54086
O'qi va ko'taril! Kitob tahlili guruhi: t.me/joinchat/T4zTfxKzeMu073yK Kitob almashish guruhi: t.me/+Tj96NSH4NrMyZDgy Tijoriy takliflar uchun: @e_kutubxonabot
Maxsus loyiha: Kitob almashamiz
Bu yerda:
Kitob sotishingiz, sotib olishingiz, bepul berishingiz, almashtirishingiz yoki almashib o‘qishingiz mumkin.
Bildirma
Bugun Kitobxonlar klubi'da №192 kitob muhokamasi bo‘lib o‘tadi va unda Teodor Drayzerning "Amerika fojiasi" romani tahlil qilinadi.
Muhokama vaqti: 19:00 dan 23:00 gacha
#Koʻrilma
"Kitob do‘koni bo‘ylab" turkumidan
28.03.2024
📚 @e_kutubxona
KELING, TURLICHA EKANLIGIMIZGA KELISHIB OLAMIZ!
Hikoya qilinishicha, bir guruh olimlar sahro hayotini o‘rganish uchun avtobusda uzoq qishloqqa yo‘l olishadi. Avtobus u qishloqning yaqinidagi tepalikka chiqqanida ag‘darilib ketadi. Undagi barcha olimlar halok bo‘lishadi.
Qishloq boshqaruvi barcha olimlarning xotirasini abadiylashtirish uchun ularni qishloqqa dafn qilish haqida qaror chiqaradi. Halok bo‘lganlarning yaqinlari uchun qabriston haftada bir kun ochilishini va ular ziyorat qilishlari mumkinligini aytishadi.
Qabristonda Hindistonlik olimning yonida Fransiyalik olim dafn qilinadi. Qabriston eshigi ochiladigan kuni ularning yaqinlari ziyorat qilgani kelib turishadi. Fransiyalik kishi chiroyli ko‘rinishda, bir bog‘ gul bilan yaqinining qabrini ziyorat qilishga kelar va uni qabr ustiga qo‘yar edi. Hindistonlik kishi esa vatandoshini eski kiyimlarda, bir likopcha gurunch bilan ziyorat qilgani kelar va uni yaqinining qabri ustiga qo‘yar edi.
Kunlar shu holda o‘taverdi. Nihoyat Fransiyalik kishi Hindistonlik kishini masxara qilmoqchi bo‘lib dedi:
-Qarindoshingiz likopchadagi guruchni yeyish uchun qachon qabrdan chiqadi?
Hind javob qildi:
-Sizning qarindoshingiz qachon gulni hidlagani chiqsa, o‘shanda!
Qissadan hissa shuki, biz o‘z hayotimizni qandaydir o‘lchovlar, e’tiqodlar va odatlar asosida o‘tkazamiz. Biz shularga o‘rganib qolganmiz, shular asosida tarbiyalanganmiz. Bular bizning garchi barcha fikriy tuzilmamizni egallamagan bo‘lsada, bir qismiga aylanib ulgurgan. Inson bugun qandaydir o‘lchovlar, e’tiqodlar va odatlardan iborat bo‘lib qoldi.
Shundan kelib chiqib biz boshqalarga o‘z e’tiqodimiz va fikriy tuzilmamizdan kelib chiqqan holda baho beramiz. Ular bizning o‘lchovlarimizga to‘g‘ri kelsa to‘g‘ri deymiz, to‘g‘ri kelmasa xato deymiz.
Bir qarashda fransuzning qabr ustiga qo‘ygan bir bog‘ guli hindning likopchadagi gurunchidan go‘zalroq ko‘rinadi. Ammo ob’yektiv nuqtai nazardan qarasang fransuz qo‘ygan gulning aynan hindning qo‘ygan gurunchining zamonaviy ko‘rinishi ekanligini anglaysan.
Biz bu sayyorada yolg‘iz emasmiz. Dunyodagi ba’zi insonlarga biz g‘aroyib bo‘lib ko‘rinamiz. Chunki bizning fikriy tuzilmamiz ularnikidan farq qiladi. Bizga ham shu sabab ular g‘aroyib bo‘lib ko‘rinadi. Boshqalar hayot tarzini tushunishning oson yo‘li ulardagi aqliy faoliyatni anglashdir. Men bu yerda boshqalarni rozi qilish uchun o‘zimizning asoslarimizdan, fikrlarimizda va o‘lchovlarimizda voz kechish kerak demoqchi emasman. Aksincha, o‘tgan narsalarimizni mahkam tutish tarafdoriman. Ammo bu yo‘lda shuni anglashimish lozimki, bizdan boshqacha bo‘lganlar ham inson. Agar biz ham ularning sharoitlarida va ularning hayotida yashaganimizda aynan ularning nusxasi bo‘lgan bo‘lar edik.
Biz odat va an’analarimizni xuddi Rixter shkalasi singari o‘lchov asbobi qilib olganmiz. Faqat bizga o‘xshagan insonlar inson-u, qolganlar inson emas go‘yo. Istagan narsangizga iymon keltiring, farzandlaringizga uni o‘rgating, o‘zingiz to‘g‘ri deb bilgan narsa bilan istaganingizcha faxrlaning, ammo bu mehmonxona singari zaminning yagona mehmoni siz emasigingizni unutmang!
Odatlar har-xil. Chunki madaniyatlar har-xil. Bu ofiyatning dalilidir. Ibn Xoldun aytganidek, agar ta’mlar turlicha bo‘lmaganida mol(tovar)lar kasod bo‘lar edi.
Yodinggizda tuting, fransuzning guli hindning bir likopcha gurunchining aynan o‘zi. Ammo gul shoirlarning “xurofot”i bo‘lgani uchun biz uni ko‘proq qabul qilamiz!
- Abdulqodir Samarqandiy
📚 @e_kutubxona
#Keltirma
"Aholi sonining ko‘payib ketishiga qarshi eng kuchli qurollarda biri ayollar uchun yaxshiroq iqtisodiy sharoit yaratishdir, bu esa, albatta, qizlarni o‘qitishdan boshlanadi".
📚 @e_kutubxona
"Aytishlaricha, yozuvchi [Oybek] lotin va kirill alifbosini mukammal bilishiga qaramay, umrining oxirigacha arab imlosida yozishda davom etgan". (c)
📚 @e_kutubxona
HAQIQAT HAQDAN DARAK
Bashariyat hayotiga nazar solsangiz, inson qalbi doimo haqiqatni izlaydi. U doim haqqa intiladi, haqni suyadi, yolg'onni yomon ko'radi. E'tibor bering, qalb shunday bo'ladi. Dunyo tarixiga va buguniga nazar solsangiz, hamisha oxir oqibat haqiqat g'olib bo'lganiga guvoh bo'lasiz. Yolg'on qancha gupirmasin, zulm qanchalar qutirmasin, bir kun yo'qqa chiqib, oqibatda rostgo'ylik va adolat yutib chiqaveradi.
Shuning uchun ham xalqimiz “Haqiqat egiladi, bukiladi, ammo sinmaydi”, deb aytadi. Qanchadan-qancha yolg'onchi tuzumlar o'z qabohatlarini haspo'slash uchun shaytonning xayoliga kelmagan hiylalarni qilishdi. Xudosizlar xalqlarning aqlini egallash uchun ming xil nayrang, zulmu sitamlar etishdi. Ular qilgan qirg'in va qatag'onlarning o'xshashini bashariyat boshqa ko'rmagan. Biroq ko'p o'tmay yolg'onlari fosh bo'lib, o'zlari tarix qa'riga quladi, yana haq g'olib bo'ldi.
Bugun Yaqin Sharqda kechayotgan hodisalar fonida mazkur haqiqat yana bir bor o'z tasdiqini topdi. Dunyoning yirik kuchlari qo'lida o'yinchoq bo'lib qolgan matbuot har qancha qichqirmasin, haqiqat sasi qarshisida yo'qqa chiqib qolmoqda. Yolg'on to'zoni dengiz suvini qancha bulg'amasin, haqiqat bulog'idan sizib chiqqan zilol suv yaltiragancha namoyon bo'lib, loyqa suvni asta surib chiqarmoqda.
Necha yildirki, G'arb va unga tobe matbuotlar odamlar miyasini yuvib, rostni yolg'on, yolg'onni rost qilib ko'rsatib, musulmonlarni yomonotliq qilib, insonlarning tafakkurini bulg'ab kelayotgan edi. Oqil kishilar buni yaxshi fahmlab turgan bo'lsa-da, birorta ham yaroqli xolis manba bo'lmagani uchun omma aldanib qolayotgandi.
Bugun minglagan yollanma matbuotlar qarshisida atiga 3-4 ta muqobil manba paydo bo'lib, voqelikni biroz aniqroq yoritishni boshlagan edi, anavi tumonat xabarchilarning so'ziga birov ishonmay qo'ydi. Haqning qarshisida dunyoning manaman degan davlatlari, matbuotlari, so'zchilari ojiz qolmoqda.
Bu nimani anglatadi? Demak, dunyoda barcha kuchlardan ustun boshqa bir iroda bor. U faqat haq tarafida va hamisha uni g'olib qiladi. Biroq buni yolg'on ko'zini pardalaganlar ko'ra olmaydi. Yolg'on ham, rost ham xabar. Biroq qalb yolg'ondan nafrat qiladi, unga ergashmaydi, doim rostga moyil bo'ladi. Nega? Chunki bu olamni va unda basharni yaratgan Zot haqdir, haqni ustun qilishni iroda etgan. Oqibat taqvodorlarniki, yerga solih bandalar voris bo'lishi ilohiy qonunda bitib qo'yilgan. Alloh O'z ishida g'olibdir, lekin ko'p odamlar bilishmaydi.
Tarix osha dunyoda yolg'on past, hamisha haq g'olib bo'lib kelishi aqlli kishi uchun iymon keltirishga turtki bo'larli mo''jizalardan sanaladi. Bo'lmasa, yolg'onga sarf qilingan buncha harakatu xarajatlardan keyin haqiqat so'zi bashariyatga allaqachon begona bo'lib ketishi kerak edi. Biroq doimo rost g'olib bo'lib, uning sha'ni yanada ortib boraveradi.
Alloh taolo dunyoni imtihon xonasi qilish uchun unda yolg'onga imkon berib qo'ygan, toki kim haq taraf, kim yolg'on taraf, aniq bo'lsin, keyin da'vo qila olmasin. Ana o'sha vaqtincha yolg'on insonlarni saralab beradi, ularning qalblari amalga ko'chishini ta'minlab beradi. Haq kelgach esa yolg'on xuddi to'zon kabi havoga uchib ketadi.
📍Ixtiyoriy kitob o'qish, fikr bildirish va yaxshiliklar qilish bilan ham pul topish mumkin.
Yutuqli shartlar o'tkazishni odat tusiga aylantirib ulgurgan sahifani Sizga tavsiya qilaman.
Hafta davomida siz U yerda:
- Yutuqli zakovat
- quiz testlar,
- har xil odatlarni shakllantiruvchi
Yutuqli chelenjlar bilan tanishasiz.
Bundan tashqari jamoyat uchun dolzarb muammolarga yechimlar berib boriladi, g'oliblar har doimgidek mukofotlanadi.
Kanalga ulanish
#Asoslar
Antara ismli arab shoiri buqadan qo‘rqib, qochib ketdi. Unga: «Dovyurakligingiz qayerda qoldi? Axir siz Antara bo‘laturib, buqadan qo‘rqasizmi?» deyishgan edi, «Axir buqa mening Antara ekanimni bilmaydi-da!» dedi.
Sen ham fikriy quvvatingni johil kimsa oldida namoyish qilma, u johilligi bilan seni yengib qo‘yadi.
©
📚 @e_kutubxona
#Asoslar
«Bizlar toshlarni (qurilish ashyolari) tayyorlashdan oldin hovli qurishni xohlamoqdamiz. Ya’ni, yakka shaxsni tarbiya va isloh qilishdan oldin butun millatni isloh qilmoqchimiz. Millat mustaqil narsa bo‘lib, uning uzunligi, eni, chuqurligi va balandligi bor. Demak, millat – u men, siz, ulardan iboratdir. Biz toki har birimiz o‘zini isloh qilmas ekan, millatning islohoti amalga oshmaydi».
- Shayx Ali Tantoviy
📚 @e_kutubxona
#Lissabondagi_tun
Remark, «Lissabondagi tun» romanidan tagiga chizib o‘qilgan satrlar
1. Ayol kishi o‘zini juda yaxshi tushunayotgandek ko‘rsatishga moyil va hatto baxtiqarolarni onalarcha ovuta boshlaydi.
2. Vaqt — bu o‘limning kuchsiz damlamasi.
3. Hech vaqt dunyo biz u bilan xayrlashayotgan, erkimiz tortib olinayotgan paytdagidek go‘zal bo‘lib tuyulmasa kerak. Qaniydi, biz uni hamisha shunday idrok etsak!
4. Gohida nimagadir ishonishing kerak. Yo‘qsa, allaqachon bu yorug‘ olamdan yo‘q bo‘lib ketgan bo‘lardik.
5. Kishi qachonki piching qilib, qo‘rqa boshlasa, voqea-hodisalarga barmoq orqasidan qaray boshlaydi.
6. Biz siyosatda balandparvoz gaplarga ko‘nib ketaveramiz, ming afsuski, hissiyot bobida emas.
7. Nafrat — qalbingni o‘yuvchi zahri qotil. O‘zing nafratlanasanmi yoxud o‘zganing nafratiga duchor bo‘lasanmi, farqi yo‘q.
8. Agar hayot abadiy bo‘lganda unga toqat qilib bo‘lmasdi.
9. Bandiligimizda bizdan bir burda nonni qizg‘anishadi, ammo bizni qayta qo‘lga tushirish uchun hech qanday sarf-harajatni ayashmaydi.
10. Omma vahimaga moyil va g‘am-tashvishlardam xalos bo‘lishni istaydi.
11. "Biz ayollar janjal chiqarishga ustamiz. Buni bilmasmiding?"
12. Muhabbat bobida so‘roq-savol ko‘payadi, ustiga-ustak, javoblarni kavlashtirish boshlanganda muhabbatning umri qisqaradi.
13. Inson qayerdaki baxtli bo‘lsa, o‘sha yer ajoyubu g‘aroyibdir.
14. O‘zga insonning qila olishi mumkin bo‘lgan burchi — o‘z yaqiniga bir chimdim mehr kerak bo‘lganida uning yonida bo‘lishidir.
📚 @e_kutubxona
#Keltirma
Qarama-qarshi signallar
📚 @e_kutubxona
#Mantiqiy_iqtisodiyot
Manfaatdor guruhlar xarajatlarni hisobga olishni istamaydilar
Afsuski, ko'p iqtisodiy qarorlar bozor narxlariga asoslangan bozor munosabatlaridan kelib chiqqan holda emas, balki siyosiy sabablarga ko'ra davlat tomonidan qabul qilinadi. Bu siyosiy ta'sirga ega guruhlar uchun aholi hisobidan to'langan manfaatlarga egalik qilishiga imkoniyat yaratadi. Shubhasiz, siyosiy manfaatdor guruhlar doimo katta xarajatlarni oqlash uchun ularni haqiqiy qiymatini kamaytirib ko'rsatadilar. Ular ba'zi loyihalar juda ahamiyatli bo'lganligi sababli hattoki ularning qiymatini hisobga olish kerak emas, deb ta'kidlaydilar.
O'qituvchilar ta'lim xarajatlarga nisbatan o'ta muhim masala deb hisoblaydilar; atrof-muhit himoyachilari yer sharini asrash shunchalik muhimki, atrof-muhitni saqlash bo'yicha loyihalar xarajatlaridan qat'i nazar amalga oshirilishi lozim deb hisoblaydilar; tibbiy tadqiqotlar grantlari sohiblari inson salomatligi o'ta muhimligi sababli xarajatlarni e'tiborga olish shafqatsizlik deb hisoblaydilar; Milliy san'atni qo'llab-quvvatlash jamg'armasi «san'atning qiymati insoniylikning asl mohiyati bilan bog'liq» va «uni pul bilan o'lchab bo'lmaydi» deb hisoblaydilar.
Bu bayonotlarning barchasini uyushgan guruhlarning davlat mablag'larini ko'proq jalb qilishga bo'lgan urinishi deb tushunish mumkin. Qiymatlarni hisobga olish pulning ahamiyatini bo'rttirib ko'rsatish degani emas. Pul – xarajatlarni ifodalashning qulay usulidir, lekin pulning o'zi hech narsaning qiymati emas. Agar taom uchun o'n dollarlik pul bilan to'lasam, pul xuddi xarajatdek ko'rinadi, lekin haqiqiy xarajat muqobil qiymatga, ya'ni taomdan keyingi eng qadrli variantning sub'ektiv qiymatiga teng.
📚 @e_kutubxona
#Asoslar
Ummat hazorasi, madaniyatini buzishni istasang, buning uchta vositasi bor: Oilani parokanda qil, ta’limni izdan chiqar va o‘rnak olish, ibratlanishni tashla.
• Oilani parchalashda onaning oiladagi ahamiyati, rolini chetga sur. Uning oila bekasi vasfidan xijolat qiladigan, uyaladigan holga tushir.
• Ta’limni izdan chiqarish bo‘lsa, muallim, o‘qituvchiga e’tiboringni qarat. Unga jamiyatda ahamiyat qoldirma. Qadrini pastga ur, nufuz qoldirma va hatto o‘quvchilari oldida tahqirlansin, obro‘siz bo‘lsin.
• O‘rnak va ibratlanishni tark etish borasida ulamolarga diqqat qil. Ular bilan bahslash, ularga (ular taqdim etayotgan ilmlariga) shak-shubha bilan qara, obro‘-sha’nlarini yerga ur. Hatto ularga birov quloq tutmasin, birov ularga ergashmasin.
Demak, ongli, fikri uyg‘oq ona so‘nadigan bo‘lsa, muxlis, o‘z ishiga sadoqatli muallim yo‘q bo‘ladigan bo‘lsa, ibrat va namuna bo‘ladigan yetakchi, boshlovchilar qulaydigan bo‘lsa, u holda avlodni qadriyatlar ustida kim tarbiyalaydi?
- Favziy Xollaq
📚 @e_kutubxona
"Mantiq ilmidan saboqlar" turkumidan
—
“Islohil mujtama’” asari sohibi shayx Muhammad ibn Solim Bayhoniy Yamaniy (1972-yil vafot topgan) rahimahullohdan naql qilinadi:
Bu kishi bilan, erkak va ayol tengligiga (g‘arbning ta’rifida - gender tengligiga) chaqiruvchi kishi orasida munozara bo‘lib o‘tdi. U kishi gapirar, Bayhoniy esa jim turardilar. So‘ngra Bayhoniy u kishiga muannasda murojaat qilib: “Endi sen jim tur, men gapiraman», dedilar. (Ya’ni, ayol kishiga xitob qilgandek “uskutiy” so‘zini ishlatdilar) Haligi kishi jahli chiqib: «Siz menga ayol kishiday xitob qilmoqdasiz», dedi. Shunda Bayhoniy: «Sen qanday bu holingda ayollarni erkaklar bilan teng bo‘lishga chaqiryapsan, oddiy olmosh ishlatilishida ayollar bilan teng bo‘lishga rozi emassanku?!», degandilar, bahs-munozara tugadi va odamlar kulib yuborishdi.
📚 @e_kutubxona
#Gruziya_muvaffaqiyatga_qanday_erishdi
Gruziyada hatto shunday latifa paydo bo‘ldi: “Brakoner o‘rmonda daraxt kesayotgan ekan, birdan kimdir uning yelkasiga qoqibdi. Brakoner o‘girilib qarab, ayiqqa ko‘zi tushibdi. Yengil nafas olib, ‘Uff, yana ekologiya politsiyasi deb o‘ylabman!’ debdi”.
📚 @e_kutubxona
Men kitoblarni emas, kitoblar meni yaratdi.
- Mishel de Monten
📚 @e_kutubxona
"Abdulla Qodiriyning «O‘tkan kunlar» romanining 1925-yildagi ilk nashri muqovasi" (c)
Foto: O‘zbekiston Milliy kutubxonasi
📚 @e_kutubxona
Kamoliddin Rabbimov: Mutolaa haqida
Mutolaa — bu intellekt, ilm to‘plash. Har bir davlatda, har bir jamiyatda hokimiyatga erishish va uni ushlab turishda asosiy hisoblangan vositalar mavjud. Erkin jamiyatlarda bu vosita — intellekt, avtoritar davlatlarda esa intellekt emas, balki kuch ishlatish qobiliyatidir. Demokratiya markazida aynan kuch ishlatmasdan intellekt orqali hokimiyatni ushlab turish qobiliyati turadi.
So‘nggi besh asrda misli ko‘rilmagan milliy boylik yaratayotgan davlatlarning asosiy qismi — bular erkin, o‘zaro siyosiy va ijtimoiy munosabatlarda kuch ishlatish imkoniyati mavjud bo‘lmagan davlatlardir. Ikkita Koreya bunga yaxshi misol bo‘la oladi. Biri — klassik totalitar davlat, ikkinchisi — anchagina demokratik mamlakat.
Janubiy Koreyada saylovlar erkin va muntazam o‘tkaziladi, so‘z erkinligi ham juda kuchli, korrupsiya bilan qo‘lga tushgan rahbar qamaladi, masalan, o‘tmishdagi prezidentlarning deyarli bari qamalgan. Shunday qilib, jamiyat erkin bo‘lsa, o‘zaro munosabatlarda nima birinchi o‘ringa chiqadi? Intellekt. Chunki jamiyat erkin, u yerda kuch ishlatish orqali hokimiyatni ushlab turish mumkin emas. Shu sababli ham dunyodagi eng qudratli, reytingi baland universitetlar erkin mamlakatlarda.
Taqqoslash uchun, Shimoliy Koreyaning reytingi bo‘yicha birinchi yuztalik, hatto birinchi mingtalikka kiruvchi birorta universiteti yo‘q. Kubada ham shunday. Saudiya Arabistonida ham. To‘g‘ri, arab mamlakatlarida nomi ulug‘, dongdor universitetlar yo‘q emas, u yerlarda ham yo‘llar tekis, qurilayotgan binolar juda chiroyli, ammo bir «lekini» bor: ular modernizmni o‘z intellekti orqali emas, oyog‘i ostidagi Xudo bergan neft va gaz hisobiga sotib olyapti.
Ta’kidlash joiz, bir vaqtlar Islom sivilizatsiyasi ilmga, mutolaaga juda katta e’tibor bergan. Bag‘dodda deysizmi, Damashqda bo‘ladimi, yunonlardan qolgan yoki undan ham avvalgi asarlar arab tiliga tarjima qilingan, katta tarijma va nashriyot uylari bo‘lgan. Xususan, bugungi demokratiya g‘oyasi ham arab tili va arablar qurgan kutubxonalar orqali Gʻarbiy Yevropaga kirib borgan — bunga hech qanday shubha yo‘q.
Gʻarb va Islom sivilizatsiyasi munosabatlarini juda yaxshi tahlil qilgan Bernard Luis o‘zining «Islom va g‘arb» kitobida yozadiki, «musulmon dunyosi osmonda yulduz sanayotgan vaqtda Gʻarbdagi eng katta kutubxonada 150 dan ortiq kitob bo‘lmasdi». Arablar Portugaliya, Ispaniya va Fransiyaning Bordogacha bo‘lgan hududlarini bosib olib, Qurdoba amirligini tashkil qilgan. Oradan ma’lum vaqt o‘tib, ispan va portugallar o‘z hududlarini qaytarib olgach, masjid va madrasalar qoshidagi kutubxonalardagi kitoblarni ko‘rib, Bernard Luisning yozishicha, og‘zi ochilib qolgan — kutubxonalarda 100 mingdan ortiq kitob bo‘lgan, biri ikkinchisini takrorlamagan.
Bugungi kunga kelib nima uchun biz intellekt borasida Gʻarb bilan bellasha olmaymiz, degan savol mavjud. Nazarimda, musulmon dunyosidagi eng katta muammolardan biri — siyosiy erkinlikning mavjud emasligi. Siyosiy erkinlik — bu hokimiyatdan mustaqil bo‘la olish, hokimiyatni xalqqa, jamiyatga bo‘ysundira olish qobiliyatidir. Agar hokimiyat xalqqa bo‘ysunadigan bo‘lsa, u muttasil almashib turadi. Xalq hokimiyatdan qo‘rqmaydi va davlatdagi, jamiyatdagi muammolarni tahlil qilish, anglash va aytaylik, ularga yechim izlash hech qanday muammo bo‘lmaydi. (c)
📚 @e_kutubxona
Bildirma
30-mart kuni Kitobxonlar klubi'da №192 kitob muhokamasi bo‘lib o‘tadi va unda so‘rovnomaga asosan Teodor Drayzerning "Amerika fojiasi" romani tahlil qilinadi.
Muhokama vaqti: 19:00 - 23:00 (30-mart, 2024)
Haqning yana bir xususiyati shuki, u birovlarning ko'magiga muhtoj emas, har dam o'z oyog'ida turaveradi. Botil esa tirgaksiz bir kun ham yashay olmaydi.
Haqiqatni bezash, tanitish, targ'ib qilish, e'lon etish shart emas, uning turishi o'zi quvvat, go'zallik va dovrug'dir. Uni tirik qalb, uyg'oq vijdon darhol taniydi. Yolg'on bulutlari uni ko'zlardan to'sishga har chand urinmasin, haqning quyoshi porlagan zamon botil yo'q bo'lib, yana hamma haq tomon talpinaveradi.
Hozirda dunyoning bir chekkasida kechayotgan hodisalarning butun insoniyat e'tiborini o'ziga tortishi ham aynan haqiqat bo'lganidandir. Bugun dunyo yolg'onga to'lib-toshganidan insonlar haqiqatga shunchalar tashna bo'lib ketibdiki, birov ozgina to'g'ri so'z aytsa, behos hamma unga intilmoqda. Mana shuning o'zi ham bu olamni yaratgan Zot borligini va Uning irodasi barcha xohishlardandan g'olib ekanini ko'rsatadi. Baxt esa dunyoda haqni topish va haq tarafida bo'lishdir.
Ulamolar aytadilarki, kim yolg'onni g'olib bo'ladi deb ishonsa, u Alloh taolo haqida yomon gumon qilgan bo'ladi. Bu esa iymonga xatardir. Zotan Alloh O'zi yaratgan bu ko'hna dunyoda hamisha haqni g'olib qilishni bitib qo'ygan va bu Uning biru borligini anglatuvchi belgilardan biri hisoblanadi. Zotan, haq Haqdan darakdir.
- Hasanxon Yahyo Abdulmajid,
28.12.2023
📚 @e_kutubxona
#Gruziya_muvaffaqiyatga_qanday_erishdi
• Biz shaxsiy sadoqat tamoyilini emas, g‘oyaga sadoqat tamoyilini tutganmiz.
• Agar davlat biror vazifani amalga oshirishga bel bog‘lasa, u bu ishni xususiy sektorga qaraganda tezroq va yaxshiroq amalga oshiradi. Lekin bu aslida me’yoriy hol emas, chunki u tashabbusni o‘ldiradi.
• Shunday davrlar kechganki, korrupsiya nafaqat yagona hamkorlik, balki yagona fikrlash shakli sifatida namoyon bo‘lgan.
• Ketishiga to‘g‘ri kelarkan, shunday ketishi kerak ediki, o‘zidan keyin mamlakat bilan birgalikda barobar
rivojlanishga tayyor insonlar hokimiyat boshiga kelishi kerak edi. Va u shunday keta oldi.
• Davlat o‘ziga qat’iy tegishli bo‘lmagan va yaxshi uddalay olmayotgan vazifalardan voz kechishi lozim.
• «Inson barcha narsalar uchun me’yor bo‘lib xizmat qiladi. Shu sababdan islohotlarga nisbatan bizning asosiy yondashuvimiz — o‘zgarayotgan dunyo markaziga insonni joylashtirish, uning mazkur dunyoni o‘zgartirishiga va mustaqil qaror qabul qilishiga xalaqit bermaslikdir».
• Byurokratiya har doim o‘zi uchun yo‘l topa oladi, degan aksioma mavjud. Stol qo‘yib, amaldorni o‘tqizib qo‘y va unga hech narsa berma - u baribir o‘zi uchun nimadir o‘ylab topadi. Uch yildan so‘ng esa uning ishtirokisiz barcha narsa tanazzulga uchrashi va fojia ro‘y berishini ayta boshlaydi.
• Vazirlikdagi 4374 ta xodim o‘rniga 600 tasini qoldirganimiz uchun mamlakatdagi yarim aholining meni ko‘rgani ko‘zi yo‘q edi.
• Politsiyada quyidagicha sxema mavjud edi: o‘n lari puldan tahminan ikki larisi GAI xodimining o‘zida qolardi, qolgan sakkiz lari bosqichma-bosqich yuqoriga, vazirgacha borardi. Bu tizim nafaqat politsiyada, balki barcha davlat tashkilotlarida qo‘llanilardi.
• Inson tabiati va odatlari ko‘pincha ratsional xatti-harakatdan ustun keladi.
• Biznesning eng yaxshi ijtimoiy javobgarligi — bu biznesning o‘zini rivojlantirish.
• "Sukut — alomati rizo" tamoyili qonun bilan belgilab qo‘yildi. Avvallari tadbirkor litsenziya olish uchun ariza topshirsa va hech qanday javob olmasa, bu hodisa tadbirkorga rad javobi berilganini anglatardi. Hozir esa buning aksini bildiradi: agar belgilangan muddat davomida javob olinmasa, faoliyatni boshlash mumkin.
• Ilgari tekshiruvchi tadbirkor huzuriga ixtiyoriy paytda tashrif buyurib, hatto litsenziyaga taalluqli bo‘lmagan kamchilik uchun ham uni litsenziyasidan mahrum qilishi mumkin edi. Bu huddi yo‘l harakati qoidasini buzgan vrachga davolash amaliyoti bilan shug‘ullanishni taqiqlab qo‘yishdek gap.
• U siyosatni yoqtirmaydi, biroq hozircha fuqarolik jamiyati shakllanib ulgurmagan ekan, siyosatda qatnashmaslikning sira iloji yo‘q.
📚 @e_kutubxona
"Urush va tinchlik" eng mashhur elektron kitobga aylandi
Lev Tolstoy qalamiga mansub "Urush va tinchlik" so‘nggi bir yil ichida mumtoz adabiyotning eng mashhur asariga aylandi.
"Urush va tinchlik" turli formatlarda o‘tgan yil davomida sayt foydalanuvchilari tomonidan 74 ming martadan ko‘proq yuklab olingan. Ikkinchi o‘rinni 64 000 marta yuklab olingan "Jinoyat va jazo" (Fyodor Dostoyevskiy) romani egalladi. Uchinchi o‘rin "Anna Karenina" (Lev Tolstoy)ga nasib etdi, u 62 ming martadan ko‘proq yuklab olingan.
Reytingda Mixail Bulgakovning "Morfiy" qissasi to‘rtinchi, Dostoyevskiyning "Telba" romani esa beshinchi o‘rinni egalladi.
Reyting ma’lumotlariga ko‘ra, o‘tgan yil davomida ruslar orasida mashhur bo‘lgan klassik adabiyotning eng yaxshi 10 ta kitobi safidan mos ravishda Yevgeniy Zamyatinning “Biz” (6-o‘rin), Fyodor Dostoevskiyning “Aka-uka Karamazovlar” (7-o‘rin), Ilya Ilf va Evgeniya Petrov "Bir qavatli Amerika" (8-o'rin), Aleksandr Pushkinning "Kapitan qizi" (9-o'rin) va Nikolay Gogolning "O'lik jonlar" (10-o'rin) asarlari o‘rin olgan.
📚 @e_kutubxona
#Keltirma
- Nassim Taleb, «Qora oqqush»
📚 @e_kutubxona
Ramazon'ga oid kitoblar mundarijasi:
📓 Ramazon hikmatlari
📓 Imom G‘azzoliy. Ihyou ulumid-din. Ro‘za sirlari kitobi (PDF)
📓 Imom G‘azzoliy. Ihyou ulumid-din. Ro‘za sirlari kitobi (APK)
📓 Ro‘za kitobi (PDF)
📓 Ro‘za kitobi (APK)
📓 Ro‘za oyida taomlanish (APK)
📓 Imom Buxoriy, Imom Muslim. Ro'za kitobi (APK)
📓 Shayx Muhammad Sodiq Muhammad Yusuf. Ramazon va Ro'za (APK)
📓 Mahmud As’ad Jo’shon. Ramazon va taqvo (PDF)
📓 Mahmud As’ad Jo’shon. Ramazon va taqvo (APK)
📓 Ramazon oylarida yuz bergan muhim voqealar (PDF)
📚 @e_kutubxona
💪 Bilim — bu qudrat!
🤓 Kun davomida telegramda o'nlab kanallarni kuzatasiz, ammo ulardan sanoqlilarigina sizga bilim beradi. Shu bilim beradigan kanalga yana bitta kanalni qo'shib qo'ysangiz maqsadga muvofiq bo'lar edi.
🧠 FENOMEN XOTIRA! - ushbu kanalda:
* Mnemonika haqida postlar,
*Xotirani rivojlantirish uchun oson usullar,
*Aqlingizni charxlovchi ajoyib testlar,
*Shaxsiy va kasbiy rivojlanish uchun kitoblar
*Dunyo va Oʻzbekiston Mnemonistlari haqida postlar
berib boriladi.
✅Qisqasi, ushbu kanalda ham xotirangizni charxlash usullarini oʻrganasiz, ham vaqtingiz behuda ketmaydi!
📥Ishoning hech bir narsa bekorga emas. Ushbu kanal reklamasini ham bekorga koʻrib qolmadiz)
Manzil: 👉 🧠 @fenomen_xotira
#Mezon
Oqil kishi sanoat, ilm-fan va texnologiyani Gʻarbdan o‘zlashtirish, o‘rganish bilan dini va xulqida Gʻarbga taqlid qilish, ularnikiga ergashish orasidagi farqni yaxshi ajrata oladi. Oqil kimsa insonlarning barchasidan foyda olishni biladi, hatto hayvonlardan ham. Masalan, itdan vafodorlikni o‘rganadi, vovillashni emas. Burgutdan uchishni o‘rganadi, axlat titib, o‘limtik yeyishni emas. ©
📚 @e_kutubxona
Kanal [@e_kutubxona] ochilgan kuni tug‘ilgan bolalar bugun maktabga chiqadigan yoshga to‘libdi...
Читать полностью…
#Tanlama
Kitobxonlar klubi'da 30-mart kuni bo‘lib o‘tadigan №192 kitob tahlili uchun asar tanlash so‘rovnomasi yakunlari:
Jami: 1405 ovoz
1. «Amerika fojiasi» - 452 (32%)
2. «Qora oqqush» - 331 (24%)
3. «Kapalaklar o‘yini» - 269 (19%)
4. «Gruziya muvaffaqiyatga qanday erishdi?» -191 (14%)
5. «Mushkul zamonlar» - 162 (12%)
✅ Demak, 30-mart kuni Kitobxonlar klubida "Amerika fojiasi" romani tahlil qilinadi.
Maxsus loyiha: Kitob almashamiz
Bu yerda:
Kitob sotishingiz, sotib olishingiz, bepul berishingiz, almashtirishingiz yoki almashib o‘qishingiz mumkin.