46407
Муҳим воқеалар ва эксклюзив янгиликлар манбаси Алоқа учун: @pressuzbot
Абдул Ғаффор Теравий Афғонистоннинг Ўзбекистондаги дипломатик ваколатхонаси раҳбари сифатида фаолиятини бошламоқда.
Абдул Ғаффор Теравий афғонистонлик ўзбеклардан бўлиб, бунга қадар Афғонистон Олий судида тадқиқот бўлими директори лавозимида ишлаган.
@pressuzb
Юнусобод тумани прокуратураси катта терговчисига қидирув эълон қилинди
Бош прокуратура ва бошқа ҳуқуқни муҳофаза қилувчи органлар билан ҳамкорликда фуқаро И.Х.нинг аризаси асосида тезкор тадбир ўтказилди.
Муаллиф аризасида Тошкент шаҳар Юнусобод тумани прокуратураси катта терговчиси Ш.Ш. томонидан “B.H.” МЧЖ мансабдор шахсларига нисбатан бўлган жиноят ишини унинг фойдасига ижобий ҳал қилиш учун пул маблағлари талаб қилганлигини маълум қилиб, унга нисбатан қонуний чора кўришни сўраган.
Ушбу ариза асосида жорий йилнинг 7 октябрь куни ўтказилган тезкор тадбир давомида, Ш.Ш. ариза муаллифидан келишилган 40 минг АҚШ долларини олиб, жиноий таъқибдан қутулиш мақсадида номаълум томонга яширинган (40 минг АҚШ доллари ашёвий далил сифатида расмийлаштириб олинган).
Мазкур ҳолат юзасидан Бош прокуратура томонидан Ш.Ш.га нисбатан Жиноят кодексининг 210-моддаси 3-қисми "а" банди (Пора олиш) билан жиноят иши қўзғатилди.
Айбланувчига нисбатан сиртдан “қамоққа олиш” тарзидаги эҳтиёт чораси қўлланилиб, унга нисбатан қидирув эълон қилинди.
@pressuzb
Қўлда терилган пахтанинг ҳар бир килограмми учун 2500 сўмдан ҳақ тўланади
Қишлоқ хўжалиги вазирлигининг хабар беришича, тижорат банклари томонидан (қўл терими учун) 1500 сўмдан кредит маблағлари ажратилиб, теримчиларга ушбу миқдордаги сумма ҳар бир килограмм учун бериб келинаётган эди. Бу ўз навбатида бир мунча қийинчилик туғдириб, теримчиларни мавсумий ишга жалб қилиш ҳолатларида ноқулай вазиятни келтириб чиқарди.
Мазкур ҳолатларни ҳар томонлама ҳисоблаб ва ундан кейин теримчиларни моддий рағбатлантиришни янада кучайтириш мақсадида 9 октябрдан бошлаб, республиканинг барча ҳудудларидаги теримчиларга пахта терим нархи (қўл терими учун) ҳар бир килограмм учун 2500 сўм этиб белгилаш қайд этилди.
Бунда ушбу маблағнинг 2000 сўми Қишлоқ хўжалигини давлат томонидан қўллаб-қувватлаш жамғармаси ҳисобидан, 500 сўми кластер ҳисобидан ажратилиб, даланинг ўзида теримчиларга тарқатилади.
@pressuzb
Энергетика вазирлиги қуёш панеллари бўйича мурожаатлар +998 71 231 14 41 ва +998 71 231 16 61 (ички 7046, 7037 ва 7057) телефон рақамлари орқали қабул қилинишини билдирди.
Вазирлик хабарига кўра, 7 октябрь куннинг иккинчи қисмидан бошлаб, 8 октябрь соат 20:30 га қадар вазирлик қабулхонасига жами 1232 та қўнғироқ бўлган.
@pressuzb
Кредит ташкилотлари томонидан онлайн кредит ажратилишига доир вақтинчалик тартиб жорий этилмоқда
Марказий банк хабарига кўра, ўтган давр мобайнида фирибгарлик йўли билан фуқаролар номига онлайн кредит ажратиш орқали 463 та ҳолатда қарийб 15 млрд сўм миқдорда моддий зарар етказилган.
Ушбу турдаги фирибгарликларнинг олдини олиш мақсадида бир қатор ривожланган давлатларнинг тажрибаси ўрганиб чиқилган.
Шу муносабат билан Марказий банк кредит ташкилотлари томонидан жисмоний шахсларга онлайн кредит ажратиш жараёнида банк карталари билан боғлиқ шубҳали фрод операцияларининг олдини олишга қаратилган вақтинчалик тартибни жорий қилмоқда.
Унга кўра, эндиликда фуқаролар кредит ташкилотининг мобиль иловаси орқали кредит ажратиш бўйича ариза юбориш жараёнида биометрик идентификациядан ўтиши талаб этилади.
Ушбу талабнинг ўрнатилиши кредит олиш бўйича ариза фуқаронинг шахсан ўзи томонидан берилганлигини аниқлаш ва унинг шахсига яна бир бор ойдинлик киритиш имконини беради.
Вақтинчалик тартибга кўра, кредит ташкилотлари фуқаро кредит олиш учун ариза юборганидан кейин унинг кредит бюролари маълумотлар базасидаги кредит тарихини 2 босқичда (ариза тушгандан сўнг ҳамда кредит маблағлари ажратилишидан олдин) текширишдан (скоринг) ўтказади. Текширув натижасида мижознинг салбий кредит тарихи ёки қарз юки кескин ошгани аниқланса, қисқа давр ичида бир нечта кредит расмийлаштирилган ва қарз юки кескин ошган бўлса, кредит ажратиш рад этилиши ёки бошқа суммада ажратилиши тўғрисида хабар берилади.
Мазкур тартиб 2024 йилнинг 1 ноябридан 2025 йилнинг 1 апрелига қадар амал қилади.
@pressuzb
Виктор Эмброс ва Гэри Рувкун физиология ва тиббиёт бўйича 2024 йилги Нобель мукофоти совриндорлари бўлди.
@pressuzb
Айрим тижорат банкларида 1 АҚШ долларининг сотув курси 12 830 сўмга етди.
@pressuzb
Нодирбек Абдусатторовнинг битта қўлдаги тезкор “жанги”
Global Chess League турнирида ўзбекистонлик шахматчи Нодирбек Абдусатторов ҳиндистонлик Видит Гужратҳига қарши дона сурди.
Драматик ўйин дуранг билан якунланди: Видитнинг вақти тугаб қолди, Нодирбек эса дурангга қочиб кетди. Шахматчилар битта қўлни ишлатиб дона сургани ва уларнинг тезлиги эътиборга молик.
Маълумот учун, мукофот жамғармаси 1 млн АҚШ долларидан иборат бўлган мазкур турнир 12 октябрга қадар давом этади.
@pressuzb
Чиқиндидан қарзи бор истеъмолчиларга электр энергиясига тўлов қилиш бўйича ҳам чеклов киритилади – “Ҳудудий электр тармоқлари” АЖ
Айни пайтда “Ҳудудий электр тармоқлари” АЖ томонидан чиқинди бўйича огоҳлантириш хабари юборилгандан сўнг, қарздорликни бартараф этмаган истеъмолчиларга электр энергияси учун тўловларда чекловлар киритиш бўйича ҳам техник ишлар олиб борилмоқда.
Шу ўринда чиқинди қарздорлиги учун юборилган хабарномалар бўйича истеъмолчилардан келиб чиқаётган шикоятлар юзасидан чиқинди йиғиш ва ташиш хизматларига мурожаат қилиш сўралади. “Ҳудудий электр тармоқлари” АЖ бу жараёнда Экология вазирлиги тақдим этган маълумотлар асосида хабар юбораётганлигини маълум қилади.
@pressuzb
“Камбағалликни қисқартириш ва бандлик соҳасида давлат сиёсатини такомиллаштириш ва самарадорликни ошириш чора-тадбирлари тўғрисида”ги ПҚ-347 сон Президент қарори қабул қилинди.
Қарор билан Давлат меҳнат инспекциясининг ҳам ваколатлари кучайтирилмоқда. Хусусан, 2025 йил 1 мартдан бошлаб:
⁃ давлат меҳнат инспекцияси ва унинг ҳудудий бўлинмалари мансабдор шахсларига меҳнат ҳуқуқлари ва меҳнатни муҳофаза қилиш, иш берувчининг фуқаролик жавобҳарлигини мажбурий суғурта қилиш, аҳоли бандлиги тўғрисидаги қонунчилик талабларини бажармаганлиги учун камерал назорат ўтказиш ваколати берилмоқда;
⁃ меҳнат ҳуқуқлари ва меҳнатни муҳофаза қилиш тўғрисидаги қонунчиликни бузган, Давлат меҳнат инспекцияси ва унинг ҳудудий бўлинмалари мансабдор шахсларининг қонуний фаолиятига аралашган, тўсқинлик қилган ёки таъсир ўтказган шахсларга нисбатан жарима қўллаш тартиби жорий этилади;
⁃ Давлат меҳнат инспекцияси ва унинг ҳудудий бўлинмаларига “Шаффоф қурилиш” миллий ахборот тизими маълумотларидан фойдаланган ҳолда давлат бюджети маблағлари ҳисобидан қурилаётган, таъмирланаётган ёки реконструкция қилинаётган объектлардаги ишчилар сонининг лойиҳа-смета ҳужжатлари ҳамда пудрат ишлари ҳажмига мувофиқлиги юзасидан назорат тадбирлари ўтказишга рухсат этилади.
@pressuzb
Рақобат қўмитаси “Hamkorbank” АТБга нисбатан молиявий жарима қўллади
Рақобат қўмитаси томонидан ўтказилган ўрганишлар давомида, “Hamkorbank” АТБнинг онлайн микроқарз банк хизмати реклама ахборотида истеъмолчиларни чалғитувчи маълумот берилганлиги аниқланган.
Хусусан, мазкур банк хизмати рекламасида “Онлайн микроқарз” – “Зудлик билан пул керакми, 50 миллион сўм - Hamkor иловасида онлайн микроқарз расмийлаштиринг!” мазмунидаги ташқи реклама жойлаштирилганлиги кузатилган.
Ушбу ахборотга банкнинг интернетдаги расмий саҳифаси жойлаштирилган маълумотлар асосида аниқлик киритилилди.
Бунда, микроқарз банк хизмати бўйича фақатгина кредитнинг миқдори ҳақида ахборот берилган бўлиб, реклама ахборотида ушбу кредитнинг қолган муҳим шартлари кўрсатилмаган.
Рекламани бундай кўринишда бўлиши рекламадан фойдаланувчиларни чалғитувчи ёки чалғитишга олиб келувчи ҳолатни ифодалаши мумкин.
Юқоридагиларга асосан, Қўмитанинг Махсус комиссияси томонидан “Реклама тўғрисида”ги Қонун талаблари бузилиш аломатлари юзасидан “Hamkorbank” АТБга нисбатан белгиланган тартибда молиявий жарима қўллаш ҳақида қарор қабул қилди.
@pressuzb
2024 йилнинг биринчи ярим йиллигида 3837 нафар шахс коррупцияга оид жиноят учун жавобгарликка тортилди
Коррупцияга қарши курашиш агентлиги томонидан Олий суд тақдим этган маълумотлар асосида 2024 йилнинг биринчи ярим йиллигидаги коррупцияга оид жиноятчилик таҳлил қилинди.
Таҳлилларга кўра, мазкур даврда 3837 нафар шахс коррупцияга оид жиноят содир этгани учун судлар томонидан жиноий жавобгарликка тортилган.
Жорий йилда (2023 йилнинг биринчи ярим йиллиги билан таққослаганда) айрим соҳа ва йўналишларда коррупцияга оид жиноятчилик камайган.
Жумладан: ↓
⁃ тижорат банкларида 146 (186);
⁃ Соғлиқни сақлаш вазирлиги тизимида 145 (177);
⁃ ҳуқуқни муҳофаза қилувчи органларда 122 (128);
⁃ Олий таълим, фан ва инновациялар вазирлиги тизимида 52 (64);
⁃ Бандлик ва камбағалликни қисқартириш вазирлиги тизимида 30 (40);
⁃ Қишлоқ хўжалиги вазирлигида тизимида 30 (33) коррупцион жиноятлар содир этилган.
Шунингдек: ↑
⁃ Мактабгача ва мактаб таълими вазирлиги тизимининг 285 (237);
⁃ давлат улуши мавжуд корхоналарнинг 103 (153);
⁃ маҳаллий ҳокимликларнинг 133 (119) нафар ходимлари томонидан содир этилган коррупциявий жиноятлар сони ортган.
@pressuzb
Тошкент шаҳрида Креатив иқтисодиёт бўйича IV Бутунжаҳон конференцияси бошланди
Президент ёрдамчиси Саида Мирзиёеванинг ўз саҳифасида ёзишича, 80дан ортиқ мамлакатдан 2000дан зиёд иштирокчи креатив соҳалар келажагини муҳокама қилиш, тажриба алмашиш ва ҳамкорлик бўйича янги имкониятлар яратиш учун бир жойга жам бўлган.
@pressuzb
2 октябрдан бошлаб, Ўзбекистон Республикаси Фуқаро авиацияси агентлигининг кўрсатмасига мувофиқ, Uzbekistan Airways Ироқ ҳаво ҳудуди ва Эрон ҳаво ҳудудининг ғарбий қисмини айланиб ўтган ҳолда, аниқ кўрсатмага қадар мунтазам парвозларни амалга оширишини маълум қилади.
Uzbekistan Airways парвозларнинг максимал хавфсизлигини таъминлаш учун муқобил йўналишлардан фойдаланган ҳолда Тошкент - Тел-Авив - Самарқанд/Тошкент йўналиши бўйича мунтазам авиақатновларни амалга оширишни давом эттиради.
@pressuzb
Paypal, Apple Pay ва Google Pay Ўзбекистонда ҳам ишлаши йўлга қўйилади – Ҳукумат қарори
2024 йил якунига қадар Марказий банк, Рақамли технологиялар вазирлиги ҳамда Туризм қўмитаси билан биргаликда халқаро онлайн тўлов компаниялари – Paypal, Alipay, UniPay, Apple Pay, Google Pay кабилар билан музокара ўтказиб, уларни Ўзбекистондаги тўлов тизимлари ва банк хизматларига улашни йўлга қўяди.
Зарур ҳолларда, миллий қонунчилик талабларини қайта кўриб чиқиш бўйича таклифлар киритилади.
@pressuzb
Метро бекатларига яқин ташкилотларда иш вақтини ўзгартириш режалаштирилмоқда
“Тошкент метрополитени” ДУК ҳукумат, Транспорт вазирлиги ва бошқа ташкилотлар билан йирик корхоналарда иш бошланиши вақтини қайтадан кўриб чиқиш бўйича таклифлар ишлаб чиқмоқда. Бунга кўра, метро бекатларига яқин корхоналарда ҳам иш вақтини ўзгартириш режалаштирилмоқда.
Маълумот учун, ҳозирги вақтда тирбандликнинг олдини олиш учун метро бекатларига яқин Тошкетдаги 27 та олий таълим муассасасида дарс жараёнининг бошланиш вақтига ўзгартириш киритилган.
@pressuzb
Президент Шавкат Мирзиёев Тошкент шаҳрини камида 7,5 миллион одам яшаши ва ишлаши учун қулай шароитга эга йирик мегаполисга айлантириш зарурлигини таъкидлади.
Шунингдек, Тошкент вилоятининг Қибрай, Зангиота, Юқоричирчиқ, Ўртачирчиқ ва Тошкент туманларини пойтахт билан яхлит агломерация асосида ривожлантириш бўйича топшириқлар берилди.
@pressuzb
“Ўзбекистон темир йўллари” АЖ бош муҳандиси Хасилов Хуснутдин Нуриддинович ўз аризасига биноан лавозимидан озод этилди.
@pressuzb
Нейрон тармоқларни ўрганган америкалик Джон Джозеф Хопфилд ва британиялик Джеффри Хинтон физика бўйича 2024 йилги Нобель мукофоти совриндорлари бўлди.
@pressuzb
Айрим тижорат банкларида 1 АҚШ долларининг сотув курси 12 840 - 12 850 сўмга етди.
@pressuzb
PoliticalSalaries ҳисоб-китобларига кўра президентлар, бош вазирлар ва бошқа ҳукумат раҳбарларининг йиллик маоши.
@pressuzb
Шавкат Мирзиёев 7-8 октябрь кунлари амалий ташриф билан Москва шаҳрида бўлади ҳамда МДҲ Давлат раҳбарлари кенгашининг навбатдаги мажлиси доирасидаги тадбирларда иштирок этади.
@pressuzb
Алишер Тўхтаев Ўзбекистоннинг Покистондаги элчиси этиб тайинланди.
Тайинловга қадар А.Тўхтаев Ташқи ишлар вазирининг маслаҳатчиси лавозимида ишлаган.
@pressuzb
Ўзбекистон ДХХ Россияга ИШИД аъзоларини тутишга ёрдам берган – Бортников
Россия Федерал Хавфсизлик хизмати раҳбари Александр Бортников Қозоғистон пойтахти Остонада, МДҲга аъзо мамлакатларнинг хавфсизлик ва махсус хизматлари раҳбарлари учрашувида маълум қилишича, Ўзбекистон Давлат хавфсизлик хизматининг ахбороти билан шу йил июль ойида Россияда ИШИДнинг “Хуросон вилояти” гуруҳи 10 нафар жангариси ҳамда яна бошқа гуруҳнинг 5 аъзоси қўлга олинган.
@pressuzb
Бош вазир Абдулла Арипов Ўзбекистон шахмат федерацияси раиси этиб сайланди.
Алишер Саъдуллаев эса федерация раисининг биринчи ўринбосари этиб сайланди.
@pressuzb
Ўзбекистон Ташқи ишлар вазирлиги баёноти
Ўзбекистон Яқин Шарқдаги вазият шиддат билан кескинлашаётганидан чуқур хавотирдалигини билдиради.
Танглик даражасининг янада ортиши кенг минтақада хавфсизликка нисбатан бўлган хатар ва таҳдидларнинг мисли кўрилмаган даражада кучайишига ва бутун халқаро ҳамжамият учун олдиндан айтиб бўлмайдиган оқибатларга олиб келиши мумкин, деб ҳисоблаймиз.
Биз қарама-қарши томонларни вазминликка ва кескинликнинг янада кучайишига олиб келиши мумкин бўлган ҳаракатлардан тийилишга чақирамиз.
Ўзбекистон томони можарони халқаро нормалар ва Бирлашган Миллатлар Ташкилоти Хавфсизлик Кенгашининг қарорларига мувофиқ тинч йўл билан ҳал этиш учун шошилинч чоралар кўриш зарурлигини яна бир бор таъкидлайди.
@pressuzb
❗️Telegram мессежери фаолиятида яна узилишлар кузатилмоқда.
1 октябрь куни ҳам шундай носозлик юз берганди.
@pressuzb
Президент Шавкат Мирзиёевнинг 27 сентябрдаги қарори билан Қирғизистон ҳукумати билан Иссиқкўлдаги тўртта пансионатни Тошкентга бериш тўғрисидаги битим тасдиқланди.
Рўйхатга “Марказий Осиёнинг олтин қумлари” (“Золотые пески Центральной Азии”, собиқ “Bostery”), “Роҳат-НБУ“ (собиқ “Рахат”), “Дилором” (собиқ “Энасой”) ҳамда қурилиши тугалланмаган “Бўстон” пансионатлари киритилган.
Ҳужжатга кўра, объектларга эгалик қилиш ҳуқуқи Ўзбекистондаги компанияларга узоқ муддатли фойдаланиш учун, ер эса ижара асосида берилади.
⁃ “Олтин қумлар” пансионати “Тошкент механика заводи”га топширилади;
⁃ “Дилором” пансионати “Асакабанк”ка ўтказилади;
⁃ “Роҳат” пансионати Ўзбекистон Ташқи иқтисодий фаолият миллий банкига (Ўзмиллийбанк) берилади;
⁃ “Бўстон” номли қурилиши тугалланмаган объект “Ўзсаноатқурилишбанк”ка ўтказилади.
@pressuzb
Тошкент шаҳар ҳокими Шавкат Умурзаков Ўзбекистон шахмат федерацияси Тошкент шаҳар бўлими раиси этиб тайинланди.
@pressuzb
Telegram қоидаларни бузган фойдаланувчиларнинг телефон рақамлари ва IP манзилларини махсус хизматларга тақдим этиши маълум қилинганди.
Бу борада мессенжер томонидан ҳар чоракда янгилаб бориладиган ҳисобот ўрганилганда, 2024 йил бошидан бугунгача Telegram Ўзбекистон томонга бирорта ҳам фойдаланувчининг телефон рақами ва IP манзили ҳақида маълумот бермагани маълум бўлди.
@pressuzb