It's Tanzeel ♡.
08 September 2026 08:36
.
" أن تعاني ؟ هو أن تعطي شيئاً ما إهتماماً فائقاً❤️.))
.
كنت قريت الإقتباس ده من كم يوم ، وعمل فيني عمايل!!
بالأخص من بعد الخاطرة النشرتها قبل ايام :
🔗/channel/Fadfadah98/12833
حقيقي كنت مّثقلة بالفكرة دي بجد .. لم عاينت لنفسي ساعتها ؟ ورجعت بالزمن لورا خاالص...
اكتشفت بجد جد.. انو اكبر مُعاناتي ما جات الا بسبب الناس الأنا أفرطّت في حبي ليهم.
حسيت ماف زول وجعني بجد غير الأنا حبيتهم واهتميت لأمرهم شديد .
كل الأذى الطالني بإختلاف أشكالو ، النفسي والجسدي.
المشاعر التقيلة اللسة غرقانة فيها والحالياً مُعطلة حياتي بالمعنى الحرفي .
شخصيتي الإتغيرت تماماً
النور الإنطفى جواي
لمعة عيوني الإختفت
شكلي الـ مابقيت بتعرّف عليه خالص
قلبي البقى أتقل من اني استحملو
وعقلي .. عقلي البقى شارد دائماً وغارق في التفكير.
واكتر واكتر .. ما بيسعني اعبر عن أي شي .
لكن حسيت كله ما طالني من زول غريب .
ما اتأذيت من الناس الكانت بيني وبينهم علاقات واضحة وفي اطار مُـحدد.
ما اتأذيت من الناس الكانت بيني وبينهم حدود واضحة .
ما اتأذيت من زول ما اتعشمّت فيه بالأساس!!
الطالني.. من الأشخاص المفترض ديل أقرب ناس لي .. ديل المُفترض يكونو الأمان لي .
من الناس الإعتبرتهم دائرتي القريبة ، من الكنت مُعتبراهم أعز ما أملك.
من الحبيتهم.. حبيتهم بجد من قلبي .
حب كان كتير شكلو ..
من الإهتميت لأمرهم.. الإخترتهم دوناً عن غيرهم .
...
أنا كنت فاكرة كدة !!!!
لكن اثناء ما انا بقرا في رواية "كل أزرق السماء💙" روايتي لشهر 8 وانا على وشك اختمها.
وفي يوم من الأيام الكانت تقيلة علي بصورة ما عادية ..
من الأيام الفجأة بحس روحي فيها تقيلة بشكل غريب .
كأنو كل الفات ، القديم والجديد.. المدفون سنين ..كلو بختار يتراكم علي في يوم واحد .
في الأيام البتكتر فيها مخاوفي واسئلتي وما بعرف امشي بيها وين.
وما بكون واثقة الكان صح منو والغلطان منو ؟ و انا كان الصح اعمل شنو ؟ و زاتو لمتين ح اقدر استحمل؟
في يوم معين .. يوم كان بحزنو الخاص ،و بالجد اكتر اقتباس اليوم داك كان واصف شعوري .. هو الكلام الكان مكتوب من الصور دي :
🔗/channel/fadfadah22/5788?single
وبالتحديد الجملة دي :
"القى الإكتئاب بثِقله علي."
...
فجأة حصل شنو ؟؟!
وانا بقرا في الرواية .. ظهر الإقتباس ده قدامي ..!!
"ان تعاني هو أن تُعطي شيئاً ما إهتماماً فائقاً.)) .نزل بشكل غريب علي..
شقلبني مرة وحدة
وقفت عندو مسااافة طويلة .
بتحسّس فيه كأنو شي مألوف ؟ او شي غريب ؟ ما هو أكيد وقفت لسبب...
حسيتو ما ظهر عشان يمر مرور الكرام ..
ظهر عشان يوصل لي حاجة ...
عشان يوضّح لي فكرة !
فكرة كنت مُحتاجة ليها وقتها في عز توهاني.
وحرفياً زي السحر !
قلب اتجاه تفكيري تماماً!
بجد والله ..
فجأة وكانه في لمبة وِلعت جوة دماغي 💡 .!!
...
أنا كنت بسأل ليه بحصل لي كدة ؟! واشمعنا منهم هم ؟!
بعدين الإجابة ظهرت قدامي
بكل خفة وببساطة
وخلّت لـ معناتي معنى❤️
معنى كان غااايب علي!
ايوة صح عانيت
بس ما عانيت عشان في خلّل فيني !!
او حتى فيهم هُم.! !
أنا عانيت عشان حبيت
ايوة .
لكن الحبّ ذات نفسو ما غلط ولا كان هو المؤلم.. الحبّ كمفهوم ذات نفسو ما مُعاناة .
صحيح اتوجعت وعانيت ..ولسة في معاناة بسبب الناس الحبيتهم اكتر من غيرهم، بس ليه ؟!
لأنو بيهمني امرهم
بيهمني شديد
بس طريقة قبولهم لحبي ولي أنا ذات نفسي الكانت فيها مشكلة .
يمكن ما لقى المساحة والقبول الكافي
يمكن ما لقى المكان المُلائم لسة .
وتوقعاتي أنا كمان منهم كانت مُسبّبة لي مشكلة .
كنت عايزاهم بحبّوني بنفس الدرجة
كنت عايزاهم يقبلوني
كنت محتاجة يكتفو بي
احتجت بشدّة احساس اني تكون كافية .
كنت بحاول...
اشكال محاولتي الكِترت و إتعدّدت وهي السبّت لي الألم
نتائج حبي هي الـ ألمتني.
محاولة استيعابي أنو ليه هم بعملو معاي كدة ؟ هي الكانت بتوجعني.
كل التفكير الكتير وجلد الذات والقرارات البتعقب كل ده ..
كانت هي سبب مُعاناتي.
مش هم اللي ما بستاهلو !!!
دي نقطة كانت مهمة شديد لم أدركتها؟
حسيت براحة غريبة♡.
وفهمت!
أنا كنت بفتش على " الحب الغير مشروط"
وانا مافاهمة لسة كويس يعني شنو حبّ غير مشروط أصلاً !؟!
ده معنى كبير .. كبير شديد
بيتقال وبنسمعه كتير في كل مكان .
مُتداول لمن بقى مسيخ ومن النادر تلقى أصلاً شخص فاهم معناهو صح أو حتى مطبّقه صح .
ما حاجة هينة ولا شي يسهُل إدراكه أو حتى تطبيقو .
بل اصعب شي ..
اصعب حاجة بالذات في زمنا ده.
...
طيب هل هم إستحقو حبّي ؟! نعم.
بغض النظر عن اي شي
بصراحة لو رجعت بالزمن لورا
ح احبهم نفس الناس دي تاني.
او بعضهم بالتحديد!
لأنو لم حبيتهم أول مرة ما كان من فراغ!
مؤمنة اختيارات قلبي ما غلط ..
ايوة يمكن كانت بفطرتها وعفويتها اكتر زمان .
Читать полностью…
It's Tanzeel ♡.
07 September 2026 19:05
#فقرة_تفاعلية
إزيكم؟؟ يسعد يومكم.. ✨مُتذكرين التساؤل ده ؟؟؟
/channel/Fadfadah98/12832
يلا دي اغلبية المشاركات الوصلتني من:
"
فقرة تساؤل اليوم ❤️"
شاركتكم الإسكرينات دي مع مراعاة حذف البروفايل او الاسم للحفاظ على خصوصية أعضائي √.
اللي حابب يشارك حبابو ، واللي لفتو برضو واحد من الكومنتات وعايز يضيف رأي برضو يتفضل.
ملحوظة صغيرة:
• في كومنتاات حتلقو جمبها ✅
ديل الحسيت نوعاً فكرتهم قريبة لي
بس نتذكر !!
(اختلاف الرأي لا يُفسد للودّ قضية) .
#كسرة
• دي ما كل المشاركات!!
في حاجات غنجت بيها طبعا😌🔥
...
المهم شكرا لكل زول راقي شارك معانا رأيو🌷
It's TANZEEL PODCAST
Читать полностью…
10510