-
«Юксалиш» умуммиллий ҳаракати раиси Олий Мажлис депутати Қайта алоқа: @BekmurodovBot
⚡️”Юксалиш” умуммиллий ҳаракати раиси Бобур Бекмуродов Moderna вакцинасининг биринчи дозаси билан эмланди.
Yuksalish_live
Ҳафта давомида 5 та партия ҳам пленумларда президентликка бўлажак номзодларни тавсия қилди.
❗️Қонунчиликка кўра, сайловга 65 кун қолганида (20 августда) Ўзбекистон Республикаси Президентлигига номзодлар кўрсатиш бошланади.
❗️Сайловга 45 кун қолганида
(9 сентябрда) Ўзбекистон Республикаси Президентлигига номзодлар кўрсатиш тугайди.
@uzbyuksalish
⚡️Ўзбекистон Либерал-демократик партияси Сиёсий кенгашининг мажлиси бошланди.
Унда иккита масала:
1. Президентликка бўлажак номзодни Съездга тавсия қилиш ҳамда Партиянинг Президент сайловида иштироки масаласи;
2. Партиянинг навбатдаги Съездини чақириш ва ҳудудий партия ташкилотларининг конференцияларини ўтказиш тўғрисидаги масалалар кўрилади.
Партия Съезди бир ойдан кейин ўтказилади. Съездгача номзодни қўллаб-қувватлаш бўйича имзолар тўпланади.
@bbekmurodov
#Saylov_2021
"Сайлов—2021" рукнини давом эттирган ҳолда, жорий йилнинг 24 октябрь куни бўлиб ўтадиган Ўзбекистондаги Президент сайлови жараёнларининг асосий босқичлари ва саналарини тақдим этамиз.
@uzbyuksalish
Ҳурматли журналистлар ва ОАВ ходимлари! Сизни шарафли касб байрамингиз билан табриклайман!
Сизларга куч-қувват, мустаҳкам соғлик, илҳом ва креативлик, янгиликка интилиш ва доимий изланиш, ўйлаган барча ниятларингиз рўёбини тилайман!
Ассалому алайкум!
#ezguamal марафонини қўллаб-қувватлайман.
Кеча Шаҳноза Соатовадан чорловни қабул қилиб олгандим. Онкологик (саратон) касалликларига чалинган болаларни қўллаб-қувватлаш мақсадида "Ezgu amal" хайрия марафонига старт берилган. Марафон доирасида тўпланган маблағлар болаларни даволаш ва дори воситаларини харид қилиш мақсадларига йўналтирилади.
Сарфланган харажатлар бўйича барча ҳисоботлар ezguamal.org сайтида эълон қилиб борилади. Пул ўтказиш-ўтказмаслигингиздан қатъий назар дуо қилиб қўйиш учун бўлса ҳам сайтга киринг ва болаларнинг суратларини, тарихини томоша қилиб чиқинг...
Челленжда сиз ҳам қатнашинг. Ўзингиз ҳурмат қилган инсонингиз, яқинингиз, дўстларингиз, сиёсатчилар, машҳурларни ҳам чақиринг. Биз кўп яхшилик қилиш учун бир-биримизнинг қўлловимизга муҳтожмиз. Қолган гаплар видеопостда.
Мен челленж навбатини иқтисод фанлари доктори, профессор, жамоатчилик фаоли Барногул Санақуловага бераман!
Ассалому алайкум! Хабарингиз бор, онкологик (рак) касалликларга чалинган болаларни қўллаб-қувватлаш мақсадида "Ezgu amal" хайрия марафонига старт берган эдик. Марафон доирасида тўпланган маблағлар болаларни даволаш ва дори воситаларини харид қилиш мақсадларига йўналтирилади.
Сарфланган харажатлар бўйича барча ҳисоботлар ezguamal.org сайтида эълон қилиб борилади.
Ушбу марафонни қўллаб-қувватлаш мақсадида янги челленжни бошламоқчимиз. Унда иштирок этиш учун ezguamal.org сайтига кириб, даволанаётган болаларни танлаб, хайрия маблағларини ўтказиш, бу ҳақда ижтимоий тармоқларда хабар бериш, шунингдек, челленж навбатини бошқа бир инсон (яқинингиз, дўстларингиз, сиёсатчилар, машҳурлар)га бериш керак бўлади.
Мен челленж навбатини Олий Мажлис Қонунчилик палатаси депутати Дониёр Ғаниевга бераман!
@bbekmurodov
Муборак Рамазон ойида юртимизда саратонни енгган, касаллик билан курашаётган инсонлар шарафига “Эзгу амал” хайрия марафонига старт бердик.
9 июнга қадар давом этадиган марафонга бағишланган матбуот-брифингини тўғридан-тўғри томоша қилишингиз мумкин:
https://www.facebook.com/watch/live/?v=460343361697075&ref=notif&notif_id=1620709061038840&notif_t=live_video
@uzbyuksalish
Оғир йиллар. Уруш миллионлаб қалбларга битмас жароҳат етказди.
У аччиқ хотираларни қолдирди. Бир неча авлодларнинг ғам-андуҳига айланди.
Бироқ ҳаёт тўхтаб қолмади. Урушни кўрганлар барча қийинчиликларни енгди, айрилиқларга бардош берди. Мураккаб тақдир эгалари гўё, пўлатдек мустаҳкам.
Чуқур ажинлар, қордек оппоқ сочлар, кўзлардаги мунг ва сўнмаган умид — инсонийликка ва эртанги кунга ишонч.
Қаҳрамонлик, жасорат, бардош! Хотирлаймиз! Қадрлаймиз!
@uzbyuksalish
Ўзбекистон Европа Иттифоқининг GSP+ преференциялар дастурига қабул қилинди.
GSP+ иштирокчиси сифатида Ўзбекистон стандарт GSP схемасидан кўра кўпроқ қўшимча иқтисодий манфаатларни олади. Яъни, Стандарт GSP линиясининг 2/3 қисми маҳсулотлар линейкаси бўйича тарифлар бекор қилинади.
Бугунги кунда мамлакатимиз Европа Иттифоқига 3000 турдаги маҳсулот божхона тарифларисиз ва 3200 турдаги маҳсулот арзонлаштирилган тўловлар асосида экспорт қилаётган бўлса, 10 апрелдан бошлаб Ўзбекистон GSP+ иштирокчиси сифатида 6200 турдаги маҳсулотларни божхона божисиз ЕИ ҳудудига экспорт қилиш мумкин.
GSP+ схемасидан бугунги кунда 9 та давлат фойдаланмоқда, МДҲ давлатларидан яна Арманистон ва Қирғизистон ҳам бенефициар ҳисобланади.
GSP+ схемаси қатор мажбуриятларни ҳам юклайди. Масалан, мамлакат инсон ҳуқуқлари, экология, меҳнат ҳуқуқлари, самарали бошқарувга оид 27 та Халқаро конвенцияларни самарали бажариш мажбуриятини олади. Бундан ташқари, Европа Иттифоқи Ўзбекистон томони иккита қонун - Жиноят ҳамда Меҳнат кодексларини қайта кўриб чиқиши жараёнига эътибор қаратаётганини расман маълум қилган.
@bbekmurodov
1991 йилдан бошлаб Ўзбекистонда беш марта президентлик сайловлари ўтказилган.
1995 йилда Президент ваколатлари муддатини 1997 йилдан 2000 йилгача узайтириш тўғрисидаги масала юзасидан референдум, 2002 йилда эса Президент ваколатлари муддатини 5 йилдан 7 йилга узайтириш масаласи юзасидан Конституцияни ўзгартириш бўйича референдум бўлиб ўтган.
Ушбу сайловларда энг кўп сайловчилар иштироки 1995 йил 26 мартдаги референдумда қайд этилган — 99,3 фоиз.
@uzbyuksalish
Ҳуқуқ-тартибот органлари иштирокчиларнинг ҳаракатларига тезкор ҳуқуқий баҳо бериши ва энг биринчи навбатда турли ноқонуний тўпланишларга чақирувлар, провокация қилаётганларни аниқлаши ва жавобгарликка тортиши лозим.
Жамиятимизда мутлақ кўпчиликнинг масала юзасидан қатъий позицияси маълум.
@bbekmurodov
Барча юртдошларимизни, хориждаги ватандошларимизни Наврўз умумхалқ байрами билан табриклайман!
Яшариш, янгиланиш, яхшилик фасли муборак! Шарқона Янги йил — Наврўзи оламнинг қадами қутлуғ ва баракали келсин!
@bbekmurodov
“Юксалиш” умуммиллий ҳаракати тадбиркорлар томонидан автомобиль йўлларига камералар ўрнатиш тартибини жорий қилишда қуйидаги масалаларга алоҳида эътибор қаратишга чақиради:
▫️камералар ўрнатилиши кўзда тутилган нуқталарда йўл белгилари талаб даражада бўлишини таъминлаш;
▫️бозорлар, аҳоли гавжум жойлар атрофида автотураргоҳлар етарли бўлишини ҳисобга олиш;
▫️фавқулодда вазиятларда рўй бериши мумкин бўлган қоидабузарликларни инобатга олиш;
▫️тизим ёрдамида аниқланган қоидабузарликлардан ундирилган жарималар қаерга сарфланаётганини жамоатчиликка эълон қилиб бориш.
Yuksalish_live
Ижро ва интизом
Давлат дастурлари ижросини мониторинг қилиш жараёнида ижро интизомига оид қатор камчиликлар мавжудлигига гувоҳ бўлмоқдамиз, жумладан:
— кўплаб белгиланган вазифаларни кечикиб бажариш ҳолатлари;
Масалан, 2020 йил давлат дастурининг 70 дан зиёд бандлари
1 ойдан 10 ойгача ижро муддати кечикиб бажарилган,
39 та банд бўйича норматив-ҳуқуқий ҳужжатлар лойиҳалари ишлаб чиқилган бўлса-да, ўз вақтида қабул қилинмаган.
— вазирлик ва идоралар томонидан "бажарилган" деб ҳисобот берилган айрим вазифалар моҳиятан бажарилмаслиги;
Бунда тегишли чора-тадбирлар режалари ҳамда "Йўл харита"лари тасдиқланган бўлса-да, ушбу ҳужжатларнинг ижроси таъминланмаслиги ҳолатлари мавжуд.
Бундан ташқари, ижро муддати кечиктирилган ёки қўшимча ишланиши белгиланган ҳолда, вазирлик ва идоралар томонидан кечикиш сабаблари юзасидан жамоатчиликка тушунтириш берилмаётганлик ҳолатлари ҳам кузатилмоқда.
Шу сабабли, “Юксалиш” умуммиллий ҳаракати февраль ойидан бошлаб Давлат дастурлари ижросини барча учун онлайн кузатиб бориш имконини берувчи очиқ электрон платформани ишга туширишни режалаштирган.
Шу билан биргаликда, ҳар ойнинг биринчи жума кунида Давлат дастури ижросига масъул ижрочи вазирлик ва идоралар масъуллари иштирокида брифинг ва жамоатчилик эшитувлари ўтказилиб борилади.
Давлат дастури ижроси юзасидан ҳар чоракда муқобил ҳисоботлар кенг жамоатчиликка эълон қилиб бориш амалиёти ҳам жорий қилинишини маълум қиламиз.
18 январь куни Президент давлат идораларида ижро интизоми, фармон ва қарорларнинг ижро ҳолати танқид қилиб, ижро маданияти даражасининг пастлиги ҳамда топшириқларнинг туб моҳиятини тушунмаслик — белгиланган вазифаларнинг ўз вақтида ва тўлиқ ижро этилишига салбий таъсир кўрсатаётганини алоҳида таъкидлади. Адлия вазирлиги томонидан қатор таклифлар, шу жумладан назоратни олиб боришда жамоат ташкилотларининг иштирокини кенгайтириш механизмлари тақдим қилинди. Биз мазкур ташаббусларни тўлиқ қўллаб-қууватлаймиз ва жамоатчиликни ушбу жараёнларда фаолликка чақирамиз.
@bbekmurodov
Ижтимоий тармоқларда "QALAMPIR.UZ" журналисти Феруза Нажмиддиновага нисбатан ёлғон материалларни тайёрлаганлар ва тарқатганларни аниқлаш, уларни жавобгарликка тортиш зарур.
Зеро, сўз эркинлиги сўнгги йилларда Ўзбекистон эришган энг муҳим қадриятлардан бирига айланди. Бундай "қора" ва "арзон" ҳаракатга, унинг муаллифи ким бўлишидан қатъий назар, ҳам давлат идоралари ҳам фуқаролик жамияти фаол қаршилик кўрсатиб бориши ва барҳам бериши лозим.
@bbekmurodov
⚡️Ўзбекистон Либерал-демократик партиясининг сиёсий кенгаш мажлисида Шавкат Миромонович Мирзиёевни Президентликка бўлажак номзод сифатида Съездга тавсия қилиш таклифи илгари сурилди.
@bbekmurodov
Ўзбекистонда 2017—2021 йиллар давомида Президент Шавкат Мирзиёев ташаббуси билан амалга оширилган кенг кўламли ислоҳотлар янги даврни бошлаб берди. Жадал ўзгаришлар барча соҳаларни, жумладан давлат ва жамият қурилиши, суд-ҳуқуқ тизими, иқтисодиёт ва ижтимоий соҳа, хавфсизлик, миллатлараро тотувлик ва диний бағрикенглик, ташқи сиёсатни қамраб олди.
"Юксалиш" умуммиллий ҳаракати сўнгги беш йилда мамлакат ҳаётида катта ўзгаришларга сабаб бўлган, энг самарали ташаббус ҳамда ислоҳотларни аниқлаш учун навбатдаги экспертлик сўровини ўтказди (аввалгиси 2019 йилда ўтказилган).
Экспертлик сўрови натижаларига кўра, Президент Шавкат Мирзиёевнинг тарихий аҳамиятга молик 15 та муҳим ислоҳоти шакллантирилди.
👉Батафсил
@uzbyuksalish
23-24 июнь кунлари Бухоро шаҳрида Барқарор ривожланиш мақсадларини амалга оширишда парламентлараро глобал ҳамкорлик халқаро форумидан видеоролик
____
Видеоролик о Международном форуме «Глобальное межпарламентское сотрудничество в достижении Целей устойчивого развития», прошедшем 23-24 июня в г.Бухаре
____
A video about The International Forum of Global Inter-Parliamentary Cooperation in implementing SDGs which was held on June 23-24 in Bukhara city
@jaloliddinkudratovich
Биринчи ўқишда қонун лойиҳаси концептуал жиҳатдан кўриб чиқилади:
- Қонун лойиҳаси концепцияси
- Конституцияга мувофиқлиги
- Қонунни амалга ошириш билан боғлиқ харажатлар каби масалалар кўрилади.
Иккинчи ўқишда муҳокама ва овоз бериш моддама-модда ўтказилади. Яъни қонуннинг айни бир қисми соҳа ривожига зарар етказиши мумкин бўлган тақдирда, ушбу моддани ўзгартириш ёки бутунлай чиқариб ташлаш имконияти бўлади.
@bbekmurodov
Мен ҳам челленжга қўшилдим
#ezguamal
Бугун "Юксалиш" умуммиллий ҳаракати раҳбари Бобур Бекмуродовнинг ушбу мурожаатини кўргач "Эзгу амал" челленжига мен ҳам қўшилишга қарор қилдим. "Эзгу амал" лойиҳаси онкологик касалликларга чалинган болаларга хайрия мақсадида амалга оширилмоқда. Лойиҳада иштирок этиш учун ezguamal.org сайтига киринг, у ерда суратлари келтирилган болажонлардан истаганингизга хайрия қилинг ва бу ҳақида яқинларингизга, дўстларингизга, танишларга, овозингиз етган барча-барча жойларга ва инсонларга маълум қилинг. Бу лойиҳанинг оммалашувига ёрдам беради. Эзгулик – энг кучли бирлаштирувчи ғоядир.
Челленжнинг шартига кўра мен навбатни блогер, журналист, жамоатчилик фаоли Азиза Қурбоновага топшираман!
@shahnozxon
Онкологик (рак) касалликка чалинган болаларни қўллаб-қувватлаш орқали "Эзгу Амал" хайрия марафонида иштирок этиш учун ушбу ҳавола орқали махсус сайтга киринг: https://ezguamal.org/charity/
Сайтда ёрдамга ва даволанишга мухтож бўлган болани танлаб, хайрия қилмоқчи бўлган маблағни ўтказиб беришингиз мумкин. Сиз юборган маблағлар ушбу саҳифанинг ўзида ҳисобот тарзида эълон қилинади.
Жамиятимиз келажаги - болаларимиз олдида масъулиятлимиз.
Ушбу постни ўз каналингизда эълон қилиш ёки гуруҳларга тарқатиш орқали савоб ва яхшиликка шерик бўлинг.
@bbekmurodov
⚡️Ўзбекистонда Рамазон ҳайити 13 май — пайшанба куни нишонланади — Президент қарори.
13 май — Рамазон ҳайити муносабати билан дам олиш куни, 14–15 май — (қўшимча дам олиш кунлари) ишланмайдиган кунлар сифатида белгиланди.
Yuksalish_live
Фазлу раҳмат ойи Рамазон барчамизга муборак бўлсин!
Дуолар ижобат қилинувчи Рамазон ойи қалбимизга ва амалимизга гўзаллик, ҳаётимизга барака, юртимизга фаровонлик олиб келсин.
Жамоатчилик эшитувидан
▫️ Тошкент вилояти Туризмни ривожлантириш департаментининг маълумотлар базасида 828 та маданий мерос объектлари рўйхати шакллантирилган, шулардан 385 тасининг кадастр ҳужжатлари мавжуд эмас.
▫️Пандемия шароитидан келиб чиқиб тижорат банклари томонидан аввал берилган кредитларни қайтариш муддатини 18 ойдан 24 ойгача узайтириш бўйича норматив-ҳуқуқий ҳужжатлар қабул қилинган. Бироқ ушбу тартиб Бухоро вилоятидаги 19 та тадбиркорларга қўлланилмаган.
▫️Қашқадарё вилоятидаги зиёратгоҳларда туристлар учун аудиогидлар ўрнатилмаган, таржимон гидлар етарли эмас, айрим туризм объектларида ахборот марказлари йўқ, борларида ҳам маълумотлар, тарқатма материаллар етарли эмас.
@uzbyuksalish
Шу кунларда, Президентни телекоммуникация ва интернет тармоқларида ҳақоратлаш учун жиноий жавобгарлик белгиланганлиги фаол муҳокама қилинмоқда. Ҳаттоки, қонунга ушбу ўзгартишнинг киритилиши сўз эркинлигига таҳдид сифатида талқин қилиш каби манипулятив ҳаракатлар ҳам бўлаётганлигини кўряпмиз.
Биринчидан, Конституциямизга кўра, нафақат Президент ёки бирор давлат хизматчиси, балки ҳар бир инсоннинг ҳаёти, шаъни ва қадр қиммати олий қадрият ҳисобланади. Шунинг учун ҳам, мансабидан қатъий назар, ҳар бир инсонни ҳақорат қилганлик ва унга туҳмат қилган учун маъмурий жавобгарлик ўрнатилган, оғирлаштирувчи ҳолатларда ушбу ҳаракатларни содир этганлик учун эса жиноий жавобгарлик кўзда тутилган.
Иккинчидан, Президентни ҳақорат ва унга туҳмат қилганлик учун жиноий жавобгарлик аввал ҳам бор эди. Янги қонун билан, замон талабига кўра, фақат “телекоммуникация тармоқларидан ёки Интернет бутунжаҳон ахборот тармоғидан фойдаланган ҳолда" деган ибора қўшимча қилинган холос.
Учинчидан, биз Президентлик Республикасимиз ва Президент институтининг нуфузи давлат ва халқнинг нуфузи билан бевосита боғлиқ. Конституцияга кўра Президентлик — Ўзбекистон халқи номидан иш олиб борадиган институт ҳисобланишини, Президентнинг шахси даҳлсиз эканлигини ҳам унутмаслик лозим. Яъни Президент конституциявий мақомга эга.
Тўртинчидан, агар гап халқаро амалиёт ҳақида кетаётган бўлса, ривожланган демократияларда ҳам бу борада қатъий жавобгарлик мавжудлигини кўришимиз мумкин. Масалан:
Польшада Президентни омма олдида ҳақорат қилиш 4 йилгача қамоқ жазоси
Германияда Президентни омма олдида ҳақорат қилганлик учун 3 ойдан 5 йилгача қамоқ жазоси ва штрафлар
Канадада давлат раҳбарига туҳмат қилиш ёки шундай мазмундаги постлар учун 14 йилгача қамоқ жазоси
Нидерландияда монарх, унинг рафиқаси ва ворисини ҳақорат қилиш 5 йилгача қамоқ жазоси
Туркияда Президентни ҳақорат қилиш 1 йилдан 4 йилгача қамоқ жазоси белгиланади ва жаҳон мамлакатлари тажрибасида бу нормал амалиёт ҳисобланади.
Ва энг асосийси, ҳуқуқ устуворлиги ва ўзаро ҳурмат жамият барқарорлиги учун фавқулодда муҳим. Ҳар қандай ҳақорат ва туҳмат деструктив ҳаракат ҳисобланади ва унга қатъий жавобгарлик бўлиши шарт. Конструктивликка ўрганишимиз керак.
@bbekmurodov
📹 “Обод қишлоқ” ва “Обод маҳалла” дастурлари, ипотека ва ижтимоий соҳа объектларини қуриш учун 31,5 трлн сўм маблағ, яъни 3 млрд 50 млн АҚШ доллари ажратилади.
Yuksalish_live
Эртага, 19 март куни соат 10:30да 2021 йил Давлат дастурининг ижроси бўйича жамоатчилик эшитуви бўлиб ўтади.
Унда Инновацион ривожланиш ва Энергетика вазирлари ўринбосарлари, Марказий банк, Давлат геология қўмитаси, Молия ва Иқтисодиёт вазирлиги раҳбарияти ўтган давр мобайнида амалга оширилган ишлар юзасидан ахборот бериши кутилмоқда.
Давлат дастурининг ижросини жамоатчилик иштирокида мониторинг қилиш мақсадида jamoatchilik.uz платформаси ишга туширилган.
Zoom конференция ҳаволаси:
https://us02web.zoom.us/j/81402826669?pwd=dGFlWFE3cHdZaVV5elVYT2lLeW1wQT09
Идентификатори: 814 0282 6669
Кириш коди: 961303
Ўзбекистон Республикаси Президентининг 2018 йил 4 майдаги Фармонига кўра, Ҳукуматга 2019 йил 1 январга қадар Ўзбекистоннинг барча ҳудудларида “Нодавлат нотижорат ташкилотлари уйлари”ни ташкил этиш вазифаси қўйилганди. Ижро муддати тугаганига икки йил бўлганига қарамай, айрим вилоятларда вазифа ижроси таъминланмай қолмоқда.
2021 йил январь ойи ҳолатига кўра, Тошкент шаҳри ҳамда Қорақалпоғистон Республикасида "ННТ уйлари" учун бино ажратилган, айни вақтда таъмирлаш ишлари давом эттирилмоқда. Андижон вилоятида эса жорий йилнинг биринчи чорагида фақатгина бино ажратиш режалаштирилган. Ажратилган маблағлар етарли бўлмагани ва бошқа сабаблар туфайли Наманган, Сурхондарё ва Тошкент вилоятларида “ННТ уйлари” ҳалигача ташкил этилмаган.
@bbekmurodov
Олий таълим: номарказлаштириш, масофавий таълим, стандартлар ҳақида
Олий таълим тизими сўнгги йилларда қатор муҳим ижобий ўзгаришларга эриша олди. Жумладан, охирги тўрт йил мобайнида 49 та янги олий таълим муассасаси ташкил этилди, битирувчиларни олий таълимга қамраб олиш даражаси 2016 йилги 9 фоиздан 2020 йилда 25 фоизга етди. Таълимнинг бакалавриат, магистратура ва сиртқи шакллари учун квоталар оширилиб, кечки таълим шакли жорий этилди.
Шу билан биргаликда, давлат ва жамият бошқарувида, айниқса жойларда профессионал кадрлар танқислиги, аҳоли сонининг ўсиш суръати, олий таълим тизими инфраструктураси ва потенциалининг жорий ҳолати навбатдаги ва фундаментал ўзгаришларни тақозо этмоқда, жумладан:
Биринчидан, олий таълим тизимини изчил номарказлаштириш, давлат назорати ва иштирокини кескин қисқартириш, маъмурий мустақиллик билан чекланмасдан, академик мустақиллик бериш учун жиддий қадамларни қўйиш керак. Вазирликнинг таълим сифатини ва давлат шартлари ижросини назорат қилиш функциясини сақлаб қолган ҳолда, маъмурий бошқарув функцияларидан воз кечиш каби иродали қарорлар қабул қилиниши керак. Вазирлик ихчам ва юқори профессионал таркибга эга бўлиши ва мувофиқлаштирувчи ролни бажаришга ўтиши лозим.
Иккинчидан, масофавий таълимни тўлиқ жорий қилиш вақти ҳам келди. Бунинг учун етарли инфраструктураларни яратиш, қонунчилик ва процедураларда масофавий таълимга кенг йўл очиш, ўқув юртлари ундан кенг фойдаланишлари учун шарт-шароитларни яратиш зарур. Бу битирувчиларни олий таълим билан тўлиқ қамровига эришиш масаласини кейинги 10-15 йилда эмас, 3-5 йил ичида ҳал этиш, қолаверса, олий ўқув юртларининг тўлов-шартнома миқдорини оптималлаштириш имконини ҳам беради.
Учинчидан, олий таълим хизматлари бозорини яратиш мақсадида барча иштирокчилар учун тушунарли, тенг ва адолатли шартларни жорий қилиш зарур. Давлат томонидан қўйиладиган шартларини бажара оладиган, қонунчиликка амал қилишга тайёр барча иштирокчиларга соҳага инвестиция қилиш имконияти яратилиши керак.
Тўртинчидан, таълим стандартларини қайтадан кўриб чиқиш, таълим сифатини назорат қилишнинг замонавий бошқарув ёндашувларини жорий қилиш лозим. Керак бўлса, бунинг учун дунёнинг нуфузли университетларидан бошқарувни ривожлантириш бўйича маслаҳатчилар, менеджерларни ёллаш, энг асосийси ҳукумат томонидан зарур маблағлар ажратилиши зарур.
Қолаверса, вазирлик олдида олий таълимни меҳнат бозори билан бевосита боғлаш, дипломлар бериладиган йўналишларни қайта кўриб чиқиш, илмий салоҳиятни оширишни рағбатлантириш билан боғлиқ қатор машаққатли вазифалар ҳам турибди.
Тизимнинг янги раҳбариятидан жамоатчилик мазкур йўналишларда ҳаракатларни кутмоқда ва фаол қўллаб-қувватламоқда. Бу борада, жамоатчилик фикрини чуқур ўрганиш, тизимни ривожлантириш бўйича стратегияларни такомиллаштириш бўйича таклифлар киритиш муҳим аҳамиятга эга, деб ҳисоблаймиз.
@bbekmurodov
