5137
القصائد الرثائية للآل الأطهار ع
معقوله عشرتنه انكَضت يالغالي
وماشوف وجهك يبتسملي اكّبالي
تنساني يل بُعدك جرح
يانسمه اشمهه بكل صبح
ــــــــــــــــــــــــــــــــــــــ
هذا الزمن بيّه قسه ومني اخذ دنياتي
تمر ذكره وحده اعله الفكر تخلّيني اهل دمعاتي
يم صورتك اهمس همس ما تنسمع جلماتي
انه بكتر وانت بكتر ماتوصلك خطواتي
.ماينحمل بُعد المسافه
وحدي ابدرب اكَضيه حسافه
مايكدر يسولف مصابه
المتفطّره امن الحر اشفافه
ازغيره مو مالت قهر
واتحمّل آلآم السفر
زغيره وشفت سبي وذبح
يانسمه اشمهه بكل صبح
انه خوله
ــــــــــــــــــــــــــــــــــــــ
كل ما اكول العمتي ياعمّتي مشتاكَه
دمعتها تجري وهيج احس تسمعني جن الناكَه
العوّدني اشوفه بكل صبح يصعب عليّه افراكَه
آنه ورقيّه الما نرد او وي الابو نتلاكَه
يا عمّه ادري بهل مصيبه
تموت اختي بالشام وغريبه
بنص الدرب توصل منيتي
علّي بقى جثه سليبه
ياعمه ويموت الكَلب
زغيره واطيحن بالدرب
يخبرج الراس ال علرمح
يانسمه اشمهه بكل صبح
انه خوله
ــــــــــــــــــــــــــــــــــــــ
كَلبي زغير شكَد حمل من الطف لهاي ايامي
ياعمه ماادري شكض متني اكَ اجدامي
كلهن حمر من الضرب ومن الجمر آلآمي
وكل ساعه اغمض لن اصد مشتعله بيّه اخيامي
طول الدرب وعيوني تجري
وصوتج بذاني احترك خدري
معقوله ما يفزعلي عمنه
بضعنه التفرهد هوّ يدري
لاجنّه مرمي اعله النهر
من فزعته النه اعتذر
باب المصايب ينفتح
يانسمه اشمهه بكل صبح
انه خوله
ــــــــــــــــــــــــــــــــــــــ
خوله وشفت طول السبي ضيم الذي يحدوني
مجتوفه ايدي شكَد صعب امسح دموع عيوني
ياعمه ادنّك مستحه من اسمع ايشتموني
من ابجي حيل آنه انظرب نيّتهم ايمنعوني
من الناكَه نص الدرب اهوي
تروحون وآنه اونيني يدوي
اندفن وحدي يالعقيله
اليدفني باجر عنّي يروي
باجر الي يصبح كَبر
وكل كَلب ليّه ينكسر
المضموم باجر يتّضح
يانسمه اشمهه بكل صبح
انه خوله
ــــــــــــــــــــــــــــــــــــــ
كلما اصدر راس الابو اذكر جسد ضل مرمي
ودم ايدي من كثر الحبل يذكرني نحر المدمي
ياريت ماسحكَوه ابد الخيل سحكَت جسمي
بلا خنصر ولا ثوب اله اليلهج تركته بأسمي
وعباس عمي شلون ا شوفه
بعينه السهم تنزف جفوفه
لو بيدي جا ضليت بالطف
مذبح عمّي شلون اعوفه
سلميلي لو ردّيتي اله
وشمّيلي نحره بكربله
وياكم اردّن لو يصح
يانسمه اشمهه بكل صبح
انه خوله
ــــــــــــــــــــــــــــــــــــــ
الشاعر محمد حسن ضيغم
شلون ابيعك يلّي شاريني بدماك
حتى اعيشن رخّصت حتى الرضيع
والله لو ما مجلسك والدمعه هاي
جان يحسين العشكَ والله اضيع
من اشيلن جفّي والطم بالعزاء
اگبالي اتصوّر جسد دامي وصريع
يبقى حيلي مهدّم الذيج الخيام
حسرة اگليبي على اكَبور البقيع
ــــــــــــــــــــــــ
اشتريني وسومني بأي شي تريد
وادري مااوصل سعر ذاك التراب
اغلى شي لو خادم الخدام اصير
وانكَلب دمعه واسيل اعله الرباب
العايش بجنة عدن يحسدني دوم
كون ما مل لحضه من هذا المصاب
ياحسين وانت باب الله الوسيع
للجنون اعليك فدوه افتحلي باب
ــــــــــــــــــــــــــ
ها يمن تبجي على الما انصفوك
والله ما تطردني من بابك اكيد
بجاه دمعة زينب الهزّت جبال
حين دخلت حايره بمجلس يزيد
يا حنين اشكَد كَلب عندك جبير
فدوه لا تسلبني تيجان العبيد
غير دمعه ومجلسك واللوعه هاي
وسجة المشايه صدّكَ مااريد
ــــــــــــــــــــــ
بجاه ونّت فاطمه ام البنين
البيهه صارت من صدكَ مجنونه بيك
خلني حابس دمعي عن كل الوجود
وبس يمر طاريك كون ايهل عليك
تمطر الدنيه مهج مجروحه حيل
من تشوف الخنصر امفاركَ اديك
والله لو تطردني مامل ياحسين
الف مرّه اتعنّه الك نادم واجيك
ـــــــــــــــــ
الباني بين اجروحه خيمه وبيهه نار
شلون يهدأ باله ويمل الدموع
اليشوف العلكَمي بلا رايه ذيج
كون يم جرفه مهج يشعل شموع
شلون ما عيشن درب سبي العيال
وناكَه هزله اعله الضعن ضلّت تلوع
اخ يا حافر سحك صدر الحسين
ضلوع طه انرضت الذيچ الضلوع
ــــــــــــــــــــ
الشاعر محمد حسن ضيغم
@kasaedalatharDaygham
حسين يامظلوم حسين يامظلوم
*********
اشلون اشوف ابن امي فوك الغبره
وشلون اشوف الدم يصب من نحره
وخنصر يمينه ما اشوفه بكتره
كلبي علخوي المنذبح شيصبره
********
للحومه اجيت اوياي اجت العيله
شفت السبط عالغبره ردنه انشيله
من دم وريده الضل يصب تغسيله
تعنينه والمدمع عليه انشيله
**********
ياخويه وسفه عللتراب موذّر
بعيوني اصدلك خويه صدّك مكدر
يمّك انوح وبالتراب اتعفّر
ناديته بعدك خويه راح اتيسّر
**********
يبن امي بعيوني شفت جتّالك
ويمك تنوح وترتجيك اعيالك
ياخويه ياهو اليحمي هاي اطفالك
لو جلجل الليل وفكدنه هلالك
*********
حك الدليل بحركه تلهب ناره
محتاره يمك اصبحت محتاره
وي دمك المدمع يضل يتجاره
وبكلبي حزنك بيّنت اثاره
*******
جم طفله يمك تنتحب تدريهه
وحده علجثتك يالسبط تلكيهه
والثانيه المنحر بقه يبجّيهه
وحده المصاب الّي جره ايأذيهه
**********
الشاعر محمد حسن ضيغم
/channel/kasaedalatharDaygham
قصيده للدفنه
على لحن يخيمات
يالطفوف ... سهمج مارحم بيّه
يالطفوف ... عفت الاهل مرميّه
يالطفوف ... بليل ومعلن الجيّه .. يالطفوف
ـــــــــــــــــــ
عفت الاهل صرعه ودمه تنزف على الوطيه
واحتركَت اخيام الضعن بأكبر حقد اميه
الاصعب علي لمّن مشت ام الخدر سبيه
وتهمل دمع للي بقوا متوسّدي المنيه
على الكاع ...ضل مطروح كل غالي
على الكاع ...وعمتي تصيح كفّالي
على الكاع .... ياريتك تصد ليّه ... يالطفوف
ــــــــــــــــــــ
عالناكَه وانظر عمتي اتدير النظر يويلي
تتحسّر ابضرب المتن وتنادي ياجفيلي
ليش امنصيحن ياهلي ماواحد اليجيلي
حكَي امنعاتب بالاهل ويسعر لهب دليلي
عالنياك ... اسمع عمّتي تبجي
عالنياك ... المن بالهظم تشجي
عالنياك ...محّد ينغر اعليّه .. يالطفوف
ـــــــــــــــ
اتثلث ليالي هل مضن واحنه ابدرب سبايه
وطول الدرب نشرب قهر من العذب ضمايه
رديت انه الطف كربله ارد ادفن الضحايه
الخنصر ارجعه الجف ابوي والعمّي اردله رايه
صعب حيل ... اجساد اعزازي متوذره
صعب حيل ... ادفن اهلي بالغربره
صعب حيل ... بكن الكَه ترجيه .. يالطفوف
ـــــــــــــــــــــ
ادفنت الصحابه ابفد كَبر ودمعه حزن جريّه
بس ابن ظاهر فد كَبر من الله هل وصيه
وعمي الكمر هد مهجتي وحيل اصفكت بديه
احمل كتر يوكع كتر تمنّيته موتي اليه
يعباس ... صحت بصوت ياعمي
يعباس ... ريت انه انسفك دمي
يعباس ...شفت العين مطفيّه .. يالطفوف
ـــــــــــــــــ
والفاجه الماتنسي ولا اكَدر انسه همهه
يم والدي ناح الكَلب روحي كثر المهه
جثّه عزيزي اعله الترب غسّلهه ويلي دمهه
كضيت ادينه ابحسرتي وبدمعتي اشمهه
والضلوع ... الخيل اشكَد قست بيهه
والضلوع ... عبدالله غفه اعليهه
صارت ويلي مدميه ... يالطفوف
ــــــــــــــــــــــ
الشاعر محمد حسن ضيغم
/channel/kasaedalatharDaygham
يا عمه ياعمه .. دموعي سجيبه
يا عمه ياعمه ... هاي المصيبه
ـــــ
دهري ... عمه حيل اذاني .. من شفت ولياني ..عذبتني احزاني
والمدامع تجري
بحيره ... شلون ادفن اهلي .. والمدامع تهلي ..عمه زايد حملي
وجمرتي ضل تسري
اهلي .. عالترايب نومه .. كل نحر ودمومه ... ومهجتي المهمومه
الّمت كل صدري
يا عمه ياعمه ... المحنه رهيبه
يا عمه ياعمه ... هاي المصيبه
ـــــ
اذكر .. كل هظم مر بينه ... منذبح والينه .. وحركوا صواوينه
وعيلته محتاره
خيمه .. مابقت للعيله .. منهو ضل تشكيله ... والدموع اتسيله
الكَلب شبّت ناره
تعثر .. عيله وسط الحومه .. والطرق ملزومه .. من العذب محرومه
ادموع تتجاره
يا عمه ياعمه ... والله عجيبه
يا عمه ياعمه ... هاي المصيبه
ـــــ
الليله .. عفت ضعن الوالي .. وحسرتي ابدلالي .. ادفن اشجم غالي
وحيل ماضل بيّه
انظر ... اجساد فوك الغبره .. من دماهن حمره .. والجثث متوذره
بكل كتر مرميه
حاير .. ياهو ادفنه بأيدي .. نزف دم اوريدي .. شبيدي عمه شبيدي
عمه يا مسبيه
يا عمه ياعمه ... الشيبه خضيبه
يا عمه ياعمه ... هاي المصيبه
ـــــ
بحفره .. اجمعت كل انصاري .. والدمع ضل جاري ... وحيل شبّت ناري
من شفت احبابنه
ووحده .. بألم لمّن شفته ... لن احبيب ادفنته ... بنور وجه اعرفته
صوابه صار اصوابنه
وامشي .. وبيدي لازم ضهري .. والمدامع تجري ... ريت افارك عمري
واندفت بترابنه
يا عمه ياعمه ... روحي غريبه
يا عمه ياعمه ... هاي المصيبه
ـــــ
العمي .. رحت ادفن جسمه .. وشفته نازف دمه .. صحت ويلاه يمّه
ياكفيل ضعوني
جفوفه .. من شفت مكطوعه .. الجفن هل ادموعه ... وجربته مطبوعه
ورايته بعيوني
ادفنته .. وانهدم كل حيلي .. عليّه مظلم ليلي .. محّد ايتجّيلي
ريت انه الدفنوني
يا عمه ياعمه ... اليدفن حبيبه
يا عمه ياعمه ... هاي المصيبه
ـــــ
حسيني ... رحت شفت جروحه .. وجثته المطروحه .. ركبته المذبوحه
هدّمتلي اركاني
جسمه .. عالتراب اموذّر .. جسد مابي منحر .. صحت الله واكبر
شصنعت عدواني
الخنصر .. بجفّه ما لاكيته .. وبالنحر شمّيته ... بالحزن حاجيته
وعجز حتى الساني
يا عمه ياعمه ... جثته سليبه
يا عمه ياعمه ... هاي المصيبه
ـــــ
الشاعر محمد حسن ضيغم
اجساد ضلت علارض مطروحه
أعليهم الدلال كثرت جروحه
ــــــــــــــــــــــــــــــــــــ
من عكب ما سار ضعن العايله
وعافوا الاجساد كلهه امجندله
بصوت صاحوا آه منج كربله
الوالي بالطف وسفه فارك روحه
ــــــــــــــــــــــــــــــــــ
شافوا اجساد الاهالي مكطعه
وكل شهيد الطاح دامي ابمصرعه
وزينب من ابعيد اخوهه اتودعه
موادع المذبوح وي مذبوحه
ــــــــــــــــــــــــــــ
ودّعت عباس والكلب انكسر
خويه الله وياك صاحت يالكمر
آه منك صوت صاحت يانهر
يمك ادموم الكمر مسفوحه
ـــــــــــــــــــــــــــــ
ودّت الدلال يم اخوانهه
وبيه صفحات انملت بحزانهه
هاي اختكم مشت وي عدوانهه
والله ياحيف اصبحت مجروحه
ــــــــــــــــــــــــــــــ
عكب ثلث ايام والكلب انفجع
لن علي السجاد يدفنهم رجع
ولنـّه صوت من النحر يطلع سمع
انفجر زين العابدين بنوحه
ــــــــــــــــــــــــــــــــــــــــ
من سمع هالصوت هزاه الصده
يبني اخوك الطفل امشي وشاهده
لمن تدفني علصدري وسدّه
خل اشمن ركبته المفتوحه
ـــــــــــــــــــــــ
دفن هلاجساد زين العابدين
ورجع مهظوم العياله المنسبين
كل دموعه اتصيح ويلي اعله الحسين
شلون سهم النايبات يلوحه
ــــــــــــــــــــــــــ
الشاعر /// محمد حسن ضيغم
نعي
لليله الثانيه عشر
...
سوده عليه ابلايه خوان
واعله الترابه ابلايه صيوان
......
يم الخدر سوده عليّه
فدوه رحتلچ يالوفيه
باچر يسمّونچ سبيه
وعالناگه وسف اتطرّي وديان
.....
ايتام يمچ تبچي كلهه
وتناشدچ وين الكفلهه
عطشانه ماي ايجيب الهه
لاچنّه ضل ابلايه ذرعان
......
يل حيرتچ كلش چبيره
بياچلمه وتهودي الصغيره
باچر يودّونچ اسيره
ومنتظرتچ شمات الاوطان
......
الرمل حار وماي ماصح
والّي غفه خدّه ايتجرّح
لو بچت طفله الشمر يفرح
ووجوهكم متروسه دخان
......
الشاعر محمد حسن ضيغم
كَضت ايامك الجنت احسبلها
وجرح هاي السنه نفس القبلها
جنت اتمنه اموت بعاشرك كون
من اسمع زينب اتريد الكفلها
اعيش شلون وانت مسلّب هدوم
النهر يمّك ومن الماي محروم
حبيبي ... طبيبي ... اخذني ... يمولاي
ـــــــــــــ
اصابع عشره بجفوفي امنصدها
عشر ايام حزنك هيجي اعدها
استحي لوشفت خنصر بيدي موجود
لأن فاطم لكَت خنصر ولدها
سمعت الصوت ضعنك صار ضايع
شلت جفّك وبي اربع اصابع
مصيبه .. غريبه ... ضمايه ... وبلا ماي
ــــــــــــ
الك صوره اعله حايطنه شكبرها
حمامه تنوح كل مغرب حدرها
اذا اذّن تطير وتعني ليك
وعلى نحرك تجي تخلي نحرها
لهذا استحي لو ذكرك يفوت
وما اجزع عليك ولا يجي الموت
بخجل جيت .... وتمنيت .... اموتن ... يرجواي
ـــــــــــــــ
كَضت ايامك وماكَضت روحي
وعسن ما طابت الحزنك جروحي
عليك بجاه ترجيه رقيه
بعزاك اخذ العمر يابعد روحي
الك يامن خلق ربك حياتي
ودعائي بمجلسك يحصل مماتي
الوكت فات ... وبلآهات ... اتاني ... العزا الجاي
ــــــــــــ
كَضت ايامك بعظم المصيبه
حبيب الله وبقى بشيبه خضيبه
غريب انت كَبل ذبحك يالحسين
انذبحت وزينبك صارت غريبه
اموتن لو اموتن ضل خياري
السترنه شلون ضل مذبوع عاري
يمذبوح ... يمطروح ... على الكَاع ... بلا افياي
ــــــــــ
الشاعر محمد حسن ضيغم
الخيل من تغير تسحگ علتراب
ليش باچر تسحگ بصدر الحسين
..
ويلاه ياحسين
نعي العبدالله الرضيع
لا تكَولي شلونك انشل حالي
راح عبدالله العزيز الغالي
شيلي مهده ما اريده اكَبالي
شينفع ومنّه المهد ضل خالي
ـــــــــــ
لاتنشدي شلون حالي اتمرمرت
النبله صابت ركَبته بعيني شفت
ريت كَبل اوليدي يختي تصوّبت
فرفح وجم موته يازبنب متت
ـــــــــــــ
اخذي عبدالله الصبر ملّيته
عَلَي مارد وأشكثر حاجيته
ماي يروه بروحتي اتمنّيته
مثل ماخذته عسن ردّيته
ـــــــــــــ
شلون امه اتشوف دم بركَبته
وهيّه يرجع ليهه سالم تانته
شلون تبقى تنوح يمه ابخيمته
ادري راح تموت صعبه مصيبته
ــــــــــــ
الشاعر محمد حسن ضيغم
يا امير الكوفه شوف الاكبر شوفه
يا حيدر يا حيدر
ـــــــحـــــــــــــ
من برز للحومه علي الحلوه ارسومه
عداه يا بو الغيره حايره ومالومه
بصولتك يالوالي
صال صوله الغالي
يا حيدر ياحيدر
ــــــــــــــــــ
الحومه حين الطبهه ال اميه ارعبهه
الغاضريه بزوده بكيفه من يكلبهه
هوّس بميدانهه
وهلهلت اكوانهه
يا حيدر ياحيدر
ــــــــــــــــــــ
صال واتعناهه * * بس جثث خلاهه
مانلومك حيدر بيه من تتباهه
طشراهه بكيفه
وذراهه بسيفه
يا حيدر ياحيدر
ــــــــــــــــــــــــ
يا شبيه الهادي امه ضل ينادي
هل عزم يوليدي يبني سر افادئ
راسي يبني ارفعته
تعبي ما ضيعته
يا حيدر يا حيدر
ـــــــــــــــــــ
والدك سريته بهل عزم ناديته
جيش اميه بزودك *** يرتجف خليته
بلا ركب تلكاهم
تغسلوا بدماهم
يا حيدر يا حيدر
ـــــــــــــــــــ
ريت تنظر زوده ياعلي ومجهوده
جيش اميه بخوفه ** صفت كل جنوده
غنم كلهم صاروا
بالمفر احتاروا
يا حيدر يا حيدر
ـــــــــــــــــــــ
علي لو هد بيهم ... والحسن يفنيهم
اي وحك دم حيدر ...اشلاء ويخلّيهم
سيفه لايكَ بيده
الحومه صارت عيده
يا حيدر يا حيدر
ـــــــــــــــــــــ
علي بس بصوته ...هواي تصبح موته
فرصه وبهل حومه ... لاتضن اتفوته
من كَدر يدناله
ارعب الخيّاله
يا حيدر يا حيدر
ـــــــــــــــــــــ
جفوفهم لا واهه ...ترتجف خلاهه
بلايه روس اعداكم ... بكربله مشّاهه
الكوم بي محتاره
وشصنع بتاره
يا حيدر يا حيدر
ـــــــــــــــــــــ
الشاعر محمد حسن ضيغم
علي الاكبر هذا لو حامي الحمه
هذا فارس طلع من امخيمه
ــــــــــــــــــــــــــــــــــــ
من الخيم فارس طلع وبهييته
جنهه يمنة داحي خيبر يمنته
عيونـّه انشبحت علي ماعرفته
هذا ياهو رجّف اجفوف السمه
ــــــــــــــــــــــــــــــــــ
برز شال السيف واتعنه الحرب
الكاع ترجف جوه جدمه من يطب
عدنه من الخوف ما ضل كل كلب
يسوي بينه اليوم جا يا ملحمه
ــــــــــــــــــــــــــــ
ترتعش جفينه ماندري ليش
هو فارس واحد وعود احنه جيش
جنه عزرائيل ما يقبل نعيش
عيونه من الخوف ضل تكطر دمه
ـــــــــــــــــــــــــــــ
فجوه صارت بالمعسكر من برز
اشتات صرنه الفارس بحين ارتجز
صرنه طشاره مثل طش الخرز
تيـّهينه ادروبنه انصبنه بعمه
ــــــــــــــــــــــــــــــ
بحيره وين انروح مدري الياكتر
ما سلم من عنده بس الي يفر
صاح انه الاكبر وسيفه منشهر
الف هنياله النجه من صارمه
ــــــــــــــــــــــــــــــــــــــــ
الشاعر /// محمد حسن ضيغم
اسم الله عمّه شگعدچ من نومچ
وانتي توّچ غافيه اعله همومچ
ــــــــــــــ
اسم الله ياوردة علي يم الدلال
مالت الدنيه ويرمشچ حين مال
موش هينه اعله الله متچتفه بحبال
يا اميره اشغّيراهه ارسومچ
ــــــــــــــــــــــ
گوّه نمتي وسلهمت عينچ جروح
وحتى من نمتي السبي اگبالچ يلوح
سبي وسوط وحرگ حگ روحچ تنوح
لونهن دم حيف ذنني اهدومچ
ـــــــــــــــــ
شگّعدچ يا حلم مر بعيونچ
اشفتي وتغيّر اشوفن لونچ
خاف لچمتّچ يعمّه امتونچ
العرف حالچ مااضن يلومچ
ـــــــــــــــ
عمّه شفت الغالي لمّاني بحضن
مسح راسي بچفه چي گلبي يون
شجره اسنيني رحل وآنه الغصن
اي يعمه سولفيلچ اعلومچ
ـــــــــــــــــــــ
لزم ايدي أبأيده ودموعه جرت
والتقينه ولحضة الملگه مشت
شمعة سنيني يبت حيدر طفت
ها يروحي الدنيه حيف اتسومچ
ـــــــــــــ
الشاعر محمد حسن ضيغم
/channel/kasaedalatharDaygham
اغلى من روحي --- بس الچ نوحي--- رقيه
انطيني آلامچ -- وحرگة اجدامچ -- رقيه
----
عايشه بروحي مصيبه من الطفوف
يارقيه وحبلچ ادري ايأذي الچفوف
انتي من ضربة شمرهم صحتي ماشوف
شكثر حملت من ضربهم ذيچ الچتوف
صحتي يا عمي -- ماگطع دمي --- رقيه
بجمرة اخيامچ -- وحرگة اجدامچ رقيه
------
موقف الخلّاهه تنزف دمعة العين
يم ابوها گعدت وتشكيله جرحين
تگلّه ترضى متوني زرگه بويه يحسين
وأذني بويه ايصب دماها وزاد الونين
أذني مدميّه -- بلايه ترچيه – رقيه
حسين جدّامچ -- وحرگة اجدامچ – رقيه
-----
معصّبه العين وطريق البي سبي اطويل
وتچوي ظهر الناگه دمعتها لما اتسيل
حسين راسه اعله الرمح والهودج ايميل
خوفه عالطفله تتطيح وچلچل الليل
دمعته تنادي -- لبّة افادي – رقيه
گاصده الشامچ -- وحرگة اجدامچ --- رقيه
-----
مدللت والدها تسكن بالخرابه
بعد عزها ويلي تغفى اعله الترابه
ويّ كل دمعه التصب اتنادي بابا
ليش عني والدي طوّل غيابه
وين ابو اليمه -- تنادي ياعمه -- رقيه
بداعة ايتامچ --- وحرگة اخيامچ -- رقيه
-----
من كثر ما بالخرابه تهمل العين
لن اجوا جابو طشت بي راس الحسين
شافته وصاحت يبويه اتأخرت وين
شبگت الراس واخذها بشبگته البين
المدمع اتهلّه -- ماتت الطفله – رقيه
تشهد ايامچ --- وحرگة اجدامچ --- رقيه
-----
الشاعر محمد حسن ضيغم
/channel/kasaedalatharDaygham
Telegram
الشاعر محمد حسن ضيغم
القصائد الرثائية للآل الأطهار ع
مربع وزن الموشح
للدفنه
.
كل ابو همه يدفنه اوليده
وبالتراب ايوسده كون بأيده
......
كل ابو ينطر اذا شاب الولد
من يموت بأيده ايواري الجسد
وعلي السجاد اعله ابوه حيل انمرد
شافه متگطّع يصب اوريده
.....
كل ابو ينطر اوليده ايشيّعه
وللگبر وي الجموع ايودّعه
بس ابو اليمه بحصيره ايجمّعه
وضل علي السجاد محني جيده
.......
الابو همه بماي ابنه يغسّله
يلقّنه ويم راسه يقره البسمله
بس ابو اليمه يويلي بكربله
تغسّل ابدمه الترس هل بيده
.....
علي السجاد اعتنه يدفن ابوه
وبيده يدفن عمه يدفن جسم اخوه
ويدفن بحفره الغيارى الناصروه
واليون بالدفن ونّه ايزيده
......
من خلص هذا الدفن رد للضعن
تلگّته زينب الشابت بالمحن
گلهه اخبرچ والدي ابأيدي اندفن
وادفنت ياعمه بيدي اعضيده
.....
لطمت اعله الراس صاحت يخوتي
ريت وياكم لفتني موتتي
الكون كله ماكو مثل مصيبتي
راح مني الروحي دوم اتريده
......
الشاعر محمد حسن ضيغم
يا عمه ادفن جسم الوالي
ــــــــــــــــــــــــــــــــــــ
عفناه علتربان مخضب
ياعمه وياحيف مسلب
وخد الوالد تدري مترب
شفناه ودمعي اصبح هالي
ــــــــــــــــــــــــــــــــــ
ثلث ايام وعنه امشينه
شفناه دامي من مرينه
بالسيف اعداه مكطعينه
الذبحاه ريت اصبح جتالي
ــــــــــــــــــــــــــــ
عمه امشي اوواريه بالغبره
وطفله الظامي خله ابكتره
ياعمه واكطع دم نحره
من اتصوّر ينشت بالي
ـــــــــــــــــــــــــــــ
وادفن عباس الكافلني
ولاتشرحله الصار بمتني
يتألم وادري يألمني
وادريبه يذوّب دلالي
ــــــــــــــــــــــــــــــ
وادفن جسام ويالاكبر
وعون وعبدالله وجعفر
وادفن كل انصار الكوثر
بحفره يانبراس اهلالي
ــــــــــــــــــــــــــــــــــــــــ
وادفن حبيب ابن مظاهر
كبره يصير بقرب الحائر
يسجّل باجر اسم الزاير
واقع يظهر هسه اكبالي
ـــــــــــــــــــــــــــ
يا عمه وادفنهم وارجع
عليك عيوني ضل تتطلّع
هاي وصيه وردتك تسمع
سلملي عليهم يالغالي
ــــــــــــــــــــــــــــــ
الشاعر /// محمد حسن ضيغم
جرحي من كربله ينزف دمه
جرحي جيت ادفن البيهم حمه
جرحي واندب ييمه فاطمه
جرحي
ــــــــــــــــ
جرحي من طف كربله للساعه ينزف ...ودمعي يجري .. من المصيبه
شفت محتركَه الخيم والنار بيهه ... ونار صدري .. من المصيبه
واسمع الحره تنادي يا بو فاضل ... نسلب خدري ... من المصيبه
دمعي ضل يجي والله العمّتي
دمعي والنار اشوف ابخيمتي
دمعي وعيوني تنظر للسمه .. جرحي
ـــــــــــــ
جيت ادفن هلاجساد ال عل وطيّه ..وكَلبي ذايب ... وحالي يصعب
دفنت جاسم وي علي وعبدالله اخيّه ..والغوالب ... وحالي يصعب
وادفنت عباس عمي بذنّي اديه ...بالترايب .... وحالي يصعب
واصعب حفره حفرت الوالدي
اصعب كَوه رفعته بساعدي
من شفت نحره ايصب دمه .. جرحي
ـــــــــــــــــ
زين العباد آنه يا اهل الحميه ...وسّدتكم ...وراح ارجع
للضعينه وارجع العمتي السبيه ...ماعفتكم ... وراح ارجع
ابمعجزة سلمان وي حامي الحميه ... ادفنتكم ... وراح ارجع
زينب لو ناشد يبني علي
زينب عمّه ادفنت كلهم هلي
واعرف تبقى أمألّمه ... جرحي
ــــــــــــ
الشاعر محمد حسن ضيغم
/channel/kasaedalatharDaygham
على لحن جرح المدينه
… ..
جمر المصيبه ... زايد لهيبه
ـــــــــــــــــ
حين الرجع يهمل دمع متعنّي للاجساد
رايد يواريهه الترب ويلي علي السجاد
مرّت عليه جم نايبه وجم محنه ضل تزداد
اتلث ليالي الّي جزن وكَلب الولي ماهاد
الدمعه سكيبه ... زايد لهيبه
ـــــــــــــــــ
حين الوصل للطف ندب وبحسره وبلوعه
ليش الوكت من العمر طفّاهن اشموعه
ينظر ابو فاضل بقه جفّينه مكَطوعه
والغالي محزوز النحر ومهشّمه ضلوعه
يصعب نحيبه ... زايد لهيبه
ـــــــــــــــــ
ضل يدفن انصار الابو واجمعهم ابحفره
او حفره الحبيب ابوحٌده وحط لا فته الكَبره
الله يعينه اشكّد حمل جم محنه جم حسره
مثل الحُسين او ومحنته ضل منكسر ضهره
إلْراح شيْجيبه ... زايد لهيبه
ـــــــــــــــــ
واتعنّه للشاطي او وكَف يدفن كَمر هاشم
وسفه الكَمر دامي يضل يم رايته نايم
توّه خلص من دفنته للاكبر وجاسم
ودفن الكَمر خلّه العكَل من الولي هايم
روح الغريبه ... زايد لهيبه
ـــــــــــــــــ
واصعب دفن عنده صبح مدفن ابو الاكبر
جي جسمه بسيوف العده يا ويليي اموذّر
وخلّه اعله صدره الطاهر ابنه الداميي المنحر
عبدالله ذاك المنذبح ضامي بلهيب الحر
اليدفن حبيبه ... زايد لهيبه
ـــــــــــــــــ
الشاعر محمد حسن ضيغم
سيتم نشر
قصائد ونعي للدفنه
هذا اليوم
على قناة الشاعر محمد حسن ضيعم
نسالكم الدعاء
/channel/kasaedalatharDaygham
على لحن
ناذر سنيني للملا باسم
.
للثاني عشر من محرم
.
فدوه حاچيني .. يانظر عيني .. يخويه
ضيّعت كلشي ... والله راح امشي ... يخويه
ـــــــــــــــ
خويه باچر راح نمشي بيد الاجناب
وانت تبقى جثه حمره فوكَ التراب
من اعوفك لا تكَلّي شنهي الاسباب
خويه مسبيه اروح ابدمع سچاب
كَوه من ارحل ... وما اضن تقبل ... يخويه
دمعتي برمشي ... والله راح امشي ... يخويه
ـــــــــــــــ
راح اعوفنك جسد فوكَ الوطيه
وعلى الناكَه امچتّفه وامشي سبيه
كون بيدي والله اضل بالغاضريه
وأرد خنصر يمنتك يابعد اديه
اجمع اوصالك ... ونصف دلالك ... يخويه
عصابه الي فرشي ... والله راح امشي ... يخويه
ـــــــــــــــ
تدري بيّه بلايه خيمه ولايه رايه
النهر يمّي ومايصح اعليّه مايه
من البدايه بكَلبي جرحك للنهايه
هايه آنه خاف تنشد منهو هايه
امغيّره ارسومي ... وراحت علومي ... يخويه
شيبتي ابرمشي ... والله راح امشي ... يخويه
ـــــــــــــــ
مااعاتب لان اعرف هذا وضعك
دمعي يجري وانت اليه يجري دمعك
متني يبن امي اعرفنك يفجعك
والفجعني والله خويه شفت ضلعك
كاسره الحافر ... بصدرك شصاير ... يخويه
تيّهت كلشي ... والله راح امشي ... يخويه
ـــــــــــــــ
بليل اجيتك بيدي اجمع وذره وذره
وياهو مثلك طشّروهه اضلوع صدره
اخ والله السيف شمسوي ابنحره
يغرزه كّوه وتالي وبهيده يجرّه
رحمه ماعنده ... بفعلته اتعدّه .... يخويه
ورث من وحشي ... والله راح امشي ... يخويه
ـــــــــــــــ
الشاعر محمد حسن ضيغم
نعي بصوت. مسلم المطيري
ليلة الوحشة
كلمات الشاعر محمد حسن ضيغم
المكان محافظة البصرة الحيانية
موكب وهيئة ذو الفقار
السبت الموافق، 29/7/2023 ميلادي. 1445 هجري
نعي بحر طويل
يوم العاشر
اول مره اصيح حسين.. وما اسمع عليّه ايرد
مدري الحوافر حيل ...بضلوعه غدت تمرد
علتل واگفه واندب ... وانت هناك متوسد
اذا عندك نفس گلي ... اريدك تفزع اعليه
......
ماضل شوف كد دمعي ... بس الخيل اشوفنهه
اضنك صرت جوه الخيل ... صحت هل جثه عوفنهه
تصهل من تدوس اعليك .. شفت اشگد قهر منهه
يريت الخيل عافتّك .. بحوافر اعتنت ليه
......
صحت يل صرت جوه الخيل ... الخيم بالنار حرگوهه
ورقيه ابين هذا وذاك ... تركض خويه ضربوهه
مهظومه تريد اتجيك .. لاچن مايخلّوهه
هذا الي سطر خدهه .. وذاك السلب ترچيه
......
الشاعر محمد حسن ضيغم
عجّت كربله انظرها .. وسكت وچنه راح الصوت
شويه ولن سمعت آنه .. صدى وللخيمه گام يفوت
زينب بالخيمه مابگت گطرة ماي
اخوچ حسين راح يموت
......
الشاعر محمد حسن ضيغم
على لحن قصيدة ملا باسم
ننتظرهذا اللقاء .. كربلاء يا كربلاء
ـــــــــــــــــ
يا حبيبي ياحسين
نور عيني ياحسين
ـــــــــــ
الليله ليلة عاشر ... العيله تكسر خاطر ..صعب الاوداع
تدري لو طر صبحه ... حسين يصبخ ذبحه ... ويبقى علكاع
جسمه يا ويلي رهين
نور عيني ياحسين
ـــــــــــ
هل حرم محتاره ... والدمع يتجاره ... تصد للحسين
الابو يودع اعياله ... وحالته من حاله .... تبجّي كل عين
ونسمع منّه الونين
نور عيني ياحسين
ـــــــــــ
من كَعد بلخيمه ... أشّر اعله الهيمه ... ودمعته اتسيل
باجر يشردوكم ... اخ ويسحكَوكم ... بحافر الخيل
تنادوا جا وين الحنين
نور عيني ياحسين
ـــــــــــ
اجن زينب يمّه ... تكَلّه يابو اليمّه ... فدوه لتروح
منو يبره الضعني ... رايد اتودّعني ... وابقى بالنوح
والكَلب يصبح حزين
نور عيني ياحسين
ـــــــــــ
راح يم سكينه ... وتجري دمعة عينه ...ومسح عالراس
أعرفت شنهي الصاير... يتيمه تصبح باجر ... يروح عباس
ولا يضل يمهه الحسين
نور عيني ياحسين
ـــــــــــ
جمع كل اعياله ... وحضن كل اطفاله ... ونادى يارب
احمي هاي اعيالي ... ما اهم الحالي ... وناره تلهب
تشهد اعلينه السنين
نور عيني ياحسين
ـــــــــــ
الشاعر محمد حسن ضيغم
علي الاكبر من شهر بتاره
جيوش عدوانه بكت محتاره
***********************
الجيش ضل حاير وعكله منذهل
منين هذا الفارس الضل منجهل
هذا حيدر رد علينه بهل فعل
وين كلّي انروح من فقاره
***********************
الشمره هاي الحيدر الكرار اضن
لان نذكر بيه جم زلمه امتحن
ندري حيدر رجّف جفوف الزمن
بمعركة صفين شن الغاره
***********************
ولنّه صوت يصيح هذا آنه علي
آنه الاكبر انه تربات الولي
بصولتي الاف راحت تنجلي
واليفر دمعاته ضل تتجاره
***********************
آنه من حيدر خذت هذا العزم
آنه بجدامي اسحك خشوم الزلم
بس اصيحن ياعلي الكل تنهزم
وكل شخص بجبينه يصبح عاره
***********************
آنه الاكبر ابد ماهاب العده
وكربله للعزم تصبح شاهده
سيفي يصبح ادري نارا مؤصده
والبطفوف السيف تحرك ناره
***********************
آنه سموني شبيه المصطفى
آنه علحك جفني ابدا ما غفه
سيفي ذو الفقار خصمي اتوصّفه
جي علي بيهم ترك آثاره
***********************
الشاعر // محمد حسن ضيغم
رد محني اضلوعه
تتكَاطر ادموعه
تعنّه العلي ويصفكَ حسافه بيده
ونام اعله طوله ويمسح ابوريده
ـــــــــــــ
ركضه وحده من المخيم والدمع مثل المطر
حسين راح الصوب الاكبر شافه بالسيف انطبر
السانه بين احّاه يبني وجرحه كل لحضه ايعثر
يصفك ايمينه ابيساره وكَلبه لوليده انكسر
تتعثّر اجدامه
جي طاح جدّامه
يحجيله جلمه من وصل يريده
ونام اعله طوله ويمسح ابوريده
ـــــــــــــ
من المخيّم صوت يسمع والدي اعليك السلام
راح اضل بالحومه بويه لو تردني للخيام
خلني يم عمّاتي ابقى يم حضن امي انام
بس يبويه من تردني زيح من جسمي السهام
كل خوفي اعله امّي
لو شاهدت جسمي
وادريهه من بعدي تضل وحيده
ونام اعله طوله ويمسح ابوريده
ـــــــــــــ
وكَف يم ابنه ويصدله قطعه حمره من الجروح
كَعد وايدينه اعله خدّه وصاح يوليدي وينوح
راح ابقه اخلاف عيني يبني آنه ابلايه روح
بيك يبني للمخيم والله مدري شلون اروح
ماعندي حيل امشي
بيك افكدت كلشي
همك على اهمومي اصبحت تزيده
ونام اعله طوله ويمسح ابوريده
ـــــــــــــ
شال ابنه ومن مصابه وياه هوه فوكَ الترب
وصاح يافكَدت الغالي اعله الابو كلش صعب
هيج يبني تموت ضامي وطايح ابسوح الحرب
هيج اصدلك والله صعبه منيلي اخلافك كَلب
من شاله بجفوفه
وليلى امّه اتشوفه
دمّه نزف من هامته اعله جيده
ونام اعله طوله ويمسح ابوريده
ـــــــــــــ
وصل بي للخيمه ويلي والحرم سوّن عزاء
ومن نعيهن والبواجي بجت تربة كربلاء
وحده تمسح فوك شعره او وحده تمسح بالدماء
او وحده ماتت بالمناحه او وحده هدّاهه البكاء
دارن عليه كلهن
دوي النحل الهن
يايمه صارت شوفتك بعيده
ونام اعله طوله ويمسح ابوريده
ـــــــــــــ
الشاعر محمد حسن ضيغم