17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Тлумачым з Гурневічам. Як Натальля Пяткевіч становіцца новай Качанавай
Аляксандар Лукашэнка штодзённа можа загадваць жаданьні. Побач зь ім жаночае трыё — і ўсе Натальлі, тры грацыі: Натальля Эйсмант, Натальля Качанава і Натальля Пяткевіч. Апошняя працуе на новай пасадзе ўжо амаль 2 месяцы.
Журналіст Дзьмітры Гурневіч паглядзеў, чым яна займаецца, прынамсі ў публічнай прасторы.
ВІДЭА: https://youtu.be/JhZDcrboU_g
Каля 40 беларускіх турыстаў з грэцкім «шэнгенам» затрымалі ў Нямеччыне. Ім пагражае дэпартацыя
Як даведалася выданьне @zerkalo_io, каля 40 турыстаў, якія ехалі ў Гішпанію з грэцкімі шэнгенскімі візамі, затрымалі ў Нямеччыне, папярэдне — за парушэньне правілаў выкарыстаньня візаў. Візы анулявалі, цяпер беларусам пагражае дэпартацыя і магчымая забарона на ўезд у ЭЗ.
Пра здарэньне выданьню распавялі крыніцы. Інфармацыю пацьвердзілі ў турфірме, а таксама ў амбасадзе Беларусі ў Нямеччыне. Падрабязнасьці:
https://smarturl.click/DaGbZ
Паверанага ў справах Армэніі выклікалі ў МЗС Беларусі ў сувязі з інцыдэнтам
Яму заявілі пра «нанесены беларускай дыпмісіі ўрон» і «недастатковыя меры армянскіх праваахоўнікаў па яго прадухіленьні». «Беларускі бок зыходзіць з таго, што вандалы будуць устаноўленыя, кампэнсуюць нанесеную шкоду і панясуць пакараньне ў адпаведнасьці з заканадаўствам Армэніі», — заявілі ў МЗС Беларусі.
Пяць вызваленых праз памілаваньне палітзьняволеных жанчын мелі выйсьці на волю ў найбліжэйшыя месяцы, яшчэ дзьве — налета
Па стане на 13 гадзін 21 жніўня праваабаронцам вядома 9 прозьвішчаў палітзьняволеных жанчын, якія выйшлі на волю па ўказе аб памілаваньні, які Аляксандар Лукашэнка падпісаў 16 жніўня.
Гэта Кацярына Леў, Натальля Пятровіч, Тамара Каравай, Сьвятлана Палуэктава, Ала Зуева, Вольга Стаброўская, Вольга Новікава, Ірына Санкоўская і Ксенія Луцкіна.
https://smarturl.click/JD7jm
«Бабулі дому састарэлых баяцца як агню». Гісторыя былога жыхара сацыяльнага прытулку
«Не скажу, што там няма догляду за ляжачымі. Так, пампэрсы ім зьмяняюць. Але пакуль санітарка пераадзявае хворага, то можа на яго высыпаць гару трохпавярховых матаў у стылі «Я тут маю шэсьцьсот рублёў, я вас тут няньчыць ня буду, вы ўроды тупыя» і гэтак далей.
Што робіцца ў дамах састарэлых і дамах-інтэрнатах? Расказваюць былы пастаялец і сваяк пэнсіянэркі, якую туды нядаўна забралі.
https://smarturl.click/vwgAR
Украіна «азартна гуляе» на Куршчыне, а Расея захопіць увесь Данбас? Заходнія аналітыкі ацанілі рызыкі на абодвух франтах
Чаго дасягнула Ўкраіна ў Курскай вобласьці, а чаго не змагла? Ці кампэнсуюць посьпехі УСУ на Куршчыне магчымую страту Пакроўску на Данеччыне? Што азначае далейшае прасоўваньне расейскай арміі на Данбасе для Ўкраіны? І ці мае сэнс, улічваючы гэта, выдаткоўваць рэсурсы на Куршчыну?
https://smarturl.click/RAd3J
Дэмакратычная партыя зацьвердзіла Камалу Гарыс кандыдаткай на пасаду прэзыдэнта ЗША
За гэта прагаласавала 99% дэлегатаў перадвыбарчага зьезду ў Чыкага.
https://smarturl.click/71VDv
На волю выйшаў палітзьняволены Васіль Берасьнеў
74-гадовы палітзьняволены выйшаў пасьля памілаваньня, паведамілі праваабаронцы. Раней Васіль Берасьнеў узначальваў аршанскую арганізацыю незалежнага прафсаюзу РЭП. За кратамі ў яго абвастрыліся праблемы са здароўем.
5 гадоў таму памёр адзін з найлепшых гістарычных пісьменьнікаў Беларусі Леанід Дайнека
21 жніўня 2019 году на 80-м годзе жыцьця памёр Леанід Дайнека, беларускі пісьменьнік, аўтар гістарычных раманаў.
Леанід Дайнека вядомы як адзін з найлепшых беларускіх гістарычных пісьменьнікаў. Ён аўтар раманаў «Меч князя Вячкі» пра барацьбу Полацка зь немцамі ў Ніжнім Падзьвіньні, «Сьлед ваўкалака» пра полацкага князя Ўсяслава Брачыславіча, «Жалезныя жалуды» пра раньні этап станаўленьня Вялікага Княства Літоўскага, «Назаві сына Канстанцінам» пра гістарычныя падзеі XV–XVI стагодзьдзяў у Рыме, ВКЛ і Канстанцінопалі.
У часы незалежнасьці Беларусі разам з сынамі Сяргеем, Зьмітром і Сьцяпанам Леанід Дайнека займаўся прадпрымальніцкай дзейнасьцю, заснаваў фірмы «Пасад» і «БелПі». Сямейная кампанія вырабляла гатункі настояў «Крамбамбуля».
Больш падзей гэтага дня ў гісторыі ў матэрыяле «Ўжо сёньня»: https://smarturl.click/RAdOW
Больш за 30 новых кампаній за паўгода: у Польшчы расьце колькасьць беларускіх ІТ-бізнэсаў
На канец чэрвеня ў Польшчы было зарэгістравана 444 ІТ-кампаніі зь беларускім капіталам, ад пачатку 2024 году беларусы адкрылі больш за 30 новых арганізацый. Ад жніўня 2023 году колькасьць ІТ-кампаній зь беларускім капіталам у Польшчы вырасла на 15%, паведамляе dev.by са спасылкай на зьвесткі цэнтру эканамічнай інфармацыі Польшчы:
https://smarturl.click/3kmbp
Журналісту Ўладзімеру Хільмановічу завочна прысудзілі 5 гадоў зьняволеньня і 40 тысяч рублёў штрафу
Справу горадзенскага журналіста Ўладзімера Хільмановіча ў парадку «спэцвядзеньня» разьбіраў Горадзенскі абласны суд. Журналіста абвінавацілі ў «садзейнічаньні экстрэмісцкай дзейнасьці» і ва «ўдзеле ў экстрэмісцкім фармаваньні». Самому Хільмановічу дагэтуль невядома, за што канкрэтна яго асудзілі:
https://smarturl.click/0exLW
5 фактаў пра падзеі і баі ў Курскай вобласьці
Апэрацыя ўкраінскіх войскаў у Курскай вобласьці працягваецца. Украінскі галоўнакамандуючы Аляксандар Сырскі сёньня заявіў, што УСУ рушылі наперад углыб Курскай вобласьці Расеі на 28-35 км і на 20 жніўня кантралявалі 93 населеныя пункты. Расея гэтыя заявы не камэнтавала. Паводле ўкраінскага боку, наступ дазволіць стварыць «санітарную зону», зь якой Расея ня зможа атакаваць цывільнае насельніцтва і аб’екты інфраструктуры Сумскай і Чарнігаўскай абласьцей.
Расказваем сьцісла ў відэа асноўныя факты пра баі ў Курскай вобласьці.
Палітзьняволеную журналістку Ксенію Луцкіну вызвалілі паводле памілаваньня
Дзяржаўны тэлеканал Беларусь 1 паказаў вызваленую паводле памілаваньня палітзьняволеную Ксенію Луцкіну, асуджаную да 8 гадоў калёніі. У зьняволеньні ў яе пачаліся моцныя праблемы са здароўем — у яе расьце пухліна ў галаўным мозгу.
Радыкальнае супрацьстаяньне радзей прыводзіць да посьпеху, — палітоляг пра дзьве стратэгіі дэмсілаў
Беларускі палітоляг Пётра Рудкоўскі ў інтэрвію Свабодзе разважае, якая стратэгія — на эскаляцыю ці на саступкі рэжыму — можа быць больш эфэктыўнай, адзначае неабходнасьць згуртаванасьці дэмакратычных сілаў і аналізуе, якая стратэгія ў барацьбе супраць аўтарытарных рэжымаў гістарычна часьцей прыводзіла да посьпеху.
«Асноўная мэта — дэмакратызацыя Беларусі — не становіцца больш імавернай пры сцэнары далейшай эскаляцыі. Увядзеньне яшчэ больш жорсткіх санкцыяў у дадзенай геапалітычнай сытуацыі не павялічвае імавернасьці пераменаў», — лічыць ён:
Валянтэры расказалі пра эвакуацыю ўкраінцаў празь Беларусь: «Гэта амаль такі ж шлях, як з Кіева да Мадрыду»
Пасьля пачатку ўкраінскай апэрацыі ў Курскай вобласьці быў спынены рух праз гуманітарны калідор Калацілаўка (Белгарадзкая вобласьць Расеі) — Пакроўка (Сумская вобласьць). Грамадзян Украіны, якія вяртаюцца з акупацыі або эвакуююцца з памежнай з Расеяй тэрыторыі, заклікалі выкарыстоўваць пункт пропуску «Макраны — Даманава» на мяжы зь Беларусьсю.
Украінская служба Радыё Свабода высьветліла, як працуе эвакуацыйны калідор празь Беларусь і колькі украінцаў яго выкарыстоўвае:
https://smarturl.click/l5gx1
Што могуць чыноўнікі-партызаны і ці будзе раскол элітаў
У Віцебску неўзабаве будуць судзіць 34-гадовага інспэктара па спорце і турызьме Верхнядзвінскага райвыканкаму Аляксея Кісялёва. Яго вінавацяць у экстрэмізьме. Справа датычыць «Кадравага рэзерву для новай Беларусі». Ці шмат сёньня апапэнтаў улады ўнутры чынавенства, ці ўплываюць яны на нешта і ці павінны заставацца ўнутры сыстэмы?
Пра гэта ў праграме «ПіК Свабоды» расказвае каардынатар «Кадравага рэзэрву для новай Беларусі» Юры Губарэвіч:
🎥 ВІДЭА цалкам: https://youtu.be/u55h4jB6auc
Беларускі мастак Аляксей Кузьміч выйшаў на волю з ізаляру ў Францыі
Мастак-акцыяніст Аляксей Кузьміч скончыў галадоўку, якую трымаў з 6 жніўня, і выйшаў на волю з ізалятару ў Францыі. Пра гэта ён сам паведаміў у Інстаграме. Як сказана ў пасьце, рыдлёўку, якой ён капаў магілу Ван Гога, яму не вярнулі. Паліцыя зьнішчыць яе як «сродак учыненьня злачынства»:
https://smarturl.click/xBgDZ
Украіна ратыфікавала Рымскі статут. Як гэта паўплывае на прыцягненьне Расеі да адказнасьці за агрэсію
Цяпер Украіна можа карыстацца перавагамі паўнамоцнага сябра Міжнароднага крымінальнага суда, уключаць пытаньні ў парадак дня Асамблеі краін-удзельніц, мець свайго судзьдзю, удзельнічаць у пасяджэньнях і г.д.
«Перакананы, што гэта дапаможа Ўкраіне прыцягнуць да справядлівай адказнасьці расейцаў, якія ўчыняюць міжнародныя злачынствы на нашай зямлі», — заявіў амбудсмэн Украіны Дзьмітро Лубінец:
https://smarturl.click/LYJbW
У Ерэване амбасаду Беларусі закідалі бульбай, яйкамі і памідорамі
Апазыцыя Армэніі запатрабавала разрыву дыпляматычных адносінаў зь Беларусьсю «да зьняцьця дыктатара Лукашэнкі з пасады». Падрабязнасьці:
https://smarturl.click/DaGRb
Ва Ўкраіне спрасьцілі атрыманьне грамадзянства іншаземцамі, якія ваявалі супраць агрэсіі Расеі. Што зьмянілася для добраахвотнікаў
Вярхоўная Рада Ўкраіны ўхваліла зьмены ў заканадаўства, якое рэглямэнтуе працэдуру атрыманьня іншаземцамі ўкраінскага грамадзянства.
https://smarturl.click/JD7am
Украіна атакавала расейскую ракетную базу С-300 і нанесла ўдар дронамі па Маскве
У Генэральным штабе Ўзброеных сіл Украіны заявілі аб нанясеньні ўдару па Растоўскай вобласьці Расеі паблізу Новашахцінску, дзе знаходзіліся пазыцыі зэнітнага ракетнага комплексу С-300. У Маскве спынялі працу аэрапортаў.
https://smarturl.click/RAd3W
Аднаго з найлепшых беларускіх трэнэраў у настольным тэнісе асудзілі на 2 гады калёніі
Прысуд прагучаў яшчэ 25 ліпеня, але вядома пра яго стала толькі цяпер.
https://smarturl.click/5O0Dp
Журналіст Радыё Свабода Андрэй Кузьнечык правёў за кратамі ўжо 1000 дзён
21 жніўня спаўняецца роўна 1000 дзён з моманту затрыманьня журналіста Свабоды Андрэя Кузьнечыка. Увечары 25 лістапада 2021 году Андрэй выйшаў з дому на невялікі велашпацыр, ля пад’езду яго чакала група сілавікоў, якія завялі Андрэя назад у кватэру і правялі там ператрус. Другі асуджаны журналіст Свабоды, Ігар Лосік, знаходзіцца за кратамі з 25 чэрвеня 2020 году, ужо 1518 дзён.
https://smarturl.click/3kmVp
Расея абстраляла дзіцячую кавярню ў Запароскай вобласьці. Загінуў 15-гадовы падлетак, ёсьць параненыя
Удзень 20 жніўня расейскія вайскоўцы ўдарылі па дзіцячай кавярні ў пасёлку Малакацярынаўка Запароскай вобласьці Ўкраіны. У выніку абстрэлу атрымалі раненьні чацьвёра дзяцей 11, 14, 15 і 17 гадоў, а таксама 18-гадовая дзяўчына. 15-гадовага падлетак у выніку памёр ад атрыманых раненьняў.
Па стане на раніцу 28 ліпеня 2024 году, з пачатку вайны ва Ўкраіне загінулі сама меней 564 дзіцяці і сама меней 1487 атрымалі раненьні рознай ступені цяжкасьці:
https://smarturl.click/B6JLQ
На волю таксама выйшлі палітзьняволеныя Ала Зуева і Вольга Стаброўская
Іх заўважыла ініцыятыва @dissidentBY на відэа прапагандыстаў. Алу Зуеву ў кастрычніку 2023 году асудзілі да двух з паловай гадоў калёніі за абразу Лукашэнкі і прадстаўніка ўлады. Вольгу Стаброўскую ў верасьні 2023 году асудзілі да года і трох месяцаў пазбаўленьня волі за абразу Лукашэнкі:
https://smarturl.click/Adk9v
Галоўнае за 20 жніўня
👫 Праваабаронцам вядома пра 8 вызваленых палітвязьняў. Сталі вядомыя імёны трох зь іх
👥 У Беларусі актывізавалі вучэньні вайсковаабавязаных. Ад сёньня зборы пачаліся ў Слуцку і Менску
👨🏻⚖️ Былога намесьніка міністра энэргетыкі Міхадзюка судзяць за хабар у эўра і сэрбскіх дынарах
👗«У нас ці анучы куплялі, ці брэнды». Што кажуць беларусы пра эўрапейскія санкцыі на адзеньне сэканд-хэнд
🙅🏻«Этычны і маральны арыенцір». Экспэрты пра тое, калі варта публікаваць асабістыя зьвесткі чалавека, а калі — не
🙍🏻♂️ Радыкальнае супрацьстаяньне радзей прыводзіць да посьпеху, — палітоляг Пётра Рудкоўскі пра дзьве стратэгіі дэмсілаў
🎥 «ПіК Свабоды». Як вызваліць Бяляцкага? Расейскі праваабаронца Алег Арлоў пра сытуацыю вакол беларускіх палітвязьняў
Акрамя Ксеніі Луцкінай, на волю выйшлі Ірына Санкоўская, асуджаная да 1,5 гадоў калёніі за «зьдзек зь дзяржаўных сымбаляў», абразу прадстаўніка ўлады і Аляксандра Лукашэнкі, і Вольга Новікава, якая адбывала пакараньне за ўдзел у пратэстах:
https://smarturl.click/Adk9v
Яго абмянялі на Красікава. Як вызваліць беларусаў?
Чаму беларускіх палітвязьняў не вызваляюць па абмене? Якія рэпрэсіўныя практыкі беларускага рэжыму запазычвае расейскі? Ці дапамагае за кратамі Нобэлеўская прэмія?
На гэтыя і іншыя пытаньні ў праграме «ПіК Свабоды» адказвае былы расейскі палітвязень Алег Арлоў, адзін з заснавальнікаў расейскай праваабарончай арганізацыі «Мемориал», вызвалены падчас нядаўняга вялікага абмену вязьнямі:
🎥 ВІДЭА цалкам: https://youtu.be/tGuFrENtu4I
У Чырвонай кнізе Беларусі плянуюць панізіць ахоўны статус зубра, мядзьведзя, рысі і барсука, павысіць — ахоўны статус хамяка
Агулам прапануць выключыць з Чырвонай кнігі Беларусі 13 відаў жывёл, уключыць 21 від і зьмяніць ахоўны статус для 33 відаў. Падрабязьней:
https://smarturl.click/8ER9a
«Этычны і маральны арыентыр». Экспэрты пра тое, калі варта публікаваць асабістыя зьвесткі чалавека, а калі — не
«Мы даём дадзеныя незалежным журналістам і іншым асобам, калі гаворка ідзе аб абгрунтаваным запыце, прадстаўніках рэжыму Лукашэнкі»... Калі ж можна публікаваць асабістую інфармацыю, а калі не?
https://smarturl.click/dpejk