1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
" በተፈጸመባት ግርፋት ክፉኛ ተጎድታለች፤ የአካሏ ግራ ክፍል አይሰራም። የራስ ቅሏ ተሰብሯል " - የቤተሰብ አባል
በኦሮሚያ ክልል ፣ በምስራቅ ቦረና ዞን ዋጪሌ ወረዳ ' የሽማግሌዎችን ትዕዛዝ አላከበረችም ' በሚል ከዛፍ ጋር ታስራ በባለቤቷ ክፉኛ የተደበደበችና የተገረፈች የ3 ልጆች እናት በአስጊ ጤና ሁኔታ ላይ እንደምትገኝ የቤተሰብ አባሏ ተናገሩ።
በአሁኑ ወቅት በሐዋሳ ሆስፒታል በህክምና ላይ የምትገኘው ኩሹ ቦናያ የተባለችው እናት በደረሰባት ግርፋት ክፉኛ ተጎድታ " የአካሏ ግራ ክፍል አይሰራም። የራስ ቅሏ ተሰብሯል " በማለት የቤተሰብ አባሏ ገልጸዋል።
የአካባቢው አቃቤ ሕግ በበኩላቸው ግርፋቱን መፈጸማቸው የተጠረጠሩ ባለቤቷን ጨምሮ 8 ግለሰቦች በቁጥጥር ስር ውለው ምርመራ መካሄዱን ተናግረዋል።
በቁጥጥር ስር ከዋሉ ግለሰቦች መካከል የቅጣት ውሳኔውን አስተላልፈዋል የተባሉት ሽማግሌዎች የዋስትና መብታቸው ተከብሮ ሲለቀቁ ባለቤቷ ግን አሁንም በቁጥጥር ስር እንደሚገኝ ገልጸዋል።
ጃርሶ ቡሌ (ዘመዷ) ምን አሉ ?
" ኩሹ ቦናያ የ3 ልጆች እናት ናት።
ገበያ ላይ አስሮ የመግረፉ ድርጊት የተፈጸመው ባለፈው ወር መስከረም 9/ 2017 ዓ.ም. ነው።
ግርፋቱ የተፈጸመባት ባለቤቷ ገልገሎ ዋሪዮ ይባላል።
ኩሹ እና ባለቤቷ ገልገሎ በትዳር 12 ዓመት ቆይተዋል
በኑሯቸው ችግር ውስጥ ሲወድቁ ባለቤቷ ወደ ውትድርና ይገባል። በውትድርና 4 ዓመት ያህል ቆይቷል።
እሷ ልጆቿን ለማሳደግ ብቻዋን ስትጥር ነው የቆየችው።
ገልገሎ ከውትድርና ከተመለሰ በኋላ ግን ባለቤቱን መደብደብ ይጀምራል።
በተደጋጋሚ ወደ ቤተሰቦቿ እየሸሸችም ሁኔታዎች ሲረጋጉ ወደ ቤቷ ትመለስ ነበር።
ገልገሎ ከውትድርና ከተመለሰ በኋላ ከባለቤቱ ጋር መስማማት አለመቻሉም ፤ ዘወትር ባለቤቱን እና ልጆቹን ይደበድብ ነው።
በአገር ባህል መሰረት ሽማግሌዎች በባለትዳሮቹ መካከል የተፈጠረውን ችግር ለመፍታት በተደጋጋሚ ለሽምግልና ተቀምጠዋል።
ችግሮች ሳይፈቱ ሲቀሩ ወደ አባቷ ቤተሰብ ሸሸች። ሽማግሌዎች ተነጋግረው ባለቤቷ ጠባዩን እንዲያሻሽል እርሷም ወደ ቤቷ እንድትመለስ መከሯት።
እርሷ ግን ነገሩን በደንብ እንዲያጤኑት ወደ ቤቷ ብትመለስ አንደሚገላት’ ተናገረች።
የሽማግሌዎቹን ቃል አላከበረችም በሚል ሽማግሌዎቹ ታስራ እንድትገረፍ ወስነውባታል።
የሽማግሌዎቹ ውሳኔ የቦረናን ባሕል አይወክልም ፤ ይህ የጥቂት ሰዎች ውሳኔ ነው።
በሚኖሩበት አካባቢ ባለ ዛፍ ላይ አሰሯት። ይህንን ያደረጉት ልጇ እያለቀሰ፣ ሌሎች ቆመው እያዩ ነው።
በስፍራው ተገኝተው የነበሩ በሙሉ ፎቶ እንዳያነሱ፣ ቪድዮ እንዳይቀርጹ ተከልክለው ነበር።
ስትገረፍ ከዋጪሌ ዱብሉቅ አንድ መኪና በድንገት መጣ።
አንድ ልጅ ከመኪናው ወርዶ ቪድዮ መቅረጽ ጀመረ ፤ በዚህም የተፈጸመውን ወንጀል ሌሎች ሊያዩት ይችለዋል።
የሦስት ልጆች እናት የሆነችው ኩሹ በዛፍ ላይ ታስራ በባለቤቷ ግርፋት ከደረሰባት በኋላ ክፉኛ ተጎድታለች።
የአካሏ ግራ ክፍል አይሰራም። የራስ ቅሏ ተሰብሯል።
የቤተሰብ አባላቶቿ የደረሰባትን ወድያውኑ አልሰሙም ነበር። ለሳምንት ያህል ሕክምና ሳታገኝ ቆይታለች።
ወንጀሉ አንደተፈጸመ ወድያውኑ ቪድዮው አልተለቀቀም ነበር። ከሳምንት በኋላ ነው ሰው ያየው። ወላጆቿም የሆነውን ያዩት ከቪድዮው ላይ ነው።
መጀመርያ በአሬሮ ሆስፒታል በኋላም ወደ ያቤሎ ሆስፒታል ሄዳ ሕክምና የተከታተለች ቢሆንም የተሻለ ሕክምና በማስፈለጉ ወደ ሐዋሳ ሆስፒታል ተልካለች። "
የዋጪሌ ወረዳ አቃቤ ሕግ ኃላፊ የሆኑት አቶ ጉዮ አሬሮ ጥቃቱ በቃቃሎ መንደር መፈጸሙን እና ከተፈጸመ ከሳምንት በኋላ ሪፖርት መደረጉን ተናግረዋል።
" መረጃው እንደደረሰን የምርመራ ቡድን በማዋቀር መረጃ መሰብሰብ ጀምረናል " ብለዋል።
ተጠርጣሪዎቹ በቁጥር ስር ውለው ፍርድ ቤት ከቀረቡ በኋላ ሽማግሌዎቹ የዋስትና መብታቸው ተከብሮ ሲለቀቁ ባለቤቷ ግን አሁንም በእስር ላይ እንደሚገኝ ጨምረው ተናግረዋል።
" ክስ ለመመስረት የሕክምና ማስረጃ እንፈልጋለን። አሁንም የሕክምና ክትትል እያደረገች በመሆኑ መረጃው ገና ተጠናክሮ አልቀረበልንም። ሕጋዊው ጉዳይ ግን ሂደቱን ጠብቆ ይቀጥላል " ሲሉ ተናግረዋል።
ይህ መረጃ ባለቤትነቱ የቢቢሲ አማርኛው አገልግሎት ነው።
ቪድዮ፦ ከማህበራዊ ሚዲያ
@tikvahethiopia
" መዋጋት ርስት አይደለም። ለ42 ዓመታት በውግያ ቆይቻለሁ። እኔ እጣ ፈንታዬ መዋጋት ነው ብዬ አላምን ፤ አቋሜ ውግያ አያስፈልግም ይቁም የሚል ነበር ፤ አሁንም አቋሜ ያው ነው የተለወጠ የለም !! " - ጄነራል ሳሞራ የኑስ
ከሰሞኑን የቀድሞው የኢትዮጵያ ሀገር መከላከያ ሰራዊት ኢታማዦር ሹም ጄነራል ሳሞራ የኑስ አነጋጋሪ ቃለ ምልልስ ሰጥተው ነበር።
ከረጅም ጊዜ በኃላ ወደ ሚዲያ ቀርበው ቃላቸውን የሰጡት ብራኸ (ከፍታ) ለተሰኘ በዩትዩብ ላይ ለሚተላለፍ ፕሮግራም ነው።
ምን አሉ ?
የቀድሞ የኢፌዴሪ ጠ/ሚ አቶ ኃለማርያም ደሳለኝ በጠ/ሚ ዶ/ር ዐብይ አህመድ ከመተካታቸው በፊት በእሳቸው (ጄነራል ሳሞራ) እና በአገር ድህንነት ሃላፊ በነበሩት አቶ ጌታቸው አሰፋ መካከል አለመጣጣም እንደነበር በዚህም ጠቅላይ ሚንስተር ዶ/ር ዐብይ አህመድ የኦህዴድ ምክትል ሊቀመንበር እያሉ እንዲያስሯቸው ሲጠይቋቸው " አላስርም ! " ማለታቸውን አንሰተዋል።
ጄነራል ሳሞራ የኑስ ፥
" ያኔ ዐብይን እሰረው ተብዬ አይሆንም ካልኩኝ ዛሬም ልክ ነኝ። ምክንያቱ እኔ የሰራዊት መሪ እንጂ የሲቪል ፓለቲከኛ አሳሪና መሃሪ አይደለሁም።
መከላከያ ሲቪል ፓለቲከኛ የማሰር ስልጣንና ልኡክ የለውም።
ዐብይ ያኔ የአንድ ታላቅ ክልልና ህዝብ አመራር ነበር። ታላቁ ህዝብ ማለት ኦሮሞ ነው። ያኔ የኦሮሞ ህዝብ መሪ የፓለቲካ ድርጅት የነበረው ኦህዴድ ነው። የድርጅቱ ምክትል ሊቀመንበር አብይ ነበር። በተጨማሪም የፓርላማ የህዝብ ተመራጭ አባል ነበር።
ዐብይ ያኔ መታሰር ከነበረበት ጥንካሬና ድክመቱ ወደ ሳራሞራ ሳይሆን ወደ ፓርለማ ነው የሚወሰደው።
ከፓርላማ ካለፈ ወደ ያኔው የኢህአዴግ ሊቀመንበርና ጠቅላይ ሚንስትር ሃይለማርያም ደሳለኝ ይቀርባል።
የኢህአዴግ ሊቀመንበሩና ጠ/ ሚንስትሩ የዐብይ ድክመት ልክ ነው ብሎ ካመነበት ከፓርላማ ሃላፊነቱ ማንሳት አለበት።
እንዲህ ሆኖ ራሱ ሃይለማርያም ደሳለኝ ዐብይን የማሰር ስልጣን ስለሌለው ወደ ኦህዴድ መላክ አለበት።
ኦህዴድ ካመነበት ደግሞ ይታሰር ብሎ ከወሰነ የሚመለከተው የህግ አካል እንጂ ሳሞራ ዐብይን የማሰር ስልጣን የለውም " ሲሉ ተናግረዋል።
ከዚህ በተጨማሪ ፦
- በትግራዩ ጦርነት በትግራይ ህዝብ ላይ እልቂት መፈጸሙን እንደሚያምኑ፤
- የትግራዩ ጦርነት መንስኤ የፓለቲካ ብልሽት ፤ የአመራሮች መበስበስና ከህዝብ አገልጋላይነት መውጣት ውጤት እነደሆነ፤ የአማራ ኤሊቶች የትግራዩ ጦርነት አንዲጋጋል ከፍተኛ ሚና እንደተጫወቱ በርካታ እላፊ ነገሮች እንደተናገሩ፤
- የትግራዩ ጦርነት ከሁሉም የኢትዮጵያ ክልሎች የተወጣጡ ወታደሮች የተሳተፉበት ቢሆንም የሁሉም ክልሎች ህዝብ ደግፎታል ተሳትፎበታል ማለት እንዳልሆነ፤
- በትግራይ ጦርነት የሻዕብያ ሃይል አጋጣሚው በመጠቀም የትግራይን ህዝብ ያለ ስሙ ስም በመስጠት አንገቱ ለማስደፋትና ለማጥፋት እንደዘመተ፤
- ከጦርነቱ በፊት ከምርጫው ጋር ተያይዞ የነበሩት የእልህ አገላለጾችና አካሄድ እንዲቆሙ በሁለቱም በኩል ሲገስጹ እንደነበር፤
- ጦርነቱ እንዳይነሳ ፤ ከዛም እንዲቆም ብዙ ጥረት እንዳደረጉ፤
- " ጄነራል ሳሞራ ከፌዴራል መንግሥት ጋር ወግነው በድብቅ ጦርነት መርተዋል / ተሳትፈዋል " የሚለው ወሬ ጦርነቱ የከበዳቸው የትግራይ ፓለቲከኞች ለድክመታቸው መሸፈኛ የፈጠሩት እንደሆነ ፤ ጦርነቱ ሲጀመርም ሆነ ሲፋፋም ከቤተሰቦቻቸው ጋር አዲስ አበባ እንደነበሩ፤
- መዋጋት ርስት እንዳልሆነ ፤ ለ42 ዓመታት በውግያ እንደቆዩ ፤ እጣ ፈንታቸው ውግያ ነው ብለው እንደማያምኑ ፤ አቋማቸው ውግያ አያስፈልግም የሚል እንደሆነ ፤ አሁንም ድረስ አቋማቸው ያው እንደሆነ፤
- ያልተዘጋጁበትን፣ ያላመኑበትን ወግያ እንደማይሳተፉ፣ እንደማይዋጉ፤
- እምነታቸው የትግራይ ህዝብ መዋጋት የለበትም የሚል እንደሆነ ፤ እንደ አመራር ህዝቡ ወደ ውግያ መግፋት የለበትም የሚል እንደሆነ ፤
- ውግያ ሲጀመር አከባቢ ጠ/ሚ ዶ/ር ዐብይ እና አቶ ግርማ ብሩን አግኝተው ውግያ እንዳይጀመር እንደጠየቁ ፤ እነሱም እንደ አመራር የሰጧቸው መልስ እንዳለ፤
- ጦርነቱ በተጀመረ ማግስት መንግስትንና ጀነራሎቹን ጦርነቱ እንዲቆም እንደጠየቁ ፤ እስከ መጨረሻ ድረስም ግጭቱ በሰላም እንዲፈታ ጥረት እንዳደረጉ፤
- የትግራይ ህዝብ ሃያ ዓመት እየቆጠረ መዋጋት እንደሌለበት ፤ ጦርነትም እንደሰለቸው፤ የሰላም አርአያ መሆን እንደሚፈልግ ፤ ፓለቲከኞችም የህዝበ ሰላም መጠበቅ እንዳለባቸው፤
.... የሚሉና ሌሎችንም ጉዳዮች አንስተዋል።
የጄነራሉ አቋም የአሁን ወይስ የነበረ ?
የመቐለ የቲክቫህ ኢትዮጵያ ቤተሰብ አባል ጄነራል ሳሞራ የኑስን ከ5 ዓመታት በፊት በ2012 ዓ.ም ህዳር እና ታህሳስ ወር ላይ እንዲሁም ጦርነቱ ተጀምሮ የፌደራል መንግስት መቐለ በተቆጣጠረበት ወቅት የካቲት 2013 ዓ.ም በአካልና በስልክ አግኝቶዋቸው ሃሳባቸውን ሰጥተው ነበር።
ጀነራል ሳሞራ ሀገራዊ ኒሻን ተሸልመው በጡረታ ከተሰናበቱ በኋላ በመቐለ ከተማ ፕላኔት ሆቴል አግኝቶ ባናገራቸው ወቅት ፥ በዚህም በዚያም በወጣቶች የሚታይ የነበረው የጦረኝነት ስሜት ፓለቲከኞቹ በማርገብ ሃላፊነታቸው እንዲወጡ ወታደራዊ ምክር ሰጥተው ነበር።
ጥር 2012 ዓ/ም ደጀና ላይ 45ኛው የህወሓት የምስረታ በዓል ለማክበር ለተሰባሰቡት ወጣቶች ባሰሙት ንግግር ፥ ወጣቶች ከዚህም ከዚያም ያሉ ፓለቲከኞች በሚለኩሱት ጦርነት ገብተው እንዳይቃጠሉ የሚያስገነዝብ አባታዊና ወታደራዊ ምክር አስተላልፈው ነበር።
ጦርነቱ ከተጀመረ እና ከተባባሰ በኃላ በሰጡትም አስተያየት ጦርነትን ከበፊቱ የባሰ እንደተጠየፉት ገልፀውለት ነበር።
ያንብቡ👇
tikvahethiopia/lTm24ja5TwM" rel="nofollow">https://teletype.in/@tikvahethiopia/lTm24ja5TwM
@tikvahethiopia
#ንጉስማልት
ቀዝቃዛ ንጉስዎን ይዘው ፤ ጣት የሚያስቆረጥመውን ማዕድዎን ያጣጥሙ።
ለተጨማሪ መረጃ የቴሌግራም ቻናላችን ይቀላቀሉ /channel/Negus_Malt
#ከአልኮልነፃ #ደስደስበንጉስ #የጣዕምልኬት_የደስታስሜት
#አፋር
በአፋር ክልል ንዝረቱ እስከ አዲስ አበባ የደረሰ የመሬት መንቀጥቀጥ በተደጋጋሚ እየተከሰተ መሆኑ ይታወቃል።
በቦታው የባለሙያ ቲም አዋቅሮ የላከው ሰመራ ዩኒቨርሲቲ፣ ትላንት እና ከትላንት በስቲያ የመሬት መንቀጥቀጥ አደጋው እንደተከሰተ ለቲክቫህ ኢትዮጵያ አረጋግጦ ለአካባቢው ማህበረሰብ ልዩ ትኩረት እንዲደረግ በአጽንኦት አሳስቧል።
ህዝቡ ላይ የከፋ ከደጋ እንዳይደርስ የሚመለከታቸው አካላት ሊያደርጉት የሚገባው ርብርብ ምንድን ነው ? ስንል የጠየቅናቸው ዩኒቨርሲቲው የጂኦሎጂ ትምህርት ክፍል ተመራማሪና መምህር ኖራ ያኒሚኦ ምላሽ ሰጥተዋል።
ምን አሉ ?
“ የአደጋው ምክንያት ምንነት አሁን ታውቋል። አደጋው የተፈጠረው የቀለጠ አለት በሚያደርገው እንስቃሴ ነው።
ስለዚህ የከሰም ግድብ የሚባል ስኳር ፋብሪካ አካበቢ አለ። አደጋው እዛ አካባቢ ላይ የሚከሰት ከሆነ የከፋ ጉዳት ሊያከተል ይችላል። ምክንያቱም የመሬት መንቀጥቀጡ በተከታታይ እየተፈጠረ ነው።
አደጋው ካልቆመና የግድቡ አካል የሚነካ ከሆነ ከግድቡ ቁልቁለት አካባቢ የሚኖሩ የህብረተሰብ ክፍሎች የከፋ ጉዳት ሊያደርስ ይችላል።
ስለዚህ በተለይ የአዋሽ ፈንታሌ የወረዳ ካቢኔዎች፣ የዞን አስተዳዳሪዎች ህብረተሰቡን ከቁልቁለታማው ቦታ የውሃ ፍስት ወደማይደርስበት ወደ ሌላ ቦታ ያውርዱ።
ተራራ ስር አካባቢ የሚኖሩ ሰዎችን ታዝበናልና እነዛ ሰዎች ወደ ሜዳ የሚመጡበት መንገድ ቢፈጠር ሊከሰት የሚችለውን ጉዳት ሊቀንስ ይችላል ” ሲሉ አስገንዝበዋል።
የዩኒቨርሲቲው የምርምርና ቴክኖሎጂ ሽግግር ተጠባባቂ ምክትል ፕሬዚዳንት አቶ አደም አሊ በበኩላቸው፣ ወደ ቦታው ባለሙዎችን እንደላኩ ገልጸው፣ “ በአካባቢው የግድብ ስራዎች አሉ። አደጋው ከጨመረ ቀፈን ቀበና ያለው ግድብ ትልቅ ፋክተር ተደርጎ ተፈርቷል ” ብለዋል።
“ ከፍተኛ የሆነ ጥንቃቄ ሊደረግለት ይገባል ግድቡ። አንዴ ጉዳት ከደረሰበት ህዝቡን ጠራርጎ ነው የሚወስደው። ከፍተኛ ቦታ ላይ ነው ያለው። በጣም ብዙ መሬትን ሊያካልል የሚችልም ነው ” ሲሉ አስጠንቅቀዋል።
አደጋው የሚጨምር ነው የሚቀንስ ? ምን እየተሰራ ነው ? አደጋው ሊያስከትለው የሚችለው ጉዳትስ በምን ደረጃ ነው ? ስንል የጠየቅናቸው ተመራማሪና መምህር ኖራ በበኩላቸው ተከታዩ ማብራሪያ ችረዋል።
“ የመሬት መንቀጥቀጡ እየተፈጠረ ያለው በአፋር ክልል አዋሽ ፈንታሌ ነው። ከሦስት ሳምንታት ወዲህ የትላንት ስድስት ሰዓቱን ጨምሮ አደጋው ሦስት ጊዜ ተከስቷል።
መነሻው በክልሉ ሳቡሪ ቀበሌ ነው። ከዛ ተነስቶ ነው እስከ አዲስ አበባ፣ አዳማ፣ አዋሽ አካባቢዎች ላይ ንዝረቱ የሚሰማው።
በዩኒቨርሲቲው ፕሬዚዳንት አማካኝነት አንድ ቲም ተዋቅሮ ለሁለት ሳምንታት በቦታው ተገኝተን ምልከታዎችን እያደረግን ነው። ሙያዊ ሥራዎችን እየሰራን ነው። ለህዝቡ የግንዛቤ ማስጨበጫ እየሰጠንም ነው።
የመሬት መንቀጥቀጥ አደጋ የሚከሰትበትን ቦታ መለየት ይቻላል። በዚህ ሰዓት ሊከሰት ይችላል ተብሎ የሚገመት ግን አይደለም። አሁን ባለን ቴክኖሎጂና እውቀት ቦታዎቹን መለየት ብቻ ነው የሚቻለው።
የመሬት መንቀጥቀጥ ዋናው ምክንያቱ ከሥር የቀለጠው አለት ከፍተኛ እንቅስቃሴ ነው። ስለዚህ ማግማው ወደላይ ሰንጥቆ መውጣት እስከሚያቆም ድረስ አደጋው ቀጣይነት ሊኖረው ይችላል።
እስካሁን ድረስ እየተመዘገበ ያለው ከ4.5 እስከ 4.9 ሬክተር ስኬል አካባቢ ነው፤ ይሄም ያን ያክል ጉዳት የሚያደርስ አይደለም መካከለኛ ስኬል ነው። 7 እና ከዚያ በላይ ከሆነ ነው አደጋው ከፍተኛ ሊሆን የሚችለው ” ብለዋል።
በመጀመሪያ የመሬት መንቀጥቀጥ በተከሰተበት ቦታ ፍል ውሃ መፍለቁ፤ ነዋሪውም ውሃውን ከመጠቀም እንዲቆጠብ ማሳሰቢያ መሰጠቱ ይታወሳል፤ የተገኘ የምርምር ውጤት አለ እንዴ ? ለሚለው ጥያቄ ምላሻቸው፣ “ አሰስመንት ላይ ነን። ካጠናቀቅን በኋላ ሙሉ መረጃ እናጋራለን ” የሚል ነው።
#TikvahEthiopiaFamilyAA
@tikvahethiopia
#ብርሃን_ባንክ
ብርሃን ባንክ የ150 በመቶ ትርፍ እድገት አስመዘገበ !
ባንኩ 15ኛ መደበኛና 6ኛ አስቸኳይ የባለአክሲዮኖች ጠቅላላ ጉባኤን ሐሙስ ጥቅምት 7 ቀን 2017 ዓ.ም በሚሊኒየም አዳራሽ አካሂዷል፡፡
(ሙሉ መረጃ ከላይ ተያይዟል)
More : /channel/berhanbanksc
" ሌሊት 10 ሰዓት ነው በትዳር አጋሯ የተገደለችው ፤ አንቆ ነው የገደላት " - የትግራይ ምሥራቃዊ ዞን ፖሊስ
በትግራይ፣ በውቕሮ ከተማ ድል ባለ ሰርግ ከተሞሸረች በኃላ በአራተኛው ቀን በትዳር አጋሯ ታንቃ ስለተገደለችው ሊዲያ ዓለም ጉዳይ የትግራይ ምሥራቃዊ ዞን ፖሊስ አስተያየቱን ሰጥቷል።
ለቢቢሲ አማርኛው ቃላቸውን የሰጡት የትግራይ ምሥራቃዊ ዞን ፖሊስ ኮማንደር ሙሉ ብርሃን ካህሳይ ፥ " ሊዲያ ረቡዕ፣ጥቅምት 6/2017 ዓ.ም. ከሌሊቱ 10 ሰዓት ላይ ነው የተገደለችው " ብለዋል።
" ባለቤቷ ግድያው ከተፈጸመ በኋላ ለፖሊስ እጁን ሰጥቷል ፤ አሁን በሕግ ቁጥጥር ስር ይገኛል " ሲሉ አክለዋል።
ለድምጺ ወያነ ቃላቸውን የሰጡት የውቕሮ ከተማ ፖሊስ አዛዥ ገብረ መድኅን ገብረጊዮርጊስ ፥ " ተጠርጣሪው ብርሃነ ገብረጨርቆስ የተባለ ግለሰብ ነው " ብለዋል።
" የ4 ቀናት ባለቤቱን አንቆ ነው የገደላት " ሲሉ ተናግረዋል።
ግለሰቡ እጁን ለፖሊስ ከሰጠ በኋላ ራሱን ለማጥፋት የተለያዩ ሙከራዎች አድርጎ እንደበረ ገልጸዋል።
" ፖሊስ አስፈላጊውን ጥበቃ እና ክትትል እያደረገ ነው " ብለዋል።
ሙሽራው የውቕሮ ተወላጅ እና በአዲስ አበባ በንግድ ስራ ይተዳደር ነበር። ውቕሮ ባረፈበት ሆቴል ውስጥ ንብረቱ እንደተገኘ ፖሊስ ገልጿል።
ተጠርጣሪው ሙሽራ እና የተገደለችው ሙሽሪት ሊዲያ ባለፈው ሳምንት እሁድ ጥቅምት 3 ነው በደማቅ የሰርግ ሥነ ሥርዓት የጋብቻ ሥነ ሥርዓታቸውን ፈጽመው የነበሩት።
@tikvahethiopia
#ውቕሮ
° " እሁድ ተድራ ሓሙስ በጭካኔ ተግድላለች " - የውቕሮ ከተማ ነዋሪች
° " ገዳዩ ሙሽራ እጅ ሰጥቷል፤ የድርጊቱ መንስኤ እየተጣራ ነው " - የውቕሮ ከተማ ፓሊስ
ከመቐለ በቅርብ ርቀት የምትገኘው ትንሽዋ እና ደማቅዋ የውቕሮ ከተማ ሓሙስ ጥቅምት 7/2017 ዓ.ም የሃዘን ማቅ ለብሳ ውላለች።
በሃያዎቹ ዕድሜ የምትገኘው ሊድያ በአዲስ አበባ ከተማ በኮንስትራክሽን ሰራዎች የተሰማራች ወጣት ምሁር ነበረች።
ድል ባለ ሰርግ ለማግባትም ወደ ውቕሮ ትግራይ ተጓዘች።
እሁድ ጥቅምት 3/2017 ዓ.ም በውቕሮ ከተማ በደማቅ የሰርግ ስነስርዓት " የወደፊት የትዳር አጋሬ " ያለቸውን ወጣት አገባች።
" የሙሽሪት ሊድያና ባለቤትዋ ሰርግ ደማቅ ነበር " ይላሉ የውቕሮ ከተማ ነዋሪዎች።
ሰኞ ፣ ማክሰኞ ፣ እሮብ ሙሽሪትና ሙሽራ በውቕሮ ከተማ በሚገኘው ባለ ኮኮብ ሆቴል በጫጉላ ሽርሽር ነበሩ።
ሓሙስ ጥቅምት 7/2017 ዓ.ም ለአራት ቀናት የቆየው ደስታ ወደ ሃዘን ተለወጠ።
ሙሽሪት ሊድያ በባልዋ ተገደለች ፣ መገደልዋ ለፓሊስ የጠቆመው ገዳይ ሙሽራ ነው።
ፓሊስ ግድያ ወደ ተፈፀመበት ቦታ ድረስ በመሄድ ፤ ተጠራጣሪ ሙሽራ በቁጥጥር ስር አውሎ ምርመራ የቀጠለ ሲሆን ፤ ሙሽራው ሙሽሪትን አንቆ ነው የገደላት ብሏል።
ፓሊስ ጭካኔ የተሞላው የግድያ ተግባሩ መነሻው ምን እንደሆነ በተሟላ መልኩ አጣርቶ ጉዳዩ ለሚመለከተው የህግ አካል ለማቅረብ ተጨማሪ ጊዜ ያስፈልገኛል ማለቱ ተሰምቷል።
ግድያው ቤተሰብ ብቻ ሳይሆን የውቕሮ ነዋሪዎችን ሀዘን ላይ ጥሏል።
ቃላቸውን የሰጡ ነዋሪዎች " ደስታና ሀዘን ተቀላቀለብን ፤ ሙሽሪት እሁድ ተድራ ሓሙስ በጭካኔ ተግድላለች " ብለዋል።
#TikvahEthiopiaMekelleFamily
@tikvahethiopia
#ኮሬ
🛑 " ከትላንትና በስቲያም ሁለት ሰዎች በታጣቂዎች ቆስለዋል። የአርሶ አደሩ ስጋት ከቀን ወደ ቀን እየጨመረ ነው " - ኮሬ ዞን
🔵 " እዛ አካባቢ ያለውን ህዝብ በማጽዳት መሬቱን መውሰድ ነው የተፈለገው " - የህዝብ ተወካዮች ም/ቤት አባል
በደቡብ ኢትዮጵያ ክልል፣ በኮሬ ዞን ጎርካ ወረዳ ዳኖ ቀበሌ ከትላንት በስቲያ ሁለት አርሶ አደሮች በታጣቂዎች ጥቃት እንደቆሰሉ ዞኑ ለቲክቫህ ኢትዮጵያ ተናግሯል።
የዞኑ ኮሚዩኒኬሽን መምሪያ ተወካይ አቶ አማረ አክሊሉ፣ ጉዳዩ በመንግስት ልዩ ትኩረት ስላልሰጠው አርሶ አደሮች በከፍተኛ ስጋት ላይ በመሆናቸው የፌዴራሉ መንግስት ጣልቃ ገብቶ ጥቃቱን እንዲያስቆም ጥሪ አቅርበዋል።
አቶ አማረ በዝርዝር ምን አሉ ?
" በጎርካ ወረዳ ዳኖ ቀበሌ ትላንትም ሁለት ሰዎች በታጣቂዎች ቆስለዋል። የአርሶ አደሩ ስጋት ከቀን ወደ ቀን እየጨመረ ነው። አገዳደላቸው ራሱ ዘግናኝ ነው።
አንድ ሰው ላይ እስከ 30 ጥይት ነው የሚያርከፈክፉት አጥንቱ እስኪታይ።
አሁን የመኸር እርሻ ወቅት በመሆኑ የአረም ሥራ ላይ ባሉ አርሶ አደሮች ነው ጥቃት እየደረሰ ያለው።
በአብዛኛው ጥቃቱ የሚሰነዘረው ጋላና ወረዳ ነው። ጥቃቱን የሚያደርሱት እዛው አካባቢ የመሸጉ ታጣቂዎች ናቸው።
ከምዕራብ ጉጂ ተነስተው ነው ጥቃት የሚፈጽሙት። በአካባቢው ላይ የመሬት ይገባኛል ጥያቄ የሚያነሱ ናቸው።
በዋነናነት ‘ወደ 18 ቀበሌዎችን አፈናቅለን ቦታ ካልወሰድን’ የሚሉ አካላት ናቸው። በዚሁ ምክንያት ነው በአርሶ አደሮች ግድያና ድብደባ፣ በንብረት ላይ ዘረፋ እየተፈጸመ ያለው።
የፌደራል መንግስት ካልገባ የአካባቢው ችግር እየተወሳሰበ ነው። ጣልቃ ገብቶ ነጻ ካላወጣ በስተቀር ግድያው ከ6 ዓመታት በላይ አስቆጥሮም አልቆመም። የሸኔ ታጣቂ አለ፤ ጉጂ ላይ የተወሸቀ ሌላ ታጣቂም አለ " ነው ያሉት።
በህዝብ ተወካዮች ምክር ቤት የኮሬ ህዝብ ተወካይ ሀምዛዬ አወቀ (ዶ/ር) በበኩላቸው ለቲክቫህ ሰጡት ቃል፣ " መንግስት ባለበት አገር ነው ህዝቡ ጥቃት የሚደርስበት። ጥቃት የሚደርስበትም ከኦሮሚያ ክልል ነው " ብለዋል።
" በቁጥሩ ትንሽ ስለሆነ ይሄ ህዝብ ብቻውን መጋፈጥ አይችልም። መንግስት መከታ ካልሆነው በስተቀር የህልውና አደጋ ውስጥ ነው። መንግስት ተገቢውን እርምጃ እየወሰደ አይደለም " ሲሉ ለቲክቫህ ተናግረዋል።
ለችግሩ መፈጠር መሠረታዊ መንስዔው፤ ታጣቂዎች በግልጽ ከዛ ህዝብ የሚፈልጉት ጉዳይ ምንድን ነው ? ስንል ላቀረብለንላቸው ጥያቄ ተከታዩን ምላሽ ሰጥተዋል።
" የችግሩ መሠረታዊ ነገር እውነት እንነጋገር ከተባለ የግዛት መስፋፋት ፍላጎት መኖር ነው። ምንም ሌላ ምክንያት የለውም። ‘ሸኔ’ ምናምን እየተባለ ሰበብ እየተደረገ ይቀርባል እንጂ።
እዛ አካባቢ ያለውን ህዝብ በማጽዳት መሬቱን መውሰድ ነው የተፈለገው። በተለይ ከሁለት ቀበሌዎች ላይ ህዝቡ ከዚያ እንዲፈናቀል፤ እንዲጠፋ ተደርጓል።
ከዚያ በኋላ ግን እንደ አቡካዶ፣ ሙዝ የመሳሰሉ ቋሚ ተክሎች ሁሉ ተነቅለው እንዲጠፉ፣ አካባቢው ወደ ባድማነት እንዲቀየር፣ ባዶ መሬት ነው ተብሎ እንዲሰጥ የተደረገበት ሁኔታ አለ።
በ20ውም ቀበሌያት ወረራ ሲደረግ ቋሚ ተክሎች ሁሉ ነው የሚነቀሉት። ይሄ የሚደረገው ለምንድን ነው? በሚል ብዙ ጊዜ እንጠይቃለን፤ የደረስንበትም ህዝቡን በማጥፋት መሬት ለመውረስ መሆኑን ነው " ሲሉ አስረድተዋል።
ችግሩን ለምን ማስቆም እንዳልተቻለ ማብራሪያ እዲሰጡ በፅሑፍ መልዕክት ጭምር የጠየቅናቸው የደቡብ ኢትዮጵያ ክልል ሰላምና ጸጥታ ቢሮ ኃላፊ አቶ ወገኔ ብዙነህ፣ " የአመራር ስልጠና ላይ ነኝ " በማለት ዝርዝር ምላሽ ከመስጠት ተቆጥበዋል ።
#TikvahEthiopiaFamilyAA
@tikvahethiopia
#ሕብረትባንክ
የውጭ አገር ጉዞ አለብዎት ?
በሕብረት ባንክ ቅድመ ክፍያ ሕብር ማስተር ካርድ የውጭ ምንዛሪ አጠቃቀምዎን ያዘምኑ፡፡ በጉዞዎ የሚያስፈልግዎትን ወጪዎች ወይም ክፍያዎችን በቀላሉ ያከናውኑ፡፡ ከሕብር ማስተር ካርድ ጋር ይጓዙ!
ሕብረት ባንክ
በሕብረት እንደግ!
ለበለጠ መረጃ ወደ 995 ነፃ የጥሪ ማዕከል ይደውሉ፡፡
በቀላሉ አዳዲስ መረጃዎች እንዲደርስዎ የቴሌግራም ገፃችንን አሁኑኑ ይቀላቀሉ፡፡ /channel/HibretBanket
ሌሎች የማህበራዊ ገፆቻችንን እና ድህረ ገፃችንን linktr.ee/Hibret.Bank ይጎብኙ፡፡
#TravelSmart #HibirMastercard #travelcard
" ታፍኖ ከተወሰደ ከ5 ቀናት በኋላ ተገድሎ አስክሬኑ ወንዝ ተጥሎ ተገኝቷል " - የትግራይ ነፃነት ፓርቲ
የትግራይ ነፃነት ፓርቲ የአመራር አባሉ ታፍኖ ከተወሰደ በኃላ ተገድሎ አስከሬኑ ወንዝ ተጥሎ እንደተገኘ ገለፀ።
ፓርቲው ታፍኖ የተወሰደውን የአመራር አባሉን ላለፉት ከ5 ቀናት ሲፈልግ የቆየ ቢሆን ተገድሎ አስክሬኑ ወንዝ ተጥሎ ማግኘቱ አሳውቋል።
የፓርቲው ሊቀ-መንበር ዶ/ር ደጀን መዝገበ " አሰቃቂ ድርጊቱ የተፈፀመው በትግራይ ሰሜናዊ ምዕራብ ዞን አስገደ ወረዳ ነው " ብለዋል።
ተገድሎ የተገኘው የፓርቲው አመራር አባል በወረዳው የፓርቲው አስተባባሪ መሆኑን ገልጸው ፥ " ታፍኖ ከተወሰደ ከ5 ቀናት በኋላ ተገድሎ ሬሳው በወንዝ ተጥሎ ተገኝቷል ይህ ጭካኔ የተሞላበት አረመንያዊ ድርጊት ነው " ሲሉ አውግዘውታል።
ሊቀ-መንበሩ በዞኑ የሚገኙ አባላቱ " ' ፓርቲው መደገፍ ህወሓት መቃወም አቁሙ አለበለዚያ ትገደላላችሁ ' የሚል ማስፈራርያ ደርሶዋቸዋል " ሲሉ ' ህወሓትን ክሰዋል።
ህወሓት ለቀረበበት ክስ እስካሁን የሰጠው መልስ የለም።
" ተግባሩን የህወሓት አባላት ነው እየፈፀሙ የሚገኙት " በማለት ያቀረቡትን ክስ ያጠነከሩት የፓርቲው ሊቀመንበር " በ19 የፓርቲው አባላት አፈና ፣ ደብደባና ግድያ ደርሷል " ማለታቸው ቲክቫህ ኢትዮጵያ የመቐለ ቤተሰብ ዘግቧል።
#TikvahEthiopiaFamilyMekelle
@tikvahethiopia
#Tigray
" ጠቅላይ ሚንስትሩ ያስቀመጡት የመፍትሄ አቅጣጫ ተግባራዊ አልሆነም " - የትግራይ የንግድ ማህበረሰብ ግብረ ሃይል ተወካዮች
የትግራይ የንግድ ማህበረሰብ ግብረ ሃይል ተወካዮች ከሰሞኑን ውይይት ተቀምጠው ነበር።
በዚህም ወቅት ፤ " ጠ/ሚ ዶ/ር ዐብይ አህመድ በትግራይ ከነበረው ጦርነት ጋር በተያያዘ የተከማች የብድር ወለድና ቅጣት መልክ እንዲይዝ ባለፈው ዓመት የሰየሙት የመፍትሄ አፈላላጊ ቡድን እስካሁን ያስቀመጠው ተጨባጭ ነገር የለም " ብለዋል።
" ጠቅላይ ሚንስትሩ በሰጡት የአመራር አቅጣጫ የገንዘብ ሚንስቴር ፣ የብሄራዊ ባንክና ልሎች ከፍተኛ የፌደራል መንግስት የስራ ሃላፊዎች ያካተተ መፍትሄ አፈላላጊ ኮሚቴ ቢቋቋምም እስከ አሁን የሚዳሰሰ የሚጨበጥ ለውጥ አልመጣም " ሲሉ ገልጸዋል።
ተወካዮቹ ፥ " ከ7 ወራት በፊት በ2016 ዓ.ም ጠቅላይ ሚንስትሩ ወደ አዲስ አበባ ከጋበዟቸው የንግድ ማህበረሰብ ያካተተ ልኡክ ጋር ባካሄዱት ውይይት ማጠቃለያ በጦርነቱ ጊዜ የተከማቸው የብድር ወለድና ቅጣት ተሰልቶ ፓለቲካዊና ኢኮኖሚያዊ መፍትሄ እንዲሰጠው አቅጣጫ ቢያስቀምጡም እስከ አሁን ጠብ የሚል መፍትሄ አለመጣም ይህም በጣም አሳዝኖናል " ብለዋል።
አበዳሪ የፋይናንስ ተቋማት የሰጡት የብድር ወለድ ከነቅጣቱ እንዲመለስ የንግድ ማህበረሰቡ ማስጨነቅ እንደጀመሩ በዚሁ ውይይት ወቅት ተነግሯል።
ተግባሩ በጦርነት ምክንያት የደቀቀው የክልሉ ኢኮኖሚያዊ አቅም ይበልጥ ጉልበት የሚያሳጣ መሆኑ በመገንዘብ አገራዊ የፓሊሲና የፓለቲካ መፍትሄ ሊሰጠው ይገባል ተብሏል።
ጉዳዩ ጊዜ የሚሰጥ አይደለምና " አስቸኳይ ትኩረት እና መፍትሄ " እንደሚያሻው አፅንኦት ተሰጥቷል።
የውይይቱ ተሳታፊዎች የፌደራል መንግስት የትግራይ የንግድ ማህበረሰብ የሚታደግ የመፍትሄ እርምጃ እንዲያስቀመጥ ተጠይቋል።
#TikvahEthiopiaMekelleFamily
@tikvahethiopia
#DStvEthiopia
⚽️አጓጊው የእንግሊዝ ፕሪሚየር ሊግ ስምንተኛ ሳምንት ጨዋታዎች!
👉 ጨዋታዎችን ከትንታኔ ፣ ከተጫዋች ብቃት እስከ ቡድን ወኔ በሱፐርስፖርት ለመከታተል ዛሬውኑ ደንበኝነትዎን ያራዝሙ!
ደንብና ሁኔታዎች ተፈፀሚነት አላቸው! ለበለጠ መረጃ
👇
www.dstv.com/en-et
👉 የዲኤስቲቪን ዲኮደር በ1,999 ብር ከ1 ወር ነፃ የሜዳ ፓኬጅ ጋር ያገኛሉ።
የMyDStv Telegram bot ሊንክ ይጫኑ!
👇
https://bit.ly/2WDuBLk
#PremierLeagueAllonDStv #ሁሉምያለውእኛጋርነው #DStvSelfServiceET
" የቅልጥ ዓለቱ እንቅስቀሴ እስከቀጠለ ድረስ የመሬት መንቀጥቀጥ ክስተቱ የመቀጠል እድል አለው " - ኤልያስ ሌዊ (ዶ/ር)
በዛሬው ዕለት ከቀኑ 6 ሰዓት አከባቢ በ 'አዋሽ ፈንታሌ' የመሬት መንቀጥቀጥ ተከስቷል።
ንዝረቱ በአዲስ አበባ ከተማ የተለያዩ አካባቢዎች ተሰምቷል፡፡
ትናንት ምሽት የመሬት መንቀጥቀጥ ንዝረት መሰማቱ ይታወሳል።
አሁንም ዳግም የመሬት መንቀጥቀጥ ንዝረቱ መከሰቱ ታውቋል።
በአዲስ አበባ ዩኒቨርሲቲ የጂኦፊዚክስና ስፔስ ሳይንስ ዳይሬክተር ዶ/ር ኤሊያስ ሌዊ ለብሔራዊ ቴሌቪዥን ጣቢያ በሰጡት ቃል፥ " ከቀኑ 6 ሰዓት ከ10 ደቂቃ ከ9 ሰኮንድ በአዋሽ ፈንታሌ የመሬት መንቀጥቀጥ ተከስቷል በሬክተር ስኬል 4.6 አካባቢ ነው " ብለዋል።
የዛሬው የመሬት መንቀጥቀጥ የተከሰተው ባለፈው በተከሰተበት አዋሽ ፈንታሌ አካባቢ ሲሆን በአካባቢው ያለው የመሬት መንቀጥቀጥ እንቅስቃሴ አሁንም እንዳልቆመ ተናግረዋል።
" አሁን የተከሰተው የመሬት መንቀጥቀጥ የንዝረት መጠኑ አነስተኛ ነው " ሲሉ ገልጸው " በአዋሽ ፈንታሌ እና ሳቡሬ ከተማ መካከል ላይ ያለው የቅልጥ ዓለት እንቅስቀሴ እስከቀጠለ ድረስ የመሬት መንቀጥቀጥ ክስተቱ የመቀጠል እድል አለው " በማለት ለብሔራዊ ቴሌቪዥን ጣቢያ አስረድተዋል።
@tikvahethiopia
" የታይ-ታይ ከረሜላ በህጋዊ መንገድ የተመዘገበ እና የተረጋገጠ ጤናማ እና ደህንነቱ የተጠበቀ ነው " -ቪታ ፉድ ኢንዱስትሪ ኃ.የተ.የግ.ማ
መሰረቱን በቱርክ ያደረገው እና እ.ኤ.አ ከ 2019 ጀምሮ በኢትዮጵያ ታይ ታይ የተሰኙ ከረሜላዎችን በማምረት ለተጠቃሚዎች እያደረሰ የሚገኘው ቪታ ፉድ ኢንዱስትሪ ኃ.የተ.የግ.ማ ምርቶቼ በህጋዊ መንገድ በኢትዮጵያ በአምራችነት የተመዘገቡ እና ጥራታቸውን የጠበቁ መሆናቸውን ሊሰመርበት ይገባል ሲል ለቲክቫህ ኢትዮጵያ በላከው መግለጫ ገልጿል።
ከቅርብ ጊዜ ወዲህ በገበያ ላይ በመንግስት ያልተመዘገቡና የምስክር ወረቀት የሌላቸው ተመሳስለው የተሰሩ ምርቶች መኖራቸውን አስተውለናል ያለው ድርጅቱ እነዚህ ምርቶች በህገ ወጥ መንገድ ስለሚመረቱ ምንም አይነት የአምራች መረጃም ሆነ አድራሻ የላቸውም ብሏል።
ተቋሙ ጉዳዩን ለአዲስ አበባ ጤና ቢሮ እና ለኢትዮጵያ ምግብና መድኃኒት ባለሥልጣን በተደጋጋሚ ማሳወቁን በመግለጫው ገልጿል።
የአዲስ አበባ ጤና ቢሮም እነዚህን ህገወጥ ምርቶች የመለየት ስራ የሰራ ሲሆን የኢትዮጵያ ምግብ እና መድኃኒት ቁጥጥር ባለሥልጣንም ምርቶቹን በመገናኛ ብዙሃን በማሳወቅ ከገበያ አግዷቸዋል።
ሆኖም እኚህ የታገዱ፣ በህገወጥ መንገድ የተመረቱ እና ተመሳስለው የተሰሩ ምርቶች የእኛን ምርቶች አመሳስለው ስለሚገለብጡ ደንበኞቻችን ምርቶቹን ከእኛ(ከህጋዊ ምርቶች)መለየት ባለመቻላቸው ምርቶቻችን ታግደዋል የሚል ብዥታ እንደተፈጠረ ተናግሯል።
ድርጅቱ የታይ-ታይ ከረሜላ በህጋዊ መንገድ የተመዘገበ እና የተረጋገጠ ጤናማ እና ደህንነቱ የተጠበቀ እንዲሁም በህጋዊ መንገድ በኢትዮጵያ በአምራችነት የተመዘገበ መሆኑን ሊሰመርበት ይገባል ብሏል።
እነዚህ ምርቶች (ከረሜላዎች) በተለይም ልጆች የሚጠቀሟቸው በመሆኑ ሁሉም ሰው ከመግዛቱ በፊት የምርቶቹን ደህንነት ግምት ውስጥ ማስገባት እንደሚኖርበት አሳስቧል።
@tikvahethiopia
Announcement of Professional Training Programs
1. Python Programming + Data Analytics and Visualization
2. Python Programming + Artificial Intelligence
By: Addis Ababa University,
Addis Ababa Institute of Technology (AAiT),
School of Electrical & Computer Engineering
Registration Deadline: October 19, 2024
Training Starts on: October 28, 2024
Registration: Addis Ababa Institute of Technology (AAiT),
School of Electrical and Computer Engineering, Main Building 1st Floor, Office Number: 124
Online Registration Link: https://forms.gle/E54L9aVkHQ1pCs8v5
Telephone: +251-940-182870 / +251-913-574525
Email: sece.training@aait.edu.et
More information: https://forms.gle/E54L9aVkHQ1pCs8v5
Our Telegram Channel: /channel/TrainingAAiT
ፎቶ ፦ የሁሉ አባት የሆኑት የአባ መፍቀሬ ሰብእ ክቡር አስከሬን ሌሊቱን በርዕሰ አድባራት ደብረ መድኃኒት መድኃኔዓለም ቤተ ክርስቲያን ጸሎተ ሰዓታት ፣ ማኅሌት ሲደረስ አድሮ ፣ በክብር አሸኛኘት ወደ ደሴ ደብረ ቤቴል ቅዱስ ገብርኤል ካቴድራል በመድረስ በአሁኑ ሰዓት ብፁዕ አቡነ መቃርዮስ የምዕራብ ካናዳ ሀገረ ስብከት ሊቀ ጳጳስ በተገኙበት ጸሎተ ፍትሐት እየተደረገ እንደሚገኝ ከተዋሕዶ ሚዲያ ማዕከል የተገኘው መረጃ ያሳያል።
የደሴ አድባር ፣ የሁሉ አባት፣ የሁሉ አለቃ፣ የሁሉ መካሪ፣ የሁሉ ዘካሪ፣ የሀገር ምሰሶ፣ የቤተ ክርስትያን ድምቀት እና የአውደ ምህረት ጌጥ እንደነበሩ የተገለጸላቸው ሊቀ ትጉሀን ባህታዊ አባ መፍቀሬ ሰብዕ በ96 አመታቸው ከዚህ ዓለም ድካም ማረፋቸው ይታወሳል።
Photo Credit - ተዋሕዶ ሚዲያ ማዕከል/ TMC
@tikvahethiopia
ሴጅ ማሰልጠኛ !
በቅዳሜ ጠዋት የልጆች የኮምፒውተር ኮዲንግ እና ግራፊክ ዲዛይን ስልጠና ምዝገባ ላይ ነን።
👉ስልጠናው ዕድሜያቸው ከ 8-18 ዓመት ላሉ ልጆች የሚሰጥ
👉 ልጆች ፕሮጀክቶች እየሰሩ የሚሰለጥኑበት
👉ተግባርን ከንድፈ ሀሳብ ያስተሳሰረ ስልጠና
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ ታሜጋስ ህንፃ 2ኛ ፎቅ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute
🔈 #የሐኪሞችድምጽ
" በህክምና ሞያ ብቻ 10 ዓመት በላይ ተምረናል እድሜያችን ወደ ጎልማሳነት ተጠግቷል ቤተሰብ ማስተዳደር ፣ ለልጆቻችን ወተት እና ዳይፕር መግዣ እስከማጣት ድረስ ነው ያቃተን " - ሐኪም
በማዕከላዊ የኢትዮጵያ ክልል፣ ሃዲያ ዞን የሚገኘው ዋቸሞ ዩኒቨርሲቲ ጤና ሳይንስ ኮሌጅ ውስጥ የሚያስተምሩ ሐኪሞች ፦
➡️ የ4 ወር ዲዩቲ (የትርፍ ሰዓት ስራ ክፍያ)፣
➡️ የ14 ወር የኦቨር ሎድ ክፍያ (Over load)
➡️ የ2016 የአንዋላይዜሽን (Annualization) ክፍያ ስላልተከፈላቸው ማስተማራቸውን ለመቀጠል እንደሚቸገሩ ለዩኒቨርሲቲው በጻፉት ደብዳቤ አሳውቀዋል።
ቲክቫህ ኢትዮጵያ የተመለከተውና ለዩኒቨርሲቲው ኃላፊዎች የተጻፈው ደብዳቤ በቁጥር 48 የሚሆኑ መምህራን ሐኪሞች ፊርማቸውን አስፍረውበታል።
ከማህጸንና ጽንስ፣ ከውስጥ ደዌ ፣ ከሰርጀሪ እና ከህጻናት ህክምና ክፍል የተወጣጡ ናቸው።
በጻፉት ደብዳቤ ሐኪሞቹ የማስተማር ሂደቱ ላይና የተጠራቀሙ ልዩ ልዩ ክፍያዎችን በሚመለከት ከዩኒቨርሲቲው ፕሬዝዳንትና ሌሎች ከሚመለከታቸው አመራሮች ጋር የትምህርት ሚኒስቴር አመራሮች በተገኙበት ተደጋጋሚ ውይይቶችን ቢያደርጉም መፍትሄ ባለማግኘታቸው እዚህ ውሳኔ ላይ መድረሳቸውን ይገልጸል።
በመሆኑም ከ05/02/17 ጀምሮ የማስተማር ስራቸውን በጊዜያዊነት እንዳቆሙና ለሚፈጠረው ማንኛውም ችግር ሃላፊነት እንደማይወስዱ ለዩኒቨርሲቲው አሳውቀዋል።
ዩኒቨርሲቲ በበኩሉ ለመምህራኑ ደብዳቤ ምላሹን በደብዳቤ የሰጠ ሲሆን የማስተማር ስራቸውን በመደበኛነት እንዲቀጥሉ እና ይህን የማያደርጉ መምህራን ሐኪሞች ላይ አስፈላጊውን አስተዳደራዊ እርምጃ እንደሚወስድ አስጠንቅቋል።
ቲክቫህ ኢትዮጵያ ቅሬታ አቅራቢ ሐኪሞችን በስልክ በማነጋገር ሃሳባቸውን ተቀብሏል።
በሆስፒታሉ የሚያስተምሩ የጤና ባለሞያዎች " የዲዩቲ ወይም የትርፍ ሰዓት ክፍያው ጨምሮ ሌሎችም ክፍያዎች እንዲከፈላቸው ተደጋጋሚ የሆነ ሙከራ ቢያደርጉም ምላሽ ከመስጠት ይልቅ ማስፈራሪያ እየደረሰን ይገኛል " ብለዋል።
የህክምና ሞያ በባህሪው ከመደበኛ የስራ ሰዓት በተጨማሪ የምሽት እና የአዳር ሰዓትን ጨምሮ ለተጨማሪ ሰዓታት እንዲሰሩ የሚያስገድድ ሲሆን በሆስፒታሉ የሚያስተምሩ ሲኒየር ሐኪሞች ባለፉት 4 ወራት የሰሩበት የትርፍ ሰዓት ክፍያ ስላልተከፈላቸው ለከባድ የኢኮኖሚ ጫና መዳረጋቸውን ነግረውናል።
ካነጋገርናቸው መካከል አንደኛው ሐኪም ፦
" በህክምና ሞያ ብቻ 10 ዓመት በላይ ተምረናል እድሜያችን ወደ ጎልማሳነት ተጠግቷል ቤተሰብ ማስተዳደር ፣ለልጆቻችን ወተት እና ዳይፕር መግዣ እስከ ማጣት ድረስ ነው ያቃተን።
እኛ ትርፍ ነገር አልጠየቅንም ኑሮ ውድነቱ የሚታወቅ ነው በደሞዝ ብቻ መኖር አልቻልንም ለልጆቻችን የምንቋጥረው ምግብ ከአቅም በላይ ሆኖብናል።
መሰረታዊ ፍላጎታችንን እናሟላ የሰራንበተን ክፈሉን ነው ያልነው " ብለዋል።
እንደ ሐኪሙ ገለጸ የኑሮ ውድነቱ በተለይም አነስ ያለ ደሞዝ በሚከፈላቸው ነርሶች ላይ ከፍቷል።
ምግብ ሳይበላ መጥቶ በስራ ላይ ሳለ ራሱን ስቶ የወደቀና የቤት ኪራይ የሚከፍለው አጥቶ ቴሌቪዥኑን ያስያዘ ነርስ በሆስፒታል አለ ነው ያሉት።
በሚሰሩበት እና በሚያስተምሩበት በዋቻሞ ዪኒቨርሲቲ ስር የሚገኘው የንግሥት እሊኒ መሐመድ መታሰቢያ ኮምፕረንሲቭ ስፔሻላይዝድ ሆስፒታል አመራሮችን ጨምሮ የዩኒቨርሲቲውን ሃላፊዎችን ቢያናግሩም መፍትሄ እንዳጡ ነግረውናል።
ቃላቸውን ለቲክቫህ የሰጡ ሐኪሞች " መኖር አልቻልንም " ሲሉ ክብደቱን አስረድተዋል።
ከተጠራቀመው የትርፍ ሰዓት ክፍያ ውስጥ የአንድ ወር ክፍያ ባለፈው ወር እንደተከፈላቸው ገልጸው ነገር ግን ዘግይቶ ስለተከፈለ " ከብድራችን አላለፈም ሁላችንም በብድር ነው የምንኖረው " ብለዋል።
" የብድር አዙሪት ውስጥ ገብተናል ደሞዝ እንቀበላለን ያልቃል ከዛ እንበደራለን፣ ብድር እንከፍላለን እንደዚህ ነው እየኖርን ያለነው " ሲሉ አስረድተዋል።
በተጨማሪ ሐኪሞቹ ፦
- የዩኒቨርሲቲው አመራሮች ችግራቸውን ከመፍታት ይልቅ ሰዎችን ለይቶ ማስፈራራት ላይ እንደተጠመዱ ፤ የዲፓርትመንት ሃላፊዎችን ለይቶ በማስፈራራት " እናንተ ናችሁ እያሳመጻቹ ያላቹት የሙያ ፈቃዳቹ ይነጠቃል " እስከማለት እንደደረሱ፤
- ለሆስፒታሉ፣ ለተማሪው ፣ለማህበረሰቡ እና ለሰራተኞች የሚያስብ ሃላፊ እንዳጡ ፤
- ተወካዮች ከዩኒቨርስቲው ፕሬዝዳንት ዶ/ር ዳዊት ሃየሶ ጋር በተነጋገሩበት ወቅት ፕሬዝዳንቱ " ችግሩ ያለው ግቢያቹ ውስጥ ነው የሆስፒታሉ የውስጥ ገቢ የት እንደሚሄድ አላውቅም የውስጥ ገቢው የተጠየቀውን ክፍያ መክፈል መቻል አለበት " ማለታቸውን፤
- ለቀድሞው የዩኒቨርሲቲው ፕሬዝዳንት ዶ/ር ሐብታሙ አበበ ቅሬታቸውን በተደጋጋሚ ቢያቀርቡም ችግራቸው ሳይፈታ ፕሬዝዳንቱ በሙስና እና ሐብት ምዝበራ ወንጀል ተጠርጥረው ሐምሌ 15/2017 ዓም በቁጥጥር ስር መዋላቸውን፤
- ከትምህርት ሚኒስቴር ሊያማክሩ የመጡ በትምህርት ሚኒስትር ሚኒስትር ፕ/ር ብርሃኑ ነጋ የተወከሉ ሰዎች ባሉበት ስብሰባ ላይ አዲስ ፕሬዝዳንት ስለሆነ ጊዜ እንዲሰጠው ፣ ነገሮችን አስተካክሎ እና አይቶ የእነሱን ክፍያ በቅድሚያ እንዲከፈል እንደሚያደርጉ እንደነገሯቸው እና እስካሁን መታገሳቸውን ጠቁመዋል።
ነገር ግን እስካሁን ከመፍትሄ ይልቅ ማስፈራሪያ እና ዛቻ እየደረሰባቸው መሆኑን ገልጻዋል።
የሆስፒታሉ ዋና ስራ አስኪያጅ ዶ/ር አያኖ ሻንቆ ምን ምላሽ ሰጡ ?
ስራ አስኪያጁ ለቲክቫህ ኢትዮጵያ በሰጡት ቃን ፥ መምህራኑ የጠየቁት ክፍያ ያልተከፈላቸው መሆኑን አምነዋል።
" አልከፍልም ያለ ሰው የለም ለምንድነው ስራ የሚያቆሙት ? የዲዩቲ እና ኦቨርሎድ ክፍያ ከደሞዝ ጋር አይገናኝም ለደሞዛቸው መስራት አለባቸው የትርፍ ሰዓት ክፍያ ግን ሲሰሩ ብቻ ነው መክፈል የሚቻለው አሁን ላለመግባት ከወሰኑ በቀጣይ ያልሰሩበት ይቆረጥባቸዋል " ብለዋል።
" በአንድ ጊዜ ያልተከፈለውን ክፍያ ሁሉ ለመክፈል የሆስፒታሉ በጀት የማይበቃ በመሆኑና ተጨማሪ የገንዘብ ምንጭ ስለሌለ የሚመጣውን ገንዘብ ቅድሚያ ለሚሰጠው ቅድሚያ ሰጥተን ነው የምንከፍለው በጀቱን እየጠየቅን ነው ሲፈቀድ እንከፍላለን አንከፍልም ያለ የለም " ሲሉ ገልጸዋል።
አክለውም " ይህን መሰል ችግር እኛ ጋር ብቻ አይደለም ያለው እናንተ ጋር ስለደረሰ ነው እንጂ በሌሎች አካባቢዎችም ተመሳሳይ ችግር አለ " ያሉ ሲሆን " በእኛ በኩል በሁለት ወር ጊዜ ውስጥ ችግሩ ይፈታል ብለን እናስባለን " ብለዋል።
#TikvahEthiopiaFamilyAA
@tikvahethiopia
#ወላይታዞን
“ ከ1,000 በላይ መምህራንና የቢሮ ሠራተኞች የሐምሌ ደመዎዝ አልተከፈለንም ” - የወላይታ ዞን መምህራን
“ በአራት ወረዳዎች ሙሉ ደመወዝም ሳይሆን የተወሰነ እየተከፈለ ነው ” - የዞኑ ትምህርት መምሪያ
በወላይታ ዞን የሚገኙ መምህራን የሐምሌ 2016 ዓ/ም ደመወዝ እንዳልተከፈላቸው፣ በዚህም የትምህርት ሥራ ሙሉ ለሙሉ እንዳልተጀመረ መምህራኑ ለቲክቫህ ኢትዮጵያ ተናግረዋል።
ክፍያ አለመፈጸሙን ተከትሎ አብዛኛዎቹ መምህራን ለማስተማር ፈቃደኞች ባለመሆናቸው የመማር ማስተማር ሂደቱ እንደተስተጓጎለ ነው የገለጹት።
“ ከ1,000 በላይ መምህራንና የቢሮ ሠራተኞች የሐምሌ ደመወዝ አልተከፈለንም ” ያሉት ቅሬታ አቅራቢዎቹ፣ እንኳን ደመወዝ ሳይከፈል ተከፍሏቸውም ኑሮውን መቋቋም እንዳልተቻሉ ባለስልጣናቱ በደንብ ሊረዱ እንደሚገባ አሳስበዋል።
ያልተከፈለውን ጨምሮ ከዚህ ወዲያ ደመወዛቸው በወቅቱ እንዲፈጸምላቸውም በአንክሮ ጠይቀዋል።
ለምን ክፍያው አልተፈጸመም ? ሲል ቲክቫህ ኢትዮጵያ የጠየቃቸው የወላይታ ዞን ትምህርት መምሪያ ኃላፊ አቶ ጎበዜ ጉደና ሙሉ ደመወዝ እንዳልተከፈላቸው አምነው ተከታዩን ማብራሪያ ሰጥተዋል።
“ አራት የወረዳዎች ላይ ሙሉ ደመወዝም ሳይሆን የተወሰነ እየተከፈለ ነው። የሐምሌ ወር ክፍያ ላልተፈጸመላቸውም ወረዳዎች ገቢ ሰብስበው እንዲከፍሉ እየተደረገ ነው።
ከዚህ በፊትም ይታወቃል ከበጀት ካሽ ጋር ተያይዞ ወላይታ ዞን ላይ የደመወዝ ችግር ነበር። አሁን ግን እሱ ተቀርፎ ከዚህ በኋላ ሁሉም ሠራተኞች ሙሉ ደመወዝ ያገኛሉ።
በዞኑ ወረዳዎች የሚጠቀሟቸው በርካታ እዳዎች ስላሉ የሐምሌን ደመወዝ ሰብስበው እንዲጠቀሙ የሚል አቅጣጫ ተቀምጦ በዛው መልክ እየተሰራ ነው ያለው።
የመምህራን ብቻ ሳይሆን ሁሉም የመንግስት ሠራተኞች ወረዳዎች ላይ ሙሉ ደመወዝ አላገኙም። ግን ክፍያቸው እስከ 70 ፐርሰንት የደረሰ፤ እየጨረሱ ያሉ ወረዳዎችም አሉ።
ከሞላ ጎደል ችግሮች እየተፈቱ ነው። የሐምሌ ደመወዝ ስላልተከፈለ በሚል አንዳንድ አካባቢዎች ላይ የትምህርት ሥራን ለማስተጓጎል የሚሞከሩ ሙከራዎች አሉና እሱ ተገቢ አይደለም።
አለመከፈሉ ስህተት ነው ግን በተከፈለው ደመወዝ ሥራ መስራት ይገባል። እየሰሩ ይጠይቁ ” ብለዋል።
በዞኑ የመምህራንን ጨምሮ የሌሎችም የመንግሥት ሠራተኞች ደመወዝ በወቅቱ አለመፈጸም በተደጋጋሚ ማጋጠሙ የሚታወቅ ሲሆን ሠራተኞቹ የከፋ ችግር ለማሳለፍ እንደገደዱ እንደሆነ ከዚህ ቀደምም ሲያማርሩ ነበር።
#TikvahEthiopiaFamilyAA
@tikvqhethiopia
ኢትዮ ቴሌኮም !
የኢትዮ ቴሌኮም አክሲዮን እንዴት በቀላሉ በቴሌብር ሱፐርአፕ መግዛት እንደሚችሉ ይመልከቱ፦ https://youtu.be/I44YC8mz5YE
ለማንኛውም ጥያቄ ወይም ተጨማሪ መረጃ ወደ 128 ይደውሉ!
ፍርድ ቤት በ ' አሻም ' ስያሜ ጉዳይ ያሳለፈው ውሳኔ ምንድነው ?
🔵 አሻም ቴሌቪዥን ስያሜውን መጠቀም ይቀጥላል ፤ 5,000,000 ብር ለፍርድ ባለመብት ለመክፈልም ተስማምቷል።
የፍርድ ባለመብት ኢካሽ የማማከር፤ ስልጠናና ፕሮሞሽን ኃላ.የተ.የግ.ማህበር (አሻም የሬድዮ ዝግጅት) እና የፍርድ ባለዕዳ አሻም ሚዲያ ትሬዲንግ ኃላ.የተ.የግ.ማህበር (አሻም ቴሌቪዥን) " ጉዳያችንን በሥምምነት ጨርሰን ቀርበናል " በማለት የፌዴራል ከፍተኛ ፍርድ ቤት ቀርበዋል።
በዚህም የአፈፃፀም ክርክሩ እንዲቋረጥ እና አስቀድሞ ተሰጥቶ የነበረው የአፈፃፀም ትእዛዝ ቀሪ እንዲሆን በማለት ጥቅምት 05 ቀን 2017 ዓ.ም የእርቅ እና ድርድር ስምምነት በመጻፍ አቤቱታ ጠይቀዋል።
የእርቅና የድርድር ውላቸውም የፋይሉ አካል ሆኖ እንዲመዘገብ እና በሥምምነታቸው መሠረት እንዲፈፀም ነው የጠየቁት።
የእርቅ እና ድርድሩ ይዘት ምን ይላል ?
- የፍርድ ባለዕዳ " አሻም " በሚል ስያሜ የቴሌቪዥን ስርጭት ማስላተለፉን እንዲቀጥል፤
- የፍርድ ባለመብት የፍርድ ባለዕዳ " አሽም " የሚለውን ቃል በቴሌቪዥን ጣቢያ ስያሜነት እንዲጠቀምበት ፈቃድ የሰጠው መሆኑ፤
- የፍርድ ባለዕዳ ብር 5,000,000.00 (አምስት ሚሊዮን ብር) ለፍርድ ባለመብት ለመክፈል የተስማማ እና እ.ኤ.አ ታህሳስ 12 ቀን 2024 (ታህሳስ 03 ቀን 2017 ዓ.ም) የሚመነዘር የዘመን ባንክ ቼክ ቁጥር B1026682 የሆነ በዕለቱ ለፍርድ ባለመብት የሰጠው መሆኑ፤
- የፍርድ ባለመብት በብስራት ኤፍ ኤም 101.1 የሚተላለፈው " አሽም የሬዲዮ ፕሮግራም የማሰራጨት መብቱ የተጠበቀ መሆኑን በመስማማት በእርቅና በድርድር ሥምምነት ጉዳዩን መጨረሳቸውን ይገልጻል።
የፍርድ ባለመብት ዋና ሥራ አስኪያጅ አቶ ደምመላሽ ታደሰ እና የፍርድ ባለዕዳ የቦርድ ሊቀመንበር አቶ ግዛው ዘርጋው ፍርድ ቤት ቀርበው ጉዳዩን በእርቅ መጨረሳቸውን ገልፀዋል፡፡
የፍርድ ባለመብት የፍርድ ባለዕዳ " አሻም " በሚል ስያሜ የቴሌቪዥን ስርጭት ማስተላለፉን እንዲቀጥል እና እንዲጠቀምበት ፈቃድ መስጠቱን የእርቅ ስምምነቱ አስረድቷል።
ግራ ቀኙ ፅፈውና ፈርመው ያቀረቡት የእርቅ ሥምምነት ህግንና ሞራልን የማይቃወም መሆኑን ፍርድ ቤቱ በመረዳት እርቁን ተቀብሎ አፅድቋል ፤ ከመዝገቡ ጋር እንዲያያዝም ብሏል።
አስቀድሞ ሰጥቶ የነበረው ትዕዛዝም (ማለትም አሻም ቴሌቪዥን ስያሜውን እንዳይጠቀም የሚለውን) ቀሪ አድርጓል።
ከዚህ በፊት ፍርድ ቤቱ በዋለው ችሎት ሰጥቶ የነበረው የአፈፃፀም ትዕዛዝ በተለዋጭ ትዕዛዝ ቀሪ አድርጓል። ይህንን የአፈፃፀም ትዕዛዝ ተከትሎ በኢትዮጵያ ፌደራል ፖሊስም ሆነ በኢትዮጵያ መገናኛ ብዙሃን ባለሥልጣን የተሰሩ ሥራዎች ያሉ ከሆነ ቀሪ እንዲያደርግ ታዟል፡፡
" አሻም ቴሌቪዥን " ስያሜውን መጠቀም ይቀጥላል።
#TikvahEthiopiaFamilyAA
@tikvahethiopia
ዛሬ ጠቅላይ ሚኒስትር ዐቢይ አህመድ (ዶ/ር) ሹመት ሰጥተዋል።
በቅርቡ ፕሬዜዳንት ሆነው በተሰየሙት አምባሳደር ታዬ አጽቀስላሴ ምትክ የፍትሕ ሚኒስትሩን ጌዴዮን ጢሞቲዮስን (ዶ/ር) የውጭ ጉዳይ ሚኒስትር አድርገው ሾመዋቸዋል።
የኢትያጵ ኢንቨስትመንት ኮሚሽን ኮሚሽነር የነበሩትን ሃና አርዓያስላሴን ደግሞ የፍትህ ሚኒስትር አድርገው ሹመዋል።
በተጨማሪም ፥ የመንግሥት ኮሙኒኬሽን አገልግሎት ሚኒስትር ዴዔታ ሆነዉ በማገልገል ላይ የነበሩት ሰላማዊ ካሳ የቱሪዝም ሚኒስትር ሆነዉ በጠቅላይ ሚኒስትሩ ተሹመዋል።
@tikvahethiopia
ሴጅ ማሰልጠኛ !
የግራፊክ ዲዛይን፣ ቪዲዮ ኢዲቲንግ፣ ሞሽን ግራፊክስ እና ዲጂታል ማርኬቲንግ ስልጠና ምዝገባ ላይ ነን።
👉 100% በተግባር የተደገፈ ስልጠና
👉 Advanced Graphics + Video Editing + Motion Graphics + Digital Marketing በአንድ ላይ
👉 ከ50 በላይ ፕሮጀክቶች ያሉት
👉 የሥራ ላይ ስልጠና (Internship) የተመቻቸለት
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ ታሜጋስ ህንፃ 2ኛ ፎቅ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute
#ኢትዮቴሌኮም #የሼርሽያጭ
ኢትዮ ቴሌኮም አክሲዮን ማኅበር (Ethio Telecom S.c) 10% በመቶ ድርሻውን መሸጥ የሚያስችለውን ሥርዓት (Mini App) በቴሌብር ሱፐር አፕ መተግበሪያው ላይ አካቷል።
ዜጎች ይህንን ሼር ከመግዛታቸው አስቀድሞ ስለ አጠቃላይ የሼር ሽያጭ የቀረበ ዝርዝር መረጃ (prospectus) አንብበው መስማማታቸውን መግለጽ ይኖርባቸዋል።
ይህ ዶክመንት ምን ይላል ?
ዶክመንቱ ፥ የሼር መጠን ፤ መግዛት ስለሚቻለው የሼር ብዛት፤ ስለ አክሲዮን ማኅበሩ ዳራ፤ የሂሳብ ሪፖርት መረጃዎችን፤ ቀነ ገደቦችን፤ ስጋቶችን፤ ለማመልከት የሚያስፈልጉ ዝርዝር ሂደቶችን፤ የሼር አከፋፈል ሥርዓቶችን በዝርዝር ያስቀመጠ ነው።
ሂደቶቹ ምን ይመስላሉ ?
ዜጎች በ prospectus ዶክመንቱ እንዲሁም ውል እና ሁኔታዎች (Terms and conditions) ከተስማሙ በኃላ መግዛት የሚፈልጉትን የሼር መጠን በመምረጥ ያመለክታሉ።
የመኖሪያ አድራሻ ፣ መታወቂያ ፣ ፎቶ ፣ ስልክ ቁጥር ጨምሮ ዝርዝር መረጃዎችን ከተሞላ በኋላ ሼር ለመግዛት ማመልከት ይቻላል። እነዚህን መረጃዎች ለማስተካከል እና ክፍያ ለመፈጸም 48 ሰዓት ተሰጥቷል።
ሼር ለመግዛት ካመለከቱ በኋላ ኢትዮ ቴሌኮም የክፍያ ሂደቱን እንዲሁም ያስገቡት ዝርዝር መረጃ የማጣራት ሂደት የሚያካሂድ ሲሆን ሂደቱን ካለፉ የተሳካ ማመልከቻ ዝርዝር ውስጥ ይካተታሉ። ሂደቱን ካላለፉ መሰረዞን የሚገልጽ መልዕክት ይደርሶታል።
(የአገልግሎት ጊዜው ያላለፈበት መታወቂያ እንዲሁም ፎቶ ሲያነሱት በሚታይ መልኩ እንዲሆን ይመከራል)
ኢትዮ ቴሌኮም አክሲዮን ማኅበር ካቀረበው በላይ ግዢ ከተፈጸመ ምን ይደረጋል ?
መሸጥ ከሚታሰበው በታች ሼር ከተሸጠ ሼር ለመግዛት ያመለከቱ በሙሉ የጠየቁትን የሼር መጠን የሚያገኙ ይሆናል።
ሆኖም የሼር ግዢ ጥያቄው ከተቀመጠው በላይ ከሆነ በprospectus ዶክመንቱ መሰረት የአክሲዮን ድልድል (Allotment of Shares) ይካሄዳል።
ይህም ሼር መሸጥ ከሚያበቃበት ታኅሣሥ 25 ጀምሮ የሚደረግ ይሆናል።
ይህ ድልድል በተመጣጣኝ ድርሻ ስሌት (Pro-rata Algorithm) የሚካሄድ ሲሆን ሙሉ ለሙሉ በዲጂታል የሚከናወን ነው። ይህም እያንዳንዱ አመልካች ተመጣጣኝ ድርሻ እንዲደርሰው የሚያስችል ነው።
ለምሳሌ ፦ አንድ ሰው 100 ሼር ግዢ ለመፈጸም ጥያቄ አቀረበ። የተመጣጣኝ ድርሻ ስሌቱ (Pro-rata Algorithm) ሁሉም 70% እንዲደርሳቸው ቢወስን 100 ሼር ለመግዛት ጥያቄ ያቀረበው ሰው የሚደርሰው 70 ሼር ይሆናል ማለት ነው።
በጊዜ ሰሌዳው መሰረት ድልድሉ ጥር 23/2017 ዓ.ም በይፋ ለህዝብ በይፋ ይገለጻል።
ተመላሽ ክፍያ በተመለከተ ?
አመልካቾች ድልድል ከተደረገ በኋላ የደረሳቸው የሼር መጠን ያክል ክፍያ ተቆርጦለት ቀሪው ገንዘብ ከአገልግሎት ክፍያው ጋር ተደምሮ ተመላሽ የሚደረግ ይሆናል።
ገንዘቡ ድልድሉ ይፋ በሆነ በ10 የስራ ቀናት ውስጥ ተመላሽ ይደረጋል። ዜጎች ሼር ለመግዛት ካመለከቱ እና ክፍያ ከፈጸሙ በኋላ ድልድሉን አለመቀበል አይችሉም።
የኢትዮ ቴሌኮም አክሲዮን ማኅበር 10% ድርሻ ለኢትዮጵያውያን ብቻ የቀረበ ሲሆን በኢትዮጵያ ውስጥ ብቻ ሽያጭ የሚደረግበት ይሆናል። በተጨማሪም ዜጎች ለራሳቸው እና ህጋዊ ውክልና ላላቸው ዜጋ ግዢውን መፈጸም ይችላሉ።
ከዚህ የሼር ሽያጭ ኢትዮ ቴሌኮም 30 ቢሊዮን ብር ገቢ የሚያገኝ ሲሆን። ከአገልግሎት ክፍያ ደግሞ 450 ሚሊዮን ብር ተጨማሪ ገቢ ያገኛል። መንግሥት ሙሉ ለሙሉ የቀረበው ሼር ተሸጦ ካለቀ ከተጨማሪ እሴት ታክስ (VAT) ብቻ 67.5 ሚሊዮን ብር ያገኛል።
አክሲዮን ማኅበሩ፥ በኢትዮጵያ ካፒታል ማርኬት ገበያ ዝርዝር ውስጥ ለመካተት (Listing) የሚያስችለውን ዝግጅት የሼር ሽያጩ ካበቃ በ12 ወራት ውስጥ ለማጠናቀቅ ማቀዱን በዶክመንቱ ተገልጿል።
(ቲክቫህ ኢትዮጵያ)
@tikvahethiopia
#AddisAbaba
ትናንት ምሽት 5 ሰዓት ተኩል ገደማ በአቃቂ ቃሊቲ ክ/ ከተማ ወረዳ 7 ኢንዱስትሪ መንደር እየተባለ በሚጠራው አካባቢ አንድ ግለሰብ በማሽን ተይዞ በአሰቃቂ ሁኔታ ህይወቱ አልፏል።
እንደ አዲስ አበባ እሳትና አደጋ ስጋት ስራ አመራር ኮሚሽን መረጃ ፤ ከሜድሮክ ድርጅቶች በአንዱ ውስጥ ሰራተኛ የሆነው ሟቹ ትናንት ምሽት አሸዋ በሚፈጭ ማሽን ላይ ስራውን እያከወነ በነበረበት ወቅት በማሽኑ ተይዞ ወዲያው ህይወቱ አልፏል።
አስከሬኑን ከማሽኑ ለማላቀቅ አልተቻለም ነበር፡፡
የአደጋ ጊዜ ሰራተኞች አስከሬኑን ከማሽኑ አላቀው ማውጣት የቻሉት ለ2 ሰዓት ከፈጀ ጥረት በኋላ ነው።
የትናንቱ በማሽን ላይ የደረሰው አደጋ ጉዳይ በህግ ተይዟል ተብሏል።
በሌላ በኩል ፤ ትላንት በሸገር ከተማ አሸዋ ሜዳ እየተባለ በሚጠራው አካባቢ ተቆፍሮ ክፍቱን በተተወና ወሀ ባቆረ ጉድጓድ ውስጥ ሁለት ወጣቶች ህይወታቸው አልፏል።
ሟቾቹ ዕድሜያቸዉ 19 እና 23 ነው።
የአደጋ ጊዜ ሰራተኞች አንደኛውን ወጣት አስክሬን አውጥተዉ ለፖሊስ ያስረከቡ ሲሆን እድሜው 19 ዓመት የሆነው ወጣት አስክሬን የአካባቢው ህብረተሰብ አስቀድሞ አውጥተውታል።
ክፍት የተተወው ጉድጓድ ውሃ ያለበት በመሆኑ አንደኛው ግለሰብ ለመታጠብ ብሎ ገብቶ ተንሸራትቶ ወደ ውሃው ውስጥ ይገባል ፤ የዚህን ሰው መግባት የተመለከተው ሌላው ግለሰብ ደግሞ እርሱን ለማውጣት ሲል ወደ ጉድጓዱ በመግባቱ የሁለቱም ህይወት ወዲያው አልፏል፡፡
#ShegerFM102.1
@tikvahethiopia
#MesiratEthiopia
ድሬዳዋና ሃዋሳ ቢዝነሱን ማሳደግ ለሚፈልግ ⬇️
- በፋይናንስ፣
- በማርኬቲንግ፣
- ችሎታን በማዳበር፣
- በቴክኖሎጂ፣
- በኔትወርኪንግ፣
- የባለሙያ አማካሪዎችን በማግኘት፣
- በፖሊሲ፣
- በአገልግሎት ሰጪነት እና
- በአማካሪነት ድጋፍ ለማግኘት https://bit.ly/3BGeH75 ላይ ተመዝገቡ።
የመስራት ስራ ፈጠራ ፕሮግራም አባል ይሁኑና ቢዝነስዎ እንዲያድግ አጠቃላይ ድጋፍን ያግኙ።
ሴቶች እና አካል ጉዳተኞች እንዲያመለክቱ ይበረታታሉ!
#ትኩረት🚨
ከሰሞኑን በርካታ ሰዎች በተለይ ትንንሽ ህጻናት በጉንፋን እና በጉንፋን መሰል የመተንፈሻ አካላት ህመም እየተያዙ ይገኛሉ።
ይህንን ወቅታዊ ሁኔታ አስመክቶ ጤና ሚኒስቴር እና የኢትዮጵያ ህብረተሰብ ጤና እንስቲትዩት ያጋራ መግለጫ ልከዋል።
ምን አሉ ?
➡️ የጉንፋን ሕመም በተፈጥሮ የላይኛውን የመተንፈሻ የሰውነት ክፍሎች ማለትም አፍንጫን፣ ጎሮሮን እና የአየር መተላለፊያ ባንቧን የሚያጠቃ ተላላፊ ሕመም ነዉ።
➡️ ሪኖ ቫይረስ ለጉንፉን መከሰት ዋና ምክንያት ሲሆን፣ ኮሮና፣ ኢንፍሉዌንዛ፣ ፓራ ኢንፍሉዌንዛ፣ አር ኤስ ቪ(RSV) ቫይረሶች ደግሞ ለጉንፉን መሰል ህመሞች መከሰት ዋና ዋና ምክንያቶች ናቸዉ። ከተጠቀሱት ቫይረሶችም ለጉንፋን ሕመም መከሰት 50 በመቶ ድርሻውን የሚይዘው ሪኖ ቫይረስ ነው፡፡ በደረቅ ነፋሳማ ወቅት የአፍንጫ የውስጠኛው ስስ ሽፋን “ ሙከስ መምብሬን ” ስለሚደርቅ የጉንፋን ሕመም እና ተላላፊነቱ ይጨምራል፡፡
➡️ የክረምት ወራት ወይም የዝናብ ወቅት ማብቃቱን ተከትሎ መስከረምን ጨምሮ በጥቅምትና ህዳር ወራት እንደዚህ አይነት ጉንፋን መሰል ህመም የሚጠበቅ ነው፡፡
➡️ ሕመሙ ከሰው ወደ ሰው የሚተላለፈው በቫይረሱ የተጠቃ ሰው በሚያስልበት ወይም በሚያስነጥስበት ጊዜ እንደሆነና በተጨማሪም ሰዎች ቫይረሱ ያረፈበትን የበር እጀታ፣ ጠረጴዛ ወይም በሕመምተኛው የተነካካንን ሰው እጅ ከነኩ በኋላ አፋቸውንና አፍንጫቸውን ሲነካኩ ቫይረሱ ለመተላለፍ በሚፈጠርለት ምቹ ሁኔታ ነው።
➡️ የጉንፋን ሕመም የመጀመሪያ ምልክቱ ከመጀመሩ አንድ ቀን በፊት ተላላፊ ሊሆን ይችላል፤ ሕመሙ ከጀመረ ከ 5 እስከ 10 ባሉት ቀናት ደግሞ ሕመምተኛው ቫይረሱን ያስተላልፋል።
➡️ ህመሙ አብዛኛዉን ጊዜ እስከ 2 ሳምንት ሊቆይ ይችላል። ምልክቶቹም እንደ ፦
° የአፍንጫ ፈሳሽ መብዛት፣
° ሳል፣
° ትኩሳት፣
° ራስ ምታትና ጉሮሮን መከርከር፣
° ማስነጠስ፣
° አይን ማሳከክ እና መቅላት፣
° ማስታወክ፣
° ከፍ ሲልም የትንፋሽ ማጠር፣
° ከፍተኛ ድካምና የምግብ ፍላጎት መቀነስ ዋና ዋናዎቹ ናቸዉ።
➡️ ከመስከረም ወር ጀምሮ መሰል ህመም ተሰምቷቸው ወደ ጤና ተቋማት በመሄድ ናሙና ከሰጡት ታካሚዎች ውስጥ አር ኤስ ቪ የተገኘባቸዉ ቁጥር የመጨመር ሁኔታ ያሳያል፡፡ በዚሁ ወቅት የተከሰተው ጉንፋን መሰል ህመም (አር ኤስ ቪ) በተለይ በህጻናት ላይ በብዛት የተከሰተ ሲሆን ለዚህም ወቅቱ ትምህርት ቤት የተከፈተበት በመሆኑ ለበሽታው መስፋፋት አስተዋጽኦ አድርጓል፡፡
➡️ ባለፈዉ 1 ወር ዉስጥ ተመርምረዉ አር ኤስ ቪ ከተገኘባቸዉ ታካሚዎች መካከል 84% ያክሉ እድሜያቸዉ ከ5 አመት በታች ነዉ። እንደዚሁም ባለፈዉ ሳምንት ለአር ኤስ ቪ ከተመረመሩት 81 ናሙናዎች 49 (60.5%) ያህሉ ቫይረሱ ተገኝቶባቸዋል።
➡️ አስፈላጊው ጥንቃቄ ካልተደረገ በሽታው የመዛመት እድሉ ከፍ ሊል እንደሚችል፤ በተለይ ቀዳሚ ተጎጅ ሊሆኑ የሚችሉ እንደ ህጻናትና አረጋውያን ያሉ የህብረተሰብ ክፍሎች አና ተጓዳኝ የጤና ችግር እንደነ አስም፣ የስኳር በሽታ፣ ካንሰር እና ሌሎች ሥር የሰደዱ በሽታዎች ያሉባቸው ሕሙማን ከፍተኛ ጥንቃቄ ልናደርግላቸው እና ወደ ጤና ተቋማት በመሄድ አስፈላጊዉን ምርመራና ህክምና ሊያደርጉ ይገባል።
➡️ የጉንፋን ሕመም የጆሮ ኢንፌክሽን እና የሳንባ ምች ሕመምን ጨምሮ ለተለያዩ ሕመሞች ተጋላጭ ሊያደርግ ይችላል፡፡
ጉንፋን መሰል በሽታን የምንከላከልባቸው መንገዶች ምንድናቸው ?
° የእጅ ንጽህናን መጠበቅ፣
° ሰዎች በተሰበሰቡበት ቦታ የአፍና አፍንጫ ጭምብል(ማስክ) ማድረግ
° በዕለት ኑሯችን የምንጠቀምባቸውን በከባቢዎቻችን የሚገኙ ቁሳቁሶችን ማጽዳት
° የብዙሃን ማጓጓዣ ትራንስፖርት ላይ መስኮቶችን በመክፈት በቂ የአየር ዝዉዉር እንዲኖር በማድረግ የበሽታዉን የመተላለፍ ዕድል መቀነስ ይቻላል፡፡
#ማሳሰቢያ ፦ ህብረተሰቡ አስፈላጊውን የጥንቃቄ እርምጃዎችን እንዲወስድና ጠንከር ያለ የበሽታው ምልክት የሚታይበት ሰው በፍጥነት በአቅራቢያው ወደሚገኝ የጤና ተቋም በመሄድ አስፈላጊውን የህክምና ምክር አና ዕርዳታ ማግኘት አለበት፡፡
#MoH #EPHI
@tikvahethiopia
🔈 #የሰራተኞችድምጽ
" ኑሮን መቋቋም አቃተን ! " - ሰራተኞች
በተለይ በተለይ አዲስ አበባ ከተማ ነዋሪነታቸውን ያደረጉና ቃላቸውን ለቲክቫህ ኢትዮጵያ የሰጡ በተለያዩ የመንግሥት እና የግል ተቋማት ውስጥ ተቀጥረው የሚሰሩ ሰራተኞች ኑሮን መቋቋም ፈተና እንደሆነባቸው ገልጸዋል።
ቃላቸውን ከሰጡት ውስጥ የልጆች እናት መሆናቸውን የገለጹ አንዲት እናት " መሃል ከተማ ያለውን የማይቀመስ የቤት ኪራይ ሽሽት ከከተማ ጥግ ብገባም በየጊዜው በእያንዳንዱ ነገር ላይ በሚታየው ጭማሪ ኑሮን መቋቋም አልቻልኩም " ብለዋል።
" እኔ የዛሬ አመት ይከፈለኝ የነበረ ደመወዝ ዛሬም እዛው ነው ትምህርት ቤት፣ የምግብ ግብዓት፣ አልባሳት፣ ትራንስፖርት ሌሎችም ነገሮች ጨምረዋል ፤ ነገር ሁሉ ነው ግራ ያጋባኝ " ሲሉ በሃዘን ስሜት ያሉበትን ሁኔታ ገልጸዋል።
ሌላኛዋ ወጣት በአንድ የግል ድርጅት ውስጥ ተቀጥራ የምትሰራ ፥ " ከተመረቅኩ ይኸው 5 ዓመቴ ነው ፤ ደህና ደመወዝ የለኝም። የምሰራው ቀን ሙሉ ነው ደመወዜ እዛው ሆኖ ያልጨመረ ነገር የለም " ብላለች።
" ቤት ኪራይ ብቻዬን መክፈል ስለማልችል ከጓደኛዬ ጋር ነው የምኖረው ፤ እንደዛም ሆኖ የወር ጊቢዬን ምኑን ከምን እንደማደረገው አላውቅም ይኸው ልክ እንደ ዩኒቨርሲቲ ተማሪ አንዳንዴ ቤተሰቦቼ ገንዘብ ይልኩልኛል ፤ ሁኔታዎች እንዲህ ከሆኑ እዛው ቤተሰቤ ጋር ሄጅ ሻይ ቡናም ቢሆን እየሰራው ብኖር ይሻለኛል " ስትል ተናግራለች።
ሌላ ቃላቸውን የሰጡ አንድ አባት ፤ ከቅርብ ጊዜ ወዲህ በየአገልግሎቱ ላይ የሚታዩት ጭማሪዎች እሳቸውና ሌሎችም ሰራተኛ ዜጎች ቼይ ከፍተኛ ጫና እንደሚያሳድር ገልጸዋል።
" አንዳንድ የመንግሥት ተቋማት ሳይቀሩ ለአገልግሎት የሚያስከፍሉትን ጭማሪ አድርገዋል ፤ ትራንስፖርት ዋጋው ጨምሯል እኔም ሆንኩኝ ሌላው ሰራተኛ ወርሃዊ ደመወዙ እዚህ ግባ የማይባል ነው ፤ ታዲያ ኑሮ የሚኖረው ፤ ልጆችን ማሳደግ የሚቻለው እንዴት ነው ? " ሰሉ ጠይቀዋል።
አዲስ አበባ ከተማ በርካታ ዜጎች የሚኖሩባት ሲሆን የቤት ኪራይ ዋጋ የማይቀመስባት በመሆኑ በርካቶች ከሚሰሩበት ርቀው ከከተማ ዳር ዳር ተከራይተው ለመኖር ይገደዳሉ።
በርካቶች ጥዋት ማታ ለፍተው ተንከራተው የሚያገኙት ገቢም እዚህ ግባ የማይባል ፤ ያሰቡትን ለማሳካት ይቅርና ኑሮን ለመግፋት የማያስችል ነው።
በተለይ ወርሃዊ ደመወዝ የሚያገኙ ዜጎች በኑሮ ውድነቱ እጅግ በጣም ነው የሚፈተኑት።
ቃላቸውን ለቲክቫህ ኢትዮጵያ የሰጡ ወጣቶች በክልል ከተሞች ያለው ብሔር እየመረጡ ፣ በትውውቅ በሙስና ሰዎችን ስራ መቅጠር ፣ አስተማማኝ የሆነ ሰላምና ደህንነት ሁኔታ አለመኖር ፣ ብዙ ድርጅት እና ተቋማት አለመኖር ፣ የሰፋ የስራ እድል አለመኖር ፣ በአንዳንድ ከተሞችም ያለውን እንቅስቃሴ እጅጉን መዳከም ሳቢያ በአንጻራዊነት አዲስ አበባን ለኑሮና ስራ እንዲመርጧት እንዳደረጋቸው ጠቁመዋል።
#TikvahEthiopiaFamilyAA
@tikvahethiopia
ሴጅ ማሰልጠኛ !
የድረ-ገፅ እና ሞባይል መተግበሪያ ማበልፀግ (Full-Stack Website and Mobile Application Development) ስልጠና ምዝገባ ላይ ነን።
👉 100% በተግባር የተደገፈ ስልጠና
👉 መሠረታዊ ኮምፒውተርና ፕሮግራሚንግ ትምህርቶችን አካቶ የሚሰጥ
👉 Front-end እና Back-end በአንድ ላይ እስከ Deployment ያካተተ
👉 በተግባር ድረ ገጾችን እና ሞባይል መተግበሪያዎችን እያበለፀጉ የሚሰለጥኑበት
👉 የሥራ ላይ ስልጠና (Internship) የተመቻቸለት
☎️ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ ታሜጋስ ህንፃ 2ኛ ፎቅ
Telegram:
sage_training_institute">Tiktok:
Linkedin:
#Update
እንደ ' አሜሪካ የጂኦሎጂካል ሰርቬይ ድረገጽ ' ዛሬ ምሽት ልክ 5:11 ላይ የመሬት መንቀጥቀጥ ተከስቶ ነበር።
የመሬት መንቀጥቀጡ ከአዋሽ በሰሜን በኩል 17 ኪሎ ሜትር ርቀት ላይ ነው።
በሬክተር ስኬል 4.6 የተመዘገበ እንደሆነ ጠቁሟል።
የመሬት መንቀጥቀጡ ንዝረት በአዲስ አበባ የተለያዩ አካባቢዎች እና በተለያዩ የክልል ከተሞች ተሰምቷል።
አዋሽ አካባቢ ባለፉት ሳምንታት ተደጋጋሚ የመሬት መንቀጥቀጥ እየተከሰተ ሲሆን አዲስ አበባ ድረስ የዘለቀ ንዝረት ሲሰማ ይህ በቀናት ልዩነት ለ3ኛ ጊዜ ነው።
ከቀናት በፊት አዋሽ ፈንታሌ አካባቢ በሬክተር ስኬል 4.6 የሆነ የመሬት መንቀጥቀጥ ከዛ በፊት ደግሞ በሬክተር ስኬል 4.9 የሆነ የመሬት መንቀጥቀጥ ተከስቶ ንዝረቱ አዲስ አበባና ሌሎች ከተሞች ላይ መሰማቱ ይታወሳል።
@tikvahethiopia