Alisher Sadullaev

23 Oct 2023 05:30

Paraosiyo o'yinlarida delegatsiyamizga ilk oltin medalni Parakanoeda eshkak eshish bo'yicha Shaxzoda Mamadaliyeva taqdim etdi.

G'alabalar muborak bo'lsin!

@alisher_sadullaev

Alisher Sadullaev

20 Oct 2023 18:03

Nodirbek Yakubboyev — Qatar Masters Chess-2023 chempioni !!!

Umumiy ro’yxatda reyting bo’yicha 19-o’rinda bo’lgan hamyurtimiz yakunda nufuzli musobaqa g’olibiga aylandi. U tay-brek bahsida Nodirbek Abdusattorovni 2-0 hisobida mag’lub etdi.

Sharhlovchilar aytganidek, bu haqiqiy sensatsiya bo’ldi.

Barakalla, Nodirbek! Ikkalasi ham. Yakubboyev alohida.


👉 @xushnudbek 👈

Alisher Sadullaev

18 Oct 2023 09:01

Sankt-Peterburgdagi o’zbekistonlik vatandoshlarimiz, mehnat qilayotgan yurtdoshlarimiz hamda ta’lim olayotgan yoshlarimizning muammolari yechilib, takliflari yuzasidan muloqot olib borilmoqda.

Shuningdek, yurtdoshlarimizning mehnat huquqlarini rasmiylashtirish yuzasidan sayyor qabullar o’tkazilib, ular uchun madaniy tadbirlar tashkil etildi. Sankt-Peterburgdagi bunday uchrashuvlarimiz davom etmoqda.

@alisher_sadullaev

Alisher Sadullaev

16 Oct 2023 17:07

Davlatimiz rahbari navbatdagi Jahon yoshlar turizmi sammitini Toshkentda o‘tkazishni taklif qildi.

@alisher_sadullaev

Alisher Sadullaev

15 Oct 2023 11:22

18-19-noyabr kunlari O‘zbekistonda sovrin jamg‘armasi - 600 million so‘m boʻlgan III “Zakovat-Gambit” shaxmat chempionati bo‘lib o‘tadi! Chempionatda qatnashish uchun gambit.zakovat.tv veb-saytida ro‘yxatdan o‘tishingiz lozim.

Hurmatli, shaxmat ixlosmandlari! Ushbu yirik shaxmat musobaqasi ishtirokchisiga aylaning va nafaqat o‘z kuchingizni sinash, balki professionallardan master-klass olish hamda xalqaro grossmeysterlar bilan shaxmat seanslarida bellashish imkoniyatini qoʻlga kiriting!

Arizalar, 9-noyabr 12:00 gacha qabul qilinadi.

@alisher_sadullaev

Alisher Sadullaev

13 Oct 2023 18:51

⚡️ Kunning eng muhim o‘yinlari jonli efirda davom etmoqda!

🔥 "Qatar Masters Open 2023" turnirining 3-turi Bobur Sattarov hamda Javohir Sindorovlar g'alabaga juda yaqin!

👉🏻 Jonli efirni kuzatish uchun bosing 👈🏻

@alisher_sadullaev

Alisher Sadullaev

12 Oct 2023 15:19

✅ Samarqand ilk bor Osiyoda hamkorlik va ishonch choralari bo‘yicha kengashi Yoshlar kengashining 6-yig‘ilishiga mezbonlik qilmoqda.

Forumda 36 mamlakatdan tashrif buyurgan 70 dan ortiq Yoshlarga oid davlat siyosatini amalga oshirishga mas’ul davlat organlari, xalqaro ekspertlar va jarayonlarni oʻz vaqtida yoritishda koʻmaklashayotgan ommaviy axborot vositalari vakillari ishtirok etishmoqda.

Yig‘ilishdan tashqari, xalqaro Osiyoda hamkorlik va ishonch choralari kengashining yosh liderlar forumini, “2 – O‘zbekiston-Qozog‘iston yoshlar kongressi”ni, “O‘zbekiston-Rossiya yoshlar forumi”ni va “2 - O‘zbekiston-Ozarbayjon yoshlar forumi” ham oʻtkazishni reja qilganmiz.

@alisher_sadullaev

Alisher Sadullaev

10 Oct 2023 08:58

Xorijning yetakchi universitetlarida tahsil olish istagidagi yoshlar diqqatiga!

“El-yurt umidi” jamg‘armasi ilg‘or xorijiy davlatlar nufuzli universitetlari va ilmiy markazlarida bakalavriat, magistratura va doktoranturada ta’lim olish uchun 345 o‘ringa mo‘ljallangan 2023-yilgi 2-ochiq stipendiya tanlovini e’lon qiladi!

- bakalavriat ta’lim dasturi uchun 22 o‘rin,
- magistratura ta’lim dasturi uchun 193 o‘rin,
- doktorantura ta’lim dasturi uchun 130 o‘ringa stipendiyalar ajratishini ma’lum qiladi.

Stipendiya tanloviga nomzodlar hujjatlarini qabul qilish joriy yilning 10-oktabridan 10-noyabriga qadar, respublikaning barcha hududlari vakillari uchun yagona tartib va teng imkoniyat asosida, onlayn rejimda va elektron tarzda qabul qilinadi.

Batafsil : https://eyuf.uz/site/event?id=68

@alisher_sadullaev

Alisher Sadullaev

09 Oct 2023 13:26

⚡️ Do’stlar, tajribali ustozlar kerak.

• O’zbek tilida 14ta tillarni bepul o’rganish imkoniyati “Ibrat Farzandlari” loyihasi ishga tushdi. Murakkab tillar, Xitoy, Yapon, Hindiy, Arab va hatto Fors tilidan ham darslarimiz bor. Qisqa vaqt ichida, ko’rishlar soni esa 15 milliondan oshdi.

• Endi, Ozarbayjon, Polyak, Venger, va Chex tillari darslarini yozishimiz kerak va ular uchun jamoamizga shijoatli, bilimdon chet tillari o’qituvchilari kerak.

Shunday o’qituvchilarni bilsangiz, ularni topishda bizga yordam bering. Bu orqali minglab insonlarni bepul til o’rganishiga hissa qo’shishingiz va ularning hayoti o’zgarishiga sababchi bo’lishingiz mumkin.

Aloqa: /channel/ibrat_official

Qaysi tillarni bepul o’rganishni xohlar edingiz?

@alisher_sadullaev

Alisher Sadullaev

09 Oct 2023 09:30

⚡️ Xanchjou-2022 XIX yozgi Osiyo o’yinlarida muvaffaqiyatli ishtirok etgan O’zbekiston delegatsiyasi charter reysi bilan Toshkentga yo’l oldi. Bugun 18:30 da Islom Karimov nomidagi Toshkent xalqaro aeroportining 3-terminalida tantanali kutib olish marosimi bo’lib o’tadi.
—
Делегация Узбекистана, успешно принявшая участие в XIX летних Азиатских играх Ханчжоу-2022, вылетела чартерным рейсом в Ташкент. Сегодня в 18:30 в терминале 3 Ташкентского международного аэропорта имени Ислама Каримова состоится торжественная встреча наших соотечественников.

@alisher_sadullaev

Alisher Sadullaev

08 Oct 2023 10:43

Xanchjou-2022 Osiyo o’yinlarida O’zbekiston delegatsiyasi ishtirokini tarixiy natija bilan yakunladi

Xanchjou shahrida bo’lib o’tgan Osiyo o’yinlarida mamlakatimiz sportchilarining chiqishi o’z nihoyasiga yetdi hamda yakuniy natijaga ko’ra:

🥇22 ta oltin;
🥈18 ta kumush;
🥉31 ta bronza.

JAMI: 71 ta medalni tashkil etib, mustaqillikka erishganimizdan buyon eng yaxshi tarixiy natija sifatida qayd etildi.

Umumjamoa hisobida O’zbekiston delegatsiyasi 5-o’rinni egalladi.

@alisher_sadullaev

Alisher Sadullaev

05 Oct 2023 16:05

OLTIN!!! Bahodir Jalolov Osiyo o‘yinlari g‘olibi!

🔥Bahodir Jalolov azaliy raqibi Qamshibek Kunkabayevni navbatdagi El-klasikoda mag'lub etdi va Osiyo o'yinlari oltin medalini qo'lga kiritdi.

@alisher_sadullaev

Alisher Sadullaev

05 Oct 2023 14:26

OLTINNNN!!!🥇

Hasanboy Do‘smatovning finaldagi g‘alabali jangi!

@alisher_sadullaev

Alisher Sadullaev

04 Oct 2023 14:36

Goooooolllllll!

Osiyo o’yinlarida futbolda yoshlarimiz Janubiy Koreya bilan hisobni tenglashtirdi. Ilk daqiqalardagi raqib goliga yoshlarimiz zudlik bilan javob zarbasini berib, hisobni tenglashtirishdi.

O’zbekiston 1:1 Janubiy Koreya

@alisher_sadullaev

Alisher Sadullaev

03 Oct 2023 12:01

⚡️ Bugun Xitoyning Xanchjou shahri mezbonlik qilayotgan XIX Osiyo oʻyinlarining shaxmat boʻyicha jamoaviy bahslarida o‘zbekistonlik erkak shaxmatchilar xitoyliklar bilan, ayollar jamoamiz esa Gonkong vakillari bilan kuch sinashadi.

Jonli efirni kuzatish uchun havola:
https://youtube.com/live/EF9QL_3wF08?feature=share

@alisher_sadullaev

Alisher Sadullaev

21 Oct 2023 13:14

O‘zbek tili deganda eng avvalo ko‘z oldimizga dunyodagi eng boy va go‘zal tillardan biri keladi. Buni jahon ahliga ko‘rsatish, anglatish esa bizning ona tilimiz oldidagi eng mas’uliyatli vazifamizdir.

Shu o‘rinda, Is’hoqxon Ibratning: “Bizning yoshlar albatta boshqa tilni bilish uchun sa’y-harakat qilsinlar, lekin avval o‘z ona tilini ko‘zlariga to‘tiyo qilib, ehtirom ko‘rsatsinlar. Zero, o‘z tiliga sadoqat – bu Vataniy ishdir”, degan hikmatli so‘zlarini eslab o’tishni o’rinli deb bilaman.

So‘nggi yillarda yurtimizda tilimizni rivojlantirish, uning biz, yoshlar hayotidagi o‘rni va mavqeyini oshirish borasida yangi bosqich boshlandi. Bu yo‘lda yoshlarimiz ham faollik ko‘rsatayotgani quvonarli holat.

Yoshlar ishlari agentligi tomonidan yo‘lga qo‘yilgan “Ibrat academy” loyihasi, “WikiStipendiya” marafoni kabi tashabbuslar ona tilimizga befarq bo‘lmagan yoshlar maydoniga aylana oldi. “WikiStipendiya” loyihasi boshlangan vaqtda Vikipediyada 140 000 ta oʻzbekcha maqola bor edi, ayni paytda 245 mingdan oshdi. O‘zbek tili esa 62-oʻrindan 43-o‘ringa chiqqan.

Albatta, biz bu bilan to‘xtab qolmaymiz. Barcha yoshlar birlashgan holda o‘zbek tilining nufuzini dunyo darajasiga chiqarishimizga ishonaman! Ona tilimizning ulkan merosi ongu shuurimizni boyitgan holda porloq kelajagimizga mash’ala bo‘lib xizmat qilsin!

Aziz yoshlar, hurmatli vatandoshlar, barchamizga o‘lmas va boqiy oʻzbek tili bayrami qutlug‘ boʻlsin!

@alisher_sadullaev

Alisher Sadullaev

20 Oct 2023 16:35

Qatar Mastersda Super Final 🔥

Nodirbek Abdusattorov hindistonlik kuchli raqibi Arjun Ergaisi ustida g'alaba qozondi, Nodirbek Yakubboyev esa yana bir hindistonlik super grosmeystr ustidan g'alaba qozonishga yaqin!

Shunday qilib 7 ochkodan to'plagan ikki Nodirbeklar o'rtasida Qatarda O'zbek Super Finalini ko'rishga yaqinmiz.

Jonli efirni kuzatish 👉 : https://www.youtube.com/live/VC54giTmubQ?si=sTbBNnEqu1f6v0g5

@alisher_sadullaev

Alisher Sadullaev

17 Oct 2023 17:32

O'ylanishga majburlovchi film

Toshkent shahridagi VGIK filiali bazasida 18 yoshli Munisa Magamet hayotning shafqatsiz haqiqatlari, ya'ni uy va oiladagi zo'ravonlik haqida hikoya qiluvchi "Skotch" nomli oʻzining birinchi qisqa metrajli filmini suratga oldi.

U yosh bo‘lishiga qaramay, bugungi kunda dolzarb va qiyin mavzulardan biriga qo’l urdi.

@alisher_sadullaev

Alisher Sadullaev

16 Oct 2023 15:03

Ayni kunlarda, Mahallalarda yoshlar bilan ishlash masalalarini muvofiqlashtirish bo‘yicha Respublika komissiyasi raisi Qahramon Qo'chqorovich bilan Sankt-Peterburg shahrida bo‘lib turibmiz.

Komissiya aʼzolari bilan birgalikda, bu yerdagi qurilish obyektlarida, bozorlarda, omborlarda mehnat qilayotgan yurtdoshlarimiz bilan muloqot qildik.

Meni qattiq taʼsirlantirgan holat yurtdoshlarimizning ko‘pchiligi o‘z farzandlarining kelajagi uchun, ularning taʼlim olishlari uchun mehnat qilishyapti. Delegatsiya bilan qiyin ahvoldagi yurtdoshlarimizni vatanga qaytishida, farzandlarining kontrakt to‘lovlarini to'lab berishda, huquqiy yordam uchun advokatlar xarajatlarini qoplab berishda ko'maklashadigan bo'ldik.

Umid qilamizki, uka-singillarimiz o‘z ota-onasining mehnatini qadrlab, yurtimiz uchun naf keltiradigan mutaxassislar bo‘lib yetishadi. Ota-onaning mehrini, ularning biz uchun qilayotgan barcha ishlarini, har qanday sinovga tayyor ekanliklarini doim his qilishimiz zarur.

@alisher_sadullaev

Alisher Sadullaev

14 Oct 2023 15:55

Prezidentimiz Ostona shahrida bo‘lib o‘tgan yuqori darajadagi xalqaro forumdagi nutqlarida— Osiyoda hamkorlik va ishonch choralari bo‘yicha kengashning VI sammitida avlodlar muloqotini yo‘lga qo‘yish taklifini bildirgan edilar.

Shu tashabbus asnosida, yoshlar siyosati sohasidagi hamkorlikni kengaytirish, Osiyoda hamkorlik va ishonch choralari kengashiga aʼzo va kuzatuvchi mamlakatlar yoshlari o‘rtasida o‘zaro do‘stlik aloqalarini mustahkamlash maqsadida 12-13-oktyabr kunlari Samarqand shahrida Yoshlar Kengashining 6-yig‘ilishi, Yosh liderlar forumi va uning doirasida “Avlodlar muloqoti”ning birinchi uchrashuvi, “2 – O‘zbekiston-Qozog‘iston yoshlar kongressi”ni, “O‘zbekiston-Rossiya yoshlar forumi”, “2 - O‘zbekiston-Ozarbayjon yoshlar forumi”ni tashkil etdik.

Forumdan ko‘zda tutilgan asosiy maqsadimiz birinchi navbatda, Osiyo mamlakatlari yoshlari o‘rtasida ishonch va do‘stlik muhitini yaratish, Chunki ishonch bor joyda hamkorlik, hamkorlik bor joyda rivojlanish, natija bo‘ladi. Ayniqsa, yoshlar diplomatiyasi xalq diplomatiyasining muhim qismidir.

Niyatimiz esa, birdamlik hamjihatlik va do'stlik!

@alisher_sadullaev

Alisher Sadullaev

12 Oct 2023 17:19

⚡️ Biroz avvalroq aytib o'tganimizdek, bugun 11-oktabrdan Qatarda nufuzli shaxmat turniri "Qatar Masters" start oldi. 

2-turda Muhiddin Madaminov hamda Bahrom Bahrullayev tajribali raqiblar ustidan irodali g'alabaga erishishga yaqin.

Jonli efir:
https://www.youtube.com/live/jNf16L_8hqs?si=Rp6M61VGWVKbCVcz

@uzchesss

Alisher Sadullaev

11 Oct 2023 16:07

⚡️ Biroz avvalroq aytib o'tganimizdek, bugun 11-oktabrdan Qatarda nufuzli shaxmat turniri "Qatar Masters" start oldi.

Oldinda bizni juda qiziqarli shaxmat matchlari kutib turibdi. O'zbekistonlik shaxmatchilarni jonli efir orqali kuzatib boring va ularni qo'llab-quvvatlang!

Jonli efir: https://www.youtube.com/live/2bp36bgGaPk?si=-5eayfqPwv8xpgIk

@uzchesss

Alisher Sadullaev

10 Oct 2023 06:40

Mahallalarda yoshlar bilan ishlash masalalarini muvofiqlashtirish bo‘yicha Respublika komissiyasi delegatsiyasining Rossiya Federatsiyasiga tashrifi boshlandi.

Joriy yilning, 9-20-oktabr kunlari Mahallalarda yoshlar bilan ishlash masalalarini muvofiqlashtirish bo‘yicha respublika komissiyasi tomonidan Rossiya Federatsiyasida tahsil olayotgan va mehnat qilayotgan o‘zbekistonlik yoshlar bilan ochiq muloqotlar o‘tkazilishi rejalashtirilgan.

Ayni paytda, Mahallalarda yoshlar bilan ishlash masalalarini muvofiqlashtirish bo‘yicha respublika komissiyasi raisi Qahramon Quranboyev boshchiligidagi komissiya a’zolari Novosibirsk shahrida istiqomat qiladigan o‘zbekistonlik mehnat muhojirlari uchun mo‘ljallangan yotoqxonalarda bo‘lib u yerda o‘rganish ishlarini olib bordi.

O‘rganishlar jarayonida yotoqxonada istiqomat qiladigan 62 nafar hamyurtlarimiz bilan bilan ochiq muloqot tashkil etilib, masalalar shu yerning o‘zida hal etilib, qolganlari ishlab chiqiladigan yo’l xaritaga qo’shishga kelishib olindi.

Ma’lum vaqt, atroflicha o‘rganishni taqozo etadigan murojaatlarni hal etish bo‘yicha mutasaddi rahbarlarga tegishli topshiriqlar berildi.

@alisher_sadullaev

Alisher Sadullaev

09 Oct 2023 10:01

⚡️ 11-oktyabrdan Qatarda nufuzli shaxmat turniri "Qatar Masters" start oladi. Shaxmatimiz kelajagi bo'lgan yosh chempionlar bugun Dohaga qarab yo'l olishmoqda.

Oldinda bizni juda qiziqarli shaxmat matchlari kutib turibdi. Terma jamoamiz vakillariga omad tilab qolamiz!

@alisher_sadullaev

Alisher Sadullaev

09 Oct 2023 06:49

“O‘zbekiston yoshlarining buyuk ishlarga qodirligini jahonga namoyon etdingiz”!

Davlatimiz rahbari Xitoy Xalq Respublikasida bo‘lib o‘tgan XIX yozgi Osiyo o‘yinlarida munosib ishtirok etib, yuksak natijalarni qo‘lga kiritgan O‘zbekiston sport delegatsiyasi a’zolariga tabrik yoʻlladi.

“22 ta oltin medallar jami 31 nafar sportchimiz tomonidan qo‘lga kiritilgan bo‘lsa, ularning teng yarmi – qizlarimiz hissasiga to‘g‘ri kelganini alohida mamnuniyat bilan taʼkidlashni o‘rinli deb bilaman.

132 nafar vakilimiz jami 71 ta medalni qo‘lga kiritib, o‘tgan Osiyo o‘yinlariga nisbatan rekord natijani qayd etganlari ham barchamizni quvontiradi.

Yirik xalqaro sport bellashuvi – Osiyo o‘yinlarida qo‘lga kiritgan tarixiy natijalaringiz bilan sizlarni yana bir bor samimiy qutlab, barchangizga sihat-salomatlik, kelgusi faoliyatingizda yangi-yangi zafarlar, oilalaringizga baxtu saodat tilayman.

Doimo baxtingiz va omadingizni bersin, aziz farzandlarim!”, — deyiladi tabrikda.

@alisher_sadullaev

Alisher Sadullaev

07 Oct 2023 13:19

🇺🇿OLTINNNN!!! Karatechimiz Sevinch Rahimova - Osiyo o‘yinlari g‘olibasi!

55 kg vazn toifasida bahs olib borgan yurtdoshimiz finalda Xitoy Taipeyi vakili Sui-Ping Kuni magʻlubiyatga uchratishga muvaffaq boʻldi.

Barakalla, Sevinch!

@alisher_sadullaev

Alisher Sadullaev

05 Oct 2023 14:31

Abdumalik Xalokovdan nokdaunlar seriyasi!!!

👏U mana shu tarzda finalda yaponiyalik raqibini mag‘lub etdi!

@alisher_sadullaev

Alisher Sadullaev

05 Oct 2023 12:08

Xanchjou shahrida o‘tayotgan XIX Osiyo oʻyinlarining shaxmat boʻyicha jamoaviy bahslarida ishtirok etayotgan o‘zbekistonlik shaxmatchilarimizni jonli efirda birgalikda qo'llab-quvvatlaymiz!

🤝Takliflaringizni yuborishingiz va bahslarni men bilan birgalikda tahlil qilishingiz mumkin.

https://www.youtube.com/watch?v=Wf5I7A4P7JQ

@alisher_sadullaev

Alisher Sadullaev

03 Oct 2023 15:43

Bahodir Jalolov Osiyo o’yinlari yarim finalida raqibini 1-raundda nokaut qildi.

Xanchjou-2022: Bahodir Jalolov Osiyo o’yinlarining yarim finalida eng og’ir vazn toifasida xitoylik Bayikevuzi Danabiekeni 1-raunddayoq nokaut bilan mag’lubiyatga uchratishga erishdi va 5-oktyabr kuni oltin medal uchun jang qiladigan bo’ldi.

@alisher_sadullaev

Alisher Sadullaev

02 Oct 2023 16:35

⚡️ Telegram orqali, xorijiy tillarni mutlaqo bepul, oson va kreativ usulda oʻrganing!

“Ibrat farzandlari”dan har bir til uchun alohida rasmiy telegram kanallar ochilgan. Ushbu kanallarda har bir til darsliklari va foydali ma'lumotlar berib boriladi. Oʻrganayotgan tilingiz kanaliga obuna boʻling.

👉 Havolani bosing: havola

🚀 @ibratfarzandlari