TIKVAH-ETHIOPIA

22 Jun 2024 20:20

#4free_Market
 
4Free እጅግ ዘመናዊ እና ጥራት ያላቸዉ አንዲሁም ኑሮን የሚያቀሉ የቤት ዉስጥና የኪችን እቃዎች የሚሸጡበት ገበያ ነዉ።

የሁሉንም እቃዎች ዋጋ እና ሌሎች ተጨማሪ እቃዎችን ለማየት የቴሌግራም ቻናላችን ቤተሰብ ይሁኑ። ቴልግራም 👇 /channel/forfreemarket

ስልክ ፦ 0983360606

አድራሻ :- ጀሞ ከፍደም ሞል ግራውድ ላይ የሱቅ ቁጥር 39 ፣ ሳር ቤት ካናዳ ኤምባሲ ፊትለፊት ሸዋ ፣ መገናኛ መተባበር ሕንፃ 3ኛ ፎቅ ቢሮ ቁ316 ፣ ፒያሳ ጣይቱ ሆቴል ጊቢ ውስጥ ቢሮ ቁ04

ያሉበት በነፃ እናደርሳለን ክፍለ ሀገር ጨምሮ ::

TIKVAH-ETHIOPIA

22 Jun 2024 14:14

#ethiotelecom #Oromia

በኢትዮ ቴሌኮም ምዕራብ ሪጅን በጸጥታ ምክንያት አገልግሎት መስጠት አቁመው የነበሩ 87 የሞባይል ጣቢያዎች ተጠግነው በ42 ወረዳዎች የሚገኙ 83 ቀበሌዎችና ከተሞች ዳግም የቴሌኮም አገልግሎት እንዳገኙ ዛሬ በላከልን መግለጫ አሳውቋል።

ተቋሙ ፤ በጸጥታ ችግር ምክንያት በምዕራብ እና በምስራቅ ወለጋ፣ ሆሩ ጉዱሩ እንዲሁም ቄለም ወለጋ ዞኖች የሚገኙ አገልግሎት ሳይሰጡ የቆዩ የቴሌኮም መሰረተ ልማቶችን የመጠገን ስራ ሲሰራ እንደነበር ገልጿል።

የኃይል አቅርቦትን ባላገኙ አካባቢዎች ላይ ጀነሬተር ፣ ነዳጅና አስፈላጊ ግብዓት በማሟላት የጥገና እና የማሻሻያ ስራዎች በማጠናቀቅ 87 የሞባይል ጣቢያዎችን አገልግሎት ዳግም በማስጀመር በ42 ወረዳዎች የሚገኙ 83 ቀበሌዎች እና ከተሞች አገልግሎት እንዳገኙ አሳውቋል።

እስካሁን በተከናወኑ ስራዎች ፦
- በሆሩጉዱሩ 18 የሞባይል ጣቢያዎች፣
- በምዕራብ ወለጋ 19 ጣቢያዎች፣
- በቄለም ወለጋ 17 ጣቢያዎች፣
- በምስራቅ ወለጋ 12 ጣቢያዎች
- በምዕራብ ሸዋ 1 ጣቢያ ጥገና ተደርጎ አገልግሎት ማስጀመር እንደተቻለ አመልክቷል።

በተጨማሪ ከዚህ በፊት በተሟላ መልኩ አገልግሎት ሳይሰጡ የቆዩ አጠቃላይ 20 የሞባይል ጣቢያዎች አስተማማኝ አገልግሎት እንዲሰጡ መደረጉን በተቀሩት አካባቢዎችም ላይ ጥገናው እንደሚቀጥል አሳውቋል።

@tikvahethiopia @ethio_telecom

TIKVAH-ETHIOPIA

22 Jun 2024 09:49

#AddisAbaba

" ... የቤት አከራይ የቤት ኪራይ ዋጋ ጭማሪ ማድረግ የሚችለው በዓመት አንዴ መንግስት በሚያወጣው ተመን ብቻ ነው " - ቤቶች ልማትና አስተዳደር

የአዲስ አበባ ቤቶች ልማትና አስተዳደር ቢሮ የአከራይ ተከራይ ውል ምዝገባን በተመለከተ ዛሬ መግለጫ ሰጥቷል።

ቢሮው ከሰኔ 1/2016 ዓ/ም ጀምሮ በ120 ወረዳዎች ምዝገባ እየተከናወነ እንደሆነ ገልጿል።

በቀሪ የ15 ቀናት ጊዜ ዜጎች በአቅራቢያቸው በሚገኙ ወረዳዎች በማቅናት ምዝገባ እንዲያካሂዱ አሳስቧል።

አከራዮች የውል ስምምነቱን ሳይፈጽሙ እስከ 3 ወር ድረስ ከቆዩ የ2 ወር የቤት ኪራይ እንዲከፍሉ ይደረጋል ተብሏል።

ይህንን ስራ ብቻ የሚያከናውን ቡድን መቋቋሙንም ቢሮው ገልጿል።

የውል ምዝገባው ቅዳሜ እና እሁድን ጨምሮ በምሽት ጭምር እየተሰጠ እንደሆነ ያመለከተው ቢሮው ፥ " የተሰጠው የምዝገባ ጊዜ በቂ በመሆኑ የቀን ጭማሪ ላይኖር ይችላል " ሲል አሳውቋል።

ቢሮው በመግለጫው ከመጋቢት 24 ጀምሮ የሚደረግ የቤት ኪራይ ጭማሪ እና ውል ማቋረጥ ክልክል እንደሆነ እና ተቀባይነትም እንደሌለው አመልክቷል።

መንግስት ጥናት በማድረግ በሚቀጥለው ዓመት ሰኔ ወር ላይ የዋጋ ጭማሪ እንደሚያደርግ አሳውቋል።

አከራይ የቤት ኪራይ ዋጋ ጭማሪ ማድረግ የሚችለው በዓመት አንዴ መንግስት በሚያወጣው ተመን ብቻ እንደሚሆን አስገንዝቧል።

#FBC
#AddisAbaba #HousingDevelopmentandAdministration
#AddisAbaba

@tikvahethiopia

TIKVAH-ETHIOPIA

22 Jun 2024 09:48

#ሴጅ_ማሰልጠኛ_ኢንስትዩት

ሴጅ ማሰልጠኛ ኢንስቲትዩት በክረምቱ ለልጆች የኮምፒውተር ኮዲንግ ስልጠና ለመስጠት ምዝገባ ላይ ነን።
👉 በስልጠናው ልጆች Game, Calculator እና Website ቀለል ባለ መንገድ የሚሰሩ ይሆናል።
👉 ስልጠናው ከ 7-16 ዓመት ላሉ ልጆች የሚሰጥ ነው።

ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ

Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute

TIKVAH-ETHIOPIA

21 Jun 2024 21:12

#Kenya

ጎረቤት ኬንያ ታቃውሞ እየናጣት ነው።

መንግሥት በታክስ ላይ ጭማሪ ሊያደርግ ማቀዱን ተከትሎ በተለይም ወጣቱ ለተቃውሞ አደባባይ ወጥቷል።

ከወጣቶቹ ሰልፍ ጋራ በተያያዘ ትላንት አንድ ሰው #ተገድሏል፡፡

ግድያው የተፈጸመው በፖሊስ በተተኮሰ ጥይት ነው ተብሏል።

ዛሬም በናይሮቢና የተለያዩ ከተሞች ተቃውሞ ሲካሄድ ውሏል።

ተቃዋሚዎቹ በሚቀጥለው ሳምንት በሀገር አቀፍ ደረጃ የሚካሔድ የተቃውሞ ሰልፍ መጥራታቸው ተነግሯል።

ይህ በኬንያ ወጣቶች መሪነት የተነሳው እና ባለፈው ማክሰኞ በናይሮቢ ከተማ ተጀምሮ በመላው አገሪቱ የተሰራጨው ተቃውሞ በመጭው ማክሰኞ ብሔራዊ የሥራ ማቆም አድማ እንዲደረግ ጥሪ ማቅረቡ ተሰምቷል።

ተቃዋሚዎቹ ለምን አደባባይ ወጡ ?

ተቃዋሚዎች በሀገሪቱ ፕሬዚዳንት ዶ/ር ዊሊያም ሩቶ የኢኮኖሚ ፖሊሲ ደስተኛ አይደሉም።

አካሄዳቸውም ለብዙ ኬንያውያን ኑሯቸውን አስቸጋሪ ማድረጉን ይገልጻሉ።

በተለይም መንግሥት አሁን ያዘጋጀው የታክስ ጭማሪ ረቂቅ አዋጅ የህዝቡን ኑሮ የሚያመሰቃቅል እንደሆነ በመግለጽ እየተቃወሙ ነው።

የታክስ ጭማሪውን በመቃወም ለወራት በማኅበራዊ ሚዲያ ዘመቻ ሲደረግ ቆይቶ ነው ወደ ተቃውሞ ሰልፍ የተቀየረው።

የኬንያ መንግሥት ምን ይላል ?

መንግሥት የታክስ ጭማሪ ሊያደርግ ያቀደው ብድር ለመክፈል እና ለልማት ሥራዎች እንደሆነ ገልጿል።

ተቃውሞውን ተከትሎ ከረቂቅ አዋጁ ላይ የተወሰኑትን እንደሚተው ቢያስታውቅም ተቃውሞው ግን ዛሬም ቀጥሏል።

የታክስ ጭማሪው ምን ላይ ነው ?

መንግሥት በያዘው እቅድ የታክስ ጭማሪው በተለያዩ ሸቀጦች ላይ የሚደረግ ነው።

በነዳጅ ላይ ሊጨመር የታሰበው 9 ሺልንግ ሲሆን ጭማሪው ለፈረሱ መንገዶች መጠገኛ እንደሚሆን የአዋጁ አርቃቂዎች አስታውቀዋል።

መንግስት በተጨማሪ አካባቢን ለመጠበቅ በሚል ታክስ ለመጣል ያቀደ ሲሆን ይህም ደግሞ የፕላስቲ ውጤቶች የሚያስከትሉትን ብከላ ለመከላከል እንደሆነ አስታውቋል።

ብሔራዊ ሸንጎው ረቂቅ አዋጁን ሚቀጥለው ሳምንት እንደሚያጸድቅ ይጠበቃል።

ለተቃውሞ የወጡት ኬንያውያን ግን በተቃውሟቸው እንደሚገፉበት አስታውቀዋል።

#AFP
#VOA
#Kenya

@tikvahethiopia

TIKVAH-ETHIOPIA

21 Jun 2024 20:30

ኢትዮ ቴሌኮም

ልዩ የማጣሪያ ሽያጭ!
እንዳያመልጥዎ!!

እስከ 64% በሚደርስ ቅናሽ ያቀረብናቸውን የስልክ ቀፎዎች፣ ታብሌቶች እና የኢንተርኔት ሞደሞች የራስዎ ያድርጓቸው!!

ቁጥራቸው ውስን በመሆኑ አሁኑኑ ወደ አገልግሎት ማዕከሎቻችን ጎራ ይበሉ፤ የዚህ አጋጣሚ ተጠቃሚ ይሁኑ!

#Sale #Ethiotelecom #telebirr #DigitalAfrica #SmartAfrica #DigitalEthiopia #RealizingDigitalEthiopia

TIKVAH-ETHIOPIA

21 Jun 2024 12:31

#ኢትዮጵያ

በቀጣዮቹ 10 ቀናት ለክረምት ዝናብ መፈጠር ምቹ ሁኔታን የሚፈጥሩ የሚቲዎሮሎጂ ገጽታዎች ከቀን ወደ ቀን በተሻለ መልኩ ይጠናከራሉ።

በደቡብ ምዕራብ፣ ምዕራብ፣ መካከለኛው እና በሰሜን ምዕራብ የሀገሪቱ አከባቢዎች ከቀላል እስከ ከባድ መጠን ያለው ዝናብ እንደሚኖራቸው አሃዛዊ የትንበያ መረጃዎች ያመላክታሉ፡፡
  
በቀጣይ 10 ቀናት ....

☑ አዲስ አበባ

☑ ከኦሮሚያ ክልል ፦
- ቡኖ በደሌ
- ኢሉባቦር
- ጅማ
- ምስራቅ እና ምዕራብ ወለጋ፣ ሆሮ ጉዱሩ፣ ቄለም ወለጋ
- ምዕራብ ሀረርጌ
- አርሲ እና ምዕራብ አርሲ
- ሰሜን ሸዋ (ሰላሌ)
- ምዕራብ፣ ደቡብ ምዕራብ እና ምስራቅ ሸዋ ዞኖች

☑ ከአማራ ክልል ፦
- ሰሜን፣ ማዕከላዊ፣ ደቡብ እና ምዕራብ ጎንደር
- ሰሜን እና ደቡብ ወሎ
- የኦሮሞ ብሄረሰብ ልዩ ዞን
- አዊ
- ምስራቅ እና ምዕራብ ጎጃም፣ ሰሜን ሸዋ፣ ዋህግምራ

☑ ከትግራይ ክልል ፦ ማዕከላዊ፣ ሰሜን ምዕራብ፤ ምስራቅ፤ ደቡብ፤ እና ምዕራብ ዞኖች

☑ ከቤንሻንጉል ጉሙዝ ክልል ፦ መተከል፣ ፓዌ፤ አሶሳ ፣ ካማሺ ዞኖች

☑ ከጋምቤላ ክልል ፦ ማዣንግ እና አኝዋክ ዞኖች

☑ ከሱማሌ ክልል፦ ሲቲ እና ፋፋን ዞኖች

☑ ከማዕከላዊ ኢትዮጵያ ክልል፦ ጉራጌ፣ ሀላባ ፣ ስልጤ ፣ ጠምባሮ ፣ ሃዲያ ፣ የየም ልዩ ዞን

☑ ከደቡብ ምዕራብ ኢትዮጵያ ክልል ፦ ቤንች ሸኮ ፣  ዳውሮ ፣ ከፋ ፣ ሸካ ፣ ኮንታ እና ምዕራብ ኦሞ ዞኖች

☑ ከደቡብ ኢትዮጵያ ክልል፦ ጎፋ ፣ ጋሞ ፣ ኮንሶ ፣ ወላይታ ፣ ጌድኦ ፣ አማሮ ፣ አሪና ደራሼ ዞኖች

☑ የሲዳማ ክልል ዞኖች

☑ ሀረር እና ድሬዳዋ

... ከቀላል እስከ ከባድ መጠን ያለው ዝናብ ያገኛሉ፡፡

ከዕለት ወደ ዕለት ከሚጠናከሩት የአየር ሁኔታ ገጽታዎች ላይ በመነሳት ፦
° ከኦሮሚያ ክልል ምስራቅ ሀረርጌ፣ ባሌ እና ምስራቅ ባሌ፣ ቦረና፣ ጉጂ እና ምዕራብ ጉጂ ዞኖች፤
° ከሱማሌ ክልል ጀራር፣ ኤረር፣ ኖጎብ፣ አፍዴር፣ ሊበን እና ዳዋ ዞኖች፤
° ከአፋር ክልል ቅልበቲ፣ ፈንቲ፣ አውሲ እና ሀሪ ዞኖች፤
° ከደቡብ ኢትዮጵያ ክልል ደቡብ ኦሞ ዞን፤
° ከጋምቤላ ክልል ንዌር እና የኢታንግ ልዩ ዞን ቀላል መጠን ያለው ዝናብ ያገኛሉ፡፡

#EthiopianMeteorologyInstitute

@tikvahethiopia

TIKVAH-ETHIOPIA

21 Jun 2024 12:31

#አቢሲንያ_ባንክ

የጥያቄና መልስ ውድድር ቅዳሜ ሰኔ 15 ከረፋዱ 4:30 በቴሌግራም ቻናላችን ይደረጋል፡፡ በየሳምንቱ አስር አስር አሸናፊዎች ይሸለማሉ! ዛሬውኑ የቴሌግራም ቻናላችንን በመቀላቀል ቴሌግራም ፕሪምየምን ይሸለሙ!

የቴሌግራም ሊንክ፡ /channel/BoAEth

#telegram #giveaway #contest #Boa #bankinginethiopia #banksinethiopia #bankofabyssinia #Ethiopia #የሁሉም_ምርጫ

TIKVAH-ETHIOPIA

20 Jun 2024 20:18

#Somalia

• " የትውልድ ሀገሬ እየሄደችበት ያለው አቅጣጫ በዚህ መጠን አስግቶኝ አያውቅም "- ሙርሳል ካሊፍ

ጎረቤት ሶማሊያ በሀገሪቱ የጸጥታ ክፍተት ሊፈጠር ይችላል ስትል አስጠንቅቃ ፤ የአፍሪካ ሰላም አሰከባሪ ኃይሎች ከሶማሊያ ለቀው የሚወጡበትን ፍጥነት እንዲቀንሱ መጠየቋ ተሰምቷል።

ሮይተርስ ተመለከትኳቸው ያላቸው ሰነዶች እንደሚያሳዩት ከሶማሊያ ጋር ድንበር የሚዋሰኑ አጎራባች ሀገሮች፣ ዳግም እያንሰራራ የሚገኘው የአል-ሻባብ ቡድን ስልጣን ሊቆጣጠር ይችላል የሚል ስጋት ገብቷቸዋል።

በሶማሊያ የሚገኘው የአፍሪካ ህብረት የሽግግር ተልዕኮ (አትሚስ) ሰላም አስከባሪ ኃይል እ.አ.አ በታህሳስ መጨረሻ ሙሉ ለሙሉ ሶማሊያን ለቆ ለመውጣት ዝግጅቱን የጨረሰ ሲሆን በቁጥር አነስተኛ የሆነ ኃይል በቦታው እንደሚተካ ይጠበቃል።

ሆኖም የሶማሊያ መንግስት ለአፍሪካ ህብረት ሰላም እና ጸጥታ ም/ቤት ጊዜያዊ ሊቀመንበር ባለፈው ወር በላከው ደብዳቤ፣ አሁን ካሉት 4 ሺህ ወታደሮች ግማሽ የሚሆኑትን እስከ ሰኔ ወር መጨረሻ ለማስወጣት የተያዘውን እቅድ ወደ መስከረም እንዲያሻግር ጠይቋል።

መንግስት ቀድም ሲል ለህብረቱ አስገብቶት በነበረው እና ሮይተርስ በተመልከተው ሰነድም፣ ሰላም አስከባሪው ኃይል ለቆ የሚወጣበት ጊዜ በሶማሊያ ኃይሎች " ዝግጁነት እና አቅም ላይ እንዲመሠረት " ጠይቆ ነበር።

በተመድ የፀጥታው ም/ቤት ተልዕኮ የተሰጠው ቡድን ባካሄደው የጋር ግምገማም " የአፍሪካ ህብረት ሰላም አስከባሪ ኃይል በችኮላ መውጣታቸው የፀጥታ ክፍተት እንደሚፈጥር " አስጠንቅቋል።

የፓርላማው መከላከያ ኮሚቴ ገለልተኛ አባል የሆኑት ሙርሳል ካሊፍ ፤ " የትውልድ ሀገሬ እየሄደችበት ያለው አቅጣጫ በዚህ መጠን አስግቶኝ አያውቅም " ብለዋል።

ሶማሊያ ለሚገኘው የአፍሪካ ህብረት ጸጥታ ኃይል ከፍተኛ የሆነ የገንዘብ ደጋፊ የሆኑት አሜሪካ እና የአውሮፓ ህብረት የሰላም አስከባሪውን ኃይል ለመቀነስ የወሰኑት ዘላቂነት ያለው የረጅም ጊዜ የገንዘብ ድጋፍ የማድረጉ ሁኔታ ስጋት ውስጥ ስለከተታቸው መሆኑን አራት የዲፕሎማቲክ ምንጮች እና አንድ የዩጋንዳ ከፍተኛ ባለስልጣን ለሮይተርስ ተናግረዋል።

የሶማሊያ ፕሬዝዳንትና የጠ/ሚ ፅ/ ቤት በጉዳዩ ላይ አስተያየት እንዲሰጡ ለቀረበላቸው ጥያቄ ምላሽ አልሰጡም።

#ሮይተርስ #ቪኦኤ

@tikvahethiopia

TIKVAH-ETHIOPIA

20 Jun 2024 15:40

#Hawassa

በሀዋሳ እንደ አዲስ አበባው አይነት የመንገድ ማስፋትና የማስዋብ ስራ / የኮሪደር ልማት / መታሰቡን ተከትሎ " የሚፈርሱ ይዞታዎቻችን ግምት ባልታወቀበት እና በቂ የሆነ የዝግጅት ጊዜ ባልተሰጠበት ይዞታችሁን አፍርሱ " ተብለናል ያሉ ነዋሪዎች ቅሬታቸዉን ለቲክቫህ ኢትዮጵያ አቅርበዋል።

ከተማ አስተዳደሩ ስራው ወደተግባር ከመግባቱ በፊት ካንዴም ሁለቴ ከማህበረሰቡ ጋር ውይይት ማድረጉን ገልጿል።

በቅርቡ በነበረ መድረክ የሀዋሳ ከተማ ከንቲባ መኩሪያ ማርሻዬ ፤ 10 መንገዶች መለየታቸውን እና እነዚህን ውብና ዘመናዊ አድርጎ በመስራት ለትዉልድ የሚተላለፍ አሻራ የመጣል እቅድ መያዙን ገልጸው ነበር።

በመድረኩ ተገኝተው የነበሩ ነዋሪዎች ልማቱን እንደሚደግፉ የካሳ እና የዝግጅት ጊዜ ግን እንዲሰጣቸዉ ጠይቀው ነበር።

ይህን ተከትሎ የንብረት ግምትን በተመለከተ ተመጣጣኝ ካሳ እንደሚኖርና የቦታ ሽግሽጎችም እንደሚደረጉ በመግለጽ ከንቲባዉ ምላሽ ሰጥተዋል።

ይሁንና የከተማ መስተዳድሩ ከመረጣቸዉ 10 ቦታዎች መካከል 3ቱን ባጠረ ጊዜ ለማጠናቀቅ ማሰቡን ተከትሎ በተለይ ከስሙዳ በሳዉዝ ስታር ሆቴል ወደ ኢንዱስትሪ መንገድ የሚሄደው እና ከሻፌታ አደባባይ አስከሳዉዝ ስፕሪንግ ያለው መስመር ያሉ ነዋሪዎች ጥያቄ እንዳላቸው ገልጸዋል።

በዚህ በኩል በርካታ የመኖሪያ ቤቶች፣ ድርጅቶችና ትምህርት ቤቶች የሚነኩ መሆኑን ተከትሎ ነዋሪዎች ድንጋጤ ውስጥ መግባታቸዉን ተናግረዋል።

በከተማ መስተዳድሩ በእቅድ የተያዘዉ  የከተማ ልማት የምንደግፈዉ ቢሆንም የካሳና የቦታ ሽግሽግ ጉዳይ ባልተወሰነበትና ሰዉ ዝግጅት ባላጠናቀቀበት " በቅርቡ ፈረሳ ይጀምራል " መባሉ አሳስቦናል ብለዋል።

ነዋሪዎቹ በተሰጣቸው ደብዳቤ በ2 ቀን ውስጥ አፍርሰው ማስተካከያ እንዲያደርጉ መባላቸውን ጠቁመዋል።

በተጠቀሱት አካባቢዎች ላይ የሚፈርሱ ድርጅቶች መኖሪያ ቤቶችና አጥሮች ምልክት በመደረጉና ስራውበፍጥነት ይጀመራል መባሉን ተከትሎ ፦
➡️ የካሳና የቦታ ለዉጥ ወይም ሽግሽግ ጉዳይ ምን ይመስላል ?
➡️ በትክክል ስራዉስ መች ይጀምራል ? በማለት ጥያቄ ይዘን የሚመለከተዉን አካል ለማናገር ያደረግነዉ ጥረት አልተሳካም።

ቲክቫህ ኢትዮጵያ በዚህ ጉዳይ ምላሽ ይዞ በቅርቡ ለመምጣት ይሞክራል።

#TikvahEthiopiaFamilyHawassa

@tikvahethiopia

TIKVAH-ETHIOPIA

20 Jun 2024 15:39

#ሴጅ_ማሰልጠኛ

Entrepreneurship, Marketing & Business Management ስልጠና ምዝገባ ላይ ነን።
👉 የሽያጭ መንገዶችን እና ቢዝነስ ፕሮፖዛል አዘገጃጀት ብቃትን የሚያገኙበት
👉 ዲጂታል ማርኬቲንግ በተግባር የሚሰጥበት
👉 በተጨማሪነት የቢዝነስ አመራር እና ስራ ፈጠራ (Enterprenurship) ስልጠናን በውስጡ አካቷል
👉 ለመክፈት የሚያስቡትን ቢዝነስ ከስልጠና እስከ ማማከር አካቶ የሚሰጥ
👉 የሥራ ላይ ስልጠና (Internship) የተመቻቸለት

ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ

Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute

TIKVAH-ETHIOPIA

19 Jun 2024 20:36

#Update

የተማሪ ማህሌት ተኽላይ ስርዓተ ቀብር ተፈጸመ።

የማህሌት አስክሬን አጋቾች ከቀበሩበት ወጥቶ የአስከሬን ምርመራ ተጠናቅቆ ዛሬ ከቀኑ 9:00 ሰዓት በዓድዋ አቡነ አረጋዊ ቤተክርስትያን የቀብር ስነ-ሰርዓት ተፈጽሟል።

የቀብር ስነ-ስርዓቱ የክልል ፣ የዞን እና የሃይማኖት መሪዎች እንዲሁም በርካታ የዓድዋ ነዋሪዎች ተገኝተው ነበር።

ተማሪ ማህሌት ተኽላይ በዓድዋ  ከተማ " ዓዲ ማሐለኻ " የሚባል ቦታ ታግታ ከተወሰደች በኃላ አጋቾች ለማስለቀቂያ 3 ሚሊዮን ብር ቤተሰቦቿን ጠይቀው ነበር።

የት እንደ ደረሰች ላለፉት 91 ቀናት ሳይታወቅ ቆይቶ ማህሌት ተገድላ ፤ ተቀብራ አስክሬኗ ዛሬ ተገኝቷል።

ከእገታው እና ግድያው ጋር በተያያዘ ተጠርጣሪዎች ተይዘው ገድለው የቀበሩበትን ቦታ ለፖሊስ መርተው በማሳያት አስክሬኗ እንዲወጣ እና ምርመራ እንዲደረግ ተደርጓል።

የትግራይ ማዕከላይ ዞን ወንጀል ምርመራ ኃላፊ ኮማንደር ፀጋይ ኣስፍሃ ፥ አጋቾቹ የጠየቁትን ብር ቤተሰቦቿ አቅም ስለሌላቸው መክፈል ባለመቻላቸው ማህሌትን ገድለው እንደቀበሯት ገልጸዋል።

#Adwa #Tigray

@tikvahethiopia

TIKVAH-ETHIOPIA

19 Jun 2024 20:19

#ExitExam

ሀገር አቀፍ የመውጫ ፈተና ከአርብ ሰኔ 14/2016 ዓ.ም ጀምሮ ይሰጣል።

በኦንላይን ለሦስተኛ ጊዜ የሚሰጠውን የመውጫ ፈተናው፤ በድጋሜ ፈተናውን ለሚወስዱ ተፈታኞችም ይሰጣል፡፡

Via @tikvahuniversity

TIKVAH-ETHIOPIA

19 Jun 2024 20:18

#DStvEthiopia

ክረምቱን ልጆችዎ በዲኤስቲቪ እየተዝናኑ ይማራሉ፣ ዓለምን እየጎበኙ ይመራመራሉ! 👩🏽‍🚀

በየትኛውም ዕድሜ ላሉ ልጆችዎ እንደ ኒክ ጁኒየር፥ ማይንድሴት፥ ኒኮሎዲየን እና ጂምጃም ያሉ ቻናሎችን በወር ከ350 ብር ጀምሮ በዲኤስቲቪ።

ክረምቱን ልጆችዎ በዲኤስቲቪ እየተዝናኑ ይማሩ!

የMyDStv Telegram ሊንክ ይጫኑ!
👇👇👇
https://bit.ly/3yBcOHc

#DStvEthiopia #ሁሉምያለውእኛጋርነው

TIKVAH-ETHIOPIA

19 Jun 2024 09:54

ማህሌት ተኽላይ !

መጋቢት 10 ቀን 2016 ዓ.ም በዓድዋ ከተማ  " ዓዲ ማሕለኻ " ከሚባል ስፍራ ነው ታግታ የተሰወረችው።

የታገተችው ቋንቋ ወደምትማርበት ትምህርት ቤት ስትሄድ ነው።

ባጃጅ ይዘው በመጡ ሰዎች ነበር የታገተችው።

ማህሌት ተኽላይ ታግታ ከተወሰደች በኃላ አጋቾች ለማስለቀቂያ 3 ሚሊዮን ብር እንደጠየቁ ወላጅ አባቷ ለቲክቫህ ኢትዮጵያ ተናግረው ነበር።

የዓድዋ ከተማ ፓሊስም ፥ ከሳምንታት በኃላ ከጉዳዩ ጋር በተያያዘ በቁጥጥር ስር የዋሉ ተጠርጣሪዎች እንዳሉ ገልጾ ነበር።

ቲክቫህ ኢትዮጵያ አድዋ ድረስ ተጉዞ የማህሌት ወላጅ አባት ተኽላይ ግርማይን አነጋግሮ በነበረበት ወቅት ቤተሰቦች ምን ያህል የከፋ ሀዘን እና ጭንቀት ላይ እንደወደቁ መመልከት ችሎ ነበር።

አባት ተኽላይና መላ ቤተሰብ ላለፉት ወራት እንቅልፍ ሚባል አላዩም።

የወለደ ሰው የልጅ ፍቅር በወላጅ የሚያሳደረው ነገር ያውቀዋልና 3 ወር ያህል እንቅልፍ ሳያገኙ ነው የቆዩት።

አቶ ተኽላይ ግርማይ እና መላው ቤተሰቦች ከዛሬ ነገ የልጃቸውን በህይወት ቤት መምጣት ሲጠብቁ ዛሬ ጥዋት ግን ልጃቸው በህይወት እንደሌለች መርዶ ተነግሯቸዋል።

#ዓድዋ

#TikvahEthiopiaMekelle

@tikvahethiopia

TIKVAH-ETHIOPIA

22 Jun 2024 20:20

#Tecno #Camon30pro

ቴክኖ ካሞን 30 ፕሮ በሞርኒግ ስታር ሞል በተለያዩ የስራ ዘርፍ በተለይም ደግሞ በፍሽን እና ሜክ አፕ  ስራዎችን ፈጥረው እየተንቀሳቀሱ እና ስኬታማ እየሆኑ ያሉ የሀገራችን ሴቶችን ለማበረታታት እና አዲሱን የቴክኖ ካሞን 30 ፕሮ 5G ልዩ ስልክ ማስተዋወቅን አላማው ያደረገ በአይነቱ ለየት ያለ የማስተዋወቂያ ዝግጅት ተካሂዷል፡፡

በዝግጅቱ የተለያዩ ፋሽን ሾዎች በታዋቂ ዲዛይነሮች የቀረቡ ሲሆን በሀገራችን በአይነቱ አዲስ በሆነ መልኩ የመክፈቻ የዳንስ ትርዒት/Flash Mob/ እንዲሁም ለተሳታፊዎች ሜክ አፕ ጨምሮ የተለያዩ የመዝናኛ እና የፋሽን ትዕይንትን በማዘጋጀት ታዳሚው እንዲዝናና እና ከስልኩ ጋር እንዲተዋወቅ ተደርጓል፡፡

የቴክኖ የብራንድ አምባሳደር የሆነችው ዳናይት መክብብን ጨምሮ የተለያዩ የማህበራዊ ሚዲያ ተፅዕኖ ፈጣሪዎች እና ቲክቶከሮች በሁነቱ የተገኙ ሲሆን የተለያዩ አዝናኝ ፕሮግራሞችን በታዋቂ ዲጄዎች ታጅበው ለታዳሚው ቀርበዋል፡፡

ቴክኖ ካሞን 30 5G በቅርቡ በደማቅ ስነ ስርአት በሸራተን አዲስ ሆቴል ለሀገራችን ተጠቃሚዎች መተዋወቁ ይታወሳል፡፡

#Tecno #Camon30 #TecnoEt

TIKVAH-ETHIOPIA

22 Jun 2024 13:15

#Update

" መጀመሪያ 250 ሚሊዮን ብር ከዛ 200 ሚሊዮን ብር ጉቦ ጠየቁን " - ዶ/ር ፍስሃ እሸቱ

የፐርፐዝ ብላክ ኢትዮጵያ ዋና ስራ አስፈጻሚ ሀገር ጥለው አሜሪካ መግባታቸው ተሰምቷል።

ዋና ስራ አስፈጻሚው ዶ/ር ፍስሃ እሸቱ ዛሬ አሜሪካ ሆነው መግለጫ ሰጥተዋል።

" ከሀገረ የወጣሁት በግፈኞች ምክንያት ተገድጄ ነው " ብለዋል።

ባልፈው የግላቸውን ጨምሮ የድርጅቱ የባንክ አካውንቶች በሙሉ በመንግስት መታገዱን መግለጻቸው ይታወሳል።

ይህን በተመለከተ በሰጡት ቃል፥ " አካውንቶቹ የታገዱት ጽንፈኛ የፋኖ ታጣቂ ኃይሎችን በመርዳት፣መሳሪያ በማዘዋወር በሙስና ወንጀል፣ በህገወጥ የገንዘብ ዝውውር በሚል እና በሌሎች ነው  " ብለዋል።

" እኛ ምርመራ ይደረግ እያልን ነበር በኃላ እውነቱ ጫና የሚደረገው ብላክሜል ለማድረግ እና አስፈራርቶ የሚፈልጉትን ነገር ለመቀበል ነበር " ሲሉ ተደምጠዋል።

ዶ/ር ፍስሃ መጀመሪያ 250 ሚሊዮን ብር ከዛ ግን 200 ሚሊዮን ብር ጉቦ ክፈሉ እንደተባሉ ተናግረዋል።

ለዚህም " የስልክ እና ሌሎች ማስረጃዎች አሉን " ብለዋል።

" መቼ እና እንዴት ገንዘቡ እንደሚከፈል ፣ በምን ሁኔታ እንደሚከፈል ጭምር ፣ መቼ ገንዘቡ እንደሚወጣ ጭምር ነው ትዕዛዝ የተሰጠን " ሲሉ ገልጸዋል።

" ሰዎቹ ልክ ቼኩን እንደወሰዱ በማግስቱ ሁሉም እግድ እንደሚነሳ ቃል ገብተው ነበር " ብለዋል። 

" ከጠቅላይ ሚኒስትሩ ጋርም እናገናኛችኋለን ስብሰባም ትቀመጣላችሁ ብለው ነበር " ሲሉ ጠቁመዋል።

የተጠየቀው ጉቦ የማይሰጥ/ የማይከፈል ከሆነ ግን ከማሰር እስከ መግደል የሚደርስ እርምጃ እንደሚወሰድባቸው ዛቻና ማስፈራሪያ እንደተሰነዘረባቸው ገልጸዋል።

አጠቃላይ በጠራራ ጸሀይ እንዝረፋችሁ የሚል " የማፊያ " ስራ ነው የተሰራው ሲሉ አክለዋል።

" ሆን ተብሎ በደረሰብኝ ጫና፣ ማስፈራራትና ዛቻ እኔን አጥቅቶ ገንዘብ ለማግኘት ፣ ድርጅቱንም ለመቆጠር በሚሰራው ስራ ሀገር ለቄቄ ወጥቻለሁ " ብለዋል።

ዋና ስራ አስፈጻሚው ፤ " ጠቅላይ ሚኒስትሩ ይሄ ሁሉ ሲደረግ ያውቃሉ ብዬ አላስብም ፤ በእሳቸው የአመራር ዘመን እንደዚህ አይነት በአፍሪካ ሆነ በዓለም የሚዘገንን የዝርፊያና ሙስና ስራ ሲሰራ ዝም ብለው ያያሉ ብዬ አላምንም " ሲሉ ተደምጠዋል።

" እኛ ከቢዝነስ ውጭ ምንም የፖለቲካ ፍላጎት የለንም ፤ ' ፅንፈኞችን ይደግፋሉ ፣ መሳሪያ ያዘዋውራሉ ' የሚለው ክስ በሬ ወለደ ነው ከኛ ጋር አይገናኝም " ብለዋል።

ጠቅላይ ሚኒስትሩም ያለው ችግር በሰላም ይፈታ ዘምድ መፍትሄ እንዲፈልጉላቸው ጥሪ አቅርበዋል።

" ከአሁን በኃላ ከማንም ጋር መስራት አንፈልግም ፤ በሚኒስትር ደረጃ ያሉትን አነጋግረናል ከጠቅላይ ሚኒስትሩ ውጭ  መፍትሄ የሚሰጠን የለም " ብለዋል።

" ክቡር ጠቅላይ ሚኒስትር ለደህንነታችን ዋስትና ይስጡንና ስራችንን በሰላም እንስራ " ብለዋል።

" ከጠቅላይ ሚኒስትሩ ውጭ ችግራችንን የሚፈታልን የለም ፤ ከሳቸው ውጭ ያየነው ነገር ቢኖር ከፍተኛ ሙስና የማፊያ ሰራ ነው " ሲሉ ገልጸዋል።

" ከእሳቸው ውጭ ባሉት የበታች ሰዎች ምንም እምነት የለንም " ብለዋል።

ከዚህ ባለፈ ሽምግልና እንደሚሞከር ጠቁመው አስፈላጊ ከሆነም የአሜሪካ ኤምባሲ ጣልቃ ገብቶ እንዲያግባባ እንደሚፈልጉ ተናግረዋል።

ዶ/ር ፍስሃ እሸቱ ዛሬ በሰጡት መግለጫ ላይ  " ሰዎቹ " እያሉ የጠሯቸው (200 ሚሊዮን ብር ጉቦ የጠየቋቸው) እነማን እንደሆኑ ፣ የስልጣን ደረጃቸው ፣ የተቋም ኃላፊነታቸው ምን እንደሆነ በግልጽ #ስማቸውን_ጠቅሰው አልተናግሩም።

" በደረሰብኝ የእስርና ግድያ ዛቻ እና ማስፈራሪያ ሀገር ለቅቄ ወጥቻለሁ " ያሉት የኢትዮጵያዊ አሜሪካዊው ዶ/ር ፍስሃ እሸቱ  ከሀገር ሲወጡ የገጠማቸው ነገር ስለመኖሩ የሰጡት ቃል የለም።

#TikvahEthiopia

@tikvahethiopia

TIKVAH-ETHIOPIA

22 Jun 2024 09:48

" ፖሊሲያችንን ግልጽ አድርገናል ፤ ቡድኑን ለመቀላቀል ወስነናል " - ማሌዢያ

ማሌዢያ የ ' BRICS+ ' ን ለመቀላቀል እንደምትፈልግ አሳውቀች።

ከቅርብ ጊዜ ወዲህ ስብሰቡን ለመቀላቀል የሚፈልጉ ሀገራት ቁጥር እየጨመረ ነው።

የማሌዢያ ጠቅላይ ሚኒስትር አንዋር ኢብራሂም ከአንድ የቻይና ሚዲያ ጋር በነበራቸው ቆይታ ፤ ሀገራቸው የBRICS+ ቡድንን ለመቀላቀል እንደምትፈልግ ገልጸዋል።

ስብሰቡን የመቀላቀል ሂደት በቅርቡ እንደምትጀምር አሳውቀዋል።

" ፖሊሲያችንን ግልጽ አድርገናል ፤ ውሳኔያችንንም ወስነናል። በቅርቡ መደበኛውን ሂደት እንጀምራል " ብለዋል።

ጠቅላይ ሚኒስትሩ ከዚህ ቀደም የብራዚል ፕሬዝዳንት ሉዊዝ ኢናሲዮ ሉላ ዳ ሲልቫ የአሜሪካን ዶላር በዓለም አቀፍ ንግድ ላይ ያለውን ከፍተኛ የበላይነት በመተቸት የሰጡትን አስተያየትም ደግፈዋል።

በባለፈው አመት ላይ ማሌዢያ ከመቼውም ጊዜ በላይ ከፍተኛ ኢንቨስትመንት እንደነበራት  ነገር ግን ገንዘቡ አሁንም እንደተመታ እንደሆነ አመልክተዋል።

" ለምን ? ከ2ቱ አገሮች የንግድ ሥርዓት ውጪ የሆነና በአገሪቱ ውስጥ ካለው የኢኮኖሚ እንቅስቃሴ አንፃር የማይገናኝ ምንዛሪ የበላይ ለመሆን የበቃው ለዓለም አቀፍ ምንዛሪነት ስለሚውል ብቻ ነው " ብለዋል።

በቅርብ ቻይናን ጎብኝተው የነበሩት የቱርክ ውጭ ጉዳይ ሚኒስትር ሃካን ፊዳን ሀገራቸው ቱርክ የBRICS+ ስብስብን የመቀላቀል ፍላጎት እንዳላት ተጠይቀው ፥ " በእርግጥም እንፈልጋለን። ለምን አንፈልግም ? " ሲሉ መልሰው እንደነበር ይታወሳል።

BRICS+ 
🇧🇷 የብራዚል
🇷🇺 የሩስያ
🇮🇳 የሕንድ
🇨🇳 የቻይና
🇿🇦 የደቡብ አፍሪካ
🇪🇹 #የኢትዮጵያ
🇮🇷 የኢራን
🇪🇬 የግብፅ
🇸🇦 የሳዑዲ አረቢያ
🇦🇪 የተባበሩት አረብ ኤሜሬትስ ስብሰብ ነው።

@tikvahethiopia

TIKVAH-ETHIOPIA

22 Jun 2024 09:48

#RosewoodFurniture

ቢሮዎን በሮዝዉድ ፈርኒቸር  ያዘምኑ 👌 ለ ወዳጅ ዘመዶ ሼር ያድርጉልን  🙌

Order yours today
For any inquiry :
Call us  📲   0905848586
Text us 💬   @Rosew0od

ኣድራሻ  :  📍4ኪሎ ኣምባሳደር ሞል 2ኛ ፎቅ 
               📍 እንቁላል ፋብሪካ ሩፋኤል
               📍 አያት አደባባይ ( በቅርቡ ይጠብቁን )

ቴሌግራም ቻናላችንን ይቀላቀሉ  👇
/channel/R0seWood

TIKVAH-ETHIOPIA

21 Jun 2024 20:30

#Hajj1445

የዘንድሮው የሐጅ ስነ ስርዓት ከትላንት በስቲያ ረቡዕ ዕለት ማጠቃለያውን አግኝቷል።

በሃይማኖታዊ ስርዓቱ ከመላው ዓለም ከ1.8 ሚሊዮን በላይ የእስልምና እምነት ተከታዮች  ተሳትፈዋል።

በሚያሳዝን ሁኔታ ግን በሳዑዲ አረቢያ ባለው ከፍተኛ ሙቀት ሳቢያ ከ1 ሺህ በላይ ሰዎች ህይወታቸው አልፏል።

የሚበዙት ከግብፅ የሄዱ ሑጃጆች ሲሆኑ የሌሎችም 9 ሀገራት ዜጎች ከሟቾቹ ውስጥ ይገኙበታል።

እስካሁን ባለው መረጃ 1,126 ሑጃጆች ህይወታቸው አልፏል።

ከኢትዮጵያ ሑጃጆች በሙቀት ህይወታቸው ያለፈ አለ ?

የፌደራል መጅሊስ በሳዑዲ በተፈጠረው ከፍተኛ ሙቀት ምክንያት በኢትዮጵያውያን ሃጃጆች ላይ ጉዳት አልደረሰም ብሏል።

ምንም እንኳን በሙቀቱ ሳቢያ ህይወቱ ያለፈ ባይኖርም በመኪና አደጋ አንድ አባት እንደሞቱ ፤ እዚሁ አዲስ አበባ ኤርፖርት አንድ ሰው እንዲሁም በሳውዲ አረቢያ 3 ኢትዮጵያውያን በህመም ህይወታቸው እንዳለፈ ገልጿል።

በዘንድሮው የሐጅ ስነስርዓት ላይ ከኢትዮጵያ 12,000 ምዕመናን የተሳተፉ ሲሆን ሑጃጆቹ የሐጅ ኢባዳቸውን አገባደው ወደሀገራቸው ለመመለስ በዝግጅት ላይ መሆናቸውን መጅሊሱ ለ " ሀሩን ሚዲያ " በሰጠው ቃል አሳውቋል።

#Hajj1445 #SaudiArabia #Harun

@tikvahethiopia

TIKVAH-ETHIOPIA

21 Jun 2024 12:35

የቤት ኪራይ ?

የአከራይ ተከራይ አዋጅ ተግባራዊ መሆን ከጀመረበት ጊዜ አንስቶ የቤት ተከራዮች " ኪራይ ጨምሩ ካለዚያ ለቃችሁ ውጡ " እየተባሉ መሆኑን ለቲክቫህ ኢትዮጵያ ገልጸዋል።

በተለይ በአዲስ አበባ በተለያዩ አካባቢዎች የሚኖሩና ቃላቸውን የሰጡን ተከራዮች ፥ አከራዮቻቸው በአንድ ጊዜ ከፍተኛ የኪራይ ብር እንዲጨምሩ ያን የማያደርጉ ከሆነ አስወጥተዋቸው ለሌላ ሰው እንደሚያከራዩ እንደነገሯቸው ገልጸዋል።

አንድ ተከራይ  ፤  " በአንድ ጊዜ ብዙ ሺህ ብር ጨምር ተባልኩኝ ካለዚያ ቤቱን ልቀቀ ነው የሚሉት ፤ የትሄጄ እንደምኖር ግራ ነው የገባኝ " ሲል በሀዘን ስሜቱን ገልጿል።

በአነስተኛ ወርሃዊ ደመወዝ ከመሃል ከተማው እጅግ ርቆ በተከራየትበት አካባቢ ጨምር የተባለው ብር ብዙ በመሆኑ የሚገባበት እንደጠፋው አስረድቷል።

ሌላ አንዲ እናት ከባለቤቷ እና ከልጆቿ ጋር ተከራይታ እንደምትኖር ገልጻልን ፤ የአዋጁን ወደ ተግባር መግባት የሰሙት  አከራዮቿ የኪራይ ብር እንድትጨምር ካልሆነ እንድትለቅ እንደነገሯት ጠቁማለች።

" ልጆቼን ይዤ የት አባቴ ልሂድ ? ጨነቀኝ  " የምትለው ይህች እናት " አሁን እራሱ የምንከፍለውን ብር እንዴት ተሰቃይተን እንደምናገኘው እኛ ነን የምናውቀው ፤ አይደለም ኪራይ ተጨምሮ የአሁኑም ከብዶናል " ስትል ተናግራለች።

ቃላቸውን የሰጡን ተከራዮች ገቢያቸው ወራዊ እና ቋሚ እንደሆነ አመልክተው ሁኔታው እንዳስጨነቃቸው ጠቁመዋል።

የአዲስ አበባ የቤቶች ልማት እና አስተዳደር ቢሮ ምን ይላል ?

ቢሮው የ ' አከራይ ተከራይ አዋጅ ' ወጥቶ ተግባራዊ ከሆነበት ቀን (ከመጋቢት 24 ቀን 2016 ዓ/ም) ጀምሮ መንግስት ከሚያስቀምጠው የኪራይ ውሳኔ ውጪ በአከራዮች የሚደረግ የኪራይ ዋጋ ጭማሪ እና ውል ማቋረጥ ፈፅሞ የተከለከለ እንደሆነ አስጠንቅቋል።

የህግ ክልከላውን ተላልፎ የተገኙ የቤት አከራዮች ላይ አስተዳደራዊ እርምጃ እንደሚወሰድ አሳስቧል።

የቤት ኪራይ እንዳይጨመር አስፈላጊውን ክትትል እና ቁጥጥር እንደሚደረግም አመልክቷል።

#TikvahEthiopia

@tikvahethiopia

TIKVAH-ETHIOPIA

21 Jun 2024 12:31

#ሴጅ_ማሰልጠኛ

የግራፊክስ ዲዛይን፣ ቪዲዮ ኢዲቲንግ፣ ሞሽን ግራፊክስ እና ዲጂታል ማርኬቲንግ ስልጠና ምዝገባ ላይ ነን።

👉 100% በተግባር የተደገፈ ስልጠና
👉 Advanced Graphics + Video Editing + Motion Graphics + Digital Marketing በአንድ ላይ
👉 ከ50 በላይ ፕሮጀክቶች ያሉት
👉 የሥራ ላይ ስልጠና (Internship) የተመቻቸለት

ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ

Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute

TIKVAH-ETHIOPIA

20 Jun 2024 22:42

አዲስ አበባ እና ውሃ ?

➡ " ኧረ የመፍትሄ ያለህ " - ነዋሪዎች

➡ " ችግሩ የውሃ አቅርቦት አይደለም። የኤሌክትሪክ ኃይል ስለሚቋረጥ ነው " - የውሃና ፍሳሽ ባለስልጣን

➡ " ለ15 ቀን እና ከአንድ ወር በላይ ውሃ እንዲጠፋ የሚያደርግ የኃይል መቋረጥ ገጥሞ አያውቅም " - የኤሌክትሪክ አገልግሎት

በሀገሪቱ ዋና ከተማ በአዲስ አበባ የሚኖሩ ነዋሪዎች ውሃ በፍረቃ ያውም በሳምንት ሁለት ቀን ብቻ እያገኙ አመታት አልፈዋል።

በሳምንት ሁለት ቀን የማይመጣበትም አለ።

ዛሬም ድረስ በመዲናው ያለው የውሃ ችግር (በተለይም በአንዳንድ ቦታዎች ላይ) ከመፈታት ይልቅ እየባሰበት ነው እየሄደ ያለው።

ውሃ በፈረቃ ቢመጣም ኃይል ስለሌለው በተለይ ፎቅ ላይ የሚኖሩ ዜጎች ውሃ አያገኙም። አንዳንድ ጊዜ በፈረቃ ጭራሽ ላይመጣም ይችላል።

ይህ የአያት 49 ቁጥር 2 አካባቢ ነዋሪዎች እያሳለፉ ስላሉት የከፋ ችግር ለኤፍቢሲ የሰጡት ቃል ነው ፦

ነዋሪ 1.

" ላለፉት 8 ዓመት እዚህ ነው ያለሁት። የመጀመሪያ ፎቅ ላይ ነው ያሉት የውሃ ችግር በጣም burning ነው። እንኳን ኮንዶሚኒየም ቀርቶ ቪላ ቤት ውስጥ ውሃ ያስፈልጋል። እሮብ እና ሀሙስ ነው ቀናችን እሮብ ሙሉ ቀን አይመጣም። ለምሳሌ ፥ ሀሙስ 8 ሰዓት መጣ 11 ሰዓት ተዘጋ፤ ኡኡ ስንል የቴክኒካል ቃላትን ይጠቀማሉ ሰዎቹ ፤ በስርጭታችን መሰረት ማግኘት እንፈልጋለን። "

ነዋሪ 2.

" እኛ 50 ብር ለውሃው እንቀዳለን። ወደላይ ማስወጫ ለአንድ ጄሪካን 20 ብር እንከፍላለን። 4ኛ ላይ ስለሆንኩኝ ወደላይ ፓወር ስለሌለው ስለማይወጣ ለአንድ ጄሪካን 70 ብር እየከፈልን ነው የምንቀዳው። "

ነዋሪ 3.

" ታች ግራውንድ አለ ፎቅ ላይ አንድም ውሃ የለም። ይኸው ወራችን ነው። "

ነዋሪ 4.

" እኛ እዚህ ሰፈር ከገባን አስር (10) ዓመታችን ነው። የመጀመሪያዎቹ ሰዎች ነን። ከ10 ዓመታ ይሄ 3 ዓመት የምንገባበት ቀዳዳ አጥተናል። በአሁኑ እንኳን ውሃ ሳላገኝ 1 ወሬ ነው። 1 ወር ሙሉ ውሃ ማጣት ማለት ምን ማለት ነው ? "

ነዋሪዎች መፍትሄ ይሰጠን ይላሉ።

ውሃና ፍሳሽ ሲጠይቁ " መብራት የለም " የሚል ነው መልሱ።

የአዲስ አበባ ውሃ እና ፍሳሽ ባለስልጣን ለኤፍቢሲ በሰጠው ቃል ፥ " ውሃ እየሰጠን እየሄደ እያለ በተደጋጋሚ መብራት ይጠፋል። ለምሳሌ 3ኛ ላይ ውሃው ደርሶ እያለ መብራት ከጠፋ ውሃው ወደኃላ ይመለሳል " ብሏል።

መስሪያ ቤቱ ፥ " የውሃ አቅርቦት ችግር የለም። ችግሩ የኤሌክትሪክ ኃይል መቆራረጥ ነው። ከኤሌክትሪክ አገልግሎት ጋር እየሰራን ነው። እያንዳንዱ መብራት ሲጠፋ ሪፖርት የማድረግ ፣ የመናበብ ስራ አለ " ሲል ገልጿል።

የአዲስ አበባ ከተማ የኤሌክትሪክ አገልግሎት ፤ " የውሃ ስርጭት እንዲቋረጥ የሚያደርግ የከፋ የኃይል መቋረጥ ገጥሞ አያውቅም ፤ በተቋም ደረጃ ቅሬታ ቀርቦም አያቅም። 1 ወር እና 15 ቀን በላይ ውሃ ጠፍቶ ምክንያቱ ኤሌክትሪክ ኃይል ነው የሚል ነገር መረጃ ጭራሽ ደርሶን አያውቅም። " ሲል መልሷል።

#AddisAbaba #Water

@tikvahethiopia

TIKVAH-ETHIOPIA

20 Jun 2024 15:42

#Update

የሰራተኞቹ ጉዳይ ከምን ደረሰ ?

" ...  እንዴት ምላሽ ተከልክሎት ለሀገር የሚጠቅም ሰራተኛ ጎዳና ሲወጣ ዝም ይባላል " - ሰራተኞች

የደቡብ ክልል መበቱኑን ተከትሎ ማዕከላዊ ኢትዮጵያ ክልል የተመደቡ የውሀ ስራዎች ኮንስትራክሽን ድርጅት ሰራተኞች " እስካሁን ደሞዝ ስላልተከፈለን ጎዳና ላይ ልንወጣ ነው " ማለታቸውን መረጃ ሰጥተናችሁ ነበር።

በወቅቱ ይህን ችግር አስመልክተን ጥያቄ ያነሳንላቸዉ የርዕሰ መስተዳድሩ ልዩ አማካሪ አቶ ንጉሴ አስረስ ፤ " ችግሩን እናዉቀዋለን " በማለት በጥቂት ቀናት መፍትሄ እንደሚገኝና ሰራተኞችንም እንደሚያናግሩ ገልጸውልን ነበር።

ይሁንና ለወራት ደሞዝ ያልተከፈላቸዉና አሁንም ከስራ ውጭ እንደሆኑ የነገሩን ሰራተኞቹ ዛሬም በባሰ ችግር ላይ መሆናቸውን ጠቅሰው እስካሁን ያናገራቸው አካል እንደሌለ ነግረውናል።

ሰራተኞቹ በተደጋጋሚ ጊዜ ውሀ ልማት ኮንስትራክሽን ቢሮን ለማነጋገር እንደጣሩ ነገር ግን ሊያናግራቸው እንዳልፈለገ ጠቀሙዋል።

" ለምን ሊያነጋግረን እንዳልፈለገ ግልጽ አልሆነልንም ፤ እንዴት ለሀገር የሚጠቅም ሰራተኛ ጎዳና ሲወጣ ዝም ይባላል "  በማለት ቅሬታቸውን በድጋሜ ለቲክቫህ ኢትዮጵያ አቅርበዋል።

ጉዳዩን በተመለከተ ያነጋገርናቸው የማዕከላዊ ኢትዮጵያ ውሀ ልማት ኮንስትራክሽን ቢሮ ኃላፊ ኢንጅነር ሻምበል አብዬ  ፤ " እስካሁን ድረስ ሰራተኛዉ ስራ ያልጀመረዉ እጃችን ላይ ፕሮጀክት ስላልነበረ ነው ፤ አሁን ላይ ግን ፕሮጀክቶች እየተፈራረምን በመሆኑ በቅርቡ ወደስራ ይገባሉ " ብለዋል።

" ወደ ስራ ቦታቸዉ ሆሳዕና ከተማ ጥሪ ከተደረገላቸዉ በኋላ ' የትራንስፖርት ክፍያ አልተከፈለንም ' ለተባለዉ የኛ ድርጅት ከሲቪል ሰርቪስ የተለየ በመሆኑ ነው " ያሉት ኃላፊው " አሁን ላይ ያለው የሰራተኛዉ ችግር ይገባናል አይደለም ሰራተኞቻችን ሆነዉ ይቅርና ማንም ኢትዮጵያዊ እንዲህ አይነት ችግር ላይ ሲሆን መፍትሄ መፈለግ ይገባል " ብለዋል።

" አሁን ላይ እየሄድንበት ያለነዉ የመፍትሄ መንገድ አለ " በማለት በአጭር ጊዜ ውስጥ አዲስ ነገር ይኖራል ሲሉ ተናግረዋል።

ቲክቫህ ኢትዮጵያ ጉዳዩን እስከመጨርሻ ይከታተላል።

#TikvahEthiopiaFamilyHW

@tikvahethiopia

TIKVAH-ETHIOPIA

20 Jun 2024 15:39

* Update

በኦሮሚያ ክልል ፣ በኖኖ ወረዳ በተፈጸመው ጥቃት የሟቾች ቁጥር ከ30 ማለፉን ፣ 12 ቁስለኞች ወሊሶ ሆስፒታል መግባታቸውን ነዋሪዎች ለቲክቫህ ኢትዮጵያ ገልጸዋል።

" ታጣቂዎቹ በሰርገኞች ቤት #ቦምብ ወረወሩባቸው። ሁሉም አልቀዋል። ትልላቅ ሰዎች ትንሽ አጥንታቸው ይታያል። ህጻናት ግን ተቃጥለው አልቀዋል " ሲሉ ነው ያስረዱት።

የሟቾች ቁጥር ከ30 በላይ እንደደረሰ፣ በተፈናጣሪው 12 ሰዎች እንደቆሰሉና ሆስፒታል እንደገቡ የገለጹት ነዋሪዎቹ፣ 4 ቤቶችም እንደተቃጠሉ አመልክተዋል።

ከኖኖ ወረዳ ጥቃት ማግስት በምዕራብ ደቡብ ሸዋ ዞን አማያ ወረዳ ታጣቂዎቹ ሰነዘሩት በተባለ ሌላ ጥቃት 2 ሰዎችና 15 ላሞችን እንደተገደሉ ነዋሪዎቹ ለቲክቫህ ኢትዮጵያ ተናግረዋል።

በወቅቱ ፤ የተኩስ ድምጽ ይሰማ እንደነበር ፤ በኃላም መከላከያ ሰራዊቱ ወደ ስፍራው እንደገባና ሁኔታውን መቆጠጠሩን ፤ ነዋሪዎች ግን ወደ አጎራባች ቦታዎች ለመፈናቁል እንደተገደዱ አስረድተዋል።

የኖኖ ወረዳ ኮማንድ ፖስት ኃላፊ አቶ ተሾመ ሰቦቃ ስለ ጉዳዩ ጠይቀናቸው " መረጃው የለኝም " ብለዋል።

የወረዳው አስተዳዳሪ አቶ አለማየሁ ወርቁ ፣ የአማያ ወረዳ ባለስልጣናት ምላሽ ለመስጠት ፈቃደኛ አልሆኑም።

#TikvahEthiopiaFamilyAA

@tikvahethiopia

TIKVAH-ETHIOPIA

20 Jun 2024 15:38

Announcement of Professional Training Programs

1. Python Programming + Data Analytics and Visualization (4 Months)
2. Python Programming + Artificial Intelligence (2 Months)

By: Addis Ababa University,
Addis Ababa Institute of Technology (AAiT),
School of Electrical & Computer Engineering

Registration Deadline: June 27, 2024
Training Starts on: July 1, 2024
Registration: Addis Ababa University,
Addis Ababa Institute of Technology (AAiT),
School of Electrical and Computer Engineering, Main Building 1st Floor, Office Number: 124

Online Registration Link: https://forms.gle/VwkHzvE8cVEdvV6P8

Telephone: +251-940-182870 / +251-913-574525

Email: sece.training@aait.edu.et / menore.tekeba@aait.edu.et

For more information: Read instructions here ==> https://forms.gle/VwkHzvE8cVEdvV6P8

Telegram Channel: /channel/TrainingAAiT

TIKVAH-ETHIOPIA

19 Jun 2024 20:26

" የሞባይል ስልክ እና ላፕቶፕ ጠፍቶብኛል የሚል ማስረጃ በማቅረብ ንብረቱን መረከብ ይችላል " - ፖሊስ

የአዲስ አበባ ፖሊስ ፤ በቴክኖሎጂ በመደገፍ ባደረገው ክትትል ግምቱ 150 ሺህ ብር የሚያወጣን ሞባይል ስልክን ከሌባ ላይ የገዛችን ግለሰብን በቁጥጥር ስር አውሎ ንብረቱን ማስመለሱን አስታወቀ፡፡

ግለሰቧ ከወንጀለኞች በተለያየ ጊዜ የገዛቻቸው ልዩ ልዩ ሞባይል ስልኮችን ፣ ላፕቶፖችንና ታብሌት ይዞ ምርመራው መቀጠሉን አዲስ አበባ ፖሊስ ገልፆል፡፡

ነገሩ እንዲህ ነው ...
    
በቦሌ ክፍለ ከተማ ወረዳ 3 ልዩ ቦታው " አለምነሽ ፕላዛ " አካባቢ አንድ ግለሰብ  ግምቱ 150 ሺህ ብር የሚያወጣ አይነቱ አይፎን ፕሮ ማክስ ሞባይል ስልክ ይቀማሉ።

ይህን ተከትሎ አደይ አበባ አካባቢ ፖሊስ ጣቢያ ያመለክታሉ።

የግለሰቡን ጥቆማ መነሻ በማድረግ ፖሊስ ጉዳዩ ከሚመለከታቸው ሌሎች መንግስታዊ ተቋማት ጋር በመቀናጀት በቴክኖሎጂ በመደገፍ ባደረገው ክትትል የተሰረቀው ስልክ አራዳ ክፍለ ከተማ ፒያሳ አካባቢ ከሚገኝ አንድ የሞባይል መሸጫ ሱቅ መኖሩ ይረጋገጣል፡፡

ፖሊስ የህግ አግባብን በመከተል ከፍርድ ቤት የመበርበሪያ ትእዛዝ በማውጣት ባደረገው ብርበራ ከግለሰቡ ላይ የተቀማውን ስልክ ጨምሮ በልዩ ልዩ ጊዜያት ከተለያዩ ቦታዎች የተሰረቁ ፦

➡️ 85 ስማርት ሞባይል ስልኮችን  ፣

➡️ 4 ለፕቶፖችን ፣

➡️ 1 ታብሌትና የላፕቶፕ ቦርሳዎችን በኤግዚቢትነት ይዟል።

የቅሚያ ወንጀል የፈፀመውን ተጠርጣሪ ለመያዝ ክትትሉ መቀጠሉን ፖሊስ አመልክቷል።

የሞባይል ስልክ እና ላፕቶፕ ጠፍቶብኛል የሚል ማንኛውም ግለሰብ አደይ አበባ ስቴዲዮም አካባቢ ፖሊስ ጣቢያ በአካል በመቅረብ ሞባይል ስልኩን በመለየትና  ትክክለኛ ማስረጃ በማቅረብ ንብረቱን መረከብ  እንደሚችል አዲስ አበባ ፖሊስ አስታውቋል፡፡

#AddisAbabapolice

@tikvahethiopia

TIKVAH-ETHIOPIA

19 Jun 2024 20:18

#Amahra

በአማራ ክልል ፤ በምዕራብ ጎንደር ዞን ' ታጣቂዎች ' ባደረሱት ጥቃት አንዲት ሱዳናዊ ስደተኛን ጨምሮ 3 ሰዎች መገደላቸው ተነግሯል።

በጥቃቱ በሌሎች ሁለት ሰዎች ላይ ጉዳት መድረሱ ተሰምቷል።

የስደተኞች እና ከስደት ተመላሾች አገልግሎት የጥቃቱ ባለፈው እሁድ ሰኔ 9/2016 መፈጸሙን አረጋግጧል።

ጥቃት የተፈጸመው ከገንደ ዉሃ ወደ ነጋዴ ባህር ሲጓዝ በነበረ የህዝብ ማመላለሻ ተሽከርካሪ " ደረቅ አባይ " በተባለ ስፍራ እንደሆነ ተጠቁሟል።

የዞኑ ኮሚኒኬሽን ጥቃቱ ከቀኑ 10 ሰዓት መድረሱን አሳውቋል።

የስደተኞችና ከስደት ተመላሾች አገልግሎት ፥ በህዝብ ማመላለሻ ተሽከርካሪ ላይ ታጣቂዎች ተኩስ ከከፈቱ በኃላ አንድ ውስጥ የነበረ የመንግስት የጸጥታ አባል ወርዶ የታጣቂዎቹ ጥቃት ለመከላከል ባደረገው የተኩስ ልውውጥ ከመኪናው ውስጥ የነበረች አንዲት ሱዳናዊ ስደተኛና ሌሎች ኢትዮጵያውያን መገደላቸውን አስረድቷል።

" የጥቃቱን መድረስ ተከትሎ የመንግስት ጸጥታ ኃይል በአፋጣኝ ባይደርሱ ኖሩ ከአሁኑ የበለጠ የከፋ ጉዳት ሊከሰት ይችል ነበር " ሲልም ገልጿል።

የተፈጸመው ጥቃት በዘፈቀደ እንጂ በስደተኛዋ ላይ ያነጣጠረ እንዳልነበር አክሏል።

ስደተኛዋ በወቅቱ ፤ መድሃኒት ገዝታ ወደ መጠለያዋ እየተመለሰች ነበር ተብሏል።

የምዕራብ ጎንደር ዞን አስተዳደር ስደተኞች ከመጠለያ ጣቢያቸው እንዳይወጡ በተደጋጋሚ ቢነገራቸውም አንዳንዶቹ ተግባራዊ ማድረግ ባለመቻላቸው  ለአደጋ እየተጋለጡ ሲል ገልጿል።

የመረጃው የዶቼቨለ ሬድዮ ነው።

@tikvahethiopia

TIKVAH-ETHIOPIA

19 Jun 2024 10:43

#Update #Adwa

ከ3 ወር በላይ ታግታ አድራሻዋ ጠፍቶ ዛሬ በግፍ መገደለዋ የተረጋገጠው ተማሪ ማህሌት ተኽላይ አጋቾችዋ ገድለው እንደቀበሯት ማመናቸውን ፓሊስ አስታወቀ።

የትግራይ ማእከላይ ዞን ፓሊስ የወንጀል ምርመራ ሃላፊ ኮማንደር ፀጋይ ኣስፍሃ ዛሬ ለ104.4 የመቐለ ኤፍኤም በስልክ በሰጡት ቃል ፥ በእገታው እና ግድያው የተጠረጠሩ መያዛቸውን ገልጸዋል።

ግለሰቦቹም ለፓሊስ በሰጡት ቃል ተማሪ ማህሌትን ገድለው በዓድዋ የፓንአፍሪካ ዩኒቨርስቲ ሊገነባበት የመሰረተ ደንጋይ የተጣለበት ቦታ መቅበራቸውን ቦታው ድረስ በመምራት አሳይተዋል ፤ አምነዋል ብለዋል። 

ተጠርጣሪዎቹ  ማህሌትን እንዴት እንዳገቷት ፣ አግተው ወዴት እንደወሰዱዋት ፣ እንዴት ገድለው እንደቀበርዋትና አስከሬንዋ የተቀበረበት ቦታ ጭምር በዝርዝር ለፓሊስ ማሰየታቸውን ኮማንደሩ በሰጡት መረጃ አረጋግጠዋል።

የተማሪ ማህሌት ተኽላይ አስከሬን ከተቀበረበት ጉድጓድ የማውጣት ስነ-ሰርዓት በመከናወን ላይ መሆኑ የገለፁት ኮማንደር ፀጋይ ፤ ወደ ሆስፒታል ተወስዶ ተጨማሪ ምርመራ ይደረግበታል ብለዋል።

#TikvahEthiopiaMekelle

@tikvahethiopia
@TikvahEthiopiaTigrigna

TIKVAH-ETHIOPIA

19 Jun 2024 08:58

#Update

ተማሪ ማህሌት ተኽላይ ተገድላ ተገኘች።

ለ91 ቀናት ታግታ የተሰወረችው ተማሪ ማህሌት ተኽላይ ተገድላ ተገኝታለች።

ለወላጆችዋ ዛሬ መርዶ ተነግሯቸዋል።

የአስከሬን የአሸኛነት ስነ-ሰርዓት ዛሬ በአቡነ አረጋዊ ቤተክርስትያን ዓድዋ እንደሚፈፀም ከቦታው የደረሰን መረጃ ያመለክታል።

በተማሪ ማህሌት ተኽላይ ግድያ ዙሪያ ፓሊስ የሚሰጠው መረጃ ተከታትለን የምናቀርብ ይሆናል።

በተማሪ ማህሌት ተኽላይ እገታና ስወራ ጉደይ የቲክቫህ ኢትዮጵያ መቐለ ቤተሰብ አባል ለወራት ተከታታይ መረጃ ሲያቀርብ እንደነበር አይዘነጋም።

#TikvahEthiopiaMekelle

@tikvahethiopia