3235
Abdulloh ibn Muborak dedi: - Hikmat, pand-nasihatni devorda topsang ham, o‘qi, ibrat ol... Admin bilan bog‘lanish uchun: @HikmatlarXazinasi_bot
МУВОЗАНАТ
Arab tilining naqadar goʻzalligini koʻrsatib beruvchi bayt:
من من من من من من المنان
Tarjimasi:
Kim qilgan yaxshiligini minnat qilsa, Mannon(Alloh tomonidan) minnat qilinadi.
مَن مَنَّ مِن مَنٍّ مُنَّ مِن المَنَّان
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
3 toifa bor deb eshitganman:
1. O‘limdan qo‘rqmaydiganlar.
Ular aksincha, oxirat ne’matlaridan umidvor bo‘lib, o‘limni Allohga qaytish deb biladilar. Tezroq bu safar bo‘lishini kutadilar. Bundaylar iymonlari mustahkam, qalblari pok va dunyoni musofirxona deb biladilar.
2. O‘limdan qo‘rqadigan, lekin iymonli insonlar. Ular oxiratga ishonishadi, ammo bugungi holatlaridan ko‘ngillari to‘lmagan. Ko‘proq savob qilish, gunohlaridan poklanish istagida bo‘ladilar. Shu sababli o‘limni istamaydilar, lekin undan qochmaydilar ham - faqat tayyor bo‘lishni xohlashadi.
3. Ular o‘lim haqida o‘ylamaydi, bu mavzudan qochadi. Dunyo hayotiga sho‘ng‘ib ketgan, na o‘zi, na oxirat haqida jiddiy tafakkur qiladi. Na umid, na qo‘rquv bilan yashaydi - balki loqaydlik va beparvolik bilan umr o‘tkazadi. Savob qilishga ham, tavba qilishga ham e’tibor bermaydi. Dunyo zavqlari ularni o‘rab olgan.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Агар кишида бефарқлик чўзилиб кетса, у ҳайвон каби бўлиб қолади. Уни ейиш, ичиш ва шахсий ғарийза (инстинкт)ларидан бошқа нарса қизиқтирмай қолади.
Ибн Халдун
Гуманизм бир вақтлар зулм, жаҳолат ва догмага қарши курашиш деб тан олинган эди. У инсон эркинлиги, унинг қадр-қиммати, ҳуқуқлари ва шаънини ҳимоя қилган.
Бугун “гуманизм” сўзи гўё жуда олижаноб туюлгани билан гуманизм номидан қилинган ишлар, кўпинча, инсоннинг ўзига қарши хизмат қилади.
Рене Декарт ўз пайтида:
«Мен фикрлаяпман, демак, мен мавжудман» - деган эди
Эндиликда бу фикрни шундай таърифлаш мумкин:
“Мен онлайнман, демак мен яшаяпман».
Биз бугун ҳаётни енгиллаштириш учун янги технологиялар яратяпмиз, аммо ҳаёт моҳияти ва мазмунини гаджетлардаги экран ичида йўқотяпмиз.
Биз бугун эркинлик ҳақида гапирамиз, аммо алгоритмлар қўлида яшаяпмиз.
Биз бугун тенглик учун курашамиз, аммо бир хил қиёфали одамларга айланмоқдамиз.
Биз бугун янги шаҳарлар, рақамли технологиялар, нано технологиялар, ижтимоий тармоқлар, суньий интеллект, ўзи юрар электр автомобиллар ва роботлар ихтиро қиляпмиз ва қуряпмиз, аммо қанчалик, илм-фан нуқтаи назаридан, олдинга илгарилаб кетмасак ҳам, шунчалик ўзлигимиздан узоқлашмоқдамиз.
Биз бугун инсон руҳи мавжудлигига ишонмай қўйдик,
аммо нейротармоққа ишонамиз.
Биз бугун ибодатни унутдик,
аммо ижтимоий тармоқлардаги аккаунтларимизни янгилашни эсдан чиқармаймиз.
Бугун инсоннинг қадри унинг руҳи билан эмас, балки алгоритмдаги фаоллиги, тезлиги ва маълумоти билан ўлчанади.
Бугун биз «рақамли шахсларга» айландик. Биздаги «мен» энди серверларда яшайдиган бўлди.
Илгари гуманизм ақл ва аҳлоқ тамойилларига суянган бўлса, энди уларнинг ўрнини техника эгаллади.
Фан янги динга,
олимлар янги руҳонийларга,
лабораториялар янги ибодатхоналарга айланиб бўлди.
Энди илоҳий мўъжизага ишониш шарт эмас, уни энди программалаштириш кифоя.
Бугун замонавий гуманизм азоб-уқубатни йўқотишга интилади.
Аммо азоб-уқубатсиз дунёда раҳм шавқат ҳам йўқолади.
Азоб-уқубат ва қийинчиликни ҳис қилмаган инсон ҳеч қачон ҳақиқий севишни ҳам, кечиримли бўлишни ҳам била олмайди.
Биз қийинчилик ва азоб-уқубатга жой бўлмаган бир дунё яратмоқчимиз, лекин натижада ҳиссиётсиз ва совуқ дунё қурмоқдамиз.
Бугун «инсон қадри» шиори остида инсон онгини стандартлаштириш сиёсати юритилмоқда.
Бугун ҳар қандай мейнстрим мафкурадан фарқли ғоя «хавфли», иймон ва эътиқодли бўлиш «фанатизм» ва ҳар қандай маргинал ғояларга эга бўлиш «экстремизм» ҳисобланади.
Шунинг учун бугун гуманизм
янги мафкурага айланди. Унга кўра инсон фақат у бошқарилиши мумкин бўлгандагина муҳим ҳисобланади.
Гуманизм инсонга уни қулликдан озод қилишни ваъда қилган эди, аммо амалда эса бугун у кодлар, алгоритмлар, стандартлар ва қоидалар томонидан занжирбанд қилинган.
Ali Toshkandiy
Yangi O‘zbekiston yangiliklari:
Ikki shahodat kalimasini aytsa - u "musulmon".
Farzlarni qo‘ldan kelganicha bajarsa - u "dindor".
"Agar dindor bo‘lib, soqol ham qo‘ysa" - u "salafiy" deb ataladi.
Islom shariatini joriy qilishni istasa - "islomchi"ga aylanadi.
Payg‘ambarga to‘la ergashishga harakat qilsa - "mutaassib", "matashaddid" deyiladi.
Agar Allohning so‘zi g‘olib bo‘lishi uchun harakat qilsa - u endi "terrorchi"ga aylanadi.
Ammo Rasululloh sollallohu alayhi vasallamning davrlaridan tortib, o‘tgan asr boshlarigacha bunday inson - oddiy "musulmon" deb atalgan, xolos.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Bir qalbga kirmagan, Jannatga qanday kirsin?!
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
• Ayol itdan bir pog‘ona yuqori hayvon!
©️ Charliz Darvin
• Ayol tug‘ushdan boshqa narsaga yaramaydi!
©️ Arastu
• Ayol ko‘rinishi go‘zal, ammo mevasi zaharli daraxtga o‘xshaydi.
©️ Aflotun
• Ayol eng yaxshi holatda hayvondir!
©️ Nitshe
• Kimning uchta qizi bo‘lsa, ularni yaxshi tarbiyalashda sabr qilsa, yedirsa, ichirsa va kiydirsa ular do‘zaxdan parda bo‘lishadi!
• Jannat onang oyog‘i ostida!
• Ayollar haqqidan Allohdan qo‘rqinglar!
• Ayolni karim inson hurmat qiladi, uni pastkash inson xorlaydi!
©️ Islom
Shayx Ali Tantoviyning "Ey qizim" kitobidan.
ОШ БЎЛМАСИН!
Дошқозондаги ошдан қолган қоп-қора ёғни чўмичда пластик идишга қуяётган ошпазга "Буни нима қиласиз?" деб савол бердим.
У " шуниям билмайсанми" дегандай энса қотириб жавоб қайтарди:
-Эртанги ошга соламанда қизим. Мазали чиқади. Чунки бугунги ошимнинг барча витамини шу ёғда. Кейииин...
Уни гапини чўрт бўлдим:
-Бу ёғда витамин-питамин йўқ. Лекин рак чақирувчи канцероген моддалар бор. Совуб улгурмаган ёғни пластик идишга қуйдингиз бундан ҳам заҳар ажралиб чиқади. Инсонлар саломатлигига қанчалик зарар эканини биласизми амаки? Саксон килоли қозонингиз бор экан. Демак ҳар куни юзлаб одамларга шундай ош тарқатасиз.
Унинг жахли чиқиб, бароқ қошлари чимирилди. Мен ошпазнинг ёшини инобатга олган холда атрофда одам йўқлиги пайт паст овозда танбеҳ бергандим. У бўлса овозини баланд кўтариб атрофдагиларни тепамизга чақира бошлади:
-Эээ, халойиқ. Байхка қараворилар. Мана бу жинни ошимизни захарли деяпти. Ҳар куни шундан еб турасизлар. Бир нарса деворилар.
Ошхона бозор ўртасида жойлашгани учун бир паста одам йигилди. Бири қўйиб бири ошпазнинг маҳоратию, ошнинг мазасини мақтаб кетишди. Битта, иккитаси қаттиқроқ гапириб юборди:
-Сиздака олифталардан тўйдик. Қаттан пайдо бўласизлар ўзи?
-Туришиздан ош ейдиган одамга ўхшамайсиз.
Шунча одам қўллаб -қувватлагани йигилганидан руҳланган ошпазнинг овози яна бир парда баландлади:
- Ресторанма- ресторан юрсанг керак олиптахон. Башаранг айтиб турибди. Ошга тил теккизма лекин! Ота-бобомиз еб келган муқаддас таом бу! Шу қора қозонлар боқяпти халқни.
Қўлидаги кўкатини қўйишга улгурмаган озғин, кўринишидан касалманд бозорчи аёллардан бири бурним тагига келиб хезланди:
- Ман касалман. Топган тутганим дори -дармонга кетади. Қимматроқ овқат ея олмайман. Бизнинг кунлик овқатимиз шу- арзонгина ош, гумма, перашки, сомса... Яхшиям шу ошхоналар бор. Ёқмаса, суринг!
Аёлнинг ёнига етиб келган шериги ҳам бас келмади;
-Маши опам рак. Дорилари қанақа қимматлигини биластзми ўзи? Қиммат овқат еёлмаймиз биз. Халқнинг овқатига ёпишмаларинг! Қани марш! Катта кўча!
Энг ёмон гапни ошникидан ҳам қорароқ ёғда гумма пишираётган аёлдан эшитдим;
-Сандака жипириқлар ҳамма жойни саситиб юрасанлар. Одамларни тинч қўйинглар, илтимос! Халқнинг қорнини тўйдираетганимизга раҳмат айтмайсанларми? Хохлаганинг бозорга кириб, мингирлайсанлар. Эээ, манга қара ! Халқ катта куч. Битта қўзғолса энайни учқўргонидан кўрасан. Қани сур! Отанг тенги одам билан олишма! Захармиш?! Сан заҳарсан, қанчиқ!
Аёлга яхшигина жавоб қайтарардиму, онам тенги экан. Индамайгина издиҳомдан чиқдим.
Ажойиб халқмизда. Мен уларнинг соглигини ўйлаб гапирган эдим ошпазга. Нима деганимни ҳам суриштирмай ташланиб қолишди.
Йўлда кетяпману, дошқозон атрофида йигилган оломон эшитишни хохламаган маълумотларни пичирлаб кетяпман:
- Ошпаз ва перашкачи хола ёғни бир неча марта қайта қиздириб ишлатади. Ўта юқори ҳароратда (190–200°C дан юқори) қиздирганда ёғда хавфли моддалар пайдо бўлиши илмий жиҳатдан исботланган
Улардан бири Акролеин – ёғ узоқ вақт қиздирилганда пайдо бўлади. Бу модда нафас йўлларига ва ошқозон-ичак тизимига таъсир қилади, канцероген ҳисобланади.
Полициклик ароматик углеводородлар (ПАУ) – ёғ куйганда пайдо бўлади. У инсонларда саратон хужайраларини пайдо қилиши мумкин.
Ёғ қайта-қайта қиздирилганда табиий равишдаги ёғ кислоталари изомерланади. Транс-ёғлар кислоталари юрак-қон томир касалликлари ва онкология билан боғлиқ.
Альдегидлар ва кетонлар – қиздирилган ёғдаги оксидланиш жараёнидан ҳосил бўлади. Улар ҳужайра ДНКсига зарар етказади.
Жигар ва ошқозон-ичак тизимига ҳам зарар етказиши мумкин.
Ўшанчун ҳар икки одамнинг бирида жигар гепатози бор. Гастрит, язва , колит, энтероколитларнику гапирмаса ҳам бўлади. Қўлида кўкати билан сакраган холада хойнахой тўгри ичак саратони бўлса керак...
Бир марта қиздирилган ёғни қайта ишлатмаслик керак.
Улар таклиф қилаётган бойлик озиқ-овқат нархлари ошиб кетиши ва бу соҳа монополияга айлантирилиб одамларни бошқариш учун эди. "Food is weapon" - озиқ-овқат бу қурол. Ким озиқ-овқатни бошқарувга олса одамларни бошқаради, чунки одамзот кўп нарсаларсиз яшай олади. Лекин, озиқа бу унинг яшаш учун биринчи ва муҳим ҳаётий воситаси ҳисобланади. Улар яратган бу тизимда яшаш учун неччи йил ўқиймиз ва иш қидирамиз. Уларга итоат қил, ишла ва улардингини сотиб ол схемаси бўйича кўпчилигимиз яшаймиз.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Сартарошим билан гаплашиб қолдим. Бир ойлик даромадидан ўн фоизини доимий равишда эҳсон учун, ўн фоизини бизнеси ривожи учун (Атирлар, гигиеник воситалар, шампунлар сотади), йигирма фоизини боласини таълими учун ажратар экан. Қолган пул рўзғор, дори-дармон, кундалик чиқимлар учун ишлатилар экан.
"Бир китоб ўқидим. Исроилиётда келган воқеа", деб қуйидаги воқеани айтиб берди: "Фиръавн эҳсон қилгани учун Аллоҳ таоло уни узоқ вақт давомида сақлаб келган экан. Фиръавнни кундалик дастурхонида икки минг бош қўй сўйилар ва муҳтожларга тарқатилар экан. Ким муҳтож бўлса, келиб еб кетаверар экан. Коҳинлари Мусо алайҳи салом кучайиб кетаётганини, энди пулни кўпроқ ҳарбий соҳага йўналтириш кераклигини айтади. Фиръавн уларни сўзига кириб қисқартиради. Хуллас, Фиръавн ҳалок бўлган куни дастурхонида икки дона қўй сўйилган экан.Эҳсони тўхтаб қолиши, ҳалокатларига сабабчи бўлган. Бу гап Исроилиётда бўлса ҳам ўзимга ўша кундан ваъда бердим. Доимий пул ажратаман деб", деди.
Учта амакиси, бир дона аммаси бор экан. "Аввалига силайи раҳимни тиклайман, деб ҳар жума ҳамманикига бир килограмм гўшт, тўртта нон олиб бордим. Ҳар бир қариндошимга икки юз мингдан, ҳаммаларига саккиз юз минг нафсга ҳам, чўнтакка ҳам оғирлик қилди. Кейин ҳар жума навбати билан ҳар бирлариникига алоҳида боришни бошладим.
Кунда мижозлар йўқлигида бир пора Қуръон ўқийман. Бир бетдан бошлаган эдим. Бир порага чиқди. Эндиги мақсад инша Аллоҳ икки порадан ўқиш", деди.
Беш вақт намозни масжидда ўқийди. Намоз вақти дўконини ёпади. Жума куни дам олади. Жумага 10:30 да чиқади.
Машинаси бўла туриб, соғлом ҳаёт тарзи учун пиёда ёки велосипедда юради. "Икки йилдан бери кечги овқат тановул қилмайман. Тана вазнимни назорат қиламан, семиз одамларни ёқтирмайман", дейди.
"Шу ишларни йўлга қўйганимдан бери Аллоҳ ризқимга барака берди. Аввалгига нисбатан беш-олти баробар кўпроқ даромад қиляпман. Аввал рўзғорга етмаётган пул, энди ортяпти" деди.
Тўғрисини айтинг. Шу ергача ўқиб келгунча ўзингиздан уялдингизми? Мен уялдим. Ўзимни тафтиш қилдим. Соч олдиргани кириб, олам-олам таассуротлар билан чиқдим. Орамизда тирик авлиёлар, дуоси ижобат одамлар яшайди. Биз билмаймиз.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Бир кишига дўстлари эчкиэмар совға қилишди. У бу ноёб мавжудотни парвариш қила бошлади. Кунларнинг бирида кутилмаганда эчкиэмар унинг бармоғидан тишлаб олди. Жон аччиғида бу махлуқни йўқотмоқчи бўлди-ю, жониворнинг кўзларига кўзи тушгач, бўшашиб, ғазаби босилди. Эчкиэмар гўёки унга садоқат тўла нигоҳлари билан маҳзун боқиб: - “кечир хўжайин” – деяётгандай туйилди.
Жонивор кун бўйи унинг ортидан эргашиб бир қадам ҳам нари кетмади. Хўжайин шундай содиқ дўстни йўқотмоқчи бўлганлигини ўйлаб бироз хижолат ҳам бўлди.
Эрталаб уйғониб қараса “дўсти” тун бўйи ёнидан жилмай, ундан кўз узмай, ғамгин нигоҳлари билан унга қараб турганини кўрди. Ва ичидан қандай ажойиб, ғамхўр ҳайвони борлигини ўйлаб суюнди. Унинг бу мамнунлигини кечаги жароҳатланган бармоғининг шишиб, чидаб бўлмас оғриқ бериши бузар эди. Эчкиэмарини ёнига олиб шифокор кўригига борди.
У ерда маълум бўлишича эчкиэмарнинг бу тури заҳарли ҳисобланиб, заҳар кучсиз бўлганлиги сабабли ўлжа бирданига ўлмаган, шунинг учун бу ақлсиз махлуқлар ўлжани аввал тишлаб, кейин унинг ўлишини пойлаб, ортидан эргашишар экан...
Садоқат билан кўзларингизга боқиб, ортингиздан эргашадиган, ўтирсангиз атрофингизда тикка турадиганларга кўпам ишонаверманг, улар шунчаки пайтини пойлаб, жисмингизни парчалашни кутаётган бўлишлари ҳам мумкин...
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Лотин Америкасида қазиш ишлари вақтида майя халқининг пломбаланган тишлари топилди.
Мексика ва АҚШ университетлари олимларидан иборат гуруҳ майяларнинг қадимий пломб ва тиш герметикларини таҳлил қилди: тишларга ўрнатилган қимматбаҳо тошлар ва металллар мураккаб шифобахш қўшимчалар билан мустаҳкамланган бўлиб, улар фақатгина безак эмас эди.
Археологик топилмалар шундан далолат берадики, Мезоамерика халқларида оғизни қимматбаҳо тошлар билан безаш анъанаси европаликлар олтин тиш қўйишдан анча аввал мавжуд бўлган. Янги дунёни «қул халқлар» деб ҳисоблаб, юриб чиққан испан конкистадорлари эса маҳаллий аҳолининг стоматология даражасидан ҳайратга тушганлар.
Бироқ нефрит, олтин, фирўза, ақиқ ва гематитдан ясалган тиш қўшимчалари аввалроқ топилганда, олимлар уларни фақат безак ва эҳтимол руҳий рамз деб ўйлашган.
Янги тадқиқотда майяларнинг классик даври (м. 250–900 йиллар)га оид Гватемала, Белиз ва Гондурасдаги учта қазишмадан топилган саккизта намуна таҳлил қилинди. Инфрақизил спектроскопия, газ хроматографияси ва масс-спектрометрия усуллари билан тиш герметикларининг таркиби ўрганилди.
Цемент жуда мустаҳкам бўлиб, тошни бутун умр давомида ва эгаси вафот этгандан кейин ҳам минг йиллаб сақлаб турган. Олимлар шифобахш таъсирга эга 150 турли моддани аниқладилар: антисептик таъсирли сосна ёғочидан олинган смолалар, яллиғланишни камайтирувчи кўкнотирдош (мятадош) уруғидан олинган эфир мойлари, ҳамда бактерияга қарши таъсир этувчи склареолид моддаси.
Қўшимчалар таркиби топилган жойига қараб озгина фарқ қилган, аммо барчаси кариеснинг тарқалишига тўсқинлик қилган, инфекцияни йўқотган ва оғизда яллиғланишни камайтирган. Мутаҳассислар таъкидлашича, тошларни ўрнатиш учун қилинган тиш тешиш ишлари маҳорат билан бажарилган ва тишнинг асаб ҳамда қон томирларига тегмаган.
Бундай тишлар аёл ва эркаклар, бой ва камбағаллар қабрларидан топилган. Унинг кенг тарқалгани шуни кўрсатадики, қимматбаҳо қўшимчали тишлар эгалари кўп ҳолларда элита қатламига мансуб бўлмаган.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Bir quti gurgut 1 tiyin bulgan chog‘larda, poytaxdan olisroq bir joydagi mehmonxonada yashardim. Pijamda bufetga bosh suqdim.
— Gurgut bormi?- deb suradim
— Bor!
— Unaqa bulsa, men hozir qaytib kelaman.
Bufetchi ayol ortimdan shunday deb koldi:
— Gurgut sotib olish uchun qarz olgani ketdi.
Sergey Dovlatov
Фарғонадаги мактабларнинг биридаги холат экан. Келинг, юмор ва ирония билан, бутун мамлакатдаги муаммоларни қамраб олган ибора билан мактаб томидаги ёзувни тўлдирайлик.
Ўзим бошлаб берай-а:
1. Физикада энергия бор – лекин уйда ток йўқ ва бўлмагай!
2. Анатомияда қон бор – лекин онкология шифохоналарида текин қон йўқ ва бўлмагай! 🩸
3. Географияда дарёлар бор – лекин тоза ичимлик суви йўқ ва бўлмагай! 🚱
4. Математикада тенглама бор – лекин халқда тенглик йўқ ва бўлмагай!
5. Тарихда “ислоҳотлар” бор – лекин ҳаётда ўзгариш йўқ ва бўлмагай!
6. Инглиз тилида “freedom” бор - лекин ҳаётда эркинлик йўқ ва бўлмагай!
9. Физикада куч бор – лекин халқ қўлида кучи йўқ ва бўлмагай! ✊
10. Химияда газ бор – лекин уйларда газ йўқ ва бўлмагай! 🏔️🔥
11. Биологияда иммунитет бор – лекин беморда дори йўқ ва бўлмагай! 💊
12. Адабиётда қаҳрамон бор – лекин ҳаётда қаҳрамон йўқ ва бўлмагай!
13. Тарихда “ренессанс” бор – лекин мактабда замонавий ошхона йўқ ва бўлмагай!
14. Инглиз тилида “future” бор – лекин ёшларда келажак йўқ ва бўлмагай!
15. Биологияда инсон бор – лекин инсонпарварлик йўқ ва бўлмагай!
16. Кундалик.уз бор – лекин ўқитувчида ноутбук йўқ ва бўлмагай! 🤖💻
17. Химияда кислород бор – лекин шаҳарда тоза ҳаво йўқ ва бўлмагай! 🌫️
18. Харитамизда нефть бор – лекин халқ учун арзон бензин йўқ ва бўлмагай! ⛽
19. Математикада хисоб бор – лекин халқ учун ҳисоб бериш йўқ ва бўлмагай!
20. Фалсафада мантиқ бор – лекин қарорларда мантиқ йўқ ва бўлмагай! 🧮
21. Бутун олам тортишиш қонуни бор — лекин катта ўғриларни жазога тортиш қонуни йўқ ва бўлмагай!
23. Архимед қонуни бор — лекин порaга ботган амалдорни чиқариб оладиган куч йўқ ва бўлмагай!
24. Ўзбекистон тупрогида Менделеев жадвалидаги ҳамма кимевий элемент бор — лекин халқ учун йўқ ва бўлмагай!
25. Тарихда дарси бор — лекин тарихдан сабоқ йўқ ва бўлмагай.
26. Геометрияда параллел чизиқлар бор — лекин халқ билан ҳокимият ўртасида паралел чизиқлар йўқ ва бўлмагай!
27. Сувнинг қайнаш ҳарорати бор — лекин халқнинг сабри қайнаб кетгани билан ҳеч кимнинг иши йўқ ва бўлмагай!
28. Химияда реакция бор — лекин амалдорда жавобгарлик реакцияси йўқ ва бўлмагай!
29. Биологияда иммунитет бор — лекин халқнинг коррупцияга қарши иммунитети йўқ ва бўлмагай!
30. Термодинамикада иссиқлик сақланади — лекин мактаб батареясида иссиқлик йўқ ва бўлмагай!
31. Компютерда “delete” тугмаси бор — лекин коррупция файлини ўчириш тугмаси йўқ ва бўлмагай!
32. Акустикада товуш бор — лекин халқ овози йўқ ва бўлмагай!
33. Физикада гравитация бор — лекин адолатли маошлар йўқ ва бўлмагай!
34. Биологияда эволюция бор — лекин тизимда ривожланиш йўқ ва бўлмагай!
35. Географияда иқлим бор — лекин сиёсий иқлимда соғлом муҳит йўқ ва бўлмагай!
36. Инглиз тилида “justice” бор — лекин амалда адолат йўқ ва бўлмагай!
37. Физикада нур бор — лекин оддий халқ ҳаётида ёруғлик йўқ ва бўлмагай.
38. Химияда каталитик жараён бор — лекин ислоҳотларда тезлашув йўқ ва бўлмагай!
39. Географияда чегара бор — коорупцияда чегара йўқ ва бўлмагай.
40. Ом қонуни бор – лекин ток йўқ ва бўлмагай! ⚡
41. Ньютоннинг инерцияси бор – лекин тизимда ҳаракат йўқ ва бўлмагай! 🛑
42. Химия дарси бор – лекин лабораторияда реактив йўқ ва бўлмагай! 🧪
43. Дарвинизм қонуни бор – лекин халқнинг танлов имконияти йўқ ва бўлмагай! 🐒➡️👔
44. Фотосинтез бор – лекин шаҳарда аввалги дарахтлар йўқ ва бўлмагай! 🌳
45. Математикада теорема бор – лекин ҳаётда исбот йўқ ва бўлмагай! 📐
46. Статистика қонуни бор – лекин ҳақиқат йўқ ва бўлмагай! 📊
47. Тарих дарси бор – лекин хулоса йўқ ва бўлмагай! 📜
48. Адабиётда драматургия бор – лекин Олий мажлис ва сенатда рост гап йўқ ва бўлмагай! 🎭
49. Фонетика қонуни бор – лекин сўз эркинлиги йўқ ва бўлмагай! 🗣️
50. Гидравлика қонуни бор – лекин сув босими йўқ ва бўлмагай! 🚱
51. Оптика қонуни бор – лекин адолат кўзгуси йўқ ва бўлмагай 👓
52. Магнетизм қонуни бор – лекин харомхўр амалдорларнинг бойлигини халққа қайтарадиган магнит йўқ ва бўлмагай. 🧲💸
ОҒРИҚ
#Жума
Ҳадисда: «Жума Жумагача бўлган гуноҳларга каффорат бўлади», - дейилган.Жума куннинг хайр-у баракоти сизга бўлсин!
🌾 @hikmatlar
Uch kishi.
Xuddi shu (ohshash)avtohalokat.
Ularning hech biri xavfsizlik kamarini taqmagan.
Chap tarafdagi odam oyog'ini bog'lab(chalkashtirib) o'tirardi.
O'rtadagi odam odatdagidek o'tirardi.
O'ng tarafdagi odamning oyoqlari asboblar panelida edi.
Xavfsizlik kamarlarini mahkamlang.
Siz hayotingizda faqat bitta tanaga ega bo'lasiz, shuning uchun uni iloji boricha himoya qilishga harakat qiling.
⛑
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Islom olamining bugungi kundagi musibatlarining illati quyidagichadir:
Dunyo hayotiga rozi boʻlish va u bilan xotirjam boʻlish, fasod ishlardan qoniqish, hayotdagi ortiqcha isroflar, haddan oshish, buzuqlikdan tashvishlanmaslik, toyilish, ogʻishishdan bezovtalanmaslik, munkar, gunohlardan gʻashlanmaslik hamda yeyish va kiyishdan boshqa masalalarga qiziqmaslik.
Shayx Abul Hasan Nadaviy
"Musulmonlar tanazzuli..."
Bir tanishim ayrim kitoblarini sotayotgan ekanlar. Oladiganlar bo'lsa💚
/channel/+wxVuzwVeraZlZmVi
/channel/+wxVuzwVeraZlZmVi
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Читать полностью…
Маҳсулотни айбини айтиб сотсанг савдода барака бўлади дейишади.
Шу сабабли тамаки маҳсулотларининг бозори чаққон бўлса керак.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Ўзимга ўзим жавраганча бекатга етиб қолган эканман. Кимдир туртганидан чўчиб тушдим. Қарасам, бояги кўкатчи хола. Нимадир сўрамоқчи бўлиб жавдираб турарди. Бояги жасоратидан асар ҳам йўқ эди.
Хола бир оз хижолатланиб қўлимга аллақандай қогозларни тутқазди:
-Сизни сабзи сотадиган қўшним таниб қолибди. Рак хақида кўп ёзар экансиз. Ўшанга орқангиздан югурдим.
Кечаги ПЭТим бу. Бир кўриб беринг қизим. Рак ўлгур ёмон эканда.
Озғин, рангпар , вужуди енгил титраётган аёлга раҳмим келди. Қўлимга тутқазилган Пэт нинг қора елим қогозини қуёшга тутиб, тана бўйлаб тарқаб кетган бир нечта хавфли ўсимталарни кўрдим. Саратон ўчоғи эса, тахмин қилганимдай тўғри ичакда эди.
Мўлтираб турган аёл ҳаммасидан хабардор эди. Ортиқча изоҳ керак бўлмади.
Кўзларида ёш халқаланди:
-Биламан қизим. Тирикчилик деб касалимни ўтказиб юборганман. Майли, икки кам етмишдаман-ку. Озми, кўпми яшадим. Бозорда мандака касаллар кўп. Қурутчи Мамасолида ошқозонида экан яра. Памилдори, бодринг сотадиган Саиданинг жигари чатақ. Чеснок сотадиган Потма -Зураларнинг Зураси ўтган хафта касалхонада вафот этди. Ингичка ичагини уч марта кесишди ўзиям. Барибир яхши бўлмади. Бозорқўмнинг жияни - Холиқ жигарини алмаштиргани Хиндистонга кетган. Эшитганингиздай касал кўп. Лекин....ишлашимиз керакку. Майли , сизниям йўлингиздан қолдирмай.
У қўлимдаги қогозларини олиб , ортига бурилди. Лекин уч-тўрт қадам юрмай қайтди ва яна танбеҳ берди;
-Ошпазни хафа қилдингизда лекин. Энди ёлчидик ўзи. Арзон, мазали оши.
Ҳамма яхши кўради ..
Муаззам Иброҳимова
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Olamimiz Nuh kemasiga o'xshaydi. Unda ozgina insonlar, son-sanoqsiz hayvonlar yashashadi.
Semuel Batler, ingliz yozuvchisi
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Жим кетинг.
Тегинманг.
Қараманг, қўйинг,
Кўзига мунг экиб қўйгандир уйқу.
Қулочи кенг-ку деб беҳад севинманг,
Йиғи довушига ўйнаяпти у.
Йиғлаётган ўзи,
Ўйнаган ўзи,
Йиғлатган ҳам асли ўзининг насли.
Ғамбода ҳолига таскин қидириб,
Йиғи-ла куйлайди ҳурликнинг васфин.
Ачинманг ҳам энди,
Бори шу экан,
Йиғи билан ювиб бўлди осмонни.
Ўзи-ку кўникди мазлум ҳолига,
Кўниктирмак истар энди жаҳонни.
Ажаб,
Ғамларига меҳр бойлаган,
Ажиб ҳузурдайин туйилар қайғу.
Ўзи-ку ишониб, ўзгани авраб,
Йиғи довушига ўйнаяпти у.
Лек умид боқийдир,
Ёруғ кунлар бор!
Аммо келганида кутилган фурсат,
Ҳайронман, эркини қандай танийди,
Йиғи довушига ўрганган миллат.
Najmiddin Ermatov
O‘ylab topmaganman baxt degan so‘zni,
Demak, baxtsizlik ham menga oidmas.
Topib bo‘larmidi bosilgan izni,
Ketgan ketib bo‘ldi, qaytmasa qaytmas.
Men tug‘ilgan paytda bor edi orzu,
Armon ham tirikdi anchadan buyon.
Eski nasihatni yig‘ishtir, do‘stim,
Umr o‘tib bo‘ldi, qolgani ayon.
Tole ham tushmagan onam mahriga,
U zotan bir sho‘rlik kasga zormidi?
Yer chorlab turganda qaro bag‘riga
Osmonga capchishga balo bormidi?
Dunyoni ikki deb yozmishlar tugal,
Nedan bu borada endi xarxasha –
Birisi foniy, lek jilvasi go‘zal,
Biri boqiy, qaysar shunga yarasha.
Bari shodliklarga vaqt bordir hali,
Bir kuni rahmatlar cheksiz yog‘ilar.
Hozir ketdik dilga malham qo‘ygali,
Ketdik, kutib qoldi bizni qayg‘ular!
Xayrulla Hamidov
Nega sevgi-muhabbat davomli boʻlmaydi?
Chunki u doimo aybli odatlar va “harom ekanlik” qonunlari ortida yashirinishga majbur. Buning aksi boʻlmish nafrat esa, hammaning koʻz oʻngida jamiyat bilan oʻynashadi.
Hayoting boʻyi doim yugurasan, yetishganing esa faqatgina nasibangdir...
Bugungi yoshlarning eng muhim muammolaridan biri: seriallardagi yoki ishqiy romanlardagi yolgʻon ssenariylarni hayotning haqiqatlari deb oʻylashlari, kattalardan yetarlicha tajriba hikoyalari va haqiqatlari, xotiralarini eshita olmasliklari sababli yuzaga kelayotgan tajribasizlikdir. Shuning uchun ular mehr muhabbat bilan gapirgandek koʻringan har qanday insonga aldanadilar. Ushbu kitob Ishq imtihonida aldanib qolmaslikka, taqdiri bo‘lmagan bilan o‘ralashib amal daftariga dog‘ tushirib qo‘yishdan qo‘rqadiganlar uchun bir yo‘lchiroq bo‘lishiga umid qilamiz...
Doktor Muhammad Bo‘zdag‘ning ''Ishq imtihoni yoxud ko‘rganingga ishonma''
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Деярли барча Америка ва Европа мамлакатларида чўчқа асосий гўшт манбаи ҳисобланади. Бу мамлакатларда минглаб чўчқа фермер хўжаликлари бор. Фақатгина Франциянинг ўзида улар 42 000 дан ортиқ.
Бошқа ҳайвонларга нисбатан чўчқаларда ёғ жуда кўп бўлади. Лекин европаликлар ва америкаликлар бу хавфли ёғдан қочишга ҳаракат қиладилар.
Бу ёғдан фойдаланиш масаласи озиқ-овқат идоралари учун катта муаммога айланди. Аввалига бу ёғни йўқотиш учун ёқиб ташлашарди. Орадан тахминан 60 йил ўтгач, улар бу ёғдан қандай қилиб фойдаланиш ва ундан пул ишлаш ҳақида ўйлай бошладилар.
Дастлаб уни совун ишлаб чиқаришда синаб кўрдилар ва тажриба муваффақиятли чиқди.
Илк пайтларда чўчқа ёғидан ишлаб чиқарилган маҳсулотларда аниқ «Чўчқа ёғи» деган ёзув бўларди.
Бу маҳсулотларнинг энг йирик харидорлари мусулмон мамлакатлари бўлгани учун, улар бу маҳсулотни тақиқлаб қўйишди ва бу компаниялар учун катта молиявий зарар келтирди.
1857 йилда Европада ишлаб чиқарилган милтиқ ўқлари Ҳиндистонга денгиз орқали етказилди. Намлик сабабидан патрон ичидаги порох бузилиб, ўқлар яроқсиз ҳолга келди.
Буни тўғрилаш учун ўқларни чўчқа ёғи билан қоплай бошладилар.
Ўқ отишдан олдин аскарлар бу қопламани тишлари билан тишлаб очишлари керак эди.
Ўқларда чўчқа ёғи борлиги ҳақида хабар тарқалганда, асосан мусулмон ва вегетариан ҳинд аскарлари урушишдан бош тортдилар ва бу исёнга сабаб бўлди.
Шундан кейин европаликлар масаланинг нозиклигини англаб етдилар ва «чўчқа ёғи» деган ёзувни «FIM» деган код билан алмаштирдилар.
1970 йилдан бошлаб Европада яхши маълумки, мусулмон мамлакатлари компаниялардан маҳсулотларида ҳайвон ёғи бор-йўқлигини сўрашганда, «бу қўй ёки сигир ёғи» деб жавоб бериларди.
Шунда яна савол туғиларди: «Агар бу қўй ёки сигир ёғи бўлса, у исломий (ҳалол) усулда сўйилганми?»
Жавоб кўпинча «йўқ» бўларди.
Мусулмон мамлакатлари яна бу маҳсулотларни тақиқлаб қўйишди ва компаниялар янада каттароқ зарар кўрдилар.
Охир-оқибат компаниялар махсус кодли тилдан фойдаланишга қарор қилдилар, шунда фақат уларнинг озиқ-овқат бўлимлари қайси моддалар ишлатилганини билади, аммо оддий одамлар билмайди.
Шундай қилиб улар электрон кодлар (E-Ingredients) ишлатишни бошладилар.
Бугунги кунда бу кодларни тиш пасталарида, жигирма, шоколад, конфет, печенье, жўхори маҳсулотлари, ирис, дори-дармонлар ва витаминларда кўриш мумкин. Буларнинг барчаси мусулмон мамлакатларида жуда тез сотилмоқда.
Чўчқа асосидаги моддалар ишлатилиши жамиятда қуйидагиларнинг кўпайишига олиб келди:
Ҳайёсизлик
Қаттиққўллик
Жинсий зўравонлик
Шунинг учун барча мусулмонларга ва чўчқадан сақланувчиларга хариддан олдин маҳсулот таркибини текшириш ва қуйидаги E-кодлар билан солиштириш тавсия қилинади.
Агар ушбу кодлардан бири ёзилган бўлса, бу маҳсулотдан қочинг, чунки унда чўчқа ёғи бўлиши мумкин.
⚠️ Бу электрон кодлардан эҳтиёт бўлинг:
E100, E110, E120, E140, E141, E153, E210, E213, E214, E216, E234, E252, E270, E280, E325, E326, E327, E334, E335, E336, E337, E422, E430, E431, E432, E433, E434, E435, E436, E440, E470, E471, E472, E473, E474, E475, E476, E477, E478, E481, E482, E483, E491, E492, E493, E494, E542, E549, E572, E621, E631, E635, E905
✍️ Д-р М. Амжад Хан
Тиббиёт илмий-тадқиқот институти, АҚШ.
Тафаккур қилмайсизми!
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
53. Эйнштейннинг нисбийлик назарияси бор – лекин адолат мутлақ йўқ ва бўлмагай!
54. Антропология бор – лекин инсон қадри йўқ ва бўлмагай! 🧍
55. Физикада импульс бор – лекин халқда умид импульси йўқ ва бўлмагай! 🚀
56. Химияда реакция тезлиги бор – лекин халқнинг ҳаракат тезлиги йўқ ва бўлмагай! 🐢
57. Физикада кристаллар бор – лекин тизимда шаффофлик йўқ ва бўлмагай! 💎
58. Кибернетикада тизим бор – лекин давлатда адолатли тизим йўқ ва бўлмагай! 🤖
Одоб сақлаган холда, хақоратсиз давом этинг.
Қадимги юнонча лайфхак: ҳар доим ҳам ўз исмингизни ошкор қилаверманг...
Oдиссейнинг кемаси циклоп (бир кўзли баҳайбат дев)лар оролига келиб тўхтагач, елкадошлари билан Полифем исмли девнинг ғорига кириб қолишади. Девнинг "исминг нима?" деб берган саволига жавобан Одиссей ўзини "менинг исмим Ҳеч ким" деб таништиради. Одиссей ғордан қутулиб чиқиш учун дўстлари билан бирга Полифемнинг кўзини ўйиб олганларида, дев жон аччиғида акаларини ёрдамга чақиради. Биродарларининг ғорига етиб келган акалар Полифемдан уни ким бу кўйга солганини сўрашганида эса у: "Ҳеч ким!" деб жавоб беради. Циклоплар ҳаммаси жойида экан, дея ортларига қайтиб кетадилар.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...