حبيب ابن مظاهر عليه السلام
......
ثار شيبات البخت كلها بوقاره
ثار حبيب العاشت الدنيا بخضاره
بالحب مبهم امرك يالحبيب
الرايه نضمت لجلك ياحيبب
موازين العشك مختلفه وياك
هويت حسين مدري حسين يهواك
جانت لوحة الطف ناكصه هناك
وماكملها ابو السجاد تاناك
شاف فارس من بعد وتبسم حسين
شاف طولك ياحبيب وفكله جفين
كلك صبري بغيابك عجيب
الرايه نضمت لجلك ياحبيب
.......
يبو كلب الكبل جفينه مفتوح
بحب حسين موبالسيف مذبوح
لموتك تبتسم وتبشر الروح
ومن تضحك تغار شفاه الجروح
هام كلبك بالسبط والحب مسارك
هام كلشي مو اهم من اختيارك
جيتك ناصر للباجر سليب
الرايه نضمت لجلك ياحبيب
.....
شيباتك ثكل بخت الدواوين
بياض الشيب يشبه نيت الحسين
عنيد وذكرك يخوف السلاطين
اليحب ماادري يزغر هاكد سنين
كول عليك شطاح منه ورجعك شاب
كول قميصه لودموعه لو دمه صواب
شانك يكبر وتصير المهيب
الرايه نضمت لجلك ياحبيب
......
الفقيه العابد يوصفك امامك
يشيخ انصاره توضيح لمقامك
سلاما على الخيم كلت بكلامك
وسمعت زينب و ردت سلامك
هاي زينب بت علي ترد التحيه
هاي باجر من خدر تطلع سبيه
الخيمه باجر ياخذها اللهيب
الرايه نضمت لجلك ياحبيب
.......
زينب طرحت اعلى حسين جلمات
تكله ختبر صحبك بالكلافات
حبيب وسمع زينب خايفه تبات
يم خيمتها جاب اصحابه هوسات
موت باجر مايمر واحد بالخيام
موت نطيح وعلى الخيم ماتعبر اسهام
دمنه ينزل والمنحر خضيب
الرايه نضمت لجلك ياحبيب
.....
الشاعر علي السعيدي
/channel/alialsebe
محرم
.......
يااول جرح بالروح الك باب الكلب مفتوح
تعال انشر سوادك نزل الدمعه
على حسين ومصابه الدنيا مجتمعه
محرم يامحرم
......
محرم يانبي احزاني أوحي اللهامي وسفر روحي
محرم عالمي الثاني وبجي ايامي وبحر نوحي
محرم يذبح احساسي ودفو انفاسي وسمه جروحي
بكل مجلس اعيش الدور
مره اعله النهر مغدور
مره ابجي وعزي الناس
مره الخنصر المبتور
محرم عندي عالم غير
يرف كلبي رفيف الطير
البشر تتغير اخلاقه وبعد طبعه
على حسين ومصابه الدنيا مجتمعه
محرم يامحرم
.....
محرم يرسم مصابي وعلى عتابي. يخط اسمه
محرم ياهله بجيته وهله بونته وهله بهمه
محرم مذبح الاعظم ونبي الاكرم يجي بدمه
يرسملي العطش والخوف
وزينب عالجسوم اطوف
وتلكه الرايه مطروحه
وعلى الشاطي تصد جفوف
اهيئه روحي للجمات
وخط بكل شبر اهات
وعلى أصوات المجالس اعقد المسعه
على حسين ومصابه الدنيا مجتمعه
......
محرم ذاك بالحافر صدر طاهر نزيفه يسيل
محرم انظر ثيابه لعد بابه تجره الخيل
محرم خنصره الضايع حلم راجع يكعد اليل
بدال المنحر المكطوع
كلبي أعلى الرمح مرفوع
يسكت من يشوف السوط
يمه أعلى المتن مطبوع
الخيمه من تمرها النار
تجلب أعلى الستر انظار
يم سكتت جويهن ترخص الشمعه
.......
محرم عالنهر غالي اخذ بالي ولاشفته
محرم من وكع جوده وعلى وعوده علت ونته
محرم هايه جفينه وسهم عينه ويدور اخته
الكفيل عليها جان يخاف
هسه وياجرح ينراف
اختك هايه ياعباس
وكفت للسبي وتنشاف
عينك يالحنين اتنام
وختك تمشي درب الشام
تعاتب ياهو من عدهم منو تودعه
وعلى حسين ومصابه الدنيا مجتمعه
......
محرم دم التحرم على الوادم بلا حرمه
محرم جم جرح نازف طفل خايف بلا رحمه
محرم صرخة ايامي بكلب ضامي العطش يمه
الطايح ماترحمه الناس
بحوافر كل خصم ينداس
وشكبر الجرح بحسين
فاكد خوة العباس
واليفكد أخو معذور
مدري براسه شنهو يدور
اليمشي اعله النهر يعرف بلارجعه
على حسين ومصابه الدنيا منفجعه
.......
الشاعر علي السعيدي
/channel/alialsebe
....
عبدالله الرضيع عليه السلام
......
يمه عبدالله السهم لوعايفك
جان هم ضل العطش بشفايفك
السهم عنك لو يفوت
يمكن بحافر تموت
.........
يادللو يالولد لولتله الايام
من عطش كلبك يشيب راس الاسلام
ترفس بكاروكك وماتكدر تنام
تبجي ماادري وتسكت يبني الاسهام
ركبتك عالموت يبني زغيره
يبني والنبله عليك جبيره
الضجه تتحول سكوت
يمكن بحافر تموت
.........
ونفرض النبله تمر ماتترك جروح
من تعبرك يبني تعرف المن تروح
وبابوك حسين تدري كلبه مفتوح
وانت
تسلم انت وترضه ابوك يطيح مذبوح
العطش والنبله يريدن روحك
تردلي ساكت لوترد بجروحك
الشمس لومرها الهفوت
يمكن بحافر تموت
......
يمه عبدالله السهم من عدهم ارحم
هم يلين بركبتك لو لامس الدم
شتضن منهم بالخيم يالغالي تسلم
عليك بالكاروك يدوون المخيم
كطع نسل حسين جان ابالهم
باي طريقه طيحتك تحلالهم
الف صرخه وماكو صوت
يمكن بحافر تموت
......
نفرض انت ماتموت وينكضي الحال
جبير واتخيل تصير كبالي خيال
شلون لو عطشت رقيه وماكو كفال
وانا أعرف حسين ابوكم خلفته ارجال
تفتح اكماطك تاشر بيدك
زغيرللنبله نذرت وريدك
والمنايه جنها حوت
يمكن بحافر تموت
.....
لوسمعت حسين واكف ناصر يصيح
يبني اعرفك بالشجاعه تسبك الريح
كبل ليطيح انا ادري انت الطيح
يعني من كل النواحي دمك يسيح
يبني مادام انت بالطف هيه
وبالرمح راسك ورد مسبيه
وشملي يضعن للشتوت
يمكن بحافر تموت
....
الشاعر علي السعيدي
/channel/alialsebe
0782 453 3269
..
عبدالله الرضيع عليه السلام
....
عبدالله لدكعونه توهن طبكها جفونه
اسم الله عليه اوليدي ضامي وتغير لونه
....
هايعبدالله الطفل شو ماغفيت
هواي بعيونك حجي
كمت احس عطاب ماي ستورحيت
وشفت بشفافك بجي
ماي رايد ضامي حكك مارويت
لوبصبرك مكتفي
لحسين درت عيونك عيونك تحاجي عيونه
....
انته والنبله صرختو ماكو ماي
ثنينكم مامرتوين
ولان هيه بعمرك وماعدها راي
بيك ضلت تستعين
انت ماتمشي صحت الها تعاي
شربي من دم والتين
كلبك برد يالغالي وامك بجت محزونه
....
سال دمك صاعد بهيئه ملاك
رفرف بجنه عليك
ولسمه السبعه عرج موكب دماك
وانت تتراجف اديك
بجف لحسين ثكلت ارحم اباك
ورتجل للخيمه بيك
لزينب حمل جثمانك. وحتاج ابوك العونه
.....
كماطك الابيض ارجع احمر نشوف
موفرح يبني ذبحوك
يمك ادنت رقيه وكضها وخوف
بنحرك النبله تحوك
جان ذنبك بالعطش غرفة جفوف
مرتوي الدم رجعوك
جلب الغيم بروحك وانت اعرفة مضمونه
.....
الشاعر علي السعيدي
@alialsebe
0782 453 3269
نام حبيبي.... يعبد الله نام
نام حبيبي تناغيك السهام
اسم الله يبني على طولك
خايفه ..... الموت ينولك
..................................
غفيت بحضني عطشان
ضحكت بالماي حلمان
سهل حلمك
يبعد امك
انتظر عمك يجيبه
نام ومن يجي الماي
نروي ضماك وضماي
واذا طول
منو اليرحل
ندور حل غريبه
يغفه لحضه ويفزز بي ضما
يغفه لحضه وينادي بالبكا
للنهر مو وصولك
خايفه الموت ينولك
....................................
شيضرهم من يرووك
ومن ونينك يهدوك
يفر حونك
يسكتونك
بچي عيونك. تعوفه
شيكلفهم روه ضماك
شينقص مايهم ذاك
ضكت مرهم
النهر يمهم
عيون الهم. تشوفه
ماتشربه سمعت بروحي صوت
ماتشرله يريدونك تموت
ورده ويحل ذبولك
اسم الله يبني على طولك
.............................................
يلوگ النحرك الشم
مو نبلة ويصب دم
يعبد الله
الك الله
الهجر صلى. بدليلي
حناني ونسمة الروح
بعمرك ياهو مذبوح
تخليني
شيسليني
ودمع عيني. وي ليل
سكته رديت كلت راوي وغفيت
سكته رديت بنبلتك مادريت
بجف الحسين خمولك
اسم الله يبني على طولك
.................................................
اخاف من الهوه عليك
السهم حار ويچويك
من يلوحك
تفز روحك
بسمه جروحك تلالي
ولا من موتك اعذار
لمنيتك انت تختار
يعطشونك
يذبحونك
يسحكونك يغالي
وحده من هن منيتك يالغريب
وحده من هن الك يبني نصيب
بالمنيه عجلولك
اسم الله يبني على طولك
.............................................
النحرك مو رمح كون
وردة بغصن زيتون
يالورودك
على خدودك
مثل عودك جمالك
يبعد الماي والناس
يعبد الله بلا نفاس
اشم ثغرك
اضم صدرك
اضن هجرك حلالك
بيدي مهدك وهز خالي الحنان
بيدي مهدك ودورلك مكان
تمرمرت ماحجولك
اسم الله يبني على طولك
....
الشاعر علي السعيدي
@alialsebe
0782 453 3269
https://youtube.com/channel/UCEnOKoVL7BvrvCzgNK52FnA
Читать полностью…
بيانك الذي صدر
امية صاحت الخطر.... سفير
الكوفه طبها يااسد
صوته عالحكم رعد.... سفير
للحرب صقيل هذا بن عقيل
......
ثبت وجودك وارسم حدودك
انت الأسد وبن الأسد
حيدر علي بمعناك مسلم
وجه الحقيقه يلمع بريقه
قلعة مصر بالبهنسا
داحر حصنها هناك مسلم
ليث الفتوح جفك يلوح يرمي الزلم فوك السطوح
والنهروان بصفينه جان
وحرب الجمل موقف جموح
موقف الي خلدك تبني ثوره وحدك سفير
اعلى من كل قصر. موقفك منتصر سفير
بالقدر جليل هذا بن عقيل
.....
اطلق نذيرك وارسم اثيرك
شيد قصر من الجثث
وانزل رعيد السيف بيهم
اطفي سماهم وهدر دماهم
فوج الدمه بذاك الفرس
وابحر سفينه كيف بيهم
صلوا وراك عرفوا هواك
للتضحيه ناذر دماك
انت العنيد بهز الحديد
مثل الصكر بيهم تصيد
وكفتك مثل جبل لجدمك الخصم نزل. سفير
هذا واقع النصر تعله ينزل القصر سفير
بالحرب ثكيل هذا بن عقيل
...
كلبك يمامه وسيفك قيامه
عاصف تطب وكت الحرب
بس بسلم لاتختلف عينك
روحك رحيمه بس الهضيمه
ماثمنك جف الغدر
وانت الذهب من تنوصف عينك
هذا الجزاء بعد الوفاء
منقذ تجي وترجع دماء
ياكبرياء وجه السماء
عمك علي وترمه بفناء
هذا واقع الزمن غربة من بعد فتن سفير
رحمة ماكو بلكلب سيد اهله يغترب سفير
ماكو من سبيل هذا بن عقيل
....
دمك رساله وصوتك عداله
رافض ظلم ضد الحكم
وعلن على الظلام ثوره
اترك جوادك امشي بسوادك
ليلك بده وعين العده
تترصدك متنام ثوره
ياطوعه وين للطف تجين
وروي ضمه جبد الحسين
بوكت المحال لحتي الخيال
يالموقفج موقف رجال
مسلم ارتوه العذب لموته ينتظر يهب سفير
طوعه كرمة الكرم لاحت اعله من علم سفير
واليرد جميل هذا بن عقيل
.....
وجه سلامك بعثه الامامك
اخر نفس من ينحبس
يبدي الغياب وياك يحدي
من تهوه روحك تطيح بجروحك
من تنسحب من كل درب
يبدي الحنين وياك يحدي
تتمنه كون ضعن المنون
لطف كربلا لا مايجون
ياهو اليجود من هالوجود
يمضي لحسين ويكله عود
ارجع انطي أي عذر خوفي تخسر الكمر سفير
خوفي انا من سبي خيمه تحرك وعبي سفير
لوردت مقيل هذا بن عقيل
....
الشاعر علي السعيدي
/channel/alialsebe
0782 453 3269
مسلم ابن عقيل عليه السلام
......
بيانك الذي صدر
امية صاحت الخطر.... سفير
الكوفه طبها يااسد
صوته عالحكم رعد.... سفير
للحرب صقيل هذا بن عقيل
......
ثبت وجودك وارسم حدودك
انت الأسد وبن الأسد
حيدر علي بمعناك مسلم
وجه الحقيقه يلمع بريقه
قلعة مصر بالبهنسا
داحر حصنها هناك مسلم
ليث الفتوح جفك يلوح
يرمي الزلم فوك السطوح
والنهروان بصفينه جان
وحرب الجمل موقف جموح
موقف الي خلدك تبني ثوره وحدك سفير
اعلى من كل قصر. موقفك منتصر سفير
بالقدر جليل هذا بن عقيل
.....
اطلق نذيرك وارسم اثيرك
شيد قصر من الجثث
وانزل رعيد السيف بيهم
اطفي سماهم وهدر دماهم
فوج الدمه بذاك الفرس
وابحر سفينه كيف بيهم
صلوا وراك عرفوا هواك
للتضحيه ناذر دماك
انت العنيد بهز الحديد
مثل الصكر بيهم تصيد
وكفتك مثل جبل لجدمك الخصم نزل. سفير
هذا واقع النصر تعله ينزل القصر سفير
للهدى سليل هذا بن عقيل
...
كلبك يمامه وسيفك قيامه
عاصف تطب وكت الحرب
بس بسلم لاتختلف عينك
روحك رحيمه بس الهضيمه
ماثمنك جف الغدر
وانت الذهب من تنوصف عينك
هذا الجزاء بعد الوفاء
منقذ تجي وترجع دماء
ياكبرياء وجه السماء
عمك علي وترمه بفناء
هذا واقع الزمن غربة من بعد فتن سفير
رحمة ماكو بلكلب سيد اهله يغترب سفير
ماكو من سبيل هذا بن عقيل
....
دمك رساله وصوتك عداله
رافض ظلم ضد الحكم
وعلن على الظلام ثوره
اترك جوادك امشي بسوادك
ليلك بده وعين العده
تترصدك متنام ثوره
ياطوعه وين للطف تجين
وروي ضمه جبد الحسين
بوكت المحال لحتي الخيال
يالموقفج موقف رجال
مسلم ارتوه العذب لموته ينتظر يهب سفير
طوعه كرمة الكرم لاحت اعله من علم سفير
واليرد جميل هذا بن عقيل
.....
وجه سلامك بعثه الامامك
اخر نفس من ينحبس
يبدي الغياب وياك يحدي
من تهوه روحك تطيح بجروحك
من تنسحب من كل درب
يبدي الحنين وياك يحدي
تتمنه كون ضعن المنون
لطف كربلا لا مايجون
ياهو اليجود من هالوجود
يمضي لحسين ويكله عود
ارجع انطي أي عذر خوفي تخسر الكمر سفير
خوفي انا من سبي خيمه تحرك وعبي سفير
لوردت مقيل هذا بن عقيل
....
الشاعر علي السعيدي
/channel/alialsebe
https://m.facebook.com/story.php?story_fbid=3935154909944509&id=100003501174193
Читать полностью…
صعد فوك المهر ويخطن جدامه
واكف والرجال اطيح كدامه
عباس الماثنه بسيفه
ملك الموت وكله بكيفه
.........
واكف عالشريعه يسولف العباس
شال النهر بيده وطبك راس براس
من يخطف بسيفه يخطف الانفاس
وبطوله الوادم محتاره
ياعمي العطش كالته بت حسين
جابلها الفرات وحطه بالجفين
مايسوه الفرات دموعج وتبجين
لوغيمه اعصرلج لوعيني
اليدك صدره المواقفه عنده مكضيه
الراس الحار من تندبه علويه
يدوس أعلى الشوارب من يمد فيه
بسلاله الروس يعبيها
جنت تكضي الحوائج وانت برض الطف
ماهمك جمع عدوانك المصطف
من تخزر بشر يم نظرتك ينشف
والماي اجره من جروفه
.....
مد ايده وبراد الماي مس نبضه
واباله العطش لوجايله يرفضه
جان حسين تارس باله كل لحضه
بالجنه ومايشرب كبله
اله رايه وتطخ بالغيم من تنشال
تسد عين الشمس لوشالها الكفال
وتخضر فياي اعله الضعن من شال
وزينب بعيونه مخليها
عباس وجربته بكلشي متروسه
المواقف عالفرات هناك ملموسه
عباس الحجي الماعاجيه يدوسه
عباس اليفرض بالحومه
مارديت حتى السهم من عينك
كريم وعالنهر خليت جفينك
خاف خلاف ظهرك يعطش حسينك
كضيت الماي اوصيته
......
الشاعر علي السعيدي
/channel/alialsebe
هلال محرم
.......
ياحبيبي ياصاحب الزمان
..........
يا أول وأخر جرح كلبي بغيابك ينذبح
يالفركتك أكبر جرح هل شهر الحسين
خليني أشعلك شمع وكعد واعينك بالدمع
نمر بحزنه اعله الضلع ونطفي الجمرتين
يمر بينه شوكت طيفك
ومنو العنك انشدنه
بده محرم شهر حزنك
ومنو يعينك على الونه
شيصير بحالك وحسين ابالك
وتعيش الحظه وتشوفه كبالك
ياحبيبي ياصاحب الزمان
.......
يامجلس اتعنه واصل حتى انا وياك اتصل
جرح المشاعر مكتمل يامهدي الاحزان
وآنه ادري حالك واعترف لوطب محرم تختلف
عيونك يجد بيهن نزف وتهيج الاشجان
تظل عينك على حسينك
وتجر حسره على عماتك
وصيحك سيدي وينك
شتجاوب وانت باهاتك
من حضر مجلس بالآخر تجلس
من تجزع بالون محد بيك يحس
يا حبيبي يا صاحب الزمان
..............
شيصير من تمشي بدرب بين المواكب من تطب
تسمع بعمتك تنضرب راحت سبيه
وبثاني موكب تستمع الجيش اعله جدك مجتمع
وبالثالث تحس منصرع وصرخة رقيه
تسمع جثة الأكبر
عليه سيوف مجتمعه
وتسمع زفة القاسم
حنة نعجنت بدمعة
وعن راعي الراية طايح يم مايه
وتلك بصف جوده مكتوبة حجاية
ياحبيبي ياصاحب الزمان
............
وباب كل موكب وعد زغير بس جرحه نفرد
ماعاينت شفت المهد عبدالله شوفه
خالي ويهز بيه الهوه عطشان ظل وماروه
الموت من عمره شحوه يشير بجفوفه
التشابه التمر بيها
يجسدلك سبي آلك
العليل بسلسلة اتشوفه
ألم كل خطوه خلالك
وتصد عالنسوه لأمااضن تكوه
وبنار الخيمه جفك يتجوه
ياحبيبي ياصاحب الزمان
............
الله يعينك عالوكت طول الوكت جفنك يكت
عن الظهور تاخرت ماعندك انصار
وحدك تعاني بغربتك ياحسرتك ياوحدتك
اعله الله شثكلها دمعتك يا صاحب الثار
تعرف كل نوايه الناس
شني الباطن شنو الظاهر
إذا تظهر يعادونك
ومثل جدك تظل حاير
البدعوه يذكرك موعجبه ينكرك
باجر يتجسر يطعنك من ظهرك
ياحبيبي ياصاحب الزمان
..............
@alialsebe
الشاعر علي السعيدي
0782 453 3269
.....
عبدالله الرضيع
.....
ابني يالولد ابني
شمسك تختفي بحضني
عبدالله نكطع ضني
ابني ابني
....
عبدالله يبني يالطفل ياحلم روحي الغالي
مهدك بهز بيه الهو ما ادري مهدك خالي
ابالي كلشي بكربله موتك ولا مر بالي
ناغالك الموت ورحت ماجلبت بذيالي
....
نوحي للابد نوحي
لجلك يابعد روحي
مايخلص الك وني
ابني ابني
......
شذنبك ييمه وتنذبح والنبله تنزع روحك
انت الورد من تنجرح ينزل نده من جروحك
ياقوس هذا الصوبك بجفوف ابوك يلوحك
مثل الحمامه رامحت ماسمع واحد نوحك
....
دمعي عالوجن دمعي
بعدك يختلف وضعي
بعدك ماضحك سني
ابني ابني
.....
بجفوف ابوك من رجعت رد حاملك يتعثر
كل ضني جابك مرتوي وتضحكلي جنت اتصور
فرحانه اجيبك الخيم مونبله فوك المنحر
يازغر اولاد السبط عمرك بعمر الكوثر
....
ردلي يالولد ردلي
بعيونك علي صدلي
ظهري من الهظم محني
ابني ابني
......
ابالي تخلص كربله ونرجع سوه من الرحله
تكبر مثل كل الولد وبعيني اكثر تحله
ياغله من كل. العمر ياهو المنك اغله
لولتلك النبله ونمت نبرتها خشنه النبله
ابجي والتفت ابجي
وي الموت اريد احجي
هاليوم الدمع فني
ابني ابني
.....
يامهجتي وماي النظر لمهدك الولي شبيه
عبدالله وحجيلك نعي وادري انت مالك جيه
زينب بجتلك يالطفل يقهر بجي العلويه
امك انه وباجر اضن امشي مشي المسبيه
خيمه تحترك خيمه
يراويني السبي ضيمه
اتركك مدري تتركني
ابني ابني
.....
الشاعر علي السعيدي
/channel/alialsebe
0782 453 3269
عبدالله الرضيع ....ع
زغير ..وبلا هله النبله تفوت
زغير ...مايعرف شلون يموت
زغير... كاروكه صار التابوت
....
النبله مثلك هم زغيره مارادت اهيه تاذيك
بس رموها وخافت اطيح نيتها بس تلزم بيك
شمت عطر نحرك غفت معذوره
ماشافت اليعطش يبن نوره
أول طفل ميت بهاي الصوره
رضيع مالحگ يمرله الطيف
رضيع من يرتوي يبرد الصيف
رضيع راح الرمح بي زاتوت
.......
جنه نسمه فراگه خنگه وين العطش رايح بيه
ماكو دمعه وتحجي عنه من المنيه تأذيه
نام الطفل ماي وعطش يحجوله
يبجي ويسكتونه بسهم معقوله
آآآ يا دللو يالولد يقروله
سلام لمن رجع بيد حسين
سلام ولعمته مشبوحه العين
سلامشفت الحزن بي منحوت
.......
سولفتلي عطش كلبك بس مو سوالف نظرات
خوفي تمشي وتالي اسمع بنبله الطفل صاحوا مات
وي العطش صار السهم جتاله
لوغير الحسين بهذيج الحاله
جا مات مالحك يرد لعياله
يموت بالطف محمد لوجان
يموت عبدالله لوبس عطشان
يموت بالكلب ماتبقه بتوت
.......
جرح مهدك هو هجرك شنحطله مهدك ويطيب
وانت جيتك مستحيله والمثلك منين نجيب
هو المهد غيرك طفل يحلاله
هزه الهو خالي ورقيه گباله
ركضت تناغيله وبجت لهواله
غياب راح الطفل زينب راح
غياب وسط الخيم ديره صياح
غياب هذا الجرح مامنعوت
........
حضن التراب رحمه مابي متحرك احساسه اطفال
وانا امك خوفي عليك ارفض لجمتك عالبال
يمه اكعد وحاجي البجت بالهيمه
لوادري موتك مانصبت الخيمه
طف العطش سير عليه بضيمه
تنام حضن امك يضل بردان
تنام ميت عطش يم نهران
تنام بيتي نهدم يالمبخوت
......
الشاعر علي السعيدي
@alialsebe
0782 453 3269
اذا رقيه سألت باي ذنب .سلبت
تيتمت تاسرت اقراطها قد نهبت
رقياه رقياه
.....
من يجي العباس عمها بالقيامه
ينظر ويفكد رقيه و اليتامه
يدور ومايلكه الها كل علامه
من بعيد يشوف طفله مدنكه هامه
خايفه وتخنكها عبرات البواجي
تستحي من حسين مبيوكه التراجي
ناداها عباس بكت على القيام عجزت
تعذرت تكلمت بين الدخان قد سعت
.....
الها مد ايده الكمر ويكلها يمي
ياهو ماخذهن تراجيج يعمي
تكله من جدمي حترك تيته اسمي
منين ماروح السياط تلوح جسمي
البتر خنصر من ابوي وجان طامع
لوبدي اسوار جالجفوفي كاطع
اطنابها توجرت وتلك صرخات علت
تالمت تلوعت اقدامها تورمت
........
تكله الكثر شي هظمني والذبحني
فوك كل هذا الشمر واكف يسبني
وعرفت ماترجع انته ومتت جني
لان ياهو الي يجي منهم ضربني
جان مايكدر بشر ينظر للخيام
هسه حركوها الخيم وعيونك تمام
اكفك قد ودعت لما لها روحي سعت
تروعت تلوعت عماهُ يا عما بكت
........
يقيم عباس الحشر بس اعلى ميه
والقيامه تقوم عالبجو رقيه
يصيح يارب العرش ذولي اليه
اليوم اسبيهم لجل ازغر سبيه
اليوم يجويها جهنم صب عذابي
اليوم كل الكون صيمت يم خطابي
عيني لهم اذ نظرت جلودهم قدنزعت
تقطعت تمزقت بالسيف يتلو فصلت
.......
الشمس والمي والحبل والنار والنوك
كلها توكف تعتذر للجفها محروك
والعذر يم الكمر بجدامه مسحوك
يووكفن يوم القيامه وكفة السوك
المارحم بالطف رقيه شلون ارحمه
راسه اكصه و برمح الها اقدمه
عهدا اليها قطعه كل له ماقد سع
تسيدت تشهدت بعرشها تربعت
....
الشاعر علي السعيدي
/channel/alialsebe
اذا رقيه سألت باي ذنب .سلبت
تيتمت تاسرت اقراطها قد نهبت
رقياه رقياه
.....
من يجي العباس عمها ويعتني بيوم القيامه
ينظر ويفكد رقيه ماكو من بين اليتامه
يدور ومايلكه الها بساحة المحشر علامه
من بعيد يشوف طفله للارض محنيه هامه
خايفه وتخنكها عبرات البواجي
تستحي من حسين مبيوكه التراجي
ناداها عباس بكت على القيام عجزت
تعذرت تكلمت بين الدخان قد سعت
.....
الها مد ايده الكمر ويكلها يمي
ياهو ماخذهن تراجيج يعمي
تكله من جدمي حترك تيته اسمي
منين ماروح السياط تلوح جسمي
البتر خنصر من ابوي وجان طامع
لوبدي اسوار جالجفوفي كاطع
اطنابها توجرت وتلك صرخات علت
تالمت تلوعت اقدامها تورمت
........
تكله الكثر شي هظمني والذبحني
فوك كل هذا الشمر واكف يسبني
وعرفت ماترجع انته ومتت جني
لان ياهو الي يجي منهم ضربني
جان مايكدر بشر ينظر للخيام
هسه حركوها الخيم وعيونك تمام
اكفك قد ودعت لما لها روحي سعت
تروعت تلوعت عماهُ يا عما بكت
........
يقيم عباس الحشر بس اعلى ميه
والقيامه تقوم عالبجو رقيه
يصيح يارب العرش ذولي اليه
اليوم اسبيهم لجل ازغر سبيه
اليوم يجويها جهنم صب عذابي
اليوم كل الكون صيمت يم خطابي
عيني لهم اذ نظرت جلودهم قدنزعت
تقطعت تمزقت بالسيف يتلو فصلت
.......
الشمس والمي والحبل والنار والنوك
كلها توكف تعتذر للجفها محروك
والعذر يم الكمر بجدامه مسحوك
يووكفن يوم القيامه وكفة السوك
المارحم بالطف رقيه شلون ارحمه
راسه اكصه و برمح الها اقدمه
عهدا اليها قطعه كل له ماقد سع
تسيدت تشهدت بعرشها تربعت
....
الشاعر علي السعيدي
/channel/alialsebe
محرم
.......
يااول جرح بالروح الك باب الكلب مفتوح
تعال انشر سوادك نزل الدمعه
على حسين ومصابه الدنيا مجتمعه
محرم يامحرم
......
محرم يانبي احزاني أوحي اللهامي وسفر روحي
محرم عالمي الثاني وبجي ايامي وبحر نوحي
محرم يذبح احساسي ودفو انفاسي وسمه جروحي
بكل مجلس اعيش الدور
مره اعله النهر مغدور
مره ابجي وعزي الناس
مره الخنصر المبتور
محرم عندي عالم غير
يرف كلبي رفيف الطير
البشر تتغير اخلاقه وبعد طبعه
على حسين ومصابه الدنيا مجتمعه
محرم يامحرم
.....
محرم يرسم مصابي وعلى عتابي. يخط اسمه
محرم ياهله بجيته وهله بونته وهله بهمه
محرم مذبح الاعظم ونبي الاكرم يجي بدمه
يرسملي العطش والخوف
وزينب عالجسوم اطوف
وتلكه الرايه مطروحه
وعلى الشاطي تصد جفوف
اهيئه روحي للجمات
وخط بكل شبر اهات
وعلى أصوات المجالس اعقد المسعه
على حسين ومصابه الدنيا مجتمعه
......
محرم ذاك بالحافر صدر طاهر نزيفه يسيل
محرم انظر ثيابه لعد بابه تجره الخيل
محرم خنصره الضايع حلم راجع يكعد اليل
بدال المنحر المكطوع
كلبي أعلى الرمح مرفوع
يسكت من يشوف السوط
يمه أعلى المتن مطبوع
الخيمه من تمرها النار
تجلب أعلى الستر انظار
يم سكتت جويهن ترخص الشمعه
.......
محرم عالنهر غالي اخذ بالي ولاشفته
محرم من عطش كلبه غرف شربه وحبس شفته
محرم هايه جفينه وسهم عينه ويدور اخته
الكفيل عليها جان يخاف
هسه وياجرح ينراف
تنسب هسه ياعباس
وكفت للسبي وتنشاف
عينك يالحنين اتنام
وختك تمشي درب الشام
تعاتب ياهو من عدهم منو تودعه
وعلى حسين ومصابه الدنيا مجتمعه
......
محرم دم التحرم على الوادم بلا حرمه
محرم جم جرح نازف طفل خايف بلا رحمه
محرم صرخة ايامي بكلب ضامي العطش يمه
الطايح ماترحمه الناس
بحوافر كل خصم ينداس
وشكبر الجرح بحسين
فاكد خوة العباس
واليفكد أخو معذور
مدري براسه شنهو يدور
اليمشي اعله النهر يعرف بلارجعه
على حسين ومصابه الدنيا منفجعه
.......
الشاعر علي السعيدي
/channel/alialsebe
