Behzod Fazliddin

03 Sep 2024 06:50

#Тўқилмаган

“Маънавият тадбири”га анча одам йиғилибди.

Узундан-узоқ маърузалардан сўнг ташкилотчилардан бири мурожаат қилибди: “Савол бўлса беринглар, тортинманглар. Жа уялсанглар, қоғозга бўлса ҳам ёзиб бераверинглар”.

Сал ўтмай йиғилганлардан “хат” келибди. Унда шундай савол ёзилган экан: “Қачон кетасизлар?”

#Йўл_йўлакай #Бу_ҳам_муҳим

@Behzod_Fazliddin

Behzod Fazliddin

01 Sep 2024 07:22

***
Озодлик кўнгилдан бошланар, дерлар,
Вале бехос дилга оралайди шак.
Эй, махлуққа сажда қилгувчи кўрлар,
Қулликдан-да оғир шахсга сиғинмак.

Исталган томонга буриш мумкиндир,
Тафаккурсиз бўлса, бош ҳам бир бало.
Иста, ўйинчоқ қил, хоҳласанг, синдир,
Кесак каллалардан ўт чиқмас асло!

© Беҳзод Фазлиддин @Behzod_Fazliddin

Behzod Fazliddin

30 Aug 2024 14:27

ТУГАМА(ЙДИ)ГАН ШЕЪРЛАР

***
Ҳўнграб ҳам шунчалик қийналмас эдим,
Менинг кулгуларим йиғидан бадтар.
О, бу қадар узоқ ўйланмас эдим,
Сўзимга изма-из юрмаса хатар...

***
Битта қанотда ҳам учган бўлардим,
Йўл топиб олардим ўзим осмонга.
Қуёшга яқинроқ жойда ўлардим,
Қайтмасдим ғам тўла ёруғ зиндонга...

***
Ёниб борар қўлимда қалам,
Ҳамма гаплар айтиб бўлинган,
Сўз даштида дайдиб бўлинган,
Тинч қўймайди Дард деган болам...

2007

© Беҳзод Фазлиддин @Behzod_Fazliddin

#Сен_қачон_гуллайсан

Behzod Fazliddin

29 Aug 2024 09:23

ЎҒИЛ

Дада, далангизга дард сочиб келдим,
Яна машаққату заҳматлар Сизга.
Белингиз оғриди, мен қочиб келдим,
Қачон олиб бердим раҳматлар Сизга?

Ая, соғинчингиз сочи оқарди,
Бормадим – кўпайиб кетди тўйларим.
Шу ёшимда фақат севиш ёқарди,
Сиздан кўра кўпроқ уни ўйладим.

Бошдан нима ўтди – билдирганим йўқ,
Кимдир тўкаверди нур изларимга.
Ўзимни-ку хафа қилдирганим йўқ,
Озор бериб қўйдим азизларимга.

Майсалар, парёстиқ бўлинг, бош қўйса,
Чинорлар, Отамнинг ёнида юринг.
Боласини ўйлаб юраги куйса,
Аччиққина қилиб чой дамлаб беринг.

Бу ташвишлар билан бўлмайди қариб,
Мени кутиш учун келган оламга.
Қўллари толмасин челак кўтариб,
Булутлар, сув ташиб туринг Онамга.

Дада, дардингизга бошман, биламан,
Ая, тушларингиз бир кун келар ўнг.
Ҳали юзингизни ёруғ қиламан,
Одамшоир бўлиб борганимдан сўнг.

2008 йил

© Беҳзод Фазлиддин @Behzod_Fazliddin

#Кутмаган_кунларим_кутган_кунларим

2014 йилги видео
https://youtu.be/HMm7bbI-h_w

YouTubeдаги каналимиз Behzod_Fazliddin" rel="nofollow">https://www.youtube.com/@Behzod_Fazliddin

Behzod Fazliddin

28 Aug 2024 08:10

#Иқтибос

Уят – энг шафқатсиз қонундан ҳам кучлироқ, қудратлироқдир.

Ҳар қандай қонунга чап бериш мумкин, лекин уятга чап бериб бўлмайди, чунки қонун одамдан ташқарида, уят эса одамнинг кўксида бўлади.

Абдулла Қаҳҳор

@Behzod_Fazliddin

Behzod Fazliddin

27 Aug 2024 07:24

#Иқтибос

Танқид – сараламоқдур

...Саррофлар ақчани, тужжорлар матони саралаганидек, муҳаррирлар ҳам умумий ҳол ва маишатға тааллуқ нимарсаларни саралайдурки, бошқа сўз ила “танқид” аталур. Масалан, янги мактаб ва муаллимлари ва анда ўқулатургон китобларни маънан тафтиш этиб, андаги нуқсонларни баён этмоқ танқиддур. Таарруз ва душманлик эмас. Агарда шахсиятға тўқунмаса. Аммо бир муаллим ё мударрис ва муҳаррирни ишидан, шахсиятидан халойиқға зарар келса, андан ҳам баҳс ва танқид ёзмоқ шахсий бўлмайдур...

Аммо ҳануз танқид давриға етушганимиз йўқ. Иттифоқо, танқид шаклинда бир нимарса ёзилса, бизларға қаттиғ тегар. Ёзганларимизни бузуқлиги ва фикримизни хатолиги, ишимизни ноқислигини бирор киши кўрсатса, аччиғимиз келур. Ва ул одамни душман кўруб, шахсидан нафрат ва фикриға норозилик баён этармизки, бул бизни янгидан ишға бошлаганимиздан, бошқа тил ила ноқислигимиздандур.

Биз эскиларни айблаймизки, аларға ислоҳдан сўзласак, чидай олмайдурлар. Аммо ўзимизнинг мактаб, рисола, таҳрир ва маслакимизни бир киши танқид этдими, чидай олмаймиз, диққат ила мунаққид сўзини тингламаймиз. Мунаққид бизни тўғримизға минг сўз ила баёни муддао этар экан, биз они ичиндан ўн сўзини номаъқул топиб, юзиға урармиз. Ва ёинки важҳсиз онинг сўзини радду ўзиға эътироз этармиз. Агарда ул десаки, ман сизға бир минг калима насиҳат ё танқид сўйладим, дуруст, ўн калимаси сизға бежо эканки, қайтиб олдим, 990 калимасиға на дерсиз?..

Маҳмудхўжа Беҳбудий

#Миллат_мунавварлари

@Behzod_Fazliddin

Behzod Fazliddin

25 Aug 2024 15:46

Донишманд халқ тилига қулоқ тутсангиз, ўзбекча луғатлар нақадар ғариб эканини теранроқ англайсиз.

#Йўл_йўлакай #Таҳрирсиз_хаёллар

@Behzod_Fazliddin

Behzod Fazliddin

24 Aug 2024 15:35

Одамлар, айниқса, ёнимдагилар фақат ўзлари ё мен хоҳлагандек эмас, аввало, Яратган буюрганидек яшашини истадим. Баъзан билиб-билмай ким билан зиддиятга бораётган бўлсам, кўпроқ шу сабаб, шекилли.

#Йўл_йўлакай #Таҳрирсиз_хаёллар

@Behzod_Fazliddin

Behzod Fazliddin

23 Aug 2024 13:14

Адабиёт кундалик, йўл-йўлакай юз бераётган ҳақсизликни, баъзида ҳақсизлик бўлиб кўринаётган ҳали ойдинлашмаган масалани эмас, умуман, умуммиллиятга дахлдор ёлғоннинг моҳиятини, асосини кўрсатиш билан шуғулланиши керак, деб ўйлайман. Кундалик ёлғонни ҳамма кўриб турибди, аммо бу ёлғоннинг моҳиятини фақат соф ижодкор, соф ақл, яъни ўша “хос истеъдод” кўра олади. Мен учун адабиёт ана шу “хос истеъдод” воситасида халқнинг кундалик оғриқ, ўткинчи муаммолари ортида бекиниб ётган умуммиллий оғриқ ва изтиробни, армонларни, дардни кўради ва кўтариб чиқади, бу муаммони ижтимоий фикрга айлантиради. Кундалик муаммоларни матбуот ҳам кўтара олади. Аммо миллатни, жамиятни қийнаётган том маънодаги дард ва изтиробни фақат истеъдод кўради ва ўртага ташлай олади. Адабиётни журналистикадан фарқлаш керак.

Адабиётнинг бугун бўлмаса, эртага ҳал бўладиган, ечимини топадиган, умуман, журналистика шуғулланадиган муаммоларга ўралашиб қолмаслиги тарафдориман...

Биз бугун сўзда адабиётга қанчалик яқинлашган бўлсак, амалда ундан шунча узоқлашиб бораяпмиз. Бугунги ҳақиқий шоир ва ёзувчилар чекига китоб ўқимайдиганлар, китобдан узоқ, китобни унутганлар учун китоб ёзиш маҳкумлиги тушган...

Назар Эшонқул

#Иқтибос #Ижод_ва_эътиқод

Behzod Fazliddin

22 Aug 2024 07:08

“Пиар”, “ҳайп” тушунчалари ижодда эндигина пайдо бўлгани йўқ. Неча замонлар бурун ҳам бу ҳол бор эди. Фақат бошқача аталарди. Адабий ижодда ҳам аввалдан бўлган бу.

Дейлик, бирор шеър, ҳикоя ё романнинг ўзидан олдин шов-шуви тарқаларди. Ҳали эълон қилинмаган асар ижодкор атрофидаги мухлислар ё шотирлар томонидан оғиздан оғизга кўчиб, овоза бўларди: “Эшитдингизми, фалончи шоир зўр шеър ёзибди. Номи ҳам ажойиб!”, “Мана бу сатрни қаранг, ваҳ-ваҳ, бунча гўзал! Шеърнинг ўзи қандай экан?”, “Анув ҳикояни ўқидингизми? Бутун бошли романга татийди-я”, “Фалончи ака би-и-ир қисса ёзибди. Қўлёзмасини ўқидим — даҳшат! Ҳадемай адабиётимизда катта ҳодиса бўлади. Яқин даврда ҳали бундай асар яратилган эмас!..”

Шу тариқа кўпчиликда асарни ўқишга қизиқиш уйғонар, иштиёқ кучаярди. Ҳатто баъзан бу атай уюштирилар, ажиотаж қилинарди.

Атоқли шоир-ёзувчиларимиз ҳам бундай усулдан оқилона фойдаланган.

Ҳозир тренддаги мавзуларда ижод қилиш трендга чиқибди. Қизиқ...

Масалан, оламшумул зилзила ҳақида кўпчилик шиғир ёзди. Ўша зилзила қалбингда юз бермас экан, қандай ёзиш мумкин дунёни титратган ер силкиниши ҳақида?!

Мен яхши асар реклама қилиниши, ўзига хос “ҳайп” билан аудиторияни жалб этишга қарши эмасман. Аммо атай “пиар”, “ҳайп” учун "ижод қилиш"га қаршиман, кескин қаршиман!

@Behzod_Fazliddin

#Йўл_йўлакай  #Таҳрирсиз_хаёллар #Ижод_ва_эътиқод

Behzod Fazliddin

20 Aug 2024 07:35

Бу дунёда мендан бошқа ёмон йўқдай...

@Behzod_Fazliddin

Behzod Fazliddin

18 Aug 2024 15:58

***
...чунки кўп нарсадан кўнглимни уздим
чунки ҳафсаламни пир қилди ҳаёт
чунки билиб-билмай ниятни буздим
чунки еру кўкдан бўлмади нажот

чунки ўзим билан келишолмадик
жиндаккина ақлим эгмади бўйин
имкон ила вақтни бўлишолмадик
чунки ҳаммасининг мақсади – ўйин

чунки изғиб юрар бунда қора руҳ
баттар авж олдириб бедов оташни
этимни чимчилар совуқ бир андуҳ
чунки истамадим осон яшашни

чунки...  

2009

© Беҳзод Фазлиддин @Behzod_Fazliddin

#Кутмаган_кунларим_кутган_кунларим

Behzod Fazliddin

17 Aug 2024 16:07

Баридан афзали – Расулуллоҳ бор –
Саодат асрини соғинди кўнгил...

© Беҳзод Фазлиддин @Behzod_Fazliddin

Behzod Fazliddin

16 Aug 2024 13:32

Минг бора кўнглимни ёриб айтаман:
Одам бўлмоқ учун одамлар керак!

© Беҳзод Фазлиддин @Behzod_Fazliddin

Behzod Fazliddin

14 Aug 2024 11:40

***
Ялинчоқ эмасман, кибриммикан бу?
Ўзимнинг ўзимга жабриммикан бу?
Яшашим мумкин-ку жонимни сийлаб,
Тош тишлаб юрибман, сабриммикан бу?!

2003

© Беҳзод Фазлиддин @Behzod_Fazliddin

#Сен_қачон_гуллайсан

Behzod Fazliddin

02 Sep 2024 09:29

Бахтингни кўрмасдан ўлмайман, Ватан!..

Шеърдан парча акс этган ушбу видеони сўз мухлислари юборган экан.

Бу шеър 2002 йили, 18-19 ёшларимда ёзилган эди. Шу пайтгача турли тадбир, турфа давраларда янгради. Яқинда яна бир анжуманда ўқигандим.

Ҳозирги кўзим билан қарарканман, шеърнинг баъзи сўзларини ўзгартириб, айрим сатрларини қайта ишласамми, дейман гоҳида. Балки, бугунги ҳолимда бошқачароқ ёзган бўлармидим. Аммо ўша Туйғу, ўшандаги Руҳни қайтариб бўлармикан – буниси ҳам бор. Шунинг учун ҳам эски шеърларимга кўпам тегинавергим келмайди. Қолаверса, улар аллақачон мухлисларимизга ҳам ёд бўлиб кетган...

Аслида, бу Ватан, даҳо халқ сизу бизнинг ялтироқ сўзларимизга муҳтож эмас, ўзимиз унга чиройли сўзлар айтишга муҳтожлик сезамиз...

@Behzod_Fazliddin

P. S. Тўлиқ ва сифатлироқ вариантда кейин YouTubeдаги каналимизга жойланади.

#Кайфият #Лаҳзалар #Мухлислардан #Шеърлавҳа

@Behzod_Fazliddin_bot

Behzod Fazliddin

31 Aug 2024 13:31

ДОВОН

Шу халқ ўссин, шу юрт кўкарсин,
Изга тушиб кетар қолгани.
Бошин мангу баланд кўтарсин,
Олтин бўлсин тош деб олгани.

Омон ўтди йиллар қаҳридан,
Туришлари мардона бўлди.
Ғаним эриб кетди меҳридан,
Оқибати афсона бўлди.

Бек боласин қадами шахдам,
Бағри бутун, илиги тўла.
Гижинглаган тойчоқлари ҳам
Ёв дилига солар ғулғула.

Эндигина тонглар отганда
Парчаланмас азалий тоқат.
У кунларга қиёс этганда,
Бу кунларнинг заҳмати – роҳат.

Юракларда бирдамлашайлик,
Суягани етар қудрати.
Ўзимиздан баланд яшайлик,
Шу юрт ҳаққи, шу халқ ҳурмати.

2009

© Беҳзод Фазлиддин @Behzod_Fazliddin

#Кутмаган_кунларим_кутган_кунларим

Behzod Fazliddin

29 Aug 2024 15:14

Бир сир айтайми: ҳеч қачон ҳеч кимга сир айтманг!

#Йўл_йўлакай  #Таҳрирсиз_хаёллар

@Behzod_Fazliddin

Behzod Fazliddin

28 Aug 2024 15:26

Yuragimdan boshqa joyga sig‘mayapman...

@Behzod_Fazliddin

#Eski_daftardan

Behzod Fazliddin

27 Aug 2024 15:52

Кўникиб кетмадим чорасизликка,
Ойнинг нурларида йўллар изладим...

© Беҳзод Фазлиддин @Behzod_Fazliddin

#Сен_қачон_гуллайсан

Behzod Fazliddin

26 Aug 2024 07:45

***
Отамнинг гапини бўлдим бехосдан,
Онамнинг кўзига қараб қўйдим тик...
Шунданми, сўзларим қолмиш ихлосдан,
Шунданми, бахтимнинг бошлари эгик.

Бидирлаб акамга гап бермай ўсдим,
(Мендан олдин бунёд жигар эди у.)
Нордай иниларим йўлини тўсдим,
Синглимнинг кўнглини ололмадим, ув!

Тағин шу ҳолимда ўзимга мастман,
Афсус, афсуслардан фойда йўқ. Афсус...
Ҳануз шоир бўлиб шоир эмасман,
Одам бўлиб одам эмасман ҳануз.

Энди кимга не наф доду арзлардан,
Қаҳратонда қолган қушдай қақшайман.
Узилиб кетмасми бўйним қарзлардан,
Шунча гуноҳ билан қандай яшайман?!

2014

© Беҳзод Фазлиддин @Behzod_Fazliddin

#Тушларингдан_чиқиб_келдим

Behzod Fazliddin

25 Aug 2024 08:52

Қизинг қиздай бўлса, ўғлинг ўғилдай,
Якто бўлмаса ҳам чиройда, кучда...

© Беҳзод Фазлиддин @Behzod_Fazliddin

Behzod Fazliddin

24 Aug 2024 07:09

Иймонинг ҳам замон қўшиғига мос –
Ғоят заиф, ўта ўрта-миёна...

© Беҳзод Фазлиддин @Behzod_Fazliddin

Behzod Fazliddin

22 Aug 2024 15:21

Юрагингга термулиб туриб,
Йиғлаяпсан биринчи марта...

© Беҳзод Фазлиддин @Behzod_Fazliddin
#Эски_дафтардан

Behzod Fazliddin

21 Aug 2024 09:12

Ақл ўргатмоқ бўлар сенга
Шогирдингнинг шогирди...

#Йўл_йўлакай #Таҳрирсиз_хаёллар

@Behzod_Fazliddin

Behzod Fazliddin

19 Aug 2024 15:11

Мансабга интилмоқ айб эмас, магар ният хайрли бўлса.

#Йўл_йўлакай #Таҳрирсиз_хаёллар

@Behzod_Fazliddin

Behzod Fazliddin

18 Aug 2024 08:23

#Иқтибос

Ўртачалик ишни бошқара бошлади...

— Ўртачалик бизни тамом қамраб олган. У ёққа борсангиз ҳам, бу ёққа борсангиз ҳам – ўртачалик. Ҳақиқий адабиёт ўлдирилгандан, сўйилгандан кейин саҳнага ўртачалик чиқди. Ўртачалик ишни бошлади. Ўртачалик меъёрга айланди. Ўртачалик ишни бошқара бошлади...

Бу ёқимли адабиётга ўхшайди-ю, лекин ўртача адабиёт дунёга чиқадиган адабиёт эмас. Ўртача адабиёт ўртачаликни ҳимоя қилади. Кучли адабиёт кучли нарсани, кучли дунёни талаб қилади. Ўртачалик ўртача бўлиб юраверади. Бу ўртача қўшиқлар, бу ўртачалик тарафида турган адабиёт бизни ҳали кўп ташвишларга солади...

Рауф Парфи суҳбатларидан.

#Жамият_ва_маънавият #Ижод_ва_эътиқод

@Behzod_Fazliddin

Behzod Fazliddin

17 Aug 2024 08:54

Кимнидир мақташ учун бошқаларни ерга уриш шартми?!

#Йўл_йўлакай #Таҳрирсиз_хаёллар

@Behzod_Fazliddin

Behzod Fazliddin

15 Aug 2024 16:58

Пок номинг ёд этган покрав номларни
Нодоннинг оғзида чайнатма, ё Раб!

© Беҳзод Фазлиддин @Behzod_Fazliddin

Behzod Fazliddin

13 Aug 2024 15:12

ҚЎНҒИРОҚ

Уйимни тўлдирган жимликни бузиб,
Ҳаётни эслатиб янграр қўнғироқ.
Олисдан бир гўзал (кўзини сузиб)
Гапирар, адашиб тушибди бироқ.

Ўзим билан ёлғиз қоларман яна,
Домига тортади хаёллар – денгиз...
Телефон!.. Жунбушга келади хона,
Яна ўша – “Бошқа жойга тушдингиз”.

Наҳот ҳамма мендай адашган, ёнар,
Саволлар тош бўлиб урилар бошга.
Ҳар сафар алмашиб қолар рақамлар,
Сўраган бегона, сўралган бошқа...

Ҳамон довдирайман, Руҳимда тўфон,
Мени шу симларга боғлаб қўйган Вақт.
Юрагим жиринглар – жонли телефон,
Эҳтимол, қўнғироқ қилаётган – Бахт...

2006

© Беҳзод Фазлиддин @Behzod_Fazliddin

#Тушларингдан_чиқиб_келдим