-
Адабиёт. Кўнгил. Дунё. Худо. Адабиёт. Мурожаат учун: @suhrobziyodov
#matbuotchilar_kuni
Ustoz Mahmud Sa'diydan jurnalistika va jurnalist vijdoni haqida fikrlar.
Ustoz "Adabiyot va san'at"da ishlagan paytlari yonlariga borganimizda olgan ekanman. Tasodifan topib oldim. O‘shanda ular bilan birga ishlash tushimga ham kirmagan edi...
Davomi bor.
@suhrob_ziyo1
#tanlov_audio
Ishtirokchi №4️⃣
Siz meni bilmaysiz, bilmaydi dunyo...
🎙Nigora Muhammad
#tanlov_audio
Ishtirokchi №2️⃣
Ozor bo‘laverdim-u,
O, zor bo‘laverdim-u...
🎙Mulkijahon
#tanlov_audio
Ishtirokchi №1️⃣
"Биз ҳам кўнгил деган савдога келдик..."
🎙Guljahon Rayhonova
Diqqat, tanlov!
❗️"Ko'ngil yelkani" va "Ay suygulim" kitoblarini kitobxonlarga yetkazish maqsadida bir loyiha(cha) o'yladik!
Ikki yo'nalishda tanlov tashkil etmoqchimiz:
📝"Eng yaxshi tahlil"
🎙"Eng yaxshi audio-she'r".
✅"Eng yaxshi tahlil" uchun @suhrob_ziyo1 telegram kanalidan muallifning istalgan she'rini tahlil qilishingiz yoki she'r asosida taassurotingizni, hatto tanqidlaringizni ham qog'ozga tushirishingiz (kamida 1 qog'oz) mumkin.
✅"Eng yaxshi audio-she'r" uchun kanaldan muallifning o'zingizga yoqqan she'rini audio tarzda o'qishingiz yoki videotasvirga olishingiz so'raladi.
📲Ijodiy ishlarni @suhrobziyodov manziliga "Suhrob Ziyo kanali uchun" degan izoh bilan yuboring.
🥇Saralangan ishlar orasidan eng ko'p ovoz olgan va hakamlar tanlovida g'olib deb topilganlari taqdirlanadi.
📚G'oliblarga "Ko'ngil yelkani" va "Ay suygulim" kitoblari hamda muallif tomonidan saralangan kitoblar jamlanmasi pochta orqali yetkaziladi.
“Порахўр ўқитувчи ва шифокорларни асло кечирмайман!”
Марҳум домла Омонулла Мадаев, таниқли адабиётшунос олим, филология фанлари номзоди.
@suhrob_ziyo1
Yoshlarning ongini kim zaharlayotganini bilmoqchi bo'lsangiz, kimning musiqasiga o'ynayotganiga qarang.
®️Said Abdulaziz Yusupov
@suhrob_ziyo1
Abdulla Qahhor: "Bizning adabiyotimiz kelajakdagi buyuk o'zbek adabiyotining poydevorigina bo'lib qoladi"
Abdulla Qahhor yoshlar ijodidagi uch fazilatga diqqat qaratadi. Shu uch fazilatga tayanib xulosa qiladi: ular yaratgan adabiyot kelajakdagi buyuk o‘zbek adabiyotining poydevorigina bo‘lib qolishini bashorat qiladi. Bunga asos qilib quyidagi o‘sha davr yosh adiblarining uch oltin fazilatni keltiradi:
1. Ularning dili hasad, o‘zaro baxillik, bir-birini ko‘rolmaslik kabi qabih tuyg‘ulardan pok.
2. Ular har bir muvaffaqiyatga bor imkoniyatning “chashma”si deb qaraydi.
3. Ular asarlarini umumadabiyot gazi bilan o‘lchashni talab qilishadi.
Abdulla Qahhorning “Yoshlar bilan suhbat” kitobining qayta nashri 2017 yilda bo‘ldi, unda adibning kundaligidagi qaydlar ham ilova qilinadi. Jumladan, unda shunday qaydlar bor:
“Hozirgi ishingda saning ilming yo‘q, arzon taqachilikdan boshqa hunaring ham yo‘q; ahvoling shu bo‘lsa, sal kunda yoshlarning oyog‘i ostida qolib ketasan. Adabiyotda Shukurlar, O‘tkirlar, Uchqunlar bosh ko‘targan. Shularning oyog‘i ostida qolib ketasan... Mo‘min Kofirlar zamoni adabiyoti qolib ketdi! Husniddin Sharipovlar, Erkinlar, Abdulla Oripo‘vlar, Gulchehralar, Oydin Hojievalar adabiyoti! Tanqidda Ozod, Umarali, Qo‘shjono‘vlar bosh ko‘targan”.
Abulla Qahhorning yoshlar ijodiga munosabati qanday bo‘lgan, degan savolga hojat qolmagan bo‘lsa kerak. Adib o‘zi tarbiya bergan, ko‘z oldida voyaga etgan adiblar bilan hisoblashgan, ular bilan o‘zining ijodini taqqoslagan, ulardan ortda qolmaslikka tirishgan.
Suhrob ZIYO
@suhrob_ziyo1
#Usmon_Azim_Xalq_shoiri
“ШОИРЛАР БИЛАН КУРАШГАН ОДАМ БАРИБИР ЕНГИЛАДИ!”
Фуқаро Санжар Жовбердиев (Кейинги ўринларда — отарчи)нинг ўзбек маънавий муҳитини қасддан лойқалатишга уриниши ҳақида
Отарчи ҳам барча ўзбекистонликлар сингари мамлакат ҳудудида жаримани белгиланган тарзда тўлаш ҳуқуқига эга, албатта. Танга бўлса, танга. Бошқа бўлса, бошқа...
Бироқ отарчининг, бир пайтлар миллат мустақиллиги учун курашган фидойи зот, Ўзбекистон халқ шоири устоз Усмон Азимнинг шаънига яққол ҳурматсизликни ифодаловчи хатти-ҳаракатни қасддан ижтимоий тармоққа сиздиргани ҳуқуқбузарликдан бошқа нарса эмас!
Аслида, энг ёмон жазо — эл назаридан қолиш! Шу маънода
отарчи давомли маданиятсизлиги, фаҳмсизлиги, тарбиясизлиги ва нодонлиги билан энг ёмон жазога ўзини умрбод маҳкум этди: ижтимоий тармоқнинг кўплаб билгир фойдаланувчилари отарчининг қилиғига қараб, асл башараси ҳақида аниқ тасаввурлар ҳосил бўлди.
Эътиборлиси, отарчининг нонни яримта қилиш борасида девоналарнинг ҳам оромини бузиб, ҳатто, бир қарашда жўгиларга ҳам “маҳорат дарс”идай кўрингувчи шармандалиги — тўплаётган тангаларини, Ўзбекистон халқ шоири устоз Усмон Азим “Меҳрибонлик уйи”га инъом этишини маълум қилган (шу ўринда таъкидлаш жоизки, шоиримиз биз, гувоҳ бўлган кўплаб хайрияларда кишибилмас қатнашиб, ташаббус кўрсатиб, одамларнинг жонига ора кириб, хорижда амалиёт ўтказишдан ўзга чораси қолмаган беморларга молиявий кўмак бериб келаётир. (Бу маълумотни ошкор қилганим учун устоздан узр сўрайман).
Отарчига мамлакатимиз бедарвоза эмаслигини эслатиб ҳамда келгусида миллат ойдинларига нисбатан бундай ножўя муносабат такрорланмаслигини назарда тутиб, қонунга мувофиқ таъзир қўллаш лозим ва отарчи қилмиши учун видеомурожаат тарзида (омма назарида) атоқли шоирдан узр сўраши керак!
Ўзбекистон Республикаси Президентининг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси (А.Абдувахитов), Ўзбекистон Республикаси Адлия вазирлиги (Р.Давлетов), Ўзбекистон Республикаси маданият вазирлиги (О.Назарбеков), Республика маънавият ва маърифат маркази (М.Ҳожимаматов), Ўзбекистон Ёзувчилар уюшмаси (С.Саидов) каби ўзбек жамиятида маданият, санъат ва адабиётга дохил давлат ва нодавлат ташкилотлари ва мутасадди раҳбарлари мазкур ҳолат бўйича тегишли чора-тадбирларни амалга ошириб, ўтган-қайтган ҳар қандай дайди, миллатнинг ойдинларига тош отолмаслигини таъминлашлари шарт.
Яна бир гап. Ҳомер давридан бери ўзгармай келаётган шундай алфоз бор: “Шоирлар билан курашган одам барибир енгилади!”.
@Alibek_Anvariy
Янги таҳрирдаги Конституциямизда "фуқаро" атамаси ўзгарадими ёки йўқ?
Бугун Конституциявий комиссиянинг навбатдаги йиғилиши бўлиб ўтгани ҳақида хабарлар берилди. Кузатишларимизча, Бош қонунимизни халқаро меъёрларга мослаш, глобал дунёда шаклланаётган қадриятларга уйқаш ҳолда шакллантириш борасида баъзи ишлар қилинаётир. Бу, яхши. Бироқ ушбу қонун, аввало, миллий жамиятимиз манфаатларини кўзлаб қайта кўрилмоқда, деб мен ишониб қоламан.
Аммо ҳозиргача комиссия аъзолари айтаётган мулоҳазалар орасида миллий ўзликка тегишли ёки яна очиқроқ айтганда, колониал асоратларни ислоҳ қилишга оид қарашлар жуда кам.
Масалан, ОАВда ижтимоий тармоқларда мутахассислар, зиёлилар "фуқаро" атамасини ўзгартириш ҳақида бир неча йиллардан буён бонг уради.
Ҳурматли комиссиямиз аъзолари эса, Акмал ака жўрлигида ҳар икки гапининг бирида "фуқаро" дейишдан чарчамайди.
Зиёлиларимиз кўплик шаклидаги арабча бу сўзни шундай шарҳлашади: унинг бирлиги фақир, бировнинг ҳисобига яшайдиган, бир кунлик емишини ҳам топа олмайдиган шахс маъносини беради. Биз қанчалик уринмайлик, шарҳу изоҳлар ёзмайлик, дунёга кенг ёйилган тиллардан бири араб тилида унинг луғавий маъноси ўзгаргани йўқ.
Бу ҳолат биздек дунёга дарс бериб келган миллат учун кечирилмас хато ва уни тўғрилаш керак, деб ёзғиришади зиёли шўрликлар.
Акмал акам эса ҳаммамизни фуқародан олиб, фуқарога солишдан чарчамайди. 100 та чет тилини билсанг ҳам, ҳатто дунёда атиги бир-иккита закий олимгина шарҳ ёзишга қимтинибгина журъат қила олган Жеймс Жойсга саҳифалаб шарҳ ёзган бўлсанг-да, бошқаларни ҳам, айниқса, мутахассисларни ҳам бир эшит, дейдиган мард йўқ...
P/S: Комиссия аъзолари ушбу мулоҳазага эътибор қилса яхши бўларди. Бу борада ЎзФА қошидаги Тил ва адабиёт институти, Шарқшунослик институти ва бошқа соҳага дахлдор илмий доиралар билан кенгашиш фойдадан ҳоли бўлмайди, бизнингча.
Ушбу тушунча бугун ён қўшниларимиз қозоқларда "азамат", қирғизларда "ёрон", туркманларда "раият"деб аталгани ҳолда, бизда қайсидир "ақлли"нинг гапи билан камситиш маъносини ташувчи сўз қўлланиб келинмоқда.
@platformauzb
***
Botayotgan kunga
qaramoq o‘gir.
So‘ngan haqiqatga
qarab jilmayish,
“yaxshi xizmat qilding,
buguncha xayr”,
deb kunga alvido aytmoq —
azobli.
Bugunning
qaytmasligini o‘ylasang,
o‘ylasang
bir kundan keyin ham senga
hech kim
haqiqatni aytmasligini...
Ketayotgan kunga
qanday qaraysan!?
Nega ojizlarga
ojizligingni
ko‘rmoqlikka imkon bergansan,
quyosh?!
Jizg‘anak bo‘layotgan
ufqqa qarab
miyig‘ida kular
iztirob...
©Suhrob ZIYO
@suhrob_ziyo1
Qutlov!
Husan Maqsud – 1991-yili 2-iyunda Buxoro viloyatining Olot tumanida tug‘ilgan. Toshkent davlat pedagogika universitetining o‘zbek tili va adabiyoti fakultetini bitirgan. O‘zbekiston Yozuvchilar uyushmasi tomonidan “Komillik istagi” nomli kitobi chop qilingan.
TUG‘ILGAN KUNIMDA
Umr – yoydan uchgan o‘qqa o‘xshaydi,
Yigirma sakkiz bor yoyni tortdim men.
Gohida topganim yo‘qqa o‘xshadi,
Gohida mo‘ljallab oyni otdim men.
Katta nishonlarni ko‘zlab qo‘ygandim,
Negadir hammasi zumda yo‘qoldi.
O‘zing ayt, qaygacha yetadi sabrim,
Rabbim, sadog‘imda qancha o‘q qoldi?
BETOBLIKDAGI O‘YLAR
Issiq jon emasmi, kutmagan payting
Og‘riq zabt etadi butun tanangni.
Bosh qo‘yib bolishga turolmay qaytib
Yodingga olasan faqat onangni.
Ammo xavotirga tushmasin deb u,
Qancha darding bo‘lsa, ichga yutasan.
Xasta ko‘zlaringga kelmaydi uyqu –
Kimnidir, baribir intiq kutasan…
Yolg‘izlik qaynatar battar bu qonni,
(Mehr kutar ekan odamzod doim).
O‘zing ijaraga bergan shu jonni
Ijara uylarda olma, Xudoyim.
* * *
Ikkiga ajratding qora sochingni,
Bir yon Amu bo‘ldi, bir yon Sirdaryo.
Ushbu nahrlarga tikkanicha ko‘z
Xayol surib turar mo‘ysafid dunyo.
Asta upa surtding nafis yuzingga,
(Yuz emas, jannatiy ikkita makon)
Movarounnahr – birining nomi,
Biri nurli manzil – go‘zal Xuroson.
Sening ko‘zingdagi gavhar emas, yo‘q,
Ikkita yulduzdir – so‘nmas, charog‘on.
Agar Zuhro desa birin munajjim,
Yana biri so‘zsiz atalgay Cho‘lpon…
Chashming yulduz bo‘lsa, qora qoshing – oy –
Azon aytgan balki ko‘z tikib Bilol.
Hech zamon osmonda turganmi yovuq
Bir-biriga o‘xshash ikkita hilol?
Sen hozir dunyoning bir chekkasida…
Men ham bir chetini etganman ishg‘ol.
Tobora uzoqlab bormoqda, qara
Bizning yuragimiz – yap-yakkash Orol
@yoshlikjurnali
yoshlikjurnali.uz
Urush yillari Fransiyani bosib olgan nemis fashistlari mashhur rassom Pikassoning ustaxonasiga tez-tez kirib turishardi. Musavvir ularga o‘zining bitta asaridan olingan fotonusxani “Esdalik uchun” deya imzo qo‘yib, tuhfa etaverardi. Unda Ispan qishlog‘ining fashistlar tomonidan yakson qilinishi tasvirlangan edi.
Kunlardan bir kun ustaxonaga Gestapo agenti kirib keladi va sumkasidan o‘sha fotonusxani jahl bilan olib, rassomga ko‘rsatadi:
– Bu sizning ishingizmi?
– Yo‘q, bu sizlarning ishingiz! – deb javob qiladi rassom.
Shodmon OTABEK tarjimasi.
Manba: oyina.uz
@suhrob_ziyo1
#25май — Ўзбекистон мактабларида "Сўнгги қўнғироқ" куни.
КАТТА ТАНАФФУСЛАР
Менинг ибтидоий муҳаббатимдан
Кулма, қўзғолмасин дард-афсусларим.
Сенинг қўлларингга термулиб ўтди
Энг узун - энг қисқа танаффусларим.
Рўмолча тўқийсан. Иккимиз жиммиз,
Мактаб ҳовлисида - ҳайқириқ, шовқин.
Бизлар бир-бировга аслида киммиз?
Йироқ ҳам кетмаймиз, келмаймиз яқин.
Қалбимда бир синф боладек сўзлар -
Сиқилиб ётади бағримни тилиб.
Умид қўнғироғин чалса бу кўзлар,
Бари ташқарига чиқса отилиб.
Синфга навбатчи кирар: - Ана, боғ,
Боринглар, чиқинглар. -
Қовоғин уяр.
Боғда аламзада рақибим шу чоғ
Шафтоли шохини синдириб қўяр.
Аммо рашк қилгулик ҳолат йўқ бунда,
Юракда ғимирлар, чиқмас сўзларим.
Сенинг рўмолчангга термулиб ўтди
Энг узун - энг қисқа танаффусларим.
Кўникдим: учинчи соатдан кейин
Катта танаффусга бўлар қўнғироқ...
Тириклик дарслари бунчалар қийин,
Ҳижрон танаффуси бунчалар узоқ!
Бизларни ҳайдади Вақт - навбатчи,
- Чиқинглар! - деди у турткилаб кифтга.
Энди сукут учун бўлса ҳам айт-чи,
Қайтиб кирамизми ўша синфга!
Йўқ, сукут кетмайди, ниятим барҳақ,
Мен ошкор этаман қайтмай шахтимдан:
Майли, кимдир кулсин, кулсин бутун халқ
Менинг ибтидоий муҳаббатимдан.
То ҳаёт синфидан олиб кетмай бош,
Сўнгги танаффусга чиқмай айтайин:
Мени яхши кўрардим, сени синфдош,
Мени яхши кўраман сени, Ватаним!
Шеърим парвоз қилсин, сўзларим учсин
Юртимнинг ҳаётбахш шамолларида.
Сен эса рўмолча тўқийвер маҳзун
Умрбод Мирзонинг хаёлларида.
О, менинг илк дардим, илк афсусларим,
Энг узун - энг қисқа танаффусларим!
✍Мирзо Кенжабек
@sherSehri
#tanlov_tahlil
Ishtirokchi №2️⃣
Muallif: Nargiza Matqurbanova
Maqola👇🏻
"Men dunyoni sharh etsam ham,
Baribir tushunmaysiz... "
Ovoz berish uchun👍🏻ni bosing
#tanlov_audio
Ishtirokchi №3️⃣
Goh oshiqqa o'xshaymiz,
goh beyorga o'xshaymiz..
🎙Maftuna Abdullayeva
Men taniydigan bir devona haqida
U go‘dakka o‘xshar - sodda, anoyi,
Ertaklar tinglaydi, tushlar ko‘radi.
Boladay bir shirin so‘zning gadoyi,
Aldanib yuradi.
Qumdan qasr qurib, boqar yuksakka,
Keyin baxt haqida baxtliday kuylar.
U go‘dakka o‘xshar, yetim go‘dakka
Ko‘chadan o‘tganni “otam” deb o‘ylar.
©S.Z.
@suhrob_ziyo1
#tanlov_tahlil
Ishtirokchi №1️⃣
Muallif: Guljahon Rayhonova
Maqola👉 "Ko'ngil odami"
Ovoz berish👇🏻
Мени мамлакатнинг қашшоқлигидан ҳам кўра, оналар савияси хароблиги кўпроқ қайғуга солади. Давлатдаги йўқчилик тўғри ислоҳотлар билан ўзгариши мумкин, аммо оналар тафаккурининг торайиши, торайтирилиши келажак борасидаги умидларни ҳам ўлдиради, бундай йўқотишларни тўғрилаб бўлмайди кейин.
Физика-математика фанлари бўйича жуда ёш илмий иш (PhD) ёқлаган қиз билан Миллий кутубхонада танишгандик. Фикрлаши, илми ва ғайратига ҳавасим келарди. Эрга теккач, қайнонаси шу пайтгача мавжуд физиканинг мукаммал ишланган тортишиш қонунларидан ғолиб келди. Меҳмондорчиликка исталган пайтда бориш учун келинни аввал докторлик қилишдан қайтарди, кейин бутунлай фандан “совитди”.
“Мен ҳам қуда-андалиман, орзу-ҳаваслиман, ёлғиз юрайми?” деб бир олиманинг умрини хазон қилган она–қайноналардан бир ўзбек ўлароқ уяламан. Куни кеча собиқ “олима”ни Чорсу бозорида кўриб қолдим, зўрға танидим, қайнонасига ўхшаб қолибди – семирган, тиллага бурканган, секин одимлайди, эснайди... Кўзлар шишган, юзидан нури қочибди, унинг чиройи ягона – илмда эди. Аввал бу кўзлар чироқсиз хонани чароғон этадиган даражада ёруғ эди, қадамлари шиддатли эди.
Чин орзу-ҳавас – илмли қиз ўстириш, илмли келин олиш ва уни қўллаш билан ўлчаниши керак, бу қайнонанинг ватан учун улуғ хизматидир. Бундай оналаримиз ҳам кўп.
Жавлон Жовлиев
@javlonjovliyev
Футболдан ҳам юқори туйғулар бор дунёда…
@xayrulla_hamidov
Agar ziyolilar maydondan chetlashsa, xalqning kuni "kinnachilarga" qoladi.
©
@suhrob_ziyo1
Йўлларда кўп менинг гумоним,
Кетарсан, ичимда фиғоним.
Олти ой ўтгач, сўнг келмасанг,
Болангга не дейин, султоним?
Эркин Бозоров ижросида!
📺 "Қақнус"
👉🏻 @mm_telekanal
Andishaning oti qo‘rqoq emas – Shodmonqul Salomdan Sanjayga salom
Ustoz shoirni, adabiyotimizning bugungi kundagi tirik bir xazinasini har ko‘ringan kimsa tahqirlashiga indamay qarab turish, bizning ma’naviy inqirozimizdir.
O'z: https://oyina.uz/uz/article/875
Ўз: https://oyina.uz/kiril/article/874
📲 Kanalga ulanish: @oyina_portali
Бошингда хоҳи мақтов,
хоҳ таъна-маломат бор,
Ҳозир бўл, қиёматдан
ҳар лаҳза аломат бор,
Олдингда сўнг нафас бор,
қабр бор, қиёмат бор,
Раббинг раҳм айласин,
иймонда саломат бор! –
Замин бўлдинг, на бўлдинг;
осмон бўлдинг, на бўлдинг?
Ҳазин бўлдинг, на бўлдинг;
шодмон бўлдинг, на бўлдинг?
✍Фақирий-Шаҳрисабзий шеъри.
📝Устоз Мирзо Кенжабек таржимаси.
🎙Суҳроб Зиё ўқиди.
Hayot shunda,
mamot shunda tutashgan,
Ayting, qayerga ham
borardik boshqa...
©Raj Kapur, “Mening ismim masxaraboz” filmidan
@suhrob_ziyo1
BOLA
Uning bo‘yi kichik edi,
Uning tili chuchuk edi.
O‘ynagani quvlashmachoq,
Quvlagani kuchuk edi.
Kuni bilan to‘p tepardi,
To‘p tepsa ham xo‘p tepardi.
Hammadanam ko‘p yiqilib,
Hammadanam ko‘p tepardi.
Katta bo‘ldi kichiklar ham,
Burro bo‘ldi chuchuklar ham.
O‘z inidan uzoqlarga
Ketib qoldi kuchuklar ham.
Tuproq yo‘llar chag‘ir bo‘ldi,
To‘plar ham tosh bag‘ir bo‘ldi.
Bu yo‘llarda tizzalar ham
Yuraklar ham yag‘ir bo‘ldi.
Endi yillar sovriladi,
U to‘plarni sog‘inadi.
Hammadanam ko‘p sevinib,
Hammadan ko‘p og‘rinadi.
S.Z.
@suhrob_ziyo1
#menimcha
IT emas, AT!
IT. O'zbek tilida so'nggi 5 yilda keng qo'llana boshlangan bu qisqartma so'z inglizchadan olingan "information technology" atamasining bosh harflaridan olingan.
Lekin haqiqiy o'zbek IT haqida matn ichida o'qib qolsa, kuchukning texnologiyaga nima aloqasi bor, deb o'ylashiga to'la haqqi bor.
Nega desangiz, I va T harflarini biz "it" deb o'qishimiz shart va bu to'gri. "Ayti" deb talaffuz qilish ingliz tilida to'gri bo'ladi.
Shunda bizda bu xatoni tuzatishimiz uchun ikki yo'l bor:
1. o'zbek tiliga "ayti" degan so'zni kiritish va unga "informatsion yoki axborot texnologiyalari degan atamani aytishga eringani uchun o'zbek tiliga kiritilgan hech bir tilda uchramaydigan so'z" deb ta'rif berish.
2. Bu atamaning o'zbekcha shakli "axborot texnologiyalari" va uning qisqartmasi "AT"ni qo'llash.
Suhrob ZIYO
@suhrob_ziyo1
BUGUNNING SHE'RI!
Muhammad Saloh
Futbol kimga ermak, kimga tiriklik,
Kimga shon, kimga non, kimgadir xatar.
Kimgadir gol nasib, kimga sheriklik,
Maydonga tushasan: “Ollohu Akbar”.
Tumanli yurt qalqar, dunyo qalqadi,
Misr faxr tuyar shuhrating bilan.
Islom yaloviday yashil maydonni
Larzaga solasan shiddating bilan.
Hali to'p tepadi Messi, Ronaldu,
Bir yulduz so'nmayin porlar yangisi.
Sendan ham bir kun davr o'tar fursat bor,
“Qizillar”ning muslim jangchisi.
Hozircha to'pni ol, olg'a yur, tamom!
Klopp* nigohida ayon zardasi.
Sho'rlik Yevropaning fanatlariga
Ko'rsat musulmonning asl zarbasin.
Dunyo qon kechadi Islom yerinda,
Dunyoni uyg'otgan mo'minlar mudroq.
Musulmon “terrorist”, musulmon “qotil”,
Inson qonin to'kkan johillar “oppoq”.
Ular ko'rib qo'ysin, shahvatga botgan
Haris nigohlarning orasida, oh,
Olloh zikri ila to'p surib yurar
Muhammad ummati - Muhammad Saloh.
Men - turkiy, maydonga tushsa millatim,
Uning zafarini kutarman doim.
Muslim birodarim, ammo nailoj,
Futbolni ko'p ko'rgan bizga Xudoyim.
Bir paytlar dunyoning to'rt burchagidan
Zafarlar keltirgan yovqur erlarni
Manfur maydonlarda to'pday teparlar,
Bizlar tomoshabin bo'lib turarmiz.
Turkiyman, qonimda bosiq qaldiroq,
Bu maydon meni ham ko'rsin niyatim,
Mening ham ko'ksimda salohlarim bor,
Mening ham bor asriy salohiyatim.
Sadio* to'p so'rar o'z qanotida,
Uzat, birodaring qo'llaydi, illo.
Zarba!
Gol!
Hayqirar dunyo ortingdan,
Sen sajda qilasan: “Alhamdulilloh”.
Qismating shu to’p va shu yashil gilam,
Eng halol o’yinni qo'ysinlar ko'rib.
Yevropani zabt et iymoning bilan
Sulton Salohiddin Ayubiy* bo'lib.
© Suhrob Ziyo
@suhrob_ziyo1
Baxt haqida yozish quyosh nurlarini qog‘ozda tasvirlashga o‘xshaydi.
🎥"Dushanbagacha bir gap bo‘lar" filmidan.
@suhrob_ziyo1
