#xalqaro_hamkorlik

KOREYA TA’LIM MARKAZI BILAN HAMKORLIK MASALALARI MUHOKAMA QILINDI

Ixtisoslashtirilgan ta’lim muassasalari agentligiga Koreya Respublikasi elchixonasi qoshidagi Koreya ta’lim markazi direktori Lee Young Woong tashrif buyurdi.

Tashrif doirasida tashkil etilgan uchrashuvda Agentlik direktori Alisher Ubbiyev Oʻzbekiston va Koreya Respublikasi oʻrtasida barcha sohalar kabi taʼlim yoʻnalishida ham hamkorlik aloqalari tobora rivojlanib borayotganligini alohida ta’kidladi.

Joriy yilda Agentlik va Koreya ta’lim markazi hamkorligida "Incheon ta’lim festivali", "Tabiiy fanlar festivali", koreys tili bo‘yicha Respublika olimpiadalari kabi qator loyihalar amalga oshirildi.

Shuningdek, Agentlik tizimidagi maktablar oʻqituvchilari va oʻquvchilari Koreya Respublikasida tashkil etilgan ta’lim festivallari, malaka oshirish dasturlarida ishtirok etdi. Xususan, 19-xalqaro standartlar olimpiadasida oʻquvchilarimiz ilk bor qatnashib 3 ta oltin va 3 ta kumush medallarni qoʻlga kiritishdi.

Uchrashuvda Agentlik tizimidagi maktablar ta’lim jarayoniga STEM va koreys tili fanidan xalqaro toifadagi oʻqituvchilarni jalb qilish, xalqaro olimpiadalarga oʻquvchilarni tayyorlash, akademik tajriba va milliy-madaniy ma’lumotlar almashishni koʻzda tutuvchi seminar-treninglarni tizimli tashkil etish kabi masalalar yuzasidan fikr va takliflar almashildi.

Tashrif doirasida mehmonlar Agentlik tizimidagi Muhammad al-Xorazmiy nomidagi ixtisoslashtirilgan maktabda ham boʻlib, bu yerda yaratilgan zamonaviy ta’lim sharoitlari bilan yaqindan tanishdi.

Telegram | Facebook | Instagram | YouTube

Читать полностью…

#OAV_biz_haqimizda

“Boshida kimyoga umuman qiziqmaganman” – o‘qituvchilik ortidan milliarderga aylangan Mohira Boltayeva

Mohira 23 yoshda. U uch yildan beri Toshkent shahrida Abu Ali ibn Sino nomidagi ixtisoslashtirilgan maktabda kimyodan dars beradi. Bu yil uning o‘quvchilaridan 3 nafari nufuzli xalqaro kimyo olimpiadasida oltin, kumush va bronza medallarini qo‘lga kiritdi.

Yosh pedagog o‘quvchilarining natijalari ortidan qisqa vaqt ichida qariyb 1 mlrd so‘m pul mukofotlarini jamg‘arishga erishdi. Kun.uz bilan suhbatda u xalqaro olimpiadalardagi ishtiroki, pedagog sifatida kimyodan olimpiadalarga o‘quvchilarni tayyorlash metodlari va muvaffaqiyat formulasi haqida gapirib berdi.

📹 VIDEONI TOMOSHA QILING

Telegram | Facebook | Instagram | YouTube

Читать полностью…

Prezident Farmoni bilan Hilola Umarova Maktabgacha va maktab taʼlimi vaziri lavozimiga tayinlandi

Bugun Oliy Majlis Qonunchilik palatasining navbatdagi majlisida Oʻzbekiston Respublikasi Maktabgacha va maktab taʼlimi vaziri lavozimiga Hilola Umarovaning nomzodi koʻrib chiqildi.

Majlisda Hilola Umarova maktabgacha va maktab taʼlimi sohasidagi islohotlarning samaradorligini yanada oshirish borasidagi kelgusida amalga oshiriladigan ishlar boʻyicha oʻz Harakatlar dasturi haqida axborot berdi.

Deputatlar Hilola Umarova nomzodini Oʻzbekiston Respublikasi Maktabgacha va maktab taʼlimi vaziri lavozimiga maʼqulladilar.

Oʻzbekiston Respublikasi Prezidentining 2024-yil 21-noyabrdagi tegishli Farmoni bilan Hilola Umarova Maktabgacha va maktab taʼlimi vaziri lavozimiga tayinlandi.

Vazir oʻtgan vaqt davomida maktabgacha va maktab taʼlimi tizimini rivojlantirish, taʼlim sifati va pedagoglar malakasini oshirish, iqtidorli o‘quvchilarni aniqlash va ularni har tomonlama qo‘llab-quvvatlash bo‘yicha samarali ish olib bormoqda.

Maktabgacha va maktab taʼlimi vazirligi jamoasi Hilola Umarovani Maktabgacha va maktab taʼlimi vaziri lavozimiga tayinlanganligi bilan tabriklagan holda, kelgusi faoliyatida katta muvaffaqiyatlar tilaydi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Читать полностью…

Ўзбекистон Республикаси Президентининг "Ўзбекистон Республикаси Вазирлар Маҳкамаси аъзоларини тайинлаш тўғрисида"ги Фармони
—
Указ Президента Республики Узбекистан "О назначении членов Кабинета Министров Республики Узбекистан"

Prezident.uz|Facebook|Instagram|YouTube|X

Читать полностью…

#Prezident_farmoni_ijrosi

ASTRONOM OLIMDAN MAHORAT DARSI

🤩 Shayxontohur tuman ixtisoslashtirilgan maktabda O‘zFA Astronomiya instituti  direktori, fizika-matematika fanlari doktori, akademik Shuhrat Egamberdiyev bilan mahorat darslari tashkil qilindi.

Sh.Egamberdiyev ta’lim maskanida faoliyat olib borayotgan "Yosh akademiklar" klubi a’zolari bilan muloqotda astronomiya sohasida mamlakatimiz va jahon olimlari tomonidan olib borilayotgan tadqiqotlar, yangi kashfiyotlar, ixtirolar, zamonaviy observatoriyalar haqida qiziqarli ma’lumotlar bilan oʻrtoqlashdi.

Ma’lumot oʻrinda, akademik Sh.Egamberdiyev mamlakatimizda astronomiya fani rivojiga katta hissa qoʻshgan. 150 dan ortiq ilmiy maqolalar (80 dan ziyodi nufuzli xalqaro ilmiy jurnallarda chop etilgan) muallifi. Uning rahbarligida Maydanak observatoriyasida “Samarqand” sayyorasi kashf etilgan, oʻta-yangi yulduz chaqnashi hodisasi aniqlangan.

Telegram | Facebook | Instagram | YouTube | Portal

Читать полностью…

🟦🟦
🇰🇷Koreys tili bo‘yicha Respublika olimpiadasi tashkil qilinmoqda.

🇺🇿Maktabgacha va maktab ta'limi vazirligi va Koreya Respublikasining O‘zbekistondagi Elchixonasi huzuridagi Koreya ta'lim markazi hamkorlikda 🇰🇷Koreys tili bo‘yicha II Respublika olimpiadasi tashkil qilinadi.

Olimpiada ikki bosqichdan iborat bo‘lib, 1-bosqich hududlarda 1-dekabr kuni, yakuniy respublika bosqichi 22-dekabr kuni Toshkent shahrida o‘tkaziladi.

Ro'yxatdan o‘tish va qo‘shimcha ma'lumotlar bilan tanishishingiz mumkin.

Eslatib o‘tamiz, 2023-2024-o‘quv yilida Koreys tili bo‘yicha I Respublika olimpiadasi tashkil etilgan edi.

Ro‘yxatdan o‘tish uchun havola: korean-contest.softgo.uz

🌐 👉 olympiad.uzedu.uz
✅Telegram | 📹Youtube | ✅Facebook | 🌐Instagram

Читать полностью…

#dastur_ijrosi_amalda

OʻQUVCHILAR ALMASHINUVI DASTURI AMALDA

🤩 Ixtisoslashtirilgan taʻlim muassasalari agentligi tomonidan ijod maktablari o‘quvchilari almashinuvi dasturi tizimli ravishda amalga oshirilmoqda.

Mazkur dastur doirasida Muhammad Yusuf nomidagi ijod maktabining bir guruh oʻquvchilari Abdulla Oripov nomidagi ijod maktabida boʻlib, tengdoshlari bilan ilmiy, ijodiy tajriba almashmoqda, Qashqadaryo viloyatining diqqatga sazovor maskanlari bilan yaqindan tanishmoqda.

Oʻz navbatida Abdulla Oripov nomidagi ijod maktabining bir guruh oʻquvchilari Muhammad Yusuf nomidagi ijod maktabidagi oʻquv jarayonlarida ishtirok etib, ijodiy va kasbiy toʻgaraklarda mahoratini oshirmoqda. Yoshlar Marhamat tumanida joylashgan Oʻzbekiston xalq shoiri Muhammad Yusuf uy muzeyi, Andijon viloyat Yoshlar kutubxonasi hamda Erkin Vohidov nomidagi shaxmat maktabiga ham sayohat qildilar.

Telegram | Facebook | Instagram | YouTube

Читать полностью…

#OAV_biz_haqimizda

Munavvar kun | Termiz shahar 3-son ixtisoslashtirilgan maktabining iqtidorli oʻquvchilari ustozlari bilan teledasturda ishtirok etdi.
#surxondaryoMTRK

Telegram | Facebook | Instagram | YouTube

Читать полностью…

#Farmon_ijrosi_amalda
#ingliz_tili

O‘zbekiston Respublikasi Prezidentining 2024-yil 1-apreldagi “Ixtisoslashtirilgan maktablar tarmog‘ini kengaytirish va ularning faoliyatini yanada takomillashtirish chora-tadbirlari to‘g‘risida”gi PF-55-son Farmoni ijrosini ta’minlash maqsadida Agentlik tizimidagi ijod va ixtisoslashtirilgan maktablarda STEM fanlarini Kembrij o‘quv dasturi asosida ingliz tilida o‘qitish bosqichma-bosqich joriy etilmoqda.

Mazkur dastur 2024/2025-o‘quv yilining sentabr oyidan Xo‘jayli tuman hamda Zomin tuman ixtisoslashtirilgan maktablarida tashkil etildi. Jarayon davom ettirilib, bugun Agentlik tizimidagi Angren shahar, Yangiyer shahar, Buxoro tuman va Muzrabot tuman ixtisoslashtirilgan maktablarida ham saralash imtihonlari bo‘lib o‘tdi.

Shuni alohida aytib o‘tish kerakki, imtihon jarayonlari Prezident maktablari bilan hamkorlikda tashkil etildi.

Ma'lumot o‘rnida, Agentlik tizimidagi boshqa ijod va ixtisoslashtirilgan maktablarda ham STEM fanlarni ingliz tilida o‘qitish amaliyoti bosqichama-bosqich joriy qilinib boriladi.

Telegram | Facebook | Instagram | YouTube

Читать полностью…

📍 Toshkent: Vazir va ta'lim sohasi vakillari uchrashuvi bo’lib o’tdi

✅ Bugun Maktabgacha va maktab taʼlimi vaziri Hilola Umarova Toshkent shahar maktab direktorlari, poytaxtdagi tuman maktabgacha va maktab taʼlimi boʻlimi rahbarlari hamda masʼul xodimlari bilan uchrashdi.

Qizgʻin jonli muloqot tarzida oʻtkazilgan uchrashuvda ta’lim tizimida olib borilayotgan islohotlar, jumladan mamlakatimizning qator maktablarida keng joriy etilayotgan yangi baholash tizimi, uni amaliyotga kiritishda yuzaga kelayotgan masalalar atroflicha muhokama etildi.

Vazir maktab direktorlarining tizimga oid savollariga batafsil javob berar ekan, taʼlim sifatini va oʻquvchilar bilim darajasini oshirish yo’lida olib borilayotgan ishlar haqida oʻz fikrlarini bildirib oʻtdi.

Uchrashuv doirasida maktab direktorlarining sohaga doir takliflari qizgʻin muhokama qilindi, ularning g’oya va fikrlariga quloq tutildi.

➖ Mavzuga oid berilgan savollarga vazir va masʼullar tomonidan atroflicha javob berib oʻtildi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Читать полностью…

#Farmon_ijrosi_amalda
#Akademik_bilan_muloqot

NOCHIZIQLI FIZIKA BOʻYICHA JAHON ILMIY MAKTABI ASOSCHISIDAN MAHORAT DARSI

Agentlik tizimidagi Mirzo Ulugʻbek nomidagi ixtisoslashtirilgan maktabida OʻzFA akademigi Fathulla Abdullayev ishtirokida "Soliton va uning ahamiyati" mavzusida mahorat darsi tashkil etildi.

Muloqotda fizik olim ilm-fan va ishlab chiqarish sohasidagi yangiliklar, ilmiy izlanishlar bilan tanishtirib, iqtidorli yoshlarni ilmiy ishlar, loyiha va kashfiyotlar qilishlariga yo‘nalish berish hamda ustoz-shogird an’analarini davom ettirish lozimligini taʼkidladi.

Maʼlumot oʻrnida, F.Abdullayev nochiziqli fizika boʻyicha jahon ilmiy maktabining asoschisi hisoblanadi. Olim oʻz ilmiy tadqiqotlari asosida "Soliton birlashtiruvchi nazariyasi"ni yaratgan. “Lazer nurlanishining materiya bilan oʻzaro ta’sirining chiziqli boʻlmagan toʻlqin jarayonlarini oʻrganish” turkumidagi ishlari uchun Abu Rayhon Beruniy nomidagi fan va texnika boʻyicha Davlat mukofotiga sazovor boʻlgan. Bose-Eynshteyn kondensatini oʻrganish boʻyicha qator ishlari uchun al-Xorazmiy medalini olgan.

Telegram | Facebook | Instagram | YouTube | Portal

Читать полностью…

Youth at the Forefront of Climate Actions

#COP29
#WeAreIndivisible
#EcoSchoolsUzbekistan

Zamin | Facebook | Instagram zaminfoundation">| YouTube

Читать полностью…

#jadidlar_izidan

🤩 Is’hoqxon Ibrat nomidagi ijod maktabida “Jadidlar izidan” respublika tanlovining Namangan viloyat bosqichi boʻlib oʻtdi.

Telegram | Facebook | Instagram | YouTube

Читать полностью…

#Attestatsiya_haqida_faktlar

✅ Joriy yilning 29-oktabridan 20-noyabriga qadar maktabgacha, umumiy o‘rta va maktabdan tashqari ta’lim tashkilotlari pedagoglari malaka toifasi uchun navbatdagi attestatsiya jarayonlari bo‘lib o‘tmoqda.

❕Unda 150 ming nafardan ortiq pedagoglar ishtirok etishi rejalashtirilgan.

📌 Ma’lumot uchun: nomzodlarning 18,3 ming nafari navbatdagi majburiy, 136,1 ming nafari navbatdan tashqari hamda 17,4 ming nafari to‘g‘ridan-to‘g‘ri malaka sinovlarida qatnashish uchun murojaat yuborganlar.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Читать полностью…

#jarayon
#qizlar_olimpiadasi

🤩 Ixtisoslashtirilgan taʼlim muassasalari agentligi tizimidagi barcha maktablarda "Qizlar olimpiadasi"ning maktab bosqichi boʻlib oʻtmoqda.

📚Olimpiada jarayonlari matematika fanidan test va yozma ish shaklida tashkil etilgan boʻlib, maktab bosqichida gʻoliblikni qoʻlga kiritgan (1-2-3-oʻrin) oʻquvchilar Hududiy bosqichga yoʻllanma olishadi.

🗺Jarayonlardan suratlar.

Telegram | Facebook | Instagram | YouTube

Читать полностью…

#mening_birinchi_kitobim
#taqdimot
#ijod_maktablari

IJOD MAKTABLARI OʻQUVCHILARINING ILK KITOBLARI TAQDIMOTI OʻTKAZILDI

O‘zbekiston Yozuvchilar uyushmasida Ixtisoslashtirilgan ta’lim muassasalari agentligi tizimidagi ijod maktablari oʻquvchilarining "Mening birinchi kitobim" loyihasi doirasida chop etilgan birinchi kitoblari taqdimoti boʻlib oʻtdi.

Unda Oʻzbekiston Yozuvchilar uyushmasi raisi Sirojiddin Sayyid, Maktabgacha va maktab taʼlimi vazirligi boshqarma boshligʻi Azamat Kamolov, Agentlikning mas’ul xodimlari, ijodkor o‘quvchilar, shoir-yozuvchilar, ota-onalar va talabalar ishtirok etdi.

Davlatimiz rahbarining 2024-yil 1-apreldagi "Ijod maktablari faoliyatini yanada takomillashtirish chora-tadbirlari toʻgʻrisida"gi qarorida ijod maktablari o‘quvchilarining ijodiy ishlarini doimiy chop etish tizimini yo‘lga qo‘yish vazifasi belgilab berilgan.

Mazkur hujjat ijrosi doirasida ijod maktablari o‘quvchilari Nigina Rustamboyevaning "Baxt gullari", Gulsevar Umrzoqovaning “Yomg‘ir”, Zulhayo Mingboyevaning "Istak", Nurdana Biysenbayevaning "Qo‘shiq ham gurrinler", Rohila Ro‘zimannopovaning "Barglar nidosi", Mohira Diniqulovaning "Yurakka maktub", Marjona Eshqulovaning "Iftixor", Odina Rustamjonovaning “Orzularim”, Muxlisaxon Haydarovaning "Moviy orzular" nomli kitoblari chop etildi.

Tadbirda mualliflarga birinchi kitoblari va qalam haqqi topshirildi. Xonandalar va ijod maktabi o‘quvchilarining badiiy chiqishlari namoyish qilindi.

Telegram | Facebook | Instagram | YouTube

Читать полностью…

#new_Uzbekistan_university
#xalqaro_hamkorlik

🤩 “YANGI OʻZBEKISTON” UNIVERSITETIGA GERMANIYA DELEGATSIYASI TASHRIF BUYURDI

Germaniyaning Bavariya federal oʻlkasi Davlat kanselyariyasi Xalqaro munosabatlar departamenti rahbari oʻrinbosari Kristof Shtyokle boshchiligidagi delegatsiya “Yangi O‘zbekiston” universitetiga tashrif buyurdi.

Uchrashuvda delegatsiya a’zolari universitetning talabalarga zamonaviy bilim va koʻnikmalarni oʻrgatishga qaratilgan ta’lim dasturlari bilan tanishdi.

Shuningdek, talaba va professor-oʻqituvchilar almashinuvi, qoʻshma ilmiy tadqiqotlar hamda zamonaviy o‘quv dasturlarni ishlab chiqish borasida hamkorlikni yoʻlga qoʻyish masalalari koʻrib chiqildi.

Kristof Shtyokle universitetning zamonaviy imkoniyatlarini yuqori baholadi va hamkorlikning yangi bosqichlari ochilishi uchun mustahkam asos mavjudligini taʼkidladi.

Telegram | Facebook | Instagram | YouTube

Читать полностью…

#Vazir_soati

Maktabgacha taʼlim boshqaruvida ham “Direktorlar kengashi” ish tajribasi joriy etiladi

✅ Bugun Maktabgacha va maktab taʼlimi vaziri Hilola Umarova boshchiligida umumtaʼlim maktablarida musiqa, jismoniy tarbiya va CHQBT fanlarini oʻqitishni rivojlantirish, oktabr-noyabr oylarida oʻtkazilgan navbatdagi malaka sinovlari yakunlari hamda “Jadidlar izidan” tanlovining hududiy bosqich jarayonlariga bagʻishlangan “Vazir soati” boʻlib oʻtdi.

❗️Vazir Hilola Umarova kun tartibidagi masalalarga atroflicha toʻxtalib oʻtar ekan, Davlatimiz rahbari tomonidan yaqinda imzolangan musiqa, jismoniy tarbiya va CHQBT fanlarini oʻqitishni rivojlantirishga bagʻishlangan qator qarorlar ijrosiga atroflicha toʻxtalib oʻtdi.

Qayd etilganidek, musiqa va jismoniy tarbiya fani oʻqituvchilari uchun ham malaka toifasini berishning yangi tartibi joriy etilib, u ikki bosqichda (nazariy, amaliy) amalga oshiriladi. CHQBT va Jismoniy tarbiya fani oʻquv dasturlari toʻliq qayta koʻrib chiqilib, takomillashtiriladi.

Joriy yilning oktabr-noyabr oylarida oʻtkazilgan navbatdagi attestatsiya jarayonlarida 144 928 nafar (98,1 foiz) pedagog ishtirok etdi. Ularning 18,3 ming nafari navbatdagi majburiy, 136,1 ming nafari navbatdan tashqari, 19,3 ming nafari toʻgʻridan-toʻgʻri malaka sinovlarida qatnashdi.

Vazir Hilola Umarova yigʻilish davomida maktabgacha taʼlim tizimi rahbar va xodimlari malakasi hamda tizim samaradorligini yanada oshirish boʻyicha oʻz fikrlarini bildirib oʻtdi.

➖ Umumtaʼlim maktablarini boshqarish amaliyotida keng qoʻllab kelinayotgan “Direktorlar kengashi” ish tajribasini maktabgacha taʼlim tizimida ham joriy etish va bu orqali bogʻcha direktorlarini tayinlash tizimini yanada takomillashtirish zarurligi taʼkidlab oʻtildi.

👉 Batafsil: https://uzedu.uz/uz/news/1841

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Читать полностью…

#sport_maktabi

⚡️SPORTCHI-OʻQUVCHILARIMIZ GʻOLIBLIK SHOHSUPASIDA

🥊 Joriy yilning 15-19-noyabr kunlari Toshkent viloyati Boʻstonliq tumanida boks boʻyicha 2009-2010-yillarda tugʻilgan oʻsmirlar oʻrtasida Respublika ochiq turniri boʻlib oʻtdi.

🤩 Agentlik tizimidagi Bahodir Jalolov nomidagi boksga ixtisoslashtirilgan sport maktabi vakillari ushbu turnirda 4 ta oltin, 2 kumush va 1 bronza medallarini qoʻlga kiritishdi.

💫 Oʻquvchi-sportchilarimizga kelgusida yanada ulkan zafarlar tilaymiz!

Telegram | Facebook | Instagram | YouTube

Читать полностью…

#OAV_biz_haqimizda

Good morning, Uzbekistan | Sergeli tuman ixtisoslashtirilgan maktabining iqtidorli oʻquvchilari teledastur ishtirokchisi
#foreignLanguagesTV

➡️ 14:56

Telegram | Facebook | Instagram | YouTube

Читать полностью…

#oʻquvchilar_oʻqishini_koʻchirish
#transfer_piima_uz

🔔 OTA-ONALAR DIQQATIGA!

🤩 Agentlik tizimidagi ixtisoslashtirilgan maktablarda 2024/2025-o‘quv yilida oʻquvchilarning oʻqishini bir hududdan boshqa hududga ko‘chirishga zarurat tug‘ilayotgan bo‘lsa, Agentlikka ariza yuborishni yanada soddalashtirish, qoʻshimcha qulaylik yaratish maqsadida transfer.piima.uz platformasi ishlayotganini eslatib oʻtamiz.

📆 Arizalarni joriy yilning 21-noyabr sanasidan Respublikamizning barcha hududlaridan turib mazkur platforma orqali Agentlikka tez va oson yuborishingiz mumkin.

✅ Arizalar https://transfer.piima.uz/application manzili orqali qabul qilinishini ma’lum qilamiz.

📝Ariza topshirish jarayonlari quyidagicha:
➖O‘quvchining ota-onasi yoki ularning o‘rnini bosuvchi qonuniy vakilining familiyasi, ismi va otasining ismi, telefon raqami to‘liq kiritilishi;
➖arizaning qisqacha mazmuni (o‘qishini ko‘chirish sababi);
➖o‘quvchining familiyasi, ismi va otasining ismi, tug‘ilganlik to‘g‘risidagi guvohnomasining seriya va raqami, o‘qiyotgan maktabi, sinfi, yo‘nalishi, o‘qishini ko‘chirmoqchi bo‘lgan maktabi;
➖ko'chirishga asos bo'luvchi hujjat (PDF formatda) nusxasi yuklash talab etiladi.

❗️ESLAB QOLING!

✅Platforma orqali ariza yuborilganidan keyin avtomatik shaklda taqdim etiladigan KALIT SOʻZ saqlab qoʻyilishi kerak! Ushbu kalit soʻz yordamida arizangiz holatini tekshirib koʻrishingiz mumkin.

⚠️ Belgilangan hujjatlar arizaga ilova qilinmasa ariza rad etilishiga sabab boʻladi.

Telegram | Facebook | Instagram | YouTube | Transfer

Читать полностью…

#dars_jarayoni
#Prezident_maktablari

🤩 Andijon shahridagi Prezident maktabida zamonaviy yondashuv fani doirasida 7-sinf oʻquvchilari uchun “Qonun va jinoyat” mavzusida amaliy mashgʻulot oʻtkazildi.

Unda oʻquvchilar tomonidan amerikalik bolalar yozuvchisi Doktor Syuzning “Loraks” asari asosida sud jarayoni sahnalashtirildi. Sud jarayonida asar qahramoni Vonsler daraxtlarni kesib, tabiatga ziyon yetkazish va havoni ifloslantirilishda aybdor deb topildi.

Qiziqarli dars jarayoni oʻquvchilarga mavzuni mukammal oʻzlashtirishga yordam berdi.

Telegram | Facebook | Instagram | YouTube | Portal

Читать полностью…

#Xalqaro_hamkorlik

✅ Maktabgacha va maktab ta’limi vaziri Hilola Umarova Osiyo taraqqiyot banki (OTB)ning Inson kapitali va ijtimoiy rivojlanish sektori boshqaruv direktori Safiya Shakil hamda OTBning O‘zbekistondagi mintaqaviy direktori Kanokpan Lao-Araya bilan uchrashdi.

➖Uchrashuv davomida ta’lim tizimida amalga oshirilayotgan loyihalar, jumladan, STEM laboratoriyalarini jihozlash loyihasi muhokama qilindi.

Vazir tomonidan mazkur loyihaning ahamiyati ta’kidlanib, bu yoshlarning zamonaviy bilim va texnologik ko‘nikmalarni egallashlariga yordam berishi alohida qayd etildi.

❗️Ushbu tashabbus mamlakat iqtisodiy taraqqiyotiga hissa qo‘shish bilan birga, global raqobatbardoshlikni oshirish hamda kelajak avlodni innovatsion rivojlanishga tayyorlashda muhim rol o‘ynashi aytib o‘tildi.

📍 Shuningdek, tomonlar maktabgacha va maktab ta’limi sohasida ikki tomonlama hamkorlikni rivojlantirish va yangi loyihalarni amalga oshirish bo‘yicha kelgusi rejalarni muhokama qildilar.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Читать полностью…

🚀✨ "Raqamli Avlod IT Haftaligi" 2024!

🌐🇺🇿 Yurtimizda IT sohasiga qiziqqan barcha yoshlarni an'anaviy "Raqamli Avlod IT Haftaligi"ga taklif qilamiz!

👨‍💻 DG Contest - Bunda siz sport dasturlash bo'yicha o'z mahoratingizni sinashingiz mumkin bo'ladi! Onlayn saralash bosqichi 19-noyabrda boshlanadi, final esa 23-noyabr kuni Muhammad al-Xorazmiy ixtisoslashtirilgan maktabida Respublika bo'ylab eng yaxshi dasturchilar orasida bo'lib o'tadi.

🤖 Robototexnika musobaqasi - 23-24 - noyabr kunlari sizni Muhammad al-Xorazmiy ixtisoslashtirilgan maktabida robo futbol, ​​robo sumo, robo poyga va foydali ixtirolar bo'yicha Respublika musobaqalari kutmoqda.

🔵 Microsoft Community Conf 2024 Uzbekistan – 30-noyabr kuni Microsoft kompaniyasining rasmiy IT konferensiyasida ishtirok etishingiz mumkin bo'ladi. Bunda siz xalqaro va mahalliy spikerlarimizdan dasturlashdagi yangi texnologiyalar bilan tanishishingiz va juda katta "networking"ga ega bo'lishingiz kafolatlanadi! Tadbir Muhammad al-Xorazmiy ixtisoslashtirilgan maktabida bo'lib o'tadi.

📅 Ro'yxatdan o'tishga shoshiling, barcha tadbirlar bepul va musobaqalar qimmatbaho sovrinlarga ega!

Batafsil ma’lumot va ro'yxatdan o'tish uchun: online.raqamliavlod.uz.

Digital Generation Uzbekistan
Telegram | Instagram | Youtube | Facebook

Читать полностью…

#Farmon_ijrosi_amalda
#Akademik_bilan_muloqot

AKADEMIK BILAN DAVRA SUHBATI

Agentlik tizimidagi Hamid Olimjon va Zulfiya nomidagi ijod maktabida OʻzFA akademigi Xolboy Ibraimov ishtirokida davra suhbati tashkil etildi.

Tadbirda Hamid Olimjon va Zulfiya nomidagi ijod maktabi, Jizzax shahridagi ixtisoslashtirilgan maktab va maktab-internatlari oʻquvchilari, pedagoglar hamda keng jamoatchilik vakillari qatnashdi.

Muloqot davomida X.Ibraimov jadid bobolarimizning ibratli hayoti, ularning ta’lim-tarbiya va ilm yo‘lidagi mashaqqatli mehnatlari, shuningdek, bugungi kunda mamlakatimizda ta’lim sohasida olib borilayotgan islohotlar mazmun-mohiyati haqida so‘z yuritdi. Akademik bilan uchrashuv barchada katta taassurot uyg‘otdi.

Ma’lumot oʻrnida, X.Ibraimov pedagogika yoʻnalishida 4 ta monografiya, 10 ta darslik va oʻquv qoʻllanma, 500 dan ortiq ilmiy maqolalar muallifi. Akademik uzoq yillar davomida oliy ta’lim sohasida rahbar lavozimlarda faoliyat olib borgan.

Telegram | Facebook | Instagram | YouTube | Portal

Читать полностью…

#jadidlar_izidan

🤩 Erkin Vohidov nomidagi ijod maktabida “Jadidlar izidan” respublika tanlovining Farg’ona viloyat bosqichi boʻlib oʻtdi.

Telegram | Facebook | Instagram | YouTube

Читать полностью…

#jarayon
#Robo_Coding

🤩 Ixtisoslashtirilgan taʼlim muassasalari agentligi tizimidagi barcha maktablarda "Robo-Coding" olimpiadasining maktab bosqichi boʻlib oʻtmoqda.

Maktab bosqichi:
➖Lego toʻplamlari asosida chiziq boʻylab harakatlanuvchi robotni loyihalash va sinash musobaqasi;
➖Planer (Gider) uchirish musobaqasi;
➖Dasturlash topshiriqlarini oʻz ichiga olgan.

Maktab bosqichida gʻoliblikni qoʻlga kiritgan o‘quvchilar (har bir yosh kategoriyasidan 1 jamoa) Hududiy bosqichga yoʻllanma olishadi.

🗺Jarayonlardan suratlar.

Telegram | Facebook | Instagram | YouTube

Читать полностью…

#sayyor_qabul
#Qoraqalpogʻiston

🤩 QORAQALPOGʻISTONDA AGENTLIK DIREKTORI ALISHER UBBIYEVNING SAYYOR QABULI OʻTKAZILDI

Aholining ixtisoslashtirilgan ta’lim muassasalari yoʻnalishidagi murojaatlari, taklif va shikoyatlarini oʻrganish maqsadida Muhammad al-Xorazmiy nomidagi ixtisoslashtirilgan maktabining Nukus filialida tashkil etilgan sayyor qabulda shahar va tumanlardan fuqarolar qatnashib, oʻzlarini qiynab kelayotgan masalalar yuzasidan Agentlik rahbariyatiga murojaat qildi.

Qabul davomida kelib tushgan murojaatlarning aksariyati joyida hal qilingan boʻlsa, ayrim murojaatlarning o‘rganilishi vaqt talab etganligi bois tegishli tartibda nazoratga olindi.

Shuningdek, Agentlik direktori Muhammad al-Xorazmiy nomidagi ixtisoslashtirilgan maktabining Nukus filiali oʻquvchilari bilan muloqot qilib, ularning talim maskanidagi oʻquv jarayonlari haqidagi fikrlari bilan qiziqdi.

Oʻgʻil-qizlarga yanada kuchli bilim olish, bir nechta xorijiy tillar, axborot texnologiyalarini mukammal egallash lozimligini taʼkidladi.

Telegram | Facebook | Instagram | YouTube

Читать полностью…

#seminar_trening
#ijod_maktablari

🤩 IJOD MAKTABLARI ROBOTOTEXNIKA FANI OʻQITUVCHILARI UCHUN SEMINAR-TRENING

Joriy yilning 14-15-noyabr kunlari Agentlik tizimidagi ijod maktablarining robototexnika fani oʻqituvchilari uchun "Natijaga asoslangan yondashuv: tahlil va tavsiyalar" nomli onlayn seminar-trening oʻtkazildi.

Unda trener sifatida Prezident maktablarining robototexnika fani oʻqituvchilari biriktirilib, Agentlik masʼul xodimlari tomonidan ZOOM platformasi orqali olib borildi.

Maʻlumot oʻrnida, Agentlik tizimidagi ijod maktablarining ona tili, adabiyot, ingliz tili, tarix, matematika, sanʼat fani oʻqituvchilari uchun ham metodik tavsiyalarni oʻz ichiga olgan onlayn-seminarlar tashkil etilgan edi.

Telegram | Facebook | Instagram | YouTube

Читать полностью…

#Xalqaro_hamkorlik

✅ Maktabgacha va maktab ta’limi vaziri Hilola Umarova Iqtisodiy hamkorlik va taraqqiyot tashkiloti bosh kotibining ta’lim siyosati bo‘yicha maxsus maslahatchisi Andreas Shlyayxer bilan uchrashdi.

“Mahoratli o’qituvchi — millat tayanchi: uzluksiz kasbiy rivojlantirishning zamonaviy tendensiyalari” konferensiyasi doirasida tashkil etilgan mazkur uchrashuvda hamkorlikning asosiy yo’nalishlari va rejalar muhokama qilindi.

➖ Uchrashuv avvalida vazir Hilola Umarova O’zbekistonda ta’lim sohasida amalga oshirilayotgan islohotlar haqida so‘z yuritar ekan, buning natijasida o‘zbekistonlik maktab o‘quvchilarining bilim olish ko‘rsatkichi va natijalari yildan-yilga ortib borayotganligini alohida qayd etib o‘tdi.

Muloqot doirasida mamlakatimizdagi ko‘plab maktablarda joriy qilinayotgan yangi baholash tizimi, uning afzalliklari hamda ta'limdagi o'sish ko'rsatkichlari haqida fikr yuritildi.

Bundan tashqari, Abdulla Avloniy nomidagi Pedagogik mahorat milliy instituti huzurida tashkil etilgan Xalqaro baholash markazi faoliyatiga atroflicha to‘xtalib o‘tildi.

✔️ Andreas Shlyayxer o‘z so‘zida:

"Barchamizga ma’lumki, kelgusi yil PISA 2025 sinovlari bo‘lib o‘tadi va unda o‘zbekistonlik o‘quvchilarning ham munosib ishtirok etishi kutilmoqda. Va o‘ylaymanki, yurtingizda bugungi kunda olib borilayotgan keng miqyosdagi ta’lim islohotlari ushbu jarayonlarda ham o‘z samarasini beradi.

Shuningdek, 2025-yilda TALIS 2024 tadqiqot natijalari e’lon qilinadi. Maktablardagi ta’lim olish sifati va natijalarini o‘zida ifoda etadigan ushbu tahlillarda o‘zbek yoshlarining o‘rni va bilim darajasi munosib baholanishiga ishonaman", — dedi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

Читать полностью…