3017
Нам улууһун сэргэх сонуннара. Аадырыспыт: Нам сэл., Ст. Платонов аат. уул. 6/1 дьиэтэ. Бил. тел.: ☎️8(411-62)40-005 📲 8-924-171-11-52 📩 ensieli@mail.ru
Өйдүүбүт, сүгүрүйэбит, саныыбыт!
Партизан орто оскуолатыгар Ленинград блокадатын 80 сылыгар 5-11-с кылаастарга аналлаах тэрээһин буолла.
Дойдубут историятын хайаан да билиэхтээхпит.
Музей уонна библиотека сэбиэдиссэйдэрэ Харысхал Сардаана уонна Снежана Шарапова Ленинград блокадата 900 күн буолбутун кэпсээбиттэрин үөрэнээччилэр болҕойон иһиттилэр.
Оҕолор билиилэрин-көрүүлэрин викторинаҕа, истиэнэ хаһыатын көмүскээн тургуттулар. Бастакы миэстэни 8-с кылаастар, иккиһи 7-с, үсүһү 6-тар ыллылар.
Халлаан сылыйан уһуйаан оҕолоро музейга, библиотекаҕа экскурсиялара
саҕаланна.
4-с кылаастарга "Свеча памяти" буолла, салайааччы Анна Мордосова. 5-с кылаастар 125 гр блокада килиэбин оҥорон көрдүлэр, салайааччы Айталина Петрова.
Оскуола оҕолоругар наһаа үчүгэй тэрээһин буолан ааста.
Өйдүүбүт, сүгүрүйэбит, саныыбыт!
✍Полина Скрябина
@gazetaensieli
🔸 Күндү биир дойдулаахтарбыт!
Тохсунньу 27 күнүгэр дойдубут үрдүнэн Ленинград куорат фашистскай халабырдьыттартан босхоломмута 80 сыла бэлиэтэнэр. Өстөөх 900 күннээх-түүн төгүрүктээһиниттэн санааларын түһэрбэтэх Ленинград олохтоохторо уһулуччулаах эр санаа уонна Ийэ дойдуга бэриниилээх буолуу муҥутуур үрдүк холобурун көрдөрбүттэрэ.
Н.М.Рыкунов аатынан Нам киин библиотеката бу бэлиэ даатаҕа анаан «80 памятных лет» диэн электроннай ресурс бэлэмнээтэ.
✅ Сиһилии аах ⤵️
https://энсиэли.рф/kyndy-biir-dojdulaahtarbyt/
✍🏻Раиса Гоголева
@gazetaensieli
🔴 Намҥа 23 ыал саҥа дьиэлэннэ
Бүгүн Нам улууһун Нам сэлиэнньэтигэр, РФ президенэ Владимир Путин көҕүлүүр «Жилье и городская среда» национальнай бырайыак чэрчитинэн, «Хаарбах уонна саахалланар туруктаах дьиэлэртэн дьону көһөрүү» республикатааҕы аадырыстаммыт программанан 4 этээстээх, 23 квартиралаах, толору хааччыллыылаах таас дьиэ үөрүүлээх аһыллыыта буолла.
Ленин аат. уулусса 29 №-гэр турар саҥа дьиэни “Перспектива” ХЭТ, салайааччы Вадим Анисимов, экспертизатын ыытан, бырайыагын оҥорон, 2023 сыл муус устартан тутан саҕалаабыта уонна 9 ый иһинэн үлэҕэ киллэрдэ.
Сырдык, сылаас саҥа дьиэҕэ 22 ыал “Хаарбах туруктаах дьиэттэн дьону көһөрүү” программанан квартиралар күлүүстэрин туттулар. Итиэннэ биир квартира хаһаайыныгар “Тулаайах оҕолору дьиэнэн хааччыйыы” программананан күлүүһү туттардылар.
🟠🟠 @gazetaensieli
❤️@ulusmedia
И.Е. Винокуров аатынан историяны уонна кыраайы үөрэтэр түмэл коллектива "Блиндаж чүмэчитэ" акцияҕа кыттыһан, 21 чүмэчини оҥорон Намнааҕы олоҥхо дьиэтигэр туттарда.
Нэһилиэкпит дьоно-сэргэтэ акцияттан туора турбакка көхтөөхтүк кытталлар.
✍Надежда Сивцева
@gazetaensieli
❄️Тохсунньу 26 күнэ, бээтинсэ. Үтүө сарсыарданан, күндү ааҕааччыларбыт!
🌥️Бүгүн сарсыарда 6 чааска Намҥа -40 кыраадыс. Ол эрээри -45 курдук тымныы илгийэр (ощущается). Хотуттан сөкүүндэҕэ 1 м түргэннээх тыаллаах. Кыралаан хаардыыр.
💨Күн устата хотугулуу-илинтэн сөкүүндэҕэ 2 м түргэннээх тыалырыаҕа. Күүһүрэр кэмигэр 6 м тиийэр.
⛅️Бүгүн күнүс -31 кыраадыс буолуоҕа. Былыттаах, хаар түһэрэ күүтүллэр диэн күнү-дьылы кэтээччилэр сабаҕалыыллар.
✨Киэһэ -28 кыраадыска тиийэ тымныйыаҕа.
Күҥҥүт ситиһиилээх буоллун!😊
📸 С. Кутукова
@gazetaensieli
🔹Чиэстиир ытык иэстэрин умнубаттар
Билиҥҥи бириэмэҕэ үлэлиир көлүөнэ дьон нэһилиэктэрин туһугар, дьон-сэргэ олоҕо тупсарыгар олорон, үлэлээн ааспыт биир дойдулаахтарын чиэстиир ытык иэстэрин умнубаттар. Ол курдук, 2 Хомустаах нэһилиэгин олохтооҕо, үлэ, Аҕа дойду Улуу сэриитин бэтэрээнэ, настаабынньык Афанасий Авксентьевич Осипов тохсунньу 31 күнүгэр 100 сааһын туоларын бэлиэтээн, кинини ахтан-санаан ааһыахтара.
✅ Сиһилии 👈🏻
✍🏻Лидия Пестрякова
🟠🟠 @gazetaensieli
🔴 Көбөкөн кэрэ аҥаардара үс күн блиндаж чүмэчитэ оҥордулар
Көбөкөн нэһилиэгэ “Блиндаж чүмэчитэ” акцияҕа кыттыһан, уопсайа 114 чүмэчи оҥоһуллунна. Нэһилиэнньэ 31900 солкуобай хомуйан, чүмэчи атыылаһан, кэрэ аҥаардар үс күн устата чүмэчи оҥордулар.
Уот суох күнүгэр хараҥаны хараҥа диэбэккэ, байыаннай дьайыыга кытта сылдьар уолаттарбытыгар анаан сылааһынан, сырдыгынан сыдьаайар дойдуларын сорҕото буолар чүмэчилэри кичэйэн, туох баар үчүгэй, эрэл санааларын түмэн оҥордулар.
🟠🟠 @gazetaensieli
🔸Таабырыннаах поэт Е.С. Сивцев-Таллан Бүрэ үбүлүөйдээх үөрүүлээх тэрээһинэ
Нам улууһун киинигэр М.К. Аммосов аатынан култуура уонна духуобунай сайдыы Дыбарыаһыгар саха биллиилээх поэта, ССРС суруйааччыларын сойууһун чилиэнэ, гражданскай сэрии кыттыылааҕа, учуутал, Саха АССР култууратын үтүөлээх үлэһитэ, РСФСР үөрэҕириитин туйгуна, "Бочуот знага" уордьан кавалера, Нам улууһун Ытык киһитэ Ефрем Степанович Сивцев-Таллан Бүрэ төрөөбүтэ 115 сылыгар анаммыт, кини айар үлэтин, олоҕун кэпсиир "Дойдум иһин, норуотум иһин олохпун хардата суох аныам" үөрүүлээх тэрээһинэ ыытылла турар.
📸📹Олук
🟠🟠 @gazetaensieli
Устудьуон тылдьыта
Абитуриент - "Күн күөрэйиэн иннинэ"
Бастакы курска - "Билбэтчэй күннээх куоракка"
Лекцияҕа - "Күн да уһун"
"Окошко" - "Соһуччу үөрүү"
Семинар - "Тугу гыныахха?"
Перемена - "Көҥүл ырыата"
Түгэх парта - "Кистэлэҥнээх арыы"
Группа старостата - "Куоратчыт"
Стипендия - "Хараҥаҕа тыкпыт сырдык"
Уопсайга барыы - "Киэҥ аартык"
Уопсай хоһугар - "Тураахтаах күүдээх"
Дискотека - "Уолаттар уонна кийииттэр"
Бырааһынньык - "Киһи биирдэ олорор"
Тыа кыыһа - "Марба"
Куорат кыыһа - "Анфиса"
Кэрэ кыысчаан - "Кырасыабай кыыс"
Общественница - "Кыыс Хотун"
Отличница - "Кыыс Ньургун"
Студент уол - "Хотойук"
Сытыы уолчаан - "Мэник Мэнигийээн
Студент олоҕо - "Мэхээлэчээн устудьуон мүччүргэннээх сырыылара"
Күүлэйи батыһыы - "Олорор мутуккун кэрдимэ"
Маҥнайгы таптал - "Сааскы кэм"
Табыллыбатах таптал - "Сүтүк"
Улахан таптал - "Сүрэх тэбэрин тухары"
Сыбаайба - "Үрүҥ дьол"
Студент аһылыга - "Баара буолуо..."
Студент түүлэ - "Илэ дуу, түүл дуу?!"
Сессия саҕаланыыта - "Уһуктуу"
Экзамен - "Алдьархай"
Экзамеҥҥа бэлэмнэнии - "Үрүҥ түүннэр"
Студент эппиэтэ - "Ытыс саҕа кэпсээннэр"
Шпаргалка - "Арахсыспат аргыстарым"
"Провал" - "Ситим быстыыта"
"Пересдачалар" - "Көөчөөн көрө"
Туттарыллыбатах иэс - "Адаҕа"
Уһуллубут студент - "Өрүөл кэриэһэ"
"Туйгун" сыана - "Мин эһигини таптыыбын"
Бэһис курс -"Ыстаал хайдах хатарыллыбыта"
Диплом - "Бэйэҥ сулускун булуоҥ"
Тохсунньу 25 күнэ - Устудьуон күнэ
@gazetaensieli
✨Күннээҕи гороскоп✨
Тохсунньу 25 күнэ
⠀
Хой ♈️
⠀
Көр-күлүү, үчүгэй настырыанньа эйигин бүгүн кэтэһэр
Оҕус ♉️
Ким сатаан күүтэр, сатаан кэтэһэр, ол наҕараадаланар
Игирэлэр ♊️
⠀
Киһи олоҕо хас биирдии кыра хардыыттан турар, хардыы оҥоруоҥ иннинэ үчүгэйдик толкуйдаан көр
⠀
Рак ♋️
⠀
Эн күннээҕи кыһалҕаҕын быһаарар киһи аттыгар баар буолуо
⠀
Хахай ♌️
⠀
Кэнниҥ диэки хардыы оҥорума, кэхтиини эккирэтимэ, инниҥ эрэ диэки түһүнэн кэбис
⠀
Кыыс ♍️
⠀
Барыта былааннаабытыҥ курдук табыллыбатаҕына, санааҕын түһэримэ, аныгыскы да сырыы баар буолуо
⠀
Ыйааһын ♎️
⠀
Хаһааҥҥытааҕар даҕаны алыптаах күн тосхойуо, баҕа санааҥ хоту барыта табыллан иһиэ
Скорпион ♏️
Айылҕа туруга, дьүһүнэ дууһаҕар олус чугас. Санааҥ чэпчиэ
Охчут ♐️
Саҥа билсиһии, олоххор кэрэ түгэн тосхойоро күүтүллэр. Быһаарыныы ылынарга ыксаама, толкуйдуу түс
Чубуку ♑️
Барыта бэйэҕиттэн тутулуктаах, тугу түстүүгүн да оннук түмүгү ылаҕын
Күрүлгэн ♒️
⠀
Хаһан даҕаны барытын быраҕан туран саҥаттан саҕалыырга хойут буолбатах
Балыктар ♓️
Саҥа элбэх интэриэһинэй этии бөҕөтө киириэ
@gazetaensieli
В Якутии подвели итоги Года Труда и объявили старт Года Детства
🤝В торжественной обстановке министр труда Якутии Елена Волкова передала символ Года Детства министру образования и науки Якутии Нюргуне Соколовой.
🏆Кроме того, в рамках закрытия Года Труда подвели итоги конкурса среди муниципальных образований, округов и организаций.
https://ulus.media/2024/01/24/v-yakutii-podveli-itogi-goda-truda-i-obyavili-start-goda-detstva/
@ulusmedia
⏺«Муус устар-2024»: победителей премии «Доброволец Якутии» определят по 12 номинациям
👏 Региональная премия «Доброволец Якутии» призвана выявить и поощрить лучшие волонтерские практики, формы и методы организации добровольческой деятельности на территории республики. В этом году конкурс проводится по 12 номинациям.
@ulusmedia
Сегодня в Якутске -41°. По доброй традиции окунулся в Крещенскую купель. С давних пор этот день является для меня источником радости, очищения души и укрепления веры. Каждый раз после купели чувствую себя бодро, светло, набираюсь новых сил и энергии.
Тем, кто приходит окунуться, надо не забывать об определенных правилах и противопоказаниях. Берегите себя!
Пусть святая вода смоет все, что нас тяготит, наполнит душу миром и счастьем! Желаю всем благополучия, гармонии и исполнения всех самых заветных желаний!
t.me/aisen_nikolaev
🚌 Саха сирин 17 улууһугар дьону таһар автобустар саҥардыллыахтара. Ол иһигэр Нам улууһа эмиэ баар.
Бу үлэ региональнай сайдыыга Правительственнай комиссия быһаарыытынан бэриллибит 400 мөл. солк. суумалаах анал казначейскай кредит көмөтүнэн олоххо киирдэ. Дойду президенэ Владимир Путин анал казначейскай кредит туһунан федеральнай сокуоҥҥа 2023 сыллаахха илии баттаабыта. Бу туһунан Ил Дархан пресс-сулууспата иһитиннэрдэ.
Нам улууһун тэҥэ, саҥа автобустары Амма, Алдан, Үөһээ Бүлүү, Бүлүү, Горнай, Кэбээйи, Мэҥэ-Хаҥалас, Мирнэй, Нерюнгри, Өлүөхүмэ, Сунтаар, Хаҥалас, Орто Халыма, Ленскэй, Аллараа Халыма, Үөһээ Халыма ылыахтара.
«Билигин “ГАЗ”-еллэр Дьокуускай куоракка номнуо кэллилэр. Атын автобустар: “ПАЗ”, “КАВЗ” – республика киин куоратыгар олунньуга кэлиэхтэрэ, онтон оройуоннарга барыахтара. Урутаан эттэххэ, саҥа хайысханан маршруттары киллэрэр, итиэннэ билигин үлэлиир маршруттарга чааһын эбэр былааннаахпыт», – диэн транспорт уонна суол хаһаайыстыбатын министрэ Владимир Сивцев иһитиннэрдэ.
🟠🟠 @gazetaensieli
#нашпрезидент
#достиженияДФО
#5летразвитияДФО
✨Күннээҕи гороскоп✨
Тохсунньу 18 күнэ
⠀
Хой ♈️
⠀
Эйигин таптыыр буоллахтарына, хас түгэн аайы ону дакаастыахтарын наада
Оҕус ♉️
Ыарахан түгэҥҥэ киһи ис дьиҥэ биллэр
Игирэлэр ♊️
⠀
Эн чугас киһигэр көмө наада буолуо, онно олох аккаастанар табыллыбат
⠀
Рак ♋️
⠀
Бүгүн сыһыаны тупсарар, күүһүрдэр тоҕоостоох кэм
⠀
Хахай ♌️
⠀
Эн бүгүн олус кыраһыабайгын, тоҕо диэтэргин, эйигин олус күүскэ таптыыллар
⠀
Кыыс ♍️
⠀
Бүгүн дьиэлээхтэргин туох эрэ күндү аһы астааҥҥын үөрт
⠀
Ыйааһын ♎️
⠀
Сүрэҕиҥ баҕарарын ким эрэ толорор кыахтаах эрээри, ону кыайан өйдөөбөккө сылдьар
Скорпион ♏️
Киһи барыта сыыһаны оҥорор, ол ону билинэр эрэ киһи биир таһым үрдүүр
Охчут ♐️
Эн санааҕын, ис туруккун бүгүн сатаан таайыахтара суоҕа
Чубуку ♑️
Эн олоххор сулустар сырдыгы уонна кэрэни эрэ түстүүллэр
Күрүлгэн ♒️
⠀
Сотору кэминэн эн саамай дьоллоох киһи буолуоҥ
Балыктар ♓️
Кини эн олоххор эмискэ киирэн кэлбитэ, эйиэхэ кини саамай күндүтүн бэйэтэ да сэрэйбэт
@gazetaensieli
Нам улууһун Ленскэй нэһилиэгэр биир күн түөрт саҥа дьиэ үлэҕэ киирдэ
🏗🏢Нам сэлиэнньэтигэр бүгүн «Хаарбах туруктаах дьиэлэртэн дьону көһөрүү» программанан түөрт дьиэ үөрүүлээх аһыллыыта буолла. Бэлиэтээн эттэххэ, хаарбах дьиэлэртэн дьону көһөрүү Нам улууһугар күүскэ үлэлиир.
“Күүппүт баҕа санаабыт бүгүн туолла. Биһиги Октябрьскай уулусса 14 №-ээх дьиэтиттэн үс оҕобунаан киин сиргэ (Миниярова уул.) дьиэлэммиппититтэн наһаа үөрдүбүт. Саҥа дьиэҕэ көһөрбүтүн балачча күүтүөхпүт дии санаабыппыт, бириэмэ олус түргэнник ааста, бүгүн күлүүс туппуппутуттан соһуйан хааллыбыт. Аны үчүгэйэ диэн, ыаллыы олорор дьоммут эмиэ бу дьиэҕэ кэллилэр”, – диир Вилена Прокопьева.
✅Сиһилии👈
Ютуб⤵️
https://youtu.be/PI2RJ9vG1t8?si=FgbXMCvOeAeRDymh
📹Айсен Федоров
@gazetaensieli
Кыра да көмө кыайыыны чугаһатар
Никольскайдар "Блиндаж чүмэчитэ" акцияҕа кыттыһан, 62 чүмэчини бэлэмнээн туттардыбыт.
Олохтоох дьаһалта, нэһилиэк тэрилтэлэрэ, бэтэрээн сэбиэтэ, олохтоохтор чүмэчи, кэнсиэрбэ бааҥката хомуйан, акцияттан туора турбакка кыттыспыккытыгар барҕа махтал!
Кыра да көмө кыайыыны чугаһатар!
✍ Прасковья Протопопова
@gazetaensieli
Онтуон “Нам улууһун спордун сулустара” диэн саҥа кинигэ бэчээттэттэ
Кинигэҕэ Нам улууһун спордун историятыгар киирбит, спорт сайдыытыгар бэйэлэрин кэмнэригэр тус кылааттарын киллэрбит уонна ситиһиилэммит спортсменнар оройуон иһинэн, өрөспүүбүлүкэ уонна тас өттүгэр бастакы кыайыылаахтар, бастакы рекордсменнар, Саха АССР, ССРС, Саха Өрөспүүбүлүкэтин уонна Арассыыйа спордун бастакы маастардара киирдилэр.
Бу кинигэ 2023 сылга Саха сиригэр физкультурнай хамсааһын төрүттэммитэ 100 сылыгар ананна.
Кинигэ 130 ахсаанынан бэчээттэннэ.
Суруйааччы, суруналыыс Анатолий Софронов-Онтуон спорт туһунан бу төрдүс кинигэтэ. Сотору сүрэхтэниитэ буолуоҕа.
@gazetaensieli
✨Күннээҕи гороскоп✨
Тохсунньу 26 күнэ
⠀
Хой ♈️
⠀
Ааспыты умнуоххун баҕараҕын да, ол табыллыбат курдук. Өйүҥ-санааҥ барыта ол кэмҥэ сылдьар курдук
Оҕус ♉️
Урукку курдук аны хаһан да буолбатын өйдөө, эбэтэр ордук, эбэтэр мөлтөх буолуон сөп
Игирэлэр ♊️
⠀
Сылаа киириэх курдук. Сынньалаҥ туһунан саныыр кэм кэллэ
⠀
Рак ♋️
⠀
Бастакы сырыыттан табыллыбат буоллаҕына, иккис сырыыга холонон көр
⠀
Хахай ♌️
⠀
Ким кэтэһэр, ол ордук элбэх наҕарааданы ылар
⠀
Кыыс ♍️
⠀
Төһө баҕар өр тулуйан кэтэһиэх курдуккун, ол барыта таах халтай буолбатын биллэргин
⠀
Ыйааһын ♎️
⠀
Дьоҥҥо олус итэҕэйэҕин, эрэнэҕин, ол онон дьон туһанарын тохтот
Скорпион ♏️
Кыра кыһалҕа аайы аахайбат буол, наадалааҕы эрэ өрө тутар ордук
Охчут ♐️
Ким эрэ сүрэҕин долгутаҕын, дууһатын аймыыгын
Чубуку ♑️
Айар куттаах дьон бүгүн дьоҕургутун сайыннарарга табыгастаах кэм
Күрүлгэн ♒️
⠀
Саҥа сыалы туруорарга оруннаах кэм
Балыктар ♓️
Суобаһыҥ оонньуур буоллаҕына, оҥорбот ордук
@gazetaensieli
🔴 Искраҕа тыын боппуруос — уу
Бүгүн «Нам улууһа» МТ 2023 сыллааҕы үлэтин отчуоттуур улуус баһылыгын э.т. Анатолий Павлов салайааччылаах бастакы бөлөх Искраҕа сырытта.
Отчуот кэнниттэн Анатолий Иванович ааспыт сыллааҕы боротокуолга киирбит туруорсуулар төһөтө туолбуттарын иһитиннэрдэ. Бу да сырыыга киин балыыһаҕа сүрэх, харах быраастара тоҕо суохтара интэриэһиргэттэ.
Тыа хаһаайыстыбатын салаатыгар, сүөһү ахсаанын сылынан тэҥнээн көрөн иһитиннэрэллэрэ буоллар диэн этиини киллэрдилэр. «Эрэл» ТХПК үүтү хаһааҥҥыттан тутан саҕалыырын ыйыттылар. Онуоха директор Нюргун Гуляев олохтоохтор төрүөхтэрэ бүтэн, үүппүт дэлэйдэ, бэлэм буоллубут диэтигит да собуоту үлэлэтэргэ бэлэммит диэн хоруйдаата.
✅ Сиһилии аах 👈
🟠🟠 @gazetaensieli
Хатыҥ Арыы үс сэлиэнньэтэ отчуоту биһирээтэ
✅Тохсунньу 24 күнүгэр Хатыҥ Арыы нэһилиэгэр “Нам улууһа” МТ 2023 сыллаах үлэтин отчуота буолан ааста. Аппааны бөһүөлэгэр «Чороон» норуот айымньытын киинигэр Нам улууһун баһылыгын социальнай боппуруостарга солбуйааччы Дьяконов Юрий Вячеславович салайааччылаах иккис бөлөх отчуоттаата.
✅Сиһилии👈
🟠🟠 @gazetaensieli
📖 Түбэҕэ “Таллан Бүрэни ааҕабыт” күөн күрэс ыытылынна
Түбэ нэһилиэгэр “Айхал” сынньалаҥ киинигэр Россияҕа Дьиэ кэргэн, Саха сиригэр Оҕо саас сылларынан биир дойдулаахпыт, ССРС суруйааччыларын сойууһун чилиэнэ, поэт, тылбаасчыт Ефрем Степанович Сивцев-Таллан Бүрэ төрөөбүтэ 115 сылыгар аналлаах “Таллан Бүрэни ааҕабыт” диэн дьиэ кэргэнинэн дорҕоонноохтук ааҕыы күөн күрэһэ тохсунньу 24 күнүгэр ыытылынна.
Күөн күрэһи Түбэ олохтоох модельнай библиотекатын сэбиэдиссэйэ Л.С. Григорьева, М.Е. Охлопкова аатынан Түбэ орто оскуолатын библиотекара М.А. Сивцева, саха тылын уонна литературатын учуутала Т.А. Соловьева тэрийэн ыыттылар.
✅ Сиһилии аах 👈
✍🏻Людмила Григорьева
🟠🟠 @gazetaensieli
Үөдэйдэр саха саллаатыгар суруктаах чүмэчилэри оҥордулар
Үөдэй нэһилиэгэ анал байыаннай дьайыы кыттыылаахтарыгар анаммыт “Блиндаж чүмэчитэ” аахсыйаттан туора турбата.
Нэһилиэк бары тэрилтэлэрэ, түөлбэлэрэ, общественнай түмсүүлэр көхтөөх кыттыыны ыллылар. “Чуораанчык” оҕо уһуйаана 52 устуука чүмэчини уулларан, хас биирдии бааҥкаҕа “Саха саллаатыгар” диэн аадырыстаан сурук уктулар. “Күбэйэ”, “Ымыйаана” түмсүүлэр, “Сардаҥа”, “Айылгы”, “Кэскил”, “Тэтим”, “Сайдам” түөлбэ олохтоохторо, нэһилиэк бары тэрилтэлэрэ күүс-көмө буолан уопсайа 233 блиндаж чүмэчитэ оҥоһуллан туттарылынна.
Анал байыаннай дьайыыга кыттыыны ыла сылдьар уолаттарбыт этэҥҥэ сулууспалаан, дойдуларыгар эргиллэн кэлэллэрин эрэнэ күүтэбит диэн олохтоохтор ис дууһаларыттан баҕа санааларын тиэрдэллэр.
✍Екатерина Эверстова
@gazetaensieli
🔷Бүгүн, тохсунньу 25 күнүгэр , саха биллиилээх поэта, ССРС суруйааччыларын сойууһун чилиэнэ, гражданскай сэрии кыттыылааҕа, учуутал, Саха АССР култууратын үтүөлээх үлэһитэ, РСФСР үөрэҕириитин туйгуна, Нам улууһун Ытык киһитэ Ефрем Степанович Сивцев-Таллан Бүрэ төрөөбүт күнэ.
Быйыл кини төрөөбүтэ 115 сылын туолар. Бу үбүлүөйдээх күн улууспут бары үөрэҕин, култууратын тэрилтэлэригэр кини олоҕун, айар үлэтин билиһиннэриигэ анаммыт тэрээһиннэр киэҥник ыытыллыахтара.
Оттон күнүс 14:00 ч. Нам с. М.К. Аммосов аатынан култуура уонна духуобунай сайдыы Дыбарыаһыгар улуус общественноһа, поэт оҕолоро, Саха сирин суруйааччылара кыттыылаах “Дойдум иһин, норуотум иһин олохпун хардата суох аныам” үөрүүлээх тэрээһин ыытыллар. Биир дойдулаахпыт үтүө аатын үйэтитэр, айар үлэтин билиһиннэрэр тэрээһиҥҥэ кэлэн сылдьыҥ, сэргээҥ!
@gazetaensieli
❄️Тохсунньу 25 күнэ, чэппиэр. Үтүө сарсыарданан, күндү ааҕааччыларбыт!
🌥️Бүгүн сарсыарда 6 чааска Намҥа -36 кыраадыс. Ол эрээри -45 курдук тымныы илгийэр (ощущается). Соҕуруулуу-илинтэн сөкүүндэҕэ 1 м түргэннээх тыаллаах.
💨Күн устата соҕуруулуу-илинтэн сөкүүндэҕэ 1 м түргэннээх тыалырыаҕа.
⛅️Бүгүн күнүс -31 кыраадыс буолуоҕа. Былыттаах, кыралаан хаар түһэрэ күүтүллэр диэн күнү-дьылы кэтээччилэр сабаҕалыыллар.
✨Киэһэ -40 кыраадыска тиийэ тымныйыаҕа.
Күҥҥүт ситиһиилээх буоллун!😊
📸 С. Кутукова
@gazetaensieli
🔴1-кы Хомустаахха улуус дьаһалтатын үлэтин биһирээтилэр
Нэһилиэк депутаттарын председателэ Юрий Николаев уулуссаны сырдатыыга туттуллар остуолба арендатын улуус дьаһалтатын кытары бииргэ үлэлэһэн көтүрэргэ туруоруста. «Улууска Оҕо спордун сыла биллэриллэн сыллааҕы былаан торумнанна дуо?», — диэн ыйытта. Хайыһар көрүҥүн күүскэ сайыннарыыны туруоруста.
Олохтоох автобус маршрутун сөргүтэри, почта отделениетыгар начальник туруорсаллар.
✅ Сиһилии аах 👈
🟠🟠 @gazetaensieli
#Всейсемьей
👨👩👧👧Телефонтан, компьютертан, телевизортан сынньанан араастаан оонньуубут.
📹Айсен Федоров
🟠🟠 @gazetaensieli
❤️ @ulusmedia
🏹 Партизан үөрэнээччилэрэ төрүт ох саанан ытыыга дьарыктаналлар
Нам улууһун Партизан нэһилиэгин орто оскуолатыгар 2023 сыл сэтинньититтэн төрүт ох саанан ытыыга дьарык саҕаламмыта.
Оскуола спорт саалатыгар «Тир Бэргэн» диэн тэрийэн, бэйэтэ ох саанан ытыынан дьарыктанар Катерина Колесова оҕолору бэргэн ытыыга уһуйар.
✅ Сиһилии аах 👈
✍🏻Полина Скрябина
🟠🟠 @gazetaensieli
🎶 Эстрада «сулустара» ыалдьыттаатылар
2 Хомустаах нэһилиэгин «Сэргэлээх» сынньалаҥ киинин үлэһиттэрэ, былаанынан эрдэттэн бэлэмнэнэн, уһун өрөбүллэргэ араас тэрээһиннэри ыытан улахан да дьоҥҥо, оҕолорго да дьоро күннэри бэлэхтээтилэр.
Биир оннук тэрээһин — эргэ Саҥа дьылы көрсүү буолла. Бу киэһэ түөлбэлэртэн кыттыылаах пародия кэнсиэр көрөөччүлэр биһирэбиллэрин ылла. Хас биирдии түөлбэ толорооччулара ис сүрэхтэриттэн кыһаллан бэлэмнэммиттэрэ көстөр.
✅Сиһилии аах👈
✍🏻Лидия Пестрякова
🟠🟠 @gazetaensieli
🟡 Тохсунньу 18 күнэ, чэппиэр. Үтүө сарсыарданан, күндү ааҕааччыларбыт!
🌥️Бүгүн сарсыарда 6 чааска Намҥа -47 кыраадыс. Ол эрээри -52 курдук тымныы илгийэр (ощущается). Тыала суох.
💨Күн устата хотугулуу-арҕааттан сөкүүндэҕэ 1-2 м. түргэннээх тыалырыаҕа.
☁️Бүгүн күнүс -43 кыраадыс буолуоҕа. Уларыйа сылдьар былыттаах, хаар түһэрэ күүтүллүбэт диэн күнү-дьылы кэтээччилэр сабаҕалыыллар.
✨Киэһэ -46 кыраадыска тиийэ тымныйыаҕа.
Күҥҥүт ситиһиилээх буоллун!😊
🟠🟠 t.me/gazetaensieli