46407
Муҳим воқеалар ва эксклюзив янгиликлар манбаси Алоқа учун: @pressuzbot
Фарида Афрўз Ўзбекистон Ёзувчилар уюшмаси раисининг ўринбосари этиб тайинланди.
@pressuzb
Миллий Олимпия қўмитаси расмий баёноти
Бугун Осиё Олимпия кенгаши (ООК) ижроия қўмитасининг йиғилиши бўлиб ўтди. Онлайн форматда ташкил этилган мажлис кун тартибидан Ўзбекистон Миллий Олимпия қўмитаси ва Спорт вазирлигининг мурожаатини кўриб чиқиш ҳам ўрин олди.
ООК мутасаддилари Ўзбекистонга ташриф буюриб, мамлакатда олиб борилаётган улкан бунёдкорлик ишларига юқори баҳо берган. Тошкентда қурилаётган Олимпия шаҳарчаси фақатгина ёшлар Осиё ўйинлари учун эмас, мажмуани келгусида ўзбек спортининг тараққиётини янги босқичга олиб чиқадиган илмий-методик кластерга айлантириш кўзда тутилган. Унда замонавий спорт объектларидан ташқари Спорт вазирлиги, кўплаб федерация ва ассоциациялар, спорт академияси, спорт тиббиёти илмий-амалий маркази каби иншоотлар ҳам ўрин олиб, бу масканда терма жамоаларни тайёрлашдаги назария ва амалиёт бирлашади.
Пандемиядан кейинги чекловлар сабабли Олимпия шаҳарчаси қурилиши учун зарур воситалар етказиш жараёнида узилишлар кузатилгани ва фойдаланишга топшириш муддати кечикишини инобатга олган ҳолда Ўзбекистон томони ООКдан мусобақани яна бир йилга суришни сўради.
Бироқ Олимпия спорт турларидаги беллашувлар келгусида Дакар-2026 ўсмирлар ёзги Олимпия ўйинларига саралаш вазифасини бажариши назарда тутилгани боис ООК III ёшлар Осиё ўйинлари 2025 йилда ташкил этилиши муҳимлигини билдирди.
Шу туфайли, ООК III ёшлар Осиё ўйинлари мезбонлигини Баҳрайнга топширди ва Ўзбекистонга Ислом бирдамлиги ўйинлари ёки Жанг санъати ва ёпиқ иншоотлардаги Осиё ўйинлари каби катталар миқёсидаги йирик комплекс тадбирларни ўтказишга тайёргарлик кўришни тавсия қилди.
Таъкидлаш жоизки, Ўзбекистон оммавий спорт ва олимпия ҳаракатини ривожлантиришга содиқ қолмоқда. Шу маънода, Олимпия шаҳарчасини барпо этиш, ундан унумли фойдаланиш ва унинг негизида спортимизни янги босқичга кўтариш бўйича Президент томонидан берилган барча топшириқлар ижроси таъминланади ва келажакда бу мажмуа йирик спорт тадбирларини ўтказишга ҳар томонлама тайёр бўлади.
@pressuzb
Президент администрацияси, прокуратура органлари ва бошқа масъул ходимлар Тошкентда “электр ва иссиқлик энергиясини беҳуда сарфлаш бўйича” рейдлар ўтказмоқда
Миробод тумани ҳокимлиги хабарига кўра, 30 ноябрь куни туманда Президент Администрацияси масъул ходимлари ҳамда туман прокурори Бобур Абдуллаев бошчилигидаги ишчи гуруҳ томонидан ўрганиш ишлари олиб борилган. Натижада кундуз куни чироқ ва реклама воситаларида электр энергиясидан асоссиз фойдаланган юридик истеъмолчиларга нисбатан 10 та маъмурий баённома тузилган.
Якксарой тумани ҳокимлигининг маълум қилишича, 1 декабрь куни туманда туман ҳокимлиги, прокуратура ҳамда тегишли идоралар иштирокида махсус ишчи гуруҳ томонидан рейд тадбирлари ўтказилган. Унда туманнинг марказий кўчаларида кундуз вақтида чироқлар ёки реклама воситалари орқали электр энергиясидан асоссиз фойдаланган айрим юридик истеъмолчилар аниқланиб, уларга нисбатан маъмурий баённомалар расмийлаштирилган.
Чилонзор туманида Бош прокуратура ва “Ўзенергоинспекция” бошчилигидаги ишчи гуруҳ томонидан рейдлар ўтказилган.
Юнусобод туманида Президент Админстрацияси масъуллари, туман ҳокимлиги, сектор раҳбарлари энергия манбааларидан тежамкорлик билан фойдаланиш бўйича ўрганиш ишлари олиб борилган.
Шунингдек, Юнусобод деҳқон бозори ҳудудидаги савдо ва хизмат кўрсатиш нуқталарида ҳам рейд тадбирлари ўтказилган. Куннинг ёруғ вақтида электр энергиясидан фойдаланилгани учун бир неча тадбиркорларга нисбатан маъмурий баённомалар тузилган.
@pressuzb
Президент томонидан имзоланган Қонун билан ҳарбий хизматчилар ва ҳуқуқни муҳофаза қилувчи органлар ходимларига тадбиркорлик фаолияти билан шуғулланишга, ўз хизмат ваколатларини жисмоний ва юридик шахсларнинг манфаатларини кўзлаб бажариш ёки бажармаслик эвазига улардан бирон-бир мукофот, фойда ёки совғалар олишга, қонунчиликда назарда тутилмаган имтиёзлардан, преференциялар ёки афзалликлардан ўз хизмат мавқеи билан боғлиқ ҳолда фойдаланишга доир тақиқлар белгиланди.
@pressuzb
Бухоро вилоятидаги тайинловлар:
⁃ Адилов Бахтиёр Алишерович Бухоро вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига тайинланди. Бунга қадар у Бухоро вилояти иқтисодиёт ва молия бош бошқармаси бошлиғи лавозимида ишлаб келаётган эди.
⁃ Давлатов Ҳаёт Ҳасанович Пешку тумани ҳокими этиб тайинланди. Бунга қадар у Когон шаҳар ҳокими лавозимида ишлаб келаётган эди.
⁃ Остонов Акмал Анварович Вобкент тумани ҳокими этиб тайинланди. Бунга қадар у Қоровулбозор тумани ҳокими лавозимида ишлаб келаётган эди.
⁃ Тўрабоев Миршакар Музаффарович Когон шаҳар ҳокими этиб тайинланди. Бунга қадар у қурилиш ва уй-жой коммунал хўжалиги вазирлигининг бошқарма бошлиғи ўринбосари лавозимида ишлаб келаётган эди.
⁃ Ҳамроев Ўткир Шомаҳмадович Қоровулбозор тумани ҳокими этиб тайинланди. Бунга қадар у вилоят ҳокимлиги бошқарув аппарати ахборот-таҳлил гуруҳи раҳбари лавозимида ишлаб келаётган эди.
Эслатиб ўтамиз, президент Шавкат Мирзиёев 29 ноябрь куни Бухоро вилоятини ривожлантириш бўйича танқидий мажлис ўтказиб, ҳокимлар, уларнинг ўринбосарлари ва сектор раҳбарлари 6 ой фавқулодда иш тартибига ўтишини таъкидлаган эди.
@pressuzb
Тошкент шаҳар ҳокимлиги томонидан ўтказилаётган “Тошкент ёшларни севади” ойлиги доирасида бугун ёшлар тадбиркорлиги йўналиши бўйича очиқ мулоқот бўлиб ўтмоқда.
Мазкур очиқ мулоқотда таниқли тадбиркор, J-United Group компаниялар гуруҳи асосчиси Жаҳонгир Ортиқхўжаев ҳам иштирок этмоқда. Жонли эфир: https://www.youtube.com/live/kCUDCIElW9c?si=tCXMyKWtGeUC2iw-
@pressuzb
Эркинжон Турдимов Президент администрациясига ишга ўтди.
Бу ҳақда Самарқанд вилояти ҳокимлигида ўтаётган сессияда маълум қилинди.
@pressuzb
Президент ёрдамчиси Саида Мирзиёеванинг ўз саҳифасида ёзишича, эндиликда 30 ёшдан бошлаб аёллар ҳар 10 йилда инсон папилломаси вирусига тест топшириши, 45 ёшдан 65 ёшгача эса ҳар 2 йилда маммографиядан ўтиши керак бўлади.
У бу бўйича тегишли дастур давлат раҳбари томонидан маъқуллангани ҳақида ҳам эслатиб ўтган.
“Бунда ҳар бир аёл электрон рўйхатга киритилади ва ҳар қандай хавфли ўзгаришлар аниқланганда тизимда “йўқолиб қолмайди” – дейди С. Мирзиёева.
@pressuzb
Тошкентда жамоат транспортини тун-у кун ишлаш режимига ўтказиш режалаштирилмоқда
Стратегик ислоҳотлар агентлиги Ўзбекистонда тунги иқтисодиётни янада ривожлантириш масалаларини ўрганиб, тегишли таклифлар тайёрлади.
Хусусан, қуйидагилар таклиф этилмоқда:
⁃ 2025 йил 1 февралдан тунги иқтисодиёт ва туризмни ривожлантириш масалалари бўйича ишчи гуруҳ тузиш;
⁃ кўнгилочар муассасаларнинг жума ва шанба кунлари кеча-кундуз ишлаши ҳамда уларнинг иш соатларига қўйилган чекловларни бекор қилиш
⁃ туристик жозибадор зоналарни аниқлаш ва уларда тунги тадбирлар учун жойларни ташкил этиш;
⁃ Тошкент шаҳридаги жамоат транспортини (автобуслар, трамвай, метро) кеча-кундуз ишлаш режимига ўтказиш;
⁃ тунги муассасалар, жамоат транспорти йўналишлари ва махсус таклифлар тўғрисидаги маълумотларни ўз ичига олган “Тунги Тошкент” электрон платформасини яратиш;
⁃ тунги иқтисодиёт учун маълум ҳудудларни модернизация қилиш, кўчаларни ёритишни кучайтириш ҳамда аҳоли ва сайёҳлар учун қўшимча қулайликлар яратиш.
Юқоридагиларни инобатга олган ҳолда, “Ўзбекистонда тунги иқтисодиётни янада ривожлантириш чора-тадбирлари тўғрисида”ги президент фармони лойиҳасини ишлаб чиқиш, шунингдек, тунги иқтисодиёт соҳасида лицензиялаш тизимини ислоҳ қилишни назарда тутувчи қонунни тайёрлаш мақсадга мувофиқлиги таъкидланган.
@pressuzb
Ёшлар тадбиркорлиги йўналишида очиқ мулоқот ўтказилади
Тошкент шаҳар ҳокимлиги ташаббуси билан ўтказилаётган “Тошкент ёшларни севади” ойлиги доирасида 29 ноябрь куни соат 15:00 да “Заковат арена” биносида ёшлар тадбиркорлиги йўналиши бўйича очиқ мулоқот бўлиб ўтади.
Унда тележурналист Ҳамза Жумаев, “Profi” таълим кластери асосчиси Бектош Ҳотамов, “Safia” қандолат маҳсулотлари тармоғи асосчиларидан бири Бекзод Самигжонов, “Dekos” компанияси раҳбари Ҳасан Мамасаидов каби таниқли тадбиркорлар ишитирок этишади.
Очиқ мулоқотга ёшлар таклиф этилмоқда.
@pressuzb
Ўзбекистон ҳаво йўллари ҳали аҳолини рози қиладиган даражага етгани йўқ – президент
Президент Шавкат Мирзиёев 26 ноябрь куни темир йўл ва авиация соҳасидаги давлат компанияларида трансформация жараёнларининг боришига оид тақдимот билан танишди.
Йиғилишда Ўзбекистон ҳаво йўллари ҳали аҳолини рози қиладиган даражага етмагани қайд этилди.
Халқаро рейтинг олиб, ташқи бозорга чиқиш кечикаяпти. Оқибатда таннарх юқорилиги учун чипта нархида сезиларли ўзгариш йўқ. Харажатларни қисқартириш бўйича чора-тадбирлар ижроси суст.
Шу боис консалтинг компанияси жалб қилиб, трансформация бўйича аниқ дастур ва “йўл харитаси” ишлаб чиқиш вазифаси қўйилди.
“Uzbekistan Airports” тизимида асосийси – хизматларни кўпайтириш ва хусусий шерикликни кенгайтириш. Самарқанд аэропорти хусусий бошқарувга берилгач, парвозлар ва йўловчилар сони 5 баробар ошган. Энди Наманган, Андижон, Бухоро ва Урганч аэропортларида ҳам шундай мақсад кўзланган. Йил якунигача аэропортларда қўшимча хизматларни 2 карра кўпайтириш, даромадни 25 фоиз ошириш мўлжалланган.
Халқаро бозордан мустақил ресурс жалб қилиш, Навоий аэропорти терминалидан тўлиқ фойдаланиш чоралари белгиланди.
Давлат раҳбари мазкур учта компанияда рақамлаштиришни жадаллаштириш, режаларни қайта кўриб чиқиб, иқтисодий натижадорликни ошириш бўйича топшириқлар берди.
@pressuzb
Ўзбекистоннинг кўп минг сонли олимпия оиласи, спортчи ва мураббийларнинг илтимосини инобатга олган ҳолда Ўзбекистон Республикаси Президенти Мирзиёев Шавкат Миромонович Ўзбекистон Миллий Олимпия қўмитасининг раиси этиб сайланди.
@pressuzb
Тошкентда жамоат транспортининг йўлкира ҳақи ўзгариши кутилмоқда
Норматив-ҳуқуқий ҳужжатлар лойиҳалари муҳокамаси порталида Тошкент шаҳри ҳокимининг қарори лойиҳаси эълон қилинди.
Қарор билан 2025 йил 1 январдан Тошкент шаҳрининг жамоат транспорти йўналишларида (автобус ва метрополитен) қатновларни амалга ошириш учун йўлкира ҳақининг қуйидаги чекланган тарифлари белгиланмоқда:
⁃ бир йўловчи қатнови учун чекланган тариф – 3 000 (уч минг) сўм. Бунда, бир йўловчи қатнови учун 1 (бир) марталик тўловни электрон тўлов тизими орқали амалга оширилганда рағбатлантирувчи чегирма қўлланилган ҳолда – 1 700 (бир минг етти юз) сўм ундирилади;
⁃ бир йўловчининг багажини ташиш бўйича хизмат учун – 4 000 (тўрт минг) сўм;
⁃ қатновлар сонига боғлиқ ҳолда белгиланган тариф режаларини ҳисоблаш учун чекланган тариф – 1 600 (бир минг олти юз) сўм.
Қатновлар сонига боғлиқ ҳолда белгиланган транспорт карталарининг ва транспорт карталаридан фойдаланилган ҳолда бир соат ичида бир йўналишли йўловчи транспортидан бошқасига ўтиш сонидан келиб чиққан ҳолда имтиёзли ва бепул тариф режаларининг нархлари ўзгаришсиз қолдирилади.
Тошкент шаҳри йўналишларидаги барча автобуслар салонида йўлкира ҳақини нақд пулда олиш амалиётидан воз кечилади ва йўлкира ҳақини фақат электрон тарзда қабул қилиш амалиёти жорий этилади.
@pressuzb
Онкологик касалликка чалинган аёллар бепул даволанади — Президент қарори
“Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида”ги Президент қарори қабул қилинди.
Қарорга кўра, тиббиётнинг бирламчи бўғинида 30–65 ёшдаги аёлларнинг электрон базаси (рўйхати) шакллантирилади, уларни тиббий кўрикка таклиф қилиш тизими яратилади.
Ҳар йили 30–50 ёшдаги аёлларда бачадон бўйни саратони скрининги одам папилломаси вирусини полимераза занжирли реакция текшируви усули орқали аниқлаш ҳамда суюқлик цитологияси усулида текшириш йўли билан амалга оширилади.
30–65 ёшдаги аёллар ҳар 2 йилда бир маротаба тиббиёт ходимлари томонидан бирламчи саралашдан ўтказилади.
Скрининг натижасида онкологик касалликка чалинганлиги аниқланган беморларни ташхислаш ва даволаш билан боғлиқ харажатлар бюджет ҳисобидан молиялаштирилади.
@pressuzb
Тошкент шаҳар ИИББ Тезкор қидирув хизмати Жиноят қидирув бошқармаси Уюшган жиноятчиликка қарши курашиш бўлими бошлиғи, подполковник Собиров Тимур Акрамович лавозимидан озод этилди.
@pressuzb
Ташқи ишлар вазирлигида Ўзбекистон фуқароларининг БААга киритилмаётгани билан боғлиқ вазият муҳокама қилинди
2 декабрь куни ташқи ишлар вазирининг биринчи ўринбосари Бахромжон Аълоев Бирлашган Араб Амирликларининг Ўзбекистондаги элчиси Саид Матар ал-Қамзийни қабул қилди.
Учрашувда икки мамлакат ўртасида сиёсий, савдо-иқтисодий ва инвестициявий алоқаларни ривожлантириш масалалари муҳокама қилинди.
Шу билан бирга, томонлар сўнгги кунларда Ўзбекистон фуқароларининг Бирлашган Араб Амирликлари ҳудудига киришларида кузатилаётган қийинчиликлар билан боғлиқ вазият бўйича фикр алмашди.
Мавжуд ҳолатни имкон қадар қисқа муддатларда ҳал қилиш бўйича тегишли чора-тадбирлар кўришга келишиб олинди.
@pressuzb
“Бугун сунъий интеллект деган ҳовузга шўнғиш керак. Келажак — шу” — Жаҳонгир Ортиқхўжаев
@pressuzb
Ёшлар ўртасидаги Осиё ўйинлари-2025 мезбонлиги Тошкентдан Баҳрайнга кўчирилди
Осиё олимпия кенгаши Ўзбекистон пойтахти Тошкент шаҳрида ўтказилиши режалаштирилган ўсмирлар ўртасидаги III Осиё ўйинлари бекор қилинганини эълон қилди.
Тадбир 2025 йилда Баҳрайнда ўтказилади. Ижроия кенгаши ўз қарорига изоҳ бермаган.
@pressuzb
❗️Қиш мавсумига тайёргарлик кўриш ва уни беталафот ўтказиш, истеъмолчиларга ёқилғи-энергия ресурсларини барқарор етказиб бериш ҳамда уларни тежаш бўйича берилган топшириқлар ижросини таъминлашда сусткашликка йўл қўйган айрим раҳбарларнинг шахсий масъулиятини янада ошириш мақсадида Вазирлар Маҳкамасининг тегишли фармойиши қабул қилинди.
Мазкур ҳужжатга асосан ҳудудлардаги бир қатор масъулларга интизомий жазо қўлланилган.
Хусусан, электр энергияси ва табиий газни иқтисод қилиш бўйича белгиланган режага амал қилмагани, энергия ресурсларидан фойдаланишда лимитдан ошишига йўл қўйгани ҳамда назоратни таъминламагани учун Оқолтин тумани ҳокими К.Эрназаров, Мирзаобод тумани ҳокими О.Рахмонқулов, Бўстонлиқ тумани ҳокими Ж.Ахмедов, Бекобод тумани ҳокими Ш.Дўсбеков, Зангиота тумани ҳокими Э.Рустамов, Тошкент тумани ҳокими С.Эргашев, Янгийўл тумани ҳокими О.Атауллаев, Қўқон шаҳар ҳокими М.Усмонов, Боғдод тумани ҳокими Ғ.Солиев, Бешариқ тумани ҳокими Р.Жўраев, Сўх тумани ҳокими С.Саидмусаев, Фурқат тумани ҳокими Э.Асронкуловга “ҳайфсан” берилди.
Шунингдек, электр энергияси ва табиий газ талон-торож қилинишига йўл қўйгани учун Қорақалпоғистон Республикаси сув хўжалиги вазири Б.Жузбаев, Андижон вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари К.Комилов, Наманган вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Ғ.Муродхўжаев, Тошкент вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари О.Султанбеков, Андижон тумани ҳокими Б.Юлдашев, Беруний тумани ҳокими И.Хидировга “ҳайфсан” эълон қилинди.
Бундан ташқари, ҳудудларда аҳолига кўмир тарқатишни кечиктириш, сифатсиз кўмир тарқатиш каби ҳолатлар жуда кўп кузатилгани ҳамда ушбу ҳолатларни зарур даражада назоратга олмагани учун “Ўзбеккўмир” АЖ бош директори ўринбосари Э.Якубов охирги марта огоҳлантирилди.
@pressuzb
Жаҳон савдо ташкилотига қўшилиш орқали бизга очилаётган давлатларга хурсанд бўлишимиз керак — Жаҳонгир Ортиқхўжаев
Ёшлар тадбиркорлиги йўналишида ўтказилган очиқ мулоқотда “Ўзбекистоннинг Жаҳон савдо ташкилотига қўшилиши ишлаб чиқарувчиларни касод қилиши ҳақидаги фиклар қанчалик ўринли?” деган саволни Ортиқхўжаев хато фикр деб, аксинча, миллий маҳсулотларга ҳам жаҳон бозорлари очилишини яхши имконият деб атади.
“Биз импортдан эмас, бизга очилаётган бошқа давлатларга хурсанд бўлишимиз керак. Яъни бизнинг маҳсулотларни бошқа давлатларга ҳам сотиш имкониятимиз кўп бўлади. Фақат ютқазишимизни эмас, ютишимизни ҳам кўришимиз керак.
Жаҳон савдо ташкилотига кирсак, ютадиган жойларимиз кўп. Бизнинг ҳам маҳсулотлар бошқа давлатларга қулай киришига эришамиз. Ўйлайманки, ютқазиб бўлмайди, фақат ва фақат сифат ошади, халққа ва давлатга фойдаси бор”, деб жавоб берди Ж.Ортиқхўжаев.
@pressuzb
Битта жисмоний шахсга битта банк картаси берилиши бўйича меъёрлар ўрнатилаётганлиги тўғрисида ахборот ҳақиқатга тўғри келмайди — Марказий банк
Марказий банк ижтимоий тармоқларда битта жисмоний шахсга битта банк картаси берилиши бўйича меъёрлар ўрнатилаётганлиги тўғрисида ахборот ҳақиқатга тўғри келмаслигини ҳамда бу борада нотўғри маълумотлар тарқатилаётганлигини маълум қилди.
Банк карталари билан боғлиқ шубҳали (фрод) операцияларнинг олдини олиш, фирибгарлик схемаларида жисмоний шахсларга тегишли ҳисобварақлар ва банк карталари иштирокини камайтириш мақсадида банклар томонидан битта жисмоний шахсга (битта ЖШШИРга) карталар сонини (виртуал ва кобейджинг карталарини инобатга олган ҳолда) вақтинчалик битта банкда 5 тагача, барча банкларда 20 тагача белгилаш масаласи кўриб чиқилмоқда.
Бунда ушбу талаб чет эл валютасида очилган банк карталарига нисбатан татбиқ этилмаслиги кўзда тутилмоқда.
Жисмоний шахслар номига кўп миқдорда очилган банк карталарини таҳлил қилиш жараёнида, ушбу банк карталарининг бир қисмидан (аксарият ҳолатларда карта эгасининг хабари йўқ) фирибгарлик мақсадларида фойдаланилаётганлиги аниқланган.
Шунингдек, ушбу талаблар тўлиқ тайёр бўлгандан кейин журналистлар ва кенг жаоматчилик муҳокамасига ҳавола қилинади.
@pressuzb
Президентнинг тегишли фармонлари билан:
Эркинжон Оқбутаевич Турдимов бошқа ишга ўтиши муносабати билан Самарқанд вилояти ҳокими лавозимидан озод этилди;
Ҳисоб палатаси раиси лавозимида ишлаб келган Адиз Музафарович Бобоев Самарқанд вилояти ҳокими вазифасини бажарувчи этиб тайинланди.
@pressuzb
UZTELECOM’дан SIM-карта сотиб олиб, фаоллаштирганда 100 ГБ бонусга эга бўлинг!
SIM-карта керак, лекин оператор офисига боришга вақт йўқми? Энди UZTELECOM тармоғига уланиш янада осонлашди!
Бор-йўғи оддий 4 қадам ва Сиз тармоқдасиз! Энди офисга бориш, ҳужжатларни расмийлаштириш ва уланишни кутиш шарт эмас. Фақат:
1️⃣ SIM-картани харид қилинг;
2️⃣ MyUZTELECOM иловасини юклаб олинг;
3️⃣ Иловада исталган рақам, тарифни танлаб ва ўзингиз фаоллаштиринг;
4️⃣ Мобил алоқадан баҳраманд бўлинг!
Эслатиб ўтамиз:
💰 SIM-карта нархи 15 000 сўм;
⏱️ 2 дақиқада уланиш;
🎁 БОНУС сифатида 100 кунга 100 ГБ Интернет-трафик!
MyUZTELECOM иловасини юклаб олинг, рўйхатдан ўтинг ва 24/7 UZTELECOM билан алоқада бўлинг!
👍 UZTELECOM – доимо сизга яқин бўлган оператор
🎙 Kotib AI — аудио ва видеоларни (ўзбек, рус, инглиз тилларда) автоматик транскрипция қилиш учун сизнинг ақлли ёрдамчингиз!
Жуда ҳам узун суҳбат, маъруза, подкаст ёки вебинарларни томоша қилишдан вақтни тежанг — шунчаки файлни юкланг ва Kotib AI уни тезда матнга айлантиради!
Асосий хусусиятлар:
• Аудио ёки видео автоматик транскрипция
• Муҳим эпизодларни ажратиб олиш
• Матн асосида қисқа мақолалар яратиш
Букмекерлик хизматларини тарғиб қилувчи сайтлар блокланмоқда
Рақобат қўмитаси томонидан қимор ва таваккалчиликка асосланган ўйинларни тарғиб қилишга қаратилган веб-сайтлар юзасидан доимий ўрганиш ва таҳлиллар олиб борилмоқда.
Амалга оширилган ишлар натижасида букмекерлик хизматларни тарғиб қилувчи 42 та веб-сайтни блоклаш бўйича АОКАга таклифлар киритилган бўлиб, шундан 30 га яқин сайтлар белгиланган тартибда блокланган.
Қўмита томонидан бу йўналишдаги мониторинг ишлари тизимли давом эттирилмоқда.
@pressuzb
TBC Bank Uzbekistan ЕТТБ'дан 10 миллион АҚШ доллари миқдорида маблағ жалб этди
TBC Bank Uzbekistan ЕТТБ'дан 10 миллион АҚШ доллари кредит олди. Маблағнинг 40 фоизи аёл тадбиркорларни қўллаб-қувватлашга йўналтирилади.
Банк яқинда ResponsAbility Investment AG (10 миллион АҚШ доллари), BlueOrchard (25 миллион АҚШ доллари) ва ЕТТБ'дан (10 миллион АҚШ доллари) маблағ жалб қилди.
TBC UZ Бош директори Ника Курдианининг таъкидлашича, мазкур кредит молиялаштириш базасини диверсификация қилиш ва аёллар тадбиркорлигини ривожлантиришга хизмат қилади.
Банк ҳозирда Марказий Осиёнинг етакчи рақамли банк экотизимларидан бири бўлиб, 16 миллион фойдаланувчига эга. 2024 йилнинг биринчи ярмида 16 миллион АҚШ доллари соф фойда кўрди.
ЕТТБ уч қитъадаги 36 мамлакатда фаолият юритади ва Ўзбекистонда 162 та лойиҳага 4,7 миллиард евро сармоя киритган.
@pressuzb
Отабек Умаров Миллий олимпия қўмитаси раисининг биринчи ўринбосари этиб сайланди.
@pressuzb
Бош прокуратура расмий баёноти
Бош прокуратура томонидан Қибрай туманида Ўзбекистон Республикаси Президенти Администрацияси Ахборот сиёсати департаментининг собиқ раҳбари Комил Алламжоновга нисбатан содир этилган қотилликка суиқасд қилиш билан боғлиқ жиноят иши юзасидан тергов ҳаракатлари олиб борилмоқда.
Тергов ҳаракатлари давомида ҳодиса содир бўлган жойни ва айбланувчилар бошқарувида бўлган автомашиналарни кўздан кечириш ҳамда улар истиқомат қилган хонадонларда ўтказилган тинтувларда ишга алоқадор бўлган ашёвий далиллар аниқланиб олинди.
Ўтказилган тергов ва тезкор–қидирув тадбирлари давомида ушбу жиноятни содир этишга алоқадор бўлган жами 7 нафар шахс аниқланиб, 5 нафарига нисбатан қамоққа олиш эҳтиёт чораси қўлланилди, шунингдек 2 нафарига нисбатан қидирув эълон қилинган эди.
Қидирувда бўлган айбланувчи К.С.нинг Қозоғистон Республикасида яширинган манзили аниқланиб, унинг иштирокида тергов ҳаракатлари олиб борилди.
Шунингдек, қидирувда бўлган айбланувчи Жавлон Юнусов Жанубий Корея Республикасида қўлга олиниб, Ўзбекистонга экстрадиция қилинди.
Тергов ҳаракатлари давом этмоқда.
@pressuzb
Вазирлар Маҳкамасининг тегишли қарори билан Ибрагимов Шухрат Мусожонович Бош вазирнинг ёрдамчиси – Бош вазир қабулхонасининг мудири лавозимига тайинланди.
Шу муносабат билан, Ашуров Сарвар Ғаниевич Бош вазирнинг ёрдамчиси – Бош вазир қабулхонасининг мудири лавозимидан озод қилинди.
Ш.Ибрагимов бунга қадар Вазирлар Маҳкамаси котибияти мудирининг ўринбосари — бўлим бошлиғи лавозимида ишлаб келган.
@pressuzb
Ички ишлар вазирлиги Тезкор қидирув департаменти Жиноят қидирув хизмати бошлиғи, полковник Атхамов Ахроржон Халимжонович ҳамда Тошкент шаҳар ИИББ бошлиғининг биринчи ўринбосари, полковник Ташходжаев Дониёр Бахтиярович лавозимидан озод этилди.
@pressuzb