1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
" የመጨረሻ ተጨማሪ 3 ቀን ሰጥተናል " - ንግድ ባንክ
የኢትዮጵያ ንግድ ባንክ 222 ግለሰቦች እስካሁን የወሰዱትን ገንዘብ መመልስ እንዳለጀመሩና እነዚህ ግለሰቦች ጋር ያለው ገንዘብ 4,034,979 ብር ከ75 ሳንቲም መሆኑን ገልጿል።
ባንኩ አሁንም ገንዘብ ተመላሽ ለማድረግ የመጨረሻ የ3 ቀናት ስለመስጡትን አሳውቋል።
ባንኩ ከዚህ ቀደም ሙሉ በሙሉና በከፊል ገንዘብ ያለመለሱ እንዲመልሱ 2 ጊዜ የመጨረሻ ያለውን ቀነ ገደብ አስቀምጦ እንደነበር ይታወሳል። የስም ዝርዝርም ይፋ አድርጎ ነበር።
ባንኩ አስተላልፎ የነበረውን ጥሪ ተከትሎ ፦
➡ ያለ አግባብ ከተወሰደው ገንዘብ ውስጥ ከባለፈው ሳምንት ተጨማሪ ብር 117,612,000 ብር ከ59 ሳንቲም በመሰብሰቡ የተከፈለ አጠቃላይ ገንዘብ 86% መድረሱን እና ያልተመለሰ ገንዘብ ወደ ብር 112,389,455 ብር ከ12 ሳንቲም ዝቅ ማለቱን ገልጿል።
➡ ያለባቸውን ገንዘብ አጠናቀው ክፍያ የጨረሱ ግለሰቦች ቁጥር ወደ 10,857 ከፍ ማለቱን ገልጿል።
➡ የወሰዱትን ገንዘብ መመለስ ያልጀመሩ ግለሰቦች ቁጥር ወደ 222 ዝቅ እንዳለና ከነዚህ ግለሰቦች የሚጠበቅ ገንዘብም ወደ ብር 4,034,979 ብር ከ75 ሳንቲም ዝቅ ማለቱን ጠቁሟል።
ባንኩ ፥ አንድ አንድ ግለሰቦች ወደ ተለያዩ ተቋማት ያስተላለፉትን ገንዘብ ተመላሽ ለማድረግ ተጨማሪ ቀናት እንዲሰጣቸው ጥያቄ እያቀረቡ መሆኑን ገልጿል።
ይህ ተከትሎ ከነገ መጋቢት 23 ቀን 2016 ዓ.ም ጀምሮ ተጨማሪ 3 ተከታታይ ቀናት እንደተሰጠ አሳውቋል።
ባንኩ ፤ የወሰዱትን ገንዘብ በተለያዩ ተቋማት ውስጥ ወደ ከፈቱት የዲጂታል ሒሳቦች አስተላልፈው አሁን ላይ ወደ ባንኩ ለመመለስ የተቸገሩ ግለሰቦችም ካሉ ወደ ማንኛውም የባንኩ ቅርንጫፎች ቀርበው ዝርዝር ሁኔታውን እንዲያሳውቁ ብሏል።
@tikvahethiopia
“ ከተጎጂዎች መካከል 30,427 ህፃናት ናቸው። የሟቾች ቁጥር ከ40 በላይ ደርሷል ” - ሴቭ ዘ ቺልድረን
በሶማሌ ክልል ከተከሰተ የወራት ያለፈው የጎርፍ አደጋ የውሃ መጠኑ እየቀነሰ የመጣ ቢሆንም ትንበያዎች የሚያመለክቱት በመጪው የዝናብ ወቅት ከፍተኛ የጎርፍ አደጋ ሊከሰት እንዲሚችል ስለሆነ፣ ህብረተሰቡም አሁንም ካለፈው የጎርፍ አደጋ ገና እያገገመ በመሆኑ፣ ትልቅ ፈተናና ስጋት መፍጠሩን በቦታው የሚገኘው የህፃና አድን አድን ድርጅት (Save the children) ለቲክቫህ ኢትዮጵያ ገለጸ።
የድርጅቱ ሶማሌ ክልል ምሥራቅ ሪጅን ዳይሬክተር አቶ አብዲራዛቅ አህመድ ምን አሉ ?
- “ ጎርፉ ከቀነሰ በኋላ ተፈናቃዮች ወደ ቤታቸው ይመለሳሉ። በሚመለሱ ጊዜ ግን ቤታቸውን ለመጠገን፣ እንደገና ለመገንባት፣ ቁሳቁሶችን ለማሟላት ድጋፍ ይፈልጋሉ። ሆኖም ይህ ድጋፍ በሚፈለገው መጠን አልተሰጠም። ”
- “ በክልሉ በጎርፍ አደጋ የሟቾች ቁጥር ከ40 በላይ ደርሷል። ” (ከወራት በፊት የሟቾች ቁጥር 23 እንደነበር ይታወሳል)
- “ አደጋው በ100 ሺዎች የሚቆጠሩ ሰዎችን አፈናቅሏል። በሶማሌ ክልል ብቻ ከ1,000,000 በላይ ሰዎች ተጎድተዋል። 400,000 የሚሆኑ ተፈናቅለዋል። ”
- “ በተለይ የሸበሌ ዞን ከፍተኛ ጉዳት የደረሰበት ሲሆን፣ በዞኑ የሚገኙ ሁሉም ወረዳዎች ከሞላ ጎደል ጉዳት ደርሶባቸዋል። ”
- “ በጎርፍ አደጋው ላይ በተደረገው የጋራ ዳሰሳ ፦ 84, 800 አባውራዎች (490, 000 ሰዎች) ተጎድተዋል። ከእነዚህም መካከል 34, 441 የሚሆኑ አባውራዎች (206, 646 ሰዎች) በሸበሌ ዞን በሚገኙ 8 ወረዳዎች ተፈናቅለዋል። ከተጎጂዎች መካከል 49, 430 ሴቶች፣ 30, 427 ህጻናት እና 25, 253 አረጋውያን ናቸው። ”
- “ ከብቶች በጎርፍ አደጋው በጣም ተጎድተዋል፣ እንደሚታወቀው ለበርካታ ተጎጂ ማህበረሰቦች ወሳኝ የገቢ ምንጭ ናቸው። በጎርፉ አደጋው ከ19, 822 በላይ እንስሳት ሞተዋል። መተዳደሪያቸው የነበረ ከ94,000 ሄክታር በላይ የሚሸፍን ሰብልም ወድሟል። በ10 ሺዎች የሚቆጠሩ ቤቶች ሙሉና በከፊል ወድመዋል። ”
ያንብቡ ፦ https://telegra.ph/Tikvah-Ethiopia-03-31
@tikvahethiopia
#SamiTech
አዳዲስ ላፕቶፕች ከአንድ ዓመት ዋስትና ጋር!!
@samcomptech
በአገልግሎት አሰጣጣችን ላይ እና በዕቃዎቻችን ጥራት ላይ ደንበኞቻችን ምስክሮቻችን ናቸው። ዛሬም ብዛትንም ጥራትንም ሳንቀንስ እያስተናገድን እንገኛለን።
ለቢሮዎች፣ ለተማሪዎች ፣ ለዲዛይን ባለሙያዎች ፣ ለጌመሮች ወ.ዘ.ተ
አቅምን ካገናዘቡ እስከ ቅንጡ ላፕቶፖች ይህ ቀረ ሳይሉ የሚያገኙበትን ሱቃችንን ይጎብኙ። የቴሌግራም ቻናሉን ይቀላቀሉ ባሉበት ሆነው ይዘዙን እናደርሳለን።
የዕቃዎች ዋጋ፣ ዓይነት እና አድራሻ ለማግኘት ይሄን 👉 @samcomptech ተጭነው በቴሌግራምው ማየት ይችላሉ። @sww2844 0928442662 / 0940141114
https://maps.app.goo.gl/H3PM1NrTcQ4SWkK17
“አጋቾቹ እያሰቃዩት ነው። ዱብ እዳ ወረደብኝ። ወደ 950 ሺሕ ጠይቀዋል። ልጄ ‘በአንድ መጋዘን ወደ 200 ሰዎች ታጎርን’ ነው የሚለው ” - የታጋች አባት
በተለያዩ ተቋማት ውስጥ ካሜራ ማን ሆኖ ሲሰራ ነበር የተባለው ወጣት አብርሃም አማረ #በሊቢያ በአጋቾች #ታግቶ በየቀኑ ስቃይ እየደረሰበት መሆኑን ፣ አጋቾቹ ታጋቹን ወጣት ለመልቀቅ 950 ሺሕ ብር እንደጠየቁ፣ ይህን ገንዘብ ማሟላት እንዳልተቻለ የታጋች አባት ለቲክቫህ ኢትዮጵያ ገልጸዋል።
የታጋች አባት አቶ አማረ ዓለም ገረመው ምን አሉ ?
- “ አጋቸቹ እያሰቃዩት ነው። ዱብ እዳ ወረደብኝ። ወደ 950 ሺሕ ተጠይቀዋል። ልጄ ‘ከአንድ መጋዘን ወደ 200 ሰዎች ታጎርን’ ነው የሚለው። እኛ ኑሯችን ዝቅተኛ ነው። ፈተና ላይ ነኝ። ምን አይነት ደላላ አታሎ እንደወሰደው ፈጣሪ ይወቅ። ”
- “ ሌሎችም ታጋቾች ‘ነፍስ ውጪ የፍስ ግቢ፣ ስቃይ’ ላይ እንደሆኑ ልጄ ነግሮኛል። ”
- “ በጥቅም የተሳሰረ ምን አይነተ ጊዜ ላይ እንደደረስን ፈጣሪ ይወቅ። ልጄ በዚህ ደረጃ ላይ ይጠብቀኛል ብዬ አላሰብኩም ነበር። ”
- “ አጋቾቹ ገንዘቡን በፍጥነት አስተላልፉ እያሉ እያጣደፏን ነው። እስካሁን ወደ 450 ሺሕ ብር ቢገኝም ቀሪው 500 ሺሕ ብር ገና አልተሟላም እየታገልኩ ነው። ”
- “ ልጄ ለዚህ እገታ የተዳረገው፣ ሕይወቱን ለማሻሻል ወደ ሌላ አገር እየሄደ ሊቢያ ሲደርስ ነው። ”
- “ ከዚህ በፊት በባሕር ዳር ዩኒቨርሲቲ ትምህርት ይከታተል የነበረ ቢሆንም በኮረና ወቅት እንደተቋረጠ፣ በዚህም አጋጣሚ ካሜራ ማን ሰልጥኖ በተለያዩ ተቋማት ተቀጥሮ 1,000 ብር እየተከፈለው ይሰራ ነበር። ”
- “ ዲግሪውን በግል እንዲማር እየጎተጎትኩት ነበር። ሆኖም ግን በደላሎች ተታሎ አሁን እሱም በስቃይ፣ ቤተሰብን በጭንቀት ላይ ወድቋል። ”
- “ አጋቾቹ ቀረጻውን ይልካሉ፣ የሱን ግን ድምጹን ነው የሚያሰሙኝ። ‘ስቃይ ነው እስከ 2 ወራት ታግተው የቆዩት በየቀኑ ነው የሚገረፉት ብር አምጡ እየተባሉ’ ብሏል። ”
የታጋች አባት ለቲክቫህ ኢትዮጵያ በሰጡት ቃል አሁንም ፦
- የዓለም ባንክ፣
- የቄራና የሌሎች አካባቢ ወጣቶች በህገወጥ መንገድ ወደ ውጪ እየሄዱ እንደሆነ ጠቁመዋል።
ይህ ደግሞ ለወጣቶቹም ለወላጅም፣ ለአገርም ፈተና ስለሆነ ትኩረት እንዲሰጠው መክረዋል።
“ ይሄ ነገር ይገጥመኛል ብዬ አልጠበኩም። ” ያሉት አባት አቶ አማረ “ ልጆቼ እንዳይርባቸው፣ እንዳይጠማቸው፣ ከቁም ነገር እንዲደርሱ ነበር የምጥረው። አቅም ያላችሁ ሁሉ እርዳታ አድርጉልኝ ” ሲሉ ተማጽነዋል።
+251911388792 የታጋቹ አባት አቶ አማረ ዓለም ገረመውን በዚህ ስልክ ማግኘት ይቻላል። መርዳት ለምትፈልጉ 1000030178638 አቶ አማረ ዓለም ገረመው።
ቲክቫህ ኢትዮጵያ ፥ ከትላንትና በስቲያ #በሊቢያ ደላሎች የታገተ የሀዋሳ ከተማ ተወላጅ ወጣት ጌድዮ ሳሙኤል፣ በአጋቾቹ ልዩ ልዩ ድብደባዎች እየተፈጸሙበት እንደሚገኝ ፣ አጋቾቹ ወጣቱን ለመልቀቅ 1.7 ሚሊዮን ብር እንደጠየቁ፣ ገንዘቡ በፍጥነት ካልገባ “ #እንገድለዋለን ” በማለት የመጨረሻ ማስጠንቀቂያ እንደሰጡ የታጋችን እናት በማነጋገር መረጃ እንደላከላችሁ ይታወሳል።
መረጃው በአ/አ ቲክቫህ ኢትዮጵያ ቤተሰብ አባል የተዘጋጀ ነው።
@tikvahethiopia
#IOM
" እ.ኤ.አ ከ2014 እስከ 2023 ቢያንስ 63,285 ሰዎች ሞተዋል / የገቡበት አይታወቅም " - IOM
እ.ኤ.አ. ከ2014 እስከ 2023 ባለው ጊዜ ውስጥ ቢያንስ 63,285 ሰዎች በዓለም ላይ ባሉ ስደተኞች በሚጓዙበት መስመር ህይወታቸውን አጥተዋል ወይም ጠፍተዋል።
አብዛኞቹ ህይወታቸውን ያጡት ደግሞ በውሃ መስጠም ምክንያት ነው።
እንደ ዓለም አቀፉ የስደተኞች ድርጅት (አይኦኤም) ሪፖርት መሰረት 28,854 ሰዎች የሞቱት እና የት እንደገቡ ያልታወቀው በሜዲትራኒያን ባህር ላይ ነው።
ከተመዘገቡት የሟቾች ቁጥር ወደ 60 በመቶ የሚጠጋው ከመስጠም ጋር የተያያዘ ሲሆን ከየት እንደሆነ ከተለዩት ውስጥ ደግሞ ከአንድ ሶስተኛ በላይ የሚሆኑት በግጭት ውስጥ ካሉ ሀገራት ማለትም ፦
- አፍጋኒስታን፣
- ማይንማር፣
- ሶሪያ
- #ኢትዮጵያ የሄዱ ናቸው።
ከባለፉት አስርት ዓመታት ውስጥ ለስደተኞች በጣም ገዳይ እና የከፋ የነበረው 2023 ሲሆን 8,541 ሞት ተመዝግቧል።
ዓመቱ በሜዲትራኒያን ባህር በከፍተኛ ሁኔታ ሞት የጨመረበትም ነው።
እጅግ በርካታ አፍሪካውያን የተሻለ ኑሮ ፍለጋ በሚል በህገወጥ መንገድ እጅግ አስከፊ በሆነ መንገድ ወደ #ሊቢያ ሄደው በባህር ተጉዘው አውሮፓ ለመግባት በሚያደርጉት ጥረት የባህር ሲሳይ ሆነው ቀርተዋል።
እንደ ዓለም አቀፍ ተቋማት መረጃ ፥ አስከፊው ጉዞ አድርገው እድለኛ ሆነው በህይወት ዛሬም ድረስ መረጋጋት ወደሌላት #ሊቢያ የሚገቡ ከሆነ እገታ ፣ ስቃይ ፣ ድብደባ አለፍ ሲልም ግድያ ሊፈፀምባቸው ይችላል።
በኃላም በባህር ጉዞ ከሊቢያ አውሮፓ ለመግባት በሚያደርጉት ጉዞ ህይወታቸውን ያጣሉ።
#ቲክቫህኢትዮጵያ
@tikvahethiopia
የተረክ በM-PESA የመጨረሻው 6ኛ ዙር እድለኞች ሽልማቶቻቸውን ተረክበዋል ፤ መኪናዋን የምዕራብ አርሲ አሳሳ ደንበኛችን ፣ የጅግጅጋው ነጋዴ ፣ባጃጇን ከዲላ ፣ከሐረር አራተኛ ፣ከእንጅባራ ወስደዋታል!
ስለነበረን የተረክ በM-PESA ወራት ወሳኞቻችንን ከልብ እናመሰግናለን ፤ በዚህ አናበቃም እንቀጥላለን ፤ በአብሮነት ወደፊት!
M-PESA ላይ እንመዝገብ፣ በM-PESA እንገበያይ!
🔗 የM-PESA ሳፋሪኮምን መተግበሪያ በዚህ ሊንክ እናውርድ፡ https://bit.ly/M-PESA_SafaricomEthiopia
ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን /channel/Safaricom_Ethiopia_PLC 24/7 ማግኘት ይቻላል!
#MPESASafaricom
#TerekBeMPESA #FurtherAheadTogether
#መቐለ
በመቐለ ቀዳማይ ወያነ ክፍለ ከተማ ፥ ዘስላሴ ቀበሌ ቀጠና 14 በሚገኘ " እየሩሳሌም " በተባለ ሆቴል እፍሬም ፍትዊ ገ/ክርስቶስ የተባሉ ግለሰብ በመኝታ ክፍል ውስጥ ሞተው መገኘታቸውን የክ/ከተማው ፖሊስ ገልጿል።
ግለሰቡ መጋቢት 20/2016 ዓ.ም ከቀኑ 6:30 ነው በያዙት የመኝታ ክፍል ውስጥ ሞተው የተገኙት።
የአሟሟታቸው ሁኔታ ለማወቅ የሚያስችል የአስክሬን ምርምራ በዓይደር ሆስፒታል በመካሄድ ላይ እንደሚገኝ ተገልጿል።
የሟች ቤተሰቦች እስከ መጋቢት 22 /2016 ዓ.ም ባለው ጊዜ ወደ ፖሊስ ሪፓርት ካላደረጉ ህጉ በሚፈቅደው መሰረት ከአስከሬን ምርመራ በኃላ የቀብር ስነ-ሰርአት ለመፈፀም እንደሚገደድ ፖሊስ አመልክቷል። (104.4 የመቐለ ኤፍኤም ሬድዮ)
#TikvahFamilyMekelle
@tikvahethiopia
#ጋምቤላ
በጋምቤላ ክልል በተለያዩ ቦታዎች ላይ በየጊዜው እየተፈፀሙ ያሉት #ጎራን_የሚለዩ ግድያዎች ፣ ጥቃቶች አሁን ካለው የከፋ ነገር ይዘው እንደይመጡ ፦
➡️ ሳይረፍድ መፍትሄ እንዲሰጣቸው
➡️ ወንጀለኞችም ለፍርድ እንዲቀርቡ
➡️ ለተበዳይ ወገኖችም ፍትህ መስጠት እንደሚገባ ቃላቸውን ለቲክቫህ ኢትዮጵያ የሰጡ ነዋሪዎች አሳስበዋል።
አንድ ቃላቸውን የሰጡ የክልሉ ነዋሪ ፥ " በየጊዜው እየተፈፀሙ ያሉት ግድያዎች የከፋ መዘዝ ይዘው ሊመጡ የሚችሉ ናቸው ስለዚህ ጠንካራ መፍትሄ ይፈልጋል " ብለዋል።
ከግድያ ባለፈም የሚፈፀሙ የወንጀል ተግባራት ደህንነትን የሚነሱ ናቸው ሲሉ አክለዋል።
ነገ እርስ በእርስ ሰዎች እንዳይጠፋፉ አሁን ያለው ወደ ከፋ ደረጃ እንዳይደረስ መድረግ አለበት ብለዋል።
ሌላኛው ቃላቸው የሰጡ ነዋሪ ፥ በዚህ ወር ብቻ ሰዎች በተለያዩ ስፍራዎች ተገድለዋል ብለዋል።
በጋምቤላ አንድ የትራፊክ አባል " ማንነታቸው አልታወቀም " በተባሉ ሰዎች በጥይት ከተመታ በኃላ ችግሮች እየተባባሱ ሄደው በፍራቻ ምክንያት በከተማው እንቅስቃሴ እስከመስተጓጎል ደርሶ እንደነበር ገልጸዋል።
በአቦቦ ወረዳ ደግሞ " ማንነታቸው አልታወቀም " በተባሉ ታጣቂዎች በተፈፀመ ጥቃት ቢያስን 3 ሰዎች መገደላቸውን ገልጸዋል።
ከዚህ ቀድምም እዚሁ ወረዳ ግድያ ተፈፅሞ እንደነበር አስታውሰዋል።
ከቀናት በፊት ከጋምቤላ ከተማ ወደ ኑዌር ዞን ባለው መስመር ህዝብ ጭኖ የነበረ ተሽከርካሪ ላይ በተፈፀመ ጥቃት 5 ሰዎች መገደላቸውን ተናግረዋል።
በኢታንግ ልዩ ወረዳም ግጭቶች እንደነበሩ ጠቁመዋል።
" እየተፈፀሙት ላሉ ግድያዎች፣ ዘረፋዎች ተጠያቂነት ሲረጋገጥ እያየን አይደለም " ብለው ችግሩ እጅግ አሳሳቢ ደረጃ ላይ መድረሱን ተናግረዋል።
ሌላው መልዕክታቸውን ለቲክቫህ ኢትዮጵያ የላኩ የክልሉ ነዋሪ ፥ " በቀን 18/7/2016 ከተርፋም ወደ ጋምቤላ መስመእ የህዝብ ማመላለሻ መኪናን ታጣቂዎች መትተውት እስካሁን የሰው ህይወት አልፏል ፣ የተጎዱም ሆስፒታል ገብተዋል " ብለዋል።
እኚሁ ነዋሪ ጥቃቱ የተፈፀመ ከተርፋም ወደ አቦል ሲቃረብ ቢያንስ 7 ኪ/ሜ እንደሆነ አስረድተዋል።
አቦል የምትባለው ወረዳ ላይ ዝርፊያና ግድያ በተደጋጋሚ እንደሚፈፀም ጠቁመዋል።
ነዋሪው ፥ ባለፈው ሳምንት አንድ የትራፊክ ፖሊስ መሀል አደባባይ ላይ በባጃጅ በመጡ ሰዎች በጥይት ከተመታ በኃላ ነገሮች መባባሳቸውን ጠቁመዋል።
ሌላው በክልሉ ያለው ችግር የሚያጠፉ ሰዎች በህግ አለመጠየቃቸው ነው ያሉት ነዋሪው " የህግ የበላይነት የሚባለው ነገር ጠፍቶል " ሲሉ ያለውን አሳሳቢ ሁኔታ አስረድተዋል።
ነዋሪዎቹ ጋምቤላ ክልል ያለው ሁኔታ ቸል የሚባል ስላልሆነ የፌዴራሉም መንግሥት ትኩረት እንዲሰጥበት አሳስበዋል።
በሌላ በኩል ፥ ጋምቤላ ክልል እየተከሰተ ያለውን የፀጥታ ችግር ለመቅረፍ የፌደራል እና የክልሉ የፀጥታ አካላት ውይይት ማድረጋቸው ተሰምቷል።
የጋምቤላ ክልል ርዕሰ መስተዳደር ኡሞድ ኡጁሉ በተገኙበት ነው የፌዴራል እና የክልል ፀጥታ አመራሮች ውይይት የተካሄደው።
የኢትዮጵያ ፌደራል ፖሊስ ወንጀል መከላከል ጠቅላይ መምሪያ አዛዥ ምክትል ኮሚሸነር ጀነራል መላኩ ፋንታ ፥ አንዳንድ ግለሰቦች ጎራ እየለዩ በሰላማዊ ዜጎች ላይ ግድያ፣ ማፈናቀልና የተለያዩ ጉዳቶችን እያደረሱ እንዳሉ መገምገሙን ተናግረዋል።
ችግር ፈጣሪዎችም በአስቸኳይ በቁጥጥር ሥር እንዲውሉ መግባባት ላይ መደረሱን ገልፀዋል።
የፌደራል ፖሊስ ፣ የመከላከያ ሠራዊት እና የክልሉ የፀጥታ አካላት የፀጥታ ችግሩን ለመቅረፍ ወደ #ኦፕሬሽን_ገብተው ፀረ-ሰላም ኃይሎችን በቁጥጥር ሥር እያዋሉ ይገኛሉ ብለዋል።
@tikvahethiopia
#ምርጥ_ዕቃ
እነዚህ👆የቤት ዕቃዎች በሱቃችን በቅናሽ ዋጋ እየተሸጡ ነው። የነዚህንና ሌሎች በርካታ ዕቃዎቻችንን ዋጋ ይሄንን 👉 t.me/MerttEka ተጭነው ማየት ይችላሉ።
አድራሻችን፦ አዲስ አበባ፤ መገናኛ፤ ዘፍመሽ ግራንድ ሞል፤ 3ተኛ ፎቅ፤ ሱቅ 376
ካሉበት ሆነው ይዘዙን፤ በአነስተኛ ክፍያ ከደጅዎ እናመጣልዎታለን።
" ... ሠራተኞቹ የአገር ልማት ሥራ ላይ ሲደክሙ ነው ይሄ ችግር የደረሰባቸው። ግለሰቦቹን በማገት የሚመጣ ለውጥ የለም " - የኢትዮጵያ ኤሌክትሪክ ኃይል
መስረከም 19/2016 ዓ/ም ለስራ በወጡበት በታጣቂዎች ከታገቱ 6 የኤሌክትሪክ ኃይል ሰራተኞች ሁሉም እንዲለቀቁ 2.8 ሚሊዮን ብር ቢከፈልም 3ቱ ተለቀው የቀሩት 3ቱ እስካሁን ያልተለቀቁ ሲሆን ያሉበት ሁኔታም አይታወቅም።
የታጋች ቤተሰቦች ዛሬም በሀዘን ውስጥ ሆነው የሚወዷቸውን ሰዎች በተስፋ እየተጠባበቁ የሚገኝ ሲሆን የኢትዮጵያ ኤሌክትሪክ ኃይል " እኔ ከአቅሜ በላይ ነው " እንዳላቸው ለቲክቫህ ኢትዮጵያ ተናግረዋል።
ቲክቫህ ኢትዮጵያ በዚህ ጉዳይና አጠቃላይ ስላለው ሁኔታ የኢትዮጵያ ኤሌክትሪክ ኃይል ምን ይላል ? የሚለውን ጠይቋል።
የኢትዮጵያ ኤሌክትሪክ ኃይል ምን ምላሽ ሰጠ ?
Q. በታጋች ቤተሰብ በኩል ተቋማችሁ ይህ ጉዳይ “ ከአቅማችን በላይ ነው ” የሚል ምላሽ እንደተሰጣቸው ነው የገለጹት እውነት ነው ? ምን ያክል ጥረት አድርጋችኋል ? ከአጋቾቹ በቅርቡ ያገኛችሁት ምላሽስ ምን ነበር ? 3ቱ ታጋቾች ሲለቀቁ 3ቱ የዘገዩበት ምክንያት ምንድን ነው ? ተስፋ አለ ?
የተቋሙ የኮሚዩኒኬሽን ዳይሬክተር አቶ ሞገስ መኮንን ፦
“ ያው እኛ ወታደር አናሰማራም ልክ ነው ከአቅም በላይ ነው።
እኛ ልናደርግ የምንችለው አካባቢው ላይ ካሉ የአገር ሽማግሌዎች ጋር በመነጋገር ሰዎቹ ያለምንም ጉዳት ከቤተሰቦቻቸው መቀላቀል የሚችሉበትን ሁኔታ እንዲፈጠር መስራት ነው።
ያንን ደግሞ እገታው ከተፈጸመበት ቀን የመጀመሪያው ደቂቃ ጀምሮ ያልተቋረጠ ጥረት ሲደረግ ነበር። ይህንንም ደግሞ ቤተሰቦቻቸውም ጭምር ያውቃሉ።
እኛእንደ ተቋም ባለን አቅም በሙሉ ሠራተኞቻችን ተለቀው ከቤተሰቦቻቸው ጋር እንዲቀላቀሉ ጥረት አድርገናል። ይሄ ጥረት አሁንም ቢሆን በሌላ በተሻለ መንገድ ሊፈታ የሚችል ከሆነ ያንን ከመሞከር ወደ ኋላ አንልም። ”
Q. 3ቱ ታጋቾች ለምን ሳይለቀቁ ዘገዩ ተስፋስ አለ ?
የተቋሙ የኮሚዩኒኬሽን ዳይሬክተር አቶ ሞገስ መኮንን ፦
“ ይህንን በትክክል ምክንያቱን የሚያውቁት ያገቱት ሰዎች ናቸው። ‘አጣርተን እንለቃቸዋለን’ የሚል ነበር በወቅቱ የተሰጠው ምላሽ እኛም አጣርተው ይለቃሉ የሚል እምነት ይዘን ነበር የቆየነው። ተስፋ አለው የለውም ለማለት ያስቸግራል። ”
Q. ዞሮ ዞሮ አጋቾቹ ታጋቾቹን ለመልቀቅ የጠየቁት ሁሉም ገንዘብ ተሰጥቷቸው ነው ሳይለቋቸው የቀሩት ? ያለዎት መልዕክት ምንድን ነው ?
የተቋሙ የኮሚዩኒኬሽን ዳይሬክተር አቶ ሞገስ መኮንን ፦
“ ሠራተኞቻችን ግን ‘ነግ በእኔ’ ብለው ያዋጡ አሉ። እንደ ተቋም ግን ያንን ልናደርግ የምንችልበት ከተያዘ በጀት ውስጥ ገንዘብ ልታወጣ የምትችልበት አሰራር ስሌለ ያንን አላደረግንም።
የጠየቁትን ያክል አልተሰጣቸውም። ሠራተኛው ማወመጣት የሚችለውን ያክል ነው ማዋጣት የሚችለው።
ሠራተኞቹ የአገር ልማት ሥራ ላይ ሲደክሙ ነው ይሄ ችግር የደረሰባቸው። ግለሰቦቹን በማገት የሚመጣ ለውጥ የለም። በተጀመረው መንገድ በሰላም እንዲለቋቸው የሚል ጥሪ ማስተላለፍ እፈልጋለሁ። ”
መረጃው በአ/አ የቲክቫህ ኢትዮጵያ ቤተሰብ አባል የተዘጋጀ ነው።
@tikvahethiopia
" ወንድም እና እህቱን በቁጥጥር ስር አድርገን ምርመራ እያካሄድን ነው " - የአርባ ምንጭ ከተማ ፖሊስ
የኢትዮጵያ ብሔራዊ ቡድንና የባህር ዳር ከተማ የመሀል ሜዳው ተጫዋች አለልኝ አዘነ ለህልፈት መዳረጉን ተከትሎ ቤተሰቦቹ በህግ ቁጥጥር ስር መዋላቸውን ቲክቫህ ኢትዮጵያ ሰምቷል።
የአርባ ምንጭ ከተማ ፖሊስ ለቲክቫህ ኢትዮጵያ በሰጠው ቃል ፥ " አሟሟቱ ድንገተኛና አሰቃቂ መሆኑን ተከትሎ የቅርብ ግንኙነት ያላቸዉን አካላት ይዤ ምርመራ ጀምሪያለሁ " ብሏል።
የወጣቱ ህይዎት ይቀጠፍ ዘንድ ምክኒያት የሆኑ ጉዳዮችን ለማወቅ የስልክ ልውውጦችን ከመመርመር በተጨማሪ በዙሪያው የነበሩ አካላትንም በቁጥጥር ስር እንዳዋለ ገልጿል።
ከዚህ ጋር በተያያዘ እነማን ተያዙ ? የምርመራዉ አካሄድስ ምን ይመስላል ? ሲል ለአርባምንጭ ከተማ ፖሊስ አዛዥ የለሆኑት ኢንስፔክተር አብርሀም ሙሄ ጥያቄ አቅርቧል።
" የተጫዋቹ መሞት በተሰማበት ወቅት አጠራጣሪ ጉዳዮች ስለነበሩ ፖሊስ የምርመራ እንቅስቃሴ ጀምሯል " ያሉት ኢንስፔክተር አብርሀም " በዚህ ወቅት ወንድም እና እህቱን በቁጥጥር ስር አድርገን ምርመራ እያካሄድን ነው " ብለዋል።
በሶሻል ሚዲያ እየተዘዋወረ ያለዉን የእናቱ እና ባለቤቱ መያዝ በተመለከተ ላነሳንላቸዉ ጥያቄ " አሁን ላይ ከእህት እና ወንድሙ ዉጭ የተያዘ አካል የለም በማለት ወደፊት ግን ከተያዙት የሚለቀቅ ካልተያዙት ደግሞ የሚያዝ ሊኖር ይችላል " ብለዋል።
" አሁን ላይ ምርመራዉን በፍጥነትና በጥንቃቄ እያካሄድን ነው " ያሉት ኢንስፔክተር አብርሀም ሙሄ ውጤቱን ለመላ የኢትዮጵያን ህዝብ ለማድረስ ማሰባቸዉን ለቲክቫህ ኢትዮጵያ ጠቁመዋል።
@tikvahethiopia
ዒድ ኤክስፖ ትኬትና ሸመታዎን በቴሌብር ያድርጉ!
በሚሊኒየም አዳራሽ ወደ ተዘጋጀው ዒድ ኤክስፖ ጎራ ካሉ የመግቢያ ትኬቱን በቴሌብር http://onelink.to/fpgu4m ወይም *127# ሲቆርጡና ሲገበያዩ እስከ ብር 2500 ላለው የአየር ሰዓት እና ጥቅል የሚገዙበት 10% ተመላሽ ያገኛሉ።
#ኢትዮጵያ
የኢትዮጵያ የሕግ ባለሙያ ሴቶች ማኀበር (ኢሕባማ) በፆታዊ ጥቃት ለሚፈጸሙ ወንጀሎች ሲወሰን የሚስተዋለውን ፍፁም ያልተመጣጠነ ቅጣት በተመለከተ ለቲክቫህ ኢትዮጵያ ማብራሪያ ሰጥቷል።
ማኅበሩ የቅጣት ዋነኛ ዓላማ ወንጀል ፈጻሚዎች ተጸጽተው እንዲማሩ ፣ ሌሎችም ተመሳሳይ ድርጊት ላለመፈጸም ትምህርት እንዲወስዱ ለማድረግ ቢሆንም አሁን እየሆነ ያለው ግን ከዚህ በተቃራኒው እንደሆነ ገልጿል።
የማኀበሩ ምክትል ዳይሬክተር ወ/ሮ ቤተልሄም ደጉ ምን አሉ ?
“ አሁን አሁን የምንሰማቸው ውሳኔዎች ይበልጥ እንዲያውም የልብ ልብ የሚሰጡና ‘ምንድነው ይህን ያክል ጊዜ ነው ብታሰር’ የሚሉ አይነት አስተሳሰቦችን በሰዎች ላይ Create የሚያደርጉ ናቸው ” ብለዋል።
ሰሞንኛውን የወምበራ ወረዳ የአስገድዶ መድፈር ወንጀል የ6 ወራት የቅጣት ውሳኔ በተመለከተ በሰጡት ቃል ፦
“ በአስገድዶ መድፈር ወንጀል ዝቅተኛው ተብሎ የሚቀመጠው እንኳ 5 ዓመታት ነው።
በልዩ ሁኔታዎች ተብሎ የተቀመጠው እንኳ፣ የወንጀለኛ መቅጫ 620ንና ከዚያ ቀጥሎ ያሉትን ብናይ ከ3 ዓመታት በታች የሚያስወስን የወንጀል ጥቃት የለም።
ከ6 ወራት እስከ 4 ዓመታት የሚወሰኑ ቅጣቶች አሉ። ለችግሩ ዋነኛ ክፍተቱ ምን ላይ እንደሆነ የሚያመላክት ጥናት ግን ገና የለም።
የማስረጃ ሕግ አለመኖር፣ ነገር ግን የማስረዳት ሸክም ጋር ተያይዞ ያሉት ከፍተኛ የሆኑ የማስረጃ ስታንዳሮዶች ራሱን በቻለ መልኩ ፆታን መሠረት ላደረጉ ጥቃቶች Contribute እያደርጉ መሆኑን መረዳት ይቻላል።
ክፍተት ያለው የቱ ጋር ነው ? ከዳኞች መረዳትና ግንዛቤ ነው ?፣ ከሕግ ማዕቀፎች ነው ? የሚለውን ለመለየት ጥናት ያስፈልጋል።
ቅጣት በሚወሰንበት ጊዜ ዳኞች ሚያስቀምጡት የቅጣት አወሳሰን መመሪያዎችና ደንቦች አሉ። እዚህን መመሪያዎችና ደንቦችን በደንብ መቃኘት ያስፈልጋል " ብለዋል።
... የ3 ዓመቷን ህፃን ላይ በፈፀመው ወንጀል ተላለፈ የተባለው የ6 ወራት የእስራት ቅጣትን በተመለከተ በመነሻው ምናልባት ጉድለት ሲኖር ፣ የማስረዳት ሸክምን ዐቃቢ ሕግ በአግባቡ ሳይወጣ ሲቀር ዝቅተኛ ቅጣት ሊወሰን ይችላል። ግን ጨቅላ ህፃን የደፈረን ሰው 6 ወራት ሊያስወስን የሚችል የህግ መነሻና መንደርደሪያ የለም።
ቅጣቱ የ3፣ 4 ዓመታት እንኳ ቢሆን ዝቅተኛው መንደርደሪያ ላይ አረፈ ብለን፣ በቂ አይደለም ልንል እንችላለን። ይሄ 6 ወራት የሚለው ግን ቅጣት ነው ወይ ? ራሱ፣ የሚለውን ጥያቄ አብሮ ያስነሳል። ስለዚህ የሕግ ማዕቀፋችን እንደገና ሊታይ ይገባል ” ብለዋል።
መፍትሄውን ምንድነው ?
“ ሁላችንም በዘርፉ ያለን ተቋማት ሁሉ የሕግ ማዕቀፎችን Re evaluate ማድረግና ክፍተቶች ካሉ ደግሞ መንግሥት እንዲያስተካክል የAdvocacy ስራዎችን መስራት ይጠበቅብናል ” ብለዋል።
መረጃው በአ/አ ቲክቫህ ኢኢትዮጵያ ቤተሰብ አባል ኢዮብ ትኩዬ የተዘጋጀ ነው።
@tikvahethiopia
#SamiTech
አዳዲስ ላፕቶፕች ከአንድ ዓመት ዋስትና ጋር!!
@samcomptech
በአገልግሎት አሰጣጣችን ላይ እና በዕቃዎቻችን ጥራት ላይ ደንበኞቻችን ምስክሮቻችን ናቸው። ዛሬም ብዛትንም ጥራትንም ሳንቀንስ እያስተናገድን እንገኛለን።
ለቢሮዎች፣ ለተማሪዎች ፣ ለዲዛይን ባለሙያዎች ፣ ለጌመሮች ወ.ዘ.ተ
አቅምን ካገናዘቡ እስከ ቅንጡ ላፕቶፖች ይህ ቀረ ሳይሉ የሚያገኙበትን ሱቃችንን ይጎብኙ። የቴሌግራም ቻናሉን ይቀላቀሉ ባሉበት ሆነው ይዘዙን እናደርሳለን።
የዕቃዎች ዋጋ፣ ዓይነት እና አድራሻ ለማግኘት ይሄን 👉 @samcomptech ተጭነው በቴሌግራምው ማየት ይችላሉ። @sww2844 0928442662 / 0940141114
https://maps.app.goo.gl/H3PM1NrTcQ4SWkK17
#ጋና #ፀረግብረሰዶም
ባለፈው ወር መጨረሻ #የጋና የህዝብ ተወካዮች ምክር ቤት (ፓርላማ) ጠንካራ ይዘት ያለው " የፀረ-ግብረሰዶም " ረቂቅ ህግ አፅድቋል።
ረቂቅ ህጉ በክርስቲያኑ ፣ በሙስሊሙ እና በጋና ባሕላዊ መሪዎች ዘንድ ከፍተኛ ድጋፍ ያለው ነው።
ወደ ተግባር እንዲገባና ህግ ሆኖ እንዲወጣ ግን የፕሬዜዳንት ናና አኩፎ-አዶን ፊርማ እየጠበቀ ነው።
በጋና አሁንም ቢሆን ግብረሰዶማዊነት እስከ 3 ዓመት ድረስ ወደ እስር ቤት ያስወረውራል።
በአዲሱ ረቂቅ ህግ ላይ ቅጣቱ ጠበቅ እንዲል የተደረገ ሲሆን ፦
- በማንኛውም መንገድ ግብረሰዶማውያንና እንቅስቃሴያቸውን ማስተዋወቅ
- የግብረሰዶም ስብስብ መፍጠር
- ግብረሰዶማውያንን ስፖንሰር ማድረግ
- ግብረሰዶማውያንን እና የሚያደርጉትን ማንኛውም እንቅስቃሴ በምንም መልኩ መደገፍ እስከ አምስት (5) ዓመት ወደ እስር ቤት ያስወረውራል።
ምዕራባውያኑና በሰብዓዊ መብት ላይ የሚሰሩ ተቋሞቻቸው የጋና ፓርላማ ያፀደቀውን ረቂቅ ህግ ክፉኛ ነው የተቃወሙት።
የሀገሪቱ ፕሬዝዳንት እስካሁን ያልፈረሙበት ሲሆን ረቂቅ ህጉን የሚደግፈው ህዝብ " ምነው ዘገዩ ? " የሚሉ ቅሬታዎች እያነሳ መሆኑን ቲክቫህ ኢትዮጵያ ከጋና መገናኛ ብዙሃን ላይ ተመልክቷል።
የሀገሬው ሰው ፕሬዜዳንቱ #እንዲፈርሙ ከፍተኛ ጫና እያሳደረ ሲሆን በሌላ በኩል ደግሞ እርዳታ ሰጪ ምዕራባውን ፣ የሰብዓዊ መብት ተቋማት እንዳይፈርሙበት እያሳሰቡ ናቸው።
ጋና ጠንካራ ነው የተባለውን የፀረ-ግብረሰዶም ህግን ወደ ተግባር ምታስገባው ከሆነ በሚቀጥሉት አምስት እና ስድስት ዓመታት ውስጥ ከዓለም ባንክ የምታገኘውን 3.8 ቢሊዮን ዶላር የሚጠጋ ከፍተኛ የገንዘብ ድጋፍ ልታጣ ትችላለች ተብሏል።
@tikvahethiopia
#Ethiopia
የኢፌዴሪ ገቢዎች ሚኒስቴር በንግድ ማዕከልነት የሚያገለግሉ ሕንፃዎችን በጋራ ገንብተው በባለቤትነት የሚያስተዳድሩ አክሲዮን ማኅበራት ፣ የተጨማሪ እሴት ታክስ እና የዲቪደንድ (የትርፍ ድርሻ) ታክስን ጨምሮ የተለያዩ የግብር ዓይነቶችን እንዲከፍሉ ወስኗል።
በንግድ ማዕከልነት የሚያገለግሉ ሕንፃዎችን ገንብተው በባለቤትነት የሚያስተዳድሩ አክሲዮን ማኅበራት የሕንፃውን ሱቆች በማከራየት ከሚያገኙት ገቢ ላይ ለሚገኙበት ከተማ ወይም የአካባቢ አስተዳደር የኪራይ ገቢ ግብር ብቻ ሲከፍሉ ቆይተዋል።
ሚኒስቴሩ በአክሲዮን ማኅበራት ባለቤትነት ሥር የሚገኙና የሚተዳደሩ የንግድ ማዕከላት ላይ ጥናት ያካሄደ ሲሆን የጥናቱ ግኝትም ፣ አክሲዮን ማኅበራቱ በሕግ የተጣለባቸውን ግብር በተገቢው መንገድ እየተወጡ አለመሆናቸው ያረጋገጠ ነው ተብሏል።
ገቢዎች ሚኒስቴር በጥናት የደረሰባቸውን ግኝቶች መሠረት በማድረግ ሊወሰዱ ይገባል ያላቸውን የማስተካከያ ዕርምጃዎች የተመለከተ ምክረ ሐሳብ ለመንግሥት አቅርቦ በቅርቡ ተቀባይነት ማግኘቱ ተጠቁሟል።
በዚህም መሠረት ፥ በአክሲዮን ተደራጅተው የተገነቡና በንግድ ማዕከልነት የሚያገለግሉ ሕንፃዎች ባለቤት አክሲዮን ማኅበሩ በመሆኑ፣ የንግድ ማዕከሉን የሚመለከቱ የግብር ግዴታዎች ላይ ሙሉ ኃላፊነት መውሰድ እንዳለበት ተወስኗል።
በመሆኑም በንግድ ማዕከልነት በሚያገለግለው ሕንፃ ውስጥ የሚገኙ ሱቆችን በማከራየት የሚገኘው ገቢ ላይ በግብር አዋጁ መሠረት የሚጣለውን የኪራይ ገቢ ግብር እንደ ከዚህ ቀደሙ በከተማ አስተዳደሮች እንደሚሰበሰብ የሚኒስቴሩ መረጃ ያመለክታል።
ይሁን እንጂ ሚኒስቴሩ ባካሄደው ጥናት አክሲዮን ማኅበራቱ በሚያስተዳድሯቸው የንግድ ማዕከላት ውስጥ የሚገኙ የንግድ ሱቆች ኪራይ ተመን ፦
- ከወቅታዊ ገበያው በእጅጉ አነስተኛ መሆኑ፣
- በርከት ያሉ ማኅበራትም በንግድ ማዕከሉ ውስጥ የሚገኙ ሱቆችን በርካሽ ዋጋ ለማኅበሩ አባላት እንዳከራዩ ፣
- ሌሎች በርከት ያሉ አክሲዮን ማኅበራት ደግሞ የባለቤትነት ማስተላለፍ ሥርዓቶችን ሳይከተሉ በንግድ ማዕከሉ ውስጥ የሚገኙ ሱቆችን እንደ አክሲዮን ድርሻ ለማኅበሩ አባላት አከፋፍለው መገኘታቸው ተመላክቷል።
በመሆኑም ፣ ከ2016 ዓ.ም. የግብር መክፈያ ወቅት ጀምሮ በንግድ ማዕከላቱ ውስጥ የሚገኙ ሱቆች የኪራይ ተመን በገበያ ዋጋ ተሰልቶ የኪራይ ገቢ ግብር እንዲከፍሉ መወሰኑን ሪፖርተር ጋዜጣ ከገቢዎች ሚኒስቴር ያገኘውን መረጃ ዋቢ በማድረግ አስነብቧል።
@tikvahethiopia
#ምርጥ_ዕቃ
እነዚህ👆የቤት ዕቃዎች በሱቃችን በቅናሽ ዋጋ እየተሸጡ ነው። የነዚህንና ሌሎች በርካታ ዕቃዎቻችንን ዋጋ ይሄንን 👉 t.me/MerttEka ተጭነው ማየት ይችላሉ።
አድራሻችን፦ አዲስ አበባ፤ መገናኛ፤ ዘፍመሽ ግራንድ ሞል፤ 3ተኛ ፎቅ፤ ሱቅ 376
ካሉበት ሆነው ይዘዙን፤ በአነስተኛ ክፍያ ከደጅዎ እናመጣልዎታለን።
#DStv
🔥ደማቁ የእንግሊዝ ፕሪሚየር ሊግ ጨዋታ ወደ ሜዳ ተመልስዋል🔥
🏆አስተማሪው ከ ተማሪው ጋርለዓመቱ የመጨረሻ ጊዜ ይገናኛሉ!
👉ዛሬ እሁድ መጋቢት 22 ከምሽቱ 12፡30 ሰዓት ማን ሲቲ ከ አርሰናል በኢትሃድ ስታዲየም የሚያረጉትን እስገራሚ ፍልሚያ በቀጥታ በSSPremier League እና በSS Liyu ቻናል በቀጥታ ይከታተሉ!
👉 መድፈኞቹ 3 ነጥብይዛው የሊጉን መሪነታቸውን ይቀጥላሉ?
🎉ዛሬውኑ ፓኬጅዎን ያሳድጉ ጨዋታዎችን ከትንታኔ ፣ ከተጫዋች ብቃትእስከ ቡድን ወኔ በሱፐርስፖርት ይከታተሉ!
🎉ከጥር 6 እስከ መጋቢት 22 ደንበኝነትዎን ሲያሳድጉ... እኛም ቀጣዩን ፓኬጅ ለአንድ ወር እንጋብዝዎታለን!
የዲኤስቲቪ አገልግሎቶችን ለማግኘት ከታች ያለውን ሊንክ ይጫኑ! https://mydstv.onelink.me/vGln/eth2
#PremierLeagueAllonDStv #ሁሉምያለውእኛጋርነው #DStvEthiopia #DStvSelfServiceET #StepUp
#CBE
የኢትዮጵያ ንግድ ባንክ ምን አለ ?
መጋቢት 7 / 2016 ዓ/ም ባጋጠመው የሲስተም ችግር ምክንያት ያለአግባብ የገንዘብ ልውውጥ እንደነበር ፤ በዚህም በርካታ ግለሰቦች በጥሬ ገንዘብ እንዲሁም በዲጂታል የክፍያ አማራጮች የወሰዱትን የገንዘብ ልክ እየመለሱ እንደሆነ ገልጿል።
ነገር ግን አንዳንድ ግለሰቦች የወሰዱትን ገንዘብ ወደ #ቤቲንግ (የስፖርት ውርርድ) ተቋማት በማዛወራቸው መመለስ እንደተቸገሩ ጥቆማ እንደሰጡት ገልጿል።
ገንዘቡን ተመላሽ ማድረግ እንዲቻል ወደ ቤቲንግ ተቋማት የራሳቸው ያልሆነ ገንዘብ ያዘዋወሩ አቅራቢያቸው በሚገኝ የባንኩ ቅርንጫፍ በመገኘት ለዚሁ የተዘጋጀውን ቅጽ በመሙላት እንዲያመለክቱ አሳስቧል።
ባንኩ ገንዘብ ወስደው ሙሉ ሙሉ ያልመለሱ (በከፊል የመለሱ) ቀሪ ያልመለሱትን ገንዘብ እንዲመልሱ በማለት ለ5,166 ደንበኞቹ የሰጠው የመጨረሻ ማሳስቢያ ዛሬ ቅዳሜ አብቅቷል።
@tikvahethiopia
#ትግራይ #አማራ
" እኔ #ከሪፈረንደም ውጭ መፍትሄ ያለ አይመስለኝም " - ጠ/ሚ ዶ/ር ዐቢይ አህመድ
ጠ/ሚ ዶ/ር ዐቢይ አህመድ በትግራይ እና አማራ በኩል ላለው ችግር " ዘላቂው መፍትሄ ህዝባዊ ሪፈረንደም " ነው ሲሉ ተናግረዋል።
ጠቅለይ ሚኒስትሩ ፥ ከዚህ ቀደምም በትግራይ እና አማራ ላለው ችግር ዘላቂ መፍትሄ " ህዝቡ ህዝበ ውሳኔ ሲያደርግ " እንደሆነ በተደጋጋሚ እንደተናገሩት ጠቁመዋል።
" የሆነን ሰዎች እዛ ተቀምጠው ፣ እዛ ተቀምጠው ሲናገሩ አይደለም። ህዝቡን መልሰን ህጋዊ በሆነ መንገድ ዓለም እያየው ሪፈረንደም አድርገው ወደሚፈልጉት ቢጠቃለሉ ከዚያ በኃላ ለጥያቄ አይመችም " ብለዋል።
" አሁን ላይ ግን ሪፈረንደም የሚባል ነገር አይፈልገም " ያሉት ዶ/ር ዐቢይ " እራሱ ነዋሪው ሳይሆን ሌላ ሰው ነው መወሰን የሚፈልገው እዚህ እየመጣ ጥያቄ ያቀርባል ' አልተፈታም ' እያለ እኔ ደግሞ አቅጣጫ አስቀምጫለሁ እንዲፈታ " ሲሉ ተናግረዋል።
እሳቸው ያስቀመጡት አቅጣጫ በመጀመሪያ የተፈናቀውለው ህዝብ እንዲመለስ ከዛ ህዝቡ እንዲወስን (ሪፈረንደም እንዲያደርግ) መሆኑን ተናግረዋል።
" ሪፈረንደም ከተደረገ በኃላ ህዝቡ የወሰነውን እናክብርለት ፤ እኔ እዚህ ሆኜ መወሰን አልችልም " ብለዋል።
ጠ/ሚ ዶ/ር ዐቢይ " በትግራይ በኩል ስናነጋግር ያለው ናሬሽን እና በአማራ በኩል ስናነጋግር ያለው ናሬሽን በጣም የተራራቀ ነው ምንም የተቀራረበ አይደለም ለማቀራረብ የሚቻለው ህዝቡ እራሱ ሲወስን ነው " ሲሉ ተናግረዋል።
ከዚህ (ሪፈረንደም) ውጭ ለጊዜው ሌላ #መፍትሄ ያለ እንደማይመስላቸውም ገልጸዋል።
" ህዝቡ እንዲወስን ከተደረገ የተረጋጋ አካባቢ ይፈጠራል " ብለዋል።
" እያባላን ያለው የቦታ ችግር አይደለም እኛን የሚያባላን እንደ ንብ ቀፎ ውስጣችን የሚጮኸው ጩኸት ነው እንጂ ሀገሩማ በቂ ነው ቢሰራበት ቦታዎቹ ክፍት ናቸው መንገድ የላቸው ፣ ቤት የላቸው ክፍት ናቸው ' አልገባሁም ገባሁ ' እንጨቃጨካለን እንጂ የቦታ ችግር የለም ቦታው ላይ የሚስራት ችግር ነው የሚያጨቃጭቀን " ብለዋል።
@tikvahethiopia
#CBE
ከኢትዮጵያ ንግድ ባንክ ፤ #የራሳቸውን_ያልሆነውን ገንዘብ ከባንኩ ወስደው ሙሉ በሙሉ ያልመለሱ (በከፊል የመለሱ) 5166 ግለሰቦች የሚቀረውን ብር እንዲመልሱ የሰጠው የመጨረሻ ቀነ ገደብ ዛሬ ቅዳሜ 11:00 ላይ ያበቃል።
ባንኩ ፤ ገንዘቡን #የማይመልሱ ካሉ የተለያዩ የመገናኛ ብዙኃን ዘዴዎችን በመጠቀም ፦
- ሙሉ ስማቸው
- ፎቷቸው
- በሕገ ወጥ መንገድ ገንዘብ በመውሰድ ወንጀል መጠርጠራቸውን በመግለፅ ለሚመለከታቸው የሕግ አካላትና ተቋማት እንዲሁም ለህዝብ እንደሚያሳውቅ አሳስቦ ነበር።
ባንኩ ከቀናት በፊት ፤ ገንዘብ ወስደው ጭራሽ ያልመለሱ 565 ደንበኞቹንና በከፊል መልሰው የሚቀር ገንዘብ ያልመለሱ 5166 ደንበኞቹን ስም ዝርዝር ይፋ ማድረጉ ይወሳል።
በሌላ በኩል ፤ አንዳንድ የዩኒቨርሲቲ ተማሪዎች የወሰዱትን እና ወደ ግል ባንኮች ያዘዋወሩትን ገንዘብ በዲጂታል መንገድ ወደ ንግድ ባንክ ቢመልሱም ገንዘብ ካልመለሱት ጋር ስማቸው መውጣቱን በመግለፅ ንግድ ባንክ ማስተካከያ እንዲያደርግ ጠይቀዋል።
ንግድ ባንክ ዓርብ በመጋቢት 6 / 2016 ለሊት በ25,761 ደንበኞች ከ801 ሚሊዮን ብር በላይ ገንዘብ እንደተወሰደበት ከዛ ውስጥ 622 ሚሊዮን ያህሉን ማስመለሱን ከ4 ቀን በፊት መግለጹ ይወቃል።
@tikvahethiopia
ፎቶ ፦ በአዲስ አበባ ፤ ፒያሳ የሚገኘው የዓድዋ ድል መታሰቢያ ሙዝየም የብዙሃን ትራንስፖርት አገልግሎት (ተርሚናል) መስጠት መጀመሩ ተገልጿል።
የአ/አ ትራንስፖርት ቢሮ ፥ " ህብረተሰቡ ደህንነቱ ተጠብቆ የብዙሃን ትራንስፖርት አገልግሎት የሚያገኝበትን የከተማ አውቶብስ #ተርሚናል አስጀምረናል " ብሏል።
ቀድሞ በፒያሳ እና አከባቢው ሲሰጡ የነበሩ አስር የከተማ አውቶብስ መስመሮች ወደ አድዋ ድል መታሰቢያ ሙዝየም ገብተው በአንድ ተርሚናል አገልግሎት መስጠት እንደጀመሩ ተጠቁሟል።
ህብረተሰቡ በሙዚየሙ በ " ምስራቅ ጀግኖች በር " በመግባት ወደ ፦
- አየር ጤና፣
- ካራ ቆሬ፣
- ቦሌ ቡልቡላ፣
- ሳሪስ፣
- ኮልፌ ቀራኒዮ፣
- አጃምባ፣
- ጀሞ 3፣
- ሃና ማርያም፣
- ቱሉዲምቱ
- ዩኒሳ የሚሄዱ የብዙሃን ትራንስፖርት (አውቶብስ) ማግኘት እንደሚችል የከተማው ትራንስፖርት ቢሮ ጠቁሟል።
@tikvahethiopia
" ትክክለኛ ፍትህ እንሻለን " - የቀድሞው የሀዋሳ ከንቲባ ቤተሰቦች
ላለፉት 5 ወራት በእስር ላይ የሚገኙት የቀድሞዉ የሀዋሳ ከተማ ከንቲባ ረዳት ፕሮፌሰር ጸጋዬ ቱኬ ቤተሰቦች ፥ " በፍትህ እጦት እየተንገላታ ነው " ሲሉ ቅሬታቸውን ለቲኪቫህ ኢትዮጵያ አቀረቡ።
የቀድሞው ከተንቲባ ወንድም እንደሆኑ የገለጹት አቶ አስፋዉ ቱኬ ፤ " ወንድሜ በፍትህ እጦት እየተንገላታ ነው " ያሉ ሲሆን " በስልጣን ላይ በነበረበት ወቅት ምን ያክል ህዝባዊ አመራር እንደነበርና ከሙስና የጸዳ ሰው እንደሆነ ሙሉ የሲዳማም ሆነ የኢትዮጵያ ህዝብ ያውቃል " ብለዋል።
" በዚህ ንጽህናዉ ስለሚተማመንም ነበር ከሀገር ከወጣ በኋላ ወደሀገር ተመልሶ ለእስር የተዳረገው " ሲሉ አክለዋል።
አቶ አስፋው ፥ " ላለፉት አምስት (5) ወራት ፍትህ ተስተጓጉሎበትና የህክምና አገልግሎት አጥቶ ከፍርድ ቤት ፍርድ ቤት እየተመላለሰ ነው " ያሉ ሲሆን " አሁን ላይ የቀረበበት ክስም እሱ ከሀገር በወጣበት ወቅት በተወሰደዉ የመንግስት ቤት ውስጥ በነበሩና ጠፉ በተባሉ ተራ የምንጣፍና የመጋረጃና መሰል የቤት እቃዎች ተጠያቂ መሆኑ እሱን በእስር ለማቆየት ብቻ የታሰበ ይመስላል " ብለዋል።
" ከመምህርነት አንስቶ ሀዋሳ ከተማን በከንቲባነት ባገለገለበት ወቅት ያሳያቸዉ ቀና የህዝብ ፍቅር የልማት ወጤቶችና የመልካም አስተዳደር ፍሬዎች እንዲሁም በከተሞች መድረክ ያሳየዉ ከፍተኛ ውጤት በሲዳማም ሆነ በኢትዮጵያ ህዝብ ዘንድ የሚያስመሰግኑትና የሚያሸልሙት እንጅ የሚያሳስሩት አልነበሩም " ብለዋል።
አቶ አስፋው ቱኬ ፥ ወንድማቸው በጤና ችግር እየተሰቃዩ እንደሆነ በመግለጽ ቤተሰቡ ትክክለኛ ፍትህ እንደሚሻ ፤ የሚመለከተው አካል ሁሉ ይሄን ተማጽኗቸው እንዲሠማ ጥሪ አቅርበዋል።
የቀድሞ የሀዋሳ ከተማ ከንቲባ ረ/ፕ ጸጋዬ ቱኬ ፥ በስልጣን ጊዜያቸው በሙስና ወንጀል እንዲሁም በከተማው ውስጥ ብልሹ አሰራር እንዲንሰራፋ አድርገዋል በሚል ከኃላፊነታቸው እንዲነሱ ተደርገው መታሰራቸው ይታወሳል።
@tikvahethiopia
#GlobalBankEthiopia
ማንችስተር ሲቲ ወይስ አርሰናል
በመገመት የሚያሸልም ጥያቄ በኢንስታግራም ገጻችን (https://bit.ly/3NiRHOn ) ብቻ ግምትዎን ይስጡ!
በፕሪሚየር ሊጉ በጉጉት ከሚጠበቁት ጨዋታዎች መካከል አንዱ የፊታችን እሁድ መጋቢት 22 ቀን 2016 ዓ.ም በማንችስተር ሲቲ እና በአርሰናል መካከል ይካሄዳል፡፡ ጨዋታውን በትክክል ለሚገምቱ 3 የኢንስታግራም (https://bit.ly/3NiRHOn) ተከታዮቻችን ለእያንዳንዳቸው የ300 ብር የካርድ ሽልማት አዘጋጅተናል፡፡
1. የግሎባል ባንክ ኢትዮጵያ የኢንስታግራም ገጽን https://bit.ly/3NiRHOn ገፅ መከተልዎን አይዘንጉ!
2. ትክክለኛ መላሾች ከ 3 በላይ ከሆኑ አሸናፊዎቹን የምንለየው በዕጣ ይሆናል፡፡
መልካም ዕድል!!
ግሎባል ባንክ
#Update
“ በስልክ እንኳን ‘አለሁ በሕይወት’ እንዲለን ድምጹን ያሰሙን። 2.8 ሚሊዮን ብር ተከፍሎ 3ቱ ሠራተኞች ግን ከእገታ አልተለቀቁም ” - እምባ የሚተናኘቃቸው የታጋች እህት
መስከረም 19 ቀን 2016 ዓ/ም ወደ ባቱ (ዝዋይ) እየተጓዙ የነበሩና በ “ ሸኔ ” ታጣቂዎች ታገቱ የተባሉ 6 የኢትዮጵያ ኤሌክትሪክ ኃይል ሠራተኞች ሁሉም እንዲለቀቁ 2.8 ሚሊዮን ብር ተዋጥቶ ቢላክም 3ቱ ተለቀው 3ቱ ግን እንዳልተለቀቁ የታጋች ቤተሰብ በእንባ እየተናነቃቸው ለቲክቫህ ኢትዮጵያ ገለጹ።
የኢትዮጵያ የኤሌክትሪክ ኃይል “ ከአቅሜ በላይ ” ነው እንዳላቸውና በከፋ ጭንቀት ውስጥ እንደሆኑም እንባ አስረትድተዋል።
አንዲት የታጋች እህት ለቲክቫህ ኢትዮጵያ በሰጡት ቃል ፣ “ ከታጋቾቹ ሥም ዝርዝር የወንድሜም ስም ዝርዝር እንደነበረ ከእገታ የተለቀቁት ነግረውኛል። ብር አምጡ ብለው የመብራት ኃይል ሠራተኞች ሁሉ አዋጥተው 2.8 ሚሉዮን ብር ለ6ቱም ተብሎ ከተላከ በኃላ 3ቱ የኢሬቻ ዕለት ተለቀቁ፣ 3ቱ ግን አልተለቀቁም ” ብለዋል።
የኤሌክትሪክ ኃይል የስራ ኃላፊዎችን ሲጠይቁ “ ከአቅማችን በላይ ነው ” ብለው “ ለፌደራል ፓሊስ አስተላልፈናል ” እንዳሏቸው፣ የፌደራል ፓሊስም አጥጋቢ የሆነ ምላሽ እንዳልሰጣቸው ጠቁመዋል።
በቤተሰብና ወዳጀ ዘመድ በኩል ለታጋቾች ተብሎ 300 ሺህ ብር እንደተላከ፣ ወንድማቸው፣ ሹፌሩ እና አንድ ሌላ ሠራተኛን ጨምሮ ከታገቱ 6 ወራት እንዳስቆጠሩ፣ ቤተሰብም በከፋ ጭንቀት ውስጥ መሆናቸውን አስረድተዋል።
“ ወንድሜ ሁለት ልጆች አሉት ፣ ሚስቱ የስኳር ታማሚ ናት። ሹፌሩም 2 ልጆች አሉት፣ ሚስቱ ሞታለች ” ያሉት የታገቹ እህት፣ “መለቀቅ እንኳ የማይቻል ከሆነና በሕይወት ካለ፣ በስልክ እንኳን ‘አለሁ በሕይወት’ እንዲለን ድምጹን ያሰሙን " ሲሉ ተማጽነዋል።
ምንም እንኳን ለማስለቀቂያ 2.8 ሚሊዮን ብር ቢከፈልም ከታገቱት 6 ሰራተኞች ውስጥ 3ቱ ሲለቀቁ 3ቱ ሠራተኞች ግን ከእገታ ያልተለቀቁ ያሉበት ሁኔታ የማይታወቅ ሲሆን አሁን 6 ወራት እንደሞላቸው የታጋች እህት ለቲክቫህ ኢትዮጵያ ገልጸዋል።
በሀዘን ስሜት ሆነውም መፍትሄ የሚሰጣቸው አካል ካለ ጥሪ አቅርበዋል።
ቲክቫህ ኢትዮጵያ በዚህ ጉዳይ የኢትዮጵያ ኤሌክትሪክ ኃይልም የጠየቅን ሲሆን ምላሹን እናቀርባለን። #TikvahFamilyAA
@tikvahethiopia
#ደመወዝ
" ላለፉት ወራት በደሞዝ መዘግየትና መቆራረጥ ስንፈተን ቆይተናል " ያሉ የዎላይታ ዞን የተለያዩ ወረዳዎች ውስጥ የሚሰሩ የመንግስት ሰራተኞች " ስራችንን በአግባቡ ለመስራት እንችል ዘንድ መንግሥት በአግባቡ ደሞዝ ሊከፍለን ይገባል " ሲሉ ለቲክቫህ ኢትዮጵያ ገለጹ።
ለቲክቫህ ኢትዮጵያ ቃላቸው ከሰጡት የመንግስት ሰራተኞች ውስጥ በተለይም #መምህራን እና #የህክምና_ባለሙያዎች ይገኙበታል።
" ጉዳዩን በተዋረድ ለሴክተር መስሪያ ቤቶች እና ለወረዳ አመራሮች ካሳወቅን ቆየን " የሚሉት እነዚህ ሰራተኞች " ማክሰኞ መጋቢት 17/2016 ዓ/ም ወደ ክልሉ መንግስት መቀመጫ ወደሆነችዉ ወላይታ ሶዶ ከተማ ብናቀናም ሰሚ አላገኘንም " ብለዋል።
በተለይ ይህ የደሞዝ አለመክፈል እና መቆራረጥ ችግር የተከሰተባቸው በዎላይታ ዞን ስር የሚገኙት የኪንዶ ኮይሻ ፣ የሆብቻ ፣ አባላ ፣ አባያ፣ ዳሞት ሶሬ፣ ዳሞት ፑላሳ ፣ ዳሞት ወይዴ ፣ ኪንዶ ዲዳዬ እና አካባቢዉ ወረዳና ቀበሊያት እንደሆኑ ተገልጿል።
በሆብቻ ወረዳ የሚገኘው የሆብቻ ወረዳ 2ኛ ደረጃ ትምህርት ቤት ስራ ካቆመ መሰነባበቱንና ተማሪዎች ቤታቸዉ እየዋሉ መሆኑን ለቲኪቫህ ኢትዮጵያ የገለጹ መምህራን " መንግስት በአፋጣኝ እርምጃ ወስዶ ወደስራችን ይመልሰን " ብለዋል።
ከዚህዉ ጋር ተያይዞ የከልሉን መንግስት ሀሳብ በተመለከተ ጥያቄ ያቀረብንላቸዉ የደቡብ ኢትዮጵያ ክልል ኮሙኒኬሽን ዳይሬክቶሬት ዳይሬክተር የሆኑት ወይዘሮ አዜብ ስለጉዳዩ መረጃ እንደሌላቸዉ በመግለጽ ዝርዝር ሀሳብ ከመሰንዘር ተቆጥበዋል።
ይህን ጉዳይ እየተከታተልን እናሳውቃችኃለን።
መረጃዉን አዘጋጅቶ የላከዉ የሀዋሳው ቲኪቫህ ኢትዮጵያ ቤተሰብ አባል ነው።
@tikvahethiopia
#ድሬዳዋ❤️
የማበረታቻ የገንዘብ ሽልማት ተበረከተላቸው።
ከሰሞኑን በድሬዳዋ ከተማ በከባድ ዝናብ ውስጥ ሆነው ኃላፊነታቸውን ሲወጡ ለነበሩ የትራፊክ ፖሊስ አባላቶች የማበረታቻ የብር ሽልማት ተበረከተላቸው።
ሽልማቱን ያበረከቱት የትራፊክ ፖሊስ አባላቱን ተግባር በማህበራዊ ሚድያ የተመለከቱ የድሬዳዋ ወጣቶች ናቸው።
የድሬ ትራፊክ ፖሊስ አባላቱ ከፍተኛ ዝናብ እየጣለ የትራፊክ አደጋ እንዳይደርስ ሲያከናውኑት የነበረው ስራ ለሌሎችም ትምህርት ሆኖ ያለፈ ነው። #ድሬፖሊስ
@tikvahethiopia
“ ሕጉ ለምን ተለሳለሰ? ”
የአስገድዶ መድፈር ወንጀል በፈጸሙ አካላት ላይ የሚወሰነው ፍርድ ተመጣጣኝ ባለመሆኑ ወንጀል ፈፃሚዎች ከስህተታቸው ተምረው እንዲታረሙና ድርጊቱ እንዲቆም በማስቻል ፋንታ “ አይዟችሁ በርቱ ” የሚል ይመስላል ፣ ሕጉ ለምን ተለሳለሰ ? የሚሉ ትችት እና ጥያቄዎችን በተለይም ከሰሞኑን በበርካቶች ዘንድ ሲሰነዘር ተስተውለዋል።
በርካቶችን ካስቆጡ የወንጀል ቅጣቶች መካከል አንዱ በቤንሻንጉል ጉሙዝ ክልል መተከል ዞን ወንበራ ወረዳ ዓርብ ታህሳስ 20 ቀን 2016 ዓ/ም አንድ የ17 ዓመት ተማሪ ፣ ምንም ነፍስ ያላወቀች የ5 ዓመቷን ህፃን አስገድዶ ደፈሩን ተከትሎ የወረዳው ፍ/ቤት መጋቢት 9/ 2016 ዓ/ም በዋለው ችሎት በወንጀል ፈጻሚው ላይ የ6 ወራት እስራት የፍርድ ቅጣት ማስተላለፉ ተጠቃሽ ነው።
እንዲሁም፣ በደቡብ ኢትዮጵያ ክልል ኮሬ ዞን ኬሌ 01 ቀበሌ መጋቢት 2015 ዓ/ም የ8ኛ ክፍል ተማሪ ፣ የ13 ዓመት ታዳጊ ፣ የአብራካቸው ክፋይ የሆነች #ልጃቸውን አስገድደው ደፈሩ የተባሉትን የ42 ዓመት አባት ላይ የዞኑ ፍርድ ቤት የ10 ዓመታት የእስራት ቅጣት መወሰኑም ሌላኛው ትችት ያጫረ የፍርድ ውሳኔ መሆኑ አይዘነጋም።
ሌሎች ተያያዥ በርካታ ወንጀሎች መኖራቸው እንደተጠበቀ ሆኖ እንደ አብነት ከላይ በተጠቀሱት የአስገድዶ መድፈር ረገድ በተላለፉ የወንጀል ቅጣት ውሳኔዎች እና የቤንሻንጉል ወንበራውን የአስገድዶ መድፈር ጥቃት ወንጀል የተሰጠውን ቅጣት በተመለከተ ፦
➡️ ምን አይነት ቀልድ ነው ?
➡️ ይሄ ውሳኔ አሁን ቅጣት ነው ?
➡️ እስከ መቼ ነው በሰው ቁስል የሚቀለደው ? በሚል ብዙኅን ጥያቄዎች አንስተዋል።
በደቡብ ኢትዮጵያ ክልል ኮሬ ዞን #ልጃቸውን ደፈሩ የተባሉትን አባት የቅርብ ጊዜ የፍርድ ቤት ቤት ቅጣት ውሳኔ በተመለከተ፣ “ 10 ዓመት እስራት ብቻ ?፣ ውሳኔው ድርጊቱ እንዲበረታታ እንዲያደርግ ታስቦ የተሰጠ ነው እንዴ ? ” የሚሉ ጥያቄዎችን አጭሯል ተስተውሏል።
በተያያዘ ከዓመታት በፊት በአዲስ አበባ ከተማ አስተዳደር ከአምስት ዓመታት በታች የሆኑ ወንዶችን ሁሉ የደፈሩ ወንጀለኞች ከአምስት ዓመታት በታች በሆኑ የእስራት፣ ከ2,000 ብር ያልበለጡ ቅጣቶች ሲወሰኑባቸው መስተዋሉ በርካቶችን “ ፍትህ የት ናት ? ” ያስባሉ ጉዳዮች ናቸው።
በወቅቱ አስተያዬታቸውን የሰጡ ምሁራንም፣ ወንድ ልጅ ላይ “ እንዲህ አይነት ወንጀል መፈጸም የአስገድዶ መድፈር ወንጀል ሳይሆን፣ የግብረሰዶም ድርጊት ተፈጸመ ነው መባል ያለበት ” ሲሉ ተስተውለው ነበር።
ይህ በእንዲህ እንዳለ፣ ከሰሞኑ በቤንሻንጉል ጉሙዝ ክልል መተከል ዞን ወንበራ ወረዳ የአምስት ዓመቷን ህፃን አስገድዶ ደፈረ በተባለው የ17 ዓመት ወጣት የ6 ወራት የእስራት ቅጣት መወሰኑ፣ በአጠቃላይ በዘርፉ ለሚፈጸሙ ወንጀሎች ለሚሰጠውን “ የተለሳለሰ ቅጣት ” በተመለከተ ሕጉን በድጋሚ ማጤን እንደሚገባ የኢትዮጵያ ሕግ ባለሙያ ሴቶች ማኀበር ለቲክቫህ ኢትዮጽያ ገልጿል።
@tikvahethiopia
#አቢሲንያ_ባንክ
አዲሱን የአቢሲንያ ሞባይል ባንኪንግ በመጠቀም ደንበኞች እንዴት ወደ አዋጭ አካውንት ገንዘብ ማስተላለፍ ይችላሉ?
ሊንኩን በመጠቀም መተግበሪያውን አሁኑኑ ያውርዱ!
ለአንድሮይድ ስልኮች https://play.google.com/store/apps/details?id=com.boa.boaMobileBanking&hl=en&gl=US
ለአፕል ስልኮች https://apps.apple.com/us/app/boamobile/id6463218765
ለሁዋዌ ስልኮች https://appgallery.huawei.com/app/C110106115
#BankofAbyssina #mobilebanking #boamobile #bankinginethiopia #banksinethiopia #Ethiopia #የሁሉም_ምርጫ
በሀገራችን አንዳንድ መልካም የስራ ስነምግባር የጎደላቸው ፣ ከአሸከርካሪዎች ጉቦ ካልተቀበሉ ቀኑ መሽቶ የማይነጋ የሚመስላቸው ፣ አንዳንዴም ሆን ብለው ምክንያት ፈልገው የቅጣት ወረቀት ለመፃፍ በኃላም #ጉቦ ለመቀበል የማይፈነቅሉት ድንጋይ የሌላቸው ፣ ፀሀዩ በረታብኝ ፥ ዝናቡም አካፍብኝ ብለው የሚጠለሉ የትራፊክ የፖሊስ አባላት እንዳሉት ሁሉ ፦
- ለስራቸው ታማኝ
- ህግን አክባሪ
- ቅን አገልጋይ
- ፀሀይ ፣ ዝናብ ሳይሉ ህዝብን አክብረው የሚሰሩ በርካታ የትራፊክ ፖሊስ አባላት አሉ።
ለእነዚህ አይነት ህዝብን አክብረው ምንም አይነት ሁኔታ ሳይገድባቸው ለሚሰሩ የትራፊክ ፖሊስ አባላት #ምስጋና ይገባል።
በሀገራችን ካሉ ከተሞች አንዷ በሆነችው የሰላም ተምሳሌቷ #ድሬዳዋ ❤️ የትራፊክ ፖሊስ አባላቶቿ በተለያየ ጊዜ በመልካም ስነምግባራቸው ስማቸው ተደጋግሞ ይነሳል።
ትላንትና በከተማው ከባድ ዘናብ ዘንቦ በነበረበት ወቅት የትራፊክ መጨናነቅና አደጋ እንዳይከሰት አንድ የትራፊክ ፖሊስ አባል በዝናብ ውስጥ ሆኖ ስራውን ሲያከናውን የሚያሳይ የተቀረጹ ቪድዮዎች እና ፎቶዎች ብዙዎች በማህበራዊ ሚዲያ ሲያጋሩት ውለዋል።
@tikvahethiopia