25829
👩💼Umarova Xilola Uktamovna 🇺🇿Maktabgacha va maktab ta'limi vaziri 🇺🇿O‘zbekiston Respublikasi Prezidenti huzuridagi Davlat boshqaruvi Akademiyasi tadqiqotchisi
#xushxabar
IMO 2025: Terma jamoamiz a’zolari o‘z tarixidagi eng yaxshi natijani qayd etdi
O‘zbekiston Terma jamoasi a’zolari hozirda Avstraliyada bo‘lib o‘tayotgan 66-Xalqaro Matematika Olimpiadasida ishtirok etib, o‘z tarixidagi eng yaxshi natijani qo'lga kiritdi.
Umumiy hisobda:
4 ta kumush, 1 ta bronza jami — 5 ta medal!
G‘oliblarimiz bilan quyida tanishing:
Elbek Zohidjonov – Muhammad al-Xorazmiy nomidagi ixtisoslashtirilgan maktab, 10-sinf o‘quvchisi (kumush medal),
Asadbek Boboqulov – “Artel Technical School” NTMning 11-sinf o‘quvchisi (kumush medal),
Rasulbek G‘afforov – Muhammad al-Xorazmiy nomidagi ixtisoslashtirilgan maktab, 10-sinf o‘quvchisi (kumush medal),
Behruz Elmurodov – Mirishkor tuman 21-maktab, 11-sinf o‘quvchisi (kumush medal),
Ozodbek Axtamov – Muhammad al-Xorazmiy nomidagi ixtisoslashtirilgan maktab, 11-sinf o‘quvchisi (bronza medal),
Umarbek Ubaydullayev – Sergeli tuman ixtisoslashtirilgan maktabi, 7-sinf o‘quvchisi (Honourable mention).
Ma'lumot uchun, ushbu nufuzli xalqaro fan olimpiadasi sovrindori bo‘lgan o‘quvchilar quyidagicha taqdirlanadi:
2-oʻrin uchun:
➖ oʻquvchilarga — 562 mln 500 ming soʻmdan (1 ming 500 baravar);
3-oʻrin uchun:
➖ oʻquvchilarga — 375 mln soʻm (1 ming baravar).
Ilm-fan, sanoat va taʼlim birlashmoqda
✅ Bugun biz tarixiy jarayon ichidamiz. “Fan – ta’lim – ishlab chiqarish” zanjirini birlashtirgan tizim, nihoyat, O‘zbekistonda shakllanmoqda.
☑️“Yangi O‘zbekiston” universiteti tashabbusi bilan Germaniya sanoat korxonalari, yurtimizdagi yetakchi kompaniyalar va ilmiy muassasalar ishtirokida Xalqaro sanoat maslahatlashuv kengashi tashkil etildi.
➖ Siemens Energy, Robert Bosch, TAL Group, Daimler Chrysler, STADA, Olmaliq КМК, Navoiy КМК ва “O'zkimyosanoat” kabi yirik xorijiy va mahalliy kompaniyalar ushbu kengashga birlashdi.
✨ Endilikda sanoat real ehtiyojlari ta’lim dasturlariga to‘g‘ridan-to‘g‘ri aks etadi, talabalar amaliyot va tajribani yetakchi xalqaro kompaniyalarda oladi, professorlar sanoat bilan bog‘langan ilmiy-tadqiqot ishlarini amalga oshiradi va O‘zbekiston sanoatining transformatsiyasi uchun malakali kadrlar universitet ichida shakllanadi.
⚡️ Bunday tizimda o‘qiyotgan har bir talaba — kelajakda o‘z ishini boshlash, xalqaro mehnat bozorida o‘z o‘rnini topish va jamiyat taraqqiyotida faol qatnashish imkoniga ega bo‘ladi.
🔹 Bu integratsiya — yoshlarimiz uchun katta imkoniyat, mamlakatimiz uchun esa strategik yutuqdir.
@hilola_umarova
#yoshlar_kuni
Kecha – Yoshlar kuni munosabati bilan oʻtkazilgan uchrashuvda davlatimiz rahbari nufuzli oliygohlarga kirayotgan oʻzbek yoshlari haqida alohida toʻxtaldi.
“Oʻtgan yili yurtimiz yoshlari top 500 talik oliygohlarga kirish boʻyicha Markaziy Osiyoda birinchi oʻrinni egalladi.
Bugungi kunda 30 nafar yoshlarimiz dunyoning top 10 talik oliygohida, 500 nafari top 100 talik va 1,5 ming nafari top 300 talikdan joy olgan nufuzli universitetlarda tahsil olmoqda”, dedi Prezidentimiz.
Davlatimiz rahbari Jasurbek Umarov (Harvard), Ruxshona Sobirova (Pensilvaniya), Asilbek Ashurov (Chikago) misolida taʼlimdagi islohotlar natijasini alohida e’tirof etdi.
Bu yutuqlar davomli boʻlishiga ishonamiz!
@hilola_umarova
#tabrik
Bugun bir guruh yoshlar Prezidentimizning tegishli Qaror va Farmonlari bilan mukofotlandi. Ular orasida talaba va oʻquvchilarimizning borligi quvonarli.
“Mard o‘g‘lon” davlat mukofoti bilan:
Umirboyev Alibek Javlonbek o‘g‘li — “Yangi O‘zbekiston” universitetining 1-bosqich talabasi;
Muxammadov Mirjaxon Muxammadjon o‘g‘li
— Abu Ali ibn Sino nomidagi ixtisoslashtirilgan maktab, 11-sinf o‘quvchisi,
Egamberdiyev Maqsadbek Baxtiyor o‘g‘li
— Bog‘ot tumani ixtisoslashtirilgan maktab, 11-sinf o‘quvchisi,
“Kelajak bunyodkori” medali bilan:
Ibroximova Rayyona Nodirbek qizi
— Andijon shahridagi 4-umumiy o‘rta ta’lim maktabining 11-sinf o‘quvchisi taqdirlandi.
Barchangizni ushbu yuksak mukofotlar bilan tabriklayman! Ilm olishdan charchamang, sizlar bizning faxrimizsiz!
@hilola_umarova
Namanganlik o‘quvchilar dunyoning Top-20 taligiga kiruvchi oliygoh talabasi bo‘ldi
Uch nafar namanganlik yoshlarimiz: Namangan shahridagi 1-ixtisoslashtirilgan maktab-internatidan Ziyodullobek Qo‘ziboyev, Saydullo Supijanov hamda Yangiqo‘rg‘on tumanidagi 58-umumta’lim maktabi bitiruvchisi Sherxon Hasanov Pechak ligasi (Ivy League) tarkibiga kiruvchi, dunyo reytingida 15-o‘rinda turuvchi Pensilvaniya universiteti talabasi bo‘ldi.
Uchovlon joriy yil oliy ta’limni AQSHda davom ettirishadi.
Yigitlar maktabda yaxshi baholarga o‘qigan, faol, IELTS hamda SATdan yuqori ballarni olib, xalqaro serifikatlarga ega.
Yoshlarimizga omad, dunyoning yetakchi ta’lim muassasasida olgan qimmatli bilimlarini mamlakatimiz taraqqiyoti uchun sarflashini tilab qolamiz.
@hilola_umarova
Kecha biz Samarqanddagi 71-maktabda bo‘ldik, ushbu ziyo maskani yorqin natijalarni namoyon etmoqda: bitiruvchilar orasida medal olayotgan va xalqaro ta’lim muassasalariga o‘qishga kirayotgan yoshlar ko‘p. O‘tgan yili esa mazkur dargohning barcha bitiruvchilari oliy o‘quv yurtlari imtihonidan o‘tib, talabalikka qabul qilindi. Ushbu maktabni va Samarqanddagi boshqa maktablarni a’lo baholar bilan bitirgan o‘quvchilarga oltin medallarni topshirish menga katta mamnuniyat bag‘ishladi.
E’tiborli tomoni, Prezident topshirig‘iga binoan, Qo‘shrabot tumanidagi o‘quvchilar uchun 17 ta yangi maktab-avtobusi taqdim etildi. Ushbu ajoyib sovg‘a tumandagi 20 ta olis maktabda tahsil olayotgan 750 nafardan ziyod o‘quvchiga xavfsiz va qulay tarzda o‘z sinfxonalariga yetib borish imkonini beradi.
Biz har bir bola, qayerda yashashidan qat’iy nazar, sifatli, zamonaviy va munosib ta’lim olish imkoniyatiga ega bo‘lishini juda istaymiz hamda bunga erishish uchun barcha sa’y-harakatlarimizni yo‘naltiramiz.
—
Вчера мы побывали в самаркандской школе № 71, которая показывает вдохновляющие результаты: среди выпускников много медалистов, которые поступают в международные учебные заведения. В прошлом году все до единого выпускники этой школы поступили в вузы. Мне было очень приятно вручить золотые медали выпускникам-отличникам как этой школы, так и других школ Самарканда.
Также по поручению Президента для Кушрабатского района Самаркандской области выделено 17 новых школьных автобусов для учащихся. Этот замечательный подарок позволит более 750 ученикам 20 отдалённых школ района безопасно и с комфортом добираться до своих классов.
Нам очень хочется, чтобы каждый ребёнок, независимо от того, где он живёт, имел доступ к качественному, комфортному и современному образованию, и мы для этого делаем всё возможное.
#reyting
Nizomiy nomidagi O‘zbekiston Milliy pedagogika universiteti “THE Impact Rankings 2025” reytingida Top-1000 talikka kirdi
Bugun nufuzli xalqaro reyting agentligi Times Higher Education (THE) tomonidan “Impact Rankings 2025” natijalari e’lon qilindi.
O‘zbekiston oliy ta’lim muassasalari mintaqada eng yuqori ko‘rsatkichlarni qayd etib, Markaziy Osiyo va Kavkaz mintaqasida mutlaq yetakchiga aylandi.
Quvonarlisi, O‘zbekistonning 12 ta oliy ta’lim muassasasi jahonning Top-1000 talik universitetlari ro‘yxatidan o‘rin olgan. Ular orasida Maktabgacha va maktab ta’limi vazirligi tizimidagi Nizomiy nomidagi O‘zbekiston Milliy pedagogika universiteti ham bor.
Bu natija kishini xursand qiladi, shu bilan birga, universitet jamoasi zimmasiga yanada katta mas’uliyat yuklaydi.
Xabaringiz bor, universitetda katta o‘zgarishlar boshlangan. Yaqinda Cambridge University Press & Assessment tashkiloti bilan Nizomiy nomidagi O‘zbekiston Milliy pedagogika universitetini transformatsiya qilish va mazkur yo‘nalishdagi hamkorlikni yangi bosqichga olib chiqishga oid kelishuv imzolandi.
Bundan tashqari, universitetda 2025-2026-o‘quv yilida xorijiy ta’lim dasturlari asosida Aniq fanlar maktabi tashkil etilib, unda Matematika, Axborot texnologiyalari hamda Sun’iy intellekt va robototexnika yo‘nalishlarida 400 nafar talaba qabul qilinishi ko‘zda tutilgan. Ushbu maktabda dars beruvchi professor-o‘qituvchilar tanlab olinib, Kembrij universitetida malaka oshiradi.
Bu harakatlar orqali universitetda ta’lim sifatini kuchaytirish, mahalliy va xalqaro miqyosdagi imijini mustahkamlash maqsad qilingan.
@hilola_umarova
Axborot texnologiyalari yo‘nalishiga ixtisoslashtirilgan maktablar tarmog‘i kengaytiriladi
“Ixtisoslashtirilgan ta’lim muassasalari agentligi tizimida axborot texnologiyalari yo‘nalishiga ixtisoslashtirilgan maktablar tarmog‘ini kengaytirish chora-tadbirlari to‘g‘risida”gi Hukumat qarori qabul qilindi.
Qarorga ko‘ra, Toshkent shahridagi Muhammad al-Xorazmiy nomidagi ixtisoslashtirilgan maktab axborot texnologiyalari yo‘nalishi bo‘yicha tayanch maktab etib belgilandi.
Tayanch maktab va filiallarga rahbar kadrlar 2 bosqichli, pedagog kadrlar 3 bosqichli tanlov asosida ishga qabul qilinadi.
Filiallarga o‘quvchilar tayanch maktab uchun belgilangan tartib asosida saralab olinadi.
Filiallarda o‘quvchilar uchun autsorsing asosida belgilangan tartibda bepul sog‘lom ovqatlantirish tashkil etiladi.
Ma’lumot uchun: Prezident Farmoni asosida 13 ta ixtisoslashtirilgan maktab-internat negizida Muhammad al-Xorazmiy nomidagi ixtisoslashtirilgan maktabning filiallari tashkil etilgan.
@hilola_umarova
Maktab oʻquvchilari oʻrtasida tashkil etilgan “Turon maktab teatri” hamda “Iqtidor maktab ansambli” respublika tanlovlari yoshlarimiz orasida katta qiziqishlarga sabab boʻlmoqda.
Tanlovlarning respublika bosqichlari joriy yil 17-19-iyun kunlari Samarqand shahrida o’tkaziladi.
17-iyun kuni Registon maydonida ochilish marosimi.
18-iyun kuni “Hamid Olimjon” nomidagi musiqali drama teatrida “Turon maktab teatri” tanlovining respublika bosqichi.
19-iyun kuni “Nurafshon” sanʼat saroyida “Iqtidor maktab ansambli” tanlovining respublika bosqichi hamda taqdirlash marosimi “Boqiy shahar” majmuasida oʻtkazilish rejalashtirilgan.
Ma’lumot uchun: Tanlovlar g’oliblari xorijiy davlatga taʼlim sayohatiga yuboriladi.
2-3-oʻrinlarni qoʻlga kiritgan jamoalar maxsus sovgʻa (interaktiv doska)lar bilan taqdirlanishi rejalashtirilgan.
Respublika bosqichiga yoʻl olgan barcha ishtirokchilarga omad tilayman! Koʻhna Samarqandda uchrashguncha!
@hilola_umarova
Hurmatli yurtdoshlar!
Barchangizni bugungi bayram — mehr-oqibat, shukronalik va saxovat bayrami — muborak Qurbon hayiti bilan samimiy tabriklayman.
Ushbu ayyom xalqimiz qalbida ezgulik va muruvvat, bag‘rikenglik va insonparvarlik tuyg‘ularini yana-da mustahkamlovchi bayramlardan biridir.
Shunday fayzli kunlarda yurtimiz ravnaqi, xalqimiz farovonligi yo‘lida mehnat qilayotgan barcha yurtdoshlarimizga mustahkam sog‘lik, tinchlik-xotirjamlik, xonadonlaringizga to‘kinlik va baraka tilayman.
Ezgu niyatlaringiz va fidokorona sa’y-harakatlaringizda doimo muvaffaqiyat hamrohingiz bo‘lsin!
Qurbon hayiti bayramingiz muborak bo‘lsin!
Hilola Umarova,
Maktabgacha va maktab ta’limi vaziri
@hilola_umarova
Davlatimiz rahbarining “Prezident iqtidorli farzandlari” tashabbusi mazmuni va yo’nalishlari qanday?
Al-Beruniy nomidagi xalqaro maktab-internatida ta’lim jarayonlari qanday tashkil etiladi?
Videoda ushbu savollarga mutaxassislarimiz batafsil javob bergan.
Bilimli, iqtidorli yoshlar, sizlarni Al-Beruniy nomidagi xalqaro maktab-internatida kutamiz!
Maktab haqidagi barcha ma’lumot, yangiliklar ushbu kanalda: @alberuniyuzb
28-may – 3-iyun kunlari poytaxtimiz yirik ilm-fan haftaligiga mezbonlik qildi. Maktabgacha va maktab ta’limi vazirligi, Ixtisoslashtirilgan ta’lim muassasalari agentligi hamda Fan olimpiadalari markazi tomonidan Abu Rayhon Beruniy nomidagi xalqaro kimyo olimpiadasi o‘tkazildi. Kecha musobaqani tantanali yakunlab, gʻoliblarni taqdirladik.
Ikkinchi marotaba tashkil etilgan mazkur olimpiadada dunyoning 13 mamlakati — Saudiya Arabistoni, Turkiya, Ozarbayjon, Mongoliya, Belarus, Vetnam, Rossiya, Gruziya, Hindiston, Qozogʻiston, Qirgʻiziston, Tojikiston, Turkmaniston davlatlaridan kelgan hamda O‘zbekiston vakillaridan iborat, jami 115 nafar (28 ta jamoa) o‘quvchi-yoshlari ishtirok etdi.
Xalqaro olimpiadaning yuqori saviyada o‘tkazilishini ta’minlash maqsadida hakamlar hay’ati tarkibiga xalqaro olimpiadalar sohasida ko‘p yillik tajriba va salohiyatga ega xorijlik mutaxassislar, shuningdek, oʻzbekistonlik olimlarimiz ham jalb etildi.
Musobaqada jami 69 nafar ishtirokchi o‘quvchilar turli darajalardagi medallar bilan taqdirlandi. Ular orasida o‘zbekistonlik o‘quvchilar 19 ta (6 ta oltin, 8 ta kumush, 5 ta bronza) medal bilan xalqaro olimpiadaning yakka peshqadamiga aylangani esa quvonarli holat, albatta.
Mazkur olimpiada iyul oyida o‘tkaziladigan Xalqaro Kimyo Olimpiadasi(IChO)ga navbatdagi tayyorgarlik bosqichi bo‘lib xizmat qiladi.
Eslatma: Abu Rayhon Beruniy nomidagi xalqaro kimyo olimpiadasi davlatimiz rahbari tashabbusi bilan tashkil etilgan va u ilk marotaba 2023-yili Xiva shahrida o‘tkazilgan edi.
Barcha gʻoliblarni yana bir bor tabriklayman! Mamlakatimiz yirik ilm-fan tadbirlariga mezbonlik qilaversin, unda oʻgʻil-qizlarimiz munosib ishtirok etib, Vatanimiz bayrogʻini yuksaklarga koʻtaraversin!
@hilola_umarova
Bugun “1-iyun — Xalqaro bolalarni himoya qilish kuni”, kelajagimiz egalarining bayrami!
Bayram bilan barcha bolajonlarimizni tabriklagan holda, ushbu roligimiz orqali kattalar ya’ni ota-onalarga murojaat qilib, koʻzgu tutmoqchimiz.
Bolalarni himoya qilish, avvalo, ularni tushunish, qoʻllab-quvvatlash, ilmga yoʻnaltirish, kelajagi uchun qaygʻurish demakdir.
Bolalar himoyachisi birinchi navbatda ota-ona, afsuski, ularning huquqlarini eng ko‘p buzuvchilar ham ota-ona.
Umid qilaman, ushbu kichik rolik orqali sizlarni biroz boʻlsa-da xulosa chiqarishga unday oldik.
Qadrli ota-onalar, bolalarning hayotda oʻz o‘rnini topishi va kelajagi birinchi navbatda sizning irodangizga bogʻliq. Bolalar cheksiz e’tibor, mehr va bagʻrikenglikka munosib.
Bugungi sana nafaqat bayram, balki jiddiy chaqiriqdir!
Hilola Umarova,
Maktabgacha va maktab taʼlimi vaziri
@hilola_umarova
Hammamizda bir-biriga juda oʻxshaydigan “So’nggi qo’ng’iroq” hikoyasi bor. Erta tongdan maktabiga gul ko’tarib kelgan bolakayda ham, tasma bog’langan sochlarini ikkita qilib o’rib olgan qizaloqda ham, ilk marotaba maktabga qadam qo’ygan kichkintoylarda ham yoki maktabni tark etayotgan bitiruvchilarda ham birdek hayajon bor.
Bugun Yakkasaroy tumani 91-sonli maktabda o‘tkazilgan “So‘nggi qo‘ng‘iroq” tadbirida qatnashib, ana shunday hissiyotlarga guvoh boʻldim.
Maktabning 126 nafar bitiruvchilarning 25 nafari milliy va xalqaro sertifikatga ega bo‘lgani, 10 nafari muddatidan avval oliygohlar talabasi bo‘lgani esa barchamizni quvontiradi.
Misol uchun, Jasmina Boltayeva bir vaqtning o‘zida 14 ta xorijiy oliygohga talabalikka tavsiya etilgani, ular orasida Kolumbiya, Illinoys kabi nufuzli ta’lim dargohlari ham borligi hammamizni xursand qiladi.
Yoki yana bir misol, kuni kecha Prezidentimiz bilan Sloveniyada ko‘rishgan va kelajakda sun’iy intellekt loyihalarini rivojlantirmoqchi bo‘lgan Lyublyana universiteti talabasi Isxakov Shaxriyor ham aynan shu maktabning o‘tgan o‘quv yilgi bitiruvchisi ekani quvonarli hol, albatta.
Bu kabi natijalarga erishishda maktab rahbariyati, fidoyi ustozlar mehnati alohida o‘rin tutadi.
Bugun mamlakatimiz maktablari boʻylab “Soʻnggi qoʻngʻiroq” yangramoqda. Imkon boʻlsa barchasida qatnashib, samimiy tilaklarimni jonli tarzda yetkazgan boʻlardim. Boisi nafaqat bitiruvchilar, barcha oʻquvchilariga aytar soʻzlarim bor.
Mana shu hayajonli kunda bir sinf yuqorilagan qadrli o’quvchilarim, sizning ulg’ayishingiz xuddiki hayotning qaysidir marrasini zabt etishga o’xshaydi. Yangi o’quv yilida yanada ko’proq yutuqlarga erishishingizni xohlayman.
Maktab bilan xayrlashayotgan, katta hayotga parvoz qilayotgan uka-singillarim, ustozlaringiz bergan bilim va tarbiyani doim oqlang. Unutmang, ortingizda qolganlar qachondir “u bizning o’quvchimiz” deya, sizdan faxrlanishni istaydi.
Bugungi qo’ng’iroqning ovozini chorlov hamda chaqiriq sifatida qabul qiling! Maktabingiz, ustozlaringiz va men sizlarni juda yaxshi ko’ramiz!
@hilola_umarova
📢 Al-Beruniy nomidagi xalqaro maktab-internati haqida
📚 Maktabda o‘qish:
• To‘liq ingliz tilida,
• IB (Xalqaro bakalavriat) dasturi asosida,
• 9-sinfdan imtihon bilan qabul qilinadi.
• Bitirgach — davlat shahodatnomasi + IB diplomi.
🌍 IB diplomi bilan TOP-10 universitetlarga kirishda katta ustunlikka ega bo‘lasiz. Foundation yilini o'qishiz shart bo'lmaydi va bakalavriatni 3 yilda tamomlaysiz.
🎓 Agar bitiruvchi TOP-10 universitetga 50% grant bilan qabul qilinsa, qolgan xarajatlar davlat tomonidan qoplab beriladi.
📍 Kelajak shu yerdan boshlanadi!
📲 Bizni kuzatib boring! @alberuniyuzb
#AlBeruniyMaktabi #IBDiploma #XalqaroTaʼlim #TOP10Universitetlar
#bogʻcha #MTT
Bugun poytaxtimizdagi 567-davlat maktabgacha ta'lim tashkilotining ta’mirdan chiqqan yangi binosi foydalanishga topshirildi.
Marosimda ishtirok etib, muassasa faoliyati bilan yaqindan tanishdik, bolajonlar bilan suhbatlashdik.
420 nafar tarbiyalanuvchi quvvatiga ega bo‘lgan mazkur maktabgacha ta'lim tashkiloti 1990-yilda ish faoliyatini boshlagan, ancha ta’mirtalab holatda edi. Endi esa bino bolajonlar foydalanishi uchun barcha qulayliklarga ega.
To‘liq ta'mirdan chiqarilgan yangi binoda zamonaviy faollar zali, logoped xonasi, futbol maydonchasi, bolalar yozgi ayvoni kabilar mavjud.
@hilola_umarova
Qadrli yoshlar!
Sizlarni bugungi unutilmas bayram — Yoshlar kuni bilan chin qalbimdan tabriklayman.
Yurtimizda amalga oshirilayotgan katta islohotlar markazida aynan siz yoshlar turganingiz hamda Yangi O‘zbekistonning ertasi, farovon kelajagi siz aziz yoshlar ekanligingiz barchamizga cheksiz quvonch bag‘ishlaydi, albatta.
Faxr bilan aytishim lozim, maktabgacha va maktab ta’limi tizimidagi ijobiy o‘zgarishlar – yangi yondashuvlar, raqamlashtirish, zamonaviy metodikalarni amaliyotga joriy etishda ham fidoyi va bilimli yoshlarimizning o’rni beqiyos.
Aziz yoshlar!
Bugun biz katta maqsadlar sari olg‘a intilayotgan ekanmiz, shubhasiz, sizlarning kuch-g‘ayratingiz, intellektual salohiyatingiz va fidoyiligingiz bizning eng katta suyanchimizdir.
Sizlarga doimo ishonamiz, sizlarning yuksak marralarni egallashingiz uchun zarur shart-sharoitlarni yaratish va qo‘llab-quvvatlashda har doim yoningizdamiz.
Bayram yana bir bor muborak bo‘lsin, sizlarga sog‘lik-salomatlik, ezgu niyatlaringiz ijobati va muvaffaqiyat hamisha yor bo‘lishini tilab qolaman!
Hilola Umarova,
Maktabgacha va maktab ta’limi vaziri
@hilola_umarova
Hurmatli ommaviy axborot vositalari xodimlari!
Barchangizni “27-iyun — Matbuot va ommaviy axborot vositalari xodimlari kuni” bayrami bilan samimiy tabriklayman.
Sizlarning qizgʻin va sermazmun kasbiy faoliyatingiz yurtimizda olib borilayotgan katta islohotlarni keng jamoatchilikka yetkazishda muhim ahamiyat kasb etmoqda.
Shu oʻrinda, maktabgacha va maktab taʼlimi tizimida amalga oshirilayotgan yangiliklar va oʻzgarishlarni xalqimizga yetkazishda sizlarning hamkorligingiz juda muhim ekanligini alohida qayd etmoqchiman.
Davlatimiz rahbarining yurtimiz jurnalistlari va ijod ahliga yoʻllagan bayram tabrigida, jurnalist ahlining mashaqqatli mehnatini muqaddas sarhadlarimizda sergak turgan Vatan posbonlarining jasoratiga qiyoslaganligi ham bejiz emas.
Qadrli jurnalistlar!
Bugungi muhim sanada barchangizning fidokorona va mashaqqatli mehnatingiz rivojida ulkan muvaffaqiyatlar tilashdan mamnunman.
Kasb bayramingiz muborak boʻlsin!
@hilola_umarova
Ayni kunlarda “Raqamli avlod qizlari-2025” g‘oliblari AQShda ta’lim sayohatida boʻlib turibdi.
Yodimda, ushbu tanlovni ilk bor tashkil etganimizda gʻoliblarni qanday ragʻbatlantirish haqida ancha oʻylaganmiz. Oʻqimishli, xorijiy tillarni yaxshi oʻzlashtirgan, innovator qizlarni qanchadir miqdordagi pul, biror buyum bilan ilhomlantirish qiyin. Ularga eng zarur narsa – imkoniyat!
Biz gʻolib qizlarimizga dunyoning eng nufuzli universitetlariga borish, tanishish, oʻzlarini qiziqtirgan savollarga javob olish imkoniyatini yaratdik.
Mana bu videoda qizlarning Massachusetts Institute of Technology (MIT) universitetiga sayohatini koʻrishingiz mumkin. Ishonaman, ular orasidan ham ana shunday yetakchi ta’lim dargohlarini zabt etadigan oʻzbek qizlari, albatta, chiqadi.
Ta’lim sayohati davom etadi. Gʻoliblarimiz boshqa OTM, ilmiy markazlar, zamonaviy laboratoriyalar, kutubxonalarda boʻladi.
Jarayonlarni mana bu kanal orqali kuzatib borishingiz mumkin: @digitalgeneration_uz
@hilola_umarova
Men uchun farzandlarimizning samimiy va beg‘ubor his-tuyg‘ularini hamda chaqnab turgan ko‘zlarini ko‘rishdan ko‘ra kuchliroq ilhomlantiruvchi narsa yo‘q.
Kecha Samarqand shahridagi “Boqiy shahar” majmuasida aynan shunday, ilhombaxsh kun bo‘ldi — respublikamizning iqtidorli yoshlariga bag‘ishlagan haqiqiy iste’dod bayrami tashkil etildi.
Har bir lahza o‘zgacha ma’no-mazmun kasb etdi. “Turon” teatr ko‘rik-tanlovi g‘oliblarining taqdirlanishi, “Iqtidor” tanlovi finalchilari — maktab ansambllarining yorqin chiqishlari yurtimizda naqadar ijodiy salohiyatli va umidli avlod yetishib chiqayotganini ko‘rsatdi.
Qobiliyatini, yuqori darajadagi mahoratini namoyon etgan barcha jamoalarni chin yurakdan tabriklayman!
Ushbu tadbir oldidan Maktabgacha ta’lim vazirligining hududiy boshqarmalari rahbarlariga xizmat avtomashinalari topshirildi.
—
Для меня нет ничего более вдохновляющего, чем видеть искренние эмоции и горящие глаза наших детей.
Вчера в комплексе «Вечный город» Самарканда был именно такой день — день настоящего праздника таланта, который мы посвятили нашей одарённой молодёжи республики.
Каждый момент был наполнен особым смыслом. Награждение победителей театрального конкурса «Турон» и блестящие выступления школьных ансамблей-финалистов конкурса «Иктидор» показали, какое творческое и яркое поколение у нас подрастает.
От всего сердца поздравляю команды, продемонстрировавшие высочайший уровень мастерства!
Перед началом мероприятия состоялась передача служебных автомобилей руководителям региональных управлений Министерства дошкольного образования.
Postimiz haqida @habikatura ajoyib ijod namunasi chizibdi.
@hilola_umarova
Elektron shahodatnomani qanday olish mumkin? (videoqoʻllanma)
Maktabni bitirganingiz haqidagi shahodatnomani e-shahodatnoma.uz va my.gov.uz saytidan bepul va oson yuklab oling.
Ma’lumot uchun: joriy yilda umumta’lim maktablarining 9-sinfini 632 ming va 11-sinfini 451 mingdan ortiq o‘quvchilar tamomlaydi.
#muhim #ulashing
2025-2026-o‘quv yili uchun 1-sinfga qabul 20-iyundan boshlanadi
Reglamentga muvofiq, 1-sinfga qabul jarayonlari 2 bosqichda amalga oshiriladi:
1-Bosqich: 20-iyundan 31-iyulgacha mikrohudud doirasida,
2-Bosqich: 1-avgustdan 15-avgustgacha mikrohududdan tashqarida.
1-sinfga qabul jarayonlari quyidagi tuman (shaharlarda) elektron shaklda davlat xizmatlari orqali amalga oshiriladi.
Bunda ota-onalar 20-iyundan boshlab my.maktab.uz elektron platformasi orqali ro‘yxatdan o‘tib, ariza topshirishlari mumkin. Hurmatli ota-onalar, videoyo‘riqnoma bilan tanishib chiqing, unda my.maktab.uz platformasi orqali o‘zingizga biriktirilgan maktabni qanday aniqlashni bilib olishingiz mumkin.
Davlat xizmatlari ko‘rsatilmaydigan hududlarda 1-sinfga qabul qilingan o‘quvchilar vazirlik elektron tizimi (adm.maktab.uz) ga kiritiladi.
Eslatma! “Ta’lim to‘g‘risida”gi Qonunga muvofiq, bolalar 7 yoshga to‘ladigan yilda maktabga qabul qilinadi. Bu yil 1-sinfga 2018-yilning 31-dekabriga qadar tug‘ilgan bolalar qabul qilinadi.
Agar sizda elektron qabul jarayonlari yuzasidan savollar bo‘lsa, call-markazning 71-203-07-04, 71-203-04-03 raqamlari yoki telegramdagi @mymaktab_uz rasmiy kanali orqali javob olishingiz mumkin.
@hilola_umarova
#hayit #tarbiya #yaxshilik
Qurbon hayiti arafasida bir-birimizga mehr ulashamiz, ginalarni unutamiz, ezgu niyatlar bilan dasturxon yozamiz, yurtimizga yaxshilik va tinchlik so’rab duo qilamiz – bu ota-ona, ustozlarimiz tarbiyasi. Bu tarbiya nasihatlar yoki majburiyat bilan emas, shaxsiy namuna orqali bizning ruhiyatimizga singib borgan. Ha, ta’lim va tarbiya uzluksiz jarayon. Inson umri davomida nimanidir oʻrganib yashaydi.
Sizga bayram bahona aytar soʻzimiz, tilagimiz: farzandlar va oʻquvchilarimizga yaxshiliklar, ezgu amallarimiz bilan oʻrnak boʻlaylik.
Qurbon hayiti yana bir bor muborak, aziz jamoa, hurmatli yurtdoshlarim! Mehrim, iliq tilaklarim va hurmatimni hayitlik sifatida qabul qiling!
@hilola_umarova
Futbolchilarimiz, futbol muxlislari va xalqimizni bugungi tarixiy gʻalaba bilan tabriklayman! Barakalla, azamatlar!
@hilola_umarova
Dunyoning eng nufuzli “Top-10” universitetlarida o‘qishni istaysizmi? Unda bu imkoniyat aynan siz uchun!
Xabaringiz bor, davlatimiz rahbari tashabbusi bilan Al-Beruniy nomidagi xalqaro maktab-internati tashkil etildi. Bugun ushbu maktab va qabul jarayoni haqida ma’lumot berib o'tmoqchiman.
Maktabda o‘quvchilarga uch yil davomida xalqaro standartlar asosida ta’lim berilib, xorijdagi eng nufuzli “Top-10” universitetlarga kirishlari uchun imkoniyat yaratiladi. Bitiruvchilarga shahodatnoma bilan bir qatorda xorijning nufuzli oliygohlariga o‘qishga kirish imkoniyatini beruvchi xalqaro darajadagi (International Baccalaureate (IB) diplom beriladi.
Maktabga 2025/2026 o‘quv yili uchun 60 nafar o‘quvchi 9-sinfga qabul qilinadi.
Arizalar 5-iyunidan 25-iyunigacha onlayn tarzda my.gov.uz hamda ariza.piima.uz saytlari orqali amalga oshiriladi.
Imtihon ikki bosqichda o‘tkaziladi.
Birinchi saralash bosqichda o‘quvchilar matematika hamda ingliz tili fanlaridan 40 tadan test topshirig‘ini bajaradi.
Ikkinchi bosqichda eng yuqori natija qayd etgan 300 nafar nomzod uchun Toshkent shahrida imtihon o‘tkaziladi. Ular matematikadan 5 ta masala, ingliz tilidan esa 4 ta yozma ish (esse) yozishi talab etiladi.
Imtihonda eng yuqori natija qayd etgan 60 nafar o‘quvchi maktabga qabul qilinadi. Darslar Toshkent shahridagi Al-Xorazmiy nomidagi ixtisoslashtirilgan maktabi binosida tashkil etiladi.
@piima_admission_chatbot
Call-markaz: 1206 yoki +998 78 1137789
@hilola_umarova
Kunlik ish, topshiriq, vazifalardan ortib tez-tez hududlardagi maktab va maktabgacha ta’lim tashkilotlari faoliyatini oʻrganishga, muammolarini eshitib borishga harakat qilaman. Ana shu damlarda men uchun eng yoqimli daqiqalar bolajonlar bilan gaplashish, ularni eshitishdir.
Bolalar qalbi xuddi oq qogʻozdek, biz kattalar ular koʻnglini yaxshilik, ilm olish ishtiyoqi, mehnatsevarlik, halollik kabi xislatlar bilan toʻldirishimiz, ezgu amallarimiz bilan ularga namuna boʻlishimiz kerak.
Yana bir bor “1-iyun — Xalqaro bolalarni himoya qilish kuni” bilan, bolajonlarim!
@hilola_umarova
#Samarqand
Bugun Samarqandda Pedagogik mahorat markazi huzurida tashkil etilgan Maktabgacha ta’lim pedagoglari malakasini oshirish markazining ochilish marosimida ishtirok etdim.
Ushbu markaz Vazirlik, Islom taraqqiyot banki va UNICEF hamkorligida amalga oshirilayotgan “O‘zbekiston Respublikasida sifatli maktabgacha ta’limdan foydalanish imkoniyatlarini kengaytirish” loyihasi doirasida tashkil etildi.
Loyiha doirasida 11 ta shunday Markazlar tashkil etilishi rejalashtirilgan. Bu esa kelgusida maktabgacha ta’lim tizimida faoliyat yurituvchi pedagog kadrlar hamda direktorlar uchun bevosita o‘z hududida malaka oshirish imkonini beradi.
Shu o‘rinda xalqaro hamkorlarimiz, ayni vaqtda mamlakatimizda tashrif bilan bo‘lib turgan BMT Bolalar jamg‘armasi (UNICEF) ijrochi direktori Ketrin Rassel xonimga ham o‘z minnatdorligimni bildiraman.
@hilola_umarova
Qadrli oʻquvchi-yoshlar,
Aziz maktab bitiruvchilari!
Bugun barchangizning qalbingizda oʻzgacha his-tuygʻular kechayotganini, katta hayot ostonasida turib oʻz kelajagingiz uchun turli rejalar tuzayotganingizni yurakdan his qilib turibman.
Maktab — oila kabi har biringizning hayotingizda katta oʻrin egallagan. Sinfdoshlaringiz oʻrtasidagi mehr-oqibat va samimiy doʻstlik tuygʻulari kelgusida ham bardavom boʻlishiga ishonaman.
Joriy oʻquv yili yakunida respublikamizdagi oʻn mingdan ziyod maktablarning 9-sinfini 632 946 nafar, 11-sinfini 451 073 nafar yigit va qizlar tugatishmoqda. Aʼlo bahosi va namunali xulqi bilan oʻrnak koʻrsatgan 14 041 nafar 11-sinf bitiruvchisi maktabning oltin va kumush medallari bilan taqdirlanishadi.
Albatta, bu yutuqlar sizlarning hayotingizda dastlabki muvaffaqiyatdir. Kasbingiz ortidan erishadigan mukofotlaringiz va hayotdagi boshqa zafarlaringiz hali oldinda. Bu yoʻlda barchangizga katta omadlar tilab qolaman.
Bugun chalinadigan soʻnggi qoʻngʻiroq sadolari bir umrga yuragingizdan joy olishiga ishonaman. Uning jarangdor sadolari hamisha begʻubor yoshlik va oʻquvchilik davringizni yodga solib turishi shubhasiz.
Barchangizga mustahkam sihat-salomatlik, davomli muvaffaqiyatlar tilab qolaman, aziz bitiruvchi yoshlar!
Hilola Umarova,
Maktabgacha va maktab taʼlimi vaziri
@hilola_umarova