Alisher Sadullaev

08 Nov 2024 08:21

⚡️Do'stlar, fikrlaringiz zarur!

Xabaringiz bor, O'zbekistonning barcha hududlarida "birinchi o'quv markazlari forumi"ga start bermoqchimiz. Tez orada ro'yxatdan o'tish uchun platforma ham ishga tushiriladi.

Ko'plab obunachilar menga qiziqarli takliflar yozib qoldirishgan. Misol uchun "yangi platforma orqali o'quv markazlari ajratadigan grantlarni yoshlarga bo'lib berish imkoniyatini qo'shish" taklifini berishgan. Shu yerda biz bu imkoniyat o'quv markazlarining ichki ishi bo'lgani uchun, qarorni o'zlari chiqarganlari afzal deb hisoblaymiz.

Buning ustiga, grant talablariga javob beradigan yosh sharoiti og'ir oila farzandi bo'lishi kerakmi yoki iqtidoriga qarab grant ajratilishi kerakmi bu qarorni ham markazlar qabul qilgani afzalroq, nazarimizda.

Aytgancha, yetakchi o'quv markazlar: Registon, Cambridge LC, Target, Najot ta'lim, Thompson school kabi brendlar ham allaqachon forumga tayyorgarlik ko'rishni boshlashganini bizga ma'lum qilishdi. Yosh va yangi o'quv markazlari uchun katta mahorat darslarini o'tib berishlarini ham ma'lum qilishdi.

Qisqasi, bizni ajoyib bir yangi hamjamiyat kutib turibdi. Tez orada ko'rishguncha.

P.S. Forumda o'qituvchilar, mustaqil repetitorlar va hattoki yoshlar ham ishtirok etishlari mumkin bo'ladi.

Alisher Sadullaev

06 Nov 2024 09:01

⚡️Andijon kubok sohibi

🖐 “Besh tashabbus olimpiadasi” doirasida “O‘zbekiston mahallalari uyushmasi kubogi” uchun gandbol musobaqalarining final bosqichi o‘z yakuniga yetdi.

Natijalar bilan tanishing:

➡️1-o‘rin: Andijon viloyatining “Obod turmush” mahalla jamoasi;

➡️2-o‘rin: Jizzax viloyatining “Sovungarlik” mahalla jamoasi;

➡️3-o‘rin: Toshkent shahrining “Dilbuloq” mahallasi jamoasi.

➖“Besh tashabbus olimpiadasi” doirasida o’tkazilgan gandbol bo’yicha barcha g’olib va sovrindorlarni yana bir bir tabriklaymiz! G’olib jamoa mahallasiga sport maydonchasi qurib beriladi.

✊G’alaba muborak bo’lsin!

@alisher_sadullaev

Alisher Sadullaev

05 Nov 2024 06:08

⚡️ Ayni vaqtda Andijon viloyatidamiz.

Obunachilarimiz ichida Andijonlik yoshlar ham bormi, bir jonli muloqot qilsak nima deysizlar?

Andijonda ham yoshlarimizga zamonaviy kasblarni, xorijiy tillarni o'qitish yuzasidan o'quv markazlari bilan muloqot qilmoqchimiz. Shuningdek, talabalar, yosh tadbirkorlar va tashabbuskor yoshlar bilan 16:00da Andijon davlat chet tillari institutida ko'rishib olmoqchimiz.

Savollaringiz bo'lsa, izohlarda mas'ullar javob berishadi. Uchrashuv hamma uchun ochiq, hech qanday ro'yxatdan o'tish shart emas.

P.S. Qaysi o'quv markaziga yoki yosh tadbirkorlar subyeklariga borsak bo'ladi?

Alisher Sadullaev

04 Nov 2024 04:59

⚡️Xizmat safari bilan vodiy viloyatlariga yetib keldik. Ayni vaqtda Farg'ona viloyatidamiz.

Farg'onada ham yoshlarimizga zamonaviy kasblarni, xorijiy tillarni o'qitish yuzasidan o'quv markazlari bilan muloqot qilmoqchimiz. Shuningdek, yosh tadbirkorlar va tashabbuskor yoshlar bilan kechga yaqin yoshlar markazida ko'rishib olmoqchimiz.

Savollaringiz bo'lsa, izohlarda mas'ullar javob berishadi. Uchrashuv hamma uchun ochiq, hech qanday ro'yxatdan o'tish shart emas.

Alisher Sadullaev

02 Nov 2024 06:12

⚡️Bugun kechroq bolalar tashkiloti faollari va ularning maktablardagi loyihalari yuzasidan muloqot qilsak.

Eng muhimi maktablardagi sardorlar hamda ularning rejalarini bir tinglasak.

Nima deysizlar?

Alisher Sadullaev

01 Nov 2024 09:26

⚡️Navoiy viloyati yoshlari oliygohga kirish bo‘yicha 1-o‘rinda

➖Yig'ilish davomida Navoiy viloyatini respublikamizning qoq markazida joylashgani, boy tabiiy resurslar, yetarli infratuzilma va inson salohiyatiga ega hudud - deydi Prezidentimiz.

➖Shuningdek, so‘nggi uch yilda navoiylik yoshlar oliygohga kirish bo‘yicha 1-o‘rinni egallab kelayotganligi, bog‘cha qamrovi esa 85 foizga yetib, respublikada 2-o‘ringa chiqqanini ta'kidlab o'tdi.

@alisher_sadullaev

Alisher Sadullaev

31 Oct 2024 16:53

⚡️Hozirgi kundagi eng dolzarb mavzulardan biri bu – ekologiya.

Bolajonlarimiz uchun yana bir katta sovg'a – "Yashil Makon" multserialini kutib oling. Juda katta bilim va qadriyatlarimiz ustiga qurilayotgan yana bir global loyiha. Nafaqat O'zbekiston balkim butun dunyo bolalari uchun tabiatni ardoqlash uni anglash yo'lida katta loyihani boshlayapmiz.

Multserial qahramonlari, Jasur, Binafsha, Metin (robot droid) va Zuzu (olmaxon) jasorat ko'rsatib tabiatni haqiqiy posbonlardek himoya qilishadi.

Marhamat, izohlar va ulashish orqali "Global Animation Group" jamoasi tomonidan ishlab chiqilgan multserialni qo'llab-quvvatlang: https://youtu.be/06pN8vb5XiI?si=VQD_TqoL7HJJWQXh

Alisher Sadullaev

30 Oct 2024 11:05

Xizmat safari bilan Navoiy viloyatiga yetib keldik. Navoiy viloyatida yoshlarni zamonaviy kasblarga va xorijiy tillarga o'qitish bo'yicha o'quv markazlari bilan muloqot qilmoqchimiz.

Navoiylik yoshlar uchun katta marralar va takliflar bilan kelganmiz. Fikrlar va takliflarngizni izohlarda qoldirishingiz mumkin. Marhamat.

Alisher Sadullaev

29 Oct 2024 13:27

🇺🇿Abbosbek Fayzullaev Osiyoning eng yaxshi yosh o‘yinchisi bo‘ldi

⚡️Koreya Respublikasining Seul shahrida Osiyo futbol konfederasiyasi tomonidan qit'a futbolining eng yaxshilarini taqdirlash marosimida Abbosbek Fayzullayev "Osiyoning eng yaxshi yosh o'yinchisi" deb e'tirof etildi.

@alisher_sadullaev

Alisher Sadullaev

29 Oct 2024 05:18

⚡️Ko'plab kitobxon yoshlarning takliflariga binoan bugun 29-oktabr, 16:00da barcha mahalladagi yoshlar yetakchilari, tuman/shahar agentlik rahbarlari hamda hamkor tashkilotlar bilan "yosh kitobxon" tanlovi yuzasidan telegramda ochiq muloqot tashkil etamiz.

Hurmatli ota-onalar, aziz kitobxonlar tanlov yuzasidan savollaringizni izohlarda qoldiring, albatta muloqot davomida ularga javob beramiz.

Muloqotga ulanishi uchun: 👉/channel/alisher_sadullaev?livestream

Alisher Sadullaev

27 Oct 2024 06:36

⚡️Farzandlarimiz kelajagi, yurtimiz rivoji uchun va albatta yoshlarimiz uchun munosib nomzodlarga ovoz berdim!

Obunachilarimiz ovoz berishga ulgurishdimi yoki endi ovoz berasizmi?

Alisher Sadullaev

23 Oct 2024 17:50

⚡️Ajoyib xushxabar!

Ko'pchilik yoshlar xalqaro imtihon xarajatlarini qaytarib olishda muammolar yuzaga kelganini bizga ma'lum qilishgan edi. Bugun Xalq Banki mutasaddilari bilan hamkorlikda kompensatsiya to'lovlarini amalga oshirishni boshladik.

O'z o'rnida Xalq Banki vakillariga yoshlarni qo'llab-quvvatlaganlari uchun minnatdorchilik bildiramiz. Yoshlarimizni esa avvalo o'z ona tilimizni mukammal o'zlashtirib, shu bilan birga xorijiy tillar hamda xalqaro imtihon tizimlarida yuqori natijalarni qo'lga kiritishlariga tilakdoshmiz.

Eslatib o'tamiz,18 ta xalqaro imtihon tizimlarida ham yuqori natijaga erishgan yoshlarning imtihon xarajatlarini "Xazna" ilovasi orqali kompensatsiya qilib qaytarib olishlari mumkin.

Alisher Sadullaev

22 Oct 2024 16:50

⚡️Do'stlar bu juda muhim

Keyingi yil uchun @ustozai loyihasi aynan qaysi zamonaviy kasblarni yoshlarimiz uchun taqdim etishni o'ylashmoqda.

Takliflar ko'p, misol uchun "moushn, grafik dizayn", "dasturlash, mobil ilovalar yaratish", "xizmat ko'rsatish, turizm", yoki "sun'iy intellektdan foydalanish" darslari. Sizda-chi, Sizda qanday takliflar bor?

Alisher Sadullaev

21 Oct 2024 09:28

⚡️O'zbek tili shunchaki vosita emas, haqiqiy manba tiliga aylanishida mehnat qilayotgan barchaga tashakkur.

Tilimiz uchun katta loyihalar amalga oshirayotgan @wikistipendiya @mutolaaxona @ibratfarzandlari @ustozai @uzchesss @mingkitobuz va juda ko'plab boshqa ijodkorlarga ham ta'zim bajo keltiraman.

Sizda o'zbek tilini, ona tilimizni rivojlantirish uchun qanday loyihalar bor?

Alisher Sadullaev

20 Oct 2024 10:48

⚡️O'zbekiston yoshlari va bolalari uchun yana bir katta sovg'amiz tayyor. Atrofimizda minglab kuchli jamoalar paydo bo'layotganidan faqat xursand bo'lamiz.

Yana qanday loyiha bo'lishi mumkin-a, do'stlar?

Alisher Sadullaev

06 Nov 2024 16:10

⚡️Meni @mutolaaxona loyihasining marketing bo'limi jamoasi Jasurbek Anvarov onlayn mutolaa marafoniga taklif qilishdi. Albatta, ishtirok etamiz, Xudo xohlasa.

"To'yga borsang, to'yona bilan bor deganlaridek" onlayn mutolaa marafoni ishtirokchilari;

1. 1000 nafar faol ishtirokchilar, 1 tadan ajoyib bir kitob, imzosi bilan taqdirlanishadi

2. 100 nafar faol ishtirokchilarga mutolaa premium sovg'a qilinadi

Eslatma, marafonda ishtirok etish uchun ro'yxatdan o'tish kerak ekan.

Alisher Sadullaev

05 Nov 2024 08:12

O'yin yonayapti 🔥

Atmosfera ⚡️

Alisher Sadullaev

04 Nov 2024 18:59

Farg’onada yoshlar bilan ochiq muloqot

✅ Bugun Farg‘ona viloyatida yoshlar bilan ochiq muloqot tarzida uchrashuv o‘tkazdik. Muloqotda yoshlarning takliflari, muammolari va tashabbuslari o‘rtaga tashlandi.

➖Xususan, Qahhorova Gulxumor “Language Art” o‘quv markazini ochib, oyiga 200 nafar yoshlarni o‘qitishni maqsad qilganligini bildirdi. Shuningdek, olis So‘x tumanidan tashrif buyurgan Zafar Jalolov So‘xda o‘quv markazlari faoliyatini rivojlantirish bo‘yicha o‘z taklifini bildirdi. Ushbu tashabbuslar ma’qullanib, zarur yordam ko‘rsatilishi belgilandi.

➡️ Ochiq muloqot davomida ko‘plab yoshlar zamonaviy kasblar, xorijiy tillarni o‘rganish va ta’lim sifatini yaxshilash bo‘yicha qator muhim takliflarni berdilar.

@alisher_sadullaev

Alisher Sadullaev

02 Nov 2024 06:27

Joylardagi Bolalar tashkiloti sardorlari o'z jamoalari va loyihalari bilan ushbu havola orqali muloqotda ishtirok etishlari mumkin: 👉/channel/alisher_sadullaev?livestream

Albatta, faol bo'ling. Birgina taklifingiz minglab bolalarga foyda keltirishi mumkin. Muloqotimiz 19:00da boshlanadi.

Marhamat: /channel/alisher_sadullaev?livestream

Alisher Sadullaev

01 Nov 2024 14:26

⚡️Oliy Majlis Qonunchilik Palatasi deputatligiga saylangan yoshlarimiz bilan tanishing;

1. Yuldashev Oybek Baxodir o‘g‘li (O‘zLiDeP) - Yoshlar ishlari agentligi Andijon viloyati boshqarma boshlig'i;
2. To‘xtamurodov Bexzod Toir o‘g‘li (Adolat SDP) - Oliy Majlis Senati huzuridagi Yoshlar parlamenti raisi;
3. Joldasova Shaxnoza Batirovna (O‘zMTDP) - Oliy Majlis Qonunchilik palatasi huzuridagi Yoshlar parlamenti raisi;
4. Musurmonov Otabek Sobirjon o‘g‘li (O‘zLiDeP) - Yoshlar ishlari agentligi Jizzax viloyati boshqarma boshlig'i;
5. Ismailov Adxambek Baxramovich (O‘zLiDeP) - Xorazm viloyati Xalq deputatlari kengashlari huzuridagi Fuqarolik jamiyati institutlari va nodavlat notijorat tashkilotlarini qo'llab-quvvatlash bo'ycha Jamoat fondi direktori;
6. Xolmahamatova Shaxnoza Baxtiyor qizi (O'zLiDeP) - Oliy Majlis Qonunchilik Palatasi deputati (qayta saylandi).

O'zbekiston Respublikasi Oliy Majlis Qonunchilik Palatasi deputatligiga saylangan yoshlarimizni tabriklab, yoshlar manfaatlarini Parlament darajasida qo'llab-quvvlatlash yo'nalishidagi faoliyatlariga omad tilaymiz!

@alisher_sadullaev

Alisher Sadullaev

01 Nov 2024 09:14

⚡️2025-yil Navoiy viloyatida “Alisher Navoiy yili” deb e’lon qilinadi.

➖Prezident Shavkat Mirziyoev raisligida Navoiy viloyatini ijtimoiy-iqtisodiy rivojlantirish vazifalari yuzasidan yig‘ilishda 2025-yilni Navoiy viloyatida "Alisher Navoiy yili" deb e'lon qilish taklif qilindi.

➖“Yashil makon” loyihasi doirasida viloyatning shahar va tumanlari, qishloqlarida Navoiy bobomizga atab yangi bog‘lar, so‘lim xiyobonlar, yashil hududlar tashkil etiladi.

➖Shuningdek, quriladigan Yangi O‘zbekiston bog‘ida Alisher Navoiyga bag‘ishlab memorial muzey tashkil etiladi.

@alisher_sadullaev

Alisher Sadullaev

31 Oct 2024 14:36

⚡️Do'stlar, yoshlar uchun yana bir mega loyihamiz e'lon qilishga tayyor. Ayniqsa, tabiatimizni asrashda, uni qadrlashga qo'yilgan katta qadamlarimizdan biri.

Bu safar qaysi mavzuga atalgan loyihani yo'lga qo'ydik deb o'ylaysiz?

Alisher Sadullaev

29 Oct 2024 17:12

⚡️Obunachilarimiz soni juda tez ko'paya boshladi. Bu "yosh kitobxon" tanlovi tufaylimikan)

Ertaga barcha mahallalarda tanlov boshlanadi. Umid qilamizki, mahalladagi yoshlar yetakchilari ham yoshlar ham tanlovda yaxshi tayyorgarlik ko'rishgan.

Faqat omad yor bo'lsin!

Alisher Sadullaev

29 Oct 2024 12:00

⚡️ "Yosh Kitobxon" tanlovi yuzasidan muloqotimiz boshlandi.

Marhamat havola orqali suhbatimizga qo'shiling: /channel/alisher_sadullaev?livestream

Alisher Sadullaev

28 Oct 2024 07:35

30-oktabr kuni yoshlarning eng sevimli tanlovlaridan biri "yosh kitobxon" tanlovi barcha mahallalarda start oladi.

Kitobxonlar tayyormisizlar? Mahallalardagi yoshlar yetakchilari tayyormisizlar?

Bir hammamiz yig'ilib, barcha masalalarni jonli muloqotda muhokama qilib olsak nima deysizlar?

Alisher Sadullaev

25 Oct 2024 15:25

⚡️Bugun xorijlik mehmonlar va yoshlarimiz bilan ochiq muloqot tashkil etdik.

Ko'pchilik yoshlarning Ustozlari Quronboyev Qahramon Qo'chqorovich hamda Ikramov Adham Ilhamovich bilan birgalikda mahalla yettiligi, ommaviy sportni rivojlantirish hamda yoshlar uchun yangi loyihalarni muhokama qildik.

Ayniqsa, xorijlik mehmonlardan Pokiston Bosh Vazirining yoshlar ofisi taqdimoti ham yuqori saviyada tashkil etildi.

Qiziq savol, Siz loyihalarimizning qaysi birida ishtirok etgansiz yoki rejangiz bor?

Alisher Sadullaev

23 Oct 2024 13:09

Obunachilarimiz ichida "yosh kitobxon" tanloviga tayyorlanayotgan yoshlarimiz bormi?

Bu mavsum g'oliblarga elektromobillar berilishi nazarda tutilgan!

Tanlov yuzasidan telegram orqali jonli muloqot tashkil etsak nima deysizlar?

Tanlov yuzasidan qanday savol va takliflaringiz bor?

Alisher Sadullaev

22 Oct 2024 07:52

⚡️O'zbekiston bolalar tashkiloti haqida eshitganlar bormi?

Bu juda muhim. Yangi loyihani qo'llab-quvvatlash maqsadida obunachilar fikrini o'rganishni boshladik.

Alisher Sadullaev

20 Oct 2024 12:05

Yodingizda bo'lsa, bolalarimiz uchun milliy kontent haqida Sizlar bilan muloqot qilgan edik. Shundan so'ng, shaxsan o'zimga juda ko'p kreativ loyihalar bilan jamoalar taklif olib kelishdi.

Aynan o'sha takliflardan biri buyuk ajdodimiz Beruniy haqida multfilm olish edi. Animatorlar (Astir Animation) jamoasi loyiha ustida ko'plab izlanishlar olib borishdi. Vanihoyat Beruniyning Mineralogiya sohasiga qo'shgan hissasi haqida kichik seriya bilan bu katta loyihaga birinchi qadamni qo'yishdi.

Marhamat, hozircha multfilmning kichik "tizer"ini ko'rib, unga baho bersangiz. Ishonchim komil, yaqin yillarda nasib qilsa bolalarimiz uchun o'nlab milliy kontentlarimiz, kerak bo'lsa global dunyo uchun yuzaga chiqadi.

👉https://youtu.be/IIaiP4JDpE4

Alisher Sadullaev

19 Oct 2024 18:07

Hurmatli do'stlar, avvalo hammangizga rahmat. Tashabbusni qo'llab-quvvatlaganingiz uchun.

Barchangizga so'z bera olmadik. Minglab izohlar bo'ldi. Bularga shaxsan javob berishga harakat qilaman.

Umid qilamanki, yaqin kunlarda yoshlar uchun, yuz minglab yoshlar uchun katta loyihalarimiz amalda o'z isbotini topadi!