5137
القصائد الرثائية للآل الأطهار ع
يا حبيبي ياحسين
نور عيني ياحسين
بأربعينك **نعتنيلك
ـــــــــــــــــــــــــ
مانخاف احنه المنايه
قسم بالعلكمي ومايه
ترف فوك الراس رايه
ليك يا حق المبين
ـــــــــــــــــ
سيد هالعهد باقي
الك للموت اشتياقي
من بحر حبك مذاقي
ياملاذ العاشقين
ــــــــــ ـــــــ
نسحك الجمره بجدمنه
ومانهم لو يجري دمنه
نصيح يحسين بهممنه
رغم انف الظالمين
ــــــــــــــــــــ
خلهم يفجرون بينه
دمنه يكتب ياولينه
اليوم مشايه اعتنينه
جينه يوم الاربعين
ـــــــــــــــــــ
عاشك وهيمنه حبك
شلون جدمي يعوف دربك
حافي الاجدام من اطبك
جنه اشوفك كل حين ـــــــــ
الشاعر محمد حسن ضيغم /channel/kasaedalatharDaygham
يحزن الاربعين
شكثر احمل ونين
ـــــــــــ
رجعت وغيبتي اطويله
اخوي الضامي اشكيله
عالناكَه واناديله
اكَعد يالحنين
شكثر احمل ونين
ـــــــــــ
درب الشام والكوفه
بعد ياريت ماشوفه
طول الدرب مجتوفه
ويشتمني اللعين
شكثر احمل ونين
ـــــــــــ
اجيتك خويه مشتاكَه
الاخو شكَد يصعب افراكَه
اصيحن من على الناكَه
الك فدوه السنين
شكثر احمل ونين
ـــــــــــ
دلوني على كَبره
تلهب بالكَلب جمره
وينك مهجة الزهره
بعد ماضل معين
شكثر احمل ونين
ـــــــــــ
وين الّي كفل ضعني
اندبه وبلكي يسمعني
اكَله الشمر روّعني
وبقى كَليبي حزين
شكثر احمل ونين
ـــــــــــ
الشاعر محمد حسن ضيغم
للامام الحسن المجتبى
.
يحن كَلبي ومحتار .....همت وي الزوار ... حسين
الحسن آنه المسوم ... العشكَ هزني بهل يوم ... حسين
ـــــــــــــ
من ارض البقيع وهزني الك شوَگي
يخويه حسين يامن انت معشوكَي
احس حتى الملائك رفرفت فوكَي
السلب حكَك نفس من سلبوا حكَوكي
الجرح اصبح جرحين .... اجيت واندب يحسين ... حسين
الك هل روح تحوم ... العشكَ هزني بهل يوم ... حسين
ـــــــــــــ
اجيت بأربعينك ياضوه عيوني
اخوك انه ودمعتي ملامسه اجفوني
يلمغيرين لونك غيّرت لوني
اليزورونك امل عندي يزوروني
شكثر انطر محتار ... تجي الكبري الزوار ... حسين
تصد كَبري المهدوم ... العشكَ هزني بهل يوم ... حسين
ـــــــــــــــ
ولو لسه جبدتي بسم تأذيني
لجن حنيت الك ياخويه تدريني
بعد لسه حسين اسمك وسط عيني
اجيت وكَصدي ازورنك تلاكَيني
احب وأعشكَ ملكَاك .... يريت دفني وياك .... حسين
مثل حالك مظلوم ... العشكَ هزني بهل يوم ... حسين
ـــــــــــــــــ
وي خدامك او مشّاية امشي
يمن النه خلق رب العرش كلشي
اريدك تمسح بأيدك دمع رمشي
ممشيعك وسف يل شيّعت نعشي
بقت دامي ومطروح ... نحر ينزف مذبوح ... حسين
الارض ممليه ادموم ... العشكَ هزني بهل يوم ... حسين
ـــــــــــــ
جبدتي وجبدتك ياخويه مثلومه
انه بأيده العده اعرفهه مسمومه
وانت برمح ظالم تنزف ادمومه
صحيح الكَال يومك مامثل يومه
برمح راسك ينشال ... الكم سبيّه اعيال ... حسين
بسهم طفلك مفطوم ... العشكَ هزني بهل يوم ... حسين
ـــــــــــــ
الشاعر محمد حسن ضيغم
آه واويلاه زين العابدين
ـــــــــــــــ
يل بعينك شفت ضيم ومصايب
هلك كلهم ضحايه اعله الترايب
بدر يم الشريعه شفته غايب
دليلك ياعلي اشيحمل رزيه
ــــــــــــــــ
خيام اهلك شفتهه وجّروهه
سكينه اختك تصدهه يضربوهه
والاكثر عمّتك من شتّموهه
تهل دمعتهه ليش الهاشميه
ـــــــــــــــ
على التل زينب اتون ابهظمهه
علي السجاد تنظرهه أبألمهه
عليل انت وحرمكم منهو يمهه
العده رادوا يودّوهه سبيه
ــــــــــــ
عليك انت وشفت عباس مطروح
وابوك حسين فوك الكاع مذبوح
رقيه اعله الجسد ضل تبجي وتنوح
انهدم حيلك على الطفله رقيه
ـــــــــــــ
شفت جسام ثوبه منصبغ دم
بحال امّه عليه بس الله يعلم
علخوك الاكبر وحيلك تهدّم
لما شفته جسد بالطف رميه
ـــــــــــــــ
شفت عبدالله اخوك ابنحره مصيوب
وعليه امّه الرباب املوّعه اتذوب
تنادي يالولد يبني يمحبوب
رحت منّي وبقيت اصفكَ اديه
ـــــــــــــــــ
الشاعر محمد حسن ضيغم
الك بكليبي مأتم ياعلي السجاد
الك ون الكلب بمصيبتك يزداد
ــــــــــــــــــــ
يا من سمموك اعداي يا مولاي
الك حك لو اهلن كل دمع عيناي
اذكرنك كمت كل ما اشوف الماي
جنت تذكر حسين وي الشرب والزاد
ــــــــــــــــــــ
يا من شاهدت اعظم وأشد مصاب
بعينك جم بدر شاهدته بالطف غاب
يا من لجلك الله مسبب الاسباب
شلون بعينك تشاهد صريعه اجساد
ــــــــــــــــــــ
لمصابك يمولاي الكلب ذايب
يمن مثلك فلا احد يحمل امصايب
هذا اسمك بكلبي ولا تضن غايب
مفطوم اعله حبك والله عندي افـُاد
ـــــــــــــــــــ
الك مأتم نقيمه شما يمر حزنك
ونون ونـّت قهر يا سيدي الونك
عشت عمرك صبور وشرد اوصفنك
تحمّلت المآسي من جيوش ازياد
ــــــــــــــــــ
الليله مصيبتك ومصيبه نحييهه
فكدك مو سهل والدمعه نجريهه
امك فاطمه الزهره نواسيهه
عليك وهل كلب من الهظم ماهاد
ـــــــــــــــــــ
الشاعر محمد حسن ضيغم
نعي للسجاد
بعد بعيوني اشوفن كربله وهمهه
واشوف اجساد صرعه امخضّبه ابدمهه
وحرم بالبر تشيط ولا ولي يمهه
من النار من الخوف مرعوبه
ـــــــــــــ
اغمض عيني وانظر صوره الوالي
مرمي اعله الارض ومغيّر احوالي
ورقيه ابكتره تندب بويه يالغالي
بويه حسين جثتك ليش مسلوبه
ـــــــــــــــــ
ينادوني على السجاد كَوم النه
بيدين العده والله تفرهدنه
بس انت بقيت الي يساعدنه
وروحي بهل عتاب اهواي مصيوبه
ــــــــــــــــ
وآنه بعلتي انتهض مااكدر
اتوكَه واكَوم وأمشي وأتعثر
نحيل الجسم عندي ولوني اتغيّر
لاجن ادري هاي اعليّه مكتوبه
ــــــــــــــ
الشاعر محمد حسن ضيغم
معقوله عشرتنه انكَضت يالغالي
وماشوف وجهك يبتسملي اكّبالي
تنساني يل بُعدك جرح
يانسمه اشمهه بكل صبح
ــــــــــــــــــــــــــــــــــــــ
هذا الزمن بيّه قسه ومني اخذ دنياتي
تمر ذكره وحده اعله الفكر تخلّيني اهل دمعاتي
يم صورتك اهمس همس ما تنسمع جلماتي
انه بكتر وانت بكتر ماتوصلك خطواتي
.ماينحمل بُعد المسافه
وحدي ابدرب اكَضيه حسافه
مايكدر يسولف مصابه
المتفطّره امن الحر اشفافه
ازغيره مو مالت قهر
واتحمّل آلآم السفر
زغيره وشفت سبي وذبح
يانسمه اشمهه بكل صبح
انه خوله
ــــــــــــــــــــــــــــــــــــــ
كل ما اكول العمتي ياعمّتي مشتاكَه
دمعتها تجري وهيج احس تسمعني جن الناكَه
العوّدني اشوفه بكل صبح يصعب عليّه افراكَه
آنه ورقيّه الما نرد او وي الابو نتلاكَه
يا عمّه ادري بهل مصيبه
تموت اختي بالشام وغريبه
بنص الدرب توصل منيتي
علّي بقى جثه سليبه
ياعمه ويموت الكَلب
زغيره واطيحن بالدرب
يخبرج الراس ال علرمح
يانسمه اشمهه بكل صبح
انه خوله
ــــــــــــــــــــــــــــــــــــــ
كَلبي زغير شكَد حمل من الطف لهاي ايامي
ياعمه ماادري شكض متني اكَ اجدامي
كلهن حمر من الضرب ومن الجمر آلآمي
وكل ساعه اغمض لن اصد مشتعله بيّه اخيامي
طول الدرب وعيوني تجري
وصوتج بذاني احترك خدري
معقوله ما يفزعلي عمنه
بضعنه التفرهد هوّ يدري
لاجنّه مرمي اعله النهر
من فزعته النه اعتذر
باب المصايب ينفتح
يانسمه اشمهه بكل صبح
انه خوله
ــــــــــــــــــــــــــــــــــــــ
خوله وشفت طول السبي ضيم الذي يحدوني
مجتوفه ايدي شكَد صعب امسح دموع عيوني
ياعمه ادنّك مستحه من اسمع ايشتموني
من ابجي حيل آنه انظرب نيّتهم ايمنعوني
من الناكَه نص الدرب اهوي
تروحون وآنه اونيني يدوي
اندفن وحدي يالعقيله
اليدفني باجر عنّي يروي
باجر الي يصبح كَبر
وكل كَلب ليّه ينكسر
المضموم باجر يتّضح
يانسمه اشمهه بكل صبح
انه خوله
ــــــــــــــــــــــــــــــــــــــ
كلما اصدر راس الابو اذكر جسد ضل مرمي
ودم ايدي من كثر الحبل يذكرني نحر المدمي
ياريت ماسحكَوه ابد الخيل سحكَت جسمي
بلا خنصر ولا ثوب اله اليلهج تركته بأسمي
وعباس عمي شلون ا شوفه
بعينه السهم تنزف جفوفه
لو بيدي جا ضليت بالطف
مذبح عمّي شلون اعوفه
سلميلي لو ردّيتي اله
وشمّيلي نحره بكربله
وياكم اردّن لو يصح
يانسمه اشمهه بكل صبح
انه خوله
ــــــــــــــــــــــــــــــــــــــ
الشاعر محمد حسن ضيغم
شلون ابيعك يلّي شاريني بدماك
حتى اعيشن رخّصت حتى الرضيع
والله لو ما مجلسك والدمعه هاي
جان يحسين العشكَ والله اضيع
من اشيلن جفّي والطم بالعزاء
اگبالي اتصوّر جسد دامي وصريع
يبقى حيلي مهدّم الذيج الخيام
حسرة اگليبي على اكَبور البقيع
ــــــــــــــــــــــــ
اشتريني وسومني بأي شي تريد
وادري مااوصل سعر ذاك التراب
اغلى شي لو خادم الخدام اصير
وانكَلب دمعه واسيل اعله الرباب
العايش بجنة عدن يحسدني دوم
كون ما مل لحضه من هذا المصاب
ياحسين وانت باب الله الوسيع
للجنون اعليك فدوه افتحلي باب
ــــــــــــــــــــــــــ
ها يمن تبجي على الما انصفوك
والله ما تطردني من بابك اكيد
بجاه دمعة زينب الهزّت جبال
حين دخلت حايره بمجلس يزيد
يا حنين اشكَد كَلب عندك جبير
فدوه لا تسلبني تيجان العبيد
غير دمعه ومجلسك واللوعه هاي
وسجة المشايه صدّكَ مااريد
ــــــــــــــــــــــ
بجاه ونّت فاطمه ام البنين
البيهه صارت من صدكَ مجنونه بيك
خلني حابس دمعي عن كل الوجود
وبس يمر طاريك كون ايهل عليك
تمطر الدنيه مهج مجروحه حيل
من تشوف الخنصر امفاركَ اديك
والله لو تطردني مامل ياحسين
الف مرّه اتعنّه الك نادم واجيك
ـــــــــــــــــ
الباني بين اجروحه خيمه وبيهه نار
شلون يهدأ باله ويمل الدموع
اليشوف العلكَمي بلا رايه ذيج
كون يم جرفه مهج يشعل شموع
شلون ما عيشن درب سبي العيال
وناكَه هزله اعله الضعن ضلّت تلوع
اخ يا حافر سحك صدر الحسين
ضلوع طه انرضت الذيچ الضلوع
ــــــــــــــــــــ
الشاعر محمد حسن ضيغم
@kasaedalatharDaygham
حسين يامظلوم حسين يامظلوم
*********
اشلون اشوف ابن امي فوك الغبره
وشلون اشوف الدم يصب من نحره
وخنصر يمينه ما اشوفه بكتره
كلبي علخوي المنذبح شيصبره
********
للحومه اجيت اوياي اجت العيله
شفت السبط عالغبره ردنه انشيله
من دم وريده الضل يصب تغسيله
تعنينه والمدمع عليه انشيله
**********
ياخويه وسفه عللتراب موذّر
بعيوني اصدلك خويه صدّك مكدر
يمّك انوح وبالتراب اتعفّر
ناديته بعدك خويه راح اتيسّر
**********
يبن امي بعيوني شفت جتّالك
ويمك تنوح وترتجيك اعيالك
ياخويه ياهو اليحمي هاي اطفالك
لو جلجل الليل وفكدنه هلالك
*********
حك الدليل بحركه تلهب ناره
محتاره يمك اصبحت محتاره
وي دمك المدمع يضل يتجاره
وبكلبي حزنك بيّنت اثاره
*******
جم طفله يمك تنتحب تدريهه
وحده علجثتك يالسبط تلكيهه
والثانيه المنحر بقه يبجّيهه
وحده المصاب الّي جره ايأذيهه
**********
الشاعر محمد حسن ضيغم
/channel/kasaedalatharDaygham
قصيده للدفنه
على لحن يخيمات
يالطفوف ... سهمج مارحم بيّه
يالطفوف ... عفت الاهل مرميّه
يالطفوف ... بليل ومعلن الجيّه .. يالطفوف
ـــــــــــــــــــ
عفت الاهل صرعه ودمه تنزف على الوطيه
واحتركَت اخيام الضعن بأكبر حقد اميه
الاصعب علي لمّن مشت ام الخدر سبيه
وتهمل دمع للي بقوا متوسّدي المنيه
على الكاع ...ضل مطروح كل غالي
على الكاع ...وعمتي تصيح كفّالي
على الكاع .... ياريتك تصد ليّه ... يالطفوف
ــــــــــــــــــــ
عالناكَه وانظر عمتي اتدير النظر يويلي
تتحسّر ابضرب المتن وتنادي ياجفيلي
ليش امنصيحن ياهلي ماواحد اليجيلي
حكَي امنعاتب بالاهل ويسعر لهب دليلي
عالنياك ... اسمع عمّتي تبجي
عالنياك ... المن بالهظم تشجي
عالنياك ...محّد ينغر اعليّه .. يالطفوف
ـــــــــــــــ
اتثلث ليالي هل مضن واحنه ابدرب سبايه
وطول الدرب نشرب قهر من العذب ضمايه
رديت انه الطف كربله ارد ادفن الضحايه
الخنصر ارجعه الجف ابوي والعمّي اردله رايه
صعب حيل ... اجساد اعزازي متوذره
صعب حيل ... ادفن اهلي بالغربره
صعب حيل ... بكن الكَه ترجيه .. يالطفوف
ـــــــــــــــــــــ
ادفنت الصحابه ابفد كَبر ودمعه حزن جريّه
بس ابن ظاهر فد كَبر من الله هل وصيه
وعمي الكمر هد مهجتي وحيل اصفكت بديه
احمل كتر يوكع كتر تمنّيته موتي اليه
يعباس ... صحت بصوت ياعمي
يعباس ... ريت انه انسفك دمي
يعباس ...شفت العين مطفيّه .. يالطفوف
ـــــــــــــــــ
والفاجه الماتنسي ولا اكَدر انسه همهه
يم والدي ناح الكَلب روحي كثر المهه
جثّه عزيزي اعله الترب غسّلهه ويلي دمهه
كضيت ادينه ابحسرتي وبدمعتي اشمهه
والضلوع ... الخيل اشكَد قست بيهه
والضلوع ... عبدالله غفه اعليهه
صارت ويلي مدميه ... يالطفوف
ــــــــــــــــــــــ
الشاعر محمد حسن ضيغم
/channel/kasaedalatharDaygham
يا عمه ياعمه .. دموعي سجيبه
يا عمه ياعمه ... هاي المصيبه
ـــــ
دهري ... عمه حيل اذاني .. من شفت ولياني ..عذبتني احزاني
والمدامع تجري
بحيره ... شلون ادفن اهلي .. والمدامع تهلي ..عمه زايد حملي
وجمرتي ضل تسري
اهلي .. عالترايب نومه .. كل نحر ودمومه ... ومهجتي المهمومه
الّمت كل صدري
يا عمه ياعمه ... المحنه رهيبه
يا عمه ياعمه ... هاي المصيبه
ـــــ
اذكر .. كل هظم مر بينه ... منذبح والينه .. وحركوا صواوينه
وعيلته محتاره
خيمه .. مابقت للعيله .. منهو ضل تشكيله ... والدموع اتسيله
الكَلب شبّت ناره
تعثر .. عيله وسط الحومه .. والطرق ملزومه .. من العذب محرومه
ادموع تتجاره
يا عمه ياعمه ... والله عجيبه
يا عمه ياعمه ... هاي المصيبه
ـــــ
الليله .. عفت ضعن الوالي .. وحسرتي ابدلالي .. ادفن اشجم غالي
وحيل ماضل بيّه
انظر ... اجساد فوك الغبره .. من دماهن حمره .. والجثث متوذره
بكل كتر مرميه
حاير .. ياهو ادفنه بأيدي .. نزف دم اوريدي .. شبيدي عمه شبيدي
عمه يا مسبيه
يا عمه ياعمه ... الشيبه خضيبه
يا عمه ياعمه ... هاي المصيبه
ـــــ
بحفره .. اجمعت كل انصاري .. والدمع ضل جاري ... وحيل شبّت ناري
من شفت احبابنه
ووحده .. بألم لمّن شفته ... لن احبيب ادفنته ... بنور وجه اعرفته
صوابه صار اصوابنه
وامشي .. وبيدي لازم ضهري .. والمدامع تجري ... ريت افارك عمري
واندفت بترابنه
يا عمه ياعمه ... روحي غريبه
يا عمه ياعمه ... هاي المصيبه
ـــــ
العمي .. رحت ادفن جسمه .. وشفته نازف دمه .. صحت ويلاه يمّه
ياكفيل ضعوني
جفوفه .. من شفت مكطوعه .. الجفن هل ادموعه ... وجربته مطبوعه
ورايته بعيوني
ادفنته .. وانهدم كل حيلي .. عليّه مظلم ليلي .. محّد ايتجّيلي
ريت انه الدفنوني
يا عمه ياعمه ... اليدفن حبيبه
يا عمه ياعمه ... هاي المصيبه
ـــــ
حسيني ... رحت شفت جروحه .. وجثته المطروحه .. ركبته المذبوحه
هدّمتلي اركاني
جسمه .. عالتراب اموذّر .. جسد مابي منحر .. صحت الله واكبر
شصنعت عدواني
الخنصر .. بجفّه ما لاكيته .. وبالنحر شمّيته ... بالحزن حاجيته
وعجز حتى الساني
يا عمه ياعمه ... جثته سليبه
يا عمه ياعمه ... هاي المصيبه
ـــــ
الشاعر محمد حسن ضيغم
على لحن
السيد الصافي
للموت ما ننسى الحسين
زوار نبقى للحسين
زوار نبقى للحسين
----
يشهد علينه يضل هذا زمان
نعتني الطف الكربله من كل مكان
نبقى صوت انردد بهذا اللسان
بحسين احنه امجنّنين
زوار نبقى للحسين
--
جنّة الله حضرته وبيها نطوف
انبياء الله زواره نشوف
انّادي يحسين ورفعناها الچفوف
جيناك يوم الاربعين
زوار نبقى للحسين
-----
كعبة العشاق صرت انت حسين
بكل گلب ينبع الك شوق وحنين
تشهد علينه تضل هاي السنين
منهاب كل المجرمين
زوار نبقى للحسين
----
إتركنه اهلنه وجينه للضامي نزور
يلَي من نورك يشع بعيوني نور
نكتب اعله اجبينّه هاي السطور
والله ما ننسى الحسين
زوار نبقى للحسين
-----
نوگف ابابك نأديلك سلام
بالگلب مكتوب اسمك يا امام
يم ضريحك نلهج بهذا الكلام
ياملاذ العاشقين
زوار نبقى للحسين
-----
☘الشاعر محمد حسن ضيغم
Https://ⓣelegram.me/kasaedalatharDaygham
للامام الحسن المجتبى
قصيده ثانيه
.
ذكروني ... ذكروني ... ياشيعتي ذكروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
مثل الحسين ... هملوا العين ... آنه امام الشيعه يااهل الحميه
جبدي مسموم ... وكَلبي مهظوم ... آنه لجلي ناحت الزهره الزجيه
آنه الي عذبني الزمن وبالسم تكَطع جبدي
كل اخوتي مو يمي أنه ومدفون صرت الوحدي
دفنوني .. دفنوني ... برض البقيع دفنوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
نوحوا عالصار ... وعزا بكل دار ... الي سووا يامن الحيدرنه شيعه
واسوا جدي ... بألم جبدي ... واذكروا بهل محنة دمعات الوديعه
من شيّعوا نعشي الاهل بسهام صابوا نعشي
وبس اخوتي خلف النعش مهظومه لمّن تمشي
منعوني ... منعوني ... هناك اندفن منعوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
هنا يزوار ... ابو الاحرار ... يم اخوي حسين زوروني بدمعكم
وابجي بدموم ... وآيمسوم .. صيحوا حيل والطموا اعليه ضلعكم
السنه اتمر وماشفت مجلس الي تنصبونه
بس بصفر مجلس الي ومصابي اتذكرونه
تدروني ... تدروني ... ابن الوصي تدروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
يالموالين ... يالمعزين ... هدموا كَبري الاعادي بلايه ذمه
يمته تلفون ... الكَبري تبنون ...يصير كَبري مثل حضرة ابو اليمه
رايات يمي ترتفع وانظر مواكب يمي
ومشايه تتعنه الي وتنادي حيل بأسمي
تحضروني ... تحضروني ... بمصيبتي تحضروني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
منهو مثلي ... دمعي يهلي .... رغم حزني وللحسين ادموعي تجري
حسين مذبوح ... وزينب تنوح .... ريت مو صدره انسحك بالخيل صدري
داست الخيل بجثته وضلوع صدره اتطشرت
وعياله عالنوكَ انسبت بيد الاعادي اتيسرت
عينوني ... عينوني ... يصيح الضعن عينوني
تنسوني ... تنسوني ... انه ادري ما تنسوني
الحسن آنه ... الحسن آنه
ــــــــــــــ
الشاعر محمد حسن ضيغم
تمنيت يزينب من رجعتي
اشوفن تجي وياكم طفلتي
يزينب والله مشتاك ارد اشوفنهه
عزيزة كلبي مااكدر اعوفنهه
ـــــــــــــــــ
يزينب خويه من رحتي سبيه
وتركتيني جسد فوك الوطيه
سمعت الونّه من مهجة رقيه
وتدير بعينهه بحركه عليه
على النوك شفت من ركبوهه ***اضربوهه اذا رادت ابوهه
اونن حيل كمت من اسمع الونهه
عزيزة كلبي مااكدر اعوفنهه
ـــــــــــــــــــــ
سمعت اتصيح ياحسرة زماني
يبويه فرهدوا خيمة حناني
يبويه والشمر عكبك ولاني
يطف الغاضريه منين اجاني
اكومن ردت من الوطيه *** اروح بحزن واشبك رقيه
واكللهه يبتي وحيل اشمنهه
عزيزة كلبي مااكدر اعوفنهه
ــــــــــــــــــــــــــــــ
مشت وعيونهه مغورك دمعهه
واحس نار البعد جوّت ضلعهه
رقيه ابنيتي ومصابي فجعهه
تفاركني ابد مو من طبعهه
كبل جانت تنام عل ايدي *** ومثل دم بقت تجري ابوريدي
مثل حبّي لأمي كمت احبنهه
عزيزة كلبي مااكدر اعوفنهه
ــــــــــــــــــــــــــــــــ
تمنيت من اجيتي وياج بتي
بدمعهه المنسجب تروي جبدتي
تهيل اتراب حسرتهه بحفرتي
واناديهه هله بجيّت طفلتي
علكبري لون تهوه بهظمهه *** علصدري تمنيت آنه اضمهه
تجيتي كبل وبروحي اضمنهه
عزيزة كلبي مااكدر اعوفنهه
ـــــــــــــــــــــــ
انه بنص الكبر وانطر تجيني
واعدّن يمته يكرب اربعيني
العزيزة كلبي يازينب حنيني
انه ادري اشتاكت اتنام اعله اديني
يزينب صفة شمعة حياتي *** كبل جانت بساعة صلاتي
تمد سجادتي واتعنه احبنهه
عزيزة كلبي مااكدر اعوفنهه
ـــــــــــــــــــــــــــ
الشاعر محمد حسن ضيغم
اداء و الحان
#الرادود_یعقوب_البوغبیش
#الشاعر_محمدحسن_ضیغم
السجاد السجاد
السجاد سموا جبدته
ـــــــــــــــــــــــــ
الليله ياشيعة علي نحي المصاب
اعلن السجاد هالليله الغياب
شلون جسمه يصير مابين التراب
وهو شاف بكربله انواع العذاب
بالنوح بالنوح
بالنوح نحيّ مصيبته
ـــــــــــــــــــــــ
لسّه بجفوفه اثر كيد الطغاة
الليله ابو الباقر لبس ثوب الممات
شاف ابوه حسين ماضاك الفرات
ويهل دمعه اعله النساء الحايرات
ويشوف ويشوف
ويشوف ضربوا عمته
ــــــــــــــــــــــ
الليله سمّوا جبدته اتباع اللعين
كل بني العباس ذوله الظالمين
الليله يرحل عنه زين العابدين
ويشرح الجده النبي امصاب الحسين
عالصار عالصار
عالصار يحجي الجدته
ــــــــــــــــــــــ
انواسي ابنه الباقر ابهذا الحزن
وكل كلب هالليله مهموم ويون
نذكر السجاد بالطف ممتحن
يشوف زينب تنظرب فوك المتن
وتسيل وتسيل
وتسيل من دم دمعته
ـــــــــــــــــــــــ
زين العباد الحصل حيل الّماه
شاف زينب جالسه اتصلي الصلاه
هالوضع والينه كلش روّعاه
عالجدم درب السبي مجتّف مشاه
هالكوم هالكوم
هالكوم كلش ظلمته
ــــــــــــــــــــــــــــ
الشاعر محمد حسن ضيغم
علي السجاد علي السجاد
ـــــــــــــــــــ
ياخويه انه اختك وأصيح بدمعه
لا لا تروح وانه اضل منفجعه
يلي بظلامي جنت اشوفك شمعه
انه سكينه وبلكي صوتي اتسمعه
ـــــــــــــــــــــــــ
اختك واريدك يمي كل ايامي
يا خويه يل بيك انبت احلامي
اشلون اشوفك بالنعش جدامي
مو حكهه لو جمره تشب آلآمي
ــــــــــــــــــــــــــ
مسموم اشوفك خويه وانهد حيلي
وحيل الطمت راسي وصحت يا ويلي
بعدك ابد مانامه صدك ليلي
ياهو الي بعدك انخه ويحاميلي
ـــــــــــــــــــــــ
ريت انه يمك بالنعش خلوني
وللغبره وياك الاهل شالوني
مكدر تشوفك بالتراب عيوني
ريت الاهل وي جثتك دفنوني
ــــــــــــــــــــ
زين العباد وانت شمعة داري
دمع اختك بفكدك اخبرك جاري
مظلم يخويه كمت اشوف انهاري
وبالحسره كمت اصفك يميني ايساري
ـــــــــــــــــــ
الشاعر محمد حسن ضيغم
القصيده على لحن ملا عمار الكناني
ياكفيل ام عون
يبو صالح يبو صالح يامهدي العجل
ـــــــــــــــــــــ
الجيتك متانين .... من زغرنه الحد گبرنه الجيتك متانين
الجيتك متانين ....انّام وأنفز والطلعتك والله منتظرين
الجيتك متانين ....احسبنه من جيشك يمهدي عليك نحر حسين
يا رايه دين الله وحبك معتقد
اللهم عجّل ندعي للابد
منعوفك مولانه هاك اخذ العهد
ـــــــــــ
يوسف الزهره.... بصايتك لمنه هتفنه يوسف الزهره
يوسف الزهره .... كَلوب ملهوفه يمهدي وليك منتظره
يوسف الزهره....يمته جرحك يابوصالح تلفي وتجبره
برموشك شيب ابيض من طف كربله
والساحن كل روحك سبي العايله
يمخلّص كل يومك كاعد بالفله
ـــــــــــــــــــ
يا لثار حسين .... .يمته اسمع صوت تندب يا لثار حسين
يا لثار حسين ....سنين كاعد تنشد انت الضعن اصبح وين
يا لثار حسين ....كربله ودرب السبايه بمهجتك جرحين
يل شايل بعيونك صوره الفاطمه
تدعي الله يعجّلك وايدك للسمه
مو دمعات اتهل عينك تنزف دمه
ــــــــــــــــــ
يامليك الروح .... فدوه مو طوّل غيابك يامليك الروح
يامليك الروح .... سيدي بدرب السبايه شكَد بقيت تنوح
يامليك الروح ....ياهو مثلك لسه يطلب ثار للمذبوح
شكَد تحمل مولانه وياعظم الصبر
وتعرف كل عمّاتك راحن بالسير
والحافر يوم الطف هشّم جم صدر
ـــــــــــــــــــــ
شسوّه بيك الشام .... اه محد يدري والله شسوّه بيك الشام
شسوّه بيك الشام .... عمّتك زينب تطب المجلس الضلام
شسوّه بيك الشام ....الملكهه الكون كله بالخرابه تنام
محتاره المهظومه اتسكّت ياطفل
بس تنعى اعله حسينك والمدمع يهل
يامهدي ومجتوفه زينب بالحبل
ـــــــــ
الشاعر محمد حسن ضيغم
اسم الله عمّه شگعدچ من نومچ
وانتي توّچ غافيه اعله همومچ
ــــــــــــــ
اسم الله ياوردة علي يم الدلال
مالت الدنيه ويرمشچ حين مال
موش هينه اعله الله متچتفه بحبال
يا اميره اشغّيراهه ارسومچ
ــــــــــــــــــــــ
گوّه نمتي وسلهمت عينچ جروح
وحتى من نمتي السبي اگبالچ يلوح
سبي وسوط وحرگ حگ روحچ تنوح
لونهن دم حيف ذنني اهدومچ
ـــــــــــــــــ
شگّعدچ يا حلم مر بعيونچ
اشفتي وتغيّر اشوفن لونچ
خاف لچمتّچ يعمّه امتونچ
العرف حالچ مااضن يلومچ
ـــــــــــــــ
عمّه شفت الغالي لمّاني بحضن
مسح راسي بچفه چي گلبي يون
شجره اسنيني رحل وآنه الغصن
اي يعمه سولفيلچ اعلومچ
ـــــــــــــــــــــ
لزم ايدي أبأيده ودموعه جرت
والتقينه ولحضة الملگه مشت
شمعة سنيني يبت حيدر طفت
ها يروحي الدنيه حيف اتسومچ
ـــــــــــــ
الشاعر محمد حسن ضيغم
/channel/kasaedalatharDaygham
اغلى من روحي --- بس الچ نوحي--- رقيه
انطيني آلامچ -- وحرگة اجدامچ -- رقيه
----
عايشه بروحي مصيبه من الطفوف
يارقيه وحبلچ ادري ايأذي الچفوف
انتي من ضربة شمرهم صحتي ماشوف
شكثر حملت من ضربهم ذيچ الچتوف
صحتي يا عمي -- ماگطع دمي --- رقيه
بجمرة اخيامچ -- وحرگة اجدامچ رقيه
------
موقف الخلّاهه تنزف دمعة العين
يم ابوها گعدت وتشكيله جرحين
تگلّه ترضى متوني زرگه بويه يحسين
وأذني بويه ايصب دماها وزاد الونين
أذني مدميّه -- بلايه ترچيه – رقيه
حسين جدّامچ -- وحرگة اجدامچ – رقيه
-----
معصّبه العين وطريق البي سبي اطويل
وتچوي ظهر الناگه دمعتها لما اتسيل
حسين راسه اعله الرمح والهودج ايميل
خوفه عالطفله تتطيح وچلچل الليل
دمعته تنادي -- لبّة افادي – رقيه
گاصده الشامچ -- وحرگة اجدامچ --- رقيه
-----
مدللت والدها تسكن بالخرابه
بعد عزها ويلي تغفى اعله الترابه
ويّ كل دمعه التصب اتنادي بابا
ليش عني والدي طوّل غيابه
وين ابو اليمه -- تنادي ياعمه -- رقيه
بداعة ايتامچ --- وحرگة اخيامچ -- رقيه
-----
من كثر ما بالخرابه تهمل العين
لن اجوا جابو طشت بي راس الحسين
شافته وصاحت يبويه اتأخرت وين
شبگت الراس واخذها بشبگته البين
المدمع اتهلّه -- ماتت الطفله – رقيه
تشهد ايامچ --- وحرگة اجدامچ --- رقيه
-----
الشاعر محمد حسن ضيغم
/channel/kasaedalatharDaygham
Telegram
الشاعر محمد حسن ضيغم
القصائد الرثائية للآل الأطهار ع
مربع وزن الموشح
للدفنه
.
كل ابو همه يدفنه اوليده
وبالتراب ايوسده كون بأيده
......
كل ابو ينطر اذا شاب الولد
من يموت بأيده ايواري الجسد
وعلي السجاد اعله ابوه حيل انمرد
شافه متگطّع يصب اوريده
.....
كل ابو ينطر اوليده ايشيّعه
وللگبر وي الجموع ايودّعه
بس ابو اليمه بحصيره ايجمّعه
وضل علي السجاد محني جيده
.......
الابو همه بماي ابنه يغسّله
يلقّنه ويم راسه يقره البسمله
بس ابو اليمه يويلي بكربله
تغسّل ابدمه الترس هل بيده
.....
علي السجاد اعتنه يدفن ابوه
وبيده يدفن عمه يدفن جسم اخوه
ويدفن بحفره الغيارى الناصروه
واليون بالدفن ونّه ايزيده
......
من خلص هذا الدفن رد للضعن
تلگّته زينب الشابت بالمحن
گلهه اخبرچ والدي ابأيدي اندفن
وادفنت ياعمه بيدي اعضيده
.....
لطمت اعله الراس صاحت يخوتي
ريت وياكم لفتني موتتي
الكون كله ماكو مثل مصيبتي
راح مني الروحي دوم اتريده
......
الشاعر محمد حسن ضيغم
يا عمه ادفن جسم الوالي
ــــــــــــــــــــــــــــــــــــ
عفناه علتربان مخضب
ياعمه وياحيف مسلب
وخد الوالد تدري مترب
شفناه ودمعي اصبح هالي
ــــــــــــــــــــــــــــــــــ
ثلث ايام وعنه امشينه
شفناه دامي من مرينه
بالسيف اعداه مكطعينه
الذبحاه ريت اصبح جتالي
ــــــــــــــــــــــــــــ
عمه امشي اوواريه بالغبره
وطفله الظامي خله ابكتره
ياعمه واكطع دم نحره
من اتصوّر ينشت بالي
ـــــــــــــــــــــــــــــ
وادفن عباس الكافلني
ولاتشرحله الصار بمتني
يتألم وادري يألمني
وادريبه يذوّب دلالي
ــــــــــــــــــــــــــــــ
وادفن جسام ويالاكبر
وعون وعبدالله وجعفر
وادفن كل انصار الكوثر
بحفره يانبراس اهلالي
ــــــــــــــــــــــــــــــــــــــــ
وادفن حبيب ابن مظاهر
كبره يصير بقرب الحائر
يسجّل باجر اسم الزاير
واقع يظهر هسه اكبالي
ـــــــــــــــــــــــــــ
يا عمه وادفنهم وارجع
عليك عيوني ضل تتطلّع
هاي وصيه وردتك تسمع
سلملي عليهم يالغالي
ــــــــــــــــــــــــــــــ
الشاعر /// محمد حسن ضيغم
جرحي من كربله ينزف دمه
جرحي جيت ادفن البيهم حمه
جرحي واندب ييمه فاطمه
جرحي
ــــــــــــــــ
جرحي من طف كربله للساعه ينزف ...ودمعي يجري .. من المصيبه
شفت محتركَه الخيم والنار بيهه ... ونار صدري .. من المصيبه
واسمع الحره تنادي يا بو فاضل ... نسلب خدري ... من المصيبه
دمعي ضل يجي والله العمّتي
دمعي والنار اشوف ابخيمتي
دمعي وعيوني تنظر للسمه .. جرحي
ـــــــــــــ
جيت ادفن هلاجساد ال عل وطيّه ..وكَلبي ذايب ... وحالي يصعب
دفنت جاسم وي علي وعبدالله اخيّه ..والغوالب ... وحالي يصعب
وادفنت عباس عمي بذنّي اديه ...بالترايب .... وحالي يصعب
واصعب حفره حفرت الوالدي
اصعب كَوه رفعته بساعدي
من شفت نحره ايصب دمه .. جرحي
ـــــــــــــــــ
زين العباد آنه يا اهل الحميه ...وسّدتكم ...وراح ارجع
للضعينه وارجع العمتي السبيه ...ماعفتكم ... وراح ارجع
ابمعجزة سلمان وي حامي الحميه ... ادفنتكم ... وراح ارجع
زينب لو ناشد يبني علي
زينب عمّه ادفنت كلهم هلي
واعرف تبقى أمألّمه ... جرحي
ــــــــــــ
الشاعر محمد حسن ضيغم
/channel/kasaedalatharDaygham
على لحن جرح المدينه
… ..
جمر المصيبه ... زايد لهيبه
ـــــــــــــــــ
حين الرجع يهمل دمع متعنّي للاجساد
رايد يواريهه الترب ويلي علي السجاد
مرّت عليه جم نايبه وجم محنه ضل تزداد
اتلث ليالي الّي جزن وكَلب الولي ماهاد
الدمعه سكيبه ... زايد لهيبه
ـــــــــــــــــ
حين الوصل للطف ندب وبحسره وبلوعه
ليش الوكت من العمر طفّاهن اشموعه
ينظر ابو فاضل بقه جفّينه مكَطوعه
والغالي محزوز النحر ومهشّمه ضلوعه
يصعب نحيبه ... زايد لهيبه
ـــــــــــــــــ
ضل يدفن انصار الابو واجمعهم ابحفره
او حفره الحبيب ابوحٌده وحط لا فته الكَبره
الله يعينه اشكّد حمل جم محنه جم حسره
مثل الحُسين او ومحنته ضل منكسر ضهره
إلْراح شيْجيبه ... زايد لهيبه
ـــــــــــــــــ
واتعنّه للشاطي او وكَف يدفن كَمر هاشم
وسفه الكَمر دامي يضل يم رايته نايم
توّه خلص من دفنته للاكبر وجاسم
ودفن الكَمر خلّه العكَل من الولي هايم
روح الغريبه ... زايد لهيبه
ـــــــــــــــــ
واصعب دفن عنده صبح مدفن ابو الاكبر
جي جسمه بسيوف العده يا ويليي اموذّر
وخلّه اعله صدره الطاهر ابنه الداميي المنحر
عبدالله ذاك المنذبح ضامي بلهيب الحر
اليدفن حبيبه ... زايد لهيبه
ـــــــــــــــــ
الشاعر محمد حسن ضيغم