تورپاق
تورپاق بوم-بوز
ائله بیل کی ، اوزونه
دمرو دوشوب.
بیر یاندا چادار-چادار
بیر یاندا دوخسان یاشلی قوجا اوزو کیمی
بوروشوب
بیر یاندا آناسینی گؤرموش اوشاق کیمی
سئوینجلی، چیچکلی.
بیر یاندا سوسوز
بیر یاندا سودان بئزار
بیر یاندا قومو قاینار
بیر یاندا اؤرتویو قار
تورپاق هم چؤرک وئریر بیزه
هم سو
هم سن منزیلیمیزه یئر وئریر
نسیل-نسیل قلبیمیزده یاشاییر
اونو ایتیرمک قورخوسو
رسول ریضا ۱۹۶۵
@Axaaq
سیز خوش اولون آی اؤلولر
کیم آغلاییر فاغیر- فاغیر
ائله بیل بو یاغیش دئییل
قارا گوندو بئله یاغیر
بو قار دئییل بو قیش دئییل!
گئجهنین اویاق سسیدیر
اؤلومون آیاق سسیدیر
آجی آغلاماق سسیدیر
شیرین- شیرین گولوش دئییل!
زنجیر اَتین کسه-کسه
بیر باخ بو دیدرگین سسه
شاعیردیر دلیدیر نهسه!
آزاد اوخویان قوش دئییل!
دوغرو آغلار، یالان گولر
بو نغمهدن اود تؤکولر
سیز خوش اولون آی اؤلولر
بیزیم کئفیمیز خوش دئییل!
نادر الهی
@adabiyatevi
@Axaaq
قارا لِنزا تاخاندان بری
چكيلمز اولوب
ياسلي گؤزلريینين موصيبتی!
اؤلوم جانلانير اورهیيمده
باخيشلاريینين ويترينيندن چيخارت منی!
ائلتاش صالحی
@Axaaq
بو داغلاردا قار اولسایدیم
بیر عاصی روزگار اولسایدیم
آرار تاپارمییدین منی
صاحیبسیز مزار اولسایدیم؟
بو یانغیندا هار اولسایدیم
آغلاییب بیزار اولسایدیم
بلکه دایاناردین منه
محبوسدا دووار اولسایدیم
بو بوزقیردا خان اولسایدیم
ییخیق، پریشان اولسایدیم
یئنه سئورمییدین منی
سیم-سیاه دومان اولسایدیم؟
بو یارادا قان اولسایدیم
تؤکولوب زیان اولسایدیم
بو دونیادا یئریم یوخموش
کئشگه بیر یالان اولسایدیم...
سؤز:یوسوف خیال اوغلو
سس:احمد کایا
@Axaaq
گئجیکمیسن، یولا دوشن قاتارام
غوربتدی مکانیم، چاتا بیلمزسن...
آلقایید خلیل اوو
@Axaaq
بیری وار...
نه اؤزلهمکدن یورولدوم نه سئومکدن...
اوغوز آتای
@Axaaq
دنیزدن چیخیرسان، آیاغین قوملو
یاش بدن یاپیشیب پالتارلارینا
ایذین وئر گؤیدن ائنسین ملکلر
گلیب سو تؤکسونلر آیاقلارینا
بلکه سوسامیسان آلیب گؤی گؤلو
اوزادیم اووجومدا دوداغلارینا
خلیل ریضا اولو تورک
@Axaaq
⚫️آجی خبر⚫️
عاریف عمران اوغلو بابایئو آذربایجانین آدلیم موغننیسی و موغام اوستادی نئچه واخت آغیر خستهلیکدن دولایی، بو گون دونیاسینی دییشدی.
بو حیاتدا ان گؤزل مقاملارا چاتدی، خالقین سئویملیسی اولدو، هر صنعتکارین اوجالماق ایستهدیگی زیروهنی فتح ائتدی، قارا باغی گؤردو.
هر کسه شرفلی، شؤهرتلی، سئوگی و سایقی دولو عؤمور نصیب ائتمز آللاه!
یئنی حیاتیندا یئرین جننت اولسون عاریف بابا🥀
1938-2025
@Axaaq
ائله گؤزل چیخیرام کی یادیندان
سن نه گؤزل اونودورسان آدامی!
واصیف ظؤهراب اوغلو
@Axaaq
عزیزیم
داغ باشیندا داغ اوستونه قار گلر
گیلئیلنمک زیروهلره عار گلر
هر نه گئیسم ووجودوما دار گلر
بو دارلیقا دؤزمک اولمور عزیزیم!
ازل گوندن دونیا یالان دونیادی
باها ساتان، اوجوز آلان دونیادی
آرزولاری ناکام قالان دونیادی
داغیلانی دوزمک اولمور عزیزیم!
کاشکی دونیا ظالیملیگین آتایدی
قلبیم بیر آن ایستهیینه چاتایدی
یاشاماغیم گؤز یاشیدیر، هارایدی
گؤز یاشیندا اوزمک اولمور عزیزیم!
لپهلره یالوارماقدان بئزمیشم
هؤنکورمکدن، آغلاماقدان بئزمیشم
سندن آیری یاشاماقدان بئزمیشم
ائل-اوبادان بئزمک اولمور عزیزیم!
هئچ بیلمزدیم داشیم بئله آغیردیر
بختیم بئله بئچارادی، فاغیردی
گئدهجهیم گؤیلر منی چاغیردی
داها یئرده گزمک اولمور عزیزیم!
واحید عزیز
@Axaaq
"واحید"ی گوشه میخانهده دفن ائیلهدیلر
مست اولانلار ائشیدیب، خئیر-دوعاسین وئرسین
علی آقا واحد
@Axaaq
گئدیریک زامانلا
ایللر دال با دالا آخیب گئتدیلر
تاریخ دنیزینده دالغالار کیمی
او ایللر حیاتی سیخیب گئتدیلر
پولاددان دوزلمیش حالقالار کیمی
بیزی ساخلاماقچین دوز یولوموزدان
شوبههلر یول کسدی الده سونگوسو
آنجاق بیز دؤنمهدیک آمالیمیزدان
بیزه آرخا دوردو اومود اوردوسو
یاشادیق گونشسیز، نورسیز، شفقسیز
بیر آن اونوتمادیق شَن گلهجک وار
اینام سایهسینده بو گونهدک بیز
اورکده بسلهدیک شیرین آرزولار
گئدیریک زامانلا چییین به چییین
زامانسا آخسامیر، بیز یوبانمیریق
یولونو گؤزلرکن شَن گلهجهیین
بیر آن سارسیلمیریق، هئچ اوسانمیریق
اکبر برزگری مولان-نوید سَروَر موغانلی
@Axaaq
اوز توتدوغوم آداملار دا
اوزومه دوردولار منیم
بیر قویویا ساللادیلار
ایپیمی قیردیلار منیم
یالاندان یاش آخیتدیلار
کفنیمی توخوتدولار
یاسینیمی اوخوتدولار
دوعامی قیلدیلار منیم
بو قویو نئجه داردی، دار
من چیخاندا مات قالدیلار
یئنه دوستلاریم اولدولار
کؤنلومو آلدیلار منیم
رامیز رؤوشن
@SheirOcagi
@Axaaq
هر چتین آنیمدا کسیر یانیمی
آخیر اورهییمه سوال لا، سؤزله
من اؤز وارلیغیمی اؤز منلیگیمی
تاپیرام هر یئنی گلیشینیزله
بعضاً هاماردا دا بودرهییر آدام
اوخویون اوزومه نه گوناهیم وار
اتهام ائتسهنیز گذشت سانارام
گذشته گئتسهنیز اتهام اولارام
گؤزومده کؤنلومده بیر غؤنچه کیمی
هرهنیز بیر دویغو بخش ائدین منه
عؤمروم دولاشیق دویونجه کیمی
همیشه مؤحتاجدی دوست اللرینه
محمد ابراهیم اوو-ممد آراز
@Axaaq
-یانیندا اؤلدورهسی بیر سیلاح وارمی؟
-داریخمام وار، منی اؤلدورور.
محمود درویش
@Axaaq
بو درده سؤز قوشدو الی سازلیلار
سیلیب گؤزلریمی بیلکلری ایله
اوچان دورنالارا شئعیر یازدیلار
اؤلن دورنالارین لهلهلری ایله
سؤز:رامیز رؤوشن
سس:پونهان ایسماعیللی
@Axaaq
داغلاردان آتلانیر کؤهلن شلاله
شلاله داغلارین مرد اؤولادیدیر
ایلدیریم بولودون طوفان دنیزین
جسارت کیشینین استعدادیدیر
خلیل ریضا اولو تورک
@Axaaq
بئلهجه گئدهایدیک ، چیخیب گئدهایدیک
ایکیمیز هارداسا گؤزدن ایتایدیک
نه سن دئیهایدین کی گئجدی، گئت آرتیق
نه من دئیهایدیم کی دایان آزاجیق
نه سندن هارداسان سوروشایدیلار
نه منیم ایشیمه قاریشایدیلار
یئنه دانیشایدین، یئنه گول ایدین
منیم گؤزلریمده گوزگولهنهایدین
سن درسدن قالایدین، من ایشدن آنجاق
درسده ده، ایشده ده هامیدان قاباق
سنین قیمتینی تئز یازایدیلار
منیم معاشیمی دوز یازایدیلار
دونیا بیر آزاجیق ناغیللانایدی
ایشیقلار یئرده یوخ، گؤیده یانایدی
بیز یئرده ایتایدیک، روحو، فیکری شَن
ائه، گؤیدن اوچ آلما دوشور دئیهسن
نریمان حسن زاده
@Axaaq
درد باسیب یوکو ایله اَیر اینسانی
اونا ملهم چیخان زامان اولماسا
ظولمت بیر گئجهده یئیر اینسانی
نورلو بیر سحره گومان اولماسا
شئیطاندان ملکین فرقی بیلینمز
نامرددن مردین سدّی بیلینمز
یاخشی آداملارین قدری بیلینمز
یانیندان بویلانان یامان اولماسا
نه درده درمانچون زامان گؤزلهمه
نه نورلو صاباحدان گومان گؤزلهمه
نه گؤیه ال آچیب آمان گؤزلهمه
قلبینده آللاها ایمان اولماسا
سؤز:سیمران حسن اوو
ایفا:پونهان ایسماعیللی
@Axaaq
بلکهده سعادت ائله بودور، بو:
"هارداسان، هارداسان؟ گل-گل" دئمکدیر
بلکهده سعادت عؤمروموز بویو
نهییسه... گؤزلهمک...هئی... گؤزلهمکدیر
بختیار وهابزاده
@Axaaq
