-
Ўзбекистон журналистлари ижодий уюшмаси раисининг расмий саҳифаси Таклиф ва мурожаатлар учун: @jurnalist_uz_bot
Отилганлар сотилмади,
Сотилганлар отилмади...
Чўлпон ҳаётига бағишлаб саҳналаштирилган ушбу спектаклни томоша қиларканман, негадир ушбу сатрлар тилимда қайта-қайта такрорланаверди...
Бизни кузатиб боринг
Youtube | Facebook | Telegram | Instagram
Евгений Федоровдан ўзбек тилини ўрганинг!
Тўғри, бу чақириқ бироз ғайритабиий эшитилади. Аммо рус миллатига мансуб Евгений ака аксариятимиз бошқа тиллардаги сўзлар билан ифодалайдиган атамаларни соф ўзбек тилида қандай бўлишини ўргатяпти.
Ҳар ҳолда, билиб қўйсангиз фойдали. Агар билсангиз, нутқингизда соф ўзбекона сўзлардан фойдаланг!
Бу ҳам ватанпарварликнинг бир кўриниши, аслида.
Бизни кузатиб боринг
Youtube | Facebook | Telegram | Instagram
СОҒИНЧ
Бола эдим... дилда ўт қайнаб,
Қуёш билан ўйнардим, Она.
Кечалари юлдузлар санаб,
Орзуларим куйлардим ёна.
Уйғотарди шўх шаббодалар,
Тоғ лоласи солланса дилхуш,
Куй чалардим ҳар кун тонг саҳар,
Қалбим сири эди ҳар товуш.
Мажнунтоллар мисоли ҳур қиз,
Нозланганча сочин тарарди.
Ўсма қўйган сулувдек ялпиз,
Сой бўйида мени кутарди.
Бола эдим, унинг дунёси
Хаёллардек эди нурафшон.
Дилда поклик меҳригиёси
Барқ урарди ҳар лаҳза, ҳар он.
Бугун эса олис болалик,
Олисдадир бамисли осмон.
Не бахт ўшал шўх шалолалик
Гоҳи дилга бўлади меҳмон...
Баъзан дилда яна ўт қайнаб,
Болалигим ўйлайман, Она,
Бироқ энди юлдузлар санаб,
Йиғлагайман ёлғиз, пинҳона...
✍️ Олимжон Ўсаров
Яқинда шаҳарсозлик бўйича мутахассиснинг йўлларни кенгайтириш, янги йўллар ва йўлўтказгичлар қуриш Тошкентда мавжуд муаммони ҳал етмайди, деган фикрини ўқиб таажжублангандим. Менингча, бу масаланинг яхши ечимидек туюларди. Аммо бугун қуйидаги хабарни ўқиб, шаҳарсоз мутахассисимизнинг фикри асосли эканлигини англадим:
Швейцарияда ўтган ҳафта бўлиб ўтган референдумда бошқа масалалар қатори мамлакатдаги йирик автомобиль трассаларини кенгайтириш масаласи ҳам овозга қўйилди. Ҳукумат томонидан илгари сурилган ушбу 5,6 млрд долларлик лойиҳа парламент томонидан маъқулланган.
Референдум тарафдорларига кўра, анча олдин қурилган трассаларнинг бугунги кунда ўтказиш қуввати паст, йўллар тирбандликдан бўшамай қолаётганди. Машиналар сони эса кескин ўсган.
Бу ғояга қаршилар фикрича, лойиҳа амалга ошадиган бўлса, мамлакат ҳудудида машиналар янада кўпаяди, бу экологияга зарар. Қолаверса, бу лойиҳа йўл ўтказувчанлигини оширишга оид эскича қараш бўлиб, самарасига саволлар кўп. Аксинча, автомобилнинг мамлакатда асосий транспорт воситасига айланишидан қочиб, жамоат транспортини ривожлантириш керак.
Алал-оқибат, референдумда қатнашганларнинг 52,7%и автомобиль трассаларини кенгайтиришга қарши овоз беришди.
Нима деб ўйлайсиз, агар шундай масала бизда ҳам референдумга қўйилса, натижа қандай бўларди?
Ўтган йили Сенда меҳмон бўлган зот
Бу йил таний олмас ой жамолингни,
Тангрим раво кўрмиш Сенга умрбод,
Мангу завол билмас бахт-иқболингни.
Ҳар гўшанг бир тарих, ҳар тошинг достон,
Қадим ривоятлар сўзлаб бергайдир.
Сенинг мадҳинг битмоқ эмасдир осон,
Шоирлар дур каби назм тергайдир.
Мен ҳам камол топдим бағрингда Сенинг,
Сенинг меҳринг билан униб-ўсдим рост.
Маъзур тут, ғарибдир ашъорим менинг,
Бироқ Тошкент десам, дил гуллар қийғос.
Боиси ақлимни танидим Сенда,
Сен ўзинг гувоҳсан дил изҳорига.
Онам фахр туяр: "Болам Тошканда,
Юрибди ярай деб юртнинг корига!"
Шул боис Сен Менга Онамдек азиз,
Отамдек бағрикенг суюкли даргоҳ,
Умрим бахшидадир Сенга шубҳасиз,
Эй, Ватан пойтахти, қутлуғ саждагоҳ!
✍️ Олимжон Ўсаров
Бизни кузатиб боринг
Youtube | Facebook | Telegram | Instagram
Ҳар гал қишлоғимга борганим чоғи,
Бир туйғу дилимни титратар чунон.
Болалигим кечган Ватан тупроғи
Тафтидан жўшгайдир томиримда қон.
Бутун вужудимда шижоат, ғурур,
Она эл бағрида яна боламан.
Шиддатини инъом этган Булунғур
Сувидан сипқориб ҳузур оламан!
Қўй-қўзи боққаним қиру адирлар
Майсалардан турфа гилам тўшайди.
Ҳар гиёҳ, ҳар майса суюк, қадрдон,
Подачи болалар Менга ўхшайди.
Ногaҳон кўзимда жилва қилар дур,
Бу соғинч ёшими, севинчмикан ё,
Кўнглимга қуйилар илоҳий ғурур,
Менинг юртим танҳо, Ватаним танҳо!
Омон бўл, эй Она маскан, бешигим,
Мен ҳамон болангман, Сенга хуморман.
Сенинг дуонг билан бахтга эшлигим,
Сенинг бахтинг кўриб, Мен бахтиёрман!
✍️ Олимжон Ўсаров
Бизни кузатиб боринг
Youtube | Facebook | Telegram | Instagram
❗️“Жасорат мактаби” битирувчиларга ўқишга кириш учун имтиёзли тавсиянома берилади
Ҳар бир туман (шаҳар)да битта умумий ўрта таълим мактаби негизида “Жасорат мактаби” фаолияти йўлга қўйилади.
“Жасорат мактаблари"да:
- математика, ЧҚБТ, тарих, жисмоний тарбия, чет тили, физика фанлари чуқурлаштирилган ҳолда ўқитилади;
- ўқиш учун ўқувчиларни саралаш 5-синфдан бошлаб амалга оширилади;
- робототехника, келажак ўйинлари, тиббий тайёргарлик, ҳуқуқий саводхонлик, миллий спорт ўйинлари каби тўгарак машғулотлари ўтказилади;
- ўқув йили давомида икки марта ҳарбий полигонларда, ҳар чоракда бир марта ҳарбий қисмларда амалий машғулотлар олиб борилади.
2026-2027 ўқув йилидан бошлаб “Жасорат мактаби”ни аъло баҳолар билан тамомлаган “Ватан таянчи” отрядининг аъзоси бўлган бир нафар ўқувчига олий ҳарбий ва ҳарбийлаштирилган ҳамда юридик таълим муассасаларига ўқишга кириш учун имтиёзли тавсиянома берилади.
Бизни кузатиб боринг
Youtube | Facebook | Telegram | Instagram
Урушда бедарак йўқолган эрини 17 йил интизор кутган ўзбек аёли — Ўзбекистон халқ артисти Эркин Комиловнинг онаси эканлигини биласизми?
📹 Видеони тўлиқ кўринг:
https://www.youtube.com/watch?v=OaXv7roWWbk
Бизни кузатиб боринг
Youtube | Facebook | Telegram | Instagram
САМАРҚАНД
Мирзо Улуғбекнинг нигоҳи уйғоқ,
Ҳамон юлдузларга йўлдош Самарқанд.
Шубҳа қилсанг, зиж-у жадвалларга боқ,
Янги сайёрага номдош — Самарқанд!*
Ҳеч нарса тасодиф эмас дунёда,
Ҳақ Тангри азми-ла айланар даврон.
Бу юрт азалдан зўр илму зиёда,
Буюклар диёри аталгай ҳамон!
Соҳибқирон Темур руҳи мададкор,
Бухорий, Навоий пойи муқаддас.
Бундадир Кўксарой, Намозгоҳ, Шердор,
Дунё сайёҳлари қилурлар ҳавас.
Регистон майдони жаҳон санъатин
Буюк саҳнасига айланди чиндан,
Дунё тингламоқда юртим даъватин:
Ўзбек буюк миллат, каммас ҳеч кимдан!
Боиси ундадир буюк бир мерос,
Маънавий қадрият илму ирфон ҳам.
Ҳатто Афинани қилганда таққос,
Самарқанднинг шаъни тургай муҳтарам.
Бежизга демаслар замин сайқали,
Самарқанд чиндан-да табаррук шаҳар,
Бундан-да улуғвор бўлгуси ҳали,
Бундан-да толеи бўлгай музаффар!
Бежизга бу юртдан чиқмас даҳолар,
Бу юртга Тангрининг тушган назари,
Самарқандни сўз ила бўлмас баҳолаб,
Унга тенг келмагай оламнинг зари...
Мирзо Улуғбекнинг нигоҳи уйғоқ,
Ҳамон юлдузларга ошён Самарқанд.
Истасанг Юлдузлар карвонига боқ,
Барча сайёрага Сарбон — Самарқанд!
* Олимлар томонидан шу пайтгача фанга номаълум бўлган янги сайёра аниқланди ва у жаҳон астрoномлари ташкилоти томонидан расман эътироф этилиб, "Самарқанд" сайёраси номи билан "Кичик сайёрaлар Халқаро каталоги"га киритилди.
✍️ Олимжон Ўсаров
Бизни кузатиб боринг
Youtube | Facebook | Telegram | Instagram
Инсонлар нима учун бой, ўртаҳол ва камбағал бўлишади? Қийин савол-а?
Америкалик машҳур психолог олим Харв Экер ушбу саволга жавоб топибди. Яъни у узоқ кузатишлари давомида бой, ўртаҳол ва камбағал инсонлар ўртасидаги психологик фарқни ўрганиб, инсоннинг миллионер ёки камбағал бўлиши унинг меҳнатига ёки билимига боғлиқ эмас, деган хулосага келибди.
Ўқиб кўринг-чи, сиз унинг хулосаларига қўшиласизми?
➖Бой инсон ҳар бир нарсанинг фойда томонини ўйлайди. Камбағал эса салбий томонини;
➖ Кўп бой инсонлар доимий илм олишга интилади. Камбағал инсонлар эса ҳамма нарсани биламан деб ўйлайди;
➖ Бойлар меҳнати ва натижасига қараб даромад олишни, камбағаллар эса ишлаган вақтига қараб пул топишни маъқул кўради;
➖ Пули кўп инсонлар муваффақиятли инсонларга ҳавас қилса, пули кам инсонлар ҳасад ўтида ёниб юради;
➖ Бойлар кўпроқ пул топиш учун тинимсиз ҳаракат қилади. Камбағаллар эса вақтини бой бўлишни орзу қилиш билан ўтказиб юборади;
➖ Бой инсонлар глобал муаммолар ҳақида ўйлашса, камбағал инсонлар кичик муаммолардан сиқилиб ўз соғлиғини хавф остига қўйишади;
➖ Бой инсонлар таваккал қилишдан қўрқмайди. Камбағал инсонлар эса етти ўлчаб, бир кесишни яхши кўради.
Ростдан ҳам, жуда кўп нарса инсоннинг ўзига боғлиқ. Дангасалик, меҳнатдан қочиш муваффақиятсизликка етаклайди. Шу сабабли Худо қачон берар экан деб эмас, ҳаракат қилганга Худо беради, деб яшашга ўрганиш лозим.
Бизни кузатиб боринг
Youtube | Facebook | Telegram | Instagram
Мени Мажнун атаб баъзи дўстларим,
Ортиқча мурувват кўрсатар ҳар дам.
Рост, қалбда армон кўп, лек азизларим,
Эрурман дунёда энг бахтли одам.
Бахтлиман – қўлимда ҳамроҳим қалам,
Қалбимда минг орзу ҳар тонг туғилар,
Суйганим ўша қиз тушда бўлса ҳам,
Бир даста гул ила нозланиб кулар.
Мени сира ғамгин деманг, дўсту ёр,
Бошида Сарбоним, ҳур Ватаним бор.
Ёнимда Сиз каби дўстларим бисёр,
Юксак давраларда топдим эътибор.
Баҳорий боғлари дунёга машҳур,
Бахтлар водийсида туғилган бўлсам,
Ва юрт соғинчини билмасдан, шукур,
Ҳар лаҳза элимнинг камолин кўрсам,
Бу менинг бахтимдир, билинг,
дўстларим...
@ Олимжон Ўсаров
Трамп ютқазган
ва бу унинг ҳаётидаги энг аламли мағлубиятидир
1970 йил якунида Атлантик-Сити шаҳрида The Penthouse Boardwalk Hotel and Casino ташкил этиш режаси ишлаб чиқилади. Унинг эгаси тадбиркор Боб Гуччионе бўлиши режалаштирилганди.
У ҳудуддаги барча биноларни сотиб олмоқчи бўлган, бироқ мулк эгаларидан бири Вера Кокинг уйини миллион долларга сотишдан бош тортган.
Шу билан Казино лойиҳаси "дафн этилган".
1993 йилга келиб, миллиардер Доналд Трамп бу ердаги мулкларнинг эгасига айланган, аммо у ҳам Веранинг уйини сотиб ололмаган.
Аламзада Трамп судга мурожаат қилади ва суд Вера Кокингнинг уйини Трампга бериш ва бунинг учун 251 минг доллар товон пули тўлаш тўғрисида қарор чиқаради.
Ишни қайта кўриб чиққан Олий суд дастлабки суд қарорини бекор қилади ҳамда уйни эгасига қайтариш тўғрисида якуний қарор чиқаради.
Ҳа, АҚШда судлар шундай ишлашади!
Сизнинг ҳам уй-жой масаласида судга ишингиз тушганми?
Бизни кузатиб боринг
Youtube | Facebook | Telegram | Instagram
❗️Эсда тутинг
Ўзбошимчалик билан эгаллаб олинган ер ва ундаги кўчмас мулкка мулк ҳуқуқини эътироф этишга оид Қонун бугундан кучга кирди
Ушбу мақолада сиёсат, маънавият, маданият ва санъат дарғаларининг "Маънавий юксалиш полигони" ҳақидаги фикрлари билан танишасиз
https://uza.uz/posts/667326
#Суюнчи
42 йилдан сўнг!
Давоми...
Хотира уйғонса, қанчалар гўзал!
Бизни кузатиб боринг
Youtube | Facebook | Telegram | Instagram
#Yangi_bino #Tantanali_tadbir
“Ma’naviyat va madaniyat departamenti” yangicha ruh va zamonaviy qiyofaga ega bo‘ldi
Mazkur inshoot 4 qavatdan iborat bo‘lib, uning 1- va 2-qavatida vazirlik Ma’naviyat va madaniyat departamenti, 3—4-qavatida esa Axborot va ommaviy kommunikatsiyalar departamenti faoliyat olib boradi. Batafsil...
➡️ Yangiliklarni kuzatib boring:
Telegram | LIVE |Facebook | Youtube |Instagram | Twitter | TV
Қалбимга бир дардни солди, худойим,
Забоним сайратар бир сўз – МУХЛИСА.
Шундан бери топмай ер-кўкда жойим,
Исмингизга илк шеър битдим, алқисса.
Мухлис, кўзларингиз жуда ҳам гўзал,
Шамсиқамар ошиқ мовий бир денгиз.
Шу денгизга чўкиб ўлганим афзал,
Мен – Мажнунга не шарт яшамоқ Сизсиз.
Ҳасрат чаманидан гулдаста териб,
Тунги хаёллардан илк бўса олдим.
Мухлис, кўзингизга термулавериб,
Ўзим ҳам мухлисга айланиб қолдим.
✍️ Олимжон Ўсаров (1994 йил)
Бизни кузатиб боринг
Youtube | Facebook | Telegram | Instagram
#Суюнчи
42 йилдан сўнг!
Хотира уйғонса, қанчалар гўзал!
Бизни кузатиб боринг
Youtube | Facebook | Telegram | Instagram
📺 Тунда телевизор кўришда эҳтиёт бўлинг!
Айтганча, бугун, 21 ноябрь — Бутунжаҳон телевидение куни!
Телевизор ихтиро қилинганига ҳам қарийб бир аср бўлибди. Тошкент — ана шу ихтиронинг бешиги.
Энди мавзуга қайтамиз.
(Тошкентда қабул қилинган) Маъмурий жавобгарлик тўғрисидаги кодексга кўра,
⏰ тунги вақтда (соат 23.00 дан 06.00 гача) фуқароларнинг осойишталиги ва нормал дам олишини бузиш, яъни баланд овоз билан қўшиқ айтиш, мусиқа чалиш, товуш сигналлари бериш, хонадонларда, турар жойларнинг йўлаклари ва эшикларида, кўчаларда овози баланд қилиб қўйилган телевизорлар, радиоприёмниклар, магнитофонлар ва овоз чиқарувчи бошқа аппаратуралардан фойдаланиш, турар жой биноларида ва улардан ташқарида жуда зарур бўлмагани ҳолда шовқин чиқарувчи ишлар қилиш, жарима солишга сабаб бўлади:
🔹фуқароларга БҲМнинг учдан бир қисми;
🔹мансабдор шахсларга БҲМнинг учдан бир қисмидан иккидан бир қисмигача.
‼️Қонунни билмаслик жавобгарликдан озод қилмайди...
Айтганча, Бутунжаҳон телевидение куни билан барча ҳамкасбларни самимий қутлайман!
Бизни кузатиб боринг
Youtube | Facebook | Telegram | Instagram
Буни тақдир дейдими ёки қисматми, билмайман. Аммо бу воқеани эшитиб, узоқ вақт гангиб юрдим. Тасаввур қилинг, бегона исм ва шариф билан қарийб ярим аср яшайди, элга танилади, Ўзбекистон халқ артисти бўлади...
Тақдирми бу ёки қисматми?..
📹 Видеони тўлиқ кўринг:
https://www.youtube.com/watch?v=-l-i1D30KOw
Бизни кузатиб боринг
Youtube | Facebook | Telegram | Instagram
❗️Мактабларда киберспорт, дрон ва робототехника, келажак ўйинлари бўйича алоҳида танловлар ҳамда ҳарбий-спорт мусобақалари ўтказилади
“Ўқувчи-ёшларни чақирувга қадар бошланғич тайёрлаш тизимини янги босқичга олиб чиқиш чора-тадбирлари тўғрисида”ги Президент қарори (ПҚ-393-сон, 15.11.2024) қабул қилинди.
Унга кўра, 2025/2026 ўқув йилидан бошлаб умумий ўрта таълим ташкилотларида:
—Ўқувчилар ўртасида киберспорт, дрон ва робототехника, келажак ўйинлари бўйича алоҳида танловлар ҳамда ҳарбий-спорт мусобақалари ўтказилади;
—"Ватан тақдирига дахлдорлик туйғуси, фаол ҳаётий позиция" тамойилига асосан ЧҚБТ фанида янгиланган ўқув дастури ва дарсликлари яратилади;
—2025 йил 1 июндан таълим ташкилотларида ушбу фан раҳбари лавозими жорий этилади;
—таълим ташкилотларида ЧҚБТ фани ҳафтасига икки соатдан ўқитилади.
Бизни кузатиб боринг
Youtube | Facebook | Telegram | Instagram
Байроғимиз — миллий давлатчилигимиз, мустақиллигимиз, эркимиз рамзи!
Байроғимизда ҳар бир ватандошимизнинг орзу-умиди, она юртига муҳаббати, ёрқин келажакка, тараққиётга ишончи акс этган.
33 йил давомида байроғимиз дунё саҳналарида қанчалар баланд кўтарилган бўлса, юртдошларимизнинг орзу-мақсадлари ҳам шунчалар юксалаверди!
Мангу ҳилпиравер, ВАТАН байроғи!!!
Бизни кузатиб боринг
Youtube | Facebook | Telegram | Instagram
ҲАЁТ
Тугамасдир йиғи, тазйиқлар,
Гулламасдан сўнар хоҳишинг.
Пешонангга тортиб чизиқлар
Орзуингни кўмар ташвишинг.
Тундек қора сочлар ўрнида
Товланади кумуш толалар.
Варрак ўйнар хаёл қўйнида
Туғилмасдан ўлган болалар.
Сўроқ янглиғ асони тутиб,
Йўлларга кўз тикасан беҳол.
Ўғирлатган илк севгинг кутиб,
Асрларга бўласан савол...
Сен ёқтирган навбаҳор чоғи
Жанозангга чақирар кимдир.
Эслаб сени йиғлар тун бўйи,
Кўзи ожиз бир хаста кампир.
Тупроқ йўлдан кўтариб ўтар,
Тобутингни мунгли оломон.
Шу кеч эрка қизингни ўпар,
Сенга ваъда қилинган ўғлон...
✍️ Олимжон Ўсаров
Бизни кузатиб боринг
Youtube | Facebook | Telegram | Instagram
“Менинг юртим” — MY5 телеканали бугун 10 ёшга тўлди.
Юртимиздаги энг катта аудитория — ёшлар учун хизмат қилаётган телеканал жамоасини қутлуғ сана билан самимий қутлайман!
Жамоа мўъжазгина ертўлада жойлашган бинода ўзининг қайноқ фаолиятини бошлагани ҳамон кўз ўнгимда. Телеканалнинг илк Бадиий Кенгаши таркибида бўлганимдан, иқтидорли, орзулари бир олам ёшларга кўрсатувларни янада жозибали, қизиқарли бўлиши учун таклиф ва тавсиялар берганимдан, бугунга қадар ўша кўрсатувлар фаолиятини давом эттираётганидан ҳамон фахрланаман.
Ҳа, қисқа вақт ичида жамоада кўплаб ёшлар улкан муваффақиятларга эришди, қатор мукофотларга сазовор бўлишди, баъзилари устозлик мақомига ҳам етишди.
Ишонаманки, телеканалда фаолият юритаётган кўплаб ижодкор-ёшлар келгусида нафақат миллий, балки халқаро медиамаконда ҳам юксак чўққиларни забт этишади.
Фурсатдан фойдаланиб, MY5 телеканалининг аҳил ва навқирон жамоасига ёшларга оид давлат сиёсатини, ёшларда ижтимоий-сиёсий фаолликни ва фуқаролик позициясини мустаҳкамлашга кўмаклашадиган бетакрор контентлар яратишларида омад тилаб қоламан.
Бизни кузатиб боринг
Youtube | Facebook | Telegram | Instagram
⌨️ КЛАВИАТУРА ҲАҚИДА 5 ФАКТ
1️⃣ Клавиатурадаги QWERTY тартиби 1872 йил Кристофер Шолз томонидан ёзув машинкалари учун яратилган. Ҳозирда матнлар компьютерда ёзиладиган бўлса-да, фойдаланиш учун осон бўлган QWERTY тартибидан ҳалигача фойдаланилади.
2️⃣ CAPS LOCK тугмасини 2000 йилда Дерект Арнольд яратган.
3️⃣ Британиялик олимлар синовдан ўтказган 33 та клавиатурадан 4 таси саломатлик учун хавфли даражада кўп микроб тўплаган, 1 тасида эса ҳатто ҳожатхонадагидан 5 баробар кўп микроб борлиги аниқланган.
4️⃣ Пробел (бўшлиқ) тугмаси энг кўп босиладиган тугмадир. Матн терилаётганда босилган клавишлар умумий сонининг 18 фоизи пробел улушига тўғри келади. Бу тугмани бир вақтнинг ўзида Ер юзи бўйлаб 600 000 киши босади.
5️⃣ Россиянинг Екатеринбург шаҳрида клавиатурага "ҳайкал" ўрнатилган.
Бизни кузатиб боринг
Youtube | Facebook | Telegram | Instagram
Xabaringiz bor, “Vatan manzumasi” badiiy-musiqiy konsert dasturi har yili o’tkazilib kelinmoqda.
Bugun hamkor tashkilotlar bilan 2025-yilda bu vatanparvarlikka qaratilgan loyiha qanday amalga oshirilishi haqida muhokama o’tkazdik.
Sizlarda ushbu an’anaviy badiiy-musiqiy kechani zamonaviy, yangi usullar bilan boyitilishi yuzasidan takliflar bo’lsa, bizga yuboring!
@otabek_khasanov
Бугун замоннинг ўзи ҳар бир фуқародан ватанпарвар бўлишни тақозо этмоқда. Бунда, айниқса, ҳарбий хизматчилар, чақириққача бошланғич тайёргарлик фани ўқитувчилари ўрнак бўлишлари керак.
Ҳозир мактабларда қарийб 10 минг нафар ана шундай педагоглар фаолият кўрсатмоқда. Лекин уларнинг 27 фоизи номутахассис. 2 минг 750 та мактабда ушбу фан учун шароит етарли эмас.
Шу боис энди чақириққача бошланғич тайёргарлик ўқитувчиси штати Мудофаа вазирлигига ўтади. Энди бу вазифага Қуролли Кучлар захирасидаги ҳарбийлар ишга қабул қилинади.
Мазкур фан бўйича янги ўқув дастури ва дарсликлар яратилади. Ҳар бир туман ва шаҳарда биттадан мактаб негизида “Жасорат мактаби” фаолияти йўлга қўйилади.
Бизни кузатиб боринг
Youtube | Facebook | Telegram | Instagram
Бунга нима дейсиз?
Халқимизни илмли, маърифатли бўлсин, деган зиёлилар газета, китоб ўқинг, мукофотига машина, пойтахтдан уй берамиз, деб қўлида реклама тахтачасини кўтариб юрибди.
Бундан 100 йил олдиндан ҳам шундай бўлган!
Беҳбудий, Фитрат, Чўлпон, Қодирий каби жадид боболаримиз ҳам миллатни илмли, маърифатли қиламиз, деб умрлари адо бўлган. Миллат ўғил-қизларининг илғор хорижий олийгоҳларда ўқиши, етук кадрлар бўлиши учун бозорларда тиланчилик қилганлари ҳам бўлган.
Афсуски, аксарият бойлар, мулкдорлар уларни қўлламаган, ҳатто қарши чиқишган, бойликлари янада кўпайиши пайида бўлишган.
Оқибати эса, ҳаммага маълум.
Хўш, бир асрдан сўнг нима ўзгарди?
Домланинг фикрларига қўшиласизми?
Фикрингизни изоҳда ёзиб қолдиринг.
Бизни кузатиб боринг
Youtube | Facebook | Telegram | Instagram
