46407
Муҳим воқеалар ва эксклюзив янгиликлар манбаси Алоқа учун: @pressuzbot
Депутатлар Мавлуда Хўжаева, Раҳимжон Ҳакимов Спикер ўринбосарлари этиб сайланди.
@pressuzb
Қонунчилик палатасининг биринчи мажлиси 2024 йил 18 ноябрь куни;
Сенатнинг биринчи мажлиси 2024 йил 19 ноябрь куни Тошкент шаҳрида чақирилади.
@pressuzb
«InnoWeek-2024» халқаро инновацион ғоялар ҳафталиги доирасида Инновацияларни жорий қилиш ва технологиялар трансфери Миллий офиси томонидан ташкил этилган UNCTAD (United Nations Conference on Trade and Development) билан ҳамкорликда «Барқарор ривожланиш учун фан, технология ва инновацион парклар» мавзусида семинар ўтказилди.
Бугунги кунга келиб Рақамли давлат хизматларининг фойдаланувчилари сони Қирғизистонда 1,6 миллион, Ўзбекистонда 8,2 миллион, Қозоғистонда 14 миллион, ва Россияда 110 миллиондан ошган.
Семинарнинг асосий мақсадлари Шимолий ва Марказий Осиё давлатларининг давлат хизматчиларини рақамли давлат хизматларини ривожлантириш соҳасидаги янги воситалар ва халқаро илғор тажрибалар билан таништириш; кичик ва ўрта бизнес корхоналари учун рақамли давлат хизматлари самарадорлигини ошириш мақсадида янги технологиялар, жумладан, сунъий интеллект (AI) ва блокчейн технологияларининг аҳамиятини тушуниш; кичик ва ўрта бизнес корхоналари учун рақамли давлат хизматларининг келажакдаги ривожланиш истиқболларини биргаликда шакллантиришдан иборат бўлди.
Семинар иштирокчилари ушбу соҳадаги тажрибалар билан ўртоқлашди. Шимолий ҳамда Марказий Осиёда кичик ва ўрта бизнес корхоналар рақобатбардошлигини оширишга хизмат қиладиган тизим сифатида ривожлантириш масалаларини муҳокама қилишди.
@pressuzb
Соғлиқни сақлаш вазирлиги ҳузурида “Харидлар маркази” ва унинг 13 та ҳудудий филиали ташкил қилинади
Президент Шавкат Мирзиёев 14 ноябрь куни касалликларни эрта аниқлаш ва самарали даволашга оид таклифлар тақдимоти билан танишди.
Тақдимотда Соғлиқни сақлаш вазирлиги ҳузурида “Харидлар маркази” ва унинг 13 та ҳудудий филиали ташкил этилиши маълум қилинди. Марказга 2025 йил 1 январдан бошлаб, оригинал дори воситалари ва ёпиқ турдаги лаборатор ускуналар учун сарфлов воситаларини бевосита ишлаб чиқарувчидан тўғридан-тўғри харид қилишга рухсат берилади.
Шунингдек, донорларни қўллаб-қувватлаш кенгайтирилади. Жумладан, “Ўзбекистон Республикаси фахрий донори” кўкрак нишони олганларга бир йўла бериладиган пул мукофоти базавий ҳисоблаш миқдорини 5 бараваридан 15 бараваригача оширилади. Уларга жамоат транспортидан бепул фойдаланиш ҳуқуқи берилади, давлат сиҳатгоҳларида даволаниш навбатсиз бўлади. Ушбу янги тизим келгуси йил 1 январдан жорий қилиниши белгиланди.
@pressuzb
“Манфаатлар тўқнашуви тўғрисида”ги Қонун татбиқ этиладиган давлат органлари ва ташкилотлари рўйхати тасдиқланди.
@pressuzb
Давлат органлари ва ташикилотларнинг 1488 нафар бошқарув ходими 1653 та тадбиркорлик субъектларида таъсисчилик асосида фаолият юритиб келаётганлиги аниқланди. Коррупцияга қарши курашиш агентлиги томонидан тегишли ташкилотларга 33 та тақдимнома киритилди.
Маълумот учун, қонунчиликка кўра вазирлик ва идоралар, давлат унитар корхоналари ва муассасалари, давлат улуши 50 фоиздан юқори ташкилотлар ва маҳаллий давлат ҳокимияти органлари ходимларининг тадбиркорлик фаолияти билан шуғулланиши тақиқланган.
@pressuzb
Президент ҳузуридаги Хавфсизлик кенгаши котиби Виктор Маҳмудов МДҲ давлатлари хавфсизлик кенгаши котибларининг 12-йиғилишида иштирок этди.
Сергей Шойгу раислигида Москвада бўлиб ўтган учрашувда “нацизм мафкурасининг тикланишига қарши кураш, ахборот ва киберхавфсизлик масалалари, шунингдек, суверенитетни ҳимоя қилиш”га алоҳида эътибор қаратилган.
@pressuzb
“MY5” телеканали ўзининг 10 йиллик юбилейини нишонламоқда
Нодавлат телеканаллар орасида жамоанинг кучи ва меҳнати билан кўплаб ютуқларга эришиб келаётган “Менинг юртим” телеканали ташкил топганига бугун 10 йил бўлди.
“MY5” телеканали кўп жиҳатлари, айниқса, ёшларга оид давлат сиёсати ва ижтимоий-сиёсий масалаларни фаол ёритиши билан бошқалардан ажралиб туради.
Бундан ташқари, телеканал ўзининг энг сара миллий медиамаҳсулотлари, ёшларбоп оригинал лойиҳалари, кино ва сериаллари орқали аллақачон томошабинларнинг севимли телеканалига айланиб улгурган.
“Менинг юртим” телеканали 10 йил ичида кўплаб янги юзларни ва истеъдод эгаларини кашф эта олди. Бу вақт орасида жамоада фаолият юритаётган ўнлаб ўз ишининг усталари давлат мукофотлари ва нуфузли танловлар ғолиби сифатида эътироф этилди.
@pressuzb
Президент Шавкат Мирзиёев навбатдан ташқари араб-ислом саммитида нутқ сўзлаб, урушда жабрланган фаластинлик болалар ва аёлларни Ўзбекистон шифохоналарида беғараз даволашга тайёр эканини маълум қилди.
@pressuzb
Президент Шавкат Мирзиёев 11-13 ноябрь кунлари халқаро саммитларда иштирок этиш учун амалий ташриф билан Саудия Арабистони ва Озарбайжон Республикасида бўлади.
@pressuzb
Feed Up 1 йилдан буён Akfa Group билан биргаликда иш олиб бормоқда. Ушбу ҳамкорлик ортидан охирги 6 ой ичида озиқ-овқатни хавфсиз сақлаш ва ишлаб чиқариш технологияларини жорий этиш борасидаги ижобий ўзгаришларни кузатиш мумкин. Бугунги кунда Feed Up’нинг Ўзбекистон ҳудудида 43 та филиали мавжуд бўлиб, йил охирига қадар бу рақамлар янада ошиши кутилмоқда.
Feed Up учинчи чорак якунларига кўра, Ўзбекистондаги умумий овқатланиш соҳасидаги тармоқлар ичида товар айланмаси бўйича Evos ва KFC’дан сўнг учинчи поғонани банд этди. Ундан кейинги ўринни эса Oqtepa Lavash эгаллаган.
Evos — 655 млрд, 82 та филиал билан
KFC — 552 млрд, 26 та филиал билан
Feed Up — 107 млрд, 37 та филиал билан
Oqtepa Lavash — 103 млрд, 55 та филиал билан
Юқорида келтирилган рақамлар Президент Шавкат Мирзиёев мамлакатдаги тадбиркорлар учун яратиб бераётган қулай шароитлар ва қўллаб-қувватлашлари мевасидир. Қуйидаги эксклюзив интервьюда тармоқ асосчиси ошхона ичидаги барча жараён ҳамда бренднинг муваффақиятли ривожланиш сирлари билан бўлишди.
👉 Интервьюни кўриш учун
МИБ Шайхонтоҳур тумани мансабдорлари томонидан жамият ва давлат манфаатларига жуда кўп миқдорда моддий зарар етказилгани аниқланди
Коррупцияга қарши курашиш агентлиги томонидан Мажбурий ижро бюросининг Шайхонтоҳур туман бўлими мансабдор шахслари томонидан ўз мансабига совуққонлик билан қараш, хизмат вазифаларига лоқайдлик билан муносабатда бўлиш, иш юритувидаги ижро ҳужжатларини асоссиз тамомлаш оқибатида фуқаро, жамият ва давлат манфаатларига жуда кўп миқдорда моддий зарар етказилгани аниқланди.
Хусусан, 202,9 млрд сўмлик 200 та ижро ишида қонунбузилиши ҳолатларига йўл қўйилган.
Жумладан, Бюронинг туман бўлими иш юритувида бўлган “S.B” МЧЖдан давлат фойдасига 19 млрд сўмлик, “P.P” МЧЖдан 179,2 млн сўм солиқ қарздорлигини ундириш тўғрисидаги ижро ишлари қонунчилик талабларига зид равишда асоссиз тугатилганлиги натижасида ушбу солиқ қарздорликлари бугунги кунга қадар ундирилмаган.
Шунингдек, “SCG” МЧЖ дан 26,3 млрд сўм, “R.F.P.” МЧЖдан 19,4 млрд сўм ва “Y.M.S.E.T” МЧЖдан 1,7 млрд сўм давлат фойдасига солиқ қарздорликларини ундириш тўғрисидаги ижро ишлари мазкур корхоналар фаолият юритиб келаётган манзили аниқ бўла туриб, асоссиз тамомланган.
Шу каби “P.E.E.S” МЧЖдан ундирувчи “B.P.T” МЧЖнинг фойдасига жами 1,9 млрд сўм, “M.S.” МЧЖдан ундирувчи “S.” АЖнинг фойдасига 1,1 млрд сўм қарздорликарни, қарздор Б.П.дан ундирувчи Н.Г.нинг фойдасига 332 млн сўм жиноят натижасида етказилган зарарни, қарздор “M.Т” МЧЖдан давлат фойдасига 6,3 млрд сўм ва 331 млн сўм солиқ қарздорлигини ундириш тўғрисидаги ижро ишлари қарздорнинг номига расмийлаштирилган мол-мулклар мавжуд бўла туриб, асоссиз якунланган.
Мазкур ҳолатлар юзасидан ўрганиш мобайнида тўпланган ҳужжатлар асосида Тошкент шаҳар прокуратураси томонидан Ўзбекистон Республикаси Жиноят кодексининг тегишли моддалари билан жиноят иши қўзғатилди.
Айни пайтда тергов ҳаракатлари олиб борилмоқда.
@pressuzb
«Золотая Корона» хизматидан энди банкка бормасдан фойдаланиш мумкин
Хорижий пул ўтказмалари учун банкка бориш ва навбат кутиш каби оворагарчиликдан чарчаганлар учун янги ечим пайдо бўлди.
Энди InfinBANK мижозлари «Золотая Корона» хизматидан бевосита банк иловаси орқали фойдаланишлари мумкин. Бунинг учун шунчаки InfinBANK иловасини очиб, керакли бўлимга кирсангиз бўлди.
Ўзбекистонда ўтказмалар Visa картада қабул қилинади. Агар сизда у бўлмаса, иловада виртуал кўринишда очиб, ўтказмани сўм картангизга ўтказиб олсангиз бўлади. Бундан ташқари иловада валюта айирбошлаш хизмати ҳам мижозлар учун фойдали қийматларда тақдим этилади.
Реклама
Аманбай Оринбаев Қорақалпоғистон Республикаси Жўқорғи Кенгеси раиси этиб сайланди.
Фарҳод Эрманов Қорақалпоғистон Республикаси Вазирлар Кенгаши раиси этиб тайинланди.
@pressuzb
Green Card учун аризалар қабули икки кунга узайтирилди
АҚШнинг миграция дастури – Green Card учун аризалар қабули 7 ноябрь соат 21:00 гача давом этади.
Аввалроқ, анкета тўлдириш муддати 2 октябрдан бошлаб, 5 ноябргача давом этиши маълум қилинганди.
@pressuzb
Исмоилов Нуриддин Мўйдинхонович Олий Мажлис Қонунчилик палатаси спикери лавозимига сайланди.
@pressuzb
“Ўзбекистон Республикаси Олий Мажлиси Сенати аъзоларини тайинлаш тўғрисида”ги Президент фармони
Зиё Азамат Ҳамид ўғли – Ўзбекистон Республикаси Фанлар академияси Тарих институти директори
Йўлчиева Муножатхон Абдувалиевна – Юнус Ражабий номидаги Ўзбек миллий мусиқа санъати институти профессори
Кўчимов Абдусаид Кўчимович – Ўзбекистон Миллий ахборот агентлиги бош директори
Рафиқов Қудратилла Мирсагатович – Ўзбекистон касаба уюшмалари Федерацияси Кенгаши раиси
Рахманкулов Мир-Акбар Ходжи-Акбарович – Ўзбекистон Республикаси Президенти ҳузуридаги Қонунчилик ва ҳуқуқий сиёсат институти директори
Сафоев Содиқ Солихович – Ўзбекистон Республикаси Олий Мажлиси Сенати Раисининг биринчи ўринбосари
Саъдуллаев Алишер Зафар ўғли – Ўзбекистон Республикаси Ёшлар ишлари агентлиги директори
Турдиев Содиқжон – Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси бошқаруви раиси
Худайбергенов Турсинхан Айдарович – Ўзбекистон Республикаси Президенти маслаҳатчиси
Ўзбекистон Республикаси Олий Мажлиси Сенати аъзолари этиб тайинлансин.
@pressuzb
Янгийўл шаҳар ҳокими ўзгарди
Султанов Дилшод Шухратович — Янгийўл шаҳар ҳокими лавозимидан озид этилди.
Раимов Равшан Исакжанович — Янгийўл шаҳар ҳокими этиб тайинланди.
Тайнловга қадар у Тошкент шаҳар солиқ бошқармаси бошлиғи ўринбосари вазифасида ишлаб келаётган эди.
@pressuzb
Президент Шавкат Мирзиёев Жаҳон савдо ташкилоти бош директори Нгози Оконжо-Ивеала билан учрашди.
@pressuzb
“Ўзтемирйўлконтейнер” АЖ устав капиталидаги 35,0 фоиз давлат акциялар пакетини хусусийлаштириш бўйича келишувга эришилди. Корхонани сотиб олиш учун энг юқори нарх таклифини билдирган COTTON LOGISTICS МЧЖ 200 млрд сўм миқдорида сотиб олиш тўловини тўлаш шарти билан савдо ғолиби деб топилди.
@pressuzb
InnoWeek.Uz-2024 халқаро инновацион ғоялар ҳафталиги доирасида хориждаги ватандошлар билан давра суҳбати ўтказилади
14 ноябрь куни ҳафталик доирасида бўлиб ўтадиган мазкур тадбир мамлакатда илм-фан ва инновацияларни ривожлантиришда муҳим аҳамият касб этади. Унда хорижий университетларда фаолият юритаётган олимлар, стартаперлар, тадқиқотчилар ва профессор-ўқитувчилар иштирок этиб, ўзларининг қимматли фикрлари билан қатнашишлари кутилмоқда.
Тадбирда илмий-технологик ҳамкорликнинг бир қатор истиқболли йўналишлари белгилаб олинади. Жумладан, қўшма илмий лойиҳаларни амалга ошириш, ёш тадқиқотчилар учун стажировка дастурларини йўлга қўйиш, халқаро тадқиқот гуруҳларини шакллантириш каби масалалар атрофлича муҳокама қилинади. Иштирокчилар университетлар ва илмий марказлар негизида ҳамкорликдаги лойиҳаларни амалга ошириш бўйича аниқ таклифлар киритишлари кутилмоқда.
Давра суҳбатининг яна бир муҳим йўналиши технологик стартапларни қўллаб-қувватлаш масаласи бўлади. Бизнес вакиллари ва инвесторлар инновацион корхоналарни ривожлантириш учун зарур шарт-шароитларни яратиш юзасидан ўз қарашларини билдиришлари ҳам мумкин.
@pressuzb
Фарғонада коррупцияга қарши курашувчи мансабдор пора билан ушланди
“Фарғона вилояти ҳудудий электр тармоқлари корхонаси” акциядорлик жамиятининг Коррупцияга қарши курашиш ва комплаенс назорат бўлими бошлиғи вилоятдаги туманлардан бирининг электр тармоқлари корхонаси бош муҳандиси 2024 йил 9 ойлик фаолияти давомида йўл қўйган камчиликлари учун келгусида ишдан бўшатилмаслиги эвазига, ундан 1000 АҚШ доллари олган вақтида ашёвий далиллар билан ушланди.
Терговга қадар текширув давомида, ушбу ноқонуний ишга АЖнинг ходимлар билан ишлаш бўлими бошлиғи ҳам алоқадор эканлиги аниқланди.
Ҳозирда мазкур икки шахсга нисбатан жиноят иши қўзғатилиб, қамоқ эҳтиёт чораси қўлланилган.
@pressuzb
Президент Шавкат Мирзиёев:
“15 ноябрь куни жафокаш Фаластин халқи ўз миллий байрами – Фаластин Давлати эълон қилинган кунни нишонлайди.
Аминманки, бу қадимий ва бой тарихга эга халқ 1967 йилдаги чегаралар доирасида, пойтахти Шарқий Қуддус бўлган мустақил ва озод давлатини тузишга тўла ҳақлидир”.
@pressuzb
Медиамаҳсулотлар эндиликда “маънавият экспертизаси”дан ўтказилади
Маънавият ва маърифат маркази, АОКА, Маданият вазирлиги, Кинематография агентлиги, МТРК, Ўзбекистон Миллий медиа бирлашмасининг қарори билан теле ва радиоканаллар ҳамда ижтимоий тармоқлар учун тайёрланаётган медиамаҳсулотлар, хусусан, сериал, мултфильм, кино ва қўшиқларни “маънавий экспертиза”дан ўтказиш тартиби жорий этилди.
@pressuzb
Президент фармони билан бир гуруҳ тиббиёт ходимлари мукофотланди.
@pressuzb
Йўловчилар билан гавжум бўлган 9 та метро бекатида она ва бола хонаси ҳамда ҳожатхона қурилади.
Аввалроқ “Чилонзор” метро бекатида синов тариқасида она ва бола хонаси ҳамда ҳожатхона ишга туширилганди.
@pressuzb
Ҳукумат қарори билан 2025 йил 1 январдан жисмоний шахслар томонидан ярим эркин шароитларда, сунъий яратилган яшаш муҳитида ёки тутқунликда сақланиши тақиқланган 67 турдаги ёввойи ҳайвонлар рўйхати тасдиқланди.
@pressuzb
Президент Шавкат Мирзиёевнинг Туркий давлатлар ташкилоти Давлат раҳбарлари кенгаши мажлисидаги нутқидан:
“Ғазо сектори ва Ливандаги мисли кўрилмаган гуманитар фожиани, тинч аҳолига қарши вайронкор ҳужумларни, айниқса, бегуноҳ болалар, кексалар ва аёллар қурбон бўлаётганини ҳеч нарса билан оқлаб бўлмайди.
Бирлашган Миллатлар Ташкилотининг Фаластин қочоқларига ёрдам бериш бўйича махсус агентлиги фаолиятини чеклашга қаратилган ҳаракатларни ҳам кескин қоралаймиз.
Мазкур кўп йиллик низонинг ягона ечими – халқаро меъёрий ҳужжатлар ва резолюцияларга мувофиқ, 1967 йилдаги чегаралар асосида, пойтахти Шарқий Қуддус бўлган мустақил Фаластин давлатини тузишдир.
Кейинги ҳафта Ар-Риёд шаҳрида ўтадиган араб-мусулмон давлатлари саммитида бу муаммога аниқ сиёсий ечим топилишига умид қиламиз”.
@pressuzb
Чирчиқ шаҳар ҳокимининг ўринбосари 1 млн АҚШ доллари олган вақтида ушланди — ДХХ
Тошкент вилояти Чирчиқ шаҳар ҳокимининг ўринбосари хизмат мавқеидан фойдаланган ҳолда, кластер шаклидаги савдо мажмуаси ташкил этиш учун 40 млн АҚШ доллари миқдорида инвестиция киритиш шарти билан, шаҳар ҳокимлиги захирасидаги 20 гектар ер майдонини аукцион савдога чиқартириб, ютиб бериш ва 49 йил муддатга ерга эгалик қилиш ҳуқуқини расмийлаштиришда кўмаклашиш эвазига 2 млн АҚШ доллари талаб қилиб, олдиндан 1 млн АҚШ долларини ўзининг ҳайдовчиси орқали олган вақтида ушланди.
@pressuzb
5 ноябрь куни Шанхай шаҳрида еттинчи Хитой халқаро импорт маҳсулотлари кўргазмасининг расмий очилиш маросими доирасида халқаро иқтисодий форум ўтказилди.
Форумда Ўзбекистон Республикаси Бош вазири Абдулла Арипов сўзга чиқди.
Шунингдек, тадбирда жами 182 мамлакатлар ҳамда халқаро ташкилотлар вакиллари иштирок этди. Форумдан сўнг делегациялар раҳбарлари 73 давлат қатнашаётган кўргазма фаолияти билан танишди.
@pressuzb