25525
Муҳим воқеалар ва эксклюзив янгиликлар манбаси Алоқа учун: @pressuzbot
Президент Администрацияси раҳбари Саида Мирзиёева АҚШ Давлат котибининг рафиқаси Жанетт Рубио билан биргаликда Самарқанднинг тарихий обидаларини зиёрат қилди.
@pressuzb
АҚШ Давлат котиби Марко Рубионинг Регистон майдонида журналистлар билан мулоқоти — тўлиқ видео
Журналистлар қаршисига Марко Рубио Президент Администрацияси раҳбари Саида Мирзиёева билан бирга чиқди. У дастлаб Ўзбекистон томонига самимий қабул ва меҳмондўстлик учун миннатдорлик билдирди.
@pressuzb
Chery Tiggo 4 Pro энди Ўзбекистонда!
Янги шаҳар кроссоверини Chery’нинг барча расмий дилерлик марказларида харид қилиш мумкин.
🔹 Бошланғич тўлов — 30% дан
🔹 Йиллик ставка — 0% дан
🔹 Муддатли тўлов — 5 йилгача
Тўлов миқдори ва муддатига қараб шартлар фарқ қилиши мумкин. Автомобил суғуртасини расмийлаштириш мажбурий шарт.
Батафсил маълумот:
📞 55-500-90-55
🌐 cheryauto.uz
Реклама
❗️Ўзбекистонда Google Pay хизмати ишга тушди
Самарқанд шаҳрида Марказий Осиё мамлакатлари ва АҚШ ўртасидаги “C5+1” форматидаги тадбирлар доирасида “Рақамли технологиялар” мавзусида панель сессияси ташкил этилди.
Унда Google Cloud’нинг Давлат сиёсати ва давлат ташкилотлари билан алоқалар йўналиши раҳбари Марцин Красуски Google Pay хизмати Ўзбекистонда ишга туширилганини эълон қилди.
@pressuzb
❗️“Миллиардлаб долларлик келишувлар имзоланади” — Марко Рубио
Президент Администрацияси раҳбари Саида Мирзиёева ва АҚШ Давлат котиби Марко Рубио Регистон майдонида журналистлар олдига бирга чиқди. У ўз сўзини Ўзбекистон томонига самимий қабул ва меҳмондўстлик учун миннатдорлик билдиришдан бошлади.
АҚШ Давлат котиби Самарқанд асрлар давомида жаҳон савдосининг муҳим чорраҳаси бўлиб келганини таъкидлаб, бугун бу ерга қарийб 300 та Америка компанияси вакиллари келганини билдирди.
Унинг сўзларига кўра, ташриф якунлари бўйича миллиардлаб долларлик келишувлар имзоланиши кутилмоқда. Рубио АҚШ Ўзбекистон ва минтақа давлатлари билан савдо-иқтисодий ҳамкорликни янада кенгайтиришдан манфаатдор эканини маълум қилди.
@pressuzb
Президент Администрацияси раҳбари Саида Мирзиёева АҚШ Давлат котиби Марко Рубиони Самарқандда кутиб олди. Бу Рубионинг Марказий Осиёга илк ташрифи ҳисобланади.
Ташриф кун тартибидан “C5+1” форматидаги муҳим музокаралар, бизнес доиралари вакиллари билан учрашувлар ҳамда Америка–Ўзбекистон ишбилармонлик ва инвестиция кенгашининг навбатдаги йиғилиши ўрин олган.
@pressuzb
❗️АҚШ Давлат котиби Марко Рубио рафиқаси билан Самарқандга етиб келди
Олий мартабали меҳмонни Президент Администрацияси раҳбари Саида Мирзиёева ва бошқа расмийлар кутиб олди.
@pressuzb
“Илоҳим, парвозларимизга кўз тегмасин!” — Шавкат Мирзиёев
@pressuzb
Президент Администрацияси раҳбари Саида Мирзиёева ва АҚШ Президентининг Жанубий ва Марказий Осиё бўйича махсус вакили Сержио Гор бирга бозор айланишди.
“Ўзбекистонга қайтганимдан жуда хурсандман! Дўстим Саида Мирзиёева билан маҳаллий бозорни айланиш менга завқ бағишлади”, — деб ёзди Сержио Гор.
❗️2015 ва 2026: Ўзбекистон — АҚШ муносабатларида 11 йил ичида нималар ўзгарди?
2015 йилда АҚШ Давлат котиби Жон Керри Самарқандга ташриф буюрган эди. Ўшанда ҳам Марказий Осиё ва АҚШ ўртасидаги C5+1 формати кун тартибининг марказида бўлган. Бироқ бу ташриф Ўзбекистон учун анча нохуш ва халқаро миқёсда акс-садо берган воқеа билан ҳам тарихда қолган.
Ислом Каримов ва Жон Керри учрашуви бошланиши арафасида The Washington Post журналисти Кэрол Морелло Ўзбекистон президентига инсон ҳуқуқлари ҳақида савол беришга уринган. Савол жавобсиз қолган, журналист эса залдан чиқариб юборилган.
Бир қарашда учрашув олдидан юз берган кичик эпизоддек кўринган бу ҳолат халқаро резонансга айланган. The Washington Post ва бошқа халқаро нуфузли нашрлар воқеани ёритган, масала Вашингтонда АҚШ Давлат департаментининг расмий брифингида ҳам кўтарилган. Америкалик журналистлар ўз ҳамкасбига қилинган муносабат юзасидан Давлат департаментидан изоҳ талаб қилган.
Бу воқеанинг бунчалик катта акс-садо бериши бежиз эмасди. Чунки ўша йилларда Вашингтоннинг Ўзбекистон билан мулоқотида инсон ҳуқуқлари, сиёсий эркинликлар ва мажбурий меҳнат энг оғриқли мавзулардан эди. Самарқанддаги мана шу бир неча дақиқалик эпизод амалда ўша даврдаги муносабатларнинг умумий фонини ҳам аниқ кўрсатиб қўйганди.
Орадан 11 йил ўтди. АҚШ Давлат котиби яна Самарқандга келмоқда, C5+1 яна кун тартибида. Аммо бу сафар мулоқотнинг мазмуни бошқача. Бир пайтлар Вашингтон билан мулоқотда Ўзбекистондаги муаммоли масалалар устунлик қилган бўлса, бугун асосий эътибор ҳамкорлик, инвестициялар ва янги имкониятларга қаратилмоқда.
Бу фарқни Марко Рубио ташрифининг кўлами ҳам кўрсатиб турибди. Давлат котиби ташрифи доирасида 200 дан ортиқ Америка компаниялари вакиллари Ўзбекистонга келиши кутилмоқда. Вашингтондан Ўзбекистон ҳақида янграётган гапларда энди инвестиция, технология, савдо ва янги лойиҳалар тобора кўпроқ ўрин олмоқда. Бундай ўзгаришлар ортида эса сўнгги йилларда босиб ўтилган катта йўл бор.
Президент Шавкат Мирзиёев бошлаган очиқлик ва ислоҳотлар сиёсати даврида йиллар давомида мамлакатнинг халқаро имижига соя солиб келган қатор муаммолар бартараф этилди. Мажбурий меҳнатга барҳам берилди, иқтисодиёт очилди, ташқи шериклар билан муносабатлар прагматик манфаатлар асосида қайта қурилди. Натижада Ўзбекистонга бўлган муносабат ҳам, у билан мулоқотнинг мазмуни ҳам янгиланди.
Энди эса шаклланган сиёсий ишончни аниқ иқтисодий натижаларга айлантириш босқичи бошланган. Бу жараёнда Саида Мирзиёева бошчилигида Президент Администрациясининг Америка бизнеси билан тўғридан-тўғри мулоқоти фаоллашиб, йирик компаниялар ва молиявий институтлар билан музокаралар амалий лойиҳаларга айланиб бормоқда.
Шунинг учун 2015 ва 2026 йилги Самарқандни ёнма-ён қўйганда фарқ янада яққол кўринади: 11 йил аввал Вашингтон Ўзбекистон ҳақида гапирганда, асосий урғу муаммоларга қаратиларди. Бугун эса Ўзбекистон билан янги имкониятлар, йирик инвестициялар ва катта лойиҳалар муҳокама қилинмоқда.
@pressuzb
Америка бизнеси Ўзбекистонни қайта кашф этмоқда
2011 йилда АҚШ Давлат департаменти мустақилликдан буён Америка компанияларининг Ўзбекистонга киритган инвестициялари қарийб 500 миллион доллар бўлганини қайд этган. Ўша даврда GM, Boeing, Coca-Cola каби йирик компаниялар ишлаган бўлса-да, мураккаб инвестиция муҳити сабаб айрим инвесторлар мамлакатни тарк этган.
Орадан 15 йил ўтиб, 2026 йилда иқтисодий ҳамкорлик кўлами энди юз миллионлар эмас, ўнлаб миллиард долларлар билан ўлчанмоқда. Ўзбекистон ва АҚШ ўртасида 35 миллиард долларлик уч йиллик Иқтисодий ҳамкорлик дастури амал қилмоқда, мамлакатда эса 340 га яқин Америка компанияси ишлаяпти.
Илгари ҳамкорлик асосан саноқли йирик компаниялар атрофида қурилган бўлса, бугун унинг нафақат кўлами, балки доираси ҳам кенгайди. Энергетика, авиация, молия, IT, қишлоқ хўжалиги ва критик минералларгача бўлган муҳим соҳаларда Америка бизнеси билан йирик лойиҳалар кун тартибига чиққан.
Яъни қисқа вақт ичида Ўзбекистон Америка бизнеси учун саноқли йирик лойиҳалар бозоридан ўнлаб миллиард долларлик ҳамкорлик портфели шаклланган муҳим иқтисодий йўналишга айланди.
@pressuzb
Президент Администрацияси раҳбари Саида Мирзиёеванинг Туркияга ташрифи — юксак эҳтиром, самимият ва қардошлик ришталари акс этган лаҳзалар
@pressuzb
Ўзбекистон иккинчи ва учинчи атом электр станциясини қуришни режалаштирмоқда
Президент Шавкат Мирзиёев Ўзбекистонда иккинчи атом электр станциясини қуриш бўйича яқин кунларда инвесторлар билан музокаралар ўтказилишини маълум қилди.
“Бизда уран ишлаб чиқариш кўпайяпти. Бу йўналишда катта сармоя киритдик, имконият ва тажриба орттирдик. Шунинг учун биринчи атом электр станциясини бошладик, иккинчи ва учинчисига ҳам режамиз бор”, — деди давлат раҳбари.
❗️Суюлтирилган газ етказиб беришда давлат монополияси тугатилади
Президент Шавкат Мирзиёев илгари давлат монополиясида бўлган суюлтирилган газ етказиб бериш соҳасида босқичма-босқич бозор механизмлари жорий этилаётганини маълум қилди.
@pressuzb
“Президент командаси сизларга кўмакчи бўлади” — давлат раҳбари инвесторларга ҳар томонлама ёрдам берилишини таъкидлади.
@pressuzb
“Бугун Самарқандда бўлиш мен учун шараф” — Марко Рубио
АҚШ Давлат котиби Марко Рубио видеомурожаат йўллади. У Самарқанд асрлар давомида жаҳон савдосининг муҳим марказларидан бири бўлганини қайд этиб, бугун бу ерда бўлиш унинг учун шараф эканини таъкидлади.
“Асрлар давомида жаҳон савдоси шу ердан ўтган. Бугун у яна қайтмоқда. Биз эса унинг бир қисми, кучли бир қисми бўлишни истаймиз”, — деди Марко Рубио.
Президентнинг бир ҳафтаси қандай ўтди?
Ўтган ҳафта Президент Шавкат Мирзиёевнинг иш графигида танаффус бўлмади. Давлат раҳбари дам олишсиз, 24/7 режимда ишлади.
Душанба, 12 октябрь. Президент Янги Тошкентда янги иншоотларни ишга тушириб, навбатдаги объектлар қурилишига старт берди. Инвестор ва тадбиркорлар билан очиқ мулоқот ўтказди, Гурбангули Бердимуҳамедов билан телефон орқали гаплашди.
Сешанба, 13 октябрь. Президент иссиқхоналарга “яшил” технологияларни жорий этиш ва уларнинг экологик хавфсизлигини таъминлаш бўйича таклифлар билан танишди. Шунингдек, яйловлар деградациясининг олдини олиш, сув таъминотини яхшилаш ва улардан самарали фойдаланиш масалалари кўриб чиқилди.
Чоршанба, 14 октябрь. Президент Тошкентда маҳаллаларни ободонлаштириш, янги мактаб ва боғчалар қуриш ҳамда шаҳар муҳитини ривожлантириш лойиҳалари билан танишди. Шундан сўнг Бокуга учиб, Озарбайжон Президенти Илҳом Алиев билан учрашди.
Пайшанба, 15 октябрь. Президент Бокуда Осиёда ҳамкорлик ва ишонч чоралари бўйича кенгашнинг еттинчи саммитида иштирок этди. Саммит доирасида Қатар, Лаос, Камбоджа ва Вьетнам раҳбарияти вакиллари билан алоҳида музокаралар ўтказди.
Жума, 16 октябрь. Президент энергетика соҳасидаги инвесторлар билан очиқ мулоқот ўтказди. Шу куннинг ўзида ACWA, Cengiz Holding, SOCAR, BP, Masdar, AMEA Power, Aksa Enerji, CAMCE, China Energy, Sinoma Energy ва Voltamp Energy раҳбарлари билан қатор музокаралар ўтказди. АҚШ Президентининг махсус вакили Сержио Горни ҳам қабул қилди.
Шанба, 17 октябрь. Президент Осиё футбол конфедерацияси раҳбари Шайх Салмон бин Иброҳим Ал Халифани қабул қилди. Шунингдек, Хитой Давлат кенгаши Бош вазири Ли Сян бошчилигидаги делегация билан музокара ўтказди.
Якшанба, 18 октябрь. Дам олиш кунида ҳам иш графиги давом этди. Президент Самарқандга бориб, Имом Бухорий мажмуасини зиёрат қилди, Ислом Каримов мақбарасига гул қўйди. “Ширин” массивига олиб борувчи янги кўприк қурилиши билан танишиб, вилоят фаоллари билан мулоқот қилди ва Имом Мотуридий мажмуасидаги бунёдкорлик ишларини кўздан кечирди.
Бир ҳафта ичида манзиллар алмашди, кун тартибидаги мавзулар янгиланди, учрашув ва ташрифлар бир-бирига уланиб кетди. Шу билан бирга, давлат раҳбарининг ҳафта бошидан белгиланган юқори иш суръати якшанбага қадар давом этди.
@pressuzb
Регистон. “Ўзбекистон ва АҚШ ўртасидаги ҳамкорлик учун янги имкониятлар очилмоқда” — Саида Мирзиёева
@pressuzb
“Дональд Трамп Ўзбекистонга келишни хоҳлайди” — Марко Рубио
АҚШ Давлат котиби Марко Рубио президент Дональд Трамп Ўзбекистонга келиш истагини билдирганини маълум қилди.
“Келгуси йил бу масала устида ишлаб, ташриф учун қайси саналар мос келишини кўриб чиқишимиз керак. Имкони бўлса, у келишни хоҳлайди. Бу ҳақда унинг ўзи айтган”, — деди Рубио.
АҚШ Давлат котиби Марко Рубио Президент Администрацияси раҳбари Саида Мирзиёева ҳамроҳлигида Регистон майдонига ташриф буюрди.
@pressuzb
Тарихий ташриф: АҚШ Давлат котиби Марко Рубиони Самарқанд халқаро аэропортида кутиб олиш жараёни
@pressuzb
Президент Шавкат Мирзиёевнинг Самарқанд фаоллари билан суҳбатидан:
— Ўзбекистонга 2016 йилда бор-йўғи 1,2 миллион турист келарди. “Сизга бир йилда 3 миллион турист келадими?”, деб сўрашди. Ўтган йили 12 миллион келди, деган рақамни эшитиб, ҳайратда қолишди.
@pressuzb
Бугун Президент Шавкат Мирзиёев Самарқанд вилоятига ташриф буюради. Сафар давомида транспорт инфратузилмаси ва замонавий шаҳарсозлик лойиҳалари билан танишиш режалаштирилган.
Эртага, 19 октябрь куни, давлат раҳбари Америка – Ўзбекистон ишбилармонлик ва инвестиция кенгаши йиғилишида иштирок этади.
@pressuzb
Reuters: Вашингтон Марказий Осиёга аввалгидан кўпроқ эътибор қарата бошлади
АҚШ Давлат котиби Марко Рубио Ўзбекистонга ташрифини Reuters нашри Вашингтоннинг Марказий Осиёга эътибори ортиб бораётгани фонида ёритди.
АҚШ расмийлари Хитой, Россия ва Эрон ўртасида жойлашган, табиий ресурсларга бой Марказий Осиёни Дональд Трампдан аввалги президентлар даврида Вашингтон томонидан етарлича эътибор берилмаган минтақа сифатида таърифламоқда.
Ташрифнинг иқтисодий томонига ҳам алоҳида урғу берилган. Давлат департаменти маълумотига кўра, Рубио билан Ўзбекистонга 200 дан ортиқ бизнес раҳбарлари келади. Reuters манбаси Трамп маъмуриятининг тижорий саъй-ҳаракатлари минтақанинг нодир ер минералларига кириш имкониятларини кенгайтиришга қаратилганини айтган.
Нашр яна бир муҳим детални келтирган — Ўзбекистонга ташрифни ташкил этишда Тошкентда туғилган, Рубионинг дўсти ва АҚШ Президентининг Жанубий ва Марказий Осиё бўйича махсус вакили Сержио Гор катта роль ўйнаган.
@pressuzb
Янги Тошкент учун инвестиция лойиҳаларини онлайн юбориш имкони яратилди
Янги Тошкент дирекцияси инвестиция лойиҳаларини қабул қилиш учун махсус “Янги Тошкентга инвестиция киритинг!” чат-ботини ишга туширди. Энди маҳаллий ва хорижий инвесторлар ўз ғоя ва таклифларини тўғридан-тўғри онлайн юбориши мумкин.
Дастлаб катта ҳужжатлар тўплами ҳам талаб қилинмайди. Компания ва лойиҳа ҳақидаги асосий маълумотлар, инвестиция ҳажми, амалга ошириш муддати ҳамда инфратузилмага эҳтиёж кўрсатилган қисқа ариза етарли. Ҳар бир мурожаатга рўйхат рақами берилади ва у Дирекция томонидан кўриб чиқилади.
Чат-бот ўзбек, рус, инглиз ва хитой тилларида ишлайди.
🔵Расмий сайт: newtashkent.uz
🔵Telegram-бот: @yt_investitsiya_bot
Комил Алламжонов АҚШ Президентининг махсус ёрдамчиси, Миллий хавфсизлик кенгашининг Жанубий ва Марказий Осиё бўйича катта директори Майкл Жеримайя билан учрашди.
Мулоқотда қатор муҳим тадбирларни ўтказиш билан боғлиқ ташкилий масалалар муҳокама қилинди. Хусусан, АҚШ Давлат котиби Марко Рубионинг Ўзбекистонга кутилаётган ташрифи, Самарқанддаги “C5+1” учрашуви ҳамда Майамида бўлиб ўтадиган G20 саммити кун тартиби юзасидан фикр алмашилди.
@pressuzb
❗️Саида Мирзиёева ёқилғи-энергетика соҳасидаги инвесторлар кенгашини бошқаради
Президент Шавкат Мирзиёев ёқилғи-энергетика соҳасида Инвесторлар кенгаши тузилишини эълон қилди. Унга Президент Администрацияси раҳбари Саида Мирзиёева раҳбарлик қилади.
@pressuzb
❗️Саида Мирзиёева ёқилғи-энергетика соҳасидаги инвесторлар кенгашига раҳбарлик қилади
Президент Шавкат Мирзиёев ёқилғи-энергетика соҳасида инвесторлар кенгаши ташкил этилишини маълум қилди. Кенгашга Президент Администрацияси Раҳбари Саида Мирзиёева бошчилик қилади.
Кенгаш ер ажратишдан объект ишга тушгунига қадар сармоядорлар дуч келадиган масалаларга тезкор ечим топиш билан шуғулланади.
@pressuzb
“Барча электр станция, тармоқ ва сақлаш тизимлари бир танадек ишлаши зарур” — Шавкат Мирзиёев
Президент миллиардлаб долларга электр станциялари қурилса-да, электрни истеъмолчига етказиб бериш тизими етарли бўлмаса, улар кутилган натижани бермаслигини таъкидлади.
@pressuzb
“Биз бир-биримиз билан дўст бўлишимиз учун ҳамма нарса очиқ, аён ва шаффоф бўлиши керак” — Президент
Президент Шавкат Мирзиёев ёқилғи-энергетика соҳасидаги инвесторлар билан очиқ мулоқот ўтказмоқда.
Давлат раҳбари энергетикани тараққиётнинг юраги деб атаб, барқарор энергия таъминоти тадбиркорлар сармояси ва одамларнинг эртанги кунга ишончи учун муҳимлигини таъкидлади.
@pressuzb