16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Улады Беларусі забаранілі яшчэ два дзясяткі кніг, у іх ліку «Там, дзе няма цемнаты: Радыё Свабода»
https://smarturl.click/0Bj77
Пад забарону, як піша Вясна, трапілі выданьні «Украiнская ноч вельмi асабiстыя гiсторыi рэвалюцыi» і «Там, дзе няма цемнаты: Радыё Свабода». Адпаведнае рашэнне было прынятае судом Кастрычніцкага раёну Менску 23 траўня.
У Беларусі пачаўся перасьлед бізнэсу з плятформы «Баймапка»
https://smarturl.click/L3ayl
Сьледчы камітэт Беларусі заявіў , што ідэнтыфікаваў больш за 1000 карыстальнікаў платформы «Новая Беларусь».
А супраць «ўдзельнікаў і кіраўніка экстрэмісцкага фармаваньня Паўла Лібера, аб’яднаных інтэрактыўнай плятформай „Новая Беларусь“» заведзена крымінальная справа.
Некаторых бізнэсоўцаў, што знаходзяцца ў Беларусі, ужо затрымалі.
«Любы бізнэс, да якога прыйшлі, можа сьмела пацьвердзіць, што нічога не парушае», — адрэагаваў на рэйды сілавікоў Павал Лібер.
Сілавікі прыходзілі да 87-гадовай маці былога палітвязьня Судаленкі, пасьля гэтага яе шпіталізавалі ў рэанімацыю
https://smarturl.click/xVYLm
«Нават у вязьніцы я бярог маці, не казаў усёй праўды — казаў, што працую за мяжой. Пасьля вызваленьня пасьпеў разьвітацца, але і тады не раскрыў праўду», — расказаў Судаленка.
Цяпер сілавікі паведамілі маці пра перасьлед сына ў Беларусі і завочныя справы, заведзеныя супраць яго.
Ад выбуху загінуў віцэ-мэр Стаўрапаля, які ваяваў супраць Украіны
https://smarturl.click/XDLmQ
Губэрнатар Стаўрапаля пацьвердзіў сьмерць Гурцыева. Паводле ягоных слоў, разглядаюцца ўсе вэрсіі, у тым ліку замах з боку Ўкраіны.
Маёр Заур Гурцыеў быў начальнікам расейскага штабу баявога кіраваньня авіяцыяй.
Ён стаў намесьнікам мэра ў верасьні 2024 году па праграме працаўладкаваньня ва ўладзе ўдзельнікаў вайны супраць Украіны.
Суд у ЗША заблякаваў большасьць тарыфаў Трампа ў міжнародным гандлі
https://smarturl.click/6WegB
Амэрыканскі суд пастанавіў, што прэзыдэнт Дональд Трамп перавысіў свае паўнамоцтвы, увёўшы шырокія тарыфы.
Белы дом адразу падаў апэляцыю.
«Глябальныя і зьвязаныя з імі тарыфныя пагадненьні перавышаюць любыя паўнамоцтвы, прадстаўленыя прэзыдэнту», — заявіў суд.
«Прэзыдэнт Трамп паабяцаў паставіць Амэрыку на першае месца, і адміністрацыя імкнецца выкарыстаць усе рычагі выканаўчай улады для вырашэньня гэтага крызісу і аднаўленьня амэрыканскай велічы», — заявіў прэс-сакратар Трампа Куш Дэсаі.
Ужо сёньня: 5 гадоў таму ў Горадні ў выніку правакацыі арыштавалі блогера Сяргея Ціханоўскага
29 траўня 2020 году у Горадні ў выніку правакацыі быў арыштаваны відэаблогер, аўтар Youtube-каналу «Страна для жизни» Сяргей Ціханоўскі, муж цяперашняй апазыцыйнай лідэркі Сьвятланы Ціханоўскай. Ён зьбіраўся балятавацца ў прэзыдэнты на выбарах 2020 году, але ягонай ініцыятыўнай групе адмовілі ў рэгістрацыі, калі ён быў у зьняволеньні.
З таго часу Ціханоўскі за кратамі. Яго абвінавацілі ў арганізацыі масавых беспарадкаў, распальваньні варожасьці, перашкодзе працы ЦВК і на закрытым судзе 14 сьнежня 2021 году далі 18 гадоў зьняволеньня. У чэрвені 2022 году КДБ унёс Ціханоўскага ў сьпіс асобаў, «датычных да тэрарыстычнай дзейнасьці».
Больш падзей 29 траўня ў гісторыі пад спасылкай: https://smarturl.click/aRzxg
Апэратары паштовай сувязі будуць перадаваць «Белпошце» зьвесткі пра ўсе адпраўленьні
https://smarturl.click/VRGg7
Кампаніі абавязаныя перадаваць у сыстэму ўліку і захоўваньня зьвестак інфармацыю аб паштовых адпраўленьнях, прынятых імі ад карыстальнікаў паслуг паштовай сувязі. Размова як пра ўнутраныя, так і пра міжнародныя адпраўленьні.
У Латвію прыляцелі гішпанскія дэсантнікі
Іх высадзілі на ўсходзе краіны на мяжы зь Беларусьсю і Расеяй. Якія задачы яны будуць выконваць? Пра гэта ў відэа Свабоды.
Нямеччына зацьвердзіла праект скасаваньня «экспрэс-натуралізацыі»
https://smarturl.click/xVYbm
Праект закону, які скасоўвае магчымасьць атрымаць грамадзянства Нямеччыны за тры гады, паступіць на разгляд у бундэстаг. Такі праект закладалі яшчэ ў кааліцыйную дамову кансэрватараў і сацыял-дэмакратаў.
Беларускі фатограф Мішчук, якога абвінавацілі ў працы на КДБ, расказаў сваю вэрсію
https://smarturl.click/QbdgR
27 траўня выданьне @nashaniva выпусьціла расьсьледаваньне пра беларускага фатографа ў Польшчы Івана Мішчука. У яго знайшоўся дзейны пашпарт прыкрыцьця на імя Івана Мішына. Цяпер сам Мішчук вырашыў патлумачыць сваю гісторыю на адным з форумаў польскіх фатографаў.
Супраць гісторыка Тамары Эйдэльман расейскія ўлады пачалі новую крымінальную справу
https://smarturl.click/vdq8Q
Гісторык, якая часта выступае і на беларускіх каналах, стала фігуранткай справы пра «ілжывую інфармацыю аб расейскім войску». І гэта ўжо трэцяя, пра якую вядома, крымінальная справа супраць Эйдэльман на яе радзіме.
Украіна нанесла маштабны ўдар дронамі па заводах ВПК пад Масквой
https://smarturl.click/OLGgb
СПА працавала ў 13 рэгіёнах Расеі, гаворыцца ў паведамленьні. Гэта мог быць адзін з самых маштабных удараў за ўсю вайну.
Журналісты атрымалі доступ да сакрэтных плянаў расейскіх вайсковых ядзерных базаў
https://smarturl.click/QbdwR
Пляны сакрэтных расейскіх ядзерных аб’ектаў адкрыта публікаваліся ў расейскай тэндэрнай дакумэнтацыі.
Іх сабралі расьсьледнікі.Пра гэта гаворыцца ў сумесным матэрыяле дацкага расьсьледніцкага выданьня Danwatch і нямецкага часопіса Der Spiegel.
Дзявяты запуск ракеты Ілана Маска скончыўся няўдачай, як і папярэдні
https://smarturl.click/qBjyv
Заплянаванае пасьляпалётнае выступленьне Ілана Маска не адбылося.
Паводле пляну, ракета мелася амаль цалкам абляцець Зямлю і прывадніцца ў Індыйскім акіяне. Інжынэры хацелі праверыць новыя канструкцыі плітак цеплавога экрана і палепшаныя закрылкі для кіравання ўваходам у атмасфэру і спускам на Зямлю.
Але пачаліся няўдачы.
Белы дом загадаў амбасадам ЗША часова не прызначаць сумоўі для атрыманьня студэнцкіх віз
https://smarturl.click/QbdQR
Улады ЗША хочуць увесьці абавязкову праверку сацыяльных сетак кандыдатаў на студэнцкія візы
Адміністрацыя таксама робіць захады па ўзмацненьні кантролю за унівэрсытэтамі, якія, на яе думку, празьмерна лібэральныя
У БНТУ сілавікі пагналіся за былым выкладчыкам, у ВНУ кажуць, што ён памёр ад сардэчнага прыступу
https://smarturl.click/xVYam
Яны адзначалі, што мужчына памёр пасьля таго, як за ім ва ўнівэрсітэт, куды ён спрабаваў трапіць, прыйшлі супрацоўнікі МУС. На апублікаваных відэазапісах паказаныя кадры пагоні — сілавікі ў экіпіроўцы перасьледвалі былога выкладчыка, каб затрымаць.
Заява Хрэніна — жэст добрай волі? З чым гэта зьвязана — аналіз Валера Карбалевіча
https://smarturl.click/5ZMgJ
📍Усе добра памятаюць, чым скончыліся супольныя беларуска-расейскія вучэньні «Саюзная рашучасьць» у 2022 годзе, пасьля якіх Расея пачала ваеннае ўварваньне ва Ўкраіну, у тым ліку, з тэрыторыі Беларусі.
📍Заява Хрэніна відавочна скіравана на тое, каб неяк разрадзіць сытуацыю.
📍У зьвязку з абмеркаваньнем пытаньня пра перамовы аб спыненьні вайны ва Ўкраіне, замірэньні, Пуцін імкнецца паказаць сябе «голубам міру».
Гонка 411. Як анархіст Сяргей Раманаў можа атрымаць найдаўжэйшы сярод беларускіх палітзьняволеных тэрмін
https://smarturl.click/w4wL8
На гэты момант толькі двое беларускіх палітвязьняў маюць большы, чым у Раманава, тэрмін зьняволеньня.
Мінімум 66 беларускіх палітвязняў атрымалі дадатковыя тэрміны паводле 411 артыкулу.
Праваабаронцы расказалі Свабодзе, чаму і як судовыя выракі ў Беларусі часта павялічваюцца ўжо пасьля прысуду.
«Рукі ўгору!» У рэгіяльных СМІ правялі ператрусы за «ўслаўленьне Нямеччыны»
https://smarturl.click/Ax4OO
Сілавікі ўварваліся ў рэдакцыі рэгіянальных незалежных выданьняў «Вольнае Глыбокае», «Бабруйск Інфа» і «Вячэрні Бабруйск».
Прапагандысты заявілі, нібыта выданьні пісалі заказныя матэрыялы пра Нямеччыну за грошы ад нямецкага пасольства.
У галоўнага рэдактара «Вячэрняга Бабруйску» «выпадкова былі знойдзены» пнэўматычная вінтоўка і пісталет, а таксама імітацыйная граната.
Ілан Маск пакідае адміністрацыю Трампа
https://smarturl.click/MGed4
Ілан Маск сыходзіць з пасады галоўнага дарадцы прэзыдэнта ЗША Дональда Трампа, дзе змагаўся зь бюракратыяй і празьмернымі, на ягоны погляд, выдаткамі. Пра гэта ён паведаміў у сацсетцы X.
Ягоны сыход азначае завяршэньне бурлівага пэрыяду з звальненьнямі тысяч чалавек, ліквідацыяй дзяржаўных устаноў і мноствам судовых спраў, — адзначае AP.
Улады Беларусі дазволілі імпарт цыбулі, капусты, бульбы і яблык. А як жа санкцыі ў адказ супраць Эўразьвязу?
Вялікі дэфіцыт шэрагу сельскагаспадарчых прадуктаў вымусіў Лукашэнку і ягоны ўрад скасаваць забарону на імпарт некаторых тавараў, якія раней забаранілі прывозіць з-за мяжы. Падрабязнасьці ў відэа Свабоды.
Галоўнае за 28 траўня
📌Электрамабілі і адсутнасьць моладзі на вуліцах. Якою пабачыў Беларусь праваабаронца Андрэй Чапюк, які правёў за кратамі амаль 5 гадоў
📌Журналісты атрымалі доступ да сакрэтных плянаў расейскіх вайсковых ядзерных базаў
📌Цяперашнія канфлікты ў апазыцыі ўжо мала каго цікавяць, — Шрайбман
📌Міністэрства абароны Беларусі заявіла аб пераносе вучэньняў «Захад-2025» углыб краіны і скарачэньне колькасьці ўдзельнікаў удвая
📌Лукашэнка прызнаў дэфіцыт яблыкаў у Беларусі
📌Памёр былы палітзьняволены Валер Богдан
📌Яшчэ адзін беларускі ўцякач даказаў праз суд, што не нясе пагрозы Літве
Памёр былы палітзьняволены Валер Богдан
https://smarturl.click/0Bj67
Пра чарговую сьмерць былога палітвязьня — Валера Богдана — паведаміў 28 траўня ў сацсетках сузаснавальнік фонду салідарнасьці BySol Андрэй Стрыжак.
Лукашэнка прызнаў дэфіцыт яблыкаў у Беларусі
https://smarturl.click/VRGgb
Беларусь адчувае дэфіцыт яблыкаў, асабліва ў міжсэзоньні. Паколькі беларускія яблыкі горш захоўваюцца, з красавіка па ліпень даводзіцца закупляць імпартныя. У той жа час урад яшчэ ў верасьні мінулага году паставіў задачу: за два гады цалкам замясьціць імпарт яблыкаў айчыннай прадукцыяй.
«Белавія» паведаміла пра магчымыя скасаваньні або пераносы рэйсаў з Расеі ў Беларусь
https://smarturl.click/E1XYL
Беларускі авіяперавозьнік гаворыць пра «абмежаваньні» на палёты, пры гэтым ані словам ня згадвае, зь якой прычыны расейскія аэрапорты іх уводзяць.
Канцлер Нямеччыны заявіў, што Ўкраіне ня будуць ставіць абмежаваньняў па далечыні абстрэлаў
https://smarturl.click/e0LkD
Нямеччына працягне ваенную падтрымку Ўкраіны, каб краіна, якая стала ахвярай нападу, «магла абараніць сябе ад расейскай агрэсіі зараз і ў будучыні». Пра гэта заявіў канцлер Нямеччыны Фрыдрых Мэрц 28 траўня на сумеснай прэс-канфэрэнцыі пасьля перамоваў з прэзыдэнтам Украіны Ўладзімірам Зяленскім.
Зяленскі заявіў, што Расея прапанавала Беларусь як месца для перамоваў, і патлумачыў, чаму гэта немагчыма
https://smarturl.click/oVjXW
«Беларусь для нас сёньня — гэта краіна, з якой ляцелі ракеты, і адпаведна яна саюзьнік краіны, якая на нас напала. І войскі прыйшлі зь Беларусі. Гэта проста немагчыма наконт Беларусі», — сказаў Зяленскі
Яшчэ адзін беларускі ўцякач даказаў праз суд, што не зьяўляецца пагрозай Літве
https://smarturl.click/xVYWJ
Сяргею Краўчанку ў 2023 годзе адмовілі ў працягу дазволу на жыхарства ў Літве і прызналі пагрозай нацыянальнай бясьпецы праз тое, што ён працаваў пажарным у Беларусі.
Ён падаў у суд. Разьбіральніцтва доўжылася амаль два гады, адбыліся тры працэсы, справа двойчы пераглядалася. І нарэшце днямі Сяргей Краўчанка атрымаў статус уцекача. Пра гэта 27 сакавіка паведаміў кіраўнік фонду BySol Андрэй Стрыжак.
Электрамабілі і адсутнасьць моладзі на вуліцах. Якою пабачыў Беларусь праваабаронца Андрэй Чапюк, які правёў за кратамі амаль 5 гадоў
https://smarturl.click/kZgRo
У вялікай размове з Свабодай Андрэй расказвае пра валянтэрства ля турмы на Акрэсьціна, знаёмства з ГУБАЗіКам, закрыты суд, лаянку ад пракурора, правілы паводзінаў у калёніі, вызваленьне ў кайданках і новую Беларусь узору 2025-га.
Прэзыдэнт ЗША Дональд Трамп другі раз за апошнія дні раскрытыкаваў Уладзіміра Пуціна за вайну ва Ўкраіне
https://smarturl.click/zdlEp
«Тое, чаго Ўладзімір Пуцін не разумее, дык гэта таго, што калі б ня я, з Расеяй ужо даўно адбыліся б сапраўды жудасныя рэчы. І я маю на ўвазе — сапраўды жудасныя. Ён гуляе з агнём!», — realDonaldTrump/posts/114580564427808609">напісаў Дональд Трамп у сацсетцы Truth Social.