-
قناة ابو محمد الاسدي اهلا وسهلا بالجميع https://t.me/joinchat/AAAAAFBXcTXVkdy1VOhXQg
((شهر حزني))
عاودت ياشهر حزني وليش جاي
كون اسمك ينگلب ويصيـــر ماي
حسين عطشان ورميه
حسين عطشان ...
"""""""""""""""""""""""""""""""""""''''''''''''
گمت أهلن من هلالك مــاي عيني
يامحرم الك عين وهم تجينــــــي
أنته ماخذ عمري كله وكل سنيـني
انته ماخذ گلبي وافراحي وحنيني
انت ماخذ عطري وانفاسي وهواي
كون اســـمك ينگلب ويصيـــر ماي
ليش جاي بهل المسيه
حسين عطشان ورميه
حسين عطشان ...
"""""""""""""""""""""""""""""""""""''''''''''
دمعي هذا والصريخ براسي يعله
والخـــــيال يــروح بيه يصير تله
اهنا طفل واهنا يتيمه وذيچ عله
نار جيتك يا محرم مــوش سهله
تچوي جيتك ياشهر تركض وراي
كون اسمك ينگلب ويصيـــر ماي
كــــون تلفــــيك المنيه
حسين عطشان ورميه
حسين عطشان ...
"""""""""""""""""""""""""""""""""""''''''''''''
ذكرتني بلوعت ايامي العصيبه
وزودت حــزني عليه والمصيبه
ليلةّ الحـادي عشر والله عجيبـه
زينب آنه بيا وكت اصبح غريبه
وذكرتني بكافلي وطيحت لواي
كون اسمك ينگلب ويصيـــر ماي
ذكـــــرتني بـــيا مسيه
حسين عطشان ورميه
حسين عطشان ...
"""""""""""""""""""""""""""""""""""''''''''''''
انته اجيت وذكرتني بكل اخوتـي
وزادت اللــــوعات بــيه ويا بلوتي
آنه يونس يامحـــرم وانتـه حوتي
ماتفك من عندي كافي راح صوتي
عاودت وتريد موتي هـذا جاي
كون اسمك ينگلب ويصير ماي
لا تگــــلي آنـــه شعليه
حسين عطشان ورميه
حسين عطشان ...
عبد زينب
محمد الابراهيمي
لفراق الأحبة والاهل
الچانوا أمل دنيانه. هليوم مو ويانه
سويت بينه شماردت.
ما الك صاحب ياوكت
هليوم مو ويانه
★★★★★
مهموم علدار التفت
كل لون بيها ماشفت
بفراگهم حاير صرت
ولاآني ذاك اني الچنت
بيت ومشوا خلانه. من بعد يتلگانه
خَويَّتني حد ماطحت
ماألك صاحب ياوكت.
هليوم موويانه
★★★★★
نتناشد انا. وي الگلب
ذاك الدرب نفس الدرب ؟
من نگصد البيت ونطب
طبتنه چن طبت غرب
لمن مشوا احبابه. يابيت نوصل بابه
هسه اعرفت وتيقنت.
ماألك صاحب ياوكت
هليوم موويانه
★★★★★
يابيت تحْلَه طبتَّه
بعد الحنينه العافته
الچانت ضواه وشمعته
البيت امي سلوته
شما صار متجافيني تگلي هله بضي عيني
من الهظم حگي لوصحت.
ماألك صاحب ياوكت
هليوم موويانه
★★★★★★
يابلوه من بلوه أشد
علراح مايرجع بعد
وسنين راحت للابد
راح الأبو راح السند
راح السند والهيبه. وكله محَنَّه وطيبه
بأهل المحنه غَرَّبت.
ماألك صاحب ياوكت
هليوم موويانه
★★★★★
هلكسره اشد ما بالعمر
كسر البعد ماينجبر
گبالي العمر شفته يمر
چم غالي غايب بالگبر
من النوايب شَيَّبت
ما ألك صاحب ياوكت
هليوم موويانه
الشاعر حسن لعيبي الحريشاوي
واقـع من تهــــل يهلال هاي النار تجويني
باجر من يطيح حسين وين حسين دليني
ــــــــــــــــــــــــــــــــــــــــــــــــــــــــــــــــ
واقع بالطفوف احتار اشيطفي النار بخيامي
باجر انجفي على حسين بزراك امتون واللامي
باجر والتشوفه العين ضامي يركض الضامي
لا هوه ابحلم عطشان جا رويته بحلامي
هونــــك من تهل يهلال بيا وليان تاذيني
باجر من يطيح حسين وين حسين دليني
ــــــــــــــــــــــــــــــــــــــــــــــــــــــــــــــــ
انه ادري الشماته اهناك تفرح لو عطشنه الماي
تلتم عالضرب والسوط ونركض عالجمر حفاي
من يوكع كمرنه انشوف كلها اتشتم الوفاي
يهلال الحزن والنوح ماعشت الصبر وياي
من نار الخيم والخـوف شراح يصير بسنيني
باجر من يطيح حسين وين حسين دليني
ــــــــــــــــــــــــــــــــــــــــــــــــــــــــــــــــ
يهلال ابقدومك أخ وحسره اثكيله لمصابي
لاهين واكول اتهون اشيهود الصار بعتابي
جم لوعة طفل للماي واكــــف للنهر رابي
مثل باب الزجيه وياي بالطف يحترك بابي
مشعول القلــــب بالنار ومستعره بشراييني
باجر من يطيح حسين وين حسين دليني
ــــــــــــــــــــــــــــــــــــــــــــــــــــــــــــــــ
زفه وفرحه بيها ادمــوع بيها اللوعه والحسره
شاب وعمره ورده شلون يحني جفوفه من نحره
والاكبر من ضماء ايصيح بويه تخنك العبره
ورسمنه للعطش كوثر ويتبده على صدره
من اخر حلم وشمـــوع هاي ادموع ترويني
باجر من يطيح حسين وين حسين دليني
ــــــــــــــــــــــــــــــــــــــــــــــــــــــــــــــــ
وحدي وجم طفل مهضوم ينادي بصوت ياعمتي
ولانه بكل صلافة الجيش ويعرف زين منزلتي
يتقصد يرامي سهــــام يدريها الخيم علتي
انــــه الدولباني البين يهلال افتهم قصتي
حيره ومن اصد للماي بس بالظيم يسكيني
باجر من يطيح حسين وين حسين دليني
ــــــــــــــــــــــــــــــــــــــــــــــــــــــــــــــــ
بيوم السابع احنه نشوف كمرنه وينترب خده
بيوم الثامن الشمعات يطفيها هوه الوحده
بيوم التاسع الموذور الاكبر يشبهه الـجده
بيوم العاشر الاحزان وتهد الخيل فد هده
باجر لـــو رقيه تصيح يم حسين خليني
باجر من يطيح حسين وين حسين دليني
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور
عمه زينب ذاك فارس جاي متوجه علينـــــــــه
عمه يضحك جاي اشوفه وين ابوي حسين وينه
بيده راس وكله دم...واحنه أطفال وحرم
وين ابوي حسين وينه
........................................
عمه يا زينب تعالي خل نرد لخيـــــــــــامنه
واكفة اعله التل علامج واحنه ماكو ازلامنه
هاي وادم كلها غربه يا هو يرحم حالنــــــه
خايفه وهذا الأجانه أمنين والمن جاينــــــــه
عمه ادري الشوك يذبح والحنان ايفيض مايه
واحنه نسوان اشبدينه ما بقت بس العبايــــــه
وجفن مدمعها انهدم...واحنه أطفال وحرم
وين ابوي حسين وينه
........................................
التفتت الحره العقيله البنت أخوها حايره
كلتلها الراس هذا راس ابوج العالثـــــره
عمه ماضل عدنه والي كل زلمنه اموذره
رجعي ولمي خواتج راح يسبونه تـــــره
عمه جن اسمع حوافر تعثر بصيوانهــــا
جنها تسحك صدر فارس طايح ابميدانها
ناس ماعدهم رحم....واحنه أطفال وحرم
وين ابوي احسين وينه
..........................................
ركضت أمن التله زينب من وصل ميمونها
وصلت وشافت أخوها جثته أيسحكونهــــــا
طاحت وبالسوط كاموا زينب ايكومونهـــــا
والشمر أسمع يكلهم حيل ورموا امتونهـــــا
وبعد كلهم جيبوا بنته خل تشوفه بعينهــــــــا
وكعد ويلي فوك صدره وضل يوذر احسينها
كلشي منه ما سلم....واحنه أطفال وحرم
وين ابوي حسين وينه
........................................
اشتعلت النيران وانضر كل خيمنه طايحــه
وزينب اتعاين عليه وبالمدامع سابحـــــــــه
لحضه لن فارس أجاني او وين كلي رايحه
جر تراجيي أمن اذاني وآنه بالهم سارحــه
رحت أركض للشريعه واعثر بطارف عباتي
كتله عمي كوم لينه سلبوا عمتي وخواتـــــي
كوم يا راعي العلم....واحنه أطفال وحرم
وين ابوي حسين وينه
......................................................
وحشه صارت والحراير بالحبل شدوها
وعمتي زينب يم أخوها بالرمح دفعوها
لو بجت طفله اعله ابوها الراس ابوها اخذوها
وهذا يدفعها اعله رمحه خاطر ايسكتوها
وآني كل ذني عشتهن من خذوني للخرابــــــه
مات كلشي وكلشي بيه ضل يحن مشتاكه بابه
عمري وياك انعدم....واحنه أطفال وحرم
وين ابوي حسين وينه
................................................
خادم خدمة الحسين
الشاعر
محمد الموالي
باچر انته اعله الرمح وانه ابسبي
لا علي يمنه ولا جدنه النبي
كلمن يسولف مصابه
وملتقانه بالخرابه
يخويه
ــــــــــــــــــــــــــــــــــــــ
الليله زينب لـمّت ادموع السنين
واجت لللخيمه تدور عالحنين
سد كتاب الله وگــاملهه الحسين
هلا ناده ابّت امير المؤمنين
اشعندج ابهالليل زينب طالعه
وليش من هسه احسچ ضايعه
ياهلي وكل الكرابه
وملتقانه بالخرابه
يخويه
ــــــــــــــــــــــــــــــــــــــ
گعدت وگالتله يالحبّك نجاة
ابالي گام اتدور ذيچ الذكريات
ابيت ابونه وامنه من چنه نبات
وعدنه حوض الكوثر اليسوه الفرات
طاسة المـَي باچر ابسعر النحر
وتشتعل چم خيمه من يطفه الگمر
واليسر ناخذ ثوابه
وملتقانه بالخرابه
يخويه
ــــــــــــــــــــــــــــــــــــــ
عالهزل باچر وانادي ياهلي
الحگولي النار حرگت محملي
احسين هسه انته تگلي اتدللي
وباچر اچم مره اصيحن ياعلي
من يعثرني الزمن يحسيني
اسم الله من فوگ الرمح حاچيني
من يذبحون المهابه
وملتقانه بالخرابه
يخويه
ــــــــــــــــــــــــــــــــــــــ
اشلون اودعك گلي ياستر النساء
كون المّ احساس كل الانبياء
وكون اجمع شكو قرآن ودعاء
وابچي وادموعي تغرّگ كربلاء
هيچ اودعك كون يبن امي وابوي
وخلني اشبع شوف من وجهك يخوي
والصبح گرّب عذابه
وملتقانه بالخرابه
يخويه
ــــــــــــــــــــــــــــــــــــــ
يختي اريد اوصيچ گاللهه اعله شيَّ
لو اظلّن بالشمس سويلي فَيّ
احسين گالتله افييلك بَديّ
انته من تموت تبقه ابعيني حَيّ
عميه كون اعيوني من گبل الصبح
ولا اشوفن رحمة الله اعله الرمح
واختك ابين العصابه
وملتقانه بالخرابه
يخويه
ــــــــــــــــــــــــــــــــــــــ
راح افييلك بديّه وبالعباه
واقره يمك طور ماواحد قراه
الزهره اصيحن يُمّه محّد شيّعاه
مات اخوي وماتت الخوه وراه
والحوافر وي صدره امعانده
رايحه اعله احسين يمه وراده
وسلّبو حته ثيابه
وملتقانه بالخرابه
يخويه
محمد الجماسي
#اللهم_عجل_لوليك_الفرج
نعي مفجع
انـحـب واهـل الـدمـع بـسـكـوت
بــيــن الــزلــم وبـنـص ألـبـيـوت
يحسين اخـيـتـك رادت اتـمـوت
تـالـي عمـرهـه المجلس اتـفـوت
زحـمـه وچبيره وعـيـب تـنـگـال
ام الـخـدر مـچـتـوفــه بـحـبــال
وكـلـهــه اتــفــرّج گــوم الانـذال
هـذا الـوضــع بالـشـام والـحــال
عـاده الـمـره بـالـخـدر تـنـصـان
مـوش أتـجـتّــف بــيـن عـدوان
حـگــي لـسـوي بـيـت الاحـزان
وانحب نحيب الـفاگـده اخوان
*------------------------*-------------------*
✍خادم السيده زينب ع
الشاعر رعد الجريخي
عبــاس عمـي بياكتـر صارتلك الرملـه وســاد
دليني ماشوف الدرب وعيوني متروسه رمـاد
ياعمي طايح ياصوب
خيلني اراويك الثوب
بنيران الخيــام احتـرك من يـم الجــدام وبــاد
ــــــــــــــــــــــــــــــــــــــ
عامينـي دخـان الخيم يـاصوب اركض ماشوف
مـن هجمت علينـه الزلـم تهيت دربي منالخوف
اركض واطيح عللجمر لوتسحكَ اجدامي سيوف
عبـاس جبت جفوفي الك كَالولي محتاز جفوف
ياعمــي هــاك الجفيــن
بس كَوم خ نغطي حسين
ياهـو اليفـييلـه الظهـرعـن شمس واحنـه بعـــاد
ــــــــــــــــــــــــــــــــــــــ
جيتك واريد اشكي الهضم وانه ادري حالي يبجيك
ياعمـي اشرلي بسهــم عينـك وخل اوصل ليك
الحك ترى انداس الخدر يل بيـه جدي موصيك
والشمـر شتم عمتي ويتبســم ويحجـي عليك
ويكَلهـــا ويـن العبــاس
خدرج يمصيونه انداس
غيــر لمثل هـــذا الــوكت كفــال ضعنج يـــــراد
ــــــــــــــــــــــــــــــــــــــ
يالعيشتنــي مدللــه مـــااريـد اكَــــول انــذليت
مهضومه بس احجي اختنكَ عباس عمي انطكَيت
بجدامي ياعمي الجمر من الخيم جبتـه وجيت
يــابعد ابـــوي شعطلك موكَتلــي ارد مـارديت
يابوالوفه شلون تنام
خلونه من غير خيام
والليل اجانه وبس حرم خليتــهن يبجـن غاد
ــــــــــــــــــــــــــــــــــــــ
عبــاس ياعمـي شعجب مــاكَتلــي ترجيتــج وين
وشبيــج لــونج منخطف وليــاسبب زركَه العيـن
مــاتدري جـاغير العصر فــزعت علينه الصوبين
ياعمـي هيج بلا ذنب طكَوني جـي بت حسيـن
السلبني تراجيي ادريه
تمشينــه ادليــك عليـه
كَـتلـــه يتيمـــه ولا سمــع سلبهن ولا نشــــاد
ــــــــــــــــــــــــــــــــــــــ
يـل نايــم بجـرف النهـر لاويـن نـومك تـاليـه
ماتدري ابوي بطيحتك جم حافر الداس عليـه
وجه وكَفه بخيل انسحكَ ماضل كتر سالم بيـه
بالحر يعمـي بلا غطه يـردون عــاري نخليه
من الصبح عنه نشيل
ونـودعه بـلا تغسيـل
يكسر الخاطر ع الثره مطروح عــود السجاد
ــــــــــــــــــــــــــــــــــــــ
ياعمي بخ جمر الخيم يجويته واحنه حفاي
رد طفي نار البالخدر بطلنــه مانشرب مـاي
ياعمي كتلنه الشمس سوي النه بالرايه فياي
جاوبني ماقبل عذر لوموت لوتمشي ويـــاي
ماعذرك وهسه تكَوم
لومـوت ويـاك اليــوم
يل ماترد لحد طلب وآنه ادري بيك ابن اجــواد
ــــــــــــــــــــــــــــــــــــــ
مـاتكعد تردني لهلـي جلجل يعبـاس الليـل
فكَدتنـي يمكن عمتــي وادور ابيـن الخيـل
لاشوف عدها ولاسمع لابيها للصايح حيل
ركَدة يعمي منالهضم لوجاسها الريح تميل
النوح ماخله عيون
وفراكَم مو بالهون
والكلفه جــدام الغرب بالحبل زينب تنكَــاد
خادم الحسين ع
#رائد_الناشي
#لسان حال مولاتي زينب تخاطب الامام #العباس ع
#نــــــعي
تكله خويه 😭😭
ياعبــــاس ويـــــــــــن الوعـــد وينه
ابــاب الخيم ناطـــــــــــرتك اسكينه
عـــــــوفه الماي خــــــويه ورد علينه
بعـــــد هــــــــــــيهات ماضنك تجينه
اشـــو ما فـكــــــرت بـيـــه يعبـــاس
وانه اختك غـــــريبه ابين الارجـاس
مـــــــن كـــثر المصايب شيب الراس
وتدري ابهل عـــــده ماعدها نوماس،
مـوانـته الـجبتني امـــــــــدلله ويــاك
وبــزودك گـمــــت وبـــــــــفي روايـاك
تـــــــعودنه يـخويه انـعيش بــــحماك
يـالب الـگـلب مـا احــــمـــل اچــــفاك
سبــــايه انــــروح بـعدك هاي هضمه
ومــســـه المســـــــــــه والليل ظـلمه
لــــيل الـغرب يصعب على الـــحرمه
مـاضلي ولي وبـل شــــــده احـشمه
شـــــو نـايم يـخويه اعـله الـوطـيـه
ويـصيحـــون طـــــلعو الـهاشـمــيـه
ونــــــه الـصوب الـنهر عـيني ربــيـه
احــشـــم بـــــيك والــدمعه جـريــه
العـــــــده يابو الـحميه يـــسـرونـي
ابـــسوط اضـربو متني وشتـموني
اوفتـــــو كـل جـــروحي ولـچـموني
و اذونـي ابـچتلكــــــــم وفـجـعوني
#الابوذيه 👇
انــــــشدعل ولي شــوبطه،،،مايـــه
نــــريده بس يجي ومنريد،،،مايـــه
عسن نــــهرالـفرات انگطع،،،مايــــه
لان مــــات الولي وماشرب مـــــيه
تم بعون الله تعالي
بقلم ام زين العابدين اللام
قصيده للعليلة ع{جروح گلبي}
جثـيره جروح گلبي وتعـبن حاالي
ينزفن مايـــــطيــبن فـارگــن والـي
❥❥❥❥ـــــــــــــ❁❁ـــــــــــــ❥❥❥❥
ينزفن مايطيبن إيست منـــهـن
بهدوء اليل يگتل ياخلگ ونهن
راح الجان لجروحي يضـمدهن
علئ افراكـه ابد ميطيب دلاالي
❥❥❥❥ـــــــــــــ❁❁ـــــــــــــ❥❥❥❥
ماعشت العمر بفراگـه مـرتاحـه
واليفارگ محب شيطيب اجراحه
بدون اهل المحنه ماتضل راحـه
مكدره وموحشه والحزن يبرالي
❥❥❥❥ـــــــــــــ❁❁ـــــــــــــ❥❥❥❥
فارگت الحنين الينبـع محنـه
بفـراگـه اون ونـات مـو ونـه
حنانه الدنيه كلها سولفت عنه
ريـت الموت يلفيني انه اشوالـي
❥❥❥❥ـــــــــــــ❁❁ـــــــــــــ❥❥❥❥
يموت بدنيته الفاكدله محبوب
يون والونه تبقه اعليه جندوب
صعب افــراكهم يگـطع الگلوب
من بعد الاحبه الحــزن يحلالـي
❥❥❥❥ـــــــــــــ❁❁ـــــــــــــ❥❥❥❥
من بـعد الاحــبه كثرت احزاني
اتنـطر خـــــــبر منهم ولا جاني
وحيده بدون والي الابو خلاني
دمعتي بفــركته بعيوني تلالي
❥❥❥❥ـــــــــــــ❁❁ـــــــــــــ❥❥❥❥
#للشاعرة غدير الحساني
من ديوان نحر الرسالة ج1
ميمر / التمسّك بالخدمة الحسينية
بالك تغرّك دنياك. اخذ الدرس وتعلّم
وتمسّك بأهل البيت لا تخسر ولا تندم
...........
ياصاح هاي الدنيا حلوه ومرّه
شما عاشرتها ما توافي العِشِره
ما تنفع اليركض وراها تضره
ليّغرّك المظهر وتنسه العثره
من غفلتك فز ياصاح. كافي انتبه بس تحلم
....................
انت بحياتك ما الك بس دربين
عندك عقل ومخيّر ابين ثنين
درب اللعب وبليس لو درب حسين
اختار واحد منهن وفكّر زين
لو جنّه باجر لو نار بالك تروح مصخّم
.................
اخذ الدرس من واقعة طف ونّظُر
هالحاله مر بيها وتعايشها الحُر
لحسين لو ليزيد نفسه شتأمُر
لحسين قرر من هوى ابليسه يفُر
راح وتبع نهج حسين فاز وربح وتنعّم
..................
ياصاح درب حسين درب الجنّه
الزم طريقه وبالك تزل عنّه
بالدنيه لا تهتم ابد وتئنّه
صفّيها نيتك وطلب شتتمنّه
ما دامك انت ويحسين لا تقلق ولا تهتم
....................
لا والله ما يترك ابد خدامه
رادود ناعي وشاعر ولطّامه
ما ينسه كل خادم يعيش ايّامه
بدفتر خدمته يبصم بابهامه
ندخل الجنّه ويحسين بقصره السماوي نلتم
......................
بالجنّه ننصب مأتم عله الزهره
بوجود ابواليمّه وجميع العتره
ونصعّد الرادود حمزه ويقره
يحله اللطم وحسين يمنه انظره
مأتم وبوجود حسين ما ينوصف هالمأتم
........................
خدمة حبيب الزهره اعظم نعمه
هنيال كلمن يلتزم هالخدمه
وبدفتر الزهره اليسجل اسمه
ما يعمه باجر بالحشر ما يضمه
احنا الخَدَم للزهراء اعظم شرف من نخدم
سيد زيد الفحام
___
#قصائد_لستقبال_شهر_محرم_الحرام_١٤٤٤_هـ
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.c
🏴گرب عآشـور بآجر زينب تصـيح آآآخ😭
عظـمـ آللهہ لگمـ آلآجر ....🏴🏴
ـــــــــــــــــــــــــــــــــــــــــــــ
قصائد محرم الحرام( الليله الاولى )
( فزاعيه)(لهلال شهر محرم الحرام)
هل هلال عاشــور زيـنـب خل نواسيها
................................................................
نــواسيها بدمــوع العين
هاي اخت الكمر وحسين
بفكــد اخــــوانها الاثنين
ودمـــــوع العين نجريها
................................................................
بفگـد حسيــن ومصابــه
تضل دمعـتـنه سجــابــه
نـار الگلـــــب لهـابــــــــه
هـــــاي النار شيـطـفيـهـا
................................................................
بحـرگـــه نبــجي وننحب
ودمعتنـه تضل تسـجـــب
مـوقـف زينـب الاصعـــب
يـــــوم الــــــراح واليــهـا
................................................................
حــرگــوِا والله خـيـمتها
ذبحـــوا والله اخــــوتها
اديـار الــغـــرب طبـتـهـا
وليــــه العـــــده تـوليهـا
................................................................
شافـــت مـصــرع العبـاس
ضلـت تلطم اعلـى الــراس
ماتـنـسـه ابــــو النـومــاس
اخــــوها الـــــي يحـاميـها
................................................................
شـافـت مـصـرع الاكبــــر
وهـــو بــدمـــــه مــعـفــر
صعـب ياناس هــالمنضــر
مــوقــــف عـــلـــي يأذيها
................................................................
شافــت مصـــرع القاسـم
عريس وعـالـتـرب نايـــم
لَفِّگــدِهِ تّوِنِ بنــــي هاشم
عـالصــار وجــــــره بيـهـا
................................................................
الشاعر عماد محمد الدراجي
الثلاثاء 2020/7/28
الحسين صلوات الله عليه ينعى نفسه
حسين انه وبقيت وحيد احشم محد اليفزع
يطعنوني برمح مسنون ومكابل ترا يطلع
ومن تهد عليه الخيل صوت ينادي وانه اسمع
رضو صدره حيل وكون حافر ع الوجه يطبع
الحافر واصل لعيني ** ياهو الي يدنيني
____
ياهو الي يدنيني عن الحافر شويه
اريدن للخيم امشي بس حيلي غدر بيه
ياوادم ترا عطشان بس مارايد اميه
مو للماي انه عطشان شوك لشوفت رقيه
وعلي مشتاك اشمنها ** وعل كليبي احطنها
____
من تفز رقيه تريد ابوها تحظنه وتشمه
الله يعثر الحافر سحكني وطشر اللمه
انه وبنيتي لمتنا الوكت طشرها وبهمه
ابوها موذر تشوفه من تبچي وعلي هظمه
انا وبنيتي والعشره ** تروح بكربله الكشره
_
كاع الطف تفرهدني تاخذ كلشي من عندي
لاضلو عليه اخوان راحو مني هم ولدي
لحكوني اعله عبد الله بصوابه انكطع جبدي
وآااه يمصيبة العباس الخلتلي جرح يدي
وحك الزهره احبنهم ** كون بموتي سابقهم
✍🏻 حسين الطائي
أبيات أبوذية ..
بعين الناس خل أزغـــر ولكبار
إلك يحسين أظل خادم ولكبار
أمشِّي اعليك عبـــد الله ولكبار
حبل ملگاك لتگطعه امن اديه
-—————————————
الخـادم عبد بس لحسين ملاّچ
بزاده العنـده علّه ايطيب ملاچ
اشكبرها بخدمتك لوصير ملاچ
واَداوي بزادك الناس اعله اديه
—————————————-
ابفِطِرتي اشما أثوِّب من الحسين
ولا عنـــدي بثــوابي مِنَّ الحسين
أنا كلشي الملكتـــه من الحسين
بشـــر ماريــد غــيره ايمِـن عليه
—————————————
لزين العابدين "ع
چذب كلمات مَدحي اعليك يازين
يكـاتب بالصحيفـــه ذهَـب يازين
هــنيئـاً للمــــجـالس بيـك يازين
ينكهــة ســـــالفـتنه بكل مســيه
—————————————-
للخدمه
شي بالفرحه ظل سهران شيبات
وقرار العشگ للمعشوگ شيبات
اكبَرِتْ گالوا او لاحَن بيك شيبات
صحت للخدمه دافع خوش دِيَّـه
——————————————
للعباس "ع
اخيــول وزلم من عباس شطين
خوف، وغير هذا الصيت شطين
الجود ايكفِّي ماي اعدال شطين
لأن ابَّـطنــه ذب ســر الزچــــيه
__
وگف عل مــاي لاكن صاحب الماي
غيور، او نَفَس ماظل صاحب الماي
بكثر مايسگي سمّوهْ صاحب الماي
ولَهسه بجوده ظـل مـــاي لــ أخيه
——————————————
سل سيفه اِبـرِگاب اعــداه بشاط
وراسه امن الغضب بركان بشاط
بقصد شـــمَّرهم العباس بشاط
حتى يفيض يوصــــــل يم رقـيه
—————————————-
للحشد المقدس
وره كلمن يضـد نهجـــك حَشَد بي
وحبِـل الخدمـه مـاهـدَّه حشد بي
الوطن لـوما صدگ نـازل حشد بي
وعلـي نقرأ الســــــلام اعله الهويه
—————————————-
موال للعباس"ع
عباس حب السبط واهل السبط بي سره
كض رسن مهره بعزم صوب النهر بي سره
والماي جابه وإجه وشجم گلب بي سره
ومن شافته أم الخدر صاحت هلا بكافلي
صح آنه ميته عطش بس شوفتك كافلي
مطبوعه ظلت طبع بيدك حرز كف إلي
يابو الوفه وهالحرز حيدر دفن بي سره
—————————————-
✍️مرتجى الحساني
يا عذابي وهذي ساعاتي الاخيره
وآنه وحدي لا عمام ولا عشيره
من اغمض عيوني
عالجسر تلگوني
ودعوني ... ودعوني
...
گالو اصحاب المثل وآنه اسمعتهم
يا غريب اذكر هلك واتذكرتهم
چم سنه مرت عليه ما شفتهم
ودعت كل الفرح من ودعتهم
15 عام بسجن مرت عليه
15 عام السلاسل فوگ اديه
الغربه خطفت لوني
عالجسر تلگوني
ودعوني ... ودعوني
...
بغربتي وروحي ترف مثل الحمامه
اعليه ظل يبچي السجن هو وظلامه
واليفارگ اهله يا ليل الينامه
اشكبر بخته المات بين اهله وعمامه
ماكو واحد من هلي يسأل عليه
ما اجتني لا رساله ولا وصيه
جمره بين جفوني
عالجسر تلگوني
ودعوني ... ودعوني
...
دنيه ظلمه وما شفت بسماي نجمه
يا خلگ سجّاني ماكو بگلبه رحمه
شفت شباچ وهَوه احتاجيت اشمه
عالوجه بيده لطمني اشلون لطمه
من سطرني اتذكرت سطرة الزهره
عيني مثل امي بقت يا ناس حمره
والاثر بعيوني
عالجسر تلگوني
ودعوني ... ودعوني
...
يا صبر ينفعني واهلي مفارگيني
عيني عالباب شوكت طارش يجيني
چم سنه مرت وما شايف بنيني
والله لوليدي الرضا هايج حنيني
احچي وي روحي وجمر تنزل دمعتي
يمته اشوفن فاطمه المعصومه بنتي
يا من اتانوني
عالجسر تلگوني
ودعوني ... ودعوني
...
اسنين عمري اشموع ماتن شمعه شمعه
متاني ناعي الموت يمته بروحي ينعه
وينه سمهم خل يجي لچبدي يگطعه
انطيت موعد عالجسر وبيوم جمعه
يا عمر هذا الگضيته ودمعي هامل
برگبتي وبإيدي وبجدمي السلاسل
وسوط فوگ متوني
عالجسر تلگوني
ودعوني ... ودعوني
...
صار يوم الجمعه وانتو بأنتظاري
والتقينه وانتهت قصة مراري
هاي جمعه وجمعه تخمد بيها ناري
يظهر المهدي ويصير بسيفه ثاري
منين يبدي صاحب الطلعه البهيه
شچم ضلع وشچم نحر وشچم سبيه
لنصرته تشوفوني
عالجسر تلگوني
ودعوني ... ودعوني
...
خادم الحسين (عليه السلام)
#كرار #حسين #الكربلائي
( ابو كُمَيْل)
تراثي//
اه يحسين ياخويه
شسولفلك يخويه وريحت الخوه
دوهني الوكت يحسين ياسلوه
من بلوه اكوم اوعثر ابلوه
وتعبني الطريج اوحيل تعبانه
تعبني السبي وشيحمله ممشانه
مرات إنه أحاجي الروح موش إنه
موخوش الضعن موخوش ممشانه
من سوگ اولسوگ انطب بلولايه
اه يحسين ياخويه
༺༺༻༻༺༺༻༻
ياخويه اوطريج الشام تعبنه
بلف يحسين گوه اليوم اعبرنه
موزين الحچي موزين اسمعنه
كلهه أصيح زينب هاي شوفوها
كلهه اصيح زينب هاي طلعوهه
فروها اعله سوگ الشام فروهه
ابدرب البيه شماته اهناك وگفوها
وكل الشام صيح هاي مسبيه
اه يحسين ياخويه
༺༺༻༻༺༺༻༻
خلوه ابطريح الماتريده ام عون
وكلهم گابلوني اوگامو ايضحكون
هاي ابلاعشيره اسمعهم ايگولون
ترضاها يخويه تحسين ترضاهه
حادينه وگف ويحشم الوادم
تعالو اتفرجو أعله امخدرة هاشم
جبناها وخوها احسين ضل نايم
هاي الخارجيه اومحد اوياهه
اه يحسين ياخويه
༺༺༻༻༺༺༻༻
شسولفلك بعد عن طبت الديوان
ديوان الخوارج موش للنسوان
كلهم موش اهلنه موبني عدنان
احشمن لونهم عالو اعليه
الوذ من النضر عن لايشوفوني
اوذيچ اخت البلايه اچفان صاحوني
من دون النسه يحسين شتموني
عگب ذاك الخدر بس اصفج أيديه
༺༺༻༻༺༺༻༻
اجيتك والهوم امثگله اچتافي
صار اهواي جفن اختك ولاغافي
متعافي اليسر وياي متعافى
اجيتك بلسياط امورمه امتوني
اجيت من السياط امتون ماعدي
وتدري السوط مايرهم للبگدي
ومن گد البواچي حفرت خدي
گوه احچيهه بس ياخويه چتفوني
اه يحسين ياخويه
༺༺༻༻༺༺༻༻
الميرزا_حسام_الناشي
یا من بلبواچی اترید توفی احسین واعیاله
ابچی المسلم المظلوم وابچی المحنة اطفال
مصيبتهم تشيب الراس
طرواها أو يهد الحيل
لمن طاح ابواليمه
أو هجمت على اخيمه الخيل
فرت خايفه النسوان
وانشبها الوجل والويل
هامت من مباني احسين
لعد مسلم اولاد اثنين
ما تدري الوجه لاوين
عليها الطير من يخطف
تتريب أمن اخياله
لو صار الظلام اتسیر
گامت والصبح تچمن
مریبه اوخایفه امن الناس
ومن الخوف ما تمن
لمن طبت الکوفه
وصلت للامان اتظن
ماتدری النغل ازیاد
حط الها شرک صیاد
ولاها او فعل کل ماراد
خلاها ابسجن مظلم
او عین اعلیها خلاله
گامت تعبد الباری
ابذاک السجن لیل انهار
علیها اشیمر ماتدری
اولاتدری بهلها اشصار
حتی امن السجن ملت
راحت والدموع اعبار
گامت تنشد السجان
تعرف داحی البیبان
بیته راقب الرحمن
وهوه المرتضی جدنه
واحنه المسلم اشباله
لمن سمع طرواهم
گام اعلی الوجه یلطم
گاللهم یغاتی اشلون
عذری ایصیر من مسلم
صبرتوا یا یتامه اشلون
مده والسجن مظلم
یغاتی منی اشتردون
افک الباب وتطلعون
اریدنکم علی ترضون
گالوله جزاک الله
الفعلک بحسن افعاله
من باب السجن طلعوا
لاچن گاموا ایرکضون
لاوین الوجه ینطوه
محتارین مایدرون
لیل انهار بلبیده
الیتامه گامو ایسچون
لمن وصلوا البستان
واحدهم گعد نحلان
لاچن شکروا الرحمن
من خلصوا امن الشده
او حمدوه اعلی کل حاله
واحد شبگ علثانی
او صارت تیه نومتهم
جت الجاریه للمای
وبهالحال شافتهم
راحت لعد عمتها
او لیها حچت غصتهم
تعنت لیهم العمه
اهی والجاریه ابهمه
اعلی واحد نصبت اتشمه
فک عینه او عاینها
ومنها ارتهب دلاله
گالتله یبعد الروح
گلی انتوا یغاتی امنین
گاللها یتامه احنه
لعد مسلم اوخالی احسین
اخبرها ابمصیبتهم
او گامت تلطم الخدین
گالتله او دمعها ایهل
بعد لا تظل متوجل
گوم اویای للمنزل
وخذتهم لعند الدار
والجدهم تفداله
طبوا لعد منزلها
او علحره مسوا خطار
وگفوا گاموا ایصلون
وتهل الدموع اعبار
ساعه او لنهم یسمعون
واحد یدگ باب الدار
خافوا واربوا منه
من طب زوجها لنه
لمن یمهم اتدنه
یسمعونه یگل الها
اتعبت واتعبت الخیاله
ایگلها امن السجن فروا
لعد مسلم اثنین اولاد
او گام ایفزع الکوفه
او علیها ایحشم ابن ازیاد
دورنا النزل کله
اوکل ذاکه التعب مافاد
گالتله او تدورهم
اولاراقبت من جدهم
یخایب بیش تطلبهم
شنهو عذرک امن الله
ومن المصطفی او اله
گاللها اظن عندچ
واسمعلچ وسافه اوحیف
ابدارک ضیف گالتله
او هم واحد یخون الضیف
نهض لاچن نهض مغضب
والمیشوم بیده السیف
طب لیهم او هیه اتشوف
سطرهم واهم عنده اضیوف
گالوله ایگلب ملهوف
اضیوفک لیش تضرینه
یظالم گلبک اشماله
چتفهم اچتاف الموت
لاچن الصبح من صار
اخذهم للذبح بیده
او طلعوا من هذیچ الدار
ناده ابنه او تعناله
اوبیده سلم البتار
گله روح واذبحهم
ولا ترحم زغر سنهم
من راح او عرف جدهم
ذب السیف من ایده
اومنه العین هماله
انطه للعبد سیفه
او لیهم من وصل عبده
لمن شافهم یبچون
ذب السیف من یده
تعناهم اهو النوبه
سطر واحد علی خده
تدناله او لزم جیده
اوحط سیفه علی اوریده
اجه الثانی او لزم ایده
ایگله خل اخوی ایگوم
وانه اذبحنی ابداله
یگله اترید تذبحنه
یظالم شلک اعلینه
اخذنه اوبیعنه بلسوگ
واربح بلثمن بینه
لو حیین اخذنه اویاک
لبن ازیاد ودینه
ایگلهم هلحچی شیفید
گالوله نصلی انرید
وگعوا لاویین الجید
اشحاله الیوگف ایصلی
وایعاین الچتاله
اخذ واحد گطع راسه
او ذب جثته اعلی جاریها
تمت واگفه اعلی المای
واخیه ایعاین اعلیها
لحگها ابجثت الثانی
والاولیه اعتنت لیها
لاچن حین وصلتها
وهی اعلی المای شبگتها
او بیه غطت ابساعتها
یاریت الفرات ایغور
مایه او ینشف ازلاله
تتتتتتممممممتتت
کلمات المرحوم السید عبدالحسین الشرع
اداء الرادود الحسيني
ابوجليل الدردوشي
يا بويه يذبح جـــــــــرح الفراك
كل ساعة أحن والحضنك أشتاك
لا خبر لا مرسال منك
ناسي حميده بويه جنك
يا بو يه يذبح جرح الفراك
........................................
يا بويه تذبح فركتك نار الهجـــــــــر تاذيني
كل ما أحن الشوفتك دمـــــــع الجفن يجويني
من حملت عني ورحت مشبوحه ضلت عيني
بعدك فـــــلا يسوه العمر والمن أعيش أسنيني
كل ساعة أركض وافتح الباب
هلبت يمر طارش خبـــر جاب
محتاره أسأل ياهو عنك
ناســي حميده بويه جنك
يا بويه يذبح جرح الفراك
.....................................................
يرسم خيالي صورتك كلما أحــــــــــــن واتأمل
واركض على حسين أوأضل ياخذني ألك أتوسل
يا بويه مو بس الدمــــــــع نبض الكلب هم وشل
ميت عدل ودي خبر لــــــــو طيف هم بويه أقبل
بويه وغــــــلاتك ما نمت ليل
صبح ومسى دم مدمعي ايسيل
متعلًمه أغفى أعلى حضنك
ناســـــــي حميده بويه جنك
يا بويه يذبح جرح الفراك
.......................................
لحضات والصبح أنكسر وأشهك كمت بانفاسي
من شفت الحسين أعتنه وضل بيده يمسح راسي
يا عمي كتله أمروتك لا لا تجـــــــرًح أحساسي
ماني يتيمه او عاييشه مابين أهلــــــــــي وناسي
نزلت دمعته وكلـي ميعود
يبنيتي أبوج أو آنه موجود
ميت واتانــي عود لنك
ناسي حميده بويه جنك
يا بويه يذبح جرح الفراك
.....................................................
مكسوره ضليت وكمت من أمشـي بويه أتعثر
كل طفلة تركض عالأبو والحضنك أنه أتحسر
عايفنـــــــــي مكسورة جنح ونبع الحنان اتفطر
ترجعلي أدعي كل فجر أمن يجيـــب المضطر
لو تدري بيه شصار ما صار
طفلة وأجانـــي الموت خطار
من وني أسمع صدى ونك
ناســـــي حميده بويه جنك
يا بويه يذبح جرح الفراك
.....................................................
تانيني بويه أبنيتك تحسب بقت ليالــــــــي
موتي كرب وانه أنتضر بيك التقــي يغالي
من الحزن كلبي أنمرد بويه أشتكيلك حالي
هايه حميده ومن رحت هذا اللذي جرالـــي
هم وقهر وكليبي مجروح
ليليه أون بمسامر النـــوح
أمسح ادموعي بطرف ردنك
ناســـــــــي حميده بويه جنك
يابويه يذبح جرح الفراك
...............................................
خادم خدمة الحسين
الشاعر
محمد الموالي
يا بويه يذبح جـــــــــرح الفراك
كل ساعة أحن والحضنك أشتاك
لا خبر لا مرسال منك
ناسي حميده بويه جنك
يا بو يه يذبح جرح الفراك
........................................
يا بويه تذبح فركتك نار الهجـــــــــر تاذيني
كل ما أحن الشوفتك دمـــــــع الجفن يجويني
من حملت عني ورحت مشبوحه ضلت عيني
بعدك فـــــلا يسوه العمر والمن أعيش أسنيني
كل ساعة أركض وافتح الباب
هلبت يمر طارش خبـــر جاب
محتاره أسأل ياهو عنك
ناســي حميده بويه جنك
يا بويه يذبح جرح الفراك
.....................................................
يرسم خيالي صورتك كلما أحــــــــــــن واتأمل
واركض على حسين أوأضل ياخذني ألك أتوسل
يا بويه مو بس الدمــــــــع نبض الكلب هم وشل
ميت عدل ودي خبر لــــــــو طيف هم بويه أقبل
بويه وغــــــلاتك ما نمت ليل
صبح ومسى دم مدمعي ايسيل
متعلًمه أغفى أعلى حضنك
ناســـــــي حميده بويه جنك
يا بويه يذبح جرح الفراك
.......................................
لحضات والصبح أنكسر وأشهك كمت بانفاسي
من شفت الحسين أعتنه وضل بيده يمسح راسي
يا عمي كتله أمروتك لا لا تجـــــــرًح أحساسي
ماني يتيمه او عاييشه مابين أهلــــــــــي وناسي
نزلت دمعته وكلـي ميعود
يبنيتي أبوج أو آنه موجود
ميت واتانــي عود لنك
ناسي حميده بويه جنك
يا بويه يذبح جرح الفراك
.....................................................
مكسوره ضليت وكمت من أمشـي بويه أتعثر
كل طفلة تركض عالأبو والحضنك أنه أتحسر
عايفنـــــــــي مكسورة جنح ونبع الحنان اتفطر
ترجعلي أدعي كل فجر أمن يجيـــب المضطر
لو تدري بيه شصار ما صار
طفلة وأجانـــي الموت خطار
من وني أسمع صدى ونك
ناســـــي حميده بويه جنك
يا بويه يذبح جرح الفراك
.....................................................
تانيني بويه أبنيتك تحسب بقت ليالــــــــي
موتي كرب وانه أنتضر بيك التقــي يغالي
من الحزن كلبي أنمرد بويه أشتكيلك حالي
هايه حميده ومن رحت هذا اللذي جرالـــي
هم وقهر وكليبي مجروح
ليليه أون بمسامر النـــوح
أمسح ادموعي بطرف ردنك
ناســـــــــي حميده بويه جنك
يابويه يذبح جرح الفراك
...............................................
خادم خدمة الحسين
الشاعر
محمد الموالي
ليش ما خذتوني ياهلي وعفتوني
تعبني الغياب وعيوني عالباب
*
ما تنام عيونه كلمن فارك اعزاز الگلب
وعنه لو طول سفرهم تظل عينه عله الدرب
وانه راحو عني كلهم ودمعي بجفاهم يصب
اختنك كل مغربيه خنگت العاش بغرب
افراكهم هد حيلي وما انامن ليلي
اتنطر اجواب وعيوني عالباب
***
الباب يندك وآنه اركض ركضت الفاگد اخو
المثلي هسه ابين اهلها وانه لا ام لا ابو
راح ابوي وفارگاني وحيل فرگاه مو حلو
وحيل مشتاگه الحنانه حسين اليعوضه منو
هجره عذب حالي وشيعوضه الغالي
مليت العتاب وعيوني عالباب
****
ارد اكلكم مر هجركم لا تطولون الغياب
تعبن عيوني بجفاكم وگلبي من الفرگه ذاب
عليه يابويه اليالي تمر مثل مر السحاب
وگمت اصيحن ارجع ارجع مارجع منك جواب
طوليت اغيابك وروحي ورده ابابك
ذبلها المصاب وعيوني عالباب
****
جيتك اركض ياحبيبي وركضت احلامي وراي
بالسره كلهن صحتهن وانه منتظره سراي
هسه اكول ايصيح بسمي وگمت اشم گوه هواي
ليش بويه ماصحتني وليش ماگتلي تعاي
ما گلتلي اتروحي وآنه طلعت روحي
بدلالي الصواب وعيوني عالباب
***
يا عزيز الروح ريض وارحم بگلبي الحزين
آنه ادري شگد تحبني وگلبك ادري شگد حنين
بويه وياكم اخذني عليك امشي ام البنين
وي رقيه خل اروحن گالت ويانه تجين
خل اروح وياها اختي مر فرگاها
جا شنهي الاسباب وعيوني عالباب
***
أبغيابك ضاع عمري وعشت بين الذكريات
كاعده وايدي عله خدي وتلعب اگبالي البنات
ويانه صاحن گومي العبي وضاگت بعيني الحياة
تذكرت بويه خواتي وآه يا فگد الخوات
هدني حيل اجفاهن ما خذتني وياهن
فارگت الاحباب وعيوني عالباب
***
تمت
ميثم العمري
ابوذيه
يــخــويـــه اشــمــصــعــب ايــامــي.. يمرهن
وخــيــمــكــم يــســعـــر بـگـــلـبـــي.. يمرهن
الـحـرم يـحــســيــن لـــو شـــامـــت.. يمرهن
ســبـــيـــه اتـــلـــوذ يـبـن امـــي ابــســبــيــه
*---------------*---------------*
✍خادم الحسين ع
الشاعر رعد الجريخي
ليش من عدنه الشمربويه خذاك
عمتي وآنه أثنينه نركض وراك
فك عينك عليه أنه بنتك رقيه
بويه يحسين
.........................................
من حرك الخيـم أروي روايتنه
بين الخيل جانت بويه ركضتنه
سويه أنطيـح مره ومره كومتنه
آه يحسين صحنـه وكلها سمعتنه
ومن صحنه أبتلينه أجت كلها علينه
والشمر كللنه راس حسيـن ذاك
عمتي وآنه أثنينه نركض وراك
يا ويلي شرزيه أنه بنتك رقيه
بويه يحسين
....................................................
من شفنه الخيول الداست أبصدرك
طحنـــه وعالرمل شمينه دم نحرك
شما ردنه نجيك ونوصل أنحضرك
ذباحك يجـــــــي برمحه يدج ثغرك
صبغ دمك لحيتك وغفل عنهم أجيتك
وعلى صدرك طحت أشتم هواك
عمتــي وآنه أثنينه نركض وراك
تمنيت المنيه أنه بنتك رقيه
بويه يحسين
...............................................
من شال الشمر راسك أخــــذ حيفه
أكبال أجفوف أبوفاضل مشى بكيفه
زينب شافته وكلتله لـــــــــــو طيفه
عدل ما جــــان تكدر توصل السيفه
كلها أجفوف أدينه هذني وهوه وينه
وراس حسين هــذا وراسه ذاك
عمتي وآنه أثنينه نركض وراك
جتفوهن أديه أنه بنتك رقيه
بويه يحسين
..................................................
مشينه وروسوكـم ويانه مشوها
وكل وحـــده تصد الراس أبوها
زينب عمتـــــــي بحبال جتفوها
وكل ما تلتفت بالسوط ضربوها
حيره والله حيره يا شيخ العشيره
ألشمر كل ساعه هز حامل لواك
عمتـي وآنه أثنينه نركض وراك
يا حامي الحميه أنه بنتك رقيه
بويه يحسين
..........................................
وصلنه السوك بويه وهاي هضمتنه
بحجار ومسبه النـــــــــــاس رامتنه
أباب الساعه طاحت ويلــــــي عمتنه
من صابوا جبينك وأحنـــــــه شافتنه
طحنه آيه آيه وعكدناها العبايه
وسمعنه أطبولـــــهم لمن رماك
عمتي وآنه أثنينه نركض وراك
مابيهم رجيه أنه بنتك رقيه
بويه يحسين
...........................................
طبينه القصر ثكــله بضهر ثكله
وعن زينب يزيد العسكره أيسأله
كلهم وينه راس حسين خل أهله
تشوفه بالطشت مذبوح كل طفله
بطشت جابوك ويلي وآنه أنهدم حيــــــلي
وأحس أخـــــر نفس بيه أعتناك
عمتي وآنه أثنينه نركض وراك
من جابوك أليه أنه بنتك رقيه
بويه يحسين
.....................................................
خادم حدمة الحسين
الشاعر
محمد الموالي
أدور اعليك يبن امي
ولا واحد يدليني
عاد انته ابضعيف الصوت ... يا مظلوم حاجيني
--------------------------
جيتك من كَلب مكسور...آنه اختك المهظومه
جيت بروح لهفانه....ادور اعليك بالحومه
جيتك خويه حاجيني... عليك امك المظلومه
وين بيا كتر مطروح؟
جسمك هم بعد بي روح؟
يبن امي صدكَـ مذبوح؟
وين الينغر لحالي ... ويم جسمك يوديني
--------------------------
صدكَـ نايم على التربان؟ .. خويه وعالوجه مكَلوب؟
صدكَـ سحكَت عليك الخيل؟ .. بالميدان من كل صوب؟
صدكَـ خويه نزف دمك؟ .. وكَلبك بالسهم مصيوب؟
ولمّن يا صبي العين
طلعت السّهم يحسين
من كَلبك طلع ثلثين
وهذا السّهم هوَّ الحال ... ما بينك وما بيني
-------------------------
حر او عطش وبجسمك... الف وتسمعمية اصواب
فوكَـ اجروحك ودمك..... كَلبك بالسهم ينصاب
بعد شلون تتمكن........... تنهضلي او ترد اجواب
وادري يا ضوه عيناي
لو ما هالمصايب هاي
متقصر يخوي وياي
وحاشاك بمثل هاليوم .... محتاره تخليني
----------------------------
حالك هذا وانت النوب.. خويه اسمع بعد حالي
بأيتام او حرم كَلبي..... اتمحن وانشده بالي
وين انطي الوجه وآنه... اخوتي امذبحه اكَبالي
وكلسا طفل من عندي
يروح وينفطر جبدي
وآنه ابكربلا لوحدي
صواويني خذتهه النار... والعيله وصواويني
---------------------------
هجمت فرد هجمه الخيل... خويه او شبّت النيران
او هامت عيلتك كلهه... امن النيران للميدان
لاجن يا ضوه اعيوني... ضلّت بالخيم رضعان
وآنه اتمحنت بيهه
اشلون النار اطب ليهه
واخلصهه يواليهه
رضعانك ابوسط النار... وآنه العده امسلبيني
---------------------------
خويه امحيره ضليت... واتلفت يمين ايسار
اعوف الخيم رضعانك.. تتحركَـ ازغار اكبار
اطب للنار اخلصهه.. اخاف آنه احتركَـ بالنار
والايتام ملتمه
هاي اتصيح يا عمه
وين حسين ابو اليمه
وهاي تصيح يا زينب .... حر العطش ماذيني
----------------------------
رضعان ابوسط نيران .... وايتام ابحوافر خيل
ماتت بالسحكَـ وعيال... هامت والدموع اتسيل
وآنه وحيده مظلومه... وبيه بعد ما ضل حيل
وعباس الاجيت وياه
هسا من كَمت انخاه
اضن كَلّي يزينب آه
عليج اشبيدي يعيوني... يزينب وين جفيني؟
----------------------------
خذاك الدهر من عندي... يخويه وكَطعت بيه
مصايب كربله يحسين.. مدري امنين اجت ليه؟
من الخدر والصيوان.. تاليهه البني امـــــــــــــــيه
هجّي الدهر خلاني
ظيم وهظم راواني
صرت من عكَب ولياني
ارد السوط بيساري.... واستر وجهي بيميني
----------------------------
ها شتكَول يبن امي.... ردلي ابصوتك جوابي
تقبل بعد اشكيلك... هظمي او جمرة امصابي؟
انته بالسهم مصيوب... وآنه افراكَك اصوابي
انته جروحك بجسمك
وآنه امجرحه ابهظمك
يخويه خل اجي يمك
اداوي جسمك بروحي.... وبشوفتك داويني
------------------------------
يخويه ان جان ماعندك... همّه اتكَوم لعيالك
لا تهتم يماي العين........ آنه اخلافك ابدالك
احامي عيلتك آنه........ يخويه واحرس اطفالك
لجن يحسين اخاف اعليك
ضامي ومحد ايرويك
خل اعتني واكَصد ليك
أقدم الك ماي العين ... واشرب يا بعد عيني
*
الشاعر هادي القصاب
الناشر الخادم والرادود ابو كرار العكيلي
نعي عن مولاتنا زينب ع
&&&&&&&&&&&&
يمه الحسن يمه تعالي
وشوف الدمع بعيني يلالي
انكسر سورنه يالجان عالي
〰️〰️〰️〰️
تسحك على وليدج الخيل
والدمه من نحره يسل
والشمر كل ساعه ويعيل
بطيحة اخوتي حملي يميل
اوووووي تسعر نار كلبي
〰️〰️〰️〰️〰️
تعاي انه وياج نبجي
وعد راس الول نكعد ونشجي
نخبر الحينين وكلشي نححي
〰️〰️〰️〰️
تكله يمه يايمه يايمه
شفت الشمر يذبح بالحسين
حشمت عباس الحنين
اسمع يزهره بس الونين
اوووووي ما لحكو عليه يمه
〰️〰️〰️〰️〰️
بعد الذبح سلب اهدومه
وتغيرت كلها رسومه
هذا الولي يالغالي سومه
〰️〰️〰️〰️〰️
الراس يمه عذباني
شاله ييمه ودوهناني
من صد ت عيوني عماني
〰️〰️〰️〰️〰️
ليش الاهل خلوني وحدي
والعدو بالنسوان يحدي
روحي كضت وهذا حدي
احووووي زهره يايمه
〰️〰️〰️〰️〰️
الشمر واكف زامطني
حشمت الكفيل ولا اجاني
نام الزمط واني نساني
احوووووي تسعر نار كلبي
〰️〰️〰️〰️〰️
من بعد الذبح شو رد عليه
يخوف بالحرم واشكف بديه
وحشمت محد كعد ليه
اوووووي يانار المشو
〰️〰️〰️〰️
حط روسهم بعالي الارماح
والحرم بس ضلت للنياح
راح الخد ر ويه اهلي راح
〰️〰️〰️〰️✍🏻✍🏻✍🏻
بقلمي الفقير خادمه البتول المله ولشاعره ام نادين المحمداويه.....ملكه الحسجه الج
العليله (ع)
بويه يل طوح ضعنكم وين تردون
انه اخافن من سفركم ما ترجعون
====
ياهي مثلي بل ضعن ما صعدوه
بويه البنيه ذليله خلاف ابوه
راحو عزاز الكلب عنه ونسوه
من بعدكم بويه صدكو تعمه العيون
====
الحسين يكله ع
بويه دلالي نكسر من عاتبيتي
انتي شمعه ونورج يشع وصط بيتي
اشلون اتعبج بويه ما تقبل حميتي
وسكنه وي عبد الله الج راحو يحنون
======
بويه تدري فراكم ما بيه حيله
وانه ادري بسفرتك هاذي طويله
ارحم بحالي تره بنيتك عليله
كاعده بدربك وعاتب بس بل ضعون
====
الحسين يكله ع
بويه ما حمل عتابج يل حنينه
وبكلامج هذا كلبي تكطعينه
شوفي عبد الله بجه وعليج عينه
انتضري عمتج والسبايه من يردون
====
تدري شيب راس بنتك من العتاب
ينكسر صدك ضهره تفكد احباب
النوم ما مر على عيني ولازمه الباب
بويه حاجي البل ضعن بلكت يريضون
====
بويه اسكتي وهاي وناتج ثجيله
هذا أمر الله ونزل بويه شبدينه
ما ريدن عينج تصد حملينه
وحته اخوتج بل ضعن كامو يلومون
=====
ربي رايد طلبه ويصد اللسمه
تصبر بنيتي العليله فاطمه
خلافنه وحشه المنازل مضلمه
وانته تعلم ربي بكلوب اليحنون
======
الشاعر سعيد العكيلي
محتاره ودمعاتي بعيني .. باجر رايح وتخليني
باخر نضره تهل عيونك .. ماعيش اللحضات بدونك
****
عكب الابو بداري اشيضل يالماخذ الحنيه
لا ليلي يدري ولا صبح بس انت تدري شبيه
كل لحضه من عمري بسنه تمر بوداعك ليه
من زغري والشيب ابتده براسي اشتكول عليه
مو مالت غربه انه زغيره ..يابويه وضليت بحيره
بيه الحسره تهد امتونك .. ما عيش اللحضات بدونك
**
انه الاشمنك هوه وانت بغلاتك تدري
جا شلي بالدنيه بعد وشلي بحياتي وعمري
عالباب اتانيكم ترد وبس المدامع تجري
بطلعت ضعنكم للغرب يابويه خلص صبري
حيل تغير عكبك لوني .. وعكبك شلي بشوف عيوني
تارس عيني بهيبة لونك .. ماعيش اللحضات بدونك
*
يا اول احجاية هلا بويه بحنانك ضمني
طشرني بجفوفك ورد وارجع الصدرك لمني
تلجمني جلمة ما ارد وادري انت ماتلجمني
خليني اغفه على المتن يالعصبر علمني
اغفه بحضنك هاي الليله .. ياهوه العكبك راح اشكيله
تشح عليه البويه شلونك .. ماعيش اللحضات بدونك
***
شفت الدمع عالخد جره ماينشف وشيباتك
مفاركني ياخيمة ستر يا في عله بنياتك
ادري الوجع بيك اشكثر ماينعد ولجماتك
سولفلي بالعاشر شكو وتاخذهن بصفناتك
كل صفنه تواسيها بدمعه .. وناتك كل كلبي اتشاعه
بذيج المحنه الله بعونك .. ماعيش اللحضات بدونك
***
اول يتيمه انه صرت كد مامسحت براسي
منها وعرفتك ماترد ياهو اليخيب احساسي
ومن ودعتني واطلعت بالكوه اجر انفاسي
ياكلبي اكلله استعد لموادع اهلي ناسي
باجر كل شوغه بدلالي .. الله اليعلم شنهو بحالي
ابرد كلبي وماينسونك .. ماعيش اللحضات بدونك
*
حال اليفارك كل هله بالحسره يخلص ليله
من جفنه يجفيها الصور دمع العيون ايسيله
ويله اليضل بغربته عكب الاهل ياويله
لاعينه تغفه من الالم لايمه ابوه يشكيله
يكضي اليل بلوعه وشهكه .. ويضل بحسرة كل شبكه
ماخذني ريت وي اضعونك .. ماعيش اللحضات بدونك
**
تمت
احمد الخفاجي
#محرم
وصيه الحسن ع
هاك الوصيه قرأها.. وأنت تعرف معناه
بخط الحسن مكتوبه ..وشالت عطر من ثوبه
وأنت تعرف معناها
.......
جسام أعز من الهوه..... يبني الهوه تمنيتك
من تضحك اشفافك نده. ..ايهب النسيم بيتك
طولك نهر يجري عذب...ارتوي لوحاجيتك
وجهك مثل نور الشمس...وابن الشمس سميتك
مثل الشمس تظويلي......وتسفر نهاري وليلي
والكمره يا محلاها...وأنت تعرف معناها
.............
يوميه اشبرنك شبر ....وتكبر وياك أحلامي
يل بيك أشم عطر الحسن ..ساعه التمر كدامي
اسهر ييمه لراحتك.....ومازعجك بهيامي
وتفز يسباح الكلب ...وتكلي يمه نامي
هل جلمه تدري شبيها ....نار الكلب تطفيها
وأكل لحظه يبني اهواها. ..وأنت تعرف معناها
...............
حلمي كبر وأنت اكبرت..... ياظنوتي ومحبوبي
لاجن يبعد أمك تره .......هل كبر مو من صوبي
هاك أقره جسام الخبر.....وأنت تعرف مكتوبي
ثامن محرم تنجتل ......وأسود أبدل ثوبي
ذاكرها يوليدي الحسن...... أمك تتدوهنا المحن
ومحيره بلواها. ....وأنت تعرف معناها
..............
وصاني أبوك لكربله....... اه شكثر وصاني
يارمله يحجيها بحزن ...... وبيدي الوصيه انطاني
سولفلي لو صار الفزع ...... وابن امي ظل وحداني
جسام أريد بكربله............ عباس كون الثاني
مثل الكمر بالحومه. ...........هيج أنه أريد علومه
بوليدي أريد اتباها. .........وأنت اعرف معناها
.............
باجر يضل ابوحده.....حسين ياهو ينصره
جسام أريد بصارمه .........جيش الاميه يكسره
يأخذ عزم من الكمر ......... ويشد علك للزهره
وحنه العرس يم الولد......... من فيض دمه و نحره
هذي وصيت والدك ........ يبني كتبها بمولدك
بفيض الدمع خطاها. ......... وأنت تعرف معناها
................#ابوزهراء #الظالم
العليله (ع)
بويه يل طوح ضعنكم وين تردون
انه اخافن من سفركم ما ترجعون
====
ياهي مثلي بل ضعن ما صعدوه
بويه البنيه ذليله خلاف ابوه
راحو عزاز الكلب عنه ونسوه
من بعدكم بويه صدكو تعمه العيون
====
الحسين يكله ع
بويه دلالي نكسر من عاتبيتي
انتي شمعه ونورج يشع وصط بيتي
اشلون اتعبج بويه ما تقبل حميتي
وسكنه وي عبد الله الج راحو يحنون
======
بويه تدري فراكم ما بيه حيله
وانه ادري بسفرتك هاذي طويله
ارحم بحالي تره بنيتك عليله
كاعده بدربك وعاتب بس بل ضعون
====
الحسين يكله ع
بويه ما حمل عتابج يل حنينه
وبكلامج هذا كلبي تكطعينه
شوفي عبد الله بجه وعليج عينه
انتضري عمتج والسبايه من يردون
====
تدري شيب راس بنتك من العتاب
ينكسر صدك ضهره تفكد احباب
النوم ما مر على عيني ولازمه الباب
بويه حاجي البل ضعن بلكت يريضون
====
بويه اسكتي وهاي وناتج ثجيله
هذا أمر الله ونزل بويه شبدينه
ما ريدن عينج تصد حملينه
وحته اخوتج بل ضعن كامو يلومون
=====
ربي رايد طلبه ويصد اللسمه
تصبر بنيتي العليله فاطمه
خلافنه وحشه المنازل مضلمه
وانته تعلم ربي بكلوب اليحنون
======
الشاعر سعيد العكيلي
2022/2/7/
يوم الاثنين
نعي السيدة معصومة لأستشهاد الامام موسى ابن جعفر عليه السلام
-------------------------------------------
ما صار وكت املاگه الحنان ؟
يا بويه گلبي اشتعل نيران
من السجن والگيد تعبان
ما كسر گلبك ها يسجان
معصومه بويه تريدك انته
جاوبني لا ما اريد سكته
بالطيف واحچي وياك واحتار
يا ضيم كل هاذ الحملته
جسمك نحيل وحيل متعوب
والبوب ماكو بسجنك البوب
من تسجد يتيهون بالراي
موسى ابن جعفر هذا لو ثوب
متانيتك انه وعيني علباب
ها يلحنين وطال الغياب
تمنيت بويه يلفني التراب
بس طال حيل العمر بيه
شنهي البنيه ابدون ابوهه
لو كل اهلهه يدللوهه
تبقه تدوره بكل الوجوه
وتسأل عليه شيجاوبوهه ؟
راح الابو شيرده كلفه
فوگ الجسر مطروح وسفه
بويه البنيه شلون تغفى
يا ضيمي ياهوه الاكلفه
يا نعش روحي شويه تاني
جناز اني بنيته آني
شنهي الخبر هذا الاجاني
خلاني عدله اوموتاني
خلوني امد طولي اعله طوله
وكل العتب يمه أگوله
خلوني افك الگيد منه
چنهه انتهت بويه المحنه
من عمت عيني شلون ممدود
من روحي خل اگطع الضنه
من كون بنتك گاطعه الصوت
يا ريت انه الجايني الموت
انحب واون ومودره العيون
واركض وره الناس اليشيعون
تانوني چنكم ما تتانون
يم الحزن ولي يروحي
راح الابو وراحت ايامه
وخلاني ليلي ما انامه
هذا الدهر خلص كلامه
بويه انتهت من عمت عيني
كلمات الخادم / رعد الفريجي
❉❉❉❉❉❉❉﷽❉❉❉❉❉❉❉
لسـتة #دُعَـمِ_آلَبّـصِـرةّ 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو او اعلى
━━━━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Nooralzahraa56111_bot
وإرسل قناتك هُنا : @sayaddd
للمحظورين : @Alsayad123_bot
━━━━━━━━━━━━━━━━━━
🔊زهره المهدي٣١٣💚
📀@ayo_313
🔊خـدام الإمـام الحسـين علـيه السـلام
📀@labaykahoussein
🔊سجاد الربيع
📀@sajjadiraniraq
🔊بسمة الشهداء 2
📀@Hussaiuunn
🔊أبي الفضل العباس
📀@ALKafell
🔊🌹قلوب إجتمعت على حب إمام زماننا
📀@Yaamehdy
🔊🌹علي حبه جنه
📀@rsrsrs88
🔊ابو محمد الاسدي
📀@hsaennn
🔊شهداء عاشوراء
📀@fat_3l3
🔊ياابا_الفضل_العباس، ♥✨
📀@rjcivh
🔊استوريات بدون حقوق
📀@ah_ja7
🔊عشاق قاسم سليماني وابو مهدي المهندس
📀@solemanemohands
🔊عشق سماوي❤️☁️
📀@narjsw200531
🔊الحسين انفاسي
📀@almahdialmunther
🔊ختمات مجربه واستخاره مجانيه 🙏🙏
📀@asuqw
🔊منتظرون 313
📀@muntadiroon313
🔊ستوريات وثقافة مهدوية
📀@AlMansour313
🔊﮼يا،صاحب،روحي 📿💙
📀@AL_mnafe
🔊عٌأّشٍقِهِ أّلَحٌَّسيِّنِ
📀@em17au
🔊حب المنتصر يجمعنا♥هديه من رب العالمين
📀@chyuig
🔊مولاتنا خديجه الكبرى
📀@banatkhadija1
🔊الشَهِيْدةَ
📀@qwertyuioplkjhk
🔊أيّنَ الطّالِبُ بِدَمِ المَقتُولِ بِكَرّبَلاءْ🥀٣١٣
📀@ya_hussein_ya_Mahdi313
🔊عشاق صاحب الزمان
📀@hsanmam20
🔊•﴿🌷مجّربآتٌ آهّلَ آلَبيَتٌ🌷 (عٌ) ﴾•
📀@wuio313
🔊قبس من نور المهدي
📀@The_promised
🔊كلمات من ذهب
📀@wordsofgold123
🔊يَآ صّآحًبً آلَزٍمًآنِ ³¹³
📀@Fujba87
🔊ريحانة آلـمـهہدِي🌿🕊
📀@nm8_313
🔊مجالس ونعي مكتوب
📀@rqety
🔊صور اهل البيت ...♥️
📀@photo_82
🔊سنغدوآ رفاتاً ويبقى آلأثر "313"
📀@All_h7_313
🔊بَقِيَّتُ اللَّهِ خَيْرٌ لَكُمْ
📀@ma_hddi_313
🔊ا🪴💙بـيـتٌ لِِأفـكـٓاري💙🪴
📀@raglyy
🔊الخادم المرحوم ملا مهدي الكليباوي
📀@mumuggeeww
🔊💜 منار المهندس
📀@f1010130l
🔊حشد الولايه والمرجعيه
📀@hashdm313
🔊يا مَهدي روحي🤍
📀@yamahdyruhy
🔊أئمة سامراء
📀@A2emmatSamorra2
🔊لـ اٌيڤيـن
📀@nonojt
━━━━━━━━━━━━━━━━━━
#قناة_اللستة : #باسم_الكربلائي_Bk
https://t.me/joinchat/AAAAAFLKOx5nRih2adM0UA