1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
#አቢሲንያ_ባንክ
የጥያቄና መልስ ውድድር ቅዳሜ ሰኔ 15 ከረፋዱ 4:30 በቴሌግራም ቻናላችን ይደረጋል፡፡ በየሳምንቱ አስር አስር አሸናፊዎች ይሸለማሉ! ዛሬውኑ የቴሌግራም ቻናላችንን በመቀላቀል ቴሌግራም ፕሪምየምን ይሸለሙ!
የቴሌግራም ሊንክ፡ /channel/BoAEth
#telegram #giveaway #contest #Boa #bankinginethiopia #banksinethiopia #bankofabyssinia #Ethiopia #የሁሉም_ምርጫ
#Somalia
• " የትውልድ ሀገሬ እየሄደችበት ያለው አቅጣጫ በዚህ መጠን አስግቶኝ አያውቅም "- ሙርሳል ካሊፍ
ጎረቤት ሶማሊያ በሀገሪቱ የጸጥታ ክፍተት ሊፈጠር ይችላል ስትል አስጠንቅቃ ፤ የአፍሪካ ሰላም አሰከባሪ ኃይሎች ከሶማሊያ ለቀው የሚወጡበትን ፍጥነት እንዲቀንሱ መጠየቋ ተሰምቷል።
ሮይተርስ ተመለከትኳቸው ያላቸው ሰነዶች እንደሚያሳዩት ከሶማሊያ ጋር ድንበር የሚዋሰኑ አጎራባች ሀገሮች፣ ዳግም እያንሰራራ የሚገኘው የአል-ሻባብ ቡድን ስልጣን ሊቆጣጠር ይችላል የሚል ስጋት ገብቷቸዋል።
በሶማሊያ የሚገኘው የአፍሪካ ህብረት የሽግግር ተልዕኮ (አትሚስ) ሰላም አስከባሪ ኃይል እ.አ.አ በታህሳስ መጨረሻ ሙሉ ለሙሉ ሶማሊያን ለቆ ለመውጣት ዝግጅቱን የጨረሰ ሲሆን በቁጥር አነስተኛ የሆነ ኃይል በቦታው እንደሚተካ ይጠበቃል።
ሆኖም የሶማሊያ መንግስት ለአፍሪካ ህብረት ሰላም እና ጸጥታ ም/ቤት ጊዜያዊ ሊቀመንበር ባለፈው ወር በላከው ደብዳቤ፣ አሁን ካሉት 4 ሺህ ወታደሮች ግማሽ የሚሆኑትን እስከ ሰኔ ወር መጨረሻ ለማስወጣት የተያዘውን እቅድ ወደ መስከረም እንዲያሻግር ጠይቋል።
መንግስት ቀድም ሲል ለህብረቱ አስገብቶት በነበረው እና ሮይተርስ በተመልከተው ሰነድም፣ ሰላም አስከባሪው ኃይል ለቆ የሚወጣበት ጊዜ በሶማሊያ ኃይሎች " ዝግጁነት እና አቅም ላይ እንዲመሠረት " ጠይቆ ነበር።
በተመድ የፀጥታው ም/ቤት ተልዕኮ የተሰጠው ቡድን ባካሄደው የጋር ግምገማም " የአፍሪካ ህብረት ሰላም አስከባሪ ኃይል በችኮላ መውጣታቸው የፀጥታ ክፍተት እንደሚፈጥር " አስጠንቅቋል።
የፓርላማው መከላከያ ኮሚቴ ገለልተኛ አባል የሆኑት ሙርሳል ካሊፍ ፤ " የትውልድ ሀገሬ እየሄደችበት ያለው አቅጣጫ በዚህ መጠን አስግቶኝ አያውቅም " ብለዋል።
ሶማሊያ ለሚገኘው የአፍሪካ ህብረት ጸጥታ ኃይል ከፍተኛ የሆነ የገንዘብ ደጋፊ የሆኑት አሜሪካ እና የአውሮፓ ህብረት የሰላም አስከባሪውን ኃይል ለመቀነስ የወሰኑት ዘላቂነት ያለው የረጅም ጊዜ የገንዘብ ድጋፍ የማድረጉ ሁኔታ ስጋት ውስጥ ስለከተታቸው መሆኑን አራት የዲፕሎማቲክ ምንጮች እና አንድ የዩጋንዳ ከፍተኛ ባለስልጣን ለሮይተርስ ተናግረዋል።
የሶማሊያ ፕሬዝዳንትና የጠ/ሚ ፅ/ ቤት በጉዳዩ ላይ አስተያየት እንዲሰጡ ለቀረበላቸው ጥያቄ ምላሽ አልሰጡም።
#ሮይተርስ #ቪኦኤ
@tikvahethiopia
#Hawassa
በሀዋሳ እንደ አዲስ አበባው አይነት የመንገድ ማስፋትና የማስዋብ ስራ / የኮሪደር ልማት / መታሰቡን ተከትሎ " የሚፈርሱ ይዞታዎቻችን ግምት ባልታወቀበት እና በቂ የሆነ የዝግጅት ጊዜ ባልተሰጠበት ይዞታችሁን አፍርሱ " ተብለናል ያሉ ነዋሪዎች ቅሬታቸዉን ለቲክቫህ ኢትዮጵያ አቅርበዋል።
ከተማ አስተዳደሩ ስራው ወደተግባር ከመግባቱ በፊት ካንዴም ሁለቴ ከማህበረሰቡ ጋር ውይይት ማድረጉን ገልጿል።
በቅርቡ በነበረ መድረክ የሀዋሳ ከተማ ከንቲባ መኩሪያ ማርሻዬ ፤ 10 መንገዶች መለየታቸውን እና እነዚህን ውብና ዘመናዊ አድርጎ በመስራት ለትዉልድ የሚተላለፍ አሻራ የመጣል እቅድ መያዙን ገልጸው ነበር።
በመድረኩ ተገኝተው የነበሩ ነዋሪዎች ልማቱን እንደሚደግፉ የካሳ እና የዝግጅት ጊዜ ግን እንዲሰጣቸዉ ጠይቀው ነበር።
ይህን ተከትሎ የንብረት ግምትን በተመለከተ ተመጣጣኝ ካሳ እንደሚኖርና የቦታ ሽግሽጎችም እንደሚደረጉ በመግለጽ ከንቲባዉ ምላሽ ሰጥተዋል።
ይሁንና የከተማ መስተዳድሩ ከመረጣቸዉ 10 ቦታዎች መካከል 3ቱን ባጠረ ጊዜ ለማጠናቀቅ ማሰቡን ተከትሎ በተለይ ከስሙዳ በሳዉዝ ስታር ሆቴል ወደ ኢንዱስትሪ መንገድ የሚሄደው እና ከሻፌታ አደባባይ አስከሳዉዝ ስፕሪንግ ያለው መስመር ያሉ ነዋሪዎች ጥያቄ እንዳላቸው ገልጸዋል።
በዚህ በኩል በርካታ የመኖሪያ ቤቶች፣ ድርጅቶችና ትምህርት ቤቶች የሚነኩ መሆኑን ተከትሎ ነዋሪዎች ድንጋጤ ውስጥ መግባታቸዉን ተናግረዋል።
በከተማ መስተዳድሩ በእቅድ የተያዘዉ የከተማ ልማት የምንደግፈዉ ቢሆንም የካሳና የቦታ ሽግሽግ ጉዳይ ባልተወሰነበትና ሰዉ ዝግጅት ባላጠናቀቀበት " በቅርቡ ፈረሳ ይጀምራል " መባሉ አሳስቦናል ብለዋል።
ነዋሪዎቹ በተሰጣቸው ደብዳቤ በ2 ቀን ውስጥ አፍርሰው ማስተካከያ እንዲያደርጉ መባላቸውን ጠቁመዋል።
በተጠቀሱት አካባቢዎች ላይ የሚፈርሱ ድርጅቶች መኖሪያ ቤቶችና አጥሮች ምልክት በመደረጉና ስራውበፍጥነት ይጀመራል መባሉን ተከትሎ ፦
➡️ የካሳና የቦታ ለዉጥ ወይም ሽግሽግ ጉዳይ ምን ይመስላል ?
➡️ በትክክል ስራዉስ መች ይጀምራል ? በማለት ጥያቄ ይዘን የሚመለከተዉን አካል ለማናገር ያደረግነዉ ጥረት አልተሳካም።
ቲክቫህ ኢትዮጵያ በዚህ ጉዳይ ምላሽ ይዞ በቅርቡ ለመምጣት ይሞክራል።
#TikvahEthiopiaFamilyHawassa
@tikvahethiopia
#ሴጅ_ማሰልጠኛ
Entrepreneurship, Marketing & Business Management ስልጠና ምዝገባ ላይ ነን።
👉 የሽያጭ መንገዶችን እና ቢዝነስ ፕሮፖዛል አዘገጃጀት ብቃትን የሚያገኙበት
👉 ዲጂታል ማርኬቲንግ በተግባር የሚሰጥበት
👉 በተጨማሪነት የቢዝነስ አመራር እና ስራ ፈጠራ (Enterprenurship) ስልጠናን በውስጡ አካቷል
👉 ለመክፈት የሚያስቡትን ቢዝነስ ከስልጠና እስከ ማማከር አካቶ የሚሰጥ
👉 የሥራ ላይ ስልጠና (Internship) የተመቻቸለት
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
#Update
የተማሪ ማህሌት ተኽላይ ስርዓተ ቀብር ተፈጸመ።
የማህሌት አስክሬን አጋቾች ከቀበሩበት ወጥቶ የአስከሬን ምርመራ ተጠናቅቆ ዛሬ ከቀኑ 9:00 ሰዓት በዓድዋ አቡነ አረጋዊ ቤተክርስትያን የቀብር ስነ-ሰርዓት ተፈጽሟል።
የቀብር ስነ-ስርዓቱ የክልል ፣ የዞን እና የሃይማኖት መሪዎች እንዲሁም በርካታ የዓድዋ ነዋሪዎች ተገኝተው ነበር።
ተማሪ ማህሌት ተኽላይ በዓድዋ ከተማ " ዓዲ ማሐለኻ " የሚባል ቦታ ታግታ ከተወሰደች በኃላ አጋቾች ለማስለቀቂያ 3 ሚሊዮን ብር ቤተሰቦቿን ጠይቀው ነበር።
የት እንደ ደረሰች ላለፉት 91 ቀናት ሳይታወቅ ቆይቶ ማህሌት ተገድላ ፤ ተቀብራ አስክሬኗ ዛሬ ተገኝቷል።
ከእገታው እና ግድያው ጋር በተያያዘ ተጠርጣሪዎች ተይዘው ገድለው የቀበሩበትን ቦታ ለፖሊስ መርተው በማሳያት አስክሬኗ እንዲወጣ እና ምርመራ እንዲደረግ ተደርጓል።
የትግራይ ማዕከላይ ዞን ወንጀል ምርመራ ኃላፊ ኮማንደር ፀጋይ ኣስፍሃ ፥ አጋቾቹ የጠየቁትን ብር ቤተሰቦቿ አቅም ስለሌላቸው መክፈል ባለመቻላቸው ማህሌትን ገድለው እንደቀበሯት ገልጸዋል።
#Adwa #Tigray
@tikvahethiopia
#ExitExam
ሀገር አቀፍ የመውጫ ፈተና ከአርብ ሰኔ 14/2016 ዓ.ም ጀምሮ ይሰጣል።
በኦንላይን ለሦስተኛ ጊዜ የሚሰጠውን የመውጫ ፈተናው፤ በድጋሜ ፈተናውን ለሚወስዱ ተፈታኞችም ይሰጣል፡፡
Via @tikvahuniversity
#DStvEthiopia
ክረምቱን ልጆችዎ በዲኤስቲቪ እየተዝናኑ ይማራሉ፣ ዓለምን እየጎበኙ ይመራመራሉ! 👩🏽🚀
በየትኛውም ዕድሜ ላሉ ልጆችዎ እንደ ኒክ ጁኒየር፥ ማይንድሴት፥ ኒኮሎዲየን እና ጂምጃም ያሉ ቻናሎችን በወር ከ350 ብር ጀምሮ በዲኤስቲቪ።
ክረምቱን ልጆችዎ በዲኤስቲቪ እየተዝናኑ ይማሩ!
የMyDStv Telegram ሊንክ ይጫኑ!
👇👇👇
https://bit.ly/3yBcOHc
#DStvEthiopia #ሁሉምያለውእኛጋርነው
ማህሌት ተኽላይ !
መጋቢት 10 ቀን 2016 ዓ.ም በዓድዋ ከተማ " ዓዲ ማሕለኻ " ከሚባል ስፍራ ነው ታግታ የተሰወረችው።
የታገተችው ቋንቋ ወደምትማርበት ትምህርት ቤት ስትሄድ ነው።
ባጃጅ ይዘው በመጡ ሰዎች ነበር የታገተችው።
ማህሌት ተኽላይ ታግታ ከተወሰደች በኃላ አጋቾች ለማስለቀቂያ 3 ሚሊዮን ብር እንደጠየቁ ወላጅ አባቷ ለቲክቫህ ኢትዮጵያ ተናግረው ነበር።
የዓድዋ ከተማ ፓሊስም ፥ ከሳምንታት በኃላ ከጉዳዩ ጋር በተያያዘ በቁጥጥር ስር የዋሉ ተጠርጣሪዎች እንዳሉ ገልጾ ነበር።
ቲክቫህ ኢትዮጵያ አድዋ ድረስ ተጉዞ የማህሌት ወላጅ አባት ተኽላይ ግርማይን አነጋግሮ በነበረበት ወቅት ቤተሰቦች ምን ያህል የከፋ ሀዘን እና ጭንቀት ላይ እንደወደቁ መመልከት ችሎ ነበር።
አባት ተኽላይና መላ ቤተሰብ ላለፉት ወራት እንቅልፍ ሚባል አላዩም።
የወለደ ሰው የልጅ ፍቅር በወላጅ የሚያሳደረው ነገር ያውቀዋልና 3 ወር ያህል እንቅልፍ ሳያገኙ ነው የቆዩት።
አቶ ተኽላይ ግርማይ እና መላው ቤተሰቦች ከዛሬ ነገ የልጃቸውን በህይወት ቤት መምጣት ሲጠብቁ ዛሬ ጥዋት ግን ልጃቸው በህይወት እንደሌለች መርዶ ተነግሯቸዋል።
#ዓድዋ
#TikvahEthiopiaMekelle
@tikvahethiopia
ከዳሰነች ወረዳ ታማሚ አሳፍሮ ለተሻለ ሕክምና ወደ ጂንካ አጠቃላይ ሆስፒታል ሲጓዝ የነበረ አምቡላንስ ተገልብጦ የ3 ሰዎች ሕይወት ሲያልፍ 4 ሰዎች ከባድ ጉዳት ደረሰባቸው፡፡
አደጋው የደረሰው በደቡብ ኦሞ ዞን በና ፀማይ ወረዳ አርጎ ቀበሌ " አርጎ ቁልቁለት " አካባቢ ነው።
ከባድ ጉዳት የደረሰባቸው ወገኖች በጂንካ አጠቃላይ ሆስፒታ የሕክምና ዕርዳታ እያገኙ ይገኛሉ።
የአደጋው መንስኤ በመጣራት ላይ መሆኑ ተጠቁሟል፡፡
መረጃው የዳሰነች ወረዳ ኮሚኒኬሽን ፅ/ቤት ነው።
@tikvahethiopia
#ሴጅ_ማሰልጠኛ
ብቁ የኮምፒውተር ጥገና እና ኔትዎርኪንግ ባለሙያ መሆን ይፈልጋሉ ? Computer Maintenance and Networking ስልጠና ምዝገባ ላይ ነን።
👉 ንድፈ ሀሳብን ከተግባር ጋር በማዛመድ የሚሰጥ ስልጠና
👉 የሥራ ላይ ስልጠና (Internship) የተመቻቸለት
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute
#ኦዲት
ያልተሰራበት በጀት !
ገንዘብ ሚኒስቴር እና ጤና ሚኒስቴር የተመደበላቸውን በቢሊዮን የሚቆጠር በጀት ስራ ላይ ካላዋሉ ተቋማት ዋነኞቹ መሆናቸው ተሰምቷል።
በ2015 በጀት መስሪያ ቤቶች የተፈቀደላቸውን በጀት በአግባቡ ስራ ላይ ማዋላቸውንና መጠቀማቸውን ለማጣራት ኦዲት ሲደረግ በሂሳብ ኮዶች ከተደለደለው በጀት ከ10% በላይ #ያልተጠቀሙበትን ብቻ ተወስዶ 101 መስሪያ ቤቶች ፦
° መደበኛ በጀት 5.3 ቢሊዮን
° ከውስጥ ገቢ 207.6 ሚሊዮን
° ከካፒታል ብር 13.7 ቢሊዮን
በድምሩ 19.2 ቢሊዮን ብር #ያልተሰራበት_በጀት ተገኝቷል።
የተደለደለው በጀት ስራ ላይ እንዲውል #ካላደረጉት መስሪያ ቤቶች መካከል ፦
🔴 የገንዘብ ሚኒስቴር 8 ቢሊዮን ብር
🔴 ጤና ሚኒስቴር 1.9 ቢሊዮን ብር
🔴 የግብርና ሚኒስቴር 1.2 ቢሊዮን ብር
🔴 የፌዴራል ፖሊስ ኮሚሽን 818.4 ሚሊዮን
🔴 ወለጋ ዩኒቨርሲቲ 727 ሚሊዮን ብር
🔴 ትምህርት ሚኒስቴር 724.2 ሚሊዮን ብር
🔴 የውሃና ኢነርጂ ሚኒስቴር 613.6 ሚሊዮን ብር ... ዋና ዋናዎቹ ናቸው።
#በጀት_ተፈቅዶ እያለ አለመጠቀም የታሰቡ ስራዎች እንዳይሰሩ ፤ መስሪያ ቤቱ አላማውን እንዳያሳካ ሊያደርግ ስለሚችል በበጀት ዝግጅት እና አጠቃቀም ላይ ጥንቃቄ እንዲደረግ ሲል የፌዴራል ዋና ኦዲተር መ/ቤት አሳስቧል።
#TikvahEthiopia
@tikvahethiopia
#ኢትዮ_ቴሌኮም
ዘመናዊ የኤሌክትሪክ ኃይል መጠባበቂያ በ 39% ቅናሽ!
እስከ 12 ወራት ድረስ በተራዘመ የክፍያ አማራጭ እጅግ ዘመናዊ የኤሌክትሪክ ኃይል መጠባበቂያ ለማግኘት ወደ ድርጅት አገልግሎት መስጫ ማዕከሎቻችን ጎራ ይበሉ!
ለበለጠ መረጃ፡ https://bit.ly/48btdOJ ይጎብኙ!
#Ethiotelecom #telebirr #DigitalAfrica #DigitalEthiopia #RealizingDigitalEthiopia
#ኢትዮጵያ #ኦዲት
በ11 መስሪያ ቤቶች 43.5 ሚሊዮን ብር #ምንም ማስረጃ ሳይኖር ወጪ ተደርጓል።
በ2015 የበጀት ዓመት መ/ቤቶች የተፈቀደላቸውን በጀት በአግባቡ ወጪ ማድረጋቸውን / በአግባቡ መጠቀማቸውን ፣ ተገቢ ማስረጃ መቅረቡንና ሂሳቡ በትክክል መመዝገቡን ለማጣራት ኦዲት ተደርጓል።
በዚህም ፥ ምንም አይነት ማስረጃ ሳይቀርብ በወጪ የተመዘገበ ክፍያ / ሂሳብ ተገኝቷል።
በ11 መ/ቤቶች 43.5 ሚሊዮን ማስረጃ ሳይኖረው በወጪ ሂሳብ የተመዘገበ ሲሆን ማስረጃም ባለመቅረቡ ትክክለኛነቱን ማረጋገጥ አልተቻለም።
➡ የፌዴራል ፖሊስ ኮሚሽን 17.4 ሚሊዮን
➡ የሲቪል ማህበረሰብ ድርጅት ባለስልጣን 8.7 ሚሊዮን
➡ የመንገድ ደህንነትና መድህን ፈንድ አገልግሎት 8.7 ሚሊዮን
➡ ሚዛን ቴፒ ዩኒቨርሲቲ 4.4 ሚሊዮን
➡ የኢትዮጵያ አካል ድጋፍ አገልግሎት 3.3 ሚሊዮን ዋና ዋናዎቹ ናቸው።
ከዚህ ባለፈ ፤ በወጪ ለተመዘገቡ ክፍያዎች የተሟላ ማስረጃ መቅረቡን ለማረጋገጥ በተደረገው ኦዲት በ 48 መ/ቤቶች የተሟላ ማስረጃ ሳይቀርብ 44 ሚሊዮን 440 ሺህ በወጪ ተመዝግቦ ተገኝቷል።
የተሟላ ማስረጃ ሳይዙ ወጪ ከመዘገቡት መካከል ፦
🔴 ማዕድን ሚኒስቴር 5 ሚሊዮን 719 ሺህ
🔴 ጅግጅጋ ዩኒቨርሲቲ 5 ሚሊዮን 716 ሺህ
🔴 የጤና ሚኒስቴር 4 ሚሊዮን 677 ሺህ
🔴 ገንዘብ ሚኒስቴር 3 ሚሊዮን 34 ሺህ
🔴 በስራ እና ክህሎት ሚኒስቴር ገዋኔ የግብርና የቴክኒክ ሙያ ትምህርትና ስልጠና ኮሌጅ 2 ሚሊዮን 450 ሺህ
🔴 የኢትዮጵያ ጂኦሎጂካል ኢንስቲትዩት 2 ሚሊዮን 185 ሺህ ዋና ዋናዎቹ ናቸው።
የፌዴራል ኦዲተር መስሪያ ቤት ፤ ማስረጃ ካልቀረበ የሂሳቡን #ትክክለኝነት_ማረጋገጥ_እንደማይቻል ፤ የወጪ ማስረጃ ላልቀረበላቸው ክፍያዎች የወጪ ማስረጃ እንዲቀርብላቸው የማይቀርብላቸው ከሆነ #ገንዘቡ_ተመላሽ እንዲደረግ አሳስቧል።
#TikvahEthiopia
@tikvahethiopia
#ኦዲት #ኢትዮጵያ
ጤና ሚኒስቴር እና ትምህርት ሚኒስቴር ከፍተኛ ውዝፍ ተሰብሳቢ ሂሳብ ከተገኘባቸው ተቋማት መካከል መሆናቸው ተሰምቷል።
ለውሎ አበል እና ለመጓጓዣ እንዲሁም ለግዥ የተሰጠ ክፍያ ሰራተኛው ስራውን አጠናቆ ከተመልሱ በኃላ በ7 ቀናት መወራረድ እንዳለበት መመሪያ አለ።
ነገር ግን በ124 መስሪያ ቤቶች በጠቅላላው ብር 14.1 ቢሊዮን በወቅቱ ያልተወራረደ ወይም ያልተሰበሰበ ተሰብሳቢ ሂሳብ መኖሩ በኦዲት ታውቋል።
ጊዜው ሲታይም ከ1 ወር በላይ እስከ 1 ዓመት 1 ቢሊዮን 193 ሚሊዮን ብር ፤ ከ1 ዓመት በላይ እስከ 5 ዓመት 10.9 ቢሊዮን ብር ፤ ከ5 ዓመት በላይ እስከ 10 ዓመት 1.7 ቢሊዮን ብር ፤ ከ10 ዓመት በላይ 139 ሚሊዮን ነው።
ቀሪው ሂሳብ በቆይታው ጊዜ ያልተተነተነ ነው።
ውዝፍ ተሰብሳቢ ሂሳብ ከተገኘባቸው ተቋማት #ከፍተኛውን ድርሻ የያዙት እነማን ናቸው ?
➡ #ጤና_ሚኒስቴር 6 ቢሊዮን
➡ የመስኖ ቆላማ አካባቢ ሚኒስቴር 1.1 ቢሊዮን
➡ የትምህርት ሚኒስቴር 1 ቢሊዮን 12 ሚሊዮን
➡ በፌዴራል መንግስት የህንጻዎች ግንባታ ፕሮጀክት ጽ/ቤት 970.9 ሚሊዮን
➡ ቅዱስ ጳውሎስ ሆስፒታል ሚኒሊየም የህክምና ኮሌጅ 756.3 ሚሊዮን
➡ የጅግጅጋ ዩኒቨርሲቲ 433.5 ሚሊዮን
➡ የኢትዮጵያ ግብርና ምርምር ኢንስቲትዩት 286.8 ሚሊዮን
➡ የአደጋ ስራ አመራር ኮሚሽን 272.4 ሚሊዮን
➡ የመንግስት ግዥ አገልግሎት 265.2 ሚሊዮን
➡ የፌዴራል ፖሊስ ኮሚሽን 250.7 ሚሊዮን
➡ የውሃ እና ኢነርጂ ሚኒስቴር 218.3 ሚሊዮን ዋና ዋናዎቹ ናቸው።
በተጨማሪ የፕሮጀክት ሂሳብ በታየባቸው 4 መስሪያ ቤቶች 514.5 ሚሊዮን በወቅቱ ያልተወራረዳ ውዝፍ ተሰብሳቢ ሂሳብ ተገኝቷል።
እንደ የፌዴራል መ/ቤቶች የሂሳብ አያያዝ መመሪያ መሰረት የተሰብሳቢ ሂሳብ በቂ ማስረጃ ሲቀርብበት ብቻ ነው በተሰብሳቢ ሂሳብነት የሚመዘገበው። የተሰብሳቢ ሂሳብ ክምችት እንዳይኖር ቁጥጥር መደረግ አለበትም ይላል።
ነገር ግን በ15 መስሪያ ቤቶች በጠቅላላው 363.1 ሚሊዮን ማስረጃ ባለመቅረቡ የሂሳቡን ትክክለኝነት ማረጋገጥ አልተቻለም።
የተሰብሰቢ ሂሳቡን ትክክለኝነት ማረጋገጥ ካልተቻለባቸው መስሪያ ቤቶች መካከል ፦
🔴 የኢኖቬሽን እና ቴክኖሎጂ ሚኒስቴር 253.3 ሚሊዮን
🔴 የመንግስት ግዥ አገልግሎት 39.1 ሚሊዮን
🔴 ጤና ሚኒስቴር 28 ሚሊዮን ከፍተኛውን ድርሻ ይዘዋል።
#TikvahEthiopia
@tikvahethiopia
#ኢትዮጵያ #ኦዲት
የፌዴራል ዋና ኦዲተር የ2015 የፌዴራል መንግሥት መ/ቤቶች የፋይናንስና ሕጋዊነት ኦዲት እና የክዋኔ ኦዲት ሪፖርት ለምክር ቤት እያቀረበ ይገኛል።
በዚህም ወቅት ተከታዩን ሰምተናል ፦
በ2014 የበጀት ዓመት እና ከዚያ በፊት በፌዴራል መንግሥት መስሪያ ቤቶች በተከናወነው የኦዲት ሪፖርት መሰረት እርምጃ የተወሰደ እንደሆነ ማጣራት ተደርጎ ነበር።
በ92 መስሪያ ቤቶች ተመላሽ እንዲደረግ ተብሎ አስተያየት ከተሰጠበት 443 ሚሊዮን ብር እና በዶላር 23,230 ከ43 ውስጥ ተመላሽ የተደረገው 48.2 ሚሊዮን ብቻ እንደሆነ ታውቋል፤ ይህም ተመላሽ ሊደረግ ከሚገባው ጋር ሲነጻጸር 11 በመቶ ብቻ ነው።
ቀሪው 394.8 ሚሊዮን እና 23,230 ከ43 ተገቢው እርምጃ ያልተወሰደበት እና ተመላሽ አልተደረገም።
በተጨማሪ በ2014 #የተሟላ_የማስረጃ_ሰነድ ካልቀረበበት 5 ቢሊዮን 61 ሚሊዮን ማስረጃ የቀረበበት 508. 1 ሚሊዮን ብቻ ሲሆን በመቶኛ 10% ብቻ ማስረጃው ቀርቦ ትክክለኝነቱ ተረጋግጧል።
የተመለሰው ትንሽ ቢሆንም አሰተያየት ተቀብለው ተመላሽ ካደረጉት ተቋማት ውስጥ ፦
➡ የኢንፎርሜሽን ደህንነት መረብ አስተዳደር 5.9 ሚሊዮን ተመላሽ እንዲያደርግ ተብሎ 5.8 መልሷል።
➡ አርባ ምንጭ ዩኒቨርሲቲ 4.1 ሚሊዮን ተመላሽ እንዲያደርግ ተብሎ 3.5 ሚሊዮን መልሷል።
➡ የስፔስ እና ጂኦስፔሻል ስልጠና ኢንስቲትዩት ተመላሽ እንዲያደርግ ከተባለው 5.6 ሚሊዮን ውስጥ 4.4 ሚሊዮን መልሷል።
የሰነድ ማስረጃ አቅርቡ ከተባሉት ውስጥ ፦
☑ አዲስ አበባ ሳይንስና ቴክኖሎጂ ዩኒቨርሲቲ 124.25 ሚሊዮን ውስጥ ሁሉንም መልሷል።
☑ የአደጋ ስራ አመራር ኮሚሽን 150.2 ሚሊዮን ውስጥ ሁሉንም መልሷል።
☑ አዳማ ሳይንስና ቴክኖሎጂ ከ3.9 ሚሊዮን 2.2 ሚሊዮን መልሷል።
ሰነዶቹም ትክክለኛ መሆናቸው ተረጋግጧል።
#TikvahEthiopia
@tikvahethiopia
አዲስ አበባ እና ውሃ ?
➡ " ኧረ የመፍትሄ ያለህ " - ነዋሪዎች
➡ " ችግሩ የውሃ አቅርቦት አይደለም። የኤሌክትሪክ ኃይል ስለሚቋረጥ ነው " - የውሃና ፍሳሽ ባለስልጣን
➡ " ለ15 ቀን እና ከአንድ ወር በላይ ውሃ እንዲጠፋ የሚያደርግ የኃይል መቋረጥ ገጥሞ አያውቅም " - የኤሌክትሪክ አገልግሎት
በሀገሪቱ ዋና ከተማ በአዲስ አበባ የሚኖሩ ነዋሪዎች ውሃ በፍረቃ ያውም በሳምንት ሁለት ቀን ብቻ እያገኙ አመታት አልፈዋል።
በሳምንት ሁለት ቀን የማይመጣበትም አለ።
ዛሬም ድረስ በመዲናው ያለው የውሃ ችግር (በተለይም በአንዳንድ ቦታዎች ላይ) ከመፈታት ይልቅ እየባሰበት ነው እየሄደ ያለው።
ውሃ በፈረቃ ቢመጣም ኃይል ስለሌለው በተለይ ፎቅ ላይ የሚኖሩ ዜጎች ውሃ አያገኙም። አንዳንድ ጊዜ በፈረቃ ጭራሽ ላይመጣም ይችላል።
ይህ የአያት 49 ቁጥር 2 አካባቢ ነዋሪዎች እያሳለፉ ስላሉት የከፋ ችግር ለኤፍቢሲ የሰጡት ቃል ነው ፦
ነዋሪ 1.
" ላለፉት 8 ዓመት እዚህ ነው ያለሁት። የመጀመሪያ ፎቅ ላይ ነው ያሉት የውሃ ችግር በጣም burning ነው። እንኳን ኮንዶሚኒየም ቀርቶ ቪላ ቤት ውስጥ ውሃ ያስፈልጋል። እሮብ እና ሀሙስ ነው ቀናችን እሮብ ሙሉ ቀን አይመጣም። ለምሳሌ ፥ ሀሙስ 8 ሰዓት መጣ 11 ሰዓት ተዘጋ፤ ኡኡ ስንል የቴክኒካል ቃላትን ይጠቀማሉ ሰዎቹ ፤ በስርጭታችን መሰረት ማግኘት እንፈልጋለን። "
ነዋሪ 2.
" እኛ 50 ብር ለውሃው እንቀዳለን። ወደላይ ማስወጫ ለአንድ ጄሪካን 20 ብር እንከፍላለን። 4ኛ ላይ ስለሆንኩኝ ወደላይ ፓወር ስለሌለው ስለማይወጣ ለአንድ ጄሪካን 70 ብር እየከፈልን ነው የምንቀዳው። "
ነዋሪ 3.
" ታች ግራውንድ አለ ፎቅ ላይ አንድም ውሃ የለም። ይኸው ወራችን ነው። "
ነዋሪ 4.
" እኛ እዚህ ሰፈር ከገባን አስር (10) ዓመታችን ነው። የመጀመሪያዎቹ ሰዎች ነን። ከ10 ዓመታ ይሄ 3 ዓመት የምንገባበት ቀዳዳ አጥተናል። በአሁኑ እንኳን ውሃ ሳላገኝ 1 ወሬ ነው። 1 ወር ሙሉ ውሃ ማጣት ማለት ምን ማለት ነው ? "
ነዋሪዎች መፍትሄ ይሰጠን ይላሉ።
ውሃና ፍሳሽ ሲጠይቁ " መብራት የለም " የሚል ነው መልሱ።
የአዲስ አበባ ውሃ እና ፍሳሽ ባለስልጣን ለኤፍቢሲ በሰጠው ቃል ፥ " ውሃ እየሰጠን እየሄደ እያለ በተደጋጋሚ መብራት ይጠፋል። ለምሳሌ 3ኛ ላይ ውሃው ደርሶ እያለ መብራት ከጠፋ ውሃው ወደኃላ ይመለሳል " ብሏል።
መስሪያ ቤቱ ፥ " የውሃ አቅርቦት ችግር የለም። ችግሩ የኤሌክትሪክ ኃይል መቆራረጥ ነው። ከኤሌክትሪክ አገልግሎት ጋር እየሰራን ነው። እያንዳንዱ መብራት ሲጠፋ ሪፖርት የማድረግ ፣ የመናበብ ስራ አለ " ሲል ገልጿል።
የአዲስ አበባ ከተማ የኤሌክትሪክ አገልግሎት ፤ " የውሃ ስርጭት እንዲቋረጥ የሚያደርግ የከፋ የኃይል መቋረጥ ገጥሞ አያውቅም ፤ በተቋም ደረጃ ቅሬታ ቀርቦም አያቅም። 1 ወር እና 15 ቀን በላይ ውሃ ጠፍቶ ምክንያቱ ኤሌክትሪክ ኃይል ነው የሚል ነገር መረጃ ጭራሽ ደርሶን አያውቅም። " ሲል መልሷል።
#AddisAbaba #Water
@tikvahethiopia
#Update
የሰራተኞቹ ጉዳይ ከምን ደረሰ ?
" ... እንዴት ምላሽ ተከልክሎት ለሀገር የሚጠቅም ሰራተኛ ጎዳና ሲወጣ ዝም ይባላል " - ሰራተኞች
የደቡብ ክልል መበቱኑን ተከትሎ ማዕከላዊ ኢትዮጵያ ክልል የተመደቡ የውሀ ስራዎች ኮንስትራክሽን ድርጅት ሰራተኞች " እስካሁን ደሞዝ ስላልተከፈለን ጎዳና ላይ ልንወጣ ነው " ማለታቸውን መረጃ ሰጥተናችሁ ነበር።
በወቅቱ ይህን ችግር አስመልክተን ጥያቄ ያነሳንላቸዉ የርዕሰ መስተዳድሩ ልዩ አማካሪ አቶ ንጉሴ አስረስ ፤ " ችግሩን እናዉቀዋለን " በማለት በጥቂት ቀናት መፍትሄ እንደሚገኝና ሰራተኞችንም እንደሚያናግሩ ገልጸውልን ነበር።
ይሁንና ለወራት ደሞዝ ያልተከፈላቸዉና አሁንም ከስራ ውጭ እንደሆኑ የነገሩን ሰራተኞቹ ዛሬም በባሰ ችግር ላይ መሆናቸውን ጠቅሰው እስካሁን ያናገራቸው አካል እንደሌለ ነግረውናል።
ሰራተኞቹ በተደጋጋሚ ጊዜ ውሀ ልማት ኮንስትራክሽን ቢሮን ለማነጋገር እንደጣሩ ነገር ግን ሊያናግራቸው እንዳልፈለገ ጠቀሙዋል።
" ለምን ሊያነጋግረን እንዳልፈለገ ግልጽ አልሆነልንም ፤ እንዴት ለሀገር የሚጠቅም ሰራተኛ ጎዳና ሲወጣ ዝም ይባላል " በማለት ቅሬታቸውን በድጋሜ ለቲክቫህ ኢትዮጵያ አቅርበዋል።
ጉዳዩን በተመለከተ ያነጋገርናቸው የማዕከላዊ ኢትዮጵያ ውሀ ልማት ኮንስትራክሽን ቢሮ ኃላፊ ኢንጅነር ሻምበል አብዬ ፤ " እስካሁን ድረስ ሰራተኛዉ ስራ ያልጀመረዉ እጃችን ላይ ፕሮጀክት ስላልነበረ ነው ፤ አሁን ላይ ግን ፕሮጀክቶች እየተፈራረምን በመሆኑ በቅርቡ ወደስራ ይገባሉ " ብለዋል።
" ወደ ስራ ቦታቸዉ ሆሳዕና ከተማ ጥሪ ከተደረገላቸዉ በኋላ ' የትራንስፖርት ክፍያ አልተከፈለንም ' ለተባለዉ የኛ ድርጅት ከሲቪል ሰርቪስ የተለየ በመሆኑ ነው " ያሉት ኃላፊው " አሁን ላይ ያለው የሰራተኛዉ ችግር ይገባናል አይደለም ሰራተኞቻችን ሆነዉ ይቅርና ማንም ኢትዮጵያዊ እንዲህ አይነት ችግር ላይ ሲሆን መፍትሄ መፈለግ ይገባል " ብለዋል።
" አሁን ላይ እየሄድንበት ያለነዉ የመፍትሄ መንገድ አለ " በማለት በአጭር ጊዜ ውስጥ አዲስ ነገር ይኖራል ሲሉ ተናግረዋል።
ቲክቫህ ኢትዮጵያ ጉዳዩን እስከመጨርሻ ይከታተላል።
#TikvahEthiopiaFamilyHW
@tikvahethiopia
* Update
በኦሮሚያ ክልል ፣ በኖኖ ወረዳ በተፈጸመው ጥቃት የሟቾች ቁጥር ከ30 ማለፉን ፣ 12 ቁስለኞች ወሊሶ ሆስፒታል መግባታቸውን ነዋሪዎች ለቲክቫህ ኢትዮጵያ ገልጸዋል።
" ታጣቂዎቹ በሰርገኞች ቤት #ቦምብ ወረወሩባቸው። ሁሉም አልቀዋል። ትልላቅ ሰዎች ትንሽ አጥንታቸው ይታያል። ህጻናት ግን ተቃጥለው አልቀዋል " ሲሉ ነው ያስረዱት።
የሟቾች ቁጥር ከ30 በላይ እንደደረሰ፣ በተፈናጣሪው 12 ሰዎች እንደቆሰሉና ሆስፒታል እንደገቡ የገለጹት ነዋሪዎቹ፣ 4 ቤቶችም እንደተቃጠሉ አመልክተዋል።
ከኖኖ ወረዳ ጥቃት ማግስት በምዕራብ ደቡብ ሸዋ ዞን አማያ ወረዳ ታጣቂዎቹ ሰነዘሩት በተባለ ሌላ ጥቃት 2 ሰዎችና 15 ላሞችን እንደተገደሉ ነዋሪዎቹ ለቲክቫህ ኢትዮጵያ ተናግረዋል።
በወቅቱ ፤ የተኩስ ድምጽ ይሰማ እንደነበር ፤ በኃላም መከላከያ ሰራዊቱ ወደ ስፍራው እንደገባና ሁኔታውን መቆጠጠሩን ፤ ነዋሪዎች ግን ወደ አጎራባች ቦታዎች ለመፈናቁል እንደተገደዱ አስረድተዋል።
የኖኖ ወረዳ ኮማንድ ፖስት ኃላፊ አቶ ተሾመ ሰቦቃ ስለ ጉዳዩ ጠይቀናቸው " መረጃው የለኝም " ብለዋል።
የወረዳው አስተዳዳሪ አቶ አለማየሁ ወርቁ ፣ የአማያ ወረዳ ባለስልጣናት ምላሽ ለመስጠት ፈቃደኛ አልሆኑም።
#TikvahEthiopiaFamilyAA
@tikvahethiopia
Announcement of Professional Training Programs
1. Python Programming + Data Analytics and Visualization (4 Months)
2. Python Programming + Artificial Intelligence (2 Months)
By: Addis Ababa University,
Addis Ababa Institute of Technology (AAiT),
School of Electrical & Computer Engineering
Registration Deadline: June 27, 2024
Training Starts on: July 1, 2024
Registration: Addis Ababa University,
Addis Ababa Institute of Technology (AAiT),
School of Electrical and Computer Engineering, Main Building 1st Floor, Office Number: 124
Online Registration Link: https://forms.gle/VwkHzvE8cVEdvV6P8
Telephone: +251-940-182870 / +251-913-574525
Email: sece.training@aait.edu.et / menore.tekeba@aait.edu.et
For more information: Read instructions here ==> https://forms.gle/VwkHzvE8cVEdvV6P8
Telegram Channel: /channel/TrainingAAiT
" የሞባይል ስልክ እና ላፕቶፕ ጠፍቶብኛል የሚል ማስረጃ በማቅረብ ንብረቱን መረከብ ይችላል " - ፖሊስ
የአዲስ አበባ ፖሊስ ፤ በቴክኖሎጂ በመደገፍ ባደረገው ክትትል ግምቱ 150 ሺህ ብር የሚያወጣን ሞባይል ስልክን ከሌባ ላይ የገዛችን ግለሰብን በቁጥጥር ስር አውሎ ንብረቱን ማስመለሱን አስታወቀ፡፡
ግለሰቧ ከወንጀለኞች በተለያየ ጊዜ የገዛቻቸው ልዩ ልዩ ሞባይል ስልኮችን ፣ ላፕቶፖችንና ታብሌት ይዞ ምርመራው መቀጠሉን አዲስ አበባ ፖሊስ ገልፆል፡፡
ነገሩ እንዲህ ነው ...
በቦሌ ክፍለ ከተማ ወረዳ 3 ልዩ ቦታው " አለምነሽ ፕላዛ " አካባቢ አንድ ግለሰብ ግምቱ 150 ሺህ ብር የሚያወጣ አይነቱ አይፎን ፕሮ ማክስ ሞባይል ስልክ ይቀማሉ።
ይህን ተከትሎ አደይ አበባ አካባቢ ፖሊስ ጣቢያ ያመለክታሉ።
የግለሰቡን ጥቆማ መነሻ በማድረግ ፖሊስ ጉዳዩ ከሚመለከታቸው ሌሎች መንግስታዊ ተቋማት ጋር በመቀናጀት በቴክኖሎጂ በመደገፍ ባደረገው ክትትል የተሰረቀው ስልክ አራዳ ክፍለ ከተማ ፒያሳ አካባቢ ከሚገኝ አንድ የሞባይል መሸጫ ሱቅ መኖሩ ይረጋገጣል፡፡
ፖሊስ የህግ አግባብን በመከተል ከፍርድ ቤት የመበርበሪያ ትእዛዝ በማውጣት ባደረገው ብርበራ ከግለሰቡ ላይ የተቀማውን ስልክ ጨምሮ በልዩ ልዩ ጊዜያት ከተለያዩ ቦታዎች የተሰረቁ ፦
➡️ 85 ስማርት ሞባይል ስልኮችን ፣
➡️ 4 ለፕቶፖችን ፣
➡️ 1 ታብሌትና የላፕቶፕ ቦርሳዎችን በኤግዚቢትነት ይዟል።
የቅሚያ ወንጀል የፈፀመውን ተጠርጣሪ ለመያዝ ክትትሉ መቀጠሉን ፖሊስ አመልክቷል።
የሞባይል ስልክ እና ላፕቶፕ ጠፍቶብኛል የሚል ማንኛውም ግለሰብ አደይ አበባ ስቴዲዮም አካባቢ ፖሊስ ጣቢያ በአካል በመቅረብ ሞባይል ስልኩን በመለየትና ትክክለኛ ማስረጃ በማቅረብ ንብረቱን መረከብ እንደሚችል አዲስ አበባ ፖሊስ አስታውቋል፡፡
#AddisAbabapolice
@tikvahethiopia
#Amahra
በአማራ ክልል ፤ በምዕራብ ጎንደር ዞን ' ታጣቂዎች ' ባደረሱት ጥቃት አንዲት ሱዳናዊ ስደተኛን ጨምሮ 3 ሰዎች መገደላቸው ተነግሯል።
በጥቃቱ በሌሎች ሁለት ሰዎች ላይ ጉዳት መድረሱ ተሰምቷል።
የስደተኞች እና ከስደት ተመላሾች አገልግሎት የጥቃቱ ባለፈው እሁድ ሰኔ 9/2016 መፈጸሙን አረጋግጧል።
ጥቃት የተፈጸመው ከገንደ ዉሃ ወደ ነጋዴ ባህር ሲጓዝ በነበረ የህዝብ ማመላለሻ ተሽከርካሪ " ደረቅ አባይ " በተባለ ስፍራ እንደሆነ ተጠቁሟል።
የዞኑ ኮሚኒኬሽን ጥቃቱ ከቀኑ 10 ሰዓት መድረሱን አሳውቋል።
የስደተኞችና ከስደት ተመላሾች አገልግሎት ፥ በህዝብ ማመላለሻ ተሽከርካሪ ላይ ታጣቂዎች ተኩስ ከከፈቱ በኃላ አንድ ውስጥ የነበረ የመንግስት የጸጥታ አባል ወርዶ የታጣቂዎቹ ጥቃት ለመከላከል ባደረገው የተኩስ ልውውጥ ከመኪናው ውስጥ የነበረች አንዲት ሱዳናዊ ስደተኛና ሌሎች ኢትዮጵያውያን መገደላቸውን አስረድቷል።
" የጥቃቱን መድረስ ተከትሎ የመንግስት ጸጥታ ኃይል በአፋጣኝ ባይደርሱ ኖሩ ከአሁኑ የበለጠ የከፋ ጉዳት ሊከሰት ይችል ነበር " ሲልም ገልጿል።
የተፈጸመው ጥቃት በዘፈቀደ እንጂ በስደተኛዋ ላይ ያነጣጠረ እንዳልነበር አክሏል።
ስደተኛዋ በወቅቱ ፤ መድሃኒት ገዝታ ወደ መጠለያዋ እየተመለሰች ነበር ተብሏል።
የምዕራብ ጎንደር ዞን አስተዳደር ስደተኞች ከመጠለያ ጣቢያቸው እንዳይወጡ በተደጋጋሚ ቢነገራቸውም አንዳንዶቹ ተግባራዊ ማድረግ ባለመቻላቸው ለአደጋ እየተጋለጡ ሲል ገልጿል።
የመረጃው የዶቼቨለ ሬድዮ ነው።
@tikvahethiopia
#Update #Adwa
ከ3 ወር በላይ ታግታ አድራሻዋ ጠፍቶ ዛሬ በግፍ መገደለዋ የተረጋገጠው ተማሪ ማህሌት ተኽላይ አጋቾችዋ ገድለው እንደቀበሯት ማመናቸውን ፓሊስ አስታወቀ።
የትግራይ ማእከላይ ዞን ፓሊስ የወንጀል ምርመራ ሃላፊ ኮማንደር ፀጋይ ኣስፍሃ ዛሬ ለ104.4 የመቐለ ኤፍኤም በስልክ በሰጡት ቃል ፥ በእገታው እና ግድያው የተጠረጠሩ መያዛቸውን ገልጸዋል።
ግለሰቦቹም ለፓሊስ በሰጡት ቃል ተማሪ ማህሌትን ገድለው በዓድዋ የፓንአፍሪካ ዩኒቨርስቲ ሊገነባበት የመሰረተ ደንጋይ የተጣለበት ቦታ መቅበራቸውን ቦታው ድረስ በመምራት አሳይተዋል ፤ አምነዋል ብለዋል።
ተጠርጣሪዎቹ ማህሌትን እንዴት እንዳገቷት ፣ አግተው ወዴት እንደወሰዱዋት ፣ እንዴት ገድለው እንደቀበርዋትና አስከሬንዋ የተቀበረበት ቦታ ጭምር በዝርዝር ለፓሊስ ማሰየታቸውን ኮማንደሩ በሰጡት መረጃ አረጋግጠዋል።
የተማሪ ማህሌት ተኽላይ አስከሬን ከተቀበረበት ጉድጓድ የማውጣት ስነ-ሰርዓት በመከናወን ላይ መሆኑ የገለፁት ኮማንደር ፀጋይ ፤ ወደ ሆስፒታል ተወስዶ ተጨማሪ ምርመራ ይደረግበታል ብለዋል።
#TikvahEthiopiaMekelle
@tikvahethiopia
@TikvahEthiopiaTigrigna
#Update
ተማሪ ማህሌት ተኽላይ ተገድላ ተገኘች።
ለ91 ቀናት ታግታ የተሰወረችው ተማሪ ማህሌት ተኽላይ ተገድላ ተገኝታለች።
ለወላጆችዋ ዛሬ መርዶ ተነግሯቸዋል።
የአስከሬን የአሸኛነት ስነ-ሰርዓት ዛሬ በአቡነ አረጋዊ ቤተክርስትያን ዓድዋ እንደሚፈፀም ከቦታው የደረሰን መረጃ ያመለክታል።
በተማሪ ማህሌት ተኽላይ ግድያ ዙሪያ ፓሊስ የሚሰጠው መረጃ ተከታትለን የምናቀርብ ይሆናል።
በተማሪ ማህሌት ተኽላይ እገታና ስወራ ጉደይ የቲክቫህ ኢትዮጵያ መቐለ ቤተሰብ አባል ለወራት ተከታታይ መረጃ ሲያቀርብ እንደነበር አይዘነጋም።
#TikvahEthiopiaMekelle
@tikvahethiopia
#Amahra
በአማራ ክልል ፤ ምዕራብ ጎጃም ዞን ጃቢጠህናን ወረዳ ፤ ጅጋ ከተማ እሁድ እለት ከቀኑ 11:30 ገደማ ሲቪል ሰዎች ላይ ግድያ ተፈጽሟል ሲሉ ነዋሪዎች ገልጸዋል።
የአካባቢዎች ነዋሪዎች በርካታ ሰዎች በመንግስት የጸጥታ ኃይል መገደላቸውን ከሟቾቹ ውስጥ ከባንክ ሰራተኞች እንዳሉበት ጠቁመዋል።
እንደ ነዋሪዎቹ ቃል ፥ አንድ ባለ አንድ ጋቢና መኪና የመንግስት የጸጥታ ኃይሎችን ጭኖ ከደምበጫ ወደ ፍኖተሰላም ሲጓዝ ጅጋ ፀደይ ባንክ አካባቢ በ ' ፋኖ ' ታጣቂዎች የደፈጣ ጥቃት ተፈጽሞበታል።
ታጣቂዎቹ ጥቃቱን አድርሰው ወደጫካ ካፈገፈጉ በኃላ ከጥቃቱ በኃላ የደረዱ ሌሎች የጸጥታ ኃይሎች የሲቪል ሰዎች ግድያ መፈጸቸውን ነዋሪዎች አመልክተዋል።
አንድ ነዋሪ ፥ " ድንገት ምንም ሳናስበው ነው አካባቢው በተኩስ የተናወጠው ፤ ከጫካ የመጡ የፋኖ ኃይሎች ናቸው፤ አንደኛውን ፓትሮል ላይ ጥቃት ፈጸሙ ከኋላ የሚከተል ፓትሮል ነበር ' ጎህ ' የሚባል መናፈሻ ነገር አለ እዛ ተኩስ ነበር። ብዙ ሰው ተገደለ። አንድ የአቢሲንያ ማናጀር፣ አንድ የአዋሽ ባንክ አካውንታት ፤ አንድ ምንም የማትናገር ዝናሽ የምትባል ሴት አጠቃላይ 13 ሰዎች መጠጥ የሚጠጣ፣ በቦታው የነበረ ተመቷል የመዝናኛ / የእረፍት ቀን ነበር። የሞቱት ከጫካው ኃይል ወይም ከተማው ውስጥ ካለው የጸጥታ ኃይል ገለልተኛ የስራ ሰው ነው " ብለዋል።
ሌላ ነዋሪ ፥ " የተኩስ ልውውጥ ነበር። መጀመሪያ ' ፋኖ ' ነበር የተኮሰው ፤ አጋጣሚ ሆኖ በፓትሮሉ ላይ ከነበሩት የሰራዊት አባላት አንድ ስናይፐር ተኳሽ አንድ ጥቁር ክላሽ የያዘ ልጅ ከመኪናው ፈጥነው ዘለው እነሱ ብቻ ነው የቀሩት ፤ ከዛ ከኃላ ሲመጣ የነበረ ሌላ የጸጥታ ኃይል ' ጎህ ' የሚባል የመዝናኛ አካባቢ የመንግሥት ሰራተኞች፣ የባንክ ሰራተኞች ፣ መምህራን የነበሩበት እዛ ያገኙትን በአሰቃቂ ሁኔታ በብሬን ገድለዋል። የሟቾች ቁጥር ከ20 ይበልጣል ነው እንደሰማነው። የአብዛኞቹ በየአካባቢያቸው ስርዓተ ቀብራቸው ተፈጽሟል " ሲሉ ተናግረዋል።
የጅጋ ከተማን እና የአካባቢውን ህዝብ ወክለው የተመረጡት የህዝብ ተወካዮች ምክር ቤት አባሉ አቶ አበባው ደሳለው ፥ የአስቸኳይ ጊዜ አዋጁ ተጠናቋል በተባለበት በሲቪል ሰዎች ላይ ግድያ መፈጸሙ የሚያሳዝን ነው ብለዋል።
ከዚህ ቀደምም በሌሎችም ከተማዎች በሲቪል ሰዎች ላይ ስለሚደረስ ግድያ በተለያዩ መድረኮች መናገራቸውን አስታውሰው " ግን ሃሳባችን ሳይሰማ ቀርቶ ይሄ ሆኗል " ብለዋል።
" በጣም የሚያሳዝነው አስቸኳይ ጊዜ አዋጁ ተጠናቋል የሽግግር ፍትህ ይኖራል ምክክር ኮሚሽን ስራውን ይሰራል ከታጣቂዎች ጋር ድርድር እና ውይይት ይደረጋል በተባለበት ሰዓት ይህ መፈጠሩ ያሳዝናል " ሲሉ ተናግረዋል።
አቶ አበባ በዕለቱ ተገድለዋል ያሏቸውን የ13 ሰዎች ስም ዝርዝር በእጃቸው እንዳለ ይህን ለኢትዮጵያ ሰብዓዊ መብቶች ኮሚሽን እና ለኢትዮጵያ ሰብዓዊ መብቶች ጉባኤ መላካቸውን አሳውቀዋል።
የም/ቤት አባሉ ፥ " በክልሉ በመንግስት የጸጥታ ኃይል እና በፋኖ መካከል የሚደረገው ውጊያ ህዝብ ላይ ጉዳት እያደረሰ በመሆኑ ሁለቱም ኃይሎች ወደ ድርድር ሊመጡ ይገባል " ብለዋል።
የኢትዮጵያ ሰብዓዊ መብቶች ኮሚሽን የባህር ዳር ቅርንጫፍ ሁኔታው እየተጣራ ነው ብሏል።
የመንግስት የስራ ኃላፊዎች ስለ ጉዳዩ አስተያየታቸውን ለማድመጥ በተደጋጋሚ ስልክ ቢደወለም አላነሱም።
ይህ መረጃ ባለቤትነቱ የቪኦኤ ሬድዮ ጣቢያ ነው።
@tikvahethiopia
Announcement of Professional Training Programs
1. Python Programming + Data Analytics and Visualization (4 Months)
2. Python Programming + Artificial Intelligence (2 Months)
By: Addis Ababa University,
Addis Ababa Institute of Technology (AAiT),
School of Electrical & Computer Engineering
Registration Deadline: June 27, 2024
Training Starts on: July 1, 2024
Registration: Addis Ababa University,
Addis Ababa Institute of Technology (AAiT),
School of Electrical and Computer Engineering, Main Building 1st Floor, Office Number: 124
Online Registration Link: https://forms.gle/VwkHzvE8cVEdvV6P8
Telephone: +251-940-182870 / +251-913-574525
Email: sece.training@aait.edu.et / menore.tekeba@aait.edu.et
For more information: Read instructions here ==> https://forms.gle/VwkHzvE8cVEdvV6P8
Telegram Channel: /channel/TrainingAAiT
#Mekelle
የኢሚግሬሽንና ዜግነት አገልግሎት የመቐለ ቅርንጫፍ ፅህፈት ቤት አገልግሎት መስጠት መጀመሩ ተገልጿል።
ቅርንጫፍ ጽ/ቤቱ አገልግሎት መስጠት የጀመረው ዛሬ ነው።
በዚህም በጊዜያዊነት የጀመራቸው አገልግሎቶች ፦
☑️ ፓስፖርት ማደስ፣
☑️ የጠፋ ፓስፖርት መተካት፣
☑ የተበላሸ ወይ እርማት የመስጠት አገልግሎቶች እንደሆነም ተገልጿል።
የመቐለ የኢሚግሬሽንና ዜግነት አገልግሎት ፅህፈት ቤት ተወካይ ክንፈሚካኤል ረዳሀኝ ዛሬ ለቲክቫህ ኢትዮጵያ በሰጡት ቃል ከጦርነቱ በፊት በፅህፈት ቤቱ በርካታ አገልግሎት ሲሰጥ እንደነበር አመልክተዋል።
በጦርነቱ ሁሉም አገልግሎት ተቋርጦ እንደነበር አስታውሰዋል።
ከፕሪቶሪያ ሰላም ስምምነት በኃላ ቢዘገይም የፓስፓርት እድሳት አገልግሎት አሁም መሰጠት እንደተጀመረ ገልጸው ፤ " በመላ ትግራይ የሚገኙ የፓስፓርት እድሳት ፈላጊዎች በአካል መምጣት ሳይስፈልጋቸው ባሉበት ሆኖው በኦንላይን መገለግል ይችላሉ " ብለዋል።
ተገልጋዮች ወደ (መቐለ) ፅ/ቤቱ መምጣት ያለባቸው ሁሉም ነገር ጨርሰው ማህተም ለማስመታት ብቻ እንደሆነ ጠቁመዋል።
#TikvahEthiopiaFamilyMekelle
@tikvahethiopia
#ኦዲት #ኢትዮጵያ
(ከ2015 የበጀት ዓመት የፋይናንስ ሕጋዊነት ኦዲት እና የክዋኔ ኦዲት ሪፖርት)
➡️ የበጀት አጠቃቀም ፦
ኦዲት በተደረጉ መስሪያ ቤቶች የተፈቀደላቸውን በጀት በስራ ላይ ያዋሉት ሂሳብ ሲነጻጸር ከበጀት በላይ ወጪ የተደረገበት ፣ በርካታ ያልተሰራበት በጀት ተገኝቷል።
በ20 መ/ቤቶች በልዩ ልዩ የሂሳብ መደቦች በደንቡ መሰረት #ሳያስፈቅዱ ለእያንዳንዱ የበጀት ኮድ ከተደለደለው በላይ ወጪ የሆነ ሂሳብ ከመደበኛው በጀት ብር 524. 7 ሚሊዮን ፣ ከውስጥ ገቢ 288.9 ሚሊዮን ፣ ከካፒታል በጀት 489.4 ሚሊዮን በድምሩ 1.3 ቢሊዮን ብር ተገኝቷል።
በኮድ ከተደለደለው በጀት በላይ ውጭ ያደረጉ ዋና ዋና መ/ቤቶች ፦
🟠 ሚዛን ቴፒ ዩኒቨርሲቲ 322.5 ሚሊዮን
🟠 አዲስ አበባ ዩኒቨርሲቲ እና ተጠሪ ተቋማቱ 267.9 ሚሊዮን
🟠 ጅግጅጋ ዩኒቨርሲቲ 173.2 ሚሊዮን
🟠 ወለጋ ዩኒቨርሲቲ 125.1 ሚሊዮን
🟠 የኢትዮጵያ ግብርና ምርምር ኢንስቲትዩት 109.5 ሚሊዮን
🟠 ዋቸሞ ዩኒቨርሲቲ 91.3 ሚሊዮን
🟠 አምቦ ዩኒቨርሲቲ 83.3 ሚሊዮን
🟠 አርባ ምንጭ ዩኒቨርሲቲ 75.1 ሚሊዮን
ሁለት መስሪያ ቤቶች ደግሞ 9.7 ሚሊዮን ብር በጀት ስለመኖሩ ሳይረጋገጥ / ሳይፈቀድ ክፍያ ተፈጽሞ ተገኘቷል።
➡️ ከደንብ እና መመሪያ ውጭ የተከፈለ ፦
በ30 መ/ቤቶች ብር 16 ሚሊዮን 470 ሺህ ከደንብና መመሪያ ውጭ አላግባብ ተከፍሏል።
ዋና ዋናዎቹ መ/ቤቶች ፦
🔴 ኢኖቬሽንና ቴክኖሎጂ ሚኒስቴር 3 ሚሊዮን
🔴 የመንግስት ኮሚኒኬሽን አገልግሎት 2 ሚሊዮን 889 ሺህ
🔴 ኮተቤ ትምህርት ዩኒቨርሲቲ 2 ሚሊዮን 42 ሺህ
🔴 መደወላቡ ዩኒቨርሲቲ 1 ሚሊዮን 156 ሺህ
➡️ በመስሪያ ቤት ለሌሉና ከስራ ገበታ ለተሰናበቱ ሰራተኞች የተከፈለ ደመወዝ ፦
በ16 መስሪያ ቤቶች በመስሪያ ቤት ለሌሉ እና ከስራ ለተሰናበቱ ሰራተኞች ብር 485 ሺህ 183 ከ56 ሳንቲም ደመወዝ ተከፍሎ ተገኝቷል።
➡️ በበልጫ አላግባብ የተከፈለ ወጪ ፦
በ32 መ/ቤቶች እና በ9 ቅርንጫፍ ፅ/ቤቶች በተለያዩ የግንባታና ግዥዎች 4.9 ሚሊዮንና ለውሎ አበልና ሌሎች ክፍያዎች 57.6 ሚሊዮን በድምር 62.6 በብልጫ ተከፍሎ ተገኝቷል።
➡️ የግዥ አዋጅ ደንብና መመሪያ ያልተከተሉ ግዥዎች ፦
በ73 መ/ቤቶች እና በ15 ቅ/ጽቤቶች ብር 2 ቢሊዮን 199 ሚሊዮን የመንግስት ግዥ አዋጅ ደንብ እና መመሪያን ሳይከተል ግዥ ተፈጽሟል።
° በጨረታ መግዛት ሲገባው ያለጨረታ በቀጥታ የተፈጸመ ግዥ 1.8 ቢሊዮን ብር
° መስፈርት ሳይሟላ በውስን ጨረታ የተገዛ 104.3 ሚሊዮን ብር
° ግልጽ ጨረታ መውጣት ሲገባው በዋጋ ማወዳደሪያ የተፈጸመ 96.1 ሚሊዮን ብር
° የዋጋ ማወዳደሪያ ሳይሰበሰብ በቀጥታ የተፈጸመ ግዥ 13.8 ሚሊዮን ብር
° ሌሎች የግዥ ሂደት ያልተከተሉ 134.6 ሚሊዮን ዋና ዋና ናቸው።
ዋና ዋና መስሪያ ቤቶች (ደንብና መመሪያ ሳይከተሉ ግዥ የፈጸሙ)፦
⚫ ገቢዎች ሚኒስቴር በዋናው መ/ቤትና በቅርንጫፍ ፅ/ቤት 1.4 ቢሊዮን
⚫ የኢሚግሬሽን እና ዜግነት አገልግሎት 91 ሚሊዮን
⚫ የውሃና ኢነርጂ ሚኒስቴር 65.5 ሚሊዮን
⚫ የፌዴራል ፖሊስ ኮሚሽን 62.9 ሚሊዮን
⚫ የኢትዮጵያ ፖሊስ ዩኒቨርሲቲ 57.1 ሚሊዮን
⚫ ቡሌ ሆራ ዩኒቨርሲቲ 37.4 ሚሊዮን
⚫ የጉምሩክ ኮሚሽን ዋና መ/ቤት እና በድሬዳዋ ቅርንጫፍ ፅ/ቤት 34 ሚሊዮን
➡️ በአማካሪ መሃንዲሳ ሳይረጋገጥ የተከፈለ ክፍያ ፦
የግንባታ ክፍያ #በአማካሪ_መሃንዲስ ተረጋግጠው መከፈላቸውን ለማረጋገጥ በተደረገ ኦዲት በ2 መ/ቤቶች 170 ሚሊዮን 394 ሺህ በአማካሪ መሃንዲስ የክፍያ ማረጋገጫ የምስክር ወረቀት ሳይቀርብ ክፍያ ተፈጽሞ ተገኝቷል።
👉 ኢኖቬሽንና ቴክኖሎጂ ሚኒስቴር 169.7 ሚሊዮን ብር ከፍሎ ተገኝቷል።
➡️ የተከፋይ ሂሳብ ፦
በ14 መ/ቤቶች 1.7 ቢሊዮን ብር በተከፋይ ሂሳብ ተይዞ ተገኝቷል። ለማን እንደሚከፈል እንኳን ተለይቶ አይታወቅም።
የተከፋይ ሂሳብ ለባለመብት መለየት ካልቻሉ መስሪያ ቤቶች ፦
🔵 የመስኖና ቆላማ አካባቢ ሚኒስቴር 1.5 ቢሊዮን
🔵 የኢኖቬሽንና ቴክኖሎጂ ሚኒስቴር 131.8 ሚሊዮን
🔵 ማዕድን ሚኒስቴር 29.9 ሚሊዮን ዋና ዋናዎቹ ናቸው።
#TikvahEthiopia
@tikvahethiopia
#ኦዲት
የተሰበሰበው ገቢ #ትክክለኛነቱን ለማረጋገጥ ሂሳብ ኦዲት ሲደረግ በኢሚግሬሽን እና ዜግነት አገልግሎት #በዶላር የተሰበሰበ 1.3 ሚሊዮን ገቢ ትክክለኝነቱን ማረጋገጥ #አልተቻለም።
የፌዴራል ዋና ኦዲተር ማንኛውም ገቢ ተገቢ ማስረጃ ሳይሟላ በገቢ መመዝገብ ፍጹም ትክክል እንዳልሆነ አስገንብዝቦ የገቢ ማስረጃዎች በትክክል ተደራጅቶ እንዲያዝ ተገቢው ማስተካከያም እንዲደረግና እርምጃ እንዲወሰድ አሳስቧል።
@tikvahethiopia
#ኢትዮጵያ #ኦዲት
የ2015 በጀት ዓመት የፌዴራል የመንግስት መስሪያ ቤቶች የኦዲት ክንውን ላይ ማብራሪያ እየተሰጠ ነው።
ሂሳብ አቅራቢ የነበሩት 173 የፌዴራል መንግስት ባለ በጀት መስሪያ ቤቶች ሲሆኑ የ162 መ/ቤቶች እና 58 ቅርንጫፍ ፅ/ቤቶች በፌዴራል ኦዲተር መ/ቤት 11 ደግሞ በሂሳብ ምርመራ አገልግሎት ኮርፖሬሽን ኦዲት ሊደረጉ ታቅዶ ነበር።
10 መስሪያ ቤቶች 4 ቅርንጫፍ ፅ/ቤቶች በጸጥታ ምክንያት ኦዲት ተጀምሮ ተቋርጧል። 1 መ/ቤት ቢሮ አላቀረበም።
ከዚሁ ጋር በተያያዘ በጥሬ ገንዘብ ሂሳብ ላይ ታገቢው ቁጥጥር ይደረግ እንደሆነ ለማረጋገጥ ክትትል ሲደረግ ፥ በሁለት መስሪያ ቤቶች ብቻ ብር 383 ሺህ 238 ከ48 ሳንቲም ጉድለት ተገኝቷል።
#TikvahEthiopia
@tikvahethiopia
#ሴጅ_ማሰልጠኛ
ADVANCED STANDARDS AND PRACTICES OF ACCOUNTING ስልጠና ምዝገባ ላይ ነን።
👉 IFRS + Peachtree + Asset Valuation + IFRS Conversion + IPSAS + Quick Book በአንድ ላይ
👉 ስልጠናው ሙሉ በሙሉ በተግባር የተደገፈና ፒስትሪ (Peachtree Software) ላይ የሚሰጥ ነው።
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute