راح سار الضعن عاف الوطن ودعني ودعته
راح وانا ركضت خطوة وطحت لوبيدي رجعته
عاف بنته الغالي
وطاح عمري كبالي
.....
ساكته وموكل وجع رايد حجي
والصور وكت المواقف تنبجي
واليناطر عالصبر بس ينتجي
الذكرى اكثر من رمح تاذيها
ودعوني.... كالو ايام ونرد
وانا ادري.... حلم عيني يبتعد
بعد صحره .... ويذبل بروحي الورد
تربي عيني..... وعالدرب ظليت اصد
....
كلمة الظلي اشد من علتي
يعني موتي وحدج ياطفلتي
ياوطن باجر يلمم غربتي
والعزيزه بظهرك تخليها
كتلي رجعي... والام ضعفينه صار
اه يجرحي... يذبح بروحي الخضار
هاي سفره... بية يذبح الانتظار
يطفي شمعي...وانا ماتطفالي نار
....
يمته نتلاكه بعد لوبالحلم
جنت يوميه بهو انفاسك اشم
اكتم ابوني الدمع ماينكتم
راح اتاني.... واكضي عمري مناطره
ادري صعبه... بس اكول مكابره
ها يموتي.... لا تكول محيره
روحي اخذها.... تلمني بيهم الاخره
.....
....
العايف عزازه السفر مايجرعه
يمشي والخطوات حتما توجعه
يادمع ياصرخه كلي ترجعه
المختنك فركه الم يلكاها
ردو اليه... طفلة مكسورة كلب
يالمشيتوا...وين دلوني الدرب
لشتايكي.... كلمه ظلت تنكتب
طفلة ماتت... بدارها وعاشت غرب
....
الشاعر علي السعيدي
صوت الشعائر
....
هذا الحسين وهذا عاشور
احيي الشعيره بلطم الصدور
انشرله رايات واجريله عبرات
أعلن حزن.... والبس سواد ثيابك
وقيم العزه ....وهيج شعور مصابك
وذرف دمع .... وللخدمه افتح بابك
وزع الماي ضمه هواي اذكره
بشفت الحسين الك دين تكطره
اذكر بناته وجمر الخيام
وذكر عرس طشوله الاسهام
وطفيله جمرات وجريله دعبرات
......
حيى على .. ذاك الجرح وحزانه
وصلي اله ... وذكر عطش رضعانه
طف كربله ... دم مو دمع بجانه
جمرة احساس بالاتفاس لهبها
دمعة العين للحسين تصبها
لمن تهز رايتك السود
تلكه بعزاءه المهدي موجود
ارفعله الاصوات وجريله عبرات
....
مصحف عشگ ... تنزيله يوم العاشر
بالطف وكع ..وداس أعلى صدره الحافر
وايات اله ...ذبلن عطشهن حاضر
هاي الاهات شعارات مداها
تطلب الثار على النار صداها
هاي الجراح تريد تعجيل
مالها غير المهدي تبديل
احنيله هامات واجريله عبرات
..
....
حب مختلف .... مو واحد يحب واحد
شوگ ونزف ... شفت الجرح متواعد
دگ الصدر...شمر الحزن بي كاعد
ملتقى ارواح والجراح ترسمك
توزعك الخيل ولاحيل يلمك
يطشنه الوكت لهناك وهناك
ويرد يلمنه حسين طرواك
وبمصابك انبات واجريله عبرات
...
الشاعر علي السعيدي
علي الأكبر
....
راح راح ... يازينب ادعيله
راح راح .... عگدي لعلي الشيله
ودعت حناني
ابني مااجاني
...
انطه ظهره صعد مهره
ومن مشه بكل خطوه اشمر دمع الوداع
گلبي عفته وچفي شلته
عيوني تظر للسمه بس گلبي ع الگاع
لملمت عمرك ندى وجمعت طولك
وچنت اخاف من الردى ياعلي ينولك
هسه كاتلني الصدى بحافر خيولك
نار نار مثل الخيم روحي
نار نار. متوسمه جروحي
ياجرح زماني
ابني مااجاني
.....
لو عفتني. وفاركتني
شلون اشم بعدك هو يالمالي ريتي
ابموتي ارضه وادري عرضه
لوكلتلك يبني ارجع خالي بيتي
علي الأكبر ياصبح واول احساسي
ساعة اوداعك رمح ماخذ انفاسي
عليك مايحله الجرح يادفو احساسي
لاح لاح چف الاجل عمري
لاح لاح. موج الهظم صدري
بحسرتي اعاني
ابني مااجاني
...
يبني اخبرك تدري هجرك
تذبل أحلامي التعيش بفي وجودك
وهذا مرك هوه قدرك
ساعه والدم ورمل يترس خدودك
شلت چفي واندعي مكسوره خاطر
ربي رجعلي علي تحيطه العساكر
الراح ابنها تنچوي بنار المشاعر
موت موت من كل كتر واكف
موت موت وادري انت ماخايف
بلهفتي اتاني
ابني مااجاني
...
المن احچي وانا ابچي
الوين هاي هواي مطروحه أعلى الحسين
وكلها تسال لوامر احل
بوجه الحسين السؤال يشيل سيفين
حسين يم باب الخيم وبوجهه نقره
لمن يودع عزيز ابمشيه عثره
يطيح عباس ويحط ايده اعلى ظهره
ليل ليل مايرحم الفاكد
ليل ليل يتهيج الراكد
والحزن لفاني
ابني مااجاني
...
هواي حيره. والچبيره
حسين لو مازينب اتلحگه ابرزيتك
شاف دمك. طاح يمك
چا منيت حسين صارت وي منيتك
الموقف يطيح الجبل وحسين صامد
الطور يتحول سهل لو فواكه صاعد
كم ملك بالطف نزل من شافه واحد
صاح صاح يبني علي الغالي
صاح صاح يبني ارحم ابجالي
ياسهم رماني
ابني مااجاني
...
الشاعر علي السعيدي
...
/channel/alialsebe
ميلاد الامام الحسن
....
المايعرفه خل يعرفه بساعة الميلاد
هوه ياهو وشنهو اسمه بسيرة الاسياد
الحسن ياامامي
.......
اسالك بالله من هو الحسن
هو ريحانة محمد
هذا مثل الماكو احد
هذا من الفكره ابعد
اسالك بالله اكثر وصفه
بمولده جبريل بشر
تذكر اسمه الخير يكثر
من يدوس الكاع تخضر
تدري أمه فاطمه
اوالده حامي الحمه
وجده ربه كرمه
وللعصمه ثاني
أنا خايف احجي بيه
وانحسد خايف عليه
امنيتي اقبل چف اديه
وابدي التهاني
بهذا وصفي ماانصفتك واعتذر مولاي
شكد عرفتك ماعرفتك ياشمس وفياي
الحسن ياامامي
.....
اسالك بالله شنهو البي عذب
هذا واقع في صفاته
العسل بالطاري حلاته
والكرم من معجزاته
اسالك بالله حبيته شكث
اكثر من الروح احبه
واكثر من امي اندبه
اشعر بدكلت كلبه
وصفي ضاع بعالمه
لاارض تكفي وسمه
شحجي وامه فاطمه
العالي قدرها
لو مدادي من بحر
شعري يم وصفه كصر
الله بي ذاكر سور
واضح اثرها
مصحف الحب بي ترتب وحيه والايات
بابه مارد من احد عايش ومن مات
الحسن ياامامي
......
اسالك بالله وشتعرف بعد
شلون اوصفه والله حاير
يم محيطه نقطه صاير
بروحي اله گبه ومناير
وانت عنه گلي شنهو الحافظه
سيرته محد حواها
وشمسه ماينحد ضواها
الحسن كل روحي خذاها
جفه شلال الكرم
مايرد واحد قسم
نعشه مارد السهم
باب المحاسن
بعطره يشتم الورد
والندى بي يتحد
والعشك بي ينفرد
بدلالي ساكن
ذكره جنه وعقلي جنه والوعي يزداد
واليضيفه يلاكي طيفه اليكرم الوفاد
الحسن ياامامي
......
اسالك بالله احجي أعلى الكرم
الحسن من يتعنه ضيفه
تصبح الدنيا مضيفه
وتشبع الكاع برخيفه
رايد اسمع بعد احجي بسيرته
بعمره ماجرحله نسمه
الله عاجن طينه رحمه
ينعشك من اذكر اسمه
خلقه اعجاز واضن
منه مخلوق الحسن
بحره متحيره السفن
يهديها حبه
من تهيج امواجه خير
بالطمأنينه تصير
جامع زغير وجبير
جامعنها كلبه
ومن تكلي انت مثلي نملك التقصير
اية كبرى والله ادره بأية التطهير
الحسن ياامامي
......
لاتجي
........
ليش اعجل ورتجي انا اكلك لاتجي
وضعي اختصره بسطور
انا موكد الظهور
.....
كون الي يكلك تعال بكلبه الف نار
تجوي كلماته ويصب دمعه انتظار
وكون من اتكله موت يكول الك صار
مايخلي بجيتك ميت اعتذار
خوفي تظهر وانفتن وبايدي خايف تنطعن
وتنغدر بين الحضور
أنا موكد الظهور
.....
ياقريب شكد عليك أنا بعيد
انا اضحك وانت صاير طف جديد
شلون اريدك وانا مااحسك وحيد
وللمكاسب تاجرت بسم الشهيد
انا مامهتم صدگ حتى عالمهدي احترگ
بروحي ظلمه وماكو نور
اناموكد الظهور
.....
شعندي اليبيض وجه حتى اتجه بيه
وانايومه والفرج ماجنت اتانيه
منشغل عن الظهور وناسي طاريها
خاف باجر انكر المهدي من الاگيه
أنا ماعايش امل حتى اندبك بالعجل
قسوتي تفت الصخور
اناموكد الظهور
.....
بين اهواية وكلامي شكد خلافات
احچي يم الناس بيك بكل الوقات
وبالخفايه افعالي اقبح من الاثبات
ماحسبت اذنوبي واحسبلك علامات
باجر تودي عليّ وانا اكلك ماعليّ
باجر بوحدك تثور
اناموكد الظهور
....
باجر اعذاري تاخرني واعوفك
ادك عليه الباب وتجاهل ظروفك
بعذر عندي عيال وتحاشه سيوفك
مثل الحسين بغرب حاير اشوفك
من الثلث مية اضن ماكو واحد بالزمن
ماكو ناصر بالدهور
اناموكد الظهور
....
الشاعر علي السعيدي
/channel/alialsebe
علي الأكبر
....
راح راح ... يازينب ادعيله
راح راح .... عگدي لعلي الشيله
ودعت حناني
ابني مااجاني
...
انطه ظهره صعد مهره
ومن مشه بكل خطوه اشمر دمع الوداع
گلبي عفته وچفي شلته
عيوني تظر للسمه بس گلبي ع الگاع
لملمت عمرك ندى وجمعت طولك
وچنت اخاف من الردى ياعلي ينولك
هسه كاتلني الصدى بحافر خيولك
نار نار مثل الخيم روحي
نار نار. متوسمه جروحي
ياجرح زماني
ابني مااجاني
.....
لو عفتني. وفاركتني
شلون اشم بعدك هو يالمالي ريتي
ابموتي ارضه وادري عرضه
لوكلتلك يبني ارجع خالي بيتي
علي الأكبر ياصبح واول احساسي
ساعة اوداعك رمح ماخذ انفاسي
عليك مايحله الجرح يادفو احساسي
لاح لاح چف الاجل عمري
لاح لاح. موج الهظم صدري
بحسرتي اعاني
ابني مااجاني
...
يبني اخبرك تدري هجرك
تذبل أحلامي التعيش بفي وجودك
وهذا مرك هوه قدرك
ساعه والدم ورمل يترس خدودك
شلت چفي واندعي مكسوره خاطر
ربي رجعلي علي تحيطه العساكر
الراح ابنها تنچوي بنار المشاعر
موت موت من كل كتر واكف
موت موت وادري انت ماخايف
بلهفتي اتاني
ابني مااجاني
...
المن احچي وانا ابچي
الوين هاي هواي مطروحه أعلى الحسين
وكلها تسال لوامر احل
بوجه الحسين السؤال يشيل سيفين
حسين يم باب الخيم وبوجهه نقره
لمن يودع عزيز ابمشيه عثره
يطيح عباس ويحط ايده اعلى ظهره
ليل ليل مايرحم الفاكد
ليل ليل يتهيج الراكد
والحزن لفاني
ابني مااجاني
...
هواي حيره. والچبيره
حسين لو مازينب اتلحگه ابرزيتك
شاف دمك. طاح يمك
چا منيت حسين صارت وي منيتك
الموقف يطيح الجبل وحسين صامد
الطور يتحول سهل لو فواكه صاعد
كم ملك بالطف نزل من شافه واحد
صاح صاح يبني علي الغالي
صاح صاح يبني ارحم ابجالي
ياسهم رماني
ابني مااجاني
...
الشاعر علي السعيدي
...
/channel/alialsebe
مولاتي العليله..عليها السلام
.....
رايحين ... وماخذوني وياهم
رايحين. ... وانتظر ملكاهم
واعدوني ترد عليه ضعونهم
تأخروا ياروحي هسه شلونهم
......
من الطبيعي العنده عله تبقه امنيته الشفاء
وانا امنيتي اموت ولايخلوني بجفاء
راحو وچنهم كواكب گمر ونجوم وضياء
من مشوا طحت اعله وجهي چني طحت من السماء
عايشين ... لو الأجل وافاهم
عايشين ... علي كون وياهم
عيوني مشتاگه تشوف عيونهم
تأخروا ياروحي هسه شلونهم
.....
راحوا اوخلوني حسره برية الساحگته خيل
هذا حالي من جفوني بروحي ادور ماكو حيل
من كثر حزني وسواد گمت اشر عالشمس ليل
وابچي لطيور التهاجر يجرح احساسي الرحيل
نازلين ... لو بعيده اديارهم
نازلين ... لو مشوا لاقدارهم
اورود اخوتي وخايفه يذبلونهم
تأخروا ياروحي هسه شلونهم
......
سافروا والعرضه تنذم چا وگفت گبالهم
روحي جوه النوگ اذبها واعرض الترحالهم
عالهجر ماعودوني حزني ما اوحالهم
خاف توصلني المنيه ومايرد مرسالهم
ذاكرين ... لونسوا ميعادهم
ذاكرين ... لورضوا ببعادهم
خاف اموت وماتمرني متونهم
تأخروا ياروحي هسه شلونهم
.....
اليل لو اسدل ظلامه تشيه عيني اعلى السمه
والنجم يرسملي صوره للجروح القادمه
اومعنى كل شهب اليمرني طاح واحد من ضمه
اولوشفت نجمه غريبه يعني زينب هايمه
عايفين ... كلشي لجل الباري
عايفين ... جسومهم للذاري
بالحوافر خايفه يسحگونهم
تأخروا ياروحي هسه شلونهم
......
مستحلي اگدر اصلهم وادري لا ميعاودون
بس ردت واخبار عنهم وعني خل يطمنون
انا موذيچ العليله المترفه وصوتي الحنون
انا ذكرى من جفاهم بوجهي تقره مايجوني
كاتبين كلمه بين عيوني
كاتبين ياهلي تعذروني
الودعوني ماكو اليودعونهم
تأخروا ياروحي هسه شلونهم
.....
الشاعر علي السعيدي
مستهل
للسيد زينب
اوگف لاتنزلها لدفنها
زينب ليش مايطبگ جفنها
دموعها لياصوب شوف تلالي
متانيه من الطف يجيها الغالي
سيدتي ومولاتي
زينب عليها السلام
.......
زينب الصبر هلمي
امكي ام انت امي
فتعالى الشوق وحتده اللقاء
كربلاء والضلع معقود واللواء
.................................................
والله ياموت شكثر حاولت الگاك
جنت واضح بالطفوف بموقفك ذاك
شكدصحت بالطف عليك الصوت ماجاك
جم مره اموت وروحي ترد
بكثر الخيول السحكت ورد
بطفالي سولف حافر هظم
بكد مادخل للشامت برد
رغربه شلون اغمض عين
روحي تريد يم حسين
........................
انا ميته من گبل بس بيه انفاس
والتشيعه جروحه مايحتاج للناس
جنت راية وعالنهر رافعني عباس
جنت باخوتي هيبة نبي
بس الهظمني درب السبي
بحساسي باقيي جمرة خيم
وچوية رقيه وحرگ العبي
درب الشام چان هواي
بس عباس راح وياي
.............................
موشرط الا السيوف بنحرك تفوت
بالسبي الحچي السمعته يوصل الموت
وضگت چم مره المنيه بغير تابوت
كل العشاير بالكوفه اجت
بكل وحده داعو وتكرمت
وانا اعله بالي يفزع كمر
بس العجيبه زينب بقت
ذاك اليوم اصعب يوم
جرحه بشب ظل مرسوم
.........................
طبت الديوان جانت جرح الخدور
هناك حسيت الحسين بسيف منحور
هناك حسيت الكمر بعيونه عاشور
من ادخلتهم وكفوا الي
نزلت زلمهم وانا عتلي
ماكدر يحجي منهم بشر
ضنو الداخل يمهم علي
براية وراس من طبيت
بس بيزيد ذل خليت
............
شكثر ياموت انتظرتك ذيچ الايام
بيه مامريت حتى بطيف الاحلام
ردت بالطف دفني يصبح شلي بالشام
بگبور اخوتي اتمنه اطب
ويغطي عيني طيب الترب
بس يم بناتي بالي يظل
خوله ورقيه يظلن غرب
غمضت عين وسبلت ايد
اخت حسين موت تريد
.........
السيده زينب والوداع
.....
بعد العشره فراك يصير
الحاير بيها اليوم تحير
فوگ الجمرة ادوس اجدامي
جرح الشام يغير ايامي
..........
سير جرحك وسط حساسي
بس طاحت للفركه عيون
يالذبيت جفوفك لختك
يمكن ذبت ون ومتون
ازعل وشرب دمعة عيني
حتى اطفالك ليزعلون
يالكافل اختك بطفوفك
اختك كفلت كل الكون
وشفت اسهامك جنها الامي
جرح الشام يغير ايامي
........
باجر يطلع شصعب باجر
جم جف اوساگ المحروگ
باجر يصرخ خصمك بينه
نطلبكم من بدر حگوك
ينسب حيدر تنسب امي
ونصعد هزل من النوگ
باجر نمشي وروس ويانه
ويوگفونه بنص السوگ
باجر اطلع من خيامي
جرح الشام يغير ايامي
.......
ماجنت اتوقع هالحاله
مرت بيه وصعبه هواي
عطشانين وصرعه وقتله
طاحوا كلهم يم الماي
ساعه اصرخ وينك يالكافل
ساعه تالم يادنياي
صح بالطف اخواني القله
بس جروح وياي هواي
ماتت فوك الماي احلامي
جرح الشام يغير ايامي
.......
اكتب قصتي بدم جروحك
واكتب جرحك بالدمعات
نحرك جبدك ذيج ضلوعك
وراسك فوك الرمح يبات
وخدري وخيمه اوعد الكافل
وطيف الخوه بفكدك مات
بذيج الساعه من احتاجك
عالماي اكتب طف لجمات
بحساسي اكتب جرحي الدامي
جرح الشام يغير ايامي
.....
الشاعر علي السعيدي
@alialsebe
العليله
.....
ياساعه وشلون ... . يمته تردون
عودو يغياب.... ماظلت عيون
...
ياكلمة ياصوت ادك باب الغياب
ويانسمه التجيب بيديها الاحباب
العافوني بالنار وبروحي عطاب
لومايردون راح ابقه ع الباب
مشتاك ياناس مخنوكة انفاس
عالفركه ياروح ماعشت شلون
.....
خطوات الوداع من تثكل اتبين
ترسمها الجراح بين الخطوتين
طبع اليغيبون تنساهم العين
بس تعمه العيون لوغاب الحسين
كتله الله وياك بس موتي بجفافك
كلشي الي راح من شفت الضعون
......
لو هالسفر جان مو واقع احلام
واكعد من النوم والكه اهلي نيام
وتفكد حسين والكه البدر تام
اليستاهل البوس لاينرمي اسهام
والراس المكطوع برمح الهم مرفوع
يجرحني هالحال دنيا من الاهوال
....
.....
مسبيات مسبيات بعد الخير مسبيات
.....
بت خدر وبت نبي تعناها الاجنبي
كلها تحضري لسبي بلبلدان
وعين اندارت قهر دلوني اعلى النهر
روحي مضيعه الكمر ياوليان
واعد مايتركني ... و دگ صدره الي
گلي وداعت عينج ... يالحره ادللي
سلبوني ومااجاني ....وگادو محملي
مسبيات مسبيات بينه يصير مسبيات
....
بعد العز والشيم ماظلت كل خيم
متحيره بهالحرم وابجي عيون
اتلفت بالشجن لا اخوه ولا وطن
ياهو يرد الضعن وبيه شلون
جرح الفركه بروحي راحت كل اخواني
كمر ونجمه وزفه وجم شمعه بصيواني
نار وركضه وصرخه وناري بطرف رداني
متحيرات متحيرات بالاطفال متحيرات
.....
ياسالفتي اوني ماي وطايح مني
طاح الموت بحضني بسهم اليل
الراحو كل اخوته ماتكمل وكفتها
محنيه بقامتها وسط الخيل
تكسر ظهر الناكه دمعات المتحيره
الكاسر روحي فراكه ليش الخيل اطشره
جم طفله المسحوكه هظمت كلب الزهره
علويات علويات بين الناس علويات
.....
الحساس الماعشته مجبوره تجرعته
والشامت رافكته لصوب الشام
درب الموت مشته جم ليث تخنخيته
متوزع خليته وكله اسهام
ايامي المامرت ماواحد عايشها
داست روحي وعبرت ومايكطع نازفها
لوعندك جف عباس اختك ماعايفها
يارجواي يارجواي وكت وداع يارجواي
....
الشاعر علي السعيدي
.
.الامام الصادق عليه السلام
.......
فقدناك بچيناك ياصدق القول وفعل خطابك
الوداع. والاوجاع ماتنحمل من يكتمل غيابك
............
يااول احساس الحزن لفراك العالم يحن ياهو اليصبره
بس الله أعلم بالجرح يالصادق افراكك رمح بس روسه عشره
بخدي نزل موج النظر لوابجي بعيون النهر ماتبقه كطره
ياسادس العصمه وقسم داخل مشاعرنه الالم وبنصها جمره
الفرح مات بالاهات عشنه الرزيه العايشه بعذابك
الوداع والاوجاع ماتنحمل من يكتمل غيابك
...
ذيج الجموع الملهمه من منبعك متعلمه ومرتويه حلمك
كل طالب يحدث علم والمصدر ايسدنه الاسم من يذكر اسمك
كل المدارس نابعه وحتى المذاهب الاربعه يرويها علمك
بروض الشرع فكرك غرس وجم عالم العندك درس ضواله نجمك
خبر خير بجنح طير برؤية عدوه وتشمت أعلى ابابك
الوداع والاوجاع ماتنحمل من يكتمل غيابك
......
وذاك الوضع ماغيرك. كلما رقيت لمنبرك
تقره المصيبه
تذكر محرم والجره وتبجي لضلوع مكسره وطفله ونحيبه
والنار البدارك عدم ماتوصل لحرك الخيم وحزن الغريبه
من ركضت شذكرت جم خطوه بيها تعثرت حاله عجيبه
وسط بيت وتجويت. بس مومثل غربتهم اغترابك
الوداع والاوجاع ماتنحمل من يكتمل غيابك
....
بروحك مصيبة كربلا فرض الدمع والنافله تأديه عينك
تقيم المجالس واللطم حسينك تذكره وتنهظم وتهد ونينك
بصدر المجالس ماتظل توكف على بابك امل تنثر حنينك
وتترقب عيونك مره تعرف بامك تحضره وتنادي وينك
تعزيك تواسيك تنحب تعيش بعالم انتحابك
الوداع والاوجاع ماتنحمل من يكتمل غيابك
....
الشاعر علي السعيدي
.....
كركيعان
مهدي الحيدري
نائل المياحي
مهند علي
﮼اشرف التميمي
كلمات الشاعر
علي السعيدي
توزيع موسيقي
فاضل الزيادي
مكس
امجد كريم
الحان
نائل المياحي
الاشرف العام
﮼اشرف التميمي
انتاج
استوديو عطش
مركز الجنوب الثقافي الاسلامي
https://youtu.be/2sZWP1B0m1k 👈 لمشاهدة الفديو
خروج الحسين عليه السلام من المدينة إلى كربلاء
الناس تكصد ياالاهي كي تحج
من اخر البلدان يمك تجتمع
تلبي ياربي المناسك والنداء
وصوتهم لبيك عالي ومرتفع
وانا بالخفيه اهاجرها الديار
بينه وبين النحبهم بس دمع
وهل سنه ياربي حجتي بكربلاء
وبين الخيام السعي يصبح فزع
الك للقربه الاضاحي يقدمون
ونا ربي هناك راسي الكطع
بدل بين الصفى والمروة الطواف
زينب أعلى خوانها بهم تنفجع
هنانه زمزم يروي من مسه والضماء
هناك ماي النهر عنه ينكطع
عالجبل حجاجك تنول المراد
وزينب أعلى التله يحنيها الجزع
بالمطأنينه وامان الي يجيك
وانا اطفالي الرعب بيهم نبع
الناس بالفرحه يطوفون وشعور
بكربله الشبان يطفون الشمع
/channel/alialsebe
شعبنيات
...
ردبيه شعباني خل يكمل ايماني
مولد بني عدنان واحد وره الثاني
....
حسيني
شكثر مشتاك امر يحسين بحروفك
الك اتعنه عشك بالطيف لوشوفك
عبد ومقصر يريد يقبل جفوفك
حسيني
لاتردني ياحبيبي هواي محتاجك
عبد ومسميني بيك مشيت منهاجك
الله توجني خدمتك يالعله تاجك
حسين
عشك العمر ظل مستمر
يالغالي يوم اعيادك
اليوم ابتسم. اجمل اسم
يحسين گلبي الرادك
طير بسمه متعلمه
روحي التريد مرادك
مرفئ مسراتي مرسى بتساماتي
حبك فنار الشوك ربان كلماتي
....
كافل
والله يعباس حار الكون بحساسك
تستحي من حسين يمه ماشلت راسك
حتى تاريخ الولاده بعد أعز ناسك
كافل
شنهي شافت بيك زينب حتى تختارك
سولف النه يابوفاضل سر من اسرارك
اعظم ثلاثه حملتهن كتبن اخبارك
كافل
أول مطلبك تكفل زينبك
حافظها دوم بروحك
وثاني طلبتك تسقي بجربتك
وبيها تعلي صروحك
وثالثها العلم يارعي القيم
هو النقش بجروحك
عالي وبعد تعلى. من الكمر احلى
طفك نده واحساس ذكرك بعد اغلى
......
ساجد
ياعلي وزين العباد هواي زيناتك
باليسر جنت الامان بعين عماتك
خطبتك بالشام جانت من كراماتك
ساجد
الدعاء ال بالصحيفه هو عنوانك
والرساله ال بالحقوق تزيد برهانك
اشهد المعصوم انك ياعظم شانك
ساجد
يازين المله عمرك كربله
حتى الحجر حجيته
بن مكه ومنه روحك موقنه
المحتاجك تعنيته
مترد سألك من يكصد الك
يارحمة الله وبيته
ياربع العصمه بجفوفك الرحمه
ياخامس اليبچون يازارع البسمه
.....
الاكبر
يالي شابهت النبي في مجمل اوصافه
خلقه وخلاقه وكلامه وسيرة اعرافه
والتشوفه بعينك يحس النبي شافه
الاكبر
ياجبير حسين انت ويا نفس ليله
علي الاكبر يانسيم روح تحجيله
الورد من عطرك يوزع اكاليله
الاكبر
بيك تغزلت مثلك ماشفت
ياغصن ياس احلامي
عشكي ومبدئي وطيفي ومنشأي
ياسالفة ايامي
منك اعتذر تقصيري شكثر
ذكرك اصول اسلامي
ياكهفي وسراري يابردي وي ناري
يااول الادوار للطف شهم ساري
......
مهدي
شكد كتبنالك شعر خلصت معانينه
يافرجنه التنعقد وياك امانينه
الدنيا ظلمه وياشمسنه ماتمر بينه
مهدي
الروح محتاجه لخضارك ياعشك دافي
مني محتاج انت ادعي من كلب صافي
وانت تعرف من يخذلك من هو ليوافي
مهدي
ياخير العمل مولاي العجل
ياطيف مر بليل
مر صحوه ونده بجروحي الصده
بحساسي صالت خيلي
والعايش حرج يترحه الفرج
اشكيلك وتحجيلي
تدعيلك امالي. ياغلى كل غالي
اتمنه يامولاي راضيتك اعمالي
.....
مواجهة شاعر إلى سجن الامام الكاظم
عليه السلام
......
تجاوزت الصبر وسوالفك سكته
الف سجده وي سجدة السجن خلصته
تنزل دمعتك نجمة أعلى حضن اليل
ومن بين القنوة الصبح طلعته
بكبر حجم الظلم مرقدك كون يصير
جا طرف القباب العرش لايحته
ولان ماتمشي خطوه والا بيها الله
اجاك الذهب يمشي وكبه شرفته
بكلبك شايل الله السجن خل يضيك
ولان عينك بعينه الضوه تجاهلته
تهمس بالأرض ويسمعك الرحمن
چا شنهي اليصري الچف اذا شلته
يقينٍ مايردلك الله كلشي تكول
ساكت لوتظل هم تصعد السكته
مايخلص سجودك يالمگصر اليل
تبدي وينتهي جم ليل سهرته
جم شيطان اجاك بغاية الاغواء
ويستغفر لذنبه بليس رجعته
شدوا معصمك من چفك يخافون
لايصعد دعائك بي زعل عشته
الشايل ضيم ناسه يهمه ثقل القيد
اليريده الله الحبس شيعيق منزلته
يباب الله وعليك شلون ينسد باب
بس باب الحوائج صرت عكسه انته
هارونك خصمك هارون موسى حزام
الفرق شاسع زمان العاشه والعشته
انست السجن وبگلبك شكد نار
اولا شجرة اوحي هيج الله كلمته
يسالفتي وجنوني الواعي والمعقول
التسودن بي طبع ميعوف سالفته
...
الشاعر علي السعيدي
وجهك تجلى اعلى السجن
وخر من جبل صبرك نبي
وانت خلعت كرسي الحكم
وبوادي دمعك طف سبي
#علي_السعيدي
وفاة السيدة زينب عليها السلام
لوداعي لوداعي رتك تجي لوداعي
مــاترضه ابقى بحسرتي تحضر يخويه لـــــدفنتي يــــــاخويه شالوا جثتي كربـت ساعة رحيلي
والـــميت الينطر محب مـــاتغمض عيونه بغرب يــــــــبقه يعاين عالدرب انـطر جيتك كفيلي
اشرحـــلك غيابي مـــاتحمل عتابي يــــــــاعباس
لو تسمع حنيني من كبرك تجيني عندي احساس
تجيني تجيني ياغالي تجيني
*
يــــاخويه واسهل لومتت يكفيني بالطف ماشفت ضيم ومرارا اتــــــجرعت مــاتصعب المنية
ميته واحس روحي بجمر يـــاهو الينزلني الكبر عودا نه هاي اخت الكمر محد حـــضر الية
يـــاخويه وغـلاتك من جنت بحياتك ارهب جـــان
وبــموتك ولوني يـاوسفه وسبوني عشت احـزان
اجرحك اجرحك لوسولفت اجرحك
*
لــو ساعة ياخذني اللحد يـــاخويه اشوفنك ورد احجيلك وعــندي قصد غيرتـــــك ادري بيها
مـــاتقبل يمسني الهوه لوتدري من طاح اللوه صرت انــا والماكو سوه واخـــتك حبل بديها
ابـــــجيلك وبجيك متلهفه ارد حاجيك بكلبي هموم
وتذكر حجي هواي بـس مانحجي بالماي ظل مــذموم
حنانك حنانك متعطشه لحنانك
*
لــــــو ماتلحك عالدفن يــم كبري اريدنك تحن وبــجفك امسحــلي المتن جيتك امـــان اليه
وفــــرش عليه رايــتك حتى احس بــــــغيرتك حــوطني يخويه بشارتك لا تــــــبتعد عليه
ابموتي انـت يمي اغـــفه بلايه همي يـــارجواي
وحسين لـــوتعنه يـصبح كبري جنه وانتو وياي
اخوتي اخوتي حضروني اخوتي
*
تطبير
حيدر حيدر حيدر حيدر
حيدر حيدر حيدر حيدر
......
ياكربلا جودي على شعوري
حتى اواسي صبغ النحوري
في السيف تبكي هامتي الخدوري
.....
حيدر حيدر حيدر حيدر
..…
والله لولا الحكم والقضاءُ
لما بقى من بعدك الفضاءُ
فل يهوي كل الكون للفناءُ
حيدر حيدر حيدر حيدر
......
لنحرك تبكي بنا المناحر
يامن اليك لم يلبي ناصر
ياسيدي ياشعلة الشعائر
حيدر حيدر حيدر حيدر
......
ان الحنين والبكا قليلُ
يامن قضيت ضامأ قتيلُ
هذي دمانا لجلك تسيلُ
حيدر حيدر حيدر حيدر
.....
عليّ اواسي فاطمه بروحي
فليشخب الجرح على جروحي
خذني مطبر تلك من شروحي
حيدر حيدر حيدر حيدر
.....
فلتهوي هامت الملا وتجري
بحر دما لم يعدلوك كسري
لضلعك المكسور هاك صدري
حيدر حيدر حيدر حيدر
......
الشاعر علي السعيدي
/channel/alialsebe
