820
لا يوم كيومك يا ابا عبد الله
فزاعية ( طاحت عمته ) _ ( عمامتة )
#من_ديوان_سيدة_النقاء_وأم_الوفاء
كسرة حيدر بفاطم _ جبيره
طاحت عمّته _ شيخ العشيره
مكسور الضهر ياناس اجاهه
ويندب فاطمه المطفي ضواهه
بضعة ابن عمه الدللاهه
( عينوني _ مكسور بفاطم )
عينوني يكول ابصوت مكسور
نشيل جنازة المخلوقة من نور
طفت شمعة الدار وعود البخور
( حزنانه _ اديارج ضلت )
ضلت موحشه حتى الحياطين
ولبس اسود عليج الماي والطين
ودمع من السماء يبجي بلا عين
( يا سر الكون _ وتكوينه )
السماوات السبع والفلك الدوور
لاجلج فاطمة مخلوقة البحور
لان كلش عظيمة ماكو اليزور
(كبرج بس _ حيدر اليزوره)
صاحبة الكساء الغطة خمسه
لهذا الستر منج هل ندرسه
العباية الفاطمية كون هسه
( نلبسهه _ ونعرف هالقيمة )
بقلم #مريم_الصدر
العمل مهداة إلى آل محمد ص
لا أجيز حذف الاسم 🚫 من القصيدة
/channel/mmm234mm
فزاعيه او مربوعه لزهراء ع
يزينب شالت امج وني عليها
كولي شلون حالج من فكدتيها
............
كولي شلون حالج يوم شالوها
وامج للكبر بليل زتوها
دارج خاليه وتنوح خلوها
شلون اوداع امج ودعيتيها
..........
وني وكل ونين يلوك لزهره
مهظومه مشت والخاطر تكسره
شينسه يالحزينه الباب والعصره
بكيتي بدار حيدر لو لحكتيها
.........
يزينب ونت ام حسين اعدليها
او نات الحنينه حيل جريها
امج غاليه وكل الوصف بيها
يعجز كل وصف لو وصفيتيها
........
هاي الطاهره والونه تسواها
حزن قرأنها وموحش مصلاها
امج والعرش هاليوم ينعاها
تسعر نارها وشنهي اليطفيها
..........
نهل دمعاتنه وللموت ونتنه
يضل منصوب لمج دوم ماتمنه
نون عله الضلع وتهل مدامعنه
وحك عيناج ما تبطل تعازيها
✍أم زينب كربلاء غير مبري الذمه من ياخذ الكلام او يحذف الاسم القصيده من كتاب الماسي الفاطميه الحزء لسادس والثلاثين
من اروع القصائد الحزينه المتنوعه التي تشد العزاء تحصلونه بقناة العبرة الحسينية
/channel/amAli30
شلون هاي تصير ياحامي الحمه
بدارك يسطرون وجنة فاطمه
ــــــــــــــــــــــــــــــــــــــــــــــــــــــــــــــــــــــــ
شلون ترضه بهاي يا حامي الدخيل
وانت ذاك البالحرب مالك مثيل
اباب دارك محسنك واكع جتيل
وانت ذاك البيده يرهب صارمه
ــــــــــــــــــــــــــــــــــــــــــــــــــــــــــــــــــــــــــ
شلون داسو حـــدك وحركو الدار
وهاي اول مره يسكت ذو الفقار
حيف بيك الوكت يابو حسين دار
صعبه هاي عليك يابو الموزمه
ــــــــــــــــــــــــــــــــــــــــــــــــــــــــــــــــــــــــ
الجان منك يرجف بوكت الحرب
زلمه صاير وسفه لديارك يطب
والهضيمه ابچفه فاطم تنضرب
وخله عيناها تهل مـــــدمع دمه
ــــــــــــــــــــــــــــــــــــــــــــــــــــــــــــــــــــــــ
ياعلي لــــومل الوصيه كضتك
جان مـــــــاوصلو يحيدر عتبتك
انه اعرفك مـــــــاتثني بضربتك
يفني سيفك هل عصابه المجرمه
ــــــــــــــــــــــــــــــــــــــــــــــــــــــــــــــــــــــــ
باب دارك جـــــــان يلثمها الوحي
بناره يحــــــركها اجه المايستحي
كوم اطحنه ابيمنتك طحن الرحي
بنار سيفك ضوكه نار الحاطمه
ــــــــــــــــــــــــــــــــــــــــــــــــــــــــــــــــــــــــ
الكلو من زادك يبو حسين ومشو
خانو العشره وعلى الزهرة اعتدو
عليها دفعو باب وضلوع اكسرو
ضلوعها من العصره كلها مهشمه
ــــــــــــــــــــــــــــــــــــــــــــــــــــــــــــــــــــــــ
خلف باب الدار فاطم تستجير
بلا حجاب وضلع من عدها كسير
هل صحابه بلايه ذمه ولا ضمير
عليها دفعو بابها بلا مرحمه
ــــــــــــــــــــــــــــــــــــــــــــــــــــــــــــــــــــــــ
حيدر انت وهل اسم ينكط فخر
جفك على اخـــــدودهم تارك اثر
سيفك اليكسر ومــــــامره انكسر
تارك بكل حرب اسمك ملحمه
ــــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
من اروع القصائد الحزينه المتنوعه التي تشد العزاء تحصلونه بقناة العبرة الحسينية
/channel/amAli30
ثكيلة ( الممتحنة )
#من_ديوان_سيدة_النقاء_وأم_الوفاء
سلام الله على الزهرة الزجية
سلام الله على الدرة النقية
بعدها يم ولدها الي بعمرها
مظلومة مشت مخفي كبرها
اليشتاكلها بس يشتم عطرها
سلام الله عليها بكل مسية
سلام الله على الراحت شهيدة
أبليل أندفنت وضلت وحيدة
سلام الله على الصارت بعيدة
سلام الله على الزهرة الأبية
أنحرمت من ولدها ومن عليها
عالمحسن دمعها وكل بجيها
حمرة عيونها ومتعورة أديها
سلام الله على الحجة القوية
مصيبتها أبد ماكو مثلها
الزهرة تعذبت هية وأهلها
ماينعد حزنها وكل عللها
سلام الله المرأة التقية
سلام الله عليها بكل الإعصور
على النزلت بأسمها أية النور
نار مصيبتج بكلوبنا تفور
سلام الله على العصمة الرضية
بقلم #مريم_الصدر
العمل مهداة إلى آل محمد ص
لا أجيز حذف الاسم 🚫 من القصيدة
/channel/mmm234mm
سورة الكوثر تون ياهو السمعها
ياهو خلف الباب من لاذت دفعها
موشح
لأستشهاد فاطمة الزهراء عليها السلام
فاطمه جيش الكفر اذاها
من العصابه بس ضلم لاگاها
....
اليله فاطم ينكسر منها ضلع
والأملاك بهالمصيبه تنفجع
واليتامه عيونهم تسچب دمع
ولفلاك تضج على مبچاها
......
اليله فاطم بابها تحرگه العده
اعله أهل بيت نبي الضلم ابتده
من طفلها يذبحه لبدمه رده
وبالدمه واعله الترب خلاها
.......
اليله بالدم تنصبغ كل السمه
اليله الله يعينه حماي الحمه
شلون حاله من يودع فاطمه
يدعي نفسه تموت من فرگاها
....
اليله يمشي حيدره محني الضهر
وزينب بونها تفطر بالصخر
ولوعة الحسنين تبقه ويه الدهر
ثجيله وزن الباب وشينساها
.....
اليله تلتم علزچيه العايله
.يكلها ابوسجاد يمه بكربله
تروح بتچ أعله ناگه مايله
شلون بيها وامها مو وياها
مقتدى الشبلاوي
الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313
#نعـي
عليها مـن تـصـب الماي بهـداي
خاف اظلوعها يعـورهـن الماي
بعدها آثار طبگات الجذع هاي
بصدر امي يبويه الخلفت داي
سيد حسين الياسري
#اللهم_عجل_لوليك_الفرج
يالمذبوح جم مذبوح بعدك صفه
مصيبه التنوصف متوفي اهلها
اوصف كربلاء لو اوصف الذبحوك
لو عايش عطش كلبك نبلها
حراره البنحر جوت معاني الكاع
صلفه ولازم دمومك تردها
خلقك نور ما يتساوه وي الطين
جروح هواي ما صار و حملها
و لا يتساوه وي منحور ثاني حسين
من الغفى منحور و الكل شهدها
يا ابن الزهره ما تتوصف بكلمات
الشمس من شافتك غابت بعدها
نسئل الله ان ياخذ حق كل مظلوم بحق الحسين عليه السلام
*خادمه اهل البيت
الشاعره حوراء الساري
#قصيدة لرسول الله ص
يارسول الله ورحمته
وشخصك من الله عشكته
يا محمد يا محمد
انته يا أصدق بشر مر بالوجود
كلهه حد الهه ولا تملك حدود
أنته ماخنت الأمانة ولا وعود
ولهذا أسمك يهز عرش اليهود
اختيار من السماء
للأرض أنته العطاء
يامحمد يامحمد
اتميزت بالرحمه والقلب السموح
وعطر من الجنة من ثغرك يفوح
بلسم أسمك لو نذكره أعله الجروح
أني و أولادي فدة لأسمك نروح
منك ويبدي السلام
وينتهي وي الإمام
يا محمد يا محمد
كل معاجز ربك وأهل الكتاب
كالوا أنته وتنتهي هاي العجاب
المايذكرك بالصلاة وبالثواب
هذا ناقص دينه لو جاب السحاب
أنته كملت الرساله
بالانسانية وعداله
يا محمد يا محمد
واجهت من صحبتك عشرة مخيفة
ايدهم بس للغدر لامو نضيفة
بس متت يا سيدي رادوا خليفة
وخذوا حق حيدر علي جوه السقيفة
خذوا حق حيدر علي
وهوة من بعدك ولي
يا محمد يا محمد
الوصية سيدي همه انكروها
وزهرتك من البواجي هجروها
وخذوا من بنتك فدك انوب اعصروها
خلف ذاك الباب حركوا دار ابوها
ماكو حرمه للنبي
الحرك خلف سبي
يا محمد يامحمد
بقلم #مريم_الصدر
العمل مهداة إلى آل محمد ص
لا أجيز حذف الاسم 🚫 من القصيدة
/channel/mmm234mm
قصيدة للرسول(ص)لسان حال مولاتي فاطمة(ع)
❥━──➸➽❥❂❥━──➸➽❥❂
*وسفه ماترجع بعد … گلبي اعليك انمرد*
بويه بويه بويه بويه
❥━──➸➽❥❂❥━──➸➽❥❂
بگلبي جمرة تستعر واهملها عيني
رحت ياوسفة يغالي وماتجيني
ليك احنن يالابو وزايد حنيني
*بدارك اگعدت وصحت… ليش يالغالي رحت*
بويه بويه بويه بويه
❥━──➸➽❥❂❥━──➸➽❥❂
بدارك اگعد ليلي ونهاري اون
اذكر ايام المضت ذيچ واحن
بوية بغيابك اعيش انة بحزن
*فرگتك اكبر جرح … چني طير ومنذبح*
بويه بويه بويه بويه
❥━──➸➽❥❂❥━──➸➽❥❂
فرگتك صعبة علية وعذبتني
ليش يالغالي رحت عني وعفتني
بدنية وحشة ليش انة تيهتني
*ادري عگبك انولي…وضلعي يكسرونة الي*
بويه بويه بويه بويه
❥━──➸➽❥❂❥━──➸➽❥❂
ادري ميرحموني والله اخلاف عيناك
من رحت عني يريت اخذيتني وياك
شلي ابعمري اعيشة انة بلياك
*اگضي باحزان العمر … والگلب يلهب جمر*
بويه بويه بويه بويه
❥━──➸➽❥❂❥━──➸➽❥❂
بعد شيردك علية ياضوة العين
وين مثلك الگة يابو گلب الحنين
بيك فجعاني يوالي وصابني البين
*بيك دلالي انفجع…والله مابطل الدمع*
بويه بويه بويه بويه
❥━──➸➽❥❂❥━──➸➽❥
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح والدي واختي وأمواتكم:🍃*
/channel/abbasns5
قصائد نساء لكل ايام محرم اشترك
لطميه للرسول
الليله ونت الزهره. على واليها
عنها شال وتعلت بواجيها
الليله ونينها علته على الوالي
شايل يا اعز من روحي يالغالي
مالومة تضل منها الدمع.هالي
اه يم الحسن يامن يهديها
راح المصطفى منها وخفه صوته
وشالوه ياوسافه وسار تابوته
ضلت خاليه من شخصه بيوته
وبته تنوح والونه تعليها
اه ياحالها الي يهدم المرمر
تبجي وتنتحب منها الدمع فجر
مهظومة تون عالفركه ماتكدر
تدري ام الحسن عالفركه مابيها
شلون تفاركك يانور عيناها
يالكضيت عمرك كله وياها
مالومه تراهي وزاد بلواها
اه ياحالها للضيم تاليها
الليله ونت الزهره على الهادي
نادت يا حبيبي وسلوة افادي
حالي من عكب عيناك مترادي
روحي تلوج يافركاك كاضيها
أم زينب السعداوي
/channel/abbasns5
قصائد نساء لكل ايام محرم اشترك
قصيده كأني بالسال حال مولاتي فاطمه الزهراء عليها السلام تخاطب ابيها رسول اللّه( ص)
🖊️📙
شلون عني اتروح وتخليني
بويه تدري فرگتك تعميني
¤=======¤¤=======¤
بويه بغيابك تــــمر چــم لوعه
روحي مالومـه تضل موجوعه
وعلى افـراگك ونتي مسموعه
ابجي ماتسمع يابويه اونيني
¤=======¤¤=======¤
ابجي يابويه ودمع عيني جره
اليوم اون عليك روحي مرمره
بالحـزن ضليت بـــعدك حــايره
على غيابك بويه تهمــــل عيني
¤=======¤¤=======¤
علــى غيابك بويه متهدم الحيل
اليوم وحشه الدار وتذوب الدليل
على فراگك مانمت دمعي يسيل
اعليك ابچــي والــدمع عاميني
¤=======¤¤=======¤
هالعده حـــرگوا يـابويه داري
انــوح مهضومه واتـسعر ناري
اعليه ماتـدري يوالي شجـاري
اليـوم صابوا ضلعي اوياذيـني
¤=======¤¤=======¤
بعد عينك شـفـت الام وهـموم
من البجي اعليك منعوني الگوم
من الدار طلعوني ودموعي دموم
اتمنيت بويه اوياك تگضي اسنيني
¤=======¤¤=======¤
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/abbasns5
قصائد نساء لكل ايام محرم اشترك
نزال
حسين بس هوه الصدگ صاحب طويله
واحنــه غيــر حســين ماعـدنه وســـيله
***
الله يرحـم حجـــي مـهـــدي الاموي
گــال هالجـــمله وبقـــت تدوي دوي
حسين صاحب لچن هالصاحب قوي
واليســنده حسيــــن لامـــــاينـــــلوي
ابحـثنه وبحـثنه وطــلعنه بهالحصيله
واحــنه غيــر حسـين ماعدنه وسيله
***
حسين ماهــد ربـعه يــوم من الأيام
بالــضــوه لازم ادينــــه وبالــظلام
امرار ياخــذنه الهوه وحــلو الكلام
نبــتــعد وتـــردنه نفــحات الامــام
مستـحيله يعــوف ربـعه مستــحيله
واحنه غير حسيــن ماعدنه وسيله
***
عـــن ابوالـــسجاد نـــبعد مســـتحيل
بيـــتـنه وعـــن بيـــتنه لامـــانـــشيل
حسين حيـــل هواي والبـــاقي قـــليل
غــير هـــوه المن اجلنـــه انـطه كفيل
حسين مو صم ينطي من ينطي بشليله
واحنــه غيـــر حــسين ماعـدنه وسيله
***
حســين واليتــمسك بحـبـله المتين
مايــزل جــدمه شـــمال ولا يـمين
حسين ونعرفه شنو من چنه طـين
ولــِهذا السبـــب بــــي متمـســكين
نحيــي بي يــاناس ونموت بسبيله
واحنه غير حسين ماعـدنه وسيله
***
حـسين جـــننه وحـــلو بيــه الجنون
حســـين ايــاتً لقــــومـن يعقــــلون
حسين لـو ما هـو احــنه مــَن نـكون
حسين بس هوه السكن وسط العيون
باقـي وســـط گــلوبنه ولامانـــشيله
واحنــه غير حسين ماعدنـه وسيله
***
الدنيــا ياهــالناس مابيـها ضمان
شيلگه بله الي يــعوفه بـهالزمان
حسين من نلوذ بي نلگـي الأمان
هـــوه أبو الحنـيه بل رب الحنان
شما نوصفه اوصافنه تبـقى قليله
واحنه غير حسين ماعدنه وسيله
***
بصاية الله وصاية حسين الحنين
حســين أصــحابـه دلال مــدللين
بفضله وبجوده وعطائه عايـشين
الــف نــعملله وشــكراً للـــحسين
شيخـنه المهيوب طبــعن مـنتميله
واحنه غيـر حسين ماعدنه وسيله
***
حيدر تركي الكربلائي
من اروع القصائد الحزينه المتنوعه التي تشد العزاء تحصلونه بقناة العبرة الحسينية
/channel/amAli30
قصيده لرجوع السيده زينب عليها السلام يوم الأربعين
تقره بطور المربع و الهوسات
{ مستهل القصيدة }
يـم اكبور اهلها - شدت احزام
زينب من اجت تلطم على الهام
•───✧◐◐✧───•
شدت حيلها ولطمت للخوان
لختكم كعدو صاحت ها يوليان
اجيت من اليسر والحيل ركدان
تعبانه يخوتي وليلي ما نام
{ ياليلي اعليكم - ما انامه }
•───✧◐◐✧───•
بسكم ياخوال ابني من النومه
من درب اليسر رديت مهضومه
شيفيد العتب للنامو بحومه
بقت بس ذكريات وكلهن الاآم
{ بس ساعه وياكم - مشتاكه }
•───✧◐◐✧───•
الطم والطم ميرجع المات
يم اكبوركم ونيت ساعات
لاواحد كعد منكم يسادات
بعالي الصوت صحتلكم ينيام
{ زينبكم اني - كعدولي }
•───✧◐◐✧───•
ريت اكبوركم بيهه رسم باب
اكابل بابكم وانعي يالأحباب
عليكم يخوتي دلالي انصاب
افراك اسنين مااحمله بالأوهام
{ مااحمل فركه - تدروني }
•───✧◐◐✧───•
احسب ساعه ساعه حتى اجيكم
صار الأربعين وجيت ليكم
حسبالي امن اجي اسمع حجيكم
وتالي ايست منكم يالزلام
{ يلبيكم هيبه - كعدولي }
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
2020
/channel/um_ali313
#جديدحصريآ 💔😭🔥
قصيدة شوق لأربعين الحسين
لسان حالي وأحساسي بالعقيلة من رجعت مشتاقة لأخوها
بقلمي خادمتكم أم علي الإماره
{ مستهل القصيدة }
يم حسين زينب من رجعتـي
رف كلبچ على الخوه ورجفتي
•───✧◐◐✧───•
رف كلبچ عليه يم عشرة الحلوه
بس وياچ زينب لايـگـه الخــوه
يلمتروس كلبچ غيــره وامــروه
وأحسچ للملاكه اليوم اجيتــي
يم حسين زينب من رجعتـي
•───✧◐◐✧───•
ها يم عون اجيتي بكلب حاير
وي اعزاز روحچ هيچ صاير
راس حسين صد عليچ داير
سلامتكم يخوتي وما شكيتـي
يم حسين زينب من رجعتي
•───✧◐◐✧───•
شوك البيچ يازينب تطلعينــه
وتنسين الهضم والصار تنسينه
بس ملكه العزيز اليوم تردينـه
ونبرة صوته يلحره طلبتـي
يم حسين زينب من رجعتي
•───✧◐◐✧───•
اجيتي مسيره ليهم وتعبانـه
مشتاكه لهلها الروح خلصانه
تفلين الحزن والشوك حزنانه
تالي بس قهر شفتي وشبعتـي
يم حسين زينب من رجعتـي
•───✧◐◐✧───•
منهم أيست روحچ يعلويـه
ماكعدولچ اخوانچ النشميه
مافليتي شوكچ للولي شويه
حالچ ماتحمل وانوجعتـي
يم حسين زينب من رجعتي
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة
/channel/um_ali313
AM
]
فزاعيه حول الزهراء
وداحي الباب. بيج اليله زاتوت
متخوصر عليج ورايد يموت
شد نكابه/وعليج احزن
بيج اليله رايح داحي الباب
وكولي شلون بيده يهيل التراب
مكدر عالزجيه وحاط نكاب
ويبجي من خذاها بعالي الصوت
ردي البيتي/والبيت اظلم
حيدر بالزجيه اليله دفان
ومتكدر عليها وحيل تعبان
وزاتوت بنعشهه عالي الشان
بل ظلمه طلع وينوح بسكوت
رايح بيهه/ والحيل اركد
]
محزم والنعش باليل زتاه
وصوب المكبره محد مشه وياه
ياهو العاونه والنوح هداه
يحفر بل كبر والنفس مبهوت
راحت روحه/وعليهه يون
]
زاتوت الصميده وشاد احزام
ولمصاب الزجيه ابد ما نام
طلع تابوتهه ويدك عله الهام
وحشه اخلافهه ام حسين البيوت
وحشه عليهه/ويكول اتضل
]
اتخوصر من خذاها وراح بيهه
وزت الغاليه ويبچي عليهه
ما يحمل ولا فارك حجيهه
وهسه يشيلهه الزهره بتابوت
يوم الشاله/يا يوم اكشر
لخادمة الزهراء. العلويه ام جعفر
بثواب سيد جعفر سيد محمد
من اروع القصائد الحزينه المتنوعه التي تشد العزاء تحصلونه بقناة العبرة الحسينية
/channel/amAli30
قصيدة جنوبيه للزهراء 🔥
{ مستهل القصيدة }
ومحد گابلچ زينب عله الزهرة
ومخنوگه بقيتـي كاتمه العبره
•───✧◐◐✧───•
محــد كابلچ هاليــوم بالونــه
عله امچ يالعقيله احزام اشدنه
عونه نصير الـچ وانتـي حبيبتنه
{ والزهره امچ - ماننساها }
•───✧◐◐✧───•
احنه نكابلچ بالونه واللطمــه
واندك الصدر ونصيح يايمـه
وادموعچ يزينب زادن الهضمه
{ حكچ يازينب - مهضومه }
•───✧◐◐✧───•
كلنــه اوياچ جينه اليوم عوانه
نشد احزامنـه ونكثر ابچانــه
نتكابل سوه ونذكر الوجعانــه
{ اصواب البيها - أذانـه }
•───✧◐◐✧───•
حكچ لو بچيتي ماتعوضيها
امچ شايله وشلون تنسيها
مو مثل النسه انتي تعرفيهـا
{ امچ يازينب - سلطانه }
•───✧◐◐✧───•
بس الها المناحة امچ يعلويـة
لغير الزاچيــه متلوك لطميـة
حچي الزين بس لهل الكباريـه
{ الگول بحقكم - تسوونـه }
•───✧◐◐✧───•
بقلم المله والشاعره ام علي الأماره
المستهل للمله ام نور التميمي البصره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
/channel/um_ali313
فزاعية ( جسر ياموت )
#من_ديوان_سيدة_النقاء_وأم_الوفاء
جسر ياموت _ ماخذ ام الحسين
خذيت الزاجية _ ام كلب الحنين
لاحك زينب اعله امها الزكية
وحيدر يبجي ودموعه جرية
يون حيل الحسن حاضن أخية
مكسورة _ كلوب العترة
جسر ياموت من عصروهه بالباب
رضيت ابرد فعلهم ذول الأذناب
منهم وابتدت قصة الإرهاب
وبغضوها _ ليومك هذا
خذتها ابليل والدنيا اكسرتها
وكلوب الهواشم فطرتها
وبفراك امها زينب عذبتها
ودفنوهه _ بسكوت الزهره
اصيله بت محمد ما رضت ذل
وانطيك الدليل وانته حلل
خلف الباب ضلت حجبت الضل
وحفظتها _ مرجانة حيدر
حفظت حيدر وجانت قوية
وكلهم ذكرتهم بالوصية
تعديتو عليها شهالرزية
واذوها _ عدوان وكلهم
بقلم #مريم_الصدر
العمل مهداة إلى آل محمد ص
لا أجيز حذف الاسم 🚫 من القصيدة
/channel/mmm234mm
وين جانت زينب بيوم الكساء ؟
هل سؤال أبالي لازم ينطرح
سر بنت طه الخفي لو هيه ريح
اليشمه بساع صدره ينشرح
يمكن جناح الوحي بذاك النزول
هيه جانت زينب أذان الصبح
بقلم #مريم_الصدر
/channel/mmm234mm
زينب اني يالزچيه ...فرگتج كلش صعب
ردي وخليني اعيشن...خل يدگ ليه الگلب
ـــــــــــــــــــــــــــــــــــــــــــــــــــــــــــم
يمه مخنوگه بدونج ...صدري ماضل بيه هوه
ريت روحي وياج تطلع ..ونندفن يمه سوه
ضلمه صارتلي حياتي.. بعد ما بيها ضوه
يمه بس ردي عليه....
بعد وكت ااعله المنيه...
ردت من امشي سبيه...ردتج بين الغرب
ـــــــــــــــــــــــــــــــــــــــــــــــــــــــــــم
چنت اشوفج واني بالهم..مايضل عندي زعل.
من شفت متنج ييمه... كلشي بيه هالنحل
يمي من ضيم السقيقه ..مابگه عندي امل
طيحوج اعله الترابه
شلون مجموعه عصابه
لبسوا لباس الصحابه... ماكو عدهم بس سلب
ـــــــــــــــــــــــــــــــــــــــــــــــــــــــــــم
گلبه اسود ماكو رحمه ال يحرگ ويكسر ضلع
وخله بت سيد الرساله اعله ابنها تنفجع
من هد مافاركنه جدنه مانشف منج دمع
ياطمعهم بالخلافه
هجموا اعليج بصلافه..
خالفوا جدنه حسافه....هيجي جازو بالضرب
ـــــــــــــــــــــــــــــــــــــــــــــــــــــــــــم
يمه محسن ردته يكبر...عون اليه بكربله
ردته وي كفالي باچر....تلوذ بيه العايله
باجر أنه بلا اخوتي...واعله ناگه و مايله
شمحله لوخواني كثره
خيل ماشوف اعله صدره
لاتوج بخيامي جمره ..ولاسبي وضيم الدرب
ـــــــــــــــــــــــــــــــــــــــــــــــــــــــــــم
راح اعليه المصايب...ممشه چن سيل النهر
راح شيب يغطي راسي.وابقه يمه بلانضر
وبعد لانوم ويجيني ...واگضي عمري بس سهر
من يطبرونه ابونه
وينمرد جبده اخونه
والحسين يسلبونه....واليجيني بس رعب
مقتدى الشبلاوي
الـقنـــوات الـرسميــة ✔️
🔹 @Hassoun_10
🔸@Alialoussawi
🔺@aLRukab_313
اللهم اجعلنا بجور سيدي الحسين و احشرنا معه في الاخره
السلام عليكم
الشاب حيدر اسكندر المرحوم لا يمتّ لي بأي صلة فقط انشر له حتى الناس تعرف قصته وترحم عليه هوايه نشهد قصص تفجع قلبنا و تذكرنا بسيد شباب اهل الجنه هاذا الوقت 😔
يارسول الله وداعاً
ــــــــــــــــــــــــــــــــــــــــــــــــــــــــــــــــــــــــ
جبريل صــــــــــوته يعتلي علي علي علي علي
ودع رســــــــــول الله علي علي علي علي علي
مهــــــــــضوم هاليوم الولي علي علي علي علي
وبحــــــــــزنه كلبه ممتلي علي علي علي علي
ــــــــــــــــــــــــــــــــــــــــــــــــــــــــــــــــــــــــ
ضجت مــــــلأكة السمه مأجور ياحامي الحمه
فكدتت ابـــــوها فاطمه مأجور ياحامي الحمه
عين الجماد اتصب دمه مأجور ياحامي الحمه
نيران كلـــــــبك مضرمه مأجور ياحامي الحمه
ــــــــــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــــــــــــ
خل نلــــطم ونجري الدمع ودعنه هاليله النبي
وحسرتنه خل تكسر ضلع ودعنه هاليله النبي
وكل شيعي واجب ينفجع ودعنه هاليله النبي
وصــــوت النواعي ينسمع ودعنه هاليله النبي
ــــــــــــــــــــــــــــــــــــــــــــــــــــــــــــــــــــــــ
خل يـــدري هسه المادره مسموم والد فاطمه
تنــــــــــعه الثريه والثره مسموم والد فاطمه
وينعاه بحـــــركه حيدره مسموم والد فاطمه
والــــدنيا كلـــــها مكدره مسموم والد فاطمه
ــــــــــــــــــــــــــــــــــــــــــــــــــــــــــــــــــــــــ
هاليله ضــــــهرك انكسر الله يعينك ياعلي
ودمعك مثل سيل انهمر الله يعينك ياعلي
فاكد اعـــــــز وغلى بشر الله يعينك ياعلي
وضلت تلجـــــمك الصور الله يعينك ياعلي
ــــــــــــــــــــــــــــــــــــــــــــــــــــــــــــــــــــــــ
ودع حبيبك هـــــل مسه ويلاه ياحيدر علي
المثل الهــــــــــوه تتنفسه ويلاه ياحيدر علي
الجلماته جـــانت مونسه ويلاه ياحيدر علي
المالحــــــضه ذكره ينسه ويلاه ياحيدر علي
ــــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
من اروع القصائد الحزينه المتنوعه التي تشد العزاء تحصلونه بقناة العبرة الحسينية
/channel/amAli30
#جديد_فزاعية_لرسول_الله_ص
بموت الحيد _ كلنه اتيتمينه
مو بس فاطمة الزهره حزينه
كل الدنيه مكسوره اعله فكده
تره اضل البشر بعدك بشده
جرح الفاجعه محد يضمده
وهليله _ الدنيه انكسرت
مو بس آل طه الليله يبجون
علية كل الخلق حزنان والكون
وجبريل الأمين اليوم محزون
ودمعاته _ يجرن ماسكتن
ابونا كلنه والشافع محمد
هوه الوالد وحيدر اليشهد
من نصلي عليه الأجر يصعد
وبالهادي _ نوصل للجنه
ايتامك تون يابو المحنه
يبعد العافيه يابعد اهلنه
حزنانين ويه الزهره كلنه
ونتعازه _ وي فاطم كلنه
وداعت فاطمه انته ابونه
واعز من كل اهلنه الدللونه
عونه الترضه عنه والف عونه
ياهيبه _ يومك اذانه
بقلم #مريم_الصدر
العمل مهداة إلى آل محمد ص
لا أجيز حذف الاسم 🚫 من القصيدة
/channel/mmm234mm
لطميه للرسول(ص)
////////////////////
وين اتريد ياصدر الدواوين
عليك اتنوح كتبك والقرائين
////////////////////
وين اتريد شايل هالمسيه
عليك اينوح حيدر والزجيه
مهضوم الحسن وحسين اخيه
يتعازون لمصابك محازين
////////////////////
يتعازون هالليله ويونون
فكدك مو سهل كلهم يكولون
اشلون اتغيب عنهم ياضوه الكون
محد يكدر الفركاك يومين
////////////////////
محد يكدر الفركاك تدري
اتصيح ام الحسن مكسور ضهري
اشلون اصبر بعد خلصان صبري
لاكلبي اليهيد ولاغفت عين
////////////////////
كلبي المايهيد وبيش اهوده
عدل ردناك بابك ماتسده
اشلون اتعوف ابو الحسنين وحده
خذاك الموت منه انجيبك امنين
////////////////////
خذاك الموت شيجيبك يمهيوب
محله وكفتك بالبيت الغروب
يون اعليك كلبي وصار مصيوب
اشلون ايطيب بويه الصوبه البين
////////////////////
اشلون ايطيب كلبي البين صابه
موحش مسجدك وانغلك بابه
ياجيدوم يالتكضي الطلابه
ياكهف اليتامه والمساكين
///////////////////
يجد حسين ياكهف اليتامه
فكدك مو سهل نوح وندامه
بجفاك الدهر خيم ظلامه
وهضموا فاطمه كوم الملاعين
////////////////////
لشاعرة اهل البيت
المله ام هجران العمارجيه
https://t.me/joinchat/AAAAAELdvGssZMurwfLsJA
قصائد نسائيه لكل ايام محرم اشترك
لطميه للرسول ﷺ ( تبچي اليوم حزنانه )
وأم حسين تبچي اليوم حزنانه
خالي يالرسول المصطفى أمچانه
❥━──➸➽❥💔❥━──➸➽❥💔
خالي يالرسول أمچانه بدياره
وحشه وأنطفن من حمّل أنواره
وعگبه الدين ويلي طاحن أسواره
فرغ برض المدينه الوالي ديوانه
❥━──➸➽❥💔❥━──➸➽❥💔
فارغ من گعدته وكشخته الليله
وبدياره تنوح أو تنحب العيله
حبيب الله مشه وحيدر أنهد حيله
طلع بيه الوصي أملثم أو دفانه
❥━──➸➽❥💔❥━──➸➽❥💔
صاحت فاطمه لا تمشي يا يابه
وأتعوف الدموع أبعيني سچابه
وجهك يالحنين أيعذب أغيابه
وبالگعده أنفگد يا شخصك أويانه
❥━──➸➽❥💔❥━──➸➽❥💔
مشه عن المدينه وحيدر أدموعه
يجرن وأنحنت من فرگته أضلوعه
والزهره أبمصابه أتنوح مفجوعه
أنسد يالأسس الأسلام ديوانه
❥━──➸➽❥💔❥━──➸➽❥💔
شايل للگبر والزهره مهضومه
وحيل أثگيل وأيهد يالأبو يومه
وبتراب اللحد غطوهن أرسومه
والزهره الزچيه اليوم نحلانه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
*غير مبرء الذمة كل من يتلاعب بلقصيدة*
الأربعاء / ٢١ من شهر صفر الحرام
الموافق / ٢٠٢٦/٨/٥
/channel/abbasns5
قصائد نساء لكل ايام محرم اشترك
على مُحمد واويلاه
على مُحمد واويلاه
--------------
شافت علي بـي ماشي دفان
گلـتله جـيبـه ألگلبي خلصان
دخــلي نعـشه أبيت الاحزان
خليني وحــدي اتـوادع وياه
على مُحمد واويلاه
-----------
صاحت يحـــيدر دنيا وحشه
لمـــن ابــوي انــشال نعشه
بــيدك اريــد اســـده رمشه
هـــذه ابـوي وصعبة انساه
على مُحمد واويلاه
--------------
بعــده الـدمع مايترك الخد
ومن هــسه انه وياي محد
شــنهـي لحـــياة بلا محمد
بعده الــعمر مايـسوه والله
على مُحمد واويلاه
--------------
عاشـت عـمــر امُ الأبــيها
جان الــنـبي ايــقبل اديها
راح وبعد ماضـن يـجـيها
هسة التراب الغالي غطاه
على مُحمد واويلاه
--------------
فــگـد الأبــو من يترك اجروح
يخلي الجسد بس ياخذ الروح
هيج بغـــيابك فــاطـمة تنوح
ياخذها مـلك المــوت تنخاه
على مُحمد واويلاه
--------------
تـبجي الارض ويه السماوات
سمعن حبيب الزهره من مات
وخله بگـلبهــه هواي لجمات
صاحت يعون الهـسه شافاه
على مُحمد واويلاه
--------------
لفلانه صار اليوم موضوع
والزهرة فوگ اخدودهه ادموع
وتدري برحيلك كسر الضلوع
والمثلك انته يبقى محلاه
على مُحمد واويلاه
--------------
الشاعر محمد البنداوي
من اروع القصائد الحزينه المتنوعه التي تشد العزاء تحصلونه بقناة العبرة الحسينية
/channel/amAli30
سولفتها وعقلي ماشايلها
طالعه زيـنب بلا كافلها
-----
زينب التتـــبده من گـــد مستحاها
تمشي والعباس مـن تمشي وراها
الدنيـه گـلولي يهـــل وادم شجاها
ابن جوشن صدگ مسـبيه خذاها
ياهو منكم يالخدم عاقلها؟
طالعه زينـب بلا كافلها
__
العفه اذا مرت تمــر زينب على البال
شرف الله امن الله شو بس الها تنگال
شـلون راحــت لليســر من غير كفال
الحيــره ياهو الگيــد ايــديها بالحـبال
زين يدري احسين المدللها؟
طالعــه زينــب بلا كافلها
____
زينب وســتر الوجـــود احــتار بيها
بصاية الله وصـــاية الــكافــل
وليها
على الناگه اشعجب مگيودات اديها
احــجار ليــش الوادم اتشامر عليها
ياهو اليصعدها واينزلها؟
طالعـه زينـب بلا كافلها
__
الحرمه زحمه تنــوخذ لليسر هيه
اشحال اذا والــدها حمـاي الحميه
اعيون صلفه الگاعده بديون اميه
شلون تدخل زينب اعليـهم سبيه
الي هاي الفكره شيوصلها
طالعــه زينــب بلا كافلها
__
الچان اخوها الهوه مايسمح يمرها
اگباله فـن واحد اذا يطري ذكرها
زينب الحادي عگب عـينه يجرها
وين ماكو سوگ بيه زحمه يمرها
الحادي فعله كلش ايألمها
طالعه زينــب بلا كافلها
__
ابلايه محمل تمشي وبلايه حمايه
حيل مســتغربها عقــلي هالروايه
شــنو معــناها عليها مـــاكو رايه
أذن زينـب حاسبيها اعله السبايه
فكري حد هاللحظه ماقابلها
طالــعه زينــب بــلا كافلها
__
حيدر تركي الكربلائي
من اروع القصائد الحزينه المتنوعه التي تشد العزاء تحصلونه بقناة العبرة الحسينية
/channel/amAli30
قصيدة لرأس الحسين تقرى بيوم الأربعين
{ مستهل القصيدة }
راس ابو السجاد جبته لمنحره
بالرمح رفعوه ارسومه امغيره
•───✧◐◐✧───•
جبت راسه وجيت ارده الجثته
جيت يمه وماجبتها ابنيته
عفيه روحي شلون عينچ شافته
شفاف ابو السجاد وسفه مفطره
•───✧◐◐✧───•
جيت يمه وبيه كثرانه الجروح
من نظرته عالرمح روحي تروح
والدرب خلصته بدموعي وانوح
اليوم ارده وجايته محيره
•───✧◐◐✧───•
راده من اليسر بيه التعب
من اراضي الشام دمعاتي تصب
راسه مرفوع برمح طول الدرب
راسه فوك ارماح عيله تنظره
•───✧◐◐✧───•
ااه ياذاك التعب درب السبي
عالنياك اخذونه وحمره العبي
الكايد الناكه حسافه الأجنبي
حرم عندي وانه وياهم مره
•───✧◐◐✧───•
النار متوجره بدليلي يالولي
ومن يصير الليل وانه بالخلي
العيله مرعوبه وتنادي ياعلي
شوف راس ابنك بحضني وانظره
•───✧◐◐✧───•
بقلم المله والشاعره ام علي الإماره
غير مبري الذمه اليحذف اسم الشاعره وينسب الكلام له
/channel/um_ali313
#فزاعيه_نسل_الهاشمي
ابوهم هاشمي _ وامهم البدويه
عباس واخوته _ ارجال حربيه
كمر ونجوم طبو هيبه للطف
خلوهه الزلم بدموم تشطف
منهم محد اليعبر ويخطف
يكتلونه _ اليعبر حده
كالو للحسين نموت وياك
كبل مطيح احنه انطيح جواك
ماتسوه الجنان ابدونك هناك
وواعدناه _ انموت اكباله
التموا فرد لمه يم اخوهم
خوش احزام صارو لبن ابوهم
لهذا اليوم هاشم كبروهم
يشيلونه _ الطاح بشده
رزق شافوا الموت وي ابو اليمه
وكالوا نصرته وواجب وذمه
وماخلوا احسين يزيد همه
وشالوهه _ العركه بهمه
سواهه مطر بالصيف عباس
دم وروس مطرت تشهد الناس
تحلاله المراجل ثبت الساس
ودخانه _ سواهه الحومه
بقلم #مريم_الصدر
العمل مهداة إلى آل محمد ص
لا أجيز حذف الاسم 🚫 من القصيدة
/channel/mmm234mm