46407
Муҳим воқеалар ва эксклюзив янгиликлар манбаси Алоқа учун: @pressuzbot
Poytaxt bank янги веб-сайтини тақдим этди
Poytaxt bank’нинг қулай ва замонавий технологияларга асосланган янги веб-сайти қуйидаги имкониятларга эга:
⁃ Маҳсулот ва хизматлар ҳақидаги маълумотларни осон топиш;
⁃ Банкнинг сўнгги янгиликларидан хабардор бўлиш;
⁃ Банк картани уйгача етказиб бериш хизмати учун ариза қолдириш;
⁃ Фарзандлар учун болалар картасини расмийлаштириш;
⁃ Қулай кредит калкулятори ёрдамида кредит миқдорини ҳисоблаш;
⁃ Банк раисига электрон мурожаат юбориш;
⁃ Банкоматларнинг жойлашувини онлайн харита ёрдамида осон аниқлаш.
@pressuzb
Президент ёрдамчиси Саида Мирзиёева UNFPAнинг Ўзбекистондаги ваколатхонаси раҳбари Нигина Абасзаде билан учрашди
“Мулоқот давомида асосий эътибор таълим, соғлиқни сақлаш ва инсон капиталини ривожлантириш масалаларига қаратилди. Бачадон бўйни ва кўкрак бези саратонига қарши курашиш бўйича амалга оширилаётган давлат дастури, шунингдек, оналар ва болалар ўлими мавзусини кенг муҳокама қилдик”,
Тошкентда 14 мингга яқин автотураргоҳ қурилади. Келгусида эса жами 84 мингта паркинг майдони кўзда тутилмоқда.
@pressuzb
Туркияда террорчилик ташкилоти деб эълон қилинган FETO раҳбари, турк лицейларининг асосчиси Фатҳуллоҳ Гулен АҚШда вафот этди.
Унинг 2016 йил Туркияда содир бўлган давлат тўнтаришига ҳам алоқадор экани айтилади. Гуленнинг ўзи буни рад этган.
@pressuzb
“Россияни Мироновнинг ўзи, ўғиллари, куёвлари, неваралари ҳимоя қилиши керак”
Ўзбекистоннинг Қозондаги Бош консуллиги Ўзбекистон фуқароларини Россия армияси сафига қўшилмасликка чақириб, бунинг учун жавобгарлик борлигини эслатганди.
Россиялик депутат Сергей Миронов бу чақириққа нисбатан “сизни боқаётган мамлакатни ҳимоя қила олмайсизми”, деб Х ижтимоий тармоғида ёзиб қолдирган.
Олий Мажлис Қонунчилик палатаси Спикерининг ўринбосари, “Миллий тикланиш” демократик партияси раиси Алишер Қодиров Мироновга муносиб жавоб қайтарди:
“Ўзбеклар баракали халқ, ҳаққини меҳнат қилиб топади, одам ўлдириб эмас.
Россияни эса Мироновнинг ўзи, ўғиллари, куёвлари, неваралари ҳимоя қилиши керак.
Билишимча, руслар ҳам ватанни ҳимоя қилишни ўзбеклардек муқаддас бурч деб ҳисоблайдилар?“, деб ёзди Қодиров.
❗️Эслатиб ўтамиз, хорижий давлат ҳудудидаги ҳарбий ҳаракатларда қатнашиш жиноятини содир қилган барча Ўзбекистон фуқаролари истисносиз жиноий жавобгарликка тортилади.
@pressuzb
Халқаро спорт устаси Бобур Саттаров Ўзбекистон шахмат федерацияси Бош котиби лавозимига тайинланди.
@pressuzb
Нуримбетов Раҳматулла Ибрагимович Ўзбекистоннинг Швециядаги фавқулодда ва мухтор элчиси этиб тайинланди.
Бунга қадар у ташқи ишлар вазирининг ўринбосари лавозимида ишлаган.
@pressuzb
Тошкент вилояти ҳокимининг қишлоқ хўжалиги бўйича биринчи ўринбосари Ботир Алимбеков вилоят қишлоқ хўжалигидаги имкониятлардан фойдалана олмагани, тайёр қилиб берилган тизимни ишлата олмагани учун лавозимидан озод этилди.
У жорий йил бошида ушбу лавозимга тайинланган эди.
@pressuzb
15 октябрь куни Президент Шавкат Мирзиёев Олмалиқ кон-металлургия комбинатига ташриф буюриб, саноат тармоқлари учун муҳандисларни тайёрлаш мактаби ҳамда “Ёшлик-1” конини ўзлаштириш ишлари билан танишади, мис бойитиш бўйича янги қувватлар қурилишига старт беради.
@pressuzb
Telegram’да бизнес эгалари учун мижозларнинг телефон рақамларини тасдиқлаш имкони ишга тушди
Telegram бизнес эгалари учун мижозларининг телефон рақамларини аутентификация қилишнинг энг қулай усулини ишга туширди – дунёнинг исталган нуқтасида ҳар бир код учун $0,01.
“Энди корхоналар ўз фойдаланувчиларига тасдиқлаш кодларини Telegram орқали юбориш орқали миллионлаб маблағни тежашлари мумкин. Ушбу усул анъанавий СМС текширувидан кўра анча арзон, тезроқ ва хавфсизроқ. Бу хизматнинг номи – Telegram Gateway” деб ёзди мессенжер асосчиси Павел Дуров.
@pressuzb
Солиқ қўмитаси раиси номидан сохта хабарлар тарқатилмоқда
Солиқ қўмитаси раиси Шерзод Қудбиев унинг номидан ижтимоий тармоқларда, хусусан, телеграм аккаунтида хабарлар жўнатилгани ҳақида хабар бериб, бу фейк эканини маълум қилди ва барчани огоҳликка чақирди.
“Сизлардан бу каби мазмундаги хабарларга ишонмасликни ва солиқ тизими ходимлари эса иш юзасидан топшириқларни электрон ҳужжат алмашиш ААТ орқали олишини эсдан чиқармасликларини сўрайман”, деб ёзди Ш.Қудбиев.
@pressuzb
Адлия вазирлиги Соғлиқни сақлаш вазирлигини огоҳлантирди
Адлия вазирлиги томонидан ўтказилган ўрганишлар давомида 2023 йилда 21 та ҳолатда, 2024 йилнинг ўтган даврида 16 та ҳолатда дори воситалари интеллектуал мулк ҳуқуқларига риоя қилмаган ҳолда давлат рўйхатига олинганлиги аниқланди.
Жумладан, “MAGNE B6”, “IMUDON”, “SMEKTA”, “DUSPATALIN”, “ELEVIT” каби товар белгилари остида ишлаб чиқариладиган дори воситаларининг контрафакт нусхалари – “Magne B6”, “Nest Imudon”, “Smecta”, “Grand Imudon”, “MER DUSPATANIM”, “ELEMALVIT” кўринишида турли фармацевтика корхоналари номига интеллектуал мулк ҳуқуқларига риоя қилмаган ҳолда давлат рўйхатидан ўтказилган.
Шу сабабли Адлия вазирлиги томонидан Соғлиқни сақлаш вазирлигига огоҳнома киритилиб, дори воситалари, тиббий буюмлар ва тиббий техникаларни давлат рўйхатдан ўтказилишида қонунчилик ҳужжатлари талаблари бузилишини олдини олиш бўйича комплекс чора-тадбирлар кўриш лозимлиги, бундай ҳолатлар такроран содир этилганда қонунчиликда белгиланган жазо чоралари қўлланилиши ҳақида огоҳлантирилди.
@pressuzb
“Умра” тадбирларини ташкил этиш ва ўтказиш билан боғлиқ чора-тадбирларни янада такомиллаштириш тўғрисида”ги Ҳукумат қарори (12.10.2024) қабул қилинди
Қарорга кўра, қуйидаги лицензия талаб ва шартлари жорий этилмоқда:
⁃ Зиёратчиларга гуруҳ раҳбари этиб Ўзбекистон мусулмонлари идораси билан тузиладиган шартнома асосида диний билим ва кўникмаларга эга бўлган мутахассисни тайинлаш;
⁃ штатида диний таълим йўналишлари бўйича таълим муассасаси ёки Ўзбекистон халқаро ислом академиясининг битирувчиси бўлган камида бир нафар мутахассиснинг мавжудлиги;
⁃ вояга етмаган фуқароларга хизмат кўрсатмаслик;
⁃ 1 млн АҚШ доллари миқдордаги маблағни “Зиёрат” жамғармасига захира қилиб қўйиш;
⁃ ўз фаолиятини туроператор ва турагентлар орқали амалга оширмаслик;
⁃ зиёратчилар учун Саудия Арабистони Подшоҳлигининг фақат “Умра” визасини расмийлаштириш;
Бунда, “Умра” визасидан ташқари виза билан фуқароларни олиб бориш ноқонуний фаолият ҳисобланади.
⁃ “Умра” хизматларини Саудия Арабистонидаги ҳамкор ташкилот ўртасида имзоланадиган шартномага мувофиқ амалга ошириш ҳамда улар томонидан кўрсатиладиган хизматлар учун тўловларни банк муассасалари орқали амалга ошириш;
⁃ зиёратчиларга “Умра” амалларини бажаришлари учун зарур шарт-шароитлар яратиш ва сифатли “Умра” хизматларини кўрсатиш, шунингдек, Саудия Арабистонининг Макка ва Мадина шаҳарларида зиёратчиларга ўз вақтида тиббий хизмат кўрсатишни ташкил этиш;
⁃ халқаро йўналишларда йўловчи ва юк ташиш бўйича 2 йилдан кам бўлмаган тажрибага эга ҳамда ушбу давр мобайнида йўловчи ташишнинг халқаро ва миллий қонунчилик талабларини бузмаган авиакомпаниялар билан ҳамкорлик қилиш, шунингдек, зиёратчиларни юборишдан олдин уларга бориш-келиш авиачипталарини харид қилиш;
⁃ зиёратчиларни тоифаси 3 юлдуздан кам бўлмаган меҳмонхоналарга жойлаштириш;
⁃ “Умра” хизматини учинчи давлатлар орқали кўрсатмаслик;
⁃ “Умра” хизматини лицензияда кўрсатилган манзилдан бошқа жойда жойлашган ваколатхона ва филиал орқали амалга оширмаслик.
❗️Шунингдек, “Умра” тадбирларини ташкил этиш ва ўтказиш бўйича фаолият учун лицензия олиш соҳасидаги ҳуқуқбузарликлар учун юридик шахсларга солинадиган жарималар миқдорлари БҲМнинг 200 баравари (75 млн сўм) этиб белгиланган.
@pressuzb
Алфраганус университети ташаббуси билан “Ёшлар келажаги ва таълимда тадбиркорлик” мавзусида халқаро анжуман бўлиб ўтмоқда
10-11 октябрь кунлари Тошкент шаҳрида ЮНЕСКОнинг Банкокдаги минтақавий ваколатхонаси томонидан “Ёшлар келажаги ва таълимда тадбиркорлик” мавзусида 10-Таълимда тадбиркорлик UNESCO-APEID (ЮНЕСКОнинг Осиё ва Тинч океани минтақасида таълим инновацияларини ривожлантириш тармоғи) Кенгаш йиғилиши ўтказилмоқда.
Мазкур нуфузли анжуманга пойтахтдаги Алфраганус университети мезбонлик қилмоқда.
Ушбу конференция ЮНЕСКО тадбиркорлик таълими тармоғида ҳамкорликни кучайтириш, ёшлар учун инновацион тадбиркорлик дастурларини намойиш қилиш ва ёшларнинг келажаги учун тадбиркорлик таълимининг муҳимлигини тадқиқ қилишга қаратилган.
Анжуманда дунёнинг 34 давлатидан 100дан ортиқ экспертлар, етакчи олий таълим муассасалари профессор-ўқитувчилари, тадбиркорлар, халқаро ташкилотлар вакиллари, шунингдек, 200дан ортиқ мамалакатимизда фаолият юритаётган олий таълим муассасалари ректорлари, академиклар, профессор-ўқитувчилар, етакчи тадбиркорлар иштирок этишмоқда
@pressuzb
Юсупов Урал Садуллаевич – тоғ-кон саноати ва геология вазирининг ўринбосари этиб тайинланди.
@pressuzb
Ўзбекистонда чиқиндиларни энергияга айлантирадиган 1,3 млрд долларлик лойиҳалар амалга оширилади
Ўзбекистонда йилига 14 миллион тонна чиқиндилар ҳосил бўлади. Лекин уларнинг атиги 4-5 фоизи қайта ишланади. Чиқинди полигонларидан 7 миллион тоннадан зиёд иссиқхона газлари атмосферага чиқади, 43 минг тонна заҳарли фильтратлар ер остига сингади.
Чиқиндиларни қайта ишлаш орқали унинг табиатга таъсирини камайтириш, фойда олиш мақсадида қарийб 1 миллиард 300 миллион долларлик инвестицияларни жалб этган ҳолда, 8 та чиқинди ёқиш заводи қуриш ҳамда Оҳангарон полигонида чиқинди газини қайта ишлаш режалаштирилмоқда.
Хитойнинг “CAMC Engineering” компаниясининг 350 миллион доллар тўғридан-тўғри инвестицияси ҳисобидан Андижон ва Тошкент вилоятларида 2 та завод барпо этилади. Уларда кунига 4 минг тонна чиқинди қайта ишланиб, йилига 630 миллион киловатт соат электр энергияси ишлаб чиқарилади.
Бу соҳага Хитойнинг бошқа бир компанияси – “Shanghai SUS Environment” ҳам қизиқиш билдирган. У 310 миллион доллар тўғридан-тўғри инвестиция киритиб, Самарқанд ва Қашқадарё вилоятларида 2 та завод қуришни режалаштирган. Уларда кунига 3 минг тонна чиқинди қайта ишланиб, йилига 480 миллион киловатт соат электр энергияси олинади.
Бирлашган Араб Амирликларининг “Tadweer Group” компаниясининг 200 миллион доллар маблағи эвазига Бухоро ва Навоий вилоятлари учун битта завод қурилади. Унд кунига 1 минг 500 тонна чиқиндини қайта ишлаш ва йилига 363 миллион киловатт соат электр энергияси ишлаб чиқариш қуввати яратилади.
@pressuzb
Транспорт вазири Илҳом Маҳкамовнинг тегишли буйруғига асосан, жорий йил 20 ноябргача темир йўл, ҳаво транспорти ва автобус қатновлари ҳақида маълумот ва чипта олиш имконини берадиган ягона онлайн платформа яратилади ва тажриба-синов тариқасида ишга туширилади.
Шунингдек, 1 декабрдан бошлаб Uztrans ахборот тизимида транспортнинг барча турлари учун чипта қидириш имкониятига эга модул фаолияти тўхтатилади.
@pressuzb
“Нега қиммат, доллар ошдими?” — АҚШ элчисидан ўзбек тили байрамига ўзига хос табрик
@pressuzb
700 га яқин умумий овқатланиш корхоналарининг 524 тасида таомнома давлат тилида эмас – Рақобат қўмитаси
Рақобат қўмитаси ҳамда Ўзбекистон истеъмолчилар ҳуқуқларини ҳимоя қилиш жамиятлари федерацияси билан ҳамкорликда республикада фаолият юритаётган 700 га яқин овқатланиш корхоналарида танланма асосида ўрганиш ишлари олиб борилди.
Олиб борилган ўрганишларда умумий овқатланиш субъектлари томонидан истеъмолчиларга хизмат кўрсатишда овқат тайёр бўлиш вақти, нархи ва тўлаш шартлари ҳақида тўғри тушунарли маълумот тақдим этмаслик, таомномаларда тайёр овқатларнинг ҳажмлари кўрсатилмаганлиги, йўл бўйида санитар қоидаларига номувофиқ жойларда овқат тайёрлаш, тайёр овқатни етказиб бериш, ташиш ва сақлашдаги муаммолар маълум бўлди.
Шунингдек, ўрганиш ишларида қамраб олинган 700 га яқин умумий овқатланиш корхоналарининг:
⁃ 524 тасида — (75%) таомнома давлат тилида эмас;
⁃ 480 тасида — (69%) иш режими кўрсатилмаган;
⁃ 449 тасида — (65%) нархномалар мавжуд эмас;
⁃ 429 тасида — (62%) автотураргоҳлар мавжуд эмас;
⁃ 519 тасида — (74,6%) фавқулодда вазиятлар учун чиқиш йўлаклари мавжуд эмаслиги аниқланган.
Рақобат қўмитаси томонидан юқоридаги аниқланган камчиликларни бартараф этиш юзасидан ваколатли органларга (Санитария-эпидемиологик осойишталик ва жамоат саломатлиги қўмитаси ва Ўзбекистон техник жиҳатдан тартибга солиш агентлигининг Техник жиҳатдан тартибга солиш соҳасида назорат инспекцияси) тегишли тартибда маълумотлар киритилди.
@pressuzb
Пойтахтда автобус бекатлари тадбиркорларга узоқ муддатга ижарага берилади
Тошкент шаҳар ҳокимлиги пойтахтдаги автобус бекатлари электрон ким ошди савдосига қўйилишини ва узоқ муддатли ижарага берилишини маълум қилди.
Бунда тадбиркорлар замонавий кўринишга эга, йўловчилар учун қулайликни таъминлайдиган бекат мажмуаларини ўрнатиб, бунинг эвазига шу жойдан реклама майдони сифатида фойдаланиши мумкин бўлади.
Бу ҳамкорлик бекат мажмуаларида савдо дўконларини ташкил этиш ҳуқуқини бермайди.
@pressuzb
Президент фармони билан Бош вазир ўринбосари – иқтисодиёт ва молия вазири Жамшид Кучкаровга “Ўзбекистон Республикасида хизмат кўрсатган иқтисодчи” фахрий унвони берилди.
@pressuzb
Тошкент вилояти ҳокимининг биринчи ўринбосари Эркин Муҳиддинов фаолиятидаги камчиликлар ва соҳадаги ишлар қониқарсиз олиб борилаётгани учун лавозимидан озод этилди.
У жорий йил май ойида ушбу лавозимга тайинланган эди.
@pressuzb
UzAuto Motors АЖ компанияси ташқи кўриниши “янгиланган” Chevrolet Cobalt (расмда) автомобили ишлаб чиқарилишини маълум қилди.
@pressuzb
Ҳукумат қарори билан Элмуратов Ойбек Умурзакович Фармацевтика тармоғини ривожлантириш агентлиги директори ўринбосари этиб тайинланди.
Тайинловга қадар у Хорижий инвестицияларни жалб этиш агентлиги директори вазифасини бажарувчи лавозимида ишлаб келаётган эди.
@pressuzb
Долларнинг расмий курси 12 800 сўмдан ошди
15 октябрдан 1 АҚШ долларининг расмий курси 12 803,05 сўм (+22,91) этиб белгиланди.
@pressuzb
14 октябрь куни Президент Шавкат Мирзиёев Тошкент вилоятида амалга оширилаётган бунёдкорлик ишлари ва саноат корхоналари фаолияти билан танишади.
Шунингдек, иқтисодиётнинг турли тармоқларида объектларни ишга тушириш ва янгиларининг қурилишига старт бериш режалаштирилган.
@pressuzb
ИИВ ота-оналарни болалар ўртасида ўзини ҳайвонларга қиёслаб, ўша жонзотнинг хатти-ҳаракатларига тақлид қилиш (квадроберлар) учраётганидан огоҳлантирди
Тошкент шаҳрида 10 окятбрь куни ҳайвонлар қиёфасидаги ниқобларни тақиб олган “квадробер” учратилгани, 11 октябрда эса яна бир “квадробер” йўловчиларга итга тақлид қилиб ҳужум қилган, воқеага гувоҳ бўлган бола қаттиқ қўрқиб кетганлиги хабар берилган.
Ички ишлар вазирлиги мазкур ҳолатлар жамиятда юриш туриш қоидаларига зид эканини маълум қилди.
“Маъмурий жавобгарлик тўғрисидаги кодексга мувофиқ, ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши БҲМнинг 5 баробаригача (1 миллион 875 минг сўмгача) жаримага тортишга сабаб бўлади”, дейилади ИИВ хабарида.
@pressuzb
Президент Шавкат Мирзиёев Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедовга Махтумқулининг ўзбек тилида нашр этилган танланган асарлари тўпламини совға қилди.
@pressuzb
Президент Шавкат Мирзиёев Туркманистон Президенти Сердар Бердимуҳамедовнинг таклифига биноан амалий ташриф билан Ашхобод шаҳрига жўнаб кетди.
Давлат раҳбари 11 октябрь куни туркман шоири ва мутафаккири Махтумқули Фироғий таваллудининг 300 йиллигига бағишланган халқаро форумда иштирок этади ҳамда қатор икки томонлама учрашувлар ўтказади.
@pressuzb
Президент фармони билан Олимов Аброр Мирзо Муҳаммадқосимович Марказий банк раисининг ўринбосари этиб тайинланди.
Унинг зиммасига халқаро ҳамкорлик, валютани тартибга солиш, халқаро заҳираларни бошқариш, қимматбаҳо металларни сақлаш ва улар билан ишлаш, молия-иқтисодни юритиш, амалиёт фаолиятига раҳбарлик вазифалари юклатилган. Шунингдек, у Республика Валюта биржаси ишини мувофиқлаштиради.
Шу кунгача А. Олимов Марказий банкнинг Валютани тартибга солиш ва тўлов баланси департаменти директори лавозимида ишлаб келган.
@pressuzb