حميده# بت مسلم عليهم السلام
باجر يتيمه اظل وذبح وراك الامــــل راسي يمسحه الاجل يالماخذ أيـــامي
ودعني لوماترد هذا الــدرب بي بعد حتى اصـبر واعتقد ماتكمل احلامي
*
ها يـــاسفير الدمع بـاجر يذوب الشمع وحني وراك الــضلع هجرك بالف عصره
بس انت ضل مطمان انا اكبر من الحزن صح انه مثل الغصن بــس اشبه الزهره
احلامي وايــــامي ودمعــــــاتي والامي مــــايكضن وبقه شكيلك
بجراحي وبنياحي ومن يطلع مصباحي عن كلشي البيه حجيـلك
بظهر الهوه مراسلك صورةوجه طفله الك
عـالرجعه مااسالك يالماخذ سنيني
يـــــالرايح بهالسفر لاهيه عبرة نـــــهر يعطش عليك النظر وياك اخذ عيني
*
يمك طلب ظل الي من عالمهر تعتلي يـــــــــــابويه انظر الي اسـتاهل الدمعة
البـــــنيه وي الابــــو يربطة حب ودفو حتى اقرب من الاخو لو رادت المسعه
اهاتي اونـــــــاتي ودموعي وعبراتي كثرة الاحـــزان بروحي
نظراتي ونظراتك واهاتي واهاتك رسمن للفركه جروحي
راح ابقه خيط بشمع عمري وي عمر الدمع اصرخ ولا انــسمع من روحي احركها
اتجوه مــن حسرتي عالـكاع اخط قصتي نارك سبب لوعتي مجبورة اشـــبكها
*
بهجرك اودع العمر اوكف جمر عالجمر ولموتي راح انتظر من تقره مرسالي
طفله انا بس شيبت بلحظة وداعك عشت ضيم السنين ومتت من ودعت غالي
جفيني وخديني هم ذبل وي عيني وتغيرة نبرة صوتي
من ترجع لاترجع لااشوف ولااسمع ميته وتـــنطر موتي
حتى الـصبر يختلف مثل النهر ظل يجف عيني كضــاها النزف عالدمعه اعصرها
وي روحي لوسولفت يجبرني خوفي لتفت جم مره خوف ارجفت والــفركه اذكرها
*
روحي غريبة جرح بيها الافرح ظل يشح بيــها الحزن بس يصح والدمعه والصفنه
تغيم ســـماي وتهد غيمة مـــطر ورتعد وقره اعله روحي الحمد وتـنطر الدفنه
تغسلي وتـــكفيني وتحنيطي وتلقيني وعليه تصلي الوادم
يحضرون لتشييعي يبجون لتوديعي بوداعك الله العالم
حتى من اطب حفرتي تسمع اثر ونتي هم تسمع بحسرتي لمن تجي لكبري
فوك الـكبر لوشفت تراب اصفر اتلمست معناها ميته وخفت وانـته ولاتدري
........................
الشاعر علي السعيدي
/channel/alialsebe
مخيلة شاعر تحكي على ان حضور الأمام الحسن عليه السلام
إلى وادي الطف قبل حادثة الطف وقام بنصب المواكب لاستقبال الحسين واله عليه وعليهم السلام
.............
الحسن حاضر نشوفه بالمأتم
شفته هايم .......... بالفواطم
حزنه دايم ........... عالهواشم
.............
من يبدي عاشور بعينه الضمه يدور
يعيش الجزع والآلآم
ويصب دمه العين يم رأس الحسين
ويأشر هنانه الخيم
وينصب عزيه ويذكر رقيه
شگد سحگوا بخيل ايتام
هناك العقيله صارت كفيله
ويبجي على زفة جسام
دمعه اعله الضعينه من خذوها
يحن حنينه .............. گيدوها
وياسكينه ............ الي سبوها
...........
من طف الاحساس هاجس خذه الناس
كون الحسن بالطف جان
كبل الضعن جاي ويثوب الماي
ويصيح اذكروا العطشان
اباب المواكب واكف يراقب
ويتاني جيت الركبان
ولن راية بالغيم اطر شاسعةالهيم
وعباس يحدي الاضعان
من الخطوة البعيده ..حب يزيده
ولعضيده ............... يفتح ايده
وليريده ..................يشم وريده
........
يفتح مضيفه بايده الشريفه
بصدر الهله يكعد حسين
وينادي جسام بويه انصب خيام
واحرس خيم زينب زين
ولمن يلمهم يكثر المهم
ويسولف الطف بونين
ويرسم معسكر بي موت الاكبر
ويمشي المهر بي عالبين
وحسين اعلى ابنه...... يبدي حزنه
اولوتعنه ................... يعله ونه
وتبجي سكنه............. ياهو النه
........
تتحنه لجفوف لعريس الطفوف
وعلى المنيه يزفوه
ورمله اعله ابنها يثگل حزنها
للدفن من يشيلوه
وشكد عطاشه وماينسه حاشه
ساقي العطش يتنخوه
وعلى الشريعه اعظم فجيعه
يتم البدر ويخسفوه
من توكع يساره ...... من مساره
ونكساره................... للحياره
وعتذاره.................. البنتظاره
........
للنحره مگطوع ودوسات الضلوع
خنصره وثوبه تسلب
هنانه الحسن گام ظل يلطم الهام
تخيل مواجع زينب
شافت كمر طاح وشافت نحر صاح
وجم خيمه ضلت تلهب
وهناك نسوان وهنانه ريضعان
وجم عزيزه التنحب
ذولي براس اخوها يروعوها
يلموها .............. بسب ابوها
يجتفوها ............. اياسروها
......
الشاعر علي السعيدي
@alialsebe
عبدالله الرضيع ....ع
زغير ..وبلا هله النبله تفوت
زغير ...مايعرف شلون يموت
زغير... كاروكه صار التابوت
....
النبله مثلك هم زغيره مارادت اهيه تاذيك
بس رموها وخافت اطيح نيتها بس تلزم بيك
شمت عطر نحرك غفت معذوره
ماشافت اليعطش يبن نوره
أول طفل ميت بهاي الصوره
رضيع مالحگ يمرله الطيف
رضيع من يرتوي يبرد الصيف
رضيع راح الرمح بي زاتوت
.......
جنه نسمه فراگه خنگه وين العطش رايح بيه
ماكو دمعه وتحجي عنه من المنيه تأذيه
نام الطفل ماي وعطش يحجوله
يبجي ويسكتونه بسهم معقوله
آآآ يا دللو يالولد يقروله
سلام لمن رجع بيد حسين
سلام ولعمته مشبوحه العين
سلامشفت الحزن بي منحوت
.......
سولفتلي عطش كلبك بس مو سوالف نظرات
خوفي تمشي وتالي اسمع بنبله الطفل صاحوا مات
وي العطش صار السهم جتاله
لوغير الحسين بهذيج الحاله
جا مات مالحك يرد لعياله
يموت بالطف محمد لوجان
يموت عبدالله لوبس عطشان
يموت بالكلب ماتبقه بتوت
.......
جرح مهدك هو هجرك شنحطله مهدك ويطيب
وانت جيتك مستحيله والمثلك منين نجيب
هو المهد غيرك طفل يحلاله
هزه الهو خالي ورقيه گباله
ركضت تناغيله وبجت لهواله
غياب راح الطفل زينب راح
غياب وسط الخيم ديره صياح
غياب هذا الجرح مامنعوت
........
حضن التراب رحمه مابي متحرك احساسه اطفال
وانا امك خوفي عليك ارفض لجمتك عالبال
يمه اكعد وحاجي البجت بالهيمه
لوادري موتك مانصبت الخيمه
طف العطش سير عليه بضيمه
تنام حضن امك يضل بردان
تنام ميت عطش يم نهران
تنام بيتي نهدم يالمبخوت
......
الشاعر علي السعيدي
@alialsebe
الشكر الله ولخدمة الحسين المخلصين وكل التوفيق والنجاح والقبول
الرادود الحسيني #علي جبار
ماقدمه من ابداع وامكانيه لاتكون إلا عن تسديد ونظره من صاحب الزمان عج
https://youtube.com/channel/UCEnOKoVL7BvrvCzgNK52FnA
Читать полностью…
الامام الجواد (علية السلام)
هاك ياكلبي ارتدي ثوب السواد ب
سم بني العباس مغدور الجواد
تبجي عيني دموم ألليله على المسموم
*
صرخ حتى العرش لمصابه وهتف
وعلى غيابه ومحنته دمعي انذرف
الموت يم روحه الزكيه من وكف
بحر جود تـــــــخيله ومنه غرف
وبالحزن نعش الجواد استقبله
جرح نازف بالحسن ذكرى اله
والكلب مهموم ألليله على المسموم
*
نعشك اعله كتافنه نشيعه برواح
وآه لـمـصابك نصيح بــكل صباح
مثل جبد الحسن جبدك والجراح نعشه بسهام انظرب وانته برماح
اسهام نعش الحسن يرميه الحقود
وانته نعشك صابته احقاد الحسود
حزني المضموم ألليله على المسموم
*
جان ضنهم من يسمونك تغيب
وينتهي ذكراك في عالم غريب
مادروا قبرك صبح مرقد عجيب
كل عليل ابحضرتك لابد يطيب
مرقد الكاظم ومرقد حضرتك
مأوى للشيعه وتلمهم قبتك
يقصد المظلوم ألليله على المسموم
*
حاربونه وكطعو منه رؤوس
واحنه للعالم نطينه شكد دروس
لجل حبكم احنه ننطيهه النفوس
وعلى راس الموت نتعنه وندوس
نار فكدك تلهب وماتنطفي
شلون بدرك عن سمانه يختفي
ما يهمنه اللوم ألليله على المسموم
*
غابه دنيانه وتحوطنه الحتوف
حزن كل بقعه ضحاية ودم نشوف
والسياسين مشدوه الجفوف
عالكراسي كعدوا اوجنهم ضيوف
كل فرد عنده عماله وية اليهود والكريم بدمي وبنفطي يجود
والصبر معدوم ألليلة على المسموم
*
عن وضعنة سيدي وكل الامور
نحجي كلشي بحضرتك لمن نزور
نسال الله بقبرك ومدمع يفور
يعجل الباري علينه بالظهور
يمته بالطلعه البهيه نستنير
ويمته هذا اليوم والموعد يصير
والامر محتوم ألليله على المسموم
***
الشاعر علي السعيدي
/channel/alialsebe
بيان الضمه
الامام العباس عليه السلام
....
انه ابوالحكمة والعرفان
حار بحكمتي لقمان
اليجيني اخسر عليه صوت
اكله موت ويموت
.....
انا صااحب بيان الضمه
انا عاااالم علووم السمه
بس شي حااولت افهمه
فهم الخوف احاول
يعني من تصير الحرب
يفرح من يجد الضرب
بس انا مو هذا احب
على العسكر زلازل
اريد الدنيا كلها تصير كبالي بالطف
عليه الكون ضيك عليهم زايد الجف
انا الطارق جراني اذن سمعوا بياني
انا القارعة و الاحزاب انا الي ضد هواكم هاب
انا بچفي شلت حوته اكله موت ويموت
.....
بحضن زينب جنت بالزغر
تسولفلي سوالف سمر
عن حيدر علي وتفتخر
واكض كماطي اكطعه
اغيم والرعد يصطدم
ومطر والنفس ينكتم
وسيف المرتضى ينلزم
جفي بهاي اقنعه
واذا شافتني زينب تحسني رايد اسهر
تسولف غزوة وحروب وشرط كون اعله خيبر
بعدها ناري تدفه وارخي وعيني تغفه
هاي وقصتي وانا زغير وكبر حلمي واريده يصير
احط للكون تابوت اكله موت ويموت
....
هسه انا امشي بالقافله
كافل زينب الكافله
ستر الله ونزل كربله
جبرا تنزل الروس
جايب غيمه فوك الخيم
امشي وجلبت بالعلم
وطيحت الشمس بالسهم
برجلي نزلت تبوس
ياهو الكال اخذ جود الحسن علمني هايه
اذا اطفالي يعطشون النهر ينكلي مايه
يحط روحه اعله متنه ويجي يلوذ بختنه
ماي اودم اشبع الكاع ابحر والمنيه شراع
عليه الهوه من يفوت اكله يموت ويموت
.....
صيتي تارس الطف رعب
وكل لحضه يضنون اطب
انا موت الرجال انكتب
كلهم بيه يدرون
من جدمي تغص الارض
الطف ضايكته طول وعرض
الوادم طاحت من الارض
حاروا وين يرحون
يغص الماي بالماي اذا مر اسمي يمه
اليل يدور افياي اذا سمعة كلمه
تفز كل المناحر اذا يجدحلي ناظر
بيهم من ابيدي نفخة صور. رحه الموت بيميني دور
بيهم خوف منحوت اكله موت ويموت
.....
انا ظهر الحسين الابي
كل جهدي أنا ومطلبي
ارضي فاطمه والنبي
همي ارضي حيدر
وحسين العشكته هوه
تارس كلي حياتي ضوه
اعطش الدنيا اذا ماروه
اعصر يمه كوثر
اليفر من عندي يحتار المن وجه ينطيه
الارض بجفوفي تندار وين يروح الاكيه
وين يروح الوحه واخذ بيدي روحه
انا بيه الطف عجز وحتار نار وانطفي بالنار
اذل اليوم جالوت اكله موت ويموت
.....
الشاعر علي السعيدي
/channel/alialsebe
قصيدة كعده
السيده زينب والامام العباس.. عليهم السلام
.....
سهم العين
....
سهم العين لختك عماها
سهم العين كاسر كفاها
من عاينت يمناك رادت تموت وياك
......
من اجاها الخبر ركضت زينب بنار الفجيعه
تركض وتعثر شفتها جنها مذبوحه وصريعه
هاي ضلها الماتشاهد هسه تركض بالشريعه
تمشي ويعثرها الخطر متلهفه لصوب النهر
ادور على جفوف الكمر كالو جفوفه كطيعه
بيها النار ذيج العبايه
بيها النار ستر السبايه
شافت سهم عيناك رادت تموت وياك
.....
تاهت ودلاها مهرك اختك متيها دربها
يامهر وين الكفلني صاحت وهايم فكرها
والمهر هز راسه الها سولف بجمرة كمرها
يازينب يكلها الفرس السهم بعيونه نغرس
والنفس من عنده نحبس بذيج الاسهام ومطرها
دمه الطاح. بعيني وعملها
دمه الطاح خلني بمتاها
وصار الحديث هناك رادت تموت وياك
.......
زينب وحين الي وصلت لكت كافلها وحنينه
طايح وجفينه طاحت لايساره ولايمينه
جنه يتعذر لزينب ماكدر يفتحها عينه
من دمه مصبوغ العلم وجود متبدي بسهم
وزينب يحاوطها الالم رادت يردها للمدينه
تخجل ليش وانت بمنيتك
تخجل ليش موفي بقضيتك
حك روحي من انعاك رادت تموت وياك
.....
كل حجي يعجز يوصف حال مولاتي الجليله
اجت مهيوبه باخوها هسه ترجع عالهزيله
وتمشي مو للوطن وسفه تمشي مسبيه العقيله
مشدوه اديها وتنضرب والدمع فوك الخد يصب
ياذوي القربه وياقرب اخت الغيره ماعدنه وسيله
صوت وداع زينب تسمعه
صوت وداع دمعه أعلى دمعه
صوت ودمع ينعاك رادت تموت وياك
....
وين الي يواسيها زينب كاطعه دروب الملامه
ثلاثه وثمانين طفله وطفل يم زينب يتامه
ردت ومحد وعرفها للمصيبه اكبر علامه
محمد اخوها من وكف يم زينب حساسه نخطف
اكباله اخته وماعرف بحلكه وتلعثم كلامه
زينب وين وكباله زينب
زينب وين والحاله اصعب
ياموقف البجاك رادت تموت وياك
......
......
الشاعر علي السعيدي
/channel/alialsebe
مسلم ابن عقيل
...
راح راح رحلة سفر موت وخطر
مسلم بداها
راح راح ياغربته. وبحيرته الكوفه لفاها
الكوفه اجه عنده هدف
بيها وسف كلبه نزف
....
طب الغريب موقف رهيب كل الملا تستقبله باول لقاء
وكفت اللوف رفعت سيوف وياك الكلب بس بالحرب ضدك نداء
جن الظلام ابموت السلام
بيها نتهت ذيج الحقيقه
وحده يسير. بذاك المصير
يمته الصبح يطلع بريقه
ليل ليل حيرة فكر وين الفجر مبعد امانه
ليل ليل بأن الغدر لاتنتظر حجم الخيانه
ذاك الفكر ليش انحرف
بيها وسف كلبه نزف
....
طاح اللثام من الوجوه كلشي انكشف مسلم عرف زيف النفوس
حيرة غريب. مامن مجيب بصدرة نحبس حتى النفس موقف عبوس
ليل الحنين. خطوة انين
موت الامل من كل شعور
المن يروح بذيج الحروح
شأت صدف يمشي اعلى نور
وين وين. مسلم كعد صدفة وعد
لطوعه يجيها
وين وين. جابه الزمن. ذيج المحن تتهجه بيها
كالت هلا من اسمه نعرف
كلب وسف بيها نزف
........
دمعه لبعيد تنزل تريد لذاك الضعن عاف الوطن للمحنه جاي
ياهو اليروح. ويكله عود الموقف صعب باجر حرب اولها ماي
موت ومصاب زمرة ذئاب
قسوة كلب موت الضمير
مصلح اجيت. حاير بقيت
كرسي الحكم عدهم خطير
عوف عوف. يبن النبي نهجك ابي رد الديارك
عوف عوف نار الحرب رد وبتعد ماتطفه نارك
موقف مذل شفته نكشف
كلبه وسف بيها نزف
.....
طيف الخلاص. يأخذ قصاص لشايل عشك كلبه يدك حب الحسين
يدفع حياة. الرايد نجاة عبرة ودرس وسط النفس. خط عالسنين
كسر القيود حب لاحدود
من ينوضع تصبح سفير
صحره وضماء. عشكك عطاء
لهفة وفه بليل الهجير
صاح صاح شنهي القصر والمنتصر ميرهبه موته
صاح صاح حب السبط بي مرتبط صرخة سكوته
نهر العشك لامانشف
بيها وسف كلبه نزف
......
الشاعر علي السعيدي
@alialsebe
.....
السفارة ..مسلم ابن عقيل
......
هاك سفاره واشاره من الغالي خذت
انااا مسلم مصمم شرف خدمة نلت
مشيت وگلي أرجع. اريد بطولك اشبع
.......
امشي برهدنه حربي الطاحنه مسلم علن قراره
ياكوفة علي باجر بس الي عاصمتي والامارة
أنااااااا الخيبر اصعد منبري
اسمي ينكتب مسلم حيدري
لومن القصر جسمي ينشمر
لو ظل وحدي لا ما اعتذر
وانا برحيل صقيلي شتهه يضوك النحر
اليوم هاجر واسافر احب هذا السفر
مسافه ونحر اگطع اريدا بطولك اشبع
......
ودعني ورحت ماردت التفت بس دمعتي العنيده
طاحت عالوجه ظلت تتجه يم طفلتي حميده
غضيت الطرف والهم نعطف
حسيت السبط بالموقف عرف
طفله وتنجرح راسج ينمسح
لوجاها الخبر مسلم منذبح
طفله انتي وفتهمتي شنو باجر يمر
هيه هيه. وي رقيه تسحكين الجمر
الجمر بالطفله يلسع أريد بطولك اشبع
....
امشي بغربتي بعالم وحدتي وين الي كاتبوني
لامنهم امل لادار واهل
خذلوني حاربوني
جمرة واحترك يااا باب الادك
ما اعرف بشر بالحسرة اختنك
بأمري تفاجأت عايش ونبعت
خانتني. الزلم لا متصورت
ها يكوفه لشوفه الغدر رد ينرسم
انا الوحج بسطوحج اشمر بالزلم
المواقف يمي تركع اريد بطولك اشبع
....
انا المقتدر انا المنتصر ذو كامل الفراسه
انا المنتقم ذليت الزلم انا نور القداسه
أنا الاشوسي لا ما انسي
فريت الحرب فرة محبسي
أنا القارعة انا الواقعة
اليتقرب الي. ينظر مصرعة
طبي يطوعه وضلوعة اطكها ليدنه لي
ماي روتي. وكفتي جزائج يم علي
تكلي كلبي اوسع اريد بطولك اشبع
....
واكف عالقصر وكفة منتصر ماهمني من اطيحن
اديت السلام لحسين الامام بظهر الهوه اصيحن
صليت الفرض موفوك الارض
بهامت العلى واعلنت الرفض
رسمو ا طيحتي وسحبوا جثتي
بحدود الشرف كاتب قصتي
مسلم شهادة اراده وتراتيل السمه
نور السلاله الاصاله انتماء لفاطمه
نجم و بروحي يلمع اريدا بطولك اشبع
......
الشاعر علي السعيدي
@alialsebe
ابوذيات
لمولاي مسلم ابن عقيل عليه السلام
......
رسايل والوكت عنه يود هم
ولد مسلم نعم مسلم يودهم
مشه وتمنوا بنادم يودهم
لبوهم رادوا الملكه سويه
.....
هذا الطاهر وطهرت لبنتاه
اله بالطف الابن ميت لبنتاه
حميده بنيته وكليبه لبنتاه
تمنه بخير موتمشي سبيه
.......
تبعنه الحك ترى اهل الحك ندلهم
سفير حسين لخصومه ند الهم
لورود الطف وكع مسلم مدى لهم
بربيع الموت طش روحه الزكيه
يارقية
خل يطول الحلم لدكعدوني
خلي تشبع شوف منه عيوني
منحني شفته والـي مد أيده
وركضت بس الــمسافة بعيده
*
كلي بنتي شلون حالج ماحجيت
كلي احجي وردت احجي بس بجيت
كتله بـويه بحالي جنك مادريت
كبل سبي الشمر بــــــدموعي نسبيت
كتله بــويه هنا تعال كبالي
هواي الك عندي كلام ابالي
والعتب جارح كلت مازيده
وركضت بس الــمسافة بعيده
*
واكف اكبالي احس وبجفه مـــاي يــــارقية يكلي عطشانه تــــعاي
كتله عيني لشوفتك عطشانه هاي
شلي بالماي من اشوفك انت جاي
ارد اضمك حتى ليشوفونك
ما اريد تطيح ويذبوحنك
النهض من نومه الحلم شيفيده وركضت بس الــمسافة بعيده
*
طول بروحي الحلم بس كلبي حاس
لا ابـــــوي اكبالي لابجفوفه كاس
شفته باوهامي المهر بضلوعه داس ردت ابوسه ومالكيت بجسمه راس
جنه كلي ممن اتــــــاذيتي
كتله بويه ذاك اخذ ترجيتي
كلي بنتي فري صوب البيده
وركضت بس الــمسافة بعيده
*
هذا مو من ســـــوط دمي البثياب
هذا دم من اذني ركز عـــــالحجاب
جني تله وضــــايعه بين التراب
الشمر ساعة يدوسني وساعة الغياب
كصر ثوبي بطرفة نار خيامي
واحني روحي وما ابين اجدامي
المموت لـــتمنا جنت ماريده
وركضت بس الــمسافة بعيده
***
تالي فزيت وخفت فزة حمام
بالسبي انا بعدني وجرحي شام
صحت وين حسين ياعالم حرام
نطوني راسه ارد اشبكه وارد انام
رايده اشكيله السبي اذاني هذا طكني وذاك هم سباني
وهذا رجفني بـــكثر تهديده
وركضت بس الــمسافة بعيده
الشاعر علي السعيدي
/channel/alialsebe
ياباقر العلم وحزن السماء
صلت عليك اعيني بالبكاء
.....................................
......................................
أأدخل ياسيدي في الحنين
فالاذن منك ابتدي بالحسين
في الرابع عانقة شجو الانين
كم اضماتك عاصفات البلاء
.........................................
تقضي فداك كل نفس وروح
ياباقر بالطف عشت الجروح
في عينك ذا الاسى لا يروحمن بادء العمر نصبت العزاء
........................................
لرقية عمرك كان قريب
لما عدا بالقرط امرا مريب
انت الذي قد كنت خاتم سليب
في الخنصر المبتور في كربلاء
...........................................
فاطم بنت المجتبى امك
وابوك زين الناس قد زانك
العصمتان دارت حولك
من ذي وذا نجمك لاح الضياء
..................................
السابع ذي الحجة ذا فضيع
ابكيك مغدور بسم صريع
كم من قضاه السم تحوي البقيع
كم مهجة اضحت بفيض الدماء
...........................................
الشاعر علي السعيدي
@alialsebe
السلام عليكم اخواني هاي قناتي باليوتيوب الي يحب يتابعها
Читать полностью…
.....
الأمام الجوادع. عليه السلام
......
متبدي وجه الخير.... مومقنع التعبير
يضلل عليك الطير.... امامي
غربة وجرح والام ... مثل الحسين تنام
بالحر ثلاث ايام امامي...
.....
اكتب يازمن وحسب جرح هاي الرزيه
هذا ابن الرضا فوك السطح جثته رميه
مثل المجتبى من زوجته طايح ضحيه
مسموم الحشه والموقف يبجي الزچيه
عالم الاحزان مصدر الاشجان منبع القران
ياحسرتك ومولاي المثلك يصير فياي
موضامي تطلب ماي امامي
........
العالم لويون من ادم لحد القيامة
مايحو ماصبك ياجرح روحة الامامة
الحمامة غار حرا الرسمت لجدك سلامة
نفسه الظللت من الشمس ليك الحمامه
انشوف اليوم عالدار تحوم تصرخ مسموم
طول الحنين جروح يمك الامين ينوح. بجة القلم واللوح امامي.
......
يم كبرك اريد ابچي واقيم انا المناحه
وقره كل جرح منك على حسين وجراحه
يمك لواقصر بالنعي ارجو السماحه
من اولكم دمع لاخر حزن ماشفتو راحه
منبع الاهات روحك ونات عمرك لوعات
ياكعبة الارزاء ....يالوعة العلياة يامهجة الزهراء ... امامي
........
ياعالم بني طه والك جمة الشواهد
عمرك سبعة اعوام وصرة الأمة قائد
جريت عليك دمعي بحسرة مابين المراقد
كعدت ابجي ولكيت المهدي يم الكبر الكاعد
محسور الراس يبجي باحساس يصرخ ياناس
يبجي وحنينه يطول بخده الدموع سيول
ويدري الغياب يحول امامي
.....
الشاعر علي السعيدي
/channel/alialsebe
استشهاد الامام الجواد
....
حسره وحزن دمع ابجي لمصابك
غربه وجرح والم راسم غيابك
.....
الجرح صار شبه نار
مثل حرك الخيم جبدك توجر
يمظلوم يمسموم
هم من العطش كلبك تفطر
ضمه واه يويلاه
لفكدك ياجواد دموعي تعثر
اواسيك الحجي البيك
رقيه تكول من واساها بالبر
سم الجبد سهم جدد عذابك
غربه وجرح والم راسم غيابك
....
العطش جان اله اغصان
من الطف تفرع عالامامه
قتل سم نزف دم
مايوكف نزفكم للقيامه
تضحون تصبرون
بالله ماتهزكم كل ملامه
رحت هاب بعمر شاب
كضت عشرين وي خمسه بكرامه
بعد الاهل متت مسدوده بابك
غربة وجرح والم راسم غيابك
.....
هله بعاد اعلى بغداد
لمن دست السم اللعينه
بوسط دار وجره الثار
امر المعتصم نار الضغينه
وسط دار جره الصار
وحده ومااله واحد يعينه
بطوي الكاع يجي الساع
علي الهادي يجي من المدينه
غسل جفن دفن ونضم شبابك
غربة وجرح والم راسم غيابك
....
العهد ليك نوافيك
نظل الذكرك نقيم العزيه
بجي العين بالسنين
ابد ماننسه الام الرزيه
العزائات بالاهات
بدمعنه نعاهد الزهره الزجيه
الصدور والنحور
منذوره الكم الحد المنيه
حدر الكبر ندك ونشهك ترابك
غربة وجرح والم راسم غيابك
....
الشاعر علي السعيدي
/channel/alialsebe
السلام عليكم اخوتي خدمة الحسين هذا رابط كروب التواصل مع الشاعر علي السعيدي
Читать полностью…
...
مسلم ابن عقيل
عليه السلام
....
انا غريب. هل لي بشربة ماء
اناا سفير. اجول بالارجاااااء
......
هايروحي اليل وحشه ومالي احد
امشي غربة والف باب بوجهي ينسد
اباب طوعة گعدت حاير جرح ممتد
وهيه كالت ياغريب المالك احد
لك الديار ياوااااارث الزهراء
انا غريب هل لي بشربة ماء
....
الغريب العاف داره وسافر المن
فكرة الاصلاح جانت عنده اثمن
ولسفير حسين جان الحقد مكمن
حار بدروب اليالي يبات عدمن
حل الظلام والعين للعياء
انا غريب. هل لي بشربة ماء
....
هاي مو كوفة علي لو انا واهم
شغير احوالج يكوفة ماني فاهم
مارحمتو غربتي بس الله راحم
والضماير تنشري ابخس الدراهم
إلى الطلوع تأتيييكم الانباء
انا غريب هل لي بشربة ماء
.....
يم حميده روحي ظلت جمرة ياناس
لو اجاها حسين يبجي بخنگة انفاس
لو تساله شنهي تقصد مسحة الراس
راح اموت بموته اخرى بجرح الاحساس
على اليتيم انهااااااالت الارزاء
انااا غريب هل لي بشربة ماء
....
من رموني من القصر للكاع طايح
مادريت وبالي يم ابنيتي سارح
چني راجع للمدينه ابلا نوايح
جسمي يم بنتي اليتمه وروح رايح
هنا القاااء والنصر فينا جاء
انا غريب هل لي بشربة ماء
.....
✍الشاعر علي السعيدي
@alialsebe
مسلم...موشح
*
مسلم انطه ادروس لااهــل الكوفه
من وكف والناس كلها اتشوفه
*
لديرة الــكوفة الشهم لـمن وصل
مـــاتفاجاء بالذي صار وحصل
يعرف بهل الناس مــاتــملك اصل
وعدها افــــعال الغدر معروفة
*
صاح مسلم بيــهم بـهذا الصده
وين ناس الــــبـايعتني على المده
اليوم وين اتـــــروح جـيمات العده
صال وجفوف الــمناية جفوفة
*
الكوفه من صوته تداعـت بالرعب
جنه حـامي الجار من طب للحرب
ثــــلم ادروع الـــــزلم من الضرب
وصار كل عسكر رعب بصفوفه
*
خرسه يم مسلم صفت كل الالوف
وصار سيفه يكلم ابذيج السيوف
وضوك العدوان من كــاس الحتوف
السيف يــــــــدرع والنبال اتروفه
*
معركة صفين ردهه بـــــــيمنتة
من صدر مسلم زلــــم ماكدرته
رغم بــــــــالغربه صفه وبوحـدته
ورغم مـــا جانت عصيبه اظروفه
*
خلده التـــــــاريخ مسلم ونكتب
بـــصفحة العز والمواقف والذهب
ولاحت اثمارة بـغصن اشرف نسب
وصار كعبة عز كــــلهة اطوفة
.......
الشاعر-علي السعيدي
/channel/alialsebe
للتل أنا متعنيه تل الطف
يسلاب القرط بيه تلطف
ابوي الي حجه نحره تله الطف
قره بسورة كهف خوفا عليه
