9766
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
⬛️◾️القصيدة-8-◾️⬛️
يا صاحبَ الأمرِ ألآ تَظهَر ُ !
حتىٰ مَ يابنَ فاطمٍ تَصبـِر ُ؟
أما عَلِمت َ أنَّ أعداءَكُم
ضِلعاً مِـنَ الزهرآء ِقد كَسّـرُوا
يومَ أَتَوها وهي َفي دارِها
بِـبابِها وآ أسَفاً تُعصَـر ُ
وُمحسِـن ٌ يَسقُطُ من ضَربِهِم
وخَدُّها من لَطمِهِم أحمَر ُ
أ هٰكذا ترضىٰ بهذا وما
يُهيجُ آلآماً لك َ المنظر ُ !
قد غُصِبَت وأُوذِيَت سيدي
وحَـقَّها جَهراً لـهُ أنكرُوا
ولم تَزَل ْمَهضُومَةً تَشتكي
و غَوثُها مُـكَـتَّـف ٌ حيدر ُ
فأسرَعَ الموت ُ لها حينَها
أَوصَت علياً عنهُ لا يُخبـِر ُ
ودَفنَها والنعش َفي خِفيةٍ
وظالميّها فيهِ لا يحضَروا
فَشُيِِّـعَت سِـراً بليل ِ الأسىٰ
و زينَب ٌ ويلآه ُ تَـستَعبـِر ُ
#سمير_الصالحي
#النجف_الأشرف
🏴 نعي مجردات متنوع عن لسان حال العقيلة ع
1-
من نومهه فزت تنادي
والدمع مثل المطر غادي
يمه انفطر عگبچ افادي
2-
مرعوبه فزت والدمع سال
والنوح منهه يصدع الاجبال
تندب يزهره عايني الحال
فراگچ علي يايمه شو طال
3-
يازهره وينچ زينب آني
چم دوب يمه اصبر واتاني
منچ فلا طارش إجاني
مليت المعاتب تراني
فراگچ مرد چبدي وعماني
🏴 أبوذية
فراگچ لا ولا لحظه عليّ هان
تسيل عيوني وآنه الطم علي هان
يشايل نعش والدتي علي هان
اريد احضنهه بويه بين اديه
#سمير_الصالحي
#النجف_الأشرف
لفراق الاحبه
هذا الموبدينه تركناهم وجينه
ولا چنه بالگبور تركنه أنجوم وبدور
أعزاز شگد علينه تركناهم وجينه
★★★★★
مهضومين متأزم وضعنه
من كاس الصبر حنظل جرعنه
نهل اتراب لو نمسح دمعنه
يمهم ريت صرنه ولا رجعنه
رجعنه بدمع مسفوح جروح تفزز جروح
المثلهم ما لگينه تركناهم وجينه
★★★★★
مجروحين رَدَّينه للبيوت
ورَدَّينَه بحزن فارغ التابوت
تركنه الما تركهم من اجه الموت
بوگات المنيه تصير بسكوت
چنهم مايردَّون خَلَّص ماي العيون
اشگد صحنه وبچينه تركناهم وجينه
★★★★★
تركناهم وجينه بگلب مكسور
تركناهم يروحي بذيچ الگبور
على جروحي النوايب ظلت ادَّور
چن طول العمر ايامي عاشور
رجعنه بدمع هَمَّال نار وحزن چتَّال
شگد يمهم بقينه تركناهم وجينه
★★★★★
شيردهم علينه بعد الِحنان
عفناهم ولا عافتنه الاحزان
ظلت بس صورهم على الحيطان
چن ماعشنه ذاك الوكت لا چان
ضمهم حيف التراب علينه اصبحوا غياب
القهر شمسوي بينه تركناهم وجينه
★★★★★
عفناهم وجينه الوحشه الدار
ما توصل بعد من عدهم اخبار
بس عيونه على الصور تندار
ظلت يا حسافه الصور تذكار
وسط الگلب نيران ردينه بالاحزان
وبالدار الحزينه تركناهم وجينه
الشاعر حسن لعيبي الحريشاوي
وحگ أثنين وثلاثه وتسعه
الارض متشيل حبي الهم وتسعه
الرضاهم تنتهض روحي وتسعه
اهل البيت سادات البريه
الشاعر حسن لعيبي الحريشاوي
#قصائد_في_خدمة_الخطباء
#ربيع_الثاني_١٤٤٨
#الليالي_الفاطمية
تصوير شعري بين مولاتي فاطمة وسيد الشهداء صلوات الله وسلامه عليهما..
(وزن الطويل)
دمعتك يابني أذتني .. أكثر من أذى المسمار
عيونك ليش اشوفنها .. تصد ليه ولباب الدار
١/تگرب بالعجل ليها .. وگعد يمها إبنها حسين
گلها يمه عذريني .. لو أذاچ دمع العين
أنا كلما أصد للباب .. تصير انفاسي كُلها وْنين
بعده الدّم عَلى چفوفچ .. وبعدها بْضلعچ الآثار
٢/گالت واحد البسمار .. البي ضلعي غدا مكسور
لكن عشره خيّاله .. تِكَسْر ضْلوعك بعاشور!
اليوم الدّم عَلى چفوفي .. وباچر خنصرك مبتور!
إمسح دمعِتَك يحسين .. تراها بصدريِ تْشِبْ نار
٣/گلها الجفن أحمر ليش .. گالت آه يالمنحر!
گلها العين ملطومه .. گالت ويلي عالخِدَّر!
گلها مْصابچ شكُبره!! .. گالتله السّبي أكبر!!
مثل عيني اللي تبچي اليوم .. تِصُب عين العقيله اعبار
#عظم_الله_اجوركم ◾️
فاطمة علي رزق
اسألكم الدعاء
ألشجرة الزيتونه المزدهره
گطعو منعدها أجمل زهره
طفو نور و بدّو زيت
وأظلم صاير أعظم بيت
بيت ألعتره ........بيت العتره
➖➖➖➖➖➖➖➖➖➖➖✍️
إللا شرقيه و لا غربيه و كلها أنوار
شجرة در و تحمل بِر و بيها أسرار
والتنبت في أقدس حضره وأطهر دار
والتفطم كلمن و الاها من النار
المزروعه على ابساط القدره
گطعو منعدها أجمل زهره
وشينفع بعد اليا ليت
و أظلم صاير أعظم بيت
بيت ألعتره ........بيت العتره
➖➖➖➖➖➖➖➖➖➖➖✍️
علّة هذا الكون و علّة كل موجود
للزهراء الفضل الاول كله يعود
من إيديها فيض الرحمه و كل الجود
سر الباري بنت الأحمد و المحمود
بيها الباري جاعل سره
گطعو منعدها أجمل زهره
سبحانك يا سر أخفيت
و أظلم صاير أعظم بيت
بيت ألعتره ........بيت العتره
➖➖➖➖➖➖➖➖➖➖➖✍️
يا تفاحة جنه و روحچ سر الله
ولأ قرب خلقه و أتقاهم قد أوحاه
اي بس أحمد يعرف سرچ ما معناه
وبس حیدر چي لحم الهادي و نفس دماه
يا ريحانة طه و عمره
گطعو منعدها أجمل زهره
يفداچ الكلشي ياريت
وأظلم صاير أعظم بيت
بيت ألعتره ........بيت العتره
➖➖➖➖➖➖➖➖➖➖➖✍️
يا زهراء الكون بأسره يتمتيه
منچ أبصر نوره وأنتي النور البيه
گلبه اتوقف ما یستوعب ودعتيه
بس الاعظم گلب أبنيتچ ذوبتيه
تنادي إعليج بدمعه وحسره
گطعو منعدها أجمل زهره
يايمه خلافچ ضلّيت
وأظلم صاير أعظم بيت
بيت ألعتره ........بيت العتره
➖➖➖➖➖➖➖➖➖➖➖✍️
يا ريحانة باري و أصلچ سر مكنون
حيدر حقه صبره آعليج یقل و یهون
ماتکفي لأجلچ دمعاته یبچي عیون
وخايف عگبچ عمره يطول يخلصه شلون
بمملكته بدونچ شیصبره
گطعو منعدها أجمل زهره
وياه يم گبرچ ونيت
وأظلم صاير أعظم بيت
بيت ألعتره ........بيت العتره
➖➖➖➖➖➖➖➖➖➖➖✍️
زينب آنه و گلبي لأجلچ حن وذاب
ماتت روحي وكل أحلامي خلف الباب
البسمار ابصدرچ مدري گلبي نصاب
بس راح انوثق للمهدي نص إعتاب
يا أخر أوراق الشجره
گطعو منعدها أجمل زهره
يمته أسمع لأمك هديت
وأظلم صاير أعظم بيت
بيت ألعتره ........بيت العتره
➖➖➖➖➖➖➖➖➖➖➖✍️
يهدى ثواب هذه الكلمات
الى روح خادمة الزهراءع
أختي أم كرار وإلى أرواح
المؤمنين عامةً مع الفاتحه
✨️والصلوات✨️
شاعرها
جهاد ألبصيراوي
#فاطمة_صديقة_شهيدة
يا حادي ظعن الصبر دَرْب الصَّبُـر ناحِبـه
والـعُمُر خَـلْصان سـاعه وْيِـنگـضي ناحِبـه
چِنّــه نِـحِـبِّ الـفرح صِـرنه الـحِزِن ناحِبه
و الـمُـهَج بالـنوح والهَمْ والـنوايب حَـسَن
مـا يـوم فِـعْل الـدَّهَر وَيّـانه أصـبح حَسَن
نـاديت مِـن لـوعتي يـا وَسْـفه أم الـحَسَن
كِـسرَوْا ضلعها و بُگَت طول العمر نـاحِبه
١-ناحبه: أنحو به، انحو من نحا الشيء بمعنى قصده
٢-ناحبه : من انقضاء النحب بمعنى الموت
٣-ناحبه : أصلها نُحِبُّه أي نودّه
٤-حسن: مخففة حسَّسْنَ، بمعنى الشعور
٥-حسن : خِلاف السيء
٦-حسن : أردت بأم الحسن السيدة فاطمة الزهراء(ع)
٧- ناحبه : من النحيب و هو البكاء الشديد
#جابر_الكاظمي
#موال_
#فاطمة_صديقة_شهيدة
المصـايب فَـرْهِدَتْ عگلي وَيَه الباب
و نِسَجْـتِ امْن الحزن ثوبـي وَيَلْباب
الـوديعة احْتِمَتْ بالحايط ويَه الباب
و سِـقَط مـنها الـحَمِـلْ أوّل ضـحيّة
#جابر_الكاظمي
#ابوذية_
رثاء استشهاد الزهراء ع السلام
خادمكم عبدالهادي العريفاوي
يجري دمعج يالبتول الطاهره
وسفه وضلوعج يزهره مكسره
---------‐----------------‐--
يجري دمعج والدمع يترك اثر
ونتي بت المصطفى خير البشر
بضلعج البسمار يطينه الخبر
خلي يدري بهل مصيبه المادره
-‐--‐---------------‐-----
انتي نور الله وكتابه اعله الأرض
طاعته مولاتي عالدنيه فرض
ويلي والبسمار بضلوعي يرض
ونتي مهظومة كلب ومحيره
-----------------------------
ليلة اوداع الزجيه ويه الأهل
يعينك الله ياعلي خير العمل
والزجيه الليله يدناها الأجل
ليلة اوداع الزجيه الصابره
--------------‐---‐-----------
ليله صعبه العايله اتهل الدمع
ونتي يازهراء مكسورة ضلع
لعنة الله اعله الأجه بذاك الجمع
مو صحابه الزمره طلعت كافره
--‐---------------------------------
ويلي اطفالج اجوا كعدوا سوه
يالزجيه وانتي سورة قل هو
والحسن وحسين دلاله التوه
عفيه صبره البيده قالع خيبره
‐----------------------------
ياحسافه وضدكم يدور الزمن
رضوا ضلوعج حقد يم الحسن
من سبب هالزمره عباد الوثن
زمره طلعت بالمواقف كافره
--------------------------
سولفت وي زينب بحسره والم
بالطفوف بنيتي ماعندج خيم
والكفيل اعله النهر راعي العلم
والجثث بالطف يويلي مطشره
---------------------------
والمصيبه بليلة الحادي عشر
كبالج حسينج يكطعون النحر
يمه لرض الشام لو رحتي بسفر
ومن عكب اهلج مشيتي اميسره
-----‐-------
يمه يا زينب وصيتي كبل لا تكرب منيتي
لمن يجي حيدر ما يكدرخدي ينضره
غطينــي بالشيله وكليله أمي امسافره
.............................................
يا ضوه اعيوني وحياتي وحلم عمري
أتقربي وخلينـــي اضمج فوك صدري
آنه صح مكسور ضلعي وحتى ظهري
ردت آخذ صوغه عطرج لحـد كبري
زحمه اطب الكبري يمه بهذا عطري
خوفي لا حيدر يشمني وشنهو عذري
يمه والدخان بيه طابع ويمسح بديه
من أحترك بابي ..بحجابي..ضل طابع أثر
والخاطر العفه..أهو وفه..او وياي انعصر
عفتي أحجابي وهويتي
يمه يا زينب وصيتي
......................................................
يمه يا زينب أوصيج ابوصيــــه
من يجي حيدر تعالي لزمي اديـه
وبعد كليله الجره والصار بيـــــه
ولا تكليله أعله خدي وهاي هيـه
خوفي من ايشوفني يوكع عليـــه
علي من يدفن علي انعوفج سويه
أثنينه ألله خلقنــــه عافيه ونمطر محنه
نشهك نفس واحـد والشاهد حب المصطفى
تاريخ ابو الحمله عليه صلى وبفراشه غفه
وفاطمة كله بحميتي
يمه يا زينب وصيتي
....................................................
ال وأن يا يمه بالــــج يدري بيها
حيدر ابروحــه الوصية مشتريها
فاطمة كليلة من هجموا عليها
يا علـي صاحت دخيلك ما تجيها
أمــــي خلف الباب والنار أبأديها
طاحت وضل يابس بخدها بجيها
ولا تكليله اعله خدي لحد ما يضهر المهدي
بيمينه فقاره وبثاره يرجع حكــــــــــي الي
شما طالت المده وحك جده ابو الحمله علي
يضهر ويبنيلي بيتي
يمه يا زينب وصيتي
.......................................................
يمه زينب نشفــــي دمعج يالحنينه
وكومي شوفي والـــدج يايمه وينه
وصلت النار الحجرنه ومــا يجينه
هــــذا مو من طبعه الا محاوطينه
يمه آنه أشتم علــــي واسمع ونينه
يمه أي يمه هـــــــــــذاك امكيدينه
بالحبل يا يمه شفته مجتف ويهمل دمعته
أسمع صده الحسره وبصدره يمه مختنك
معقوله أنه حيدر أسد خيبر بيتي يحترك
واعثر بميلة مشيتي
يمه يا زينب وصيتي
..................................................
يمه أوصيج اعله اخوتج يمه بعدي
فاتحة عاشور ضلعي ولون خـــدي
لو ذبح لـــــو سم حياة أولادي تبدي
يمه خل عينج بعينــــي وهذا وعدي
يمه لو شفتــــي الحسن يا يمه ردي
بالطشت دم جبده يوكـــع لا تصدي
دمعتج عازتها عازه بكربله تصبح جنازه
من الكفى احسينج ضــــي عينج يمه ينذبح
وهذا الدمع وكته يجي سكته يمه وما يصح
ذخر ضميه العزيتي
يمه يا زينب وصيتي
..........................................
خادم خدمة الحسين
الشاعر
محمد الموالي
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
هليله خيم الحزن والحزن ما أكبره
من بيتهه فاطم مشت والضلوع مكسره
مثلك منو شيع گبل زهرته للمگبره
حگك لون عينك تصب ع الزچيه من دمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
مصيبه ما الهه عزه ولا يكفيهه الحزن
ياصبر گلبك ع الهضم من فگد أم وابن
حيلك العالي يافحل هدمته كلمة وأن
وكل حيل ياحيدر علي هل الحچايه تهدمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
ياحسرتك يا لوعتك ياصبر وين الصبر
وي ام حسن عمرك مشه يا نفع بيه العمر
الله يعينك من شفت ضلع فاطم منكسر
روحك يروح الله صفت من بعدهه ميتمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
كلشي انتهه وي فاطمه المحاچي وعشرتك
وي كسر ضلع ام الحسن بينت ياكسرتك
زهرتك راحت ياعلي با الهضم يازهرتك
والعين مسطوره غصب والضلوع مهشمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
تستاهل يصب الدمع لم حسن يسوه الدمع
من عدهه متكسر جنب ياهضم مو بس ضلع
ماصايره عد الخلگ زهره معصوره بجذع
وثگيل يا باب الجذع فوگهه بغل أنرمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
صبرك جبير وع الارض جدم من عندك ثبت
انتهت با الهم عشرتك ياعلي بدفعه انتهت
المسمار ياحيدر علي بصدر فاطمتك نبت
هاي المصيبه ياعلي تنحب الهه أرض وسمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي
⬛️◾️القصيدة-6-◾️⬛️
هذا عليٌ دآئمُ الحسرات ِ
والقلب ُمنهُ يغصُ بالحُرُقات ِ
ولفقدِ فاطمةٍ ينوحُ بعبرةٍ
وتفيض ُ منهُ الروح ُ بالآهآت ِ
لهفي عليهِ يئِنُ عند َرَحيلِها
ودموعُهُ تجري علىٰ الوجَنات ِ
قتلُ البتولِ مصيبةٌ ورزيةٌ
وعليهِ كانت أعظمَ النكَبات ِ
ويصيحُ قلَّ الصبرُ بعدَ فراقِكِ
يازهرتي فلتسمعي أبياتي
{نفسي على زفراتِها محبوسةٌ
ياليتَها خرجَت مع الزفرآت ِ}
{لاخيرَ بعدَكِ في الحياةِ وإنما
أبكي مخافةَ أن تطولَ حياتي}
#سمير_الصالحي
#النجف_الأشرف
🏴تقول أسماء وقبل أن يعقد الأزار عليها ترك الغسل وجلس جانباً يبكي فقلت
سيدي أباالحسن :أنتم تعلموننا على الصبر .. فقال ياأسماء إن الصبر جميل ولكن لفراق فاطمة ليس بجميل ، لقد مرت يدي على ضلعها المكسور ..
وكأني به ع :-
معروف يااسماء صبري
والعجب شفته ويَ دهري
مو جازع والله اليدري
بس الشعبني وزاد قهري
مصاب الزچيه احنه ظهري
ونار الضلع بالگلب تسري
#سمير_الصالحي
#النجف_الأشرف
⬛️◾️القصيدة-7-◾️⬛️
إني أُسَلّي الروحَ بالأنّات ِ
والنعي َ أُصدِرُهُ مع الآهآت ِ
يافاطمٌ أبكي عليكِ بحُرقةٍ
والكونُ في كدرٍ علىٰ مأسآتي
وودتُ موتي حلّ حينَ تركتِني
ياليتها تدنو إليَّ وفاتي
لا صبرَ لي والحزنُ أرّقَ مضجعي
ودموعُ عيني أقرحت وجناتي
إني أسيرُ الهّمِ ملتَهِبُ الحشا
متسَهِدٌ ليلي وفي حسراتي
والشوقُ آلمني وها أنا بعدَكِ
أقضي نهاري ِ ساكباً عبراتي
كمَداً أنوحُ علىٰ فراقِكِ تارةً
وأبثُ أخرىٰ الشجوَ في أبياتي
{نفسي على زفراتِها محبوسةٌ
ياليتَها خرجَت مع الزفرآت ِ}
{لاخيرَ بعدَكِ في الحياةِ وإنما
أبكي مخافةَ أن تطولَ حياتي}
#سمير_الصالحي
#النجف_الأشرف
-------------
🏴نعي-مجردات
خلافچ عسه لاطال عمري
وابگيت أنه مهدوم صبري
دمعاتي عل الوجنات تجري
ومن رحتي والله انكسر ظهري
إلمن اعاتب واشچي قهري
والسبب عدوانچ ودهري
وهذه أيضاً ..
وحشه عليه وطافي البيت
ووياج موتي يصير ياريت
أبچي وأنوح عليچ ظليت
#سمير_الصالحي
#النجف_الأشرف
يرايد عسره لي يسره
عليك ابزينب الحوره
@@@
يمن متعثر ابحاجه
ودموعك سالت امواجه
وشفاءك يصعب اعلاجه
انخي ابنية الزهره
@@@
يهل گلبك خذاه الهم
فلا تحزن ولا تغتم
ابرفيعة شان لمعظم
دوه للمسته الضره
@@@
وحگ الكافل وچفه
الاجاها بنجدته اتسعفه
الينخي توگف ابصفه
ولا اتضره بعد عثره
@@@
الاجاءها بحاجته يسأل
على ام عون الصعب يسهل
ترده احسن امن اول
وجيهه وتملك القدره
@@@
وسيله الحوره معروفه
والى بابه موصوفه
الاجتها بكربه ملهوفه
تردها تالي مستره
@@@
المعنده امن الهظم چاره
ترى زينب لها شاره
تشن عالظالم الغاره
وحذاري امن الذي اتشوره
@@@
علي احمد الحمود
٢٨-٩-٢٠٢٦
نخوة العقيله ع
نشر جديد للفاطمية
قصيدة #تبكي_السماوات
كلمات #حسين_شعيب
صلّى عليكِ ربُّكِ يا فاطمُ الزهرا .. وذا النبيُّ والوصيُّ يبكيا جهرا..
.. تبكي السماوات ..في الفاطميّات
١/ مَن على العرشِ خُطَّ اْسمُها كي يُباهى
صارَ في الأرضِ يُحكى إذاً عن عزاها
فاطمٌ ذي علّّةُ التكوينِ والفتقِ ..
دونَها لم ينزلِ العدنانُ في الخلقِ ..
مثلُها بابُ الإلهِ سدرةُ الحقِّ ..
هل يُجازى بابُها بالضربِ والحرقِ ..
ببابها الكتابُ .. وللهِ الحجابُ
فكيفَ من خؤونٍ .. بنيرانٍ تُصابُ
يا للزمانِ الخائنِ دارَ على فاطمْ .. كفٌّ لإبليسَ لوجهِ الرحمةِ لاطمْ ..
خدُّ العُلا مات .. في الفاطميات
٢/ ليسَ في أيِّ دينٍ برأيِ الجُموعِ
للنبيِّ ابنةٌ تُجزى كسرَ الضلوعِ
غيرَ في إسلامِنا يا أيّها الناسُ
يَضرِبُ بنتَ النبيِّ الهادي أرجاسُ
كيفَ لا يهتزُّ عرشُ اللهِ والساسُ
كيفَ لم يغضبْ بصلبِ الوالي عباسُ
فويلَ من أذاها .. وبالسوطِ رماها
فكم دعت عليهم .. وكم بكت تُراها
غداً على الأعرافِ تشكو فاطمٌ شكوى
أكبادُ من آذوها في جهنمٍ تُكوى
لا تُطفى هيهات .. في الفاطميات
٣/ لم يزَل غامِداً سيفَهُ صنوُ أحمد
عجباً كيفَ في محنةِ الزهره يُغمَد
ذوالفقارٌ ناصرُ المظلومِ معلومه
كيفَ إن كانت بتولُ الوحيِ مظلومه
هل رأى الفقّارُ أمَّ السبطِ ملطومه؟
والجنينُ حوصِرَ والنارُ مضرومه؟
فكيفَ لم يُحرَّر .. وبالأعداءِ ينحَر
أأيضاً بالوصيّة .. كحيدرٍ تصبَّر
آهٍ على القرآنِ يثرباً ومكيّا
اْلتوراةُ والإنجيلُ حاكا صبرَ إيليّا
إصبِر على اللات .. في الفاطميات
٤/ في القوانينِ لا يحكمُ الناسَ ظالِم
كيفَ من يظلمُ فاطماً صارَ حاكم
بئسَ قومٍ قدّموا العتمَ على النورِ
أسّسوا وادي اللظى من جبلِ الطورِ
أضرموا النارَ على سيّدةِ الحورِ
وعلى ضلعٍ شكا للهِ مكسورِ
ف للهِ الشكايا .. الى يومِ المنايا
يدُ إبليسَ تعلو .. على خدِّ الولاية
ما أجرأ القومَ على الأضلاعِ رضّوها
تلكَ حدودُ اللهِ لكن قد تعدّوها
حدّاً لمشكاة .. في الفاطميات
شوف الوكت بيه اشلعب
ماميت الهسه اشعجب
انه علي جرحي كتب
****-*
كلهم اجو هجمو عله الدار
وبالباب ضلت تسعر النار
بضلع الزجيه نبت بسمار
وانه اعله محسن حيلي منهار
بالباب اعصروها. الزهره ما رعوها
صحت ام الحسن ليش. عالعين اسطروها
لزمت ضلعها امن الألم
وباب النبي متروسه دم
وحسين اصد حيله انهدم
****
مكسور ضلع الزهره مكسور
وبفراكها بعيني انطفه النور
انه علي ومن ابجي معذور
اليوم اعله حالي اتون الگبور
فاركت الحنينه. وحزنانه المدينة
انه وفاطمه اهواي. خانت كلها بينه
افراگ المشو ما ينحمل
دمعي يصب من انسأل
نار بكصب هيج اشتعل
****
كل ساع احس دمعي بالردان
وكل يوم اكضي الليل سهران
جوه الترب ضميت الحنان
وضهري انكسر من كثر الاحزان
خلصت هاي هيه. وانه اشباقي بيه
كل ساع اشتهي الموت. من بعد الزجيه
بصفها ردت احفر گبر
امشي نعم بس منكسر
فركاها شيبني اشكثر
**
ابجي عليها وحيل مهدوم
وعيوني ابد ما شافت النوم
شايل جبل گلبي امن الهموم
وكل يوم اصبر الروح كل يوم
ليش الفاركوني. راحو ما يجوني
نامو جوه التراب. وهالگد عذبوني
زين وبقه يدگ الكلب
ما وجدت حته الدرب
كوه الهوه بصدري يطب
**
وي فاطمه عشت اجمل ايام
جنت انسه يمها كل الآلام
جانت بديها اتوكل الأيتام
ومن الضلع ما جانت اتنام
عافتني الحبيبه. والراح شيجيبه
وبرموشي طلع شيب. من عظم المصيبه
يا فاطمه صرخ كمت
للفرگه ابد ما حسبت
يامه اسهرت وتحملت
*
تمت
تحسين الخفاجي
يافاطمه جرحچ كبر
وظلعچ تهشم ونكسر
من اثمنطعش حدالگبر
ماشفتي راحه من العمر
متعوبه فاطم ياتعب والنفس ظاع عليهه
الفوگاهه طايح چم جذع حاچيني شيظل بيهه
وبسمار احر من الجمربنص الگلب چاويهه
الباب بي نار واجاهه
اتصده ماتگدرلگاهه
ميته جوا طيحاهه
طيحت سمه طاحت تره
ماتدري شنهو الي جره
بصبرچ عجز حته الصبر
ماشفتي راحه من العمر
-------
الرحمتهه تشمل كل بشر بعظ البشرعادوهه
هجموعليهه ابكل حقد تموت ابقهر خلوهه
فوگ الحرگ فوگ العصر بسياطهم ظربوهه
من الرفس ماتت الزهره
وعله الخد طبعت السطره
مو ظلع منكسر عشره
محسنهه طاح عله الترب
يايمه والموقف صعب
وليدچ اجه بنار وجمر
ماشفتي راحه من العمر
---------
محتاجتج محتاجتچ من يبدي ضعن جروحي
من المدينه الكربله يا يمة تطلع روحي
لا اخو يبقى ولاخيم واشبگ نحر مذبوحي
باچر اركض بالصحاري
والخرابه تصير داري
تفوق نار الخيمه ناري
وحتار بس ياحيرتي
شمات تحرگ خيمتي
بحبال اديه تنعصر
ماشفتي راحه من العمر
--------
من بابچ الطف الجرح تمشي الزمن خلاهه
مچتوفه بحبال السبي وشچم شمر سباهه
وبالشام والسوگ اشكثر حادي الظعن فراهه
فوگ هزل تالي اصعد
ابغربه اموت وماكو احد
جرحي الكم بي يشهد
متشابهه اجروحچ الي
بس انه مايمي علي
الكاسرظلع خلف شمر
ماشفتي راحه من العمر
----------
ظعت ابوكت مابي رحم يايمه ظيعت گبرچ
المذبوح اخوهه ابكربله تطلب صبر من صبرچ
محنيه من امشي گمت والظهر يشبه ظهرچ
اثنينه يمه انكسرنه
اثنينه محني ظهرنه
اثنينه طحنه وعثرنه
بابچ جرح ماينحمل
ظلعچ جواب الينسئل
الماينصرچ ماله عذر
ماشفتي راحه من العمر
---------
سلام البهادلي
شني نفع العمر شنهي سنيني؟
يمه فكدج بالكلب جاويني
• • •
شنو نفع العمر مابي شوفتج
وحشه بعيوني اطبن حجرتج
حالي حال الظيم يمه بفركتج
فراك وجهج يمه يبجيني
• • •
لا هده گلبي ولا اشهگ نفس
يوم اليمرني يزيد عله الامس
ظلمه بغيابج ولا طلعت شمس
طول عمري احبيبتج تدريني
• • •
وياج يايمه عشت انه العمر
هسه بفراكج احس كلبي بجمر
غاليه وتدرين ما احمل هجر
ليل فكدج كوه ايعديني
• • •
يمه يالوعة دليلي وجمرتي
فركتج بالروح تسري وجبدتي
ابغيابج ما ابطل حسرتي
النوح يمه ابفركتج لاويني
• • •
شلون صوتج ما سمعه بالنزل؟
فراك وجهج يمه ابد ما ينحمل
هالحزن بالروح ما صدك يفل
شلون احمل فركتج حاجيني؟
• • •
امتحان لصبري بغيابج صفه
ونور عمري بروحتج يمه طفه
جرح فكدج بالكلب لا ما شفه
ما يبطل هالدمع من عيني
تمت بعون الله
✍️✍️الشاعره مريم العبوديه اسيرة الأحزان ام سكينه
أصحاب السقيفة. بأمر من الخليفة
حركوا دارها وكيدو وليها
يا ويلي عليها
صبوا كل حقدهم
.........................................
عمر الورد عمر الزهرة عافيتي عطرها
بسم الله نور الله جـــــــــل الباري سرها
سورة عفة والأ مــــــلاك مكنونة قدرها
قدسيتها نور النور شـــع وأبهر صورها
نور الهادي نور الزهرة معناه
عاشت كل صباها بحجره وياه
هــــذه أم أبيها يا ويلي عليها
صبوا كل حقدهم
...............................................
هجموا والحقد طوفان ناس بــلايا غيرة
واحدهم على الدينار أجـــه بايع ضميره
أباب الدار شب النار حيـــرة والله حيرة
عمت عين الزمان الخان باسياده وجبيره
يدرون بعلـــــي متوصي يا حيف
ومضمون الوصية الدرع والسيف
الكلوا خبزه أمن اديها ياويلي عليــــــــــــها
صبوا كل حقدهم
......................................
بالسب والشتـم والسوط هجموا يا وسافه
وأم الحسن خلف الباب من خيًـــم عجافه
أنعصرت والحجاب أهنا أخذ دور العفافه
لحد ما طاحت أعله الكاع وبأمر الخــلافه
طاحت طيحة المكسور جنحه
شماتـه ونضرة الشامت تذبحه
محركوات أديها يا ويلي عليها
صبوا كل حقدهم
................................................
ليش بيا ذنب والصار ما مــــر اعله بالي
أم وطفل منـــــــي أيروح جا ياهو البقالي
زينب حيره مدري أشلون أكلها أهنا تعالي
وآنه بعينــــي شفت النار تحرك أم جهالي
حيرة وحيرتــي ما صح مثلها
أختلط دم فاطمة وي دم طفلها
دم يسفح بجيها يا ويلي عليها
صبوا كل حقدهم
...................................................
شديت العزم والحيـــــــل يمها وكمت كوه
وطحت مابين باب الدار وناس بلايا نخوه
عجيبه ومن ردت فزاع صار الجذع تجوه
لجن للحبل صار الراي ما ضل عمر يسوه
الهضمني وكسر ضهري ياهضيمه
زينب من أجــــــــــــــــت جية يتيمه
من شافت وليها يا ويلي عليها
صبوا كل حقدهم
.................................................
أنذبح حلمــــــي وسواد الليل من أنباك نجمه
وشلت تابوت عمري الجان نسمة هوه أشتمه
أصد للحسن لــــــــــو لحسين كلها تصيح يمه
اليشيع بيده أم البيت نكـــــــــــــول الله يرحمه
خفت عالمغتسل ألجم كسرها
ونعشها بهيده نزلته الكبــرها
حرام الصار بيها يا ويلي عليها
صبوا كل حقدهم
......................................................
خادم خدمة الحسين
الشاعر
محمد الموالي
أبغير عالم شفت نار الحشر تستعر
خايف مصيري صعب من خالقي شعتذر
بس نور طاهر شفت مليان عفه وستر
تصبرني شفت ام حسن لاترتعب وابتشر
مولاتي خايف گلت اذنوب عندي شكثر
گالت يناعي النبي وباولاده صغت الشعر
ياناعي طف كربلا وعن ضلعي المنكسر
كل حرف يمحي ذنب كل چلمه تبني قصر
الينصرنه قول وفعل متلوحه نار الحشر
الشاعر حسن لعيبي الحريشاوي
#في_الخدمة_المقدسة
#قصيدة_لطم
على لحن
https://youtu.be/ICExJgmTNZ0?si=HLej-xGkBHtarU2c
سلام كربلا
سلام سيدي
إمامَ كربلا
حسين بن علي
اُرزقني كربلا
يا سُلطَانَ الملا
واجعلني مُخلصًا
في ميزانِ الولا
&&
فداكَ الدِّمَا
بساحِ الوغَى
نداءُ مَنْ رَمى
حسين بن علي
هيهاتَ أنْ نلين
نحمي المستضعفين
في أيدينا اللواء
بالحقِّ ثائرين
&&
تجلي الضيا
ونبضُ الحياه
وذكرُ القلبِ يا
حسين بن علي
ما خابَ مَن دعا
للحُــسينِ سعى
يلقى في بابِهِ
اَلدّربَ الأسرعَ
#زينب_فياض
[[🔸قصيدة للسيدة معصومه عليها السلام🔸]]
➖➖➖➖➖➖➖➖➖➖➖✍️
عاشت بهم و حزن مظلومه
وماتت بديرة غرب معصومه
➖➖➖➖➖➖➖➖➖➖➖✍️
كل موالي الليله خل دمعه يصب
ولأجل معصومه خيذوب الگلب
ماتت بحسرتها وهي اعله الدرب
ومن إخيها وشوفته محرومه
➖➖➖➖➖➖➖➖➖➖➖✍️
هاي بنت المرتضى خير العمل
هاي باب الباري دكتورة علل
خلي نبچي ونبسط ايدينا بخجل
نگلها زيلي من گلبنه همومه
➖➖➖➖➖➖➖➖➖➖➖✍️
وين ما موجود إتوجه لِقُم
وكون عالهامات خيصير اللطُم
شكثر عانت بالمدينه من الهضُم
خلصّت كل العمر مهظومه
➖➖➖➖➖➖➖➖➖➖➖✍️
تمشي وملهوفه وبشوگ الإخت
عيونها صوب الدرب ما تلتفت
تريد تحچيله على القهر اليفت
بالدليل وروحها المالومه
➖➖➖➖➖➖➖➖➖➖➖✍️
چانت الخطوات مرسومه بدمع
وچان كل همها بأخوها تجتمع
ما درت گبل اللقاء وتنفجع
وتسمع بناعي الرضا وعلومه
➖➖➖➖➖➖➖➖➖➖➖✍️
ساعه تبچي وساعه تتمالك نفس
وساعه چنها الموت یاخذها تحس
ولنها تسمع بالرضا سمه الرجس
وماتت لهذا الخبر مصدومه
➖➖➖➖➖➖➖➖➖➖➖✍️
ماتت وبس سمعت بهذا الامر
يعني لا شافت على صدره الشمر
ولا بديها شدو احبال اليسر
ولا إخيها مسلبين هدومه
➖➖➖➖➖➖➖➖➖➖➖✍️
ولا گمر غاب و دليل الينصدع
وحجة الله اعله التراب ومنصرع
وعالخيم صوبين ملتم الفزع
آه يحسين الغريب ويومه
➖➖➖➖➖➖➖➖➖➖➖✍️
✨يهدى ثواب هذه القصيده ✨
الى روح المرحوم خادم الحسين ع
الجار العزيز السيد هاشم الموسوي
والى أرواح الجميع
✨مع الفاتحة والصلوات✨
شاعرها
🔸جهاد البصيراوي🔸
في مساء الاربعاء
المصادف 23/9/2026
10 ربيع الثاني 1448
#جديد
في شهادة مولاتنا #فاطمة_الزهراء عليها السلام
گوریز
● وكأني بمولاي أمير المؤمنين عليه السلام حينما رجع إلى الدار وهو ينظرها خالية ومظلمة بعد نور فاطمة روحي فداها ، لا يسمع فيها سوى صوت بكاء اليتامى وأنين حنينهم ، وهو بأبي وأمي يقول : « صبرت وفي العين قذى و في الحلق شجى».
طور جديد:
بحيرة گلبي رديت .. وينچ وينچ
بجرحي ليچ ناديت .. وينچ وينچ
منچ خالي البيت .. وينچ وينچ
يا فاطمه .. يا فاطمه
ظلمه ابدونچ الدار .. ويلاه ويلاه
بيها تبچي لصغار .. ويلاه ويلاه
كلمن گلبه محتار .. ويلاه ويلاه
يا فاطمه .. يا فاطمه
كلمن عينه عالباب .. ظَلَّت ظَلَّت
اينادون وبلا اجواب .. ظَلَّت ظَلَّت
دمعتهم بالأهداب .. ظَلَّت ظَلَّت
يا فاطمه .. يا فاطمه
اشيقنع گلب الأيتام .. راحت راحت
ابگبرها الوالده اتنام .. راحت راحت
اتجيهم بس بالأحلام .. راحت راحت
يا فاطمه .. يا فاطمه
مجاريد :
صعبه اليواسي گلبه مفجوع
وابعينه شاهد كسرة اضلوع
تالي اعله اليتامه گلبه مشلوع
وما يِبرَد دليله ابسيل الإدموع
صعبه اليِكْفِل ابحضنه اليتامه
دمعه على اعياله ايتهامه
حگه إذا ايفارگ منامه
ويتنطَّر لموته علامه
حزني على فرگاچ سرمد
وجفني عگب عينچ مسهد
وجرحي بعد ما راح ينشد
إلا بالگبر خدي ايتوسد
__
تمت ببركات مدد الأمير عليه السلام
#فاطمة_كريم
٢٠٢٦ م
نعي لمولاتي الزهراء عليها السلام
يحسين خويه راحت امنه
واخلافهه ياهو اليلمنه
اتطر الگلب حالة يتمنه
شلنه بعد بالبيت شلنه
.........
ابلايه ام شنسوي بالبيت
وانموت كون اوياهه ياريت
كونه النعش النه تمنيت
ولا اشوفن امي اعله التوابيت
.................
گلولهه تكتل الفرگه
وابلايه امي البيت خنگه
حتى الهوه مابيه اشهگه
والماتت امه النوح حگه
....................
يالموتتج كلفه وثجيله
وارواحنه اخلافج نحيله
يمه الفگد مابيه حيله
وياهو الي بعدج اشتكيله
......................
البت تره لو ماتت امهه
تكثر مصايبهه وهضمهه
الله يلعنه الي هضمهه
زينب ومن عندج حرمهه
........................
يالجنتي فوگ الروس خيمه
اتموتين هاي اكبر هضيمه
يمطر وكتنه الحزن غيمه
وبس حالي تعرفهه اليتيمه
........................
خادم اهل البيت علي الزرگاني
ابدوحة فاطمه .. زينب
ضوت للسمه .. زينب
هذي العالمه .. زينب
غير امعلمه .. زينب
…
زينب مهد امن الجنان
زينب في نوره الامان
…
الكوثر طلگت هم كوثر
@@@
هذي بت علي .. زينب
بت اعظم ولي .. زينب
كل هم ينجلي .. زينب
بيها وحگ هلي .. زينب
…
زينب نور امن الازل
زينب بت خير العمل
…
انعم واكرم بت حيدر
@@@
جدها المؤتمن .. زينب
وامها ام الحسن .. زينب
ودلالي وطن .. زينب
فزعه بالمحن .. زينب
…
زينب للعنده طلب
زينب من الله سبب
…
ادعو بيها وتتيسر
@@@
الداري وما دره .. زينب
لهاشم مفخره .. زينب
واعظم جوهره .. زينب
حوره وطاهره .. زينب
…
زينب بالعرش انكتب
زينب اغلى امن الذهب
…
بتاج العزه اتشع جوهر
@@@
النهج الزينبي .. زينب
من نهج النبي .. زينب
وانه منهجي .. زينب
بأمي وأبي .. زينب
…
زينب بت راعي الشيم
زينب مبدأ والقيم
…
للطف منهج لو محور
@@@
علي احمد الحمود
٣٠-٩-٢٠٢٦
مولد العقيله ع
لاستشهاد فاطمة الزهراء عليها السلام
وزن المثلث
بلوعه جينه انوح. علزهره الغريبه
والدموع اتسيل. لايام المصيبه
بلوعه جينه انوح. علزهره الغريبه
بالمجالس حالها لمن نذكره
تنزل الدمعات علخدين جمره
المنكسر منها ضلعها شلون كسره
الدنيا ويه فاطمة دنيا عجيبه
شگد عجيبه الدنيا راحتها گصيره
تخلي گلب الطيب اللوعه مصيره
شذنبه بيها يعيش متعذب ابحيره
مبتلي ومهموم والحسره نصيبه
من بعد فگد النبي المصطفى الغالي
النهار انصبغ برماد. الليالي
بعد أبوها البيت. صار البيت خالي
لايرده النوح. لادمعه التجيبه
تنادي بويه لودريت اصار بيه
اكسروا ضلعي خذوا ميراثي من اديه
وچتفوا بحبال حماي الحميه
بهظم صارت بضعتك ذيچ الحبيبه
الجبت والطاغوت من حقها منعها
المنها محسن راح وتهشم ضلعها
لم حطب علدار والوادم جمعها
من هجم علدار حضر چم كتيبه
على مصاب الطاهره الحره الوديعه
نواسي بدموع الحزن حامي الشريعه
بفاجعتها ضاگت اعليه الوسيعه
من المهد حد اللحد دايم نحيبه
الشاعر حسن لعيبي الحريشاوي
يعشاگ المجالس گومو وياي
ابشركم بشاره فاطمه هاي
ارفعو چفوفكم والعين اخفضوهه
دگو اصدوركم للزهره دگوهه
يعشاگ المجالس گومو وياي
،،،،،،،،،،،،،،،،،،،،،
افرشو ارگابكم للضلع والمنحر
وشلو عيونكم تستاهل الخدر
خلو گلوبكم وسط الصدر تعثر
بمجلسكم الزهره اللازمه الدفتر
تسجل بالدموع التنزل بحرگه
وتجمع شكو انفاس بألم مختنگه
هاي ام الحسن يا شيعه واسوهه
دگو اصدوركم للزهره دگوهه
،،،،،،،،،
كل مجلس الزهره تبارك بناسه
ملائكة السماء تصير حراسه
منكم خلي واحد يشرح احساسه
اذا معصوم يمه ويمسح براسه
اذا اهل النبوه تبارك بعمره
وكل دگة صدر تشفي ألم صدره
طبيبه لكل مرض والكل يعرفوهه
دگو صدوركم للزهره دگوهه
،،،،،،،،،
يلتعشگ حسين الصعبه تتعده
لان ربك كريم وكل فرج عنده
اكتب علچفن ( جملة دمع وحده )
انه ادخيل الحسين الحاضر الشده
باچر بالگبر معروف أثر صدرك
لاطم علحسين وجنتك إجرك
من هسه العلامه حيل بينوهه
دگو صدوركم للزهره دگوهه
،،،،،،،،،،،،،
يخدام العقيله وكافل الحره
مجلسكم تحول داخل الحضره
غمضو عيونكم لو مرت الزهره
الهوى اليمكم تغير واختلف عطره
يلتحضر هنيئا من صرت خادم
يوفقك للمجالس حضرة القائم
ارفعو الرايه فوك الدنيا ارفعوهه
دگو صدوركم للزهره دگوهه
،،،،،،،،،،،،،،
صاحب حاجه اعرفك يله حضرهه
لو گلبك خشع احچيهه واذكرهه
تره العباس صدگ ما يأخرهه
بس حلفه برقيه الشده تعبرهه
باب الحاجه هوه وصاحب الرايه
ذاك لخدر زينب منطي الحچايه
عباس ونعم والكلمه عيدوهه
دگو صدوركم للزهره دگوهه
،،،،،،،،،،،،،،
زكاة العين دمعه بحرگة العاشر
خيالك ويه گلبك لازم يسافر
تره الطف مو جثث ويدوسهه الحافر
الحسين اعظم رساله اليوم ولباچر
اخلاق وقيم مشروع ما ينحد
تكافل مجتمع بيبان ما تنسد
الحسين اسلام والغايه فهمتوهه
دگو صدوركم للزهره دگوهه
كلمات خادم / رعد الفريجي
ثوابها الى روح والدتي
شكرا إلچ يأم عباس .. ياخادمه للزهره
فرحتي گلب المهموم .. وكشفتي عنه العثره
@@@
باب الله انتي وهالباب .. لا ما ابد يتسكر
وانتي وسيله والجاچ .. من العسر يتيسر
ميضل دخيلچ مهموم .. ولا حاير ولا مضطر
ولو بو علل هم تشفيه .. ومنه الطبيب اتحير
…
الينخه اجالچ عالباب .. لا ماتكسري ظهره
فرحتي گلب المهموم .. وكشفتي عنه العثره
@@@
عربيه وابنت اجواد .. يام الكفيل وزوده
الربيتي غيره وايثار .. بوگت الشدد مريوده
علگنه بيچ الامال .. وايدچ تضل ممدوده
وبينه الامل لاماخاب .. رغم الليالي السوده
…
وخرتي عنه الاهوال .. وبسمچ لفتته البشره
فرحتي گلب المهموم .. وكشفتي عنه العثره
@@@
ألف ونعم سبع انعام .. لجلچ يا ام الاربع
مادري لومنتي شيصير .. باللي دليله اتگطع
نعمه الوسيله لله .. لمن اله نتضرع
بس نحچي يام العباس .. بينه الامل مانگطع
…
بس ننخه بام العباس .. تفرج بصمنه بعشره
فرحتي گلب المهموم .. وكشفتي عنه العثره
@@@
عطيتج يام عباس .. والله كبيره وسهله
ومن عندچ الي ردون .. ابكثر العطايه خجله
وموعجه وانتي المشكور .. زوجچ علي بوالحمله
حتى الفقير اغنيتيه .. وشافتي هم بوالعله
…
عالي مقامچ بحسين .. يعني المقام اشكبره
فرحتي گلب المهموم .. وكشفتي عنه العثره
@@@
ياللي عطائچ معروف .. ماتوفي كلمة مشكور
الفاتحه نهديها .. ونهدي دمع للمنحور
وعدنه طاب منچ كون .. يالماتردي المكسور
توفگينه للمولى حسين .. نتعنه گبره وانزور
…
ونگصد بعد للعباس .. ولنعمتچ نتشكره
فرحتي گلب المهموم .. وكشفتي عنه العثره
@@@
علي أحمد الحمود
٣٠-٩-٢٠٢٦
نخوه ام البنين ع
سجلينه يا فاطمه الزهره
٫٫٫٫٫٫٫٫٫
سجلينه يـزهراء
گدامج هالاسماء
مــن الهمزه للياء .. محتاجه لسجل
بكــــل ماتم لگيناج
بـــروحيتنه شفناج
محله الخدمه وياج .. والمدمع يهل
انتي دورج بالوجود ماكو حرمه اتجيده
الماله چــــاره لا يحــير الزهره تلزم ايده
اليبچـي عالخـيمه اكيد هـــوه هذا تريده
اليخدمج ترفعين من گدره
سجلينه يا فـــاطمه الزهره
٫٫٫٫٫٫٫٫٫
لا ماتنوصف هاي
بــارك الله بالجاي
للثوّب الـــج ماي .. وبأيامج وگف
هنيــــاله التســـجليه
بخيــــــامج تحسبيه
وترضى فاطمه اعليه .. يتزود شرف
يا رجــاء الطالبين صــــوبج اتوجهنه
بداعت السر العظيم البسمج اتوسلنه
احنه غايتنه رضاج مــــا تهمنه الجنه
بالمدمع شيدنه الج حضره
سجلينه يا فاطـــمه الزهره
٫٫٫٫٫٫٫٫٫٫
يا صندوق الاسرار
يالمثلج فــــلا صار
زوجة حـامي الجار .. ياعون ومدد
يالاغله من الانفاس
منج ناخـذ احساس
ومـــن تندبج الناس .. تنزاح الشدد
الكون فدوه يروح الج ياعزيزة حيدر
لو ما انتــي بالحياة الشجر لا مـا ثمّر
واگفه الدنيه عليـــج ابدونج ما نگدر
من عندج نحتاجها النضره
سجلينه يا فــاطمه الزهره
٫٫٫٫٫٫٫٫٫٫٫
بابج دومه مفتوح
يعالـج اكبر جروح
يالغــــذيتي الروح .. بالــحب والامل
ما عفتي اليواسيج
واعله ابنج يبجيج
دوم تـــوزع ايديج .. عالخادم فضل
احن من الام علـى البچت عينه حسينج
دمعته إتطفي الجحيم وبيها تفرح عينج
حضِــه يكبــر بالحياة البالبواچي ايعينج
هنياله الناذر الــــج عمره
سجلينه يا فاطمه الزهره
،،،،،،،،،،،،،،،
يمته نشــوف الگبور
صــاحبها يجي يزور
وكبرج بيــده معمور .. ذا يوم الفتح
تصلب ايده بالنار
كلمن هاجـم الدار
يفتح قفل الاسرار .. ويداوي الجرح
ينجبر كسر الضلع مــــن يجــي مهدينه
يصـبح الفتــــــح المبين بيومها بچفينه
ولاجل ضامي كربلاء دموم تذرف عينه
رزقينه ويــالقائم النصره
سجلينه يافاطمه الزهره
،،،،،،،،،،،،،،،
خادم القصيدة
عزيز المياحي
#فاطمة_صديقة_شهيدة
يا حادي ظعن الصبر دَرْب الصَّبُـر ناحِبـه
والـعُمُر خَـلْصان سـاعه وْيِـنگـضي ناحِبـه
چِنّــه نِـحِـبِّ الـفرح صِـرنه الـحِزِن ناحِبه
و الـمُـهَج بالـنوح والهَمْ والـنوايب حَـسَن
مـا يـوم فِـعْل الـدَّهَر وَيّـانه أصـبح حَسَن
نـاديت مِـن لـوعتي يـا وَسْـفه أم الـحَسَن
كِـسرَوْا ضلعها و بُگَت طول العمر نـاحِبه
١-ناحبه: أنحو به، انحو من نحا الشيء بمعنى قصده
٢-ناحبه : من انقضاء النحب بمعنى الموت
٣-ناحبه : أصلها نُحِبُّه أي نودّه
٤-حسن: مخففة حسَّسْنَ، بمعنى الشعور
٥-حسن : خِلاف السيء
٦-حسن : أردت بأم الحسن السيدة فاطمة الزهراء(ع)
٧- ناحبه : من النحيب و هو البكاء الشديد
#جابر_الكاظمي
#موال_جابر_الكاظمي
نعي للزهراء عليها السلام
***
بين الباب والحايط عصرها
والبسمار صوبها بصدرها
وكون انشلت اجفوفه السطرها
تصدع الروح كل حسره التجرها
يجيها الليل وتون من كسرها
وما شافت ابد راحه بعمرها
ما يوم الوكت تدرون سرها
حته الصبر ضل يحجي بصبرها
غمضت عينها وضل بس عطرها
ودمعة زينب اعليها اشكبرها
شيعها علي وناح بكترها
وعن الناس ضل مخفي كبرها
كل يوم الحزن عالعين بسمار
وراوها الزمن يا ناس بسمار
نبت وسط الضلع يا حيف بسمار
كسر گلبه الكسر گلب الزجيه
الشاعر
تحسين الخفاجي
[ وحشة الاهل والاحباب ]
عِشنا أيّام حلوات ويا أهلنا
يا وسِفة الدهر طشّر شملنا
✧ ✧ ✧
على ذاك الزمان اشكثر حنّيت
مِن أذكر هلي ولِمّتنا بالبيت
وبيبان الفرح بعد أهلي سدّيت
ولا واحد بَعِد يمسح دمعنه
✧ ✧ ✧
تمنينا اليجي وينشّف العين
ولا واحد نِشَدنا وين ما وين
عزيزين الأهل والله عزيزين
شيرد ذاك الوكت وأهل المحنة
✧ ✧ ✧
شيرد الوكت واحبابي يلفون
بقت ذكرى الصور وتبجي العيون
لا مرسول لا طارش يودّون
وبعد محد يجينه ولا يمرنه
✧ ✧ ✧
أحلى أيّام عِشنا بگلَب مرتاح
ما جنه نعرف. الهم والأجراح
ماتوا كل هلي وكل الفرح راح
وعله.. الحال ما واحد نِشَدنه
✧ ✧ ✧
عِشنا أيّام حلوات ولذيذات
بعد لِمّة الأهل ماتصح هيهات
شلون عزاز نامت بالترابات
يا فرگ ألاهل كلش هضَمنه
تمت بعون الله
✍الشاعره مريم العبوديه اسيرة الأحزان ام سكينه
ويـلاه عــلــى الــزهــراء ويـلاه
*--------------------*--------------------*
رفـسـهـه ألآلـه امـروه رفـسـهـه
وتـجـر الطاهـره گـوه نـفـسـهـه
وي شهگاتهه الـموتـه تـحسـهـه
ويلي اشلـون يجاسر رجسـهـه
الأم حسين مأتـمـنـه نـصـبنـاه
*---------------------*---------------------*
انضـل للموت مانـنسـه هـظمهـه
الـيـوم الـديـن ملعـون الظلمهـه
الـجـاب النـار لـلـبـاب وضرمهـه
زيّـد نـوحـهـه وبـالـخـد لطِمهـه
عدنـه احساب هالملعون ويـاه
*---------------------*--------------------*
يبقى الـنـوح والـمأتـم نـقـيـمـه
ومـن افـلان ماننسـه الجـريـمـه
فاطـم تنعصر وسـفـه وهظيمـه
اجـوهـه الگـوم ماگالوا يـتيـمـه
سـيـد الكـون ماخلوهـه تـنـعـاه
*----------------------*-------------------*
رزيـــه ولـلأبــد اعـظــم رزيــــه
حرگوا باهـه البضـعـه الـزچـيـه
ريـت اتـشـوف يـاسـيـد الـبريـه
الصحبه شلون جازوهه الوصيه
يـدفـع بـابـهـه الـظـالــم تـعـنـاه
*---------------------*-------------------*
دمـع الـعـيـن مايـنشـف نـريـده
وهذا الـنـوح لـلـزهـره عـقـيـده
ام حسين مظـلومـه وشـهـيـده
انواسي اليوم مولانا الصميـده
فـگـدهـه بالدمع والنـوح خلاه
*----------------------*------------------*
✍خادم الزهراء ع
الشاعر رعد الجريخي