اینانج یولوندا فدا ائدیلمیش‌ بوتون اومودلاری و آرزولاری‌ ایدی.
بوتون عؤمرونو سهو کئچیرمیشدی؟
بوتون او فداکارلیق‌لار، بوتون او اذیت‌لر فایداسیزمی اولموشدو؟ بو سوال عنادجیل بیر تاختا بیتی‌ کیمی ذهنی‌نین درینلیک‌لرینده کؤک سالمیشدی و بیر آن بئله‌ اونو راحات بوراخمیردی.
ماسا اوستونده‌ کی وودکادان بیر قورتوم ایچدی، وودکانین‌ کسگین و یاندیریجی دادی بیر آنلیق حقیقتین آجیلیغینی اؤرتدو، آنجاق روحونون درین یارالارینی ساغالدا بیلمیردی. قار هله‌ ده یاغیردی و شهر آغیر بیر سکوت ایچینده، بولودلارین آرخاسیندان چیخاجاق بیر شفقی گؤزله‌ییردی، کیشی بیلیردی کی بو شفق، هئچ واخت اونون اوچون دوغمایاجاق...

یازیچی: #مهدی_سهندی

#ادبیات_ائوى

@AdabiyatEvi

ادبیات ائوی

05 May 2025 17:41

چیرپینیردین قارا دنیز

سؤز: #احمد_جواد
موسیقی: #اوزئیر_حاجی‌بی‌لی
اوخویور: #آزرین

#ادبیات_ائوی

@AdabiyatEvi

ادبیات ائوی

05 May 2025 13:01

#شئعیر

گؤزلرین اضطراری چیخیش یولودور
گؤزلرین هر آن شعر اولا بیلَر
هر آن شاعیر اولا بیلمه‌سم ده من...
حیات ملان‌کولیک بیر ایت دیرسه‌یی‌دیر،
گؤزلرینله یاناشی دیرچه‌لیر خیالیمدا.
حیات پوزیتیوین نگاتیوه ووروشو‌دور*
گؤزلرینین ایت دیرسه‌یینه ووروشو
موثبتین موصیبته ووروشو،
سونوج ملانکولیادیر.

گؤزلرین
اضطراری چیخیش یولودور اضطراب بیناسیندان
تبّت چاناغینین سس دالغاسی.
شعر مئدیتئیشئنی‌،
دونیا شعری‌دیر،
بوتون خالقلارین اورتاق دیلی‌دیر.
موزیک کیمی،
رسیم کیمی،
هیروگلیف کیمی،
چئویرمه‌یه گرک یوخ.
نیلوفری سودان ساخسی‌یا چئویرمک اولماز؛
چئویرمک اولماز گؤزلرینی شعره
اما من شعریمی گؤزلرینه چئویرمه‌لی‌یم.
بوتون خالقلارلا دانیشماق اوچون
باخ! سسله‌نیرم دونیایا
بئینیمین سول یاریم کوره‌سی گؤزلرینین شکیلینده‌دیر،
ساغ یاریم‌کوره‌سی چاتلاق تورپاق...
حیات سولون ساغا ووروشودور؛
سونوج قیستاق‌دیر*
سونوج منم.
جننت‌دن قوولموش آدم؛
چاتلاق تورپاقدا جنّت پلانی چیزیرم
باخ بو شعر، گؤزلرینین پلاگیاتی‌دیر.

*ووروش(وور): ریاضیاتین دؤرد اصلی عملیندن بیری، ضربدر
*قیستاق: برزخ

شئعیر: #زامان_پاشازاده
سس: #نوریه_لوح

#ادبیات_ائوى

@AdabiyatEvi

ادبیات ائوی

30 Apr 2025 13:15

#حیکایه #اؤیکوجوک

قنـد
یازیچی: #دویغو_حسن_زاده

بو، ایچمک اوچون چایینا باتیردیغی نئچه‌نجی قنددیر،
بیلمیرم.
دالیب گئدیر، قند چایدا اَریییر.
یاخینلاشیب «چایینی دَییشیم؟» -دئییرم.
- یوخ ایندی ایچیرم.
بیر قند داها گؤتورور.
گؤره‌سن ایچینده‌کی‌لر نه‌ قدر آجی‌دیر!؟
بو قدر چاییندا قند اَریدیر!

#ادبیات_ائوى

@AdabiyatEvi

ادبیات ائوی

27 Apr 2025 13:44

#مقاله (ویدیو)

فارسجا سؤزلری نئجه تانییاق؟

(ایکینجی بؤلوم)

#حسن_اوموداوغلو

#ادبیات_ائوی

@AdabiyatEvi

ادبیات ائوی

19 Apr 2025 12:35

#فولکلور

فولکلوروموزدا نئهره نغمه‌سی
یازیچی: #جلیل_عبدالله
کؤچورن: #نرگس_ابراهیمی

کره‌سی آت باشیجا!
آیرانی گؤز یاشیجا!
آرتسین مین برکتی
قیرخ کولفتین آشیجا!
نئهرم گل ای، ترپَن گل،
ترپَن گل ای، ترپَن گل!
 
باغدا بارین عشقینه،
داغدا قارین عشقینه.
من سنه ال وورموشام
امام‌لارین عشقینه.
نئهرم گل ای، ترپن گل،
ترپن گل ای، ترپن گل!
 
چتن-چتن¹ بالام وار،
نرگیزیم وار، لالام وار.
الیم آماندا قویما،
گؤزو یولدا قالان وار.
نئهرم گل ای، ترپن گل،
ترپن گل ای، ترپن گل!

1- چؤل‌ده قوزولاری ساخلاماق اوچون قارغی ایله هؤرولموش یئر. نازیک قارغی‌دان هؤرولموش آش سوزَن (تبریزده چَکه،‌ سوماق پالان دئییلیر). قارغی (حسن اوموداوغلو).

#ادبیات_ائوى

@AdabiyatEvi

ادبیات ائوی

14 Apr 2025 16:04

#شئعیر

آناسیز، باباسیز اوفئليا کیمی
ساچلاری پریشان بیر قیزدیر عشقیم
قلبیمین بولودلو سمالاریندا
تیتره‌ين بیر غریب اولدوزدور عشقیم

اولمادان آشیکار دوغدوغو يئردن،
بؤيوک تانری کیمی دوشموش نظردن،
چؤهره‌سی گولمه‌ين خارابالاردان
داها غملی، داها ایسسیزدیر عشقیم!

حیاتا باخمامیش گولومسر کیمی،
هر بیر حادثه‌‌دن بیخبر کیمی،
ياد اللرده قالان يئتیملر کیمی
باشی بلالیدیر، يالنیزدیر عشقیم

شئعیر: #میکاییل_مشفق
سس: #معصومه_اسدزاده

#ادبیات_ائوی

@AdabiyatEvi

ادبیات ائوی

09 Apr 2025 10:40

#حیکایه

تورکمن
یازیچی: #یوری_کارلوویچ_اولشا
چئویرن: #رعنا_شیخ_امیرووا
کؤچورن: #آرزو_ربیعی

#ادبیات_ائوى

@AdabiyatEvi

ادبیات ائوی

29 Mar 2025 11:25

#ملی_رقصیمیز

آذربایجان رقص‌لری مین‌ ایل‌لردن بری یاشاییشیمیزدا و مدنیّتیمیزده اؤزونه لاییقلی یئر توتان قدیم اینجه‌صنعت نوعودور. عصرلردیر آذربایجانین استعدادلی رقّاص‌لاری ملّی رقص‌لریمیزی یاشادیرلار. بو صنعت‌شناس‌لارین دئدییینه گؤره آذربایجاندا دا ساده و ابتدایی موسیقی آلت‌لری مئیدانا گلمه‌میشدن چوخ-چوخ قاباق رقص، تاماشاچی‌لارین چپیک چالماسی ایله الده ائدیلن ریتمیک ضربه‌لرین ماهیتی ایله یارانمیشدیر. دئمک آذربایجان رقصی‌نین چوخ قدیم تاریخی وار. 6 مین ایل قاباق قوبوستان قایا اوستو رقص‌لرینده عکسینی تاپمیش رقص صحنه‌لری بونون عینی ثبوتودور.
آذربایجان رقص‌لری تاریخیمیزله آیریلماز شکیل‌‌ده باغلیلیغی وار. دئمک اونون ملّی خصوصیتینی، هم ده حیات و معیشتینی اؤزونده عکس ائتدیریر.

حؤرمت‌لی #پاپاقلی_تبریز گروهونون قایتاغی رقصیندن بیر حصّه‌سینی تقدیم ائتمک‌له، دَیَرلی #رضا_همپا جناب‌لاریندان دا بو گؤزل گروهون رهبرلییی اوچون تشکر ائدیریک.

تورکون رقصینده ده غرور وار....

#ادبیات_ائوی

‌@AdabiyatEvi

ادبیات ائوی

20 Mar 2025 09:56

#تورکلرین_ملی_بایرامی

باهارین گلیشی هر ملّت اوچون سئوینجلی‌دیر؛
آنجاق تورک‌لره بیر قورتاریش گونودور، هر ایل باهارین گلیشی ایله ارگنه‌قوندان چیخیشیمیزی قوتلاییریق...
دونیایا یاییلیریق، سویوموزو چوخالدیریق.

یئنی ایلده هرکسه اؤز ارگنه‌قونوندان چیخماق دیله‌یی ایله؛
بایرامینیز قوتلو اولسون...

داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DHajN13szAC/?igsh=bTdtd3ZvZG14b2Zz

#ادبیات_ائوی

‌@AdabiyatEvi

ادبیات ائوی

18 Mar 2025 08:33

#تورپاق_چرشنبه‌سی

خالق عادت-عنعنه‌سینه گؤره، ایل بایرامیندان اؤنجه سورن بوز‌آی عرضینده سو، اود، یئل و تورپاق چرشنبه‌لری قئید ائدیلیر. خالق اینانج‌لارینا گؤره، بیرینجی چرشنبه گونو سو و سو قایناق‌لاری یئنی‌لنیر و حرکته باشلاییر. ایکینجی چرشنبه‌ده چاتیلان اود یئنی حیاتین، یازین و ایستی‌لییین گلیشینی سیموولیزه ائدیر. اوچونجو چرشنبه‌ده ایستی و طراوت‌لی یئل بوتون جانلی‌لارا، هر یئره یول تاپیب و یاتمیش‌لارا تأثیر گؤستریر.
دؤردونجو چرشنبه‌ده تورپاق اویانیر، اوت‌لار جوجَریر، آغاج‌لار تومورجوق‌لاییر، بو دا باهارین گلیشیندن خبر وئریر.
بو گون باغ-بوستان و دیری‌لیک یئرلری اکینه حاضیرلانیر. ائولرده سوفره‌یه یاشیللیق گؤستریجیسی و طبیعتین جانلانماسی‌نین رمزی اولان سمنی قویولور.
بوتون اینسان‌لار یئددی دفعه تونقالین اوستوندن آتلانیب (و یا یئددی تونقالین اوستوندن آتلانیب) و آتلاناراق «ساریلیغیم سنه، قیرمیزی‌لیغین منه» و یا «آغیرلیغیم اوددا یانسین» دئییرلر.

داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DHVRORnsDsh/?igsh=a2J4ejZyemI1aDc5

#ادبیات_ائوی

‌@AdabiyatEvi

ادبیات ائوی

08 Mar 2025 08:53

#دونیا_قادین_گونو

قادین اعتراض‌لاری‌نین تاریخی ۱۸۵۷-جی ایل‌ده نیویورک‌لو قادینلارین ۱۲ ساعاتلیق ایش گونونه اعتراضی ایله باشلامیشدیر. ۱۹۱۰-جو ایل‌ده کپنهاگن قورولتاییندا آلمان‌لی سوسیالیست قادین «کلارا سِتکین» ۸ مارت‌ین دونیا قادینلار گونو کیمی قید ائدیلمه‌سینه باشاریلی اولموشدور‌. ۱۹۷۷-جی ایل‌ده  BMT  (بیرلشمیش ملّت‌لر تشکیلاتی) بو تاریخی اولوس‌لار آراسی قادینلار گونو کیمی رسمی‌لشدیرمیشدیر.

شئعیر و سس: #آردا_خانی

داها آرتیق بیلگی‌ الده ائتمک اوچون اینستاگرام‌دان اوخویا بیلرسینیز

➡️ https://www.instagram.com/p/DG7i8SxsovU/?igsh=MW9ucG96OGYzdmVydA==

#ادبیات_ائوی

‌@AdabiyatEvi