Alimoff

10 Jul 2025 11:57

Ислом мероси ўз Ватанига қайтмоқда

Сўнгги кунларда Лондонда бўлиб ўтган муҳим маданий тадбир ҳақида эшитдингизми? Буюк Британияда илк бор юртимиз Ислом цивилизациясига оид ноёб экспонатлар – қадимий Қуръон қўлёзмалари, заргарлик буюмлари ва миниатюралар намойиш этилди. Бу нафақат кўргазма, балки маданий хотирамизнинг қайта жонланиши бўлди.

Йиллар давомида хориждаги хусусий коллекция ва музейларда сақланган бу бебаҳо артефактлар энди ўз Ватанига – Ўзбекистонга қайтмоқда. Президент Шавкат Мирзиёевнинг ташаббуси билан барпо этилаётган Ислом цивилизацияси маркази бу қутлуғ қайтиш учун асосий платформага айланди.

🌟@nurbekalimov

Alimoff

10 Jul 2025 11:31

🖼 Iskander Buildings'дан қулай таклиф!

Мезбон лойиҳасидан хонадон харид қилиш учун 20% бошланғич тўлов қилинг ва қолган қисмини 36 ойга ҳеч қандай фоизларсиз ва қўшимча толъовларсиз бўлиб тўлашингиз мумкин!

Хонадон учун:
— 20% бошланғич тўлов -85 млн
— Бўлиб тўлаш - 36 ой

Лойиҳа қулайликлари:
- 16 қаватдан иборат
- 2 та лифтга ега
- болалар майдончалари, спорт майдонлари, еcо зоналар барча қулайликларга ега.
- ҳар бир хонадонда 3 кв дан 18 кв метргача терассалар мавжуд.

📌 Терасса компания томонидан бонус сифатида тақдим қилинади.

📲 Бот орқали биз билан боғланинг

Сотув офиси манзили: Тошкент шаҳри, Юнусобод тумани 17-мавзе.

Мурожаат учун:
☎️+998787770011

Реклама

Alimoff

09 Jul 2025 18:30

Бугун "китоб нашр қилишда цензура жорий қилинаркан" деган мазмунда пост ёздим. Постим мазмуни Қонунчилик палатаси хабаридан келиб чиққанди. Унда ноширлик тўғрисидаги қонунга қўшимча ва ўзгартириш киритилади. Китобларни нашр қилишда эстетик ва маънавий-маърифий жиҳатларга қаралади дейилганди. Ушбу хабар барчада нотўғри хулоса пайдо бўлишига олиб келган. Аслида қандай?

Биринчидан, ноширлик тўғрисида алоҳида янги қонун ишлаб чиқилгани йўқ. Амалдаги қонуннинг бир нечта моддалари ўзгаряпти, мазмунан бойитилмоқда. Иккинчидан, китобларни нашр қилишга эстетик, маънавий жиҳатдан алоҳида цензура жорий қилингани йўқ ва режаям қилинмаган. Чунки бунга алоҳида эҳтиёжам йўқ. Қадриятлар масаласида амалдаги қонунчилик етарли даражада ҳимояланган деб ўйлайман.

Учинчидан, президент ташаббуси билан нечта-нечта ёшлар машина, пул ва бошқа қимматбаҳо буюмлар билан рағбатлантирилмоқда. Бундан ташқари, мутолаа, минг китоб ва бошқа лойиҳалар ҳам шу сиёсатнинг давоми. Эндиликда янги киритиладиган қўшимча билан китоб сотиб олган ёшларниям рағбатлантириш режаланмоқда. Қонуннинг янги 6 моддасида шуни кўрдим.

Тўртинчидан, янгиланаётган қонуннинг 15¹ моддаси билан бош муҳаррирнинг ҳуқуқий мақоми янада аниқ белгилаб қўйиляпти. Нашрларни чиқариш тўғрисидаги қарор бош муҳаррир томонидан қабул қилиниши, таҳририятнинг ижодий фаолиятига тўлиқ бош муҳаррир жавоб бериши кўрсатиляпти. Тушунишимча, эндиликда янги ўзгартириш билан нашриётга пул тиккан тадбиркор солиқ, молия масаларигагина жавоб беради ва бу жуда нормал ҳолат.

Қонунни ўзим кўриб чиқдим. Либерал сиёсат тарафдори бўлган юрист сифатида айтишим мумкинки, бу борада алоҳида цензура, тақиқ ёки китоб ишлаб чиқариш жараёнини қийинлаштириб ташловчи нормалар йўқ. Қонунчилик палатаси хабариям таҳрирланган.

👉 @Zafarbek_Solijonov

Alimoff

09 Jul 2025 14:40

🎬 ЯНГИ ВИДЕО ПРЕМЬЕРАСИ!

“Тарихимизда халқ учун яшаган ҳукмдорлар ҳам бўлганми?”

🕰 Тарихни янгича кўз билан кўришга тайёрмисиз?

Бугунги видеомизда халқ учун қайғурган, халқ дарди билан яшаган ҳукмдорлар ҳақида сўз юритамиз. Амир Темурдан тортиб Амир Шоҳмурод Масъумгача — улар давлатни қандай бошқарган? Улар қандай қилиб халқнинг қалбини забд этишган?

📜 Академик манбаларга асосланган ҳолда, халқ билан мулоқот қилган адолатли ҳукмдорларнинг ҳақиқий қиёфаси намоён бўлади.

🎥 Видеони тўлиқ кўринг, тарихни ҳис қилинг ва ўтмишдаги одил ҳукмдорлар кимлигини билииб олинг.

🔗 https://youtu.be/E-f_MVgF0fY?si=-CQUMdW6X_aOTxjU

📢 Каналга обуна бўлишни унутманг ва дўстларингиз билан ўртоқлашинг!

Alimoff

09 Jul 2025 12:20

Гулнора Каримова бўйича

Ўзбекистон Республикаси Ҳукуматининг расмий баёноти

БМТ Инсон ҳуқуқлари кенгашининг Ўзбошимчалик билан ҳибсга олишлар бўйича ишчи гуруҳи томонидан Г.Каримованинг жиноий жавобгарликка тортилиши юзасидан қабул қилинган 17/2025-сонли мулоҳазасига жавобан Ўзбекистон Республикаси Ҳукумати қуйидагиларни маълум қилади:

1. Ҳукумат Ишчи гуруҳнинг фикри Манба томонидан тақдим этилган бир томонлама субъектив маълумотлар асосида шакллантирилгани, Ўзбекистон Ҳукуматининг бу борада расмий жавоби тақдим этилгани, аммо у расмий процессуал муддатлар туфайли эътиборга олинмаганидан ташвиш билдиради. Бундай ёндашув БМТ органлари амал қилиши зарур бўлган холислик ва беғаразлик принципларига путур етказади.

2. Ўзбекистон ўзаро ҳурмат, халқаро ҳуқуқ нормаларига риоя қилиш ва икки ёқлама стандартларга йўл қўймаслик тамойилларига асосланган мулоқот ва халқаро ҳамкорлик учун ҳамиша очиқ.

3. Г. Каримовага нисбатан барча жиноий ишлар жиноят ва жиноят-процессуал қонунчилик нормаларига қатъий риоя қилган ҳолда, шунингдек, мамлакатнинг халқаро мажбуриятларини, жумладан Фуқаролик ва сиёсий ҳуқуқлар тўғрисидаги халқаро пакт қоидаларини инобатга олган ҳолда қўзғатилган ҳамда кўриб чиқилган.

4. Ҳимояга бўлган ҳуқуқ ва одил судлов ҳуқуқи жиноят процессининг барча босқичларида таъминланган. Г. Каримова мустақил равишда танланган ёки белгиланган тартибда тайинланган ҳимоячиларга мурожаат қилиш ҳуқуқига эга бўлган. Жиноят ишига оид материаллар билан танишиш, қарорлар устидан шикоят қилиш ҳамда ҳимоячи билан мулоқотнинг махфийлиги тамойилига риоя қилинган.

5. Г. Каримова иши бўйича суд қарорлари ваколатли судлар томонидан оғир ва ўта оғир жиноятлар, жумладан солиқларни тўлашдан бўйин товлаш, жиноий даромадларни легаллаштириш, давлат мулкини ғайриқонуний ўзлаштириш, фирибгарлик ва давлатга жуда катта миқдорда зарар етказган бошқа жиноятлар содир этилганлигини тасдиқловчи етарли далиллар асосида чиқарилган.

6. Г.Каримованинг 2014 йилда гўёки ўзбошимчалик билан ҳибсга олингани, узоқ муддат уй қамоғила сақлангани, "ошхонадаги суд" ва бошқа шу каби даъволар асоссиздир. Барча процессуал ҳаракатлар ва суд муҳокамалари процессуал қонунчилик нормалари ва талабларига тўлиқ мувофиқ ҳолда ўтказилган. Ҳозирги вақтда маҳкума суд қарорлари устидан қонунда белгиланган тартибда шикоят қилиш ҳуқуқига эга.

7. Ўзбекистон Республикаси Ҳукумати мазкур иш бўйича сиёсий сабаблар мавжудлиги тўғрисидаги даъволарни қатъиян рад этади. Ҳуқуқни муҳофаза қилувчи ва суд органларининг барча ҳаракатлари фақат судланувчининг жиноий ҳаракатларни содир этишдаги айбини тўлиқ тасдиқловчи ҳуқуқий ва далилий жиҳатларга асосланган бўлиб, унинг қонуний иқтисодий фаолияти ва/ёки сиёсий мавқеи ёки қарашларига дахл қилмаган.

8. Шу нуқтаи назардан, 2022 йилда Швейцария Конфедерацияси билан Ўзбекистон Республикаси Ҳукумати ўртасидаги Битим доирасида Г.Каримова илгари жиноий йўл билан орттирган ва қайтарилган молиявий маблағлардан Ўзбекистон Ҳукуматининг ислоҳотлар дастурини қўллаб-қувватлаш ва БМТнинг Барқарор ривожланиш мақсадларига эришиш учун фойдаланиш мақсадида «Vision 2030» жамғармаси ташкил этилганини таъкидлаймиз. Жамғарма бошқаруви БМТнинг Кўп томонлама шериклик траст жамғармаси орқали амалга оширилмоқда.

9. Ўзбекистон инсон ҳуқуқлари соҳасидаги халқаро мажбуриятларини виждонан бажариб келмоқда ва БМТ механизмлари, жумладан махсус тартиб-таомиллари билан конструктив мулоқотни қўллаб-қувватлашга тайёрлигини тасдиқлайди.

10. Ҳукумат халқаро тузилмаларда ўз обрўсини ҳимоя қилиш, шунингдек, ишончли ахборотни манфаатдор томонларнинг кенг доирасига тушунтириш бўйича кейинги қадамларни қўйиш ҳуқуқини ўзида сақлаб қолади.

Манба

🌟@nurbekalimov

Alimoff

08 Jul 2025 16:03

Aцтеклар учун ожизликка айланган имконият — Отумба жанги ҳақида

1520 йил 7 июль куни Мексиканинг Отумба саҳросида тарих учун ҳал қилувчи жанг бўлиб ўтган. Бу пайтда испан конкистадори Эрнан Кортес ўз жангчилари билан Теночтитлан шаҳридан енгилмасдек туюлган ацтеклар армиясидан қочаётганди. Кортеснинг қўлида фақат 400 дан сал кўпроқ пиёда аскар, йигирмага яқин отлиқ, жангга ярамай қолган бир неча арбалетчи ҳамда аркебузерлар (милтиқчилар) бор эди. Улар чарчаган, яраланган ва мағлубият кайфиятида бўлган. Ацтеклар эса ўз юртига бостириб келган бегона босқинчиларни қурбонликка айлантириш ниятида эдилар.

Жанггача бўлган воқеалар ҳам ацтекларнинг ғалабасига ишонч туғдираётганди. Испанлар Теночтитланни 1519 йилда эгаллаганидан кейин маҳаллий аҳоли уларнинг золимона бошқарувидан чарчаганди. Қолаверса, император Монтесума асирга олингани ва ибодатхонада ацтек зодагонлари қириб ташлангани халқ ғазабини авж олдирганди. 1520 йил июнда шаҳарда кенг қамровли исён бошланади ва испанлар шаҳар марказида қамалда қолади. 30 июндан 1 июлга ўтар кечаси улар шаҳардан қочишга муваффақ бўлишади, лекин бундан кейин уларни жон сақлаб қолишдан ташқари яна бир катта хавф кутаётганди.

Янги тайинланган император Куитлауак бошчилигидаги ўн минглаб ацтек жангчилари Отумбада испанларни кутиб туришарди. Ацтекларнинг жанг олдидан руҳий кайфияти эса баланд эди. Руҳонийлар уларга ғалаба ва қурбонликни ваъда қилган, худолар номидан мукаддас интиқом ҳақида сўз юритганди. Уруш майдони эса очиқ саҳро бўлиб, бу ҳолат испан отлиқлари учун кутилмаган имконият яратади.

Жангда Кортеснинг йигирматадан ҳам кам отлиғи ацтекларнинг пиёда қўшинларига қарши манёвр қилиш имконига эга бўлади. Улар ҳар сафар душман сафини ёриб ўтиб, яна ортга қайтар, ацтеклар эса юзма-юз ҳужумлар билан қарши чиқар, бирор стратегик ёндашувсиз ҳаракат қилишарди. Жанг бир неча соат давом этади. Ацтеклар минглаб жангчиларини йўқотади. Янги ҳалокатли нуқта эса уларнинг қўмондони Сиуаку ҳалок бўлганидан кейин юз беради. Армияда тартиб бузилади, қўрқув ва саросима тарқалади, жангчилар чекка томонларга чекинишга мажбур бўлишади.

Испанлар ғалаба қозонади. Бу жанг ацтеклар учун шунчаки ютқазилган бир тўқнашув эмас, балки келажакдаги ҳалокатнинг бошланиши бўлади. Эрнан Кортес тез орада иттифоқчи маҳаллий қабилалар ёрдамида қувватини тиклаб, 1521 йили Теночтитланни қайта қамал қилади ва унинг таслим этилиши билан ацтек давлатчилиги тарихда йўққа чиқади.

🌟@nurbekalimov

Alimoff

08 Jul 2025 15:17

455-йилда Рим тарихидаги энг шармандали босқинчилик содир бўлди. Вандаллар — варварлар орасида ягона халқ бўлиб, Римга денгиз орқали ҳужум қилди. Уларга деярли ҳеч ким қаршилик кўрсатмади. Римга кирган бу жангчилар шаҳарни буткул вайрон қилмаган. Улар санъат асарлари, ҳайкаллар, хазиналарни эҳтиёткорлик билан олиб чиқиб кетишди. Айнан мана шу воқеадан сўнг "вандализм" атамаси пайдо бўлди.

Бу видео сизни ўша тарихий талончилик марказига олиб боради: https://youtu.be/3Lnh2lJ5-k8?si=3fBvFillBQS4r05M

Alimoff

07 Jul 2025 18:27

Япония ва Хитой ўртасидаги қонли урушга старт берган Лугоуё қалъасидаги отишма ҳақида

1937 йил 7 июлида Пекин яқинидаги Лугоуё (Марко Поло) кўпригида япон ва хитой қўшинлари ўртасида содир бўлган кичик тўқнашув бутун Шарқий Осиёни қамраб олган йирик урушнинг бошланишига айланди. Расмий сабаб япон аскарларидан бири йўқолиб қолгани ва уни қидириш баҳонасида япон армияси Хитой ҳудудига киришни талаб қилгани бўлди. Ҳақиқий сабаб эса Япониянинг милитаристик ва империалистик сиёсат олиб бориши, ресурсларга муҳтожлиги ва Хитой истилосига тайёргарлик кўраётгани эди.

Бу пайтда Хитой жуда заиф ҳолатда эди. 1911 йилда монархия тугаган, мамлакатда ички урушлар авж олган, марказлашган давлат йўқ эди. Чан Кайши бошлиқ Гоминьдан ҳукумати номигагина ягона куч саналган бўлса-да, турли вилоятлар мустақил ҳаракат қилар, жамият ичидажипслик йўқ эди. Япония эса 1931 йилдаёқ Манчжурияни босиб олган, у ерда ўз қўғирчоқ давлатини тузган ва халқаро майдондаги танқидларга парво ҳам қилмаганди.

Лугоуё кўпригидаги ҳодисадан сўнг япон қўшинлари Пекин, Шанхай, Нанкин каби йирик шаҳарларга юриш бошлайди. Хусусан, Нанкинда юз минглаб тинч аҳоли қирғин қилинади. Лекин айнан шу фожиалар Хитойда миллатчилик кайфиятни кучайтириб, турли сиёсий кучларни японларга қарши бирлашишга мажбур қилади. Уруш йилларига қарамай, Хитой босқинчига қаршиликни тўхтатмайди. 1938 йилда Тайэрчжуандаги ғалаба ва 1941 йилдан кейин СССР ҳамда антигитлер коалициянинг ёрдами туфайли Япония учун фронт жуда оғирлашади.

1945 йилда уруш тугайди, Япония таслим бўлади. Лекин Хитойда тинчлик бўлмайди. Гоминьдан ва коммунистлар ўртасидаги фуқаролик уруши яна авж олади. 1949 йилда коммунистлар ғалаба қозониб, Тайванга чекиниб кетган Гоминьдан ҳукуматидан кейин Янги Хитой Халқ Республикаси ташкил топади. Шундан буён тарихда икки Хитой мавжуд: Тайвандаги республика ва материкдаги коммунистик катта давлат.

🌟@nurbekalimov

Alimoff

07 Jul 2025 09:26

Ҳиндихитой уруши мустамлакачиликқа қарши урушми ёки ғоялар тўқнашуви?

XX асрнинг ўрталарида Жануби шарқий Осиёда бошланган Ҳиндихитой уруши нафақат Франция мустамлакачилигига қарши кураш, балки кейинчалик Совет Иттифоқи ва АҚШ иштирокидаги глобал идеологик тўқнашувнинг марказига айланади. Уруш Вьетнам, Лаос ва Камбоджа ҳудудларини қамраб олади. Асосий тўқнашув эса Франция ва Хо Ши Мин бошчилигидаги Вьетмин ҳаракати ўртасида кечади.

1946–1954 йиллардаги биринчи Ҳиндихитой уруши Франциянинг минтақада ўз таъсирини сақлаб қолишга уринишига қарши вьетнамликлар қўлига қурол олгани билан бошланади. Уруш қатъий партизан услубида олиб борилади. Оқибатда, 1954 йилдаги Женева конференцияси Франциянинг минтақадан чиқиши билан якунланади.

Лекин тинчлик узоққа чўзилмайди. Ҳиндихитой уруши иккинчи босқичда АҚШ ва Совет Иттифоқи таъсиридаги Вьетнам урушига айланиб кетади. Бу можаро Лаос ва Камбоджада ҳам қуролли тўқнашувлар, коммунистик ва капиталистик кучлар ўртасидаги таъсир кураши билан давом этади.

Ҳиндихитой уруши натижасида мустамлакачилик тизими расман тугайди, лекин бунинг ўрнида янги зиддиятлар ва фожиалар вужудга келади. Миллионлаб одамлар ҳалок бўлади, минтақанинг сиёсий харитаси тубдан ўзгаради, Ғарб ва Шарқ ўртасидаги қарама-қаршилик эса янада чуқурлашади.

🌟@nurbekalimov

Alimoff

06 Jul 2025 15:18

⚡️Abituriyentlar diqqatiga!

🏢 O‘zbekiston davlat san’at va madaniyat institutida kasbiy (ijodiy) imtihonlar — joriy yilning 7-iyul sanasidan 15-iyul sanasiga qadar yo‘nalishlar kesimida o‘tkaziladi.

Quyidagi havola orqali ushbu institutda kasbiy (ijodiy) imtihon topshirishni belgilagan abituriyentlar imtihon kuni, vaqti va guruhini bilib olishi mumkin:

👉 San’atshunoslik: sahna va ekran san’ati dramaturgiyasi;
👉 San’atshunoslik: kino san’ati tanqidi va tahlili;
👉 San’atshunoslik: teatrshunoslik
👉 San’atshunoslik: san’at jurnalistikasi;
👉 Aktyorlik san’ati: dramatik teatr va kino aktyorligi;
👉 Aktyorlik san’ati: musiqali teatr aktyorligi;
👉 Aktyorlik san’ati: maqom teatr aktyorligi;
👉 Aktyorlik san’ati: qo‘g‘irchoq teatri aktyorligi;
👉 Aktyorlik san’ati: estrada aktyorligi;
👉 Rejissyorlik: kino va televideniye rejissyorligi;
👉 Rejissyorlik: estrada va ommaviy tomoshalar rejissyorligi;
👉 Rejissyorlik: dramatik teatr rejissyorligi;
👉 Rejissyorlik: qo‘g‘irchoq teatr rejissyorligi;
👉 Rejissyorlik: musiqali teatr rejissyorligi;
👉 Kino-teleoperatorlik;
👉 Xoreografiya: xoreografiya jamoalari rahbari;
👉 Xalq ijodiyoti: folklor ijrochiligi;
👉 Xalq ijodiyoti: an’anaviy xonandalik;
👉 Xalq ijodiyoti: cholg‘u ijrochiligi;
👉 Xalq ijodiyoti: vokal ijrochiligi.

Bakalavriat ta’lim yo‘nalishlarining Kasbiy (Ijodiy) imtihonlar o‘tkazish jadvali

Bizni kuzating

Alimoff

05 Jul 2025 19:41

Янги даврнинг эски қўзғолончилари — гуситлар ҳақида

1415 йил Чех дин уламоси Ян Гус ўз юришлари охирида инквизиция қарори билан ёқиб юборилади. Лекин унинг ғоялари ўлмайди. Аксинча, бутун Богемия бўйлаб кенг халқ ҳаракатига айланади. Шу тариқа “гуситлар” деб аталган ҳаракат пайдо бўлади. Улар нафақат диний ислоҳот, балки миллий ва ижтимоий адолат учун ҳам курашадилар.

Гуситлар бир хил эмасди — уларнинг ичида турли оқимлар бор эди. Масалан, таборитлар — Табор шаҳрида жамланган радикаллар, асосан қашшағлар, деҳқонлар, камбағал амалдорлар. Улар подшоҳликни инкор этар, мулк тенглигини талаб қилар, баъзан шунчалик кескин курашар эдики, ҳатто “Исо қайтиб келади” деб ишонган пикартлар каби оқимлар ҳам юзага келади. Ян Жижка вафотидан кейин унга эргашган жангчи таборитлар, мулкдорларга қарши қаттиқ кураш олиб борганлар.

Шунингдек, чашниклар деб аталган мўътадил қанот ҳам бор эди. Улар нафақат нон, балки шароб орқали ҳам муқаддас аҳдга шерик бўлишни талаб қилар, ерли католик черкови мулкларини секулярлаштириш ва озод диний таълимни йўлга қўйишни хоҳларди. 1433 йилда улар Империя билан муроса қиладилар ва кейинроқ радикал гуситларга қарши уришадилар. Липани жанги (1434) фақат гуситлар ўртасидаги тўқнашувнинг энг ҳал қилувчи палласи бўлди.

Гусизм Чехиядан ташқарига ҳам таъсир кўрсатади — Литва ва Польшадаги гуситлар диний эркинлик ва ижтимоий адолат учун ҳаракат қиладилар. Улар ҳарбий жиҳатдан енгилган бўлсалар-да, келажакдаги Европа Реформациясига кучли замин тайёрлашга улгурди ва уларнинг уринишлари Империянинг чекланган салоҳиятини очиб берди.

🌟@nurbekalimov

Alimoff

05 Jul 2025 17:46

Яқинда бир гуруҳ энтузиастлар томонидан очилган FarengeytPress нашриёти ўсмирларнинг молиявий саводхонлигини ошириш йўлида ANORBANK билан ҳамкорлик келишувини имзолаганини, ушбу ҳамкорлик доирасида “Usborne” нашриётининг машҳур “For Beginners” туркумидан “Пул: бошланғич сабоқлар” китоби ўзбек тилида нашр этилаётганини ўқиб жуда хурсанд бўлиб тургандим.

Бу янгилик кетидан банк акциядори билан боғлиқ Париждаги ҳолатни ўқиб, хапаям бўб кетдим. Мен бу воқеага биргина "кўча жиноятчилиги" билан боғлиқ янгилик сифатида қарашга шошилмаслик керак, деб ҳисоблайман. Бу — аниқ бир инсонга тегишли фожиа. У киши нафақат бир ташкилот акциядори, балки оила бошлиғи, ота, ўғил, дўст, ҳамкасб — яъни шу сизу бизларга ўхшаган одам. Исталган юртдошимиз, тадбиркорми у, ўқитувчими, ошпазми, бунақа ҳолатга тушиши инсоний қалбда бефарқлик қолдирмайди.

Ўзим банк иловасини ишлатаман, ортиқча мақташ ёки ёмонлаш тарафдоримасман. Банкнинг бошқа ижтимоий лойиҳаларини ҳам ёзишибди, маладес деб қўйдим, ўқиб.

Ўша гап — чет элда юз берган воқеа ортида бизнес эмас, балки одам турибди. Шу боис, эҳтиросни йиғиштириб, бизга пул керак пайтда микроқарз бериб турган банкни (фоизи жа сиз ўйлаганчалик баландмас лекин) бизам қўллаб қувватлайлик.🙏

Банк вакилига тезроқ соғайишини ва оиласи бағрига саломат ҳолда қайтишини тилаб қоламан.💪

🌟@nurbekalimov

Alimoff

04 Jul 2025 16:28

Подшоҳдан ҳам роялистлар — ўта ўнг оппозиция нима дегани?

Сўнгги 200 йиллик сиёсий тарих гувоҳки, баъзи авторитар ҳокимиятлар фақатгина либераллар ёки прогрессчилар томонидан эмас, балки ўзларидан ҳам ўнгда турган мухолифатчилар томонидан танқидга учрайди. Яъни, “подшоҳдан ҳам кўра роялистлар” майдонга чиқади.

Масалан, 1814–1830 йилларда Франциядаги Бурбонлар реставрацияси давридаги ультрароялистлар. Людовик XVIII конституция ва парламентни тан олган мутадил консерватор эди. Лекин унинг ислоҳотларини хиёнат деб билган ультрароялистлар, граф д’Артуа атрофида жамланган ҳолда, ҳатто парламентда ҳам ҳаддан ташқари кескин позиция тутадилар. Бу палата шунчалик “носоғлом” эдики, подшоҳнинг ўзи уни тарқатиб юборади. Лекин кейинроқ граф д’Артуа Карл X сифатида тахтга чиқиб, цензурани кучайтирмоқчи бўлади – натижада 1830 йилда Июль инқилоби содир бўлади.

Ўхшаш вазият Испанияда ҳам кузатилган. Фердинанд VII либералларни бутунлай йўқ қилмагани учун, ундан ҳам кўпроқ репрессия талаб қилган ультрароялистлар ҳатто “норозилик қўзғолони”ни кўтарадилар. Кейинчалик эса Карлизм деб аталувчи оқим шаклланиб, у ХХ асргача сиёсий куч сифатида сақланиб қолди.

Биринчи жаҳон уруши пайтида Германияда ҳам шундай гуруҳ пайдо бўлди: кайзер ҳукуматини заиф ва ҳеч нарсага қодир эмас деб ҳисоблаган Немис Ватанпарварлар партияси. Улар демократик жараёнларга қарши чиққан ва тўлиқ диктатурани талаб қилган. Кейинроқ бу партия асосида Веймар республикасига қарши ҳаракат қилган партия шаклланади – айнан улар Гитлернинг ҳокимиятга келишига йўл очиб берганди.

Хозирги Россияда ҳам масалан Сирелков-Гиркинни шундай категорияга киритиш мумкин. У Путиндан ҳам қонхўрроқ режим тарафдори бўлиб, Путин етарли қон тўкмаяпти деган риторика билан уни танқид қилавериб, қамалиб ҳам кетти.

Бундай “ўта ўнг мухолифат” қисқа муддатда таъсирга эга бўлиши мумкин, лекин кўпинча либераллар ва мўтадил консерваторлар олдида ютқазади. Шунга қарамай, улар узоқ муддатда сиёсий саҳнада сақланиб қолади ва кейинги авлод сиёсатчиларига таъсир кўрсатишда давом этади.

🌟@nurbekalimov

Alimoff

04 Jul 2025 09:16

“Анор” – хорижда яшовчи ўзбек ёшлари учун

“Ватандошлар” жамоат фонди ташаббуси билан “Анор” лойиҳаси доирасида турли давлатларда яшовчи 50 нафар ёш ватандош 12 кун давомида Бўстонлиқ туманидаги “Ниҳол” оромгоҳида дам олди.

Дастур давомида турли тўгараклар, маърифий учрашувлар, ўйинлар, экскурсиялар ташкил этилди. Ҳар бир кун ўзига хос тарзда, кўнгилочар воқеликларга бой тарзда ўтди.

Ёпилиш маросимида тантанали концерт, иштирокчиларни тақдирлаш, танловлар ғолибларини эътироф этиш каби тадбирлар бўлиб ўтди. Шунингдек, чет элда ўзбек тилини мустақил ўрганиш учун яратилган “O‘zbekistonlikmiz” мобил иловаси тақдим қилинди.

📌 Бу йил 400 нафардан ортиқ ёшлар ушбу лойиҳага иштирок этиш талабгори бўлиб, улардан 50 нафари саралаб олинди. Улар орасида ўзбек тили бўйича халқаро олимпиада ғолиблари ҳам бор эди.

Бундай лойиҳалар фарзандларимизнинг ўзликни англаши, миллийликни сақлаб қолиши учун катта аҳамиятга эга.

🌟@nurbekalimov

Alimoff

03 Jul 2025 10:26

Империялар орасида яшаган генерал

Пауль фон Гинденбург — Германия тарихидаги энг баҳсли ва муҳим шахслардан бири. Унинг ҳаёти икки Германияни кўрди: Бисмарк давридаги империя ва Гитлерга йўл очиб берган Веймар республикаси. Генерал сифатида у Биринчи жаҳон урушида Германиянинг “миллий қаҳрамони”га айланган бўлса, сиёсий раҳбар сифатида демократиянинг ҳалокатини тасдиқлаган шахсга айланди.

1847 йилда пруссиялик аристократ оиласида туғилган Гинденбург бутун умрини ҳарбий хизматга бағишлайди. 1914 йилда ёши 67 га етган бўлса-да, у Биринчи жаҳон урушида фронтга чақирилади ва Шарқ фронтидаги Танненберг жангида Россия армияси устидан йирик ғалабага эришади. Унинг бу муваффақияти Германияда миллий ғурур тимсолига айланади.

Уруш тугагач, бироз сиёсатдан четда турган Гинденбург 1925 йилда 78 ёшида Веймар Республикаси президенти этиб сайланади. Бу сиёсатда катта тажрибага эга бўлмаган, лекин халқ ишончига сазовор бўлган қаҳрамоннинг янги синови эди. Ҳокимиятда бўлганда, у Германиядаги иқтисодий инқироз, сиёсий бесубутлик ва радикал кучлар ўртасидаги тортишувларга қарши мувозанат сақлашга уринади.

Лекин айнан Гинденбургнинг 1933 йилда Адольф Гитлерни канцлер этиб тайинлаши Германиянинг тақдирини кескин буриб юборади. У бундай қарорни мамлакатдаги ҳукумат инқирозини бартараф этиш мақсадида қабул қилганини айтган. Лекин бу қарор на демократик тартибни сақлаб қолади, на инқирозни ҳал қилади. Гитлерни ҳокимиятга олиб кирган Гинденбург 1934 йилда вафот этади. Унинг ўлими ортидан на президентлик институти, на Веймар Республикаси қолди — даҳшатли диктатура бошланди.

Гинденбург шахси тарихчиларни икки қарама-қарши нуқтада қийнайди: у миллий қаҳрамонми ёки авторитаризмга эшик очиб берган сиёсий фигурами? Унинг ҳаёти немис тарихи учун сабоқ. Ҳарбий шараф ва сиёсий масъулият ҳар доим бирга юришга мажбур эмас.

🌟@nurbekalimov

Alimoff

10 Jul 2025 11:45

120 йил аввал «Князь Потёмкин» броненосецидаги қўзғолон қон билан бостирилган эди

1905 йил, биринчи Россия инқилоби алангаланаётган бир пайтда, Одессада оммавий норозиликлар, ишчилар ва матрослар ўртасида тўқнашувлар авж олганди. Бу шиддатли муҳитда Қораденгиз флотидаги энг янги ва қудратли ҳарбий кемалардан бири — «Князь Потёмкин-Таврический» броненосецида (зирхташувчи) ҳам кутилмаган қўзғолон бошланади.

Кема бортда 781 матрос, 15 нафар офицер, икки шифокор ва бир руҳоний билан Одесса томон сузиб кетаётганди. Матросларнинг 56 фоизи яқинда хизматга келган янги аскарлар эди. Улар орасидаги норозилик аллақачон йиғилиб қолган, лекин бошлиқлар буни пайқамаган ёки етарлича жиддий қабул қилмагандилар.

Қўзғолон учун туртки эса оддий бир воқеа бўлади: 27 июнь куни матросларга ачиб-сасиган гўштдан тайёрланган шўрва берилади. Матрослар бу ҳақоратли ҳолатдан қаттиқ норози бўлиб, овқатни рад этишади. Командир Евгений Голиков эса вазиятни тинчлантириш ўрнига, масалага қаттиққўллик билан ёндашади. Шўрва ичишдан бош тортганларнинг исм-шарифини ёзиб олишни буюради. Натижада 30 га яқин матрос ҳибсга олинади.

Қолган матрослар уларни жазолаш нияти борлигини англаб, қаттиқ ғазабга келади. Ўз ҳамкасбларини қутқариш учун улар қўзғолон кўтаришади. Бош офицерлар қатл қилинади, кема эса инқилоб рамзига айланади.

Бир муддат броненосец Одессада туриб, намойишчиларни қўллаб-қувватлайди, лекин хориж портларига қочишга мажбур бўлишади. Бир неча ҳафтадан кейин қўзғолончилар Руминия ҳудудида таслим бўлишади, кема эса Россия томонидан қайтариб олинади.

Бу воқеа нафақат Россия ҳарбий флоти, балки бутун инқилобий ҳаракат учун рамзий аҳамият касб этганди. «Потёмкин»даги қўзғолон бир кемадаги овқат шикоятидан бошланган бўлса-да, бутун тузумга қарши исёнга айланади.

🌟@nurbekalimov

Alimoff

09 Jul 2025 18:43

316 йил аввалги Полтава жангидан сўнг Швеция қайтиб тузала олдими?

1709 йил 8 июль куни тарихий Полтава жанги бўлиб ўтган. Бу катта Шимолий урушнинг энг ҳал қилувчи тўқнашуви эди. Россия қўшинлари Пётр I бошчилигида ғалаба қозонади, шведлар эса шунчалик оғир мағлубиятга учрайдиларки, уларнинг ҳарбий кучи шундан кейин қайта тикланмайди.

Швед қироли Карл XII Россияга ҳужум қилишдан аввал Польша ва Литвадаги қаршиликни енгади, кейин эса Россия ҳудудига юзланади. У Ингерманландияни қайтариб олиб, Новгород ва Псковни эгаллаш, ҳатто Россия тахтига ўз номзодини ўтказишни режалаштирганди. Бу мақсадда у Запорожье казаклари ва гетман Мазепа билан тил бириктиради. Лекин Россия ҳукумати Мазепанинг ҳаракатларини зудлик билан жиловлаб, унинг ерларини талон-торож қилади. Бу билан Карл XII 50 минг казак эмас, атиги 10 мингга яқин ёрдамчи кучга эга бўлади.

Унинг Ливониядан келаётган 16 минглик қўшинлари Лесная жангидан сўнг йўқ қилинади. Карл Киевни олиш ниятида Полтавада тўхтайди, лекин шаҳар қамали чўзилади ва бу пайтда Россия армияси етиб келади.

Рус қўшинларини расман Шереметев бошқарган бўлса-да, аслида жангга шахсан Пётр I қўмондонлик қилган. Унинг ихтиёрида 42 минг аскар ва 100 дан ортиқ зўр артиллерия қуроллари бор эди. Швед армияси эса сони бўйича камроқ эди — тахминан 17 минг жангчи ва атиги 4 та тўп. Карлнинг ўзи жанг олдидан жароҳатлангани учун қўмондонликни Реншильдга топширади.

Жанг куни шведлар тунда ҳужум бошламоқчи бўлишади, лекин руслар бу ҳаракатни пайқаб, редутларни ҳимоя қилишга тайёр туришади. Қаттиқ тўқнашувлардан сўнг Россия армияси Карлнинг пиёда ва отлиқ кучларини ортга суради. Жангнинг ҳал қилувчи палласида шахсан Пётр I ўз қўшинлари билан ҳужумга ўтади ва шведлар тор-мор бўлади. Жангдан сўнг улар Переволочнада қуршовга олинади ва таслим бўлади.

Россия атиги 1,5 минг аскарини йўқотади, шведлар эса деярли бутун армиясини. Карл XII ўз жонини қутқариб, кам сонли жангчилар билан қочиб қолади. Бу жангдан сўнг Россия Шимолий урушда ташаббусни тўлиқ ўз қўлига олади ва Европада янги куч сифатида шакллана бошлайди.

🌟@nurbekalimov

Alimoff

09 Jul 2025 15:57

Ўзбекистонда илк бор софлиги 99,9% рений металли экспорти йўлга қўйилди

Ўзбекистон технологик металлар комбинати (ТМК) Эстониянинг “VLCor Baltic OU” компанияси билан имзоланган шартнома асосида илк бор рений металлини экспорт қилди. Бу Ўзбекистонда рений металли экспортининг амалдаги бошланишини англатади.

Рений — мураккаб технологиялар, аэрокосмик соҳалар ва юқори ҳароратли суперқотишмалар (суперсплавлар) ишлаб чиқаришда жаҳонда тан олинган стратегик металл ҳисобланади.

ТМК томонидан 2025 йил ярим йиллик давомидаги жами экспорт ҳажми — 21,3 млн доллар (118% ўсиш) ни ташкил этади.

🌟@nuurbekalimov

Alimoff

09 Jul 2025 13:27

«Сурункали қоидабузарлар» дастури ишга тушади

Ўтган йилда ҳайдовчилар 24 миллионта ҳуқуқбузарлик содир этган. Буларнинг 81 фоизи қўпол қоидабузарликка киради. Самарқанд, Қашқадарё, Тошкент вилояти ва Тошкент шаҳрида бу сурункали тус олган.

Ижтимоий тармоқларда аҳоли, ҳатто таниқли шахслар ўртасида «жаримани тўлаб қўйдим-ку, хоҳлаганимдек юравераман», дейиш авж олган.

Эндиликда йўлларда ҳайдовчилик маданиятини ошириш, ашаддий ҳуқуқбузарларга қонун кучини кўрсатиш мақсадида янги тизим қилинади.

Бунинг учун «Сурункали қоидабузарлар» дастури ишга туширилади.

Қарама-қарши ҳаракатланиш, чироқнинг қизил рангида ўтиш бир ой ичида 2 марта содир этилса ёки тезлик 5 марта оширилса – 1 йилгача жаримадан чегирма берилмайди.

Бундай ҳуқуқбузарликлар бир ой ичида 10 тадан кўп бўлса – 6 ойгача ҳайдовчилик гувоҳномасидан маҳрум қилинади.

Шунингдек, тезлик учун жарималарни қайта кўриб чиқиб, меъёрдан 2-3 карра тез юрганларни ҳайдовчилик ҳуқуқидан маҳрум қилиш бўйича қонунчиликка ўзгартириш киритилади.

🌟@nurbekalimov

Alimoff

09 Jul 2025 11:35

10 йил аввал Латакияда Туркия томонидан уриб туширилган Россия ҳарбий самолёти ҳақида

2015 йил 24 ноябрь куни Суриянинг Латакия вилояти осмонида Россияга тегишли Су-24М бомбардимончи учоғи Туркия ҳаво кучларининг F-16C қирувчиси томонидан уриб туширилади. Туркия расмийлари самолёт уларнинг ҳаво ҳудудини бузганини, 10 марта огоҳлантирилганини, лекин бу инобатга олинмаганини таъкидлаган. Россия эса бундай даъволарни рад этади ва самолёт фақат Сурия ҳудудида бўлганини билдиради.

Самолёт экипажи катапульта орқали қутулишга уринган. Лекин командир Олег Пешков ерга тушган заҳоти Суриядаги қаршилик кучлари томонидан отиб ўлдирилади. Иккинчи аъзо – штурман Константин Мурахтин эса тирик қолиб, Россия ва Сурия қўшинлари томонидан муваффақиятли эвакуация қилинади.

Қутқарув амалиёти давомида Россиянинг Ми-8 вертолёти ҳам ўққа тутилади ва портлаб кетади. Унинг ичида бўлган денгиз пиёда аскари Александр Позынич ҳалок бўлади. Бу воқеалар Россия жамоатчилигида қаттиқ ғазаб уйғотган.

Ҳодиса Россия ва Туркия ўртасида кескин дипломатик инқирозга олиб келади. Россия Туркияга нисбатан қатор санкциялар жорий қилади: визаларни қайта тиклайди, туристик парвозлар тўхтатилади, турк маҳсулотларига эмбарго қўйилади, йирик иқтисодий лойиҳалар музлатилади. Бундан ташқари, Россия Латакиядаги авиабазасига С-400 зенит-ракеталари тизимини ўрнатади.

Бир йилдан сўнг, Туркия президенти Ражаб Тоййиб Эрдўған Россиядан расман узр сўраб, икки томон муносабатларини нормаллаштиришга уринган. Шундан сўнг алоқалар босқичма-босқич тиклана бошлайди. Лекин барибир бу воқеа икки давлат ўртасидаги ишончга қаттиқ зарба берган.

🌟@nurbekalimov

Alimoff

08 Jul 2025 15:39

InfinBANK Visa карталари энди Swoo Pay билан интегратсиялашди, бу дегани смартфонингизга Swoo Pay’ни ўрнатиб олсангиз, контактсиз тўлов бўйича муаммо бўлмайди дегани.

Хўш, бу нимаси билан зўр? Биринчидан, вақтингизни тежайди. Картани бир марта уладингизми, бўлди. Тўловлар шундоққина ўтади! Иккинчидан, пул масаласида хотирингиз жам бўлсин. Swoo Pay тўловларни замонавий технологиялар билан ҳимоялайди. Учинчидан, интернет йўқ бўлса ҳам ишлайверади. Энг муҳими, Zero Visa InfinBank энг сўнгги тренд карта. У билан сиз доимо замон билан ҳамнафас бўласиз ва қулайлик нималигини доим ҳис қиласиз.

Тўловлар шунчалик осонлашяптики, пул тўлаш учун ҳатто қўлимизни чўнтагимизга тиқишга ҳам эринадиган бўлиб қолдик! Технологияларга раҳмат!

🔐Хавфсизликни таъминлаш учун иловани фақат расмий манбалардан юклаб олиш керак.

Реклама

Alimoff

08 Jul 2025 09:33

Бомба ташувчи самолёт Эмпайр-стейт-билдингга урилгани ҳақида

1945 йил 28 июль куни АҚШ тарихида ўчмас из қолдирган воқеа содир бўлади. Америка ҳарбий ҳаво кучларига тегишли B-25 “Митчелл” бомбардимончиси Нью-Йоркдаги Эмпайр-стейт-билдингга бориб урилади.

Самолёт Бедфорд (Массачусетс)дан Ньюарк (Нью-Жерси)га учаётган эди. Кучли туман сабаб командир Уильям Смит йўналишни аниқлашда адашиб, шаҳар марказига яқинлашиб қолади.

Ҳайратланарлиси шундаки, у Манҳэттен осмонларида айланиб юрган пайтда 503 метрли Эмпайр-стейт-билдингнинг юқори қаватларини кўра олмаган.

Соат 9:40 да B-25нинг бурни бинодаги 79-қаватга урилади. Самолётдаги уч кишининг барчаси ҳалок бўлади. Бинодаги яна 11 киши ҳалок бўлади, айримлари ишхонада, бошқалари эса лифтда ёки йўлакда бўлишган. Тўқнашув оқибатида ёқилғи портлаган, юқори қаватларни олов қамраб олган ва тешикдан уч қисмдан иборат самолёт двигателлари ва девор орқали бир қаноти учиб чиққан.

Қизиғи шундаки, бинода конструктив вайронагарчилик бўлмаган, чунки у аввалдан самолёт зарбасига чидамли қилиб лойиҳалаштирилганди. Шу сабаб, портлаш ва ёнғинга қарамай, бинодан одамлар эвакуация қилинади ва у қисман ишлашда давом этади.

Бу воқеа Иккинчи жаҳон уруши вақтида юз берган бўлса-да, уруш фронтида эмас, тинч шаҳарда, дунёдаги энг баланд бинолардан бири билан содир бўлди. Кейинчалик бу фожиа АҚШда шаҳарлар устидаги парвозлар хавфсизлигига оид янги қоидалар киритилишига сабаб бўлди.

🌟@nurbekalimov

Alimoff

07 Jul 2025 13:19

🎭 Ўзбекистондаги биринчи театр қаерда бўлганини биласизми?

Бу Самарқандда эди. Ва унда саҳналаштирилган илк пьеса “Падаркуш”. Бу асар фақат санъат эмас, халқни илмга, тафаккурга ундовчи даъват эди.

Бу икки кучни саҳна ва тафаккурни бирлаштира олган шахс бу Абдулла Авлоний бўлган.

Афсуски, бу тарихий чиқиш фақат бир марта ижро этилди. Илм олишга чақириқ совет ҳокимияти учун хавфли туюлди. Лекин бу бир марталик саҳна ўша замон одамлари орасида фикр уйғотди.

Одамлар эшитди. Ўйлади. Муҳокама бошлади.

📺 Бу ҳақда батафсил Қурултой подкастининг махсус сонида.
⏯️Youtube'да кўринг: https://youtu.be/cISifa5w36s

Alimoff

06 Jul 2025 16:32

Ян Жижка — католиклар қаҳри ва кўр саркарда

Баъзилар қаҳрамон бўлиб туғилади. Баъзилар эса қаҳрамонга айланади. Ян Жижка ана шундай урушларда ном чиқарган, кўзи сўқир бўлса-да, жанг майдонларини ларзага солган саркарда эди.

У аввалида оддий богемиялик кичик амалдор эди, тирикчиликни қилич билан топарди. Грюнвальд жангида тевтонларга қарши жангда бир кўзини йўқотади, сўнгра турклар билан, ҳатто Азенкур жангида французлар сафида ҳам қатнашади. Бир муддат қароқчилик қила бошлайди. Лекин кейин иймонга келиб, 1419 йилда гуситларнинг радикал қаноти — таборитларга қўшилади.

1420 йилда у Прагадаги католикларга қарши қўзғолонни қўллаб-қувватлайди. Салбчиларга қарши урушда Жижканинг отрядлари янги тактик усулларни жорий этади.

Императорнинг 30 минглик армияси Прагани қамал қилганида, Витков тепалигида Жижка қурган махсус мудофаа иншоотлари шаҳарни сақлаб қолади. Уруш гуситлар ғалабаси билан якунланади, Жижканинг нуфузи эса кўкка кўтарилади.

Лекин уруш шафқатсиз. 1422 йилда у иккинчи кўзидан ҳам ажралади, лекин кўр бўлса ҳам армияни бошқаришда давом этади. Броддаги жангда Сигизмундни мағлуб этгач, шаҳарни ҳимоя қилганлар ўлдирилади, қолганлари қочади.

Жижканинг муваффақияти нимада эди? Бу замонавий ҳарбий тафаккурда: қўшинларнинг аъло даражадаги мувофиқлашуви, артиллерияни жанг пайтида тезкор қайта жойлаштириш, жанг аробаларидан ҳужум ва мудофаада самарали фойдаланиш — булар 15-асрдаги ҳарбий инқилоб эди.

Жижка 1424 йилда, қамал пайтида вабодан вафот этгани тахмин қилинади. Ривоятларга кўра, у ўлимидан сўнг терисидан ноғора тайёрлаш ва шу асбоб билан душманни қўрқитиб туришни васият қилганмиш.

🌟@nurbekalimov

Alimoff

06 Jul 2025 13:28

“Инсон ўзини жабрланувчи сифатида кўрсатса, бахти учун бошқани айбдор қилса, атрофида абьюзерлар пайдо бўла бошлайди”- Дилшод Утаров.

🎙 Бу сафар Parda Podcast’да Дилшод Утаров билан жуда муҳим мавзулар муҳокама қилинган. Қизиқарли фикрлар, ҳаётий мисоллар ва амалий маслаҳатлар — шу ерда!

🔗 https://youtu.be/iHj0bPJ8sdc?si=Nst5Sj-SAEVTnbja

Alimoff

05 Jul 2025 18:10

Папа зуавлари кимлар эди?

XIX аср ўрталари, Италия бирлашуви даври. Папа ҳокимияти маркази бўлган Рим энди Сардиния қироллигига қарши сўнгги тўсиқ эди. Папа Пий IX ўз ҳудудларини ҳимоя қилиш учун нафақат швейцариялик гвардиячилар ва ихтиёрий маҳаллий қўшинларни, балки махсус элита қисм — зуавларни ҳам тузади.

Папа зуавлари биринчи бор 1860 йилда Франция ва Бельгиядаги кўнгиллилар орасидан тузилган. Уларга француз генерали Луи де Ламорисьер раҳбарлик қилган, шаклланишида Бретань ва Вандея каби консерватив ҳудудлар фаол қатнашган. Қизиғи шундаки, зуавлар шимолий Африкада хизмат қилган француз юзавларига ўхшаб, кенг ва ғаройиб шимлар кийишган. Ватиканда баъзилар бу кийимни “мусулмонча” деб танқид қилган бўлса-да, Папа уларни ўзи тасдиқлаган.

1868 йилга келиб, зуавлар сони 4500 нафарга етади — кўпчилиги голландлар, энг оз сони эса руслар (атиги икки киши) эди. Улар енгил пиёда аскарлар сифатида фаол ҳаракат қилган, лекин жанг майдонида фақатгина ютуқларга эришган дейиш қийин: Кастельфидардо (1860) ва Монтелибреттида (1867) мағлуб бўлганлар. Фақатгина Ментана жангида (1867) француз қўшинлари ёрдамида ғалаба қозонганлар.

1870 йилда италияликлар Римни эгаллайди. Зуавлар фаол қаршилик кўрсатади, аммо натижа бўлмайди. Шу билан Папа давлати тугайди. Зуавлар эса Францияга кетишади. Бу ерда улар Париж Коммунасига қарши жанг қилишга мажбур бўлишади.

🌟@nurbekalimov

Alimoff

04 Jul 2025 17:24

Владислав Листьев — сўз эркинлигининг ўлими

1990-йиллар бошлари Россияда сиёсий ва иқтисодий ўзгаришлар шиддат билан кечаётган, давлат назорати заифлашган, бойликлар учун кураш эса кучайган давр эди. Ана шундай нотинч вақтда Владислав Листьев номи бутун мамлакатда танилганди.

Листьев машҳур тележурналист, “Взгляд”, “Поле чудес”, “Час пик” каби кўрсатувларнинг юзи, миллионлаб томошабинларнинг севимлиси бўлган. 1995 йил бошида у янги ташкил этилган ОРТ (Очиқ Россия телевидениеси) телеканалига раҳбар бўлади ва телевидениедаги коррупцияга қарши қатъий қадамларни бошлайди. Хусусан, реклама бозорини шаффофлаштиришга ҳаракат қилади.

Лекин 1995 йил 1 март куни Листьев Москвадаги уйининг подъездида отиб ўлдирилади. Унинг на телефони, на пулларига тегилган — бу пул учун қилинган жиноят эмаслигини кўрсатарди. Қотиллик буюртма асосида амалга оширилган, деган тахминлар ҳам пайдо бўлади. Ҳатто баъзи журналистлар буни “биринчи медиа қотиллик” деб аташди.

Қотиллар аниқланмади, жиноят ҳанузгача очилмаган. Лекин Листьевнинг ўлими Россияда сўз эркинлиги ва оммавий ахборот воситалари хавфсизлиги учун қайғули рамзга айланди.

Мавзуга чуқурроқ қизиққанлар анча йил олдин “Дарё” нашрига ёзган мақоламни ўқиб чиқишлари мумкин.

🌟@nurbekalimov

Alimoff

04 Jul 2025 11:34

“Саратон бўйича даволаш ҳамма жойда бир хил”, — онколог Рустам Норбаев

Ҳеч кимда бошқача кимё ёки нур терапия мавжуд эмас. Ўзбекистондаги онкология замонга мос руҳда.

Ягона муаммо бу кеч шифокор кўригига келиш. Бизда саратондан ўлимлар кўпаётганининг асосий сабаби шунда экан.

Батафсил шу ерда:

https://youtu.be/bjS0MO22i5A?si=flaZ1MGnNHNG_eFb

Alimoff

03 Jul 2025 18:37

Жанубий Корея тарихидаги энг йирик фожиалардан бири ҳақида

1995 йил 29 июнь куни Сеул шаҳрида жойлашган “Сампун” савдо маркази фалокатли тарзда қулайди. Бу ҳодиса Жанубий Корея тарихидаги тинчлик шароитида юз берган энг йирик иншоот вайронаси ҳисобланади. Ушбу ҳалокат вақтида бинода 1 445 киши бўлган, улардан 502 нафари ҳалок бўлади, юзлаб одамлар тан жароҳати олади.

Марказ 1990 йилда очилган бўлиб, унга ҳар куни ўртача 40 минг киши ташриф буюрарди. У илк бор тўрт қаватли қилиб режалаштирилган, лекин пойтахтда Олимпиада олдидан қурилишлар авж олганидан келиб чиққан ҳолда, лойиҳа ўзгартирилади ва бешинчи қават ҳам қўшилади. Бино чиқиндихона жойлашган заиф тупроқ устига қурилган ва қурилиш жараёнида қатор техник ва хавфсизлик талаблари бузилган: носпецификацияга мос бетон, нозик темир арматуралар, колонналарнинг нотўғри диаметри, конструкцияга ортиқча юк туширувчи кондиционерлар ва бошқа омиллар ҳалокатга сабаб бўлган.

Ўша куни бинонинг бешинчи қаватида оғир техникалар ва ресторан жиҳозлари фонида пол ёрилиб, ён томонга босим туша бошлаган. Соат 17:52 да бинонинг том қисми пастга қулаган ва бу жараён 20 сония ичида бутун иншоотни йиқитган.

Фожиадан сўнг бир ой давомида қутқарув ишлари олиб борилади. Ҳалокат сабаблари юзасидан очилган иш натижасида 25 нафар масъул шахс жиноий жавобгарликка тортилади. Архитектор қамоқдан чиққач диний фаолиятга ўтган. Давлат томонидан жабрланувчиларга 375,8 миллиард вон (тахминан 300 миллион доллар) миқдорида компенсация тўланган.

Бу воқеа ортидан мамлакатда 1980-йиллар охирида қурилган барча бинолар текширувдан ўтказилади. Улардан фақат 2 фоизи қоидабузарликсиз деб топилган, 14 фоизида эса тўлиқ реконструкция зарурлиги аниқланган. Қолган қисми таъмирга муҳтож бўлган.

Энг қизиғи шундаки, ҳукумат фожиа юз берган жойда ёдгорлик қуриш ўрнига, янги премиум тоифали савдо марказини барпо этади. Ҳақиқий ёдгорлик эса бошқа жойда ташкил этилган.

🌟@nurbekalimov

Alimoff

03 Jul 2025 08:09

Хусусий ОТМлар учун аниқ мезонлар белгиланди

Бугунги кунни хусусий таълимидаги энг катта муаммо — аниқлик йўқлиги. Ким ўқитяпти, ким шунчаки кўрсатма беряпти, ким ҳақиқатан илмга хизмат қиляпти, ким товуқ катакдаям универ очволиб, фақат соққа қиляпти — бу саволларга жавоблар жуда мавҳум эди.

Вазирлар Маҳкамасининг нодавлат олий таълим сифатини оширишга қаратилган янги қарори бу масалага кескин ёндашувни талаб қиляпти. Энди ҳар бир босқичда лицензия, инфратузилма, таълим дастури, молиявий кафолат, реинвестиция режаси, аккредитация каби тизимли ишлар қилиниши лозим.

Ушбу соҳани тартибга солиш учун бир неча муҳим талаблар киритиляпти:

2 миллион доллар устав фонди. Бу универ танлашда уни бақуваатлигини билдиради.
350 минг доллар депозит. Эртага банкрот бўбкетдик хайр деб талабаларни кўчада сарсон қопкетмаслигини, бу ишга жиддий ва узоқ муддатга киришганини билдиради.
5 000 м² майдонга тенг бино. Университетни алоҳида бир катта маконлиги руҳини беради.
Ректорга малака талаблари. Соҳага алоқаси йўқ ёки янги билимларга эга бўлмаган рандомний аммангни ўғлини ректор қилиб қўйишдан асрайди.

Ҳақиқий таълим берувчи ташкилотлар учун бу қийин эмас, аксинча, уларнинг бошқалардан фарқини кўрсатиб беради. Қолганлар эса шундоғам четда қолади.

Умра бизнес ҳам мана шундай талаблар киритилгач, "от ўйин" бўлмай тартибга тушиб қолди. Таълим бизнесига ҳам шундай талаблар керак. Оқибатда бу истеъмолчи бўлган талабаларнинг фойдасига ишлайди.

🌟@nurbekalimov