.
.الامام الصادق عليه السلام
.......
فقدناك بچيناك ياصدق القول وفعل خطابك
الوداع. والاوجاع ماتنحمل من يكتمل غيابك
............
يااول احساس الحزن لفراك العالم يحن ياهو اليصبره
بس الله أعلم بالجرح يالصادق افراكك رمح بس روسه عشره
بخدي نزل موج النظر لوابجي بعيون النهر ماتبقه كطره
ياسادس العصمه وقسم داخل مشاعرنه الالم وبنصها جمره
الفرح مات بالاهات عشنه الرزيه العايشه بعذابك
الوداع والاوجاع ماتنحمل من يكتمل غيابك
...
ذيج الجموع الملهمه من منبعك متعلمه ومرتويه حلمك
كل طالب يحدث علم والمصدر ايسدنه الاسم من يذكر اسمك
كل المدارس نابعه وحتى المذاهب الاربعه يرويها علمك
بروض الشرع فكرك غرس وجم عالم العندك درس ضواله نجمك
خبر خير بجنح طير برؤية عدوه وتشمت أعلى ابابك
الوداع والاوجاع ماتنحمل من يكتمل غيابك
......
وذاك الوضع ماغيرك. كلما رقيت لمنبرك
تقره المصيبه
تذكر محرم والجره وتبجي لضلوع مكسره وطفله ونحيبه
والنار البدارك عدم ماتوصل لحرك الخيم وحزن الغريبه
من ركضت شذكرت جم خطوه بيها تعثرت حاله عجيبه
وسط بيت وتجويت. بس مومثل غربتهم اغترابك
الوداع والاوجاع ماتنحمل من يكتمل غيابك
....
بروحك مصيبة كربلا فرض الدمع والنافله تأديه عينك
تقيم المجالس واللطم حسينك تذكره وتنهظم وتهد ونينك
بصدر المجالس ماتظل توكف على بابك امل تنثر حنينك
وتترقب عيونك مره تعرف بامك تحضره وتنادي وينك
تعزيك تواسيك تنحب تعيش بعالم انتحابك
الوداع والاوجاع ماتنحمل من يكتمل غيابك
....
الشاعر علي السعيدي
.....
طال الوعد
طال الوعد. فمتى تظهر ياثار الله
انت النصر الثأر ينادي وهل تنساه
انت المهدي ومولانا ولثأر بقيعك رجوانا
وعلى الاعقاب انقلب الاصحاب
فمتا تظهر ياثار الله
........
ما تنشف دمعاتي لهجرك ياراعي الثار ارضك ورض اجدادك صارت بيد الفجار
جم كبه وجم حضره تناديك بجمر النار
الم الـــجرح ناده الصبح
انت المهدي ومولانا ولثأر بقيعك رجوانا
وعلى الاعقاب انقلب الاصحاب
فمتا تظهر ياثار الله
*
كبر الحسن الغالي صاير يلمهدي تراب
وكبر السجاد اوياه طايح من دون اسباب
والصادق والباقر مصاب اعظم من مصاب
بان الحسد ظهر الحقد
انت المهدي ومولانا ولثأر بقيعك رجوانا
وعلى الاعقاب انقلب الاصحاب
فمتا تظهر ياثار الله
*
نترقب لظهورك وجيتك يانور العين
تاخذ ثار البضعه منخصمك تطلب دين
اعدائك غايتهم تهديم وموت الدين
قبر يشكي عين تبكي
انت المهدي ومولانا ولثأر بقيعك رجوانا
وعلى الاعقاب انقلب الاصحاب
فمتا تظهر ياثار الله
......
الشاعر علي السعيدي
@alialsebe
٢١ رمضان
استشهاد المولى أمير المؤمنين عليه السلام.. عليه
......
تعال وطمأن عيوني
حلمها نباگ..... رعب فزت
علي يالشاغل الدنيا
بجمالك ذاك ...... الك حنت
لعيونك ياحيدر نشتاك
خطواتك نقراها فراك
.....
علي بويه اريد انخاك
علي بويه اموت اوياك
تمشي ومشيتك تكلي ماكو رجعه
من يسمع الدمعات
وعيني وي كلبي يكلي خل نودعه
يعثر بشفتي الكلام شما ردت بسمك اصيح
اركض بظهرك وطيح. يبويه
علي وياهو البعد عينك
يغمض العين.. وحلم يلكه
علي وزينب امان اله
تدور وين .. بقة شهكه
واحلام الفاكد تنباك
خطواتك نقراها فراك
......
بعد وكتك تموت شلون
بعد وكتك طفت العيون
اودع حنانك ورد ياوجه اليه
وللدار ارد بمصاب
دلالي ادفنه واعاتب بالمنيه
الجرح يسندني واطيح ويطفه بعيوني النهار
وجنت بعيونك اشوف.. يبويه
توجهت لكبر امي
صحت زهراء .. الحكيلي
على الي خضبو شيبه
بجيت عيون... وخلص حيلي
وبنظرات الكلها اشواك
خطواتك نقراها فراك
.....
علي وجرحك جرح جتال
غيابك ما يمر ع البال
سولفلي بعدك شنو زينب وضعها
لو عطشت عيونك
طمنها امنها الاحنت ضلعها
سافر بعيني الحنين ومزج وجهك بالدموع
روحه مابيها رجوع.. يبويه
اودعك ياحلم روحي
وداع وموت... علي غيابك
اعاتب يانجم بعدك
ظلام اليل... نعى مصابك
وجمر فراكك ظل حراك
خطواتك نقراها فراك
.....
شعجب روحي تظل بحشاي
بجسد واحد علي وياي
روحي جسمها نزل حدر الترابه
روحة الابو تهظم
زينب بعد موتك تتانيها الخرابه
ياعلي وبنت الدلال تنهظم من النسيم
وتفتقد جف الرحيم... يبويه
علي يالشايل الدنيا
نعش تنشال... وتوجع
علي وذاك الجبل عجبه
تضمه لحود... مااقنع
وعلي يتمي بفكدك لاك
خطواتك نقراها فراك
ميلاد الامام الحسن
....
المايعرفه خل يعرفه بساعة الميلاد
هوه ياهو وشنهو اسمه بسيرة الاسياد
الحسن ياامامي
.......
اسالك بالله من هو الحسن
هو ريحانة محمد
هذا مثل الماكو احد
هذا من الفكره ابعد
اسالك بالله اكثر وصفه
بمولده جبريل بشر
تذكر اسمه الخير يكثر
من يدوس الكاع تخضر
تدري أمه فاطمه
اوالده حامي الحمه
وجده ربه كرمه
وللعصمه ثاني
أنا خايف احجي بيه
وانحسد خايف عليه
امنيتي اقبل چف اديه
وابدي التهاني
بهذا وصفي ماانصفتك واعتذر مولاي
شكد عرفتك ماعرفتك ياشمس وفياي
الحسن ياامامي
.....
اسالك بالله شنهو البي عذب
هذا واقع في صفاته
العسل بالطاري حلاته
والكرم من معجزاته
اسالك بالله حبيته شكث
اكثر من الروح احبه
واكثر من امي اندبه
اشعر بدكلت كلبه
وصفي ضاع بعالمه
لاارض تكفي وسمه
شحجي وامه فاطمه
العالي قدرها
لو مدادي من بحر
شعري يم وصفه كصر
الله بي ذاكر سور
واضح اثرها
مصحف الحب بي ترتب وحيه والايات
بابه مارد من احد عايش ومن مات
الحسن ياامامي
......
اسالك بالله وشتعرف بعد
شلون اوصفه والله حاير
يم محيطه نقطه صاير
بروحي اله گبه ومناير
وانت عنه گلي شنهو الحافظه
سيرته محد حواها
وشمسه ماينحد ضواها
الحسن كل روحي خذاها
جفه شلال الكرم
مايرد واحد قسم
نعشه مارد السهم
باب المحاسن
بعطره يشتم الورد
والندى بي يتحد
والعشك بي ينفرد
بدلالي ساكن
ذكره جنه وعقلي جنه والوعي يزداد
واليضيفه يلاكي طيفه اليكرم الوفاد
الحسن ياامامي
......
اسالك بالله احجي أعلى الكرم
الحسن من يتعنه ضيفه
تصبح الدنيا مضيفه
وتشبع الكاع برخيفه
رايد اسمع بعد احجي بسيرته
بعمره ماجرحله نسمه
الله عاجن طينه رحمه
ينعشك من اذكر اسمه
خلقه اعجاز واضن
منه مخلوق الحسن
بحره متحيره السفن
يهديها حبه
من تهيج امواجه خير
بالطمأنينه تصير
جامع زغير وجبير
جامعنها كلبه
ومن تكلي انت مثلي نملك التقصير
اية كبرى والله ادره بأية التطهير
الحسن ياامامي
......
سيدتي ومولاتي
زينب عليها السلام
.......
زينب الصبر هلمي
امك ام انت امي
فتعالى الشوق وحتده اللقاء
كربلاء والضلع معقود اللواء
.................................................
والله ياموت شكثر حاولت الگاك
جنت واضح بالطفوف بموقفك ذاك
شكدصحت بالطف عليك الصوت ماجاك
جم مره اموت وروحي ترد
بكثر الخيول السحكت ورد
بطفالي سولف حافر هظم
بكد مادخل للشامت برد
رغربه شلون اغمض عين
روحي تريد يم حسين
........................
انا ميته من گبل بس بيه انفاس
والتشيعه جروحه مايحتاج للناس
جنت راية وعالنهر رافعني عباس
جنت باخوتي هيبة نبي
بس الهظمني درب السبي
باحساسي باقي جمرة خيم
وچوية رقيه وحرگ العبي
درب الشام چان هواي
بس عباس راح وياي
.............................
موشرط الا السيوف بنحرك تفوت
بالسبي الحچي السمعته يوصل الموت
وضگت چم مره المنيه بغير تابوت
كل العشاير بالكوفه اجت
بكل وحده داعو وتكرمت
وانا اعله بالي يفزع كمر
بس العجيبه زينب بقت
ذاك اليوم اصعب يوم
جرحه بشيب ظل مرسوم
.........................
طبت الديوان جانت جرح الخدور
هناك حسيت الحسين بسيف منحور
هناك حسيت الكمر بعيونه عاشور
من ادخلتهم وكفوا الي
نزلت زلمهم وانا عتلي
ماكدر يحجي منهم بشر
ضنو الداخل يمهم علي
براية وراس من طبيت
بس بيزيد ذل خليت
............
شكثر ياموت انتظرتك ذيچ الايام
بيه مامريت حتى بطيف الاحلام
ردت بالطف دفني يصبح شلي بالشام
بگبور اخوتي اتمنه اطب
ويغطي عيني طيب الترب
بس يم بناتي بالي يظل
خوله ورقيه يظلن غرب
غمضت عين وسبلت ايد
اخت حسين موت تريد
.........
الشاعر علي السعيدي
برعتم بالتفاني
ولامستوا الاماني
واحد تلوه ثاني
قد نلتوا الشهاده
قصه من الواقع التاريخي
......
جان واحد اسمه احمد
جان صادق جان امين ونيته نية نبي
والي اخلاقه صحيحه يصر عنده الله نبي
وجانت اصحابه كثيره
وهو ابن احسن عشيره
وجان سيد كل زمانه
ملك بس بنته الاميره
يحبها اكثر من حياته
وجان يذكرها بصلاته
وجان من يذكر الجنه
يشمها ويضمها بعباته
يبجي من يحسها تبجي
ولوتبسمت يبجي اكثر
باجر يعرف بحزاته
لمن حس كربت منيته
جمع الوادم يوصي
حتى تطلع من خطيته
حط ابن عمه ابمكانه
ملك واختاره بامانه
لان مهتم بقضيته
وزع املاكه اعله ناسه
وخله قطعك كاع عنده
وكال هاي ابسط هديه
انطاها للحفظت حنانه
وبعد فتره نطانه عمره
ونعشه مطروح اعله جمره
ربعه الهواي تبخرو
بس ابن عمه يحضره
الصاحب بموتك وعافك
بعد ياموقف يهزه
والمهم انشال نعشه
ونحفر وندفن كبره
ونقلاب صحابه كلهم
اخوان يوسف احن منهم
صوت واخوهم صاح بيهم
غيرو كل الجريمه
ذولي موصحبه هضيمه
المهم اخذو الكرسي
وبن عمه يصيح صبرا
ويمسح دموع اليتيمه
واخذو الكاع من ديها
وهيه محتاره شبديها
ومن بعد اخذ واعطاء
بلكلام او ماوراء
اجو حركو بيت صاحبهم بديهم
وهو بي بنته ورغم بيت انبياء
اجت تحجي وسكتوها
وبابها ندفعت عليها
يعني بالدفعه عصروها
ومن بطنها طاح ابنها
حرمه تبجيا وما روعوها
سطرة الخد للقيامه
باقي اثر ماينكروها
وسكرت اضلوع الهشيمه
وذاك بسمار الجريمه
الناس ملت من بجيها
من المدينة طلعوها
شجرة الاراك تنكص
حتى عالشجرة تبعوها
مثل يعقوب بحزنها
بنت بيت احزان همها
وماخلص للموت ونها
شكد سوالف سمعوها
والعجيبه هيه فاطم
وذولي همه اصحاب ابوها
الشاعر علي السعيدي
لا للمخدرات
.....
كن قدوة كن مأمنا وامان
لا للتعاطي في هوى الادمان
عش كأن وحياة
قم واهزم اللذات
القادم افضل فقل... لا للمخدرات
...
اصنع جميلا ورتقي كن نافع للناس
يافرد انت المجتمع بالحس والاحساس
اجعل خطاك لبنة فيها يشيد الساس
ام كيف يبنى المجتمع والكف فيها الفاس
اجيالنا اذ تنهل مانتنضح الاقداح
فاجعل أنائك منهل للعدل والاصلاح
القادم افضل فقل.. لا للمخدرات
....
ارسم لذاتك صورة في اجمل الالوان
للخير ازرع ثمرة كي يكمل البستان
ان نحرافك هادم للصرح والبنيان
كن مستقيم ناصح يا ايه الإنسان
اسمو بفعلك وانبري وترك نوايا الزور
مزق ظلام النفس قم ومسك خيوط النور
.....
ابدء حياتك وابتسم وترك منى الاهواء
ابدء بنفسك اولاً ترقى الى العلياء
ابنً تكن او كن ابً كن غاية وعطاء
اختر لنجمك عالم هادى بغير عناء
اصنعك ارادتك التي تصنع اليك حياة
وامضي بعزمك تارك الاثامي والغمرات
....
الشاعر علي السعيدي
هذي كربله العطشانه دمنه
هنا نزل ندگ هنا خيمنه
نوخوا نوگ الحمول
المواقف باجر اتطول
.....
خويه عباس تعال وننصب الخيمه
اذه زينب سفرنه اوكفة الهيمه
والشمس خويه تجوي ورايتك غيمه
تعال اهنا يعباس زينب خل تامن
الطف يبوك الانفاس واوجودك يطمن
البس درعك ودكلها صدرك
خل تدري الهوه لا مايعبرك
عليها انت مسؤل
المواقف باجر اتطول
...
خلي واحدنه يخويه يودع الثاني
حضني عباس واحضنك هايه ذرعاني
كربلا باجر تضيع ولدي وخواني
خل نلم العيال ونسولف عليهم
العلم لو عالنهر مال رحت يعني منديهم
واخوك حسين يبقه خالي ظهره
يصيح عليك اخوك وماتحضره
وانت بهاي شتكول
المواقف باجر اتطول
....
باجر اوكف وحدي حاير والظهر خالي
وينكسر كلما اشوفن زينب كبالي
والعطش يشدت عليه ويكصي بطفالي
رقيه تصرخ الماي وتجي زينب تردها
واطيح ومحد وياي وجراحي شلون اشدها
واقدم طفلي ويكطعوله نحره
وسهم كلبي سحب من ظهري اعبره
وجبيني ينزف سيول
المواقف باجر اتطول
....
مهري من دوني يرجع وحده تاليته
يصيح زينب اخوج هناك خليته
سحكته الخيل واحشم ردت اهل بيته
بس مايلكه الخيام نيران وضحايه
زينب وين يلكاج من بين السبايه
والنسوان بالهيمه يركضن
وبالاجساد لوركضن يعثرن
بين النار وخيول
المواقف باجر اتطول
...
الشاعر علي السعيدي
قم المقدسة.. بنج امام زاده
اولاد الام السجاد عليه السلام
...
قصيدة بين خدمة الحسين
والامام السلطان علي بن موسى الرضا
عليه السلام
.....
منك الرضا ياسيد و انت الرضا
جاء محرم طارق روح الفضا
ياصاحب العزاء عون على البكاء
...
(أفاطم لوخلتي) دعبل واكف ويقره
يم حضرتك ياسدي ينشدلك بشعره
هيج شعورك ياوصف تنهار بالعبره
لحرك الخيم لو لوغربتك لو لطمت الزهره
الامك الامنا في نينوى
ودمعنا ودمعك يجري سوى
يعلو بنا النداء عون على البكاء
.......
يالعايش الفركه قهر وتلجمك الغربه
غربة رحيلك عن ديارك والاهل صعبه
المعصومه موتتها بغرب واحساسك تعذبه
وغربة عقيلتكم سبي وياحي التندبه
هذا محرم والعزاء قائم
عهد يظل لقيام القائم
فالنبكي كربلاء عون على البكاء
.....
لادعبل انا ولازمانك سيد عشته
نفس الشعور البيك الي بيه الك شفته
احساس مامثله ابد من مرقك زرته
بعاشور كلشي يختلف باحساسي ميزته
وجبتك لدعبل اهديتها
كانك للشيعة البستها
مااعظم الرداء عون على البكاء
....
هاي الوجوه ال بالمجالس سيدي اقراها
جمر المخيم والعشك لحسين جواها
صار وا مجانين وعوابس بيهم اتباها
من الله رادوا حب صدك والخالق انطاها
فليت شعري في زمان مثلهم
حب الحسين في الهوا اجنهم
تقاسموا الولاء عون على البكاء
....
الشاعر علي السعيدي
2022
قم المقدسة
خلص عباس ردنه الامانه
جسمك عالنهر يصبح مكانه
روحك النه ردها زينب الله عدها
/channel/alialsebe
نزله
الإمام العباس عليه السلام
.....
لا هدنه.لاعطوه خلها محيره
طب للنهر عباس سوا مكبره
...
كومو خربانه السوالف وستحو
انتو لابالخوله خوله ولاكفو
امي بدويه والي بطبع البدو
وانا مومن طبعي اغدر بالاخو
مرفوضه مرفوضه وتعلمو الحجي
مرفوضه مرفوضه موعيب البجي
مامقبوله ينعاف الطف
....
لا ارضه لا اسكت لا اقبل عذر
مايخلص الهادود مااعوف اليفر
انا عباس وتعرفون الاسم
بظهر حيدر جنت ومخوف الزلم
اليوم اخلي الموت بالطف يزدحم
اليوم اطشركم وعزريل اليلم
لموها لموها الروس موزعه
شوفوها شوفوها حمره المشرعه
السالم راسه ميت سكته
...
وطلابه شيفضها عباس وزعل
والحومه يكلبها بالطف لونزل
انا ابن كرار قتال العرب
بخزرة عيوني يذبون ركب
بالرضا يخافوني مو وكت الغضب
اليوم اكطع اظهورهم وي النسب
خلوني خلوني احطهم بالرحه
بجفوفي بجفوي الشجاعه موضحه
يدفن روحه كلمن شافه
....
والنهر شيخلصه من راعي العلم
ويجيبه من راگه ويصبه اعلى الخيم
من يطب عباس ويشيع الخبر
نفس ماتسمع يحضرون النحر
سكته بس خطوة جواده اعلى النهر
هذي نفخة صور بجفوف الكمر
محسومه محسومه عسكر وحده
معلومه معلومه فتلة ساعده
شال الرايه هوس بيها
...
الشاعر علي السعيدي
قم. جمكران
٢٠٢٢
ندائنا حسين عزائنا حسين
....
يسمع العالم حسين يجمعنه
ننصب الموكب الزهره تنظرنه
نهتف باسمه وحبه يرفعنه
خلودنا الحسين وجودنا الحسين
....
يلا يصحابي نوزع الهمه
انت عالرايه وانت عالخدمه
وانت بالمجلس وحد اللطمه
شعارنا حسين وصوتنا حسين
...
حسين الك روحي والله افديها
الدمعه لمصابك النار تطفيها
هذي ايامك بصرخة نحييها
رجاءنا حسين سماءنا حسين
...
ندائنا حسين عزائنا حسين
....
يسمع العالم حسين يجمعنه
ننصب الموكب الزهره تنظرنه
نهتف باسمه وحبه يرفعنه
خلودنا الحسين وجودنا الحسين
....
يلا يصحابي نوزع الهمه
انت عالرايه وانت عالخدمه
وانت بالمجلس وحد اللطمه
شعارنا حسين وصوتنا حسين
...
حسين الك روحي والله افديها
الدمعه لمصابك النار تطفيها
هذي ايامك بصرخة نحييها
رجاءنا حسين سماءنا حسين
...
ماظل كل مدح يمك نگوله
ليث الله وصرت عم الرسوله
الك موقف والك دور
يعم الهادي مشكور
هدم القبور
....
الظلم لايدوم والحق لايضيع
ستبنا القبور ويزهو البقيع
ستهتف الدماء وتشهد السماء
جاءنا الى الفداء
*
قبور تنور بنور الاله وتعلو علاها لعين السماء
سلاما عليها فأضحت تراب بغير ضريح وغير بناء
فويل الطغاة لما يجحدون
بال النبي ألا يعلمون
فل يعتلي النداء وتشهد السماء
جئنا الى الفدى
*
وهدم القبور دليل كبير على ان حقد وثأر قديم
ببدء السقيفة هشم الضلوع لقتل الحسين بجرم عظيم
فصبر جميل لغدر الزمان
فسبحان ربي هو المستعان
من جرح كربلاء وتشهد السماء
جاءنا الى الفدى
***
وهل ماكفاهم وهل يجرؤن على القبتين اكروا العناد
فوالله لولا صراخ الضمير لمن قبر حيدر انالوا المراد
ظهور قريب يزيل الظلام
وشمس تلوح بافق السلام
يعود اللقاء وتشهد السماء
جاءنا الى الفدى
.........
الشاعر علي السعيدي
@alialsebe
إلى سيدي ومولاي باب الحوائج موسى بن جعفر عليه السلام
.....
دمعتي بعيني تتعثر لمصيبة موسى ابن جعفر
مثل ونت اسد ونيت
جبل فوك الجسر ضنيت
*
أوآ لهفي على مصابك يباب الحاجه والعصمه
اجيتك ساجد ابابك ودمعتي بخدي منسجمه
انوح والثم اترابك الگلب ماينحمل همه
الزمن صوبني منصابك گلب خصمك بلا رحمه
گضت جبدك رهينة سم واحس العالم اتخذم
وگف كل الفلك. حسيت
جبل فوك الجسر ضنيت
*
الآياجرحي لاتسكن اريدن تنزف احزانك
اريد العالم ابكبره يضيع ابدنيا طوفانك
الشمس تتحنه من لونك يخط حمرتهه شريانك
على موسى الغده بسمه اريدن يدوي بركانك
دفنت الصرخة بعيوني ومصابك غير ابلوني
مثل ورقه بهوه ظليت
جبل فوك الجسر ضنيت
*
ايآمن في الهوى مجروح يكلبي والله يبرالك
على المسجون بالغربة يحن طير الوفه لحالك
نروح اعله الجسر نلكاه اللقائة شترسم ابالك
ميت والسناسل بيه المنظر يهدم امالك
على الكاظم حزن روحي اصيح ويرتفع نوحي
لوجهك. يا بدر حنيت
جبل فوك الجسر ضنيت
*
فياويلي وياعمري على حرجك خلص صبري
على خدي السيوف اتسيل وروحي اعله الوجن تجري
نباكت بسمتي من اشفاي ومن عيني انخطف فجري
غركت بروجة همومي ورماني بلا جرف دهري
بعد طاري الفرح ماريد مثل زينب كرهت العيد
حزن فوك الحزن خليت
جبل فوك الجسر ضنيت
ام البنين
قلعة اربعة ابوابها
بيا حسين شيدت اسوارها
ادخلوها بنحناء مؤمنين
ذاك باب الله ام ام البنين
....
ذا قلعة قدسية بالرحمة مشموله
فهي السماء ام القمر لالم تكن مجهوله
نبية الوفا لنا من ربها مرسوله
اليوم في نعش غدة لقبرها محموله
تفردت تصدرت ينبأكم معناها
ابوابها اولادها والقلعة معناها
باب لها تميزت ابدي لكم فحواها
كسرة غصن
.........
شوف يالتكسر غصن
يصير شجره بالدفن
يعيش من ماي الجفن
بدمع العزاء نذكره
هذا مجلس فاطمه
يريد الله يتمنه
يديم لطلعة قائمه
غصبا على الينكره
عهدا اليكِ كتبنا
صوت ملبي بزهرا
......
وأن انت كلتهاوهسه شفتها وهم
وان بصفحة عمرك رسمت شرك ندم
وان. تحرك نار المهدي يحركك قسم
وان هاي الكلمه منك طلعت سهم
غصبا عنك يرجع حقها
يظهر مهدي بهذا الدعاء
كن لوليك ربي وعجل
يظهر كبرها من الخفاء
شوف كل دكة صدر
بي الزهره تنذكر
ونار كبرك تستعر
لمن يمرضلعها
هاج شلال الدمع
موت لليلجم ضلع
صوت واضح ينسمع
يزهره ياوضعها
محسن جنين بكينا
صوت ملبي بزهرا
..................................................
غرام حساس ودمعه يبچي الشمعه عشگ
سلام لصفعة خدج لدگت بابج ندگ
كلام لامايكفي ردنه انطفي الحرگ
حرام ينزل دمج وليش متونج زرگ
فوگ العصره طايح ابنها
كتبت مهدي بدم الضلع
بعالم جرحه ولجمة كلبه
شق الدنيا والها طلع
ليش ذبلان الورد
وين رايح مبتعد
النار ماصارت برد
ولامرت بسلامات
أه من صاحت علي
صوت مامر بالولي
أه حرمة وتنولي
ماحملت المعانات
لما نداء رفعنا
صوت ملبي بزهرا
....................................................
اخاف مقصر أنا وماراضيها بحرف
وعيش بين الوادم كلمة خادم وصف
أموت وماتشفعلي ومالكالي عرف
أريد احي ذكرها حتى جرحها يخف
هذا عزائي عهدي وفائي
هيه حياتي في كل زمان
الله خلقني خادم اصيرن
افدي جرحها حبها اذان
ناح گلبي لغربتج
سال دمعي لدمعتج
تاج لراسي خدمتج
ياعالم الرزيه
مات ناكر محنتج
عاش ذاكر قصتج
فوگ رفت رايتج
نتباها يالزكيه
نهج نقين عشقنا
صوت ملبي بزهرا
....................................................
نذر عمري نذرته ودمعي وقفته يهل
عشك حبها خلقني والله رزقني شكل
وطن بيها حياتي والها مماتي امل
سفر بعدي دموعي والها رجوعي حصل
حب مله ريتي واعله سجيتي
بيها وصيتي تبقه شعار
حزني قراري ودمعي شعاري
حبها مزاري واغلى مزار
لوين ماعدها گبر
ضلوع بادت من عصر
دموع من المنتظر
دم يبجي عالوديعه
هاي محبوبتي نبي
يريد خاطرها لعلي
ريت محنتها الي
بروحي سمه الفجيعه
الحجة المهدي دعونا
صوت ملبي بزهرا
...........................................
.......
زمن. يمشي واتبعه صوتج اسمعه الم
لهب يحرگ دارج باجر يحرك خيم
فدك نفس الغاص باجر يسلب حرم
كسر خاطر حيدر وظهر حسين بعلم
بالسمه گبرج عالي ضريحه
مو أي واحد عنده يزور
اله موالي وباجي بمجلس
وعله مصابج هزه شعور
فلان وفلان وهله
هوي ناس تجامله
يصيح بيهم لاهله
كلمن منع دموعج
هناك نتجمع وفه
هناك جرحج نعرفه
هناك مهدي يوصفه
من تنجبر ضلوعج
سعيا بشوق قصدنا
صوت ملبي بزهرا
..................................................
الشاعر علي السعيدي
ماجبت من جيبي كلمه ولا عليهم مفتري
من البخاري ومن صحيحه انا ناقل خبري
والي عنده اشكال ونصاب بعمه
بياوجه باجر يقابل فاطمه
...
انا ماغثني المقابل انا هاضمني القريب
محزم حزامين ضدي واكف لجرحي صليب
عليه محسوب وعليه شكد حجي يودي ويجيب
حتى يرضي الناصبيه يزعل الزهره عجيب
الجان مايندل لسانه ابوجهي شايله رمح
الجان مايندل مكانه كاعد بنص الجرح
واليجامل عالمصالح مظلمه
بياوجه باجر يقابل فاطمه
الامام العباس
نزله
.....................................
فك لثامه وجر اليل
دك جدامه وطاحت خيل
صاح انا الكافل طلعولي العايل
....
جر السيف وجر الرواح
شال الراية الكون انزاح
كالهم طيحو وطفهم طاح
ونشف دمهم لمن صاح
سوه اتلال وصار يدوس
تل اجسام وتلة روس
وصاح انا اشكايل طلعولي العايل
....
كلهم بيكم بخت هواي
الكم جيت بنية الماي
شلت الجربه وشلت الواي
وشلت الشاطي وجبته وياي
وين الفر يروح يحير
فرة كون كبالي يصير
شيريد يقاتل طلعولي العايل
....
سيفك ماطر فوك اركاب
تشيب روس وبعدك شاب
الخلف مثلاك لاماخاب
بس المثلك ياهو الجاب
ظلت كاع اطك ابكاع
تبحر بالدم مثل اشراع
بأس الله ونازل طلعولي العايل
....
لمن يخزر بالفرسان
لعاشر جد توصل نيران
منه الغوث اتصيح الجان
صدفه وصارت طب ميذان
تصفه النظره وكلها تراب
واصل سيفك للاصلاب
يم اسمك فاصل طلعولي العايل
...
الشاعر علي السعيدي
قم المقدسة
آستان مقدس بنج امامزاده جمكران
غير نيتك لاضمان
....
تغيرت كل النوايه اومونظيفه
وعالشريف تكررت نصب السقيفه
الدنيا مابيها امان
غير نيتك لا ضمان
تغيرت كل النوايه اومونظيفه
....
الوهم ضاع وي الحقيقه الغيم غطه أعلى الشمس
مدرسة الدنيا وعلينه واجب نخوض الدرس
وهذا غربيل الخدامه منه راح شيلتمس
النبته يكطعها الهوه لوموعريقه
والثبت بالعاصفه يعرف الحقيقه
تمضي ويعد الزمان
غير نيتك لاضمان
...
الفقير العنده ماتم بي ابد محد يمر
ومن سالنه السبب وينه ياقبح هذا العذر
الخطيب الي تجيبه كون مشهور بكثر
كون بالسوشل جميل وعنده شهره
والفضائيات كون تحضره عشره
وربعه الترتب المكان
غير نيتك لاضمان
....
باسم الحسين تسغلوا كلشي والفطره نتهت
وشوهو حتى الشعيره تغيرت وتحورت
وعتنو بيها المظاهر والمضامير انطوت
اعتنو بالديكور وأشكال الزخارف
والعقيده اصبحة سطحية وعواطف
والحزن بس ع اللسان
غير نيتك لاضمان
.....
حسين عبره وبعد عبره حسين اوسع عالمه
لاتضيقها قضيته بالدموع الساجمه
حسين اصلاح اومبادء حسين ارادات السمه
لاتبجي الناس والمبدء تحيده
ولاتجامل بشر وتضر العقيده
باجر تنول الجنان غير نيتك لاضمان
...
الشاعر علي السعيدي
/channel/alialsebe
الامام الحسن عليه السلام
...
حلم كل شاعر
.....
...
اذا وي روحك تحاجي جروحك
وحروفه تلوحك يلوحك خيره
تسولف بسمه تجيك الرحمه
تحس بالنسمه تشم الغيره
عوف الكرم يمه
لاتحجي بي زحمه
هو التضوي روحه
تجيبه بواحد يشعل نار
.....
شتضن بناره يجي خطاره
الحسن بنواره اعلى وجه اهلاله
يفك ذرعانه كبل ديوانه
ويجي فنجانه اعلى روس دلاله
ماحاجه تحجيها
والطلبه يكضيها
يقره بعين الوافد
شنهو الحاجه وتكضي بساع
....
بجمر دلالي الحسن وامال
ضريحك عالي ونجي ونطوفك
ونجي ماشيه ونسوي قرايه
ونخطلك رايه عليها احروفك
نقدم تعازينه
للغالي مهدينه
بصحنك نلكه الزهره
تحث الناس اعلى التعجيل
.....
حلم كل شاعر يوصفك حاضر
بليالي العاشر ومواكب ناصب
تحيي الوادم وتشد الخادم
وعزائك قائم بحنين اتراقب
عينك اتراقب
الحاضر الغايب
واحد واحد تعرف
والماجاك تودي اعله
....
الشاعر علي السعيدي
..
قم المقدسة. مسجد جمكران
٢٠٢٢
عابر كل الدنيا
.....
نايم صاحي ليلي انهاري اللهج بسمك عشي حسين
شنهو درايه وشنهو الفطره حبك عابر كل الدنيا حسين
اذبحني بنظرة رمشينك
اقبل موتي بنظرة عينك
.....
يااول سالوفه بروحي
رسمة الامك بجروحي
اول كلمه مثل النسمه
طبت بين اعماق احساسي
وصرت ابحث عن معنى حروفك
طايح ليش وكلشي يطوفك
دمك يصعد وفكرك ابعد
راسك طاح وسالم راسي
دك بابي مصابك وتعده
وصرت اتبع مو خطواته
اثار الدم تنزل منه
وحنيت جفوفي بدم نحرك
وتوضيت بفيض المنحر
وصليت لساعات المحنه
شاعر واكتب بس موفكره قلمي الجمره لكن روحي خيام
الجود مبده والجف الطايح وعين السبعه وصلت يمها سهام
وتجوه بجمرة نارينك
اقبل موتي بنظرة عينك
.....
ماخذني الطف عن كل غالي
مذبوح وماخذ كل بالي
حسين من احجي. الميت يبجي
ماتنمل تحلى شمااعيدك
حبك ميزني اعلى الوادم
عاشي ملك وعندك خادم
ترفع ناسك رفعك راسك
ضايع رايد لمسة ايدك
يااول حب يمر بيه
عيشني احساس المسبيه
كل ماذكرك ينزل دمعي
حتى بوكت الفرحه اذكرك
وبجي هواي لرضت صدرك
وارفع جفي والطم ضلعي
روحي شتعني تطلع مني خلها تغادر روحي حبيبي فداك
تراب جدامك يمكن زايد مااستاهل اروحي تلبي نداك
بيه الطين يحن لطينك
اقبل موتي بنظرة عينك
....
مجنون وسالفتي غريبه
فرحي دموعي وعيدي مصيبه
لطمي الصفكه وضحكي الحركه
والثوب الاسود يحلالي
اليضيعني يعرفه مكاني
بالمجلس اصرخ يلكاني
مهدل ونعى وامطر دمعه
واهتف اه يمصاب الوالي
شبيها الدنيا المابيها انته
والكلشي حسين انت عرفته
شلون جروحي تعين جروحك
مثل الشمس مصابك يجوي
المابي من نارك مايضوي
ومايوصل يم لجمة روحك
لغزي محير عابر ع الحب مايترجم بي كل معنه يحير
ماحبيتك افتح كلبي كلي بكلك
نقطة ابحرك اصير
اليحبك باخلاقه يعينك
اقبل موتي بنظرة عينك
....
لخيامك ماادخل اخجل
مارايد اطفالك تسال
منهو لفانه شعنده اجانه
ماجايب ماي ولاعمنه
مني يخافون وياحيره
ويركضون الهيمه جبيره
ياهو يلمهم لوصب دمهم
ميعوضهم لوصب دمنه
ياهو العاش احساس الغربه
مجروح وينزف دم كلبه
وعطشان ومحد كطرله
ياهو الشاف اخته يهضموها
تبجي ومن تبجي يسبوها
وعنها المايتخله تخله
ياهو اليكدر يصبر اكثر واخته تندبه فوك الهزله تسير
بت ال الله صيحو اسم الله تعثر زينب اميره وابوها امير
وانت اعلى الرمضه مكطعينك
اقبل موتي بنظرة عينك
....
الشاعر علي السعيدي
قم المقدسه..مسجد صاحب الزمان.. جمكران..
السيدة حميده
....
جفك الي رسم دمعه وجرح يلم
حسسني باليتم
....
انا حميده و هاليتم اول مسيره بعمري
فاركني مسلم وبتعد وبرَجعته ماادري
فجأة لن ذاك الضعن شفته وكف
نزل منه حسين وعليه هتف
ياحميده ينادي بس كلبي رجف
مسح راسي وانا
احس يتمي دنه
وانا ظهري نحنه
....
عالفاركاني ومايرد شفت الدمع موكافي
ولطمت حتى بكربله عالسوط اعلم اجتافي
اتبعك طيف وسرابك يبتعد
بحالي شيصير من اسلم ماترد
من يطيح الندي ومايلكه الورد
يمسلم طفلتك
حميده تعنتك
ضميه الشوقتك
.....
باجر اعيش الطف جرح والكه سبي يتانيني
حدر الحوافر جم اخو مسحوك اشوفه بعيني
خيمه ماتبقه ولايبقه حمه
مو وكت نوم وعمامي نايمه
هناك ياموقف يالم فاطمه
ضلع نبله ونحر
عقيله وجف كمر
سبي ونار وسفر
....
للكوفه باجر من اطب امشي وروح لطوعه
تحجي لي السوالف صدك موقصتك المسموعه
دمك اليكطع مسافت الدهور
تصعد التاريخ وتغير السطور
وتهدم الجبتان وتزيل الجذور
المواجع والالم
يدونها القلم
فجر دمك رسم
....
الشاعر علي السعيدي
