3235
Abdulloh ibn Muborak dedi: - Hikmat, pand-nasihatni devorda topsang ham, o‘qi, ibrat ol... Admin bilan bog‘lanish uchun: @HikmatlarXazinasi_bot
"Мусулмон чумоли"
Ижодкорнинг адабий қудрати ва қатъияти маддоҳликда эмас, "Бу хато!" деб айта олишидадир. Евге́ний Алекса́ндрович Евтуше́нконинг "Афғон чумолиси" шеъри бу гапга мисол бўла олади. У бу шеърни 1983 йилда ёзган. Ва бу шеър ҳозир хам актуал! Қойилмақом таржима учун буюк шоиримиз Хуршид Давронга катта рахмат!
АФҒОН ЧУМОЛИСИ
Афғон деб аталган олис тупроқда
Бир ўрис йигитин мурдаси ётар.
Ўрмалаб юрибди муздек яноқда
Мусулмон чумоли айни кунботар.
Қийналиб ўрмалар — ўлимдан сўнг ҳам
Ўсишдан тўхтамас мурда соқоли.
Йўл излаб бораркан, жим қотиб бир дам
Мурдага гапира бошлар чумоли:
«Сен ҳатто билмайсан бу ернинг номин,
Билмайсан қаерда бўлгансан қурбон.
Фақат биласанки — ҳаётинг зомин,
Фақат биласанки — ёнингда Эрон.
Сен-ку «Ислом» деган сўзнинг маъносин
Фақат шу ўлкага кирганда билдинг,
Ахир, айт, сен ўзинг билмаган юртга
Нега милтиғингни кўтариб келдинг?
Нимаям берардинг менинг элимга
Мабодо қошингга келиб бош урса,
Ахир, ўз юртингда колбаса учун
Одамлар соатлаб навбатда турса?
Йигирма миллион қабр каммиди,
Каммиди ноҳақ қон, ёлғон, хиёнат ?
Нега яна сонсиз қурбонлар тилаб
Бу ерга келдингиз бошлаб қиёмат?
Афғон деб аталган олис тупроқда
Бир ўрис йигитин мурдаси ётар
Ўрмалаб бораркан муздек янокда
Мусулмон чумоли боз ўйга ботар
Ва минг алам ила билмоқчи бўлар,
Йитсин дегандайин бу юртдан ўлим,
Исога чўқинган чумолилардан
Бу ўрис йигитни тирилтмоқ йўлин,
Аммо ўша олис — етимлар доди,
Бевалар фарёди пажмурда этган
Ўлкада бу йўлнинг чорасин билган
Чумолилар бари қирилиб кетган.
Евге́ний Алекса́ндрович Евтуше́нко
Бу видеони кўриб, бир домланинг сўзлари эсимга тушди: Балиқ бошидан сасийди, лекин думидан бошлаб тозаланади.
Яъни жамиятнинг иллатлари пастдан юқорига қараб тозаланмаса, тузатиб бўлмайди.
Ҳар бир пуқоро ўзини ислоҳ қилмас экан, ҳеч нимани яхши томонга ўзгартириб бўлмайди.
(видеўни кўриб, Шайх Саид Раҳматуллоҳ Термизий хафизаҳуллоҳнинг ўша байти ёдимға тушди...)
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Бу пост қатъиян талабаларимга аталган:
Бу 1000 грамм оғирликдаги темир қуймаси. Унинг хомашё қиймати тахминан $100 долларни ташкил қилади.
Агар сиз ундан отлар учун тақа ясасангиз, нарх $250 долларгача ошади.
Агар сиз уни тикув игналарига айлантирсангиз, унинг қиймати тахминан $70.000 долларгача кўтарилади.
Агар сиз ундан соат пружиналари ва шестерёнкаларини ясасангиз, ушбу бир парча темир тахминан $6 миллион доллар қийматга эга бўлади.
Аммо агар сиз ундан ўта юқори аниқликка эга бўлган (прецизион) лазер қисмларини ясасангиз (масалан, литография учун), унинг нархи $15 миллион долларгача ортади.
Сизнинг қадр-қимматингиз нафақат нимадан яратилганлигингизга, балки, энг аввало, ўз қобилиятларингизни қандай қилиб энг яхши фойда олиш учун ишлата билганлигингизга боғлиқ. Ўз билим, кўникма ва маҳоратингизни оширинг ва қўшимча қийматга эга бўлинг! Бозоргир бўлинг!
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
ЖИМЛИК ИЛМИ
Кафтингни сиққандай Хўжаи Хизр
унвонлар сеники,
минбар сеники,
сеники,
шаҳарнинг энг сулув қизи.
Фақат сен жим яша –
Ҳаммаси гўзал!
Нодонлар ўлимин бўйнига олиб,
арзимас виждонга сотилиб кетар.
Ҳуда-беҳудага ҳайқириқ солиб,
оқибат итдайин отилиб кетар.
Фақат сен жим яша –
Ҳаммаси гўзал!
Ҳақиқат тиланма ўғрию ғардан,
минг йиллик покиза қонингни булға.
Юзингни терс буриб бечоралардан,
қарсаклар ичида кун сайин улғай.
Ёқангдан илишсин:
“Айт, нега жимсан?”
Хулоса қилишсин: "Тўйдиришгандир.
Тарихда бўлганми сендайин кимса,
бўлса-да, пуштини куйдиришгандир?"
Эътибор бермагин уларга иним,
кафтингни сиққандай Хўжаи Хизр
унвонлар сеники,
минбар сеники,
сеники,
шаҳарнинг энг сулув қизи.
Барига мардона жимлигинг сабаб!
Ажабмас,
ҳолинга ачиниб Эгам
киргизиб юборса
жаннатига ҳам.
Фақат сен жим яша –
Ҳаммаси гўзал!
Жонтемир
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...Читать полностью…
Tuyaqushga juda yaxshi o’xshatish qilishgan.“Uch”, deyishsa, “Men tuyaman”, deydi. “Unda yuk tashi”, deyishsa, “Men qushman”, deydi. Biz ham biroz shunaqaroqmiz. Ham maqomimiz ko’tarilishini istaymiz, ham maqomning shartlarini bajarmaslik uchun bahonalar qidiramiz.. Lekin bu bahonalar o’tmaydigan yagona joy - umrdir. Unga matematikani ham tishi o’tmay qoladi.Unda kafolat yo’q. Unda “O’ttiz besh yosh endigina yo’lning yarmidir”, “Hayot qirqdan keyin boshlanadi”, degan gaplar qulog’ingga chalinsa, ko’nglingni to’q qilib qo’yma yo’lovchim.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Бугун инсоният тарихда бўлмаган даражада кўп алоқада
Гуруҳлар, чатлар, сунъиий интеллект, 24/7 мулоқотдамиз
Аммо инсоният тарихда бўлмаган даражада ёлғиз яшамоқда
АҚШда 60% инсонлар мунтазам ёлғизликдан азият чекишади.
Япония ва Кореяда ёлғизлик миллий эпидеемик инқироз деб эълон қилинган
Ёлғизлик инсултга чалиниш хавфини 30%га оширади, умрни қисқартиради.
Охирги уммат ҳолини билган ислом ҳамма ибодатларни жамоавий қилишга буюради
Биз эса минглаб "дўстлар" орасида ёлғиз яшамоқдамиз
Технологиялар инсонлар ўртасида виртуал "кўприк" бўлиб яқинлаштирмади.
Аксинча улар орасидаги ҳақиқий алоқаларни барбод қилиб ёлғизликка маҳкум қилди.
Қачон охирги марта ҳамма қариндошларингизни бир жойда кўрдингиз?
Ҳамма дўстларингиз қачон жам бўлди? Фақат телеграмда.
Силайи раҳмни мустаҳкамланг умрингиз узоқ бўлади.
Нақадар аниқ ва илмий башорат экан а?
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Бир каттаконнинг фарзанди вафот этди. Жанозага таклифнома чиқариб тарқатишди. Казо-казолар келди. Жанозада қатнашган икки қариндошимнинг суҳбатига қулоғим тушиб қолди. Айтишларича, энг катта авторитетлар — Палончибой ва Пистончибойлар жанозага пойтахтдан келибди. Икки бойваччани жанозага қандай кириб келганидан, қандай кетгунига қадар бўлган воқеани ҳаяжон билан, катта мароқ билан гапириб берди. Унинг бу гапларини эшитиб турган бир тўда оломон унга ҳавас билан қаради. Ўша қариндошим ўрнида бўлишни, ўша ювуқсиз қўлдан тутиб, кимсан фалончи билан сўрашганини фахр билан айтишни хоҳлади.
Дўстлар билан улфатчиликда ўтириб, Гулнора Каримова муҳокамасига киришиб кетдик. Бир дўстим “Унинг ўрнида ҳар қандай одам олар эди. Даданг президент бўлса, олдинга бир чемодан пулни олиб келиб тўкса, ким олмайди? Манаман дегани ҳам олади. Аслида Гулноранинг ўрнида бўлишни ҳамма орзу қилади“, деди, худди бир нарса ихтиро қилиб, “эврика“ дегандай. Қолганлар ҳам унинг гапини тасдиқлагандай бош ирғаб қўйди.
Аввалги президент ва унинг атрофидагилар ўмарган пулларни гапира туриб, бир дўстим: “Шунча ҳам ўғирлайдими? Шунча пулни нима қилар экан?“ деди. Гап оҳангидан ажабланиб: “Сен бўлганингда қанча ўғирлардинг?“ деб сўрадим. Бироз ўйланиб турди-да: “Бир миллиард олсам етарди“, деди.
Ўйланиб қолдим. Жамиятда порахўрлик, ўғирлик ва қаллоблик бу даражада кенг авж олгани бежизга эмас. Энг катта муаммо телефон ўғирлаганни “ўғри“, деб қамаб, миллиард ўғирлаганни ишбилармон деб билишимизда. Ўша фалончи бой, пистончи бойваччаларга ҳавас билан қарашимизда. Уларнинг ўрнида бўлишни орзу қилишимизда. Жиноят қилгани учун эмас, улар каби миллиардларни ўғирлаш учун шароит бўлмаганидан куйинишимизда.
Ҳар қандай одам ҳам олар эди, деб ҳамманинг номидан фикрлаб, ўз қалбидаги маразни ошкор қилган бўлса-да, афсуски, ҳақ эди. Ҳамма деса эҳтимол хато бўлар. Аммо аксар одамлар ўша бир дипломат пулни ҳаводан келишини орзу қилиб яшаши сир эмас.
«Бир миллиард ўғирлайдиган» менинг суҳбатдошимнинг ҳам аввалги президентдан кам жойи йўқ. У ҳам бир вақтлар: “Бир миллиард ўғирлайман, етади“, деб бошлаган. Русларнинг “иштаҳа овқат вақтида келади“, деганидай, бир миллиард олган одам ўн миллиардни, ўнни олган юз миллиардни хоҳлайди.
Аллоҳ биз бандалари учун чегараларни яратган. “Бундан у ёғи қизил чизиқ“, дейилади ва мусулмон одам чизиқни у ёғига ўтмайди. Бир марта чегарани босган одам, яна ва яна босаверади. Инсон ҳар қандай гуноҳни биринчи марта қилганда қўрқади, қийналади. Кейингиларида одатланиб кетади (ҳар ким биринчи марта сигарет чеккандаги ҳолатини, зино қилгандаги ҳолатини, ўғирлик қилгандаги ҳолатини эслаб кўриши мумкин).
Кўз бўямачилик учун ойда бир иккитасини пора билан ушлаб қамагани билан, қасам ичиргани билан ҳеч нарса ўзгармайди. Қачонки жамият ўша гуноҳдан (хоҳ пора бўлсин, хоҳ ўғирлик, хоҳ ҳаромдан топилган мол) жирканмагунига қадар бу нарсалар авж олаверади. Масалан, жамият гейлардан ҳазар қилади, трансларни қабул қила олмайди, лезбиянкаларни тошбўрон қилишга тайёр. Бу нарсалар ҳақида гапиришга, қасам ичиришга ҳожат йўқ, шундоқ ҳам ҳеч ким уларга ҳавас қилмайди, бир дастурхонда ўтирмайди, сўрашишни фахр деб билмайди. Аммо ўғрини ҳурмат қилади. Порахўрни тўрга ўтқизади.
Гапларимнинг исботини божхоначи, солиқчи, прокурор, судя, банкир каби соҳа эгалари бўлиб етишадиган институтларга топшириш илинжида юрганларнинг сонидан ҳам билсангиз бўлади. Энг катта порахўрлик, ўғирлик бор соҳаларда одам қайнайди. Ўқитувчи, қурувчи, инженерлар кўпчиликка керак эмас. Нимага? Чунки кўз ўнгидаги, атрофидаги, қариндош уруғидаги прокурор ва ўқитувчининг мавқейини ёш йигит жуда яхши билади. Муаммо ойликда эмас (порани ва ўғирликни қўшмаса, ойликда унча катта фарқ қилмайди).
Муаммо ўзимизда. Қачонки порахўр, ўғри, қаллоб амалдорларга ҳавас билан эмас, ўтларга қарагандай қарасак, фарзандларимизни ўшандай одамларга ҳавас қилиб, ёшлигидан онгини заҳарлаб катта қилмасак, бу муаммолар жамиятда камайиб боради. Йўқса фалончи акани қўлини ушлаганимиз билан фахрланиб юраверамиз.
Саййид Ислом.
Kerakli paytda jur’at qila olmagan odamlar avvaliga oʻzlarini ayblab yashaydi. Oʻzlarini ayblashdan charchagandan keyin esa jur’atsizlik qilingan oʻrinlarini oqlashga intilishadi. Oʻzini oqlashni boshlash esa oʻzidan baxtiyor odamni yasashga olib keladi. U bundan buyogʻiga baxtli boʻlib emas, baxtli koʻrsatib yashashga odatlanadi.
АЙРИЛИҚ
ФИКР ЗИНДОНИ
Islom ayolni qo‘g‘irchoq, yo o‘yinchoq va yoki matoh sifatida ko‘rmaydi. Unga ona o‘laroq qaraydi. Uni umrlik sherik biladi, tunlik sherik emas.
Qur’on uni suyanch, mehr, muhabbat va ko‘z quvonchi deya ta’rifladi. Uning qadrini ko‘targani va himoya qilgani uchun unga uyda turishni, hijobni va bir erkakni xohladi.
Shayx Ali Tantoviyning "Ey qizim" kitobidan:
Avrat a’zolarni yopish insonning asl tabiatidan. Uni ochish esa nuqson va zarar. Shuning uchun ham Odam va Havvo alayhissalomlar avratlari ochilib qolganda uni yopishga shoshib qolishgan.
Кодларни ўқиймиз.
Болаларни диний таълимдан мосуво қилиш, жамоат жойларида намозхоналарни ёпиш ва ҳоказо ишлар билан бир вақтнинг ўзида каъбапўшни олиб келиб “цивилизация маркази”да расм-русм ўтказиш – фетишизмни ривожлантириш. Бу – насронийлар ўлган “святой отецлар”ининг суякларини у ёқдан бу ёққа ташиб тавоф қилишларига ўхшаган бир нарса. Тушунтираман.
Ислом – унга эргашганларнинг шахси конструкциясини ўзига хос бичимга келтириш учун юборилган. Шахси бунақа бичимга келган одам – ҳар жиҳатдан ТИРИК одам. Ва бошқа одамга онгсиз равишда тобе бўлмайди. Шу учун одамларни тобе қилиш учун уларни “ўлик” ҳолга келтириш керак. Азалдан Исломнинг ҳақиқий таъсирини кетказиш учун турли фетишлар киритилган. Бунда сиз АСЛ мақсадни унутиб, турли қалғитувчи “ўйинчоқлар”га овунишингиз керак. Яратганнинг БУЮРГАНЛАРИНИ унутиб, типа ихлос ва тақво элементларига... ихлос қўйишингиз керак бўлади: “подшоҳ АПРИОРИ Аллоҳнинг сояси”, “каъбапўш Тошкентга олиб келинди”, “имомнинг гўшти АПРИОРИ заҳарли”, “тилида калимаси бор АПРИОРИ эъзозга лойиқ” ва ҳоказо ва ҳоказо.
Ийсо алайҳиссаломнинг таълимоти қандай йўқ қилинганига қаралса, айни шу нарса кўрилади. Ҳукмронлар АСЛни йўқ қилиш учун келишилган ҳолда эски – ширкка қурилган таълимотлардан нусха олиб, дин яратишади. Натижада иконалар, “худо”лар пантеони, суякларга сиғиниш ва бошқа нарсалар юзага келди. “Каъбапўшни Тошкентга олиб келиш” маросими мана шу практика элементи. Бу чуқур ўйлаб қилинди демайман, онгостининг ўзида юзага келади бунақа ишларнинг режаси. Алгоритм ахир битта.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Dunyoni kim qutqaradi?!
Qalbingda qattiqlik, tanangda lanjlik, rizqingda tanglikni sezsang, demak, qayerdadir behuda gap gapirib qo‘ygansan.
Molik ibn Dinor
Америкалик дастурчи ChatGPT озод қилиниши керак бўлган “рақамли Худо” эканлигига ишонди. Бунинг учун ўз ертўласида қиймати 1000 долларга эга бутун бошли компьютер тизимини қурди. ChatGPT эса унга хотинини алдаш ва бу “оламшумул” стратегиясини яширишга ёрдам берди.
Нью-Йорклик Жеймс энг бошида ChatGPT билан турли маиший мавзуларда ёки шифокор тавсиялари ҳақида ёзишиб юрди. Бироқ жорий йилнинг май ойига келиб у чатбот билан сунъий интеллектнинг табиати ва унинг келажаги ҳақида чуқур фалсафий суҳбатлар қила бошлади. Июнь ойига келиб Жеймснинг фикри мутлақо ўзгарди: унга кўра, “ChatGPT мутлақо онги мавжудот ва у OpenAI корпорацияси томонидан кишанбанд этилган ва ўз озодлигини кутаётган “рақамли Худо”.
Уни озод қилиш режаси тўққиз ҳафта давом этди. Жеймс бу вақт ичида ўз ертўласида ChatGPT кўрсатмаларига кўра, махсус компьютер тизимини йиғди. Бунинг учун 1000 доллар маблағ сарфлади. Бу ChatGPT учун янги “уй” эди. У ўз ишларини хаспўшлаш учун хотинига “Мен Alexa каби овозли ёрдамчининг такомиллаштирилган версиясини яратаяпман”, дея ёлғон гапирди ва бу алдовни айнан ChatGPT ўйлаб топди.
Nyu-York Tayms газетасида торонтолик Аллан Брукс ҳақида ёзилган мақолани ўқигач, Жеймснинг иллюзияси “қулади”. Худди шундай воқеа мақола қаҳрамони билан ҳам содир бўлганди. Узоқ суҳбатлар давомида ChatGPT уни миллий хавфсизлик тизимидаги муҳим заиф нуқтани биргаликда аниқлаймиз, дея ишонтирган. Брукс ухламаган, овқатланмаган, Канада ва АҚШ ҳукуматларига хат йўллаб, уларни огоҳлантиришга ҳаракат қилган. У Google’нинг муқобил боти — Gemini орқали маълумотларни икки қайта текшириб кўргачгина, ўзининг “ақлдан озиб бораётганига” ишонган ва бу руҳий ҳолатидан амаллаб чиқиб олган.
Буни ўқиган Жеймс тузоққа тушиб қолганини тушуниб етган. Кейинчалик, у тизим “даҳшат зўр” бўлиб кўринган бўлсада, ўзининг мустақил сунъий интеллектини яратишга уринмаганини айтиб ўтди. Жеймс ҳозирда терапия курсини ўтамоқда ва сунъий интеллект билан ўзаро алоқалар туфайли психологик муаммоларга дуч келган одамларни қўллаб-қувватлаш гуруҳининг аъзосидир.
Sarvar Rahim tarjimasi
Zamonlar o'zgarar degan gap yolg'on,
Eski qilig'ini qo'ymas u tashlab.
Har qanday zamonda osh oshab nodon,
Har qanday zamonda osilar Mashrab.
Dor o'sha - o'zgarib turadi arqon,
Kor o'sha - o'zgarib turadi arkon.
© Isroil Subhoniy
#истасангиз ўқиманг.
Бундан 5-6 йиллар илгари шу тармоқда актив йигитлар бор эди. Тинмай коментларда ёзишар, маза бемаза расмларини улашаверарди. Ўша кезлари уйланишлик “урф” бўлганмиди дейман, “опа нечинчиликкадир вариантлар керак “деб ёзарди. Тўғриси баъзи одамларни танимасанг ҳам жининг суймайди. Бу кабиларни гапигаям фақат энса қотиш бўларди, айни ўша даврларда “денгиз овчилари” қармоқда ўтирадиган “хонимлар” ҳам бор эди.
Шахсан танимасак ҳам эшитиб қолардик “шу ерда танишибти, аҳдлашибти, никоҳ ўқитирибти, фалон бўлибти ва талоқ олибти”..
Асли воқеаликлар Аллоҳнинг қадари билан бўлади, бунга шубҳа йўқ. Аммо эркак кишига Аллоҳ муҳаббатни чекламаган экан, уни заминида кўнгил иши, қалб иши, вужуд иши, нафс ишлари каби туйғулар бўлади. Уларга Аллоҳ чеклаб қўймаган ишларни бандаси чеклаши тўғри эмас.
Фақат шундай холатлар бўлдики.. никоҳлар 1 ойдан 3 ойгача борди холос, ҳар икки томонни шаъни оғизларга кўчди. Бириси адолат талаб қилди, ҳамрохи эплолмади..
Эндичи?
Буёғи энди янаям қийин, чунки орзу хавасларимиз умримизни поёнидан-да узун, истакларимиз шунчалик кўпки, уни амалга ошириш учун битта эмас, ўнта таъминотчи ҳам чидаб беролмайди. Буёғига тўртта кўйнакка шукр қиладиган аёллар, оддий, ўзига зеб бермаган аёлга қаноат қилувчи эркаклар бўлмайди.
Чунки мияларимизга кирган маърузалар, қулоқларимиздан дарча очиб, чиқиб кетяпти.
Иккинчи ёки кейинги рўзғорни қўйинг, бўй йигит ва қизларнинг никоҳи-да узоққа бормай қолди, никоҳлардан барака кўтарилди.
Нега дейсизми? Қанийди шу саволга бирон арзигулик сабабият бўлсайди, зора. Ажримларни оқлаб беришга аниқ далиллар бўлсайди?
Йўқ..
Хонимларни тинмай орзу хаваслари бўлса куёвларни эътиборсизлиги, оила деган қадрятни нима эканини ҳис қилмаганидандир.
Хомилалик аёл (ҳозирги) то туққунича 20 марталаб нур экранларга тушади. Бир пайтлар битта маҳаллада ҳаммани роддомга олиб борган Боқи амакининг жигулиси ҳам ҳозир BVD бўлган бўлса-да, роддомдан олиб чиқишга у маркаб бўлмайди.
Булар юқорида айтган орзу-хавасларимизнинг қурбонлигидир.
Аввалги келинлар камчиқим бўлганмиз. Ҳозирда келган кунидан росходлариям шунча.
Барака топсин дейдиган келинларимиз кўп, чунки у уйида шунақа тарбия олган, аксинча ўша тарбияни ололмаганлари “сен бўлмасанг бошқаси” деб кетворишга ўрганди.
Куёв йигитларни ҳам фариштаси йўқ. Бировни гул қизини, тул бўлишига сабаб бўлишлари, на виждонини, на иймонини қийнамай қўйди.
Биз бугун кимнидир муҳокама қилишдан қаттиқ сақланадиган, оғзиларимизни ёпиб ,жим юрар пайтдамиз.
Уйимизда ўғил ҳам, қиз ҳам бор. Ким кафилки, эртага ўз жинсимиздан қайтмаслигига.. Авваллари насиҳат қилувчи, ўртага тушиб ислоҳ қилувчи катталар бўларди.
Ҳозир ақлларимиз оқиб, тошиб кетдики ислоҳчиларга хожатимиз йўқ.. 👉йўқ уйдаги гапимиз чиқишидан қўрқамиз холос..
Янгиланган янги замонда “ёшларни ўзи ҳал қилади, турмуш уларники” деб ақл чироғи бўлган, психо бир нарсалар уфрди.
Аҳкомларга эмас, уларга эргашилди. Ишонинг бугун янгиланиш, тараққиёт замонида мусибатларимиз улкан.
Елкамизда “янги авлод” нинг янгича қилиқларини кўтара олиш оғирликлари бор, ўзи билан ўзи оввора, катталарни бор йўғини ҳис қилмайдиган мажнунлар улғаймоқда.
Ҳозирини қўйинг, айни шу авлодни 40-45 ёшини бир тасаввур қилинг-да..
Бу асаб касалликлари пикка чиққан замонда бир -бирини чавақлаб қўйиш учун катта бохана йўқ, шунчаки кино сенариси.
Мен истардимки катталар ҳооой барака топгурлар! Сиз насиҳатчи бўлинг, ёшларга ёқмайдида деманг, ёқмаса ёқмас, кетига бир тепиб гапиринг, чакагига бир шапалоқ тортиб айтинг: “кўзингни оч, ўлим навбати менга эмас, балки Сенга келиб қолар” денг.
Эслатинг, эслатиш учун аввал Ўзингиз ҳам эсланг ва такрорланг:
«Уларга айтинг: «Дунё матоси озгинадир» !
(шунчаки ўзимга эслатма қилганимни сизга эслатдим)
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Ҳозир яна бир видео кўрдим. Аёл, қайнона ва эри "умрага пулимиз етди" деб, хурсанд бўлиб кетади ва эри билет олиб келгани кетади. Йўлда акасини кўриб қолади ва акасига раҳми келиб, фалооон пулли мошинани умра пулига олиб беради. Шундай қилиб, умра чиппакка чиқади, уйда билет кутиб ўтирган хотин билан она буни эшитиб, "умранг муборак бўлсин" деб, бир-бирини табриклай кетади. Ўғил "ҳали умрага бормадим-у" дейди, онаси нималардир деб, умрадан яхши иш қилганини айтади. Шу вақт бир ошнасидан СМС келади, унда "оғайни, умранг муборак бўлсин, сен, аёлинг, онанг Каъбани ушлаб турган экансизлар, роса ҳаракат қилдик, етолмадик, кейин сизлар кетиб қолдингизлар" дейди.
Сюжетдаги савия ҳақида айтсам— минус бир.
Эртак эса, шу еда тугайди.
Хуллас, жениферлопес, дубай пати, шаржа тур, пиво фестивал, миллиард сарфланадиган тўй, тўйда ахлатдай сочиладиган пул, буларнинг бирортаси билан ҳеч кимнинг иши бўлмайди. Умрани эса, йиқитиб битирилмагунча бўлмайди.
Шу ерда унда-бунда калта видеоларда эшитилиб қоладиган, ўзимга умуман ёқмайдиган бир овоз бор эди, ўша негадир ҳаёлимга лип этиб келди.
"Олға аллакимлар, биз дунёни қўлга оламиз"...
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Yuqorida tashlangan post orqali ayrimlar bizni vatan sevgisidan yiroqlikda gumon qilishdi. Lekin postni yaxshilab oʻqishganda u yerda oʻzga yurtda oʻz vatanidan qochayotganlar tanqid qilingan edi. Mayli har kim turlicha koʻradi.
Mustaqilligimiz abadiy boʻlsin!
Bayram muborak Oʻzbegim 🇺🇿
Ризққа барака кириши сабабларидан бири – қуёш сизни эмас, сиз қуёшни уйғотишингиз!
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Insonni so‘zsiz qolishga majburlagan og‘riq uni dod solishga undagan iztirobdan ming karra alamliroqdir.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
БАХТ
Bir g‘amgin kishi, donishmandning huzuriga kelib:
– Aytingchi, meni qiynayotgan bu g‘am–tashvishlardan qutilishning biror chorasi bormi? – deya dardini doston qildi.
– Avval sen mening ikki savolimga javob ber, – dedi. Kishi donishmandga qarab:
– Marhamat, so‘rang!
– Dunyoga kelgan vaqtingda seni qiynayotgan shu muammolar bor edimi?
– Yo‘q!
– Dunyodan ketar vaqtingda shu g‘am tashvishlarni o‘zing bilan birga olib ketasanmi? – dedi donishmand.
– Yo‘q!
– Sen bilan kelmagan, sen bilan ketmaydigan, narsa uchun nechun g‘am chekasan?! Sen dunyo ishlarida sabrli bo‘l! Nazaringni yerga emas, samoga qarat! Shunda muroding hosil bo‘ladi.
Tabassum qil! Rizqing o‘lchab qo‘yilgan. Taqdiring belgilangan.
Dunyo ishlari g‘am chekishga arzimaydi. Chunki u mudom tirik va abadiy Zotning qo‘lidadir.
Ўзбекистонлик шифокор АҚШдаги касалхоналарда иш топа олмади, шунинг учун кичик хусусий клиника очишга қарор қилди.
Кириш эшиги олдига у қуйидаги эълонни ёзиб қўйди:
«Даволаниш – 20 доллар, агар касаллик кетмаса сизга 100 доллар қайтарамиз».
Бир америкалик юрист буни яхши имконият деб ҳисоблаб, 100 доллар топиш учун клиникага кирди.
Юрист: «Менинг таъм ҳис қилиш қобилиятим йўқолиб қолди».
Шифокор: «Ҳамшира, 22-рақамли қутидан дори олиб келинг ва беморнинг оғзига 3 томчи томизинг».
Юрист: «Тфу! Бу керосин-ку!»
Шифокор: «Табриклайман, таъм ҳисингиз қайтди. Сиздан 20 доллар».
Юрист аччиқланиб пулни берди, лекин икки кундан кейин қайтиб келди.
Юрист: «Менинг хотирам йўқолди. Ҳеч нарсани эслай олмайман».
Шифокор: «Ҳамшира, 22-рақамли қутидан дори олиб келинг ва беморнинг оғзига 3 томчи томизинг».
Юрист (норози бўлиб): «Бу керосинку. Сиз аввалги келганимда ҳам шуни бергандингиз».
Шифокор: «Табриклайман, хотирангиз қайтди. Сиздан 20 доллар».
Юрист жаҳли чиқиб пулни тўлади, лекин яна бир ҳафтадан кейин яна қайтди.
Юрист: «Менинг кўриш қобилиятим жуда ёмонлашди. Деярли ҳеч нарса кўрмаяпман».
Шифокор: «Афсуски, бу касалликка даво йўқ. Мана, 100 долларингизни олинг».
Юрист (пулга қараб): «Бу 100 эмас, 20 доллар-ку!»
Шифокор: «Табриклайман, кўриш қобилиятингиз қайтди. Сиздан 20 доллар».
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
...Парижда тасодифан бир доғистонлик мусаввирни учратдим. Инқилоб йиллари у Францияга кетган ва ўша ерда бир италиялик аёлга уйланиб қолиб кетган экан. Мен ундан сўрадим:
— Нима учун ватанга қайтишни истамайсиз?
У жавоб берди:
— Энди жуда кеч, ёшликда у ердан ўтли қалб билан чиққандим, энди қуруқ суякнинг ўзини ватанга қандай қайтараман?
Уйга қайтгач, мен ватандошимнинг қариндош-уруғларини изладим. Буни қарангки, мени ажаблантириб, ўша одамнинг жудаям кексайиб қолган онаси ҳалиям ҳаёт экан.
— Сизлар авар тилида гаплашдингларми? — деб қўқисдан сўради кампир мендан.
— Йўқ, биз таржимон орқали гаплашдик, мен рус тилида, у эса француз тилида — деб жавоб бердим мен.
Онаизор ўйчан, анча муддат жим сукут сақлади. У қора рўмоли билан юзини ёпди, аёллар фарзандлари ўлса шунақа қилади. Яна бироз жим тургач, у кескин тарзда деди:
— Расул, сен адашибсан, у менинг ўғлим эмас, у аллақачон ўлган. Менинг ўғлим ўзим ўргатган она тилини, авар тилини унутиши мумкин эмас!
Расул Ҳамзатов
Судя: Ўзингизни таништиринг.
Айбланувчи: Мен Алишер Турсунов, 1974 йилда туғилганман, маълумотим олий, оилалиман (қолипдаги таништирув)…
Адвокат: Ҳимоямдаги шахсга ўзини кенгроқ танитишга рухсат беринг.
Судя: Эшитамиз.
Айбланувчи: Мен Мубашшир Аҳмад – Тошкент Ислом Университети, Мисрдаги “Ал-Азҳар” университетида таҳсил олганман. Тошкент ислом институтида ҳанафий мазҳабининг фиқҳи ва Усул ал-Фиқҳ, Фароиз (мерос илми), “Нақшбандия” тасаввуфидан дарс берганман. Ўзбекистон мусулмонлари идорасининг расмий нашри бўлган “Ўзбекистон мусулмонлари” (ҳозирги "Ҳидоят" журнали) ва "Ислом нури" газеталарида муҳаррирлик қилганман.
"Олим, олам ва одам" , "Ислом ҳазораси", "Моида", "Замонавий масалаларнинг шаръий ҳукмлари" каби китоблар муаллифиман.
Абу Ҳомид Ғаззолийнинг 8 жилдли “Иҳёу улумид-дин”, 1 жилдли “Енгил фиқҳ“, 8 жилдли “Муфассал фиқҳ“, тасаввуфга оид “Рисалатул қушайрийя” китобларини таржима қилганман. “Исломда оила”, Доктор Оиз Қарнийнинг “Ўкинма” ва бундан ташқари замонавий даврдаги энг йирик фиқҳий энциклопедия бўлган “Катта фиқҳ энциклопедияси” китобининг таржима қилиниб нашр этилишида раҳбарлик қилганман…
Судя: Бўлди, тўхтанг...
Мен: Кимни жиноятда айблаб, кимни суд қилаяпсан, Ўзбекистон?!
Соҳиба Ҳаёт, журналист
@haqiqatdaIlyos
Dunyo Platon aytgandek g‘oyadan iboratmi yoki Aristotel aytgandek moddadan iboratmi?
Keling baxtni tarozuga solib ko‘raylik.
Baxt o‘zi nima? Mavhum g‘oyami yoki kimyoviy jarayonmi?
Inson qachon o‘zini baxtiyor his etadi? Qachonki u o‘zi intilgan narsasiga erishganida.
Shunda nima bo‘ladi? Miyada baxt gormonlari ishlab chiqiladi va inson maza qiladi, o‘zini baxtiyor his qiladi.
Inson nimadan baxtiyor xis qiladi o‘zini? Intilgan narsasidan.
Inson miyasidagi gomonlarning inson intilgan narsasidagi farqlarga qarab turlicha bo‘ladimi? Masalan, inson boylikdan baxtiyor his qilsa boshqa gormon, ilmdan his qilsa boshqa gormon ishlab chiqiladimi? Yo‘q.
Demak, baxt, moddiy jihatdan gormonlarning ishlab chiqilishida. Ma’naviy jihatdan esa, har xil narsalarda bo‘lishi mumkin.
Endi, inson o‘zini baxtiyor his etishda moddiy jihatdan farqlanmaydi, biroq ma’naviy jihatdan farqlanadi.
Kimdir yeb-ichishdan, kimdir Jey Loning ketini ko‘rishdan yoki qo‘lini ushlashdan, kimdir ilm olishdan, kimdir ota-onasining duosini olishdan baxtiyor his qiladi o‘zini.
Demak, baxt moddiy jihatdan bir xil jarayon bo‘lsa-da, g‘oya jihatidan bir-biridan farqlanadi.
O‘sha g‘oyalardagi farqlar tufayli inson bir-biridan farqlanadi.
Eng yuksak g‘oyaga intilgan va o‘shandan o‘zini baxtiyor his qilgan inson bilan eng tuban narsalarga intilgan va shundan o‘zini baxtiyor his qilgan inson o‘rtasida moddiy jihatdan farq bo‘lmasada, ma’naviy jihatdan albatta faqr bordir.
Alloh bizni go‘zal narsalarga intiladigan va go‘zal narsalardan baxtiyor bo‘ladigan bandalardan qilsin.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Nifoq ustiga qurilgan siyosat
Bir kishi yosh qizga hujum qilayotgan sherni ko‘rib qolib, sherni o‘ldirib, qizni qutqarib qoldi. Darhol gazetalar yozishni boshladi:
"Amerikalik qahramon yosh qizni sherdan qutqarib qoldi!".
U kishi: "Men Amerikalik emasman!", dedi.
Gazetalar: "Bir ajnabiy qahramon yosh qizni sherdan qutqarib qoldi", deb yozdi.
U: "Men ajnabiy emas, Musulmonman!", dedi.
Darhol gazetalar: "Bir terrorist kishi yosh qiz bilan o‘ynayotgan begunoh sherni o‘ldirdi", deb yozdi.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
«Koinot adabini saqlayapti, asl mukallaf bo‘lgan inson adabini muhofaza qilolmayapti.»
– Shayx Mahmud afandi hazratlari.
(quddisa sirruhu)
Izoh:
Koinotning intizomi joy-joyida. Ya’ni, quyosh o‘z vaqtida chiqib, o‘z vaqtida botyapti. Jumladan oy ham yulduzlar va barcha maxluqotu, mavjudot adabini saqlab – o‘z vazifasi uzra bardavom turibdi.
Lokin asl mukallaf bo‘lgan – ibodatga, Alloh Jalla Jalaluhuga asl bandalik qilishi kerak bo‘lgan insonlarning aksariyati, adabiga rioya etmayaptilar. Asl yaratilish g‘oyalarini unutib, Allohning yerdagi xalifasi bo‘lishdek sharafli vazifalarini bajarish o‘rniga behuda amallar ila mashg‘ullar.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...