2533
Abdulloh ibn Muborak dedi: - Hikmat, pand-nasihatni devorda topsang ham, o‘qi, ibrat ol... Admin bilan bog‘lanish uchun: @HikmatlarXazinasi_bot
Одам дегани шундай бўлса...
Эркак дегани шундай бўлса...
Олим дегани шундай бўлса...
************
Умрини фақат инсонларнинг маърифати йўлида, сарф этган, бир буюк олимнинг золим дин душманлари қаршисида айтганлари:
«Эй жаноблар!
Биламан, Ҳақ йўлида мағлуб бўлганингизда, дарров қувватга мурожаат қиласизлар.
ҚУВВАТ ҲАҚДАДИР,
ҲАҚ ҚУВВАТДА ЭМАСДИР!
Шундай экан, дунёни бошимга оташ қилсангиз ҳам, Қуръон ҳақиқатига фидо бўлган бу бош, сизга эгилмайди.
Шуни хабар бераманки, сизга ўхшаш, маънан миллатнинг нафратига дучор бўлган бир қисм одамларгина эмас, балки сизга ўхшаган мингларча одам моддий душманлик қилсалар ҳам аҳамият бермайман. Бир қисм зарарли ҳайвонлардан ортиқ қиймат бермайман.
Чунки, менга қарши нима қила олардингиз?
Қўлингиздан келадиган иш:
Ё ҳаётимга хотима беришлик ёки маърифат йўлида қилаётган бу муқаддас хизматимни бузишликдир. Мана шу икки нарсадан бошқа дунёда алоқам йўқ.
Ҳаётнинг бошига келадиган ажалга келсак, шуҳуд даражасида иймоним қатъийки, ўзгармайди. Тақдир қилингандир.
Модомики шундай экан, Ҳақ йўлида шаҳодат билан ўлиш бўлса, асло қочмайман, иштиёқ билан кутаман!
Хусусан, мен кексайдим. Балки яна беш-ўн йил яшарман. Мана шу қолган қисқа умрни, шаҳодат туфайли қозониладиган ҳадсиз бир боқий умрга алмаштириш, менга ўхшаш инсонларнинг олий бир мақсади, бир ғоясидир!
Маърифат йўлидаги хизматимга келсак, ҳамдлар бўлсинки, бу муборак хизматда Аллоҳ Таъоло раҳматидан менга шундай дўстларни берганки, бир жойда давом этаётган бу хизмат, вафотимдан сўнг янада кенгроқ равишда давом этажак! Менинг тилим ўлим билан сустирилса, жуда кўп қувватли тиллар менинг ўрнимга гапиражаклар. Бу хизматни давом эттиражаклар. Маълумки, бир дона уруғнинг тупроқ остига кириб ўлиши, бир сунбул ҳаётини натижа беради. Бир дона уруғ ўрнига, юз дона уруғ у вазифани давом эттирадилар.
Шундай экан, ўлимим ҳаётимдан кўра кўпроқ бу хизматга васила бўлади, деган умиддаман!.. »
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
* 7-oyat: Va man yaʼmal misqola zarrotin xayron yaroh — Kim zarra misolichalik yaxshilik qilsa, uni koʻradi.
* 8-oyat: Va man yaʼmal misqola zarrotin sharron yaroh — Kim zarra misolichalik yomonlik qilsa, uni ham koʻradi.
Ushbu oyatlar Islom aqidasida inson amallarining mutlaq hisob-kitob qilinishi va ilohiy adolatning eng yuksak mezonini koʻrsatuvchi asosiy dalillardan biridir.
"Zarra" va "Misqol" tushunchalari
* Misqol: Oʻlchov birligi, ogʻirlik vazni.
* Zarra: Qadimiy tafsirlarda (Ibn Abbos rivoyatida) qoʻlni tuproqqa urib siltaganda kaftda qolgan eng kichik chang zarrasi yoki quyosh nurida koʻrinadigan chang zarrachalari deb izohlangan. Zamonaviy ilmiy tushunchada bu atom yoki undan ham kichik zarraga toʻgʻri keladi. Yaʼni, eng arzigiz boʻlib tuyulgan amal ham eʼtiborsiz qolmaydi.
Mashhur tafsirlar asosida sharh
* Tafsiri Tabariy (Imom at-Tabariy):
Tabariy ushbu oyat har bir insonga oʻz qilmishining mukofoti yoki jazosi munosib ravishda koʻrsatilishini taʼkidlaydi. Moʻmin kishi dunyoda qilgan kichik bir yaxshiligi uchun ham Oxiratda ajr oladi. Kofir yoki osiy boʻlgan kimsa ham qilgan arzimagan yomonligining oqibatiga yuz tutadi. Bu oyat insonni hech bir savobli ishni "kichik-da" deb tark etmaslikka, hech bir gunohni "ozgina-ku" deb mensimaslikka chaqiradi.
* Tafsiri Ibn Kasir (Hofiz Ibn Kasir):
Ibn Kasir ushbu oyatlar barcha insonlarni qamrab oluvchi umumiy ilohiy adolat qoidasi ekanini yoritadi. Manbalarda keltirilishicha, Sahoba Abu Bakr Siddiq (r.a.) ushbu oyat nazil boʻlganida koʻziga yosh olib: "Yo Rasululloh, nahotki har bir qilgan kichik yomonligimizni ham koʻrsak?" deb soʻragan. Paygʻambarimiz (s.a.v.) shunday javob berganlar: "Dunyoda boshingizga tushgan mashaqqat, kasallik va tashvishlar — qilgan kichik yomonliklaringizning kafforatidir. Yaxshiliklaringiz esa Oxiratga zaxira qilib olib qoʻyiladi."
* Tafsirul Qurtubiy (Imom al-Qurtubiy):
Qurtubiy oʻz tafsirida ushbu oyatlarni "Al-Jomi'a" (barcha narsani jamlovchi/qamrab oluvchi oyat) deb ataydi. Paygʻambarimizdan (s.a.v.) eshaklar haqida (ya'ni ularning zakoti haqida) soʻrashganda, u zot: "Manga ushbu moʻjizakor va keng qamrovli oyatdan boshqa narsa nozil boʻlmadi" deb, aynan Zalzala surasining ushbu 7-8 oyatlarini tilga olganlar. Qurtubiy taʼkidlashicha, zarra miqdoricha yaxshilik ham, yomonlik ham Qiyomat kuni amal daftarlarida ochiq-oydin yozilgan holda koʻrsatiladi.
* Tafsiri Hilol (Shaykh Muhammad Sodiq Muhammad Yusuf):
Zamonaviy tafsirda taʼkidlanishicha, ushbu oyatlar inson masʼuliyatini eng yuqori nuqtaga koʻtaradi. Kishi jamiyatda sezilmaydigan, birovga aytishga arzimaydigan kichik tabassum, yoʻldan ozgina ozor beruvchi narsani olib tashlash kabi amallari uchun ham mukofot oladi. Aksincha, birovga qilingan kichik bir pinhona ozor yoki zarracha kibr ham hisobsiz qolmaydi.
Ushbu oyatlarning bosh gʻoyasi — inson hayotidagi har bir soniya, har bir niyat va har bir harakat mutlaq aniqlikda hisob-kitob qilinishini eslatishdir.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Kambag‘allik muammo emas! Biz boylarni to‘ydirolmay halakmiz...
Ўғри журъатли ва уй эгаси қўрқоқ бўлса, уй иложсиз қўлдан бой берилади.
Шайх Муҳаммад Ғаззолий
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Аслида, вақтлар ўтиб, синдирганларни топиб жазоланиши пиёлага ҳеч қандай фойда келтирмайди.
Синган пиёла қандай тузалсин-ки? Мабодо қайтадан йиғилиб, қисмлари бир-бирига ёпиштирилса ҳам, энди у эски пиёла эмас. Аммо 99,9% ҳолатларда пиёлалар қайта йиғилмайди ҳам.
Ундан ҳам аччиқ ҳақиқат нима, биласизми? Кўпинча пиёлалар билиб туриб синдирилмайди. Ё эътиборсизлик натижасида, ёки онгсиз равишда, ёки нотўғри жойда туриб қолгани учун синиб қолади. Эътиборсизлик бу — қийматсизлик демакдир.
Кейин охирида: «Ҳамма бало-қазо шунга урсин», дейишади…
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Читать полностью…
Konservativ - salbiy, progressiv - ijobiy.
Shu fikr koʻpchilikni ongida hukmron, lekin bu haqiqiy dogma.
Anana yoki amalda joriy boʻlgan usul arkon yillar va tajriba chigʻirigʻidan oʻtib shakllangan boʻlishi ham mumkin.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Allohni haqiqiy ulug‘lash
«Ular Allohni haqiqiy ulug‘ligi bilan ulug‘lamadilar. Alloh barcha narsani yaratgan qudratli, hech kim bas kelolmaydigan g‘olib Zotdir».(Haj, 74-oyat)
“ДАВЛАТ “СИРИ” ОШКОР ЭТИЛМАЙДИ”
Россия халқ артисти, ҳажвчи Евгений Петросян билан телемулоқ пайти шундай савол берилди:
-Сиз яқинда берган концертингизда “бизнинг мамлакатда аҳмоқлар жуда кўп” дедингиз. Аммо, концертнинг телевидениеда намойиш этилган вариантида бу гап кесиб ташланган. Бунинг сабаби нимада?
- Чунки, бизда давлат сири телевидение орқали ошкор қилинмайди.
Жалолиддин Сафоев таржимаси
"Na o‘limning qayg‘usi bor,
Na hayotning quvonchi...
"Yaxshimisiz?"dagi samimiyatsizlik bilan
"Yaxshiman" deyishdagi soxtalik orasidagi bir yerdamiz.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Ёдлаш учун Қуръонни,
Эшитгил бу баённи.
Миқдорини оз-оз қил,
Такрорини дароз қил.
Канда қилма истиғфор,
Давоматда унум бор.
Гуноҳлардан йироқ тур,
Яхшиларга яқин юр.
Тушмасин дуо тилдан,
Кетмасин ихлос дилдан.
Арабчадан Муқим Маҳмуд таржимаси
2026-08-13
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Муҳаммад Алий Собуний айтадилар: "Аллоҳ таоло, "Аллоҳ сизларнинг иймонингизни зое кетказувчи бўлмади", оятида намозни "иймон" деб атади. Сабаби, иймон намоз билангина том бўлади. Чунки намоз ниятни ҳам, сўзни ҳам, амални ҳам ўз ичига олган".
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
ХУРСАНД БЎЛИНГ!
(энди, жаннатга киришимиз "через" дўзах бўлиб қолмаса бўлди…)
Имом Нававий раҳимаҳуллоҳ дедилар:
«Тавҳид узра (яъни, ягона Аллоҳга иймон келтирган ҳолда) вафот этган бирорта инсон дўзахда абадий қолмайди, гарчи у қанчалар гуноҳ қилган бўлса ҳам!»
Манба: «Шарҳу Саҳиҳ Муслим», 1/176
قَالَ الإِمَامُ النَّوَوِيُّ رَحِمَهُ اللهُ تَعَالَى:
«لا يَخْلُدُ فِي النَّارِ أَحَدٌ مَاتَ عَلَى التَّوْحِيدِ، وَلَوْ عَمِلَ مِنَ المَعَاصِي مَا عَمِلَ».
📙 (شَرْحُ صَحِيحِ مُسْلِمٍ 1/176)
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
* Итбоқарларга жиддий айблов
Афғонистоннинг сўнгги қироли Зоҳиршоҳ 40 йил ҳукмдорлик қилди. У тоза наслли афғон тозиларини парвариш қилар, бу итлари билан фахрланар, нафақат овда ё сайрда, ҳатто расмий қабуллар чоғида ҳам ана шу итлари билан кириб келарди.
Зоҳиршоҳ давлат раҳбарларига ана шундай зотли итларидан ҳадя қилишни ҳам яхши кўрарди. Хусусан, Индира Гандига ва ўша замондаги бизнинг пошшомиз Никита Хрушёвларга ҳам ана шундай итлардан совға қилган эди.
Зоҳиршоҳ тўртта зотдор итини жуда қадрлар, уларни саройда сақлар эди. Улар Зоҳиршоҳни кўришлари биланоқ, орқа оёқларида тик туриб, уни олқишлашарди. Зоҳиршоҳ уларнинг парваришига бир вазирини масъул қилиб қўйди.
Орадан кўп ўтмай, бир ити жойидан турмай қўйди. Бундан хавотир олган Зоҳиршоҳ бир вазирини итбоқар ва вазир устидан назоратчи қилиб тайинлади. Кўп ўтмай, иккита ит жойидан турмай қўйди.
Зоҳиршоҳ катта вазирларидан бирини итбоқар ва вазирлар устидан назоратчи қилиб қўйди. Орадан кўп ўтмай, учта ит жойидан турмай қўйди.
Зоҳиршоҳ Бош вазирини итбоқар ва бошқа вазирлар устидан назоратчи қилиб қўйди. Кўп ўтмай, тўрттала ит ҳам жойидан турмайдиган, сулайиб ётадиган бўлиб қолди.
Зоҳиршоҳ итбоқарни чақириб, бунинг сабабини сўради.
– Бир қошиқ қонимдан кечсангиз, айтаман, – деди итбоқар.
– Кечдим, айт! – деди Зоҳиршоҳ.
– Аввал итларга бир ўзим қарар эдим. Сиз итларга 8 кило гўшт ажратган эдингиз. Мен 2 килосини уйимга олиб кетар, 6 килосини итларга пишириб берардим. Ҳар бирига бир ярим килодан гўшт тегарди. Бошимга бир вазирни қўйдингиз, у ҳам 2 кило гўштни олиб кетадиган бўлди. Итларга бир килодан гўшт тегадиган бўлди. Кейин яна бир вазирни, хуллас, охирида бош вазирни бошимизга қўйдингиз, улар ҳам 2 килодан гўштни олиб кетадиган бўлдилар. Энди на менга гўшт бор, на итларга. Бечора итларга вазирлардан қолган суяларни бераяпман, холос, – деди итбоқар.
Бўлди.
Воқеа тугади.
Хулоса эса, ўзингиздан, демоқчи эмасман.
Мелиса камлик қилгандек, миллий гвардия, ППХ тузилгани, ППХ га машиналар суратини олишга рухсат берилгач, улар фақат ва фақат машиналаримизни суратга олиш билангина шуғулланаётгани ҳақида ёзмоқчи эмасман!
Суд, прокуратура, солиқ идоралари етмаганидек, МИБ деган бир бало тузилгани, МИБ халқнинг қонини ичаётгани ҳақида ҳам ёзмоқчи эмасман.
Акам маҳалла раиси эди, ҳар замонда менга ёрдам пули чиқариб тарарди. Энди чиқармай қўйди. "Нима бўлди?" десам, "Ҳозир маҳалли еттилиги бор, еттовимизнинг ҳам қариндошларимиз бор, олдин бир ўзим ишлардим, сенга қарашиб турардим, ҳозир етти киши ўз қариндошларига қарашаяпти, шу сабабли сенга навбат тегмаяпти", деди. Бу ҳақида ҳам ёзмоқчи эмасман.
Пора бермасдан бирор ишинг ҳал бўлмайдиган давлатда коррупцияга қарши курашиш агентлиги тузилганининг ўзи бир аннекдот экани, бу ароқхўрликни тугатиш учун Андропов арзон ароқ чиқарганига ўхшаши тўғрисида ҳам ёзмоқчи эмасман.
Бор-йўғи итни боқишни итбоқарнинг ўзига топширинг, демоқчиман, холос.
Зоҳиршоҳнинг хатосини такрорламанг, демоқчиман, холос.
Зоҳиршоҳнинг бошига кейин тушган ишлар, унинг тахтдан ағдарилиши, 30 йил ватангадоликда юриши алоҳида мавзу...
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Hech bir ish oiladan, hech bir do‘st jufti haloldan, hech bir mol-mulk esa farzanddan muhim emas.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Men bir ruhning ne chog'lik kuchli
ekanini uning qancha haqiqatni
ko'tara olishi bilan o'lchayman.
Fridrich Nietzsche
Shayx Yusuf Qarzoviy “Fiqhul-avlaviyyot” kitobida zikr qiladilar:
Abdulloh ibn Mas'ud aytadilar: "Oxiri zamonda besabab haj qiladiganlar ko’payadi. Ularga safar qilish yengillashtiriladi va rizq keng qilib qo’yiladi. Ular (savob va foydadan) mahrum va mosuvo holda qaytadilar. Ulardan birining tuyasi qumlik va dasht orasida halok bo’ladi-yu, lekin yonidagi unga hamdardlik bildirmaydi".
Bu narsa oxir zamonda fitnaning turlanishiga dalolat qiladi. Islom yaxshilikka chaqirib, yomonlikdan qaytargani uchun musulmon kimsalarning boy-badavlat boʻlishi, dunyoning ustunliklariga ega boʻlishi doim maqtalgan ish boʻlib kelgan. Bu narsalarga ega boʻlish mehnat va qiyinchillikni bosib oʻtishni talab qilgani uchun ham dindor, ham boy va fazilatga ega boʻlish biz uchun dunyoda yutuq, muvaffaqiyat hisoblanadi, hatto saxiy boʻlish, joʻmardlik qilish ibodat sanaladi. Lekin Alloh fitna va tugʻyon sabablarini oʻz hikmati bilan oʻzgartirib turadi. Abdulloh ibn Masʼudning yuqoridagi soʻzlari ham insonlar nazdida dunyo ishlarida muvaffaqiyat topgan, hatto obid boʻlib koʻringan, lekin Islomning ruhidan uzoq, ibodatlarning afzalini ajratishiga yordam beradigan diyonatdan mosuvo kimsalar haqida xabar beradi. Bu narsa bizga oxir zamonda ijtimoiy munosabat yoki hodisadek koʻrinadigan ishlarning yuzaga chiqishini va bunga befarq boʻlmaslik bilangina ibodatlarimiz oʻz oʻrnini topishi mumkinligini oʻrgatadi.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
#сиз_нима_дейсиз
Ҳолидан хабар олинмаётган кекса ота-она ҳар қандай ҳолатдаям жабрдийда бўладими?
Узоқдаги фарзанд ҳар доим ҳам ноқобил, бемеҳр бўладими?
Айрим кишилар узоқдаги ота-онасидан атайлаб олисламайди. Баъзан туғилиб- ўсган хонадонига бориб болалигидаги изтироблар билан юзлашишдан қочиб ота уйига бормайди.
Фарзандини болалигида қадрламаган ота-она кексайганида "тиқ" этса эшикка жавдираб, узоқдаги "хайрсиз", "ноқобил" фарзандининг йўлига кўз тикиб ўтади.
Ва баъзан узоқдаги ўша "бехайр" фарзанд бошқалардан кўра ота-онасини кўпроқ яхши кўради ва соғинади...
Umida Aziz
Синов тоқатга қараб берилади.
Кучлиларга ёлғизлик билан келади.
Ёлғизликдан қўрқмаган, бошқа хеч нарсадан қўрқмай қўяди.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
279-oyat:
فَإِن لَّمْ تَفْعَلُوا۟ فَأْذَنُوا۟ بِحَرْبٍۢ مِّنَ ٱللَّهِ وَرَسُولِهِۦ ۖ وَإِن تُبْتُمْ فَلَكُمْ رُءُوسُ أَمْوَٰلِكُمْ لَا تَظْلِمُونَ وَلَا تُظْلَمُونَ
«Gar unday qilmasangiz (ya'ni ribodan voz kechmasangiz), Alloh va O‘z Rasuli tomonidan bo‘ladigan urushni bilib qo‘ying (yoki urush e'loniga tayyor turing). Agar tavba qilsangiz, sarmoyangiz o‘zingizga, zulm qilmaysiz va sizga ham zulm qilinmaydi.»
Tafsirlarda (masalan, Ibn Kasir va al-Qurtubiy tafsirlarida) kelishicha, ushbu oyatdagi "urushni bilib qo‘ying" (f'azanu biharbin) iborasi ba'zi qiroat va tafsirlarda "Alloh va O‘z Rasuli bilan urushishga tayyorlaning (qurollaning)" degan ma'noda sharhlanadi. Ibn Abbos (roziyallohu anhumo) ushbu oyat tafsirida: "Qiyomat kuni riboxo‘rga 'Qurolingni ol va Alloh bilan urushishga tayyorlan!' deyiladi", deb aytganlar.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Yaxshi ham, yomon ham pinhon qolurmu,
Hargiz jaholatda jahon qolurmu?
Omon saqla desam, mo‘minni faqat,
Qo‘rqman, Xudojon, bir jon qolurmu?
✍️ Sirojiddin RAUF
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
АДОЛАТНИНГ СИНГАН ТИШИ
нега Президент мактаби битирувчиси ОТМга имтиҳонсиз кириши керак?
Жамиятимизда энг кўп гапириладиган сўзлардан бири — АДОЛАТ бўлса керак. Лекин таълим тизимимизга, хусусан, Президент мактаблари атрофидаги имтиёзларга қарасак, бу адолатнинг сояси ҳам кўринмайди.
Келинг, ҳаётий бир мисол билан фикр юритайлик.
Битта маҳаллада, битта оддий мактабда икки синфдош ўқийди:
Биринчисининг отаси масъул лавозимда. Уйда моддий муаммо йўқ, репетиторлар тахт, шароит аъло. Бола ёмон ўқимайди, лекин фавқулодда иқтидор ҳам эмас.
Иккинчисининг отаси мигрант. Оиласини боқиш учун Россиянинг совуқларида, хаста ҳолида меҳнат қилади. Бола ўта иқтидорли, аммо уйда етишмовчилик сабабли қўшимча курсларга боришга имкони йўқ.
Иккала дўст Президент мактабига имтиҳон топширади. Бошланғич имкониятлар тенг бўлмагани учун мигрантнинг фарзанди инглиз тилидан бир неча балл кам олиб, йиқилади. Мансабдорнинг боласи эса миллиардлаб бюджет маблағлари сарфланадиган "иссиқхона" тизимига кириб кетади.
Дунёнинг энг илғор мамлакатларига қарайлик:
Финландияда алоҳида "элита" ёки алоҳида ажратилган мактаблар умуман йўқ. У ерда асосий принцип — "энг яхши мактаб — бу уйга энг яқин мактаб". Барча давлат мактаблари бир хил юқори стандартга эга, ўқувчиларни бой-камбағалга ёки иқтидорига қараб ажратиш тақиқланган.
Японияда ҳам давлат сунъий равишда алоҳида "танланганлар" мактабини яратмайди. Пойтахт Токиодаги мактаб билан узоқ тоғли қишлоқ мактабининг шароити, жиҳозланиши бир хил. Ўқитувчилар эса ҳар 3-5 йилда мажбурий равишда ротация қилинади — токи кучли педагоглар фақат марказда йиғилиб қолмасин. Яъни, давлат ҳаммага бир хил ва тенг имконият беради!
Бизда-чи?
Йиллар ўтади... Мигрантнинг фарзанди бўш келмайди, тишини тишига қўйиб, ўқишдан ташқари вақтда ишлаб, тил ўрганади. Мактаб тугайди.
Ва мана, "адолат" тантанаси:
Энг зўр шароитда, хорижлик ўқитувчилар қўлида ўқиган бола ҳеч қандай имтиҳонсиз, тўғридан-тўғри ОТМга грант асосида қабул қилинади.
Ўз кучи билан, оғир шароитда ўқиган мигрантнинг фарзанди давлат имтиҳонида юқори балл тўплайди, лекин бюджетга атиги 1 БАЛЛ етмай қолади. Контрактга отасининг қурби етмагач, бола "отамга оғирлигим тушмасин" деб ўқишдан воз кечади ва Россияга мардикорликка кетади.
Савол туғилади: Нега Президент мактаби битирувчиси ОТМга имтиҳонсиз кириши керак?
Агар у ерда чиндан энг зўр таълим берилса ва энг кучли болалар ўқиса, мардлик қилиб ҳамма қатори давлат имтиҳонларини топширсин! Ўз билимини умумий рақобат майдонида исботласин. Ёки бу мактаблар ўз битирувчиларининг даражасига шубҳа қиладими? Шароитнинг энг зўрини олиб, яна имтиҳондан ҳам қочиш — бу оддий халқнинг фарзандлари устидан кулиш эмасми?
Энг ёмони, давлат маблағлари ҳисобидан икки хил таълим тизими ва стандарт яратилишининг ўзи — катта тенгсизликдир. Конституцияда ҳамма тенг дейилган. Лекин тизим ўз қўли билан болаларни "элита" ва "иккинчи даражали" тоифаларга ажратмоқда.
Натижада, мигрант ота тўлаётган солиқлар эвазига пулдорларнинг боласи имтиҳонсиз ўқийди, асл иқтидорлар эса 1 балл сабабли тизимдан ташқарига улоқтирилади. Чин иқтидорли, меҳнаткаш йигитларнинг юртни ташлаб кетиши — бу фақат бир оиланинг эмас, бутун МИЛЛАТ ва ДАВЛАТНИНГ фожиасидир.
Олий таълимга кириш имтиҳони ҳамма учун бир хил, ягона ва шаффоф бўлиши шарт. Кириш имтиҳонларида ҳеч қандай имтиёз ва қўшимча баллар бўлмаслиги керак! Давлат ёрдами ва ижтимоий ҳимоя эса бола ўз билими ва меҳнати билан ўқишга кирганидан сўнг — манзилли равишда (контракт, ётоқхона ва стипендия шаклида) берилиши лозим.
✍️ Shavkat OʻYMOVUTLI
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Дунё ҳаёти қиссанинг тамоми эмас, балки у ривоятнинг бир фасли, холос. Мана шу қараш билан дунё азоби Раҳим бўлмиш Зотдан келаётган раҳматга айланадики, У Зот ғафлатда қолмайлик деб мана шу "азоб" билан бизни ҳушёрликка чақиради. Бу нарса уйғотиш ҳаракати бўлиб, ундан мақсад - ҳисларнинг жумбушга келиши ва ақлни сўроққа тутишдир. Бу нарса дунёнинг жаннат бўлмаслигини ва бўлиши мумкинмаслиги ҳақида доимий эслатмадир.
Мустафо Маҳмуд
«Madaniyatni yo‘q qilish uchun kitoblarni yoqish shart emas. Odamlar ularni o‘qimay qo‘yishining o‘zi kifoya».
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Қ А Т Р А
«Қуръон, инсониятнинг барча табақасига хитоб ва даво бўлгани учун закий бўлганлар ҳам, англаш қобилияти юқори бўлмаганлар ҳам, итоатли инсон ҳам, итоатсиз бўлганлар ҳам, зоҳид инсонлар ҳам, зоҳид бўлмаганлар ҳам барча-барча инсон табақалари шу илоҳий хитобга сазовор ва бу Раҳмоний дорихонадан дори олишга ҳақлари бордир.
Ҳолбуки, Қуръонни бутунича ва доимо ўқишга ҳар ким ҳам муяссар бўлмайди.
Шунинг учун лозим бўлган мақсадлар, ҳужжатлар хусусан узун сураларда такрор келадики, ҳар бир сура деярли бир кичик Қуръон ҳукмида бўлсин, ҳар ким уни осонлик билан, истаган вақтида, истаган сурасини ўқиш билан том Қуръоннинг савобини қўлга кирита олсин.
Ҳа,
وَلَقَدْ يَسَّرْنَا الْقُرْاٰنَ لِلذِّكْرِ *
ояти каримаси мана шу ҳақиқатни исбот қилади.»
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
—Аё, беклар, фақирларни
Кўп ҳам туртманг ўз юртида.
—Ким тегинди, юраверсин.
—Сизни элга фидо ўйлаб
Тинмай армон ўстирдида.
—Манглайидан кўраверсин.
—Ўз Ватани, ўз бойлиги,
Ўз ризқидан бермайсизми.
—Ваъда бердик, етмайдими.
—Ер юзига тарқаб борар,
Ҳолини бир сўрмайсизми.
—Ундан нари кетмайдими...
—Сизлар пешво, кўп айтарсиз
Халқ деб тинчдан кечганингиз.
—Мадҳ айласин, алқасин.
—Лек айтмайсиз эл кўзи-чун
Ёлғон қасам ичганингиз.
—Билдирмасдан қарғасин.
—Минглаб қонун жорий қилиб,
Нечун амал қилмайсизлар.
—Амал қилсак чиқармиди.
—Сабр тўлган коса бир кун
Ёмон синар, билмайсизлар.
—Элнинг ҳадди сиғармиди.
—Ўғри урган карвон мисол
Бор бисоти тугаб борар...
—Яшайверсин, ватан мана.
—Бир кун одил судлов бўлса,
Эл ҳаққини сўраб борар!
—Худосига айтсин ана...
©Najmiddin Turon
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Jasurlar halok bo‘ladi, aqllilar devonaga aylanadi, dunyo esa baxtli ahmoqlarga to‘ladi...
Artur Shopengauer
Qurbonlikni kuchi — qurbonlik qilayotgan odamni nimalardan kechayotganiga bog‘liq!
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Yo‘lga birga chiqqanlaringni yo‘lda topganlaringga alishsang; ham yo‘lingni yo‘qotasan, ham do‘stingni.
G‘alaba qozonish yo‘lida atrofidagilarni qurbon qilgan kimsaning topajak narsasi zafar emas, yolg‘izlikdir.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Ustoz: " Bu besh kunlik dunyo "qachon tugaydi?
Shogird kulib: Juma kunida, ustoz.
Ustoz: O‘zing hech narsaga tushinmading, lekin javobing to‘g‘ri.
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...
Jim turuvchi ko‘pchilik
Haydar Jamol: …Eng quyi pog‘onada jim turuvchi ko‘pchilik turadi — megapolis changi. Bular ajdodlari qishloqlarda yashagan, ammo katta shaharlarga uloqtirib yuborilgan, yo‘lini yo‘qotgan millionlab odamlardir. Ular o‘zlariga xos diskursga ega emaslar va boshqalarning diskursini ham tushunmaydilar. Ular televizor tomosha qiladilar, u yerda ko‘rgan narsalari ularni jahlini chiqaradi, chunki ular buni tushunmaydilar. Bu esa ularda tobora kuchayib borayotgan g‘azabni keltirib chiqaradi. Aynan shu g‘azabdan boshqa klublar foydalanadi.
#manqurt
🌾 @Hikmatlar _ Hikmat mo‘minning yo‘qotganidir, qayerda topsa olishga haqli...