17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
❗️МНС папярэджвае пра магчымыя пашкоджаньні ад моцнага ветру
Міністэрства ў надзвычайных сытуацыях папярэджвае, што ўдзень 1 лістапада і ўначы 2 лістапада ў Беларусі чакаецца моцны заходні вецер парывамі 15-20 мэтраў у сэкунду, удзень месцамі 21-24 м/с. Паводле МНС, мачымае пашкоджаньне ліній сувязі і электраперадач, парушэньне электразабеспячэньня, пашкоджаньне слаба ўмацаваных канструкцый, дахаў будынкаў, падзеньне дрэваў.
«У Беларусі рэпутацыя асноўнага парушальніка правоў чалавека». Анаіс Марэн выступіла з апошнім дакладам у ААН
31 кастрычніка Анаіс Марэн выступіла са сваім апошнім дакладам у якасьці спэцыяльнай дакладчыцы па становішчы з правамі чалавека ў Беларусі на 79-й сэсіі Генасамблеі ААН. Яна назвала гэты даклад «вялікім аглядам таго, як Беларусь, ігнаруючы рэкамэндацыі шэрагу арганізацыяў, толькі павялічыла сваю самаізаляцыю». Пра што гаворка ў дакладзе:
https://smarturl.click/0ew2g
Галоўнае за 31 кастрычніка
✍🏻 ЦВК зарэгістравала тры ініцыятыўныя групы прэтэндэнтаў на ўдзел у выбарах прэзыдэнта. Заяўкі падалі яшчэ чатыры
💐Эўрапейскія дыпляматы ўшанавалі памяць ахвяр сталінізму ў Курапатах. ФОТА
🙍🏻♂️Беларускі актывіст Андрэй Гнёт на волі, яго эвакуавалі з Сэрбіі
🧑🏻💻Карыстальнікі ў Беларусі скардзяцца на праблемы з інтэрнэтам. Правайдэры кажуць пра DDoS-атакі
📑 Зьмены ў працы таксі, новае рэгуляваньне тарыфаў. Што зьменіцца ў Беларусі з 1 лістапада
👫 «Абяцаю, што ня буду захопліваць уладу неканстытуцыйным шляхам». Пра што асуджаных за «палітыку» беларусаў папярэджваюць перад выбарамі
👨🏻💼Геастратэг і лідэр «глябальнай большасьці». Пра перадвыбарчыя гульні Лукашэнкі піша Юры Дракахруст
🇵🇱 «Ідэальна пасуе пад маю ідэю». Навошта ўлады польскай вёскі бясплатна аддалі беларусам старую школу
🎥«ПіК Свабоды». Лукашэнку атачаюць кандыдаткамі на прэзыдэнта — каб загаіць траўму пасьля Ціханоўскай?
Праваабаронцы: «Сілавікі пачалі адключаць мабільную сувязь у беларусаў перад затрыманьнем»
Праваабаронцы «Вясны» сьцьвярджаюць, што ім стала вядома пра выпадкі, калі перад затрыманьнямі 31 кастрычніка ў беларусаў адключалі мабільную сувязь.
«Стала вядома, што супрацоўнікі КДБ з розных гарадоў ўзялі на ўзбраеньне новую стратэгію — перад самым затрыманьнем у чалавека адключаюць мабільную сувязь праз апэратара», — піша @viasna96.
«Лукашэнку атачаюць кандыдаткамі на прэзыдэнта, каб загаіць траўму пасьля Ціханоўскай»
Як вызначаюць спойлераў Лукашэнкі на выбарах 2025 году? Чаму менавіта былую прэс-сакратарку МУС выбралі на ролю фармальнай суперніцы Лукашэнкі? Як патлумачыць зьяўленьне Канапацкай у кампаніі? І ці мае прапагандысцкі эфэкт уладны флэшмоб «Надо»? — Адказвае кіраўніца ініцыятывы «Сумленныя людзі», былая віцэ-сьпікерка Каардынацыйнай рады Алена Жываглод:
ВІДЭА: https://youtu.be/GKooGKNmxIw
«Хочуць засьцерагчы мяне ад небясьпекі». Лукашэнка пракамэнтаваў вылучэньне іншых кандыдатаў на выбары
На думку Лукашэнкі, Алег Гайдукевіч, Вольга Чамаданава, Аляксандар Хіжняк і іншыя кандыдаты ідуць на выбары, таму што хочуць яго «засьцерагчы ад небясьпекі».
«Ну а як інакш я магу (гэта) расцаніць, асабліва вылучэньне жанчынамі сваіх кандыдатур? Я ўпэўнены, што яны проста хочуць мяне тут акружыць флянгамі і засьцерагчы ад небясьпекі. Ні больш, ні менш», — заявіў Аляксандар Лукашэнка:
https://smarturl.click/W3pek
ЦВК Беларусі зарэгістравала ініцыятыўныя групы Вольгі Чамаданавай, Алега Гайдукевіча і Аляксандра Хіжняка для ўдзелу ў выбарах прэзыдэнта
Першай ЦВК зарэгістравала ініцыятыўную групу Аляксандра Лукашэнкі. Яшчэ двум прэтэндэнтам — кіраўніку зьліквідаванага ўладамі Беларусі руху «За свабоду» Юрыю Губарэвічу і Аляксандру Драздову ў рэгістрацыі адмовілі. Выбары ў Беларусі пры Лукашэнку носяць несвабодны і недэмакратычны характар.
https://smarturl.click/VD9zx
Колькасьць ахвяраў паводкі ў Гішпаніі дасягнула 95 чалавек. ФОТА
Расьце колькасьць чалавек, якія загінулі ў выніку разбуральных раптоўных паводак на поўдні і ўсходзе Гішпаніі.
https://smarturl.click/Eepy1
У Латвіі з 31 кастрычніка пачала дзейнічаць забарона на рух аўтамабіляў зь беларускімі нумарамі
У канцы кастрычніка Саэйма Латвіі ўнесла зьмены ў закон аб дарожным руху, якія прадугледжваюць магчымасьць перарэгістраваць аўтамабілі зь беларускай рэгістрацыяй.
https://smarturl.click/w9Ebm
Вядомы аўтамабільны рынак «Малінаўка» выставілі на продаж
Цана рынку невядомая. Раней яго ўжо выстаўлялі на продаж, каб сплаціць пазыкі перад крэдыторамі, але безвынікова.
https://smarturl.click/O0Yg3
Зьмены ў працы таксі, новае рэгуляваньне тарыфаў. Што зьменіцца ў Беларусі з 1 лістапада
Паглядзелі, якія зьмены чакаюць беларусаў у лістападзе.
https://smarturl.click/Q1pwB
Ужо сёньня: Дзень нараджэньня Яўгена Куліка, аднаго з аўтараў эталёну дзяржаўнага герба «Пагоня»
31 кастрычніка 1937 году нарадзіўся мастак Яўген Кулік, адзін з аўтараў эталёну дзяржаўнага герба Рэспублікі Беларусі «Пагоня», які ў верасьні 1991 году быў зацьверджаны Вярхоўным Саветам. Тады ў фае перад Авальнай заляй разгарнулі выставу, якая адлюстроўвала гісторыю нацыянальных сымбаляў. На просьбу Зянона Пазьняка яе зрабілі мастакі Яўген Кулік, Мікола Купава, Лявон Бартлаў ды іншыя.
Партрэт. Яўген Кулік. Аўтар Леанід Шчамялёў
Больш падзей гэтага дня ў матэрыяле «Ўжо сёньня»: https://smarturl.click/Q1pQ3
Адмянілі канцэрт на Дзяды ў менскім клюбе «Рэактар»
У легендарным менскім клюбе «Рэактар» 3 лістапада меў адбыцца канцэрт з нагоды Дзядоў. Сярод выступоўцаў — легендарны музыка Іван Кірчук, сьпявачка Іва Саціва, акапэльны фолк-гурт Guda. 30 кастрычніка стала вядома, што канцэрт адменены. Інфармацыю Свабодзе пацьвердзілі менчукі, якія зьвярталіся ў касу клюбу па квіткі. Прычыны невядомыя:
https://smarturl.click/M1MAb
Галоўнае за 30 кастрычніка
✍🏻 Яшчэ тры чалавекі падалі ў ЦВК дакумэнты для ўдзелу ў выбарах 2025 году ў Беларусі
🇪🇺 У Эўрапарлямэнце заявілі, што няма ніякіх перадумоў чакаць празрыстых выбараў прэзыдэнта Беларусі
👥 Адразу некалькі вучэньняў АДКБ пройдуць у Беларусі ў верасьні 2025 году
🇩🇰 Данія будзе выдаваць беларускім уцекачам «пашпарты іншаземцаў»
👮🏻♂️ За два дні кастрычніка ў краінах СНД на запыт Беларусі затрымалі больш за 300 чалавек
🎥 Тлумачым з Гурневічам. Як Расея ўмешваецца ў выбары ў Беларусі і рэгіёне
🙍🏻♂️ «Гісторыя на Свабодзе». ДНК паказвае, што беларусы бліжэйшыя да палякаў, украінцаў і нават расейцаў, чым да літоўцаў, — Алег Латышонак
👫 «Я ўсё ж такі беларус». Гісторыі прынцыпова расейскамоўных людзей, якія перайшлі на беларускую
🇭🇺 Вугорская фортка ў глухой сьцяне паміж Беларусьсю і Эўразьвязам. Аналітык пра адносіны паміж Менскам і Будапэштам
🇺🇸 «ПіК Свабоды». Чаму беларусаў павінны хваляваць выбары ў ЗША
«Я ўсё ж такі беларус». Гісторыі прынцыпова расейскамоўных людзей, якія перайшлі на беларускую
Чаму беларусы, якія ўсё сьвядомае жыцьцё карысталіся выключна расейскай мовай, апынуўшыся ў эміграцыі, цалкам перайшлі на беларускую? Даведаліся пра некалькі такіх гісторый.
«Калі б я сказаў, што гэта было сьвядомым выбарам — перайсьці на беларускую мову ў публічных камунікацыях — гэта было б хлусьнёй. Не было гэта сьвядомым выбарам»:
40 гадоў таму ў Вільні памёр мастак Пётра Сергіевіч
Беларускі жывапісец і графік, мастак-манумэнталіст, быў адным з самых значных заходнебеларускіх мастакоў. Заслужаны дзеяч мастацтваў Літвы. Нарадзіўся ў вёсцы Стаўрова Браслаўскага раёну Віцебскай вобласьці. Большую частку жыцьця пражыў у Вільні. На здымках: Пётра Сергіевіч і ягоная карціна «Валер Урублеўскі і Кастусь Каліноўскі робяць агляд паўстанцаў»
Больш падзей 1 лістапада ў матэрыяле «Ўжо сёньня»: https://smarturl.click/YzY7e
Колькасьць загінулых ад паводкі ў Гішпаніі дасягнула 158. У краіне абвясьцілі трохдзённую жалобу
Улады рэкамэндавалі жыхарам пацярпелых рэгіёнаў не пакідаць дамы. Выратавальная апэрацыя працягваецца, у шэрагу гарадоў па-ранейшаму павышаны ўзровень вады, паведамляюць ратавальныя службы. Мясцовыя актывісты абвінавачваюць улады ў няздольнасьці даць рады сытуацыі:
https://smarturl.click/aJYAA
Беларускі актывіст Андрэй Гнёт на волі, яго эвакуавалі з Сэрбіі
Як паведамілі Свабодзе юрысткі Марыя Колесава-Гудзіліна і Ганна Маціеўская, беларускі актывіст Андрэй Гнёт, які знаходзіўся пад хатнім арыштам у Сэрбіі, на волі і 31 кастрычніка быў эвакуаваны ў Эўразьвяз.
«Андрэй пакуль у шоку, просіць даць яму дзень і дзякуе ЎСІМ хто яго падтрымліваў!» — паведамілі яны:
https://smarturl.click/dpYVJ
Карыстальнікі ў Беларусі скардзяцца на праблемы з інтэрнэтам. Правайдэры кажуць пра DDoS-атакі
Скаргі на павольны інтэрнэт паступалі ад кліентаў розных беларускіх правайдэраў. Праўда, ня ўсе маюць праблемы з інтэрнэтам: у адных усё працуе нармальна, другія скардзяцца на доўгую загрузку сайтаў, праблемы са стратай пакетаў і інш. у апошнія тыдзень-паўтара, трэція — яшчэ даўжэй. Некаторыя кажуць, што асабліва праблема заўважная пры доступе да замежных сайтаў і сэрвісаў.
На сайтах шэрагу правайдэраў 29-30 кастрычніка зьявіліся паведамленьні пра DDoS-атакі. Прычым калі Белтэлекам сьцьвярджае, што атакавалі ягоныя сеткі, дык А-1, Cosmos і Unet.by — пра праблемы ў «вышэйшых правайдэраў» ці «вышэйшага партнэра»:
https://smarturl.click/ppYob
Геастратэг і лідэр «глябальнай большасьці». Перадвыбарчыя гульні Лукашэнкі
У Менску праходзіць другая міжнародная канфэрэнцыя ў пытаньнях эўразійскай бясьпекі. Яе правядзеньне, выступ на ёй Аляксандра Лукашэнкі — пазыцыянаваньне Беларусі як аднаго з цэнтраў «антызаходняй большасьці» плянэты. Гэты вобраз, апроч іншага, яшчэ і частка выбарчай кампаніі Лукашэнкі, лічыць аналітык Юры Дракахруст:
https://smarturl.click/Q1pn6
Выйшла дасьледаваньне пра рэпрэсіі супраць адвакатаў у Беларусі пасьля 2020 году, 7 адвакатаў — за кратамі
Паводле аўтараў дасьледаваньня «Беларусь. Крызіс адвакатуры, працяг рэпрэсій 2022–2023», з восені 2020 году
➖ пад затрыманьні і арышты на розныя тэрміны падпалі ня меней за 30 адвакатаў, зь іх 10 зазналі крымінальны перасьлед, сямёра абаронцаў дагэтуль за кратамі.
➖больш за 140 адвакатаў страцілі ліцэнзіі і амаль тры сотні былі вымушаныя самі сысьці з прафэсіі, дзясяткі беларускіх абаронцаў мусілі зьехаць з краіны, асьцерагаючыся рэпрэсій.
Падрабязьней: https://smarturl.click/5OBgG
Эўрапейскія дыпляматы ўшанавалі памяць ахвяр сталінізму ў Курапатах
Часовая павераная Літвы ў справах Беларусі Аста Андрыяўскене паведаміла пра візыт групы эўрапейскіх дыпляматаў у месца масавых расстрэлаў грамадзян савецкім НКВД.
ФОТА: https://smarturl.click/aJYWA
«Ідэальна пасуе пад маю ідэю». Навошта ўлады польскай вёскі бясплатна аддалі беларусам старую школу
Польскія ўлады аддалі групе беларусаў будынак драўлянай школы 1942 году пабудовы. У ёй хочуць адкрыць творчую рэзыдэнцыю, куды змогуць прыяжджаць беларускія ўцекачы, а таксама хадзіць польскія дзеці. Пагаварылі з натхняльніцай праекту Аксанай Гатальскай.
https://smarturl.click/ZyYgd
Ганна Канапацкая зноў зьбіраецца балятавацца ў прэзыдэнты
ЦВК атрымаў дакумэнты аб рэгістрацыі ініцыятыўнай групы грамадзян па зборы подпісаў выбарнікаў у падтрымку вылучэньня Ганны Канапацкай кандыдаткай у прэзыдэнты Рэспублікі Беларусь. Пра гэта паведамілі дзяржаўныя СМІ.
Канапацкая асабіста прыйшла ў ЦВК падаваць дакумэнты. Раней яна ўжо балятавалася ў прэзыдэнты.
❗️Выбары ў Беларусі пры Аляксандру Лукашэнку носяць несвабодны і недэмакратычны характар.
Здымак дзяржаўнай прэсы
У Санкт-Пецярбургу трэці раз зьнесьлі помнік рэпрэсаваным у СССР палякам
Помнік у выглядзе сымбалічнага крыжа быў устаноўлены ў пачатку 1990-х гадоў на Левашоўскіх мэмарыяльных могілках, якія выкарыстоўваліся як месца пахаваньня загінулых у турмах Ленінграду.
https://smarturl.click/4k2yd
«Абяцаю, што ня буду захопліваць уладу неканстытуцыйным шляхам». Пра што асуджаных за «палітыку» беларусаў папярэджваюць перад выбарамі
«Гэта ня новае. Перад кожнымі выбарамі, пасьля ўсіх затрыманьняў ці вобшукаў мне падсоўвалі такія паперкі — «афіцыйнае папярэджаньне», што «ня буду займацца экстрэмісцкай дзейнасьцю». Я ўжо маю набор такіх папярэджаньняў з 2021 году». Беларусаў, асуджаных за «палітыку», запалохваюць перад выбарамі.
https://smarturl.click/RAMVb
98-гадовая Ніна Васільеўна праз вайну ва Ўкраіне страціла свой дом. Жанчына з Канстантынаўкі, якая перажыла Другую Ўсясьветную вайну, зьвярнулася ў сацыяльныя службы з просьбай дапамагчы ёй пераехаць у прытулак у Дніпры. Прычынай сталі пастаянныя расейскія абстрэлы і пагроза набліжэньня фронту. Баі ідуць усяго за 10 км ад яе гораду.
Ўкраінская служба Радыё Свабода паразмаўляла зь ёй.
Штучна напампоўваць заробкі пад выбары няма ні магчымасьці, ні патрэбы, — эканаміст Крук
«Цяперашні эканамічны рост грунтуецца на вельмі хісткім падмурку — фактычна яго забясьпечвае міграцыя зь Беларусі», — лічыць старшы навуковы супрацоўнік дасьледчага цэнтру BEROC, эканаміст Зьміцер Крук.
Тлумачым з Гурневічам. Як Расея ўмешваецца ў выбары ў Беларусі і рэгіёне
Зараз сэзон выбараў у краінах Усходняй Эўропы. Для Крамля, які трэці год буксуе ва Ўкраіне і адчайна мае патрэбу ў саюзьніках, стаўкі высокія як ніколі. Стратэгія ў Масквы нязьменная — умешваньне ў выбары.
Як гэта адбываецца, тлумачыць Дзьмітры Гурневіч:
https://www.youtube.com/watch?v=hxxraYmlpDk
У прэзыдэнты ідзе і Вольга Чамаданава
У ЦВК прадставілі дакумэнты аб рэгістрацыі ініцыятыўнай групы па вылучэньні кандыдатам у прэзыдэнты Вольгі Чамаданавай, старшыні «Беларускага саюзу жанчын», начальніцы галоўнага ўпраўленьня ідэалягічнай працы і ў справах моладзі Менгарвыканкаму, былой прэс-сакратаркі МУС Беларусі.
Выбары ў Беларусі пры Аляксандру Лукашэнку носяць несвабодны і недэмакратычны характар