°|" يوميّاتي الجَميلة "|°
29 November 2020 12:09
يا مسا الخيرات 🤍
أنا جيت ومعي حيلة صغيرة بضحك ع عقلي فيها لحتى ينجز 😉☺️.
صحيت اليوم وكان لازم علي أحفظ مقرري من القرآن، بس للأسف كنت كأغلب الأيام مكسلة 🙈 .
طيب بهيك حالة شو بعمل؟!
بربط الحفظ بشي ثاني يحفزني، وبمشي فيهم سوا مع بعض 😉💪
يعني لقيت هالمحاضرة الحلوة لدكتور إياد، بروح بقسم الوقت ما بينها وبين الحفظ يعني :
بكرر حفظي لمدة 5 دقائق وبحضر بعدها كمكافأة 5 دقائق 😍😍، وكل ما كررت أكثر بحضر أكثر 😉💪، وهيييييك لحد ما أثبت حفظي 😉☺️.
بعرف إني شطورة 😌🙈.
وهيك بنكون ضربنا 3 عصافير بحجر بس يا حزركم شو العصفور الثالث 😉، العصفور الثالث إنو بهيك حالة بيكون عقلك كتير مصحصح وبيتشبع الحفظ بوقت أقل لأنو بيستنى ومتلهف للمكافأة 💪، لهيك لازم تربطي هدفك بشي بتحبيه كتير " أهم شي يكون بالمباحات" 😍☺️.
وبس سلامتك 🙈
اه اتذكرت 😉 ما احنا هيك هيك التلفونات بإيدنا لهيك لازم نستخدمهم لصالحنا 😉💪
استني اتذكرت كمان 😉 مو تروحي تنسي حالك عالتلفون ولا إنت مخلصة ساعة بأكملها 😉 دخيلك ركزي 😅
يا رب تعود عليك بالفائدة ☺️
أراك على القمة بإذن الله 💪❤️
#يومياتي_الجميلة
#تحفيز
#تكة_صغيرة_بتعمل_فرق_كبير
Читать полностью…
°|" يوميّاتي الجَميلة "|°
28 November 2020 08:57
يا صباح البركة ☺️
اليوم خلصت أموري ع بكير 💪 وع طول رحت ع مكافأتي 😍☺️
برنامج ع اليوتيوب لضيفة لطيفة ومفعمة بالحياة وبصراحة أنا بحب هالشخصيات جداً ❤️☺️
رح أنزللكم الرابط ، بتمنى تلهمكم ❤️🙈
لو سمحتوا خفضوا صوت الموسيقى لما توصلوا لعندها 💪
#يومياتي_الجميلة
#تحفيز
#رسالة_صباحية_لك
Читать полностью…
°|" يوميّاتي الجَميلة "|°
26 November 2020 09:04
يا صباح الورد 💐
اليوم الخميس، يعني نهاية الأسبوع، يعني لازم أعمل مكافأة لشخصي الكريم عن انجازاتي الماضية 💪 لو شو ما كانت بسيطة 😉☺️..
ولازم جدياً تخططي لهالشي متل ما بتخططي لكل شي بحياتك، لأنه النفس بتمل ولما تعطي كتير بدون وقت إلها بيصير عطاءها تعب وعبئ أكثر منو راحة 😢
ومن الأفكار اللي ممكن تعمليها 💪
أهم شي تبلشي يومك بترتيب نفسك خارجياً يعني " تشخصي" 😉
لبسة حلوة، ع شعرات سمبل، ع عطر رايق، ع مشروب دافي، ع مكياج ناعم ☺️😉وشوفي بعدها شعورك كيف رح يكون ❤️
وبعدها ممكن
تقرئي كتاب
تسمعي بودكاست
تعملي زيارة
تتواصلي مع صديقات
تروحي تتسوقي
تشتريلك كوب، طاقية، كفوف، شال، عطر
تحضريلك شي ع اليوتيوب
تجلسي برواق مع اولادك مع لعبة حماسية
وقيسي ع هيك 😍🙈
اعملي أي شي بتحبيه بهاليوم، واتركي كل همومك وأعباءك والدنيا ع جنب 💪
وبذكرك :
رب العالمين لما نصح" مريم " وهي بأكبر هم بتعيشه شو حكالها
"فَكُلِي وَاشْرَبِي وَقَرِّي عَيْنًا ۖ"
وكمان حديث الرسول عليه الصلاة والسلام
(( ساعة لك و ساعة لدينك ))
وطبعاً تكون بالمباحات 😉🙈
وبس سلامتك
أراك على القمة بإذن الله 💪
#يومياتي_الجميلة
#تحفيز
Читать полностью…
306