54086
O'qi va ko'taril! Kitob tahlili guruhi: t.me/joinchat/T4zTfxKzeMu073yK Kitob almashish guruhi: t.me/+Tj96NSH4NrMyZDgy Tijoriy takliflar uchun: @e_kutubxonabot
2024-yilda yana qanday kitoblar o‘zbek tiliga tarjima qilindi va yangi tarjimalarning qaysilarini olishga, o‘qishga ulgurdingiz yoki o‘qimoqchisiz?
Izohlarda qoldirishingiz mumkin
«Kishining aqli hur bo‘lmas ekan, uning yurti hurriyatga ega bo‘lolmaydi, erisholmaydi. Chunki zehnlardagi qullik vatanlardagi qullikdan ko‘ra xatarliroqdir». (c)
📚 @e_kutubxona
«O‘rta sinf»
Iqtisodiy ma’noda jamiyat sinflarga bo‘linadi: quyi, o‘rta va yuqori. Ishlar to‘g‘ri yo‘lga qo‘yilgan jamiyatlarda quyi sinfni imkoni boricha o‘rta sinfga o‘tkazishga uriniladi. Chunki o‘rta sinf qancha ko‘p bo‘lsa, shuncha yaxshi.
• O‘RTA SINF – o‘ziga to‘q, yashash uchun barcha sharoitlarini o‘zi uchun yarata oladigan, ko‘p pul topib, ko‘p soliq to‘laydigan iqtisodiy faol guruh.
O‘z-o‘ziga to‘qlik bu sinfga ma’lum sifatlarni beradi: bular o‘zganing mulkiga ko‘z tikmaslikka, majburiyatlarini bajarishga, o‘zi yaxshi ta’lim olib, farzandlariga yaxshi ta’lim berishga, o‘zi yashayotgan zamin uchun qayg‘urishga, ijtimoiy va siyosiy faol bo‘lishga moyil bo‘lishadi.
Ya’ni bu toifa uyi ostonasidan hatlab chiqqanidan keyin: “Buyog‘i mening uyim emas”, demaydigan, balki uyidan tashqarini ham o‘z Vatani hisoblaguvchi sinf.
Boshqacha qilib aytganda, aynan shu guruhi ko‘p va mustahkam bo‘lgan mamlakatlarni biz rivojlangan, kuchli davlatlar deb bilamiz va ularga havas qilamiz. Zotan aynan o‘rta sinfi ko‘p va baquvvat bo‘lgan jamiyatlar davrning har qanday chaqiriqlariga javob bera oladi, istalgan paytda jipslasha oladi, istalgan paytda bor-budini mamlakat uchun safarbar eta oladi.
• YUQORI SINF bu – katta boylar: katta biznes vakillari yoki biron-bir yo‘l bilan katta boylik orttirganlar. Bu guruhning soni jamiyatda ko‘p bo‘lmaydi va o‘z mohiyatiga ko‘ra bu sinf boyliklarini tinchroq joylarda saqlashga, o‘zini dunyo fuqarosi deb hisoblashga moyil bo‘lishadi. Hammasi shunaqa demayapman, mohiyat shuni taqozo qiladi deyapman.
Shu sabablar bois bu guruh jamiyatning asosi, tayanchi bo‘lolmaydi.
• QUYI SINF esa moddiy qiyinchiliklar girdobiga tushib qolgani, boshi maishiy muammolardan chiqmasligi bois, rizq talabida boshi oqqan tomonga ketishga, bola boqish uchun uzoqlardan baxtini izlashga moyil bo‘ladi. Hammasi shunaqa demayapman, sharoit shuni taqozo qiladi deyapman. Quyi sinf iqtisodiy faol guruh bo‘lmagani uchun, jamiyatga ko‘p foyda keltirolmaydi: ishlab-chiqarish jarayonlarida sub’yekt sifatida qatnashmaydi, ko‘p soliq to‘lolmaydi.
Shu uchun ham har bir sog‘lom jamiyat imkoni boricha ko‘proq oilalarni quyi maqomdan o‘rta sinfga chiqarib olishga zo‘r beradi. Qonunlar, tartiblar, harakatlar, jamiyat ichidaga barcha bahslar-u izlanishlar – hammasi shu guruhning sonini oshirishga qaratiladi. Chunki aynan o‘rta sinf kuchli jamiyatning asosi bo‘lib, u baquvvat bo‘lsa, jamiyat har qanday dovondan oshib o‘ta oladi, har qanday chaqiriqqa javob bera oladi.
📚 @e_kutubxona
#Hikoya
🌐 Jahon adabiyoti
📓 “Betizgin iste’dodlar” uyushmasi
✍ Robert Shekli
⚙ Hikoya
⚖ 0,4 MB
🔎 PDF
📄 20 sahifa
📚 @e_kutubxona
Nechtasini va qaysilarini o‘qigansiz?
Sanalsa 30 dan oshig‘i o‘zbek tiliga tarjima qilingan bo‘lib chiqdi.
📚 @e_kutubxona
#Maqola
Millatlar qanday taraqqiy etarlar?
Millatlar taraqqiyig‘a bir necha sabablar bo‘lub, tub sababi ulamo ila ag‘niyoning hamiyyat va g‘ayratlaridur. Taraqqiy qilg‘on va yo endi taraqqiy qilguvchi millatlar ahvolig‘a diqqat qilinsa, mazkur ikki sinf muhtaramni o‘z millatlarig‘a so‘z va oqcha ila xidmat etganlari favran zohir bo‘lur.
Har millatning ulamosi, ahli qalami, mutafakkiri o‘z millatining oyandasi uchun yo‘l ko‘rsatur, mashvarat berur, millat axloqining islohi uchun masjidlarda pand va nasihat berur, maktab va madrasalarda dunyo va oxiratda kerak ilm va fan, ta’lim berarlar, kitob va gazet ila ummatni muslihi uchun bahs va mukolamalar qilurlar.
Taraqqiy qilguvchi millatlarning ulamosi zamondin boxabar bo‘lib, o‘z millatining “masoliha zamoniyya”si uchun sa’y etar, millatni peshraftig‘a oqcha ila, hayrat ila iona qilmoqni millat boylarig‘a taklif etar, tashviq va tahris etar. Xulosa, har millatni ulamosi, ahli qalami millat uchun so‘ylar, yozar va havoiji milliya va zamoniyani o‘z millat mansubasig‘a bildirarlar. Zamona ag‘niyolari o‘z millatlarini zamoniycha kerakligi yo‘linda oqcha sarf etarlar, masalan, yangi usulda zamonaviy maktablar bino etib, zamoniycha odam tayyorlamoq uchun harakat etarlar.
Hukumatni o‘rta va oliy maktablariga o‘qiydurg‘on o‘z millat bolalarig‘a ionat etarlar. Va bechora hamjinslarini diniy va dunyoviy maktablarig‘a berub, o‘z xarajatlari ila o‘qutadurlar.
Rus, armani, yahudiy va boshqa Rusiyadagi vatandoshlarimizni boylari doimo o‘z millatlari uchun katta xayr va ehsonlar qiladurlar, inchunin, Qafkoz, Qirim, Qozondaki musulmon birodarlarimizni boylari, ulamosi va ahli qalami, sohibi fikri o‘z birodarlarig‘a mol, oqcha, qalam va ilm ila ko‘b iona qiladurlar.
Ammo bizni Turkistonda bu ishlardin so‘ylamoqqa hanuz navbat kelgan yo‘q. Har kim o‘z naf’i va o‘z shaxsiy ishi ila sargardon, umumiy yoinki diniy va milliy ishlarni oyandasi uchun, millatni zamona odamlaridek taraqqiy etmog‘i uchun, xaloyiqni isloh axloqi uchun g‘am tortuvchi va harakat etguvchi yo‘qdir.
Bir karra diqqat qilib, mahalla-ko‘y va qishloq xalqlariga qaralsun. Avomlik, beilmlik naqadar ko‘paygan. Biz musulmonmiz. Musulmonlikg‘a ilm lozim, amal lozim. O‘qumoq kerak, nima uchun boshqa millatlarda yuza bir nafar besavod yo‘q ekan, biza yuza bir nafar savodlik yo‘q?
Boshqa millatning yosh bolalari maktabda, lekin bizniki hammollikda va gadoylikda. Boshqa millat ulamosiga tobe’ ekan, bizni ulamo bil’aks avomg‘a tobe’dur? Buning oxiri xarobdur. Yigirma, o‘ttuz sana so‘ngra yana yomonroq bo‘lur, musulmonlik, ilm va odob ila qoim millat axloq, fazl va hunar ila boqiy qolur.
Bugun islohi maktab-madrasa, ya’ni islohi millatg‘a ko‘shish qilinmasa rabi asr so‘ngra diyonat barbod bo‘lur va aning javobi mas’uliyati bugungilarg‘a qolur, bu mas’uliyatdin qutulmoq uchun millatni diniy ilm va dunyoviy ilm-fanlar o‘qumoq uchun targ‘ib qilmoq kerakdur. Diniy ilm va fanlarning o‘rni maktab va madrasadur.
Dunyoviy fanlarni o‘rni hukumat maktablaridur, ikkisig‘a o‘qumoq uchun oqcha lozimki, ul oqcha boylarni kissayi hamiyatidan chiqsa kerak.
Har zamon uchun asbobi isloh va taraqqiyi ionat boshqarur. Millatg‘a ionat etmoq uchun, islohi maktab va mudarris uchun, rusiy maktablarig‘a bola tayyorlamoq uchun, dehqon va san’atkorlarni rivoj bermoq uchun “hamiyyati xayriya”, “nashri maorif”, qiroatxonalar, fo‘ndlar, kurujuklar, jaridalar, majallalar, nashriyotlar… kerakdur. Millatlar taraqqiysi shul ila bo‘lur va bu ishlarg‘a oqcha kerakdur, oqcha boylarda va afrodda!
Maro ba tajriba ma’lum shud daro har kor,
Ki qadri mard ba ilm ast qadri ilm ba mol.
(Ma’nosi: menga tajribadan ma’lum bo‘ldiki, odamda qanchalik ilm bo‘lsa ham ilmning qadri moldadur).
- Mahmudxo‘ja Behbudiy.
“Samarqand” gazetasi, 1913-yil, 30-iyul.
📚 @e_kutubxona
🌐 O‘zbek adabiyoti
📓 "Karvon yo‘llarida"
✍ Mirkarim Osim
⚙ Qissa
⚖ 3,6 MB
🔎 PDF
📄 86 sahifa
📚 @e_kutubxona
Bildirma
Bugun Kitobxonlar klubi guruhida №195 kitob muhokamasi bo‘lib o‘tadi va unda Baxtiyor Abdug‘afurning "Madaminbek: Qonli gullar vodiysi" asari tahlil qilinadi.
Muhokama vaqti: 20:00 dan 23:00 gacha
Maxsus loyiha: Kitob almashamiz
Bu yerda:
Kitob sotishingiz, sotib olishingiz, bepul berishingiz, almashtirishingiz yoki almashib o‘qishingiz mumkin.
#10kitob
Xayrulla Hamidov “Har bir inson hayoti davomida oʻqishi shart boʻlgan 10 kitob” tavsiya qiladi
1. Dostoyevskiy, “Jinoyat va jazo” romani
2. Abdulla Qodiriy, “Oʻtkan kunlar” romani
3. Murod Muhammad Doʻst, “Lolazor” asari
4. Lev Tolstoy, “Anna Karenina” romani
5. Teodor Drayzer, “Amerika fojiasi” asari
6. Choʻlpon, “Kecha va kunduz” romani
7. Abdulla Oripov sheʼrlari
8. Karel Chapek, “Salamandrlar jangi” asari
9. Stendal, “Qizil va qora” romani
10. Mixail Bulgakov “Usta va Margarita” asari.
📚 @e_kutubxona
🌐 Jahon adabiyoti
📓 "Samandarlar bilan jang"
✍ Karel Chapek
⚙ Roman
⚖ 12,2 MB
🔎 PDF
📄 296 sahifa
Chex yozuvchisi Karel Chapek o‘zining «Salamandralar bilan jang» romanida 1930-yillardagi xalqaro siyosatni, shu jumladan, Germaniyada bosh ko‘targan fashizmni qattiq hajv qilgan. Romanga go‘yo Indoneziya orollaridan birida uchragan aqlli maxluq salamandralarni “odamiylashtirish” haqidagi fantastik uydirmani asos qilib olingan.
Ulkan foyda olish uchun har qanday qabihlikdan qaytmaydigan sanoatchilar salamandralardan arzon ishchi kuchi sifatida foydalanadilar. Salamandralar esa o‘z navbatida insoniyat jamiyatining barcha illatlarini o‘zlashtirib olib, odamlar bilan raqobat qila boshlaydilar. Salamandralar hayotini tasvirlar ekan, yozuvchi o‘sha davr siyosatining satirik manzarasini chizib beradi.
📚 @e_kutubxona
#Oʻtkan_kunlar
— Fuzuliy yaxshi kitob, — dedi Kumush, — men ham yolg‘iz qolg‘an kezlarimda bu kitobdan boshimni ololmas edim, sizammi?
Bu oliyjanob go‘zalga nima deyishni bilmas, qayerdan so‘z boshlashqa hayron edi:
— Kim yig‘latdi sizni?
— Yig‘labmanmi?
— Ko‘zingiz, kiprakingiz...
— O‘zi shunaqa...
— Yig‘latg‘an men emasmi?
— Kitobni nega yopdingiz? Ochib o‘qung, men eshitay.
— Ota-ona rizolig‘ini bir tomchi ko‘z yoshingizga arzitdimmi?
— Men rozi, men ko‘ndim, — dedi daf’atan Kumush, bu so‘zni nimadandir
qo‘rqg‘andek shoshib aytdi.
— Ko‘ndingiz... nega, a?
Otabek hayrat va taajjub ichida edi.
— Negaki, — dedi Kumush, — men sizga ishonaman...
— Shuning uchun...
— Shuning uchun ko‘ndim...
— Ko‘nglingiz farishtalar ko‘nglidek.
— Sizning ham ko‘nglingiz...
Ikki jon, ikki yurak go‘yoki bittadek bir-birisini onglar, birisidan-birisiga o‘tib yurar edi shu vaqt.
— Bo‘lmasa nega yig‘ladingiz?
Bu savoldan Kumush bir muncha o‘ngg‘aysizlanib, uyat aralash bir tabassum bilan:
— O‘zim... — dedi va keyinidan o‘zining hamma tilak va shartlari ma’nosini jam’i
bo‘lg‘an, — menim unutmaysizmi? — degan so‘rog‘ini berdi. Ul nima deb aytishka so‘z topolmay qoldi. Chunki yurak sirini ifoda qilarliq jumla topish mumkin emas edi. Javob berish o‘rniga o‘zicha so‘zlandi:
«Ota-ona orzusi...»
— Bilaman, — dedi ovutquchi tovush bilan Kumush.
— Manim orzumni ham bilasizmi?
- Abdulla Qodiriy. "O‘tkan kunlar"dan
📚 @e_kutubxona
"Aqlli bolalar nufuzli o‘quv yurtlariga kirishi shart emas".
📚 @e_kutubxona
HOKIM VA OLIM
Hishom ibn Abdulmalik imom A’mash rahimahullohga yozdi:
"Menga Usmon ibn Affonning jinoyatlari va Aliy ibn Abu Tolibning manoqiblari haqida yozib yubor".
A’mash rahimahulloh unga shunday deb maktub yozdi:
"Bismillahir Rohmanir Rohim.
Agar Usmonning jinoyatlari yer aholisi jinoyati miqdorida bo‘lsa ham u senga zarar bermaydi. Agar Aliyning maqtovli ishlari yer aholisining maqtovli ishlari kabi bo‘lsada buni senga foydasi yo‘q. Sen o‘z ishingni ko‘r. Falonchining qulashi, pistonchining toyilishi bilan mashg‘ul bo‘lishdan to‘xta. Ular uchun sen javob bermaysan. Insonlarning yaxshiliklari o‘zlari uchundir, senga emas. O‘z ayblaringni tuzatish bilan shug‘ullan. Gunohlaringdan tavba qil. Hasanotlaringni ko‘paytir. Ana shu kitobingda qoladi. Insonning badbaxtligiga dalil uning boshqalar aybi bilan mashg‘ul bo‘lishidir".
- Ayman Yog‘iy
📚 @e_kutubxona
#Yangi_nashr
2024-yilda oʻzbek tiliga tarjima qilinib nashr etilgan eng yaxshi kitoblar
📓 “Taxtlar oʻyini”, Jorj Martin
Nihoyat oʻzbek tiliga fentezi janridagi asarlar ham tarjima qilina boshlandi. Albatta, oʻzbek tilidagi kitoblar bozorida Garri Potter haqidagi asarlar, “Uzuklar hukmdori” kitoblarini koʻrish mumkin edi. Ammo gap shundaki, yuqoridagi kitoblarga mualliflik huquqi sotib olinmagan. Va tarjima sifatida ham kitobxonni xafa qiladigan darajada edi.
Demak, “Taxtlar oʻyini” mualliflik huquqi sotib olingan fentezi janridagi ilk asar boʻlmoqda. Koʻpchiligimiz bu kitob bilan shu nomdagi serial orqali tanishmiz. Bu Jorj Martinning “Muz va olov qoʻshigʻi” epopeyasining 1-qismi hisoblanadi. Bu oʻzbek kitob bozori, umuman tarjimashunosligida alohida bir sahifa. Chunki fentezi olami juda qiziqarli va bu olamni endilikda oʻzbek kitobxonlari ham oʻzi uchun kashf qilishi mumkinligi, albatta quvontiradi.
• Chop ettirgan nashriyot: Zabarjad Media
• Tarjimon: Mirzohid Muzaffar
📓 “Ishgʻol qilingan uy”, Xulio Kortasar
Jahonning nufuzli tanqidchilari “Argentinaning birinchi raqamli adibi” deya ta’rif bergan mashhur yozuvchi Xulio Kortasarning hikoyalar to‘plami oʻzbek tilida nashr ettirildi. Kitobdan Kortasarning 20 ga yaqin eng sara hikoyalari o‘rin egallagan.
• Chop ettirgan nashriyot: Akademnashr
• Tarjimon: Sharifjon Ahmad
📓 “Rejali ayol”, Mey Mask
Ushbu kitobda mashhur milliarder Ilon Maskning onasi Mey Mask oʻzining murakkab, lekin mazmunli hayoti toʻgʻrisida soʻzlaydi. Asarni oʻqib, Mey Mask naqadar mustaqil va jasur ayol ekanidan hayratlanasiz. U oʻzining boy hayotiy tajribasidan kelib chiqib, goʻzallik, sogʻlik, baxt va farzand tarbiyasi sirlarini biz bilan baham koʻradi.
• Chop ettirgan nashriyot: Asaxiy Books
• Tarjimon: Madina Ahmedova
📓 “Mantiqiy xato”, Bo Bennett
Kitob mantiqiy mulohaza yuritishning asosiy tamoyillari bilan tanishtiradi. Unda kundalik hayotda, bahslarda ko‘p uchraydigan xatolar va ularning turlari tahlil qilingan. Shu bilan birga, argumentlash bo‘yicha misol va foydali tavsiyalar keltirilgan.
Xatoning nima uchun xato ekanini bilsangiz, unga yo‘l qo‘ymaysiz. Bu xislat sizni oqil, vazmin va mulohazakor insonga aylantiradi.
• Chop ettirgan nashriyot: Asaxiy Books
• Tarjimon: Rahimjon Qudratov
📓 “Parij Bibi Maryam ibodatxonasi”, Viktor Gyugo
Gyugoning 1831-yilda yozilgan ushbu mashhur tarixiy romani endi oʻzbek tilida. “Parij Bibi Maryam ibodatxonasi” u asarida tarixiy voqealar orqali keskin va oʻzgaruvchan davr manzarasini aks ettirgan.
• Chop ettirgan nashriyot: Yangi Asr Avlodi
• Tarjimon: Bahodir Umarov
📓 “Turkiston Rossiya va Xitoy oraligʻida”, Boymirza Xayit
Turkistonning XV-XX asrlardagi hayoti yoritilgan ushbu kitob jamoatchilik uchun mo‘ljallangan bo‘lib, 42 yillik urushda jon bergan qurbonlar buning guvohidir (1853 — 1895). Undan keyin yana o‘nlab yillar qarshilik harakati davom etdi.
Ushbu kitobda bu davrlardagi haqiqatlar keltirilgan va bir qancha miflar inkor etilgan.
• Chop ettirgan nashriyot: Yangi Asr Avlodi
• Tarjimon: Baxtiyor Isabek-Oʻrdabekli
📓 “Xandaq”, Andrey Platonov
Andrey Platonovning ushbu asari falsafiy hamda antiutopik roman hisoblanadi. Antiutopik asarlar “fanati” sifatida, bu asarni oʻqib koʻrishni tavsiya qilaman.
• Chop ettirgan nashriyot: Akademnashr
• Tarjimon: Sharifjon Ahmad
📓 “Daho”, Vilyam Saroyan
Kelib chiqishi arman millatiga mansub taniqli amerikalik yozuvchi Uilyam Saroyanning hikoyalari nihoyat endi oʻzbek tilida. U oʻtkir hikoyanavis sifatida dunyoga tanilgan. Hikoyalarining tili achchiq, uslubi quruq, qisqa, biroq hayotga oʻziga xos rakursdan qaraydi.
• Chop ettirgan nashriyot: Yangi Asr Avlodi
• Tarjimon: Alisher Fayzullayev
Manba
📚 @e_kutubxona
Maxsus loyiha: Kitob almashamiz
Bu yerda:
Kitob sotishingiz, sotib olishingiz, bepul berishingiz, almashtirishingiz yoki almashib o‘qishingiz mumkin.
Bu ummatni kim uyg‘otadi?!
Nabiy sallollohu alayhi va sallam bilan Quraysh orasida jang qizidi. Odatda arablar qilichidan ko‘ra so‘zi bilan alamliroq hujum qilishadi.
Ana shu paytda Hasson ibn Sobit roziyallohu anhu o‘z she’rlari bilan islom chegarasini himoya qila boshladi. Nabiy sallollohu alayhi va sallam unga: "Ularni hajv qil, Ruhul Quds hamrohing bo‘lsin!", dedilar.
Bu dinning chegaralari turlicha. Barcha qobiliyatli insonlar uchun bunda joy bor.
Qachonlardir Xolid roziyallohu anhuning qilichi bilan himoyalangan islom o‘rni kelganida Hasson roziyallohu anhuning she’rlari bilan ham himoyalangan. Har kim o‘z maydonida sinaladi. Ular ikkisi ham o‘z o‘rnida qahramon edi.
Din olimi aqidani himoya qiladi. Askar vatan chegaralarini himoya qiladi. Yo‘lchi yo‘l quradi. Onalar kelajak avlodni bino qiladi.
Maorif vaziri ziyo taratadi. Muallim maktabda nur tarqatadi. Hamshira bemorga yordamlashadi. Voizlar ruhlar muolajasini qilishadi.
Bizdan har birimiz o‘z maydonimizda muhimmiz. Bundan bexojat bo‘la olmaymiz.
Menga: "Bu ummatni kim uyg‘otadi?!", demang. Avval o‘zingiz ko‘zingizni oching!
- Abdulqodir Samarqandiy
📚 @e_kutubxona
✍ Shaxsiy rivojlanish
• Intizom
• Hotirjamlik
• Dangasalik
• Yangi «Men»
• Bir soat kuchi
• Birinchi qadam
• Maqsad - Ibtido
• Maqsad - Intiho
• Kuchli qurol - odat
• Xatoni qabul qilish
• Chalg'ituvchi olam
• Rejalashtirish san'ati
• Sinov bilan yuzlashish
• Maqsad qo'yish san'ati
• Bosim ostidagi yoshlar
• Ustoz nima uchun kerak
• Investitsiya qilish san'ati
• Salbiy muhitda rivojlanish
• Istalgan shaxsga aylanish
• Vaqtni samarali boshqarish
• Insonni eng katta dushmani
• Comfort zona haqida batafsil
• Kuchli mentalitet shakllantirish
• Boshqalarni fikriga e'tibor bermang
• Noqulay muhitda shakllangan inson
✍ Moliyaviy erkinlik
• Moliyaviy savodxonlik
• Eng tez pul topish yo'li
• Aktiv va passiv daromad
🚀 «Special» desserts
• Maktub
• Seni yaxshi ko'raman
• Endi o'zinga kelishingiz kerak
Foydali deb bilsangiz, boshqalar bilan ham ulashing!
✅ Mundarija 1.0
✅ Manba - @mashuraliev
«Yozilayotgan maqola bugunning muammosini ochib berishga qaratilib, jasorat bilan yozilmas ekan, o‘nlab kitob yozsangiz ham kafedra yoki fakultet jamoasining "maqtovi" dan keyin suvga otilgan tosh kabi cho‘kadi. Universitet buyurtmasini bajarish uchun yozilgan har bir maqola muallifni ichki g‘ayri axloqiy holatga olib keladi va real hayotdan uzoqlashtiradi. Professor-o‘qituvchilarning eng katta muammosi ularning reallikdan qo‘rqishi va undan uzilib qolganligidir».
- Hamid Sodiq
📚 @e_kutubxona
#Keltirma
- Murod Muhammad Do'st, "Galatepaga qaytish"
📚 @e_kutubxona
O'quv kurslari
🎓 Idora: Brain development
📚 Texnologiya: SQL(PostgreSQL)
📞 Aloqa: +998 99 779 57 10, +998 91 572 12 13
✍️ Mas'ul: Maxmudov Maxmudjon
👉 @maxmudmaxmudov, @Jumaniyazov_Bobur
📌 Hudud: Toshkent shahri
🏢 Manzil: Toshkent shahri. Chilonzor tumani, Choponota ko'chasi 6-uy
📍 Mo'ljal: Mirzo Ulug'bek metrodan 5 minutlik yo'l
💰 Narxi: 1 000 000 so'm
⏰ Murojaat qilish vaqti: 9:00 dan 23:00 gacha
😀 To'lov turi: Naqd pul, plastik kartalari orqali
‼️ Qo'shimcha: Sizlarni SQL (PostgreSQL) yani ma'lumotlar bazasidan kurslarimizga taklif qilamiz. Kursimiz 3-iyuldan ochilmoqda. Haftada 3 kun(toq kunlari) 2,5 soatdan soat 19:00 dan boshlab darslar o'tiladi. Kurs davomiyligi 1 oy(12 ta dars).
Kurs davomida SQL(PostgreSQL) dan chuqur nazariyalarga va amaliy bilimga ega bo'lasiz.
Kurs davomida SQL ning DDL,DML,DCL,TCL kommandalari barchasi o'tiladi.
Bundan tashqari Function, Procedure, View, Indexsing lar ham o'tiladi.
Shoshiling, joylar soni cheklangan!!!
#Maqola
Aqlli bo‘lish uchun qanday kitoblarni o‘qish kerak?
Sportchi o‘zi uchun yengil vazn yoki qulay raqib bilan cheklansa, uning mahorati oshadimi, musobaqalarda g‘olib bo‘ladimi? O‘qish ham shunday.
Kishi o‘zini qiyin yozilgan, qalin jildli (“harflari ko‘p, rasmi kam”) kitoblarni, uzun maqolalarni oxirigacha o‘qishga majburlay olishi kerak.
“Foydali kitob qiziq bo‘ladi. Qiziq kitob oson o‘qiladi”, degan fikrga aldanib qolish “barcha oson o‘qiladigan kitoblar hamisha foydalidir” yoki “foydali kitob hamisha qiziqarli yozilgan bo‘ladi”, degan xato xulosaga olib keladi va ko‘pgina yangi ma’lumotlardan to‘sib qo‘yadi.
Deylik, siz bilim saviyangiz va tafakkuringizni kuchaytirish maqsadida yengil yozilgan kitobni o‘qiyapsiz. Ushbu kitob ichidagi gaplar oson fahmingizda o‘tiryapti. O‘zingizdan so‘rang, ehtimol siz shundoq ham xabaringiz bo‘lgan narsani o‘qiyotgandirsiz? Buning ham foydasi bor, albatta: avvallari olingan bilimni puxtalab olish, unitilayotgan narsani qaytarish kerakli mashg‘ulotlardan. Lekin eski narsani qaytarish yangi bilimlarni olish deganimas.
Yengil yoki tanish narsalarni o‘qiyverish ongining chegaralanishiga olib keladi. Sizga zerikarli va yoki qiyin tuyulgan matnlar, ehtimol, malakangizni oshirish yoki dunyoqarash kengligi uchun foydali bo‘lib, unda yangicha yondashuvlar, avvallari uchramagan yangi ma’lumotlar, kashf qilinmagan olamlar bordir?
Notanishlikni miya yoqtirmaydi, darrov diqqatni burish, kislorodni bo‘g‘ib, esnoq tuttirishga kirishib ketadi, qorinni ochirib qo‘yadi yoki hojatga chaqirib qoladi. Bunga sabab: miya organining dasturida “Zo‘riqmay kayf ol! Quvvatni asra!” buyrug‘i bitilgan. Ongli kishi bu jo‘ngina buyruq o‘rniga: “O‘qib o‘zgar, bo‘lmasam halok bo‘lasan! Bir oz qiynal, evaziga katta rohat topasan!” degan dasturni ham yoqa bilishi kerak.
Kasbingiz yoki dunyoqarashingiz rivoji uchun foydali topilgan eng murakkab va eng semiz kitobni olib xijjalab o‘qishga o‘zingizni undang. O‘qish, tushunish qiyin kechayotgan vaqtda o‘zingizga “men yangi, notanish narsalarni ochyapman, shuning uchun miyam o‘zlashtirishi qiyin bo‘lyapti, oxirigacha o‘qisam yuz foiz bo‘lmasa ham, o‘n foizini tushunsam katta gap. Undan ozi qolsa ham roziman, chunki kamida qiyin kitob o‘qish ko‘nikmasini o‘zimda hosil qilyapman”, deng va oxirgi stari qadar kitobga xujum qiling.
Qiyin kitoblarda ko‘pgina tushunarsiz qolgan ma’lumotlar baribir miyada iz qoldirardi. Bu safar tushunmasangiz, boshqa manbalarda xuddi shu ma’lumotlarni uchratib qolasiz va miyada “a ha!” alangasi bilan birdaniga murakkab narsani tushunib qolasiz. Shuning uchun to‘xtamay qiyin va uzun matnlar bilan ishlayverish kerak.
Birinchi qor yer yuzasini oqartirmasa ham, u keyingi qor saqlanishi uchun yerni sovitib beradi. Boshlang‘ich, tushunarsiz ma’lumot ham xotirada o‘rnashmagandek ko‘rinadi. Ammo u fahm yuzasini keyingi o‘qishlar uchun birinchi sharoitlarni yaratib beradi.
Sportchi og‘ir mashqlariga qaytaverganidek, katta va mushkul kitoblarni oxirigacha bitiring.
- Jamshid Muslimov
📚 @e_kutubxona
YOZGANINGIZNI ANGLANG
Yosh nosirga maslahatlar
• 1. Sizni og‘rintirgan mavzu toping.
Shunday mavzu topingki, u sizni tinmay bezovta qilaversin. Ichingizga sho‘ng‘igan payt yuragingizga o‘sha mavzuni singdirib ko‘ring. Yuragingiz, ha, bu mavzu boshqalarni ham o‘ylantirishi kerak, desagina uni asar mohiyatiga aylantiring. Shunda ayni o‘sha asar o‘quvchida haqiqiy qayg‘u hissini uyg‘otadi.
• 2. Gapni ko‘paytirmang.
Keling, bu borada gapni ko‘paytirib o‘tirmaylik.
• 3. Soddalik.
Bir tilning ikki daho farzandi Uilyam Shekspir va Jeyms Joys ijodiga bir nazar soling. Shekspirni mashhur qilgan o‘sha ulug‘vor “O‘lmoq yoki qolmoq” masala ham o‘ta qisqa yoritilgandi – eng uzun so‘z besh harfdan iborat. Joys ham istasa, Kleopatraning toji yanglig‘ muhtasham jumlalar tuza olardi, biroq uning “Evelin” hikoyasini bir o‘qing-chi! Butun hikoya uch so‘z bilan ochib beriladi: “U charchagan edi”. Tildagi soddalik nafaqat farosat, balki muqaddaslik belgisidir.
• 4. Jumlalarga jalloddek yondoshing.
O‘quvchi yaxshi biladiki, siz istasangiz, Kleopatra uchun toj ham yasashingiz mumkin. Ammo sizdagi yetuklik ongingizdagi vazmin fikrlar bilan hisoblashmog‘i shart. Qoidangiz shunday bo‘lsin: agar siz tuzgan jumla hikoyangiz g‘oyasini zarracha bo‘lsa-da yoritolmasa, uni yo‘qoting. Qanchalar mukammal bo‘lmasin, baribir. Kerak emas!
• 5. Nima demoqchisiz?
Men antik mualliflarni purhasham nomlari yo bizdan ancha avval yashab o‘tganlari uchun emas, balki aytmoqchi bo‘lganlarini ham dangal, ham tashbehlarga ustalik bilan o‘rab ifoda qilganliklari uchun benihoya yaxshi ko‘raman. Yozganlarini anglab borar ekanman, o‘smirlikdagi almoyi-jalmoyi uslubda yozish, fikrimni Pikasso suvratlaridagidek uslubda aytish, jaz musiqasidek sirli va jozibador shakllar topish orzum puchga chiqdi.
Aytadigan gapni boricha ayta olish yetuklik belgisidir.
• 6. O‘quvchiga rahmingiz kelsin.
O‘quvchilar siz kabi buyuk so‘z ustasi emas, hazrati oliylari. Ular o‘qishi, ma’rifatga erishishi kerak. Odam o‘qiydigan tilda yozish siz o‘ylaganchalik oson ish emas.
Lekin hali xursand bo‘lmang. Oradan o‘n yillar o‘tgach, o‘zi nega yozyapman, degan savol tug‘iladi sizda. O‘shanda eski yozuvlaringizni o‘qib, tushunib, asl maqsadingizni aniqlab olishingiz mumkin.
• 7. Nazariyani o‘rganing.
Badiiy uslubni texnik jihatdan o‘rganib chiqishi uchun Uilyam Strank va E. B. Uaytning “Uslub unsurlari” kitobini tavsiya qilaman. E. B. Uayt, ta’bir joiz bo‘lsa, Amerikaning jahon adabiyotiga tuhfa qilgan eng kuchli adabiyotshunoslardan biridir.
- Kurt VONNEGUT (1922–2007), AQSH adibi
"Kitob dunyosi" gazetasidan
📚 @e_kutubxona
#Hikoya
🌐 Jahon adabiyoti
📓 "Bir umrning zavoli"
✍ Stefan Sveyg
⚙ Hikoya
⚖ 0,2 MB
🔎 PDF
📄 16 sahifa
📚 @e_kutubxona
#Nazmiy
Hammamiz quyoshda kuygan jizzamiz,
qachon tiz cho‘kuvdik,
hamon izzamiz,
sirqirab og‘riydi shishgan tizzamiz,
o‘rindan ozgina tursak maylimu?
O‘tganlar bari bek,
qolgan javdirar,
gardanda ko‘rinmas g‘ullar shaldirar,
mehnatdan yorilgan qo‘llar qaltirar,
o‘z bekim yerida yursak maylimu?
Nasimlar gullamish ozod tog‘larda,
ozodlik mujdasi so‘lu sog‘larda,
bobolar qiynalib tikkan bog‘larda
ag‘anab bir xayol sursak maylimu?
Necha ming alloma, jo‘mardlar o‘lgan,
tafakkur sasigan,
ruhlari so‘lgan,
urug‘lar aynigan tap-taqir cho‘lda
o‘z bekim davlatin qursak maylimu?
Yuz ellik yildirki mana shu holat,
hanuz davom etar makkor tijorat,
bilmadim, qayerdan ushbu jaholat,
nega siz bo‘lmaysiz sira xijolat?
Nega men so‘rayman sizdan ijozat?!
- Shavkat Rahmon
📚 @e_kutubxona
Assalomu alaykum!
Qurbon hayiti muborak bo‘lsin, azizlar!
#ityurak
- Hammasiga qanday ulgurasiz-a, Filipp Filippovich?
- Odam hech qayoqqa shoshilmasa, hamma narsaga ulguradi. Agar men ham majlisdan majlisga sakrab, o'z vazifamni bajarish o'rniga ertadan kechgacha bulbulga o'xshab sayrab yurganimda hech qayerga ulgurmagan bo'lar edim, albatta.
- Mixail Bulgakov, "Ityurak"
📚 @e_kutubxona
#Maqola
✍ Mahmud Usmon
📓 «Forobiy, maymunlar va pashshalar»
⚙ Maqola
⚖ 0,7 MB
🔎 PDF
📄 3 sahifa
📚 @e_kutubxona
#Tanlama
Kitobxonlar klubi'da 29-iyun kuni bo‘lib o‘tadigan №195 kitob tahlili uchun asar tanlash so‘rovnomasi yakunlari:
• Jami: 1092 ovoz
1. Madaminbek: Qonli gullar vodiysi - 305 (28%)
2. Don Kixot - 304 (28%)
3. Oq nilufarlar yurtida - 249 (23%)
4. Vatandoshlik dasturi - 130 (12%)
5. Musallas mamlakati - 104 (10%)
✅ Demak, 29-iyun kuni Kitobxonlar klubida "Madaminbek: Qonli gullar vodiysi" asari tahlil qilinadi.