1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
#አቢሲንያ_ባንክ
የአፖሎ አካውንት ለመክፈት የፋይዳ ዲጂታል መታወቂያ ቁጥርዎን መጠቀም ይችላሉ።
አሁኑኑ መተግበሪያውን በማውረድ የ9% ወለድ፣ አነስተኛ ብድርና ሌሎች አገልግሎቶችን ያግኙ።
ለአንድሮይድ ስልኮች https://play.google.com/store/apps/details?id=com.boa.apollo&hl=en&gl=US
ለአፕል ስልኮች https://apps.apple.com/us/app/apollo-digital/id1601224628
#Apollodigitalbank #Apollodigitalproduct #Abyssiniabank #poweredbybankofabyssinia #BankofAbyssinia #የሁሉም_ምርጫ #The_Choice_For_all
#ኢትዮጵያ
ከተፈጥሯዊ መንገድ ውጭ የሰው ልጅ በአንድም በሌላ መልኩ ሲገደል ሲገዳደል ፣ ሲሰቃይ ሲያሰቃይ ፣ ሲሰደድ እንዲሰደድ ምክንያት ሲሆን፣ በዚህች ኢኮኖሚያዋ ደካማ በሆነ ሀገር ለፍቶ ያፈራው ጥሪት በአንድ ሌሊት ዶግ አመድ ሲሆን ቀጣይ የሚፈጠረው ፦
- ቂም
- በቀል
- እርስ በእርስ ጥላቻ
- መጠፋፋት ብቻና ብቻ ነው። በሰዎች ውስጥ የሚያድረውን ይህንን አይነት አመለካከት መቀየር ደግሞ እጅግ ረጅም ጊዜ ይወስዳል።
አንድ ሰው በምንም አይነት መንገድ ይሁን ሲገደል ልጆች ፣ ቤተሰብ ፣ ወዳጅ ፣ ዘመድ ፣ ጓደኞች እንዳሉት መረዳት ይገባል፤ እኚ ሁሉ የሚወዱትን ሲነጠቁ ምን አይነት ስሜት ሊያድርባቸው ይችላል ? ብሎ መጠየቅ ይገባል።
እነዚህ አካላት ሁሉ ተደምረው ነው ማህበረሰብ የሚፈጠረው።
እርግጥ ነው የሰዎች ሞት ማህበራዊ ሚዲያ ላይ የአንድ ቀን ወሬ ሆኖ ሊያልፍ ይችላል ለወለደች እናት፣ ላሳደገ ቤተሰብ፣ ለጓደኛ ለማህበረሰብ፣ ህመሙ መቼም ሊጠፋ አይችልም። በየአጋጣሚው ሁሉ ይህን የሚወዱትን ሰው እና አሟሟቱን ሲያስታውሱት ሲናገሩት ይኖራሉ።
በየትኛውም አካል የሰው ነፍስ ሲጠፋ ያንን ሰው የተነጠቁ ወላጆች፣ ቤተሰብ ማህበረሰብ በዛ ነፍስን ባጠፋው አካል ላይ ጥላቻቸው እየጨመረ ይመጣል። ይህ ነገ ሌላ ችግር መውለዱ ግልጽ ነው።
ልጃቸውን ለተነጠቁ አካላት በማንም ምንም ነገር ቢደረግላቸው፤ ቃል ቢገባላቸው የተነጠቁትን ነፍስ አይመልሰውምና በጎ እሳቤያቸው ይቆማል። ነገር ሁሉ ይበላሻል።
ተጎጂዎችን ሊያፅናና ሊክስ የሚችለው ብቸኛው መንገድ ነገ ሌላውም ወገን በግፍ እንዳይገደል ፣ እንዳይሰቃይ ማድረግ እና ፍትህን ማስፈን፣ ወንጀለኛን መቅጣት ብቻ ነው።
የሚወዱትን ተነጥቀው ፣ ተሰደው ፣ ከሞቀው ቄያቸው በግፍ ተፈናቅለው ሜዳ የወደቁ ፍትህ ያልተሰጣቸው የተጎዱ ሰዎች እንዴት በጎ ነገር ሊያስቡ ፤ በጎ ነገር ተደረገላችሁ ሲባሉ ሊያወድሱ ይችላሉ ? መጠበቅም ነውር ነው።
ሰዎች በአንድ ለሊት ከመሬት ተነስተው ለሆነ ነገር / ለሆነ ጉዳይ ጥላቻ በውስጣቸው ሊያድር አይችልም። በጊዜ ሂደት የሚያዩት የሚሰሙት ነገር ሁሉ አመለካከታቸው ላይ ትልቅ ተፅእኖ አለው።
ስለዚህም ፤ ባለፉት ዓመታት ደግመን ደጋግመን ስንል እንደነበረው የሰው ልጅ ክቡር ነውና እንዳይጎዳ እንዳይሰቃይ ለሀዘን እንዳይዳረግ ከልብ መስራት ይገባል።
ሰው በሞተ ቁጥር ደስታ ሳይሆን ሀዘን ፣ ቂም ፣ ጥላቻ እየተወለደ ይሄዳል። ይህ ደግሞ ነገ ሌላ ችግር እየወለደ የአዙሪት ህይወትን እንድንመራ ያደርጋል።
ቢያንስ የሞቱትን መመለስ ባይቻል ሌላ ሰው ህይወቱ እንዳይጠፋ፣ እንዳይጎዳ፣ እንዳይሰቃይ፣ እንዳያዝን ማድረግ ፤ ተበዳይን ፍትህ በመስጠት መካስ ይገባል።
ከዚህ በላይ ሁሉን አቀፍ ፍፁም እውነተኛ ዘላቂ እርቅ መፈለግም የግድ ነው።
በቲክቫህ ኢትዮጵያ አባላት
2016 ዓ/ም
@tikvahethiopia
" ... በታሪኬ እንዲህ ያለ የስቃይ ጊዜ ገጥሞኝ አያውቅም !! " - ነዋሪ
ባለፉት 5 ዓመታት በሰሜን ሸዋ ዞን እና በኦሮሞ ብሄረሰብ አስተዳደር አጎራባች አካባቢዎች " ግጭት ተፈጠረ፣ ጥቃት ተፈፀመ፣ ሰው ሞተ፣ ንብረት ወደመ ፣ ህዝብ ከገዛ ቄየው ተፈናቀለ " ሲባል መስማት የተለመደ ነው።
በሰሞነኛው ግጭት በርካቶች ሞተዋል፣ ንብረት ወድሟል፣ ነዋሪዎች ህይወታቸውን ለማትረፍ ቄያቸውን ለቀው ሸሽተዋል።
አንድ ቃላቸውን ለቲክቫህ ኢትዬጵያ የሰጡ የአጣዬ ነዋሪ ፤ " እኛ ያልገባን ሰው እርስ በእርሱ ተላልቆ ምድሪቱን ባዶ ማድረግ ነው ወይ የተፈለገው ? " ሲሉ ጠይቀዋል።
መንግሥት ይህ ሁሉ ሲሆን ዘላቂ መፍትሄ ሊሰጥ አልቻለም ሲሉ በሀዘን የገለጹት ነዋሪው " የአንድ መንግሥት ዋና ስራው የህዝብን ደህነት መጠበቅ ሆኖ ሳለ ሁሌም እንዲህ ያለ መከራ ሲወርድብን መኖራችን እጅግ ያሳዝናል " ብለዋል።
ሌላኛው በእድሜ የገፉ ነዋሪ በሰጡን ቃል ፤ " እኔ እዚሁ ተወልጄ ነው ህይወቴን የኖርኩት ምክንያቱ ምንም ይሁን ምን በታሪኬ እንዲህ ያለ የስቃይ ጊዜ ገጥሞኝ አያውቅም " ብለዋል።
" ሰዎች ይሞታሉ፣ ንብረት ይወድማል፣ የሚጠየቅ የሚቀጣ የለም። አንድ ጊዜ ተወርቶ ያልፋል። እኔስ አርጅቻለሁ ልጆቼ ግን እንዲህ ባለው ሁኔታ እንደሚኖሩ ሳስብ ልቤ ይሰበራል " ሲሉ አልቅሰው ተናግረዋል።
ሌላኛው ነዋሪ እርስ በእርስ መወነጃጀሉ እንደማይበጅ መንግሥት ግን መንግሥት ነኝ የሚል ከሆነ የፈለገውን አይነት መንገድ ተጠቅሞ ሰላም ማስፈን እንዳለበት ፣ በደህንነት ምክንያት ለሚጠፋው የሰው ህይወት ሁሉ ኃላፊነት መውሰድ እንደሚገባው ገልጸዋል።
ካለፈው 9 ቀናት ጀምሮ በአጎራባች አካባቢዎች በተከሰተው ግጭት የንፁሃን ሰዎች ህይወት ጠፍቷል። ቤቶች ተቃጥለዋል። ከብቶችም ተዘርፈዋል።
የኦሮሞ ብሄረሰብ አስተዳደር ዞን በአካባቢው ደህንነት መጥፋት የፋኖ ታጣቂዎችን ሲከስ ፤ የሰሜን ሸዋ ዞን ደግሞ በሽብርተኝነት የተፈረጀውን እና ታጥቆ የሚንቀሳቀሰውን " ሸኔን " ይፈርጃል።
ነዋሪዎች ደግሞ " ሸኔ " የሚባል ነገር እዚህ የለም፤ ያለው ገበሬ ነው ባይ ናቸው።
እስካሁን መንግሥት ያለው ነገር የለም።
ቲክቫህ ኢትዮጵያ ፤ " ህዝቡ ' አለቅን ፣ ሰው ተጫረሰ፣ ንብረት ወደመ፣ ቤትም ተቃጠለ እያለን ነው ' እባካችሁ በዚህ ጉዳይ ምልስ ስጡን " በማለት ለአማራ ክልል ኃላፊዎች ስልክ ቢደውልም ፣ መልዕክት ቢያስቀምጥም እስካሁን ምላሽ አላገኘም።
@tikvahethiopia
#እንድታውቁት
የጉምሩክ ኮሚሽን ተሽከርካሪ ሳይጨምር ከመጋቢት 22 /2015 ዓ/ም በፊት የባንክ ፈቃድ የተሰጣቸውንና ግዥ የተፈፀመባቸው እቃዎች እና በፍራንኮቫሉት ፈቃድ ያገኙ ድርጅቶችን መረጃ ሊሰበስብ ነው።
በዚህም ሁሉም አስመጪዎች እና የጉምሩክ አስተላላፊዎች ፦
- የአስመጪውን ስም
- የባንክ ፈቃድ ቁጥር
- የእቃው አይነት እና ብዛት
- የማስጫኛ ሰነድ ቁጥር
- ግዥ የተፈፀመበት ኢንቮይስ ቁጥር
- ዲክላሬሽን ቁጥር እና ሌሎች አስፈላጊ መረጃዎችን በመያዝ እስከ መጋቢት 18/2016 ዓ/ም ድረስ በጉምሩክ ኮሚሽን ዋና መ/ቤት 5ኛ ፎቅ ላይ በሚገኘው የታሪፍ ምደባና ስሪት ሀገር አወሳሰን ዳይሬክቶሪት ቀርበው እንዲሰጡ ማሳሰቢያ ተላልፏል።
@tikvahethiopia
አጋፋሪ - ምዕራፍ 2 በዲኤስቲቪ አቦል ዱካ ቻናል 466
በጉማ የፊልም ሽልማት ፕሮግራም ላይ በምርጥ የቴሌቪዥን ድራማ ዋና የወንድ ተዋናይ በመሆን አለማየሁ ታደሰ ያሽነፈበት በይዘቱ ለየት ያለ ተከታታይ ድራማ … አጋፋሪ ሁለተኛው ምዕራፍ … በዲኤስቲቪ!
አጋፋሪ ምዕራፍ አንድን በETV መዝናኛ ተከታትላችሁ ተደሰታችሁ አሁን ደግሞ ሁለተኛውን ምዕራፍ በዲኤስቲቪ አቦል ዱካ ቻናል 466 በ290 ብር ብቻ እየተከታተሉ ዘና ይበሉ!
ዘወትር ሐሙስ ከምሽቱ 3:00 ሰዓት በዲኤስቲቪ አቦል ዱካ ቻናል 466
ዲኤስቲቪ-ሁሉም ያለው እኛ ጋር ነው!
#ሁሉምያለውእኛጋርነው #DStvEthiopia #አቦልቲቪ #DStvSelfService #Agafari #StepUp
#ኢትዮጵያ
በዋቸሞ ዩኒቨርሲቲ ንግስት እሌኒ ኮምፕርሄንሲቭ ስፔሻላይዝድ ሆስፒታል አንዲት እናት ሁለት ራስ ቅል ያለው ልጅ በሰላም ተገላግላለች።
የአምስት ልጆች እናት የሆነችው ወላዷ ከአንገቱ በታች በኩል የተያያዘ ሁለት ራስ ያለው ሆኖ የተወለደው ሕፃን ስድስተኛ ልጇ መሆኑ ተነግሯል።
እናት እንዲህ ዓይነት ክስተት መኖሩን ሳታውቅ ቆይታ ለህክምና ከመጣች በኋላ ያወቀች ሲሆን፤ በሆስፒታሉ ሃኪሞች እርዳታ በመለስተኛ ቀዶ ሕክምና ነው የተገላገለችው።
በትክክለኛ የእርግዝና ወራት ቆይታ የተወለደው ባለ ሁለት ራስ ሕጻን አራት ነጥብ ሁለት ኪሎ ግራም ይመዝናል።
የሆስፒታሉ የህፃናት ህክምና ክፍል ፤ የተወለደው ህጻን አሁን ላይ ጤንነት ችግር ባይኖርበትም ወደፊት አፈጣጠሩ እክል ሊፈጥርበት እንደሚችል አመላካች ነገሮች መኖራቸውን ገልጿል።
ተጨማሪ ምርመራዎች በማስፈለጋቸው የሐኪሞች ቡድን ምርመራና ክትትል እያደረገ ነው ተብሏል።
ክስተቱ በሆስፒታሉ ታሪክ የመጀመሪያ ሲሆን እንደ ህክምና መረጃዎች ደግሞ ከሚወለዱ ከአንድ መቶ ሺህ ህፃናት መካከል አንድ መሰል ክስተት ሊገጥም እንደሚችል ኢዜአ ዘግቧል።
Via /channel/thiqahEth
@tikvahethiopia
#ሴጅማሰልጠኛ
7ኛ ዙር የኮምፒውተር ፕሮግራሚንግ (Computer Programming) ስልጠና ምዝገባ ላይ ነን።
👉 100 % በተግባር የተደገፈ ስልጠና
👉 መሠረታዊ የኮምፒውተር ትምህርትን አካቶ የሚሰጥ
👉 C++, Java እና Python ፕሮግራሞች ከፍ ባለ ደረጃ (Advanced Level) በጋራ የሚሰጡበት
☎️ 0906777799 / 0906777755
አድራሻ፦ ፒያሣ ቸርችል ጎዳና ኤልያና ሆቴል 2ኛ ፎቅ
Telegram: /channel/sagetraininginstitute
Facebook: https://www.facebook.com/sagetraininginstitute
Linkedin: https://www.linkedin.com/company/sage-training-institute
Instagram: https://www.instagram.com/sage_training_institute
" ... ምንም አይነት ሽያጭ ሳያካሄድ ደረሰኞችን ብቻ በመሸጥ መጠኑ 2,951,053,749.86 ብር የሚሆን ሽያጭ አከናውኗል " - ፖሊስ
የኢትዮጵያ ፌዴራል ፖሊስ ፤ በመንግስት ላይ ከ2 ቢሊዮን 951 ሚሊዮን ብር በላይ ጉዳት አደረሰ ያለውን ተጠርጣሪ በቁጥጥር ሥር ማዋሉን ገለጸ።
እንደ ፖሊስ መረጃ ...
ተጠርጣሪው ግለሰብ ቴዎድሮስ ንጉሴ ሀያርያ እና ቴዎድሮስ ንጉሴ ወልድሀዋሪያ በተባሉ ሀሰተኛ ስሞችን በመጠቀም ከ2 ቢሊዮን 951 ሚሊዮን 053 ሺህ 7 መቶ 49 ብር በላይ በመንግስት ላይ ጉዳት አድርሷል።
ከሌሎች ግብረ-አባሮቹ ጋር በመሆን ቴዎድሮስ ንጉሴ ሀያርያ በሚለው ሀሰተኛ ስም ንግድ ፍቃድ በማውጣት፣ የወንጀል ድርጊቱ እንዳይደረስበት ለማድረግ እና ከታክስ ሰብሳቢው መ/ቤት ክትትል ለመሰወር በቦሌ ክፍለ ከተማ አነስተኛ ግብር ከፋዮች ቅርንጫፍ ጽህፈት ቤት በመቀየር ህጋዊ በመምሰል ሲንቀሳቀስ ነበር።
የዕቃ እና አገልግሎት ግብይት ሳይኖርም የተለያዩ ድርጅቶችና ግለሰቦች የመለያ ቁጥር ርLB 0019300 ከሆነው የሽያጭ መመዝገቢያ መሣሪያ በ1 ሺህ 2 መቶ 70 ደረሰኞች አማካኝነት ምንም ሽያጭ ሳያካሄድ ደረሰኞችን ብቻ በመሸጥ መጠኑ 2,951,053,749.86 ብር የሚሆን ሽያጭ አከናውኗል።
ከዚህ በተጨማሪ " ግዥ ፈጽመናል " በማለት ሀሰተኛ ደረሰኞቹን ከተጠርጣሪው ላይ የገዙ ግብር ከፋዮች ደግሞ በሀሰተኛ ሰነዶች አማካኝነት ወጪያቸውን በማነር ለመንግሥት የሚከፈለውን ግብርና ታክስ እንዲቀንስና ያልተገባ ተጨማሪ እሴት ታክስ (VAT) ተመላሽ ከመንግሥት ካዝና አንዲወስዱ ማድረጉም ተገልጿል።
የገቢዎች ሚኒስቴር የታክስ ኢንተለጀንስ ሥራ ሂደት ባሰላው መሠረት ተጠርጣሪው ምንም ግብይትና አገልግሎት ሳይሰጥ ደረሰኞችን ብቻ በመሸጥ በመንግስት ላይ ያደረሰው ጉዳት መጠን ፦
1ኛ. የንግድ ትርፍ ግብር:- 769 ሚሊየን 890 ሺህ 1 መቶ ከ08 ሣንቲም፤
2ኛ. የተጨማሪ እሴት ታክስ( VAT) መጠን፦ 384 ሚሊየን 920 ሺህ 054 ብር ከ04 ሣንቲም ሲሆን፤
በአጠቃላይ በድምሩ 1 ቢሊዮን 154 ሚሊዮን 760 ሺህ 1 መቶ 62 ብር ከ12 ሣንቲም በመንግስት ላይ ጉዳት ማድረሱም ተረጋግጧል።
ተጠርጣሪው ግለሰብ ቴዎድሮስ ንጉሴ ሀያርያ እና ቴዎድሮስ ንጉሴ ወልድሀዋርያ የተባሉ ሀሰተኛ ስሞችን በመጠቀም ፤ በአዲስ አበባ ከተማ ቂርቆስ እና ለሚ ኩራ ክፍለ ከተሞች ከተለያዩ አራት ወረዳዎች የነዋሪነት መታወቂያ እንዳወጣ በማስመሰል እና አራት ሀሰተኛ የውክልና ሠነዶችን በማዘጋጀትና በመጠቀም፤ በገቢዎች ሚኒስቴር የሽያጭ መመዝገቢያ መሣሪያ አቅራቢ ድርጅት፣ በተለያዩ ባንኮች፣ በንግድ ፅህፈት ቤቶች እና በሌሎች መንግስታዊና መንግስታዊ ያልሆኑ ተቋማት እንዲሁም የግል ድርጅቶችና ግለሰብ ነጋዴዎች ላይ ሕጋዊ በመምሰል ወንጀል ሲፈጽም መቆየቱን ፖሊስ እንደደረሰበት አመልክቷል።
ፖሊስ ከፍርድ ቤት የብርበራ ፈፍቃድ በማውጣት አያት ሆሴ ሪልስቴት በሚገኘው የተጠርጣሪው መኖሪያ ቤት ውስጥ ባደረገው ብርበራ፤ ስምንት ፍላሾችን፣ በተጠርጣሪው ሀሰተኛ ስሞችና በራሱ በተጠርጣሪው ትክከለኛ ፎቶግራፍ የወጡ እና የተዘጋጁ ሌሎች የሰነድ ማስረጃዎችንም መያዙን ገልጿል።
የኢትዮጵያ ፌደራል ፖሊስ በተጠርጣሪው ላይ ምርመራ እያካሄደ መሆኑን ገልጾ ኅብረተሰቡም ወደ ፌደራል ፖሊስ ወንጀል ምርመራ ጠቅላይ መምሪያ ቢሮ በአካል ቀርቦ በተጠርጣሪው ላይ ተጨማሪ መረጃ በመስጠት ትብብር እንዲያደርግ ጠይቋል።
@tikvahethiopia
#AddisAbaba
➡️ " የቀብር ስርዓቱ ተፈጽሟል " - የዶክተር በሀይሉ ቤተሰብ
➡️ " ይቅርታ መረጃው የለኝም " - የአዲስ አበባ ፓሊስ
እውቁና እጅግ የተዋጣላቸው የቀዶ ጥገና ሐኪም ዶ/ር በኃይሉ ኃይሉ መገደላቸውን የቅርብ ቤተሰቦቻቸው ለቲክቫህ ኢትዮጵያ ገልጸዋል።
ዶ/ር በኃይሉ ከቀናት በፊት በአዲስ አበባ ከተማ ለጥዋት ሩጫ በሚል በወጡበት በአሰቃቂ ሁኔታ መገደላቸው ነው የተገለጸው።
ለቲክቫህ ኢትዮጵያ ቃላቸውን የሰጡ አንድ የሟች ቅርብ ቤተሰብ፣ " ቤተሰብ ጠቅላላ ' ወጥቶ ሞተ ' ነው የምናውቀው። ሚዲያ ላይ ካለው ውጪ አዲስ የሰማነው ነገር የለም " ብለዋል።
ስርዓተ ቀብራቸው ተፈጽሟል ? ቤታቸው የት አካባቢ ነው ? ተብሎ ለቀረበላቸው ጥያቄ በሰጡት ምላሽ፣ " ቀብሩ ተፈጽሟል፣ ከትላንት ወዲያ ሰዓሊተ ምህረት " ብለው፣ ቤታቸውን በተመለከተም፣ " ቦሌ ሚካኤል ነው። ሞተ ያሉት ደግሞ ወደ ሳሪስ በሚወስደው ድልድይ ጠዋት ወክ ሲያደርግ ነው። ዞሮ ዞሮ አስከሬኑን ፓሊስ ነው ያነሳው " የሚል ምላሽ ሰጥተዋል።
ቲክቫህ ኢትዮጵያ ጉዳዩን በተመለከተ የአዲስ አበባ ከተማ ፖሊስን ለመጠየቅ ጥረት አድርጓል።
የኮሚሽን የሕዝብ ግንኙነት ዳይሬክተር ምክትል ኮማንደር ማርቆስ ታደሰ በሰጡት አጭር የፅሑፍ ምላሽ፤ " ይቅርታ መረጃው የለኝም " ሲሉ ለጊዜው አጭር ምላሽ ሰጥተዋል።
በቀጣይም የአዲስ አበባ ፖሊስን ስለ ጉዳዩ የምጠይቅ ይሆናል።
በተጨማሪም ቲክቫህ ኢትዮጵያ ፣ የቀድ ጥገና ሀኪሙን ግድያ በተመለከተ የደረሰው መረጃ እንዳለ ለኢትዮጵያ ጤና ባለሙያዎች ማኀበር ጥያቄ ያቀረበ ሲሆን፣ አንድ የማኀበሩ ባለስልጣን በሰጡት ቃል፣ " እኔም በማኀበራዊ ድረገፅ ነው የሰማሁት በጣም ያሳዝናል " ብለዋል።
አክለውም፣ " ሦስት ወር ባልሞላ ጊዜ ውስጥ ነው ተመሳሳይ ነገር የተፈጸመው። ዶክተር እስራኤል ጥላሁን በአሰቃቂ ሁኔታ ተገሏል። እየሆነ ያለዉ ነገር ልብ ይሰብራል። ሁኔታውን አጣርተን መግለጫ እናወጣለን። ለአሁኑ ግን በቂ መረጃ የለንም በጉዳዩ ዙርያ " ሲሉ አስረድተዋል።
የኢትዮጵያ ሕክምና ማኀበር በበኩሉ በዶክተር በሀይሉ ሀይሉ ሞት የተሰማውን ሀዘን በመግለጽ መግለጫ አውጥቷል።
ለዶክተሩ ቤተሰቦች፣ ወዳጆች፣ የስራ ባልደረቦች መፅናናትን ተመኝቷል።
#TikvahFamilyAddisAbaba
@tikvahethiopia
" ኑ ቸርነትን እናድርግ "
በኢትዮጵያ ኦርቶዶክስ ተዋሕዶ ቤተ ክርስቲያን የሰንበት ትምህርት ቤቶች ማደራጃ መምሪያ ማኅበረ ቅዱሳን " ኑ ቸርነትን እናድርግ " በሚል መሪ ቃል የገቢ ማሰባሰቢያ መርሐ ግብር መጋቢት 15 ቀን ከቀኑ 7:00 ላይ በሚሊኒየም አዳራሽ ማዘጋጀቱን ገልጿል።
ማህበሩ በአሁኑ ወቅት በኢትዮጵያ ከፍተኛ የሆነ የማኅበራዊ ቀውስና ድርቅ አሳሳቢ ደረጃ ላይ መሆኑን አመልክቷል።
ገቢ ማሰባሰቢያው በሀገሪቱ በተለያዩ አካባቢዎች ባጋጠመው ማኅበራዊ ቀውስና ድርቅ የተጎዱ ወገኖቻችንን፣ ገዳማትና አብነት ት/ቤቶችን ለመደገፍ የሚውል እንደሆነ ገልጿል።
የማኅበሩ ሰብሳቢ ቀሲስ ዶ/ር ሙሉጌታ ስዩም ፤ " በየጊዜው በሚከሰከቱ ችግሮች ዘላቂ መፍትሔ ለመስጠት አስቸጋሪ ቢሆንም ወገን ለወገኑ መርዳት ስላለበት ሌሎች አገልግሎቶችን ለጊዜው በመግታት ኅብረተሰቡን በማስተባበር ትኩረት ተደርጎ እንዲሠራ ተወስኗል " ብለዋል።
በተለይም ገዳማትና አብነት ትምህርት ቤቶች ላይ በስፋት ድጋፍና እርዳታ እንደሚደረግ በዚህ የጾም ወቅት ደግሞ ምጽዋት ማድረግ አግባብም እንደሆነ ተናግረዋል።
አያይዘውም ፤ ሁሉም የቤተ ክርስቲያኒቱ ልጆች በዚህ ወቅት ፤ በአንድ ልብ እና ሀሳብ በመሆን ለተቸገሩት መድረስ እንደሚገባ ፤ ብፁዓን አባቶች በማስተማር ፤ ማኅበራት ፣ ሰንበት ት/ቤቶች ፣ አጠቃላይ የቤተክርስቲያን ልጅ የሆነ ሁሉ በገንዘብ በዓይነት ሊበላሹ የማይችሉ የታሸጉ ምግቦችን ጨምሮ ድጋፍ እንዲያደርጉ በማኅበሩ ስም ጥሪ አቅርበዋል።
በዕለቱ፦
- ብፁዓን አባቶች ቡራኬና ቃለ ምዕዳን ይሰጣሉ ፤
- በሊቃውንተ ቤተክርስቲያን መምህራን ትምህርተ ወንጌል ፤
- የመዝሙር አገልግሎት፤
- ዶክመንተሪ ቪዲዮ የሚቀርብ ሲሆን በአዲስ አበባ ዙሪያ የሚገኙ የገዳማትና አድባራት አባቶችን ጨምሮ የሚደረግ መርሐ ግብር ይሆናል ተብሏል።
ቲክቫህ ኢትዮጵያ ከማህበሩ ባገኘው መረጃ ፤ የመግቢያ ትኬት መቶ ብር እየተሸጠ ሲሆን በዕለቱ እዛው በር ላይም ይሸጣል።
አሁን በተዘጋጀው የማኅበራዊ ድጋፍ ማሰባሰቢያ መርሐ ግብር ላይ መሳተፍ ለማይችሉ በተለያዩ በሚዘጋጁ የድጋፍ ማድረጊያዎች ላይ እንዲሳተፉ ጥሪ ቀርቧል።
የመርሐ ግብሩን የመግቢያ ትኬት :-
1. በማኅበረ ቅዱሳን ሕንጻ 4ኛ ወለል (ቤተ አብርሃም)
2. በወረዳ ማዕከላት ጽ/ቤቶች
3. በማኅበረ ቅዱሳን ንዋያተ ቅድሳት መሸጫ ሱቆች
4. በማኅበረ ቅዱሳን ሕንጻ የዕለት ገንዘብ መሰብሰቢያዎች
5. በአሐዱ ባንክ ሁሉም ቅርንጫፎች
6. በሰ/ት/ቤት ጽ/ቤቶች ይገኛል ተብሏል።
ተጨማሪ መረጃ ለሚፈልጉ በ09 44 71 82 82 እና 09 42 40 76 60 መደወል ይችላሉ።
@tikvahethiopia
" እስከ ሳምንቱ መጨረሻ ገንዘቡን ካልመለሱ ማንነታቸውን ለፖሊስ እናሳውቃለን - ንግድ ባንክ
የኢትዮጵያ ባንክ ፕሬዝዳንት አቤ ሳኖ ከ " ቢቢሲ ኒውስ ዴይ " ጋር በነበራቸው ቆይታ ባንኩ የሲስተም ብልሽት ባጋጠመው ወቅት የራሳቸው ያልሆነን ገንዘብ የወሰዱ ደንበኞች እስከ ሳምንቱ መጨረሻ ድረስ ገንዘቡን ካልመለሱ ማንነታቸውን ለፖሊስ እንደሚያሳውቁ ተናግረዋል።
" በዲጂታል ነው ዝውውር የፈጸሙት። ደንበኞቻችን ስለሆኑ እናውቃቸዋለን። " ያሉት የባንኩ ፕሬዜዳንት ፤ " የፈጸሙት ተግባር በሕግ ያስጠይቃቸዋል። ለፖሊስ ማንነታቸውን እናሳውቃለን " ብለዋል።
" አሶሼትድ ፕሬስ " ባንኩ አርብ መጋቢት 6 ለሊት የሲስተም ችግር በገጠመው ወቅት የተወሰደበት ገንዘብ 2.4 ቢሊዮን ብር (40 ሚሊዮን ዶላር) መሆኑን ዘግቧል።
ይህ ወጥቷል የተባለው ገንዘብ ትክክለኛ ነው ወይ ? ተብለው የተጠየቁት የባንኩ ፕሬዝዳንት ፤ " የኦዲት ምርመራው ባለመጠናቀቁ የተወሰደውን ገንዘብ መጠን አሁን ላይ አይታወቀም " ብለዋል።
" ገና ኦዲት እየተደረገ ነው። ዝውውሩ ውስብስብ ነው። ጤናማ የሆነ ዝውውር የፈጸሙ እንዳሉ ሁሉ፤ የሌላቸውን ገንዘብ ያወጡም አሉ። ስለዚህ ማጣራት ይጠይቃል። ይህ ደግሞ ጊዜ ይፈልጋል። ምናልባት በዚህ ሳምንት መጨረሻ እንጭርሳለን ብለን እንጠብቃለን "ብለዋል።
አቶ አቤ ፤ 10 ሺህ የሚሆኑ #ግለሰቦች የገንዘብ ዝውውር ማድረጋቸውን ተናግረዋል።
ሰኞ ለጋዜጠኞች በሰጡት መግለጫ አርብ ሌሊት ከ490 ሺህ በላይ " ጤናማ እና ጤናማ ያልሆኑ " የገንዘብ ዝውውሮች መከናወናቸውን መናገራቸው ቢቢሲ በዘገባው አስታውሷል።
@tikvahethiopia
" በቴክኒካል ብልሽት የዲጅታል አገልግሎት ተቋርጧል " - CRRSA
የአዲስ አበባ ከተማ የሲቪል ምዝገባና የነዋሪነት አገልግሎት ኤጀንሲ ፤ በዋና የከተማው መረጃ ማዕከል ላይ የቴክኒካል ብልሽት እንዳጋጠመው አሳውቋል።
በዚህም ምክንያት የዲጂታል አገልግሎቱ ከትላንት ጀምሮ እንደተቋረጠ ገልጿል።
ከከተማው የኢኖቬሽን እና ቴክኖሎጂ ልማት ቢሮ እንዲሁም ከኢትዮ ቴሌኮም ጋር በጋራ ጥገና በማድረግ ለመፍታት ጥረት እያደረገ እንደሆነም አስረድቶ ነዋሪዎች በትዕግስት እንዲጠባበቁ ጠይቋል።
@tikvahethiopia
እንደልብ ለ 7 ቀናት !
በ350ብር ብቻ ያልተገደበ ሳምንታዊ የኢንተርኔት ጥቅል የM-PESA Appን በመጠቀም አሁኑኑ እንግዛ!
🔗የM-PESA ሳፋሪኮም መተግበሪያ በዚህ ሊንክ እናዉርድ: https://bit.ly/M-PESA_SafaricomEthiopia
ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን /channel/Safaricom_Ethiopia_PLC 24/7 ማግኘት ይቻላል!
#MPESASafaricom
#SafaricomEthiopia
#FurtherAheadTogether
#ለጥንቃቄ⚠️
እንዲህ ካሉ አጭበርባሪዎች ተጠንቀቁ።
ከላይ የምትሰሙት የድምፅ ቅጂ ከአንድ የቲክቫህ ኢትዮጵያ ቤተሰብ አባል የተላከ ነው።
አጭበርባሪው ደዋይ ግለሰብ ከኢትዮጵያ ንግድ ባንክ #ዋናው_ቢሮ እንደደወለ በማስመሰል በኦንላይን ዘረፋ ለመፈፀም ሞክሯል።
የደወለው #የባንክ_ሰራተኛ ጋር መሆኑን አላወቀም ነበር።
ሰራተኛው ግለሰቡ የሚለፈልፈውን ሁሉ እስከ መጨረሻ ድረስ አዳመጠው።
በኃላም የአንድ የባንኩን ቅርንጫፍ ዋና ስራ አስኪያጅ ስምን ይጠይቀዋል።
በዚህ ግዜ ከዋናው መ/ቤት ነኝ ያለው አጭበርባሪ ምን ይዋጠው ? መቀባጠር ይጀምራል።
በመጨረሻ ውርደቱን ተከናንቦ ስልኩን ዘግቷል።
እንዲህ ያሉ የማጭበርበር ስልቶች አንድ ሰሞን እንደጉድ ተበራክተው ነበር። አሁን ደግሞ ሰሞነኛውን የንግድ ባንክን ሁኔታ ተከትሎ እንደ አዲስ ተስፋፍተዋል።
ውድ ቤተሰቦቻችን ፦
* የማታውቋቸው የግል ስልኮችን ባለማንሳት ፣
* #የሚስጥር_ቁጥሮችን ባለመስጠት እራሳችሁን ከአጭበርባሪዎች ጠብቁ። የሚመለከታቸው አካላትም ይህን ነገር እንደ ቀላል ከማየት የማጭበርበር ስራ ላይ የተሰማሩ ሰዎች #በደወሉበት_ስልክ ክትትል በማድረግ ወደ ህግ ማቀረብ አለባቸው።
(የድምፅ ቅጂውን ለላከው የቤተሰባችን አባል ምስጋና እናቀርባለን)
@tikvahethiopia
#ScamAlert
በርካታ ሰዎች አሁንም በኦንላንይን #አጭበርባሪዎች ገንዘባቸውን የተጭበረበሩ ይገኛሉ።
ዛሬ እንዲሁም ትላንትና " #ተዘረፍን " ሲሉ መልዕክት የላኩ የቲክቫህ ኢትዮጵያ ቤተሰብ አባላት በዋስትስአፕ እና በቴሌግራም ያነገሯቸው ሰዎች ፤ " ቀለል ያለ ስራ ስሩና ትርፋማ ሁኑ " በማለት ከ150,000 ብር በላይ እንዲልኩላቸው ካደረጉ በኃላ ሰዎቹ የውሃ ሽታ ሆነዋል።
" በእኛ የደረሰ በናተ እንዳይደርስ ለማንም የማታውቁት ሰው መልዕክት አትመልሱ ፤ እንዲሁ ቁጭ ተብሎ ምንም ሳይደክሙ ብቻ ትርፋማ መሆን አይቻልምና ገንዘባችሁ እንዳትበሉ " ብለዋል።
በድጋሚ ማኛውም የማታውቁት ሰው በቴሌግራም ፣ ዋትስአፕ፣ ፌስቡክ፣ ኢንስታግራም ላይ " ትርፋማ ስራ እናሰራችሁ " ወይም ሌላም መልዕክት ሲልክላችሁ አትመልሱ።
ሌላው የተለያዩ ኤሌክትሮኒክስ እና ሌሎች የመገልገያ እቃዎችን " #በርካሽ እንሸጥላችኃለን ቅድሚያ የሂሳቡን ግማሽ ላኩ " ለሚሏችሁም ሰዎች መልስ አትስጧቸው / እቃውን ይላኩና ገንዘቡን ላኩላቸው።
አንድ የቤተሰባችን አባል " አዲሱን አይፎን 15 ስልክ ከአሜሪካ በርካሽ እንልክልሃለን ቅድሚያ ግን ግማሹን አስገባ " በማለት 50 ሺህ ብር ካስላኩት በኃላ አድራሻቸውን አጠፋፍተዋል።
ከዚህም ባለፈ ደግሞ ወደ ውጭ ሀገራት ለትምህርት ለስራ እንላካችሁ የሚሉም በዝተዋልና አድራሻሸውን ፣ ህጋዊናታቸውን አጣሩ። በቅድሚያ ምንም አይነት ክፍያ እንዳትከፍላቸው። " ቅድመ ክፍያ የለውም " ካሉም በኃላ በተለያየ መንገድ ጉዳይ መጨረሻ በሚል የሚበዘብዙ አሉና ተጠንቀቁ።
@tikvahethiopia
#Update
የኢትዮጵያ ንግድ ባንክ ከባንኩ ገንዘብ ያለአግባብ የወሰዱ ግለሰቦች በዲጂታል የክፍያ አማራጭ መመመለስ ይችላሉ አለ።
ባንኩ ፤ የራሳቸው ያልሆነን ገንዘብ የወሰዱ እና ያዘዋወሩ ሰዎች እስክ ቅዳሜ መጋቢት 14 ቀን 2016 ዓ ም ድረስ በአቅራቢያቸው በሚገኝ የባንኩ ቅርንጫፍ በመገኘት እንዲመልሱ ጥሪ ማቅረቡ ይታወሳል።
ዛሬ ምሽት ባወጣው መልዕክት ደግሞ ፤ " ያለ አግባብ ገንዘብ የወሰዱ ግለሰቦች ከቅርንጫፎች በተጨማሪ የዲጂታል የክፍያ አማራጮችን በመጠቀም በቀጥታ ቀድሞ ገንዘቡ አለአግባብ ወጪ ወደተደረገበት በባንካችን የሚገኝ የባንክ ሂሳብ ማስተላለፍ (#transfer) እና ገቢ ማድረግ ይችላሉ " ብሏል።
የኢትዮጵያ ንግድ ባንክ ገንዘቡን እስከ ቅዳሜ መጋቢት 14 የማይመልሱ ግለሰቦችን ደረጃ በደረጃ በህግ አግባብ እንደሚጠይቅ ስማቸውንና ፎቶግራፋቸውንም በሚዲያ እንደሚያሰራጭ አስጠንቅቋል።
አርብ መጋቢት 6 ለሊት ከባንኩ ሲወጣ ያደረው ገንዘብ ምን ያህል እንደሆነ በግልጽ ባይታወቅም ባንኩ በተደጋጋሚ የራሳቸው ያልሆነ ገንዘብ ያወጡ ሰዎች ገንዘቡን እንዲመልሱ እያሳሰበ ይገኛል።
@tikvahethiopia
የኢትዮጵያ ባንኮች ማኅበር ምን አለ ?
የኢትዮጵያ ባንኮች ማኅበር መጋቢት 6 በኢትዮጵያ ንግድ ባንክ ላይ ተፈጥሮ የነበረውን የሲስተም ችግር ተገን በማድረግ #ተመዝብሯል ያለውን " የህዝብ ገንዘብ " አስመልክቶ መግለጫ አወጣ።
ማኅበሩ ለቲክቫህ ኢትዮጵያ በላከው መግለጫ ፤ በኢትዮጵያ ንግድ ባንክ የቴክኖሎጂ ሥርዓት ላይ ችግር በተፈጠረበት ቅፅበት የነበረውን ክፍተት እንዴት እንዳገኙ ለጊዜው ባልተረጋገጠ ሁኔታ መረጃ የደረሳቸው የከፍተኛ ትምህርት ተቋማት ተማሪዎች ሌሊቱን በሙሉ በመደዋወል ከአውቶማቲክ ገንዘብ መክፈያ ማሽኖች (ATM) ገንዘብ በመውሰድና ልዩ ልዩ ገንዘብ መክፈያና ማስተላለፊያ ማዕቀፎችን በመጠቀም የራሳቸው ያልሆነውንና በሂሳባቸው ውስጥ ያልነበረን ገንዘብ " ዘርፈዋል " ብሏል።
ከዚህ ባለፈ ደግሞ ፤ " የተፈጸመውን #ምዝበራ እንደ በጎ ተግባር ሁሉ በሁሉም የማኅበራዊ መገናኛ አውታሮች በጀብድ መልክ ሲዘዋወር መመልከታችን ከፍተኛ ኃዘን አሳድሮብናል " ሲል ገልጿል።
የባንኮች ማህበሩ ፤ " ከማኅበረሰቡ በተሰበሰበ አንጡራ ገንዘብ በመንግሥት ከፍተኛ ወጪ ትምህርታቸውን እንዲከታተሉ ወደ ከፍተኛ ተቋማት /ዩኒቨርስቲ/ የተላኩ አፍላ #ወጣቶች ኢትዮጵያዊ ከሆነው ነባር ዕምነት እና ባህል ባፈነገጠ ሥነምግባር ላይ ወድቀው መገኘታቸው ልብ የሚሰብርና አገራችን ካለባት ጊዜያዊ ችግሮች በላይ የሚያሳስብ አሳዛኝ ድርጊት ሁኖ አግኝተነዋል " ብሏል።
ድርጊቱንና የድርጊቱን ፈጻሚ እና ተባባሪ የሆኑትን አካላት ሁሉ ማኅበሩ በጽኑ #እንደሚያወግዝው ገልጾ ፤ እነዚህን መሠል ወጣቶች በተመሳሳይ ውድቀት ውስጥ እንዳይገኙ ለመከላከል ሁሉም አካላት የሚጠበቅባቸውን ሁሉ ትኩረት ሰጥተው እንዲፈጽሙ ጥሪ አቅርቧል።
በንግድ ባንክ ላይ የተፈጠረው ችግር እና ችግሩን ተገን አድርገው በባንኩ፣ በባንኩ ደንበኞችና በኅብረተሰቡ ላይ ጉዳት ባደረሱ አካላት ላይ እየተደረገ ባለው ሕጋዊ ማጣራት እና በቀጣይነት ወደ ህግ በማቅረብ በቂ ተመጣጣኝና አስተማሪ የሆነ እርምጃ እንዲወሰድ በማድረግ ረገድ ፤ ሁሉም አባል ባንኮች አስፈላጊውን ሁሉ ድጋፍ እንደሚያደርጉ የኢትዮጵያ ባንኮች ማኅበር ጠቁሟል።
ሁሉ አቀፍ ትብብር ለህግና ጉዳዩ ለሚመለከታው ተባባሪ አካላት ለመስጥትም ዝግጁ መሆናቸውን አሳውቀዋል።
#TikvahFamilyAddisAbaba
@tikvahethiopia
" ... ደመወዛችን እየዘገየ መከፈሉን ተከትሎ መስራትም መኖርም አልቻልንም " - የደቡብ ሬዲዮና ቴሌቭዥን ሰራተኞች
የቀድሞዉ ደቡብ ክልል መበተኑን ተከትሎ በአራቱ ክልልሎች ማለትም፦
- በሲዳማ
- በደቡብ ምዕራብ ኢትዮጵያ
- በደቡብና
- በማዕከላዊ ኢትዮጵያ ክልል በጀት እንዲተዳደር ፤ በክልሎች ፈቃደኝነት እና በመንግስት አቅጣጫ ተቀምጦለት ሁሉንም ክልሎች እንዲያገለግል ተወስኖ ስራዉን የቀጠለዉ የደቡብ ሬዲዮና ቴሌቪዥን ድርጅት የሰራተኞቹን ደሞዝ በሰአቱ መክፈል እየቻለ እንዳልሆነ ቲክቫህ ኢትዮጵያ መረጃ ማጋራቱ ይታወሳል።
በዚህ ወርም እንዳለፈዉ ወር የሰራተኛዉ ደሞዝ ዘግይቶ ከ12 ቀናት በኃላ ነው የተከፈለው።
የሰራተኞች ደመወዝ ዛሬ ከሰዓት ነው ያገባው።
ደመወዝ እየዘገየ በመከፈሉ የድርጅቱ ሰራተኞች አደጋ ላይ መውደቃቸዉንና ህይወታቸዉ እየተመሰቃቀለ መሆኑን በመግለጽ ቅሬታቸዉን ለቲክቫህ ኢትዮጵያ ገልጸዋል።
" አሁን ላይ ድርጅቱ የሰራተኛዉን ደሞዝ እያዘገየ ከመክፈሉ በተጨማሪ የስርጭት መቆራረጥና የሎጅስቲክስ ችግሮች እየተመለከትን ነው ፤ " የሚሉት የድርጅቱ ሰራተኞች " አመራሩ ስለችግሩ ሊያወያየን ይገባ ነበር " ብለዋል።
ቲክቫህ ኢትዮጵያ በጉዳዩ ላይ ባደረገዉ ማጣራት የተከሰተዉ የደሞዝ መቋረጥ ፣ የስራ ማስኬጃ ጉድለትና የስርጭት መቆራረጥ ያመጣው የገንዘብ ችግር ምክንያቱ ክልሎች የፈቀዱትን በጀት በተለያዩ አስተዳደራዊ ችግሮች ምክንያት መልቀቅ ባለመቻላቸዉ ነው።
ችግሩን ለመቅረፍ ድርጅቱ ከክልል አመራሮች ጋር ንግግር እያደረገ " ተስፋ የሚጣልበት መግባባት " ላይ መድረሱ ታውቋል።
ይሁንና ከሌሎች ክልሎች ጋር መግባባት ላይ ተደርሶ የተፈቀደዉ በጀት በአግባቡ እንደሚለቀቅ ቢገለጽም በሲዳማ በኩል አሁንም ምላሽ አልተገኘም።
የሲዳማ ክልል የድርጅቱ መቀመጫ እና መስራች ሆኖ ሳለ ስለምን ዝምታን መረጠ ? በማለት ለክልሉ የብልጽግና ፓርቲ ተጠሪ አቶ አብርሀም ማርሻሎም ሆነ የክልሉ ፋይናንስ ቢሮ ሀላፊ የሆኑትን ዶክተር አራርሶን ገረመዉን ለማናገር የተደረገዉ ጥረት ሊሳካ አልቻለም።
#TikvahFamilyHawassa
@tikvahethiopia
እንኳን ደስ አላችሁ!
ግሎባል ባንክ ኢትዮጵያ “መልዕክቱን ያጋሩ፣ ከ1ሺህ ብር ጀምሮ ተሸላሚ ይሁኑ!” /channel/global_bank_referral_bot?start=476862805 በሚል መሪ ቃል በቴሌግራም ቻናላችን ባካሄድነው የይጋብዙ ይሸለሙ መርሃ- ግብር ላይ ከ17 በላይ የቻናላችን ተከታዮች ባስቀመጥነው ሕግጋቶች መሠረት አሸናፊ ሆነዋል፡፡
የመጀመሪያውን ዙር ተሸላሚ ተከታዮቻችንን እያመሰገንን በቀጣይም በሁለተኛ ዙር ላይ ንቁ ተሳታፊ በመሆን ከ1ሺ ብር ጀምሮ ልዩ ልዩ ሽልማቶችን ይቀበሉ፡፡
እናመሰግናለን!
#GlobalBankEthiopia #OurSharedSuccess #BankInEthiopia #GBE #winnerslist
#Update
" ቅዳሜ የመጨረሻው ገንዘቡን የመመለሻ ቀን ነው " - ንግድ ባንክ
የኢትዮጵያ ንግድ ባንክ የራሳቸው ያልሆነን ገንዘብ የወሰዱ ወይም ወደተለያየ ሂሳቦች ያስተላለፉ ግለሰቦች እስከ መጪው ቅዳሜ መጋቢት 14 ድረስ በፈቃዳቸው እንዲመልሱ አሳስቧል።
ይህ የመጨረሻ ማስጠንቀቂያ ነውም ብሏል።
በተቀመጠው የጊዜ ገደብ ውስጥ ተጠቅመው አላግባብ የወሰዱትን ገንዘብ ተመላሽ የማያደርጉ ግለሰቦች ላይ ደረጃ በደረጃና ጠንከር ያሉ እርምጃዎች ለመውሰድ ዝግጅት መደረጉን ገልጿል።
1ኛ. ከሕግ አካላት ጋር በመተባበር የግለሰቦችን ሥም ዝርዝር በየቅርንጫፎች እና እንደሁኔታው ግለሰቦቹ ሊታወቁ በሚችሉበት ኣካባቢ ይፋ በማድረግ ቀጣይ ሕጋዊ እርምጃዎችን እንዲቀጥሉ፤
2ኛ. ከዚህ በላይ በተጠቀሰው እርምጃ መሰረት ኣሁንም ቀርበው የማይመልሱ ከሆነ በሕጋዊ ሂደቱ ተገቢው ውሳኔ እስኪሰጥ ድረስ በድርጊቱ የተጠረጠሩትን ግለሰቦች #ፎቶግራፋቸውን እና ዝርዝር ማንነታቸውን የሚገልፁ መረጃዎች ባንኩ በመረጠው የብዙሀን መገናኛ መንገድ ለሕዝብ ይፋ እንደሚያደርግ፤
3ኛ. ከፍትህ አካላት እና ጉዳዩ ከሚመለከታቸው ተቋማት ጋር በመተባበር ተገቢውን የወንጀል፣ የፍትሐ ብሔርና አስተዳደራዊ እርምጃዎች እንዲወሰዱ እንደሚያደግ አሳውቋል።
" አሶሼትድ ፕሬስ " ባንኩ አርብ መጋቢት 6 ለሊት የሲስተም ችግር በገጠመው ወቅት የተወሰደበት ገንዘብ 2.4 ቢሊዮን ብር (40 ሚሊዮን ዶላር) መሆኑን ዘግቧል።
የባንኩ ፕሬዝዳንት አቶ አቤ ሳኖ ግን ፤ " የኦዲት ምርመራው ባለመጠናቀቁ የተወሰደውን ገንዘብ መጠን አሁን ላይ አይታወቀም " ብለዋል።
አጠቃላይ ኦዲት ተደርጎ ስላላቀም እስካሁን ምን ያህል እንደተመለሰ የሚታወቅ ነገር የለም።
@tikvahethiopia
#MerttEka
ከላይ👆የምትመለከቷቸው የቤት ዕቃዎች ለእርስዎ ኑሮዎን ለማቅለል የሚያስፈልጉ ስለሆኑ በሱቃችን በተመጣጣኝ ዋጋ እየተሸጡ ነው።
የሌሎች በርካታ ዘመናዊ የቤት ዕቃዎቻችንን ዋጋ/መረጃ በቴሌግራም ለማየት ከፈለጉ ይሄን👉 t.me/MerttEka 👈 ተጭነው ይመልከቱ። ቤተሰብም ይሁኑ🙏
አድራሻችን፦ አዲስ አበባ፣ መገናኛ ዘፍመሽ ግራንድ ሞል 3ተኛ ፎቅ ከሊፍት ሲወርዱ ወደ ቀኝ ታጥፈው ቀጥታ ሱቅ ቁጥር 376
#AmharaRegion
° " ህዝቡ በታጠቁ ቡድኖች ነው ለጥቃት የተዳረገው በገዛ ከተማው ነው መአት ያወረደበት ... ጥቃት ፈፃሚዎቹ ከአጎራባች ' ሸኔ ' ናቸው " - የአጣዬ ከተማ ከንቲባ
° " #ሀሰት_ነው የኦሮሞ አርሶ አደሮች እንጂ የኦሮሞ ነፃነት ሰራዊት አባላት አይደሉም " " - አባገዳ አህመድ ማህመድ
በአማራ ክልል ፤ የሰሜን ሸዋን እና የኦሮሞ ብሔረሰብ አስተዳደርን በሚያጎራብቱ አካባቢዎች ላይ ግጭት ከጀመረ ከሳምንት በላይ ሆኖታል።
በተደጋጋሚ ፦
- የሰዎች ደም በሚፈስበት፣
- ንብረት በሚወድምበት ፣
- ሰዎች ቄያቸውን ለቀው በሚፈናቀሉበት በዚህ ቀጠና ባለፈው የካቲት ወር ውስጥም በርካቶች መገደላቸው ይታወሳል።
አሁን ደግሞ #ከ8_ቀናት በፊት የተቀሰቀሰው ግጭት እጅግ መባባሱን ነዋሪዎች ተናግረዋል። በመነሻው ላይ በሁለቱም በኩል እርስ በእርስ መወነጃጀል ያለ ሲሆን በኤፍራታ ግድምና ቀወት ውስጥ ግጭቱ ከፍቶ መዋሉ ነው የተሰማው።
በሁለቱም በኩል ያሉት ነዋሪዎች ፣ የአጣዬ ከንቲባ ፣ የአካባቢው አባገዳ ምን አሉ ?
በኤፍራታ ግድም ወረዳ የአላላ ከተማ ነዋሪ ፤ ጦርነት ከተጀመረ 8 ቀን መያዙን ፣ ብዙ ቤቶች መቃጠላቸውን ገልጸዋል።
ነዋሪው " የአርሶ አደሮች ዱቄት ሳይቀር ፣ በግ ፣ ፍየል ፣ ግመል ፣ አህያ፣ ከብት በሙሉ ሙልጭ አድርገው ወስደውብናል። ኃላሸት የሚባል ሰውም ገድለውብናል እኛው ክልል ላይ ገብተው " ሲሉ ተናግረዋል።
ይህን ካደረጉ በኃላ ህዝቡ ተሬ እና ዘንቦ ወደሚባለው አካባቢ በለበሰው ልብስ ሸሽቶ ተጠልሎ እንደሚገኝ ገልጸዋል። " በተከታታይ 18 ሰዎችን ገድለውብናል "ም ብለዋል።
በኦሮሞ ብሔረሰብ አስተዳደር የሰንበቴ ነዋሪ ፤ " እስከ ጅሌ ጥሙጋ ባርሲሳ ፣ ካራ ሌንጫ ፣ መከና ወይም አጣዬ ከተማ ዙሪያ ባሉ ቀበሌዎች ከትላንትና ጀምሮ ተኩስ ነበር። ትላንት አንዲት ሴት እንዲሁም ግመልና ከብቶችም ተመተው ነበር ግጭቱ የቀጠለው በዚህ ነው፤ አንድ ሰው ሲሞት ሁለት ሰው ቆስለዋል፤ አንዱ ወደ አዳማ ተልኳል። ዛሬ ደግሞ 4 ሰው ሲሞት 3 ሰው ቆስሏል " ብለዋል።
ዋነኛው እቅዳቸው የጅሌ ጥሙጋ ከተማ #ሰንበቴን " እንይዛለን ፣ እናጠፋለን " የሚል ነው ሲሉ ገልጸዋል።
አንድ የአጣዬ ነዋሪ ደግሞ ፤ ሰሞኑን ግጭት ተባብሶ ዛሬ አጣዬን በተኩስ ልውውጥ ሲያናውጥ መዋሉን ፣ 5 ሰው መገደሉም. ጥቃት ፈፃሚዎቹ የታጠቁ አካላት " ሸኔ " ናቸው ብለዋል።
ሌላው የኦሮሞ ብሄረሰብ አስተዳደር ፣ የሰንበቴ ነዋሪ " ግጭቱ የጀመረው #መጋቢት_አንድ ላይ ነው። ይህም በጅሌጥሙጋ ኮላሽ የሚባል ስፍራ 1 ሰው ገድለው 2 ሰው አቁስለው ከብቶችንም ነድተው ከሄዱ በኃላ ነው ግጭቱን የተስፋፋው " ሲሉ ተናግረዋል።
" ከባልች ቀበሌ እስከ ሰንበቴ እና መከና አጣዬ ድረስ ጦርነት ነው። የዛሬውን ለየት ያደረገው ታጣቂዎቹ #ከሰሜን_ሸዋ ተሰባስበው ፤ እራሳቸውን አደራጀትው ሌሊቱን በተሽከርካሪዎች ተጉዘው መጥተው ውጊያ መክፈታቸው ነው " ሲሉ አክለዋል።
ባለፉት 10 ቀናት 29 ሰዎች መገደላቸውን ተናግረው የተወሰዱት ከብቶችና የወደመው ንብረትም ከፍተኛ መሆኑን ጠቁመዋል።
ይህ አስተያየት #አልቀበልም ያሉት የአላላ ነዋሪው ፤ " አማራው ሲያጠፋ በአማራው አጥፊውን መዞ ለህግ ማቅረብ፤ ከኦሮሞውም ሲያጠፋ አጥፊውን መዞ ለህግ ማቅረብ ሰላም የሚያሰፍነው ይሄ ብቻ ነው " ሲሉ ገልጸዋል።
" በህግ እና በሽምግልና ነገሩ መክሰም አለበት እነሱ የሚሉት ከጨፋ ጀምሮ እስከ ሸዋሮቢት ድረስ የኦሮሞ ቦታ ነው። አጣዬም #የኛ_ነች ፤ አላላም ፣ ሞላሌም ፣ ማጀቴም ... ሁሉም የኛ ነው የሚሉት። መንግስት ትኩረት ሰጥቶ ችግሩን ሊፈታው ይገባል " ብለዋል።
የኦሮሞ ብሔረሰብ አስተዳደር ዞን #አባገዳ አህመድ ማህመድ " መንገድ የለም። ከጅሌ ጥሙጋ እና አርጡማ ፋርሲ ወረዳዎች እንዲሁም ከዞን መገናኘት አልቻልንም " ብለዋል።
" በዚህ ምክንያት የሃይማኖት አባቶች እና አባ ገዳዎች ተሰባስበው መፍትሄው ምንድነው ? ለማለት መንገዱ ተከፍቶ ለህዝቡ ምግብ ለማድረስ ፣ የቆሰሉትንም ወደ ህክምና ቦታ ለመውሰድ ጥረት ላይ ነን። መንገድ ከተዘጋ 1 ወር ሊሆነው ነው። እኛም ሆነ መንግሥታዊ አመራሩ ሄደን ማየት አልቻልንም። የአማራ ክልልም #ታጣቂዎቹን_ስለሚፈሯቸው ቀርበው ለማነጋገር አልተቻለም። እኛ ጋር ያሉትን #ወሰናችሁን አልፋችሁ አትሂዱ እያልን እየመከርናቸው ነው ። " ገልጸዋል።
ነዋሪዎችና የአካባቢው አስተዳደሮች ጥቃቱን የከፈቱት " ሸኔ (የኦሮሞ ነፃነት ሰራዊት) " ናቸው ቢሉም አባገዳ አህመድ " ሀሰት ነው " ብለዋል።
" ሀሰት ነው የኦሮሞ አርሶ አደሮች እንጂ የኦሮሞ ነፃነት ሰራዊት አባላት አይደሉም። የኦሮሞ ነፃነት ሰራዊት እዚህ አልገባም። እየተዋጋ ያለው እራሱ ነዋሪው ነው " ብለዋል።
የአጣዬ ከተማ ከንቲባው ተመስገን ተስፋ ፤ ከተማዋና ህዝቡ በታጠቁ ቡድኖች ነው ለጥቃት የተዳረጉት ብለዋል።
አጣዬ ላይ ' #ወረራ ' መፈፀሙን ገልጸው " ሰውም አልቋል፤ ሚሊሻውም የሚችለውን ያህል ሞከረ አለቀ " ብለዋል።
ይህን የሚፈፅሙት ከአጎራባች " #ሸኔ በሏቸው " ሲሉ የጠሯቸውን የታጠቁ ኃይሎች መሆናቸውን ገልጸዋል።
" ዋናው መፍትሄ መንግሥት ጠንከር ብሎ #እርምጃ መውሰድ ያለበት ላይ እርምጃ መውሰድ ፤ ይሄ ነበረ መፍትሄው አሁን ባለው መንገድ ፣ #በእሹሩሩ ሰውም አለቀ " ብለዋል።
#የአጣዬ_ህዝብ የገዛ ከተማው ላይ እንዳለ መአት እንደወረደበት የገለጹት ከንቲባው " እጅግ በጣም አስቸጋሪ ነው፤ መንግስት ቢደርስልን ጥሩ ነው " ሲሉ ተናግረዋል።
ከኦሮሞ ብሄረሰብ አስተዳደር በኩል ለጥፋቱ ለችገሩ " የፋኖ ታጣቂዎችን " ተጠያቂ ሲያደርጉ ከሰሜን ሸዋ ዞን በኩል ደግሞ " ሸኔን (የኦሮሞ ነፃነት ሰራዊት) " ተጠያቂ ያደርጋሉ።
NB. ባለፉት አምስት ዓመታት አጣዬ ከ10 ጊዜ በላይ የመቃጠል አደጋ አስተናግዳለች።
እስካሁን የአማራ ክልል መንግሥት ስለ ጉዳዩ ያለው ነገር የለም።
ቲክቫህ ኢትዮጵያ ይህ መረጃ #ባለቤትነቱ የቪ.ኦ.ኤ. ራድዮ (ጋዜጠኛ መስፍን አራጌ) መሆኑን ይገልጻል።
@tikvahethiopia
“ሹፌሩን፣ ጋቢና የነበሩ 2 ሰዎችን ጭንቅላታቸውን በሰደፍ መቷቸው። በገመድ አስረው፣ አፋቸውን በፕላስተር አስይዘው መኪናውን ይዘው ሄዱ ” - የተሽከርካሪው ባለቤት
“ እንዲህ አይነት ወንጀሎች ከዕለት ዕለት እየጨመሩ ነው ” - የከባድ መኪና አሽከርካሪዎች ማኀበር
#ከአዲስ_አበባ ተነስቶ ወደ #ወላይታ_ሶዶ 70 ኩንታል ዱቄት ጭኖ ሲጓዝ የነበረ ተሽከርካሪ በሻሸመኔ እና ሀዋሳ መካከል ከቶጋ ካምፕ አለፍ ብሎ ቢሻን ጉራቻ (ጥቁር ውሃ) መግቢያ ላይ በሚገኝ ቦታ ማክሰኞ መጋቢት 3 ቀን 2016 ዓ/ም ከምሽቱ 3 ሰዓት ገደማ ላይ በታጠቁ ኃይሎች እንደተወሰደና እንዳልተመለሰላቸው የተሽከርካሪው ባለቤት፣ ሌላ እማኝና የከባድ መኪና አሽከርካሪዎች ማኀበር ለቲክቫህ ኢትዮጵያ ገልጸዋል።
የተሽከርካሪው ባለቤት በሰጡት ቃል፣ “ ሹፌሩን፣ ጋቢና የነበሩ 2 ሰዎችን ጭንቅላታቸውን በሰደፍ መቷቸው። በገመድ አስረው፣ አፋቸውን በፕላስተር አስይዘው መኪናውን ይዘው ሄዱ ” ሲሉ ገልጸዋል።
እንዲህ ያደረጉ አካላት ማን እንደሆኑ ሲያስረዱ ፣ “ ደብል ጋቢና በሆነ መኪና (አሮጌ ነገር ነው) እርሱ ላይ ሰዎች ነበሩ፣ 3 ክላሽ 1 ሽጉጥ የያዙ። ‘ኬላ ጥሳችሁ ነው የመጣችሁት አሉ’። ኬላ አልጣስንም ያው ደረሰኙ ቢላቸውም ‘አይ ውረድ ውረድ’ ብለው ሹፌሩን በሰደፍ መቱት ጭንቅላቱ ላይ፣ ጋቢና ላይ የነበሩ ሁለት ሰዎችንም አስወረዱ እነርሱንም ጭንቅላታቸውን በሰደፍ መቷቸው ” ነው ያሉት።
በገመድ አስረው ፣ አፋቸውንም በፕላስተር አስይዘው እንደነበር በኃላም አላሙዲን እርሻ ፊት ለፊት ባለው አቅጣጫ መኪናውን ይዘው እንደሄዱ ተናግረዋል።
የተሽከርካሪው ባለቤት ፤ በሰደፍ ተመቱ የተባሉት ሰዎች ቢለቀቁም ቁስሉ እንዳልተሻላቸው ገልጸዋል።
“ ዱቄቱ 70 ኩንታል ነው። 210 ሺሕ ብር ይገመታል። መኪናው አዲስ ነው 2022 ሞዴል ቢ 24 ነው። መኪናውን ይመልሱልኝ ” ሲሉ የመኪናው ባለቤት ተማጽነዋል።
ሌላኛው ቃላቸውን ለቲክቫህ ኢትዮጵያ የሰጡ አካል በበኩላቸው፣ “ ሹፌሩንና ረዳቱን ደበደቡ። የኤሌክትሪክ ፓል ጋ ሹፌሩን አሰሩ። ከዚያ መኪናውን ይዘው ሄዱ። እስከዛሬ ፋይዳ የለም ” ሲሉ አረጋግጠዋል።
ተፈፀመ የተባለውን ድርጊት አስመልክቶ ምላሽ እንዲሰጥ ከቲክቫህ ኢትዮጵያ ጥያቄ የቀረበለት ጣና የከባድ መኪና አሽከርካሪዎች ማኀበር ቡኩሉ ፣ 70 ኩንታል ዱቄት ጭኖ የነበረው ተሽከርካሪ በሻሸመኔ ቢሻን ጉራቻ (ጥቁር ውሃ) መግቢያ ላይ እንዲቆም ተደርጎ እንደተወሰደ፣ ሰዎቹ ተደብደብዋል መባሉም እውነት ነው እንደሆነ ገልጿል።
አንድ የማኀበሩ ኃላፊ ፤ ሌላም እዚህም ኃይሌ ጋርመንት አካባቢ ከድሬዳዋ ዘይት ጭኖ የቆመ መኪና ሰሞኑን ጠፍቶ እንደነበር፣ መጨረሻም ጭነቱ ተራግፎ ቆሞ እንደተገኘ አስታውሰው፣ " ትክክል ነው የሻሸመኔውም። እንዲህ አይነት ወንጀሎች ከዕለት ዕለት እየጨመሩ ነው " ብለዋል።
" ምክያቱም በአሽከርካሪዎችና በተሽከርካሪዎች ላይ የሚደርስን ወንጀል በወንጀልነት ቆጥሮ በጸጥታ አካል አድኖ የመያዝ ሂደት አናሳ ሆኗል። አይደለም እቃውን የሰውን ሕይወት መጥፋትም በተለይ በመንግሥት ሚዲያዎች ሲዘገብ አናይም " ሲሉ አክለዋል።
" እገታና ዝርፊያ በጣም ተበራክቷል። " ያሉት እኚህ ኃላፊ " ሜዳ ላይ አስቁመው ደብድበው የሚፈልጉትን ይዘው ነው የሚሄዱት " ሲሉ የሁኔታውን አስከፊነት አስረድተዋል።
ቲክቫህ ኢትዮጵያ ለጉዳዩ ምላሽ ለማግኘት ወደ ሻሸመኔ ከተማ ፓሊስ ያደረገው ሙከራ ለጊዜው አልተሳካም። #TikvahFamilyAddisAbaba
@tikvahethiopia
#Update
• " በአማራ ክልል ውስጥ የተያዙት ልጆቻችን እንጀራ ፍለጋ የወጡ እንጅ ሌላ ተለእኮ እንደሌላቸዉ እኛ ምስክሮች ነን " - የጋርዱላ ዞን የሀይማኖት አባቶች
• " ወጣቶቹን መልምሎ የወሰደዉ የግል ድርጅት መሆኑ የወጣቶችን ለስራ መሰማራት ያሳያል " - የጋረዱላ ዞን አስተዳደር
ከሰሞኑ ለስራ ጉዳይ ወደታላቁ የህዳሴ ግድብ በመሄድ ላይ ሳሉ በፋኖ ተያዙ ስለተባሉ ወጣቶችን በተመለከተ ከቲክቫህ ኢትዮጵያ ጋር ቆይታ ያደረጉት የጋርዱላ ዞን ዋና አስተዳዳሪ አቶ ብርሀኑ ኩናሎ ፤ ከዞናቸዉ ለስራ ሄደዉ የተያዙ ወጣቶች እጅግ አሳሳቢ እንደሆነባቸዉና ከሀገር ሽማግሌ እስከ ሀይማኖት አባትና የመንግስት አካላት ወጣቶቹን ለማስለቀቅ ከፍተኛ እርብርብ እያደረጉ መሆኑን ገልጸዋል።
አቶ ብርሀኑ ፤ ወጣቶቹ ከደራሼ አሌና አካባቢዉ በባለሀብት በኩል ተመዝግበዉ እንጀራ ፍለጋ መሄዳቸውን በመግለጽ " ይህ ደግሞ ንጽህናቸዉን ይገልጻል " ብለዋል።
አሁን ላይ ጉዳዩን ውጤታማ ለማድረግ ከቀይ መስቀል ጋርም ስራ እየተሰራ ሲሆን የደቡብ ኢትዮጵያ ክልል ፣ የአማራ ክልልና የፌደራል መንግስቱም እየጣሩ መሆኑን ለቲክቫህ ኢትዮጵያ አስረድተዋል።
በሌላ በኩል ፤ የጋርዱላ ዞን ኃይማኖት ተቋማት ጉባኤ ሰብሳቢ ቀሲስ መምሬ ተክሌ ደስይበለዉ ለቲክቫህ ኢትዮጵያ በሰጡት ቃል ፤ " እነዚህ ወጣቶች ምስኪን እነጀራ ፈላጊ እንጅ የፖለቲካ ተልእኮ የላቸዉም " ብለዋል።
" አሁን ላይ የታጋቾቹ ቤተሰቦች ከአማራ ክልል ጋር ተነጋግራችሁ ልጆቻችን አስመልሱ " በማለት እየጠየቁን ነው የሚሉት ቀሲስ መምሬ ተክሌ ፤ " የልጆቹን ንጽህና ተረድተዉ የያዟቸዉ አካላት ይለቁልን ዘንድ እንጠይቃለን " ብለዋል።
ወደ ህዳሴው ግድብ ለስራ ሲሄዱ ተያዙ ከተባሉ ወጣቶች ጋር በተያያዘ ከቀናት በፊት ለቪኦኤ ሬድዮ ቃላቸውን የሰጡት የሰጡት ' የአማራ ፋኖ የጎጃም ቃል አቀባይ ነኝ ' ያሉት ፋኖ ማርሸት ፀሀዩ ፦ " ልጆቹ አውቀውም ይሁን ተጭበርብረው ጎጃም ውስጥ ወደሚገኘው የብርሸለቆ ወታደራዊ ማሰልጠኛ ሲወሰዱ እንዳገኟቸው፤ ሲመሯቸው የነበሩትም ወታደሮች እንደነበሩ ከራሳቸው ከተገኘው መታወቂያቸው ማረጋገጣቸውን ነገር ግን በቀጣይ ከ72 እስከ 100 ሰዓታት ውስጥ ለቀይ መስቀል ለማስረከብ እየተዘጋጁ እንደሆነ " አሳውቀው ነበር።
ምንም እንኳን ይህ ከተባለ ቀናት ቢያልፉም የወጣቶቹ ጉዳይ ከምን እንደደረሰ የሚታወቅ ነገር የለም።
መረጃው በሀዋሳው የቲክቫህ ኢትዮጵያ ቤተሰብ አባል ተዘጋጅቶ የተላከ ነው።
@tikvahethiopia
መተግበሪያዎን ሲቢኢ ብር ላይ ያስቀምጡ
በቀላሉ በርካታ ደንበኞች ዘንድ ይድረሱ!
#CBE #cbebirr #apps #digitalbanking
*************
የሲቢኢ ብር መተግበሪያ ማስፈንጠሪያ፡
• ለአንድሮይድ ስልኮች፡ https://play.google.com/store/apps/details?id=prod.cbe.birr
• ለአፕል ስልኮች፡ https://apps.apple.com/us/app/cbebirr/id1600841787
#ትግራይ
የትግራይ የማህበረሰብ ተወካዮች ከጠ/ሚ ዶ/ር ዐቢይ አህመድ ጋር በመከሩበት ወቅት የትግራይ የንግድ ማህበረሰብ አባላት ከጦርነት በፊት ለንግድና ኢንቨስትመንት ማስፋፍያ የወሰዱት የብድር ወለድ ፣ የወለድ ወለድና ቅጣት እንዲነሳ የሚል ጥያቄ ማንሳታቸው ይታወሳል።
ከዚህ ጉዳይ ጋር በተያያዘ ምን የተደረሰ ውሳኔ አለ ? ሲል የቲክቫህ ኢትዮጵያ የመቐለ ቤተሰብ አባል ፤ የትግራይ የንግድ ማህበረሰብ ከፍተኛ አመራሮችን አነጋግሯል።
አመራሮቹ፤ ጠቅላይ ሚንስትሩ በሰጡት ትእዛዝ እና ባስቀመጡት አቅጣጫ መሰረት ከጦርነቱ በፊት የተወሰደው የብድር ወለድ ፣ የወለድ ወለድና ቅጣት በሚመለከት አጥንቶ በ10 ቀናት ውስጥ የውሳኔ ሃሳብ የሚያቀርብ አገር አቀፍ ኮሚቴ ተቋቁሞዋል ብለዋል።
ጠ/ሚ ዶ/ር ዐቢይ አህመድ በሰጡት ትእዛዝና ባስቀመጡት አቅጣጫ መሰረት ፤ በጠቅላይ ሚንስትሩ የኢኮኖሚ አማካሪ አቶ ግርማ ብሩ የሚመራ ፦
- የመከላከያ ሚንስትሩ ዶክተር አብራሃም በላይ
- የትግራይ ጊዚያዊ አስተዳደር ፕረዚደንት አቶ ጌታቸው ረዳ
- የብሄራዊ ባንክ ገዥ አቶ ማሞ ምህረቱ
- የገንዘብ ሚኒስትር ዴኤታ ዶ/ር ኢዮብ ተካልኝ
- የጠቅላይ ሚንስትሩ የኢኮኖሚ አማካሪ አቶ ተክልወለድ አጥናፉ
- የትግራይ የማህበረሰብ ንግድ ከፍተኛ አመራሮች በአባልነት ያካተተ አገር አቀፍ ኮሚቴ ተቋቁሞ በመስራት ላይ ይገኛል ሲሉ ገልጸዋል።
አገር አቀፍ ኮሚቴው ፦
➡ ከጦርነቱ በፊት የተወሰደው በድር ምን ያህል እንደሆነ ?
➡ የብድሩ ወለድ የወለድ ወለድና ቅጣት ስንት እንደሆነ ? አጥንቶ ያቀርባል ያሉት የትግራይ የንግድ ማህበረሰብ ከፍተኛ አመራሮች ፤ በጦርነቱ የወደመ የንግድና የኢንቨስትመንት የገንዘብ መጠን ሳይጨምር የወለድ ፣ የወለድ ወለድና ቅጣት ብቻ እስከ 60 ቢሊዮን ብር እንዲሰረዝ በጥናት ያቀርባል ብለዋል።
ከፕሪቶሪያ የሰላም ስምምነት ማግስት ለብሄራዊ ባንክና ገንዘብ ሚንስቴር ጨምሮ ጥያቄው ለሚመለከታቸው ከፍተኛ የፌደራል የሚንስቴር መ/ቤቶች በተደጋጋሚ መቅረቡም አስታውሰው ጠቅላይ ሚንስትሩ በሰጡት ትእዛዝና ባስቀመጡት አቅጣጫ ጥናቱ አስከ መጋቢት 20/2016 ዓ.ም ተጠናቅቆ ቀርቦ እንደ ጡረታው የመጨረሻ ውሳኔ ያገኛል ብለው እንደሚጠብቁ ተናግረዋል።
መረጃው የመቐለ የቲክቫህ ኢትዮጵያ ቤተሰብ አባል ነው።
@tikvahethiopia
#ሴጅ_ማሰልጠኛ
ማክሰኞ መጋቢት 17 2016 ዓ.ም 9ኛ ዙር ሙሉ የሒሳብ መዝገብ አያያዝ (Modern Accountancy and Auditing) ስልጠና ይጀምራል።
👉 100% በተግባር የተደገፈ ስልጠና
👉 መሠረታዊ አካውንቲንግ እና ኦዲት አሰራር፣ ሙሉ የአካውንቲንግ ሒሳብ አሰራር በፒስቺሪ ተደግፎ እና የግብር አያያዝ ትምህርቶችን አካቶ የሚሰጥ
👉 የሥራ ላይ ስልጠና (Internship) የተመቻቸለት
ስልክ ፦ 0906777799 / 0906777755
አድራሻ፦ ፒያሣ ቸርችል ጎዳና ኤልያና ሆቴል 2ኛ ፎቅ
Telegram: /channel/sagetraininginstitute
Facebook: https://www.facebook.com/sagetraininginstitute
Instagram: https://www.instagram.com/sage_training_institute/
#ለጥንቃቄ⚠️
" ከኢትዮጵያ ንግድ ባንክ ዋናው መስሪያ ቤት ነው " እየተባለ ወደ ተለያዩ የባንኩ ደንበኞች ስልክ እየተደወለ የግል መረጃ መውሰድና የኦንላይን ዝርፊያ እየተሞከረ ይገኛል።
ቀደም ብሎ አንድ #አጭበርባሪ ግለሰብ (ጾታ - ወንድ) ሳያውቀው ለባንክ ሰራተኛ ደውሎ ያጋጠመውን ክስተት አጋርተናል።
የዜጎችን ሀቅና ገንዘብ አታለው ለመዝረፍ ስልክ ከሚደውሉት መካከል #ሴቶችም ስለሚገኙበት ጥንቃቄ አድርጉ።
ከላይ ባለው የድምፅ ቅጂ የምትሰሟት አጭበርባሪ ግለሰብ (ጾታ-ሴት) ከንግድ ባንክ ዋና መ/ቤት እንደደወለች በማስመሰል ፦ ደንበኞች የሞባይል ባንኪንግ ሲጠቀሙ ኔትዎርኩ please try again ፣ connection problem ፣ error ፣ service not available " የሚል ችግር እየገጠማቸው እንደሆነ ትገልጸለች።
በዚህ ምክንያት ባንኩ ከብዙ ደንበኞቹ ቅሬታ በመምጣቱ ፤ " ችግሩን በዋናው የንግድ ባንክ መ/ ቤት #ሲስተም ላይ ለማስተከል ነው " በማለት የደንበኛውን የግል መረጃዎች በመቀበልና በማታለል ዝርፊያ ለመፈፀም ሞክራለች።
አሁን ላይ እንዲህ ያሉት አጭበርባሪዎች ተበራክተዋል ተጠንቀቁ።
ለማንኛውም #የማታውቁት ስልክ የባንክ መረጃችሁን እንዳትሰጡ።
@tikvahethiopia
#ወንጂ
" ከመቆጨት ከማዘን፣ ከመቃጠል በስተቀር ምንም ማድረግ አይቻልም " - የሟች ቤተሰብ
ለስራ በወጡበት በታጣቂዎች ታግተው ከቆዩ በኃላ በአሰቃቂ ሁኔታ ተገድለው ስለተገኙት 5ቱ የወንጂ ስኳር ፋብሪካ ሰራተኞች ቤተሰቦቻቸው ምን አሉ ?
ለደህንነቴ ስለምሰጋ ስሜ አጠቀስ ያሉ የሟች ቤተሰብ አባል ፦
" 6 ሰዎች ነበሩ ፤ ለስራ በሄዱበት ነው የታገቱ። ምንድነው ሲባል ገንዘብ ነው የሚፈልጉት ፤ መጀመሪያ በሰው 600 ሺህ ብር አሉ ከዛ ደግሞ 300 ሺህ ብር አሉ።
የተጠየቀውን ገንዘብ መ/ቤቱ እንደ ህግ አይፈቅድም ብሎ ህዝብ፣ ሠራተኛው በሙሉ ማሰባሰብ መሯራጥ ጀመረ፤ እነሱን ለማትረፍ።
በዛ መሃል ከቤተሰብም ከምንም ገንዘቡ ተሰባስቦ ከእነሱ ጋር ግንኙነት አድርገን ገንዘብ ሰጥተን ለማስለቀቅ ሲባል ይሄ ወንጀል ነው ተብሎ የቤተሰብ አካል ሁሉ እንዲያዝ ተደርጎ ግንኙነቶቹም እንዲቆሙ ተደረገ።
ከዛ ፌዴራል እነሱን እናስለቅቃለን በሚል ገብቶ ግጥሚያ ገጥሞ ወንድሞቻችን በዚያ ምክንያት ህይወታችን አለፈ።
ምንም ማድረግ አይቻልም ከመቆጨት ከማዘን፣ ከመቃጠል በስተቀር። ስድስት ነበሩ አምስቱን ገደሏቸው። አንዱ አምልጧል ተብሏል አንዴ ሞቷል ይባለል ጭራሽ ሌላ ሰቀቀን ነው ለቤተሰብ ያ ሰውየ በህይወት ይኑር አይኑር አይታወቅም። "
ሌላ አንድ የቤተሰብ አባል ፦
" እስከ ማክሰኞ ዕለት የሚፈልጉትን ብሩን ሰብስበን ፤ በአንድ ሰው 300 ሺህ ብር ነው የተስማማነው ፤ ለእሮብ ጥዋት ብሩን እንድንሰጥና ቤተሰቦቻችንን እንድንወስድ ተነጋገርን።
ከዛ ብሩ ተሰብሰቦ ከ1.1 ሚሊዮን ብር በላይ የሚሆን በካሽ እየቆጠርን እያለ መጡ ፖሊስ አባላት ከነብራችን ያዙን ከዛ " ብር መያዝ ብር መሰብሰብ እንደ ወንጀል እንደሚቆጠር አታውቁም ወይ ? " ብለው ፖሊስ ጣቢያ ወስደው አሰሩን። የተገረፈም አለ፣ ከየቤቱ አንድም ሁለትም ሰው ታሰረ ብቻ በጅምላ ነገሮችን እንደዛ አደረጉ፤ ወንጀለኛን በመርዳት በመደገፍ በሚል።
አጋቾች ሀሙስ ይሄ ነገር እንደ ሰሙ ብሩም እንደተያዘና ከዚህ መረጃ ተነግሯቸዋል (ብሩ ቀጥታ ፖሊስ ጣቢያ ነው ቀጥታ ተይዞ የገባው ከቤተሰቦቻችን ጋር) ፤ አጋቾቹ ያገቷቸውን ቤተሰቦቻችንን ከተነጋገርንበት ቦታ አንስተው ወደ ሌላ ቦታ ወስደው ህይወት እንዳጠፉ ተነገረን።
5ቱ ሰዎች ናቸው የተገደሉት። እጅግ በጣም አዘንን በቀል የእግዚአብሔር ነው ብለን ሁሉንም ነገር ትተናል።
6 እና 7 ቀን ከ60 ኪ/ሜ በላይ በእግር አስጉዘዋቸዋል። በየጫካው አሳድረዋቸዋል። ይህን በየአካባቢ ያሉ ሰዎች ነግረውናል። በጣም አዝነናል፤ ሞት አንድ ነው ግን እንዴት እንደዚህ አንድ ሞትን ለምኖ እስኪሞት ድረስ የተለመኑትን ሞት እንኳን ሳይሰጧቸው ተሰቃይተው ነው ቤተሰቦቻችን የሞቱት፤ ባሉበት በስብሰው።
መሳሪያ ብቻ አይደለም ያገኛቸው #በስለትም እንደተቆረጡ ሆስፒታል ሄደን አይተናል። በጣም አዝነናል። "
➡ 6ቱ የስኳር ፋብሪካ ሰራተኞች የካቲት 29 ነበር በአንድ ተሽከርካሪ ሆነው ለስራ ወደ ፋብሪካው የሸንኮራ ማሳ በማቅናት ላይ እያሉ የታገቱ። ከፍተኛ ገቢ አላቸው ተብለው የተገመቱት ሲታገቱ ሌሎች ተለቀዋል። ከ6ቱ አምስቱ ተገድለዋል።
➡ 4ቱ ፋብሪካውን ለረጅም አመታት ያገለገሉ አንጋፋ ሰራተኞች ናቸው አንዱ ገና ወጣት ነው። ሁሉም ቤተሰብ አስተዳዳሪዎች ነበሩ።
ቲክቫህ ኢትዮጵያ የሟች ቤተሰቦችን ቃል ያዳመጠው ለቪኦኤ ሬድዮ ጣቢያ / ጋዜጠኛ ኬኔዲ አባተ ከሰጡት ቃለምልልስ ነው።
@tikvahethiopia
ይጋብዙ፤ ይሸለሙ!
ቴሌብር ሱፐርአፕ መተግበሪያ ላይ “ይጋብዙ ይሸለሙ” የሚለውን አማራጭ በመጠቀም በአጭር መልዕክት ወይም በማኅበራዊ ሚዲያ መተግበሪያውን ያጋሩ፤ ወዳጆችዎ ግብይት ሲጀምሩ እርስዎ የ10 ብር ስጦታ ያገኛሉ፡፡
የቴሌብር ሱፐርአፕ መተግበሪያ በስልክዎ ከሌለ ከ http://onelink.to/fpgu4m ያውርዱ
ቴሌብር - ቀላል፣ ፈጣን፣ ምቹ እና አስተማማኝ!
#Ethiotelecom #telebirr #RealizingDigitalEthiopia