46407
Муҳим воқеалар ва эксклюзив янгиликлар манбаси Алоқа учун: @pressuzbot
Реклама қонунчилигини бузгани учун Ucell жаримага тортилди
Рақобат қўмитаси томонидан олиб борилган мониторингларда “COSCOM” МЧЖ (Ucell) томонидан оммавий ахборот воситаларида жойлаштирилган рекламаларда бўрттирувчи маъно ифодаланганлик ҳолатлари аниқланди.
Юқоридагиларга кўра, Қўмита Махсус комиссияси томонидан “COSCOM” МЧЖга нисбатан “Реклама тўғрисида”ги Қонун талаблари бузилиши аломатлари билан иш қўзғатилиб, натижаси юзасидан молиявий жарима қўллаш хақида қарор қабул қилинди.
Шунингдек, қонунбузилиш ҳолатини бартараф этиш ва келгусида йўл қўймаслик юзасидан кўрсатма берилди.
@pressuzb
Президент қарори билан Рустамов Фаррух Шорухович Рақамли технологиялар вазирлиги ҳузуридаги Ахборотлаштириш ва телекоммуникациялар соҳасида назорат инспекцияси (“Ўзкомназорат”) бошлиғи лавозимига тайинланди.
@pressuzb
17 январдан Марказий банк томонидан илк марта сотувга чиқарилган 100 граммлик олтин қуйма нархи 116 млн 603 минг сўмни ташкил этди.
Қуймаларнинг сотиш нархлари ҳар куни Марказий банкнинг расмий веб-сайтида миллий валютада эълон қилиб борилади.
@pressuzb
Ўлчовли янги олтин қуймалар сотувга чиқарилмоқда
Марказий банк аҳолининг инвестиция ва жамғариш имкониятларини янада ошириш ҳамда қимматбаҳо металлар муомаласини кенгайтириш мақсадида 2025 йилнинг 17 январидан бошлаб 5, 10, 20, 50 граммли ўлчовли олтин қуймаларга қўшимча равишда оғирлиги 100 грамм бўлган олтиндан тайёрланган ўлчовли қуймаларни тижорат банклари орқали сотувга чиқармоқда.
Қуймалар махсус ҳимоя қадоқларида сотув учун тақдим этилади. Олтин қуймаларнинг қадоғи сертификат вазифасини бажариб ўз серия рақамига эга бўлади. Олтин қуймаларнинг сотиш нархлари ҳар куни Марказий банкнинг расмий веб-сайтида миллий валютада эълон қилиб борилади.
Қадоқлари бут олтин қуймалар сотув шохобчаларида қуйма эгасига тўловни амалга ошириш орқали қайтариб сотиб олинади.
Қадоғи бузилган ёки техник талабларга мос келмайдиган олтин қуймаларни қайтариб сотиб олиш уларни техник экпертизадан ўтказиш орқали амалга оширилади ва экспертиза ўтказилгандан сўнг тўлов тўлаб берилади.
Қадоғи бут ҳолатдаги олтин қуймаларни Ўзбекистон Республикаси ҳудудидан ташқарига олиб чиқишга рухсат берилади.
@pressuzb
Poytaxt bank’ни хусусийлаштириш жараёни якунланди
Poytaxt bank АЖ ягона акциядорининг 2024 йил 31 декабрдаги қарори билан банк устави янги таҳрирда қабул қилинди ва янги ташкилий тузилмаси тасдиқланди.
Шунингдек, Poytaxt bank’нинг аввалги кузатув кенгаши аъзолари ваколатлари муддатидан олдин тугатилиб, янги аъзолар сайланди.
Эслатиб ўтамиз, 2024 йил июнь ойида Poytaxt bank’ АЖ устав капиталидаги 100% акциялар пакети Бирлашган Араб Амирликларининг Bond Investment Limited LLC компаниясига 10 млн АҚШ долларига сотилгани маълум қилинганди.
@pressuzb
“Тадбиркорликни ривожлантириш компанияси” АЖ бугунги кунга қадар бизнес эгаларининг салкам 51 минг лойиҳасига 17,7 трлн сўм ажратибди.
Компания янги молиявий инструментларни жорий этиш орқали хизматлари сонини 24 тагача етказибди.
Натижада Компания:
⏺ 10 та лойиҳага 57,9 млрд сўм хизматлар ипотекаси тақдим этган;
⏺ 4 та лойиҳага 5,6 млрд сўм улуш киритган;
⏺ 2 та лойиҳага 17 млрд сўмлик қарз ажратган;
⏺ 3 657 та лойиҳанинг 334 млрд сўм микрокредитини қайта молиялаштирган;
⏺ 124 та лойиҳага 156 млрд сўм кредит ресурси ажратилган;
⏺ 13,6 мингта лойиҳа доирасидаги 10,5 трлн сўмлик кредитга кафил бўлган;
⏺ 33,5 мингта лойиҳага 6,6 трлн сўмлик компенсация тўлаб берган.
Президент қарори билан Ўзбекистон ва Мўғулистон Ҳукуматлари ўртасида халқаро автомобиль қатнови тўғрисидаги ҳамда ҳаво қатнови тўғрисидаги битимлар тасдиқланди.
2024 йил июнь ойида Ўзбекистон ва Мўғулистон пойтахтлари ўртасида тўғридан-тўғри авиақатновни йўлга қўйиш масаласи ўрганиб чиқилиши маълум қилинганди.
@pressuzb
Ўзбекистон Республикаси Қуролли Кучлари ташкил этилганининг 33 йиллиги ҳамда Ватан ҳимоячилари куни муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳи мукофотланди — рўйхат
@pressuzb
Покистон бош вазири Ўзбекистонга ташриф буюради
Февраль ойининг учинчи ҳафтасида Покистон бош вазири Шаҳбоз Шариф Озарбайжон ва Ўзбекистонга келиши кутилмоқда.
Хабарларга кўра, Шаҳбоз Шариф икки кунлик ташрифи давомида Ўзбекистонга транзит савдоси учун Карачи портидан фойдаланишни таклиф қилади, шунингдек, муҳим савдо шартномаларини имзолайди.
@pressuzb
Олмазор тумани прокуратураси терговчиси 20 минг АҚШ доллари миқдоридаги пора билан қўлга олинди.
@pressuzb
Самарқанд вилояти ИИБ катта тезкор ходими 10 минг АҚШ доллари олган вақтида ушланди
Самарқанд вилояти Ички ишлар бошқармасининг Жиноят қидирув хизмати Жиноят қидирув бошқармаси катта тезкор ходими 10 минг АҚШ долларини пора сифатида олган пайтида қўлга олинди.
Тезкор ходим ушбу пул эвазига ўзининг мансабдор танишлари орқали Самарқанд шаҳар Ички ишлар органлари фаолиятини мувофиқлаштириш бошқармаси ҳузуридаги Тергов бўлими иш юритувида бўлган Жиноят Кодексининг 273-моддаси 3-қисми билан қўзғатилган жиноят ишида айбланувчилар сифатида ўтаётган 1994 йилда туғилган шахсга тегишли қисмини Жиноят-просессуал кодексининг 83-моддасига асосан тугатиш ҳамда 2003 йилда туғилган фуқарога нисбатан эса “уй қамоғи” эҳтиёт чорасини қўллаган ҳолда, уни озодликда қолдиришни ваъда қилган.
@pressuzb
Ҳукумат қарори билан “Сижжак” дам олиш маскани Ўзбекистон касаба уюшмалари федерациясига ўтказилди.
Гулнора Каримовага тегишли бўлган ушбу оромгоҳ 2017 йилнинг 10 февралида Жиноят ишлари бўйича Тошкент вилояти суди ажрими билан мусодара этилганди.
5,38 гектар ҳудудни эгаллаган ва 70 миллиард сўмга баҳоланган объект 2021-2022 йилларда бир неча бор сотувга қўйилган, аммо харидор чиқмаган.
@pressuzb
❗️Ўзбекистонда тақиқланган диний манбалар рўйхати
Олий суд 8 январь ҳолатига интернетда диний экстремистик, террористик ва ақидапарастлик ғоялари билан йўғрилган деб топилган ҳамда Ўзбекистонга олиб кириш, тайёрлаш, сақлаш, тарқатиш ва намойиш этилиши тақиқланган манбалар рўйхатини эълон қилди.
@pressuzb
Ўзбекистонда электрон сигаретлар айланмасини чеклаш тўғрисидаги қонун лойиҳаси маъқулланди
Президент Администрацияси топшириғи билан Соғлиқни сақлаш вазирлиги ва Ички ишлар вазирлиги томонидан мамлакатда электрон сигаретлар муомаласини чеклашни назарда тутувчи қонун лойиҳаси ишлаб чиқилган. Бу ҳақида Олий Мажлис Қонунчилик палатасининг 7 январь кунги мажлисида соғлиқни сақлаш вазири Асилбек Худаяров маълум қилди.
“Одамлар оддий сигаретни ҳам чакиб юрибди-ку, нега уларни эмас, электрон сигареталарни?”, деган савол туғилиши мумкин. Оддий тамакини кўпроқ катта ёшдагилар чакса, ишлаб чиқарувчилар ўзига жалб қилувчи ҳар хил анимацион эффектларга эга ароматизаторли [электрон сигареталарни] Ўзбекистон бозорига киритганидан кейин, ёшлар, айниқса, қизлар ўртасида улардан фойдаланиш сони ошди”, - деди Асилбек Худаяров.
Вазирнинг қўшимча қилишича, бу маҳсулотлар истеъмоли, бронхит, астма, пневмония ҳамда бодроқсимон ўпка касаллигини келтириб чиқаради. Марказий нерв системаси, ошқозон-ичак тракти, буйрак-жигар функциясининг бузилиши, шунингдек, гипертония, инфаркт ҳамда инсулт каби юрак-қон томир касалликлар ривожланишига сабаб бўлади.
Қонун лойиҳаси депутатлар томонидан биринчи ўқишда қабул қилинди.
@pressuzb
Президент Шавкат Мирзиёев 2025 йил 6 январдан қисқа муддатли меҳнат таътилига чиқди.
@pressuzb
Қирғизистон Миллий хавфсизлик давлат қўмитаси раиси Қамчибек Ташиев “Салимбойвачча” номи билан танилган ўзбекистонлик Салим Абдувалиев авваллари Қирғизистон жанубини тўлиқ назорат қилганини маълум қилди.
“Уюшган жиноий гуруҳларнинг барча етакчилари, йирик тадбиркорлар, ҳатто сиёсатчилар ва депутатлар ҳам унинг олдига борган. Кейин эса ҳамма айтганларини бажаришган”, деди Қамчибек Ташиев.
Ҳозир эса бунга барҳам берилгани таъкидланди.
@pressuzb
Binance Ўзбекистон бозорига кирмоқда
Истиқболли лойиҳалар миллий агентлиги энг йирик крипто-биржаларидан бири – Binance томонидан Ўзбекистон Республикаси фойдаланувчиларига (резидентларига) хизмат кўрсатиш масаласини ҳал қилди.
Мамлакат ҳудудида Binance крипто-биржаси ўз фаолиятини қонунчилик билан белгиланган тартибда маҳаллий CoinPay МЧЖ орқали амалга оширишни режалаштирмоқда.
CoinPay МЧЖ крипто-активлар айланмаси соҳасида расмий хизмат кўрсатувчи провайдер бўлиб, у крипто-биржа ва крипто-дўкон фаолиятини амалга ошириш учун тегишли лицензияларга эга.
Ўзбекистон Республикаси резидентлари Binance платформасига CoinPay МЧЖнинг тегишли ресурслари (coinpay.uz) орқали киришларига имконият берилади. Шу билан бирга, фойдаланувчилар ўз маблағларини банк карталари ва миллий тўлов тизимлари орқали миллий валютада киритиш ҳамда чиқариш имкониятига эга бўладилар.
@pressuzb
Қашқадарё стартаплари учун AloqaBank янги имкониятлар эшигини очди
Қарши шаҳрида 16 январь куни Startup Garage лойиҳасининг янги филиали очилиш маросими бўлиб ўтди.
Ушбу лойиҳа AloqaBank, AloqaVentures ва Startup Garage ташаббуси билан ташкил этилган бўлиб, Ўзбекистоннинг барча ҳудудларида ёш тадбиркорлар ва стартапларни қўллаб-қувватлашга йўналтирилган.
Шунингдек, инновацион марказларни жорий йилда ҳудудларида очилиш жадвали эълон қилинди.
Startup Garage қандай имкониятлар тақдим этади?
– Ёш тадбиркорлар ва стартаплар учун замонавий иш майдони;
– Инновацион технологияларни ривожлантириш ва ўрганиш учун махсус муҳит;
– Стартап экотизимини ривожлантириш орқали янги ғояларни қўллаб-қувватлаш.
@pressuzb
Сирдарё вилояти ҳокими Акмалжон Маҳмудалиев лавозимидан озод этилди.
@pressuzb
Президент Шавкат Мирзиёевнинг Бирлашган Араб Амирликларига расмий ташрифи шарафига Дубайдаги дунёнинг энг баланд биноси – “Бурж Халифа” Ўзбекистон байроғи рангларига бурканди.
@pressuzb
UzAuto Motors АЖ Chevrolet Cobalt GX-MIDNIGHT AT автомобиллари хариди учун аввалги контрактацияда тузилган шартномалар бўйича тўлови белгиланган муддатларда амалга оширилмаган ҳажмлар қайта контрактацияга қўйилишини маълум қилди.
Автомобилларни харид қилиш учун шартномалар 16 январь куни соат 10:00 дан бошлаб savdo.uzavtosanoat.uz онлайн платформаси ва UzAvtoSavdo иловаси орқали тузилиши мумкин бўлади.
@pressuzb
Бош прокурор, Ўзбекистон кураш федерацияси раҳбари Йўлдошев Ниғматилла Тўлқинович Ўзбекистон спорт курашлари ассоциацияси раиси этиб сайланди.
@pressuzb
HUMO 65 млн долларга сотилди
“Миллий банклараро процессинг маркази” яъни HUMO’нинг 100 фоиз давлат акцияларини сотиш бўйича очиқ савдолар ўтказилди. Унда олтита номзод қатнашишга таклиф қилинган.
65 миллион АҚШ доллари миқдорида энг юқори харид баҳосини таклиф қилган “Paynet” АЖ кимошди савдосининг ғолиби деб топилди.
Харидор жамиятга тегишли бўлган «Humo» тўлов тизими фойдаланувчиларининг махфий (шахсий ва банк) маълумотларини ҳимоя қилишни зиммасига олган.
@pressuzb
Наманган вилояти Чортоқ тумани прокурорининг катта ёрдамчиси 2400 АҚШ доллари миқдоридаги пора билан ушланди.
@pressuzb
Президент Шавкат Мирзиёевнинг қисқа муддатли меҳнат таътили якунланди.
@pressuzb
2024 йилда давлат иштирокидаги корхоналар томонидан тўланган дивидендлар
Коррупцияга қарши курашиш агентлиги томонидан Солиқ қўмитаси очиқ эълон қилган маълумотлар асосида давлат иштирокидаги корхоналарнинг 2024 йилда тўлаган дивидендлари таҳлил қилинди.
Энг кўп дивиденд тўлаган давлат иштирокидаги корхоналар:
1. “Навоийуран” ДК - 2 050,1 млрд сўм
2. “Ўзавтосаноат” АЖ - 870,7 млрд сўм
3. “Ўзмиллий банк” АЖ - 452,5 млрд сўм
4. “Ўзбекнефтгаз” АЖ - 419,9 млрд сўм
5. “Навоийазот” АЖ - 288,8 млрд сўм
6. “Навоий кон-металлургия комбинати” АЖ - 282,5 млрд сўм
7. Uzbekistan airways АЖ - 212,6 млрд сўм
8. “Ўзкимёсаноат” АЖ - 134,2 млрд сўм
9. UzAuto Motors АЖ - 116,6 млрд сўм
10. “Ўзаэронавигация маркази” ДУК - 107,3 млрд сўм
Энг кўп дивиденд тўлаган давлат иштирокидаги бозорлар:
1. “Истеъмолда бўлган транспорт воситалари ва эҳтиёт қисмлар Сергели бозори” МЧЖ - 5 466,2 млн сўм
2. “Авиасозлар деҳқон бозори” АЖ - 1 377,4 млн сўм
3. “Қўйлиқ деҳқон бозори” АЖ - 926,2 млн сўм
4. “Фарҳод деҳқон бозори” АЖ - 786,2 млн сўм
5. “Юнусобод деҳқон бозори” АЖ - 767,7 млн сўм
6. “Миробод деҳқон бозори” АЖ - 725,8 млн сўм
7. “Эски-жува дехқон бозори” АЖ - 631,0 млн сўм
8. “Наврўз деҳқон бозори” АЖ - 587,8 млн сўм
9.“Бухоро марказий деҳқон бозори” АЖ - 450,9 млн сўм
10. “Тошкент қишлоқ хўжалик маҳсулотлари улгуржи бозори” АЖ - 367,5 млн сўм
@pressuzb
Cambridge ўқув маркази ўқувчиси Harvard University'га 100 фоизлик грант ютди
17 ёшли Азизбек Гарвард университетига 360 минг долларлик грант ютди.
Маълумот учун, Cambridge ўқув маркази 10 йилдан бери фаолият юритмоқда. Марказда таълим бераётган ўқитувчиларнинг натижа Ielts 9,0 ни, ўқувчиларнинг натижаси эса 8,5 гачани ташкил этади.
Курслар ҳақида тўлиқ маълумот бу ерда
Мурожаат учун телефон: +998 78 777 77 74
Реклама
8 январь куни Фарғона вилоятининг Ўзбекистон, Қирғизистон, Тожикистон давлат чегаралари туташган нуқтасида уч мамлакат ҳукуматлари раҳбарлари бошчилигидаги делегациянинг учрашуви бўлиб ўтди.
Томонлар ушбу учрашув уч мамлакат Давлат раҳбарлари – Ўзбекистон Республикаси Президенти Шавкат Мирзиёев, Қирғиз Республикаси Президенти Садир Жапаров ва Тожикистон Республикаси Президенти Эмомали Раҳмон ўртасида ҳамкорлик ва минтақавий интеграцияни мустаҳкамлаш мақсадида давлат чегараси масалалари бўйича аввал эришилган келишувлари доирасида ўтказилаётганини таъкидлади.
@pressuzb
Қайта тикланувчи энергия манбалари қурилмаларини ишлаб чиқарувчилар қўллаб-қувватланади
Ҳукумат қарори билан, жисмоний шахсларга микро ва кичик гидроэлектр станциялари, биогаз ишлаб чиқарувчи ускуналар, биогаз қурилмалари, иссиқлик насосларини ўрнатиш, шунингдек, қурилиш изоляция материаллари, маиший энергия самарадор газ-горелкали қурилмалар ва қозонларни сотиб олиш мақсадлари учун ҳам “яшил” истеъмол кредитлари (миллий валютада) ажратилиши белгиланди.
Илгари бу фақат қуёш фотоэлектр ва шамол электр станцияси ҳамда қуёш сув иситкичларини ўрнатиш мақсадида ажратилган.
Шунингдек, “яшил” истеъмол кредитларининг фоиз ставкаси Марказий банкнинг асосий ставкасидан юқори бўлган фоиз ставкасининг бир қисмини қоплаш учун компенсация олишда фоиз ставкаси асосий ставкасининг 1,5 бараваридан ошмаслиги лозимлиги ҳақидаги шарт бекор қилинмоқда.
@pressuzb
Айрим тижорат банкларида 1 АҚШ долларининг сотув курси 13 000 сўмга етди.
@pressuzb